Fakkeenya
10 Fakkeenya Solomoon.+
Ilmi ogeessi abbaa isaa ni gammachiisa,+
Ilmi gowwaan garuu haadha isaa ni gaddisiisa.
2 Qabeenyi hamminaan argame gatii hin qabaatu,
Qajeelummaan garuu duʼa irraa nama oolcha.+
5 Ilmi hubannaa guddaa qabu waqtii bonaatti midhaan walitti qabata,
Ilmi nama qaanessu garuu, yeroo makaraatti hirriba cimaa rafa.+
6 Eebbi mataa nama qajeelaa irra jira,+
Afaan nama hamaa garuu jeequmsa dhoksee qabata.
8 Namni garaa ogeessa taʼe qabu qajeelfama* ni fudhata,+
Namni gowwummaadhaan dubbatu garuu ni dhidhiitama.+
9 Namni garaa qulqulluudhaan deddeebiʼu sodaa malee deema,+
Namni karaa isaa jalʼaa godhu garuu ni qabama.+
10 Namni hammina yaadee ija isaatiin dubbatu gadda fida,+
Namni gowwummaadhaan dubbatus ni dhidhiitama.+
12 Jibbi falmii kakaasa,
Jaalalli garuu balleessaa hundumaa ni haguuga.+
15 Qabeenyi sooressaa isaaf magaalaa dallaa dhagaa qabdu dha.
Badiisni hiyyeessotaa garuu hiyyummaa isaanii ti.+
16 Hojiin nama qajeelaa gara jireenyaatti geessa;
Oomishni nama hamaa garuu gara cubbuutti geessa.+
17 Namni adaba fudhatu daandii gara jireenyaatti geessu dha,*
Namni sirreeffama tuffatu garuu warra kaan karaa irraa jalʼisa.
19 Dubbiin yoo baayʼate, dogoggora hambisuun hin dandaʼamu,+
Namni arraba isaa toʼatu hundi garuu of eeggataa dha.+
20 Arrabni nama qajeelaa akkuma meetii hunda caalaa baʼeessa taʼee ti,+
Garaan nama hamaa garuu gatii hin qabu.
21 Afaan nama qajeelaa namoota hedduu ni soora,*+
Gowwoonni garuu hubannaa dhabuu isaaniitiin kan kaʼe ni duʼu.+
23 Nama gowwaadhaaf gocha qaanessaa irratti hirmaachuun akkuma taphaa ti,
Ogummaan garuu kan nama hubannaa qabuu ti.+
24 Namni hamaan wanti inni sodaate isa irra gaʼa;
Namoonni qajeeloon garuu hawwiin isaanii isaaniif guutama.+
26 Akkuma wanti dhangaggaaʼaan ilkaan, aarris ija dheekkamsiisu,
Dhibaaʼaanis nama isa ergate* ni dheekkamsiisa.
29 Daandiin Yihowaa nama balleessaa hin qabneef dahoo dha,+
Warra hammina hojjetaniif garuu badiisa dha.+
30 Namni qajeelaan matumaa akka kufu hin godhamu,+
Namoonni hamoon garuu lafa irra jiraachuu isaanii itti hin fufan.+
31 Afaan nama qajeelaa ogummaa ni baasa,*
Arrabni jalʼaan garuu ni cita.
32 Arrabni nama qajeelaa wanta nama gammachiisu beeka,
Afaan hamootaa garuu jalʼaa dha.