Levitiku

1 U Ġeħova sejjaħ* lil Mosè u kellmu mit-​tinda tal-​laqgħa+ u qallu: 2 “Kellem lil ulied Israel,+ u għidilhom, ‘Jekk xi raġel minnkom jippreżenta offerta lil Ġeħova mill-​annimali domestiċi, għandkom tippreżentaw l-​offerta tagħkom mill-​imrieħel tal-​baqar u tan-​nagħaġ.

3 “‘Jekk l-​offerta tiegħu tkun offerta tal-​ħruq+ mill-​baqar, għandu jippreżenta raġel, bla difett.+ Għandu jippreżentah minn jeddu quddiem Ġeħova+ fid-​daħla tat-​tinda tal-​laqgħa. 4 U jrid iqiegħed idu fuq ras l-​offerta tal-​ħruq, u din tkunlu milqugħa+ biex issir tpattija għalih.+

5 “‘Imbagħad il-​barri ż-​żgħir irid jinqatel quddiem Ġeħova; u wlied Aron, il-​qassisin,+ jippreżentaw id-​demm u jroxxu d-​demm dawramejt fuq l-​artal,+ li qiegħed fid-​daħla tat-​tinda tal-​laqgħa. 6 U l-​offerta tal-​ħruq trid titqaxxar u tinqataʼ kull parti għaliha.+ 7 U wlied Aron, il-​qassisin, ipoġġu n-​nar fuq l-​artal+ u jirranġaw il-​ħatab fuq in-​nar.+ 8 U jirranġaw il-​bċejjeċ,+ ir-​ras, u x-​xaħam tal-​kilwa fuq il-​ħatab li qiegħed fuq in-​nar taʼ fuq l-​artal. 9 U msarnu+ u riġlejh* jinħaslu bl-​ilma; u l-​qassis jaħarqu* kollu kemm hu fuq l-​artal bħala offerta tal-​ħruq, offerta magħmula bin-​nar, b’riħa pjaċevoli* lil Ġeħova.+

10 “‘U jekk l-​offerta tiegħu għal offerta tal-​ħruq tkun mill-​merħla,+ mill-​imtaten żgħar jew mill-​mogħoż,+ għandu jippreżenta raġel, bla difett.+ 11 U dan għandu jinqatel fil-​ġenb taʼ l-​artal lejn it-​tramuntana quddiem Ġeħova, u wlied Aron, il-​qassisin, iridu jroxxu demmu dawramejt fuq l-​artal.+ 12 U hu jrid iqattgħu kull parti għaliha u rasu u x-​xaħam tal-​kilwa tiegħu, u l-​qassis irid jirranġahom fuq il-​ħatab li qiegħed fuq in-​nar taʼ fuq l-​artal.+ 13 U jaħsel l-​imsaren+ u r-​riġlejn+ bl-​ilma; u l-​qassis irid jippreżentah kollu kemm hu u jaħarqu+ fuq l-​artal. Din hi offerta tal-​ħruq, offerta magħmula bin-​nar, b’riħa pjaċevoli lil Ġeħova.+

14 “‘Madankollu, jekk l-​offerta tiegħu bħala offerta tal-​ħruq lil Ġeħova tkun mit-​tjur, irid jippreżenta l-​offerta tiegħu mill-​gamiem+ jew mill-​bċieċen.+ 15 U l-​qassis irid jippreżentaha fuq l-​artal u jaqtgħalha+ rasha u jaħraqha fuq l-​artal, imma demmha jrid jiġi mċarċar fil-​ġenb taʼ l-​artal. 16 U jneħħilha l-​ħawsla bir-​rix tagħha u jixħitha maġenb l-​artal, lejn il-​lvant, fil-​post taʼ l-​irmied bix-​xaħam* fuqu.+ 17 U jiksrilha ġwinħajha. M’għandux jaqsamha.+ Imbagħad il-​qassis irid jaħraqha fuq l-​artal fuq il-​ħatab li qiegħed fuq in-​nar. Din hi offerta tal-​ħruq,+ offerta magħmula bin-​nar, b’riħa pjaċevoli lil Ġeħova.+

2 “‘Issa jekk xi ħadd* jippreżenta offerta tal-​qmuħ+ bħala offerta lil Ġeħova, l-​offerta tiegħu għandha tkun dqiq fin;+ u jrid isawwab iż-​żejt fuqha u jqiegħed l-​inċens abjad fuqha. 2 U jġibha lil ulied Aron, il-​qassisin, u minnha l-​qassis jaqbad ponn dqiq fin u żejt flimkien maʼ l-​inċens abjad kollu; u jaħraqha bħala tfakkira+ tagħha fuq l-​artal, offerta magħmula bin-​nar, b’riħa pjaċevoli lil Ġeħova. 3 U dak li jifdal mill-​offerta tal-​qmuħ ikun t’Aron u taʼ wliedu,+ bħala xi ħaġa mill-​iktar qaddisa+ mill-​offerti magħmulin bin-​nar lil Ġeħova.

4 “‘U jekk int tippreżenta offerta tal-​qmuħ bħala offerta taʼ xi ħaġa moħmija fil-​forn, għandha tkun tad-​dqiq fin, ftajjar bla ħmira+ miblulin fiż-​żejt jew galletti bla ħmira+ midlukin biż-​żejt.+

5 “‘U jekk l-​offerta tiegħek tkun offerta tal-​qmuħ minn fuq il-​pjanċa,+ għandha tkun tad-​dqiq fin miblul fiż-​żejt, bla ħmira. 6 Għandha titqattaʼ bċejjeċ, u int trid issawwab iż-​żejt fuqha.+ Din hi offerta tal-​qmuħ.

7 “‘U jekk l-​offerta tiegħek tkun offerta tal-​qmuħ minn ġol-​kazzola biż-​żejt, għandha ssir mid-​dqiq fin biż-​żejt. 8 U din l-​offerta tal-​qmuħ trid iġġibha lil Ġeħova; u tippreżentaha lill-​qassis u dan iġibha qrib l-​artal. 9 U l-​qassis jgħolli ftit mill-​offerta tal-​qmuħ bħala tfakkira+ tagħha u jaħarqu fuq l-​artal, bħala offerta magħmula bin-​nar, b’riħa pjaċevoli, lil Ġeħova.+ 10 U dak li jifdal mill-​offerta tal-​qmuħ ikun t’Aron u taʼ wliedu, bħala xi ħaġa mill-​iktar qaddisa mill-​offerti bin-​nar lil Ġeħova.+

11 “‘Ebda offerta tal-​qmuħ li tippreżentaw lil Ġeħova m’għandu jkollha xi ħmira fiha,+ għax ma tridu taħarqu assolutament ebda għaġina mħemmra* u ebda għasel bħala offerta magħmula bin-​nar lil Ġeħova.

12 “‘Bħala offerta taʼ l-​ewwel frott,+ għandkom tippreżentawhom lil Ġeħova, u m’għandhomx jittellgħu fuq l-​artal bħala riħa pjaċevoli.

13 “‘U kull offerta mill-​offerta tal-​qmuħ tiegħek trid tħawwarha bil-​melħ;+ u l-​melħ tal-​patt+ t’Alla tiegħek tħallihx ikun nieqes minn fuq l-​offerta tal-​qmuħ tiegħek. Maʼ kull offerta li tagħmel trid tippreżenta l-​melħ.

14 “‘U jekk lil Ġeħova tippreżentalu l-​offerta tal-​qmuħ taʼ l-​ewwel frott misjur, għandek tippreżenta sbul aħdar inkaljat bin-​nar, il-​qmuħ ġodda mitħunin oħxon, bħala l-​offerta tal-​qmuħ taʼ l-​ewwel frott misjur tiegħek.+ 15 U trid tagħmel iż-​żejt fuqha u tqiegħed l-​inċens abjad fuqha. Din hi offerta tal-​qmuħ.+ 16 U l-​qassis irid jaħraq it-​tfakkira+ tagħha, jiġifieri, ftit mill-​qmuħ mitħunin oħxon u miż-​żejt tagħhom, flimkien maʼ l-​inċens abjad kollu tagħha, bħala offerta magħmula bin-​nar lil Ġeħova.

3 “‘U jekk l-​offerta tiegħu tkun sagrifiċċju taʼ sħubija,*+ jekk jippreżentaha mill-​merħla tal-​baqar, sew jekk raġel u sew jekk mara, għandu jippreżenta offerta bla difett+ quddiem Ġeħova. 2 U jrid iqiegħed idu fuq ras+ l-​offerta tiegħu, u din tinqatel fid-​daħla tat-​tinda tal-​laqgħa; u wlied Aron, il-​qassisin, iroxxu d-​demm dawramejt fuq l-​artal. 3 U hu jippreżenta ftit mis-​sagrifiċċju taʼ sħubija bħala offerta magħmula bin-​nar lil Ġeħova, jiġifieri, ix-​xaħam+ li jiksi l-​imsaren, saħansitra x-​xaħam kollu taʼ fuq l-​imsaren,+ 4 u ż-​żewġ kilwiet+ u x-​xaħam taʼ fuqhom, kif ukoll dak taʼ fuq il-​ġenbejn. U x-​xaħam taʼ mal-​fwied ineħħih flimkien mal-​kliewi. 5 U wlied Aron+ jaħarqu+ dan kollu fuq l-​artal, fuq l-​offerta tal-​ħruq li qiegħda fuq il-​ħatab+ li qiegħed fuq in-​nar, bħala offerta b’riħa pjaċevoli+ lil Ġeħova magħmula bin-​nar.

6 “‘U jekk l-​offerta tiegħu tkun mill-​merħla tan-​nagħaġ bħala sagrifiċċju taʼ sħubija lil Ġeħova, għandu jippreżenta raġel jew mara, bla difett.+ 7 Jekk jippreżenta muntun żgħir bħala l-​offerta tiegħu, allura jrid jippreżentah quddiem Ġeħova.+ 8 U jqiegħed idu fuq ras+ l-​offerta tiegħu, u din tinqatel+ quddiem it-​tinda tal-​laqgħa; u wlied Aron iroxxu demmha dawramejt fuq l-​artal. 9 U mis-​sagrifiċċju taʼ sħubija jippreżenta x-​xaħam tiegħu bħala offerta magħmula bin-​nar lil Ġeħova.+ Hu għandu jneħħi d-​denb imxaħħam+ kollu kemm hu minn ħdejn is-​sinsla, u x-​xaħam li jiksi l-​imsaren, saħansitra x-​xaħam kollu taʼ fuq l-​imsaren,+ 10 u ż-​żewġ kilwiet u x-​xaħam taʼ fuqhom, kif ukoll dak taʼ fuq il-​ġenbejn. U x-​xaħam+ taʼ mal-​fwied ineħħih flimkien mal-​kliewi. 11 U l-​qassis irid jaħraq+ dan kollu fuq l-​artal bħala ikel,+ offerta magħmula bin-​nar lil Ġeħova.

12 “‘U jekk l-​offerta tiegħu tkun mill-​mogħoż,+ allura jrid jippreżentaha quddiem Ġeħova. 13 U jqiegħed idu fuq rasha,+ u tinqatel+ quddiem it-​tinda tal-​laqgħa; u wlied Aron iroxxu demmha dawramejt fuq l-​artal. 14 U minnha hu jippreżenta bħala l-​offerta tiegħu, bħala offerta magħmula bin-​nar lil Ġeħova, ix-​xaħam li jiksi l-​imsaren, saħansitra x-​xaħam kollu taʼ fuq l-​imsaren,+ 15 u ż-​żewġ kilwiet u x-​xaħam taʼ fuqhom, kif ukoll dak taʼ fuq il-​ġenbejn. U x-​xaħam taʼ mal-​fwied ineħħih flimkien mal-​kliewi. 16 U l-​qassis irid jaħraqhom fuq l-​artal bħala ikel, offerta magħmula bin-​nar bħala riħa pjaċevoli. Ix-​xaħam kollu hu taʼ Ġeħova.+

17 “‘Dan hu statut għal żmien indefinit* għall-​ġenerazzjonijiet tagħkom, fil-​postijiet kollha fejn tgħammru intom: Ma tridu tieklu assolutament ebda xaħam jew demm.’”+

4 U Ġeħova ssokta jkellem lil Mosè u jgħidlu: 2 “Kellem lil ulied Israel, u għidilhom, ‘Jekk xi ħadd*+ jidneb bi żball*+ f’xi waħda mill-​affarijiet li Ġeħova kkmanda li m’għandhomx isiru, u fil-​fatt jagħmel waħda minnhom:

3 “‘Jekk jidneb+ il-​qassis, il-​midluk,+ u b’hekk iġib il-​ħtija fuq il-​poplu, għad-​dnub+ li jkun għamel irid jippreżenta barri żgħir bla difett lil Ġeħova bħala offerta għad-​dnub. 4 U jġib il-​barri fid-​daħla tat-​tinda tal-​laqgħa+ quddiem Ġeħova u jqiegħed idu fuq ras il-​barri,+ u joqtol il-​barri quddiem Ġeħova. 5 U l-​qassis, il-​midluk,+ jaqbad ftit mid-​demm tal-​barri u jġibu fit-​tinda tal-​laqgħa; 6 u l-​qassis ibill sebgħu+ fid-​demm u jroxx ftit mid-​demm sebaʼ darbiet+ quddiem Ġeħova, quddiem il-​purtiera tal-​post qaddis. 7 U l-​qassis ipoġġi quddiem Ġeħova ftit mid-​demm fuq il-​qrun+ taʼ l-​artal taʼ l-​inċens ifuħ, li qiegħed fit-​tinda tal-​laqgħa, u dak kollu li jibqaʼ mid-​demm tal-​barri jsawbu f’riġlejn+ l-​artal taʼ l-​offerta tal-​ħruq, li qiegħed fid-​daħla tat-​tinda tal-​laqgħa.

8 “‘Inkwantu għax-​xaħam kollu tal-​barri taʼ l-​offerta għad-​dnub, hu jneħħi minnu x-​xaħam li jiksi l-​imsaren, saħansitra x-​xaħam kollu taʼ fuq l-​imsaren,+ 9 u ż-​żewġ kilwiet u x-​xaħam taʼ fuqhom, kif ukoll dak taʼ fuq il-​ġenbejn. U x-​xaħam taʼ mal-​fwied ineħħih flimkien mal-​kliewi.+ 10 Ikun l-​istess bħal dak li jitneħħa minn barri tas-​sagrifiċċju taʼ sħubija.+ U l-​qassis jaħraqhom fuq l-​artal taʼ l-​offerta tal-​ħruq.+

11 “‘Imma inkwantu għall-​ġilda tal-​barri u l-​laħam kollu tiegħu flimkien maʼ rasu u riġlejh* u msarnu u l-​ħmieġ tiegħu,+ 12 jiġifieri, il-​barri kollu kemm hu, il-​qassis iġiegħel li jinħareġ ’il barra mill-​kamp+ f’post nadif fejn jintefaʼ l-​irmied+ bix-​xaħam fuqu, u jaħarqu fuq il-​ħatab fin-​nar.+ Għandu jiġi maħruq fejn jintefaʼ l-​irmied bix-​xaħam fuqu.

13 “‘Issa jekk il-​ġemgħa kollha taʼ Israel tagħmel żball+ u l-​kongregazzjoni ma tkunx konxja tal-​fatt li huma għamlu xi ħaġa minn dak kollu li Ġeħova jikkmanda li m’għandux isir, u b’hekk ikunu saru ħatjin,+ 14 u d-​dnub li jkunu għamlu kontra din il-​ħaġa jkun sar magħruf,+ il-​kongregazzjoni trid tippreżenta barri żgħir bħala offerta għad-​dnub u trid iġġibu quddiem it-​tinda tal-​laqgħa. 15 U x-​xjuħ tal-​ġemgħa jqiegħdu idejhom fuq ras il-​barri+ quddiem Ġeħova, u l-​barri jinqatel quddiem Ġeħova.

16 “‘Imbagħad il-​qassis, il-​midluk,+ irid iġib ftit mid-​demm tal-​barri fit-​tinda tal-​laqgħa.+ 17 U l-​qassis ibill sebgħu fi ftit mid-​demm u jroxxu sebaʼ darbiet quddiem Ġeħova, quddiem il-​purtiera.+ 18 U jpoġġi ftit mid-​demm fuq il-​qrun taʼ l-​artal+ li qiegħed quddiem Ġeħova u li qiegħed fit-​tinda tal-​laqgħa; u dak kollu li jibqaʼ mid-​demm isawbu f’riġlejn l-​artal taʼ l-​offerta tal-​ħruq,+ li qiegħed fid-​daħla tat-​tinda tal-​laqgħa. 19 U jneħħilu x-​xaħam kollu, u jaħarqu fuq l-​artal.+ 20 U lill-​barri jagħmillu bħalma għamel lill-​ewwel barri taʼ l-​offerta għad-​dnub. Hekk jagħmillu; u l-​qassis jagħmel tpattija+ għalihom, u b’hekk jinħafrilhom. 21 U hu jġiegħel li l-​barri jinħareġ ’il barra mill-​kamp u jaħarqu, bħalma ħaraq l-​ewwel barri.+ Din hi offerta għad-​dnub għall-​kongregazzjoni.+

22 “‘Meta jidneb kap ewlieni+ u jagħmel xi ħaġa mhux apposta minn dak kollu li Ġeħova Alla tiegħu jikkmanda li m’għandux isir,+ u b’hekk isir ħati, 23 jew id-​dnub li jkun għamel kontra l-​kmandament ikun ġie mgħarraf lilu,+ hu jrid iġib bħala l-​offerta tiegħu gidi,+ bla difett. 24 U jqiegħed idu fuq ras+ il-​gidi u joqtlu fil-​post fejn l-​offerta tal-​ħruq tinqatel regolarment quddiem Ġeħova.+ Din hi offerta għad-​dnub.+ 25 U l-​qassis jieħu ftit mid-​demm taʼ l-​offerta għad-​dnub b’sebgħu u jpoġġih fuq il-​qrun+ taʼ l-​artal taʼ l-​offerta tal-​ħruq, u jsawwab il-​bqija taʼ demmu f’riġlejn l-​artal taʼ l-​offerta tal-​ħruq. 26 U jaħraq ix-​xaħam kollu tiegħu fuq l-​artal bħax-​xaħam tas-​sagrifiċċju taʼ sħubija;+ u l-​qassis jagħmel tpattija għalih għal dnubu,+ u b’hekk jinħafirlu.

27 “‘U jekk xi ħadd min-​nies tal-​pajjiż jidneb mhux apposta billi jagħmel xi ħaġa minn dak li Ġeħova jikkmanda li m’għandux isir, u b’hekk isir ħati,+ 28 jew id-​dnub li jkun għamel ikun ġie mgħarraf lilu, irid iġib bħala l-​offerta tiegħu gidja,+ bla difett, għad-​dnub li jkun għamel. 29 U jqiegħed idu fuq ras+ l-​offerta għad-​dnub u joqtol l-​offerta għad-​dnub fl-​istess post fejn qatel l-​offerta tal-​ħruq.+ 30 U l-​qassis jieħu ftit minn demmha b’sebgħu u jpoġġih fuq il-​qrun+ taʼ l-​artal taʼ l-​offerta tal-​ħruq, u jsawwab dak kollu li jibqaʼ minn demmha f’riġlejn+ l-​artal. 31 U jneħħilha x-​xaħam+ kollu, bħalma tneħħa x-​xaħam minn mas-​sagrifiċċju taʼ sħubija;+ u l-​qassis jaħraqha fuq l-​artal bħala riħa pjaċevoli lil Ġeħova;+ u l-​qassis jagħmel tpattija għalih, u b’hekk jinħafirlu.+

32 “‘Imma jekk bħala offerta għad-​dnub iġib ħaruf+ bħala l-​offerta tiegħu, għandu jġib ħarufa, bla difett.+ 33 U jqiegħed idu fuq ras l-​offerta għad-​dnub u joqtolha bħala offerta għad-​dnub fil-​post fejn l-​offerta tal-​ħruq tinqatel+ regolarment. 34 U l-​qassis jieħu ftit mid-​demm taʼ l-​offerta għad-​dnub b’sebgħu u jpoġġih fuq il-​qrun taʼ l-​artal taʼ l-​offerta tal-​ħruq,+ u jsawwab dak kollu li jibqaʼ minn demmha f’riġlejn l-​artal. 35 U jneħħi x-​xaħam kollu tagħha l-​istess bħalma jitneħħa regolarment ix-​xaħam tal-​muntun żgħir tas-​sagrifiċċju taʼ sħubija, u l-​qassis jaħraqhom fuq l-​artal, fuq l-​offerti taʼ Ġeħova magħmulin bin-​nar;+ u l-​qassis jagħmel tpattija+ għalih għad-​dnub li jkun għamel, u b’hekk jinħafirlu.+

5 “‘Issa jekk xi ħadd*+ jidneb għax ikun semaʼ lil min jisħet+ fil-​pubbliku u hu jkun xhud jew ikun rah jew sar jaf bih, jekk ma jirrapportax+ dan, irid iwieġeb għall-​iżball tiegħu.

2 “‘Jew meta xi ħadd imiss xi ħaġa mhix nadifa, sew il-​ġisem mejjet taʼ bhima salvaġġa mhix nadifa, sew il-​ġisem mejjet t’annimal domestiku mhux nadif, u sew il-​ġisem mejjet taʼ ħliqa mhix nadifa minn dawk li jgħixu fi qtajjaʼ,+ għalkemm ma jkunx konxju taʼ dan,+ xorta waħda jkun mhux nadif* u jsir ħati.+ 3 Jew jekk imiss xi nuqqas taʼ ndafa taʼ xi bniedem,+ hu x’inhu n-​nuqqas taʼ ndafa tiegħu li bih jistaʼ jsir mhux nadif, għalkemm ma jkunx konxju taʼ dan, x’ħin jinduna b’dan, hu jsir ħati.

4 “‘Jew jekk xi ħadd jaħlef u jasal biex jitkellem b’xofftejh bla ma jaħsibha+ biex jagħmel id-​deni+ jew biex jagħmel il-​ġid rigward kwalunkwe ħaġa, hi x’inhi, li l-​bniedem jistaʼ jgħid bla ma jaħsibha f’ħalfa,+ għalkemm ma jkunx konxju taʼ dan, x’ħin jinduna b’dan, imbagħad hu jsir ħati taʼ waħda minn dawn l-​affarijiet.

5 “‘U jrid iseħħ li jekk isir ħati taʼ xi waħda minn dawn l-​affarijiet, irid jistqarr+ b’liema mod dineb. 6 U lil Ġeħova jrid iġiblu l-​offerta għall-​ħtija+ għad-​dnub li jkun għamel, jiġifieri, mara mill-​merħla, ħarufa jew gidja,+ bħala offerta għad-​dnub; u l-​qassis irid jagħmel tpattija għalih għal dnubu.+

7 “‘Iżda, jekk ma jkollux biex jagħti nagħġa,+ irid iġib bħala l-​offerta għall-​ħtija tiegħu għad-​dnub li jkun għamel żewġ gamimiet+ jew żewġ bċieċen lil Ġeħova, wieħed għal offerta għad-​dnub+ u wieħed għal offerta tal-​ħruq. 8 U jrid iġibhom lill-​qassis, li jippreżenta l-​ewwel wieħed bħala offerta għad-​dnub u b’difrejh jaqtagħlu+ rasu min-​naħa taʼ quddiem t’għonqu, imma m’għandux jaqtagħha barra. 9 U jroxx ftit mid-​demm taʼ l-​offerta għad-​dnub fuq il-​ġenb taʼ l-​artal, imma l-​bqija tad-​demm jiġi mċarċar f’riġlejn l-​artal.+ Din hi offerta għad-​dnub. 10 U l-​ieħor joffrih bħala offerta tal-​ħruq skond il-​proċedura regulari;+ u l-​qassis jagħmel tpattija+ għalih għad-​dnub li jkun għamel, u b’hekk jinħafirlu.+

11 “‘Issa jekk ma jkollux biex jagħti+ żewġ gamimiet jew żewġ bċieċen, irid iġib bħala l-​offerta tiegħu għad-​dnub li jkun għamel wieħed minn għaxra t’efa+ dqiq fin bħala offerta għad-​dnub. Ma jridx jagħmel żejt+ fuqha u ma jridx iqiegħed inċens abjad fuqha, għax din hi offerta għad-​dnub.+ 12 U jġibha għand il-​qassis, u l-​qassis jaqbad ponn minnha bħala tfakkira+ tagħha u jaħraqha fuq l-​artal, fuq l-​offerti taʼ Ġeħova magħmulin bin-​nar.+ Din hi offerta għad-​dnub.+ 13 U l-​qassis jagħmel tpattija+ għalih għad-​dnub li jkun għamel, kwalunkwe wieħed minn dawn id-​dnubiet, u b’hekk jinħafirlu; u ssir tal-​qassis+ l-​istess bħal offerta tal-​qmuħ.’”

