JEREMIAS
1 Liʼe jaʼ li kʼusi laj yal Jeremias* ti jaʼ xnichʼon Ilkiase, ti jaʼ jun pale ta Anatote,+ te ta yosilal Benjamin. 2 Kʼalal 13 xa ox jabil yochel ta ajvalil ta Juda li Josias+ ti jaʼ xnichʼon Amone,+ jaʼo kʼoponat yuʼun Jeova li Jeremiase. 3 Jech xtok, tal kʼoponatuk yan velta kʼalal jaʼo ch-ajvalilaj ta Juda li Jeoiakim+ ti jaʼ xnichʼon Josiase, jech-o kʼoponat jaʼ to ti kʼuxi tsʼaki 11 jabil yochel ta ajvalil ta Juda li Sedekias+ ti jaʼ xnichʼon Josiase, jaʼo kʼalal laj yichʼ ikʼel batel li jnaklejetik ta Jerusalen ta svoʼobal ue.+
4 La skʼoponun li Jeovae, xi laj yalbune:
Lakʼot kuʼun ta jun j-alkʼop ta stojolal mukʼtik lumetik».
6 Pe xi laj kale: «¡Ay, Kajval Jeova ti Mukʼul Jpasmantalote!
Li voʼone mu jnaʼ xikʼopoj,+ yuʼun toj keremun to».+
7 Vaʼun, xi laj yalbun li Jeovae:
«Mu xaval ti toj keremot toe.
Yuʼun skʼan xbat akʼel skotol li buchʼutik chkalbot ti skʼan xabat ta stojolale
xchiʼuk skʼan xaval skotol li kʼusi chkalbote.+
9 Vaʼun, la syeʼ talel skʼob li Jeovae xchiʼuk la spikbun li kee.+ Xchiʼuk xi laj yalbun li Jeovae: «Laj xa kakʼ ta ave li jkʼope.+ 10 Kʼelavil, li avi kʼakʼale, laj xa jvaʼanot sventa xabat ta stojolal li mukʼtik lumetike xchiʼuk ta stojolal li ajvalilaletike,* sventa xabul lokʼel xchiʼuk xajines, sventa xalilin xchiʼuk xalajes, sventa xavaʼan xchiʼuk xatsʼun».+
11 La skʼoponun yan velta li Jeovae xchiʼuk xi laj yalbune: «¿Kʼusi te chavil, Jeremias?». Jaʼ yuʼun, xi laj kale: «Te chkil jun skʼob almendra teʼ».*
12 Xi laj yalbun li Jeovae: «Jaʼ li kʼusi laj avile, yuʼun lek julavemun sventa chkʼot ta pasel kuʼun li kʼusi kaloje».
13 La skʼoponun tal ta xchibal velta li Jeovae, xi laj yalbune: «¿Kʼusi te chavil?». Jaʼ yuʼun, xi laj kale: «Te chkil jpʼej pʼin* ti chvokane,* te oy ta norte ti tsʼeʼel batel stiʼ ta sure». 14 Vaʼun, xi laj yalbun li Jeovae:
«Ta norte to chlik talel vokolil
ta stojolal skotol li jnaklejetik ta sjunul lume.+
15 Yuʼun ‹ta jtakik ta ikʼel skotol li snitilulal ajvalilaletik ta nortee›, xi li Jeovae,+
‹vaʼun ta xtalik; ta jujuntal ta snakan xchotlebik sventa ajvalil
ta yochebal li stiʼtak Jerusalene,+
ta sjoylejal li smuroaltake
xchiʼuk ta skotol li jteklumetik ta Judae.+
16 Vaʼun, ta jchapanik ta skoj skotol li xchoplejalike,
yuʼun laj yiktaikun+
xchiʼuk xtomet muyel xchʼailal* chakʼbeik milbil matanal li yan diosetike+
xchiʼuk tsnijan sbaik ta stojolal li yabtel skʼobike›.+
17 Pe li voʼote skʼan xachapan aba sventa oyuk kʼusi xapas,*
skʼan xavaʼan aba xchiʼuk skʼan xavalanbe skotol li kʼusi chkalbote.
Mu xanik ta xiʼel ta stojolalik,+
sventa mu xkakʼ ti xaxiʼ ta yelovalike.
18 Yuʼun li avie, la jpasot kʼuchaʼal jun jteklum ti lek joyol ta muroe,
jun oy ti pasbil ta tsatsal takʼine xchiʼuk jun muro ti pasbil ta kovre sventa xkuch avuʼun ti tskontrainot sjunul li mukʼta lume,+
li ajvaliletik ta Judae xchiʼuk li bankilaletik yuʼunike,
li paleetik yuʼunike xchiʼuk li krixchanoetik ta sjunul lume.+
19 Jpʼel skʼoplal tstsakoxuk ta kʼop,
pe muʼyuk tstsalikot,*
yuʼun ‹te jchiʼukot sventa ta jkoltaot›, xi li Jeovae».+
2 La skʼoponun tal li Jeovae, xi laj yalbune: 2 «Batan, xi xbat avalbe ta xchikin li Jerusalene: ‹Xi chal li Jeovae:
«Xvul lek ta jol ti kʼu yelan laj avakʼ ta ilel ta atsebal li tukʼil kʼanelale,+
li kʼanelal laj avakʼbun ta ilel kʼalal laj avakʼ ave ti chijnupune,+
ti la atsʼakliun batel ta takixokol balumile,
ta jsep osil ti muʼyuk kʼusi tsʼunbile.+
3 Chʼul toʼox ilat yuʼun Jeova li Israele,+ li sba sat stsʼunobe»›.
‹Buchʼuuk noʼox ti oy kʼusi chopol tspasbee oy smul chkʼot.
Chvul vokolil ta stojolalik›, xi li Jeovae».+
4 Chikintaik li kʼusi chal Jeovae, snitilulal Jakob
xchiʼuk akotolik utsʼ alaliletik ta jteklum Israel.
5 Xi chal li Jeovae:
«¿Kʼusi jchopolil laj yilik li amoltotakik+
ti solel namajik tajek batel ta jtojolale
xchiʼuk ti la stsʼakliik batel li lokʼoletik ti muʼyuk sbalilike+ xchiʼuk ti jech muʼyuk sbalil kʼotik eke?+
6 Muʼyuk xi la sjakʼike: ‹¿Bu oy li Jeova
ti la slokʼesutik tal ta yosilal Ejiptoe,+
ti la sbeiltasutik ta takixokol balumile,
ta jun balumil ti takin tajeke+ xchiʼuk ti oy chʼenetike,
ta jun balumil ti bu muʼyuk voʼe+ xchiʼuk ti ikʼmutsʼan* tajeke,
ta jun balumil ti mu junuk vinik echʼem tee
xchiʼuk ti bu mu junuk krixchano te nakale?›.
7 Vaʼun, laj kikʼoxuk tal ta jsep osil ti oy kʼusitik xchʼi
sventa xalobeik li sate xchiʼuk li kʼusitik lekik chlokʼ tee.+
8 Muʼyuk xi la sjakʼik li paleetike: ‹¿Bu oy li Jeovae?›.+
Li buchʼutik oy ta sbaik Mantale muʼyuk laj yojtikinikun,
li jchabichijetike la stoy sbaik ta jtojolal,+
li j-alkʼopetike kʼotik ta j-alkʼopetik yuʼun Baal+
xchiʼuk jaʼ la stsʼakliik batel li diosetik ti muʼyuk kʼusi lek chakʼike.
9 Xi chal li Jeovae: ‹Jaʼ yuʼun, ta jsaʼoxuk ta kʼop yan velta+
xchiʼuk ta jsaʼ ta kʼop li xnichʼnab anichʼnabe›.
10 ‹Pe echʼ tuchʼik li lumetik ta tiʼtiʼnab* yuʼun jkitimetike+ xchiʼuk kʼelavil kʼusi xuʼ xataik.
Jech, takik batel aʼyej ta Kedar+ xchiʼuk nopbeik lek skʼoplal;
kʼelik mi oy jech kʼotem ta pasel kʼuchaʼal taje.
11 ¿Mi oy van junuk mukʼta lum ti sjeloj sdios ta yan diosetik ti mu meleluke?
Pe li jteklumale laj yiktaik li jmukʼulale, jaʼ bat saʼik li kʼusitik muʼyuk sbalile.+
12 Vinajel, labaluk sba xavil kʼalal chakʼel batel taje;
nikan ta skoj ti toj xibal sbae›, xi li Jeovae,
13 ‹Yuʼun oy chaʼtos ti kʼusitik chopol la spas li jteklumale:
Laj yiktaikun komel ti voʼon snioʼalun voʼ ti chakʼ kuxlejale+
xchiʼuk la sjokʼik* yav yaʼal stukik,
jun yav voʼ ti jomole, ti mu xchʼam yuʼun voʼe›.
14 ‹¿Mi jaʼ jun jtunel li Israele? O ¿mi jaʼ jun mosoil ti vokʼ ta sna yajvale?
Vaʼun chaʼa, ¿kʼu yuʼun laj yichʼik ikʼel batel yuʼun li krixchanoetike?
Toj xibal sba komtsanbat li slumale.
Laj xa yichʼ tsanbel skʼakʼal li jteklumetik yuʼune, jaʼ yuʼun muʼyuk xa jnaklejetik.
16 Li jteklum Nof*+ xchiʼuk Tapanese+ te chveʼik ta ajol xchiʼuk tʼaxjol chakom yuʼunik.
17 Taje la asaʼ atuk
ta skoj ti laj avikta komel li Jeova ti jaʼ Adiose,+
kʼalal jaʼo la sbeiltasot batel li ta bee.
18 Avi une, ¿kʼu yuʼun ti oy ta avoʼonton chabat li ta sbelel Ejipto+
sventa xbat avuchʼ li voʼ ta ukʼum Siore?*
¿Kʼu yuʼun ti oy ta avoʼonton chabat li ta sbelel Asiria+
sventa xbat avuchʼ li voʼ ta ukʼum Eufratese?
19 Skʼan oy kʼusi xachan ta skoj li achoplejale
xchiʼuk skʼan xavichʼ tukʼibtasel ta skoj ti muʼyuk tukʼ avakʼoj abae.
Teuk ta ajol xchiʼuk akʼo venta ti toj chopol xchiʼuk ti chakʼ at-oʼonton+
mi laj avikta li Jeova ti jaʼ Adiose;
muʼyuk axiʼtaojun* jutebuk›,+ xi li Ajvalil ti jaʼ Mukʼul Jpasmantale, li Jeova ti jaʼ bankilal yuʼun soltaroetike.*
20 ‹Yuʼun voʼne xa la jlilin li akʼatlom teʼale+
xchiʼuk la jtuchʼ li akadenaile.
Pe xi laj avale: «Muʼyuk chitun ta atojolal»,
yuʼun te levelot chachon aba+
ta sba skotol tayal bikʼtal vitsetik xchiʼuk ta yolon skotol mukʼtik teʼetik.+
21 La jtsʼunot kʼuchaʼal jpets tsajal lekil uva,+ ti toj lek li stsʼunobale;
jaʼ yuʼun, ¿kʼuxi ti lakʼataj ta skʼob teʼtikal chopol uvae?›.+
22 ‹Akʼo mi xapok aba ta vikarvonato xchiʼuk akʼo mi xavakʼbe aba epal xavon,
jech-o ikʼ chkilot ta skoj li amule›,+ xi li Ajvalil Jeova ti jaʼ Mukʼul Jpasmantale.
23 ¿Kʼuxi ti xi chavale: ‹Muʼyuk kikʼubtasoj jba.
Muʼyuk jtsʼaklioj batel li Baaletike›?
Akʼo avil venta kʼu yelan atalelal li ta stenlejaltike.
Nopbo skʼoplal li kʼusitik apasoje.
Xakoʼolaj kʼuchaʼal tsebal kameyo ti lek x-anilaje,
muʼyuk tukʼ stamoj batel sbe xchiʼuk xyal xmuy noʼox.
24 Li teʼtikal meʼ vuro ti nopem xaʼi takixokol balumile
xvusvun noʼox sniʼ tsaʼ* teʼtikal tot vuro ta skoj ti tskʼan tajek chkuchomaje.
¿Buchʼu van xuʼ spajtsan kʼalal jaʼo yorail chkuchomaje?
Mi tskʼan chbat saʼike, jecheʼ noʼox tslubes sbaik.
Jaʼ to tstaik mi la sta yorail chkuchomaje.*
25 Mu me xalubes avakan
xchiʼuk mu me xtakij anukʼ ta snutsel li kʼusitik muʼyuk sbalile.
Pe xi laj avale: ‹¡Muʼyuk xa kʼusi stakʼ pasel!+
26 Jech kʼuchaʼal chkʼexav jun j-elekʼ mi laj yichʼ taele,
jaʼ jech laj yichʼ akʼel ta kʼexlal li jteklum Israele,
li ajvaliletik yuʼunike xchiʼuk li bankilaletik yuʼunike,
li paleetik yuʼunike xchiʼuk li j-alkʼopetik yuʼunike.+
27 Xi chalbeik li jtekʼ teʼe: ‹Voʼot jtotot›+
xchiʼuk xi chalbeik li jpʼej tone: ‹Voʼot la avokʼesun›.
Jaʼuk li voʼone svalopatinojikun komel, muʼyuk skʼelojikun tal.+
Vaʼun, xi chalik kʼalal jaʼo yorail svokolike:
‹¡Totsan talel xchiʼuk koltaunkutik!›.+
28 Jteklum Juda, ¿bu oy li diosetik avuʼun ti la apase?+
Akʼo totsikuk tal mi xuʼ yuʼunik spojot kʼalal jaʼo yorail avokole,
yuʼun solel ep tajek adiostak jech kʼuchaʼal ep tajek li jteklumetik avuʼune.+
29 Xi chal li Jeovae: ‹¿Kʼu yuʼun ti jech-o chasaʼikun ta kʼope?
¿Kʼu yuʼun ti la atoy aba akotolik ta jtojolale?›.+
30 Jecheʼ noʼox ti la jmaj li anichʼnabike.+
Muʼyuk la xchʼunik tukʼibtasel;+
la amil ta a-espadaik li j-alkʼopetik avuʼunike,+
jech kʼuchaʼal chmilvan li jkot leone.
31 Jkʼol kuxlejal, nopbeik skʼoplal li kʼusi yaloj Jeovae.
¿Mi kʼotemun kʼuchaʼal takixokol balumil ta stojolal li Israele?
O ¿mi kʼotemun kʼuchaʼal jun lum ti bu ikʼmutsʼan* ta jyalele?
¿Kʼu yuʼun xi laj yal li jteklumale: ‹Chibatkutik ti bu xal koʼontonkutike.
Muʼyuk xa chisutkutik tal ta atojolal›?+
32 ¿Mi xchʼay van ta sjol snatsʼtak* li jun tojol tsebe?
¿Mi xchʼay van ta sjol xchuk sventa nupunel li jun jnupunel tsebe?
Pe li jteklumale jal xa tajek ti xchʼayojun ta sjole.+
33 Ants, ¡xatojob lek saʼel abe yoʼ xata viniketik sventa skʼanote!
Achanubtasoj aba lek ta stambel sbelel li kʼusi toj chopole.+
34 Yuʼun li akʼuʼ apokʼe balal* ta xchʼichʼel li buchʼutik* muʼyuk smulik ti abol sbaike,+
akʼo mi muʼyuk te bonol xchʼichʼelik la jta ti bu la atsatsal jam ochel tiʼ nae,
jaʼ te oy ta sliklej li akʼuʼ apokʼe.+
35 Pe xi chavale: ‹Muʼyuk jmul.
Ta melel, muʼyuk xa ilinem ta jtojolal li Diose›.
Pe li avie, ta jchapanot,
yuʼun xi chavale: ‹Muʼyuk jsaʼoj jmul›.
36 ¿Kʼu yuʼun muʼyuk tsots skʼoplal chavil ti junuk noʼox abe atamoje?
37 Jech xtok, apikoj xa ajol ta kʼexlal chalokʼ talel ta skoj taje,+
yuʼun li Jeovae laj xa spʼaj li buchʼutik apatoj toʼox avoʼonton ta stojolalike;
muʼyuk kʼusi lek chata yuʼunik».
3 Xi tsjakʼ li krixchanoetike: «Mi oy jun vinik ti tsnuts batel yajnil xchiʼuk ti chmalij ta yan li yajnil kʼalal sutem xa ox yuʼune, ¿mi lek van ti xikʼ yan velta yajnil li vinike?».
¿Mi mu lajuk yichʼ sokesel ta j-echʼel li jteklume?+
«Li voʼote la achon aba ta stojolal li achiʼiltak ti toj epike,+
¿mi chanop ti xuʼ to xasut tal ta jtojolale?», xi li Jeovae.
2 «Toyo batel asat li ta tʼantʼan bikʼtal vitsetike xchiʼuk kʼelo lek avil.
¿Mi oy to van bu jotukal ti muʼyuk yikʼojot batel viniketik sventa xchiʼinot ta vayele?
Te lachoti ta xokon bebetik sventa chamala li amalaltake,
jech kʼuchaʼal jun j-echʼelbe* ta takixokol balumil.
Jech-o yakal chasokes li jteklum
ta skoj ti chachon abae xchiʼuk ta skoj li kʼusitik toj chopol chapase.+
Toj kʼexlal sba li kʼusitik chapase, jechot kʼuchaʼal jun ajnilal ti chchon sbae;
mu xanaʼ xakʼexav.+
4 Pe li avie, xi xavokolet ta jtojolale:
‹¡Kuni Tot, voʼot onoʼox jchiʼilot ta jtsebal!+
5 ¿Mi sbatel-o van osil cha-ilin?
¿Mi te van anakʼoj-o li skʼakʼal avoʼontone?›.
Kʼalal jech chaval taje,
jech-o chapas skotol li kʼusitik chopol ti bu kʼalal xuʼ avuʼune».+
6 Xi laj yalbun Jeova li ta skʼakʼalil ajvalil Josiase:+ «‹¿Mi aviloj kʼusi la spas li jmulavil Israele? Yuʼun ayem xchon sba ta tayal vitsetik xchiʼuk ta yolon mukʼtikil teʼetik.+ 7 Akʼo mi jech la spas skotol li kʼusitik taje, laj kalilanbe-o ti akʼo sutuk tal ta jtojolale,+ pe muʼyuk sut talel. Li Judae jaʼ la skʼel-o li kʼusitik la spas li xvix ti loʼlavane.+ 8 Kʼalal laj kil taje, la jnuts batel li Israel ti muʼyuk tukʼ laj yakʼ sbae, la jpasbe lek svunal sventa jsutes-o+ ta skoj ti la smukul satiune.+ Pe jaʼuk li Juda ti jaʼ mukile muʼyuk xiʼ jutebuk; yuʼun lokʼ batel ek, bat xchon sba.+ 9 Muʼyuk chopol laj yil ti la xchon sbae, jech-o la sokes li jteklume xchiʼuk mukul sativan kʼalal laj yichʼ ta mukʼ li tonetike xchiʼuk li teʼetike.+ 10 Akʼo mi jech, li Juda ti jaʼ li jloʼlavanej mukile muʼyuk ta sjunul yoʼonton sut tal ta jtojolal, jecheʼ noʼox la skuy sba›, xi li Jeovae».
11 Vaʼun, xi laj yalbun li Jeovae: «Li Israel ti muʼyuk tukʼ laj yakʼ sbae vinaj ti mas jutuk smule, ti jaʼ xjelav to smul li jloʼlavanej Judae.+ 12 Batan, xi xbat avalbe li nortee:+
»‹«Jtoyba Israel, sutan tal», xi li Jeovae›.+ ‹«Muʼyuk ta jpʼajot ta skapemal jol,+ yuʼun tukʼ kakʼoj jba», jech laj yal xtok li Jeovae›. ‹«Muʼyuk te jnakʼoj-o sbatel osil li skʼakʼal koʼontone. 13 Jaʼ noʼox tao ta ojtikinel li amule, yuʼun la atoy aba ta stojolal li Jeova ti jaʼ Adiose. Yuʼun jech-o lamulivaj ta yolon mukʼtikil teʼetik xchiʼuk li jyanlumetike,* li voʼoxuke muʼyuk la achʼunik li kʼusi laj kale», xi li Jeovae›».
14 Xi chal li Jeovae: «Sutanik tal, jtoyba nichʼoniletik. Yuʼun voʼon avajvalikun* ta melel; ta xkikʼoxuk lokʼel jun ta jujun lum xchiʼuk chaʼvoʼ ta jujuchop utsʼ alalil, vaʼun chkikʼoxuk tal ta Sion.+ 15 Chkakʼboxuk jchabichijetik ti tspasik li kʼusi tskʼan koʼontone,+ oy lek spʼijilik xchiʼuk yojtikinobil yuʼunik kʼalal chchabioxuke. 16 Li vaʼ kʼakʼale, ta xa-epajik tajek xchiʼuk chapʼolik tajek li ta jteklume», xi li Jeovae.+ «Muʼyuk xa xi chalike: ‹¡Li xkaxail strato Jeovae!›, muʼyuk xa tsnopbeik skʼoplal, muʼyuk xa chvul ta sjolik, mi jaʼuk ta snaʼik xchiʼuk muʼyuk xa ta spasik yan. 17 Li vaʼ kʼakʼale, chalik ti jaʼ xchotleb Jeova sventa ajvalil li Jerusalene+ xchiʼuk skotol li mukʼtik lumetike chichʼik tsobel sventa skʼupil kʼoptabeik sbi Jeova li ta Jerusalene,+ vaʼun muʼyuk xa tstoy sbaik xchiʼuk muʼyuk xa tspasik li kʼusi toj chopol oy ta yoʼontonike».
18 «Li vaʼ kʼakʼale, jmoj chanavik li jteklum Juda xchiʼuk li jteklum Israele,+ jmoj chlikik tal ta yosilal norte sventa xtalik li ta balumil ti laj kakʼbe ta xrextoik* li amoltotakike.+ 19 Xi la jnope: ‹¡Kʼuxi xa noʼox ti te laj kakʼot ti bu oy jnichʼnabe xchiʼuk ti laj kakʼbot li kʼupil sba osile, ti jaʼ jun rextoil* ti mas kʼupil sba ta stojolal li mukʼtik lumetike!›.+ Jech xtok, la jnop ti xi chavalbeikune: ‹¡Kuni Tot!› xchiʼuk kaloj mi chatsʼakliikun-o. 20 ‹Ta melel, jech kʼuchaʼal jun ajnilal ti tsloʼla smalal* xchiʼuk ti chikta komele, jaʼ jech la aloʼlaun ek, jteklum Israel›,+ xi li Jeovae».
21 Li ta tʼantʼan bikʼtal vitsetike oy kʼusi te chichʼ aʼiel,
jaʼ li jteklum Israel ti x-avetik ta okʼel xchiʼuk ti xvokoletike,
yuʼun laj xa sokes li sbeike;
laj xa xchʼay ta sjolik li Jeova ti jaʼ Sdiosike.+
22 «Sutanik tal, jtoyba nichʼoniletik.
Voʼon ta jpoxta li avoʼontonik ti jtoybae».+
«¡Liʼ xa oyunkutike! Litalkutik xa ta atojolal,
yuʼun voʼot Jdiosotkutik, Kajval Jeova.+
23 Ta melel, jecheʼ noʼox la jloʼla jba jtukutik ti te xi-avetkutik ta bikʼtal vitsetike xchiʼuk li ta sba vitsetike.+
Ta melel, jaʼ noʼox xuʼ te sta skolebal Israel ta atojolal, Jeova ti voʼot Jdiosotkutike.+
24 Kʼalal bikʼitunkutik toʼoxe, li kʼusi kʼexlal sbae* jaʼ laj yuʼunin skotol li kʼusitik tsots laj yabtelanik li jmoltotakutike,+
li xchijtakike xchiʼuk li xvakaxtakike,
li skeremtakike xchiʼuk li stsebetakike.
25 Ta kʼexlaluk xbat vaykunkutik
xchiʼuk jaʼ akʼo xpixunkutik li kʼexlaltasele,
yuʼun la jsaʼ jmulkutik ta atojolal, Jeova ti voʼot Jdiosotkutike+
xchiʼuk muʼyuk la jchʼunkutik li kʼusi laj avale, Jeova ti voʼot Jdiosotkutike,
jech-o la jpaskutik talel xchiʼuk jmoltotakutik kʼalal bikʼitunkutik toʼoxe».+
4 Xi chal li Jeovae: «Mi lasut tale, Israel,
mi lasut tal ta jtojolale
xchiʼuk mi la alokʼes batel ta yeloval jsat li ibal sba* lokʼoletik avuʼune,
vaʼun bi, muʼyuk xa chakʼot kʼuchaʼal jun jatvil.+
2 Mi xi jamal chavakʼ avee:
‹¡Jamal chkal ta skoj kuxul Jeova!›, mi melel li kʼusi chavale xchiʼuk mi tukʼ li kʼusi chlokʼ ta avee,
vaʼun bi, li mukʼtik lumetike ta staik bendision ta stojolal*
xchiʼuk ta xmuyubajik ta stojolal».+
3 Yuʼun li Jeovae xi chalbe li viniketik ta Juda xchiʼuk ta Jerusalene:
«Lokik li osil ti bu oy kʼusi xchʼie
xchiʼuk mu teuk-o xatsʼunolajik ti bu oy chʼixetike.+
4 Viniketik ta Juda xchiʼuk jnaklejetik ta Jerusalen,
ichʼik sirkunsision,* vaʼun jech chavakʼ abaik ta stojolal li Jeovae.
Ichʼik sirkunsision ta avoʼontonik+
sventa mu stsan kʼuchaʼal kʼokʼ li skapemal jole
xchiʼuk ti xtil tajek ti muʼyuk xa buchʼu xtupʼ yuʼune,
ta skoj li kʼusitik chopol chapasike».+
5 Alik batel ta Juda xchiʼuk pukik batel ta Jerusalen.
Avananik xchiʼuk jupanik kachu ta sjunul li mukʼta lume.+
Tsots xa-avanik xchiʼuk xi xavalike: «Tsobo abaik
xchiʼuk jatavkutik batel li ta jteklumetik ti lek joybil ta muroe.+
6 Toyik muyel junuk senyail* ti chakʼ ta ilel li sbelel Sione.
Saʼo anakʼobbailik, mu teuk noʼox ameyoj akʼob xakomik»,
yuʼun chkakʼ talel vokolil ta norte,+ jun tsatsal vokolil.
7 Li jkontrainvaneje lokʼ xa talel kʼuchaʼal jkot leon ti te oy ta chʼixtikaltike;+
lokʼ xa talel li buchʼu tslajes mukʼtik lumetike.+
Lokʼ xa talel ta yosilal sventa xibaluk sba xkom yuʼun li ateklumale.
Ta xichʼ jinesel ta j-echʼel li jteklumetik avuʼune, mi junuk jnaklej te chkom.+
8 Jaʼ yuʼun, lapik chʼixal kʼuʼil,*+
okʼanik ta at-oʼonton* xchiʼuk ijetanik,*
yuʼun liʼ oy-o ta jtojolaltik li skʼakʼal yoʼonton Jeova ti xtiltun tajeke.
9 Xi chal li Jeovae: «Li vaʼ kʼakʼale, chlaj stsatsal yoʼonton li ajvalile,+
jech xtok, chlaj stsatsal yoʼonton li bankilaletike;
li paleetike ta xchʼay xchʼulelik ta xiʼel xchiʼuk li j-alkʼopetike chʼayal to yoʼonton chkomik».+
10 Vaʼun, xi laj kale: «¡Ay, Kajval Jeova ti Mukʼul Jpasmantalote! Ta melel, aloʼlaoj ta j-echʼel li jteklum liʼe+ xchiʼuk li Jerusalen kʼalal xi laj avale: ‹Chataik jun oʼontonal›,+ pe tijanbil xa espada li ta jnukʼkutike».
11 Li vaʼ kʼakʼale, xi chichʼ albel li jteklum liʼe xchiʼuk li Jerusalene:
«Chlik talel jchikʼvanej ikʼ ta tʼantʼan bikʼtal vitsetik ta takixokol balumil,
ch-echʼ smes li stseb jteklumale;*
maʼuk chtal sventa chikʼa mi jaʼuk sventa tslokʼesbe li yikʼobale.
12 Li tsatsal ikʼ ti xjumet tajeke chchʼun talel li jmantale.
Vaʼun, voʼon ta jchapanik.
13 ¡Kʼelavilik! Li jkontrainvaneje chtal kʼuchaʼal tok ti xkuchoj talel voʼe,
li skaretatake xkoʼolaj kʼuchaʼal tsatsal ikʼ.+
Li skaʼtake mas to anil xyoletik* kʼuchaʼal aguila.+
¡Toj abol jbatik, yuʼun chkichʼtik lajesel!
14 Jerusalen, pokbo lokʼel xchopolil li avoʼonton sventa xavichʼ koltaele.+
¿Bakʼin to te chanakʼ* li kʼusitik toj chopol chanope?
15 Yuʼun oy jun yechʼomal eil ti chal aʼyejetik te to ta Dane+
xchiʼuk chalbe skʼoplal vokolil te to ta vitstikaltik yuʼun Efrain.
16 Albeik batel li mukʼtik lumetike.
Albeik li Jerusalene».
«Ta xtal jpaʼivanejetik* ta namal lum
xchiʼuk chlik stoy yechʼomal yeik ta stojolal li jteklumetik ta Judae.
17 Chvul setuik li Jerusalen jech kʼuchaʼal jchabivanejetik ti setelik ta xchabiel tsʼunobiletik li ta jamal osiltike,+
yuʼun laj xa stoy sba ta jtojolal»,+ xi li Jeovae.
18 «Ti kʼu yelan atalelale xchiʼuk li kʼusitik chapase chvul ta aba atuk.+
¡Toj echʼ xa noʼox kʼux li vokolil chvul ta atojolale,
yuʼun yakʼoj xa yibel ta avoʼonton li atoyobbaile!».
19 ¡Ti xkʼuxul xa noʼox li jvokole, ti xkʼuxul xa noʼox li jvokole!
Chkʼot kʼalal to ta koʼonton li xkʼuxule.
Solel xpʼitpʼun li koʼontone.
20 Xvul-o xvul-o* yaʼyejal li vokoliletike,
yuʼun laj xa yichʼ lajesel sjunul li mukʼta lume.
Yuʼun ta anil noʼox laj yichʼ lajesel li jkarpanatake,
ta anil noʼox laj yichʼ lajesel li spokʼal jkarpanae.+
21 ¿Kʼu to van sjalil ta jkʼel li senyail* ti chakʼ ta ilel li sbelel Sione,
ti ta xkaʼi chbakʼ li yechʼomal kachue?+
22 «Yuʼun bol li jteklumale.+
Muʼyuk tstsakikun ta venta.
Bol nichʼoniletik, mu xaʼibeik smelolal.
Lek xtojobik* spasel li kʼusi chopole,
pe jaʼ mu snaʼik kʼuxi ta pasel li kʼusi leke».
23 Kʼalal la jkʼel li balumile, laj kil ti xokol xchiʼuk ti muʼyuk kʼusi x-ayane.+
La jkʼel muyel li vinajele, vaʼun muʼyuk xa kʼusi chojobinaj.+
24 Kʼalal la jkʼel li vitsetike, laj kil ti chnikike
xchiʼuk ti xniknun li bikʼtal vitsetike.+
25 Kʼalal la jkʼel batele, laj kil ti chʼabal mi junuk krixchanoe
xchiʼuk ti jatavem batel skotol li mutetike.+
26 Kʼalal la jkʼel batele, laj kil ti kʼatajem xa ox ta takixokol balumil ti bu toʼox tsʼunobaltike
xchiʼuk ti laj xa ox yichʼ jinesel skotol li jteklumetik yuʼune.+
Taje jaʼ ta skoj li Jeovae,
jaʼ ta skoj ti xtiltun li skʼakʼal yoʼontone.
27 Yuʼun xi chal li Jeovae: «Xokol ta xkom sjunul li jteklume,+
pe muʼyuk ta jlajesbe skʼoplal ta j-echʼel.
Yuʼun jech kaloj, jech kʼotem ta nopel kuʼun,
muʼyuk ta jel* li kʼusi kʼotem ta nopel kuʼune, mi jaʼuk ta jsutes ke.+
29 Kʼalal xvochetik* li viniketik ti kajajtik ta kaʼe xchiʼuk li j-akʼflechaetike,
chjatavik batel sjunul li jteklume.+
Ch-ochik batel li ta chʼixtikaltike
xchiʼuk chmuyik batel li ta mukʼta tonetike.+
Muʼyuk xa yajval ta xkom li jteklumetike
xchiʼuk mi junuk krixchano te chkom nakiuk».
30 Li avi ti avichʼoj xa lajesel ta j-echʼele, ¿kʼusi van chapas?
Kuxul tsoj toʼox li akʼuʼ apokʼ chalape,
chakʼupiltas toʼox aba ta natsʼiletik* ti pasbil ta oroe
xchiʼuk chabon toʼox ta ikʼal pintura* li stiʼiltak asat sventa kʼupiluk sbae.
Pe jecheʼ noʼox ti la akʼupiltas abae,+
yuʼun li buchʼutik xtijetik* toʼox ta apat ti tskʼan chchiʼinikot ta vayele spʼajojikot xa;
avie, tskʼan xa tsmilikot.+
31 Yuʼun laj xa kaʼi yechʼomal eil ti xkoʼolaj kʼuchaʼal jun ants ti ipe,
ti oy buchʼu x-avet ta svokol ti xkoʼolaj kʼuchaʼal jun ants ti jaʼ to chvokʼ li sba yole,
jaʼ li yechʼomal ye stseb Sion ti vokol xa tajek chichʼ ikʼe.
Xi chal kʼalal jaʼo syeʼoj muyel skʼobe:+
«¡Abol jba, yuʼun solel lilub xa tajek ta skoj li buchʼutik chmilvanike!».
5 Xanik li skayealtak Jerusalene.
Kʼelik li apat axokonike xchiʼuk tsakik lek ta venta.
Saʼik te ta chʼivitetik* sventa xavilik
mi oy te xataik junuk vinik ti tukʼ kʼusi tspase,+
junuk vinik ti oy ta yoʼonton tukʼ chakʼ sbae,
vaʼun chkakʼ ta perton.
2 Akʼo mi xi chalike: «¡Jamal chkal ta skoj kuxul Jeova!»,
pe mu meleluk li kʼusi chalike.+
3 Kajval Jeova, ¿mi mu jaʼuk chchaj ta saʼel asat li tukʼil oʼontonale?+
La amaj, pe muʼyuk kʼux laj yaʼiik.*
Laj avakʼbe slajeb, pe muʼyuk la xchʼamik tukʼibtasel.+
4 Pe xi laj kalbe jba jtuke: «Ta melel, jaʼik van li buchʼutik abol sbaike.
Bol tspas sbaik, yuʼun mu xojtikinbeik li sbe Jeovae,
li kʼusi chkʼanbatik yuʼun Sdiosike.
5 Jaʼ chibat ta stojolal li viniketik ti tsots skʼoplalike, chbat jkʼoponik,
yuʼun li stukike laj yakʼik venta jechuk li sbetak Jeovae,
li kʼusi chkʼanbatik yuʼun Sdiosike.+
Pe skʼasojik xa skotolik li kʼatlom teʼe
xchiʼuk xtuchʼojik li xchukobile».
6 Jech oxal, tstsakatik yuʼun jkot leon ti likem ta teʼtikaltike,
tslajesatik yuʼun jkot lobo* ti likem ta stenlejaltik takixokol balumile,
te xjoyet jkot leopardo li ta jteklumetik yuʼunike.
Chichʼ lilinel ta tiʼel ti buchʼu chlokʼ ta jteklume.
7 ¿Kʼuxi xa noʼox chkakʼot ta perton ta skoj taje?
Laj yiktaikun li anichʼnabe
xchiʼuk oy kʼusi chalik ta jamal ta stojolal li buchʼu maʼuk Diose.+
Laj kakʼbeik li kʼusi chtun yuʼunike,
pe jech-o mukul sativanik
xchiʼuk jmoj stsobetik batel ta sna li jchonbail antse.
8 Xkoʼolajik kʼuchaʼal kaʼ ti mu xa xmalaj yuʼune, ti chkuchomaj xa yaʼie,
9 Xi chal li Jeovae: «¿Mi mu skʼanuk xkakʼbeik kastigo ta skoj taje?
¿Mi mu skʼanuk jpakbe sutel li mukʼta lum taje?».+
10 «Muyanik batel ti bu stsʼunoj s-uvaike xchiʼuk akʼbeik slajeb,
pe mu xalajesbeik ta j-echʼel.+
Kʼokbeik li skʼobkʼobtak ti yakal xa tslin sba batele,
yuʼun maʼuk yuʼuntak Jeova.
11 Yuʼun li jteklum Israel xchiʼuk li jteklum Judae
la sloʼlaikun komel ta j-echʼel», xi li Jeovae.+
Muʼyuk chtal jtosuk vokolil ta jtojolaltik;
muʼyuk chkiltik paskʼop xchiʼuk viʼnal›.+
13 Li j-alkʼopetike jecheʼ noʼox li kʼusitik chalike
xchiʼuk muʼyuk te oy ta stojolalik li skʼop Diose.
¡Jechuk xkʼot ta stojolalik taje!».
14 Jaʼ yuʼun, xi chal li Diose, li Jeova ti jaʼ bankilal yuʼun soltaroetike:*
«Ta skoj ti jech chal li viniketik taje,
chkakʼ tiluk* kʼuchaʼal kʼokʼ ta ave li jkʼope,+
jaʼ chkʼotik ta siʼ li jteklum taje
xchiʼuk jaʼ chchikʼatik yuʼun li kʼokʼe».+
15 Xi chal li Jeovae: «Jteklum Israel, ta jtak talel ta atojolalik jun mukʼta namal lum.+
Jun mukʼta lum ti jal xa te oye.
Jun mukʼta lum ti voʼne xa te oye,
jun mukʼta lum ti mu xavojtikinbe skʼope
xchiʼuk ti mu xavaʼibe smelolal li skʼopojelike.+
16 Li yavil sflechaike xkoʼolaj kʼuchaʼal mukinal ti jamal stiʼe;
skotolik jaʼik tsatsal jpaskʼopetik.
17 Jaʼ chtal slajesik li kʼusitik atsʼunoje xchiʼuk li apane.+
Jaʼ chtal slajesik li akeremtake xchiʼuk atsebetake.
Jaʼ chtal slajesik li achijtak xchiʼuk avakaxtake.
Jaʼ chtal slajesik li steʼeltak a-uva xchiʼuk steʼeltak a-igoe.
Tslajesik ta espada li jteklumetik avuʼun ti lek joyol ta muro ti jaʼ apatoj avoʼonton yuʼune».
