Zaburi

95 Njooni tumpigie Yehova vigelegele kwa shangwe!+

Na tumpigie Mwamba wetu wa wokovu vigelegele vya ushindi.+

 2 Twendeni mbele za uso wake tukiwa na shukrani;+

Na tumpigie kelele za ushindi kwa nyimbo tamu.+

 3 Kwa maana Yehova ni Mungu mkuu+

Na Mfalme mkuu juu ya miungu mingine yote,+

 4 Yeye ambaye mkononi mwake mna vina vya ndani sana vya dunia+

Na ambaye vilele vya milima ni vyake;+

 5 Ambaye bahari, aliyoiumba yeye mwenyewe, ni yake+

Na ambaye mikono yake mwenyewe iliifanyiza nchi kavu.+

 6 Ingieni, tuabudu na kuinama;+

Na tupige magoti+ mbele za Yehova Mtengenezaji wetu.+

 7 Kwa maana yeye ni Mungu wetu, na sisi ni watu wa malisho yake na kondoo wa mkono wake.+

Leo ikiwa mtaisikiliza sauti yake,+

 8 Msiufanye moyo wenu kuwa mgumu kama huko Meriba,+

Kama katika ile siku ya Masa, nyikani,+

 9 Wakati mababu zenu waliponijaribu;+

Walinichunguza, pia waliuona utendaji wangu.+

10 Kwa miaka 40 nilichukizwa na kizazi hicho,+

Nami nikasema:

“Wao ni kikundi cha watu waliopotoka moyoni,+

Nao wenyewe hawajapata kuzijua njia zangu”;+

11 Ambao niliapa juu yao kwa hasira yangu:+

“Hawataingia katika mahali pangu pa kupumzikia.”+