14 U Ġeħova kompla jkellem lil Mosè u jgħidlu: 15 “Jekk xi ħadd ma jurix fedeltà billi fil-​fatt jidneb bi żball kontra l-​affarijiet imqaddsin taʼ Ġeħova,+ bħala l-​offerta għall-​ħtija+ tiegħu lil Ġeħova jrid iġiblu muntun bla difett mill-​merħla, skond il-​valur stmat fi xwiekel fidda,+ skond ix-​xekel tal-​post qaddis, bħala offerta għall-​ħtija. 16 U jagħti kumpens għad-​dnub li jkun għamel kontra l-​post qaddis u jżid miegħu wieħed minn ħamsa+ taʼ kemm jiswa, u jagħtih lill-​qassis, sabiex il-​qassis jagħmel tpattija+ għalih bil-​muntun taʼ l-​offerta għall-​ħtija, u b’hekk jinħafirlu.+

17 “U jekk xi ħadd jidneb għax jagħmel xi ħaġa minn dak kollu li Ġeħova jikkmanda li m’għandux isir, għalkemm ma kienx jaf,+ xorta waħda jsir ħati u jrid iwieġeb għall-​iżball tiegħu.+ 18 U lill-​qassis irid iġiblu muntun bla difett mill-​merħla skond il-​valur stmat, bħala offerta għall-​ħtija;+ u l-​qassis jagħmel tpattija+ għalih għall-​iżball li jkun għamel mhux apposta, għalkemm hu nnifsu ma kienx jaf, u b’hekk jinħafirlu.+ 19 Din hi offerta għall-​ħtija. Hu żgur li jsir ħati+ kontra Ġeħova.”

6 U Ġeħova ssokta jkellem lil Mosè u jgħidlu: 2 “Jekk xi ħadd* jidneb billi ma jurix fedeltà lejn Ġeħova+ u jqarraq+ b’sieħbu dwar xi ħaġa merfugħa għandu jew xi flus fdati f’idejh+ jew serq jew inkella jimbrolja lil sieħbu,+ 3 jew isib xi ħaġa mitlufa+ u fil-​fatt iqarraq dwarha u jaħlef b’mod falz+ dwar xi waħda mill-​affarijiet kollha li hu jistaʼ jagħmel biex jidneb bihom; 4 irid iseħħ li jekk jidneb u jsir ħati,+ irid irodd il-​ħaġa misruqa li jkun seraq jew il-​ħaġa li ttieħdet bil-​forza u li jkun ħadlu b’ingann jew il-​ħaġa merfugħa għandu li ngħatatlu biex jerfagħhielu jew il-​ħaġa mitlufa li jkun sab, 5 jew kwalunkwe ħaġa, hi x’inhi, li dwarha jaħlef b’mod falz, u jrid jagħti l-​ammont sħiħ bħala kumpens+ għaliha, u jżid magħha wieħed minn ħamsa taʼ kemm tiswa. Jagħtiha lil sidha dakinhar li jinstab li għandu ħtija. 6 U bħala l-​offerta għall-​ħtija tiegħu, lil Ġeħova jġiblu muntun bla difett+ mill-​merħla skond il-​valur stmat, bħala offerta għall-​ħtija,+ u jġibha għand il-​qassis. 7 U l-​qassis jagħmel tpattija+ għalih quddiem Ġeħova, u b’hekk tinħafirlu rigward xi waħda mill-​affarijiet kollha li jistaʼ jagħmel u li minħabba fiha jinstab li għandu ħtija.”

8 U Ġeħova kompla jkellem lil Mosè u jgħidlu: 9 “Ordna lil Aron u lil uliedu, u għidilhom, ‘Din hi l-​liġi taʼ l-​offerta tal-​ħruq:+ L-​offerta tal-​ħruq tkun fuq il-​fuklar taʼ fuq l-​artal il-​lejl kollu sa fil-​għodu, u n-​nar taʼ l-​artal jitkebbes fih. 10 U l-​qassis jilbes il-​libsa uffiċjali taʼ l-​għażel+ tiegħu, u jilbes il-​qalziet taʼ taħt+ taʼ l-​għażel fuq il-​laħam. Imbagħad jieħu l-​irmied bix-​xaħam+ fuqu taʼ l-​offerta tal-​ħruq li tinħaraq regolarment bin-​nar fuq l-​artal, u jqiegħdu maġenb l-​artal. 11 U jrid jinżaʼ ħwejġu+ u jilbes ħwejjeġ oħrajn, u jrid joħroġ l-​irmied bix-​xaħam fuqu lejn post nadif ’il barra mill-​kamp.+ 12 U n-​nar taʼ fuq l-​artal jibqaʼ mqabbad fuqu. M’għandux jintefa. U l-​qassis irid jaħraq il-​ħatab+ fuqu għodwa wara għodwa u jqiegħed l-​offerta tal-​ħruq bl-​ordni fuqu, u jaħraq fuqu l-​bċejjeċ imxaħħmin tas-​sagrifiċċji taʼ sħubija.+ 13 In-nar+ jinżamm jaqbad il-​ħin kollu fuq l-​artal. M’għandux jintefa.

14 “‘Issa din hi l-​liġi taʼ l-​offerta tal-​qmuħ:+ Intom ulied Aron, ippreżentawha quddiem Ġeħova, quddiem l-​artal. 15 U wieħed minnhom irid jieħu ponn bi ftit mid-​dqiq fin taʼ l-​offerta tal-​qmuħ u ftit miż-​żejt tagħha u l-​inċens abjad kollu li qiegħed fuq l-​offerta tal-​qmuħ, u jaħarqu fuq l-​artal bħala riħa pjaċevoli, bħala tfakkira+ tagħha lil Ġeħova. 16 U dak li jibqaʼ minnha jikluh Aron u wliedu.+ Jittiekel bħala ħobż bla ħmira+ f’post qaddis. Jikluh fil-​bitħa tat-​tinda tal-​laqgħa. 17 M’għandux jinħema bil-​ħmira.+ Tajtu bħala sehemhom mill-​offerti tiegħi magħmulin bin-​nar.+ Din hi xi ħaġa mill-​iktar qaddisa,+ bħall-​offerta għad-​dnub u bħall-​offerta għall-​ħtija. 18 Kull raġel+ u tifel fost ulied Aron jikluh. Dan hu sehem għal żmien indefinit+ matul il-​ġenerazzjonijiet tagħkom mill-​offerti taʼ Ġeħova magħmulin bin-​nar. Kulmin imisshom jitqaddes.’”

19 U Ġeħova ssokta jkellem lil Mosè u jgħidlu: 20 “Din hi l-​offerta+ t’Aron u taʼ wliedu li se jippreżentaw lil Ġeħova dakinhar li Aron jiġi midluk:+ il-​wieħed minn għaxra t’efa+ dqiq fin bħala offerta tal-​qmuħ+ il-​ħin kollu, nofsha fil-​għodu u nofsha fil-​għaxija. 21 Din issir biż-​żejt fuq pjanċa.+ Int iġġibha mħawda sew u tippreżenta l-​affarijiet moħmijin taʼ l-​offerta tal-​qmuħ fi bċejjeċ bħala riħa pjaċevoli lil Ġeħova. 22 U jagħmilha l-​qassis, il-​wieħed midluk minfloku minn fost uliedu.+ Dan hu regolament għal żmien indefinit: Bħala offerta sħiħa+ tiġi maħruqa lil Ġeħova. 23 U kull offerta tal-​qmuħ taʼ qassis+ għandha tkun offerta sħiħa. M’għandhiex tittiekel.”

24 U Ġeħova kompla jkellem lil Mosè u jgħidlu: 25 “Kellem lil Aron u lil uliedu, u għidilhom, ‘Din hi l-​liġi taʼ l-​offerta għad-​dnub:+ Fil-​post+ fejn l-​offerta tal-​ħruq tinqatel regolarment għandha tinqatel l-​offerta għad-​dnub quddiem Ġeħova. Din hi xi ħaġa mill-​iktar qaddisa.+ 26 Jikolha+ l-​qassis li joffriha għad-​dnub. F’post qaddis+ tittiekel, fil-​bitħa+ tat-​tinda tal-​laqgħa.

27 “‘Kulma jmiss maʼ laħamha jitqaddes,+ u meta xi ħadd iċappas il-​libsa bi ftit minn demmha,+ il-​ħaġa li ċċappset bid-​demm taħsilha f’post qaddis.+ 28 U r-​reċipjent tal-​fuħħar+ li titgħalla fih għandu jitkisser. Imma jekk titgħalla f’reċipjent tar-​ram aħmar, dan għandu jingħorok u jitlaħlaħ bl-​ilma.

29 “‘Jikolha+ kull raġel minn fost il-​qassisin. Din hi xi ħaġa mill-​iktar qaddisa.+ 30 Madankollu, ma trid tittiekel ebda offerta għad-​dnub li ftit mid-​demm+ tagħha jiddaħħal fit-​tinda tal-​laqgħa biex issir tpattija. Għandha tiġi maħruqa bin-​nar.

7 “‘U din hi l-​liġi taʼ l-​offerta għall-​ħtija:+ Din hi xi ħaġa mill-​iktar qaddisa.+ 2 Fil-post+ fejn tinqatel regolarment l-​offerta tal-​ħruq tinqatel ukoll l-​offerta għall-​ħtija, u qassis iroxx+ demmha+ dawramejt fuq l-​artal. 3 Inkwantu għax-​xaħam kollu tagħha,+ hu jippreżenta minnu d-​denb imxaħħam u x-​xaħam li jiksi l-​imsaren, 4 u ż-​żewġ kilwiet u x-​xaħam taʼ fuqhom, kif ukoll dak taʼ fuq il-​ġenbejn. U x-​xaħam taʼ mal-​fwied ineħħih flimkien mal-​kliewi.+ 5 U jaħraqhom fuq l-​artal bħala offerta magħmula bin-​nar lil Ġeħova.+ Din hi offerta għall-​ħtija. 6 Jikolha+ kull raġel minn fost il-​qassisin. F’post qaddis tittiekel. Din hi xi ħaġa mill-​iktar qaddisa.+ 7 Bħall-offerta għad-​dnub, hekk hi l-​offerta għall-​ħtija. Hemm liġi waħda għalihom.+ Il-​qassis li jagħmel it-​tpattija biha ssir tiegħu.

8 “‘Inkwantu għall-​qassis li jippreżenta l-​offerta tal-​ħruq taʼ xi raġel, il-​ġilda+ taʼ l-​offerta tal-​ħruq li jkun ippreżenta lill-​qassis issir tiegħu.

9 “‘U kull offerta tal-​qmuħ li tinħema fil-​forn+ u kull waħda li ssir ġol-​kazzola biż-​żejt+ u fuq il-​pjanċa+ tkun tal-​qassis li jippreżentaha. Issir tiegħu.+ 10 Imma kull offerta tal-​qmuħ li tkun miblula fiż-​żejt+ jew xotta+ ssir taʼ l-​ulied subien kollha t’Aron, kull wieħed jieħu daqs l-​ieħor.

11 “‘Issa din hi l-​liġi tas-​sagrifiċċju taʼ sħubija+ li kulħadd għandu jippreżenta lil Ġeħova: 12 Jekk jippreżentah biex jesprimi radd il-​ħajr,+ hu jrid jippreżenta flimkien mas-​sagrifiċċju taʼ radd il-​ħajr ftajjar bla ħmira miblulin fiż-​żejt jew galletti bla ħmira midlukin biż-​żejt+ u dqiq fin imħawwad tajjeb bħala ftajjar miblulin fiż-​żejt. 13 Jippreżenta l-​offerta tiegħu maʼ ftajjar tal-​ħobż bil-​ħmira+ flimkien mas-​sagrifiċċji taʼ sħubija tiegħu, li huma s-​sagrifiċċju taʼ radd il-​ħajr. 14 U jrid jippreżenta waħda minn kull offerta bħala sehem sagru lil Ġeħova;+ inkwantu għall-​qassis li jroxx id-​demm tas-​sagrifiċċji taʼ sħubija, l-​offerta ssir tiegħu.+ 15 U l-​laħam tas-​sagrifiċċji taʼ sħubija tiegħu, li huma s-​sagrifiċċju taʼ radd il-​ħajr, għandu jittiekel dakinhar li joffrih. Ma jrid jerfaʼ xejn minnu għal fil-​għodu.+

16 “‘U jekk is-​sagrifiċċju taʼ l-​offerta tiegħu jkun wegħda+ jew offerta volontarja,+ għandu jittiekel dakinhar li hu jippreżenta s-​sagrifiċċju tiegħu, u l-​għada dak li jifdal minnu jistaʼ jittiekel ukoll. 17 Imma dak li jifdal mil-​laħam tas-​sagrifiċċju fit-​tielet jum għandu jinħaraq bin-​nar.+ 18 Madankollu, jekk xi laħam tas-​sagrifiċċju taʼ sħubija tiegħu jittiekel imqar ftit minnu fit-​tielet jum, min jippreżentah ma jiġix aċċettat b’approvazzjoni.+ Ma jibbenefikax minnu.+ Isir ħaġa mniġġsa, u r-​ruħ li tiekol minnu twieġeb għall-​iżball tagħha.+ 19 U l-​laħam li jmiss maʼ xi ħaġa mhix nadifa+ m’għandux jittiekel. Għandu jinħaraq bin-​nar. Inkwantu għal laħam ieħor, kulmin hu nadif jistaʼ jiekol il-​laħam.

20 “‘U r-​ruħ li tiekol il-​laħam tas-​sagrifiċċju taʼ sħubija, li hu għal Ġeħova, waqt li jkollha fuqha n-​nuqqas taʼ ndafa, din ir-​ruħ trid tiġi maqtugħa minn mal-​poplu tagħha.+ 21 U jekk xi ruħ tmiss xi ħaġa mhix nadifa, in-​nuqqas taʼ ndafa taʼ bniedem+ jew bhima mhix nadifa+ jew kwalunkwe ħaġa mhix nadifa taʼ min jitqażżiżha,+ u fil-​fatt tiekol ftit mil-​laħam tas-​sagrifiċċju taʼ sħubija, li hu għal Ġeħova, din ir-​ruħ trid tiġi maqtugħa minn mal-​poplu tagħha.’”

22 U Ġeħova kompla jkellem lil Mosè u jgħidlu: 23 “Kellem lil ulied Israel, u għidilhom, ‘Tieklu ebda xaħam+ taʼ baqar, nagħaġ, jew mogħoż. 24 Issa x-​xaħam taʼ ġisem li jkun diġà mejjet u x-​xaħam taʼ xi annimal imqattaʼ+ bċejjeċ jistaʼ jintuża għal kwalunkwe ħaġa oħra immaġinabbli, imma ma tridux tikluh assolutament. 25 Għax kulmin jiekol ix-​xaħam mill-​bhima li jippreżentah minnha bħala offerta magħmula bin-​nar lil Ġeħova, ir-​ruħ li tiekol trid tiġi maqtugħa+ minn mal-​poplu tagħha.

26 “‘U fi kwalunkwe post fejn tgħammru m’għandkom tieklu ebda demm,+ sew dak taʼ tajra u sew dak taʼ bhima. 27 Kull ruħ li tiekol xi demm, din ir-​ruħ trid tiġi maqtugħa+ minn fost il-​poplu tagħha.’”

28 U Ġeħova ssokta jkellem lil Mosè u jgħidlu: 29 “Kellem lil ulied Israel, u għidilhom, ‘Min jippreżenta s-​sagrifiċċju taʼ sħubija lil Ġeħova jġib l-​offerta tiegħu lil Ġeħova mis-​sagrifiċċju taʼ sħubija tiegħu.+ 30 B’idejh iġib ix-​xaħam+ taʼ fuq is-​sidra bħala l-​offerti taʼ Ġeħova magħmulin bin-​nar. Iġibu mas-​sidra biex ixejru ’l hemm u ’l hawn bħala offerta tat-​tixjir+ quddiem Ġeħova. 31 U l-​qassis irid jaħraq ix-​xaħam+ fuq l-​artal, imma s-​sidra trid issir t’Aron u taʼ wliedu.+

32 “‘U mis-​sagrifiċċji taʼ sħubija tagħkom tagħtu s-​sieq il-​leminija bħala sehem sagru+ lill-​qassis. 33 Dak li minn fost ulied Aron jippreżenta d-​demm u x-​xaħam tas-​sagrifiċċji taʼ sħubija, ikollu bħala sehmu s-​sieq il-​leminija.+ 34 Għax is-​sidra taʼ l-​offerta tat-​tixjir+ u s-​sieq tas-​sehem sagru niħodhom mingħand ulied Israel mis-​sagrifiċċji taʼ sħubija tagħhom, u nagħtihom lil Aron, il-​qassis, u lil uliedu, bħala regolament għal żmien indefinit, mingħand ulied Israel.

35 “‘Dan hu sehem Aron bħala qassis u sehem uliedu bħala qassisin mill-​offerti taʼ Ġeħova magħmulin bin-​nar, dakinhar li ppreżentahom+ biex jaqdu bħala qassisin għal Ġeħova, 36 sewwasew bħalma Ġeħova kien ikkmanda li jingħatalhom dakinhar li dilikhom+ minn fost ulied Israel. Dan hu statut għal żmien indefinit għall-​ġenerazzjonijiet tagħhom.’”+

37 Din hi l-​liġi dwar l-​offerta tal-​ħruq,+ l-​offerta tal-​qmuħ,+ l-​offerta għad-​dnub,+ l-​offerta għall-​ħtija,+ is-​sagrifiċċju tal-​ħatra,+ u s-​sagrifiċċju taʼ sħubija,+ 38 sewwasew bħalma Ġeħova kien ikkmanda lil Mosè fuq il-​Muntanja Sinaj+ dakinhar li kkmanda lil ulied Israel biex jippreżentaw l-​offerti tagħhom lil Ġeħova fix-​xagħri tas-​Sinaj.+

8 U Ġeħova kellem lil Mosè u qallu: 2 “Ħu lil Aron u lil uliedu miegħu+ u l-​ħwejjeġ+ u ż-​żejt tad-​dlik+ u l-​barri taʼ l-​offerta għad-​dnub+ u ż-​żewġ imtaten u l-​qoffa tal-​ħobż bla ħmira,+ 3 u laqqaʼ lill-​ġemgħa kollha+ fid-​daħla tat-​tinda tal-​laqgħa.”+

4 Imbagħad Mosè għamel sewwasew bħalma kien ikkmandah Ġeħova, u l-​ġemgħa ltaqgħet fid-​daħla+ tat-​tinda tal-​laqgħa. 5 Mosè issa qal lill-​ġemgħa: “Dan ikkmandana nagħmlu Ġeħova.”+ 6 Għalhekk, Mosè ġab ħdejh lil Aron u lil uliedu u ħasilhom+ bl-​ilma.+ 7 Imbagħad libbes lil Aron il-​libsa twila+ u ħażżmu bit-​terħa+ u libbsu l-​libsa bla kmiem+ u qegħedlu fuqu l-​efod+ u ħażżmu bil-​ħżiem+ taʼ l-​efod u rabtu sew miegħu bih. 8 U poġġielu fuqu l-​pettoral+ u fil-​pettoral poġġa l-​Urim u t-​Tummim.+ 9 Imbagħad poġġielu t-​turbant+ fuq rasu u fuq il-​quddiem tat-​turbant poġġa l-​istrixxa tleqq tad-​deheb, is-​sinjal qaddis tad-​dedikazzjoni,+ sewwasew bħalma Ġeħova kien ikkmanda lil Mosè.

10 Mosè issa ħa ż-​żejt tad-​dlik u dilek it-​tabernaklu*+ u kulma kien fih u qaddishom. 11 Imbagħad raxx ftit minnu sebaʼ darbiet fuq l-​artal u dilek l-​artal+ u l-​għodod kollha tiegħu u l-​vaska u l-​bażi tagħha sabiex iqaddishom. 12 Fl-aħħar sawwab ftit miż-​żejt tad-​dlik fuq ras Aron u dilku sabiex iqaddsu.+

13 Mosè mbagħad ġab ħdejh lil ulied Aron+ u libbishom l-​ilbies twil u ħażżimhom bit-​trieħi+ u geżwrilhom l-​għata maʼ rashom,+ sewwasew bħalma Ġeħova kien ikkmanda lil Mosè.

14 Imbagħad tellaʼ l-​barri+ taʼ l-​offerta għad-​dnub u Aron u wliedu meddew idejhom fuq ras+ il-​barri taʼ l-​offerta għad-​dnub. 15 U Mosè qatlu+ u ħa d-​demm+ u poġġieh b’sebgħu fuq il-​qrun taʼ l-​artal dawramejt u ppurifika l-​artal mid-​dnub, imma l-​bqija tad-​demm sawbu f’riġlejn l-​artal, sabiex iqaddsu ħalli jagħmel tpattija+ fuqu. 16 Imbagħad ħa x-​xaħam kollu taʼ fuq l-​imsaren, u x-​xaħam taʼ mal-​fwied u ż-​żewġ kilwiet u x-​xaħam tagħhom u Mosè ħaraqhom fuq l-​artal.+ 17 U l-​barri u l-​ġilda tiegħu u laħmu u l-​ħmieġ tiegħu ħaraqhom bin-​nar ’il barra mill-​kamp,+ sewwasew bħalma Ġeħova kien ikkmanda lil Mosè.

18 Hu issa ġab ħdejh il-​muntun taʼ l-​offerta tal-​ħruq, u Aron u wliedu mbagħad meddew idejhom fuq ras il-​muntun.+ 19 Imbagħad Mosè qatlu u raxx id-​demm dawramejt fuq l-​artal.+ 20 U qattaʼ l-​muntun kull biċċa għaliha,+ u Mosè ħaraq ir-​ras u l-​bċejjeċ u x-​xaħam taʼ mal-​kliewi. 21 U l-​imsaren u r-​riġlejn* ħasilhom bl-​ilma, u Mosè mbagħad ħaraq il-​muntun kollu kemm hu fuq l-​artal.+ Din kienet offerta tal-​ħruq bħala riħa pjaċevoli.+ Kienet offerta magħmula bin-​nar lil Ġeħova, sewwasew bħalma Ġeħova kien ikkmanda lil Mosè.

22 Imbagħad ġab ħdejh it-​tieni muntun, il-​muntun tal-​ħatra,+ u Aron u wliedu meddew idejhom fuq ras il-​muntun. 23 Wara dan, Mosè qatlu u ħa ftit minn demmu u poġġieh fuq id-​dendula tal-​widna l-​leminija t’Aron u fuq is-​sabaʼ l-​kbir taʼ idu l-​leminija u fuq is-​sabaʼ l-​kbir taʼ siequ l-​leminija.+ 24 Imbagħad Mosè ġab ħdejh lil ulied Aron u poġġa ftit mid-​demm fuq id-​dendula taʼ widnithom il-​leminija u fuq is-​sabaʼ l-​kbir taʼ idhom il-​leminija u fuq is-​sabaʼ l-​kbir taʼ sieqhom il-​leminija; u Mosè raxx il-​bqija tad-​demm dawramejt fuq l-​artal.+

25 Imbagħad ħa x-​xaħam u d-​denb oħxon u x-​xaħam kollu taʼ fuq l-​imsaren,+ u x-​xaħam taʼ mal-​fwied u ż-​żewġ kilwiet u x-​xaħam tagħhom u s-​sieq il-​leminija.+ 26 U mill-​qoffa tal-​ħobż bla ħmira li kienet quddiem Ġeħova ħa ftira bla ħmira waħda+ u ftira tal-​ħobż biż-​żejt waħda+ u galletta waħda.+ Imbagħad poġġiehom fuq il-​bċejjeċ tax-​xaħam u fuq is-​sieq il-​leminija. 27 Wara, poġġiehom kollha fuq il-​pali taʼ idejn Aron u fuq il-​pali taʼ idejn uliedu u beda jxejjirhom ’l hemm u ’l hawn bħala offerta tat-​tixjir quddiem Ġeħova.+ 28 Imbagħad Mosè ħadhom minn fuq il-​pali taʼ idejhom u ħaraqhom fuq l-​artal, fuq l-​offerta tal-​ħruq.+ Dawn kienu sagrifiċċju tal-​ħatra+ bħala riħa pjaċevoli.+ Kienet offerta magħmula bin-​nar lil Ġeħova.+

29 U Mosè ħa s-​sidra+ u beda jxejjirha ’l hemm u ’l hawn bħala offerta tat-​tixjir quddiem Ġeħova.+ Mill-​muntun tal-​ħatra din saret sehem+ Mosè, sewwasew bħalma Ġeħova kien ikkmanda lil Mosè.

30 Imbagħad Mosè ħa ftit miż-​żejt tad-​dlik+ u ftit mid-​demm li kien fuq l-​artal u raxxu fuq Aron u fuq ħwejġu u fuq uliedu u fuq il-​ħwejjeġ taʼ wliedu miegħu. B’hekk, hu qaddes+ lil Aron u ħwejġu u lil uliedu u l-​ħwejjeġ taʼ wliedu+ wkoll.

31 Imbagħad Mosè qal lil Aron u lil uliedu: “Għallu+ l-​laħam fid-​daħla tat-​tinda tal-​laqgħa, u hemmhekk tieklu lilu+ u l-​ħobż li qiegħed fil-​qoffa tal-​ħatra, sewwasew bħalma ngħatajt il-​kmand, li jgħid, ‘Jikluh Aron u wliedu.’ 32 U dak li jibqaʼ żejjed mil-​laħam u mill-​ħobż taħarquh bin-​nar.+ 33 U għal sebat ijiem+ toħorġux mid-​daħla tat-​tinda tal-​laqgħa, sa dakinhar li jitwettqu l-​jiem tal-​ħatra tagħkom, għaliex hemm bżonn sebat ijiem biex tingħataw is-​setgħa f’idkom.+ 34 Bħalma sar f’dan il-​jum, Ġeħova kkmanda li għandu jsir fil-​kumplament tal-​jiem sabiex issir tpattija għalikom.+ 35 U toqogħdu fid-​daħla tat-​tinda tal-​laqgħa bi nhar u bil-​lejl għal sebat ijiem,+ u intom obbligati tħarsu din l-​għassa imposta minn Ġeħova,+ għax inkella tmutu; għax jien hekk ġejt kmandat.”