18 Xi chal li Jeovae: «Akʼo mi jech un, muʼyuk ta jlajesoxuk ta j-echʼel li vaʼ kʼakʼale.+ 19 Vaʼun, mi xi la sjakʼike: ‹¿Kʼu yuʼun ti vi yelan la spasbunkutik li Jeova ti jaʼ Jdioskutike?›, skʼan xi xatakʼbe yaʼiike: ‹Jech kʼuchaʼal laj aviktaikun sventa latunik ta stojolal yan dios* ta alumalike, jaʼ jech chbat tunanik ta stojolal jyanlumetik ti bu maʼuk avosilalike›».+
20 Alik batel ta stojolal snitilulal Jakob
xchiʼuk alik batel ta Juda, xi xavalike:
21 «Bol jteklum ti mu xa-och ta rasone,* chikintao liʼe:+
Voʼon laj kakʼ li jiʼ* sventa te noʼox xpaj li nabe,
taje jaʼ jun mantal ti te oy-o sbatel osil ti skʼan tsakel ta ventae.
Akʼo mi xyukʼlajet tajek li nabe, mu onoʼox xjelav batel;
akʼo mi xvoʼoʼet tajek, te noʼox chkom ti bu akʼbil stsʼakile.+
23 Pe li jteklum liʼe pim ta mantal xchiʼuk jtoyba li yoʼontone;
kʼejpʼujem* lokʼel li ta jbee xchiʼuk jaʼ stamoj batel li sbe stuke.+
24 Xchiʼuk muʼyuk xi chal ta yoʼontonike:
«Li avie, jxiʼtatik li Jeova ti jaʼ Jdiostike,
ti jaʼ chakʼ tal voʼ li ta yoraile,
jech xtok, jaʼ chakʼ tal li voʼ ta otonyo* xchiʼuk ta primaverae,*
jaʼ yakʼojbe yorail xtok li stsobbel sat kʼusitik tsʼunbile».+
25 Jaʼ ta skoj apaltailik* ti muʼyuk chvul ta atojolalik taje;
xchiʼuk jaʼ ta skoj amulik ti muʼyuk chataik li kʼusi leke.+
26 Yuʼun li ta jteklumale oy viniketik ti toj chopolike.
Te xnachʼet-o satik jech kʼuchaʼal jyakmutetik ti stsubanoj sbaike.
Chakʼik petsʼetik ti chmilvan
sventa tsyakik li krixchanoetike.
Jech oxal, pasemik ta jkʼulej xchiʼuk mukʼibem skʼoplalik.
28 Solel jupʼemik xa xchiʼuk lek kʼun li sbekʼtalike;
toj echʼ xa noʼox chopol li kʼusitik tspasike.
Muʼyuk tspakbeik skʼoplal ta snail chapanobbail li buchʼu chamem stot+
sventa jaʼ staik li kʼusi tskʼan stukike;
xchiʼuk muʼyuk chchapanik li buchʼutik abol sbaike›».+
29 Xi chal li Jeovae: «¿Mi mu skʼanuk xkakʼbeik kastigo ta skoj taje?
¿Mi mu skʼanuk jpakbe sutel li mukʼta lum taje?
30 Oy kʼusi toj chopol xchiʼuk toj xibal sba kʼotem ta pasel li ta jteklume:
31 Li j-alkʼopetike chalik jecheʼ albil kʼopetik+
xchiʼuk li paleetike tspasik ta mantal yantik ta skoj li yabtel yichʼojike.+
Li jteklumale lek tajek chilik taje.
Pe ¿kʼusi van chapasik mi kʼot slajeb li kʼusitik taje?».
¡tsanik kʼokʼ ta Bet-Akerem sventa xkʼot ta jun
senyail!
Yuʼun ta xlik talel vokolil ta norte, ta xlik talel tsatsal vokolil.+
2 Li stseb Sione xkoʼolaj kʼuchaʼal jun ants ti alakʼ sbae xchiʼuk ti kʼuxubinbile.+
3 Ta xtal li jchabichijetik xchiʼuk xchijike.
Te ta svaʼan skarpanaik ta spat xokon,+
ta jujuntal te tsmakʼlin li xchijik ti oy ta sbaik skʼelele.+
4 «¡Chapano* abaik sventa xbat atsakik ta kʼop li Jerusalene!
¡Likanik, bat jtsaktik ta kʼop ta oʼlol kʼakʼal!».
«¡Toj abol jbatik, yuʼun chchʼay xa batel li kʼakʼale,
yuʼun ch-ikʼub xa batel li osile!».
5 «Likanik, bat jtsaktik ta kʼop ta akʼobaltik
xchiʼuk bat jinesbetik li tsatsal tayal kʼelob osiletik yuʼune».+
6 Yuʼun xi chal li Jeova ti jaʼ bankilal yuʼun soltaroetike:*
«Tuchʼik teʼetik xchiʼuk paso atekʼobik sventa xatsakik ta kʼop li Jerusalene.+
Jaʼ li jteklum ti skʼan xichʼ akʼbel kastigoe;
yuʼun naka j-ilbajinvanejetik te oy, muʼyuk kʼusi yan.+
7 Jech kʼuchaʼal jun poso ti jaʼ snioʼal sikil voʼe,
jaʼ jech li jteklum eke jaʼ snioʼal choplejal.
Jaʼ noʼox chichʼ aʼiel saʼkʼop xchiʼuk milbail te;+
naka chameletik xchiʼuk vokoliletik oy ta yeloval jsat.
8 Jerusalen, mi muʼyuk chachʼam li tukʼibtasele, ta jipot komel ta skapemal jol.+
Ta xakʼataj kuʼun ta jun lum ti xokol chkome, ta jun lum ti chʼabal jnaklejetik chkome».+
9 Xi chal li Jeova ti jaʼ bankilal yuʼun soltaroetike:
«Ta xchajik ta saʼel li skomenal* Israel jech kʼuchaʼal chichʼ tsobbel li slajeb sat uvae.
Chajo ta saʼel yan velta jech kʼuchaʼal li buchʼu chkʼuxkʼulta* li uvae».
10 «¿Buchʼu van skʼan jkʼopon xchiʼuk jpʼijubtas?
¿Buchʼu van ta xchikinta?
¡Kʼelavil! Makal li xchikinike,* jaʼ yuʼun mu stakʼ stsʼetan xchikinik.+
¡Kʼelavil! La spʼajik li skʼop Jeovae,+
muʼyuk bu tskʼupinik.
11 Solel xtiltun ta koʼonton li skʼakʼal yoʼonton Jeovae
xchiʼuk mu xa stsʼik kuʼun ti liʼ noʼox tsʼijilune».+
Xi laj yalbun li Jeovae: «Jaʼ akʼbo ta sbaik li ololetik ta kayee,+
ta stojolal li keremetik ti bu stsoboj sbaike.
Skotolik ta xichʼik ikʼel batel, li jun vinik xchiʼuk yajnile,
li viniketik ti oy xa sjabilalike xchiʼuk li buchʼutik mas xa molike.*+
12 Chichʼ akʼbel yan krixchano li snaike,
li yosilike xchiʼuk li yajnilike.+
Yuʼun ta jyeʼ batel jkʼob sventa jkontrain li jnaklejetik ta mukʼta lume».
13 «Yuʼun ta bikʼit ta mukʼ ta xloʼlavanik sventa spasik kanal takʼin;+
kʼalal ta j-alkʼop xchiʼuk ta pale chopol ti kʼu yelan tspasik kanal takʼine.+
14 Chakʼik persa yalojik chpoxtabeik syayijemal* li jteklumale, xi chalbeike:
‹¡Oy jun oʼontonal! ¡Oy jun oʼontonal!›,
pe chʼabal jun oʼontonal.+
15 ¿Mi ta van xkʼexavik ta skoj li kʼusitik toj chopol spasojike?
¡Mi jsetʼuk* chkʼexavik!
¡Mi jaʼuk snaʼik kʼu yelan li kʼexlale!+
Jaʼ yuʼun, te chyalik ta lum ti bu yalemik ta lum li yantike.
Kʼalal mi laj kakʼbeik talel kastigoe, ta smak* yakanik», xi li Jeovae.
16 Xi chal li Jeovae:
«Te vaʼlanik ti bu chchʼak sba li beetike xchiʼuk kʼelik lek.
Jakʼbeik skʼoplal li voʼneal beetike,
jakʼik bu oy li lekil bee xchiʼuk te xaxanavik batel,+
vaʼun te chata xkuxobil avoʼontonik».
Pe xi chalike: «Muʼyuk te chixanavkutik batel».+
17 «La jvaʼan jkʼel-osiletik ta toyol+ ti xi laj yalike:
‹¡Chikintao avaʼiik li yechʼomal kachue!›».+
Pe xi laj yalike: «Muʼyuk ta jtsʼet chikintakutik».+
18 «Jaʼ yuʼun, ¡chikintaik mukʼtik lumetik!
Jteklum, naʼik
li kʼusi chkʼot ta stojolalike.
19 Balumil, ¡chikintao!
Ta skoj li kʼusitik chopol tsnopik li ta jteklum liʼe,+
ta xkakʼ talel vokolil ta stojolalik,
yuʼun muʼyuk la stsʼet chikintaik li kʼusitik laj kale
xchiʼuk la spʼajik li jmantale».*
20 «¿Kʼusi jventa-o mi chavichʼ talel sakil pom* te to ta Saba
xchiʼuk ti chavichʼ talel ta namal lum li valeʼ ti xmuet yikʼe?
Muʼyuk ta jchʼam li skotlej chikʼbil matanal chavakʼike
xchiʼuk muʼyuk lek chkil li milbil matanal chavakʼike».+
21 Jaʼ yuʼun, xi chal li Jeovae:
«Kʼelavil, oy kʼusi chkakʼ sventa smak-o* yakan li jteklum liʼe,
ta smak-o yakanik
totil xchiʼuk nichʼonil,
ta smak-o yakan skotolik xchiʼuk xchiʼiltakik,
ta xlaj skotolik».+
22 Xi chal li Jeovae:
«¡Kʼelavil! Ta xtal jun jteklum ti te chlik talel ta nortee
xchiʼuk chichʼ totsel talel jun mukʼta lum ta namal balumil.+
23 Xmichʼojik lek li arkoe xchiʼuk li javalinae.*
Toj simaronik xchiʼuk muʼyuk xkʼuxul yoʼontonik.
Tsots yechʼomal yeik jech kʼuchaʼal xvoʼoʼet li nabe
xchiʼuk kajajtik ta kaʼetik.+
Xcholoj sbaik sventa chtal stsakikot ta kʼop, stseb Sion, xkoʼolajik kʼuchaʼal jun soltaro».
24 Laj xa kaʼikutik li kʼusi kʼot ta stojolale.
Majajtik* xa li jkʼobkutike+ xchiʼuk chʼabal xa yip;
vul xa ta jtojolalkutik li vokolile,
jech kʼuchaʼal li svokol* jun ants kʼalal yakal chvokʼ yole.+
25 Mu xalokʼ batel li ta osiltike
xchiʼuk mu xaxanav li ta bebetike,
yuʼun li jkontrainvaneje oy s-espada;
ta buyuk xa noʼox solel xiʼemik ta jyalel.
Ochan ta at-oʼonton ti xkoʼolaj kʼuchaʼal chcham li jun noʼox akereme, avetan ta okʼel,+
yuʼun anil noʼox chtal ta jtojolaltik li jlajesvaneje.+
27 «Jvaʼanojot* jech kʼuchaʼal li buchʼu tslekubtas oroe,
yuʼun skʼan xalekubtas li jteklumale,
skʼan xavakʼ lek venta kʼu yelanik xchiʼuk ti xakʼel lek li kʼusi yakal tspasike.*
Xkoʼolajik kʼuchaʼal kovre xchiʼuk tsatsal takʼin;
skotolik toj chopolik ta j-echʼel.
29 Li j-abtele solel tsots abtej sventa tslekubtas li platae;
kʼakʼ xa yuʼun li yabtejeb sventa sjubobil kʼokʼe.
Pe mu kʼusi bal-o li kʼusi laj yakʼbe yipal spasele; jaʼ noʼox plomo lokʼ tal li ta kʼokʼe.+
Li buchʼutik chopolike muʼyuk to yichʼojik lokʼesel li ta jteklume.+
30 Pʼajbil plata ch-albat skʼoplalik yuʼun li krixchanoetike,
yuʼun pʼajbilik xa yuʼun li Jeovae».+
7 Liʼe jaʼ li kʼusi albat yuʼun Jeova li Jeremiase, xi albate: 2 «Te xbat vaʼlan ta yochebal li sna Jeovae xchiʼuk te xaval li aʼyej liʼe: ‹Jnaklejetik ta Juda ti cha-ochik tal li ta ochebaletik sventa chanijan abaik ta stojolal Jeovae, chikintaik li kʼusi chal Jeovae. 3 Xi chal li Jeova ti jaʼ bankilal yuʼun soltaroetike,* li Dios yuʼun Israele: «Tukʼibtaso li atalelalike* xchiʼuk li kʼusitik chapasike, vaʼun chkakʼ ti liʼuk xanakiik-oe.+ 4 Mu xapat avoʼontonik yuʼun li kʼusitik jecheʼ chichʼ alele xchiʼuk mu xiuk xavalike: ‹¡Liʼe jaʼ* stemplo Jeova, jaʼ stemplo Jeova, jaʼ stemplo Jeova!›.+ 5 Yuʼun mi chatukʼibtasik ta melel li atalelalike* xchiʼuk li kʼusitik chapasike; mi tukʼ chachapanik ta melel li jun vinik xchiʼuk xchiʼile;+ 6 mi muʼyuk chavilbajinik li jyanlumetik ti achiʼukik ta nakleje, li buchʼu chamem stot smeʼike* xchiʼuk li buchʼutik chamem smalalike;+ mi muʼyuk chamalbeik xchʼichʼel liʼ ta balumil li buchʼu muʼyuk smule xchiʼuk ti muʼyuk chatsʼakliik batel yan diosetik ti chavil-o avokolike;+ 7 vaʼun bi, chkakʼ ti liʼuk xanakiik-oe, li ta osil ti laj kakʼbe amoltotakik ta sbatel osile»›».
8 «Pe li voʼoxuke jaʼ chapat-o avoʼontonik li ta jecheʼ loʼiletike,+ ti jpʼel skʼoplal muʼyuk kʼusi lek chataik yuʼune. 9 ¿Mi yuʼun xuʼ xa-elkʼajik,+ xamilvanik, xaloʼla anup achiʼilik, mi yuʼun xuʼ jecheʼ xavakʼ aveik,+ xavakʼbeik milbil matanal* Baal+ xchiʼuk ti xbat atsʼakliik li diosetik ti mu xavojtikinike, 10 vaʼun ti ta tsʼakal chtal avaʼan abaik ta keloval liʼ ta na ti yichʼoj jbie xchiʼuk ti xi chavalike: ‹Ta xkichʼtik pojel›, akʼo mi chapasik li kʼusitik ibalik sba* taje? 11 ¿Mi yuʼun kʼotem ta xchʼen j-elekʼetik chavilik li na ti yichʼoj jbie?+ Kiloj jtuk li kʼusitik chapasike», xi li Jeovae.
12 «‹Akʼo mi jech, batanik li ta kavil te ta Siloe,+ ti jaʼ te laj kakʼ baʼyel li jbie+ xchiʼuk kʼelavilik kʼusi la jpasbe ta skoj li xchoplejal jteklumal Israele.+ 13 Pe jech-o la apasik li kʼusitik taje›, xi li Jeovae, ‹akʼo mi ep ta velta la jkʼoponoxuk,* muʼyuk xachikintaik.+ Ep ta velta laj kikʼoxuk, pe muʼyuk xatakʼbeikun.+ 14 Jech kʼuchaʼal la jpasbe li Siloe,+ jaʼ jech ta jpasbe li na ti yichʼoj jbie,+ ti laj toʼox apat avoʼontonik ta stojolale+ xchiʼuk jech ta jpasbe li templo ti laj kakʼboxuk xchiʼuk amoltotakike. 15 Ta jipoxuk batel ta yeloval jsat, jech kʼuchaʼal la jip batel li achiʼiltakike, skotol li snitilulal Efraine›.+
16 »Li voʼot eke, mu xapas orasion ta stojolal li jteklum liʼe. Mu xakʼanbun vokol ta orasion xchiʼuk mi jaʼuk xavokoletuk xa ta stojolalik,+ yuʼun muʼyuk ta jchikintabot.+ 17 ¿Mi mu xavil li kʼusitik yakal tspasik li ta jteklumetik yuʼun Judae xchiʼuk li ta skayealtak Jerusalene? 18 Li alab nichʼnabiletike yakal tstsobik siʼ, li totiletike yakal tstsanik kʼokʼ xchiʼuk li ajnilaletike yakal tsvotsʼik arina sventa tspasik pan ta smoton li Meʼ Ajvalil ta Vinajele*+ xchiʼuk yakal tsmalbeik matanal vino yan diosetik sventa tsabeikun jol.+ 19 Xi chal li Jeovae: ‹Pe ¿mi voʼon van ti tsyayijesikune?* ¿Mi mu jaʼuk tsyayijes sba stukik sventa chakʼ sbaik ta kʼexlal?›.+ 20 Jaʼ yuʼun, xi chal li Ajvalil Jeova ti jaʼ Mukʼul Jpasmantale: ‹¡Kʼelavil! Li skʼakʼal koʼonton xchiʼuk skapemal jole ta jmal talel li ta lum liʼe,+ ta stojolal krixchanoetik, ta stojolal chonbolometik, ta stojolal teʼetik ta osiltik xchiʼuk ta stojolal li kʼusitik chchʼi ta osile; li skʼakʼal koʼontone xkoʼolaj kʼuchaʼal kʼokʼ ti muʼyuk ta xtupʼe›.+
21 »Xi chal li Jeova ti jaʼ bankilal yuʼun soltaroetike, li Dios yuʼun Israele: ‹Pasik un, akʼbeik stsʼak li milbil matanal chavakʼike, jaʼ akʼik li skotlej chikʼbil matanale xchiʼuk tiʼan atukik li sbekʼtale.+ 22 Yuʼun kʼalal la jlokʼes tal ta yosilal Ejipto li amoltotakike, muʼyuk laj kalbeik xchiʼuk muʼyuk laj kakʼbeik mi junuk mantal ta sventa li skotlej chikʼbil matanaletike xchiʼuk li milbil matanaletike.+ 23 Pe laj kalbeik li mantal liʼe: «Chʼunik li kʼusi chkale, vaʼun voʼon chikʼot ta Adiosik xchiʼuk chakʼotik ta jteklumal.+ Skʼan te xaxanavik batel ti bu chkalboxuk sventa lek xbat li akuxlejalike»›.+ 24 Pe muʼyuk bu laj yaʼiik xchiʼuk muʼyuk la stsʼet chikintaik.+ Jaʼ noʼox la spasik li kʼusi tsnop stukike,* pimik ta mantal, yuʼun jaʼ noʼox la spasik li kʼusi tskʼan yoʼonton stukik ti toj chopole,+ mas to sokik batel, muʼyuk xa xlekubik-o, 25 ti kʼuxi lokʼik tal ta yosilal Ejipto li amoltotakik kʼalal to avie jechoxuk-o.+ Jaʼ yuʼun, jech-o la jtak talel ta atojolalik skotol li j-alkʼopetik ti jaʼik kajtuneltake, jujun kʼakʼal la jtak talel, ep ta velta jech la jpas.*+ 26 Pe muʼyuk laj yaʼibeikun xchiʼuk muʼyuk la stsʼet chikintabeikun,+ yuʼun kʼajomal pimubik ta mantal,* ¡mas to toj chopol kʼusi la spasik, jaʼ mu sta li smoltotakike!
27 »Jaʼ chavalbe yaʼiik skotol li kʼusitik liʼe,+ pe muʼyuk ta xchikintaik; chatakan ta ikʼel, pe muʼyuk ta stakʼik. 28 Xi chavalbe yaʼiike: ‹Liʼe jaʼ li jteklum ti muʼyuk la xchʼun li kʼusi laj yal li Jeova ti jaʼ Sdiosike xchiʼuk ti muʼyuk la xchʼamik li tukʼibtasele. Laj xa skʼoplal li tukʼilale xchiʼuk muʼyuk xa chalbeik skʼoplal›.*+
29 »Kʼoko lokʼel li stsotsil ajol ti muʼyuk asetoje* xchiʼuk jipo batel, kʼejintao jun son sventa at-oʼonton ta sba tʼantʼan vits, yuʼun li Jeovae laj xa spʼaj xchiʼuk ta sjip komel li jkʼol kuxlejal liʼe, ti sabat skʼakʼal yoʼontone. 30 Xi chal li Jeovae: ‹Yuʼun li jteklum Judae la spas li kʼusi chopol chkile, svaʼanojik ibal sba lokʼoletik li ta na ti yichʼoj jbi sventa xikʼubtasike.+ 31 La svaʼanik tayal kʼopojebaletik* ta Tofet, te oy ta stenlejaltik Inon,*+ sventa te xchikʼik ta kʼokʼ li skeremtakike xchiʼuk li stsebetakike,+ taje muʼyuk jech kaloj mantal ti jech akʼo spasike xchiʼuk muʼyuk jech lokʼem ta koʼonton›.*+
32 »Xi chal li Jeovae: ‹Jaʼ yuʼun, chkʼot skʼakʼalil ti maʼuk xa Tofet chichʼ albel skʼoplale o ti stenlejaltik Inone,* yuʼun jaʼ xa stenlejaltik sventa Milbail chichʼ albel skʼoplal. Te ta smukik animaetik li ta Tofete, jaʼ to mi muʼyuk xa bu xokol kom jutebuke.+ 33 Kʼalal mi chamemik xa ox li jteklum taje, ta xkʼot ta sveʼel mutetik ta vinajel li sbekʼtalike xchiʼuk ta sveʼel li chonbolometik ta balumile, ti muʼyuk buchʼu tsibtasatike.+ 34 Ta jlajesbe skʼoplal ta jteklumetik ta Juda xchiʼuk ta skayealtak Jerusalen li xkuxetel oʼontonale xchiʼuk li muyubajele, li yechʼomal ye jnupunel kereme xchiʼuk li yechʼomal ye jnupunel tsebe,+ yuʼun ta xichʼ lajesel li jteklume›».+
8 Xi chal li Jeovae: «Li vaʼ kʼakʼale, chichʼ lokʼesel ta smukinalik li sbakil ajvaliletik ta Judae, li sbakil bankilaletik yuʼunike, li sbakil paleetike, li sbakil j-alkʼopetike xchiʼuk li sbakil jnaklejetik ta Jerusalene. 2 Chichʼik kʼiel ta yeloval kʼakʼal, ta yeloval luna* xchiʼuk ta yeloval skotol li kʼanaletik ta vinajele,* yuʼun jaʼ la skʼanik, jaʼ tunik ta stojolal, jaʼ la stsʼakliik, jaʼ la saʼik xchiʼuk jaʼ la snijan sbaik ta stojolal.+ Muʼyuk ta xichʼik tsobel xchiʼuk mi jaʼuk chichʼik mukel. Ta xkʼotik kʼuchaʼal ikʼobal* ta sba balumil».+
3 Xi chal li Jeova ti jaʼ bankilal yuʼun soltaroetike:* «Ta skotol ti butik ta jpukik batel ti kʼu yepal kuxul chkomik li chopol utsʼ alalil taje, jaʼ tstʼujik li lajelale maʼuk li kuxlejale».
4 «Skʼan xi xavalanbee: ‹Xi chal li Jeovae:
«¿Mi muʼyuk xa van chtotsik mi yalik ta lume?
Mi sut talel junuke, ¿mi mu tauk sut talel li yan eke?
5 ¿Kʼu yuʼun jech-o muʼyuk tukʼ chakʼ sba ta jtojolal li jteklum liʼe, li Jerusalene?
Jaʼ noʼox batem ta yoʼontonik li loʼlavaneje;
mu skʼan xjelik.+
6 La jtsʼetan lek jchikin xchiʼuk te laj kaʼi-o, pe laj kaʼi ti muʼyuk tukʼ chkʼopojike.
Mi junuk vinik la sutes yoʼonton ta skoj li xchoplejale xchiʼuk mi jaʼuk xi tsjakʼbe sbae: ‹¿Kʼusi ti la jpase?›.+
Ta jujuntal jaʼ tstsʼakliik spasel li kʼusi tspasik yantike, xkoʼolajik kʼuchaʼal kaʼ ti xjipet batel ta anil ta paskʼope.
7 Li sigüenya mut ta vinajele snaʼoj lek kʼusi ora chvil batel ta yan lum;
li tortolae,* li vensejo mute xchiʼuk li sorsal* mute snaʼojik lek kʼusi ora tsutik talel.
Pe jaʼuk li jteklumale mu xaʼibeik smelolal bakʼin ta jchapanik, voʼon li Jeovaune»›.+
8 ‹¿Kʼuxi xa noʼox ti xi chavalike: «Pʼijunkutik xchiʼuk liʼ oy ta jkʼobkutik li smantal* Jeovae»?
Yuʼun li sekretarioetike* jaʼ noʼox tstunes slapisik sventa tstsʼibaik jutbil kʼopetik.*+
9 Laj xa yichʼik akʼel ta kʼexlal li buchʼutik pʼijike.+
Chʼay xa xchʼulelik ta xiʼel xchiʼuk laj xa yichʼik chukel ta chʼojon.
¡Kʼelavilik! Laj xa spʼajik li skʼop Jeovae,
jaʼ yuʼun, ¿mi oy van spʼijilik?
10 Jech oxal, chkakʼbe yan viniketik li yajnilike,
li yosilike chjel yajval kuʼun;+
yuʼun ta bikʼit ta mukʼ ta xloʼlavanik sventa spasik kanal takʼin;+
kʼalal ta j-alkʼop xchiʼuk ta pale chopol ti kʼu yelan tspasik kanal takʼine.+
11 Chakʼik persa yalojik chpoxtabeik syayijemal* li jteklumale, xi chalbeike:
«¡Oy jun oʼontonal! ¡Oy jun oʼontonal!»,
pe chʼabal jun oʼontonal.+
12 ¿Mi ta van xkʼexavik ta skoj li kʼusitik toj chopol spasojike?
¡Mi jsetʼuk* chkʼexavik!
¡Mi jaʼuk snaʼik kʼu yelan li kʼexlale!+
Jaʼ yuʼun, te chyalik ta lum ti bu yalemik ta lum li yantike.
Kʼalal mi laj kakʼbeik talel kastigoe, ta smak* yakanik›,+ xi li Jeovae.
13 Xi chal li Jeovae: ‹Kʼalal mi la jtsobike, chkakʼbe slajebik.
Chʼabal xa chkom sat li steʼel uvae, chʼabal xa chkom sat li steʼel igoe xchiʼuk chtakij li yanale.
Xchiʼuk chchʼay batel yuʼunik li kʼusitik laj kakʼbeike›».
14 «¿Kʼu yuʼun ti liʼ chotolutike?
Jtsob jbatik xchiʼuk ochkutik batel li ta jteklumetik ti lek joyol ta muroe+ xchiʼuk te chamkutik.
Yuʼun li Jeova ti jaʼ Jdiostike tstupʼ batel jkʼoplaltik
xchiʼuk chakʼ kuchʼtik voʼ ti oy svenenoale,+
yuʼun laj xa jsaʼ jmultik ta stojolal li Jeovae.
15 Jmalaojtik ox ti xtal jun oʼontonale, pe muʼyuk kʼusi lek tal;
jmalaojtik ox ti xkichʼtik poxtaele, ¡pe naka xiʼel vul ta jtojolaltik!+
16 Te to ta Dan chichʼ aʼiel ti tsvusilan sniʼ li skaʼike.
Ch-ochik xchiʼuk tslilinik li mukʼta lume xchiʼuk skotol li kʼusitik te oye,
li jteklume xchiʼuk li jnaklejetik tee».
17 «¡Kʼelavilik!, ta jtak talel ta atojolalik kiletel chonetik,
chonetik ti oy svenenoal ti mu stakʼ vovijesbel sjolike
xchiʼuk jpʼel skʼoplal ta stiʼoxuk», xi li Jeovae.
18 Muʼyuk xa noʼox xpoxil ti kʼu yelan chkat koʼontone.
Ip li koʼontone.
19 Te to ta namal balumil chichʼ aʼiel ti x-avet tskʼan koltael
li stseb jteklumale:
«¿Mi mu teuk oy ta Sion li Jeovae?
¿Mi mu teuk oy li ajvalil yuʼune?».
«¿Kʼu yuʼun la sabeikun skʼakʼal koʼonton ta skoj li lokʼoletik yuʼunike,
li yan diosetik* yuʼunik ti muʼyuk sbalilike?».
20 «¡Echʼ xa yorail li stsobbel sat tsʼunobile, laj xa yorail li veranoe,*
pe li voʼotike muʼyuk kichʼojtik-o pojel!».
21 Solel lilijem chkaʼi jba ta skoj ti yal xa ta lum li stseb jteklumale;+
solel chkat tajek koʼonton.
Vul xa ta jtojolal li xiʼele.
22 ¿Mi yuʼun chʼabal balsamo* li ta Galaade?+
¿Mi yuʼun chʼabal jpoxtavanej* te?+
¿Kʼu yuʼun muʼyuk poxtajem-o li stseb jteklumale?+
9 ¡Ati xkʼotuk ta yavil voʼ li jole,
ati xkʼotuk ta snioʼal yaʼlel jsat li sbekʼ jsate!+
Vaʼun bi, chi-okʼ ta kʼakʼal akʼobal
ta skoj li buchʼutik laj yichʼik milel ta jteklumale.
2 ¡Ati oyuk xkuxobil koʼonton ta takixokol balumile!
Vaʼun bi, chkikta li jteklumale xchiʼuk ta jchʼak jba lokʼel ta stojolalik,
yuʼun skotolik chmukul sativanik,+
jaʼik jtsop krixchanoetik ti chloʼlavanike.
3 Chapal xa yokʼik ta jut kʼop* jech kʼuchaʼal jun arko ti lek xa chapal ta sjip batel flechae;
noj ta loʼlavanej li jteklume, muʼyuk tukʼilal.+
Xi chal li Jeovae: «Mu noʼox xkechanik ta spasel li kʼusi chopole
xchiʼuk muʼyuk tstsʼet chikintaik li kʼusi chkale».+
4 «Kʼelo me aba akotolik ta stojolal li achiʼiltakike
xchiʼuk mi jaʼuk xapat avoʼontonik ta stojolal li avutsʼ avalalike.
5 Ta jujuntal ta sloʼla xchiʼilik
xchiʼuk mi junuk buchʼu melel xkʼopoj.
Xchanubtasojik ta yalel jutbil kʼop* li yokʼike.+
Solel lubem chkomik ta spasel li kʼusi chopole.
6 Te oyot ta oʼlol ti bu oy loʼlavaneje.
Ta skoj ti chloʼlavanike, mu skʼan xojtikinikun», xi li Jeovae.
7 Jaʼ yuʼun, xi chal li Jeova ti jaʼ bankilal yuʼun soltaroetike:*
«Ta xkunijesik kʼuchaʼal takʼin sventa xlokʼ li xchopolilike,+
yuʼun ¿kʼusi to xuʼ jpas ta stojolal li stseb jteklumale?
8 Li yokʼik ti chloʼlavane xkoʼolaj ta flecha ti chmilvane.
Ta ye li jun krixchanoe chalbe skʼoplal jun oʼontonal li xchiʼile,
pe li ta yoʼontone yakal tsnop kʼusi chopol tspasbe».
9 Xi chal li Jeovae: «¿Mi mu skʼanuk xkakʼbeik kastigo ta skoj taje?
¿Mi mu skʼanuk jpakbe sutel li mukʼta lum taje?+
10 Ta xi-okʼ xchiʼuk chkat koʼonton ta skoj li vitsetike
xchiʼuk ta jkʼejinta son sventa at-oʼonton ta skoj li yaxaltik ta takixokol balumile,
yuʼun laj xa xchikʼik, jaʼ yuʼun mi junuk xa krixchano stakʼ xjelav te
xchiʼuk mu xa xichʼ aʼiel te ti xmujet* li vakaxe.
Jatavik xa batel li mutetike xchiʼuk li chonbolometike; chʼabal xa te oyik.+
11 Tokol slilijemal chkom kuʼun li Jerusalene,+ chkʼot ta sna teʼtikal tsʼiʼetik+
xchiʼuk solel xokol chkom li jteklumetik ta Judae, mi junuk jnaklej chkom.+
12 ¿Buchʼu oy lek spʼijil sventa xaʼibe smelolal taje?
¿Buchʼu van kʼoponat yuʼun Jeova sventa xalbe skʼoplale?
¿Kʼu yuʼun laj li jteklume?
¿Kʼu yuʼun kʼakʼ ti xkoʼolaj xa kʼuchaʼal takixokol balumil
ti muʼyuk xa buchʼu xuʼ xjelav tee?».
13 Xi la stakʼ li Jeovae: «Jaʼ ta skoj ti la spʼajik li jmantal* laj kakʼbeike xchiʼuk jaʼ ta skoj ti muʼyuk la xchʼunike xchiʼuk ti muʼyuk la spasik li kʼusi laj kalbeike. 14 Yuʼun ta skoj ti pimik ta mantale, jaʼ noʼox la spasik li kʼusi tskʼan yoʼonton stukike+ xchiʼuk jaʼ la stsʼakliik batel li slokʼoltak Baale, jech kʼuchaʼal chanubtasatik ta spasel yuʼun li stotike.+ 15 Jaʼ yuʼun, xi chal li Jeova ti jaʼ bankilal yuʼun soltaroetike, li Dios yuʼun Israele: ‹Chkakʼbe slajes chʼail tsʼiʼlel li jteklum liʼe xchiʼuk chkakʼbe yuchʼ voʼ ti oy svenenoale.+ 16 Tanpuk chbatik kuʼun ta mukʼtik lumetik ti mu xojtikinike xchiʼuk ti muʼyuk yojtikinojik li stotike+ xchiʼuk chkakʼik ta milel ta espada jaʼ to mi tupʼ skʼoplalik kuʼune›.+
17 Xi chal li Jeova ti jaʼ bankilal yuʼun soltaroetike:
‹Nopbo skʼoplal li kʼusi chkʼot ta pasele.
Ikʼik tal li antsetik ti tskʼejintaik li son sventa at-oʼontone+
xchiʼuk albeik akʼo talikuk li antsetik ti xtojobik leke,
18 sventa xtalik ta anil xchiʼuk ti xlik skʼejintabutik li son sventa at-oʼontone,
sventa xlokʼ yaʼlel jsatik yuʼunik
xchiʼuk ti xmalmunuk yaʼlel jsatik yuʼunike.+
19 Yuʼun te to ta Sion chichʼ aʼiel ti x-okʼoletik ta at-oʼontone:+
«¡Ti kʼu xa noʼox yelan laj kichʼtik lajesele!
¡Mu xa noʼox albajuk ti kʼexlal chkaʼitike!
Yuʼun laj xa jiptik komel li jteklume xchiʼuk laj xa slilinik li jnatike».+
20 Antsetik, chikintaik li kʼusi chal Jeovae.
Ochuk ta achikinik li kʼusi chlokʼ ta yee.
Chanubtaso atsebetakik sventa x-okʼik ta at-oʼonton
xchiʼuk chanubtaso abaik ta jujuntal ta skʼejintael li son sventa at-oʼontone.+
21 Yuʼun muy xa tal ta jventanatik li lajelale;
och xa tal li ta tsatsal tayal kʼelob osiletik kuʼuntik
sventa xikʼ batel li ololetik ta kayeetike
22 Xi xavale: ‹Xi chal li Jeovae:
«Li sbekʼtal krixchanoetik ti chamemike te telajtik chkom kʼuchaʼal ikʼobal* ti lamal ta sba osiltike,
xkoʼolajik kʼuchaʼal tsʼunobil ti lamal chkom kʼalal ch-echʼ li jtuchʼtsʼunobile,
ti muʼyuk buchʼu ta stsobe»›».+
23 Xi chal li Jeovae:
«Mu me mukʼuk skʼoplal xaʼi sba ta skoj spʼijil li buchʼu pʼije;+
mu me mukʼuk skʼoplal xaʼi sba ta skoj stsatsal li buchʼu oy stsatsale;
xchiʼuk mu me mukʼuk skʼoplal xaʼi sba ta skoj skʼulejal li buchʼu jkʼuleje».+
24 «Pe li buchʼu mukʼ skʼoplal chaʼi sbae jaʼuk ta skoj liʼe:
ti oyuk spʼijile xchiʼuk ti xojtikinun+
ti voʼon Jeovaune, ti voʼon chkakʼ ta ilel tukʼil kʼanelale xchiʼuk ti tukʼ kʼusi ta jpas ta balumile,+
yuʼun jaʼ kʼupil sba chkil li kʼusitik taje», xi li Jeovae.+
25 Xi chal li Jeovae: «¡Kʼelavilik! Chkʼot skʼakʼalil ti chkakʼbe kastigo skotol li buchʼutik ta sbekʼtal noʼox yichʼojik sirkunsisione,*+ 26 li Ejiptoe,+ li Judae,+ li Edome,+ li j-ammonetike,+ li Moab+ xchiʼuk skotol li buchʼutik komkom setoj sjolik ta xokontak xchikinik ti te nakalik ta takixokol balumile;+ yuʼun skotol li mukʼtik lumetike muʼyuk yichʼojik sirkunsision xchiʼuk sjunul li jteklum Israele muʼyuk yichʼoj sirkunsision ta yoʼontonik».+
10 Jteklum Israel, chikintao li pʼijubtasel chakʼbot Jeovae. 2 Xi chal li Jeovae:
«Mu xachanbe li kʼusitik tspasik li mukʼtik lumetike,+
mu xanikik ta xiʼel yuʼun li senyailtak chvinaj ta vinajele,
yuʼun li mukʼtik lumetike chnikik-o ta xiʼel ta skoj taje.+
3 Yuʼun jecheʼ noʼox* li kʼusitik nopem xaʼiik spasel li jteklumetike.
Li buchʼu xtojob spasel kʼusitike ta xtuchʼ talel teʼ ta teʼtikaltik
xchiʼuk tspas-o jun lokʼol.+
5 Xkoʼolajik kʼuchaʼal jurax* ti te vaʼal ta osiltik ti bu tsʼunbil pepinoe, mu xkʼopojik;+
persa kuchbil chbatik, yuʼun mu xanavik.+
Mu xaxiʼik-o, yuʼun muʼyuk kʼusi chopol xuʼ spasik,
mi jaʼuk spas yuʼunik kʼusi lek».+
6 Kajval Jeova, muʼyuk buchʼu xakoʼolaj-o li voʼote.+
Toj echʼem amukʼul, toj mukʼ li abie xchiʼuk chakʼ ta ilel ajuʼel.
