Zaburi

146 Msifuni Yah!+

Msifu Yehova, Ee nafsi yangu.+

 2 Nitamsifu Yehova muda wote wa maisha yangu.+

Nitampigia Mungu wangu muziki maadamu nipo.+

 3 Msiweke tegemeo lenu katika watu wenye vyeo,+

Wala katika mtu wa udongo, ambaye hana wokovu wowote.+

 4 Roho yake hutoka,+ naye hurudi kwenye udongo wake;+

Siku hiyo mawazo yake hupotea.+

 5 Mwenye furaha ni yule ambaye Mungu wa Yakobo ni msaada wake,+

Ambaye tumaini lake liko katika Yehova Mungu wake,+

 6 Mtengenezaji wa mbingu na dunia,+

Wa bahari, na vyote vilivyomo,+

Yeye anayedumisha ukweli mpaka wakati usio na kipimo,+

 7 Yeye anayetekeleza hukumu kwa ajili ya waliopunjwa,+

Yeye anayewapa wenye njaa mkate.+

Yehova anawafungua wale waliofungwa.+

 8 Yehova anafungua macho ya vipofu;+

Yehova anawainua wale walioinama chini;+

Yehova anawapenda waadilifu.+

 9 Yehova anawalinda wakaaji wageni;+

Humtuliza mvulana asiye na baba na mjane,+

Lakini njia+ ya waovu yeye huipotosha.+

10 Yehova atakuwa mfalme mpaka wakati usio na kipimo,+

Mungu wako, Ee Sayuni, kwa kizazi baada ya kizazi.+

Msifuni Yah!+