36 U Aron u wliedu għamlu kulma Ġeħova kien ikkmanda permezz taʼ Mosè.

9 U ġara li fit-​tmien jum+ Mosè sejjaħ lil Aron u lil uliedu u lix-​xjuħ taʼ Israel. 2 Imbagħad qal lil Aron: “Ħu għalik għoġol żgħir bħala offerta għad-​dnub+ u muntun bħala offerta tal-​ħruq,+ it-​tnejn bla difett, u ppreżentahom quddiem Ġeħova.+ 3 Imma lil ulied Israel kellimhom, u għidilhom, ‘Ħudu bodbod+ bħala offerta għad-​dnub, u għoġol u muntun żgħir,+ kull wieħed taʼ sena, bla difett, bħala offerta tal-​ħruq, 4 u barri u muntun għas-​sagrifiċċji taʼ sħubija+ biex toffruhom bħala sagrifiċċju quddiem Ġeħova, u offerta tal-​qmuħ+ miblula fiż-​żejt, għaliex illum Ġeħova żgur li se jidhrilkom.’”+

5 Għaldaqstant, dak li kien ordna Mosè ħaduh quddiem it-​tinda tal-​laqgħa. Imbagħad il-​ġemgħa kollha resqet qrib u qagħdet quddiem Ġeħova.+ 6 U Mosè ssokta jgħid: “Dan ikkmanda Ġeħova li għandkom tagħmlu, sabiex tidhrilkom il-​glorja taʼ Ġeħova.”+ 7 Imbagħad Mosè qal lil Aron: “Mur ħdejn l-​artal u offri l-​offerta għad-​dnub+ u l-​offerta tal-​ħruq tiegħek, u agħmel tpattija+ għalik u għal darek; u offri l-​offerta tan-​nies+ u agħmel tpattija+ għalihom, sewwasew bħalma kkmanda Ġeħova.”

8 Aron minnufih mar ħdejn l-​artal u qatel l-​għoġol taʼ l-​offerta għad-​dnub li kienet għalih.+ 9 Imbagħad ulied Aron ippreżentawlu d-​demm+ u hu bell sebgħu fid-​demm+ u poġġieh fuq il-​qrun taʼ l-​artal,+ u l-​bqija tad-​demm sawbu f’riġlejn l-​artal. 10 U x-​xaħam+ u l-​kliewi u x-​xaħam taʼ mal-​fwied mill-​offerta għad-​dnub ħaraqhom fuq l-​artal,+ sewwasew bħalma Ġeħova kien ikkmanda lil Mosè. 11 U l-​laħam u l-​ġilda ħaraqhom bin-​nar ’il barra mill-​kamp.+

12 Imbagħad qatel l-​offerta tal-​ħruq u wlied Aron newlulu d-​demm u hu raxxu dawramejt fuq l-​artal.+ 13 U newlulu l-​offerta tal-​ħruq kull biċċa għaliha u r-​ras, u ħaraqhom fuq l-​artal.+ 14 Barra minn hekk, ħasel l-​imsaren u r-​riġlejn* u ħaraqhom fuq l-​offerta tal-​ħruq, fuq l-​artal.+

15 Hu issa ppreżenta l-​offerta tan-​nies+ u ħa l-​bodbod taʼ l-​offerta għad-​dnub li kien għan-​nies u qatlu u għamel offerta għad-​dnub bih bħalma għamel b’taʼ l-​ewwel. 16 Imbagħad ippreżenta l-​offerta tal-​ħruq u offrieha skond il-​proċedura regulari.+

17 Hu mbagħad ippreżenta l-​offerta tal-​qmuħ+ u mela idu bi ftit minnha u ħarqu fuq l-​artal, minbarra l-​offerta tal-​ħruq taʼ fil-​għodu.+

18 Wara, qatel il-​barri u l-​muntun tas-​sagrifiċċju taʼ sħubija+ li kien għan-​nies. Imbagħad ulied Aron newlulu d-​demm u hu raxxu dawramejt fuq l-​artal.+ 19 Inkwantu għall-​bċejjeċ imxaħħmin+ tal-​barri u d-​denb oħxon+ tal-​muntun u x-​xaħam li jiksi l-​imsaren u l-​kliewi u x-​xaħam taʼ mal-​fwied, 20 huma issa poġġew il-​bċejjeċ imxaħħmin fuq l-​isdra,+ u mbagħad hu ħaraq il-​bċejjeċ imxaħħmin fuq l-​artal. 21 Imma l-​isdra u s-​sieq il-​leminija Aron xejjirhom ’l hemm u ’l hawn bħala offerta tat-​tixjir+ quddiem Ġeħova, sewwasew bħalma kien ikkmanda Mosè.

22 Imbagħad Aron għolla idejh lejn in-​nies u berikhom+ u niżel+ wara li offra l-​offerta għad-​dnub u l-​offerta tal-​ħruq u s-​sagrifiċċji taʼ sħubija. 23 Fl-aħħar, Mosè u Aron daħlu fit-​tinda tal-​laqgħa u ħarġu u bierku lin-​nies.+

Imbagħad il-​glorja taʼ Ġeħova+ dehret lin-​nies kollha, 24 u ħareġ nar minn quddiem Ġeħova+ u beda jikkonsma l-​offerta tal-​ħruq u l-​bċejjeċ imxaħħmin fuq l-​artal. Meta n-​nies kollha raw dan, infexxew jgħajtu+ u nxteħtu wiċċhom fl-​art.

10 Iktar tard Nadab u Abiħu,+ ulied Aron, kull wieħed minnhom qabad u ġab ir-​reċipjent għall-​inċens+ tiegħu u poġġa n-​nar fih u tefaʼ l-​inċens+ fuqu, u bdew joffru quddiem Ġeħova nar projbit,+ li hu ma kienx ordnalhom bil-​miktub. 2 U ħareġ nar minn quddiem Ġeħova u qeridhom,+ u b’hekk mietu quddiem Ġeħova.+ 3 Imbagħad Mosè qal lil Aron: “Dan tkellem Ġeħova u qal, ‘Ħa nitqaddes+ fost dawk li huma qribi,+ u ħa nkun glorifikat+ quddiem wiċċ in-​nies kollha.’” U Aron baqaʼ sieket.

4 Għalhekk, Mosè sejjaħ lil Misael u lil Elsafan, ulied Użżijel,+ iz-​ziju t’Aron, u qalilhom: “Ersqu qrib, ġorru lil ħutkom minn quddiem il-​post qaddis u ħuduhom ’il barra mill-​kamp.”+ 5 Huma għaldaqstant resqu qrib u ġarrewhom bl-​ilbies twil tagħhom ’il barra mill-​kamp, sewwasew bħalma kien qal Mosè.

6 Imbagħad Mosè qal lil Aron u lil Elegħażar u Itamar, uliedu l-​oħrajn: “Tittraskurawx xagħarkom,+ u ċċarrtux ħwejjiġkom, sabiex ma tmutux u biex hu ma jagħdabx kontra l-​ġemgħa kollha;+ imma ħutkom tad-​dar kollha taʼ Israel se jibku minħabba l-​qerda li Ġeħova kkaġuna bin-​nar. 7 U mid-​daħla tat-​tinda tal-​laqgħa toħorġux li ma tmorrux tmutu,+ għaliex iż-​żejt tad-​dlik taʼ Ġeħova qiegħed fuqkom.”+ Għalhekk, għamlu skond ma qalilhom Mosè.

8 U Ġeħova kellem lil Aron u qallu: 9 “Tixrobx inbid jew xorb li jsakkar,+ int u wliedek miegħek, meta tidħlu fit-​tinda tal-​laqgħa, għax inkella tmutu. Dan hu statut għal żmien indefinit għall-​ġenerazzjonijiet tagħkom, 10 kemm sabiex tagħmlu distinzjoni bejn dak li hu qaddis u dak li hu profan u bejn dak li mhux nadif u dak li hu nadif,+ 11 u kemm biex tgħallmu lil ulied Israel+ ir-​regolamenti kollha li Ġeħova kellimhom dwarhom permezz taʼ Mosè.”

12 Imbagħad Mosè kellem lil Aron u lil Elegħażar u Itamar, l-​ulied li kien baqagħlu: “Ħudu l-​offerta tal-​qmuħ+ li kien baqaʼ mill-​offerti taʼ Ġeħova magħmulin bin-​nar u kuluha mħejjija bla ħmira ħdejn l-​artal, għaliex din hi xi ħaġa mill-​iktar qaddisa.+ 13 U tridu tikluha f’post qaddis,+ għaliex hi sehmek u sehem uliedek mill-​offerti taʼ Ġeħova magħmulin bin-​nar; għax jien hekk ġejt kmandat. 14 U tieklu s-​sidra taʼ l-​offerta tat-​tixjir+ u s-​sieq tas-​sehem sagru+ f’post nadif, int u wliedek subien u bniet miegħek,+ għaliex ngħatawlek bħala sehmek u sehem uliedek mis-​sagrifiċċji taʼ sħubija taʼ wlied Israel. 15 Huma jġibu s-​sieq tas-​sehem sagru u s-​sidra taʼ l-​offerta tat-​tixjir+ flimkien maʼ l-​offerti magħmulin bin-​nar, tal-​bċejjeċ imxaħħmin, sabiex ixejru l-​offerta tat-​tixjir ’l hemm u ’l hawn quddiem Ġeħova; u din trid isservi bħala sehem+ għal żmien indefinit għalik u għal uliedek miegħek, sewwasew bħalma kkmanda Ġeħova.”

16 U Mosè fittex bir-​reqqa l-​bodbod taʼ l-​offerta għad-​dnub,+ u, ara, kien ġie maħruq. Għalhekk, tgħaddab għal Elegħażar u Itamar, ulied Aron li kien baqaʼ, u qalilhom: 17 “Għala ma kiltux l-​offerta għad-​dnub fil-​post li hu qaddis,+ ladarba din hi xi ħaġa mill-​iktar qaddisa u hu taha lilkom ħalli twieġbu għall-​iżball tal-​ġemgħa sabiex tagħmlu tpattija għalihom quddiem Ġeħova?+ 18 Ara! Demmha ma ddaħħalx ġewwa fil-​post qaddis.+ Kellkom assolutament tikluha fil-​post qaddis, sewwasew bħalma ġejt kmandat jien.”+ 19 Għal dan, Aron qal lil Mosè: “Ara! Illum huma ppreżentaw l-​offerta għad-​dnub u l-​offerta tal-​ħruq quddiem Ġeħova,+ waqt li affarijiet bħal dawn bdew jiġru lili; u kieku llum jien kilt l-​offerta għad-​dnub, kien dan jingħoġob f’għajnejn Ġeħova?”+ 20 Meta Mosè semaʼ hekk, dan intgħoġob f’għajnejh.

11 U Ġeħova kellem lil Mosè u lil Aron u qalilhom: 2 “Kellmu lil ulied Israel u għidulhom, ‘Dawn huma l-​ħlejjaq ħajjin li tistgħu tieklu+ mill-​bhejjem kollha li qegħdin fuq l-​art: 3 Kull ħliqa li għandha d-​difer mifruq fi tnejn u li tixtarr fost il-​bhejjem, tistgħu tikluha.+

4 “‘Dawn biss m’għandkomx tieklu fost il-​bhejjem li jixtarru u li għandhom id-​difer mifruq: il-​ġemel, għaliex jixtarr imma m’għandux id-​difer mifruq. M’huwiex nadif għalikom.+ 5 Il-fenek tax-​xagħri+ wkoll, għaliex jixtarr imma m’għandux id-​difer mifruq. M’huwiex nadif għalikom. 6 Il-liebru+ wkoll, għaliex jixtarr imma m’għandux id-​difer mifruq. M’huwiex nadif għalikom. 7 Il-ħanżir+ ukoll, għaliex għandu d-​difer mifruq fi tnejn, imma ma jixtarrx. M’huwiex nadif għalikom. 8 Tieklu ebda laħam tagħhom, u tmissux il-​ġisem mejjet tagħhom.+ M’humiex nodfa għalikom.+

9 “‘Dawn tistgħu tieklu minn kulma hemm fl-​ilmijiet:+ Kulma għandu l-​ġwienaħ u l-​qxur+ fl-​ilmijiet, fl-​ibħra, u fix-​xmajjar tistgħu tikluh. 10 U kulma hemm fl-​ibħra u fix-​xmajjar li m’għandux ġwienaħ u qxur, minn kull ħliqa li tgħix fi qtajjaʼ fl-​ilmijiet u minn kull ruħ ħajja li hemm fl-​ilmijiet, ikun xi ħaġa moqżieża għalikom. 11 Iva, dawn isiru xi ħaġa moqżieża għalikom. Tieklu ebda laħam tagħhom,+ u tridu titqażżuh il-​ġisem mejjet tagħhom. 12 Kulma hemm fl-​ilmijiet li m’għandux ġwienaħ u qxur ikun xi ħaġa moqżieża għalikom.

13 “‘U dawn għandkom titqażżu fost il-​ħlejjaq li jtiru.+ M’għandhomx jittieklu. Ikunu xi ħaġa moqżieża: l-​ajkla,+ l-​arpa, l-​avultun iswed, 14 l-astun aħmar, u l-​astun iswed+ skond ġensu, 15 u kull ċawlun+ skond ġensu, 16 u n-​nagħma,+ il-​kokka, il-​gawwija, u l-​falkun skond ġensu, 17 u l-​kokka żgħira, il-​margun, il-​kokka tal-​qrun,+ 18 iċ-ċinju, il-​pellikan, l-​avultun,+ 19 iċ-ċikonja, u r-​russett skond ġensu, u d-​daqquqa tat-​toppu u l-​farfett il-​lejl.+ 20 Kull ħliqa bil-​ġwienaħ li tgħix fi qtajjaʼ u li timxi fuq erbaʼ saqajn tkun xi ħaġa moqżieża għalikom.+

21 “‘Dan biss tistgħu tieklu mill-​ħlejjaq kollha bil-​ġwienaħ li jgħixu fi qtajjaʼ u li jimxu fuq erbaʼ saqajn, dawk li ’l fuq minn saqajhom għandhom riġlejn biex jaqbżu bihom fuq l-​art. 22 Dawn huma dawk li tistgħu tieklu minnhom: il-​ġurat li jpassi+ skond ġensu, il-​ġurat li jittiekel+ skond ġensu, il-​grillu skond ġensu, u l-​ġurat li jaqbeż+ skond ġensu. 23 U kull ħliqa oħra bil-​ġwienaħ li tgħix fi qtajjaʼ u li għandha erbaʼ saqajn tkun xi ħaġa moqżieża+ għalikom. 24 Għalhekk, b’dawn ma tibqgħux nodfa. Kulmin imiss l-​iġsma mejtin tagħhom ma jkunx nadif sa fil-​għaxija.+ 25 U kulmin iġorr xi wieħed mill-​iġsma mejtin tagħhom irid jaħsel+ ħwejġu, u ma jkunx nadif sa fil-​għaxija.

26 “‘Inkwantu għal kwalunkwe bhima li għandha d-​difer mifruq imma m’huwiex mifruq fi tnejn u ma tixtarrx, din ma tkunx nadifa għalikom. Kulmin imisshom ma jkunx nadif.+ 27 U kull ħliqa li timxi fuq qiegħ saqajha fost il-​ħlejjaq ħajjin kollha li jimxu fuq erbaʼ saqajn, ma tkunx nadifa għalikom. Kulmin imiss l-​iġsma mejtin tagħhom ma jkunx nadif sa fil-​għaxija. 28 U min iġorr l-​iġsma mejtin+ tagħhom irid jaħsel ħwejġu,+ u ma jkunx nadif sa fil-​għaxija. M’humiex nodfa għalikom.

29 “‘U dan hu li mhux nadif għalikom fost il-​ħlejjaq li jgħixu fi qtajjaʼ u li l-​art hi miżgħuda bihom:+ it-​talpa, il-​ġurdien tad-​deżert,+ u l-​gremxula skond ġensha, 30 u l-​wiżgħa, il-​gremxula kbira, il-​gremxula taʼ l-​ilma, ix-​xaħmet l-​art, u l-​kamaleont. 31 Dawn m’humiex nodfa għalikom fost il-​ħlejjaq kollha li jgħixu fi qtajjaʼ.+ Kulmin imisshom meta jkunu mejtin ma jkunx nadif sa fil-​għaxija.+

32 “‘Issa kwalunkwe ħaġa li fuqha taqaʼ xi waħda minnhom li tkun mejta ma tkunx nadifa, sew jekk tkun reċipjent taʼ l-​injam,+ sew jekk libsa, sew jekk ġilda,+ u sew jekk drapp taʼ l-​ixkora.+ Kwalunkwe reċipjent li jsir xi użu minnu jitqiegħed fl-​ilma, u ma jkunx nadif sa fil-​għaxija u mbagħad ikun nadif. 33 Inkwantu għal xi reċipjent tal-​fuħħar+ li taqaʼ fih xi waħda minnhom, kulma jkun hemm fih ma jkunx nadif, u għandek tfarrku.+ 34 Kull tip taʼ ikel li jistaʼ jittiekel u li jiġi fuqu l-​ilma minn reċipjent bħal dan ma jkunx nadif, u kull xarba li tinxtorob fi kwalunkwe reċipjent ma tkunx nadifa. 35 U kulma jaqaʼ fuqu xi wieħed mill-​iġsma mejtin tagħhom ma jkunx nadif. Sew jekk ikun forn u sew jekk ikun bażi taʼ xi ġarra, għandu jitkisser. M’humiex nodfa, u ma jibqgħux nodfa għalikom. 36 Nixxiegħa u bir bl-​ilma maħżun biss jibqgħu nodfa, imma kulmin imiss l-​iġsma mejtin ma jkunx nadif. 37 U jekk xi wieħed mill-​iġsma mejtin tagħhom jaqaʼ fuq xi żerriegħa taʼ xitla li trid tinżeraʼ, din tkun nadifa. 38 Imma jekk jintefaʼ l-​ilma fuq iż-​żerriegħa u xi ħaġa mill-​iġsma mejtin tagħhom taqaʼ fuqha, ma tkunx nadifa għalikom.

39 “‘Issa jekk tmutilkom xi bhima li tistgħu tikluha, min imiss il-​ġisem mejjet tagħha ma jkunx nadif sa fil-​għaxija.+ 40 U min jiekol+ xi parti mill-​ġisem mejjet tagħha jrid jaħsel ħwejġu, u ma jkunx nadif sa fil-​għaxija; u min iġorr il-​ġisem mejjet tagħha jrid jaħsel ħwejġu, u ma jkunx nadif sa fil-​għaxija. 41 U kull ħliqa li tgħix fi qtajjaʼ u li l-​art hi miżgħuda biha tkun xi ħaġa moqżieża.+ Tikluhiex. 42 Inkwantu għal xi ħliqa li titkaxkar fuq żaqqha+ u xi ħliqa li timxi fuq erbaʼ saqajn jew fuq għadd kbir taʼ saqajn mill-​ħlejjaq kollha li jgħixu fi qtajjaʼ u li l-​art hi miżgħuda bihom, tikluhomx, għaliex huma xi ħaġa moqżieża.+ 43 Tħallux lil ruħkom issir moqżieża b’xi ħliqa li tgħix fi qtajjaʼ u li tiżdied bil-​kotra, u tħallux lilkom infuskom issiru mhux nodfa bihom u fil-​fatt tkunu mhux nodfa bihom.+ 44 Għax jien Ġeħova Alla tagħkom;+ u tridu tqaddsu lilkom infuskom u tkunu qaddisin,+ għax jien qaddis.+ Għalhekk, tħallux lil ruħkom issir mhix nadifa b’xi ħliqa li tgħix fi qtajjaʼ u li titħarrek fuq l-​art. 45 Għax jien Ġeħova li qed intellagħkom mill-​art taʼ l-​Eġittu biex nurikom li jien Alla;+ u intom tridu tkunu qaddisin,+ għaliex jien qaddis.+

46 “‘Din hi l-​liġi dwar il-​bhima u l-​ħliqa li ttir u kull ruħ ħajja li titħarrek fl-​ilmijiet+ u dwar kull ruħ li l-​art hi miżgħuda biha, 47 sabiex tagħmlu distinzjoni+ bejn dak li mhux nadif u dak nadif u bejn il-​ħliqa ħajja li tistaʼ tittiekel u l-​ħliqa ħajja li ma tistax tittiekel.’”

12 U Ġeħova ssokta jkellem lil Mosè u jgħidlu: 2 “Kellem lil ulied Israel, u għidilhom, ‘Jekk mara toħroġ tqila+ u tiled tifel, ma tkunx nadifa għal sebat ijiem; ma tkunx nadifa bħal fil-​jiem tan-​nuqqas taʼ safa meta jkollha t-​tnixxija tad-​demm taʼ kull xahar.+ 3 U fit-​tmien jum, it-​tifel irid jiġi ċirkonċiż.+ 4 Tibqaʼ d-​dar għal tlieta u tletin jum oħra sabiex tissaffa mid-​demm tal-​purifikazzjoni. M’għandhiex tmiss xi ħaġa qaddisa, u m’għandhiex tidħol fil-​post qaddis sakemm jgħaddu l-​jiem tal-​purifikazzjoni tagħha.+

5 “‘Issa jekk tiled tifla, ma tkunx nadifa għal erbatax-il jum, bħal meta jkollha t-​tnixxija tad-​demm taʼ kull xahar. Tibqaʼ d-​dar għal sitta u sittin jum oħra sabiex tissaffa mid-​demm tal-​purifikazzjoni. 6 Imbagħad meta jgħaddu l-​jiem tal-​purifikazzjoni tagħha għal iben jew għal bint iġġib għand il-​qassis fid-​daħla tat-​tinda tal-​laqgħa muntun żgħir fl-​ewwel sena tiegħu bħala offerta tal-​ħruq+ u beċċun jew gamiema+ bħala offerta għad-​dnub. 7 U l-​qassis irid jippreżenta l-​offerta quddiem Ġeħova u jagħmel tpattija għaliha, u hi tkun nadifa mit-​tnixxija taʼ demmha.+ Din hi l-​liġi dwar dik li tiled tifel jew tifla. 8 Imma jekk ma jkollhiex biex tagħti muntun żgħir, trid tieħu żewġ gamimiet jew żewġ bċieċen,+ wieħed bħala offerta tal-​ħruq u l-​ieħor bħala offerta għad-​dnub, u l-​qassis irid jagħmel tpattija+ għaliha, u hi tkun nadifa.’”

13 U Ġeħova kellem lil Mosè u lil Aron u qalilhom: 2 “Jekk raġel fil-​ġilda tiegħu joħroġlu xi raxx jew qoxra+ jew tebgħa u din issir il-​marda tal-​ġdiem fil-​ġilda tiegħu,+ irid jinġieb għand Aron, il-​qassis, jew għand wieħed minn uliedu l-​qassisin.+ 3 U l-​qassis irid jara l-​ġerħa fil-​ġilda.+ Meta x-​xagħar fil-​ġerħa jibjad u l-​ġerħa tkun tidher li hi iktar fonda mill-​ġilda, din tkun il-​marda tal-​ġdiem. U l-​qassis irid jaraha, u jrid jiddikjarah mhux nadif. 4 Imma jekk it-​tebgħa tkun bajda fil-​ġilda tiegħu u ma tkunx tidher li hi iktar fonda mill-​ġilda u x-​xagħar taʼ ġo fiha ma jkunx bjad, il-​qassis irid iżomm kwarantina+ għal sebat ijiem lil dak li għandu din il-​ġerħa. 5 U l-​qassis irid jarah fis-​sebaʼ jum, u jekk minn kif tidher, il-​ġerħa tkun baqgħet kif kienet, il-​ġerħa ma tkunx infirxet fil-​ġilda, il-​qassis irid jerġaʼ jżommu kwarantina+ għal sebat ijiem oħra.

