Hagayi

1 Mu mwaka ugira kabiri wa Dariyo umwami+, mu kwezi kugira gatandatu, ku musi wa mbere w’ukwo kwezi, biciye kuri Hagayi+ ijambo rya Yehova riza kuri Zerubabeli+ mwene Sheyalutiyeli+, buramatari wa Yuda+, no kuri Yosuwa+ mwene Yehozadaki+ umuherezi mukuru, riti:

2 “Ibi ni vyo Yehova nyen’ingabo*+ avuze: ‘Aba bantu bavuze bati: “Igihe ntikiragera, igihe c’uko inzu ya Yehova yubakwa+.”’”

3 Ijambo rya Yehova ribandanya kuza biciye kuri Hagayi umuhanuzi, riti: 4 “Mbega ubu ni igihe c’uko mwebwe mwibera mu mazu yanyu yometseko imbaho+ kandi iyi nzu ari umusaka+? 5 Ibi rero ni vyo Yehova nyen’ingabo avuze: ‘Nimushire umutima ku nzira zanyu+. 6 Mwabivye imbuto nyinshi, mugabo mwimbura bike+. Murarya, mugabo ntimuhaga+. Muranywa, mugabo ntimushika aho muborerwa. Murambara impuzu, mugabo nta n’umwe asusuruka; kandi uwuca ingero ayicira mw’isaho itobaguritse+.’”

7 “Ibi ni vyo Yehova nyen’ingabo avuze: ‘Nimushire umutima ku nzira zanyu+.’

8 “‘Nimuduge ku musozi, muzane imbaho+ maze mwubake iyo nzu+, kugira ngo mpimbarwe na yo+ nongere ninahazwe+,’ ni ko Yehova avuze.”

9 “‘Mwari mwiteze vyinshi, mugabo ehe habonetse bike+; mwarabizanye i muhira, nanje ndabihuha+—kubera iki+?’, ni ko Yehova nyen’ingabo avuze. ‘Kubera inzu yanje ari umusaka, namwe mukaguma mwiruka, umwe wese aronderera inzu yiwe bwite+. 10 Ni co gituma amajuru yagumije ikime cayo hejuru yanyu, n’isi ikagumya umwimbu wayo+. 11 Nagumye mpamagara uruzuba ngo ruze kw’isi, ku misozi, ku ntete, ku muvinyu mushasha+, ku mavuta, ku vyo ubutaka bwokwamye, ku muntu yakuwe mw’ivu, ku gitungwa no ku vyo amaboko acumukurira vyose+.’”

12 Nuko Zerubabeli+ mwene Sheyalutiyeli, na Yosuwa mwene Yehozadaki+ umuherezi mukuru, n’amasigarira yose y’ico gisata, bumviriza ijwi rya Yehova Imana yabo+, n’amajambo ya Hagayi+ umuhanuzi, kuko Yehova Imana yabo yari yamutumye; maze abantu batangura gutinya kubera Yehova+.

13 Hagayi intumwa+ ya Yehova yongera kubwira abantu nk’uko nyene yari yatumwe na Yehova+, ati: “‘Ndi kumwe namwe+,’ ni ko Yehova avuze.”

14 Maze Yehova akabura impwemu+ ya Zerubabeli mwene Sheyalutiyeli, buramatari wa Yuda, n’impwemu ya Yosuwa+ mwene Yehozadaki umuherezi mukuru, be n’impwemu y’amasigarira yose y’ico gisata; nuko batangura kwinjira no gukora igikorwa mu nzu ya Yehova nyen’ingabo Imana yabo+. 15 Hari ku musi ugira mirongo ibiri na kane w’ukwezi kugira gatandatu, mu mwaka ugira kabiri wa Dariyo+ umwami.

2 Mu kwezi kugira indwi+, ku musi ugira mirongo ibiri na rimwe w’ukwo kwezi, ijambo rya Yehova riza biciye kuri Hagayi+ umuhanuzi, riti: 2 “Ndakwinginze ubwire Zerubabeli+ mwene Sheyalutiyeli+, buramatari wa Yuda+, na Yosuwa+ mwene Yehozadaki+ umuherezi mukuru, n’amasigarira y’ico gisata, uti: 3 ‘Ni nde asigaye muri mwebwe yabonye iyi nzu mu buninahazwa bwayo bwa mbere+? None ubu muyibona gute? Mbega si nk’ubusa mu maso yanyu ugereranije na kera+?’