7 Mukʼul Ajvalil yuʼun mukʼtik lumetik,+ ¿buchʼu van ti muʼyuk chiʼtaote?* Yuʼun xata-o xiʼtael.
Yuʼun ta skotol li buchʼutik pʼijik ta mukʼtik lumetike xchiʼuk ta skotol li ajvaliletik yuʼunike,
chʼabal buchʼu junuk ti xakoʼolaj xchiʼuke.+
8 Skotolik mu snaʼik rason xchiʼuk toj bolik.+
Li jun lokʼol ti pasbil ta teʼe jaʼ noʼox tstijbe yoʼonton krixchanoetik ta saʼel li kʼusitik muʼyuk sbalile.*+
9 Pixbil ta plata ti likem talel ta Tarsise+ xchiʼuk ta oro ti likem talel ta Ufase,
jaʼ chabtelan li buchʼu xtojob spasel kʼusitike xchiʼuk li buchʼu chabtelan takʼine,
li skʼuʼ spokʼ tslapbeike pasbil ta asul no xchiʼuk ta tsots* ti bonbil ta kuxul moradoe.
Skotol taje jaʼ yabtel skʼobik li buchʼutik lek xtojobike.
10 Pe li Jeovae jaʼ melel Dios.
Jaʼ li kuxul Diose+ xchiʼuk jaʼ li Ajvalil ta sbatel osile.+
Ta skoj li skʼakʼal yoʼontone, ta xnik li balumile+
xchiʼuk mi junuk mukʼta lum chkuch yuʼun li skapemal sjole.
11* Skʼan xi xavalbeike:
«Li diosetik ti maʼuk la spasik li vinajel xchiʼuk balumile
ta xlaj skʼoplalik ta balumil xchiʼuk ta yolon vinajel».+
12 Li Diose jaʼ la spas ta sjuʼel li balumile,
jaʼ la snakan ta spʼijil li balumil ti bu lek xchʼi kʼusitike+
13 Kʼalal chakʼ ta aʼiel li yechʼomal yee,
solel xvoʼoʼet li voʼ te ta vinajele+
xchiʼuk jaʼ chakʼ toyuk muyel li tok* ti te oy ta spajeb balumile.+
14 Skotol li krixchanoetike chakʼik ta ilel ti mu snaʼik snopele xchiʼuk ti chʼabal yojtikinobil yuʼunike.
Skotol li buchʼu chabtelan takʼine ta xichʼik akʼel ta kʼexlal ta skoj li lokʼoletik tspasike;+
yuʼun jecheʼ li lokʼoletik yuʼunik ti pasbil ta unijesbil takʼine
15 Muʼyuk kʼusi xtunik-o, jaʼ noʼox pasbilik sventa xichʼik labanel.+
Kʼalal mi kʼot yorail chichʼik akʼbel kastigoe, ta xlaj skʼoplalik.
16 Li Dios yuʼun* Jakobe mu xkoʼolaj kʼuchaʼal li kʼusitik taje,
yuʼun jaʼ la spas skotol li kʼusitik oye
xchiʼuk li Israele jaʼ li vaxton ti kʼotem ta xrexto* Diose.+
Li sbie jaʼ Jeova ti bankilal yuʼun soltaroetike.*+
17 Ants ti te nakalot ti bu yichʼoj setuele,
tsobo li avikats te oy ta lumtike.
18 Yuʼun xi chal li Jeovae:
«Li avie, liʼ oyun sventa ta jipik lokʼel* ta balumil li jnaklejetike+
xchiʼuk chkakʼ ti xaʼiik kʼu yelan li vokolile».
19 ¡Toj abol jba ta skoj li jyayijemale!*+
Muʼyuk xa xpoxil li jyayijemale.
Xchiʼuk xi laj kale: «Ta melel, jaʼ jchamel maʼ taje, jaʼ yuʼun skʼan stsʼik batel kuʼun.
20 Laj xa yichʼ tukiel li jkarpanae xchiʼuk laj xa yichʼ tuchʼel lokʼel skotol li xchʼojonaltake.+
Laj xa yiktaikun li jnichʼnabtake+ xchiʼuk muʼyuk xa tsutik-o tal.
Muʼyuk xa buchʼu chlichʼan li jkarpanae xchiʼuk ti tstoybe muyel li spokʼaltake.
21 Yuʼun li jchabichijetike muʼyuk yakʼoj ta ilel li spʼijilike+
xchiʼuk muʼyuk staojik ta kʼoponel li Jeovae.+
Jaʼ yuʼun, chʼabal yakʼoj ta ilel spʼijilik ta sventa li kʼusitik tspasike
xchiʼuk skotol li xchijike tanpuk batemik».+
22 ¡Aʼiik jun aʼyej!
Solel xvochetik* xa talel ta yosilal norte+
sventa xokol xkom yuʼunik li jteklumetik ta Judae, ti xkʼot ta snail teʼtikal tsʼiʼetike.+
23 Kajval Jeova, jnaʼoj lek ti mu sventainojuk stuk sbe li jun krixchanoe.
Mi jaʼuk xuʼ yuʼun tsbeiltas sba batel stuk li jun krixchano ti yakal chanave.+
24 Kajval Jeova, tukʼibtasun ti kʼu yelan jta-o chavile,
pe maʼukuk me ta skʼakʼal avoʼonton+ sventa mu xalajesun ta j-echʼel.+
25 Malo tal skapemal ajol ta stojolal li mukʼtik lumetik ti mu stsakikot ta ventae+
xchiʼuk ta stojolal li utsʼ alaletik ti muʼyuk tskʼanik vokol ta abie.
Yuʼun laj xa slilinik ta tiʼel li Jakobe,+
laj xa slajesbeik skʼoplal ta j-echʼel+
xchiʼuk li slumale xokol xa kom yuʼunik.+
11 Liʼe jaʼ li kʼusi albat yuʼun Jeova li Jeremiase, xi albate: 2 «¡Jnaklejetik ta jteklum, chikintaik li trato la jpase!».
«Albo yaʼiik* li viniketik ta Judae xchiʼuk li jnaklejetik ta Jerusalene, 3 xi xavalbe yaʼiike: ‹Xi chal li Jeova ti jaʼ li Dios yuʼun Israele: «Akʼo yichʼ chopol kʼoptael li vinik mi muʼyuk chchʼun li trato la jpase,+ 4 ti jaʼ laj kalbeik li amoltotakik kʼalal la jlokʼesik tal li ta yosilal Ejiptoe,+ li orno ti chunijes takʼine,+ xi laj kalbeike: ‹Chʼunik li kʼusi chkale xchiʼuk pasik skotol li kʼusi chkalboxuke; vaʼun chakʼotik ta jteklumal xchiʼuk voʼon chikʼot ta Adiosik,+ 5 sventa xkʼot ta pasel kuʼun li kʼusi jamal laj kalbe li amoltotakike, ti chkakʼbeik li balumil ti bu oy lek leche xchiʼuk pome,+ ti jaʼ li bu nakaloxuk-o li avie›»›».
Vaʼun, xi la jtakʼe: «Jechuk,* Kajval Jeova».
6 Vaʼun, xi laj yalbun li Jeovae: «Xi xaval batel li ta jteklumetik yuʼun Juda xchiʼuk ta skayealtak Jerusalen li kʼusi laj kalbote: ‹Chikintaik li trato la jpase xchiʼuk kʼotuk me ta pasel avuʼunik. 7 Yuʼun ti kʼuxi la jlokʼesik tal ta yosilal Ejipto li amoltotakik kʼalal to avie, jech-o tsots laj kalbeik tal mantal, ep ta velta xi laj kalbeik mantale:* «Chʼunik li kʼusi chkale».+ 8 Pe muʼyuk bu laj yaʼiik xchiʼuk muʼyuk la stsʼet chikintaik, yuʼun ta skoj ti pimik ta mantale, jaʼ noʼox la spasik li kʼusi tskʼan yoʼonton stukik ti toj chopole.+ Jech oxal, laj kakʼ taluk ta stojolalik li kʼusi kaloj li ta trato la jpase, yuʼun muʼyuk la xchʼunik li kʼusi laj kalbeike›».
9 Vaʼun, xi laj yalbun li Jeovae: «Spasoj ta jmoj sjolik li viniketik ta Juda xchiʼuk li jnaklejetik ta Jerusalene. 10 Lik spasik li kʼusitik chopol la spasik li smoltotakik ta voʼnee, ti muʼyuk la skʼan la xchʼunik li kʼusi laj kale.+ Li stukik eke la stsʼakliik batel yan diosetik xchiʼuk tunik ta stojolal.+ Li jteklum Israele xchiʼuk li jteklum Judae laj xa sokesbeik skʼoplal li trato la jpas xchiʼuk smoltotakike.+ 11 Jaʼ yuʼun, xi chal li Jeovae: ‹Kʼelavil, ta xkakʼ talel vokolil+ ta stojolalik ti mu xuʼ spoj sbaik lokʼele. Kʼalal xvokoletik tskʼanbeikun koltaele, muʼyuk ta jchikintabeik.+ 12 Vaʼun, li jteklumetik ta Judae xchiʼuk li jnaklejetik ta Jerusalene, chbatik ta stojolal li diosetik ti chakʼbeik milbil matanale* xchiʼuk ti xvokolet tskʼanbeik koltaele,+ pe mi jsetʼuk* ta xkoltaatik kʼalal jaʼo chil svokolike. 13 Yuʼun li Judae epajem tajek sdiostak jech kʼuchaʼal ep tajek li jteklumetik yuʼune xchiʼuk solel ep svaʼanojbe skajleb smoton li kʼusi kʼexlal sba* jech kʼuchaʼal ep tajek li skayeal Jerusalene, jaʼ li skajleb matanaletik sventa te chichʼ akʼbel milbil matanaletik li Baale›.+
14 »Li voʼot eke,* mu xapas orasion ta stojolal li jteklum liʼe. Mu xakʼanbun vokol ta orasion ta skojik+ xchiʼuk mi jaʼuk xavokoletuk xa ta stojolalik, yuʼun muʼyuk ta jchikintabeik kʼalal mi xvokolet tskʼanbeikun koltael ta skoj li svokolike.
15 ¿Mi yuʼun oy sderecho sventa teuk ta jna li buchʼutik jkʼanoj
ti ep buchʼutik spasojik kʼusi chopole?
¿Mi yuʼun jaʼ tspojoxuk li milbil matanal* kʼalal mi tal li avokolike?
¿Mi ta van xamuyubaj li vaʼ kʼakʼale?
16 Li Jeovae la sbiiltasot toʼox ta mukʼta teʼel oliva
ti kʼupil sba xvinaj xchiʼuk li sat ti lekike.
Pe oy kʼusi tsots bakʼ, vaʼun la xchikʼ
xchiʼuk laj yichʼ kʼasbel li skʼobtake.
17 »Li Jeova ti jaʼ bankilal yuʼun soltaroetike,* ti jaʼ Jtsʼunvanej avuʼune,+ yaloj ti chtal vokolil ta atojolal ta skoj li kʼusitik chopol spasoj li jteklum Israele xchiʼuk li jteklum Judae, ti saʼojbeikun jol ta skoj ti chakʼbeik milbil matanal li Baale».+
18 Li Jeovae laj yalbun sventa jnabe skʼoplal;
li vaʼ kʼakʼale, laj avakʼbun kil li kʼusi yakal tspasike.
19 Li voʼone xikoʼolaj toʼox kʼuchaʼal manxo chʼiom chij, ti chichʼ ikʼel batel sventa chichʼ milele.
Mu toʼox jnaʼ ti oy kʼusi chopol tsnop tspasbeikune,+ xi chalike:
«Jtsʼetik lokʼel xchiʼuk sat li teʼe,
jlajesbetik skʼoplal ta balumil ti bu oy kʼusitik kuxajtike,
vaʼun jech mu xa xichʼ tael ta naʼel li sbie».
20 Pe tukʼ chchapanvan li Jeova ti jaʼ bankilal yuʼun soltaroetike,
chchaj ta kʼelel li koʼontontike xchiʼuk li kʼusi oy ta yutil to jnopbentike.*+
Akʼbun kil ti kʼu yelan chapakbe sutele,
yuʼun kakʼoj xa ta akʼob sventa voʼot xapakbun jkʼoplal.
21 Jaʼ yuʼun, xi chal Jeova ta stojolal li viniketik ta Anatot+ ti tskʼan tsmilikote xchiʼuk ti xi chalike: «Mu xaval albil kʼop ta sbi li Jeovae,+ o mi moʼoje, ta jmilotkutik»; 22 jaʼ yuʼun xi chal li Jeova ti jaʼ bankilal yuʼun soltaroetike: «Kʼelavil, chkakʼbeik kastigo. Chichʼik milel ta espada li keremetike,+ li skerem stsebike chchamik ta tsatsal viʼnal.+ 23 Mi junuk buchʼu kuxul chkom yuʼunik, yuʼun chkakʼ taluk vokolil ta stojolal li viniketik ta Anatote,+ li ta sjabilal kʼalal chichʼik akʼbel kastigoe».
12 Kajval Jeova, li voʼote tukʼot kʼalal ta jkʼanbot partee,+
kʼalal chkalbot skʼoplal li kʼusi tukʼe.
Pe ¿kʼu yuʼun lek chbat xkuxlejalik li buchʼutik toj chopolike+
xchiʼuk kʼu yuʼun jun noʼox yoʼontonik li jloʼlavanejetike?
2 Voʼot la atsʼun xchiʼuk laj xa yakʼ yibelik.
Chʼiik xa xchiʼuk satinik xa.
Chalilanik akʼoplal, pe li yoʼontonike nom oy ta atojolal.+
3 Chʼako lokʼel kʼuchaʼal chijetik ti chichʼik milele
xchiʼuk parte xavakʼ sventa li skʼakʼalil milbaile.
Pe li voʼote, Kajval Jeova, xavojtikinun lek,+ avilojun lek;
achajoj ta kʼelel li koʼontone xchiʼuk aviloj ti te oy ta atojolale.+
4 ¿Kʼu to van sjalil jech chtakij batel li balumile
xchiʼuk ti chtakij li kʼusitik chchʼi ta osiltike?+
Yuʼun ta skoj xchoplejalik li buchʼutik te nakajtike,
laj xa yichʼik milel li chonbolometik xchiʼuk li mutetik tee.
Yuʼun xi yalojike: «Mu xil li kʼusi chkʼot ta jtojolaltike».
5 Mi chalub kʼalal cha-anilaj xchiʼuk li viniketike,
¿kʼuxi xa noʼox xuʼ xatsal ta anilajel li kaʼetike?+
Akʼo mi jun avoʼonton te oyot li ta balumil ti bu oy jun oʼontonale,
pe ¿kʼusi van chapas kʼalal mi te oyot li ta pimil chʼixtikaltik ta stiʼil Jordane?
6 Yuʼun kʼalal ta achiʼiltak ta vokʼel, kʼalal ta yutsʼ yalal atot
la svalopatinikot komel.+
Tsots x-avlajetik ta atojolal.
Mu xapat avoʼonton ta stojolalik,
akʼo mi lekik xa yilel li kʼusi chalbeikote.
7 «Laj xa kikta komel li jnae,+ laj xa jkomtsan li jrextoe.*+
Laj xa kakʼ ta skʼob yajkontratak li buchʼu jkʼanoj tajeke.+
8 Xkoʼolaj xa chkil kʼuchaʼal jkot leon ta teʼtikaltik li jrextoe.*
Xloket snukʼik* la skontrainikun.
Jech oxal, laj xa jpʼajik komel.
9 Li jrextoe* xkoʼolaj xa chkil kʼuchaʼal jkot xik ti ep ta tos skolorale;*
ta xjoyibtaat yuʼun yan xiketik xchiʼuk tstsakat ta tiʼel.+
Teʼtikal chonbolometik ta osiltik, laʼik, tsobo abaik tal;
laʼ veʼanik.+
Laj xa skʼatajesik ta takixokol balumil li jparte osil ti kʼupil sbae.
11 Xokol balumil xa kom yuʼunik.
Mu xa kʼusi x-ayan kom ta sjunul li mukʼta lume,
pe mi junuk krixchano laj yakʼ ta yoʼonton.+
12 Ta skotol li beetik ti sokemik xa ti te ch-echʼ ta takixokol balumile te talik li jmilvanejetike,
yuʼun li s-espada Jeovae ta slajes skotol krixchanoetik ta jujujot stiʼil li mukʼta lume.+
Muʼyuk buchʼu jun yoʼonton.
13 Stsʼunojik trigo, pe chʼix noʼox staojik ta tsobel.+
Slubtsanoj sbaik ta abtel, pe muʼyuk staojbeik sbalil.
Ta skoj li skʼakʼal yoʼonton Jeovae,
muʼyuk chakʼ ti oyuk kʼusi staik ta tsobele xchiʼuk chakʼanan ta kʼexlal».
14 Xi chal li Jeovae: «Skotol li jlakʼna ti toj chopolike, ti la sokesik li rextoil* ti laj kakʼbe yuʼunin li jteklumal Israele,+ ta jbulik lokʼel li ta yosilalike+ xchiʼuk ta jbul lokʼel ta stojolalik li jteklum Judae. 15 Pe mi laj xa ox jbulik lokʼele, ta jkʼuxubinik yan velta xchiʼuk ta jujuntal chkikʼik tal yan velta li ta xrextoike* xchiʼuk li ta yosilike».
16 «Mi ta xakʼik persa xchanbel stalelal li jteklumale xchiʼuk mi xi jamal chalik ta jbie: ‹¡Jamal chkal ta skoj kuxul Dios Jeova ti jech ta jpase!›, jech kʼuchaʼal la xchanubtasik toʼox jteklumal sventa oy kʼusi jamal xalik ta stojolal li Baale, vaʼun bi, te chnakiik xchiʼuk li jteklumale. 17 Pe mi oy junuk mukʼta lum ti mu skʼan xchʼune, ta jbul lokʼel ek li mukʼta lum taje, ta jbul lokʼel ta j-echʼel xchiʼuk ta jtupʼbe skʼoplal», xi li Jeovae.+
13 Xi laj yalbun li Jeovae: «Batan, bat mano jlikuk achuk ti pasbil ta linoe xchiʼuk chuko ta achukbenal,* pe mu me xatʼuxubtas». 2 Jaʼ yuʼun, bat jman jchuk jech kʼuchaʼal laj yalbun li Jeovae xchiʼuk la jchuk ta jchukbenal.* 3 Xi la skʼoponun tal ta xchibal velta li Jeovae: 4 «Tsako li achuk ti la aman ti te achukinoje, vaʼun likan xchiʼuk batan li ta Eufratese, te xbat anakʼ* ta sjavbenal tayal mukʼta chʼen». 5 Jech oxal, libat xchiʼuk te la jnakʼ* ta xokon Eufrates, jech kʼuchaʼal laj yalbun li Jeovae.
6 Kʼalal echʼ xa ox epal kʼakʼale, xi laj yalbun li Jeovae: «Likan, batan li ta Eufratese, bat ichʼo tal li chukil ti laj kalbot ti xbat anakʼ* komel tee». 7 Jaʼ yuʼun, libat li ta Eufratese xchiʼuk la jotsʼ lokʼel li chukile, la jtsak lokʼel ti bu la jnakʼe,* jaʼ to chkile kʼaʼem xa, mu xa kʼusi xtun-o.
8 Xi laj yalbun li Jeovae: 9 «Xi chal li Jeovae: ‹Jaʼ jech ta jlajesbe skʼoplal li stoyobbail Juda xchiʼuk li stoyobbail Jerusalen ti mu albajuke.+ 10 Li chopol jteklumetik taje, ti mu skʼan xchʼunik li kʼusi chkale,+ ti tspasik li kʼusi tskʼan yoʼonton stukik ta skoj ti pimik ta mantale,+ ti yakal tstsʼakliik batel yan diosetike, ti chtunik ta stojolale xchiʼuk ti tsnijan sbaik ta stojolale, jaʼ jech chkʼotik kʼuchaʼal li chukil ti mu xa kʼusi xtun-oe›. 11 Xi chal li Jeovae: ‹Jech kʼuchaʼal jlik chukil ti lek napʼal ta xchukbenal* li jun vinike, jaʼ jech la jnapʼan lek ta jtojolal li jteklum Israel xchiʼuk sjunul li jteklum Judae, sventa xkʼotik ta jteklumal,+ sventa xkʼotik ta jmukʼulal,+ sventa skʼupil kʼoptaikun xchiʼuk sventa xichʼikun ta mukʼ. Pe muʼyuk la xchʼunik›.+
12 »Jech xtok, skʼan xavalbe yaʼiik li aʼyej liʼe: ‹Xi chal li Jeova ti jaʼ Dios yuʼun Israele: «Skotol li mukʼtik pʼinetike skʼan xichʼ nojesel ta vino»›. Pe xi tstakʼbeikote: ‹¿Mi yuʼun mu jnaʼkutik avaloj ti skʼan nojesel ta vino skotol li mukʼtik pʼinetike?›. 13 Vaʼun, xi xavalbe yaʼiike: ‹Xi chal li Jeovae: «Kʼelavilik, ta jyakubtas skotol li jnaklejetik ta jteklum liʼe,+ li ajvaliletik ti te chotolik li ta xchotleb ajvalil Davide, li paleetike, li j-alkʼopetike xchiʼuk skotol li jnaklejetik ta Jerusalene. 14 Ta xkakʼ ti smaj sbaik ta jujuntale, li totil xchiʼuk li xnichʼone.+ Muʼyuk chkakʼ ta ilel slekil koʼonton, muʼyuk chkakʼ ta ilel xkʼuxul koʼonton ta stojolalik xchiʼuk muʼyuk kʼusi chopol chkaʼi ta stojolalik; muʼyuk kʼusi tspajtsanun sventa jlajesik»›,+ xi li Jeovae.
15 Aʼiik xchiʼuk tsʼet chikintaik.
Mu me xatoy abaik, yuʼun jaʼ jech yaloj li Jeovae.
16 Albeik yutsilal li Jeova ti jaʼ Adiosike,
yoʼ to mu xakʼ talel ikʼal osil
xchiʼuk yoʼ to mu xamak* avakanik li ta vitsetik kʼalal mi chʼayem xa ox batel li kʼakʼale.
Li voʼoxuke chamalaik ti oyuk sakil osile,
pe chakʼ talel ikʼal osil;
17 Mi mu xakʼan xachikintaike,
ta xi-okʼ ta mukul ta skoj li atoyobbailike.
Ta jmal lokʼel ep yaʼlel jsat xchiʼuk stsʼujlajet noʼox chlokʼ li yaʼel jsate,+
yuʼun laj xa yichʼ chukel batel li xchijtak Jeovae.+
18 Xi xavalbe li ajvalil xchiʼuk smeʼe:+ ‹Chotlanik ti bu mas pekʼele,
yuʼun ta xpʼaj* lokʼel ta ajolik li akoronaik ti kʼupil sbae›.
19 Li jteklumetik ta sure bajalik* lek, muʼyuk buchʼu xuʼ sjam.
Skotol li krixchanoetik ta Judae laj yichʼik chukel batel, laj yichʼik ikʼel batel skotolik.+
20 Toyo batel li asate xchiʼuk kʼelavil li buchʼutik te xtalik ta nortee.+
¿Bu oy li chijetik ti laj avichʼ akʼbele, li achijtak ti kʼupilik sbae?+
21 ¿Kʼusi van chaval mi tal yakʼboxuk kastigo
li avamigotak ti voʼne xa lek xavil aba achiʼuke?+
¿Mi mu tauk xavaʼibe xkʼuxul jech kʼuchaʼal li jun ants ti chaʼibe xkʼuxul kʼalal yakal chvokʼ yole?+
22 Kʼalal mi xi laj aval ta avoʼontone: ‹¿Kʼu yuʼun jech kʼot ta pasel ta jtojolal?›,+
jaʼ ta skoj ti toj tsots la apas amul ti laj avichʼ nitbel lokʼel li akʼuʼ apokʼe+
xchiʼuk ti oy kʼusi kʼux tajek chaʼi li xchak avakane.
23 ¿Mi xuʼ van sjel skoloral snukulil li jun vinik ti likem ta Kuse* o mi xuʼ sjel spintoal li leopardoe?+
Ti yuʼun xuʼuke, spas avuʼunik ek li kʼusi leke,
voʼoxuk ti lek chanubtasbiloxuk ta spasel li kʼusi chopole.
24 Jaʼ yuʼun, ta jpukoxuk batel kʼuchaʼal jobel ti kuchbil chbat ta ikʼ ti likem talel ta takixokol balumile.+
25 Taje jaʼ jech chkʼot ta atojolal, jaʼ li aparte jpʼisojbot sventa chavuʼunine», xi li Jeovae,
«yuʼun la achʼayun ta ajol+ xchiʼuk jaʼ la apat avoʼonton li ta jutbil kʼope.*+
26 Jech xtok, voʼon ta jvalkʼun muyel kʼalal to ta asat li akʼuʼ apokʼe,
vaʼun chvinaj li kʼusi kʼexlal sba avuʼune,+
27 ti chamukul sativane,+ ti chakʼan xa tajek chiʼinel ta vayele
xchiʼuk ti toj ibal sba* kʼu yelan chachon abae.
Kiloj li kʼusitik toj kʼexlal sba chapas
ta osiltike xchiʼuk li ta sba bikʼtal vitsetike.+
¡Toj abol aba, Jerusalen!
¿Bakʼin to van ti chasakubtas abae?».+
14 Xi albat yuʼun Jeova li Jeremias ta sventa li kʼepelaltike:+
2 Chat yoʼonton li Judae,+ li ochebaletik yuʼune lilijemik xa yalel.
Jinemik yalel ta lumtik ta skoj at-oʼonton
xchiʼuk ti kʼu yelan x-avetik ta at-oʼonton li jnaklejetik ta Jerusalene kʼot xa kʼalal to ta vinajel.
3 Li buchʼutik tsots skʼoplalike tstak batel yajtunelik* sventa xbat saʼik tal voʼ.
Te chbat saʼik tal ti bu jomajtik yavile,* pe muʼyuk tstaik tal voʼ.
Jecheʼ xokol tsut tal yuʼunik li yave.
Chkʼexavik xchiʼuk chopol chaʼi sbaik,
vaʼun chpix li sjolike.
4 Ta skoj ti muʼyuk chakʼ voʼe,
tʼajemik xa li balumile,+
jech oxal mu xa aʼibaj kʼusi tspasik li j-abteletik ta osile xchiʼuk chpix li sjolike.
5 Li meʼ teʼtikalchij ti oy ta osiltik eke chikta komel li yol ti jaʼ to vokʼe,
yuʼun chʼabal xa yaxaltik.
6 Li teʼtikal vuroetike te kotajtik ta sba tʼantʼan bikʼtal vitsetik.
7 Kajval Jeova, akʼo mi chakʼ ta ilel ti oy jmulkutik li kʼusitik chopol ta jpaskutike,
oyuk kʼusi xapas ta skoj li abie.+
Yuʼun ep tajek li kʼusitik muʼyuk tukʼ ta jpaskutike+
xchiʼuk jsaʼoj jmulkutik ta atojolal.
8 Voʼot ti chapatbe yoʼonton Israele, ti voʼot Jkoltavanejot+ yuʼun kʼalal oy svokole,
¿kʼu yuʼun ti xakoʼolaj kʼuchaʼal yan krixchano li ta jteklume?
¿Kʼu yuʼun ti xakoʼolaj kʼuchaʼal jun jxanvil ti jaʼ noʼox te chpaj sventa te chvaye?
9 ¿Kʼu yuʼun ti xakoʼolaj kʼuchaʼal jun vinik ti oy kʼusi labal sba chile?
¿Kʼu yuʼun ti xakoʼolaj kʼuchaʼal jun tsatsal vinik ti mu xuʼ yuʼun xpojvane?
Mu xaviktaunkutik komel.
10 Xi chal li Jeova ta stojolal li jteklum taje: «Jaʼ xlajik-o ti xyal xmuyik noʼoxe;+ mu spajes li yakanike.+ Jaʼ yuʼun, muʼyuk ximuyubaj ta stojolalik voʼon li Jeovaune.+ Avi une, ta jvules ta jol li spaltailike* xchiʼuk chkakʼbe kastigo ta skoj li smulike».+
11 Vaʼun, xi laj yalbun li Jeovae: «Mu xapas orasion sventa sta slekilal li jteklum taje.+ 12 Kʼalal tspasik ayunoe,* muʼyuk ta jchikintabeik mi xvokoletike;+ kʼalal chakʼik skotlej chikʼbil matanale xchiʼuk kʼalal chakʼik sat tsʼunobiletik ta matanale, muʼyuk lek chkil,+ yuʼun ta jlajesbe skʼoplalik ta espada, ta tsatsal viʼnal xchiʼuk ta tsatsal chamel».+
13 Jaʼ yuʼun, xi laj kale: «¡Ay, Kajval Jeova ti Mukʼul Jpasmantalote! Aʼio avaʼi ti xi chal li j-alkʼopetike: ‹Muʼyuk chavilik paskʼop xchiʼuk tsatsal viʼnal, yuʼun chkakʼboxuk melel jun oʼontonal li ta jteklum liʼe›».+
14 Vaʼun, xi laj yalbun li Jeovae: «Li j-alkʼopetike yakal chalik ta jbi albil kʼopetik ti mu meleluke.+ Muʼyuk la jtakik batel, muʼyuk laj kalbeik mantal xchiʼuk mi jaʼuk la jkʼoponik.+ Kʼalal chalboxuk albil kʼopetike, jaʼ chalik li kʼusi mu meleluk akʼbil yilike, li kʼusi jecheʼ chilik ta tʼunole* xchiʼuk li loʼlavanej oy ta yoʼontonike.+ 15 Jaʼ yuʼun, oy kʼusi chal Jeova ta stojolal li j-alkʼopetik ti chalik albil kʼopetik ta jbie, akʼo mi muʼyuk la jtakik batel kʼalal laj yalik ti muʼyuk chilik paskʼop mi jaʼuk tsatsal viʼnal li jteklum liʼe, xi chale: ‹Li vaʼ j-alkʼopetike ta xlajik ta espada xchiʼuk ta tsatsal viʼnal.+ 16 Li krixchanoetik ti yakal ch-albatik albil kʼopetike ta xichʼik jipel lokʼel ta skayealtak Jerusalen ta skoj li tsatsal viʼnale xchiʼuk ta skoj li paskʼope, mi junuk ta xichʼik mukel,+ mi jaʼuk li stukike, li yajnilike, li skeremtakike o li stsebetakike, yuʼun chkakʼbeik talel li vokolil ti staik-oe›.+
17 »Xi skʼan xavalbe yaʼiike:
‹Akʼo lokʼuk yaʼlel jsat ta kʼakʼal akʼobal, muuk xpaj li yaʼlel jsate,+
yuʼun li stojol tseb jteklumale laj xa yichʼ lilinel xchiʼuk lajesel ta j-echʼel,+
solel tsots tajek yayijem kom.
18 Mi lilokʼ batel ta osiltike,
¡te chkil li buchʼutik lajemik ta espadae!+
Jech xtok, mi li-och batel ta jteklume,
¡jaʼ noʼox ta xkil li buchʼutik ipik ta skoj tsatsal viʼnale!+
Yuʼun li j-alkʼopetik xchiʼuk li paleetike xyal xmuyik noʼox li ta balumil ti mu xojtikinike›».+
19 ¿Mi laj xa apʼaj ta j-echʼel li Judae o mi toj chopol xa chavil li Sione?+
¿Kʼu yuʼun la ayayijesunkutik ti mu xa stakʼ poxtael li jyayijemalkutike?+
Jmalaojkutik ox ti xtal jun oʼontonale, pe muʼyuk kʼusi lek tal;
jmalaojkutik ox ti xkichʼkutik poxtaele, ¡pe naka xiʼel vul ta jtojolalkutik!+
20 Kajval Jeova, jnaʼojkutik lek ti jpasojkutik li kʼusitik toj chopole
xchiʼuk ti la saʼ smulik li jmoltotakutike,
la jsaʼ jmulkutik ta atojolal.+
21 Ta skoj li abie, mu xaviktaunkutik;+
mu xapʼaj li achotleb sventa ajvalil ti kʼupil sbae.
Vuleso ta ajol li trato la apas xchiʼuk voʼonkutike, mu xachʼaybe sbalil.+
22 ¿Mi xuʼ xakʼ tal voʼ li jecheʼ diosetik yuʼun mukʼtik lumetike?
¿O mi xuʼ van xakʼ talel tsatsal voʼ stuk li vinajele?+
Kajval Jeova ti voʼot Jdiosotkutike, ¿mi mu voʼotuk noʼox ti spas avuʼun taje?
Jpatoj koʼontonkutik ta atojolal,
yuʼun voʼot apasoj skotol li kʼusitik taje.
15 Vaʼun, xi laj yalbun li Jeovae: «Akʼo mi xtal vaʼiikuk ta keloval li Moises xchiʼuk li Samuele,+ muʼyuk onoʼox ta jkʼuxubin li jteklum liʼe. Lokʼeso batel ta jtojolal. Akʼo batikuk. 2 Pe mi xi tsjakʼbeikote: ‹¿Bu chibatkutik un?›, xi xatakʼbe yaʼiike: ‹Xi ta xal li Jeovae:
«Oy jlom avuʼunik ti chchamik ta skoj chamele,
oy jlom avuʼunik ti chichʼik milel ta espadae,+
oy jlom avuʼunik ti chchamik ta skoj tsatsal viʼnale
xchiʼuk oy jlom avuʼunik ti chichʼik chukel batele»›.+
3 »Xi chal li Jeovae: ‹Chkakʼ talel chantos vokolil* ta stojolalik:+ chlajik ta espada, chichʼik jochel batel ta tsʼiʼetik, chichʼik tiʼel ta mutetik xchiʼuk chichʼik lilinel ta tiʼel ta jtiʼvanej chonbolometik ta balumil.+ 4 Jpʼel skʼoplal xibal sba chkom kuʼun ta sba sat skotol mukʼtik lumetik ta balumil,+ taje jaʼ ta skoj li kʼusi la spas ta Jerusalen li Manases ti jaʼ ajvalil ta Judae xchiʼuk ti jaʼ xnichʼon Esekiase.+
5 Jerusalen, ¿buchʼu van chakʼ ta ilel xkʼuxul yoʼonton ta atojolal,
buchʼu van kʼux ta xaʼi avokol
xchiʼuk buchʼu van te chvaʼi sventa tsjakʼ mi lek oyote?›.
6 Xi chal li Jeovae: ‹Laj xa aviktaun komel.+
Jech-o yakal chanamaj batel ta jtojolal.*+
Jaʼ yuʼun, ta jyeʼ talel jkʼob ta atojolal xchiʼuk ta jlajesot.+
Tavan xa xkaʼi ti chkʼuxubaj koʼonton* ta atojolale.
7 Ta jipik lokʼel ta stiʼtak jteklum ta chavchav teʼ.*
Ta jmilbe li yalab xnichʼnabike.+
Ta jtupʼbe skʼoplal li jteklumale,
yuʼun mu skʼan xiktaik komel li be bu stamojik batele.+
8 Ta xkakʼ ti ep tajek xkom meʼon antsetik yuʼunike, jaʼ xkom to yepal li jiʼ* ta nabe.
Ta jtak talel jun jmilvanej ta stojolalik ta oʼlol kʼakʼal, ta stojolal li meʼiletik xchiʼuk li keremetike.
Ta anil noʼox chkakʼ talel at-oʼonton xchiʼuk xiʼel ta stojolalik.
9 Li ants ti ayan vukvoʼ yalabe kʼunibem xa;
vokol xa tajek chichʼ ikʼ.
Akʼo mi kʼakʼaltik to, xkoʼolaj kʼuchaʼal ta ikʼ osil oy,
taje ch-akʼat ta kʼexlal xchiʼuk ta labanel›.*
‹Xchiʼuk ti jayvoʼ kuxul chkomike
chkakʼ ti xmilatik yuʼun yajkontraik ta espadae›, xi li Jeovae».+
10 Toj abol jba, kuni meʼ, yuʼun li-ayan avuʼun,+
ti jlikesej kʼop vinikun noʼoxe xchiʼuk ti ch-ayan kʼop kuʼun ta sjunul li lume.
Muʼyuk kʼusi kakʼoj ta chʼom xchiʼuk muʼyuk kʼusi jkʼanoj ta chʼom,
pe skotolik chchopol kʼoptaikun.
11 Xi chal li Jeovae: «Jpʼel skʼoplal ta jkoltaot sventa lekuk oyot;
jpʼel skʼoplal chikʼopoj ta atojolal li ta yorail vokolile,
li ta yorail kʼalal chakʼ vokolil li jkontrainvaneje.
12 ¿Mi oy van buchʼu xlilij yuʼun li tsatsal takʼine,
li tsatsal takʼin ti likem tal ta nortee xchiʼuk li kovree?
13 Ta skoj li kʼusitik chopol apasoj ta sjunul li avosilale,
chkakʼ batel ta pojel li kʼusitik oy avuʼune xchiʼuk li akʼulejale,+ mi jutebuk chavichʼ tojbel.
14 Chkakʼbe batel avajkontratakik
sventa xichʼik batel ta jun lum ti mu xavojtikinike.+
Yuʼun lik tsanuk kʼokʼ ta skoj li skʼakʼal koʼontone
xchiʼuk xtiltun ta atojolalik».+
15 Kajval Jeova, aviloj li jvokole,
vulesun me ta ajol xchiʼuk akʼo tal asat ta jtojolal.
Pakbun sutel jkʼoplal ta stojolal li kajkontratake.+
Ta skoj ti mu xtal ta anil li skʼakʼal avoʼontone, mu me teuk noʼox akʼeloj xlaj jkʼoplal.
Teuk me ta ajol ti kuchem kuʼun chopol kʼoptael ta akoje.+
16 Kʼalal vul ta jtojolal li akʼope, la jlajes kʼuchaʼal veʼlil;+
li akʼope jaʼ xmuyubaj-o koʼonton xchiʼuk jaʼ xkuxet-o koʼonton,
yuʼun kichʼoj abi, Kajval Jeova, Dios kuʼun ti voʼot bankilalot yuʼun soltaroetike.*
17 Muʼyuk ta jchiʼin ta chotlej li buchʼutik batem ta yoʼontonik kʼine xchiʼuk muʼyuk chimuyubaj xchiʼukik.+
Ta skoj ti voʼot chabeiltasun ta akʼobe, jtuk chichoti,
yuʼun oy tajek skʼakʼal koʼonton ta skoj li kʼusitik chopol spasojike.+
18 ¿Kʼu yuʼun mu x-echʼ li kʼusi kʼux chkaʼie xchiʼuk kʼu yuʼun mu xpoxtaj li jyayijemale?
Mu xa xkol li jyayijemale.