6 “U l-​qassis irid jarah it-​tieni darba fis-​sebaʼ jum, u jekk il-​ġerħa tkun iċċarat u l-​ġerħa ma tkunx infirxet fil-​ġilda, il-​qassis irid ukoll jiddikjarah nadif. Din kienet qoxra. U hu jrid jaħsel ħwejġu u jkun nadif. 7 Imma jekk il-​qoxra tkun bla dubju nfirxet fil-​ġilda wara li jkun deher quddiem il-​qassis biex tiġi stabbilita l-​purifikazzjoni tiegħu, irid jidher it-​tieni darba quddiem il-​qassis,+ 8 u l-​qassis irid jarah; u jekk il-​qoxra tkun infirxet fil-​ġilda, il-​qassis irid jiddikjarah mhux nadif. Dan ikun ġdiem.+

9 “Jekk raġel toħroġlu l-​marda tal-​ġdiem irid jinġieb għand il-​qassis. 10 U l-​qassis irid jarah;+ u jekk ikun hemm raxx abjad fil-​ġilda u x-​xagħar jibjad minħabba fih u l-​ġerħa misluħa tal-​laħam il-​ħaj+ tkun fir-​raxx, 11 dan ikun ġdiem kroniku+ fil-​ġilda tiegħu; u l-​qassis irid jiddikjarah mhux nadif. M’għandux iżommu kwarantina,+ għax m’huwiex nadif. 12 Issa jekk il-​ġdiem bla dubju joħroġlu fil-​ġilda, u l-​ġdiem jiksi l-​ġilda kollha tal-​marid minn rasu sa saqajh kulfejn jistaʼ jara l-​qassis; 13 u l-​qassis ikun ra, u, ara, il-​ġdiem ksielu laħmu kollu, irid jiddikjara l-​ġerħa nadifa.* Kollha bjadet. Hu jkun nadif. 14 Imma dakinhar li jitfaċċa l-​laħam il-​ħaj fiha, hu ma jkunx nadif. 15 U l-​qassis+ irid jara l-​laħam il-​ħaj, u jrid jiddikjarah mhux nadif. Il-​laħam il-​ħaj m’huwiex nadif. Dan ikun ġdiem.+ 16 Jew jekk il-​laħam il-​ħaj jgħib u jsir abjad, hu jrid imur għand il-​qassis. 17 U l-​qassis irid jarah,+ u jekk il-​ġerħa tkun saret bajda, il-​qassis irid jiddikjara l-​ġerħa nadifa. Hu jkun nadif.

18 “Jekk fil-​laħam joħroġ xi musmar+ fil-​ġilda tiegħu u jfiq, 19 u minflok il-​musmar joħroġ raxx abjad jew tebgħa bajda ħamranija, hu jrid juri ruħu lill-​qassis. 20 U l-​qassis irid jara,+ u jekk tkun tidher li hi ’l isfel mill-​ġilda u x-​xagħar taʼ ġo fiha jkun bjad, il-​qassis irid jiddikjarah mhux nadif. Din tkun il-​marda tal-​ġdiem. Ħarġet fil-​musmar. 21 Imma jekk il-​qassis jaraha, u, ara, m’hemmx xagħar abjad fiha u m’hijiex iktar fonda mill-​ġilda u hi ċara, il-​qassis irid iżommu kwarantina+ għal sebat ijiem. 22 U jekk bla dubju tinfirex fil-​ġilda, il-​qassis irid jiddikjarah mhux nadif. Din tkun ġerħa. 23 Imma jekk it-​tebgħa tibqaʼ fejn kienet, ma tkunx infirxet, din tkun l-​infjammazzjoni+ tal-​musmar; u l-​qassis irid jiddikjarah nadif.+

24 “Jew jekk ikun hemm ħarqa bin-​nar fil-​ġilda, u l-​laħam misluħ tal-​ħarqa jsir tebgħa bajda ħamranija jew bajda, 25 il-qassis irid jaraha; u jekk ix-​xagħar ikun sar abjad fit-​tebgħa u din tkun tidher li hi iktar fonda mill-​ġilda, dan ikun ġdiem. Ħareġ fil-​ħarqa, u l-​qassis irid jiddikjarah mhux nadif. Din hi l-​marda tal-​ġdiem. 26 Imma jekk il-​qassis jaraha, u, ara, ma jkunx hemm xagħar abjad fit-​tebgħa u din ma tkunx ’l isfel mill-​ġilda u tkun ċara, il-​qassis irid iżommu kwarantina għal sebat ijiem. 27 U l-​qassis irid jarah fis-​sebaʼ jum. Jekk bla dubju tinfirex fil-​ġilda, il-​qassis irid jiddikjarah mhux nadif. Din hi l-​marda tal-​ġdiem. 28 Imma jekk it-​tebgħa tibqaʼ fejn kienet, ma tkunx infirxet fil-​ġilda u tkun ċara, tkun raxx tal-​ħarqa; u l-​qassis irid jiddikjarah nadif, għaliex tkun infjammazzjoni tal-​ħarqa.

29 “Fil-​każ taʼ raġel jew mara, jekk lil xi ħadd minnhom toħroġlu ġerħa f’rasu jew fuq geddumu, 30 il-qassis+ irid jara l-​ġerħa; u jekk tkun tidher li hi iktar fonda mill-​ġilda, u x-​xagħar ikun isfar u skars fiha, il-​qassis irid jiddikjarah mhux nadif. Ix-​xagħar ma jkunx waqaʼ b’mod normali.+ Dan ikun ġdiem fir-​ras jew fil-​geddum. 31 Imma jekk il-​qassis jara l-​ġerħa fejn ix-​xagħar ma jkunx waqaʼ b’mod normali, u, ara, ma tkunx tidher li hi iktar fonda mill-​ġilda u ma jkunx hemm xagħar iswed fiha, il-​qassis irid iżomm kwarantina+ għal sebat ijiem+ lil dak li xagħru ma jkunx waqagħlu b’mod normali. 32 U l-​qassis irid jara l-​ġerħa fis-​sebaʼ jum; u jekk il-​ġerħa, fejn ix-​xagħar ma jkunx waqaʼ b’mod normali, ma tkunx infirxet, u ma jkunx ħareġ xagħar isfar fiha u ma jkunx jidher li din il-​ġerħa+ m’hijiex iktar fonda mill-​ġilda, 33 hu jrid jitqarweż, imma ma jqarwiżx il-​post fejn xagħru ma jkunx waqagħlu b’mod normali;+ u l-​qassis irid iżomm kwarantina għal sebat ijiem oħra lil dak li xagħru ma jkunx waqagħlu b’mod normali.

34 “U fis-​sebaʼ jum il-​qassis irid jara l-​post fejn ix-​xagħar ma jkunx waqaʼ b’mod normali; u jekk din il-​ġerħa ma tkunx infirxet fil-​ġilda, u ma tkunx tidher li hi iktar fonda mill-​ġilda, il-​qassis irid jiddikjarah nadif,+ u hu jrid jaħsel ħwejġu u jkun nadif. 35 Imma jekk din il-​ġerħa bla dubju tinfirex fil-​ġilda wara li tkun ġiet stabbilita l-​purifikazzjoni tiegħu, 36 il-qassis+ irid jarah; u jekk il-​ġerħa tkun infirxet fil-​ġilda, il-​qassis ma jkollux għalfejn jeżamina jekk hemmx xagħar isfar; hu ma jkunx nadif. 37 Imma jekk ikun jidher li l-​ġerħa baqgħet kif kienet u x-​xagħar iswed kiber fiha, din il-​ġerħa tkun fieqet. Hu jkun nadif, u l-​qassis irid jiddikjarah nadif.+

38 “Fil-​każ taʼ raġel jew mara, jekk joħorġu xi tbajjaʼ+ fil-​ġilda tagħhom, tbajjaʼ bojod, 39 il-qassis+ irid jarahom; u jekk it-​tbajjaʼ fil-​ġilda jkunu bojod ċari, dan ma jkunx raxx taʼ ħsara. Ikun ħareġ fil-​ġilda u l-​individwu jkun nadif.

40 “Jekk raġel jaqagħlu x-​xagħar taʼ rasu+ jkun qargħi. Hu jkun nadif. 41 U jekk ix-​xagħar jaqagħlu min-​naħa taʼ fuq ġbinu, ikun tfartas minn quddiem. Hu jkun nadif. 42 Imma jekk toħroġ ġerħa bajda ħamranija fuq il-​parti bla xagħar tal-​qorriegħa jew taʼ fuq ġbinu, dan ikun ġdiem li ħareġ fil-​parti bla xagħar tal-​qorriegħa tiegħu jew taʼ fuq ġbinu. 43 U l-​qassis+ irid jarah; u jekk tkun żviluppat nefħa u ġerħa bajda ħamranija fil-​parti bla xagħar tal-​qorriegħa tiegħu jew taʼ fuq ġbinu, skond kif jidher il-​ġdiem fil-​ġilda, 44 hu jkun imġiddem. Ma jkunx nadif. Mhux nadif, hekk għandu jiddikjarah il-​qassis. Il-​ġerħa tiegħu tkun fuq rasu. 45 Fil-każ taʼ l-​imġiddem li għandu l-​ġerħa, ħwejġu għandhom ikunu mqattgħin,+ u x-​xagħar taʼ rasu għandu jkun imħabbel,+ u għandu jgħatti l-​mustaċċi+ u jgħajjat, ‘Mhux nadif, mhux nadif!’+ 46 Il-jiem kollha li l-​marda tkun fuqu ma jkunx nadif. Hu m’huwiex nadif. Għandu jgħammar maqtugħ minn kulħadd. ’Il barra mill-​kamp+ ikun il-​post fejn jgħammar.

47 “Jekk f’xi libsa toħroġ il-​marda tal-​ġdiem, sew jekk tkun libsa tas-​suf u sew jekk tkun libsa taʼ l-​għażel, 48 sew fit-​tul+ u sew fil-​wisaʼ tad-​drapp minsuġ* taʼ l-​għażel u tas-​suf, sew f’xi ġilda u sew f’xi ħaġa magħmula mill-​ġild,+ 49 u l-​biċċa l-​marida li tkun ħadra safranija jew ħamranija toħroġ fil-​libsa jew fil-​ġilda jew fit-​tul jew fil-​wisaʼ tad-​drapp minsuġ jew f’xi oġġett tal-​ġild, din tkun il-​marda tal-​ġdiem, u trid tintwera lill-​qassis. 50 U l-​qassis+ irid jara l-​biċċa l-​marida, u jrid iżomm kwarantina+ għal sebat ijiem il-​ħaġa li jkollha l-​biċċa l-​marida. 51 Meta jkun ra l-​biċċa l-​marida fis-​sebaʼ jum, li l-​marda tkun infirxet fil-​libsa jew fit-​tul jew fil-​wisaʼ tad-​drapp minsuġ+ jew fil-​ġilda, ikun xi jkun l-​użu li għalih issir il-​ġilda, il-​biċċa l-​marida tkun ġdiem bla fejqan.+ Din ma tkunx nadifa. 52 U jrid jaħraq il-​libsa jew id-​drapp minsuġ tas-​suf jew taʼ l-​għażel,+ jew kull oġġett tal-​ġild li fih toħroġ il-​marda, għaliex dan ikun ġdiem bla fejqan.+ Għandu jinħaraq fin-​nar.

53 “Imma jekk il-​qassis jara li l-​marda ma tkunx infirxet fil-​libsa jew fit-​tul jew fil-​wisaʼ tad-​drapp minsuġ jew f’xi oġġett tal-​ġild,+ 54 il-qassis irid jordna wkoll li għandhom jaħslu dik il-​ħaġa li jkollha l-​marda fiha, u jrid iżommha kwarantina għal sebat ijiem oħra. 55 U l-​qassis irid jara l-​biċċa l-​marida wara li tkun ġiet maħsula, u jekk il-​marda baqgħet tidher l-​istess, u madankollu l-​marda ma tkunx infirxet, din ma tkunx nadifa. Għandek taħraqha fin-​nar. Din tkun toqba f’roqgħa mherrija mis-​sewwa jew mill-​maqlub.

56 “Imma jekk il-​qassis ikun ra li l-​biċċa l-​marida tkun iċċarat wara li ġiet maħsula, irid imbagħad jaqtagħha barra mil-​libsa jew mill-​ġilda jew mid-​drapp minsuġ. 57 Madankollu, jekk tkun għadha tidher fil-​libsa jew fit-​tul jew fil-​wisaʼ tad-​drapp minsuġ+ jew f’xi oġġett tal-​ġild, tkun qed tfaqqas. Għandek taħraq+ fin-​nar hu x’inhu li fih ikun hemm il-​marda. 58 U l-​libsa jew id-​drapp minsuġ jew xi oġġett tal-​ġild li taħsel, meta l-​marda tkun għabet minn fuqhom, irid jiġi maħsul it-​tieni darba; u hu jkun nadif.

59 “Din hi l-​liġi dwar il-​marda tal-​ġdiem f’libsa tas-​suf jew taʼ l-​għażel,+ jew fit-​tul jew fil-​wisaʼ tad-​drapp minsuġ, jew f’xi oġġett tal-​ġild, sabiex tiġi dikjarata nadifa jew mhix nadifa.”

14 U Ġeħova kompla jkellem lil Mosè u jgħidlu: 2 “Din tkun il-​liġi dwar l-​imġiddem+ fil-​jum li fih tiġi stabbilita l-​purifikazzjoni tiegħu, meta jinġieb għand il-​qassis.+ 3 U l-​qassis joħroġ ’il barra mill-​kamp u jarah; u jekk l-​imġiddem ikun fieq+ mill-​marda tal-​ġdiem, 4 il-qassis jagħti l-​ordni; u hu, biex jindaf, irid jieħu żewġ għasafar+ ħajjin u nodfa u injam taċ-​ċedru+ u materjal lewn l-​iskarlat*+ u żuf.+ 5 U l-​qassis irid jagħti l-​ordni, u wieħed mill-​għasafar irid jinqatel fuq reċipjent tal-​fuħħar li fih l-​ilma ġieri.+ 6 U l-​għasfur il-​ħaj għandu jieħdu flimkien maʼ l-​injam taċ-​ċedru, il-​materjal lewn l-​iskarlat, u ż-​żuf, u jrid ibillhom flimkien maʼ l-​għasfur il-​ħaj fid-​demm taʼ l-​għasfur li nqatel fuq l-​ilma ġieri. 7 Imbagħad irid iroxxu+ sebaʼ darbiet+ fuq dak li qed jindaf mill-​ġdiem u jiddikjarah nadif,+ u jitlaq l-​għasfur il-​ħaj fil-​kampanja.+

8 “U dak li qed jindaf irid jaħsel ħwejġu+ u jqarweż xagħru kollu u jinħasel+ fl-​ilma u jkun nadif, u wara jkun jistaʼ jidħol fil-​kamp. U jrid jgħammar sebat ijiem+ ’il barra mit-​tinda tiegħu. 9 U jrid iseħħ li fis-​sebaʼ jum ikollu jqarweż ix-​xagħar kollu taʼ fuq rasu+ u geddumu u taʼ fuq għajnejh. Iva, għandu jqarweż xagħru kollu, u jaħsel ħwejġu u jinħasel fl-​ilma; u hu jkun nadif.

10 “U fit-​tmien jum+ jieħu żewġ imtaten żgħar bla difett u ħarufa waħda bla difett,+ fl-​ewwel sena tagħha, u tlieta minn għaxra t’efa dqiq fin bħala offerta tal-​qmuħ+ miblula fiż-​żejt u kejl wieħed taʼ log żejt;+ 11 u l-​qassis li jiddikjarah nadif irid jippreżenta lir-​raġel li qed jindaf, u l-​affarijiet, quddiem Ġeħova fid-​daħla tat-​tinda tal-​laqgħa. 12 U l-​qassis irid jieħu wieħed mill-​imtaten żgħar u joffrih bħala offerta għall-​ħtija+ flimkien mal-​kejl taʼ log+ żejt u jxejjirhom ’l hemm u ’l hawn bħala offerta tat-​tixjir+ quddiem Ġeħova. 13 U joqtol il-​muntun żgħir fil-​post+ fejn jinqatlu regolarment l-​offerta għad-​dnub u l-​offerta tal-​ħruq, f’post qaddis,+ għaliex, bħalma l-​offerta għad-​dnub hi tal-​qassis,+ hekk ukoll hi l-​offerta għall-​ħtija. Din hi xi ħaġa mill-​iktar qaddisa.

14 “U l-​qassis jieħu ftit mid-​demm taʼ l-​offerta għall-​ħtija, u l-​qassis ipoġġih fuq id-​dendula tal-​widna l-​leminija taʼ dak li qed jindaf u fuq is-​sabaʼ l-​kbir taʼ idu l-​leminija u fuq is-​sabaʼ l-​kbir taʼ siequ l-​leminija.+ 15 U l-​qassis jieħu ftit mill-​kejl taʼ log+ żejt u jsawbu fuq il-​pala taʼ idu x-​xellugija. 16 U l-​qassis ibill is-​sabaʼ taʼ idu l-​leminija fiż-​żejt li jkollu fuq il-​pala taʼ idu x-​xellugija u jroxx b’sebgħu ftit miż-​żejt sebaʼ darbiet+ quddiem Ġeħova. 17 U mill-​bqija taż-​żejt li jkollu fuq il-​pala taʼ idu, il-​qassis ipoġġi ftit minnu fuq id-​dendula tal-​widna l-​leminija taʼ dak li qed jindaf u fuq is-​sabaʼ l-​kbir taʼ idu l-​leminija u fuq is-​sabaʼ l-​kbir taʼ siequ l-​leminija, fuq id-​demm taʼ l-​offerta għall-​ħtija.+ 18 U dak li jibqaʼ miż-​żejt li jkollu fuq il-​pala taʼ idu, il-​qassis ipoġġih fuq ras dak li qed jindaf, u l-​qassis jagħmel tpattija+ għalih quddiem Ġeħova.

19 “U l-​qassis joffri l-​offerta għad-​dnub+ u jagħmel tpattija għal dak li qed jindaf min-​nuqqas taʼ safa tiegħu, u wara joqtol l-​offerta tal-​ħruq. 20 U l-​qassis joffri l-​offerta tal-​ħruq u l-​offerta tal-​qmuħ+ fuq l-​artal, u l-​qassis+ jagħmel tpattija għalih;+ u hu jkun nadif.+

21 “Madankollu, jekk ikun fqir+ u ma jkollux mezzi biżżejjed,+ jieħu muntun żgħir wieħed bħala l-​offerta għall-​ħtija għal offerta tat-​tixjir sabiex issir tpattija għalih, wieħed minn għaxra t’efa dqiq fin miblul fiż-​żejt bħala offerta tal-​qmuħ, u kejl taʼ log żejt, 22 u żewġ gamimiet+ jew żewġ bċieċen, skond kemm ikun jistaʼ jagħti, u wieħed minn dawn iservi bħala offerta għad-​dnub u l-​ieħor bħala offerta tal-​ħruq. 23 U fit-​tmien jum,+ biex tiġi stabbilita l-​purifikazzjoni tiegħu,+ iġibhom lill-​qassis fid-​daħla tat-​tinda tal-​laqgħa+ quddiem Ġeħova.

24 “U l-​qassis jieħu l-​muntun żgħir taʼ l-​offerta għall-​ħtija+ u l-​kejl taʼ log żejt, u l-​qassis ixejjirhom ’l hemm u ’l hawn bħala offerta tat-​tixjir quddiem Ġeħova.+ 25 U joqtol il-​muntun żgħir taʼ l-​offerta għall-​ħtija, u l-​qassis jieħu ftit mid-​demm taʼ l-​offerta għall-​ħtija u jpoġġih fuq id-​dendula tal-​widna l-​leminija taʼ dak li qed jindaf u fuq is-​sabaʼ l-​kbir taʼ idu l-​leminija u fuq is-​sabaʼ l-​kbir taʼ siequ l-​leminija.+ 26 U l-​qassis isawwab ftit miż-​żejt fuq il-​pala taʼ idu x-​xellugija.+ 27 U bis-​sabaʼ taʼ idu l-​leminija l-​qassis iroxx+ ftit miż-​żejt li jkollu fuq il-​pala taʼ idu x-​xellugija sebaʼ darbiet quddiem Ġeħova. 28 U miż-​żejt li jkollu fuq il-​pala taʼ idu, il-​qassis ipoġġi ftit fuq id-​dendula tal-​widna l-​leminija taʼ dak li qed jindaf u fuq is-​sabaʼ l-​kbir taʼ idu l-​leminija u fuq is-​sabaʼ l-​kbir taʼ siequ l-​leminija, fuq il-​post tad-​demm taʼ l-​offerta għall-​ħtija.+ 29 U dak li jibqaʼ miż-​żejt li jkollu fil-​pala taʼ idu, il-​qassis ipoġġih fuq ras+ dak li qed jindaf sabiex jagħmel tpattija għalih quddiem Ġeħova.

30 “U joffri waħda mill-​gamiem jew wieħed mill-​bċieċen li jkun jistaʼ jagħti,+ 31 wieħed minnhom bħala offerta għad-​dnub+ u l-​ieħor bħala offerta tal-​ħruq,+ u b’hekk joffri li jkun jistaʼ flimkien maʼ l-​offerta tal-​qmuħ; u l-​qassis jagħmel tpattija+ għal dak li qed jindaf quddiem Ġeħova.

32 “Din hi l-​liġi għal min ikollu l-​marda tal-​ġdiem u ma jkollux mezzi biżżejjed meta tiġi stabbilita l-​purifikazzjoni tiegħu.”

33 U Ġeħova kellem lil Mosè u lil Aron u qalilhom: 34 “Meta tidħlu fl-​art taʼ Kangħan,+ li qed nagħtikom biex tkun tagħkom,+ u nibgħat il-​marda tal-​ġdiem f’xi dar taʼ l-​art li hi tagħkom,+ 35 sid id-​dar irid jiġi jkellem lill-​qassis u jgħidlu, ‘Hemm roqgħa fil-​ħajt tad-​dar tiegħi u qisha l-​marda tal-​ġdiem.’ 36 U l-​qassis jagħti l-​ordnijiet, u jridu jbattlu d-​dar qabel ma jiġi l-​qassis biex jara l-​marda, sabiex ma jiddikjarax kulma hemm fid-​dar bħala mhux nadif; u mbagħad il-​qassis jidħol jara d-​dar. 37 Meta jkun ra l-​marda, jekk il-​marda tkun fil-​ħitan tad-​dar, bi brix aħdar safrani jew ħamrani li jkun jidher iktar imdaħħal ’il ġewwa minn wiċċ il-​ħajt, 38 il-qassis irid joħroġ mid-​dar, u jżomm id-​dar kwarantina+ għal sebat ijiem.

39 “U l-​qassis irid jerġaʼ lura fis-​sebaʼ jum u jaraha;+ u jekk il-​marda tkun infirxet fil-​ħitan tad-​dar, 40 il-qassis jagħti l-​ordnijiet, u jridu jaqilgħu+ l-​ġebel li jkun fih il-​marda, u jitfgħuh ’il barra mill-​belt f’post mhux nadif. 41 U jġegħelhom joborxu d-​dar minn ġewwa dawramejt, u t-​tajn tat-​tafal li jkunu barxu jridu jitfgħuh ’il barra mill-​belt f’post mhux nadif. 42 U jieħdu ġebel ieħor u jdaħħluh fil-​post minflok il-​ġebel taʼ qabel; u jġegħelhom jieħdu tajn tat-​tafal differenti u jkaħħlu d-​dar.

43 “Iżda jekk il-​marda terġaʼ tidher u tfaqqas fid-​dar wara li jkunu qalgħu l-​ġebel u wara li jkunu barxu d-​dar u kaħħluha, 44 il-qassis+ jidħol jara; u jekk il-​marda tkun infirxet fid-​dar, dan ikun ġdiem bla fejqan+ fid-​dar. Ma tkunx nadifa. 45 U jġegħelhom iġarrfu d-​dar bil-​ġebel tagħha u l-​injam tagħha u t-​tajn tat-​tafal kollu tad-​dar u jġegħelhom iġorruh ’il barra mill-​belt lejn post mhux nadif.+ 46 Imma kulmin jidħol fid-​dar fil-​jiem li din tkun qed tinżamm kwarantina+ ma jkunx nadif sa fil-​għaxija;+ 47 u kulmin jimtedd fid-​dar għandu jaħsel ħwejġu,+ u kulmin jiekol fid-​dar għandu jaħsel ħwejġu.

48 “Madankollu, jekk il-​qassis fil-​fatt jiġi u jara, u, ara, il-​marda ma tkunx infirxet fid-​dar wara li d-​dar tkun tkaħħlet, imbagħad il-​qassis jiddikjara d-​dar nadifa, għaliex il-​marda tkun tfejqet.+ 49 U biex jippurifika d-​dar mid-​dnub jieħu żewġ għasafar+ u injam taċ-​ċedru+ u materjal lewn l-​iskarlat+ u żuf. 50 U joqtol wieħed mill-​għasafar fuq reċipjent tal-​fuħħar li fih l-​ilma ġieri.+ 51 U jieħu l-​injam taċ-​ċedru u ż-​żuf+ u l-​materjal lewn l-​iskarlat u l-​għasfur il-​ħaj u jbillhom fid-​demm taʼ l-​għasfur li nqatel u fl-​ilma ġieri, u jroxxu+ lejn id-​dar sebaʼ darbiet.+ 52 U jippurifika d-​dar mid-​dnub bid-​demm taʼ l-​għasfur u l-​ilma ġieri u l-​għasfur il-​ħaj u l-​injam taċ-​ċedru u ż-​żuf u l-​materjal lewn l-​iskarlat. 53 U jitlaq l-​għasfur il-​ħaj ’il barra mill-​belt fil-​kampanja u jagħmel tpattija+ għad-​dar; u din tkun nadifa.

54 “Din hi l-​liġi dwar kwalunkwe marda tal-​ġdiem+ u dwar ix-​xagħar li ma jaqax b’mod normali+ 55 u dwar il-​ġdiem taʼ xi libsa+ u fid-​dar, 56 u dwar ir-​raxx u l-​qxur u t-​tbajjaʼ,+ 57 sabiex jingħataw l-​istruzzjonijiet+ meta xi ħaġa ma tkunx nadifa u meta xi ħaġa tkun nadifa. Din hi l-​liġi dwar il-​ġdiem.”+

15 U Ġeħova kompla jkellem lil Mosè u lil Aron u jgħidilhom: 2 “Kellmu lil ulied Israel u għidulhom, ‘Jekk xi raġel ikollu tisfija kontinwa+ mill-​organu ġenitali tiegħu, it-​tisfija tiegħu ma tkunx nadifa. 3 U dan ikun in-​nuqqas taʼ ndafa tiegħu minħabba t-​tisfija tiegħu: Sew jekk l-​organu ġenitali tiegħu jnixxi tisfija kontinwa u sew jekk l-​organu ġenitali tiegħu jkun imblokkat minħabba t-​tisfija kontinwa tiegħu, dan ikun in-​nuqqas taʼ ndafa tiegħu.

