О Иегова дэла тумэнди зор

1. Катар лэнас зор лэ Дэвлэстирэ служытеля, савэ жувэнас андэ библейско время?

АНДЭ Библия амэ адиносарас пала бут лэ Дэвлэстирэ служытеля, савэ терэнас бари дила. Но дажэ со май зоралэ андар лэндэ дэкала чуствовали, кай вонэ слаби. Например, о царё Давидо дэкала чуствовал, кай во зорало, сар плай, ай дэкала лэсти сас страшно (Пс. 30:7). Хоть через лэ Дэвлэско духо о Самсоно сас фартэ зорало, во полэлас, кай би лэ Иеговастирэ зорэско во ашэла слабо и авэла сар всаворэ обычни мануша (Суд. 14:5, 6; 16:17). Кадэла предани лэ Дэвлэстирэ служытеля сас зоралэ кати важ кода, кай кацавэнца лэн терэлас о Иегова.

2. Васо о апостало Павло ԥэндя, кай кала лэстэ нинай зор, тоди во ашэл зорало? (2 Коринфянам 12:9, 10).

² О апостало Павло тожэ полэлас, кай лэсти трэбуй зор лэ Иеговастар. (Проадинон 2 Коринфянам 12:9, 10.) Сар и бутэндэ андар мэндэ, лэстэ сас проблемы лэ зорэса (Гал. 4:13, 14). Дэкала лэсти сас найвушэро тэ андярэл пэс правильно (Рим. 7:18, 19). Ай сас время, кала во пэрэжывал и даралас через кода, кай на ӷанэнас, со лэса авэла дальшэ (2 Кор. 1:8, 9). Но андэ кацавэ маменторя о Иегова дэлас лэсти зор. Блаӷодаря кадэлэсти во смоӷ тэ пэрэандярэл всаворэ испытании.

3. Пэ савэ вопросоря авэна атветоря андэ кадэя статья?

³ О Иегова дэл алав, кай дэла зор и амэнди (1 Пёт. 5:10). Но пэстиря ригатар амэ трэбуй тожэ варисо тэ терас. Роздиқам примеро. Кай и машына тэ ладэл, лати трэбуй зор. Кадэва зор дэл о двиӷателё. Но если о водителё камэл варикаринг тэ ладэл, во трэбуй тэ тасавэл по ӷазо. Кадяжэ и амэнца. О Иегова дэл амэнди зор. Но кай тэ получисарас лэс, трэбуй дэсо тэ стерас. Со о Иегова амэнди дя, кай амэндэ тэ авэл зор? И со амэ тэ терас, кай тэ получисарас лэс? О атвето амэ уӷанаса, кала роздиқаса примероря тринэ лэ Иеговастирэ служытелёнэндирэ. Амэ подаса дума, сар о Иегова подритярэлас лэ пророкос лэ Ионас, лэ Иисусостиря да ла Мария и лэ Павлос. Кадяжэ амэ диқаса, сар о Иегова подритярэл пэстирэ служытелёнэн адес.

ВИАРАҚЭН ЗОР АНДЭ МОЛИТВА И ИЗУЧЕНИЯ

4. Со амэ трэбуй тэ терас, кай о Иегова тэ поможый амэнди?

⁴ Ек анда способоря, сар о Иегова поможый амэнди — када и молитва. Сар атвето пэ амарэ молитвы, о Иегова можэт тэ дэл амэнди «зор, саво май баро обычнонэстар» (2 Кор. 4:7). Кадяжэ амэ ашас зоралэ, кала адиносарас лэ Дэвлэско алав и розмышляем пала лэстэ (Пс. 86:11). Важ кода кай ла Библиятэ «исин зор» (Евр. 4:12). Кала амэ мангаспэ и адиносарас и Библия, када поможый амэнди тэ виритярас о ԥаримос, тэ на хасарас и радость или тэ стерас и ԥари задания. Диқам, сар о Иегова подритярэлас лэ Ионас.

