1 Wakorintho
6 Je, yeyote kati yenu aliye na kesi+ juu ya mwingine anathubutu kwenda mahakamani mbele ya watu wasio waadilifu,+ na si mbele ya watakatifu?+ 2 Au je, hamjui kwamba watakatifu watauhukumu+ ulimwengu?+ Na ikiwa ninyi mtauhukumu ulimwengu, je, hamstahili kuamua mambo yaliyo madogo sana?+ 3 Je, hamjui kwamba tutawahukumu malaika?+ Kwa nini, basi, isiwe mambo ya maisha haya? 4 Basi, ikiwa ninyi mna mambo ya maisha haya ya kuamuliwa,+ je, mnawaweka kuwa waamuzi wale watu wanaodharauliwa na kutaniko?+ 5 Ninasema ili kuwatia ninyi aibu.+ Je, ni kweli kwamba hakuna hata mtu mmoja mwenye hekima+ kati yenu atakayeweza kuhukumu kati ya ndugu zake, 6 bali ndugu anaenda mahakamani pamoja na ndugu, na tena mbele ya wasio waamini?+
7 Basi, kwa kweli, inamaanisha kushindwa kwenu kabisa kwamba mnakuwa na mashtaka ya kisheria+ mtu na mwenzake. Kwa nini msiache mkosewe+ badala ya hivyo? Kwa nini msiache mpunjwe+ badala ya hivyo? 8 Kinyume cha hilo, mnawakosea na kuwapunja, tena ndugu zenu.+
9 Kwani! Je, hamjui kwamba watu wasio waadilifu hawataurithi ufalme wa Mungu?+ Msipotoshwe. Wala waasherati,+ wala waabudu-sanamu,+ wala wazinzi,+ wala wanaume wanaowekwa kwa ajili ya makusudi yasiyo ya asili,+ wala wanaume wanaolala na wanaume,+ 10 wala wezi, wala watu wenye pupa,+ wala walevi,+ wala watukanaji, wala wanyang’anyi hawataurithi ufalme wa Mungu.+ 11 Na bado wengine wenu mlikuwa hivyo.+ Lakini mmeoshwa mkawa safi,+ lakini mmetakaswa,+ lakini mmetangazwa kuwa waadilifu+ katika jina la Bwana wetu Yesu Kristo+ na kwa roho ya Mungu wetu.+
12 Mambo yote ni halali kwangu; lakini si mambo yote yenye faida.+ Mambo yote ni halali+ kwangu; lakini mimi sitaruhusu kitu chochote kinitawale.+ 13 Vyakula kwa ajili ya tumbo, na tumbo kwa ajili ya vyakula;+ lakini Mungu atafanya hilo na pia hivyo viwe si kitu.+ Basi mwili si kwa ajili ya uasherati, bali kwa ajili ya Bwana;+ na Bwana ni kwa ajili ya mwili.+ 14 Lakini Mungu alimfufua Bwana+ na pia atatufufua sisi kutoka kwenye kifo+ kupitia nguvu zake.+
15 Je, hamjui kwamba miili yenu ni viungo+ vya Kristo?+ Basi, je, nitavichukua viungo vya Kristo na kuvifanya kuwa viungo vya kahaba?+ Hilo lisitendeke kamwe! 16 Kwani! Je, hamjui kwamba yeye ambaye ameungana na kahaba ni mwili mmoja naye? Kwa maana, “Hao wawili,” yeye asema, “watakuwa mwili mmoja.”+ 17 Lakini yeye ambaye ameungana na Bwana ni roho+ moja+ naye. 18 Ukimbieni uasherati.+ Kila dhambi nyingine ambayo mtu huenda akafanya iko nje ya mwili wake, lakini yeye aliye na mazoea ya kufanya uasherati anautendea dhambi mwili+ wake mwenyewe. 19 Kwani! Je, hamjui kwamba mwili wenu ni hekalu+ la roho takatifu ndani yenu,+ mliyo nayo kutoka kwa Mungu? Pia, ninyi si mali yenu wenyewe,+ 20 kwa maana mlinunuliwa kwa bei.+ Kwa vyovyote, mtukuzeni+ Mungu katika mwili+ wenu.