Àìsáyà

51 “Ẹ fetí sí mi, ẹ̀yin tí ẹ̀ ń lépa òdodo,

Ẹ̀yin tí ẹ̀ ń wá Jèhófà.

Torí ọ̀kan ṣoṣo ni nígbà tí mo pè é,+

Mo wá bù kún un, mo sì sọ ọ́ di púpọ̀.+

Ó máa tu gbogbo àwókù rẹ̀ nínú,+

Ó máa mú kí aginjù rẹ̀ rí bí Édẹ́nì,+

Ó sì máa mú kí aṣálẹ̀ rẹ̀ tó tẹ́jú rí bí ọgbà Jèhófà.+

Ìdùnnú àti ayọ̀ máa wà níbẹ̀,

Ìdúpẹ́ àti orin tó dùn.+

 4 Ẹ gbọ́ mi, ẹ̀yin èèyàn mi,

Kí o sì fetí sí mi, orílẹ̀-èdè mi.+

Torí òfin kan máa jáde látọ̀dọ̀ mi,+

Màá sì mú kí ìdájọ́ òdodo mi fìdí múlẹ̀ bí ìmọ́lẹ̀ fún àwọn èèyàn.+

Ìgbàlà mi máa jáde lọ,+

Apá mi sì máa dá àwọn èèyàn lẹ́jọ́.+

Àwọn erékùṣù máa nírètí nínú mi,+

Wọ́n sì máa dúró de apá* mi.

 6 Ẹ gbé ojú yín sókè sí ọ̀run,

Kí ẹ sì wo ayé nísàlẹ̀.

Torí pé ọ̀run máa fẹ́ lọ bí èéfín;

Ayé máa gbó bí aṣọ,

Àwọn tó ń gbé ibẹ̀ sì máa kú bíi kòkòrò abìyẹ́ tó ń mùjẹ̀.

Àmọ́ ìgbàlà mi máa wà títí láé,+

Òdodo mi ò sì ní kùnà láéláé.*+

 7 Ẹ fetí sí mi, ẹ̀yin tó mọ òdodo,

Àwọn èèyàn tí òfin* mi wà lọ́kàn wọn.+

 8 Torí pé òólá* máa jẹ wọ́n run bí aṣọ;

Òólá tó ń jẹ aṣọ* máa jẹ wọ́n run bí irun àgùntàn.+

Àmọ́ òdodo mi máa wà títí láé,

Ìgbàlà mi sì máa wà jálẹ̀ gbogbo ìran.”+

 9 Jí! Jí! Gbé agbára wọ̀,

Ìwọ apá Jèhófà! +

Ṣebí ìwọ lo fọ́ Ráhábù*+ sí wẹ́wẹ́,

Tí o gún ẹran ńlá inú òkun ní àgúnyọ?+

Wọ́n máa kígbe ayọ̀ wá sí Síónì,+

Ayọ̀ tí kò lópin sì máa dé wọn ládé.*+

Ìdùnnú àti ayọ̀ máa jẹ́ tiwọn,

Ẹ̀dùn ọkàn àti ìbànújẹ́ sì máa fò lọ.+

Ṣé ó wá yẹ kí ẹ máa bẹ̀rù ẹni kíkú tó máa kú+

Àti ọmọ aráyé tó máa rọ bíi koríko tútù?

13 Kí ló dé tí o gbàgbé Jèhófà Aṣẹ̀dá rẹ,+

Ẹni tó na ọ̀run,+ tó sì fi ìpìlẹ̀ ayé sọlẹ̀?

Ò ń bẹ̀rù ìbínú aninilára* ṣáá láti àárọ̀ ṣúlẹ̀,

Àfi bíi pé ó láṣẹ láti pa ọ́ run.

14 Wọ́n máa tó dá ẹni tí wọ́n fi ẹ̀wọ̀n dè, tó sì tẹ̀ ba sílẹ̀;+

Kò ní kú, kò sì ní lọ sínú kòtò,

Oúnjẹ ò sì ní wọ́n ọn.

15 Àmọ́ èmi ni Jèhófà Ọlọ́run rẹ,

Ẹni tó ń ru òkun sókè, tó sì ń mú kí ìgbì rẹ̀ máa pariwo;+

Jèhófà Ọlọ́run àwọn ọmọ ogun ni orúkọ rẹ̀.+

16 Màá fi ọ̀rọ̀ mi sí ẹnu rẹ,

Màá sì fi òjìji ọwọ́ mi bò ọ́,+

Kí n lè gbé ọ̀run kalẹ̀, kí n sì fi ìpìlẹ̀ ayé sọlẹ̀,+

Kí n sì sọ fún Síónì pé, ‘Èèyàn mi ni ọ́.’+

17 Jí! Jí! Dìde, ìwọ Jerúsálẹ́mù,+

Ìwọ tí o ti mu ife ìbínú Jèhófà láti ọwọ́ rẹ̀.

O ti mu látinú aago náà;

O ti mu ife tó ń múni ta gọ̀ọ́gọ̀ọ́ gbẹ.+

18 Ìkankan nínú gbogbo ọmọ tó bí kò sí níbẹ̀ láti darí rẹ̀,

Kò sì sí ìkankan nínú gbogbo ọmọ tó tọ́ dàgbà tó di ọwọ́ rẹ̀ mú.

Wọ́n dùbúlẹ̀ sí gbogbo oríta* ojú ọ̀nà

Bí àgùntàn igbó tó wà nínú àwọ̀n.

21 Torí náà, jọ̀ọ́, fetí sí èyí,

Ìwọ obìnrin tí ìyà ń jẹ, tó sì ti yó, àmọ́ tí kì í ṣe wáìnì ló mu.

“Wò ó! Màá gba ife tó ń múni ta gọ̀ọ́gọ̀ọ́ kúrò lọ́wọ́ rẹ,+

Aago náà, ife ìbínú mi;

O ò ní mu ún mọ́ láé.+

23 Màá fi sí ọwọ́ àwọn tó ń dá ọ lóró,+

Àwọn tó sọ fún ọ* pé, ‘Tẹ̀ ba ká lè rìn lórí rẹ!’