Isaayyaas
54 “Yaa dubartii dhabduu* taatee fi ijoollee deessee hin beekne nana, ililchi!+
Ilmaan dubartii abbaa manaa* qabdu sanaa caalaa,
Ilmaan* ishii dhiifamte sanaa baayʼee waan taʼaniif,+
Yaa ishii matumaa ciniinsifattee hin beekne nana,+ gammadi, ililchis”+ jedha Yihowaan.
2 “Iddoo dunkaana keetii caalaatti balʼisi.+
Huccuuwwan dunkaanaa godoo qulqulluu kee isa guddaa diriirsi.
Hin qusatin, funyoowwan dunkaanaa kee dheeressi,
Qofoowwan dunkaanaa kees cimsi.+
3 Sababiin isaas, ati karaa mirgaas taʼe karaa bitaa ni babalʼatta.
Sanyiin kee saboota ni dhaalu,
Magaalota onan keessas ni jiraatu.+
Qaanii ijoollummaa keetti si irra gaʼe ni irraanfatta,
Salphina dubartii abbaan manaa irraa duʼe taʼuu keetiin si irra gaʼes kana booda hin yaadattu.”
5 “Sababiin isaas, Uumaan kee inni Guddichi+ siif akka abbaa manaa* ti,+
Maqaan isaa Yihowaa Gooftaa Raayyaa ti,
Inni si furus+ Isa Qulqulluu kan Israaʼeli.
Inni Waaqa guutummaa lafaa jedhamee ni waamama.+
6 Sababiin isaas, Yihowaan akka haadha manaa dhiifamtee fi gadda guddaa irra buuteetti,*+
Akka haadha manaa ijoollummaatti heerumtee sana booda jibbamteetti si waameera” jedha Waaqni kee.
7 “Ani yeroo xinnoodhaaf si dhiiseera,
Taʼus, gara laafina guddaadhaan deebisee walitti sin qaba.+
8 Yeroo xinnoodhaaf dheekkamsa akka lolaa taʼeen fuula koo si jalaa dhokseera,+
Taʼus, jaalala amanamaa bara baraatiin gara laafina sitti nan argisiisa”+ jedha Yihowaan inni si furu.+
9 “Kun anaaf akkuma bara Nohi.+
Bishaan bara Noh sana booda lafa akka hin uwwisne akkuman kakadhee turetti,+
Kana booda akkan sitti hin dheekkamne yookiin akkan si hin ifanne nan kakadha.+
10 Gaaronni iddoo isaaniitii kaafamuu,
Tabbawwanis raafamuu dandaʼu,
Jaalalli koo inni amanamaan garuu si irraa hin kaafamu,+
Kakuun nagaa kootiis hin raafamu”+ jedha Yihowaan inni gara laafina sitti argisiisu.+
11 “Yaa dubartii cunqurfamtuu,+ obomboleettiidhaan asii fi achi oofamtuu fi jajjabina hin arganne nana,+
Dhagoota kee leelee* cimaadhaan nan ijaara,
12 Fiixee dallaa magaalaa keetii ruubiidhaan,*
Karrawwan kee dhagoota cululuqaniin,*
Daangaawwan kee hundumaas dhagoota gatii guddaa qabaniin nan ijaara.
14 Ati qajeelummaadhaan jabaattee ni dhaabamta.+
Hacuuccaan si irraa ni fagaata,+
Waan sitti hin dhihaanneef, homaa hin sodaattu,
Sababa itti jeeqamtus hin qabaattu.+
15 Kan si miidhu yoo jiraate,
Inni kana kan godhu ajaja kootiin miti.
Si haleeluuf kan dhufu kam iyyuu ni moʼama.”+
16 “Kunoo, ogeessa harkaa,
Isa ibidda cilee afuufu kan uume anuma;
Hojiin isaas meeshaa waraanaa qopheessuu dha.
Akka badiisa geessisuuf, nama badiisa fidu kan uumes anuma.+
17 Meeshaan waraanaa si balleessuuf tolfamu kam iyyuu milkaaʼina hin argatu,+
Arraba si yakkuuf kaʼu kam iyyuu yakkamaa ni goota.
Dhaalli tajaajiltoota Yihowaa kana dha,
Qajeelummaan isaaniis ana biraa argama” jedha Yihowaan.+