Isaayyaas
66 Yihowaan akkana jedha:
“Samiiwwan teessoo koo ti, laftis ejjeta miila kootii ti.+
2 “Wantoota kana hundumaa kan tolche harkuma koo ti,
Hundi isaaniis kan argaman akka kanaani” jedha Yihowaan.+
“Anis gara isa kanaatti,
Gara isa gad of qabu, isa hafuurri isaa cabee* fi dubbii kootiin romʼu* kanaatti nan ilaala.+
3 Namni qotiyyoo qalu, akkuma nama nama ajjeesuu ti.+
Namni aarsaa godhee hoolaa dhiheessu, akkuma nama morma saree cabsuu ti.+
Namni kennaa dhiheessu, akkuma nama dhiiga booyyee dhiheessuu ti!+
Namni aarsaa yaadannoo godhee ixaana adii dhiheessu,+ akkuma nama dubbii moraatti fayyadamee nama eebbisuu ti.*+
Isaan daandiiwwan ofii isaanii filataniiru,
Wanta jibbisiisaa taʼettis ni gammadu.*
4 Kanaan kan kaʼes, ani isaan adabuuf karaa nan barbaada,+
Wantuma isaan sodaatanis isaan irratti nan fida.
Sababiin isaas, yommuun isaan waametti namni tokko illee hin owwaanne;
Yommuun dubbadhettis namni tokko illee na hin dhaggeeffanne.+
Wanta na duratti hamaa taʼe gochuu isaanii itti fufaniiru,
Wanta na hin gammachiisne gochuus filataniiru.”+
5 Isin warri dubbii isaatiin romʼitan* dubbii Yihowaa kana dhagaʼaa:
“Obboloonni keessan warri sababa maqaa kootiin isin jibbanii fi of irraa isin fageessan, ‘Yihowaan ulfina haa argatu!’ jedhaniiru.+
Inni garuu isinitti mulʼatee gammachuu isiniif argamsiisa,
Kan qaaneffamus isaanuma dha.”+
6 Magaalattii keessaa wacni, mana qulqullummaa keessaas sagaleen tokko ni dhagaʼama!
Sagaleen kunis sagalee Yihowaa isa yeroo inni diinota isaatiif adaba isaaniif malu kennutti dhagaʼamu dha.
7 Ishiin ciniinsifachuu ishii dura, ni deesse.+
Ciniinsuun ishii qabuu isaa duras, mucaa dhiiraa ni deesse.
8 Namni wanta akkanaa dhagaʼee beeku jiraa?
Namni wantoota akkanaa arge jiraa?
Biyyi guyyuma tokkotti ni dhalataa?
Yookiin sabni tokko takkaatti ni dhalataa?
Xiyoon garuu akkuma ciniinsifachuu jalqabdeen ilmaan ishii ni deesse.
9 “Ani daaʼimni dhalachuu jala gaʼee akka hin dhalanne nan godhaa?” jedha Yihowaan.
“Yookiin ciniinsuu ergan fidee booda gadameessa nan cufaa?” jedha Waaqni kee.
10 Warri ishii jaallattan hundi, Yerusaalemii wajjin gammadaa, ishii wajjinis ililchaa.+
Warri ishiidhaaf gaddaa jirtan hundi, ishii wajjin baayʼee gammadaa,
11 Sababiin isaas, harma jajjabinaa ishii ni hootu, akka gaariittis ni quuftu,
Hamma quuftanitti ni dhugdu, baayʼina ulfina ishiittis ni gammaddu.
12 Yihowaan akkana jedha:
“Kunoo, ani akkuma lagaatti nagaa,+
Akkuma yaaʼaa bishaaniittis ulfina sabootaa ishiidhaaf nan kenna.+
Isinis tafa irra teessanii ni hootu, kunuunsas ni argattu,
Gudeeda irra teessaniis ni ururfamtu.
13 Akkuma haati ilma ishii urursitutti,
Anis isin urursuu koo ittan fufa;+
Isinis Yerusaalemiin kan kaʼe jajjabina ni argattu.+
14 Kana ni argitu, garaan keessanis ni gammada,
Lafeen keessan akkuma marga haaraatti ni lalisa.
Harki* Yihowaas tajaajiltoota isaa biratti kan beekame ni taʼa,
Taʼus inni diinota isaa ni balaaleffata.”+
15 “Sababiin isaas, Yihowaan dheekkamsa cimaadhaan haaloo baʼuuf,
Labooba ibiddaatiinis ifachuuf,+
Akka ibiddaatti ni dhufa,+
Gaariiwwan fardaa isaas akkuma obomboleettii ti.+
16 Yihowaan ibiddaan,
Eeyyee, goraadee isaatiin foon* hundumaa irratti murtii ni dabarsa;
Warri Yihowaan ajjeesus hedduu ni taʼu.
17 “Warri isa walakkaatti argamu sana duukaa buʼuudhaan, gara iddoowwan biqiltuutti*+ seenuuf of qulqulleessanii fi of dhiqan, warri foon booyyee,+ wantoota jibbisiisoo fi hantuuta+ nyaatan hundi waliin ni dhumu” jedha Yihowaan. 18 “Ani waaʼee hojii isaanii fi yaada isaanii waanan beekuuf, sabootaa fi qooqa hundumaa keessaa namoota walitti qabuuf nan dhufa; isaanis dhufanii ulfina koo ni argu.”
19 “Ani isaan gidduutti mallattoo tokko nan dhaaba; warra lubbuudhaan oolan keessaa muraasa gara sabootaatti, jechuunis gara Tarshiish,+ Puulii fi Luud+ warra iddaadhaan darbachuu irratti dandeettii qabanitti, akkasumas gara Tuubaal, gara Yaawaanii+ fi gara odolawwan fagoo jiran warra waaʼee koo hin dhageenye yookiin ulfina koo hin arginetti nan erga; isaanis saboota gidduutti ulfina koo ni labsu.+ 20 Akkuma namoonni Israaʼel kennaawwan isaanii miʼa qulqulluutti qabatanii gara mana Yihowaatti fidanitti, isaanis saboota hundumaa keessaa obboloota keessan hundumaa fardeen irra, gaariiwwan fardaa irra, gaariiwwan uwwifaman keessa, gaangolii irra, akkasumas gaalota saffisa qaban irra kaaʼanii, Yihowaadhaaf kennaa godhanii gara gaara koo isa qulqulluutti, gara Yerusaalemitti ni fidu”+ jedha Yihowaan.
21 “Kana malees, ani lubootaa fi Leewwota akka taʼaniif muraasa isaanii nan fudhadha” jedha Yihowaan.
22 “Akkuma samiiwwan haaraanii fi lafti haaraan+ warri ani tolchaa jiru na duratti jabaatanii dhaabbatan, sanyiin keessanii fi maqaan keessanis jabaatee ni dhaabbata”+ jedha Yihowaan.
23 “Baatii haaraa irraa hamma baatii haaraatti, sanbata irraa hamma sanbataattis,