Mikutano Ya Utumishi Kwa Machi
Juma Linaloanza Machi 2
Dak. 10: Matangazo ya kwenu na Matangazo yaliyoteuliwa kutoka Huduma ya Ufalme Yetu. Onyesha jinsi makala hususa katika magazeti ya karibuni yaweza kutumiwa katika kazi ya magazeti Jumamosi.
Dak. 20: “Ufunuo—Mafumbo Yafumbuliwa.” Mazungumzo ya makala kwa maswali na majibu. Kazia utoaji uwezao kutumika mahali penu wakati wa kutoa kitabu Upeo wa Ufunuo. Tia ndani maonyesho mafupi kuonyesha jinsi upinzani wa kawaida uwezavyo kushindwa. Ikiwa mwenye nyumba asema: “Sisi tuna dini yetu wenyewe,” uliza kwa busara: “Je! mmepata mazungumzo yoyote kanisani ya kitabu cha Biblia cha Ufunuo?” Ongoza mazungumzo kuelekea usomaji wa Ufunuo 1:3. Swali jingine ambalo laweza kuulizwa ni: “Maoni ya kanisa lako ni nini kuhusu kitabu cha Ufunuo?” Tafadhali taja kwamba ikiwa kitabu Upeo wa Ufunuo hakipatikani, toleo la Februari laweza kuendelezwa na kutumiwa.
Dak. 15: “Utoaji Mbalimbali Unaopata Itikio.” Mazungumzo ya mzee mwenye ujuzi na mapainia wawili au watatu na/au wahubiri. Fikiria njia mbalimbali ziwezazo kutumika katika eneo la kwenu.
Wimbo 15 na sala ya kumalizia.
Juma Linaloanza Machi 9
Dak. 10: Matangazo ya kwenu. Watie moyo wale wanaopanga kufanya upainia msaidizi katika Aprili wapate fomu ya maombi na kuirudisha mapema.
Dak. 15: “Fuatia Kupendezwa Bila Kukawia.” Mazungumzo ya maswali na majibu.
Dak. 20: “Ninaweza Kusema Nini Ili Nichochee Kupendezwa Zaidi?” Fanya maonyesho mawili au matatu yaliyotayarishwa vizuri. Baada ya kila mmoja, uliza wasikilizaji kwa nini wanahisi utoaji huo ungekuwa na matokeo katika kuendeleza kupendezwa kwa mwenye nyumba.
Wimbo 19 na sala ya kumalizia.
Juma Linaloanza Machi 16
Dak. 10: Matangazo ya kwenu. Ripoti ya hesabu. Tia ndani shukrani za Sosaiti kwa upaji. Washukuru akina ndugu kwa kufuata kanuni kwenye Kumbukumbu la Torati 16:17.
Dak. 15: “Yatangazeni Matendo ya Yehova.” Mazungumzo ya maswali na majibu. Watie moyo wote kwa uchangamshi washirikiane katika kuufanya Aprili uwe mwezi wa utendaji wa pekee.
Dak. 20: Mzee afanya mazungumzo na wahubiri watatu au wanne watakaofanya upainia msaidizi katika Aprili au waliofanya hivyo wakati uliopita. Waulize ni nini kilichowasukuma kupainia, ni mipango gani wamefanya kwa Aprili, na maono yoyote ambayo huenda walipata wakati uliopita walipokuwa wanafanya upainia msaidizi. Tangaza majina ya wale ambao kufikia sasa wamekubaliwa kuwa mapainia wasaidizi kwa Aprili. Pia hesabu sikukuu za ziada za Aprili na uonyeshe jinsi hilo linasaidia kufikia mradi huo.
Wimbo 123 na sala ya kumalizia.
Juma Linaloanza Machi 23
Dak. 15: Matangazo ya kwenu. Habari za Kitheokrasi. Kitia moyo cha kufikiria kufanya upainia msaidizi katika Aprili. Pitia mipango ya kuwaalika watu kwenye hotuba ya pekee ya Aprili 5 na kufanya utendaji ulioongezeka katika Aprili
Dak. 12: Mahitaji ya kwenu au hotuba yenye kusisimua ikitegemea habari katika makala ya Mnara wa Mlinzi la Septemba 15, 1991, “Vielezi—Ufunguo wa Kufikia Mioyo.” Dokeza vielezi vinavyoweza kufaa eneo lenu kwa kutumia utoaji mbalimbali wa sasa.
Dak. 18: Hotuba ikitegemea makala ya Mnara wa Mlinzi la Novemba 1, 1991, “Je! Unathamini Tengenezo la Yehova la Kidunia?” Jenga imani na uhakika wa kundi kwa tengenezo.
Wimbo 213 na sala ya kumalizia.
Juma Linaloanza Machi 30
Dak. 8: Matangazo ya kwenu. Wakumbushe wote kuhusu kampeni ya uandikishaji wa Mnara wa Mlinzi wakati wa Aprili na Mei. Mahali ambapo uandikishaji haupatikani, magazeti mawili na nakala ya broshua yoyote (isipokuwa broshua Shule) yaweza kutolewa.
Dak. 12: “Fanyeni Hivi kwa Ukumbusho Wangu.” Hotuba ikitolewa na mwangalizi msimamizi pamoja na ushirika wa wasikilizaji. Tia ndani habari iliyo kwenye sanduku.
Dak. 15: “Kukinza Marejeo ya Mazoea Mabaya.” Mazungumzo ya makala iliyo katika Amkeni! la Aprili 8, 1991, Kiingereza.
Dak. 10: Mambo yaliyoonwa kutokana na kutumia kitabu Upeo wa Ufunuo katika Machi au waalike wahubiri wasimulie maono mengine chanya yaliyochaguliwa kwa kadiri wakati uruhusuvyo.
Wimbo 72 na sala ya kumalizia.