Sáàmù

139 Jèhófà, o ti yẹ̀ mí wò látòkè délẹ̀, o sì mọ̀ mí.+

2 O mọ ìgbà tí mo bá jókòó àti ìgbà tí mo bá dìde.+

3 Ò ń kíyè sí* mi nígbà tí mo bá ń rìnrìn àjò àti nígbà tí mo bá dùbúlẹ̀;

Gbogbo àwọn ọ̀nà mi ò ṣàjèjì sí ọ.+

4 Kí n tó sọ̀rọ̀ jáde lẹ́nu,

Wò ó, Jèhófà, o ti mọ gbogbo ohun tí mo fẹ́ sọ.+

5 Lẹ́yìn mi àti níwájú mi, o yí mi ká;

O sì gbé ọwọ́ rẹ lé mi.

7 Ibo ni mo lè sá sí tí màá fi bọ́ lọ́wọ́ ẹ̀mí rẹ,

Ibo ni mo sì lè sá lọ kí ojú rẹ má bàa tó mi?+

8 Tí mo bá lọ sọ́run, wàá wà níbẹ̀,

Tí mo bá sì tẹ́ ibùsùn mi sínú Isà Òkú,* wò ó! wàá ti wà níbẹ̀.+

9 Tí mo bá fi ìyẹ́ apá ọ̀yẹ̀ fò lọ,

Kí n lè máa gbé létí òkun tó jìnnà jù lọ,

10 Kódà, ọwọ́ rẹ yóò darí mi níbẹ̀,

Ọwọ́ ọ̀tún rẹ yóò sì dì mí mú.+

12 Kódà, òkùnkùn náà kò ní ṣú jù fún ọ,

Ṣe ni òru yóò mọ́lẹ̀ bí ọ̀sán;+

Ìkan náà ni òkùnkùn àti ìmọ́lẹ̀ lójú rẹ.+

13 Ìwọ lo ṣe àwọn kíndìnrín mi;

O yà mí sọ́tọ̀* ní inú ìyá mi.+

Àgbàyanu ni àwọn iṣẹ́ rẹ,+

Mo* mọ èyí dáadáa.

15 Àwọn egungun mi ò pa mọ́ fún ọ

Nígbà tí o ṣẹ̀dá mi ní ìkọ̀kọ̀,

Nígbà tí o hun mí ní ìsàlẹ̀ ayé.+

16 Kódà, ojú rẹ rí mi nígbà tí mo ṣì wà nínú ikùn;*

Gbogbo àwọn ẹ̀yà rẹ̀ wà lákọsílẹ̀ nínú ìwé rẹ

Ní ti àwọn ọjọ́ tí o ṣẹ̀dá wọn,

Kí ìkankan lára wọn tó wà.

Nígbà náà, àwọn oníwà ipá* yóò kúrò lọ́dọ̀ mi,

20 Àwọn tó ń sọ̀rọ̀ rẹ pẹ̀lú èrò ibi lọ́kàn;*

Àwọn ni ọ̀tá rẹ tí wọ́n ń lo orúkọ rẹ lọ́nà tí kò ní láárí.+

21 Mo kórìíra àwọn tó kórìíra rẹ, Jèhófà,+

Mi ò sì nífẹ̀ẹ́ àwọn tó ń dìtẹ̀ sí ọ.+

22 Mo kórìíra wọn gan-an;+

Wọ́n ti di ọ̀tá paraku sí mi.

24 Wò ó bóyá ìwà burúkú kankan wà nínú mi,+

Kí o sì darí mi+ sí ọ̀nà ayérayé.