¿Mi chakʼot kuʼun kʼuchaʼal snioʼal voʼ ti chloʼlavane,
ti mu stakʼ jpat koʼontonkutik yuʼune?
19 Jaʼ yuʼun, xi chal li Jeovae:
«Mi lasut tal ta jtojolale, lek chkilot yan velta
xchiʼuk te chavaʼi ta yeloval jsat.
Mi chachʼak lokʼel kʼusitik ep sbalil ta stojolal li kʼusi mu kʼusi xtun-oe,
chakʼot kuʼun ta kajkʼopojel.
Vaʼun, ta sutik tal ta atojolal,
mu voʼotuk chabat ta stojolalik».
20 Xi chal li Jeovae: «Chakʼot kuʼun kʼuchaʼal jun tsatsal muro ti pasbil ta kovre ta stojolal li jteklum liʼe,+
jpʼel skʼoplal tstsakikot ta kʼop,
yuʼun te jchiʼukot sventa ta jkoltaot xchiʼuk sventa ta jpojot.
21 Voʼon ta jpojot lokʼel ta skʼob li buchʼutik toj chopolike
xchiʼuk ta jkoltaot lokʼel ta skʼob li buchʼutik muʼyuk xkʼuxul yoʼontonike».
16 La skʼoponun tal yan velta li Jeovae, xi laj yalbune: 2 «Mu me xasaʼ avajnil xchiʼuk mu me x-ayan akerem atseb li ta lum liʼe. 3 Yuʼun xi chal Jeova ta stojolal li keremetik xchiʼuk tsebetik ti liʼ chvokʼik ta jteklume xchiʼuk ta stojolal li smeʼik ti jaʼ chvokʼesatike xchiʼuk ta stojolal li stotike: 4 ‹Chchamik ta skoj tsatsal chamel,+ pe muʼyuk buchʼu chat yoʼonton ta stojolalik xchiʼuk muʼyuk buchʼu chmukatik; ta xkʼotik kʼuchaʼal ikʼobal* ta lumtik.+ Chlajik ta espada xchiʼuk ta tsatsal viʼnal,+ li sbekʼtalike chkʼot ta sveʼel mutetik xchiʼuk ta sveʼel chonbolometik ta balumil›.
5 Yuʼun xi chal li Jeovae:
‹Mu xa-och batel ta jpʼejuk na ti bu chokʼita yanimaike
xchiʼuk mu xbat okʼan te xchiʼuk mu kʼuxuk xavaʼibe li svokolike›.+
Xi chal li Jeovae: ‹Yuʼun muʼyuk xa chkakʼbe jun oʼontonal li jteklum liʼe,
muʼyuk xa chkakʼ ta ilel tukʼil kʼanelal ta stojolalik xchiʼuk muʼyuk xa ta jkʼuxubinik.+
6 Ta bikʼit ta mukʼ chchamik li ta jteklum liʼe.
Muʼyuk ta xichʼik mukel,
muʼyuk buchʼu ch-okʼ ta stojolalik,
muʼyuk buchʼu chtuchʼ sbekʼtal xchiʼuk muʼyuk buchʼu tslokʼ sjol ta stojolalik.*
7 Muʼyuk ch-ichʼbat batel sveʼelik sventa xpatbat yoʼontonik
li buchʼutik chokʼita yanimaike;
jech xtok, muʼyuk chbat akʼbatikuk junuk kopa vino ti tspat oʼontonal
sventa xuchʼik ta skoj ti cham stotik o smeʼike.
8 Mu xa-och batel ta jpʼejuk na ti bu tspasik kʼine,
ti te xa jmoj chotoloxuk chaveʼik xchiʼuk cha-uchʼbolajike›.
9 »Yuʼun xi chal li Jeova ti jaʼ bankilal yuʼun soltaroetike,* li Dios yuʼun Israele: ‹Yoʼ to kuxuloxuke chavil ta asat atukik liʼ ta jteklum ti ta jlajesbe skʼoplal li xkuxetel oʼontonale xchiʼuk li muyubajele, li yechʼomal ye jnupunel kereme xchiʼuk li yechʼomal ye jnupunel tsebe›.+
10 »Kʼalal mi laj avalbe jteklum skotol li kʼusi laj kalbote, xi tsjakʼbeikote: ‹¿Kʼu yuʼun laj yal Jeova ti chvul ta jtojolalkutik li tsatsal vokolil taje? ¿Kʼusi chopol la jpaskutik xchiʼuk kʼusi mulil la jpaskutik ta stojolal li Jeova ti jaʼ Jdiostike?›.+ 11 Xi skʼan xatakʼbe yaʼiike: ‹Xi chal li Jeovae: «Jaʼ ta skoj ti laj yiktaikun li amoltotakike,+ ti la stsʼakliik batel yan diosetike, ti tunik ta stojolale xchiʼuk ti la snijan sbaik ta stojolale.+ Jaʼuk li voʼone laj yiktaikun komel xchiʼuk muʼyuk la xchʼunik li jmantale.+ 12 Pe li voʼoxuke mas to toj chopol li kʼusi la apasike, jaʼ xkom to li amoltotakike,+ jaʼ la apasik li kʼusi toj chopol oy ta avoʼontonik ta skoj ti toj pimoxuk ta mantale, jaʼ muʼyuk la achʼunik li jmantale.+ 13 Jaʼ yuʼun, ta jipoxuk lokʼel li ta jteklum liʼe, ta jipoxuk batel ta jun lum ti mu xavojtikinike xchiʼuk ti muʼyuk bu laj yojtikinik li amoltotakike,+ jech xtok, te chlik tunanik ta stojolal yan diosetik ta kʼakʼal akʼobal,+ yuʼun muʼyuk bu chkakʼ ta ilel xkʼuxul koʼonton ta atojolalik»›.
14 »Xi chal li Jeovae: ‹Pe chkʼot skʼakʼalil ti muʼyuk xa xi chalike: «¡Jamal chkal ta skoj kuxul Jeova ti jaʼ li buchʼu la slokʼes tal ta yosilal Ejipto li jteklum Israele!»,+ 15 yuʼun xi xa chalike: «¡Jamal chkal ta skoj kuxul Jeova ti jaʼ li buchʼu la slokʼes tal jteklum Israel li ta yosilal nortee xchiʼuk ta skotol li jteklumetik ti bu toʼox spukoj batele!», ta xkikʼik sutel tal li ta yosilalik ti laj kakʼbe li smoltotakike›.+
16 Xi chal li Jeovae: ‹Ta jtak tal ta ikʼel epal jtsakchoyetik,
vaʼun ta xichʼik tael ta tsakel li jteklumale.
Ta tsʼakale, ta jtak tal ta ikʼel epal jnutsoletik,
vaʼun ta xichʼik tael ta nutsel ta vitstikaltik, ta bikʼtal vitstikaltik
xchiʼuk ta sjavbenaltak tayal tonetik.
17 Yuʼun te oy jsat ta skotol li kʼusi tspasike.*
Muʼyuk kʼusi makal ta jsat
xchiʼuk mi jaʼuk stakʼ smukik ta jtojolal li spaltailike.*
18 Pe yoʼ to mu xkikʼik sutel tal li ta yosilalike, baʼyel lek tsʼakal chkakʼbe stojik li spaltailik*+ xchiʼuk smulike,
yuʼun laj xa sokesik kosil ta skoj li slokʼol sdiostakik ti muʼyuk kuxulike xchiʼuk ti ibalik sbae*
xchiʼuk li jrexto* osile laj xa snojesik li ta kʼusitik ibalik sba yuʼunike›».+
19 Kajval Jeova, voʼot kipalot xchiʼuk voʼot jtsatsal pojobbailot,
voʼot noʼox te chital ta atojolal kʼalal oy jvokole,+
chtalik ta atojolal li mukʼtik lumetik kʼalal to ta spajeb balumile,
xi chalike: «Li jmoltotakutike jaʼ la xrextoinik* li jecheʼ diosetike,
li kʼusitik muʼyuk stue xchiʼuk li kʼusitik jecheʼ ti muʼyuk sbalile».+
20 ¿Mi spas yuʼun diosetik li jun krixchanoe?
Li kʼusi tspase maʼuk melel diosetik.+
21 «Jaʼ yuʼun, chkakʼbe snaʼik,
chkakʼbe yilik ta j-echʼel li juʼel xchiʼuk kipale,
vaʼun persa tsnaʼik ti jaʼ Jeova li jbie».
17 «Te tsʼibabil ta yoʼonton smul li Judae, ta tsatsal takʼin laj yichʼ-o tsʼibael.
ta stsʼubtsʼubil sniʼ diamante laj yichʼ tsʼibael
xchiʼuk te tsʼibabil ta xulub skajleb matanaletik yuʼunik,
2 yuʼun li xnichʼnabike te ta snopbenik li skajleb matanaletik xchiʼuk li chʼul posteetik* yuʼunike+
ti te oy ta xokon li mukʼta teʼetike, ta sba tayal bikʼtal vitsetik,+
3 ta sba mukʼta vitsetik ti nom to xil li jteklumetike.
Chkakʼ batel ta pojel li kʼusitik oy avuʼune xchiʼuk skotol li akʼulejale,+
ta xichʼik batel li kʼusitik oy avuʼun ta tayal kʼopojebaletik* ta skoj li amul ti oy ta sjunul avosilale.+
4 Ta amul atuk chchʼay batel li arexto* laj kakʼbote.+
Chkakʼ tunan ta stojolal avajkontratak ta jun lum ti mu xavojtikine,+
Jech te xtiltun-o ta sbatel osil».
5 Xi chal li Jeovae:
«Chopol kʼoptabiluk li vinik* ti tspat yoʼonton ta stojolal li krixchanoetike,+
ti tspat yoʼonton ta yip krixchanoe+
xchiʼuk ti chnamaj ta stojolal Jeovae.
6 Ta xkʼot kʼuchaʼal jpets teʼ ti stuk te tekʼel ta takixokol balumile.
Muʼyuk ta xil kʼalal mi tal li lekilale,
jaʼ te chnaki li ta takixokol balumil ti kʼixin tajeke,
ta jun balumil ti oy yatsʼamil ti muʼyuk buchʼu xuʼ te xkuxie.
7 Lekil kʼoptabiluk li buchʼu* tspat yoʼonton ta stojolal Jeovae,
ti jaʼ spatoj-o yoʼonton ta stojolal Jeovae.+
8 Ta xkʼot kʼuchaʼal jpets teʼ ti te tekʼel ta xokon voʼe,
ti yakʼoj batel yibel ta beoʼe.
Muʼyuk kʼusi chaʼi kʼalal mi kʼixnaj tal tajeke,
lek yox-o li yanale.+
Muʼyuk chtakij* akʼo mi muʼyuk chakʼ voʼ sjunul jabil,
jech-o chakʼ sat.
9 Li koʼontontike jaʼ noʼox stuk ti toj echʼ xa noʼox xloʼlavane xchiʼuk ti toj xibal sbae.*+
¿Buchʼu van xojtikin?
10 Voʼon ta jchaj ta kʼelel li yoʼonton krixchanoetike,+ voʼon li Jeovaune,
ta jkʼelbe lek li kʼusi oy ta snopbenike,*
sventa xkakʼbeik stojol ta jujuntal ta skoj li kʼusitik tspasike,*
ta skoj ti kʼu yelan yabtelike.+
yuʼun li skʼulejale ta xchʼay batel kʼalal oʼlol to batel xkuxlejale,
vaʼun te chvinaj ti bol krixchanoe».
12 Ti bu chʼul kuʼuntike jaʼ jun chotlebal ti jun yutsile,
ti ta slikebal onoʼox toybil skʼoplale.+
13 Kajval Jeova, voʼot ti spatobilot yoʼonton Israele,
skotol li buchʼutik chiktaikot komele chichʼik akʼel ta kʼexlal.
Li buchʼutik tsvalopatinot* komele ta pukuktik* chichʼ tsʼibabel sbiik,+
yuʼun laj yiktaik komel li Jeova ti jaʼ snioʼal li voʼ sventa kuxlejale.+
14 Kajval Jeova, poxtaun, vaʼun jech chipoxtaj.
Koltaun, vaʼun jech kolem chikom,+
yuʼun voʼot noʼox ta jkʼupil kʼoptaot.
15 ¡Kʼelavil! Oy buchʼutik ti xi chalbeikune:
«¿Bu oy li kʼusi yaloj Jeovae?+
¡Akʼo kʼotuk ta pasel ta ora!».
16 Yan li voʼon ti jchabichijune muʼyuk laj kiktaot ta atsʼakliel,
muʼyuk bu te xivulvun ta skʼanel ti xtal li skʼakʼalil vokolile.
Anaʼoj lek skotol li kʼusi lokʼem ta kee;
¡aviloj ta asat ti jech laj kal skotol taje!
17 Mu me xavakʼ ti xixiʼe.
Voʼot jnakʼobbailot li ta yorail vokolile.
18 Akʼo yichʼ akʼel ta kʼexlal li buchʼutik tsnutsikune,+
pe mu me xavakʼ ti ta kʼexlal xikom li voʼone.
Akʼo chʼayuk xchʼulelik ta xiʼel,
pe mu me xavakʼ ti xchʼay jchʼulel ta xiʼel li voʼone.
Akʼo taluk ta stojolalik li vokolile,+
tupʼbo skʼoplalik xchiʼuk lajesbo skʼoplalik ta j-echʼel.
19 Xi laj yalbun li Jeovae: «Batan, bat vaʼlan li ta smukʼta tiʼ jteklum ti bu ch-ochik xchiʼuk ti bu chlokʼik li ajvaliletik ta Judae xchiʼuk ta skotol li ochebaletik ta Jerusalene.+ 20 Xi skʼan xavalbe yaʼiike: ‹Ajvaliletik ta Juda, skotol jnaklejetik ta Juda xchiʼuk jnaklejetik ta Jerusalen ti cha-ochik li ta ochebaletik liʼe, chikintaik li kʼusi chal Jeovae. 21 Xi chal li Jeovae: «Kʼelo me abaik, mu me kʼusi xakuchik batel li ta skʼakʼalil savadoe xchiʼuk mi jaʼuk kʼusi xakuchik ochel li ta stiʼtak Jerusalene.+ 22 Mu me kʼusi xakuchik lokʼel ta anaik li ta skʼakʼalil savadoe xchiʼuk mu me xapasik jtosuk avabtelik.+ Chʼuluk-o me avuʼunik li skʼakʼalil savadoe, jech kʼuchaʼal laj kalbe mantal li amoltotakike.+ 23 Pe muʼyuk bu laj yaʼiik xchiʼuk muʼyuk bu la stsʼetan xchikinik. Muʼyuk la xchʼunik xchiʼuk muʼyuk la xchʼamik tukʼibtasel ta skoj ti pimik ta mantale»›.*+
24 »‹Xi chal li Jeovae: «Pe mi chachʼunik skotol li kʼusi chkale, mi muʼyuk kʼusi chakuchik ochel ta skʼakʼalil savado li ta stiʼtak jteklum liʼe xchiʼuk mi chʼul-o avuʼunik li skʼakʼalil savado ta skoj ti muʼyuk chapasik jtosuk avabtelike,+ 25 vaʼun bi, li ajvaliletik xchiʼuk li bankilaletik ti chchotiik li ta xchotleb ajvalil Davide+ kajajtik ta kareta xchiʼuk ta kaʼ ch-ochik talel li ta stiʼtak jteklum liʼe, jech, jaʼ li ajvaliletik xchiʼuk bankilaletik yuʼunike, li viniketik ta Judae xchiʼuk li jnaklejetik ta Jerusalene.+ Jech xtok, li jteklume jech-o chichʼ naklebinel ta sbatel osil. 26 Li krixchanoetik ti likemik tal ta jteklumetik ta Judae, li ta spat xokon Jerusalene, li ta yosilal Benjamine,+ li ta stenlejaltike,+ li ta vitstikaltike xchiʼuk li ta Neguebe* chichʼik tal ta sna Jeova skotlej chikʼbil matanal,+ milbil matanal,+ matanal sat tsʼunobiletik,+ sakil pom* xchiʼuk li milbil matanal sventa stojel ta vokole.+
27 »›»Pe mi muʼyuk chachʼunbeikun ti skʼan chʼuluk avuʼunik li skʼakʼalil savadoe xchiʼuk ti skʼan mu kʼusi xakuchik lokʼel xchiʼuk mi jaʼuk kʼusi xakuchik ochel ta stiʼtak Jerusalen li ta skʼakʼalil savadoe, ta jtsanbe skʼakʼal li yochebaltak Jerusalene, vaʼun jpʼel skʼoplal ta xkʼakʼ li tsatsal tayal kʼelob osiletik tee,+ muʼyuk ta xtupʼ li skʼakʼale»›».+
18 Liʼe jaʼ li kʼusi albat yuʼun Jeova li Jeremiase: 2 «Totsan xchiʼuk yalan batel ta sna li jpatpʼine,+ vaʼun te ta jkʼoponot».
3 Jaʼ yuʼun, liyal batel ta sna li jpatpʼine, te yakal tspat pʼin li ta spatobil ti xjoyoyete.* 4 Pe li pʼin ti yakal ta spat ta achʼele te sok ta skʼob. Jaʼ yuʼun, li jpatpʼine la xchaʼmeltsan ta yan pʼin, jaʼ ti kʼu yelan lek laj yil stuke.
5 Vaʼun, la skʼoponun tal li Jeovae, xi laj yalbune: 6 «Xi chal li Jeovae: ‹Jteklum Israel, ¿mi mu xuʼuk jech jpas ta atojolalik jech kʼuchaʼal la spas li jpatpʼine? ¡Kʼelavil, jteklum Israel!, li voʼoxuke jechoxuk ta jkʼob jech kʼuchaʼal li achʼel ti oy ta skʼob li jpatpʼine.+ 7 Mi laj kalbe skʼoplal ti chichʼ bulel lokʼel, chichʼ jinesel xchiʼuk chichʼ lajesel junuk mukʼta jteklum o junuk ajvalilale,*+ 8 pe mi laj yiktaik spasel li kʼusi chopol ti jaʼ ox ta stoj-o smulik li jteklum taje, ta jel* ti jnopoj ox chkakʼbe svokolike.+ 9 Pe mi laj kalbe skʼoplal ti ta jvaʼan xchiʼuk ta jnakan junuk mukʼta jteklum o junuk ajvalilale, 10 mi lik spas li kʼusi chopol chkile xchiʼuk mi muʼyuk chchʼun li kʼusi chkale, ta jel li kʼusi lek ox jnopoj ta jpas ta stojolalike›.*
11 »Avi une, avokoluk, xi xavalbe li viniketik ta Judae xchiʼuk li jnaklejetik ta Jerusalene: ‹Xi chal li Jeovae: «Yakalun ta xchapanel* jtos vokolil xchiʼuk oy kʼusi chopol jnopoj ta jpas ta atojolalik. Avokolikuk, sutanik tal, iktaik li achopol beike, tukʼibtaso li abeike xchiʼuk li kʼusitik chapasike»›».+
12 Pe xi laj yalike: «¡Mu xa kʼusi stakʼ pasel!+ Yuʼun jaʼ ta jpaskutik li kʼusi jnopojkutike xchiʼuk jaʼ ta jpaskutik ta jujuntal ti kʼusi chopol tskʼan li koʼontonkutik ti jtoybae».+
13 Jaʼ yuʼun, xi chal li Jeovae:
«Avokolikuk, jakʼbo atukik li mukʼta lumetike.
¿Buchʼu van yaʼioj ti oy jech kʼotem ta pasel taje?
Li stojol tseb Israele oy kʼusi toj echʼ xa noʼox chopol spasoj.+
14 ¿Mi ta van x-ul batel ta j-echʼel li taiv ta tayal tontikaltik ta Libanoe?
¿O mi ta van xtakij li sikil voʼ ti nom to tajek chlik tale?
15 Pe li jteklumale laj xa xchʼayun ta sjolik.+
Yuʼun chakʼbeik milbil matanal* li kʼusi muʼyuk sbalile+
xchiʼuk tskʼejpʼunik* lokʼel li viniketik ta sbeike, li ta voʼneal bee,+
sventa jaʼ stamik batel li bikʼtal beetik ti muʼyuk pasbil ta parejoe xchiʼuk ti muʼyuk polbil leke,*
16 ta skoj taje, xibal sba chkom yuʼunik li yosilalike+
Skotol li buchʼutik te ch-echʼike chchʼay xchʼulelik ta xiʼel kʼalal chilike xchiʼuk sjim xa sjolik.+
17 Jech kʼuchaʼal tspuk batel pukuk* li ikʼ chlik tal ta slokʼeb kʼakʼale, jaʼ jech ta jpukik batel ta stojolal li jkontrainvaneje.
Li ta skʼakʼalil svokolike ta jvalopatinik komel, muʼyuk chkakʼ batel jsat ta stojolalik».+
18 Xi laj yalike: «Laʼik, jnoptik kʼusi ta jpasbetik li Jeremiase,+ yuʼun jaʼ chchanubtasutik ta mantal li paleetik kuʼuntike, jaʼ tstojobtasutik li pʼijil viniketike xchiʼuk jaʼ chalbutik skʼop Dios li j-alkʼopetike. Laʼik, jchaptik kʼusi ta jpasbetik xchiʼuk mu jchikintabetik li kʼusi chale».
19 Kajval Jeova, avokoluk, tsʼet chikintao li kʼusi chkale
xchiʼuk chikintao li kʼusi yakal chalik li kajkontratake.
20 ¿Mi ta chopol chichʼ pakel sutel li kʼusi lek chichʼ pasele?
Yuʼun sjokʼojik xa jchʼenal.+
Vuleso ta ajol ti ay jvaʼan jba ta aveloval sventa lek kʼusi xkal ta stojolalike,
sventa xlaj skʼakʼal avoʼonton ta stojolalik.
21 Jaʼ yuʼun, akʼo chamuk ta tsatsal viʼnal li xnichʼnabike
xchiʼuk akʼo lajikuk ta espada.+
Akʼo chamuk yalab li yajnilike xchiʼuk akʼo komuk ta meʼonal antsetik.+
Li viniketik yuʼunike akʼo chamikuk ta tsatsal chamel,
li skeremtakike akʼo lajikuk ta espada li ta paskʼope.+
22 Akʼo vinajuk batel ti te x-avet ta snaik
kʼalal mi la atak talel ta anil jtsop j-elekʼetik ta stojolalike.
Yuʼun sjokʼojik xa jun chʼen sventa staikun ta tsakel
xchiʼuk xlichʼanojik petsʼetik sventa syakikun.+
23 Yan li voʼote, Kajval Jeova,
xavojtikin lek li kʼusitik snopoj tspasik sventa tsmilikune.+
Mu xamukbe li smulike
xchiʼuk mu xatupʼbe li spaltailike.*
19 Xi laj yal li Jeovae: «Batan ti bu oy li jpatpʼine,+ vaʼun manbo jpʼejuk slumal pʼin. Tako ta ikʼel jayvoʼuk bankilaletik ta jteklum xchiʼuk jayvoʼuk bankilal paleetik, 2 vaʼun batan li ta stenlejaltik Inone,+ ta stiʼ li Ochebal yuʼun Jpatpʼinetik sbie. Te xaval skotol li kʼusi chkalbote. 3 Xi chavale: ‹Ajvaliletik ta Juda xchiʼuk jnaklejetik ta Jerusalen, chikintaik li kʼusi chal Jeovae. Xi chal li Jeova ti jaʼ bankilal yuʼun soltaroetike,* li Dios yuʼun Israele:
»›«Jutuk xa skʼan xkakʼ talel vokolil li ta jteklume xchiʼuk buchʼuuk noʼox ti chkʼot ta xchikin taje solel chʼayal to chkʼot yoʼontonik. 4 Jaʼ ta skoj ti laj yiktaikune,+ ti mu xa stakʼ ojtikinel kom yuʼunik liʼe+ xchiʼuk ti liʼ yakal chakʼbeik milbil matanal yan diosetik ti mu xojtikinike, ti mu jaʼuk xojtikinik li smoltotakike xchiʼuk li ajvaliletik ta Judae, jech xtok, liʼ smalojbeik xchʼichʼel li buchʼutik muʼyuk smulike.+ 5 La svaʼanik tayal kʼopojebaletik* sventa Baal yoʼ te xchikʼ xnichʼnabik kʼuchaʼal skotlej chikʼbil matanal sventa Baal,+ taje muʼyuk jech kaloj mantal ti jech akʼo spasike xchiʼuk muʼyuk jech lokʼem ta koʼonton»›.*+
6 »‹Xi chal li Jeovae: «Jaʼ yuʼun, chkʼot skʼakʼalil ti maʼuk xa Tofet chichʼ albel skʼoplal liʼe o ti stenlejaltik Inone, yuʼun jaʼ xa stenlejaltik sventa Milbail chichʼ albel skʼoplal.+ 7 Voʼon ta jsokesbe li kʼusi snopoj liʼ tspas li Juda xchiʼuk Jerusalene, chkakʼ ti xlajik ta espada ta yeloval li yajkontraike xchiʼuk ti x-ochik ta skʼob li buchʼutik tskʼan chmilatike. Jech xtok, li sbekʼtalike chkakʼ ta sveʼel mutetik xchiʼuk ta sveʼel chonbolometik ta balumil.+ 8 Chkakʼ ti xibaluk sba xkom li jteklum liʼe xchiʼuk ti xichʼ labanele.* Skotol li buchʼutik te ch-echʼike chchʼay xchʼulelik ta xiʼel kʼalal chilike xchiʼuk tslabanik ta skoj li svokoltake.+ 9 Chkakʼ ti stiʼik li skerem stsebike xchiʼuk ti stiʼ xchiʼiltakik ta jujuntale, ta skoj ti chichʼik joyobtaele xchiʼuk ti mu xa snaʼ kʼusi tspasik kʼalal mi laj yichʼik setuel yuʼun li yajkontraike xchiʼuk li buchʼutik tskʼan chmilatike»›.+
10 »Vaʼun, vokʼo li lumal pʼin ta yeloval sat li viniketik ti te xchiʼukot batele 11 xchiʼuk xi xavalbe yaʼiike: ‹Xi chal li Jeovae: «Jech kʼuchaʼal mi oy buchʼu la slilin ta vokʼel jpʼejuk lumal pʼin ti mu xa stakʼ meltsanele, jaʼ jech ta jlilin li jteklum xchiʼuk li lum liʼe; te ta smukik li animaetik ta Tofete, jaʼ to mi muʼyuk xa bu xokol kom jutebuke»›.+
12 »Xi chal li Jeovae: ‹Taje jaʼ jech ta jpasbe li jteklume xchiʼuk li jnaklejetik yuʼun sventa jechuk xkom kʼuchaʼal li Tofete. 13 Li naetik ta Jerusalene xchiʼuk li snaik ajvaliletik ta Judae ibal sba* chkom jech kʼuchaʼal li Tofete,+ yuʼun jaʼ te laj yakʼik ta jol naetik li milbil matanal sventa skotol li soltaroetik ta vinajele+ xchiʼuk te la smalbeik matanal vino li yan diosetike›».+
14 Kʼalal lokʼ talel ta Tofet li Jeremias ti bu takat batel yuʼun Jeova sventa xal li kʼusi chkʼot ta pasele, te vaʼi ta yamakʼil* sna Jeova xchiʼuk xi laj yalbe sjunul li jteklume: 15 «Xi chal li Jeova ti jaʼ bankilal yuʼun soltaroetike, li Dios yuʼun Israele: ‹Kʼelavil, li ta lum liʼe xchiʼuk ta skotol li jteklumetik yuʼune chkakʼ talel skotol li vokolil ti kaloj xa onoʼox chkakʼbee, yuʼun ta skoj ti pimik ta mantale,* muʼyuk la xchʼunik li kʼusi chkale›».+
20 Li pale Pasjur ti jaʼ xnichʼon Imere xchiʼuk ti jaʼ bankilal j-abtel xtok li ta sna Jeovae te xchikintaoj li kʼusitik laj yal Jeremias ti chkʼot ta pasele. 2 Vaʼun, li Pasjure la smaj li j-alkʼop Jeremiase xchiʼuk la stikʼ ta latsʼob teʼ*+ ti te oy ta ochebal ti Benjamin sbie, ti te oy ta sna Jeovae. 3 Pe li ta yokʼomale, kʼalal lokʼesat yuʼun Pasjur ta latsʼob teʼ li Jeremiase, li Jeremiase xi laj yalbee:
«Li Jeovae maʼuk xa Pasjur abi yuʼun, jaʼ xa Magormisabib.*+ 4 Yuʼun xi chalbot li Jeovae: ‹Chanikik kuʼun ta xiʼel xchiʼuk li avamigotake, te akʼeloj chmilatik ta espada yuʼun yajkontratakik;+ chkakʼ ta skʼob ajvalil ta Babilonia sjunul li Judae, vaʼun li ajvalile chikʼ batel ta Babilonia xchiʼuk tsmil ta espada.+ 5 Chkakʼbe ta skʼob yajkontraik skotol skʼulejal li jteklum liʼe,+ skotol li kʼusi oy yuʼune, skotol li kʼusitik ep sbalil yuʼune xchiʼuk skotol li skʼulejal ajvaliletik ta Judae. Chichʼik pojbel li kʼusitik oy yuʼunike, ch-uʼuninbatik xchiʼuk ch-ichʼbatik batel ta Babilonia.+ 6 Yan li voʼote, Pasjur, chavichʼ chukel batel xchiʼuk skotol li buchʼutik te nakalik ta anae. Chabatik ta Babilonia, vaʼun te chacham xchiʼuk te chavichʼ mukel xchiʼuk skotol li avamigotake, yuʼun naka jutbil* li kʼusitik laj avalbe yaʼiik ti chkʼot ta pasele›».+
7 Kajval Jeova, laj alo’laun, laj kak’ jba ta lo’lael ek.
Laj avakʼ ta ilel ti voʼot toj echʼem ajuʼele, la atsalun.+
Skotol kʼakʼal chkichʼ labanel;
skotolik chakʼikun ta kʼexlal.+
8 Kʼalal chkal batel li akʼope, skʼan xi-avan xchiʼuk skʼan tsots xkal batel:
«¡Chtal jsaʼkʼop xchiʼuk jlajesvanej!».
Kʼalal chkal batel li skʼop Jeovae, jaʼ chkichʼ-o chopol kʼoptael xchiʼuk labanel skotol kʼakʼal.+
Pe li ta yut koʼontone xkoʼolaj kʼuchaʼal kʼokʼ ti xtiltune* xchiʼuk xkoʼolaj kʼuchaʼal kʼokʼ ti xtiltun ta jbakile,
mu xa stsʼik laj kaʼi
xchiʼuk mu xa xkuch laj kaʼi.+
10 Yuʼun laj kaʼi ti chchopol loʼiltavanik tajeke,+
vaʼun lixiʼ tajek, xi laj yalike:
«¡Tikʼbeik smul, bat jtikʼbetik smul!».
Skotol li buchʼutik chalbeikun ti junuk noʼox koʼontone te smalaojik ti xiyal ta lume,+ xi laj yalike:
«Xuʼ van xloʼlaj kuʼuntik
sventa stsal kuʼuntik xchiʼuk ti jpakbetik sutele».
11 Pe li Jeovae te la xchiʼinun kʼuchaʼal jun tsatsal jpaskʼop.+
Jaʼ yuʼun, li buchʼutik tsnutsikune tsmak* yakanik xchiʼuk muʼyuk chkuch yuʼunik.+
Solel chichʼik akʼel ta kʼexlal, yuʼun muʼyuk chkʼot ta pasel li kʼusi snopoj tspasike.
Muʼyuk chichʼ chʼayel ta jolil ti laj yichʼik akʼel ta kʼexlal ta sbatel osile.+
12 Pe li voʼote, Kajval Jeova ti bankilalot yuʼun soltaroetike,* chachaj ta kʼelel li buchʼu tukʼe;
avilojbe yoʼonton li krixchanoe xchiʼuk li kʼusi oy ta yutil to snopbene.*+
Akʼbun kil ti kʼu yelan chapakbe sutel li kajkontratake,+
yuʼun kakʼoj xa ta akʼob sventa voʼot xapakbun jkʼoplal.+
13 ¡Kʼejintaik li Jeovae! ¡Kʼupil kʼoptaik li Jeovae!
Yuʼun la spoj lokʼel ta skʼob jpaschoplejaletik li buchʼutik abol sbaike.
14 ¡Akʼo yichʼ chopol kʼoptael ti kʼusi kʼakʼalil livokʼe!
¡Akʼo mu xichʼ kʼupil kʼoptael ti kʼusi kʼakʼalil livokʼ yuʼun jmeʼe!+
15 Akʼo yichʼ chopol kʼoptael li vinik ti ay yalbe jun lekil aʼyej li jtote, ti xi laj yalbee:
«¡Vokʼ xa jun anichʼon, jaʼ jun kerem!».
Vaʼun, muyubaj-o tajek yuʼun li jtote.
16 Li vinik taje jaʼuk jech xkʼot kʼuchaʼal li jteklumetik ti muʼyuk chopol laj yaʼi Jeova kʼalal la sjinese.
Akʼo kʼotuk ta xchikin ti oy buchʼu x-avet ta sob ta skoj svokole xchiʼuk ti oy buchʼu x-avet ta paskʼop ta oʼlol kʼakʼale.
17 ¿Kʼu yuʼun muʼyuk la smilun kʼalal te oyun ta yalajeb jmeʼ
sventa jaʼuk xkʼot ta jmukinale
xchiʼuk ti teuk-o tikʼilun li ta yalajebe?+
18 ¿Kʼu yuʼun ti lilokʼ talel ta yalajeb jmeʼ
ti jaʼ noʼox chkil vokolil xchiʼuk at-oʼontone
xchiʼuk ti ta kʼexlal tstsuts ti kʼu sjalil kuxulune?+
21 Li Jeremiase jaʼo kʼoponat tal yuʼun Jeova kʼalal tal kʼelatuk yuʼun Pasjur+ ti jaʼ xnichʼon Malkias xchiʼuk li pale Sofonias+ ti jaʼ xnichʼon Maaseyae, ti jaʼ takatik tal yuʼun li ajvalil Sedekias+ sventa xi skʼanbeik vokole: 2 «Avokoluk, kʼopono Jeova ta jtojolalkutik, yuʼun li Nabukodonosor* ti jaʼ ajvalil ta Babiloniae yakal tstsakunkutik ta kʼop.+ Yikʼaluk van xakʼ ta ilel ta jtojolalkutik Jeova li kʼusi labalik sba tspase, yoʼ xlokʼ batel ta jtojolalkutik li ajvalile».+
3 Xi la stakʼ li Jeremiase: «Xi skʼan xavalbeik li Sedekiase: 4 ‹Xi chal li Jeova ti jaʼ Dios yuʼun Israele: «Kʼelavilik, ta joypʼin tal ta aba atukik li abtejebaletik ta paskʼop ti te atsakojike, ti jaʼ chatsakik-o ta kʼop li ajvalil ta Babilonia+ xchiʼuk li jkaldeaetik ti te oyik ta spat muro ti sjoyobtaojoxuke. Liʼ ta jtsob ta oʼlol jteklume. 5 Voʼon ta jtsakoxuk ta kʼop+ ta jkʼob ti tsotse xchiʼuk ti oy sjuʼele, ta skʼakʼal koʼonton, ta skapemal jol xchiʼuk ta skoj ti ilinemun tajeke.+ 6 Ta jlajes li jnaklejetik ta jteklum liʼe, kʼalal ta krixchanoetik xchiʼuk ta chonbolometik. Ta xchamik ta tsatsal chamel»›.+
7 »‹Xi chal li Jeovae: «Ta tsʼakale, li Sedekias ti jaʼ ajvalil ta Judae xchiʼuk li yajtuneltake xchiʼuk li jnaklejetik ta jteklum liʼe, ti jaʼik li buchʼutik muʼyuk xchamik ta tsatsal chamel, ta espada xchiʼuk ta viʼnale, chkakʼik batel ta skʼob li Nabukodonosor* ti jaʼ ajvalil ta Babiloniae, chkakʼik ta skʼob li yajkontraike xchiʼuk chkakʼik ta skʼob li buchʼutik tskʼan chmilatike.+ Chmilatik ta espada yuʼun li ajvalile. Muʼyuk abol sba ch-ilatik, muʼyuk chopol chaʼi sba ta stojolalik xchiʼuk mi jaʼuk chkʼuxubinatik jsetʼuk»›.*+
8 »Xi skʼan xavalbe li jteklum liʼe: ‹Xi chal li Jeovae: «Chkakʼ atʼujik li sbelel kuxlejale xchiʼuk li sbelel lajelale. 9 Li buchʼutik liʼ chkomik ta jteklume ta xlajik ta espada, ta tsatsal viʼnal xchiʼuk ta tsatsal chamel. Pe buchʼuuk noʼox ti chlokʼ batel xchiʼuk ti chakʼ sba ta skʼob li jkaldeaetik ti setuvanemike jaʼ kuxul chkom, ta xpoj yuʼun li xkuxlejale»›.*+
10 »‹Xi chal li Jeovae: «Yuʼun kakʼoj talel jsat sventa xkakʼbe svokol li jteklum liʼe, maʼuk sventa slekilal.+ Ta xichʼ akʼel ta skʼob ajvalil ta Babilonia,+ vaʼun li ajvalile ta xchikʼ ta kʼokʼ li jteklume».+
11 »›Xi skʼan xavalbe li yutsʼ yalal ajvalil ta Judae: chikintaik li kʼusi chal Jeovae. 12 Snitilulal ajvalil David, xi chalbot li Jeovae:
«Pakbeik skʼoplal jujun sob li kʼusi tukʼe
xchiʼuk pojik lokʼel ta skʼob jloʼlavanej li buchʼu lajem ta j-elekʼe,+
sventa mu stsan kʼuchaʼal kʼokʼ li skapemal jole+
xchiʼuk ti xtil tajek ti muʼyuk xa buchʼu xtupʼ yuʼune,
ta skoj li kʼusitik chopol chapasike»›.+
13 Xi chal li Jeovae: ‹Jnaklejetik ta stenlejaltik,
krixchanoetik ti nakaloxuk li ta jteklum ti kajal ta sba tone, ta xkakʼboxuk kastigo.
Voʼoxuk ti xi chavalike: «¿Buchʼu chtal stsakutik ta kʼop?
¿Buchʼu xuʼ yuʼun ch-och tal ta persa ti bu nakalutike?»›.
