Isaayyaas
65 “Warri na hin gaafanne akka na barbaaddatan nan heyyame;
Warri na hin barbaaddanne akka na argatan nan heyyame.+
Saba maqaa koo hin waammanneen, ‘Kunoo asan jira, kunoo asan jira!’ nan jedhe.+
2 Ani guyyaa guutuu gara saba didaa+ taʼetti,
Gara warra yaada mataa isaanii duukaa buʼuudhaan
Daandii sirrii hin taane irra deemanitti+ harka koo nan diriirse;
3 Isaan saba yeroo hundumaa fuula koo duratti,+
Iddoo biqiltuu keessatti aarsaa dhiheessuudhaan,+ xuubii irrattis aarsaa aarfamu dhiheessudhaan na dheekkamsiisani dha.
4 Isaan iddoowwan awwaalchaa gidduu ni taaʼu,+
Iddoowwan dhokatoo* keessas ni bulu,
Foon booyyee ni nyaatu,+
Maraqiin wantoota jibbisiisoo* taʼaniis distiiwwan isaanii keessa jira.+
5 Isaan, ‘Ani si caalaa qulqulluu waanan taʼeef,*
Achuma turi; natti hin dhihaatin’ jedhu.
Namoonni kun akkuma aara funyaan koo keessa jiruu, akkuma ibidda guyyaa guutuu bobaʼuu ti.
6 Kunoo, kun na duratti barreeffameera;
Ani calluma jedhee hin dhaabbadhu,
Kanaa mannaa, gatii isaanii isaaniif nan deebisa,+
Gatii isaanii guutummaatti* isaaniif nan deebisa,
7 Balleessaa isaaniitiif, balleessaa abbootii isaaniitiifis gatii isaanii isaaniif nan deebisa.+
Isaan gaarota irratti aarsaa aarfamu waan dhiheessaniif,
Tabbawwan irrattis waan na arrabsaniif,+
Ani jalqaba irratti isaaniif gatii isaanii guutummaatti* nan deebisa” jedha Yihowaan.
8 Yihowaan akkana jedha:
“Akkuma yeroo firii wayinii walitti tuutaʼe irratti wayinii haaraan argamu
Namni tokko, ‘Wanti gaariin muraasni* isa irra waan jiruuf, isa hin balleessinaa’ jedhutti,
Anis tajaajiltoota kootiif jedhee akkanuma nan godha,
Hunduma isaaniis hin balleessu.+
9 Ani Yaaqoob keessaa sanyii tokko,
Yihudaa keessaas isa gaarota koo dhaalu nan baasa;+
Warri ani filadhe isa ni dhaalu,
Tajaajiltoonni koos achi ni jiraatu.+
10 Saba koo warra na barbaaddataniif,
Shaaron+ iddoo hoolonni itti dheedan,
11 Isin garuu warra Yihowaa dhiistan,+
Warra gaara koo isa qulqulluu irraanfattan,+
Warra waaqa Milkii Gaariitiif maaddii qopheessitan,
Warra waaqa Hireetiif xoofoowwanitti daadhii wayinii walitti makame guuttani dha.
12 Kanaafuu, ani hiree keessan goraadeedhaan duʼuu nan godha,+
Hundi keessanis gorraʼamuuf* ni gombifamtu,+
Sababiin isaas, yeroon isin waametti deebii naaf hin kennine,
Yeroon dubbadhettis na hin dhaggeeffanne;+
Isin wanta na duratti hamaa taʼe gochuu keessan itti fuftaniittu,
Wanta na hin gammachiisnes filattaniittu.”+
13 Kanaafuu, Yihowaan Gooftaa Ol Aanaan akkana jedha:
“Kunoo, tajaajiltoonni koo ni nyaatu, isin garuu ni beeloftu.+
Kunoo, tajaajiltoonni koo ni dhugu,+ isin garuu ni dheebottu.
Kunoo, tajaajiltoonni koo ni gammadu,+ isin garuu ni qaanoftu.+
14 Kunoo, tajaajiltoonni koo gammachuu garaa isaaniitiin kan kaʼe ni ililchu,
Isin garuu garaan keessan waan gaddeef ni iyyitu,
Hafuurri keessan waan cabeef* ni gadooddu.
15 Isin maqaa isa warri ani filadhe akka abaarsaatti itti fayyadaman sana ni dhiistu,
Yihowaan Gooftaa Ol Aanaanis tokkoon tokkoon keessan ni ajjeesa,
Tajaajiltoota isaa garuu maqaa kan biraatiin ni waama;+
16 Kunis kan taʼe, nama lafa irratti eebba argachuu barbaadu kam iyyuu
Waaqni dhugaa* akka isa eebbisuuf,
Namni lafa irratti kakaa kakatu kam iyyuus,
17 Kunoo, samiiwwan haaraa fi lafa haaraa uumaan jira;+
Wantoonni duraanii hin yaadataman,
Garaa keessas hin taaʼan.+
18 Kanaafuu, wantan uumaa jirutti bara baraaf gammadaa, ililchaas.
Sababiin isaas, kunoo, Yerusaalemiin ililchuudhaaf,
Saba ishiis gammachuudhaaf uumaan jira.+
19 Ani Yerusaalemitti nan gammada, saba koottis baayʼee nan gammada;+
Kana booda sagaleen booʼichaa yookiin iyyi dhiphinaa ishii keessatti hin dhagaʼamu.”+
20 “Kana booda daaʼimni guyyoota muraasa qofa jiraatus taʼe
Maanguddoon umurii utuu hin quufin duʼu achitti hin argamu.
Namni umuriin isaa waggaa dhibba taʼee duʼu kam iyyuu akkuma ijoollummaa isaatti duʼetti ilaalama,
Namni cubbamaanis umuriin isaa waggaa dhibba yoo taʼe illee abaaramaa ni taʼa.*
21 Isaan manneen ni ijaaru, keessas ni jiraatu,+
Mukeetii wayinii ni dhaabu, firii isaaniis ni nyaatu.+
22 Mana isaan ijaaran keessa namni kan biraan hin jiraatu,
Muka wayinii isaan dhaabanis namoonni kan biroon hin nyaatan.
Sababiin isaas, umuriin saba kootii akkuma umurii mukaa ni taʼa,+
Warri ani filadhes hojii harka isaaniitti guutummaatti ni gammadu.
23 Isaan akkanumaan hin dhamaʼan,*+
Dhiphinaafis ijoollee hin godhatan,
Sababiin isaas, isaanis taʼan ijoolleen isaanii,+
Sanyii warra Yihowaan eebbise sanaa ti.+
24 Utuu isaan na hin waamin ani nan owwaadha;
Utuma isaan dubbachaa jiraniis isaan nan dhagaʼa.
25 Yeeyyiinii fi xobbaallaan hoolaa waliin ni sooratu,
Leenci akkuma qotiyyoo galabaa ni nyaata,+
Boftis biyyoo ni nyaata.
Isaan guutummaa gaara koo isa qulqulluu irratti miidhaas taʼe badiisa akkamii iyyuu hin geessisan”+ jedha Yihowaan.