5. Васо лэ Ионасти фартэ сас трэбуй, кай о Иегова лэс тэ подритярэл?

⁵ Лэ Ионасти сас ԥарэс. Кала о Иегова дя лэсти найвушэро задания, во унашля. Через када, кала вазгляпэ фартэ бари буря, во чуть на муля. Ай инке через лэстэ андэ опасность сас и авэр мануша по кораблё. Кала лэ Ионас шутэ андэ моря, лэс нақадя розбаро мащё и во попэля интя, каринг тэ попэрэл совсем на аштярэлас, — андэ лэ мащеско ӥло. Котэ сас тэмно и страшно. Со лэстэ сас по ди? Гиндояс во, кай ӥто лэс на ашэла? Пэрэжывал во, кай о Иегова одбанделя лэстар? Наверно, лэ Ионасти сас фартэ нэспокойно.

6. Со дя зор лэ Ионасти, кала во сас андо ӥло кай о мащё? (Иона 2:1, 2, 7).

⁶ Со придя зор лэ Ионасти, кала лэсти здэласпэ, кай во совсем екжэно? Молитва. (Проадинон Иона 2:1, 2, 7.) Хоть о Иона и на кангля лэ Дэвлэс, во сас уверено, кай о Дэл диқэл, кай во каийпэ, и обязательно атветит пэ лэстири молитва. Кадяжэ о Иона розмышлял пала книжки, савэ сас пистромэ лэ Дэвлэстирэ духоса. Васо можно кадя тэ ԥэнас? Андэ молитва, сави запистромэ андэ дуйто ӷлава андэ книжка Иона, исин бут алава и фразы анда Псалмы. (Например, сыстон Иона 2:2, 5 и Псалом 69:1; 86:7.) Сар дицол, о Иона драго ӷанэнас кадэла стихоря анда Свынти Лила. Кала во розмышлял пала лэндэ, во поля, кай о Иегова поможыя лэсти. Потом, кала о Иона рисайля пэ шуки ԥув, во сас ӷотово тэ прилэл нэви задания лэ Иеговастар (Иона 2:10—3:4).

7, 8. Со поможый еқэ ԥралэсти анда Тайванё тэ виритярэл о ԥаримос?

⁷ Лэ Ионаско примеро можэт тэ поможый амэнди, кала амэндэ исин варисаво ԥаримос. Например, о Чжими́ноb, ԥрал анда Тайванё, мучийпэ ԥарэ насвалимастар. Кадяжэ, через лэстири вера андо Иегова лэско родо фартэ найдраго лэса обжалпэ. О Чжимино виарақэл зор андэ молитва и изучения. Во росԥэнэн: «Кала пэр мандэ стидэнпэ проблемы, андо шэро ӷулен гиндоря, савэндар мэ пэрэжываю. Через лэндэ манди ԥарэс спокойно тэ изучаю». Но о Чжимино на здэлпэ. Во ԥэнэн: «Спэрва мэ мангавпэ лэ Иеговасти. Потом мэ лав наушникоря и ашунав лэ Царствостирэ диля. Ай дэкала мэ дажэ полокорэс дилабав, пока нэ успокоюсь. Тоди мэ лав тэ изучаю».

⁸ Кода, со о Чжимино уӷанэн пэ лично изучения, часто лэсти поможый. Акэ ек примеро. Кала посли ԥари операцыя во авэлас андэр пэстэ, и медсестра ԥэндя, кай лэско гемоглобино андо рат фартэ тэлэ и лэсти трэбуй тэ пэрэшон о рат. Ай и рят англа операцыя о Чжимино адинояс пала ԥэй, сави пэрэандярдя кацави жэ операцыя. Вой отԥэнделя, кай лати тэ пэрэшон о рат, хоть лако гемоглобино сас инке май тэлэ. И ԥэй виличисайля. Кадэва случаё дя зор лэ Чжиминости тэ ашэлпэ предано лэ Дэвлэсти.