14 Xi chal li Jeovae: ‹Chkakʼboxuk kastigo
ta skoj ti kʼusitik chapasike.+
Ta jtsanbe skʼakʼal li teʼtikaltik avuʼune,
vaʼun ta xkʼakʼ yuʼun skotol li kʼusitik oy ta apat axokone›».+
22 Xi chal li Jeovae: «Yalan batel ta sna* li ajvalil ta Judae xchiʼuk bat albo li aʼyej liʼe. 2 Xi skʼan xavalbee: ‹Chikintao li kʼusi chal Jeovae, voʼot li ajvalilot ta Juda ti te chotolot li ta xchotleb ajvalil Davide, chikintao xchiʼuk avajtuneltak xchiʼuk ateklumal, skotol li buchʼutik ch-ochik li ta ochebaletik liʼe. 3 Xi chal li Jeovae: «Pasik li kʼusi chal mantale xchiʼuk pakbeik skʼoplal li kʼusi tukʼe. Pojik lokʼel ta skʼob jloʼlavanej li buchʼu lajem ta j-elekʼe. Mu xavilbajinik mi junuk jyanlum xchiʼuk mu kʼusi chopol xapasbeik mi junuk olol ti chamem stote* xchiʼuk mi jaʼuk li ants ti chamem smalale.+ Mu xamalbeik xchʼichʼel liʼ ta jteklum li buchʼu muʼyuk smule.+ 4 Yuʼun mi la achʼunik lek li kʼusi laj kalboxuke, li ajvaliletik ti chchotiik li ta xchotleb ajvalil Davide+ kajajtik ta kaʼ xchiʼuk ta kareta ch-ochik ta stiʼtak li na liʼe, koʼol ch-ochik xchiʼuk li yajtuneltake xchiʼuk li steklumale»›.+
5 »Xi chal li Jeovae: ‹Pe mi muʼyuk la achʼunik li kʼusi laj kalboxuke, jamal chkal ta jbi jtuk ti chichʼ lajesel li na liʼe›.+
6 »Yuʼun xi chal Jeova ta sventa li sna ajvalil ta Judae:
‹Xakoʼolaj chkil kʼuchaʼal Galaad,
xakoʼolaj kʼuchaʼal li sjol vits Libanoe.
Pe chakʼot kuʼun kʼuchaʼal takixokol balumil,
mi junuk xa jnaklejetik chkom li ta jteklumetik avuʼune.+
7 Ta jvaʼan jmilvanejetik sventa slajesik akʼoplal,
ta jujuntal chichʼ talel yabtejebik.+
Ta xtuchʼik li sedro teʼetik avuʼun ti mas kʼupilik sbae
xchiʼuk ta xchikʼik ta kʼokʼ.+
8 »›Yepal mukʼtik lumetik liʼ ch-echʼik ta xokon li jteklume xchiʼuk xi chalbe sbaik ta jujuntale: «¿Kʼu yuʼun jech la spasbe Jeova li mukʼta lum liʼe?».+ 9 Vaʼun, xi tstakʼbe sbaike: «Yuʼun laj yiktaik komel li trato la spasik xchiʼuk Jeova ti jaʼ Sdiosike, la snijan sbaik ta stojolal yan diosetik xchiʼuk tunik ta stojolal»›.+
10 Mu xa-okʼik ta stojolal li animae
xchiʼuk mu xkʼuxubaj ta avoʼontonik.
Jaʼ milo abaik ta okʼel ta stojolal li buchʼu chichʼ chukel batele,
yuʼun muʼyuk xa tsut-o tal sventa tskʼel li jteklum ti bu ayane.
11 »Yuʼun xi chal Jeova ta stojolal Salum*+ ti jaʼ xnichʼon Josiase+ xchiʼuk ti jaʼ ajvalil ta Juda ti jaʼ ochem ta xkʼexol li stote xchiʼuk ti chukbil xa batele: ‹Muʼyuk xa tsut-o talel. 12 Yuʼun te chcham ti bu chukbil batele, muʼyuk xa chil yan velta li jteklum liʼe›.+
13 ¡Abol sba li buchʼu chopol kʼusi tspas sventa tsvaʼan snae
xchiʼuk ti muʼyuk tukʼ kʼusitik tspas kʼalal tspasbe li skuartoaltak ta akʼole,
ti ta moton chakʼ abtejuk li xchiʼiltake,
ti mu skʼan stojbe li skʼakʼalike!+
14 Abol sba li buchʼu xi chale: ‹Ta jvaʼan jpʼejuk jna ti lek mukʼe
xchiʼuk lek mukʼtik ta jpasbe li skuartoaltak ta akʼole.
Oy sventanailtak ta jpas,
ta jpakʼbe lek sedro teʼ xchiʼuk ta jbon lek ta tsoj›.
15 ¿Mi jaʼ jal cha-ajvalilaj-o ta skoj ti voʼot mas ep la atunes li sedro teʼ ti jaʼ mu sta li yantike?
Li atot eke veʼ xchiʼuk uchʼbolaj,
pe li stuke jaʼ la spas li kʼusi chal mantale xchiʼuk la spakbe skʼoplal li kʼusi tukʼe,+
vaʼun lek kʼusi kʼot ta stojolal.
16 La spakbe skʼoplal kʼalal chichʼ chapanel li buchʼu ilbajinbile xchiʼuk li buchʼu abol sbae,
sventa lekuk kʼusi xkʼot ta pasel.
‹¿Mi mu jaʼuk jech la spas ta skoj ti xojtikinune?›, xi li Jeovae.
17 ‹Yan li voʼote jaʼ noʼox te batem asat xchiʼuk avoʼonton ta loʼlavanej sventa xapas kanal takʼin,
ti chamalbe xchʼichʼel li buchʼu chʼabal smule,
ti cha-elkʼaj xchiʼuk ti chopol kʼu yelan chapas kanal takʼine›.
18 »Jaʼ yuʼun, xi chal Jeova ta stojolal li Jeoiakim+ ti jaʼ xnichʼon Josiase xchiʼuk ti jaʼ ajvalil ta Judae:
‹Muʼyuk xi ch-okʼik ta stojolale:
«¡Ay, kuni chiʼil ta vokʼel! ¡Ay, kuni chiʼil ta vokʼel!».
Muʼyuk xi ch-okʼik ta stojolale:
«¡Ay, kajval! ¡Ay, ajvalil kuʼun!».
19 Jaʼ jech chichʼ mukel jech kʼuchaʼal jkot vuro,+
li sbekʼtale chichʼ jochel batel xchiʼuk chichʼ jipel batel
ta spat li smuroal Jerusalene›.+
20 Muyan batel li ta Libanoe xchiʼuk avanan,
tsots xa-avan li ta Basane.
Te to xa-avan talel ta Abarim,+
yuʼun skotol li buchʼutik skʼanojikot tajeke laj xa yichʼ lajesel.+
21 La jkʼoponot kʼalal jun toʼox avoʼonton chavaʼi abae.
Pe xi laj avale: ‹Muʼyuk ta jchʼun›.+
Ta akeremal onoʼox jech nopem xavaʼi spasel tal,
yuʼun muʼyuk xachʼun li kʼusi laj kalbote.+
22 Chbekʼatik* batel ta ikʼ li jchabichijetik avuʼune+
xchiʼuk chichʼik chukel batel li buchʼutik skʼanojikot tajeke.
Vaʼun, chavichʼ kʼexlaltasel xchiʼuk labanel ta skoj li avokoltake.
23 Voʼot ti te nakalot ta Libanoe+
xchiʼuk ti te apasoj atas ta sedro teʼetike,+
¡solel xa-ijet* ta jyalel kʼalal mi vul ta atojolal li kʼusi kʼuxe,
ti xkoʼolaj kʼuchaʼal svokol* jun ants kʼalal yakal chvokʼ yole!».+
24 «Xi chal li Jeovae: ‹¡Konias*+ ti xnichʼonot Jeoiakime+ xchiʼuk ti ajvalilot ta Judae, jamal chkal ta skoj ti kuxulun ti akʼo mi jaʼukot jun aniyo ti oy seyoal ti xojolot ta jbatsʼikʼobe, ta onoʼox jipot lokʼel! 25 Chkakʼot ta skʼob li buchʼutik tskʼan tsmilikote, li buchʼutik chaxiʼ yuʼune, chkakʼot ta skʼob li Nabukodonosor* ti jaʼ ajvalil ta Babiloniae xchiʼuk ta stojolal li jkaldeaetike.+ 26 Li voʼot xchiʼuk ameʼe ta jipoxuk batel ta yan lum ti bu maʼuk te la-ayanike xchiʼuk te chachamik. 27 Muʼyuk xa chasutik-o talel li ta jteklum ti oy tajek ta avoʼontonike.+
28 Li Koniase, ¿mi xkoʼolaj kʼuchaʼal jpʼej vokʼem pʼin ti pʼajbile,
kʼuchaʼal mukʼta pʼin ti muʼyuk buchʼu skʼane?
¿Kʼu yuʼun laj yichʼik jipel yalel xchiʼuk snitilulal
xchiʼuk ti laj yichʼik jipel batel ta jun lum ti bu mu xojtikinike?›.+
29 Balumil,* balumil, balumil, chikintao li kʼusi chal Jeovae.
30 Xi chal li Jeovae:
‹Muʼyukuk xnichʼnab xatsʼibabeik sbi li vinik liʼe,
jech kʼuchaʼal jun vinik ti muʼyuk kʼusi lek chkʼot ta stojolal ti kʼu sjalil* kuxule,
yuʼun mi junuk snitilulal
chlik chotiuk li ta xchotleb ajvalil Davide xchiʼuk mi junuk snitilulal ch-ajvalilaj yan velta li ta Judae›».+
23 Xi chal li Jeovae: «¡Abol sba li jchabichijetik ti tslajesbeik skʼoplal xchiʼuk ti tanpuk chbat yuʼunik li chijetik ti te oy ta kosile!».+
2 Jaʼ yuʼun, li Jeova ti jaʼ Dios yuʼun Israele xi chalbe li jchabichijetik ti yakal chchabibeik li steklumale: «Li voʼoxuke tanpuk bat avuʼunik li jchijtake; la asibtasik batel xchiʼuk muʼyuk la achabiik lek».
Xi chal li Jeovae: «Jaʼ yuʼun, chkakʼ talel jsat ta atojolalik ta skoj li kʼusitik chopol chapasike».+
3 «Vaʼun, ta jtsob sutel tal li skomenal* jchijtak ti tanpuk batemik kuʼun ta skotol jteklumetike,+ ta jtsob sutel tal li ta yosilalike,+ ta x-epajik xchiʼuk ta xpʼolik.+ 4 Ta jvaʼan jchabichijetik yuʼunik sventa xchabiatik ta melel.+ Muʼyuk xa ta xiʼik, muʼyuk xa ta xnikik ta xiʼel xchiʼuk mi jkotuk ta xchʼay», xi li Jeovae.
5 Xi chal li Jeovae: «¡Kʼelavilik!, chkʼot skʼakʼalil ti chkakʼ lokʼuk tal ta stojolal David jun skʼelom* ti lek tukʼe.+ Li ta jteklume* chlik ventainvanuk jun ajvalil+ ti chakʼ ta ilel spʼijile, ti tspas li kʼusi tukʼe xchiʼuk ti tspas li kʼusi chal mantale.+ 6 Li vaʼ kʼakʼale, chichʼ pojel li Judae+ xchiʼuk jun noʼox yoʼonton chnaki li Israele.+ Xchiʼuk xi chichʼ biiltasele: Jaʼ Tukʼilal Kuʼuntik li Jeovae».+
7 Xi chal li Jeovae: «Pe chkʼot skʼakʼalil ti muʼyuk xa xi chalike: ‹¡Jamal chkal ta skoj kuxul Jeova ti jaʼ li buchʼu la slokʼes tal ta yosilal Ejipto li jteklum Israele!›,+ 8 yuʼun xi xa chalike: ‹¡Jamal chkal ta skoj kuxul Jeova ti jaʼ li buchʼu la slokʼes tal xchiʼuk laj yikʼ tal li snitilulal Israel li ta yosilal nortee xchiʼuk ta skotol li jteklumetik ti bu toʼox spukoj batele!›, xchiʼuk te chnaki ta yosilal stukik».+
9 Xi chkalbe li j-alkʼopetike:
solel lilijem li koʼontone.
Solel chnik skotol li jbakiltake.
Xikoʼolaj kʼuchaʼal jun vinik ti chyakube,
kʼuchaʼal jun vinik ti chʼayem xa sjol ta vinoe,
jaʼ ta skoj li Jeovae xchiʼuk jaʼ ta skoj li xchʼul kʼope.
10 Yuʼun noj ta jmukulsativanejetik li jteklume,+
li jteklume solel chat yoʼonton ta skoj ti chopol kʼoptabile+
Chopol li kʼusitik tspasike xchiʼuk muʼyuk lek tstunes li sjuʼelike.
11 Xi chal li Jeovae: «Li j-alkʼope xchiʼuk li palee yikʼubtasoj xa sbaik.*+
Yuʼun kʼalal to ta jna te spasojik li kʼusi toj chopole».+
12 Xi chal li Jeovae: «Jaʼ yuʼun, chʼulul xchiʼuk ikʼpulan chkom li sbeike;+
ta xichʼik takoltael,* vaʼun chyalik ta lum.
Yuʼun chkakʼ talel vokolil ta stojolalik
li ta sjabilal kʼalal chichʼik akʼbel kastigoe.
13 Kiloj ti oy kʼusi toj chopol tspasik li j-alkʼopetik ta Samariae.+
Chalik albil kʼopetik ta sbi Baal
xchiʼuk tskʼejpʼunik* lokʼel ta be li jteklumal Israele.
14 Kiloj ti oy kʼusi toj echʼ xa noʼox chopol tspasik li j-alkʼopetik ta Jerusalene.
Chmukul sativanik xchiʼuk chloʼlavanik;+
tstijbeik yoʼonton ta spasel kʼusi chopol li jpaschoplejaletike;+
mu xiktaik spasel li kʼusi toj chopole.
Skotolik xkoʼolajik chkil kʼuchaʼal li Sodomae+
xchiʼuk li jnaklejetik tee xkoʼolajik kʼuchaʼal li Gomorrae».+
15 Jaʼ yuʼun, li Jeova ti jaʼ bankilal yuʼun soltaroetike* xi chal ta stojolal li j-alkʼopetike:
«Chkakʼbe slajesik chʼail tsʼiʼlel
xchiʼuk chkakʼbe yuchʼik voʼ ti oy svenenoale.+
Yuʼun li j-alkʼopetik ta Jerusalene jaʼ la spukik batel ta sjunul jteklum li jecheʼ chanubtasele».
16 Xi chal li Jeova ti jaʼ bankilal yuʼun soltaroetike:
«Mu xachikintaik li kʼusi chal j-alkʼopetik ti chkʼot ta pasele.+
Yuʼun tsloʼlaoxuk.*
17 Ep ta velta xi chalbeik li buchʼutik mu xichʼikun ta mukʼe:
‹Xi yaloj li Jeovae: «Chakʼupinik jun oʼontonal»›.+
Xchiʼuk xi chalbeik li buchʼutik pimik ta mantal ti jaʼ noʼox tspasik li kʼusi tskʼan yoʼontonike:
‹Muʼyuk chvul ta atojolalik mi jtosuk vokolil›.+
18 Yuʼun ¿buchʼu te tsakal skʼoplal li ta slekil amigotak Jeova
sventa xil xchiʼuk xaʼibe li skʼope?
¿Buchʼu yaʼioj xchiʼuk stsʼet chikintaojbe li skʼope?
19 ¡Kʼelavilik! Li skapemal sjol Jeovae xkoʼolaj kʼuchaʼal tsatsal ikʼ ti xjumet chtale;
xkoʼolaj kʼuchaʼal tsatsal ikʼaloʼ ti sututet chvul ta sjol li buchʼutik toj chopolike.+
20 Li skʼakʼal yoʼonton Jeovae muʼyuk chpaj
jaʼ to mi la spas xchiʼuk mi kʼot ta pasel yuʼun li kʼusi oy ta yoʼontone.
Taje jaʼ to chavaʼibeik lek smelolal li ta slajebaltik batel kʼakʼale.
21 Akʼo mi muʼyuk la jtak batel li j-alkʼopetike, bat stukik ta anil.
Akʼo mi muʼyuk la jkʼoponik, lik yalik albil kʼopetik.+
22 Pe ti teuk ay vaʼiikuk ti bu oyik li kamigotake,
laj yakʼbe yaʼiik jechuk jkʼop li jteklumale,
laj yikʼik sutel tal jechuk li ta xchopol beike xchiʼuk la skoltaik jechuk sventa xiktaik spasel li kʼusi chopole».+
23 Xi chal li Jeovae: «¿Mi jaʼ noʼox van Diosun kʼalal nopol oyune, mi mu jaʼuk Diosun xtok kʼalal nom oyune?».
24 Xi chal li Jeovae: «¿Mi oy van bu xuʼ snakʼ* sba li jun krixchano ti bu mu jta ta ilele?».+
Xi chal li Jeovae: «¿Mi mu xkiluk skotol li kʼusi oy ta vinajel xchiʼuk ta balumile?+
25 »Kaʼioj ti chalik jecheʼ albil kʼopetik ta jbi li j-alkʼopetike, xi chalike: ‹¡Oy kʼusi la jvaychinta! ¡Oy kʼusi la jvaychinta!›.+ 26 ¿Bakʼin to van jech-o chalik jutbil kʼopetik* ta yoʼontonik li j-alkʼopetike? Jaʼik j-alkʼopetik ti chalik li loʼlavanej oy ta yoʼontonike.+ 27 Li kʼusi oy ta yoʼontonik li j-alkʼopetik ti chalbe sbaik ta jujuntal xvayichike jaʼ ti xchʼay ta sjolik jbi li jteklumale, jech kʼuchaʼal la xchʼay ta sjolik jbi ta skoj Baal li stotike.+ 28 Li j-alkʼop ti oy kʼusi la xvaychintae jaʼ akʼo yal li xvayiche, pe li buchʼu te oy ta stojolal li jkʼope jaʼ akʼo yal ta jamal li jkʼope».
«¿Kʼusi xkoʼolajik-o li jobel xchiʼuk li sat tsʼunobile?», xi li Jeovae.
29 Xi chal li Jeovae: «¿Mi mu xkoʼolajuk kʼuchaʼal kʼokʼ li jkʼope+ xchiʼuk mi mu xkoʼolajuk kʼuchaʼal martiyo ti tsvokʼ li mukʼta tone?».+
30 Xi chal li Jeovae: «Jaʼ yuʼun, ta jkontrain li j-alkʼopetik ti tspojbe sbaik ta jujuntal li jkʼope».+
31 Xi chal li Jeovae: «Ta jkontrain li j-alkʼopetik ti xi chal li kʼusi tsnop stukike: ‹¡Xi chal li Diose!›».+
32 Xi chal li Jeovae: «Ta jkontrain li j-alkʼopetik ti jecheʼ kʼusi chvaychintaike, ti chalbeik li jteklumale xchiʼuk ti tskʼejpʼunik* batel ta be ta skoj li kʼusitik jecheʼ chalike xchiʼuk ti xtoyet xa chkʼopojike».+
Xi to chal li Jeovae: «Pe muʼyuk la jtakik batel xchiʼuk muʼyuk laj kalbeik mantal. Jaʼ yuʼun, muʼyuk tstabeik sbalil li jteklum liʼe».+
33 «Mi oy junuk krixchano ta jteklum, mi oy junuk j-alkʼop o mi oy junuk pale ti xi tsjakʼbote: ‹¿Kʼusi jaʼ li yikats* Jeovae?›, xi skʼan xatakʼbee: ‹«¡Voʼoxuk li ikatsiloxuke! Xchiʼuk ta jipoxuk batel»,+ xi li Jeovae›. 34 Pe mi oy junuk j-alkʼop o mi oy junuk pale o mi oy junuk krixchano ta jteklum ti xi chale: ‹¡Liʼe jaʼ li yikats* Jeovae!›, chkakʼbe kastigo li krixchano taje xchiʼuk li yutsʼ yalale. 35 Ta jujuntal xi chajakʼbe li achiʼilik xchiʼuk li avutsʼ avalalike: ‹¿Kʼusi stakʼoj talel li Jeovae? ¿Kʼusi yaloj li Jeovae?›. 36 Pe mu xa xavalbeik skʼoplal li yikats* Jeovae, yuʼun jaʼ kʼotem ta ikatsil* li kʼusi chavalik ta jujuntale xchiʼuk laj xa ajelik li kʼusitik chal kuxul Diose, li Jeova ti jaʼ bankilal yuʼun soltaroetik ti jaʼ Jdiostike.
37 »Xi xajakʼbe li j-alkʼope: ‹¿Kʼusi stakʼojbot talel li Jeovae? ¿Kʼusi yalojbot li Jeovae? 38 Mi xi chavalilanik-oe: «¡Li yikats* Jeovae!» mi xachiike, xi chalboxuk li Jeovae: «Ta skoj ti xi chavalike: ‹Li smantal Jeovae jaʼ jun ikatsil›,* akʼo mi xi xa onoʼox kalojboxuke: ‹Mu xiuk xavalike: «¡Li yikats* Jeovae!»›, 39 jech oxal ta jtoyoxuk likel xchiʼuk nom ta jipoxuk lokʼel li ta kelovale, jech ta jpasboxuk xchiʼuk jech ta jpasbe li osil ti laj kakʼboxuk xchiʼuk ti laj kakʼbe li amoltotakike. 40 Chkakʼ ti xakʼexavik ta sbatel osile xchiʼuk ti xavichʼik labanel ta sbatel osile, ti mu jaʼuk xchʼay ta jolile»›».+
24 Li Nabukodonosor* ti jaʼ ajvalil ta Babiloniae la xchuk batel li Jekonias*+ ti jaʼ xnichʼon Jeoiakim+ xchiʼuk ti jaʼ ajvalil ta Judae, laj yikʼ batel xtok li bankilaletik ta Judae, li buchʼutik xtojobik spasel kʼusitike xchiʼuk li buchʼutik chabtelanik takʼine.* Lokʼesatik batel ta Jerusalen sventa x-ikʼatik batel ta Babilonia.+ Laj une, li Jeovae laj yakʼbun kil chib moch igo ti te lechajtik ta yeloval stemplo Jeovae. 2 Li ta jun moche te oy lekil igoetik, xkoʼolaj kʼuchaʼal li sba sat igoe, pe li ta yan moche te oy chopol igoetik, mu xa stakʼ loʼel ta skoj ti toj chopolike.
3 Vaʼun, xi la sjakʼbun li Jeovae: «¿Kʼusi te chavil, Jeremias?». Xi la jtakʼbee: «Te chkil igoetik; li lekil igoetike toj echʼ xa noʼox lekik, pe li chopol igoetike toj echʼ xa noʼox chopolik, mu xa stakʼ loʼel ta skoj ti toj chopolike».+
4 Vaʼun, la skʼoponun tal li Jeovae, xi laj yalbune: 5 «Xi chal li Jeovae, li Dios yuʼun Israele: ‹Jech kʼuchaʼal li lekil igoe jaʼ jech lek chkil li jnaklejetik ta Juda ti chukbilik batele, ti la jlokʼesik batel sventa jtakik batel li ta yosilal jkaldeaetike. 6 Chkakʼ batel jsat ta stojolalik sventa lekuk oyik xchiʼuk chkakʼ sutikuk tal li ta lum liʼe.+ Ta jvaʼanik, pe muʼyuk ta jinesik; ta jtsʼunik, pe muʼyuk ta jbulik lokʼel.+ 7 Ta jtijbe yoʼontonik sventa xojtikinikun ti voʼon Jeovaune.+ Vaʼun, chkʼotik ta jteklumal xchiʼuk voʼon chikʼot ta Sdiosik,+ yuʼun ta sjunul yoʼonton tsutik talel ta jtojolal.+
8 »›Pe xi chal Jeova ta sventa li chopol igoetik ti mu xa stakʼ loʼel+ ta skoj ti toj chopolike: «Jaʼ jech ta xkil li Sedekias+ ti jaʼ ajvalil ta Judae, li bankilaletik yuʼune, li buchʼutik kuxul komik ta Jerusalen ti te komik ta Judae xchiʼuk ti te batik ta Ejiptoe.+ 9 Toj echʼ xa noʼox chopol li vokolil chkakʼ tal ta stojolalike. Kʼalal ta xilik li krixchanoetik ta skotol jteklumetik ta balumile,+ ta xiʼik ta skoj li kʼusi chkʼot ta stojolalike, ta xchopol kʼoptaik, jaʼ skʼelobil chkʼotik ti chopol skʼoplalike, ta xichʼik labanel xchiʼuk ta xichʼik chopol kʼoptael+ ti butik ta jpukik batele.+ 10 Ta xkakʼ ti xlajik ta espadae,+ ta tsatsal viʼnal xchiʼuk ta tsatsal chamel,+ jaʼ to mi tupʼ skʼoplalik li ta balumil ti laj kakʼbeike xchiʼuk ti laj kakʼbeik li smoltotakike»›».
25 Li Jeremiase oy kʼusi albat yuʼun Dios ti chkʼot ta pasel ta sjunul li jteklum Judae. Taje jaʼo kʼalal xchanibal xa ox jabil yochel ta ajvalil ta Juda li Jeoiakim+ ti jaʼ xnichʼon Josiase, ti jun toʼox jabil yochel ta ajvalil ta Babilonia li Nabukodonosore.* 2 Li j-alkʼop Jeremiase oy kʼusi laj yal ta stojolal* sjunul li jteklum Judae xchiʼuk skotol li jnaklejetik ta Jerusalene, xi laj yale:
3 «Kʼalal 13 jabil xa ox yochel ta ajvalil ta Juda li Josias+ ti jaʼ xnichʼon Amone, jaʼo te lik skʼoponun tal li Jeovae, oy xa ta 23 jabil ti tskʼoponun tale. Ep ta velta laj kalboxuk li kʼusi chale,* pe muʼyuk la atsʼet chikintaik.+ 4 Li Jeovae la stakboxuk talel skotol li yaj-alkʼoptak ti jaʼ yajtuneltake, ep ta velta jech la spas,* pe muʼyuk laj avaʼiik xchiʼuk muʼyuk la atsʼet chikintaik.+ 5 Xi laj yalike: ‹Avokolikuk, sutanik tal, iktaik li achopol beike xchiʼuk iktaik li kʼusi chopol chapasike,+ vaʼun jal chakuxiik li ta balumil ti voʼne xa laj yakʼboxuk Jeovae xchiʼuk ti laj yakʼbe li amoltotakike. 6 Mu xatsʼakliik yan diosetik, mu xatunik ta stojolalik xchiʼuk mu xanijan abaik ta stojolalik, mu xasokesbeikun jol ta skoj li yabtel akʼobike; yuʼun mi jech chapasike, chkakʼ talel avokolik›.
7 »Xi chal li Jeovae: ‹Pe muʼyuk la achikintaik li kʼusi chkale. Yuʼun jaʼ noʼox la asokesbeikun jol ta skoj li yabtel akʼobik ti jaʼ la ata-o avokolike›.+
8 »Jaʼ yuʼun, xi chal li Jeova ti jaʼ bankilal yuʼun soltaroetike:* ‹«Ta skoj ti muʼyuk la achʼunik li kʼusi chkale, 9 ta jtak tal skotol li jteklumetik ti te oyik ta nortee+ xchiʼuk ta jtak talel li kajtunel Nabukodonosor*+ ti jaʼ ajvalil ta Babiloniae, ta xkikʼ tal sventa skontrainik li jteklum Judae+ xchiʼuk li jnaklejetik tee xchiʼuk skotol li mukʼtik lumetik ti te oy ta spat xokone.+ Chkakʼ ti xichʼik lajesel ta j-echʼele, chkakʼ ti xibaluk sba xkomike, ti xichʼik labanele* xchiʼuk chkakʼ ti jinemuk xkomik ta sbatel osile›, xi li Jeovae. 10 ‹Ta jlajesbe skʼoplal li kuxetel oʼontonal xchiʼuk li muyubajel chaʼiike,+ li yechʼomal ye jnupunel kereme xchiʼuk li yechʼomal ye jnupunel tsebe,+ li xojobal kantile xchiʼuk ti kʼu yelan chbakʼ li molinoe.* 11 Sjunul li jteklum Judae chichʼ lajesel ta j-echʼel xchiʼuk xibal sba chkom, li mukʼtik lumetik ti te oy ta spat xokone ta xtunik 70 jabil ta stojolal li ajvalil ta Babiloniae»›.+
12 »Xi chal li Jeovae: ‹Kʼalal mi tsʼaki li 70 jabile,+ chkakʼbe kastigo ta skoj smul li ajvalil ta Babiloniae+ xchiʼuk chkakʼbe kastigo ta skoj smul li slumale xchiʼuk xokol chkom kuʼun ta sbatel osil li yosilal jkaldeaetike.+ 13 Chkʼot ta pasel kuʼun skotol li kʼusi kaloj ta stojolal li jteklum taje, skotol li kʼusi liʼ tsʼibabil ta livroe, jaʼ li kʼusi laj yal Jeremias ti chkʼot ta stojolal skotol li mukʼtik lumetike. 14 Yuʼun chkʼotik ta smoso+ epal mukʼta lumetik+ xchiʼuk mukʼta ajvaliletik, vaʼun li mukʼta lumetike chkakʼbe stojik ta skoj li kʼusi la spasike xchiʼuk ta skoj li yabtel skʼobike›».+
15 Yuʼun xi laj yalbun li Jeova ti jaʼ Dios yuʼun Israele: «Ilo, tsako li skopail vino ti noj ta skʼakʼal koʼontone, vaʼun akʼbo yuchʼ skotol li mukʼtik lumetik ti bu ta jtakot batele. 16 Ta xuchʼik, xtamlajet xa chkomik xchiʼuk chuvaj xa tspas sbaik ta skoj li paskʼop chkakʼ tal ta stojolalike».+
17 Jaʼ yuʼun, la jtsak li kopa ti te stsakoj Jeovae xchiʼuk laj kakʼbe yuchʼ skotol li mukʼtik lumetik ti bu la stakun batel li Jeovae:+ 18 jaʼ baʼyel laj kakʼbe li Jerusalen xchiʼuk li jteklumetik ta Judae,+ li ajvaliletik yuʼune xchiʼuk li bankilaletik yuʼune. Taje jaʼ sventa xichʼik lajesel ta j-echʼel, sventa xibaluk sba xkomik, sventa xichʼik labanel* xchiʼuk sventa xichʼik chopol kʼoptael+ jech kʼuchaʼal kʼotem ta stojolalik avie. 19 Laje, laj kakʼbe li faraon ti jaʼ ajvalil ta Ejiptoe, li yajtuneltake, li bankilaletik yuʼune, sjunul li steklumale+ 20 xchiʼuk skotol li jyanlumetik ti te nakalike; skotol li ajvaliletik ta yosilal Use; skotol li ajvaliletik ta yosilal jfilisteaetike,+ ta Askelon,+ ta Gasa, ta Ekron xchiʼuk li buchʼutik kuxul komik ta Asdode; 21 ta Edom,+ ta Moab+ xchiʼuk li j-ammonetike;+ 22 skotol li ajvaliletik ta Tiroe, skotol li ajvaliletik ta Sidone+ xchiʼuk li ajvaliletik ta lumetik ti joyol ta nabe; 23 ta Dedan,+ ta Tema, ta Bus xchiʼuk skotol li buchʼutik komkom setoj sjolik ta xokontak xchikinike;+ 24 skotol li ajvaliletik ta Arabiae+ xchiʼuk skotol li ajvaliletik yuʼun jyanlumetik ti te nakalik ta takixokol balumile; 25 skotol li ajvaliletik ta Simrie, skotol li ajvaliletik ta Elame+ xchiʼuk skotol li ajvaliletik yuʼun jmediaetike;+ 26 jech xtok, xkechet ch-echʼ batel ta skotol li ajvaliletik ta norte ti nom xchiʼuk nopol xil sbaike xchiʼuk skotol li yan ajvalilaletik* ta balumile; laj une chuchʼ li ajvalil ta Sesake.*+
27 «Xi skʼan xavalbe yaʼiike: ‹Xi chal li Jeova ti jaʼ bankilal yuʼun soltaroetike, li Dios yuʼun Israele: «Uchʼbolajanik, yakubanik, xenanik xchiʼuk j-echʼeluk xayalik-o ta lum ti mu xa xatotsik+ ta skoj ti chayayijik li ta espada ta jtak talele»›. 28 Mi mu skʼan xuchʼik li kopa te atsakoje, xi xavalbe yaʼiike: ‹Xi chal li Jeova ti jaʼ bankilal yuʼun soltaroetike: «¡Persa skʼan xavuchʼik! 29 Yuʼun mi baʼyel chkakʼbe talel vokolil li jteklum ti yichʼoj jbie,+ ¿mi voʼoxuk muʼyuk chavichʼik kastigo avalojik?»›.+
»‹Persa chavichʼik kastigo, yuʼun chkakʼ yayijikuk ta espada skotol li jnaklejetik ta balumile›, xi li Jeova ti jaʼ bankilal yuʼun soltaroetike.
30 »Xi skʼan xavalbe yaʼiik skotol li kʼusitik chkʼot ta pasele:
‹Li Jeovae te to ta toyol ch-avan talel,
te to ta xchʼul nakleb chakʼ talel ta aʼiel li yechʼomal yee.
Tsots ch-avan kʼuchaʼal jkot leon ti bu nakale.
Tsots lek tskʼejinta jun kʼejoj ta skoj ti la stsal skotol li jnaklejetik ta balumile,
x-avet noʼox kʼuchaʼal li buchʼu chpechʼ ta tekʼel uva ta yavile›.
31 Xi chal li Jeovae: ‹Oy kʼusi tsots tajek chbakʼ kʼalal to ta spajeb balumil,
yuʼun li Jeovae ta xchapan li mukʼtik lumetike.
Jaʼ ta xchapan stuk skotol li krixchanoetike.+
Jaʼ chakʼ ta milel ta espada li buchʼutik toj chopolike›.
32 Xi chal li Jeova ti jaʼ bankilal yuʼun soltaroetike:
‹¡Kʼelavilik!, oy jun vokolil ti xkechet tspuk sba batel ta jujun mukʼta lume+
xchiʼuk chlik tal jun tsatsal ikʼ ta namal balumil.+
33 ›»Li vaʼ kʼakʼale, ep tajek li buchʼutik chamem chkom yuʼun Jeova ta jujujot stiʼil balumile. Muʼyuk chichʼik okʼitael, muʼyuk ta xichʼik tsobel xchiʼuk mi jaʼuk chichʼik mukel. Ta xkʼotik kʼuchaʼal ikʼobal* ta sba balumil›.
34 Jchabichijetik, ¡avananik xchiʼuk ijetanik!*
Chijetik ti tsots akʼoplalike, ¡balalino abaik,
yuʼun kʼot xa yorail ti chavichʼik milel xchiʼuk ti tanpuk chabatike,
chayalik ta lum, vaʼun lilijem chakomik jech kʼuchaʼal jun vaso ti toyol stojole!
35 Li jchabichijetike muʼyuk bu xuʼ xjatavik batel
xchiʼuk li chijetik ti tsots skʼoplalike muʼyuk bu xuʼ xbat snakʼ* sbaik.
36 ¡Chikintaik! X-avetik li jchabichijetike
xchiʼuk x-ijetik* li chijetik ti tsots skʼoplalike,
yuʼun li Jeovae yakal chakʼbe slajeb ti bu chveʼ xchijike.
37 Ta skoj li skʼakʼal yoʼonton Jeovae,
solel mu kʼusi x-ayan kom ti bu jun toʼox yoʼonton nakalike.
38 Li Diose laj yikta komel xchʼen jech kʼuchaʼal jkot chʼiom leon,*+
yuʼun li yosilalike xibal sba kom
ta skoj li jmilvanej espadae
xchiʼuk ta skoj li skʼakʼal yoʼontone».
26 Kʼalal jaʼo lik ajvalilajuk ta Juda li Jeoiakim+ ti jaʼ xnichʼon Josiase, xi kʼoponat tal yuʼun Jeova li Jeremiase: 2 «Xi chal li Jeovae: ‹Te xbat avaʼan aba li ta yamakʼil* sna Jeovae, kʼopono skotol li krixchanoetik ta jteklumetik ta Juda ti ch-ochik ta sna Jeova sventa chichʼik ta mukʼe.* Albo yaʼiik skotol li kʼusi chkalbote, mu me kʼusi xamuk komel. 3 Yikʼaluk van xchikintaik xchiʼuk ti xiktaik ta jujuntal li xchopol beike, vaʼun ta jel* ti jnopoj ox chkakʼbe svokolik ta skoj li kʼusitik chopol tspasike.+ 4 Xi xavalbe yaʼiike: «Xi chal li Jeovae: ‹Mi muʼyuk la achikintaik xchiʼuk mi muʼyuk la achʼunik li mantal* laj kakʼboxuke, 5 mi muʼyuk la achikintabeik kʼusi chal li j-alkʼopetik ti jaʼ kajtuneltake, ti ep ta velta la jtak tal ta atojolalike* xchiʼuk ti mu onoʼox xachikintabeike,+ 6 vaʼun jaʼ jech chkom kuʼun kʼuchaʼal Silo+ li na liʼe xchiʼuk li jteklum liʼe, chkakʼ ti xchopol kʼoptaat yuʼun skotol li mukʼtik lumetik ta balumile›»›».+
7 Li paleetike, li j-alkʼopetike xchiʼuk sjunul li jteklume laj yaʼiik li kʼusi laj yal Jeremias te ta sna Jeovae.+ 8 Kʼalal laj xa ox yal Jeremias skotol li kʼusi albat yuʼun Jeova ti akʼo xalbe sjunul jteklume, li paleetike, li j-alkʼopetike xchiʼuk sjunul li jteklume la stsakik xchiʼuk xi laj yalbeike: «Jpʼel skʼoplal chacham. 9 ¿Kʼu yuʼun xi laj aval ta sbi Jeova: ‹Jaʼ jech chkom kʼuchaʼal Silo li na liʼe, chichʼ lajesel xchiʼuk mi junuk jnaklej chkom li ta jteklum liʼe›?». Vaʼun, sjunul li jteklume lik stsob sbaik, te setelik ta stojolal Jeremias ti te oy ta sna Jeovae.
