Fakkeenya
20 Daadhiin wayinii qoostuu,+ dhugaatiin alkooliis gadhiisii nama godha;+
Namni isaaniin daandii irraa jalʼatu kam iyyuu ogeessa miti.+
2 Naasisuun* mootii akkuma gururiʼuu leencaa ti;*+
Namni aarii isaa kakaasu kam iyyuu lubbuu isaa balaadhaaf saaxila.+
3 Namni tokko falmii irraa fagaachuun isaa isaaf ulfina dha,+
Namni gowwaa taʼe hundi garuu itti seena.+
4 Namni dhibaaʼaan yeroo gannaa hin qotu,
Kanaafuu, yeroo makaraatti homaa waan hin qabaanneef ni kadhata.*+
5 Yaanni* garaa namaa keessa jiru akka bishaan gad fagoo ti,
Namni hubataan garuu achi keessaa waraabee ni baasa.
6 Namoonni hedduun jaalala amanamaa akka qaban dubbatu,
Nama amanamaa garuu eenyutu argachuu dandaʼa?
7 Namni qajeelaan amanamummaadhaan deddeebiʼa.+
Ijoolleen* isaa warri isa booda dhufan gammadoo dha.+
10 Dhagaan madaallii sirrii hin taanee fi safartuun sobaa,*
Lamaanuu Yihowaa duratti jibbisiisoo dha.+
12 Gurra dhagaʼuu fi ija argu,
Lamaan isaanii iyyuu Yihowaatu uume.+
13 Hirriba hin jaallatin, taʼuu baannaan ni hiyyoomta.+
Ija kee bani, nyaata ni quufta.+
14 Namni yeroo waa bitu, “Gaarii miti, gaarii miti!” jedha;
Erga deemee booda immoo of jaja.+
16 Namni tokko ormaaf yoo wabii taʼe uffata isaa irraa fudhadhu;+
Kana kan godhe dubartii biyya ormaatiif* yoo taʼe immoo qabsiisa irraa fudhadhu.+
17 Namni tokko nyaanni gowwoomsaadhaan argate isatti ni miʼaawa,
Sana booda garuu afaan isaa cirrachaan guutama.+
19 Namni maqaa namaa balleessu asii fi achi deemee iccitii saaxila;+
Nama hamii jaallatutti* hin michoomin.
20 Namni abbaa isaa fi haadha isaa abaaru kam iyyuu,
Yommuu dukkanaaʼutti ibsaan isaa ni dhaama.+
21 Dhaalli jalqaba irratti sassataan argame
Dhuma irratti eebba hin taʼu.+
22 “Wanta hamaa ana irratti raawwatameef hamaa nan deebisa!” hin jedhin.+
Yihowaa abdadhu,+ innis si oolcha.+
23 Dhagaan madaallii sirrii hin taane* Yihowaa duratti jibbisiisaa dha,
Madaalliin gowwoomsaanis gaarii miti.
25 Namni tokko ariifatee, “Qulqulluu dha!”+ yoo jedhe,
Sana booda immoo wanta wareege irratti yoo yaade kiyyoo isatti taʼa.+
27 Hafuurri namni baafatu ibsaa Yihowaa ti,
Keessa namichaa akka gaariitti ni qora.
28 Jaalalli amanamaanii fi amanamummaan mootii ni eegu;+
Jaalala amanamaadhaanis teessoo isaa ni tursa.+
30 Dirmammuunii fi madaan hammina ni balleessa,+
Reebichis keessa nama tokkoo ni qulqulleessa.