9. Со ту можэш тэ терэс, если через о ԥаримос тутэ нинай зор? (Диқэн кадяжэ и картинка.)

⁹ Тумэндэ бывает кадя, кай через и пэрэжывании ԥарэс тэ мангэнпэ? Или нинай зор тэ изучаете? На бистрэн, кай о Иегова полэл тумэн, сар нико авэр. Важ када, дажэ если тумари молитва авэла фартэ просто, о Иегова дэла тумэнди имено кода, со трэбуй (Эф. 3:20). Если через и физическо или эмоцыонально дук тумэнди ԥарэс тэ адинон и тэ изучаете, попробуйте тэ ашунэн и аудиозаписи андэ Библия или андэ амарэ публикацыи. Кадяжэ можно тэ ашунэн варисави дили или тэ диқэн видео по сайто jw.org. Если тумэ мангэнпэ лэ Иеговасти, ай потом лэн зор анда духовно хамос, саво дэл лэстири арӷанизацыя, тоди кадя во сможэт тэ подритярэл тумэн.

ТУМАРЭ ԤРАЛА И ԤЭЯ МОӶУТ ТЭ ПОДРИТЯРЭН ТУМЭН

10. Сар амэн моӷут тэ подритярэн и ԥрала и ԥэя?

¹⁰ О Иегова подритярэл амэн через и ԥрала и ԥэя. Кала амэндэ исин ԥаримос или дэн ԥари задания, и друӷоря моӷут фартэ тэ подритярэн (Кол. 4:10, 11). Вонэ особено трэбуй андэ ԥари время (Прит. 17:17). Кала нинай зор, и ԥрала и ԥэя ӷотови тэ поможын пэ дила и тэ подритярэн амэн духовно. Давайте диқаса, сави подержка аврэндар получисардя и Мария, лэ Иисусостири дэй.

11. Васо ла Марияти трэбуй сас зор лэ Иеговастар?

¹¹ Ла Марияти трэбуй сас лэ Иеговаско зор. О анӷело Гавриило ԥэндя лати, кай вой заԥирэла, хоть инке на авэла миростэ. Погиндон, со латэ сас по ди, кала вой поля, сави дэ бари дила вой трэбуй тэ стерэл. Кай и Мария на сас опыто, сар тэ барярэл лэ бэятонэн, ай лати трэбуй сас тэ диқэл пала шаворо, саво ашэла Христос! Ай инке ла аштярэлас найвушэро дума латирэ тэрнэса, лэ Иосифоса. Сар тэ росԥэнэн лэсти, васо вой ԥирэл, хоть и на сас никаса? (Луки 1:26—33).

12. Кай и Мария ля зор, саво лати сас трэбуй? (Луки 1:39—45).

¹² Кай и Мария лэлас зор, саво трэбуй сас лати, кай тэ стерэл кадэя нэобычно и бари дила? Вой родэлас подержка аврэндар. Например, вой мангля лэ Гавриилос май бут тэ росԥэнэн пала латири задания (Луки 1:34). Ӥто посли када вой жыля «андо форо, саво сас андэ плая андэ Иудея» каринг пэстири родичка Елизавета. Сар дэ драго, кай вой кадя стердя! И Елизавета похвалисардя ла Мария и через о свынто духо ԥэндя пророчество пала лако шаво. (Проадинон Луки 1:39—45.) И Мария ԥэндя, кай о Иегова «стердя пэстирэ вастэса удивительно дила» (Луки 1:46—51). Через о Гавриило и через и Елизавета о Иегова подритярдя ла Мария.

13. Сар еқа ԥьяти анда Боливия поможысардэ и ԥрала и ԥэя?