10 Kʼalal laj yaʼi bankilaletik ta Juda li kʼusi laj yichʼ alele, lokʼik tal ta sna* ajvalil sventa xbatik ta sna Jeova, vaʼun te chotiik ta yochebal li achʼ tiʼ na yuʼun Jeovae.+ 11 Li paleetike xchiʼuk li j-alkʼopetike xi laj yalbeik li bankilaletike xchiʼuk sjunul li jteklume: «Li vinik liʼe sta-o xichʼ milel,+ yuʼun laj avaʼi ta achikin atukik ti laj yal ti chvul vokolil li ta jteklum liʼe».+
12 Vaʼun, li Jeremiase xi laj yalbe skotol li bankilaletike xchiʼuk sjunul li jteklume: «Skotol li kʼusi laj kal avaʼiike, jaʼ la stakun tal Jeova sventa xkal li kʼusi chkʼot ta stojolal li na liʼe xchiʼuk li jteklum liʼe.+ 13 Jaʼ yuʼun, jelo li atalelalike* xchiʼuk li kʼusitik chapasike xchiʼuk chʼunik kʼusi chal li Jeova ti jaʼ Adiosike, vaʼun li Jeovae ta sjel* ti snopoj ox chakʼ avokolike.+ 14 Pe li voʼone liʼ xa oyun ta akʼobike. Pasbeikun ti kʼusi lek xchiʼuk ti kʼusi tukʼ chavilike. 15 Jaʼ noʼoxe teuk me ta ajolik ti mi la amilikune, ta me xata amulik ti chamalbeik xchʼichʼel jun vinik ti chʼabal smule, ta sta smul li jteklum liʼe xchiʼuk li jnaklejetike, yuʼun ta melel jaʼ la stakun tal Jeova sventa xkal avaʼiik li kʼusi laj xa kalboxuke».
16 Vaʼun, li bankilaletike xchiʼuk sjunul li jteklume xi laj yalbeik li paleetik xchiʼuk li j-alkʼopetike: «Li vinik liʼe mu sta-o xichʼ milel, yuʼun li kʼusi laj yalbutike jaʼ ta sbi li Jeova ti jaʼ Jdiostike».
17 Jech xtok, oy junantik moletik ta jteklum ti vaʼiike xchiʼuk xi laj yalbeik sjunul li jteklum ti te stsoboj sbaike: 18 «Li Mikeas+ ti likem ta Moresete jaʼo laj yal albil kʼopetik li ta skʼakʼalil Esekias+ ti jaʼ ajvalil ta Judae xchiʼuk xi laj yalbe sjunul li jteklum ta Judae: ‹Xi chal li Jeova ti jaʼ bankilal yuʼun soltaroetike:*
«Chichʼ lokel kʼuchaʼal osil li Sione
xchiʼuk tokol chkom slilijemal li Jerusalene,+
19 »Li ajvalil Esekias ta Juda xchiʼuk li jteklum Judae, ¿mi yuʼun la smilik li Mikease? ¿Mi mu lajuk xiʼta* Jeova li ajvalile xchiʼuk mi mu lajuk skʼanbe vokol Jeova sventa xkʼuxubinatik, vaʼun ti la sjel* Jeova ti snopoj ox ch-akʼbat svokolike?+ Mi la jmiltik li Jeremiase, ta jsaʼ talel jvokol jtuktik.
20 »Oy yan vinik xtok ti laj yal albil kʼopetik ta sbi Jeovae, jaʼ li Uriya ti jaʼ xnichʼon Semaya ti likem ta Kiryat-Jearime,+ ti laj yal li kʼusi chopol chkʼot ta stojolal li jteklum liʼe xchiʼuk li mukʼta lum liʼe, jech laj yal kʼuchaʼal laj yal li Jeremiase. 21 Li ajvalil Jeoiakim+ xchiʼuk skotol li sviniktak ti lek tsotsike xchiʼuk skotol li bankilaletike laj yaʼiik li kʼusi laj yal Uriyae, vaʼun li ajvalile tskʼan ox tsmil.+ Kʼalal kʼot ta xchikin li Uriya taje, lik xiʼuk xchiʼuk jatav batel ta Ejipto. 22 Vaʼun, li ajvalil Jeoiakime la stak batel ta Ejipto li Elnatan+ ti jaʼ xnichʼon Akbore xchiʼuk yan viniketik. 23 Ay yikʼik sutel tal ta Ejipto li Uriyae, vaʼun laj yikʼik batel ta stojolal ajvalil Jeoiakim, laje la smil ta espada+ xchiʼuk te la sjipbe batel sbekʼtal ta smukinal li buchʼutik abol sbaike».
24 Pe li Aikam+ ti jaʼ xnichʼon Safane+ la skolta li Jeremiase, vaʼun jech muʼyuk xichʼ akʼel ta skʼob jteklum sventa smilike.+
27 Kʼalal slikebal toʼox yochel ta ajvalil ta Juda li Jeoiakim ti jaʼ xnichʼon Josiase, xi kʼoponat tal yuʼun Jeova li Jeremiase: 2 «Xi laj yalbun li Jeovae: ‹Chukbo xchʼojonal jayteluk kʼatlom teʼetik, vaʼun kʼatano ta anukʼ. 3 Laje, takbo batel li ajvalil ta Edome,+ li ajvalil ta Moabe,+ li ajvalil yuʼun j-ammonetike,+ li ajvalil ta Tiroe+ xchiʼuk li ajvalil ta Sidone,+ jaʼ akʼo yichʼik batel li j-almantaletik ti talem skʼelik ta Jerusalen li Sedekias ti jaʼ ajvalil ta Judae. 4 Xi xavalbe batel j-almantaletik sventa xalbeik li yajvalike:
»›«Xi chal li Jeova ti jaʼ bankilal yuʼun soltaroetike,* li Dios yuʼun Israele, xi skʼan xavalbe li avajvalike: 5 ‹Voʼon la jpas li balumile, li krixchanoetike xchiʼuk li chonbolometik ti oy ta sba balumile, la jpas ta juʼel xchiʼuk ta jkʼob ti lek tsotse; jaʼ kakʼojbe ti buchʼu xal koʼonton chkakʼbee.*+ 6 Li avi une, li kajtunel Nabukodonosor+ ti jaʼ ajvalil ta Babiloniae laj kakʼbe ta skʼob li jteklumetik taje xchiʼuk kakʼojbe sventain li teʼtikal chonbolometik ta osiltike. 7 Skotol li mukʼtik lumetike chtunik ta stojolal, ta stojolal li xnichʼone xchiʼuk ta stojolal li smome jaʼ to mi kʼot yorail li slumale,+ jaʼ to mi kʼot ta mosoil yuʼun mukʼtik lumetik xchiʼuk mukʼtik ajvaliletike›.+
8 »›»Xi chal li Jeovae: ‹Mi oy junuk mukʼta lum o junuk ajvalilal* ti mu skʼan xtun ta stojolal li Nabukodonosor ti jaʼ ajvalil ta Babiloniae xchiʼuk ti mu skʼan skʼatan ta snukʼ li kʼatlom teʼ yuʼun li ajvalil ta Babiloniae, voʼon ta xkakʼbe kastigo ta espada li mukʼta lume,+ ta xkakʼbe kastigo ta tsatsal viʼnal xchiʼuk ta tsatsal chamel jaʼ to mi laj kakʼbe slajeb ta skʼob li ajvalile›.
9 »›»‹Jaʼ yuʼun, mu xachikintabeik li j-alkʼopetik avuʼunike, li jtʼunoletik* avuʼunike, li buchʼutik oy kʼusi chil ta xvayich avuʼunike, li buchʼutik tspasik majia avuʼunike xchiʼuk li j-akʼchameletik avuʼunike, ti xi chalboxuke: «Li voʼoxuke muʼyuk chatunik ta stojolal li ajvalil ta Babiloniae». 10 Yuʼun jecheʼ noʼox li albil kʼopetik chalike, mi chachikintabeike, nom chavichʼik ikʼel batel li ta alumalike xchiʼuk tanpuk chabatik kuʼun xchiʼuk te chachamik.
11 »›»›Pe li jteklum ti tskʼatan ta snukʼ li kʼatlom teʼ yuʼun li ajvalil ta Babiloniae xchiʼuk ti chtun ta stojolale, chkakʼ ti te oyuk-o* ta yosilal sventa xabtelan xchiʼuk ti te xnakie›, xi li Jeovae»›».
12 Jech xtok, jech laj kalbe li Sedekias+ ti jaʼ ajvalil ta Judae, xi laj kalbee: «Kʼatano ta anukʼik li kʼatlom teʼ yuʼun li ajvalil ta Babiloniae xchiʼuk tunanik ta stojolal xchiʼuk ta stojolal li steklumale, vaʼun kuxul chakomik.+ 13 ¿Kʼu yuʼun ti chalajik xchiʼuk ateklumal ta espada,+ ta tsatsal chamel+ xchiʼuk ta tsatsal viʼnal,+ ti jech yaloj Jeova ti chkʼot ta stojolal li mukʼta lum ti muʼyuk chtun ta stojolal li ajvalil ta Babiloniae? 14 Mu xachikintaik ti xi chalboxuk li j-alkʼopetike: ‹Li voʼoxuke muʼyuk chatunik ta stojolal li ajvalil ta Babiloniae›,+ yuʼun jecheʼ noʼox li albil kʼopetik chalboxuke.+
15 »Xi chal li Jeovae: ‹Yuʼun muʼyuk la jtakik talel, maʼuk melel li albil kʼopetik chalik ta jbie. Mi la achikintabeike, tanpuk chabatik kuʼun, vaʼun chachamik xchiʼuk chchamik li j-alkʼopetik ti chalboxuk jecheʼ albil kʼopetike›».+
16 Xi laj kalbe yaʼi li paleetike xchiʼuk sjunul li jteklume: «Xi chal li Jeovae: ‹Mu xachikintaik ti xi chalboxuk li j-alkʼopetike: «¡Kʼelavilik! ¡Poʼot xa skʼan xichʼik sutel tal ta Babilonia li kʼusitik chtun ta sna Jeovae!».+ Yuʼun jecheʼ li albil kʼopetik chalboxuke.+ 17 Mu xachikintabeik. Tunanik ta stojolal li ajvalil ta Babiloniae, vaʼun kuxul chakomik.+ ¿Mi yuʼun jaʼ lek ti lilijem chkom li jteklum liʼe? 18 Pe mi jaʼik j-alkʼopetike xchiʼuk mi jaʼ chalbeik li skʼop Jeovae, akʼo skʼanbeik vokol Jeova ti jaʼ bankilal yuʼun soltaroetik sventa mu xichʼik batel ta Babilonia li kʼusitik jtunelik ti te to oy ta sna Jeovae, li ta sna* ajvalil ta Judae xchiʼuk li ta Jerusalene›.
19 »Yuʼun li Jeova ti jaʼ bankilal yuʼun soltaroetike xi chal ta sventa li oyetike,+ li Nabe,*+ li karetiyaetike+ xchiʼuk li skomenal* kʼusitik jtunelik ti liʼ to komem li ta jteklum liʼe, 20 ti jaʼ li kʼusitik muʼyuk laj yichʼ batel li ajvalil Nabukodonosor kʼalal la xchuk batel li Jekonias ti jaʼ xnichʼon Jeoiakim xchiʼuk ti jaʼ ajvalil ta Judae, laj yikʼ lokʼel ta Jerusalen sventa xikʼ batel ta Babilonia xchiʼuk skotol li buchʼutik tsots skʼoplalik ta Juda xchiʼuk ta Jerusalene;+ 21 yuʼun li Jeova ti jaʼ bankilal yuʼun soltaroetike, li Dios yuʼun Israele, xi chal ta sventa li kʼusitik jtunelik ti te to oy ta sna Jeovae, li ta sna* ajvalil ta Judae xchiʼuk li ta Jerusalene: 22 ‹«Chichʼ ichʼel batel ta Babilonia,+ te chkom-o jaʼ to mi kʼot skʼakʼalil chkakʼ batel jsat ta stojolale. Vaʼun, chkichʼ sutel tal xchiʼuk liʼ chkakʼ yan velta ta yavile»›,+ xi li Jeovae».
28 Li vaʼ jabil onoʼoxe, kʼalal skʼan toʼox stsʼaki chanib jabil yochel ta ajvalil ta Juda li Sedekiase,+ jaʼo ta svoʼobal u, li j-alkʼop Ananias ti jaʼ xnichʼon Asur ti likem ta Gabaone+ oy kʼusi laj yalbe li Jeremias te ta sna Jeova kʼalal te oyik li paleetike xchiʼuk sjunul li jteklume, xi laj yalbee: 2 «Xi chal li Jeova ti jaʼ bankilal yuʼun soltaroetike,* ti jaʼ li Dios yuʼun Israele: ‹Ta jkʼasbe li kʼatlom teʼ yuʼun ajvalil ta Babiloniae.+ 3 Leʼ batel ta chib jabile, chkichʼ sutel tal liʼ ta jteklum li kʼusitik jtunelik ta sna Jeova ti laj yichʼ batel ta Babilonia li ajvalil Nabukodonosore›».+ 4 «‹Jech xtok, chkikʼ sutel tal li Jekonias+ ti jaʼ xnichʼon Jeoiakim+ xchiʼuk ti jaʼ ajvalil ta Judae xchiʼuk skotol li judaetik ti laj yichʼik chukel batel ta Babiloniae,+ yuʼun ta jkʼasbe li skʼatlom teʼ ajvalil ta Babiloniae›, xi li Jeovae».
5 Vaʼun, li j-alkʼop Jeremiase la skʼopon li j-alkʼop Ananias te ta yeloval li paleetike xchiʼuk ta yeloval sjunul li jteklum ti te vaʼalik ta sna Jeovae. 6 Xi laj yal li j-alkʼop Jeremiase: «¡Jechuk!* ¡Akʼo jechuk xkʼot ta pasel yuʼun li Jeovae! ¡Akʼo kʼotuk ta pasel yuʼun Jeova li kʼusi laj aval ti chkʼot ta pasele xchiʼuk akʼo yichʼ sutel tal li kʼusitik jtunelik ta sna Jeova ti batem ta Babiloniae xchiʼuk akʼo yikʼ sutel tal skotol li buchʼutik chukbilik batele! 7 Akʼo mi jech, avokoluk, chikintao li aʼyej chkal avaʼie xchiʼuk ti chkalbe yaʼi sjunul li jteklume. 8 Yuʼun li j-alkʼopetik ta voʼne ti baʼyel echʼik kuʼune xchiʼuk ti baʼyel echʼik avuʼun eke laj yalik albil kʼopetik ta sventa epal mukʼtik lumetik xchiʼuk tsatsal jteklumetik ta sventa paskʼop, vokoliletik xchiʼuk tsatsal chameletik. 9 Mi oy junuk j-alkʼop chal ti ch-ayan jun oʼontonal xchiʼuk ti chkʼot ta pasel li kʼusi chale, vaʼun bi, chichʼ naʼel ti ta melel takbil tal yuʼun Jeova li j-alkʼop taje».
10 Vaʼun, li j-alkʼop Ananiase la snit lokʼel li kʼatlom teʼ ti te kʼatal ta snukʼ li j-alkʼop Jeremiase xchiʼuk la skʼas.+ 11 Laje, li Ananiase xi laj yal ta yeloval sat sjunul li jteklume: «Xi chal li Jeovae: ‹Leʼ batel ta chib jabile, jaʼ jech ta jkʼasbe li skʼatlom teʼ Nabukodonosor ti jaʼ ajvalil ta Babilonia ti te kʼatal ta snukʼik skotol li mukʼtik lumetike›».+ Laje, la stam batel sbe li j-alkʼop Jeremiase.
12 Kʼalal laj xa ox skʼas j-alkʼop Ananias li kʼatlom teʼ ti te kʼatal ta snukʼ li j-alkʼop Jeremiase, xi albat yuʼun Jeova li Jeremiase: 13 «Batan, xi xbat avalbe li Ananiase: ‹Xi chal li Jeovae: «Laj xa akʼas jun kʼatlom teʼ ti pasbil ta teʼe,+ pe chichʼ pasel yan kʼatlom teʼ ti pasbil ta tsatsal takʼine». 14 Yuʼun xi chal li Jeova ti jaʼ bankilal yuʼun soltaroetike, ti jaʼ li Dios yuʼun Israele: «Skotol li vaʼ mukʼtik lumetike ta jkʼatanbe ta snukʼik jun kʼatlom teʼ ti pasbil ta tsatsal takʼin sventa xtunik ta stojolal li Nabukodonosor ti jaʼ ajvalil ta Babiloniae, vaʼun persa chtunik ta stojolal.+ Jech xtok, chkakʼbe sventain teʼtikal chonbolometik ta osiltik li ajvalile»›».+
15 Vaʼun, li j-alkʼop Jeremiase xi laj yalbe li j-alkʼop Ananiase:+ «Ananias, ¡avokoluk, chikintao! Muʼyuk stakojot tal li Jeovae, yuʼun jecheʼ noʼox li kʼusi laj avalbe li jteklum ti la spat-o yoʼontonike.+ 16 Jaʼ yuʼun, xi chal li Jeovae: ‹¡Kʼelavil! Ta jtupʼ lokʼel akʼoplal li ta sba balumile. Chacham li jabil liʼe, yuʼun la atijbe yoʼonton yantik sventa stoy sbaik ta stojolal li Jeovae›».+
17 Jaʼ yuʼun, li j-alkʼop Ananiase cham onoʼox li vaʼ jabile, ta svukubal u.
29 Li j-alkʼop Jeremias ti te oy ta Jerusalene la stakbe batel jlik karta li buchʼutik chukbilik batele: li jayvoʼ moletike, li paleetike, li j-alkʼopetike xchiʼuk li jteklume, te ikʼatik lokʼel ta Jerusalen yuʼun Nabukodonosor sventa xchukatik batel ta Babilonia, 2 pe baʼyel xa onoʼox lokʼemik batel ta Jerusalen li ajvalil Jekonias+ xchiʼuk smeʼe,+ li bankilal j-abteletik ta pasob mantale, li bankilaletik ta Juda xchiʼuk ta Jerusalene, li buchʼutik xtojobik spasel kʼusitike xchiʼuk li buchʼutik chabtelanik takʼine.*+ 3 Li Jeremiase jaʼ laj yakʼbe batel karta li Elasa ti jaʼ xnichʼon Safan+ xchiʼuk li Guemarias ti jaʼ xnichʼon Ilkiase, ti jaʼ takatik batel yuʼun li Sedekias+ ti jaʼ ajvalil ta Juda sventa xbat skʼelik ta Babilonia li ajvalil Nabukodonosore. Xi chal li kartae:
4 «Voʼon li Jeova ti bankilalun yuʼun soltaroetike,* ti Diosun yuʼun Israele, xi chkalbe skotol li buchʼutik chukbilik batele, ti laj kakʼ ti x-ikʼatik lokʼel ta Jerusalen sventa xchukatik batel ta Babiloniae: 5 ‹Vaʼano anaik xchiʼuk naklebinik. Tsʼunik jsatinom teʼetik xchiʼuk lobeik sat. 6 Saʼo avajnilik xchiʼuk ayanuk akerem atsebik; sabo yajnil li akeremike xchiʼuk akʼo malijuk li atsebik sventa x-ayan skerem stsebik eke. Epajanik te, mu me xajutukajik. 7 Oyuk kʼusi lek xapasik ta stojolal li jteklum ti bu laj kakʼ ti xavichʼik chukel batele xchiʼuk kʼoponik Jeova ta stojolal, yuʼun mi jun yoʼonton li jteklume, jun avoʼontonik ek.+ 8 Yuʼun xi chal li Jeova ti jaʼ bankilal yuʼun soltaroetike, li Dios yuʼun Israele: «Mu xavakʼ sloʼlaoxuk li j-alkʼopetik avuʼunike,+ li jtʼunoletik* ti te oy ta atojolalike xchiʼuk mu xachikintabeik li buchʼutik chalbeik smelolal vaychiletike. 9 Yuʼun ‹yakal chalboxuk jecheʼ albil kʼopetik ta jbi. Muʼyuk la jtakik tal›,+ xi li Jeovae»›».
10 «Yuʼun xi chal li Jeovae: ‹Kʼalal mi tsʼaki li 70 jabil ti te oyoxuk ta Babiloniae, chkakʼ batel jsat ta atojolalik+ xchiʼuk chkʼot ta pasel kuʼun ti kaloj chkikʼoxuk sutel tal li ta alumalike›.+
11 »Xi chal li Jeovae: ‹Yuʼun jnaʼoj lek li kʼusi ta jpas ta atojolalike, chkakʼboxuk jun oʼontonal, maʼuk vokolil, sventa oyuk kʼusi lek xataik ta jelavel+ xchiʼuk sventa oyuk spatobil avoʼontonik.+ 12 Jaʼ yuʼun, chatalik, chakʼanbeikun vokol xchiʼuk chataikun ta kʼoponel, vaʼun ta jchikintaboxuk›.+
13 »‹Ta xasaʼikun, vaʼun chataikun,+ yuʼun ta sjunul avoʼonton chasaʼikun.+ 14 Li voʼon eke chkakʼ ti xataikun ta saʼele›,+ xi li Jeovae. ‹Ta jtsoboxuk sutel tal voʼoxuk ti chukbiloxuk batele, ta jtsoboxuk sutel tal ta skotol li mukʼtik lumetik xchiʼuk ti butik tanpuk labatik kuʼune.+ Ta xkikʼoxuk sutel tal ti bu lachukatik toʼox batel kuʼune›, xi li Jeovae.+
15 »Pe xi avalojike: ‹Li Jeovae svaʼanojbunkutik xa j-alkʼopetik li ta Babiloniae›.
16 »Yuʼun li Jeovae xi chalbe li ajvalil ti te chotol ta xchotleb ajvalil Davide+ xchiʼuk xi chalbe sjunul li jteklum ti te nakal ta Jerusalene, li achiʼiltakik ti muʼyuk chukbil batik xchiʼuk voʼoxuke: 17 ‹Xi chal li Jeova ti jaʼ bankilal yuʼun soltaroetike: «Ta xkakʼ ti xlajik ta espadae, ta tsatsal viʼnal xchiʼuk ta tsatsal chamel+ xchiʼuk chkakʼ ti xkʼotik kʼuchaʼal li igoetik ti kʼaʼemik* xa tajek ti mu xa stakʼ loʼele»›.+
18 »‹Ta xkakʼbe svokolik ta espada,+ ta tsatsal viʼnal xchiʼuk ta tsatsal chamel xchiʼuk xibal sba chkomik kuʼun ta sba sat skotol jteklumetik ta balumil,+ ti xichʼik chopol kʼoptaele, ti chʼayal to xkʼot yoʼonton yuʼunik yantike, ti xichʼik labanele*+ xchiʼuk ti xichʼik kʼexlaltasel yuʼun skotol li mukʼtik lumetik ti butik tanpuk batik kuʼune,+ 19 taje jaʼ ta skoj ti muʼyuk la achikintaik li kʼusi laj kal ta stojolal li j-alkʼopetik ti jaʼik kajtuneltake, ti ep ta velta la jtak tale›,*+ xi li Jeovae.
»‹Pe muʼyuk la achikintaik›,+ xi li Jeovae.
20 »Jaʼ yuʼun, chikintaik kʼusi chal Jeova voʼoxuk ti la jtakoxuk lokʼel ta Jerusalene, ti chukbiloxuk batel ta Babiloniae. 21 Li Jeova ti jaʼ bankilal yuʼun soltaroetike, li Dios yuʼun Israele, xi chal ta stojolal li Akab ti jaʼ xnichʼon Kolaya xchiʼuk ta stojolal li Sedekias ti jaʼ xnichʼon Maaseyae, ti yakal chalboxuk jecheʼ albil kʼopetik ta jbie:+ ‹Chkakʼik batel ta skʼob li Nabukodonosor* ti jaʼ ajvalil ta Babiloniae, vaʼun te akʼelojik chichʼik milel yuʼun li ajvalile. 22 Li kʼusi chkʼot ta stojolalik li Akab xchiʼuk Sedekiase jaʼ tstaik ta alel li judaetik ti chukbilik batel ta Babilonia kʼalal oy buchʼu chchopol kʼoptaike: «¡Jechuk akʼo spasbot Jeova jech kʼuchaʼal la spasbe li Sedekias xchiʼuk Akabe, ti chikʼatik ta kʼokʼ yuʼun li ajvalil ta Babiloniae!». 23 Yuʼun toj kʼexlal sba kʼusi spasojik li ta Israele,+ mulivajik xchiʼuk yajnil xchiʼiltakik xchiʼuk jecheʼ kʼusi chalik batel ta jbi ti muʼyuk jech kalojbeik mantale.+
»›«Jnaʼoj skotol taje xchiʼuk kʼotemun ta testigo»,+ xi li Jeovae›».
24 «Xi xavalbe li Semaya+ ti likem ta Neelame: 25 ‹Li Jeova ti jaʼ bankilal yuʼun soltaroetike, li Dios yuʼun Israele, xi chale: «Ta skoj ti ta abi atuk la atakbe batel karta sjunul li jteklum te ta Jerusalene, li pale Sofonias+ ti jaʼ xnichʼon Maaseyae xchiʼuk skotol li paleetike, ti xi laj avale: 26 ‹Sofonias, li Jeovae laj xa svaʼanot ta pale sventa xakʼot ta xkʼexol li Jeoiada ti jaʼ palee, sventa xakʼot ta jkʼelvanej li ta sna Jeovae, sventa xakʼel kʼusi chapasbe mi oy jun chuvaj vinik ti tspas sba ta j-alkʼope xchiʼuk ti xalatsʼbe yok skʼob xchiʼuk sjol li ta latsʼob teʼe;*+ 27 vaʼun chaʼa, ¿kʼu yuʼun muʼyuk la atsak ta utel li Jeremias ti likem ta Anatot+ ti tskuy sba kʼuchaʼal j-alkʼop avuʼunike?+ 28 Yuʼun la stakbunkutik talel jlik karta liʼ to ta Babiloniae, xi laj yale: «¡Chajalijik te! Jaʼ yuʼun, vaʼano anaik xchiʼuk naklebinik. Tsʼunik jsatinom teʼetik xchiʼuk lobeik sat...»›»›».+
29 Kʼalal laj yapta karta li j-alkʼop Sofonias+ sventa xaʼi li j-alkʼop Jeremiase, 30 xi kʼoponat tal yuʼun Jeova li Jeremiase: 31 «Xi xavalbe batel yaʼi li buchʼutik chukbilik batele: ‹Xi chal Jeova ta stojolal li Semaya ti likem ta Neelame: «Ta skoj ti laj yalboxuk Semaya ti oy kʼusi chkʼot ta pasel akʼo mi muʼyuk la jtak talele xchiʼuk ti jecheʼ noʼox la apat avoʼontonik yuʼun ta sventa li kʼusi laj yalboxuke,+ 32 jaʼ yuʼun xi chal li Jeovae: ‹Chkakʼbe kastigo li Semaya ti likem ta Neelame xchiʼuk li snitilulale. Mi junuk yutsʼ yalal kuxul chkom li ta jteklume xchiʼuk muʼyuk chil li lekilal chkakʼbe jteklumale, yuʼun la stijbe yoʼonton yantik sventa stoy sbaik ta stojolal li Jeovae›, xi li Jeovae»›».
30 Xi albat yuʼun Jeova li Jeremiase: 2 «Xi chal li Jeova ti jaʼ Dios yuʼun Israele: ‹Tsʼibao ta jlik livro skotol li kʼusi chkalbote. 3 Yuʼun xi chal li Jeovae: «¡Kʼelavil!, chkʼot skʼakʼalil ti ta jtsob sutel tal li jteklumal ti chukbilik batele, li Israel xchiʼuk Judae,+ chkikʼik sutel talel li ta balumil ti laj kakʼbe li smoltotakike, vaʼun chuʼuninik yan velta»,+ xi li Jeovae›».
4 Liʼe jaʼ li kʼusi albat yuʼun Jeova li Israel xchiʼuk Judae.
5 Xi chal li Jeovae:
«Laj kaʼikutik ti oy buchʼutik x-avetik ta xiʼele,
chʼabal jun oʼontonal, naka xiʼel oy.
6 Avokolikuk, jakʼik mi oy junuk vinik ti xuʼ x-alaje.
Vaʼun chaʼa, ¿kʼu yuʼun ti skotol tsatsal viniketik spetoj xchʼutik* chkil
kʼuchaʼal jun ants kʼalal yakal chvokʼ yole?+
¿Kʼu yuʼun ti sakpakʼan xa sat skotolike?
7 Yuʼun li vaʼ kʼakʼale, toj echʼ xa noʼox xibal sba.+
Muʼyuk jech yan kʼakʼal ti xkoʼolaje,
jaʼo yorail chil svokol li Jakobe.
Pe ta jpoj lokʼel li ta svokole».
8 Xi chal li Jeova ti jaʼ bankilal yuʼun soltaroetike:* «Li vaʼ kʼakʼale, ta jkʼas li kʼatlom teʼ ti te kʼatal ta snukʼe xchiʼuk ta jtuchʼ ta oʼlol li xchʼojonale;* jech xtok, muʼyuk xa chkʼot* ta smoso yan krixchanoetik.* 9 Chtunik ta stojolal li Jeova ti jaʼ Sdiosike xchiʼuk ta stojolal li David ti jaʼ ajvalil yuʼunike, ti jaʼ ta jvaʼanbeike».+
10 Xi chal li Jeovae: «Li voʼote kajtunel Jakob, mu me xaxiʼ,
Israel, mu me xanik ta xiʼel.+
Yuʼun ta jpojot akʼo mi nom oyot
xchiʼuk ta jpoj li anitilulal ti bu chukbilik batele.+
Ta sut talel li Jakobe xchiʼuk jun xa noʼox yoʼonton xchiʼuk muʼyuk xa kʼusi tsvul-o yoʼonton.
Muʼyuk buchʼu tsibtasat».+
11 Xi chal li Jeovae: «Yuʼun liʼ jchiʼinojot sventa jkoltaote.
Pe ta jlajesbe skʼoplal ta j-echʼel skotol li mukʼta lumetik ti bu la jpukoxuk batele;+
yan li voʼote muʼyuk ta jlajes akʼoplal ta j-echʼel.+
12 Yuʼun xi chal li Jeovae:
«Mu xa stakʼ poxtael li ayayijemale.+
Chʼabal xa xpoxil li atuchʼemale.
13 Muʼyuk buchʼu spak akʼoplal,
mu xa stakʼ poxtael li ayayijemale.
Mu xa xakol-o.
14 Skotol li buchʼutik skʼanojikot tajeke xchʼayojikot xa ta sjolik.+
Muʼyuk xa bu ta saʼikot.
Yuʼun jech la jmajot kʼuchaʼal chmajvan li jun jkontrainvaneje,+
jech kʼuchaʼal chakʼ kastigo li buchʼu chʼabal xkʼuxul yoʼontone,
taje jaʼ ta skoj ti toj ep apaltaile* xchiʼuk ti
toj ep amule.+
15 ¿Kʼu yuʼun ti xa-avet ta skoj li avokole?
¡Chʼabal xa xpoxil li kʼusi kʼux chavaʼie!
16 Jaʼ yuʼun, skotol li buchʼutik tslajesote ta xichʼik lajesel ek+
xchiʼuk skotol li avajkontraike chukbil chbatik ek.+
Li buchʼutik tspojik kʼusitik avuʼunike chichʼik pojbel li kʼusitik yuʼunik eke
xchiʼuk skotol li buchʼutik chelkʼanik li kʼusitik avuʼunike chkakʼ ti x-elkʼanbatik batel li kʼusitik yuʼunik eke».+
17 Xi chal li Jeovae: «Pe chkakʼ ti xalekub yan veltae xchiʼuk ta jpoxta li ayayijemale,+
akʼo mi la spʼajoxuk xchiʼuk xi la sbiiltasoxuke:
‹Li Sion ti muʼyuk sabile›».+
18 Xi chal li Jeovae:
«Ta jtsob sutel talel liʼ ta skarpana Jakob li buchʼutik chukbilik batele+
xchiʼuk chkakʼbe ta ilel xkʼuxul koʼonton li axibalnaetik yuʼunike.
Li jteklume chichʼ chaʼmeltsanel li ta yavil onoʼoxe+
xchiʼuk li tsatsal tayal kʼelob osile chichʼ vaʼanel ti bu onoʼox yavile.
19 Vaʼun, ta stojik ta vokol xchiʼuk ta x-avanik ta muyubajel.+
20 Li xnichʼnabtak Jakobe tsta yavik jech kʼuchaʼal ta voʼnee,
chkʼotik ta jun tsatsal jteklum ta yeloval jsat.+
Voʼon ta xkakʼbe kastigo li buchʼutik ch-ilbajinatike.+
21 Li jnitvanej yuʼune te chlokʼ talel li ta steklumale
xchiʼuk te chlokʼ talel ta stojolal li ajvalil yuʼune.
Chkakʼ ti xnopaj talele, vaʼun chnopaj talel ta jtojolal».
Xi chal li Jeovae: «Yuʼun mi mu jechuk ta jpase, ¿buchʼu van chnopaj talel ta jtojolal?
22 Vaʼun, chakʼotik ta jteklumal+ xchiʼuk voʼon chikʼot ta Adiosik».+
23 ¡Kʼelavilik! Li skapemal sjol Jeovae xkoʼolaj kʼuchaʼal tsatsal ikʼ ti xjumet chtale,+
xkoʼolaj kʼuchaʼal tsatsal ikʼaloʼ ti sututet chvul ta sjol li buchʼutik toj chopolike.
24 Li skʼakʼal yoʼonton Jeova ti solel xtiltune muʼyuk chpaj
jaʼ to mi la spas xchiʼuk mi kʼot ta pasel yuʼun li kʼusi oy ta yoʼontone.+
Taje jaʼ to chavaʼibeik smelolal li ta slajebaltik batel kʼakʼale.+
31 Xi chal li Jeovae: «Li vaʼ kʼakʼale, voʼon chikʼot ta Sdiosik skotol li utsʼ alaliletik ta Israele xchiʼuk jaʼ chkʼotik ta jteklumal».+
2 Xi chal li Jeovae:
«Li jteklum ti muʼyuk laj ta espadae la sta kʼuxubinel li ta takixokol balumile,
jaʼo kʼalal yakal chbat ti bu chkux yoʼonton li Israele».
3 Ta nom to laj yakʼ sba ta ilel ta jtojolal li Jeovae xchiʼuk xi laj yalbune:
«Laj kal ti ta jkʼanot ta sbatel osile.
Jaʼ yuʼun, laj kikʼot tal ta jtojolal ta skoj ti jkʼanojot ta melele.*+
4 Ta to jvaʼanot yan velta, vaʼun meltsajem chakom.+
Stojol tseb Israel, ta to xatsak yan velta li apanderetae*
5 Chatsʼun uvaetik yan velta li ta vitstikaltik yuʼun Samariae;+
li jtsʼunolajeletike ta stsʼunolajik xchiʼuk tskʼupinbeik li sate.+
6 Yuʼun chkʼot skʼakʼalil ti xi ch-avanik li jkʼel-osiletik ta vitstikaltik yuʼun Efraine:
‹Likanik, muykutik batel ta Sion, ti bu oy li Jeova ti jaʼ Jdiostike›».+
7 Yuʼun xi chal li Jeovae:
«Avananik ta muyubajel ta stojolal li Jakobe.
Xkuxetuk avoʼonton xa-avanik ta skoj ti mas mukʼ akʼoplalik ta stojolal li mukʼtik lumetike.+
Albeik batel skʼoplal; kʼupil kʼoptaik li Diose xchiʼuk xi xavalike:
8 Ta xkikʼik lokʼel tal li ta yosilal nortee.+
Ta jtsobik sutel tal ta namal balumil.+
Te kapal chtalik ek li maʼsate, li koxoe,+
li ants ti xchiʼuk yole xchiʼuk li buchʼu poʼot xa xvokʼ yole koʼol chtal skotolik.
Solel ep stsobetik sutel tal.+
9 X-okʼolet tsutik tal.+
Kʼalal yakal xvokolet tskʼanik koltaele, ta jbeiltasik.
Yuʼun kʼotemun ta Stot li Israele xchiʼuk jaʼ sba jnichʼon li Efraine».+
10 Mukʼtik lumetik, chikintaik li kʼusi chal Jeovae
xchiʼuk alik batel li ta namal lumetik ti joyol ta nabe:+
«Li buchʼu la spuk batel li Israele ta stsob sutel tal.
Jech chchabi kʼuchaʼal chchabi xchij li jchabichije.+
11 Yuʼun li Jeovae ta spoj lokʼel li Jakobe+
xchiʼuk tskolta lokʼel ta skʼob li buchʼu mas tsots kʼuchaʼal Jakobe.+
12 X-avetik noʼox ta muyubajel chtalik li ta Sion ti ta toyol oye+
xchiʼuk xkuxet noʼox yoʼontonik ta skoj li slekil yoʼonton* Jeovae,
ta skoj li sat tsʼunobile, li achʼ vinoe,+ li aseitee
xchiʼuk ta skoj li yalab xchijik xchiʼuk xvakaxike.+
13 «Li vaʼ kʼakʼale, xkuxet noʼox yoʼonton ch-akʼotaj li tojol tsebe,
ta x-akʼotajik ek li keremetik xchiʼuk li moletike, jmoj ch-akʼotajik.+
Ta jkʼatajesbe ta muyubajel li yatel yoʼontonike.+
Ta jpatbe yoʼontonik xchiʼuk chkakʼ ti xkuxetuk yoʼontonike, muʼyuk xa chat yoʼontonik.+
14 Chkakʼbe lek sveʼelik li paleetike
xchiʼuk li jteklumale jun yoʼonton chaʼi sba ta skoj li slekil koʼontone»,+ xi li Jeovae.
15 «Xi chal li Jeovae:
‹Chichʼ aʼiel yechʼomal eil ta Rama,+ oy buchʼu ch-okʼ xchiʼuk tsots x-avet ta at-oʼonton:
Jaʼ yakal chokʼita skeremtak* li Rakele.+
Mu skʼan patbel yoʼonton,
yuʼun cham xa li yalabe›».+
16 Xi chal li Jeovae:
«‹Mu xa xa-okʼ xchiʼuk mu xa xamal li yaʼlel asate,
yuʼun oy amoton ta skoj li kʼusitik chapase.
Yuʼun li akeremtake chlokʼik tal li ta slumal jkontrainvaneje›, xi li Jeovae.+
17 ‹Oy kʼusi lek chata li ta jelavele.+
Li akeremtake tsutik tal li ta slumalike›,+ xi li Jeovae».
18 «Ta melel kaʼioj ti xi ch-okʼ ch-avan li Efraine:
‹Laj xa atukʼibtasun sventa xitukʼib,
jech kʼuchaʼal jkot chʼiom vakax ti muʼyuk chanubtasbile.
Ikʼun sutel tal, vaʼun chisut talel ta anil,
yuʼun voʼot Jdiosot, Jeova.
19 Yuʼun chopol laj kaʼi jba, jaʼ yuʼun lisut talel;+
kʼalal laj kaʼibe smelolal avuʼune, la jmaj ta at-oʼonton li koʼe.
Toj kʼexlal laj kaʼi jba xchiʼuk toj bikʼit laj kaʼi jba,+
yuʼun jech-o chikʼexav ta skoj li kʼusitik la jpas ta jkeremale›».
20 «¿Mi mu jaʼuk kuni kʼupil kerem li Efrain ti jkʼanoj tajeke?+
Yuʼun kʼalal jaʼo chkalbe mantal ta jujukoje, chvul ta jol.
