Zabbuli

Mwebaze Yakuwa, kubanga mulungi;+

Okwagala kwe okutajjulukuka kwa mirembe na mirembe.+

 2 Ani ayinza okulangirira ebikolwa bya Yakuwa byonna eby’amaanyi

Oba okulangirira ebikolwa bye byonna eby’ettendo?+

 3 Balina essanyu abo abakola eby’obwenkanya,

Abo abakola ebituufu bulijjo.+

Nfaako era ndokola,

 5 Nsobole okweyagalira mu birungi by’okolera abalonde bo,

Nsobole okusanyukira awamu n’eggwanga lyo,+

Nsobole okukutendereza* nga ndi wamu n’obusika bwo.

 6 Twonoonye nga bajjajjaffe;+

Tusobezza; tukoze ebintu ebibi.+

Tebajjukira kwagala kwo okungi okutajjulukuka,

Naye baajeema nga bali ku nnyanja, ku Nnyanja Emmyufu.+

 8 Kyokka yabalokola olw’erinnya lye,+

Asobole okumanyisa amaanyi ge.+

 9 Yalagira Ennyanja Emmyufu n’ekalira;

Yabayisa ku ntobo yaayo nga balinga abayita mu ddungu.+

10 Yabalokola mu mukono gw’omulabe waabwe+

Era yabanunula mu mukono gw’oyo atabaagala.+

11 Amazzi gaabuutikira abalabe baabwe;

Tewali n’omu yawonawo.*+

12 Olwo ne bakkiririza mu kisuubizo kye;+

Ne batandika okuyimba ennyimba ezimutendereza.+

13 Naye beerabira mangu bye yakola;+

Tebaalindirira bulagirizi obuva gy’ali.

14 Baatwalirizibwa okwegomba kwabwe okubi mu lukoola;+

Baagezesa Katonda mu ddungu.+

15 Yabawa kye baasaba,

Naye n’abaleetera obulwadde obwabakenenya.+

16 Baakwatirwa Musa obuggya mu lusiisira,

Ne Alooni,+ omutukuvu wa Yakuwa.+

17 Awo ensi n’eyasama n’emira Dasani,

Era n’eziika abo abaali bakuŋŋaanye awamu ne Abiraamu.+

18 Omuliro gwabuubuukira mu kibinja kyabwe;

Ennimi z’omuliro zaayokya ababi.+

19 Baakola ennyana mu Kolebu

Era baavunnamira ekifaananyi eky’ekyuma;*+

20 Ekitiibwa kyange

Baakiwa ekifaananyi ky’ente erya omuddo.+

21 Beerabira Katonda+ Omulokozi waabwe,

Eyakola ebintu eby’amaanyi mu Misiri,+

22 Ebintu eby’ekitalo mu nsi ya Kaamu,+

N’ebintu ebyewuunyisa ku Nnyanja Emmyufu.+

23 Yali anaatera okulagira bazikirizibwe,

Naye Musa gwe yalonda n’amwegayirira

Aziyize obusungu bwe obuzikiriza.+

24 Baanyooma ensi ennungi ennyo;+

Tebakkiririza mu kisuubizo kye.+

25 Beemulugunyiza mu weema zaabwe;+

Tebaawuliriza ddoboozi lya Yakuwa.+

26 Kyeyava ayimusa omukono gwe n’alayira

Nti yandibattidde mu ddungu;+

27 Yandittidde abaana baabwe mu mawanga,

Yandibasaasaanyizza mu nsi endala.+

28 Beenyigira mu* kusinza Bbaali ow’e Pyoli+

Era ne balya ssaddaaka ezaaweebwayo eri abafu.*

29 Baamusunguwaza olw’ebikolwa byabwe,+

Ne wabalukawo ekirwadde mu bo.+

30 Naye Fenekaasi bwe yasituka n’abaako ky’akolawo,

Ekirwadde ne kikoma.+

31 Era ekyo kye yakola ne kitwalibwa okuba eky’obutuukirivu

Emirembe gyonna.+

32 Baamunyiiriza ku mazzi g’e Meriba,*

Ne baleetera Musa emitawaana.+

33 Baamusunguwaza,

N’ayogera nga tasoose kulowooza.+

34 Tebaasaanyaawo mawanga,+

Nga Yakuwa bwe yali abalagidde.+

35 Naye beetabika mu b’amawanga+

Ne bayiga empisa zaabwe.+

36 Baaweerezanga ebifaananyi byago+

Ne bibafuukira ekyambika.+

37 Baawangayo batabani baabwe

Ne bawala baabwe nga ssaddaaka eri badayimooni.+

38 Baayiwa omusaayi ogutaliiko musango,+

Omusaayi gwa batabani baabwe ne bawala baabwe

Be baawaayo nga ssaddaaka eri ebifaananyi by’omu Kanani;+

Ensi yafuuka etali nnongoofu olw’okuyiwa omusaayi.

39 Bye baakola byabafuula abatali balongoofu;

Baayenda mu by’omwoyo.+

40 Obusungu bwa Yakuwa kyebwava bubuubuukira abantu be,

Ne yeetamwa obusika bwe.

41 Yabawangayo eri amawanga,+

Abo abaali batabaagala ne babafuga.+

42 Abalabe baabwe baababonyaabonyanga,

Era baalinga wansi wa buyinza bwabwe.*

43 Emirundi mingi yabanunula,+

Naye beewaggulanga era baajeemanga,+

Baafeebezebwanga olw’ensobi zaabwe.+

44 Naye yalabanga ennaku gye baabangamu+

Era n’awulira okuwanjaga kwabwe.+

45 Ku lwabwe yajjukiranga endagaano gye yakola nabo,

Era yabakwatirwanga ekisa,* olw’okuba alina okwagala okutajjulukuka kungi.+

46 Abo bonna abaabanga babawambye+

Yabaleeteranga okubakwatirwa ekisa.

47 Ai Yakuwa Katonda waffe, tulokole,+

Era tukuŋŋaanye otuggye mu mawanga,+

Tusobole okutendereza erinnya lyo ettukuvu,

Era tukutendereze n’essanyu.*+

48 Yakuwa Katonda wa Isirayiri atenderezebwe

Emirembe n’emirembe.*+