Mikutano Inayotusaidia Kufanya Wanafunzi
JUMA LINALOANZA DESEMBA 3
Dak. 8: Matangazo ya kwenu na Matangazo kutoka Huduma ya Ufalme Yetu. Zungumzia mambo hususa kutoka magazeti ya karibuni ya kutumiwa wakati wa mwisho wa juma.
Dak. 17: “Tumia Wakati wa Desemba kwa Hekima.” Mazungumzo ya maswali na majibu. Tia ndani wonyesho wa Kichwa kipya ukitumia madokezo yanayopatikana katika programu ya mkutano wa utumishi ya juma lililopita. Tia ndani mpango hususa wa kufanya ziara ya kurudia.
Dak. 20: “Kuongoza Mafunzo ya Biblia ya Familia Yenye Kujaa Maana.” Maswali na majibu. Kadiri wakati uruhusuvyo, mzazi mmoja au wawili wasimulie yale wamefanya ili funzo la Biblia la familia yao liwe lenye kufundisha na lenye kuleta shangwe.
Wimbo 42 na sala ya kumalizia.
JUMA LINALOANZA DESEMBA 10
Dak. 10: Matangazo ya kwenu. Soma ripoti ya hesabu na shukrani za upaji kutoka kwa Sosaiti. Pongeza akina ndugu kwa matumizi mazuri ya “mali ya udhalimu.” (Lk. 16:9; it-2, uku. 806)
Dak. 20: Jamaa Yajitayarishia Utumishi wa Shambani. Mazungumzo ya kikundi cha jamaa. Kichwa cha jamaa aongoza mazungumzo pamoja na mke na watoto, kutia ndani mtoto mmoja wa miaka ya kabla ya utineja na mmoja aliye katika miaka ya mwisho-mwisho ya utineja. Baba aelekeza fikira kwenye habari katika ukurasa wa 10 katika kitabu Kutoa Sababu chini ya “JAMAA/ WATOTO.” Adokeza kwamba matangulizi hayo yatapatana vizuri na Kichwa cha Mazungumzo cha sasa. Mke akubali. Aulizwa anapanga kutumiaje matangulizi hayo pamoja na kichwa na toleo la kitabu Kuishi Milele. Mke aamini utoaji huu utakuwa na mafanikio katika eneo lao ambamo mna jamaa nyingi zenye watoto wachanga. Mke aona shangwe kuwa na mtoto mmoja akiambatana naye nyumba kwa nyumba na kusoma mojapo maandiko yatakayotumiwa. Baba auliza mwana au binti mkubwa zaidi jinsi habari hii ingeweza kutumiwa kwa mafanikio na kijana katika huduma ya nyumba kwa nyumba. Baada ya kusalimu mwenye nyumba, mchanga huyo aweza kuuliza kama jamaa hiyo ina watoto na kumuuliza mwenye nyumba anafikiri wakati ujao una nini kwa watoto wake au kwa wachanga wengine leo. Kisha mhubiri huyo mchanga angeweza kusema kwamba ijapokuwa vijana wengi wanavunjika moyo kwa sababu ya yale wakati ujao unaonekana kuwa nayo kwa ajili yao, yeye anatazamia mema kwa sababu ya yale ambayo wazazi wake wamemsaidia kujifunza kutoka katika Biblia. Hilo lingeongoza kwenye kichwa cha sasa. Ndipo mtoto wa miaka ya kabla ya utineja angeweza kusaidiwa kutayarisha utoaji mfupi utumiwe katika kutoa kitabu Kuishi Milele au magazeti ya karibuni, au aonyeshwe jinsi ya kutoa trakti au kikaratasi cha mwaliko anapofanya kazi na mzazi. Mwenyekiti apaswa awatie moyo wazazi watumie wakati kusaidia washiriki wa jamaa watayarishe kwa ajili ya utumishi wa shambani wenye kujaa maana.
Dak. 15: Je, Wewe Huweka Njia ya Mawasiliano Ikiwa Wazi? Mzee azungumzie kanuni mbili au tatu zinazopatikana katika sura ya 11 ya kitabu Maisha ya Jamaa. Tia ndani miigizo mifupi ikitegemea habari katika mafungu 5-8, yakionyesha jinsi wazazi waweza ama kutia moyo au kuvunja moyo mawasiliano na mtoto.
Wimbo 221 na sala ya kumalizia.
JUMA LINALOANZA DESEMBA 17
Dak. 10: Matangazo ya kwenu. Sanduku la Swali. Zungumzia mambo fulani katika Habari za Kitheokrasi kadiri wakati uruhusuvyo.
Dak. 15: “Kutoa Habari Njema—Wakati wa Sikukuu.” Maswali na Majibu.
Dak. 20: “Fungu Lako Katika Kujenga kwa Ajili ya Wakati Ujao.” Mazungumzo ya maswali na majibu ya habari katika nyongeza. Toa pongezi kwa ajili ya utegemezo uliotolewa na yeyote kwa ajili ya miradi ya ujenzi ya kwenu.
Wimbo 93 na sala ya kumalizia.
JUMA LINALOANZA DESEMBA 24
Dak. 10: Matangazo ya kwenu. Tia moyo kutoa ushahidi wakati wa mwisho wa juma. Dokeza makala za kutumiwa siku ya magazeti.
Dak. 20: “Kufundishwa na Yehova.” Mwangalizi wa Shule azungumza pamoja na wasikilizaji. Hoji mwanafunzi aliye kielelezo bora, ukikazia manufaa anazopata kutokana na kujitayarisha kimbele na kufanyia kazi mambo ya kikaratasi cha shauri la usemi.
Dak. 15: Hotuba ikitegemea “Kujitegemea,” kurasa 118-22 za kitabu Kutoa Sababu. Kazia uhitaji wetu wa kumtemegea Yehova na matokeo yenye msiba ya kufuata mwendo wa kujitegemea. Patanisha na mahitaji ya kundi.
Wimbo 55 na sala ya kumalizia.