Jaʼ yuʼun, toj yan sba koʼonton yuʼun.+
Jpʼel skʼoplal chkʼuxubaj ta koʼonton», xi li Jeovae.+
21 «Vaʼanbo senyail li bee
xchiʼuk vaʼano posteetik sventa senyail.+
Kʼelo lek li be ti jaʼ li be bu skʼan xabate.+
Stojol tseb Israel, sutan talel, sutan talel li ta jteklumetik avuʼune.
22 Jmulavil tseb, ¿bakʼin to van chavikta aba ti xatal xabat noʼoxe?
Yuʼun li Jeovae oy kʼusi achʼ spasoj li ta balumile:
jun ants ti solel napʼal chbat ta spat jun vinike».
23 Xi chal li Jeova ti jaʼ bankilal yuʼun soltaroetike,* li Dios yuʼun Israele: «Xi ta xalik yan velta li ta yosilal Juda xchiʼuk li ta jteklumetik yuʼun kʼalal mi la jtsobik sutel tal li buchʼutik chukbilik batel yuʼunike: ‹Voʼot li snaklebot tukʼilale+ xchiʼuk voʼot ti chʼul vitsote,+ akʼo yakʼbot bendision li Jeovae›. 24 Te jmoj chnakiik li Juda xchiʼuk skotol li jteklumetik yuʼune, li j-abteletik ta osile xchiʼuk li buchʼutik tsbeiltasik chijetike.+ 25 Yuʼun chkakʼbe kʼusi chtun yuʼun li buchʼu lubtsajeme xchiʼuk ta jnojesbe xchʼut li buchʼu chkʼunib ta viʼnale».+
26 Jaʼo xa lijulav xchiʼuk la jvikʼ jsat; toj lek livay.
27 Xi chal li Jeovae: «¡Kʼelavil!, chkʼot skʼakʼalil ti ta jpʼolesik li jteklum Israele xchiʼuk li jteklum Judae, jech xtok, ta jpʼolesbeik li stsʼunbal chonbolomtakike».+
28 Xi chal li Jeovae: «Jech kʼuchaʼal te jsat bakʼin ta jbul lokʼel, ta jines, ta jlilin, ta jlajes xchiʼuk ta xkakʼbe svokole,+ jaʼ jech te jsat bakʼin ta jvaʼan xchiʼuk ta jtsʼun.+ 29 Li vaʼ kʼakʼale, muʼyuk xa xi chalike: ‹Li totiletike la sloʼik pajal uva, pe jaʼ tsikʼ stanal yeik li xnichʼnabike›.+ 30 Pe li avie, ta jujuntal xa chchamik ta skoj li spaltail* stukike. Buchʼuuk noʼox ti tsloʼ pajal uvae tstsikʼ stanal ye stuk».
31 Xi chal li Jeovae: «¡Kʼelavil!, chkʼot skʼakʼalil ti ta jpas jun achʼ trato xchiʼuk li jteklum Israele xchiʼuk li jteklum Judae.+ 32 Mu xkoʼolaj xchiʼuk li trato la jpas xchiʼuk li smoltotakik kʼalal la jnitbe lokʼel tal skʼobik li ta yosilal Ejiptoe,+ ‹li jtrato ti la sokesbeik skʼoplale,+ akʼo mi voʼon sbatsʼi ajvalikun›,* xi li Jeovae».
33 Xi chal li Jeovae: «Yuʼun kʼalal mi echʼ xa ox li skʼakʼalil taje, xi yelan ta jpas trato xchiʼuk li jteklum Israele: ta jtikʼbe ta snopbenik li jmantale+ xchiʼuk ta jtsʼibabe li ta yoʼontonike.+ Vaʼun, voʼon chikʼot ta Sdiosik xchiʼuk chkʼotik ta jteklumal».+
34 Xi chal li Jeovae: «Jech xtok, muʼyuk xa bu chchanubtas mi junuk xchiʼilik xchiʼuk mi junuk yermanoik, mu xa bu xi chalike: ‹¡Ojtikinik li Jeovae!›.+ Yuʼun skotolik ta xojtikinikun, li buchʼutik tsots skʼoplalike xchiʼuk li buchʼutik muʼyuke.+ Yuʼun ta jchʼaybe li spaltailike* xchiʼuk muʼyuk xa bu ta jvules ta jol li smulike».+
35 Xi chal li Jeovae,
ti jaʼ li buchʼu ta xakʼ kʼakʼal sventa oyuk sakil osil li ta kʼakʼaltike,
ti laj yakʼ mantaletik sventa li luna* xchiʼuk li kʼanaletik sventa sakjamanuk li ta akʼobaltike,
ti jaʼ li buchʼu tsyukʼilan li nabe xchiʼuk ti xvoʼoʼet yuʼun kʼalal xyukʼlajete,
li sbie jaʼ Jeova ti bankilal yuʼun soltaroetike:+
36 «Xi chal li Jeovae: ‹Mi oy junuk velta ti mu xkʼot ta pasel li mantaletik taje,
vaʼun bi, maʼuk xa jun mukʼta lum chkil li snitilulal Israele›».+
37 Xi chal li Jeovae: «‹Ti stakʼuk pʼisel li vinajele xchiʼuk ti stakʼuk chajel ta kʼelel li snaklebtak balumile, vaʼun bi, jaʼ to xuʼ jip komel skotol li snitilulal Israel ta skoj li kʼusitik spasoje›,+ xi li Jeovae».
38 Xi chal li Jeovae: «¡Kʼelavil!, chkʼot skʼakʼalil ti chichʼ vaʼanel li jteklum+ ta sventa Jeovae, te chlik ta Tayal kʼelob osil Ananel+ xchiʼuk chkʼot kʼalal to ta ochebal ti Eskina sbie.+ 39 Li chʼojon sventa spʼisobile+ te tukʼ chjelav ta bikʼit vits Gareb, vaʼun te chbat ta stukʼil Goa. 40 Skotol li stenlejaltik ti bu tsjipik batel li animaetike xchiʼuk li tane,* skotol li osiltik kʼalal to ta stenlejaltik Sedrone,+ kʼalal to ta s-eskinail ochebal ti Kaʼ sbi+ ti te xkom ta slokʼeb kʼakʼale, chʼul ta xil li Jeovae.+ Muʼyuk xa chichʼ jinesel xchiʼuk lilinel yan velta».
32 Li Jeremiase oy kʼusi albat yuʼun Jeova kʼalal lajuneb xa ox jabil yochel ta ajvalil ta Juda li Sedekiase, jaʼ xkaltik, kʼalal 18 jabil xa ox yochel ta ajvalil li Nabukodonosore.*+ 2 Li vaʼ kʼakʼale, te setuojik Jerusalen li yajsoltarotak ajvalil ta Babiloniae, yan li j-alkʼop Jeremiase jaʼo te chukbil ta Yamakʼ* Jchabivanejetik+ ti te oy li ta sna* ajvalil ta Judae. 3 Yuʼun li Sedekias ti jaʼ ajvalil ta Judae la stikʼ ta chukel+ xchiʼuk xi laj yalbee: «¿Kʼu yuʼun ti chaval albil kʼopetike? Yuʼun xi chavale: ‹Xi chal li Jeovae: «Chkakʼbe ta skʼob ajvalil ta Babilonia li jteklum liʼe xchiʼuk ta xuʼunin.+ 4 Jech xtok, li ajvalil Sedekiase muʼyuk chkol ta stojolal li jkaldeaetike, yuʼun jpʼel skʼoplal ch-och ta skʼob li ajvalil ta Babiloniae, chbat svaʼan sba ta yeloval, te skʼelojbe lek sat kʼalal chchiʼin ta loʼile»›.+ 5 ‹Ta xchuk batel ta Babilonia li Sedekiase, vaʼun te ta xkom-o jaʼ to mi laj kakʼ batel jsat ta stojolale. Akʼo mi xapasik kʼop xchiʼuk li jkaldeaetike, muʼyuk chkuch avuʼunik›,+ xi li Jeovae».
6 Xi laj yal li Jeremiase: «La skʼoponun tal li Jeovae, xi laj yalbune: 7 ‹Liʼ chtal skʼelot li Anamel ti jaʼ xnichʼon li ajuntot* Salume xchiʼuk xi chalbote: «Mano li kosil ti te oy ta Anatote,+ yuʼun oy aderecho sventa voʼot baʼyel xaman»›».+
8 Jech kʼuchaʼal laj yalbun onoʼox li Jeovae, tal skʼelun ta yut Yamakʼ* Jchabivanejetik li Anamel ti jaʼ xnichʼon juntote, xi laj yalbune: «Avokoluk, mano li kosil ti te oy ta Anatote, ti te xkom ta yosilal Benjamine, yuʼun voʼot oy aderecho sventa xavuʼunin xchiʼuk xachaʼman. Mano sventa voʼot xavichʼ komel». Kʼalal jech laj kaʼi taje, laj kakʼ venta ti jaʼ smantal Jeovae.
9 Jaʼ yuʼun, la jmanbe yosil li Anamel ti jaʼ xnichʼon juntote, jaʼ li yosil ti te oy ta Anatote. La jpʼisbe li takʼine,+ vukub siklo* xchiʼuk lajunsep plata. 10 Vaʼun, la jpasbe lek svunal,+ laj kakʼbe seyoal, la jtak ta ikʼel testigoetik+ xchiʼuk la jpʼis ta kilo li takʼine. 11 Jaʼ yuʼun, laj kichʼbe li svunal ti chal ti la jmane, ti bu akʼbil seyoal jech kʼuchaʼal chal li mantale xchiʼuk jech kʼuchaʼal tskʼan ajvalile, laj kichʼ xtok li svunal ti bu chʼabal yichʼoj seyoale. 12 Vaʼun, li svunal osile laj kakʼbe li Baruk+ ti jaʼ xnichʼon Nerias+ xchiʼuk ti jaʼ smom Maseyae, te skʼeloj li Anamel ti jaʼ xnichʼon juntote, te skʼeloj li testigoetik ti laj yakʼ sfirmaik li ta svunal osile xchiʼuk skotol li judaetik ti te chotolik li ta Yamakʼ* Jchabivanejetike.+
13 Vaʼun, te ta satik xi laj kalbe mantal li Baruke: 14 «Xi chal li Jeova ti jaʼ bankilal yuʼun soltaroetike,* li Dios yuʼun Israele: ‹Tsako li vunetik liʼe, tsako li svunal osil ti bu akʼbil seyoale xchiʼuk li jlik ti bu chʼabal akʼbil seyoale xchiʼuk tikʼo ta jpʼej pʼin sventa jal te xichʼ kʼejel›.* 15 Yuʼun xi chal li Jeova ti jaʼ bankilal yuʼun soltaroetike, li Dios yuʼun Israele: ‹Li ta jteklum liʼe ta sman yan velta snaik, yosilik xchiʼuk ti bu tsʼunajtik uvae›».+
16 Kʼalal laj xa ox kakʼbe svunal osil li Baruk ti jaʼ xnichʼon Neriase, la jkʼopon Jeova xchiʼuk xi laj kalbee: 17 «¡Ay, Kajval Jeova ti Mukʼul Jpasmantalote! ¡Kʼelavil! Voʼot la apas li vinajel xchiʼuk balumil ta ajuʼel ti mu albajuke+ xchiʼuk ta akʼob ti lek tsotse. Muʼyuk kʼusi jtosuk ti mu spas avuʼune, 18 ti chavakʼbe ta ilel tukʼil kʼanelal ta smilal noʼox krixchanoetike, pe ti chavakʼbe stojik alab nichʼnabiletik ta tsʼakal li smul stotike,+ ti voʼot melel Diosote, ti voʼot mukʼul Diosote xchiʼuk ti oy ajuʼele, ti jaʼ abi Jeova ti bankilalot yuʼun soltaroetike. 19 Toj mukʼtik li kʼusitik anopoj chakʼan chapase,+ chavakʼ ta ilel ajuʼel kʼalal oy kʼusitik chapase,+ chajal ta asat skotol li kʼusitik tspas* krixchanoetik sventa xavakʼbe stojol ta jujuntal ta skoj li kʼusi tspasike xchiʼuk ta skoj ti kʼu yelan yabtelike.+ 20 Laj avakʼ ta ilel senyailtak xchiʼuk skʼelobiltak juʼelal li ta yosilal Ejiptoe, ti nabil-o skʼoplal li avie, jaʼ yuʼun laj avakʼ ta ojtikinel abi ta Israel xchiʼuk ta stojolal skotol li krixchanoetike,+ jech kʼuchaʼal chkʼot ta pasel li avie. 21 Kʼalal la alokʼes talel ta yosilal Ejipto li ateklumal Israele, laj avakʼ ta ilel senyailtak, skʼelobiltak juʼelal, laj avakʼ ta ilel li akʼob ti oy sjuʼel xchiʼuk ti lek tsotse xchiʼuk la apas kʼusitik ti xibalik sbae.+
22 »Ta mas tsʼakale, laj avakʼbe li balumil liʼe, ti laj aval ti chavakʼbe li smoltotakike,+ li balumil ti bu oy lek leche xchiʼuk pome.+ 23 Laje, ochik xchiʼuk laj yuʼuninik li balumile, pe muʼyuk la xchʼunik li kʼusi laj avalanbee xchiʼuk muʼyuk la xchʼunik li amantale, muʼyuk la spasik jsetʼuk* li kʼusi laj avalbe ti akʼo pasike, jaʼ yuʼun laj avakʼ ti xvul ta stojolalik skotol li vokolil liʼe.+ 24 ¡Kʼelavil! Talemik viniketik xchiʼuk stekʼobik sventa chuʼuninik li jteklume.+ Jech xtok, ta skoj paskʼop,+ tsatsal viʼnal xchiʼuk tsatsal chamel,+ li jteklume jpʼel skʼoplal ch-och ta skʼob li jkaldeaetik ti yakal tstsakvanik ta kʼope; jech kʼuchaʼal chavile yakal chkʼot ta pasel skotol li kʼusi laj avale. 25 Pe voʼote, Kajval Jeova ti Mukʼul Jpasmantalote, xi laj avalbune: ‹Mano ta takʼin li osile xchiʼuk saʼo testigoetik›, akʼo mi jpʼel skʼoplal ch-och ta skʼob jkaldeaetik li jteklume».
26 Vaʼun, jaʼo kʼoponat tal yuʼun Jeova li Jeremiase, xi albate: 27 «Voʼon Jeovaun, li Dios yuʼun skotol krixchanoetike. ¿Mi oy kʼusi jtosuk ti mu spas kuʼune? 28 Jaʼ yuʼun, xi chal li Jeovae: ‹Chkakʼbe ta skʼob jkaldeaetik li jteklum liʼe xchiʼuk ta skʼob li Nabukodonosor* ti jaʼ ajvalil ta Babiloniae, vaʼun ta xuʼunin.+ 29 Li jkaldeaetik ti yakal tstsakik ta kʼop li jteklum liʼe ta x-ochik li ta jteklume, tstsanbeik skʼakʼal+ xchiʼuk ta xchikʼik ta j-echʼel. Jech xtok, ta xchikʼik skotol li naetik ti la stunesbeik sjol sventa te xakʼbeik milbil matanal li Baale xchiʼuk ti te toʼox tsmalbeik matanal vino yan diosetik sventa tsokesbeikun jole›.+
30 »Xi chal li Jeovae: ‹Yuʼun li jteklum Israel xchiʼuk Judae jaʼ noʼox tspasik li kʼusi chopol chkile, jech onoʼox lik spasik tal ta skeremalik;+ li jteklum Israele yakal-o tsokesbeikun jol ta skoj li yabtel skʼobike. 31 Yuʼun ti kʼuxi lik yichʼ vaʼanel tal li jteklume xchiʼuk kʼalal to avie jaʼ noʼox tsabun skʼakʼal koʼonton xchiʼuk skapemal jol,+ jaʼ yuʼun skʼan jipel lokʼel ta keloval.+ 32 Taje jaʼ ta skoj ti chopol kʼusi la spas li jteklum Israel xchiʼuk Judae, yuʼun la sokesbeikun jol kʼalal ta ajvaliletik yuʼunik,+ bankilaletik yuʼunik,+ paleetik yuʼunik, j-alkʼopetik yuʼunik,+ li viniketik ta Judae xchiʼuk li jnaklejetik ta Jerusalene. 33 La svalopatinikun komel, muʼyuk la skʼelikun tal.+ Akʼo mi ep ta velta laj kakʼ persa xchanubtaselik,* mi junuk buchʼu la skʼan la xchikinta sventa xichʼ tukʼibtasel.+ 34 Li ta na ti yichʼoj jbie te laj yakʼ li sdiosik ti toj ibal sbae,* taje jaʼ sventa xikʼubtasik li jnae.+ 35 Jech xtok, la spasik tayal kʼopojebaletik* sventa Baal li ta stenlejaltik Inone,*+ sventa te xchikʼbeik ta smoton Molek li skeremtakik xchiʼuk stsebetakike.+ Taje muʼyuk jech kaloj mantal ti jech akʼo spasike+ xchiʼuk muʼyuk jech lokʼem ta koʼonton* ti spasik li kʼusi ibal sba ti jaʼ la sta-o smul li Judae›.
36 »Jaʼ yuʼun, li Jeovae, li Dios yuʼun Israele, xi chal ta stojolal li jteklum ti chavalik ti chichʼ akʼel ta skʼob ajvalil ta Babilonia ta skoj li paskʼope, li tsatsal viʼnale xchiʼuk li tsatsal chamele: 37 ‹Ta jtsobik sutel tal ta skotol lumetik ti butik la jpukik batel ta skʼakʼal koʼontone, ta skapemal jol xchiʼuk ta skoj ti li-ilin tajeke,+ chkikʼik sutel tal li ta lum liʼe xchiʼuk chkakʼ ti junuk yoʼonton xnakiike.+ 38 Vaʼun, chkʼotik ta jteklumal xchiʼuk voʼon chikʼot ta Sdiosik.+ 39 Ta jelbe yoʼontonik+ xchiʼuk ta jelbe sbeik sventa jechuk-o xiʼtaikun,* taje jaʼ sventa slekilal stukik xchiʼuk sventa slekilal li yalab xnichʼnabik chtal ta tsʼakale.+ 40 Ta jpas jun trato xchiʼukik ta sbatel osil,+ jaʼ ti muʼyuk chinamaj ta stojolalik sventa jpasbeik li kʼusi leke.+ Jech xtok, ta jtikʼbe ta yoʼontonik ti xiʼtaikun sventa mu xnamajik batel ta jtojolale.+ 41 Xkuxet koʼonton ta stojolalik+ xchiʼuk oy kʼusi lek ta jpas ta stojolalik. Jech xtok, ta sjunul koʼonton xchiʼuk ta skotol kip chkakʼ nakiikuk-o li ta lum liʼe›».+
42 «Yuʼun xi chal li Jeovae: ‹Jech kʼuchaʼal laj kakʼbe tal tsatsal vokoliletik li jteklum liʼe, jaʼ jech chkakʼbe tal skotol li kʼusitik lekik jech kʼuchaʼal chkalbeike.+ 43 Tsmanik yan velta osiletik li ta jteklum liʼe,+ akʼo mi xi chavalike: «Mu kʼusi oy li ta jteklum liʼe, mi junuk krixchano xchiʼuk mi jkotuk chonbolom, akʼbil xa ta skʼob jkaldeaetik»›.
44 »Xi chal li Jeovae: ‹Ta xlik sman yosilik ta takʼin, tspasbeik lek svunal xchiʼuk chichʼ akʼbel seyoal, chichʼ ikʼel tal testigoetik ta yosilal Benjamin,+ ta spat xokon Jerusalen, ta jteklumetik yuʼun Juda,+ ta jteklumetik ti te oy ta vitstikaltike, ta jteklumetik ta stenlejaltik+ xchiʼuk li ta jteklumetik ta sure. Yuʼun chkikʼ sutel tal li buchʼutik chukbilik batel yuʼunike›».+
33 Kʼoponat tal yan velta yuʼun Jeova li Jeremias kʼalal jaʼo te chukul ta Yamakʼ* Jchabivanejetike,+ xi albate: 2 «Xi chal li Jeova ti jaʼ Jpasvanej yuʼun li balumile, li Jeova ti jaʼ la spas xchiʼuk la snakan leke; li sbie jaʼ Jeova: 3 ‹Taun ta kʼoponel, vaʼun ta jtakʼbot xchiʼuk chkalbot ta anil li kʼusitik mukʼtik skʼoplale xchiʼuk li kʼusitik vokol ta aʼiel ti mu to xanabe skʼoplale›».+
4 «Yuʼun li Jeova ti jaʼ Dios yuʼun Israele xi chal ta sventa li naetik liʼ ta jteklume xchiʼuk li snatak ajvaliletik ta Juda ti laj yichʼ jinesel sventa spoj-o sbaik kʼalal la svaʼan stekʼobik li yajkontraike xchiʼuk kʼalal tsakatik ta kʼope+ 5 xchiʼuk xi chal ta sventa li buchʼutik chtal stsakik ta kʼop li jkaldeaetik ti liʼ telajtik chkom li sbekʼtalike, ti laj kakʼ lajikuk ta skʼakʼal koʼonton xchiʼuk ta skapemal jole, ti jaʼ ta smulik ti la jnakʼ* jsat ta stojolal li jteklume: 6 ‹Chkakʼ ti xlekubik yan veltae, chkakʼ ti xpoxtajike+ xchiʼuk ti xkolike, chkakʼ ti junuk tajek yoʼontonike xchiʼuk chkakʼbe yojtikinik lek li kʼusi melele.+ 7 Ta xkikʼik sutel tal yan velta li buchʼutik chukbilik batel yuʼun li Juda xchiʼuk li Israele,+ jpʼel skʼoplal chkakʼbeik bendision yan velta jech kʼuchaʼal la jpas ta slikebale.+ 8 Ta jpokbe lokʼel skotol li smul spasojik ta jtojolale+ xchiʼuk ta jpasbe perton skotol li kʼusi chopol spasojbeikune xchiʼuk li smul spasojik ta jtojolale.+ 9 Chimuyubaj yuʼun kʼalal chkaʼibe sbi li jteklum liʼe xchiʼuk chakʼ ti skʼupil kʼoptaikun xchiʼuk ti xichʼikun ta mukʼ li mukʼtik lumetik ti chaʼiik ti oy kʼusitik lekik jpasoj ta stojolal li jteklumale.+ Ta xlik xiʼikuk xchiʼuk chlik tʼelikuk*+ ta skoj li kʼusi lekik chkakʼbe li jteklumale xchiʼuk li jun oʼontonal chkakʼbe ti mu albajuke›».+
10 «Xi chal li Jeovae: ‹Ti chavalik ti jecheʼ xokol li jteklume, ti chʼabal krixchanoetik xchiʼuk ti chʼabal tsʼunbal chonbolometike, li ta jteklumetik ta Juda xchiʼuk ta skayealtak Jerusalen ti jecheʼ xokole, ti bu chʼabal krixchanoetik, jnaklejetik mi jaʼuk tsʼunbal chonbolometike, chichʼ aʼiel yan velta 11 ti xkuxet yoʼontonike xchiʼuk ti xmuyubajike,+ li yechʼomal ye jnupunel kereme xchiʼuk li yechʼomal ye jnupunel tsebe xchiʼuk li yechʼomal ye li buchʼutik xi chalike: «¡Tojbeik ta vokol li Jeova ti jaʼ bankilal yuʼun soltaroetike,* yuʼun toj lek yoʼonton li Jeovae;+ te oy-o sbatel osil li tukʼil kʼanelal yuʼune!»›.+
»‹Chichʼik tal chikʼbil matanal ta sna Jeova kʼalal tstojik ta vokole,+ yuʼun chkikʼik sutel tal ta jteklum li buchʼutik chukbilik batel jech kʼuchaʼal onoʼox ta slikebale›, xi li Jeovae».
12 «Xi chal li Jeova ti jaʼ bankilal yuʼun soltaroetike: ‹Li ta lum ti jecheʼ xokol kome, ti chʼabal krixchanoetike, ti chʼabal tsʼunbal chonbolometik xchiʼuk ta skotol li jteklumetik yuʼune chchʼi yan velta yaxal* sventa te xikʼ batel xkux xchijik li jchabichijetike›.+
13 »Xi chal li Jeovae: ‹Chlik xchap yan velta xchijik li jchabichijetik li ta jteklumetik ti te oy ta vitstikaltike, li ta jteklumetik ta stenlejaltike, li ta jteklumetik ta sure, li ta yosilal Benjamine, li ta spat xokon Jerusalene+ xchiʼuk li ta jteklumetik yuʼun Judae›».+
14 «Xi chal li Jeovae: ‹¡Kʼelavil! Chkʼot skʼakʼalil ti chkʼot ta pasel li kʼusitik lekik laj kal ta jpas ta stojolal li jteklum Israele xchiʼuk li jteklum Judae.+ 15 Li vaʼ orae xchiʼuk li vaʼ kʼakʼale, chkakʼ lokʼuk tal ta stojolal David jun skʼelom ti lek tukʼe,*+ ti tspas li kʼusi tukʼ ta jteklume* xchiʼuk ti tspas li kʼusi chal mantale.+ 16 Li vaʼ kʼakʼale, chichʼ pojel li Judae+ xchiʼuk jun noʼox yoʼonton chnakiik ta Jerusalen li krixchanoetike.+ Xchiʼuk xi chichʼ biiltasele: Jaʼ Tukʼilal Kuʼuntik li Jeovae›».+
17 «Yuʼun xi chal li Jeovae: ‹Jpʼel skʼoplal ti oy-o jun snitilulal David ti te chchoti ta chotlebal sventa ajvalil ta jteklum Israele,+ 18 jech xtok, li paleetik ti jaʼik jlevietike oy-o buchʼu yuʼunik ti te vaʼal ta keloval sventa xakʼik li skotlej chikʼbil matanale, sventa xchikʼik li matanal sat tsʼunobiletike xchiʼuk sventa xakʼik li milbil matanale›».
19 Kʼoponat tal yan velta yuʼun Jeova li Jeremiase, xi albate: 20 «Xi chal li Jeovae: ‹Ti xtuchʼuk avuʼunik li trato la jpas ta sventa li kʼakʼaltike xchiʼuk li trato la jpas ta sventa li akʼobaltik sventa mu xvul ta yorail li kʼakʼaltik xchiʼuk akʼobaltike,+ 21 vaʼun bi, chtuchʼ jechuk li trato jpasoj xchiʼuk kajtunel David+ sventa muʼyukuk xa junuk xnichʼon ti xchoti li ta xchotleb sventa ajvalile+ xchiʼuk chtuchʼ jechuk xtok li trato jpasoj xchiʼuk li paleetik ti jaʼik jlevietike, li kajtuneltake.+ 22 Jech kʼuchaʼal mu stakʼ chapel li soltaroetik ta vinajele xchiʼuk ti mu stakʼ pʼisel li sjiʼal* nabe, jaʼ jech ta xkepajesbe snitilulal li kajtunel Davide xchiʼuk li jlevietik ti chtunik ta jtojolale›».
23 Kʼoponat tal yan velta yuʼun Jeova li Jeremiase, xi albate: 24 «¿Mi muʼyuk avakʼoj venta ti kʼusi ta xal li jteklum liʼe: ‹Li Jeovae ta spʼaj li chib utsʼ alalil ti la stʼuje›? Jech xtok, muʼyuk chichʼik ta mukʼ li jteklumale xchiʼuk maʼuk xa jun mukʼta lum chilik.
25 »Xi chal li Jeovae: ‹Jech kʼuchaʼal muʼyuk chchʼay-o skʼoplal li trato jpasoj ta sventa li kʼakʼaltik xchiʼuk li akʼobaltike,+ li mantaletik ta sventa li vinajel xchiʼuk balumile,+ 26 jaʼ noʼox jech ek, muʼyuk onoʼox ta jpʼaj li snitilulal Jakobe xchiʼuk li snitilulal kajtunel Davide, jaʼ yuʼun te ta jlokʼes tal ta snitilulal David li ajvaliletik ti tsventainbeik li snitilulal Abraan, Isaak xchiʼuk Jakobe. Yuʼun ta jtsob sutel tal li buchʼutik chukbilik batel yuʼune+ xchiʼuk chkʼuxubajik ta koʼonton›».+
34 Li Nabukodonosor* ti jaʼ ajvalil ta Babilonia xchiʼuk skotol li yajsoltarotake yakal tstsakik ta kʼop li Jerusalen xchiʼuk skotol li jteklumetik ta spat xokone. Te xchiʼuk tal skotol li mukʼtik lumetik ta balumil ti sventainoje xchiʼuk skotol li jteklumetike. Vaʼun, jaʼo kʼoponat tal yuʼun Jeova li Jeremiase, xi albate:+
2 «Xi chal li Jeova ti jaʼ Dios yuʼun Israele: ‹Batan, bat kʼopono li Sedekias+ ti jaʼ ajvalil ta Judae, xi xavalbee: «Xi chal li Jeovae: ‹Ta xkakʼbe ta skʼob ajvalil ta Babilonia li jteklum liʼe, vaʼun ta xchikʼ ta kʼokʼ.+ 3 Li voʼot eke muʼyuk chakol ta skʼob li ajvalile, yuʼun jpʼel skʼoplal chavichʼ tael ta tsakel xchiʼuk chavichʼ akʼel ta stojolal.+ Chbat avaʼan aba ta yeloval li ajvalil ta Babiloniae, te akʼelojbe lek sat kʼalal chchiʼinot ta loʼile, persa chabat ta Babilonia›.+ 4 Akʼo mi jech chkʼot ta atojolal, Sedekias, ajvalil ta Juda, chikintao li kʼusi chal Jeovae: ‹Xi chal li Jeova ta atojolale: «Li voʼote muʼyuk chavichʼ milel ta espada. 5 Jun avoʼonton chacham+ xchiʼuk ta xchikʼboxuk muil poxiletik kʼalal chavichʼ mukel jech kʼuchaʼal la spasbeik li amoltotake, jaʼ li ajvaliletik ti baʼyel echʼik avuʼune, ta xat yoʼontonik ta atojolal, xi chalike: ‹¡Ay, ajvalil kuʼunkutik!›, yuʼun ‹jech lokʼem ta ke›, xi li Jeovae»›»›».
6 Vaʼun, li j-alkʼop Jeremiase la skʼopon li Sedekias ti jaʼ ajvalil yuʼun Juda ti te oy ta Jerusalene, 7 jaʼo kʼalal yakal tstsakik ta kʼop Jerusalen li yajsoltarotak ajvalil ta Babiloniae. Jaʼo yakal tstsakik ta kʼop xtok skotol li jteklumetik ta Juda ti muʼyuk to lajemik ta tsalele,+ jaʼ li Lakis+ xchiʼuk Asekae,+ yuʼun jaʼ xa noʼox stukik ti lek joyolik ta muro li ta jteklumetik ta Judae.
8 Li Jeremiase oy kʼusi albat yuʼun Jeova kʼalal spasojik xa ox jun trato li ajvalil Sedekias xchiʼuk sjunul li jteklum Jerusalen sventa skoltaik lokʼel li smosoike,+ 9 ti skotolik skʼan skoltaik lokʼel li smosoik ti jaʼik j-ebreoetike, ta vinik ta ants, sventa mu teuk smosoinik-o li xchiʼilik ti jaʼ judaetik eke. 10 Jech oxal, jech la spasik skotol li bankilaletike xchiʼuk skotol li krixchanoetike. Yuʼun te tsakal skʼoplalik li ta trato la spasik ti skʼan skoltaik lokʼel li smosoike xchiʼuk li skiaraike, ti mu teuk xkom-o ta smosoike. Jaʼ yuʼun, la xchʼunik mantal, la skoltaik batel. 11 Akʼo mi jech, laj yikʼik sutel tal li mosoiletik xchiʼuk kiaraetik ti laj toʼox skoltaik batele, vaʼun la sujik ti xkʼotik ta smosoik yan veltae. 12 Jaʼ yuʼun, kʼoponat tal yan velta yuʼun Jeova li Jeremiase, xi laj yal li Jeovae:
13 «Xi chal li Jeova ti jaʼ Dios yuʼun Israele: ‹La jpas jun trato xchiʼuk li amoltotakik+ kʼalal la jlokʼesik tal li ta yosilal Ejiptoe, ti bu mosoinbilik toʼoxe,+ xi laj kale: 14 «Mi oy junuk avermano ti jaʼ j-ebreo ti amanoje xchiʼuk mi vakib xa jabil tun ta atojolale, skʼan xakolta batel li ta svukubal jabile».+ Pe muʼyuk bu laj yaʼibeikun xchiʼuk muʼyuk la stsʼet chikintabeikun li amoltotakike. 15 Pe achʼtik toe,* la ajel li anopbenike xchiʼuk jaʼ la apasik li kʼusi lek chkil kʼalal la akoltaik lokʼel ta mosoil li achiʼiltakike, la apasik jun trato ta keloval li ta na ti yichʼoj jbie. 16 Ta tsʼakale, la ajel anobpenik yan velta xchiʼuk la asokesbeik skʼoplal jbi+ kʼalal laj avikʼik tal yan velta li amosoike xchiʼuk li akiaraike, ti laj toʼox akoltaik lokʼel jech kʼuchaʼal la skʼanike, vaʼun la asujik ti xkʼotik ta amosoik yan veltae›.
17 »Jaʼ yuʼun, xi chal li Jeovae: ‹Li voʼoxuke muʼyuk la achʼunbeikun ti skʼan xakoltaik batel li amosoike, ti xakoltaik batel li achiʼilik ta jujuntale xchiʼuk li avermanoike.+ Jaʼ yuʼun, jaʼ to kolem chakomik kuʼun mi lalajik ta espada, ta tsatsal chamel xchiʼuk ta tsatsal viʼnale,+ jech xtok, xibal aba chakomik kuʼun ta sba sat skotol li mukʼtik lumetik ta balumile›,+ xi li Jeovae. 18 ‹Liʼe jaʼ jech chkʼot ta stojolal li viniketik ti muʼyuk la spasik jech kʼuchaʼal chal li jtratoe, ti muʼyuk kʼot ta pasel yuʼunik li trato la spasik ta keloval kʼalal la xtuchʼik ta oʼlol li chʼiom tot vakaxe xchiʼuk ti te jelavik ta oʼlol ti bu xetʼajtik* yuʼunike,+ 19 li viniketik taje jaʼik li bankilaletik ta Judae, li bankilaletik ta Jerusalene, li bankilal j-abteletik ta pasob mantale, li paleetike xchiʼuk skotol li krixchanoetik ta jteklum ti te jelavik ta oʼlol ti bu xetʼajtik* yuʼunik li chʼiom tot vakaxe: 20 chkakʼik ta skʼob li yajkontraike xchiʼuk li buchʼutik tskʼan chmilatike, vaʼun ta xkʼot ta sveʼel mutetik ta vinajel li sbekʼtalike xchiʼuk ta sveʼel li chonbolometik ta balumile.+ 21 Li Sedekias ti jaʼ ajvalil ta Judae xchiʼuk li bankilaletik yuʼune chkakʼik ta skʼob li yajkontraike, li buchʼutik tskʼan chmilatike xchiʼuk li yajsoltarotak ajvalil ta Babiloniae,+ ti yakal xa chlokʼik batel li ta alumalike›.+
22 »Xi chal li Jeovae: ‹Ta xkal mantal, ta xkikʼik sutel tal li ta jteklume xchiʼuk chtal stsakik ta kʼop yan velta, ta xuʼuninik, ta xchikʼik ta kʼokʼ+ xchiʼuk xokol chkom kuʼun li jteklumetik ta Judae, mi junuk jnaklej te chkom›».+
35 Li Jeremiase oy kʼusi albat yuʼun Jeova li ta skʼakʼalil Jeoiakim+ ti jaʼ xnichʼon Josiase xchiʼuk ti jaʼ ajvalil ta Judae, xi albate: 2 «Bat kʼelo xchiʼuk bat kʼopono li yutsʼ yalal Rekabe+ xchiʼuk ikʼo batel ta sna Jeova, ikʼo ochel ta junuk yut veʼebal,* vaʼun akʼbo yuchʼik vino».
3 Jaʼ yuʼun, laj kikʼ batel li Jaasanias ti jaʼ xnichʼon Jeremias xchiʼuk ti jaʼ smom Abasiniase, li xchiʼiltak ta vokʼele, skotol li xnichʼnabe xchiʼuk skotol li yutsʼ yalal Rekabe. 4 Te laj kikʼik batel ta sna Jeova. Laj kikʼik batel li ta veʼebal yuʼun xnichʼon Anan ti jaʼ smom Igdaliase, ti jaʼ yajtunel li melel Diose, ti te nopol xil li veʼebal yuʼun bankilaletike xchiʼuk ti te oy ta yakʼol li veʼebal yuʼun Maaseya ti jaʼ xnichʼon Salum xchiʼuk ti jaʼ jchabitiʼnae. 5 Vaʼun, te la jvuchan kopaetik xchiʼuk vasoetik ti noj ta vino ta yeloval li yutsʼ yalal Rekabe, vaʼun xi laj kalbeike: «Uchʼanik vino».
6 Pe xi laj yalike: «Muʼyuk ta xkuchʼkutik vino, yuʼun xi laj yalbunkutik mantal li Jeonadab*+ ti jaʼ xnichʼon Rekab ti jaʼ jmoltotkutike: ‹Mu me xavuchʼik jsetʼuk* vino ti kʼu sjalil kuxuloxuke xchiʼuk mi jaʼuk stakʼ xuchʼik ek li anichʼnabike. 7 Jech xtok, mu me xavaʼan anaik, mu kʼusi xatsʼunik; mu me xatsʼunik uva, mi jaʼuk xavuʼuninik osiletik ti bu tsʼunbil uvaetike. Ti kʼu sjalil kuxuloxuke jaʼ noʼox xuʼ xanakiik ta karpanaetik sventa jal xakuxiik li ta jteklum ti bu nakaloxuk kʼuchaʼal jyanlume›. 8 Jaʼ yuʼun, jech-o ta jchʼunkutik skotol li kʼusi laj yal Jeonadab ti jaʼ xnichʼon li jmoltotkutik Rekabe, ti mu stakʼ xkuchʼkutik vino ti kʼu sjalil kuxulunkutike, mu stakʼ xuchʼik ek li kajnilkutike xchiʼuk li jkerem jtsebkutike. 9 Muʼyuk jvaʼanoj jnakutik sventa te xinakikutik, chʼabal bu tsʼunajtik j-uvakutik, chʼabal kosilkutik xchiʼuk sbekʼ jtsʼunobkutik. 10 Jech-o ta karpana nakalunkutik xchiʼuk ta jchʼunkutik-o skotol li kʼusi laj yalbunkutik li Jeonadab* ti jaʼ jmoltotkutike. 11 Pe kʼalal tal stsak ta kʼop jteklum li Nabukodonosor* ti jaʼ ajvalil ta Babiloniae,+ xi laj kalkutike: ‹Laʼik, batik ta Jerusalen sventa xijatavutik ta stojolal li yajsoltarotak jkaldeaetik xchiʼuk jsiriaetike›, li avi une liʼ xa nakalunkutik ta Jerusalene».