4 “‘Kull sodda li jimtedd fuqha dak li jkollu tisfija kontinwa ma tkunx nadifa, u kull oġġett li joqgħod bil-​qiegħda fuqu ma jkunx nadif. 5 U raġel li jmisslu s-​sodda tiegħu għandu jaħsel ħwejġu u jinħasel fl-​ilma u ma jkunx nadif sa fil-​għaxija.+ 6 U kulmin joqgħod bil-​qiegħda fuq l-​oġġett li kien bil-​qiegħda fuqu dak li jkollu tisfija kontinwa għandu jaħsel+ ħwejġu u jinħasel fl-​ilma u ma jkunx nadif sa fil-​għaxija. 7 U kulmin imiss il-​ġisem taʼ dak li jkollu tisfija kontinwa+ għandu jaħsel ħwejġu u jinħasel fl-​ilma u ma jkunx nadif sa fil-​għaxija.+ 8 U jekk dak li jkollu tisfija kontinwa jobżoq fuq xi ħadd nadif, dan irid jaħsel ħwejġu u jinħasel fl-​ilma u ma jkunx nadif sa fil-​għaxija. 9 U kull sarġ+ li jkun rikeb fuqu dak li jkollu tisfija kontinwa ma jkunx nadif. 10 U kulmin imiss xi ħaġa li tkun taħtu ma jkunx nadif sa fil-​għaxija; u min iġorrha jaħsel ħwejġu u jinħasel fl-​ilma u ma jkunx nadif sa fil-​għaxija. 11 U jekk dak li jkollu tisfija kontinwa,+ li ma jkunx ħasel idejh fl-​ilma, imiss lil xi ħadd, dan irid jaħsel ħwejġu u jinħasel fl-​ilma u ma jkunx nadif sa fil-​għaxija. 12 U xi reċipjent tal-​fuħħar li jmiss dak li jkollu tisfija kontinwa għandu jitkisser;+ u kull reċipjent taʼ l-​injam+ għandu jinħasel bl-​ilma.

13 “‘Issa jekk dak li jkollu tisfija kontinwa jindaf mit-​tisfija kontinwa tiegħu, hu nnifsu jrid jgħodd sebat ijiem għall-​purifikazzjoni tiegħu,+ u jrid jaħsel ħwejġu u jinħasel fl-​ilma ġieri;+ u hu jkun nadif. 14 U fit-​tmien jum hu nnifsu għandu jieħu żewġ gamimiet+ jew żewġ bċieċen, u jidħol quddiem Ġeħova fid-​daħla tat-​tinda tal-​laqgħa u jagħtihom lill-​qassis. 15 U l-​qassis joffrihom, wieħed minnhom bħala offerta għad-​dnub u l-​ieħor bħala offerta tal-​ħruq;+ u l-​qassis jagħmel tpattija għalih quddiem Ġeħova rigward it-​tisfija kontinwa tiegħu.

16 “‘Issa jekk raġel joħroġ minnu xi tixrid taʼ l-​isperma,+ irid jinħasel kollu kemm hu fl-​ilma u ma jkunx nadif sa fil-​għaxija. 17 U kull libsa u kull ħaġa tal-​ġild li jiġi fuqha t-​tixrid taʼ l-​isperma trid tinħasel fl-​ilma u ma tkunx nadifa sa fil-​għaxija.+

18 “‘Mara li jimtedd magħha raġel b’tixrid taʼ l-​isperma, it-​tnejn iridu jinħaslu fl-​ilma u ma jkunux nodfa+ sa fil-​għaxija.

19 “‘U jekk mara jkollha tisfija kontinwa, u t-​tisfija kontinwa li jkollha f’ġisimha tkun demm,+ hi għandha tibqaʼ sebat ijiem fin-​nuqqas taʼ safa+ mit-​tnixxija tad-​demm taʼ kull xahar tagħha,+ u kulmin imissha ma jkunx nadif sa fil-​għaxija. 20 U kulma timtedd fuqu meta tkun fin-​nuqqas taʼ safa bit-​tnixxija tad-​demm taʼ kull xahar tagħha ma jkunx nadif,+ u kulma toqgħod bil-​qiegħda fuqu ma jkunx nadif. 21 U kulmin imiss is-​sodda tagħha għandu jaħsel ħwejġu u jinħasel fl-​ilma u ma jkunx nadif sa fil-​għaxija.+ 22 U kulmin imiss xi oġġett li tkun qagħdet bil-​qiegħda fuqu għandu jaħsel ħwejġu u jinħasel fl-​ilma u ma jkunx nadif sa fil-​għaxija.+ 23 U jekk tkun qagħdet bil-​qiegħda fuq is-​sodda jew fuq oġġett ieħor, min imissu+ ma jkunx nadif sa fil-​għaxija. 24 U jekk raġel fil-​fatt jimtedd magħha u jiġi fuqu n-​nuqqas taʼ safa mit-​tnixxija tad-​demm taʼ kull xahar tagħha,+ ma jkunx nadif għal sebat ijiem, u kull sodda li jimtedd fuqha ma tkunx nadifa.

25 “‘Jekk mara jkollha t-​tisfija kontinwa taʼ demmha tnixxi għal ħafna jiem+ meta ma jkunx iż-​żmien regulari tan-​nuqqas taʼ safa tagħha mit-​tnixxija tad-​demm taʼ kull xahar,+ jew jekk ikollha tnixxija li ddum iktar min-​nuqqas taʼ safa mit-​tnixxija tad-​demm taʼ kull xahar, il-​jiem kollha li ddum bit-​tisfija kontinwa u mhix nadifa jkunu bħal fil-​jiem tan-​nuqqas taʼ safa mit-​tnixxija tad-​demm taʼ kull xahar. Ma tkunx nadifa. 26 Kull sodda li timtedd fuqha fil-​jiem tat-​tisfija kontinwa tagħha se tkun għaliha bħas-​sodda tan-​nuqqas taʼ safa tagħha mit-​tnixxija tad-​demm taʼ kull xahar,+ u kull oġġett li toqgħod bil-​qiegħda fuqu jsir mhux nadif bħan-​nuqqas taʼ ndafa tan-​nuqqas taʼ safa tagħha mit-​tnixxija tad-​demm taʼ kull xahar. 27 U kulmin imisshom+ ma jkunx nadif, u jrid jaħsel ħwejġu u jinħasel fl-​ilma u ma jkunx nadif sa fil-​għaxija.

28 “‘Madankollu, jekk tkun indafet mit-​tisfija kontinwa tagħha, hi nfisha trid tgħodd ukoll sebat ijiem, u wara tkun nadifa.+ 29 U fit-​tmien jum hi nfisha għandha tieħu żewġ gamimiet+ jew żewġ bċieċen, u trid iġġibhom lill-​qassis fid-​daħla tat-​tinda tal-​laqgħa.+ 30 U l-​qassis jagħmel wieħed minnhom offerta għad-​dnub u l-​ieħor offerta tal-​ħruq;+ u l-​qassis jagħmel tpattija+ għaliha quddiem Ġeħova rigward it-​tisfija kontinwa u mhix nadifa li kellha.

31 “‘U tridu żżommu lil ulied Israel ’il bogħod min-​nuqqas taʼ ndafa, għax inkella jmutu fin-​nuqqas taʼ ndafa għax ikunu niġġsu t-​tabernaklu tiegħi, li qiegħed f’nofshom.+

32 “‘Din hi l-​liġi dwar ir-​raġel li jkollu tisfija kontinwa+ u r-​raġel li minnu joħroġ tixrid taʼ l-​isperma,+ u b’hekk isir mhux nadif bih; 33 u l-​mara li jkollha tnixxija tad-​demm taʼ kull xahar+ fin-​nuqqas taʼ ndafa tagħha, u kulmin ikollu tnixxija tat-​tisfija kontinwa,+ kemm raġel u kemm mara, u raġel li jimtedd maʼ mara mhix nadifa.’”

16 U Ġeħova kellem lil Mosè wara l-​mewt taż-​żewġ ulied t’Aron talli resqu quddiem Ġeħova b’mod mhux xieraq, u b’hekk mietu.+ 2 U Ġeħova qal lil Mosè: “Għid lil ħuk Aron li m’għandux jidħol meta jrid fil-​post qaddis+ ’il ġewwa mill-​purtiera,+ quddiem l-​għatu li qiegħed fuq l-​Arka, għax inkella jmut;+ għaliex jien se nidher fi sħaba+ fuq l-​għatu.+

3 “Aron għandu jidħol fil-​post qaddis+ b’dan li ġej: barri żgħir għal offerta għad-​dnub+ u muntun għal offerta tal-​ħruq.+ 4 Għandu jilbes il-​libsa twila mqaddsa taʼ l-​għażel,+ u l-​qalziet taʼ taħt taʼ l-​għażel+ għandu jintlibes fuq ġismu, u għandu jitħażżem bit-​terħa taʼ l-​għażel+ u jgeżwer maʼ rasu t-​turbant taʼ l-​għażel.+ Dawn huma ħwejjeġ imqaddsin.+ U jrid jinħasel fl-​ilma+ u jilbishom.

5 “U mingħand il-​ġemgħa taʼ wlied Israel+ għandu jieħu żewġ gidjien irġiel għal offerta għad-​dnub+ u muntun wieħed għal offerta tal-​ħruq.+

6 “U Aron irid jippreżenta l-​barri taʼ l-​offerta għad-​dnub, li tkun għalih innifsu,+ u jagħmel tpattija+ għalih innifsu+ u għal daru.+

7 “U jrid jaqbad iż-​żewġ gidjien u jqegħedhom quddiem Ġeħova fid-​daħla tat-​tinda tal-​laqgħa. 8 U Aron irid jitfaʼ x-​xorti+ fuq iż-​żewġ gidjien, xorti waħda għal Ġeħova u x-​xorti l-​oħra għal Għażażel.*+ 9 U Aron irid jippreżenta l-​gidi li fuqu telgħet ix-​xorti+ għal Ġeħova, u jagħmlu offerta għad-​dnub.+ 10 Imma l-​gidi li fuqu telgħet ix-​xorti għal Għażażel għandu jitqiegħed ħaj quddiem Ġeħova biex issir tpattija għalih, sabiex jibagħtu+ fix-​xagħri+ għal Għażażel.

11 “U Aron irid jippreżenta l-​barri taʼ l-​offerta għad-​dnub, li tkun għalih innifsu, u jagħmel tpattija għalih innifsu u għal daru; u jrid joqtol il-​barri taʼ l-​offerta għad-​dnub, li tkun għalih innifsu.+

12 “U jrid jieħu r-​reċipjent għall-​inċens+ mimli ġamar tan-​nar minn fuq l-​artal+ quddiem Ġeħova, u l-​pali taʼ idejh it-​tnejn+ mimlijin bl-​inċens fin u jfuħ,+ u jrid iġibhom ’il ġewwa mill-​purtiera.+ 13 Irid ukoll ipoġġi l-​inċens fuq in-​nar quddiem Ġeħova,+ u d-​duħħan taʼ l-​inċens jinfirex u jgħatti l-​għatu taʼ l-​Arka,+ li qiegħed fuq it-​Testimonjanza,+ għax inkella jmut.

14 “U jieħu ftit mid-​demm tal-​barri+ u jroxxu b’sebgħu biswit l-​għatu n-​naħa tal-​lvant, u jroxx+ ftit mid-​demm b’sebgħu sebaʼ darbiet quddiem l-​għatu.+

15 “U joqtol il-​gidi taʼ l-​offerta għad-​dnub, li jkun għall-​poplu,+ u jġib demmu ’l ġewwa mill-​purtiera+ u b’demmu+ jagħmel l-​istess bħalma għamel bid-​demm tal-​barri; u jroxxu lejn l-​għatu u quddiem l-​għatu.

16 “U jagħmel tpattija għall-​post qaddis rigward in-​nuqqas taʼ ndafa+ taʼ wlied Israel u rigward l-​irvellijiet tagħhom fi dnubiethom kollha;+ u hekk għandu jagħmel għat-​tinda tal-​laqgħa, li tinsab f’nofshom, f’nofs in-​nuqqas taʼ ndafa tagħhom.

17 “U m’għandu jkun hemm ebda bniedem ieħor fit-​tinda tal-​laqgħa mindu jidħol biex jagħmel tpattija fil-​post qaddis sakemm joħroġ; u jagħmel tpattija għalih innifsu+ u għal daru u għall-​kongregazzjoni kollha kemm hi taʼ Israel.+

18 “U joħroġ lejn l-​artal,+ li qiegħed quddiem Ġeħova, u jagħmel tpattija għalih, u jieħu ftit mid-​demm tal-​barri u ftit mid-​demm tal-​gidi u jpoġġih fuq il-​qrun taʼ l-​artal dawramejt.+ 19 Irid ukoll iroxx+ fuqu ftit mid-​demm b’sebgħu sebaʼ darbiet u jnaddfu u jqaddsu min-​nuqqas taʼ ndafa taʼ wlied Israel.

20 “Meta jkun spiċċa jagħmel tpattija+ għall-​post qaddis u għat-​tinda tal-​laqgħa u għall-​artal, irid jippreżenta wkoll il-​gidi l-​ħaj.+ 21 U Aron iqiegħed idejh it-​tnejn+ fuq ras il-​gidi l-​ħaj u jistqarr+ fuqu l-​iżbalji+ kollha taʼ wlied Israel u l-​irvellijiet tagħhom kollha fi dnubiethom kollha,+ u jpoġġihom fuq ras il-​gidi+ u jibagħtu fix-​xagħri+ permezz taʼ raġel li jkun intgħażel apposta.+ 22 U l-​gidi jrid iġorr fuqu l-​iżbalji+ kollha tagħhom f’art li hi deżert,+ u hu jrid jibgħat il-​gidi fix-​xagħri.+

23 “U Aron irid jidħol fit-​tinda tal-​laqgħa u jinżaʼ l-​ħwejjeġ taʼ l-​għażel li libes meta daħal fil-​post qaddis, u jħallihom hemmhekk.+ 24 U jinħasel fl-​ilma+ f’post qaddis+ u jilbes ħwejġu+ u joħroġ u joffri l-​offerta tal-​ħruq tiegħu+ u l-​offerta tal-​ħruq tal-​poplu+ u jagħmel tpattija għalih innifsu u għall-​poplu.+ 25 U jaħraq ix-​xaħam taʼ l-​offerta għad-​dnub fuq l-​artal.+

26 “Dak+ li bagħat il-​gidi għal Għażażel+ għandu jaħsel ħwejġu, u jinħasel fl-​ilma,+ u mbagħad ikun jistaʼ jidħol fil-​kamp.

27 “Madankollu, il-​qassis iqabbadhom joħorġu ’l barra mill-​kamp il-​barri taʼ l-​offerta għad-​dnub u l-​gidi taʼ l-​offerta għad-​dnub, li d-​demm tat-​tnejn li huma ddaħħal biex issir tpattija fil-​post qaddis; u jaħarqu fin-​nar il-​ġlud tagħhom u l-​laħam tagħhom u l-​ħmieġ tagħhom.+ 28 U min jaħraqhom għandu jaħsel ħwejġu, u jinħasel fl-​ilma, u mbagħad ikun jistaʼ jidħol fil-​kamp.

29 “U dan iservi bħala statut għal żmien indefinit għalikom:+ Fis-​sebaʼ xahar, fl-​għaxra tax-​xahar,+ għandkom tgħakksu ruħkom,*+ u ma tagħmlu ebda xogħol,+ sew min twieled fil-​pajjiż u sew ir-​resident barrani li qed jgħammar bħala barrani f’nofskom. 30 Għax f’dan il-​jum issir tpattija+ għalikom biex tiġu dikjarati nodfa. Se tkunu nodfa minn dnubietkom kollha quddiem Ġeħova.+ 31 Dan huwa Sabat*+ taʼ mistrieħ komplet għalikom, u tridu tgħakksu ruħkom. Dan hu statut għal żmien indefinit.

32 “U l-​qassis li jkun midluk+ u li jkun ngħata s-​setgħa f’idu biex jaqdi bħala qassis,+ bħala suċċessur+ taʼ missieru, jagħmel tpattija u jilbes il-​ħwejjeġ taʼ l-​għażel.+ Dawn huma ħwejjeġ imqaddsin.+ 33 U jagħmel tpattija għas-​santwarju qaddis,+ u jagħmel tpattija għat-​tinda+ tal-​laqgħa u għall-​artal;+ u jagħmel tpattija wkoll għall-​qassisin u għan-​nies kollha tal-​kongregazzjoni.+ 34 U dan iservi bħala statut għal żmien indefinit għalikom,+ sabiex tagħmlu tpattija darba fis-​sena+ għal ulied Israel rigward id-​dnubiet kollha tagħhom.”

U hu għamel bħalma Ġeħova kien ikkmanda lil Mosè.

17 U Ġeħova ssokta jkellem lil Mosè u jgħidlu: 2 “Kellem lil Aron u lil uliedu u lill-​ulied kollha taʼ Israel, u għidilhom, ‘Dan hu li kkmanda Ġeħova meta qal:

3 “‘“Kull raġel mid-​dar taʼ Israel li joqtol baqar, nagħaġ, jew mogħoż fil-​kamp jew li joqtolhom ’il barra mill-​kamp 4 u ma jġibhomx fid-​daħla tat-​tinda tal-​laqgħa+ biex jippreżentahom bħala offerta lil Ġeħova quddiem it-​tabernaklu taʼ Ġeħova, dan ir-​raġel ikun magħdud bħala ħati tad-​demm. Ikun xerred id-​demm, u dan ir-​raġel irid jiġi maqtugħ minn fost il-​poplu tiegħu,+ 5 sabiex ulied Israel ma jibqgħux joqtlu l-​annimali tagħhom fil-​kampanja,+ imma jġibuhom lil Ġeħova fid-​daħla tat-​tinda tal-​laqgħa għand il-​qassis,+ u dawn iridu joffruhom bħala sagrifiċċji taʼ sħubija lil Ġeħova.+ 6 U l-​qassis iroxx id-​demm fuq l-​artal+ taʼ Ġeħova fid-​daħla tat-​tinda tal-​laqgħa, u jaħraq ix-​xaħam+ bħala riħa pjaċevoli lil Ġeħova.+ 7 Għalhekk, m’għandhomx jibqgħu joffru s-​sagrifiċċji tagħhom lid-​demonji*+ li magħhom qed ikollhom relazzjoni immorali.+ Dan iservi bħala statut għal żmien indefinit għalikom, matul il-​ġenerazzjonijiet tagħkom.”’

8 “U għandek tgħidilhom, ‘Kull raġel mid-​dar taʼ Israel jew xi resident barrani li qed jgħammar bħala barrani f’nofskom u li joffri offerta tal-​ħruq+ jew sagrifiċċju 9 u ma jġibux fid-​daħla tat-​tinda tal-​laqgħa biex joffrih lil Ġeħova,+ dan ir-​raġel irid jiġi maqtugħ minn mal-​poplu tiegħu.+

10 “‘Kull raġel mid-​dar taʼ Israel jew xi resident barrani li qed jgħammar bħala barrani f’nofskom u li jiekol kwalunkwe tip taʼ demm,+ jien żgur li se ndawwar wiċċi kontra r-​ruħ+ li tkun qed tiekol id-​demm, u tabilħaqq li se naqtagħha minn fost il-​poplu tagħha. 11 Għax ir-​ruħ tal-​laħam hi fid-​demm,+ u jien stess poġġejtu fuq l-​artal għalikom biex nagħmel tpattija+ għal ruħkom, għaliex huwa d-​demm,+ bir-​ruħ fih, li jagħmel tpattija.+ 12 Għalhekk jien għedt lil ulied Israel: “Ebda ruħ minnkom ma trid tiekol demm u ebda resident barrani li qed jgħammar bħala barrani f’nofskom+ m’għandu jiekol demm.”+

13 “‘Kull raġel mid-​dar taʼ Israel jew xi resident barrani li qed jgħammar bħala barrani f’nofskom u li waqt li jkun għall-​kaċċa jaqbad xi bhima salvaġġa jew xi tajra li tistaʼ tittiekel, irid iferraʼ demmha+ u jgħattih bit-​trab.+ 14 Għax ir-​ruħ taʼ kull tip taʼ laħam hi demmu bir-​ruħ fih. Għaldaqstant għedt lil ulied Israel: “Ma tridu tieklu d-​demm t’ebda tip taʼ laħam, għaliex ir-​ruħ taʼ kull tip taʼ laħam hi demmu.+ Kulmin jieklu jiġi maqtugħ.”+ 15 Kull bniedem,* sew jekk imwieled fil-​pajjiż u sew jekk resident barrani, li jiekol minn ġisem li jkun diġà mejjet jew xi ħaġa mqattgħa minn bhima salvaġġa,+ irid jaħsel ħwejġu u jinħasel fl-​ilma u ma jkunx nadif sa fil-​għaxija;+ u hu jkun nadif. 16 Imma jekk ma jaħsilhomx u ma jinħasilx, imbagħad irid iwieġeb għall-​iżball tiegħu.’”+

18 U Ġeħova kompla jkellem lil Mosè u jgħidlu: 2 “Kellem lil ulied Israel, u għidilhom, ‘Jien Ġeħova Alla tagħkom.+ 3 Tagħmlux+ kif tagħmel l-​art taʼ l-​Eġittu, li għammartu fiha; u tagħmlux+ kif tagħmel l-​art taʼ Kangħan, li qed inġibkom fiha; u timxux fuq l-​istatuti tagħhom. 4 Id-deċiżjonijiet ġudizzjarji+ tiegħi għandkom twettqu, u għandkom tħarsu l-​istatuti+ tiegħi sabiex timxu fuqhom.+ Jien Ġeħova Alla tagħkom. 5 U tridu tħarsu l-​istatuti tiegħi u d-​deċiżjonijiet ġudizzjarji tiegħi, li jekk bniedem iħarishom, jgħix ukoll permezz tagħhom.+ Jien Ġeħova.+

6 “‘Intom ma tridux tersqu, ebda raġel minnkom, lejn xi ħadd li jiġi minnkom mill-​qrib biex tikxfulu l-​għera.+ Jien Ġeħova. 7 Tikxifx l-​għera taʼ missierek+ u l-​għera t’ommok. Hi ommok. Tikxifx l-​għera tagħha.

8 “‘Tikxifx l-​għera taʼ mart missierek.+ Hi l-​għera taʼ missierek.

9 “‘Inkwantu għall-​għera t’oħtok, bint missierek jew bint ommok, sew jekk imwielda fl-​istess dar u sew jekk le, tikxifx l-​għera tagħha.+

10 “‘Inkwantu għall-​għera taʼ bint ibnek jew bint bintek, tikxifx l-​għera tagħhom, għaliex huma l-​għera tiegħek.

11 “‘Inkwantu għall-​għera taʼ bint il-​mara taʼ missierek, nisel missierek, peress li hi oħtok, tikxifx l-​għera tagħha.

12 “‘Tikxifx l-​għera t’oħt missierek. Hi l-​qariba minn demm missierek.+

13 “‘Tikxifx l-​għera t’oħt ommok, għaliex hi qariba minn demm ommok.

14 “‘Tikxifx l-​għera taʼ ħu missierek. Tersaqx lejn martu. Hi zitek.+

15 “‘Tikxifx l-​għera taʼ mart ibnek.+ Hi mart ibnek. Tikxifx l-​għera tagħha.

16 “‘Tikxifx l-​għera taʼ mart ħuk.+ Hi l-​għera taʼ ħuk.

17 “‘Tikxifx l-​għera taʼ mara u taʼ bintha.+ Tiħux lil bint binha jew lil bint bintha sabiex tikxfilha l-​għera tagħha. Dawn huma qraba minn demmha. Din hi kondotta laxka.+

18 “‘U minbarra martek tiħux bħala t-​tieni mara lil oħtha wkoll bħala rival+ biex tikxef l-​għera tagħha, jiġifieri, flimkien magħha meta hi tkun għadha ħajja.

19 “‘U tersaqx lejn mara biex tikxef l-​għera tagħha meta ma tkunx safja+ minħabba t-​tnixxija tad-​demm taʼ kull xahar.+

20 “‘U m’għandux ikollok relazzjoni sesswali* maʼ mart sieħbek biex minħabba dan issir mhux nadif.+

21 “‘U tħalli lil ħadd+ minn uliedek jiġi offrut lil Molek.+ Tkasbarx+ isem Alla tiegħek b’dan il-​mod. Jien Ġeħova.+

22 “‘U timteddx maʼ raġel+ l-​istess bħalma timtedd maʼ mara.+ Din hi ħaġa moqżieża.

23 “‘U m’għandux ikollok relazzjoni sesswali maʼ xi bhima+ biex issir mhux nadif biha, u mara m’għandhiex tieqaf quddiem bhima biex ikollha x’taqsam magħha.+ Dan imur kontra dak li hu naturali.