4 “‘Mugabo noneho, komera, ewe Zerubabeli,’ ni ko Yehova avuze, ‘ukomere nawe+, ewe Yosuwa mwene Yehozadaki umuherezi mukuru.’

“‘Mukomere namwe banyagihugu mwese,’ ni ko Yehova avuze, ‘hanyuma mukore+.’

“‘Kuko ndi kumwe namwe+,’ ni ko Yehova nyen’ingabo avuze. 5 ‘Mwibuke ikintu nasezeranye namwe igihe mwava mu Misiri+, n’igihe impwemu yanje+ yari ihagaze hagati muri mwebwe. Ntimutinye+.’”

6 “Kuko ibi ari vyo Yehova nyen’ingabo avuze: ‘Rindi rimwe, mu kanya gato+, ngira ntigitishe amajuru n’isi n’ikiyaga n’ubutaka bwumutse+.’

7 “‘Nzotigitisha amahanga yose, maze ibintu bihimbaye vyo mu mahanga yose bizoza ata kabuza+; nzokwuzuza iyi nzu ubuninahazwa+,’ ni ko Yehova nyen’ingabo avuze.

8 “‘Ifeza ni izanje, n’inzahabu ni izanje+,’ ni ko Yehova nyen’ingabo avuze.

9 “‘Ubuninahazwa bw’iyi nzu yo mu nyuma buzoruta ubw’iya mbere+,’ ni ko Yehova nyen’ingabo avuze.

“‘Kandi nzotanga amahoro aha hantu+,’ ni ko Yehova nyen’ingabo avuze.”

10 Ku musi ugira mirongo ibiri na kane w’ukwezi kugira icenda, mu mwaka ugira kabiri wa Dariyo, ijambo rya Yehova riza kuri Hagayi+ umuhanuzi, riti: 11 “Ibi ni vyo Yehova nyen’ingabo avuze: ‘Ndakwinginze ubaze abaherezi ku bijanye n’itegeko+, uti: 12 “Mu gihe umuntu yoba atwaye inyama nyeranda mu mpuzu* yiwe maze agakoza impuzu yiwe ku mukate canke mw’isupu canke mu muvinyu canke mu mavuta canke ku bwoko ubwo ari bwo bwose bw’ibifungurwa, mbega ico kintu coca kiba ceranda+?”’”

Nuko abaherezi bishura bati: “Oya!”

13 Hagayi yongera kuvuga ati: “Mu gihe umuntu yahumanijwe n’uwapfuye yoba akoze kuri kimwe muri ivyo, mbega coca kiba igihumanye+?”

Abaherezi na bo bishura bati: “Coca kiba igihumanye.”

14 Nuko Hagayi yishura ati: “‘Ukwo ni ko aba bantu bameze, kandi ukwo ni ko iri hanga rimeze imbere yanje+,’ ni ko Yehova avuze, ‘kandi ukwo ni ko igikorwa cose c’amaboko yabo kimeze, n’ikintu cose bashikanira ng’aho. Kirahumanye+.’

20 Nuko ijambo rya Yehova riza kuri Hagayi+ ubugira kabiri, ku musi ugira mirongo ibiri na kane w’ukwo kwezi+, riti: 21 “Bwira Zerubabeli buramatari wa Yuda+ uti: ‘Ngira ntigitishe amajuru n’isi+. 22 Kandi nzokwubika koko intebe y’ubwami nongere nzimanganye inkomezi z’ubwami bw’amahanga+; nzokwubika umukogote n’abawugenderamwo, kandi amafarasi n’abayagenderako bizogwa+, umwe wese agwishwe n’inkota ya mwene wabo+.’”

23 “‘Kuri uwo musi,’ ni ko Yehova nyen’ingabo avuze, ‘nzogutoranya, ewe Zerubabeli+ mwene Sheyalutiyeli+, umusavyi wanje,’ ni ko Yehova avuze, ‘ndakugire koko impeta y’ikidodo+, kuko ari wewe natoranije+,’ ni ko Yehova nyen’ingabo avuze+.”