¹³ Сар и Мария, тумэ тожэ можэте тэ родэн подержка кай авэр лэ Дэвлэстирэ служытеля. Ла Дасуря́ти анда Боливия трэбуй сас кацави помощь. Кала латирэ дадэсти ԥэндэ, кай лэстэ найлащи дук, вой камэлас вся и время тэ заботийпэ пала лэстэ и важ када постояно сас паша лэстэ андэ больница (1 Тим. 5:4). Дэкала лати ашэлас фартэ ԥарэс. И Дасури́ ԥэнэн: «Бут разоря мэ чуствовала, кай будэр на виритярава». Мангэлас вой помощь? Спэрва най. Вой росԥэнэн: «Мэ на камлэм тэ авав ԥаримос важ и ԥрала. Мэ гиндосаравас: зачем манди варико инке, мандэ жэ исин о Иегова. Но потом мэ полэм, кай дурював аврэндар и старысавав тэ ришысарав пэстирэ проблемы екжэни» (Прит. 18:1). И Дасури ришыла тэ пистрой дэсавэ друӷонэнди и тэ росԥэнэн пала пэстири ситуацыя. Вой ԥэнэн: «На пэрэдэса алавэнца, сар ман подритярдэ мэрнэ кучутнэ ԥрала и ԥэя. Вонэ анэнас андэ больница хамос и росԥэнэнас анда Библия и стихоря, савэ ман подритярэнас. Сар када дэ драго — тэ ӷанэс, кай ту най екжэно! Ту андэ баро лэ Иеговаско ери, кай и друӷоря ӷотови тэ поможын, тэ ровэн туса и тэ боринпэ вмести до конца».

14. Васо амэ трэбуй тэ прилас помощь лэ барэдэрэ ԥралэндар?

¹⁴ О Иегова можэт тэ подритярэл амэн через и барэдэр ԥрала. Вонэ — лэско подарко. Во камэл, кай вонэ тэ дэн зор лэстирэ народости (Ис. 32:1, 2). Важ када, если тумэ пала варисо пэрэжываете, подэн дума барэдэрэ ԥралэнца андэ пэстири собрания. Ай кала вонэ камэн тэ поможын, на отԥэндён, авэн блаӷодарни важ када и прилэн кадэя помощь. Кадя о Иегова дэла тумэнди зор.

АМАРИ НАДЕЖДА МОЖЭТ ТЭ ПРИДЭЛ АМЭНДИ ЗОР

15. Сави надежда куч важ всаворэ христианоря?

¹⁵ И надежда, пала сави ԥэнэнпэ андэ Библия, придэл амэнди зор (Рим. 4:3, 18—20). Кай и христианоря исин райкани возможность тэ жувэн вечно: варико жувэла андо раё пэ ԥув, ай варико — андо небесно Царство. Через и надежда амэндэ исин зор тэ виритярас о ԥаримос, тэ росԥэнас и лащи новость и тэ терас разно дила андэ собрания (1 Фес. 1:3). Кадэя жэ надежда — и надежда пэ вечно жызня — подритярэлас лэ Павлос.

16. Васо лэ Павлости трэбуй сас зор лэ Дэвлэстар?

¹⁶ Васо лэ Павлости трэбуй сас зор лэ Дэвлэстар? Андэ пэско письмо лэ каринфянонэнди во ԥэндя пэр пэстэ, кай во, сар ӷлиняно ваза, сави вушэро тэ розмарэс. О апостало Павло ԥэндя, кай пэр лэстэ тасавэн, приследуют и кай во на ӷанэн, со тэ терэл. Дэкала во дажэ чуть на мулясас (2 Кор. 4:8—10). Кадэла алава о Павло пистросардя, кала сас андэ трито мисианерско путешэствия. Но во дажэ и на гиндояс, кай англэ лэс аштярэл инке май баро ԥаримос: пэр лэстэ авэна жэстоки нападении, аресто, во чуть на тасола и бэшэла андо баруно.