24 “‘Titħammġu b’ebda waħda minn dawn l-​affarijiet, għaliex b’dawn l-​affarijiet kollha tħammġu+ l-​ġnus li qed inkeċċi ’l barra minn quddiemkom. 25 Minħabba f’hekk l-​art mhix nadifa, u se nġib il-​kastig għall-​iżball tagħha fuqha, u l-​art se tobżoq ’il barra lill-​abitanti tagħha.+ 26 U intom tridu tħarsu l-​istatuti tiegħi u d-​deċiżjonijiet ġudizzjarji tiegħi,+ u ma tridu tagħmlu ebda waħda minn dawn l-​affarijiet mistkerrhin kollha, sew jekk wieħed ikun imwieled fil-​pajjiż u sew jekk ikun resident barrani li qed jgħammar bħala barrani f’nofskom.+ 27 Għax dawn l-​affarijiet mistkerrhin kollha għamlu+ n-​nies taʼ din l-​art li kienu qabilkom, u b’hekk l-​art mhix nadifa. 28 Imbagħad l-​art ma tobżoqkomx ’il barra talli niġġistuha bħalma żgur li se tobżoq ’il barra lill-​ġnus li kienu qabilkom.+ 29 Jekk xi ħadd jagħmel xi waħda minn dawn l-​affarijiet mistkerrhin kollha, l-​erwieħ li jagħmluhom iridu jiġu maqtugħin minn fost il-​poplu tagħhom.+ 30 U intom tridu tħarsu l-​obbligu tagħkom lejja biex ma tipprattikawx id-​drawwiet mistkerrhin li ġew prattikati qabilkom,+ sabiex ma titħammġux bihom. Jien Ġeħova Alla tagħkom.’”

19 U Ġeħova kompla jkellem lil Mosè u jgħidlu: 2 “Kellem lill-​ġemgħa kollha taʼ wlied Israel, u għidilhom, ‘Għandkom turu li intom qaddisin,+ għax jien, Ġeħova Alla tagħkom, qaddis.+

3 “‘Għandkom tibżgħu kull wieħed minnkom minn ommu u minn missieru,+ u għandkom tħarsu s-​Sabatijiet tiegħi.+ Jien Ġeħova Alla tagħkom. 4 Iddurux lejn allat bla siwi,+ u tagħmlux għalikom allat minn metall imdewweb.+ Jien Ġeħova Alla tagħkom.

5 “‘Issa jekk is-​sagrifiċċju li toffru lil Ġeħova jkun sagrifiċċju taʼ sħubija,+ għandkom toffruh bħala sagrifiċċju biex tiksbu l-​approvazzjoni għalikom.+ 6 Dakinhar li toffru s-​sagrifiċċju tagħkom u eżatt l-​għada għandu jittiekel, imma dak li jifdal sat-​tielet jum għandu jinħaraq fin-​nar.+ 7 Iżda, jekk jittiekel imqar ftit minnu fit-​tielet jum, din tkun ħaġa mniġġsa.+ Ma jiġix aċċettat b’approvazzjoni.+ 8 U min jieklu jkollu jwieġeb għall-​iżball tiegħu,+ għaliex ikun kasbar xi ħaġa qaddisa taʼ Ġeħova; u din ir-​ruħ trid tinqataʼ minn mal-​poplu tagħha.

9 “‘U fi żmien il-​ħsad t’artkom, taħsadx għalkollox sa tarf l-​għalqa tiegħek, u tiġborx it-​tilqit tal-​ħsad tiegħek.+ 10 Ukoll, tiġborx dak li jifdal+ mill-​għalqa tad-​dwieli tiegħek, u tiġborx l-​għeneb imxerred taʼ l-​għalqa tad-​dwieli tiegħek. Għandek tħallihom+ għall-​magħkus u għar-​resident barrani. Jien Ġeħova Alla tagħkom.

11 “‘Tisirqux,+ u tqarrqux,+ u tittrattawx maʼ seħibkom bil-​qerq.+ 12 U taħilfux b’ismi fil-​gideb,+ u b’hekk tkasbar l-​isem t’Alla tiegħek. Jien Ġeħova. 13 Timbroljax lil għajrek,+ u tisraqx.+ Il-​ħlas taʼ ħaddiem mikri m’għandux jibqaʼ għandek il-​lejl kollu sa fil-​għodu.+

14 “‘Tisħitx lit-​trux, u tqigħedx tfixkil quddiem l-​agħma;+ u ibżaʼ minn Alla tiegħek.+ Jien Ġeħova.

15 “‘Timxux bl-​inġustizzja fil-​ġudizzju. Tittrattax lill-​batut bil-​parzjalità,+ u tippreferix lil xi ħadd għax hu kbir.+ Għandek tiġġudika lil sieħbek bil-​ġustizzja.

16 “‘Tmurx ’l hawn u ’l hinn qalb il-​poplu tiegħek sabiex ixxerred il-​malafama.+ Tqumx kontra għajrek u titlob demmu.+ Jien Ġeħova.

17 “‘Tobgħodx lil ħuk f’qalbek.+ Għandek assolutament twiddeb lil sieħbek,+ sabiex ma tkunx ħati tad-​dnub flimkien miegħu.

18 “‘Tivvendikax ruħek+ u lanqas iżżomm f’qalbek għal ulied il-​poplu tiegħek;+ u ħobb lil għajrek bħalek innifsek.+ Jien Ġeħova.

19 “‘Għandkom tħarsu l-​istatuti tiegħi: L-​annimali domestiċi tiegħek tgħammarhomx m’annimali taʼ tip ieħor. Tiżrax l-​għalqa tiegħek b’żewġ tipi taʼ żerriegħa,+ u tilbisx libsa b’żewġ tipi taʼ ħajt, imħallat flimkien.+

20 “‘Issa jekk raġel jimtedd maʼ mara u jkollu relazzjoni sesswali magħha,* meta hi tkun qaddejja mwiegħda lil raġel ieħor, u ma tkunx ġiet mifdija b’xi mod u lanqas ngħatat il-​ħelsien, għandu jingħata l-​kastig. M’għandhomx jingħataw il-​mewt, għaliex hi ma ġietx meħlusa. 21 U hu jrid iġib l-​offerta għall-​ħtija tiegħu lil Ġeħova fid-​daħla tat-​tinda tal-​laqgħa, muntun taʼ l-​offerta għall-​ħtija.+ 22 U l-​qassis jagħmel tpattija għalih bil-​muntun taʼ l-​offerta għall-​ħtija quddiem Ġeħova għad-​dnub li għamel; u d-​dnub li għamel jinħafirlu.+

23 “‘U jekk tidħlu fl-​art, u tħawlu xi siġra għall-​ikel, il-​frott tagħha tridu wkoll tqisuh bħala li mhux safi bħallikieku mhux ċirkonċiż. Jibqaʼ mhux ċirkonċiż għalikom għal tliet snin. M’għandux jittiekel. 24 Imma fir-​rabaʼ sena l-​frott kollu tagħha+ jsir xi ħaġa qaddisa offruta matul festa taʼ ferħ lil Ġeħova.+ 25 U fil-​ħames sena tistgħu tieklu l-​frott tagħha sabiex ikollkom żjieda f’dak li tipproduċi.+ Jien Ġeħova Alla tagħkom.

26 “‘Tieklu xejn bid-​demm fih.+

“‘Tfittxux sinjali li bihom taqraw il-​futur,+ u tipprattikawx il-​maġija.+

27 “‘Taqtgħux ix-​xagħar fil-​ġenb taʼ raskom qasir u fit-​tond, u tħassarx it-​tarf tad-​daqna tiegħek.+

28 “‘Tqattgħux ġisimkom għal xi ruħ mejta,+ u tagħmlux tpinġija fuqkom. Jien Ġeħova.

29 “‘Tkasbarx lil bintek billi tagħmilha prostituta,+ sabiex l-​art ma tagħmilx prostituzzjoni u b’dan l-​art timtela bil-​morali laxki.+

30 “‘Għandkom tħarsu s-​Sabatijiet tiegħi,+ u għandkom turu rispett profond lejn is-​santwarju tiegħi.+ Jien Ġeħova.

31 “‘Iddurux lejn il-​medji taʼ l-​ispirti,*+ u tikkonsultawx maʼ dawk li xogħolhom hu li jbassru l-​ġrajjiet,+ u b’hekk issiru mhux nodfa minħabba fihom. Jien Ġeħova Alla tagħkom.

32 “‘Quddiem ix-​xagħar griż għandek tqum,+ u uri konsiderazzjoni lejn il-​persuna taʼ raġel xiħ,+ u ibżaʼ minn Alla tiegħek.+ Jien Ġeħova.

33 “‘U jekk resident barrani jgħammar miegħek bħala barrani f’artkom, tittrattawhx ħażin.+ 34 Ir-resident barrani li jgħammar bħala barrani magħkom għandu jsir għalikom bħal wieħed imwieled fil-​pajjiż tagħkom; u trid tħobbu bħalek innifsek,+ għax intom sirtu residenti barranin fl-​art taʼ l-​Eġittu.+ Jien Ġeħova Alla tagħkom.

35 “‘Tagħmlux inġustizzja fil-​ġudizzju,+ fil-​qjies, fl-​użin,+ jew fil-​kejl tal-​likwidi. 36 Għandu jkollkom miżien eżatt,+ użin eżatt, efa eżatta u ħinn eżatt. Jien Ġeħova Alla tagħkom, li ħriġtkom mill-​art taʼ l-​Eġittu. 37 Għalhekk, ħarsu l-​istatuti kollha tiegħi u d-​deċiżjonijiet ġudizzjarji kollha tiegħi, u agħmluhom.+ Jien Ġeħova.’”

20 U Ġeħova ssokta jkellem lil Mosè u jgħidlu: 2 “Għandek tgħid lil ulied Israel, ‘Kull raġel minn ulied Israel, u kull resident barrani li jgħammar bħala barrani f’Israel, li jagħti lil xi ħadd minn uliedu lil Molek,+ żgur li għandu jingħata l-​mewt. In-​nies tal-​pajjiż għandhom iħaġġruh sakemm imut. 3 U inkwantu għalija, jien se ndawwar wiċċi kontra dan ir-​raġel, u se naqtgħu minn fost il-​poplu tiegħu,+ għaliex ikun ta lil xi wħud minn uliedu lil Molek bl-​iskop li jniġġes il-​post qaddis tiegħi+ u jkasbar l-​isem qaddis tiegħi.+ 4 U jekk in-​nies tal-​pajjiż jagħlqu għajnejhom apposta għal dan ir-​raġel meta jagħti lil xi ħadd minn uliedu lil Molek u ma jagħtuhx il-​mewt,+ 5 imbagħad jien, min-​naħa tiegħi, żgur li se ndawwar wiċċi kontra dan ir-​raġel u l-​familja tiegħu,+ u tabilħaqq li se naqtaʼ minn fost il-​poplu lilu u lil kulmin ikollu relazzjoni immorali+ flimkien miegħu billi jkollu relazzjoni immorali maʼ Molek.

6 “‘Inkwantu għal xi ħadd* li jdur lejn il-​medji taʼ l-​ispirti+ u lejn dawk li xogħolhom hu li jbassru l-​ġrajjiet+ sabiex ikollu relazzjoni immorali magħhom, jien żgur li se ndawwar wiċċi kontra dan il-​bniedem* u naqtgħu minn fost il-​poplu tiegħu.+

7 “‘U tridu tqaddsu lilkom infuskom u turu li intom qaddisin,+ għaliex jien Ġeħova Alla tagħkom. 8 U tridu tħarsu l-​istatuti tiegħi u tagħmluhom.+ Jien Ġeħova li qed inqaddiskom.+

9 “‘Jekk ikun hemm xi raġel li jisħet lil missieru u lil ommu,+ żgur li għandu jingħata l-​mewt.+ Għax ikun seħet lil missieru u lil ommu. Demmu stess ikun fuqu.+

10 “‘Issa raġel li jagħmel adulterju maʼ mart raġel ieħor ikun għamel adulterju maʼ mart sieħbu.+ Żgur li għandu jingħata l-​mewt, sew l-​adulteru u sew l-​adultera.+ 11 U raġel li jimtedd maʼ mart missieru jkun kixef l-​għera taʼ missieru.+ It-​tnejn li huma żgur li għandhom jingħataw il-​mewt. Demmhom stess ikun fuqhom. 12 U jekk raġel jimtedd maʼ mart ibnu, it-​tnejn li huma żgur li għandhom jingħataw il-​mewt.+ Ikunu għamlu xi ħaġa li tmur kontra dak li hu naturali. Demmhom stess ikun fuqhom.+

13 “‘U meta raġel jimtedd maʼ raġel l-​istess bħalma jimtedd maʼ mara, it-​tnejn li huma jkunu għamlu xi ħaġa mistkerrha.+ Żgur li għandhom jingħataw il-​mewt. Demmhom stess ikun fuqhom.

14 “‘U jekk raġel jieħu lil xi mara u lil ommha, din tkun kondotta laxka.+ Għandhom jaħarqu lilu u lilhom fin-​nar,+ sabiex ma jkunx hemm iktar kondotta laxka+ f’nofskom.

15 “‘U jekk raġel ikollu relazzjoni sesswali* maʼ bhima,+ żgur li għandu jingħata l-​mewt, u l-​bhima għandkom toqtluha. 16 U jekk mara tersaq lejn xi bhima biex ikollha x’taqsam magħha,+ trid toqtol lill-​mara u lill-​bhima. Żgur li għandhom jingħataw il-​mewt. Demmhom stess ikun fuqhom.

17 “‘U jekk raġel jieħu lil oħtu, bint missieru jew bint ommu, u jara l-​għera tagħha, u hi tara l-​għera tiegħu, dan ikun għajb.+ Għalhekk, iridu jiġu maqtugħin minn quddiem għajnejn ulied il-​poplu tagħhom. Hu jkun kixef l-​għera t’oħtu. Għandu jwieġeb għall-​iżball tiegħu.

18 “‘U jekk raġel jimtedd maʼ mara li jkollha t-​tnixxija tad-​demm taʼ kull xahar u jikxef l-​għera tagħha, ikun kixef it-​tnixxija tagħha, u hi nfisha tkun kixfet it-​tnixxija taʼ demmha.+ Għalhekk, it-​tnejn li huma jridu jiġu maqtugħin minn fost il-​poplu tagħhom.

19 “‘U tikxifx l-​għera t’oħt ommok+ jew t’oħt missierek,+ għax tkun kxift l-​għera+ taʼ qariba mid-​demm. Għandhom iwieġbu għall-​iżball tagħhom. 20 U raġel li jimtedd maʼ mart zijuh ikun kixef l-​għera taʼ zijuh.+ Għandhom iwieġbu għall-​iżball tagħhom. Għandhom imutu bla tfal.+ 21 U jekk raġel jieħu mart ħuh, din tkun xi ħaġa mistmerra.+ Ikun kixef l-​għera taʼ ħuh. Għandhom jibqgħu bla tfal.

22 “‘U intom tridu tħarsu l-​istatuti+ kollha tiegħi u d-​deċiżjonijiet ġudizzjarji+ kollha tiegħi u tagħmluhom, sabiex l-​art li se niħodkom biex tgħammru fiha ma tobżoqkomx ’il barra.+ 23 U timxux fuq l-​istatuti tal-​ġnus li qed inkeċċihom minn quddiemkom,+ għaliex huma għamlu dawn l-​affarijiet kollha u jien nistmerrhom.+ 24 Għaldaqstant għedtilkom:+ “Intom, min-​naħa tagħkom, se tieħdu f’idejkom l-​art tagħhom, u jien, min-​naħa tiegħi, se nagħtihielkom biex tiħduha f’idejkom, art li tnixxi ħalib u għasel.+ Jien Ġeħova Alla tagħkom, li fridtkom mill-​popli.”+ 25 Tridu tagħmlu distinzjoni bejn il-​bhima nadifa u dik mhix nadifa u bejn it-​tajra mhix nadifa u dik nadifa;+ u tniġġsux ruħkom+ bil-​bhima u t-​tajra u kwalunkwe ħaġa li titħarrek fuq l-​art u li jien fridtilkom meta ddikjarajthom mhux nodfa. 26 U tridu turu li intom qaddisin għalija,+ għaliex jien, Ġeħova, qaddis;+ u se nifridkom mill-​popli biex tkunu tiegħi.+

27 “‘U inkwantu għal raġel jew mara li jkunu medji taʼ l-​ispirti jew ikollhom spirtu taʼ tbassir,+ żgur li għandhom jingħataw il-​mewt.+ Għandhom iħaġġruhom sakemm imutu. Demmhom stess ikun fuqhom.’”+

21 U Ġeħova ssokta jgħid lil Mosè: “Kellem lill-​qassisin, ulied Aron, u għidilhom, ‘Ħadd fost il-​poplu tiegħu ma jistaʼ jitniġġes għal ruħ mejta.+ 2 Imma jistaʼ jitniġġes għal qaribu mid-​demm li jiġi minnu mill-​qrib, għal ommu, għal missieru, għal ibnu, għal bintu, għal ħuh, 3 u għal oħtu, verġni li tiġi minnu mill-​qrib, li ma saritx mart xi raġel, għaliha jistaʼ jitniġġes. 4 Ma jistax jitniġġes fost il-​poplu tiegħu għal mara li għandha sidha, u b’hekk ikasbar lilu nnifsu. 5 M’għandhomx iqaxxru rashom u jiġu bil-​qargħa,+ u m’għandhomx iqaxxru t-​tarf tad-​daqna tagħhom,+ u m’għandhomx jagħmlu xi qatgħa fuq ġisimhom.+ 6 Għandhom ikunu qaddisin għal Alla tagħhom,+ u m’għandhomx ikasbru isem Alla tagħhom,+ għaliex huma dawk li qed jippreżentaw l-​offerti taʼ Ġeħova magħmulin bin-​nar, il-​ħobż t’Alla tagħhom;+ u jridu jkunu qaddisin.+ 7 Prostituta+ jew mara li m’għadhiex verġni m’għandhomx jiħduha; u mara divorzjata+ minn żewġha m’għandhomx jiħduha,+ għaliex il-​qassis hu qaddis għal Alla tiegħu. 8 Għalhekk, trid tqaddsu,+ għaliex hu dak li qed jippreżenta l-​ħobż t’Alla tiegħek. Għandu jkun qaddis għalik,+ għaliex jien, Ġeħova, li qed inqaddiskom, qaddis jien.+

9 “‘Issa jekk bint qassis tkasbar lilha nfisha billi tagħmel il-​prostituzzjoni, tkun qed tkasbar lil missierha. Għandha tiġi maħruqa fin-​nar.+

10 “‘U l-​qassis il-​kbir taʼ ħutu, li fuq rasu jiġi msawwab iż-​żejt tad-​dlik+ u li ngħatatlu s-​setgħa f’idu biex jilbes il-​ħwejjeġ speċjali,+ m’għandux jittraskura x-​xagħar taʼ rasu,+ u m’għandux iċarrat ħwejġu.+ 11 U m’għandux jersaq lejn xi ruħ mejta.+ Ma jistax jitniġġes għal missieru u għal ommu. 12 Ukoll, la għandu joħroġ mis-​santwarju u lanqas jipprofana s-​santwarju t’Alla tiegħu,+ għaliex is-​sinjal tad-​dedikazzjoni, iż-​żejt tad-​dlik t’Alla tiegħu,+ qiegħed fuqu. Jien Ġeħova.

13 “‘U min-​naħa tiegħu, għandu jieħu mara li tkun verġni.+ 14 Inkwantu għal armla jew mara divorzjata u waħda li m’għadhiex verġni, prostituta, lil ħadd minn dawn ma jistaʼ jieħu, imma għandu jieħu verġni mill-​poplu tiegħu bħala martu. 15 U m’għandux ikasbar lil nislu fost il-​poplu tiegħu,+ għaliex jien Ġeħova li qed inqaddsu.’”+

16 U Ġeħova kompla jkellem lil Mosè u jgħidlu: 17 “Kellem lil Aron u għidlu, ‘Ebda raġel minn nislek matul il-​ġenerazzjonijiet tagħhom li fih ikun hemm xi difett+ ma jistaʼ jersaq biex jippreżenta l-​ħobż t’Alla tiegħu.+ 18 Jekk hemm xi raġel li fih hemm xi difett, ma jistax jersaq: raġel agħma jew zopp jew b’tiċrita fi mnieħru jew bi driegħ twil wisq,+ 19 jew raġel li jkollu ksur f’siequ jew ksur f’idu, 20 jew ħotbi jew xipli jew ikollu l-​mard f’għajnejh jew fil-​ġilda jew ikollu l-​ħżież jew ikollu t-​testikoli tiegħu mgħaffġin.+ 21 Kwalunkwe raġel, minn nisel Aron il-​qassis, li fih hemm xi difett ma jistax jersaq biex jippreżenta l-​offerti taʼ Ġeħova magħmulin bin-​nar.+ Hemm difett fih. Ma jistax jersaq biex jippreżenta l-​ħobż t’Alla tiegħu.+ 22 Jistaʼ jiekol il-​ħobż t’Alla tiegħu mill-​affarijiet l-​iktar imqaddsin+ u mill-​affarijiet imqaddsin.+ 23 Madankollu, ma jistax jidħol ħdejn il-​purtiera,+ u ma jistax jersaq lejn l-​artal,+ għaliex hemm difett fih;+ u m’għandux jipprofana s-​santwarju tiegħi,+ għax jien Ġeħova li qed inqaddishom.’”+

24 Għaldaqstant, Mosè kellem lil Aron u lil uliedu u lill-​ulied kollha taʼ Israel.

22 U Ġeħova kompla jkellem lil Mosè u jgħidlu: 2 “Kellem lil Aron u lil uliedu, sabiex iżommu ruħhom ’il bogħod milli jużaw ħażin l-​affarijiet imqaddsin taʼ wlied Israel u ma jkasbrux l-​isem qaddis+ tiegħi fl-​affarijiet li qed iqaddsuli.+ Jien Ġeħova. 3 Għidilhom, ‘Matul il-​ġenerazzjonijiet tagħkom kwalunkwe raġel minn nisilkom kollu li jersaq lejn l-​affarijiet imqaddsin, li wlied Israel se jqaddsu għal Ġeħova, waqt li jkollu fuqu n-​nuqqas taʼ ndafa,+ dan il-​bniedem* irid jiġi maqtugħ minn quddiemi. Jien Ġeħova. 4 Ebda raġel, minn nisel Aron, meta jkun imġiddem+ jew ikollu tisfija kontinwa+ ma jistaʼ jiekol mill-​affarijiet imqaddsin sakemm jindaf,+ lanqas min imiss lil xi ħadd mhux nadif billi jmiss ruħ mejta+ jew raġel li minnu joħroġ xi tixrid taʼ l-​isperma,+ 5 lanqas raġel li jmiss xi ħlejqa li tgħix fi qtajjaʼ u li mhix nadifa għalih+ jew imiss bniedem li mhux nadif għalih, ikun xi jkun in-​nuqqas taʼ ndafa tiegħu.+ 6 Min* imiss xi wieħed minn dawn ma jkunx nadif sa fil-​għaxija u ma jistaʼ jiekol ebda waħda mill-​affarijiet imqaddsin, imma jrid jinħasel fl-​ilma.+ 7 Meta tkun niżlet ix-​xemx, ikun nadif, u wara jkun jistaʼ jiekol ftit mill-​affarijiet imqaddsin, għaliex dan ikun ħobżu.+ 8 Ukoll, m’għandux jiekol xi ġisem li jkun diġà mejjet jew xi ħaġa mqattgħa mill-​bhejjem salvaġġi, u b’hekk isir mhux nadif b’dan.+ Jien Ġeħova.

9 “‘U jridu jħarsu l-​obbligu li għandhom lejja, sabiex ma jitgħabbewx bid-​dnub minħabba fih u jkollhom imutu+ talli ma ħarsuhx għax kienu qed ikasbruh. Jien Ġeħova li qed inqaddishom.

10 “‘U assolutament ebda individwu mhux awtorizzat* ma jistaʼ jiekol xi ħaġa qaddisa.+ La immigrant li joqgħod maʼ qassis u lanqas ħaddiem mikri ma jistaʼ jiekol xi ħaġa qaddisa. 11 Imma jekk qassis jixtri lil xi ħadd,* li jkun xtara bi flusu, hu, fil-​fatt, jistaʼ jiekol minnha. U l-​ilsiera mweldin f’daru, fil-​fatt, jistgħu jieklu minn ħobżu.+ 12 U jekk bint qassis issir mart xi raġel li jkun stranġier, fil-​fatt, hi ma tistax tiekol mill-​affarijiet tal-​kontribuzzjoni mqaddsa. 13 Imma jekk bint qassis tormol jew tiddivorzja u ma jkollhiex tfal, u jkollha tmur lura lejn dar missierha bħal f’żgħożitha,+ tkun tistaʼ tiekol ftit mill-​ħobż taʼ missierha;+ imma assolutament ebda individwu mhux awtorizzat ma jistaʼ jiekol minnu.

14 “‘Issa jekk raġel jiekol bi żball xi ħaġa qaddisa,+ ikollu jpattiha lura u jżid magħha wieħed minn ħamsa+ tal-​valur tal-​ħaġa qaddisa u jagħtiha lill-​qassis. 15 Għalhekk, m’għandhomx ikasbru l-​affarijiet imqaddsin taʼ wlied Israel, li dawn jagħtu bħala kontribuzzjoni lil Ġeħova,+ 16 u, fil-​fatt, jgħabbuhom bil-​kastig tal-​ħtija talli kielu l-​affarijiet imqaddsin tagħhom; għax jien Ġeħova li qed inqaddishom.’”

