1 Ngoma

28 Maze Dawidi akoranya abaganwa+ bose ba Isirayeli, abaganwa+ b’imiryango n’abaganwa+ b’imice y’abakorera umwami, n’abakuru b’ibihumbi+ n’abakuru b’amajana+, n’abakuru b’ibintu+ vyose n’ibitungwa+ vy’umwami, n’abakuru b’abahungu biwe+ hamwe n’abakozi bo ku kirimba+ n’abagabo b’abanyenkomezi+, egome, abagabo b’intwari kandi b’abanyenkomezi, abakoraniriza i Yeruzalemu. 2 Maze Dawidi umwami arahaguruka hanyuma avuga ati:

“Nimunyumve, bene wacu kandi bantu banje. Jewe naragize icipfuzo mu mutima wanje+ co kwubakira isandugu y’isezerano rya Yehova inzu y’uburuhukiro, ngo ibe intebe y’ibirenge+ vy’Imana yacu, kandi nari naragize imyiteguro yo kwubaka+. 3 Maze Imana y’ukuri ubwayo imbwira iti: ‘Ntuzokwubakira inzu izina ryanje+, kuko uri umurwanyi kandi ukaba waravishije amaraso+.’ 4 Yehova Imana ya Isirayeli yarantoye rero mu nzu yose ya dawe+ ngo mbe umwami+ wa Isirayeli gushika igihe kitagira urugero; kuko Yuda ari we yatoye ngo abe indongozi+, kandi mu nzu ya Yuda agatora inzu ya dawe+, kandi mu bahungu ba dawe+ akaba ari jewe yashimye+ ngo angire umwami wa Isirayeli yose; 5 mu bahungu banje bose na ho (kuko abahungu Yehova yampaye ari benshi+), yatoye rero Salomo+ umuhungu wanje ngo yicare ku ntebe y’ubwami+ y’ingoma ya Yehova kugira aganze Isirayeli.

6 “Vyongeye, yambwiye ati: ‘Salomo umuhungu wawe ni we azokwubaka inzu yanje+ n’ibigo vyanje; kubera ko namutoye ngo abe umwana wanje+, nanje nzoba se+. 7 Nzoshimangira koko ingoma yiwe+ gushika igihe kitagira urugero niyiyemeza rwose gushitsa amabwirizwa yanje+ n’ingingo z’ubutungane zanje+, nk’uko biri uyu musi.’ 8 Ubu rero, mu maso ya Isirayeli yose, ari ryo shengero rya Yehova+, no mu matwi y’Imana yacu+, nimwitwararike mwongere murondere amabwirizwa yose ya Yehova Imana yanyu, kugira ngo mwigabire iki gihugu ciza+ kandi muze mukirage koko bwa ntoranwa abahungu banyu mu nyuma zanyu gushika igihe kitagira urugero.

9 “Nawe Salomo mwananje, umenye+ Imana ya so kandi uyikorere+ n’umutima ukwiye+ be n’umutima uhimbawe+; kuko Yehova asesa imitima yose+ kandi akamenya impengamiro yose y’ivyiyumviro+. Niwamurondera, azoreka umuronke+; mugabo niwamuheba+, azogushibura ibihe bidahera+. 10 Nubirabe rero, kuko Yehova ubwiwe yagutoye ngo wubake inzu kugira ngo ibe aheranda. Gira umutima rugabo, ukore+.”

11 Nuko Dawidi aha Salomo umuhungu wiwe umugero w’ubwubatsi+ w’ibaraza+, n’uw’amazu y’iryo baraza n’ivyumba vy’ubushinguro+ vyarwo n’ivyumba vyo hejuru+ vyarwo n’ivyumba vyarwo vy’imbere vyijimye n’inzu ya wa murumyo w’impongano*+; 12 egome, umugero w’ubwubatsi w’ikintu cose yari yarahishuriwe biciye ku guhumekerwa+, ku bijanye n’ibigo+ vy’inzu ya Yehova no ku bijanye n’ivyumba vy’uburiro+ vyose vyari irya n’ino, ku bijanye n’amatunga y’inzu y’Imana y’ukuri no ku bijanye n’amatunga y’ibintu vyagizwe vyeranda+; 13 amuha n’ubuyobozi ku bijanye n’imice+ y’abaherezi n’iy’Abalewi no ku bijanye n’umurimo wose w’igikorwa c’inzu ya Yehova no ku bijanye n’ibikoresho vyose vy’igikorwa c’inzu ya Yehova; 14 amubwira n’uburemere bw’inzahabu, inzahabu y’ibikoresho vyose bigenewe ibikorwa bitandukanye, n’uburemere bw’ifeza y’ibikoresho vyose vy’ifeza, ibikoresho+ vyose bigenewe ibikorwa bitandukanye; 15 n’uburemere bw’inzahabu y’ibitereko vy’amatara+ vy’inzahabu n’amatara yavyo y’inzahabu, nk’uko uburemere bw’ibitereko vy’amatara bitandukanye be n’amatara yavyo buri; ku bijanye n’ibitereko vy’amatara vy’ifeza, amubwira uburemere bw’ifeza y’igitereko c’amatara n’amatara yaco, nk’uko igikorwa c’ibitereko vy’amatara bitandukanye kiri; 16 amubwira n’uburemere bw’inzahabu igenewe imeza z’imikate igerekeranye+, ku bw’imeza zitandukanye, n’uburemere bw’ifeza igenewe imeza z’ifeza; 17 n’amakanya n’amabakure+ n’amakarabo vy’inzahabu itavanze, amubwira n’uburemere bw’inzahabu igenewe amabakure+ matomato y’inzahabu, ku bw’amabakure matomato atandukanye, amubwira n’uburemere bw’ifeza igenewe amabakure matomato y’ifeza, ku bw’amabakure matomato atandukanye; 18 n’uburemere bw’inzahabu ityoroye igenewe igicaniro c’imibavu+, amuha n’ishusho y’umukogote+, ari wo bakerubi+ b’inzahabu bo gusanza amababa bagakīngīra isandugu y’isezerano rya Yehova. 19 Nuko Dawidi avuga ati: “Yarampaye mu nyandiko+ ugutahura kwimbitse ku bijanye n’ico kintu cose, bivuye mu kuboko kwa Yehova kwari kuri jewe, egome, ugutahura kwimbitse ku bijanye n’ibikorwa vyose vy’uwo mugero w’ubwubatsi+.”

20 Dawidi abandanya kubwira Salomo umuhungu wiwe ati: “Gira umutima rugabo+ kandi ukomere, ukore. Ntutinye+ canke ngo utekerwe n’ubwoba+, kuko Yehova Imana, Imana yanje, ari kumwe nawe+. Ntazoguta+ canke ngo aguhebe, gushika umurimo wose w’igikorwa c’inzu ya Yehova urangiye. 21 Kandi ng’iyi imice y’abaherezi+ n’iy’Abalewi+ ku bw’igikorwa cose co ku nzu y’Imana y’ukuri; kandi muri ico gikorwa cose uri kumwe n’umuntu wese w’umutima ukunze+ afise ubuhanga bukenewe ku bw’igikorwa+ cose, hamwe n’abaganwa+ be n’abantu bose bazoshitsa ivyo uzovuga vyose.”