17. Со поможыяс лэ Павлости тэ пэрэандярэл о ԥаримос? (2 Коринфянам 4:16—18).

¹⁷ Кай о Павло сас зор тэ виритярэл о ԥаримос, важ кода кай во бут гиндояс пала пэстири надежда. (Проадинон 2 Коринфянам 4:16—18.) Во пистросардя лэ каринфянонэнди, кай, хоть лэстири «тила ԥурёл», во на умэкэл и вас. О апостало диқэлас англэ. Во цэнияс пэстири надежда тэ жувэл вечно по нэбо и важ латэ сас ӷотово тэ пэрэандярэл любо ԥаримос. О Павло гиндояс пала кадэя надежда, и када дэлас лэсти зор.

18. Сар и надежда придэл зор лэ Тихомирости и лэстирэ ерести?

¹⁸ Амаро ԥрал Тихомиро анда Болгария лэл зор, кала гиндой пала надежда. Дэсавэ бэрша палпалэ лэско цэкнэдэр ԥрал, о Здра́вко, попэля андэ авария и муля. О Тихомиро сас умардо бидаса. Кай тэ виритярэн вся када, вонэ вмести ла хулаяса и лэ шавэса линэ май бут тэ гиндон пала воскресения. О Тихомиро росԥэнэн: «Например, амэ дас дума пала кода, сар диқасапэ лэ Здравкоса, скати вкусно хамос важ лэстэ гитосараса, кас ақараса вмести тэ побэшас, через кода, кай во жундёла, и росԥэнаса лэсти пала послидни деса». О Тихомиро росԥэнэн, кай через и надежда вонэ на умэкэн и вас и на парашэн тэ аштярэн и время, кала о Иегова жундярэла лэстирэ ԥралэс.

19. Со можно тэ терас, кай амари надежда по лашымос англэ тэ авэл састи? (Диқэн кадяжэ и картинка.)

¹⁹ Сар амэ можэм инке май фартэ тэ патяс андэ амари надежда? Например, если тумэ надеинпэ вечно тэ жувэн пэ ԥув, адинон андэ Библия пала кода, сави жызня авэла андо раё (Ис. 25:8; 32:16—18). Прецтавляйте пэс котэ. Кас тумэ диқэн? Кас ашунэн? Со чуствуете? Кай вся инке май драго тэ прецтавите, роздиқэн и картинки андэ амари литература, пэ савэ нарисовано о раё. Диқэн и музыкальни видеоря, кацавэ сар «О раё аштярас», «Этот день очень близко!» или «Представь, кадя и авэла». Если вся и время тэ сэрас пала пэстири надежда, тоди любо проблема здэлапэ «най пэ долӷонэстэ и вушэро» (2 Кор. 4:17). О Иегова дя тумэнди кадэя надежда, кай тумэ тэ авэн зоралэ.

20. Со тумэн подритярэла, если полэн, кай тумэндэ нинай зор?

²⁰ Если тумэ чуствуете, кай тумэндэ нинай зор, на умэкэн и вас. О Иегова обязательно тумэн подритярэла (Пс. 108:13). Во ужэ позаботисайля пала кода, кай тумэ моӷли тэ лэн лэстар зор. Важ када со тэ терэн, если тумэнди трэбуй тэ стерэн найвушэро задания, тэ виритярэн о ԥаримос или тэ на хасарэн и радость? Взвинпэ каринг о Иегова андэ молитва анда вся оди и родэн лэско руковоцтво, кала проандярэн и лично изучения. На отԥэндён, кала тумэнди камэн тэ поможын и ԥрала и ԥэя. Май часто прецтавляйте пэс андо раё пэ ԥув. Тоди «о Дэл, савэстэ само баро зор, дэл[а] тумэнди саво трэбуй зор, кай тумэ тэ ашэнпэ тэ тердён и вся тэ виритярэн би холяко и радостяса» (Кол. 1:11).