17 U Ġeħova kompla jkellem lil Mosè u jgħidlu: 18 “Kellem lil Aron u lil uliedu u lill-​ulied kollha taʼ Israel, u għidilhom, ‘Inkwantu għal xi raġel minn dar Israel jew xi resident barrani f’Israel li jippreżenta l-​offerta tiegħu,+ għal xi waħda mill-​wegħdi+ tagħhom jew għal xi waħda mill-​offerti volontarji+ tagħhom, li jippreżentaw lil Ġeħova bħala offerta tal-​ħruq, 19 biex din tikseb l-​approvazzjoni+ għalikom trid tkun bla difett,+ raġel minn fost il-​merħla, minn fost l-​imtaten żgħar jew minn fost il-​mogħoż. 20 Tippreżentawx xi ħaġa li jkun fiha difett,+ għaliex din ma tgħinkomx biex tiksbu l-​approvazzjoni għalikom.

21 “‘U jekk raġel jippreżenta sagrifiċċju taʼ sħubija+ lil Ġeħova sabiex irodd wegħda+ li jkun għamel jew bħala offerta volontarja, l-​annimal għandu jkun bla difett minn fost il-​merħla tal-​baqar jew tan-​nagħaġ, sabiex jikseb l-​approvazzjoni. M’għandu jkun fih assolutament ebda difett. 22 M’għandux ikun agħma jew ikollu xi ksur jew qtugħ jew xi felula jew mard tal-​ġilda jew xi ħżieża,+ ebda wieħed minn dawn m’għandkom tippreżentaw lil Ġeħova, u ebda offerta magħmula bin-​nar+ minnhom m’għandkom tpoġġu fuq l-​artal għal Ġeħova. 23 Inkwantu għal barri jew nagħġa li jkollha parti minn ġisimha twila wisq jew qasira wisq,+ tistaʼ tagħmilha bħala offerta volontarja; imma bħala wegħda ma tiġix aċċettata b’approvazzjoni. 24 Imma annimal li jkollu t-​testikoli+ mgħattnin jew misħuqin jew maqlugħin jew maqtugħin m’għandkomx tippreżentawh lil Ġeħova, u m’għandkomx toffruh f’artkom. 25 U kwalunkwe annimal minn dawn kollha minn id xi barrani m’għandkomx tippreżentawh bħala l-​ħobż t’Alla tagħkom, għaliex it-​taħsir tagħhom qiegħed fihom. Hemm difett fihom.+ Ma jiġux aċċettati b’approvazzjoni+ għalikom.’”

26 U Ġeħova kompla jkellem lil Mosè u jgħidlu: 27 “Jekk jitwieled għoġol, ħaruf, jew gidi, irid jibqaʼ sebat ijiem m’ommu,+ imma mit-​tmien jum ’il quddiem jiġi aċċettat b’approvazzjoni bħala offerta, offerta magħmula bin-​nar lil Ġeħova. 28 Inkwantu għal xi baqra jew nagħġa, toqtlux lilha u l-​ferħ tagħha f’jum wieħed.+

29 “U jekk toffru sagrifiċċju taʼ radd il-​ħajr lil Ġeħova,+ għandkom toffruh biex tiksbu l-​approvazzjoni għalikom. 30 Dakinhar għandu jittiekel.+ Tħallu xejn minnu sa fil-​għodu.+ Jien Ġeħova.

31 “U ħarsu l-​kmandamenti tiegħi u agħmluhom.+ Jien Ġeħova. 32 U tkasbrux l-​isem qaddis tiegħi,+ u rrid nitqaddes f’nofs ulied Israel.+ Jien Ġeħova li qed inqaddiskom,+ 33 il-Wieħed li ħariġkom mill-​art taʼ l-​Eġittu biex nurikom li jien Alla.+ Jien Ġeħova.”

23 U Ġeħova ssokta jkellem lil Mosè u jgħidlu: 2 “Kellem lil ulied Israel, u għidilhom, ‘Il-​festi taʼ l-​istaġuni+ taʼ Ġeħova li għandkom tipproklamaw+ huma konvenzjonijiet imqaddsin. Dawn huma l-​festi taʼ l-​istaġuni tiegħi:

3 “‘Sitt ijiem jistaʼ jsir ix-​xogħol, imma s-​sebaʼ jum huwa Sabat taʼ mistrieħ komplet,+ konvenzjoni mqaddsa. Ma tistgħu tagħmlu ebda tip taʼ xogħol. Huwa Sabat lil Ġeħova fil-​postijiet kollha fejn tgħammru.+

4 “‘Dawn huma l-​festi taʼ l-​istaġuni+ taʼ Ġeħova, konvenzjonijiet imqaddsin,+ li għandkom tipproklamaw fiż-​żminijiet stabbiliti+ tagħhom: 5 Fl-ewwel xahar, fl-​erbatax tax-​xahar,+ bejn inżul ix-​xemx u d-​dlam isir il-​Qbiż+ lil Ġeħova.

6 “‘U fil-​ħmistax taʼ dan ix-​xahar issir il-​festa tal-​ħobż bla ħmira lil Ġeħova.+ Sebat ijiem għandkom tieklu l-​ħobż bla ħmira.+ 7 Fl-ewwel jum ikollkom konvenzjoni mqaddsa.+ Ma tistgħu tagħmlu ebda tip taʼ xogħol taʼ strapazz. 8 Imma tippreżentaw offerta magħmula bin-​nar lil Ġeħova għal sebat ijiem. Fis-​sebaʼ jum ikun hemm konvenzjoni mqaddsa. Ma tistgħu tagħmlu ebda tip taʼ xogħol taʼ strapazz.’”

9 U Ġeħova kompla jkellem lil Mosè u jgħidlu: 10 “Kellem lil ulied Israel, u għidilhom, ‘Meta tidħlu fl-​art li qed nagħtikom, u tkunu ħsadtu l-​ħsad tagħha, ġibu qatta mill-​ewwel frott+ tal-​ħsad tagħkom lill-​qassis. 11 U hu jrid ixejjer il-​qatta ’l hemm u ’l hawn+ quddiem Ġeħova biex jikseb l-​approvazzjoni għalikom. Eżatt l-​għada tas-​Sabat il-​qassis għandu jxejjirha ’l hemm u ’l hawn. 12 U dakinhar li xxejru l-​qatta ’l hemm u ’l hawn offru muntun żgħir bla difett, fl-​ewwel sena tiegħu, bħala offerta tal-​ħruq lil Ġeħova; 13 u bħala l-​offerta tal-​qmuħ tnejn minn għaxra t’efa dqiq fin miblul fiż-​żejt, bħala offerta magħmula bin-​nar lil Ġeħova, riħa pjaċevoli; u bħala l-​offerta tax-​xorb kwart taʼ ħinn inbid. 14 U tiklux ħobż, lanqas qmuħ inkaljati u lanqas qmuħ ġodda sa dan l-​istess jum,+ sakemm iġġibu l-​offerta t’Alla tagħkom. Dan hu statut għal żmien indefinit għall-​ġenerazzjonijiet fil-​postijiet kollha fejn tgħammru.

15 “‘U mill-​għada tas-​Sabat, mill-​jum meta tkunu ġibtu l-​qatta taʼ l-​offerta tat-​tixjir, għoddu għalikom sebaʼ Sabatijiet.+ Għandhom ikunu sħaħ. 16 Sa l-​għada tas-​sebaʼ Sabat għandkom tgħoddu, ħamsin jum,+ u tridu tippreżentaw offerta ġdida tal-​qmuħ+ lil Ġeħova. 17 Mill-postijiet fejn tgħammru għandkom iġġibu żewġ ħobżiet+ bħala offerta tat-​tixjir. Għandhom ikunu taʼ tnejn minn kull għaxra t’efa dqiq fin. Iridu jinħmew bil-​ħmira,+ bħala l-​ewwel frott misjur lil Ġeħova.+ 18 U mal-​ħobż ippreżentaw sebat iħrief irġiel bla difett,+ kull wieħed taʼ sena, u barri żgħir wieħed u żewġ imtaten. Għandhom iservu bħala offerta tal-​ħruq lil Ġeħova flimkien maʼ l-​offerta tal-​qmuħ u maʼ l-​offerti tax-​xorb bħala offerta magħmula bin-​nar, b’riħa pjaċevoli lil Ġeħova. 19 U offru gidi wieħed+ bħala offerta għad-​dnub u żewġt iħrief irġiel, kull wieħed taʼ sena, bħala sagrifiċċju taʼ sħubija.+ 20 U l-​qassis irid ixejjirhom ’l hemm u ’l hawn+ flimkien mal-​ħobż taʼ l-​ewwel frott misjur, bħala offerta tat-​tixjir quddiem Ġeħova, flimkien maż-​żewġt iħrief irġiel. Għall-​qassis+ għandhom iservu bħala xi ħaġa qaddisa għal Ġeħova. 21 U oħorġu proklama+ f’dan l-​istess jum; se jkun hemm konvenzjoni mqaddsa għalikom. Ma tistgħu tagħmlu ebda tip taʼ xogħol taʼ strapazz. Dan hu statut għal żmien indefinit fil-​postijiet kollha fejn tgħammru għall-​ġenerazzjonijiet tagħkom.

22 “‘U fi żmien il-​ħsad t’artkom, taħsadx għalkollox sa tarf l-​għalqa tiegħek meta tkun qed taħsad, u t-​tilqit tal-​ħsad tiegħek tiġbrux.+ Għandek tħallihom għall-​magħkus+ u għar-​resident barrani.+ Jien Ġeħova Alla tagħkom.’”

23 U Ġeħova ssokta jkellem lil Mosè u jgħidlu: 24 “Kellem lil ulied Israel, u għidilhom, ‘Fis-​sebaʼ xahar,+ fl-​ewwel tax-​xahar, għandu jkun hemm mistrieħ komplet għalikom, tifkira mħabbra bid-​daqq tat-​trumbetta,+ konvenzjoni mqaddsa.+ 25 Ma tistgħu tagħmlu ebda tip taʼ xogħol taʼ strapazz, u tridu tippreżentaw offerta magħmula bin-​nar lil Ġeħova.’”

26 U Ġeħova kompla jkellem lil Mosè u jgħidlu: 27 “Madankollu, fl-​għaxra taʼ dan is-​sebaʼ xahar hu jum it-​tpattija.+ Għandha ssir konvenzjoni mqaddsa għalikom, u tridu tgħakksu ruħkom*+ u tippreżentaw offerta+ magħmula bin-​nar lil Ġeħova. 28 U tagħmlu ebda tip taʼ xogħol f’dan l-​istess jum, għaliex hu jum it-​tpattija biex issir tpattija+ għalikom quddiem Ġeħova Alla tagħkom; 29 għaliex kull ruħ li ma tkunx tgħakkset f’dan l-​istess jum trid tiġi maqtugħa minn mal-​poplu tagħha.+ 30 U kull ruħ li tagħmel kwalunkwe tip taʼ xogħol f’dan l-​istess jum, jien neqred lil din ir-​ruħ minn fost il-​poplu tagħha.+ 31 Tagħmlu ebda tip taʼ xogħol.+ Dan hu statut għal żmien indefinit għall-​ġenerazzjonijiet tagħkom fil-​postijiet kollha fejn tgħammru. 32 Dan hu Sabat taʼ mistrieħ komplet għalikom,+ u tridu tgħakksu+ ruħkom fid-​disgħa tax-​xahar fil-​għaxija. Minn fil-​għaxija sa fil-​għaxija għandkom tosservaw is-​Sabat.”

33 U Ġeħova kompla jkellem lil Mosè u jgħidlu: 34 “Kellem lil ulied Israel, u għidilhom, ‘Fil-​ħmistax taʼ dan is-​sebaʼ xahar issir il-​festa taʼ l-​għerejjex għal sebat ijiem lil Ġeħova.+ 35 Fl-ewwel jum issir konvenzjoni mqaddsa. Ma tistgħu tagħmlu ebda tip taʼ xogħol taʼ strapazz. 36 Għal sebat ijiem għandkom tippreżentaw offerta magħmula bin-​nar lil Ġeħova. Fit-​tmien jum għandu jkun hemm konvenzjoni mqaddsa għalikom,+ u tridu tippreżentaw offerta magħmula bin-​nar lil Ġeħova. Din hi assemblea solenni.* Ma tistgħu tagħmlu ebda tip taʼ xogħol taʼ strapazz.

37 “‘Dawn huma l-​festi taʼ l-​istaġuni+ taʼ Ġeħova li għandkom tipproklamaw bħala konvenzjonijiet imqaddsin,+ biex tippreżentaw offerta magħmula bin-​nar+ lil Ġeħova: l-​offerta tal-​ħruq+ u l-​offerta tal-​qmuħ+ tas-​sagrifiċċju u l-​offerti tax-​xorb+ skond l-​iskeda taʼ kuljum, 38 minbarra s-​Sabatijiet taʼ Ġeħova+ u minbarra l-​għotjiet+ tagħkom u minbarra l-​offerti b’wegħda+ kollha tagħkom u minbarra l-​offerti volontarji+ kollha tagħkom, li għandkom tagħtu lil Ġeħova. 39 Madankollu, fil-​ħmistax tas-​sebaʼ xahar, meta tkunu ġbartu l-​prodott taʼ l-​art, għandkom tiċċelebraw il-​festa+ taʼ Ġeħova għal sebat ijiem.+ L-​ewwel jum ikun mistrieħ komplet u t-​tmien jum ikun mistrieħ komplet.+ 40 U fl-​ewwel jum ħudu għalikom infuskom il-​frott taʼ siġar mill-​aqwa, il-​friegħi tas-​siġar tal-​palm+ u l-​friegħi tas-​siġar bil-​weraq u s-​siġar tal-​luq tal-​wied, u ifirħu+ quddiem Ġeħova Alla tagħkom għal sebat ijiem. 41 Iċċelebrawha bħala festa lil Ġeħova sebat ijiem fis-​sena.+ Bħala statut għal żmien indefinit matul il-​ġenerazzjonijiet tagħkom għandkom tiċċelebrawha fis-​sebaʼ xahar. 42 Għandkom tgħammru fl-​għerejjex għal sebat ijiem.+ Kulmin twieled f’Israel għandu jgħammar fl-​għerejjex,+ 43 sabiex il-​ġenerazzjonijiet tagħkom ikunu jafu+ li fl-​għerejjex ġegħelthom jgħammru lil ulied Israel meta ħriġthom mill-​art taʼ l-​Eġittu.+ Jien Ġeħova Alla tagħkom.’”

44 Għaldaqstant, Mosè kellem lil ulied Israel dwar il-​festi taʼ l-​istaġuni+ taʼ Ġeħova.

24 U Ġeħova kellem lil Mosè u qallu: 2 “Ordna lil ulied Israel biex iġibulek żejt pur minn żebbuġ misħuq għad-​dawwala,+ biex il-​musbieħ jinżamm mixgħul il-​ħin kollu.+ 3 Aron għandu jqiegħdu bl-​ordni ’l barra mill-​purtiera tat-​Testimonjanza fit-​tinda tal-​laqgħa sabiex jibqaʼ mixgħul il-​ħin kollu minn fil-​għaxija sa fil-​għodu quddiem Ġeħova. Dan hu statut għal żmien indefinit matul il-​ġenerazzjonijiet tagħkom. 4 Fuq il-​gandlier+ tad-​deheb pur għandu jqiegħed l-​imsiebaħ+ bl-​ordni quddiem Ġeħova l-​ħin kollu.+

5 “U ħu dqiq fin u bih aħmi tnax-il ftira. Kull ftira tkun taʼ tnejn minn kull għaxra t’efa. 6 U poġġihom f’żewġ ringieli taʼ saffi, sitta kull ringiela,+ fuq il-​mejda tad-​deheb pur quddiem Ġeħova.+ 7 U qiegħed inċens abjad pur fuq kull ringiela taʼ saffi, u jrid iservi bħala l-​ħobż li jkun bħala tfakkira,+ offerta magħmula bin-​nar lil Ġeħova. 8 Kull jum taʼ Sabat wara l-​ieħor għandu jqiegħdu bl-​ordni quddiem Ġeħova l-​ħin kollu.+ Dan hu patt għal żmien indefinit maʼ wlied Israel. 9 U dan isir t’Aron u taʼ wliedu,+ u jridu jikluh f’post qaddis,+ għaliex hu xi ħaġa mill-​iktar qaddisa għalih mill-​offerti taʼ Ġeħova magħmulin bin-​nar, bħala regolament għal żmien indefinit.”

10 Issa bin mara Israelija, li, madankollu, kien bin raġel Eġizzjan,+ ħareġ f’nofs ulied Israel, u bin l-​Israelija u raġel Israeli bdew jissieltu+ maʼ xulxin fil-​kamp. 11 U bin il-​mara Israelija beda jidgħi bl-​Isem+ u jisħtu.+ Għalhekk, ġabuh għand Mosè.+ Issa ommu kien jisimha Selomit, bint Dibri mit-​tribù taʼ Dan. 12 Imbagħad żammewh maqful+ sakemm issirilhom dikjarazzjoni ċara skond il-​kelma taʼ Ġeħova.+

13 U Ġeħova kellem lil Mosè u qallu: 14 “Oħroġ ’il barra mill-​kamp+ lil dak li seħet; u dawk kollha li semgħuh iridu jqiegħdu idejhom+ fuq rasu, u l-​ġemgħa kollha trid tħaġġru.+ 15 U għandek tkellem lil ulied Israel u tgħidilhom, ‘Jekk xi raġel jisħet lil Alla tiegħu, irid iwieġeb għad-​dnub tiegħu. 16 Għalhekk, dak li dagħa bl-​isem taʼ Ġeħova żgur li għandu jingħata l-​mewt.+ Il-​ġemgħa kollha żgur li għandha tħaġġru. Ir-​resident barrani l-​istess bħal min jitwieled fil-​pajjiż għandu jingħata l-​mewt talli jkun dagħa bl-​Isem.+

17 “‘U jekk raġel jaħbat għal xi ruħ mill-​bnedmin u joqtolha, żgur li għandu jingħata l-​mewt.+ 18 U min jaħbat għar-​ruħ t’annimal domestiku u joqtolha għandu jagħti kumpens għaliha, ruħ b’ruħ.+ 19 U jekk raġel jimmanka lil sieħbu, bħalma jkun għamel hu, hekk għandhom jagħmlulu.+ 20 Ksur bi ksur, għajn b’għajn, sinna b’sinna; l-​istess tip taʼ mankament li jikkaġuna fil-​bniedem għandu jiġi kaġunat fuqu.+ 21 U min jaħbat għal xi bhima+ u joqtolha għandu jagħti kumpens+ għaliha, imma min jaħbat għal xi bniedem u joqtlu għandu jingħata l-​mewt.+

22 “‘Deċiżjoni ġudizzjarja waħda għandha tgħodd għalikom. Ir-​resident barrani għandu jkun l-​istess bħal min jitwieled fil-​pajjiż,+ għaliex jien Ġeħova Alla tagħkom.’”+

23 Wara dan, Mosè kellem lil ulied Israel, u dawn ħarġu ’l barra mill-​kamp lil dak li kien seħet, u ħaġġruh.+ B’hekk, ulied Israel għamlu sewwasew bħalma Ġeħova kien ikkmanda lil Mosè.

25 U Ġeħova kompla jkellem lil Mosè fuq il-​Muntanja Sinaj u jgħidlu: 2 “Kellem lil ulied Israel, u għidilhom, ‘Meta tidħlu fl-​art li qed nagħtikom,+ imbagħad l-​art trid tosserva Sabat lil Ġeħova.+ 3 Sitt snin għandek tiżraʼ ż-​żerriegħa fl-​għalqa tiegħek, u sitt snin għandek tiżbor l-​għalqa tad-​dwieli tiegħek, u tiġbor il-​prodott taʼ l-​art.+ 4 Imma fis-​sebaʼ sena għandu jkun hemm Sabat taʼ mistrieħ komplet għall-​art,+ Sabat lil Ġeħova. Tiżrax żerriegħa fl-​għalqa tiegħek, u tiżborx l-​għalqa tad-​dwieli tiegħek. 5 Taħsadx dak li jinbet miż-​żerriegħa tal-​ħsad tiegħek li tkun waqgħet, u taqtax l-​għeneb tad-​dielja mhix miżbura tiegħek. Għandu jkun hemm sena taʼ mistrieħ komplet għall-​art. 6 U dak li l-​art tipproduċi fis-​Sabat irid iservi bħala ikel, għalik u għall-​ilsir tiegħek u għall-​ilsira tiegħek u għall-​ħaddiem mikri tiegħek u għall-​frustier li jkun miegħek, dawk li qed jgħammru bħala barranin miegħek, 7 u għall-​annimal domestiku tiegħek u għall-​bhima salvaġġa li hemm f’artek. Il-​prodott kollu tagħha għandu jservi bħala ikel.

8 “‘U għodd għalik sebaʼ Sabatijiet taʼ snin, sebaʼ snin għal sebaʼ darbiet, u l-​jiem tas-​sebaʼ Sabatijiet taʼ snin iridu jammontaw għal disgħa u erbgħin sena għalik. 9 U ġiegħel li l-​qarn jinstemaʼ b’ton qawwi+ fis-​sebaʼ xahar, fl-​għaxra tax-​xahar;+ f’jum it-​tpattija+ għandkom iġġiegħlu li l-​qarn jinstemaʼ fl-​art kollha tagħkom. 10 U qaddsu l-​ħamsin sena u xandru l-​libertà* fl-​art lill-​abitanti kollha tagħha.+ Issir Ġublew+ għalikom, u morru lura kull wieħed lejn il-​proprjetà tiegħu u għandkom tmorru lura kull wieħed lejn il-​familja tiegħu.+ 11 Ġublew issir għalikom din il-​ħamsin sena.+ La għandkom tiżirgħu żerriegħa, la taħsdu dak li jinbet miż-​żerriegħa taʼ l-​art li tkun waqgħet, u lanqas taqtgħu l-​għeneb tad-​dwieli mhux miżburin tagħha.+ 12 Għax dan hu Ġublew. Għandu jsir xi ħaġa qaddisa għalikom. Mill-​għalqa tistgħu tieklu dak li tipproduċi l-​art.+

13 “‘F’din is-​sena tal-​Ġublew għandkom tmorru lura kull wieħed lejn il-​proprjetà tiegħu.+ 14 Issa jekk tbigħ xi merkanzija lil sieħbek jew tixtri l-​proprjetà minn id sieħbek, tqarrqux b’xulxin.+ 15 Skond l-​għadd tas-​snin wara l-​Ġublew għandek tixtri l-​proprjetà mingħand sieħbek; skond l-​għadd tas-​snin taʼ l-​uċuħ tar-​rabaʼ għandu jbegħlek.+ 16 Iktar ma jkun kbir l-​għadd tas-​snin iktar għandu jżid il-​prezz tax-​xiri tagħha,+ u inqas ma jkunu s-​snin iktar għandu jnaqqas il-​prezz tax-​xiri tagħha, għaliex hu qed ibegħlek l-​għadd taʼ l-​uċuħ tar-​rabaʼ. 17 U ħadd minnkom m’għandu jqarraq b’sieħbu,+ u ibżaʼ minn Alla tiegħek,+ għaliex jien Ġeħova Alla tagħkom.+ 18 Għalhekk, wettqu l-​istatuti tiegħi u ħarsu d-​deċiżjonijiet ġudizzjarji tiegħi u wettquhom. Imbagħad żgur li tgħammru fuq l-​art fis-​sigurtà.+ 19 U l-​art tabilħaqq li tagħti l-​frott tagħha,+ u intom żgur li tieklu sakemm tixbgħu u tgħammru fuqha fis-​sigurtà.+

20 “‘Imma jekk tgħidu: “X’se nieklu fis-​sebaʼ sena ladarba ma nistgħux niżirgħu żerriegħa jew niġbru l-​uċuħ tar-​rabaʼ tagħna?”+ 21 f’dan il-​każ jien żgur li nixħet fuqkom il-​barka tiegħi fis-​sitt sena, u l-​art tipproduċi l-​wiċċ tar-​rabaʼ tagħha għal tliet snin.+ 22 U fit-​tmien sena tiżirgħu ż-​żerriegħa u tieklu mill-​wiċċ tar-​rabaʼ taʼ qabel sad-​disaʼ sena. Sakemm jilħaq il-​wiċċ tar-​rabaʼ tagħha tieklu minn dak taʼ qabel.

