Zaburi

10 Kubera iki ga Yehova uguma uhagaze kure cane+?

Kubera iki uguma winyegeje mu bihe vy’amarushwa+?

 2 Mu bwibone bwiwe umubisha akurikirana umurushwa, yarakaye+;

Bafatwa n’ivyiyumviro biyumviriye+.

 3 Kuko umubisha yishemeje ku cipfuzo c’ubwikunzi c’umutima wiwe+,

N’uwuronka inyungu y’umwina+ yihezagiye;

נ [Nuni]

Yagaye Yehova+.

 4 Umubisha mu kwidundarika kwiwe ntarondera+;

Ivyiyumviro vyiwe vyose ni: “Nta Mana iriho+.”

 5 Inzira ziwe ziguma zitunganirwa igihe cose+.

Ingingo zawe z’ubutungane* zirahanitse, ntazishikira+;

Nayo abamwanka bose, abahemerako+.

 6 Yavuze mu mutima wiwe ngo: “Sinzonyiganyizwa+;

Uko iyaruka rikurikira irindi, ivyago nzobaza+.”

 7 Akanwa kiwe kuzuye indahiro n’ubuhendanyi n’agahahazo+.

Munsi y’ururimi rwiwe hari icago n’ibintu bibabaza+.

 8 Yicara mu kibundo co mu mihana irundanye;

Azokwica intungane avuye ahantu hihishije+.

ע [ʽAyini]

Amaso yiwe aguma areretse umuntu yigorewe+.

 9 Aguma abunze ahantu hihishije nk’intambwe mu kibundo cayo+.

Aguma abunze+ ngo agire umurushwa atwara ku nguvu.

Atwara nya murushwa ku nguvu igihe akweze urusenga rwiwe rukiyugara+.

10 Arafyonyorwa, akunama,

Ingabo z’abajonjogoye zikabwirizwa kugwa mu vyara vyiwe bikomeye+.

11 Yavuze mu mutima wiwe+ ngo: “Imana yibagiye+.

Yahishije mu maso hayo+.

Emwe, ntizokwigera ibibona+.”

12 Haguruka+, Yehova we! Ewe Mana, duza ukuboko kwawe+.

Ntiwibagire abarushwa+.

13 Kubera iki umubisha yagaye Imana+?

Yavuze mu mutima wiwe ngo: “Ntuzogira ico ubaza+.”

14 Kuko ubwawe wabonye ivyago n’umwikomo.

Uguma witegereza ngo ubizane bije mu kuboko kwawe+.

Umuntu yigorewe+, mbere impfuvyi*, ni wewe yiragiza.

Ni wewe wacitse umufasha wiwe+.

15 Vuna ukuboko kw’umubisha, kw’umubi+.

Nurondere ububisha bwiwe gushika aho utaba ukibubona+.

16 Yehova ni Umwami gushika igihe kitagira urugero, mbere ibihe bidahera+.

Amahanga yayogeye mw’isi yiwe+.

17 Icipfuzo c’abatekereza ntuzobura kucumva+, Yehova we!

Uzotegura umutima wabo+.

Uzokwumviriza n’ugutwi kwawe+,

18 Kugira ucire urubanza impfuvyi be n’uwajanjaguwe+,

Ngo umuntu buntu kandi wo kw’isi ntiyongere kugira uwo ajugumiza+.