23 “‘Għalhekk, l-​art m’għandhiex tinbiegħ għal dejjem,+ għaliex l-​art hi tiegħi.+ Għax għalija intom residenti barranin u immigranti.+ 24 U fl-​art kollha li tkun tagħkom, għandkom tħallu d-​dritt li l-​art tinxtara lura.+

25 “‘Jekk ħuk jiftaqar u jkollu jbigħ ftit milli għandu, feddej li jiġi minnu mill-​qrib irid jiġi jixtri lura dak li biegħ ħuh.+ 26 U jekk xi ħadd ma jkollux qarib feddej u jagħmel il-​qligħ b’idu stess u jkollu biżżejjed biex jixtriha lura, 27 irid jikkalkula wkoll is-​snin minn meta biegħha u jrid jagħti lura l-​flus li jibqgħu żejda lir-​raġel li lilu jkun biegħha, u jmur lura lejn il-​proprjetà tiegħu.+

28 “‘Imma jekk ma jkollux biżżejjed f’idu x’jagħtih lura, kulma biegħ irid jibqaʼ wkoll f’id min xtrah sas-​sena tal-​Ġublew;+ u jrid jingħata lura fil-​Ġublew, u hu jmur lura lejn il-​proprjetà tiegħu.+

29 “‘Issa jekk raġel ibigħ dar abitabbli f’belt bis-​swar, id-​dritt tiegħu biex jixtriha lura jrid jibqaʼ validu sakemm tispiċċa s-​sena minn dakinhar li jkun biegħ; id-​dritt tiegħu biex jixtri lura+ għandu jibqaʼ validu sena sħiħa. 30 Imma jekk ma tinxtarax lura qabel ma s-​sena sħiħa tkun għaddietlu għalkollox, id-​dar li qiegħda fil-​belt li għandha sur trid tibqaʼ wkoll għal dejjem bħala l-​proprjetà taʼ min xtraha matul il-​ġenerazzjonijiet tiegħu. M’għandhiex tingħata lura fil-​Ġublew. 31 Madankollu, id-​djar taʼ l-​irħula li m’għandhomx sur madwarhom għandhom jitqiesu bħala parti mill-​kampanja tal-​pajjiż. Id-​dritt tax-​xiri lura+ għandu jibqaʼ validu għad-​dar, u fil-​Ġublew+ għandha tingħata lura.

32 “‘Inkwantu għall-​bliet tal-​Leviti, id-​dritt tax-​xiri lura tad-​djar fil-​bliet li huma tagħhom+ għandu jibqaʼ validu għal żmien indefinit għal-​Leviti.+ 33 U jekk Levita ma jixtrix lura d-​dar li jkun biegħ fil-​belt li hi tiegħu, id-​dar trid tingħata lura wkoll fil-​Ġublew;+ għaliex id-​djar fil-​bliet tal-​Leviti huma tagħhom f’nofs ulied Israel.+ 34 Iktar minn hekk, l-​għalqa fl-​art fejn jirgħu l-​bhejjem+ tal-​bliet tagħhom ma tistax tinbiegħ, għaliex hi tagħhom għal żmien indefinit.

35 “‘U jekk ħuk jiftaqar, u b’hekk ikun batut finanzjarjament maġenbek,+ għandek tgħinu,+ bħalma suppost tgħin lir-​resident barrani u lill-​immigrant,+ u b’hekk ħuk jibqaʼ jgħix miegħek. 36 Tiħux imgħax mingħandu u tisilfux biex tagħmel qligħ minn fuqu,+ imma ibżaʼ minn Alla tiegħek;+ u ħuk irid jibqaʼ jgħix miegħek. 37 Flusek tislifhomlux bl-​imgħax,+ u tagħtix l-​ikel tiegħek bi qligħ. 38 Jien Ġeħova Alla tagħkom, li ħriġtkom mill-​art taʼ l-​Eġittu biex nagħtikom l-​art taʼ Kangħan,+ biex nuri li jien Alla tagħkom.+

39 “‘U jekk ħuk jiftaqar maġenbek u jkollu jbigħ lilu nnifsu lilek,+ tużahx bħala ħaddiem fix-​xogħol taʼ lsir.+ 40 Għandu jkun miegħek bħal ħaddiem mikri,+ bħal immigrant. Għandu jaqdik sas-​sena tal-​Ġublew. 41 U jrid joħroġ mingħandek, hu u wliedu miegħu, u jmur lura għand il-​familja tiegħu, u għandu jerġaʼ lura lejn il-​proprjetà taʼ missirijietu.+ 42 Għax huma l-​ilsiera tiegħi li ħriġthom mill-​art taʼ l-​Eġittu.+ M’għandhomx ibigħu lilhom infushom bil-​mod li jinbiegħ ilsir. 43 Tgħaffġux taħt saqajk b’tirannija,+ u ibżaʼ minn Alla tiegħek.+ 44 Imma jekk trid li jkollok ilsir u lsira tistaʼ tiħodhom mill-​ġnus li qegħdin madwarkom; mingħandhom tistgħu tixtru lsir u lsira. 45 U wkoll mingħand ulied l-​immigranti li qed jgħammru bħala barranin magħkom,+ mingħandhom tistgħu tixtru, u mingħand il-​familji tagħhom li qegħdin magħkom u li kienu twildulhom f’artkom; u jsiru tagħkom. 46 U tridu tgħadduhom bħala wirt lil uliedkom warajkom biex jirtuhom u jkunu tagħhom għal żmien indefinit.+ Tistgħu tużawhom bħala ħaddiema, imma lil ħutkom ulied Israel tgħaffġuhomx taħt saqajkom; tgħaffġux wieħed lill-​ieħor, b’tirannija.+

47 “‘Imma jekk ir-​resident barrani jew l-​immigrant li hemm miegħek jistagħna, u ħuk jiftaqar maġenbu u jkollu jbigħ lilu nnifsu lir-​resident barrani jew lill-​frustier li hemm miegħek, jew lil xi membru tal-​familja tar-​resident barrani, 48 wara li jkun biegħ lilu nnifsu,+ id-​dritt tal-​fidwa jibqaʼ validu fil-​każ tiegħu.+ Wieħed minn ħutu jistaʼ jixtrih lura.+ 49 Jistaʼ jixtrih lura jew zijuh jew bin zijuh, jew jistaʼ jixtrih lura xi qarib ieħor mid-​demm,+ jiġifieri, wieħed mill-​familja tiegħu.

“‘Jew jekk hu stess ikun stagħna, għandu jixtri lura lilu nnifsu.+ 50 U jikkalkula maʼ min xtrah mis-​sena li jkun inbigħ lilu sas-​sena tal-​Ġublew,+ u l-​flus mill-​bejgħ tiegħu jridu jkunu ekwivalenti għall-​għadd tas-​snin.+ Bil-​mod kif jiġu kalkulati l-​ġranet tax-​xogħol taʼ ħaddiem mikri għandu jiġi trattat.+ 51 Jekk ikun għad baqaʼ ħafna snin, skond kemm snin ikun baqaʼ, għandu jħallas il-​prezz tax-​xiri lura mill-​flus li ngħata meta nxtara. 52 Imma jekk ikun għad baqaʼ ftit snin sas-​sena tal-​Ġublew,+ irid jikkalkula għalih innifsu. Skond is-​snin tiegħu għandu jħallas il-​prezz tax-​xiri lura tiegħu. 53 Għandu jiġi trattat bħal ħaddiem li jkun mikri+ minn sena għal sena. U int trid tkun ċert li sidu ma jgħaffġux taħt saqajh b’tirannija.+ 54 Madankollu, jekk ma jkunx jistaʼ jixtri lura lilu nnifsu b’dawn il-​kundizzjonijiet, irid jingħata lura fis-​sena tal-​Ġublew,+ hu u wliedu miegħu.

55 “‘Għax tiegħi huma lsiera wlied Israel. Huma l-​ilsiera+ tiegħi li jien ħriġt mill-​art taʼ l-​Eġittu.+ Jien Ġeħova Alla tagħkom.+

26 “‘Tagħmlux allat bla siwi għalikom,+ u twaqqfux xi xbieha skolpita+ jew xi pilastru sagru għalikom, u tpoġġux xi ġebla bħala figura skolpita+ f’artkom sabiex tmilu quddiemha;+ għax jien Ġeħova Alla tagħkom. 2 Għandkom tħarsu s-​Sabatijiet+ tiegħi u jkollkom rispett profond għas-​santwarju tiegħi. Jien Ġeħova.

3 “‘Jekk tkomplu timxu skond l-​istatuti tiegħi u tħarsu l-​kmandamenti tiegħi u twettquhom,+ 4 jien żgur li nagħtikom il-​ħalbiet tax-​xita f’waqthom,+ u l-​art trodd l-​uċuħ tagħha,+ u s-​siġar tar-​rabaʼ jagħtu l-​frott tagħhom.+ 5 U d-​dris tagħkom żgur li jilħaq il-​ġbir taʼ l-​għeneb tagħkom, u l-​ġbir taʼ l-​għeneb jilħaq iż-​żrigħ taż-​żerriegħa; u tieklu ħobżkom sa ma tixbgħu+ u tgħammru fis-​sigurtà f’artkom.+ 6 U nitfaʼ s-​sliem fuq l-​art,+ u intom timteddu, u ħadd ma jġegħelkom titriegħdu;+ u neqred mill-​art il-​bhima salvaġġa li tagħmel il-​ħsara,+ u sejf ma jgħaddix minn ġo artkom.+ 7 U tiġru wara l-​għedewwa tagħkom,+ u dawn jaqgħu quddiemkom bis-​sejf. 8 U ħamsa minnkom jiġru wara mija, u mija minnkom jiġru wara għaxart elef, u l-​għedewwa tagħkom jaqgħu quddiemkom bis-​sejf.+

9 “‘U ndur lejkom+ u nġegħelkom tnisslu u toktru,+ u nwettaq il-​patt tiegħi magħkom.+ 10 U tieklu l-​ħsad il-​qadim tas-​sena taʼ qabel,+ u toħorġu l-​qadim qabel il-​ġdid. 11 U żgur li nqiegħed it-​tabernaklu tiegħi f’nofskom,+ u ruħi ma tistmerrkomx.+ 12 U nimxi f’nofskom u jien inkun Alla tagħkom,+ u intom tkunu l-​poplu tiegħi.+ 13 Jien Ġeħova Alla tagħkom, li ħriġtkom mill-​art taʼ l-​Eġittu biex ma tibqgħux ilsiera tagħhom,+ u kissirt il-​madmad tagħkom u ġegħeltkom timxu dritti.+

14 “‘Madankollu, jekk ma tisimgħux minni u lanqas tobdu dawn il-​kmandamenti kollha,+ 15 u jekk tiċħdu l-​istatuti tiegħi,+ u jekk ruħkom tistmerr id-​deċiżjonijiet ġudizzjarji tiegħi sabiex ma tobdux il-​kmandamenti tiegħi kollha, sal-​punt li tiksru l-​patt tiegħi,+ 16 jien, min-​naħa tiegħi, nagħmlilkom dan li ġej, u b’kastig inġib fuqkom l-​inkwiet permezz tat-​tuberkulosi+ u d-​deni qawwi li jdgħajfulkom għajnejkom+ u jifnulkom ruħkom.+ U tiżirgħu ż-​żerriegħa sempliċement għalxejn, għax jikluhielkom l-​għedewwa tagħkom.+ 17 U jien indawwar wiċċi kontrikom, u żgur li l-​għedewwa tagħkom jegħlbukom;+ u min jobgħodkom jgħaffiġkom taħt saqajh,+ u intom fil-​fatt taħarbu meta ħadd ma jkun qed jiġri warajkom.+

18 “‘Iżda, jekk minkejja dawn l-​affarijiet, ma tisimgħux minni, jien ikolli nikkastigakom sebaʼ darbiet iktar għal dnubietkom.+ 19 U jkolli nkisser il-​kburija taʼ saħħitkom u nagħmel is-​smewwiet tagħkom bħall-​ħadid+ u l-​art tagħkom bħar-​ram aħmar. 20 U taħlu saħħitkom għalxejn, għax l-​art tagħkom ma troddx l-​uċuħ tagħha,+ u s-​siġar tar-​rabaʼ ma jagħtux il-​frott tagħhom.+

21 “‘U jekk tkomplu tiħduha kontrija u ma tkunux tridu tisimgħu minni jkolli nżidilkom il-​kastigi sebaʼ darbiet iktar skond dnubietkom.+ 22 U nibgħat il-​bhejjem salvaġġi tar-​rabaʼ fostkom,+ u jħallukom bla tfal+ u jeqirdulkom l-​annimali domestiċi tagħkom u lilkom iġibukom ftit nies, u t-​toroq tagħkom tabilħaqq jiġu abbandunati.+

23 “‘U jekk minkejja dawn l-​affarijiet ma tħallunix nikkorreġikom+ u tkunu tridu tibqgħu tiħduha kontrija, 24 jien, iva, jien, ikolli niħodha kontrikom;+ u jien, iva, jien, ikolli nidrobkom sebaʼ darbiet għal dnubietkom.+ 25 U nġib fuqkom sejf li jagħmel vendetta+ minħabba l-​patt;+ u tinġabru fi blietkom, u nibgħat il-​pesta f’nofskom,+ u tingħataw f’id l-​għadu.+ 26 Meta nkun kissirtilkom il-​bsaten li ddendlu l-​ftajjar magħhom,+ għaxar nisa jaħmu ħobżkom ġo forn wieħed biss u jroddulkom ħobżkom bl-​użin;+ u tieklu imma ma tixbgħux.+

27 “‘Jekk, madankollu, ma tisimgħux minni u tkunu tridu tibqgħu tiħduha kontrija,+ 28 ikolli niħodha bl-​aħrax kontrikom,+ u jien, iva, jien, ikolli nikkastigakom sebaʼ darbiet għal dnubietkom.+ 29 U jkollkom tieklu l-​laħam taʼ wliedkom subien, u tieklu l-​laħam taʼ wliedkom bniet.+ 30 U żgur li nġib fix-​xejn il-​postijiet għall-​qima* sagri tagħkom+ u neqred l-​artali taʼ l-​inċens tagħkom u nqiegħed l-​iġsma mejtin tagħkom fuq il-​fdalijiet taʼ l-​idoli tagħkom moqżieża daqs id-​demel;+ u ruħi tistmerrkom.+ 31 U nġiegħel li blietkom jingħataw għas-​sejf+ u nagħmel ħerba mis-​santwarji tagħkom,+ u l-​irwejjaħ pjaċevoli tagħkom ma nxommhomx.+ 32 U jien, min-​naħa tiegħi, nagħmel l-​art ħerba,+ u l-​għedewwa tagħkom li qed jgħammru fiha sempliċement jistagħġbu u jiċċassaw meta jarawha.+ 33 U lilkom inxerridkom qalb il-​ġnus,+ u nislet sejf għal warajkom;+ u artkom issir ħerba,+ u blietkom isiru rovina sħiħa.

34 “‘F’dak iż-​żmien, kemm iddum ħerba, l-​art tħallas is-​Sabatijiet tagħha, waqt li intom tkunu f’art l-​għedewwa tagħkom. F’dak iż-​żmien, l-​art tħares is-​Sabat, għax trid trodd is-​Sabatijiet tagħha.+ 35 Kemm iddum ħerba, l-​art tħares is-​Sabat, għar-​raġuni li ma ħarsitx is-​Sabat matul is-​Sabatijiet tagħkom meta intom kontu qed tgħammru fiha.

36 “‘Inkwantu għal dawk li jibqaʼ minnkom,+ żgur li nnissel il-​biżaʼ fi qlubhom fl-​artijiet taʼ l-​għedewwa tagħhom; u l-​ħoss taʼ werqa tiċċaqlaq ’l hemm u ’l hawn iġegħelhom jitilqu jiġru, u tabilħaqq jaħarbu, bħal meta wieħed jaħrab mis-​sejf, u jaqgħu bla ma jkun hemm ħadd jiġri warajhom.+ 37 U jitfixklu f’xulxin bħal meta jaħarbu mis-​sejf bla ma jkun hemm ħadd jiġri warajhom, u intom ma jkollkomx il-​ħila tirreżistu lill-​għedewwa tagħkom.+ 38 U tgħibu qalb il-​ġnus,+ u l-​art taʼ l-​għedewwa tagħkom tiblagħkom. 39 U dawk li jibqaʼ minnkom jitmermru+ għalkollox minħabba l-​iżball tagħhom fl-​artijiet taʼ l-​għedewwa tagħkom. Iva, saħansitra minħabba l-​iżbalji taʼ missirijiethom,+ bħalhom jitmermru għalkollox. 40 U jistqarru+ li kemm huma u kemm missirijiethom ħaduha kontrija u ma wrewx fedeltà u dinbu kontrija,+ 41 u għalhekk jien kelli niħodha kontrihom+ u ndaħħalhom f’art l-​għedewwa tagħhom.+

“‘Dan sar biex forsi jumiljaw il-​qalb mhix ċirkonċiża+ tagħhom,+ u jħallsu għall-​iżball tagħhom. 42 U jien niftakar fil-​patt tiegħi maʼ Ġakobb;+ u niftakar ukoll fil-​patt tiegħi maʼ Iżakk+ u wkoll fil-​patt tiegħi m’Abraham,+ u niftakar ukoll fl-​art. 43 Dan iż-​żmien kollu l-​art tħalliet abbandunata minnhom u kienet qed tħallas is-​Sabatijiet+ tagħha waqt li kienet tinsab ħerba mingħajrhom, u huma nfushom kienu qed iħallsu għall-​iżball tagħhom,+ għaliex, iva, għaliex huma kienu ċaħdu d-​deċiżjonijiet ġudizzjarji tiegħi,+ u ruħhom kienet stmerret l-​istatuti tiegħi.+ 44 U minkejja dan kollu, waqt li jkunu għadhom f’art l-​għedewwa tagħhom, jien żgur li ma niċħadhomx+ u lanqas nistmerrhom+ biex neqridhom għalkollox, u nikser il-​patt tiegħi magħhom;+ għax jien Ġeħova Alla tagħhom. 45 U minħabba fihom niftakar fil-​patt maʼ l-​antenati tagħhom+ li jien ħriġt mill-​art taʼ l-​Eġittu quddiem għajnejn il-​ġnus+ sabiex nuri li jien Alla tagħhom. Jien Ġeħova.’”

46 Dawn huma r-​regolamenti u d-​deċiżjonijiet ġudizzjarji+ u l-​liġijiet li Ġeħova għamel bejnu u bejn ulied Israel fuq il-​Muntanja Sinaj permezz taʼ Mosè.+

27 U Ġeħova kompla jkellem lil Mosè u jgħidlu: 2 “Kellem lil ulied Israel, u għidilhom, ‘Jekk raġel jagħmel offerta t’erwieħ b’wegħda speċjali+ lil Ġeħova skond il-​valur stmat, 3 u l-​valur stmat ikun taʼ raġel minn għoxrin sena sa sittin sena, il-​valur stmat ikun ħamsin xekel fidda skond ix-​xekel tal-​post qaddis. 4 Imma jekk tkun mara, il-​valur stmat irid ikun tletin xekel. 5 U jekk l-​età tkun minn ħames snin sa għoxrin sena, il-​valur stmat tat-​tifel jew tar-​raġel irid ikun għoxrin xekel u għall-​mara għaxar xwiekel. 6 U jekk l-​età tkun minn xahar sa ħames snin, il-​valur stmat tat-​tifel irid ikun ħames+ xwiekel fidda u għat-​tifla l-​valur stmat irid ikun tliet xwiekel fidda.

7 “‘Issa jekk l-​età tkun minn sittin sena ’l fuq, jekk ikun raġel, il-​valur stmat irid ikun ħmistax-il xekel u għall-​mara għaxar xwiekel. 8 Imma jekk ikun ftaqar wisq biex jagħti l-​valur stmat,+ hu jrid iqiegħed lill-​individwu quddiem il-​qassis, u l-​qassis irid jagħti stima tiegħu.+ Il-​qassis jagħti stima tiegħu skond kemm ikun jiflaħ+ iħallas min jagħmel il-​wegħda.

9 “‘U jekk tkun bhima, bħal dik li wieħed jippreżenta b’offerta lil Ġeħova, kulma jagħti lil Ġeħova jsir xi ħaġa qaddisa.+ 10 Ma jistax jagħti xi ħaġa minflokha, u ma jistax jibdilha, it-​tajba mal-​ħażina jew il-​ħażina mat-​tajba. Imma jekk fil-​fatt jibdel bhima m’oħra, kemm din stess u kemm dik li jibdilha magħha għandhom isiru xi ħaġa qaddisa. 11 U jekk tkun xi bhima mhix nadifa,+ bħal dik li wieħed ma jistax jippreżenta b’offerta lil Ġeħova,+ irid iqiegħed il-​bhima quddiem il-​qassis.+ 12 U l-​qassis irid jagħti stima tagħha sew jekk tkun tajba u sew jekk tkun ħażina. Skond kemm jistma l-​valur+ il-​qassis, daqshekk tkun tiswa. 13 Imma jekk fil-​fatt ikun irid jixtriha lura, mal-​valur stmat irid iżid wieħed minn ħamsa+ tal-​valur tagħha.

14 “‘Issa jekk raġel iqaddes lil daru bħala xi ħaġa qaddisa għal Ġeħova, il-​qassis irid jagħti stima tagħha sew jekk tkun tajba u sew jekk tkun ħażina.+ Skond kemm jistmaha l-​qassis, daqshekk għandha tiswa. 15 Imma jekk min iqaddisha jkun irid jixtri lura daru, magħha jrid iżid wieħed minn ħamsa tal-​flus tal-​valur stmat;+ u ssir tiegħu.

16 “‘U jekk raġel ikun irid iqaddes xi parti mir-​rabaʼ+ tiegħu lil Ġeħova, il-​valur irid ikun stmat skond kemm ikun fiha żerriegħa: jekk fiha ħomer+ żerriegħa tax-​xgħir, allura ħamsin xekel fidda. 17 Jekk hu jqaddes l-​għalqa tiegħu mis-​sena tal-​Ġublew+ ’il quddiem, għandha tiswa skond il-​valur stmat. 18 U jekk iqaddes l-​għalqa tiegħu wara l-​Ġublew, il-​qassis irid jikkalkulalu l-​prezz skond is-​snin li jkun fadal sas-​sena tal-​Ġublew li jkun imiss, u għandu jsir tnaqqis mill-​valur stmat.+ 19 Imma jekk min iqaddisha fil-​fatt jixtri l-​għalqa lura, magħha jrid iżid wieħed minn ħamsa tal-​flus tal-​valur stmat, u tkun tiegħu.+ 20 Issa jekk l-​għalqa ma jixtrihiex lura, imma l-​għalqa tinbiegħ lil raġel ieħor, ma tistax terġaʼ tinxtara lura. 21 U meta l-​għalqa tinħeles fil-​Ġublew, din trid issir xi ħaġa qaddisa għal Ġeħova, bħala għalqa li tkun dedikata.*+ Din issir tal-​qassis.+

22 “‘U jekk lil Ġeħova jqaddislu l-​għalqa li jkun xtara u li ma tkunx parti mir-​rabaʼ tiegħu,+ 23 il-qassis irid jikkalkulalu l-​ammont tal-​valur sas-​sena tal-​Ġublew, u jrid jagħti l-​valur stmat f’dak il-​jum.+ Din hi xi ħaġa qaddisa għal Ġeħova.+ 24 Fis-sena tal-​Ġublew l-​għalqa terġaʼ lura għand min begħhielu, għand dak li l-​art tkun tiegħu.+

25 “‘Issa kull valur għandu jkun stmat bix-​xekel tal-​post qaddis. Ix-​xekel għandu jammonta għal għoxrin gera.+

26 “‘Huwa biss l-​ewwel imwieled fost il-​bhejjem, li jitwieled bħala l-​ewwel imwieled għal Ġeħova,+ li ebda bniedem m’għandu jqaddsu. Sew jekk barri u sew jekk nagħġa, dawn ikunu taʼ Ġeħova.+ 27 U jekk ikun fost il-​bhejjem mhux nodfa+ u jrid jifdih skond il-​valur stmat, irid iżid miegħu wieħed minn ħamsa tal-​valur tiegħu.+ Imma jekk ma jinxtarax lura jrid jinbiegħ skond il-​valur stmat.

28 “‘Biss ebda ħaġa li raġel jiddedikaha lil Ġeħova għall-​qerda,*+ minn kulma hu tiegħu, sew jekk mill-​bnedmin, sew jekk mill-​bhejjem, u sew jekk mir-​rabaʼ tiegħu, ma tistaʼ tinbiegħ, u ebda ħaġa dedikata ma tistaʼ tinxtara lura.+ Hi xi ħaġa mill-​iktar qaddisa għal Ġeħova. 29 Ebda individwu li jkun dedikat għall-​qerda minn fost il-​bnedmin ma jistaʼ jiġi mifdi.+ Żgur li għandu jingħata l-​mewt.+

30 “‘U kull parti minn għaxra+ taʼ l-​art, miż-​żerriegħa taʼ l-​art u l-​frott tas-​siġra, hi taʼ Ġeħova. Hi xi ħaġa qaddisa għal Ġeħova. 31 U jekk raġel ikun irid fil-​fatt jixtri lura xi ħaġa mill-​parti minn għaxra tiegħu, għandu jżid magħha wieħed minn ħamsa tal-​valur tagħha.+ 32 Inkwantu għal kull parti minn għaxra tal-​merħla tal-​baqar u tal-​merħla tan-​nagħaġ, kulma jgħaddi minn taħt l-​għasluġ,+ l-​għaxar ras għandha ssir xi ħaġa qaddisa għal Ġeħova. 33 M’għandux joqgħod jara jekk hix tajba jew ħażina, u lanqas m’għandu jibdilha. Imma jekk fil-​fatt jibdilha, kemm din stess u kemm dik li jibdilha magħha għandhom isiru xi ħaġa qaddisa.+ Ma tistax tinxtara lura.’”

34 Dawn huma l-​kmandamenti+ li Ġeħova ta lil Mosè bħala kmandi għal ulied Israel fuq il-​Muntanja Sinaj.+