12 Xi kʼoponat tal yuʼun Jeova li Jeremiase: 13 «Xi chal li Jeova ti jaʼ bankilal yuʼun soltaroetike,* li Dios yuʼun Israele: ‹Batan, xi xbat avalbe li viniketik ta Judae xchiʼuk li jnaklejetik ta Jerusalene: «¿Mi mu nopolikuk noʼox la jtij avoʼontonik sventa xachʼunik li kʼusi chkale?»,+ xi li Jeovae. 14 «Li Jeonadab ti jaʼ xnichʼon Rekabe laj yalbe mantal snitilulal ti mu xuchʼik vinoe. Vaʼun, jech xchʼunojik-o tal kʼalal to avie, muʼyuk chuchʼik li vinoe. Jaʼ jech xchʼunojik-o tal li kʼusi albatik yuʼun smoltotike.+ Pe li voʼoxuke muʼyuk xachʼunbeikun, akʼo mi ep ta velta la jkʼoponoxuk.*+ 15 Jech-o la jtak tal ta atojolalik li j-alkʼopetik ti jaʼ kajtuneltake, ep ta velta la jtakik tal,*+ xi laj yalike: ‹Avokolikuk, sutanik tal, iktaik li achopol beike+ xchiʼuk pasik li kʼusi tukʼe. Mu xabatik ta stojolal yan diosetik xchiʼuk mi jaʼuk xatunik ta stojolal. Vaʼun, te chanakiik-o li ta balumil ti laj kakʼboxuke xchiʼuk ti laj kakʼbe li amoltotakike›.+ Pe muʼyuk laj avaʼibeikun xchiʼuk muʼyuk la atsʼet chikintabeikun. 16 Li snitilulal Jeonadab ti jaʼ xnichʼon Rekabe jech-o la xchʼunik li kʼusi albatik yuʼun li smoltotike,+ yan li jteklum liʼe mu skʼan xchikintabeikun»›».
17 «Jaʼ yuʼun, xi chal li Jeova Dios ti jaʼ bankilal yuʼun soltaroetike, li Dios yuʼun Israele: ‹Chkakʼ talel ta stojolal Juda xchiʼuk ta stojolal skotol jnaklejetik ta Jerusalen skotol li vokoliletik ti kalojbeik xa onoʼox chkakʼ tale,+ yuʼun la jkʼoponik, pe muʼyuk la skʼan la xchikintaik, ep ta velta la jtakik ta ikʼel, pe muʼyuk la stakʼbeikun›».+
18 Li Jeremiase xi laj yalbe li yutsʼ yalal Rekabe: «Xi chal li Jeova ti jaʼ bankilal yuʼun soltaroetike, li Dios yuʼun Israele: ‹Ta skoj ti la achʼunik li kʼusi laj yalboxuk li amoltotik Jeonadabe xchiʼuk ti jech-o tajek chapasik kʼuchaʼal laj yalboxuke, 19 xi chal li Jeova ti jaʼ bankilal yuʼun soltaroetike, li Dios yuʼun Israele: «Muʼyuk chlaj-o skʼoplal li snitilulal Jeonadab* sventa xtunik ta jtojolale»›».
36 Vaʼun, kʼalal xchanibal xa ox jabil yochel ta ajvalil ta Juda li Jeoiakim+ ti jaʼ xnichʼon Josiase, kʼoponat tal yuʼun Jeova li Jeremiase, xi albate: 2 «Tsako jlikuk balbalvun xchiʼuk te xatsʼiba skotol li kʼusi kalojbot ta stojolal Israel, Juda+ xchiʼuk skotol li mukʼtik lumetike,+ jech xkechet xlik atsʼiba li kʼusi laj kalbot ta baʼyel velta li ta skʼakʼalil Josias kʼalal to avie.+ 3 Yikʼaluk van xikta xchopol beik li jteklum Juda mi laj yaʼiik li vokolil jnopoj chkakʼ talel ta stojolalike, vaʼun xuʼ jech jchʼaybeik li spaltailike* xchiʼuk li smulike».+
4 Vaʼun, li Jeremiase la stak ta ikʼel li Baruk+ ti jaʼ xnichʼon Neriase,+ li Jeremias une lik yalbe skotol li kʼusi albil yuʼun Jeovae, li Baruke la stsʼiba li ta balbalvune. 5 Laje, xi laj yalbe mantal Baruk li Jeremiase: «Mu xakʼik ochkun li ta sna Jeovae, jaʼ yuʼun mu xuʼ xi-och. 6 Jech oxal, voʼot skʼan xabat sventa xbat avapta li kʼusitik laj kalbot ti la atsʼiba ta balbalvun ti jaʼ li kʼusi laj yal Jeovae. Te xavapta ta sna Jeova sventa xaʼiik li jteklume, jaʼo xapas kʼalal yorail tspasik ayunoe;* jaʼ xavaptabe li buchʼutik liʼ onoʼox likemike xchiʼuk skotol li jnaklejetik ti likemik talel ta jteklumetik ta Judae. 7 Yikʼaluk van staik ta kʼoponel Jeova sventa xkʼuxubinatike, vaʼun xuʼ jech chiktaik li xchopol beike, yuʼun kʼalal laj yal Jeova li kʼusi chkʼot ta stojolal li jteklum liʼe, toj echʼ xa noʼox skʼakʼal yoʼonton xchiʼuk ilinem tajek».
8 Jaʼ yuʼun, li Baruk ti jaʼ xnichʼon Neriase jech la spas skotol jech kʼuchaʼal albat yuʼun li j-alkʼop Jeremiase, te tsots laj yapta ta sna Jeova li kʼusitik tsʼibabil ta balbalvun* ti jaʼ yaloj Jeovae.+
9 Vaʼun, li ta svoʼobal jabil yochel ta ajvalil ta Juda li Jeoiakim+ ti jaʼ xnichʼon Josiase, li ta sbalunebal ue, laj yichʼik albel mantal ti akʼo spasik ayuno ta sventa Jeova skotol li krixchanoetik ta Jerusalene xchiʼuk skotol li krixchanoetik ti talik ta Jerusalen ti likemik talel ta jteklumetik ta Judae.+ 10 Laje, li Baruke lik yaptabe sjunul jteklum li kʼusi yaloj Jeremias ti tsʼibabil ta balbalvune,* te laj yapta ta sna Jeova, te ta skuarto* Guemarias+ ti jaʼ xnichʼon li jtsʼibajom* Safane,+ li ta amakʼ* ti ta akʼol oye, li ta yochebal li achʼ tiʼ na yuʼun Jeovae.+
11 Li Mikaya ti jaʼ xnichʼon Guemarias xchiʼuk ti jaʼ smom Safane, laj yaʼi skotol li kʼusi chal Jeova ti te tsʼibabil ta balbalvune,* 12 vaʼun yal batel ta sna* ajvalil, ta skuarto li sekretarioe. Te chotolik skotol li bankilaletike:* li Elisama+ ti jaʼ sekretarioe, li Delaya ti jaʼ xnichʼon Semayae, li Elnatan+ ti jaʼ xnichʼon Akbore,+ li Guemarias ti jaʼ xnichʼon Safane, li Sedekias ti jaʼ xnichʼon Ananiase xchiʼuk skotol li yan bankilaletike. 13 Li Mikayae laj yalbe yaʼiik skotol li kʼusi laj yaʼi ta balbalvun* ti laj yapta ta stojolal sjunul jteklum li Baruke.
14 Vaʼun, skotol li bankilaletike jaʼ la stakik batel ta stojolal Baruk li Jeudi ti jaʼ xnichʼon Netaniase, ti jaʼ smom li Selemiase xchiʼuk ti jaʼ snamtal mom li Kusie, sventa xi xalbee: «Laʼ xchiʼuk ichʼo tal li balbalvun ti la akʼelbe li jteklume». La stsak batel balbalvun li Baruk ti jaʼ xnichʼon Neriase xchiʼuk bat ti bu oyike. 15 Laje, xi laj yalbeike: «Avokoluk, chotlan, tsots aptao tal sventa xkaʼikutik». Jaʼ yuʼun, li Baruke laj yaptabe yaʼiik.
16 Vaʼun, kʼalal laj yaʼiik skotol li kʼusi laj yale, xiʼemik xa la skʼelbe sba satik ta jujuntal xchiʼuk xi laj yalbeik li Baruke: «Li kʼusi laj avale skʼan xbat kalbekutik skotol li ajvalile». 17 Xi la sjakʼbeik li Baruke: «Avokoluk, albunkutik kʼuxi la atsʼiba skotol li kʼusi laj avale. ¿Mi jaʼ laj yalbot Jeremias li kʼusi la atsʼibae?». 18 Xi la stakʼ li Baruke: «Jaʼ laj yalbun skotol li kʼusi la jtsʼibae xchiʼuk ta tinta la jtsʼiba li balbalvun* liʼe». 19 Li bankilaletike xi laj yalbeik li Baruke: «Batanik, bat nakʼo* abaik xchiʼuk li Jeremiase, mu me buchʼu xavalbeik ti bu chanakʼ abaike».+
20 Vaʼun, li balbalvune te laj yakʼik ta skuarto li Elisama ti jaʼ sekretarioe xchiʼuk bat skʼelik ta amakʼ* li ajvalile xchiʼuk laj yalbeik skotol li kʼusi laj yaʼiike.
21 Jaʼ yuʼun, li ajvalile la stak batel Jeudi+ sventa xbat yichʼ tal li balbalvune, li Jeudie bat yichʼ tal ta skuarto li Elisama ti jaʼ sekretarioe. Vaʼun, lik yaptabe li ajvalile xchiʼuk skotol li bankilaletik ti koʼol te vaʼalik xchiʼuk li ajvalile. 22 Li ajvalile jaʼo te chotol li ta sna ti te ch-echʼ yuʼun yorail siktike, jaʼ li ta sbalunebal ue,* te xtiltun* skʼokʼ ta yav akʼal sventa chkʼatin. 23 Kʼalal chlaj xa ox skʼel oxvokʼ o chanvokʼuk li Jeudie, li ajvalile ta setilan lokʼel ta xkuchilu sekretario li jujuvokʼ taje xchiʼuk tsjip ochel li ta yav akʼal ti xtiltun* skʼakʼale, jaʼ to ti och ta kʼokʼ yuʼun sliklej li balbalvune. 24 Muʼyuk xiʼik jutebuk; mi jaʼuk la sliʼ ta jatel skʼuʼ spokʼik li ajvalile xchiʼuk li yajtuneltak ti laj yaʼiik li kʼusi tsʼibabile. 25 Li Elnatan,+ Delaya+ xchiʼuk Guemariase+ xvokoletik laj yalbeik ajvalil ti mu xchikʼ li balbalvune, pe muʼyuk la xchikinta. 26 Jech xtok, li ajvalile laj yalbe mantal Jerameel ti jaʼ xnichʼon ajvalile,* li Seraya ti jaʼ xnichʼon Asriele xchiʼuk li Selemias ti jaʼ xnichʼon Abdeel sventa xbat stsakik tal li Baruk ti jaʼ sekretarioe xchiʼuk li j-alkʼop Jeremiase, pe nakʼatik* yuʼun li Jeovae.+
27 Vaʼun, kʼoponat tal yan velta yuʼun Jeova li Jeremias kʼalal laj xa ox xchikʼ ajvalil li balbalvun ti te stsʼibaoj Baruk li kʼusi albat yuʼun Jeremiase, xi albate:+ 28 «Saʼo yan balbalvun xchiʼuk te xatsʼiba li kʼusi te toʼox tsʼibabil li ta baʼyel balbalvun ti la xchikʼ li Jeoiakim ti jaʼ ajvalil ta Judae.+ 29 Xi skʼan xavalbe li Jeoiakim ti jaʼ ajvalil ta Judae: ‹Xi chal li Jeovae: «Voʼot ti la achikʼ li balbalvune xchiʼuk ti xi chavale: ‹¿Kʼu yuʼun xi la atsʼibae: «Jpʼel skʼoplal chtal li ajvalil ta Babiloniae, tslajes ta j-echʼel li jteklum liʼe, mi junuk krixchano xchiʼuk mi jkotuk chonbolom chkom»?›.+ 30 Jaʼ yuʼun, xi chal Jeova ta stojolal li Jeoiakim ti jaʼ ajvalil ta Judae: ‹Mi junuk snitilulal chkom sventa te xchoti li ta xchotleb ajvalil Davide,+ li sbekʼtale te telel chkom ta yeloval kʼakʼal xchiʼuk te chlaj ta taiv li ta akʼobaltike.+ 31 Chkakʼbe kastigo li ajvalile, li snitilulale xchiʼuk li yajtuneltak ta skoj li spaltailike.* Jech xtok, chkakʼ tal ta stojolalik xchiʼuk ta stojolal jnaklejetik ta Jerusalen xchiʼuk viniketik ta Juda li vokolil ti kalojbeik xa onoʼox chkakʼ tale,+ pe muʼyuk la xchikintaik›»›».+
32 Vaʼun, li Jeremiase la saʼ yan balbalvun xchiʼuk laj yakʼbe li Baruk ti jaʼ xnichʼon Nerias ti jaʼ sekretarioe+ xchiʼuk te la stsʼiba li kʼusi albat yuʼun Jeremiase, skotol li kʼusi te tsʼibabil li ta balbalvun* ti la xchikʼ li Jeoiakim ti jaʼ ajvalil ta Judae.+ Jech xtok, ep to ta pʼel kʼopetik te laj yichʼ tsʼibael ti xkoʼolajtik kʼuchaʼal li ta baʼyele.
37 Li ajvalil Sedekias+ ti jaʼ xnichʼon Josiase jaʼ och ajvalilajuk ta xkʼexol li Konias*+ ti jaʼ xnichʼon Jeoiakime, yuʼun li Nabukodonosor* ti jaʼ ajvalil ta Babiloniae la svaʼan ta ajvalil ta yosilal Juda.+ 2 Pe li ajvalil Sedekiase, li yajtuneltake xchiʼuk li krixchanoetik ta jteklume muʼyuk la xchikintaik li kʼusi laj yal Jeova ta stojolal li j-alkʼop Jeremiase.
3 Li ajvalil Sedekiase la stak batel li Jeukal+ ti jaʼ xnichʼon Selemiase xchiʼuk li Sofonias+ ti jaʼ xnichʼon li pale Maaseyae, takatik batel sventa xi xbat yalbeik li j-alkʼop Jeremiase: «Avokoluk, paso orasion ta jtojolaltik, kʼopono li Jeova ti jaʼ Jdiostike». 4 Li Jeremiase buyuk toʼox xuʼ xbat li ta jteklume, yuʼun muʼyuk toʼox stikʼojik ta chukel.+ 5 Vaʼun, li yajsoltarotak faraone lokʼik tal ta Ejipto,+ pe li jkaldeaetik ti te toʼox setuojik Jerusalene laj yaʼiik ti talik xae. Jaʼ yuʼun, laj yiktaik ta skontrainel li Jerusalene.+ 6 Laje, kʼoponat tal yuʼun Jeova li j-alkʼop Jeremiase, xi albate: 7 «Xi chal li Jeova ti jaʼ Dios yuʼun Israele: ‹Xi skʼan xavalbeik li ajvalil ta Juda ti jaʼ la stakoxuk tal sventa xtal akʼanbeikun vokole: «¡Kʼelavilik! Li yajsoltarotak faraon ti chtal skoltaoxuke persa tsut batel ta slumalik, ta Ejipto.+ 8 Ta sutik tal li jkaldeaetike, ta stsakik ta kʼop li jteklum liʼe, ta xuʼuninik xchiʼuk ta xchikʼik ta kʼokʼ».+ 9 Xi chal li Jeovae: «Mu xaloʼla abaik kʼalal xi chavalike: ‹Jpʼel skʼoplal muʼyuk xa tsut tal li jkaldeaetike›, yuʼun persa tsutik tal. 10 Akʼo onoʼox mi stsal avuʼunik skotol li yajsoltarotak jkaldeaetik ti yakal tstsakoxuk ta kʼope xchiʼuk ti kʼajomal xa noʼox te chkom li sviniktakik ti yayijemike, akʼo mi jech, ta onoʼox xtotsik lokʼel tal li ta skarpanaike xchiʼuk chchikʼik ta kʼokʼ li jteklum liʼe»›».+
11 Kʼalal lokʼik xa ox batel ta Jerusalen li yajsoltarotak jkaldeaetik ta skoj ti talik li yajsoltarotak faraone,+ 12 li Jeremiase lokʼ batel ta Jerusalen, bat ta yosilal Benjamin+ sventa xichʼ sparte osil ti bu oy li xchiʼiltake. 13 Pe kʼalal kʼot li ta ochebal ti Benjamin sbie, li bankilal jchabiej ochebal Iriya ti jaʼ xnichʼon Selemiase xchiʼuk ti jaʼ smom li Ananiase la stsak li j-alkʼop Jeremiase xchiʼuk xi laj yalbee: «¿Mi yuʼun chajipunkutik komel sventa xabat xchiʼuk li jkaldeaetike?». 14 Xi la stakʼ li Jeremiase: «¡Mu meleluk maʼ taje! Muʼyuk chkiktaoxuk sventa xibat xchiʼuk li jkaldeaetike». Pe muʼyuk la xchikinta li Iriyae. Jaʼ yuʼun, la xchuk batel li Jeremiase xchiʼuk laj yikʼ batel ta stojolal li bankilaletike. 15 Solel kapem tajek sjolik ta stojolal Jeremias li bankilaletike,+ la smajik xchiʼuk te la sbajik+ ta sna li Jeonatan ti jaʼ sekretarioe, yuʼun spasojik xa onoʼox ta chukinab. 16 Li Jeremiase laj yichʼ tikʼel ta jun chukinab ti ta yut balumil oye xchiʼuk epal kʼakʼal te laj yichʼ chukel.
17 Vaʼun, li ajvalil Sedekiase la stak ta ikʼel li Jeremiase xchiʼuk oy kʼusi la sjakʼbe ta mukul te ta sna.*+ Xi la sjakʼbee: «¿Mi oy kʼusi yaloj li Jeovae?». Xi la stakʼ li Jeremiase: «Oy». Xchiʼuk xi to laj yale: «¡Chavichʼ akʼel ta skʼob li ajvalil ta Babiloniae!».+
18 Li Jeremias eke xi la sjakʼbe li ajvalil Sedekiase: «¿Kʼusi xa noʼox chopol la jpas ta atojolal, ta stojolal avajtuneltak xchiʼuk ta stojolal li jteklum ti la atikʼikun ta chukele? 19 Avi une, ¿bu oy li j-alkʼopetik avuʼunik ti xi laj yalboxuke: ‹Li ajvalil ta Babiloniae muʼyuk chtal stsakoxuk ta kʼop xchiʼuk li alumalike›?+ 20 Avi une, kajval, chikintao li kʼusi chkale. Avokoluk, ajvalil kuʼun, akʼbun li kʼusi xivokolet ta jkʼane. Mu xatakun sutel ta sna li Jeonatan+ ti jaʼ sekretarioe, yuʼun mi la atakun sutele, te chicham».+ 21 Jaʼ yuʼun, li ajvalil Sedekiase laj yal mantal ti akʼo te xichʼ chukel ta Yamakʼ* Jchabivanejetik+ li Jeremiase xchiʼuk jujun kʼakʼal chichʼ akʼbel jun set-set pan ti te chlik tal li ta kaye ti bu tspasik pane,+ jaʼ to ti laj skotol li pan ta jteklume.+ Li Jeremias une te kom-o li ta Yamakʼ Jchabivanejetike.
38 Vaʼun, li Sefatias ti jaʼ xnichʼon Matane, li Guedalias ti jaʼ xnichʼon Pasjure, li Jukal+ ti jaʼ xnichʼon Selemiase xchiʼuk li Pasjur+ ti jaʼ xnichʼon Malkiyae laj yaʼiik li kʼusi laj yalbe sjunul jteklum li Jeremiase, ti xi laj yalbee: 2 «Xi chal li Jeovae: ‹Li buchʼutik liʼ chkomik ta jteklume ta xlajik ta espada, ta tsatsal chamel+ xchiʼuk ta tsatsal viʼnal. Pe li buchʼu chakʼ sba ta skʼob li jkaldeaetike muʼyuk chlaj ta milel, kuxul chkom, ta xpoj yuʼun li xkuxlejale›.*+ 3 Xi chal li Jeovae: ‹Li jteklum liʼe jpʼel skʼoplal chichʼ akʼel ta skʼob li yajsoltarotak ajvalil ta Babiloniae xchiʼuk ta xuʼunin›».+
4 Xi laj yalbeik ajvalil li bankilaletike: «Avokoluk, akʼo yichʼ milel li vinik liʼe,+ yuʼun kʼalal jech chal taje ta xchibajes li soltaroetik ti liʼ to oyik ta jteklume xchiʼuk skotol li krixchanoetike. Yuʼun maʼuk tsabe slekilal li jteklume, jaʼ noʼox tsabe svokol». 5 Xi la stakʼ li ajvalil Sedekiase: «¡Kʼelavilik! Te oy ta avok ta akʼobik, yuʼun li ajvalile mu kʼusi stakʼ spas sventa spajtsanoxuk».
6 Jaʼ yuʼun, laj yikʼik batel li Jeremiase xchiʼuk la stikʼik ochel li ta sposo Malkiya ti jaʼ xnichʼon ajvalile, ti te oy ta Yamakʼ* Jchabivanejetike.+ La xchukik yalel ta chʼojon li Jeremiase, pe chʼabal yaʼlel li posoe, jaʼ noʼox oy achʼel. Vaʼun, li Jeremiase lik mutʼijuk* yalel ta achʼel.
7 Li Ebed-Melek+ ti jaʼ j-etiopia vinike xchiʼuk ti tsots yabtel yichʼoj* li ta spasob mantal* ajvalile laj yaʼi ti laj yichʼ tikʼel ta poso li Jeremiase. Li ajvalile jaʼo te chotol li ta ochebal ti Benjamin sbie.+ 8 Jaʼ yuʼun, li Ebed-Meleke lokʼ batel li ta sna* ajvalile xchiʼuk bat skʼopon, xi laj yalbee: 9 «Ajvalil kuʼun, li viniketik taje, ¡toj chopol li kʼusi la spasbeik li j-alkʼop Jeremiase! Yuʼun la stikʼik ochel ta poso, vaʼun te chcham ta skoj li tsatsal viʼnale. Yuʼun chʼabal xa pan li ta jteklume».+
10 Vaʼun, li ajvalile xi laj yalbe mantal li Ebed-Melek ti jaʼ j-etiopia vinike: «Ikʼo batel 30 ta voʼ viniketik liʼe xchiʼuk lokʼesik tal ta poso li j-alkʼop Jeremias yoʼ to mu xchame». 11 Jaʼ yuʼun, laj yikʼ batel viniketik li Ebed-Meleke xchiʼuk och batel li ta sna* ajvalile, te bat ta yolon li skʼejobil* kʼulejale,+ vaʼun la stsakik tal jaylikuk pokʼetik ti lajemik xae xchiʼuk jaylikuk xtuchʼulil tela ti lajemik xae xchiʼuk la xchukbeik yalel ta chʼojon li Jeremias ti te oy ta posoe. 12 Vaʼun, li Ebed-Melek ti jaʼ j-etiopia vinike xi laj yalbe li Jeremiase: «Avokoluk, somtao ta pokʼ xchiʼuk ta xtuchʼulil tela li alotsʼop sventa mu syayijesot li chʼojone». Jaʼ jech la spas li Jeremiase. 13 La snitik lokʼel tal ta chʼojon li Jeremiase, vaʼun jaʼ jech la slokʼesik tal li ta posoe. Li Jeremiase te kom-o li ta Yamakʼ* Jchabivanejetike.+
14 Li ajvalil Sedekiase la stak ta ikʼel li j-alkʼop Jeremias sventa xtal kʼelatuk li ta yoxibal ochebal te ta sna Jeovae, vaʼun li ajvalile xi laj yalbe li Jeremiase: «Oy kʼusi ta jakʼbot. Pe jamal me xavalbun un». 15 Li Jeremiase xi laj yalbe li Sedekiase: «Jpʼel skʼoplal chamilun mi laj kalbote. Jech xtok, muʼyuk chachikintabun mi la jtojobtasote». 16 Jaʼ yuʼun, li ajvalil Sedekiase oy kʼusi ta mukul laj yalbe li Jeremiase, xi laj yalbee: «Jamal chkal ta skoj kuxul Jeova, ti jaʼ li buchʼu yakʼoj jkuxlejaltike, ti muʼyuk ta jmilote xchiʼuk ti muʼyuk chkakʼot ta skʼob li viniketik ti tskʼan tsmilikote».
17 Vaʼun, li Jeremiase xi laj yalbe li Sedekiase: «Xi chal li Jeova Dios ti jaʼ bankilal yuʼun soltaroetike,* li Dios yuʼun Israele: ‹Mi laj avakʼ aba ta skʼob li bankilaletik yuʼun ajvalil ta Babiloniae, muʼyuk chavichʼ milel, muʼyuk chichʼ chikʼel ta kʼokʼ li jteklum liʼe, kuxul chakom xchiʼuk li avutsʼ avalale.*+ 18 Pe mi muʼyuk laj avakʼ aba ta skʼob li bankilaletik yuʼun ajvalil ta Babiloniae, chichʼ akʼel ta skʼob jkaldeaetik li jteklum liʼe xchiʼuk ta xchikʼik ta kʼokʼ,+ persa cha-och ta skʼobik ek›».+
19 Vaʼun, li ajvalil Sedekiase xi laj yalbe li Jeremiase: «Chixiʼ yuʼun li judaetik ti iktavanemik xa komel ti bat xchiʼinik li jkaldeaetike, yuʼun mi laj kichʼ akʼel ta skʼobike, xuʼ xilbajinikun». 20 Pe xi laj yal li Jeremiase: «Muʼyuk chavichʼ akʼel ta skʼobik. Avokoluk, chʼuno li kʼusi chal Jeova ti yakal chkalbot avie, vaʼun lek kʼusi chkʼot ta atojolal xchiʼuk kuxul chakom. 21 Pe mi mu xakʼan xavakʼ aba ta skʼobike, xi yakʼoj kil Jeova ti kʼusi chkʼot ta pasele: 22 ¡Kʼelavil!, skotol li antsetik ti te chkomik ta sna* li ajvalil ta Judae chichʼik akʼel ta skʼob li bankilaletik yuʼun ajvalil ta Babiloniae+ xchiʼuk xi chalike:
‹Laj xa sloʼlaot xchiʼuk laj xa stsalot li viniketik ti laj toʼox apat avoʼonton ta stojolalike.*+
Laj xa yakʼik matsʼiuk yalel ta achʼel li avakane.
Laj xa yiktaikot komel›.
23 Skotol li avajniltak xchiʼuk anichʼnabtake chichʼik akʼel ta skʼob li jkaldeaetike, li voʼot eke jpʼel skʼoplal cha-och ta skʼobik, yuʼun chchukot batel li ajvalil ta Babiloniae+ xchiʼuk voʼot ta amul ti chichʼ chikʼel ta kʼokʼ li jteklum liʼe».+
24 Vaʼun, li Sedekiase xi laj yalbe li Jeremiase: «Mu me buchʼu xavalbe li kʼusitik laj avalbun sventa mu xavichʼ milele. 25 Mi laj yaʼiik bankilaletik ti lijloʼilaje xchiʼuk mi xi tal yalboxuke: ‹Avokoluk, albunkutik kʼusi laj avalbe li ajvalile. Albunkutik skotol, vaʼun muʼyuk ta jmilotkutik.+ ¿Kʼusi laj yalbot li ajvalile?› mi xiike, 26 xi skʼan xavalbe yaʼiike: ‹Jaʼ noʼox la jkʼanbe vokol li ajvalil ti mu stakun sutel ta sna li Jeonatan sventa mu teuk xichame›».+
27 Ta tsʼakal une, skotol li bankilaletike tal skʼelik li Jeremiase xchiʼuk oy kʼusi lik sjakʼilanbeik. Li Jeremiase jech laj yal skotol jech kʼuchaʼal albat yuʼun li ajvalile. Jaʼ yuʼun, muʼyuk xa yan kʼusi laj yalbeik, yuʼun muʼyuk buchʼu laj yaʼi yuʼunik kʼalal loʼilaj xchiʼuk li ajvalile. 28 Li Jeremiase te kom-o ta Yamakʼ* Jchabivanejetik jaʼ to ti kʼuxi och ta kʼabal li Jerusalene;+ yuʼun te toʼox oy kʼalal laj yichʼ uʼuninel li Jerusalene.+
39 Kʼalal sbalunebal xa ox jabil yochel ta ajvalil ta Juda li Sedekiase, jaʼo li ta slajunebal ue, li Nabukodonosor* ti jaʼ ajvalil ta Babiloniae xchiʼuk skotol li yajsoltarotake talik ta Jerusalen xchiʼuk la setuik.+
2 Kʼalal 11 jabil xa ox yochel ta ajvalil li Sedekiase, jaʼo li ta sbalunebal kʼakʼal ta xchanibal ue, la svokʼik ochel li smuroal jteklume.+ 3 Skotol li bankilaletik yuʼun ajvalil ta Babiloniae ochik batel xchiʼuk te bat chotiikuk li ta ochebal ta Oʼlole,+ jaʼik li Nergal-Sareser ti jaʼ samgare, li Nebo-Sarsekim ti jaʼ rabsarise,* li Nergal-Sareser ti jaʼ rabmague* xchiʼuk skotol li yan bankilaletik yuʼun ajvalil ta Babiloniae.
4 Li Sedekias ti jaʼ ajvalil ta Judae xchiʼuk skotol li soltaroetike laj yilik, vaʼun jatavik batel.+ Ta akʼobaltik lokʼik batel li ta jteklume, te jelavik batel li ta nichimaltik yuʼun ajvalile, te lokʼik batel li ta ochebal ti bu oy chib muroe xchiʼuk jaʼ la stambeik batel li sbelel Arabae.+ 5 Pe li yajsoltarotak jkaldeaetike la snutsik batel li Sedekiase, te la staik ta takixokol balumil ta stenlejaltik yuʼun Jeriko.+ La stsakik xchiʼuk laj yikʼik batel ta stojolal li Nabukodonosor* ti jaʼ ajvalil ta Babiloniae, jaʼo te oy li ta Ribla+ ti jaʼ yosilal Amate,+ vaʼun te laj yal kʼusi chichʼ pasbel. 6 Li Sedekiase te skʼeloj kʼalal laj yichʼ milbel li xnichʼnab te ta Riblae xchiʼuk laj yichʼik milel skotol li bankilaletik ta Judae. Yuʼun jech laj yal mantal li ajvalil ta Babiloniae.+ 7 Vaʼun, li ajvalile la spitsbe lokʼel sbekʼ sat li Sedekiase, laje la xchuk ta kadena ti pasbil ta kovre sventa xichʼ ikʼel batel ta Babiloniae.+
8 Vaʼun, li jkaldeaetike la xchikʼbeik li sna* ajvalile xchiʼuk li naetik ta jteklume,+ la sjinesik li smuroaltak Jerusalene.+ 9 Li Nebusaradan+ ti jaʼ bankilal yuʼun jchabivanejetike la xchuk batel ta Babilonia li yan buchʼutik te to komemik ta jteklume, li buchʼutik laj yakʼ sbaik ta skʼob li jkaldeaetike xchiʼuk skotol li buchʼutik te to oyike.
10 Pe li Nebusaradan ti jaʼ bankilal yuʼun jchabivanejetike te laj yikta ta yosilal Juda li buchʼutik povreik tajeke, jaʼ li buchʼutik muʼyuk kʼusi x-ayan yuʼunike. Li vaʼ kʼakʼal xtoke, laj yakʼanbe ti bu tsʼunajtik uvae xchiʼuk osiletik sventa xabtelanik.*+
11 Vaʼun, li Nabukodonosor* ti jaʼ ajvalil ta Babiloniae laj yalbe kʼusi skʼan spas ta stojolal Jeremias li Nebusaradan ti jaʼ bankilal yuʼun jchabivanejetike, xi laj yalbee: 12 «Ikʼo batel xchiʼuk chabio; mu me kʼusi chopol xapasbe jsetʼuk* xchiʼuk akʼbo me skotol ti kʼusi tskʼanbote».+
13 Jaʼ yuʼun, li Nebusaradan ti jaʼ bankilal yuʼun jchabivanejetike, li Nebusasban ti jaʼ rabsarise,* li Nergal-Sareser ti jaʼ rabmague* xchiʼuk skotol li bankilaletik yuʼun ajvalil ta Babiloniae la stakik batel viniketik 14 sventa xikʼik lokʼel tal Jeremias li ta Yamakʼ* Jchabivanejetike+ xchiʼuk ti xakʼbeik batel li Guedalias+ ti jaʼ xnichʼon Aikam+ xchiʼuk ti jaʼ smom Safane+ sventa xikʼ batel ta sna. Jaʼ yuʼun, te xa la xchiʼin ta naklej li xchiʼiltak ta jteklume.
15 Kʼalal te toʼox chukul ta Yamakʼ* Jchabivanejetik+ li Jeremiase, kʼoponat tal yuʼun Jeova, xi albate: 16 «Batan, xi xbat avalbe li Ebed-Melek+ ti jaʼ j-etiopia vinike: ‹Xi chal li Jeova ti jaʼ bankilal yuʼun soltaroetike,* li Dios yuʼun Israele: «Chkʼot ta pasel kuʼun li kʼusi kaloj ta stojolal li jteklum liʼe, jaʼ sventa svokolik, maʼuk sventa slekilalik. Li vaʼ kʼakʼale, chavil ti jech chkʼot ta pasele»›.
17 »‹Pe li vaʼ kʼakʼale, voʼon ta jpojot, muʼyuk chavichʼ akʼel ta skʼob li viniketik ti chaxiʼ yuʼune›, xi li Jeovae.
18 »‹Yuʼun jpʼel skʼoplal ta jkoltaot xchiʼuk muʼyuk chalaj ta espada. Ta xpoj avuʼun li akuxlejale,*+ yuʼun la apat avoʼonton ta jtojolal›,+ xi li Jeovae».
40 Li Jeremiase kʼoponat tal yuʼun Jeova kʼalal lokʼesat te ta jteklum Rama+ yuʼun li Nebusaradan+ ti jaʼ li bankilal yuʼun jchabivanejetike. Yuʼun chukbil toʼox batel ta kadena skʼob kʼalal ikʼat batele, te xchiʼuk batel skotol li buchʼutik chukbilik lokʼel ta Jerusalen xchiʼuk ta Juda ti yakal chichʼik ikʼel batel ta Babiloniae. 2 Vaʼun, li bankilal yuʼun jchabivanejetike yan-o bu laj yikʼ batel li Jeremiase xchiʼuk xi laj yalbee: «Li Jeova ti jaʼ Adiose kak xa onoʼox yaloj ti chvul svokol li jteklum liʼe 3 xchiʼuk kʼot xa ta pasel yuʼun li kʼusi yaloj Jeovae, yuʼun la asaʼ amulik ta stojolal Jeova xchiʼuk muʼyuk la achʼunbeik li kʼusi chale. Jaʼ yuʼun, jech kʼot ta atojolalik.+ 4 Avi une, ta jlokʼes li kadena ti chukul ta akʼobe. Mi lek chavaʼi ti xbat achiʼinun ta Babiloniae, batik, voʼon ta jchabiot. Pe mi mu xakʼan xbat achiʼinun ta Babiloniae, mu xabat. ¡Kʼelavil! Oy ta avok ta akʼob skotol li osil liʼe. Batan ti bu chakʼan chabate».+
5 Kʼalal muʼyuk to snopoj mi tsut batel li Jeremiase, xi laj yal li Nebusaradane: «Sutan batel ta stojolal li Guedalias+ ti jaʼ xnichʼon Aikame+ xchiʼuk ti jaʼ smom Safane,+ ti jaʼ vaʼanbil yuʼun ajvalil ta Babilonia sventa tskʼel li jteklumetik ta Judae. Vaʼun, te xkom achiʼin li ta jteklume o batan ti bu chakʼan chabate».
Laj une, li bankilal yuʼun jchabivanejetike laj yakʼbe juteb sveʼel xchiʼuk jun smoton, vaʼun laj yakʼ batuk. 6 Jaʼ yuʼun, li Jeremiase bat ta stojolal li Guedalias ti jaʼ xnichʼon Aikam ti te oy ta Mispae,+ te kom xchiʼin, jech xtok, te kom xchiʼin li buchʼutik te to komik ta jteklume.
7 Ta mas tsʼakal une, skotol li bankilaletik yuʼun soltaroetik xchiʼuk li sviniktakik ti te oyik ta jamal osiltike laj yaʼiik ti akʼbat yabtel yuʼun ajvalil ta Babilonia li Guedalias ti jaʼ xnichʼon Aikame. Yuʼun vaʼanat sventa tskʼel li jteklume, li viniketike, li antsetike xchiʼuk li ololetik ti povreik te ta jteklum ti muʼyuk laj yichʼik ikʼel batel li ta Babiloniae.+ 8 Jaʼ yuʼun, tal skʼelik li Guedalias ta Mispae.+ Taje jaʼik li Ismael+ ti jaʼ xnichʼon Netaniase, li Joanan+ xchiʼuk Jonatan ti jaʼ xnichʼnab Kareae, li Seraya ti jaʼ xnichʼon Tanumete, li xnichʼnab Efai ti jaʼ jnetofa vinike xchiʼuk li Jesanias+ ti jaʼ xnichʼon jmaakat vinike, talik xchiʼuk li sviniktakike. 9 Li Guedalias ti jaʼ xnichʼon Aikam xchiʼuk ti jaʼ smom Safane oy kʼusi jamal laj yalbe yaʼiik xchiʼuk li sviniktakike, xi laj yalbe yaʼiike: «Mu xaxiʼik ti chatunik ta stojolal li jkaldeaetike. Naklanik li ta jteklume xchiʼuk tunanik ta stojolal li ajvalil ta Babiloniae, vaʼun lek kʼusi chkʼot ta atojolalik.+ 10 Li voʼone liʼ chikom ta Mispa sventa xikʼopoj ta atojolalik* mi tal li jkaldeaetike. Yan li voʼoxuke bat tsobik li vinoe, li sat teʼetike xchiʼuk li aseitee, vaʼun te xatikʼik li ta skʼejobiltake* xchiʼuk te xanakiik li ta jteklumetik ti bu laj xa avuʼuninike».+
11 Jech xtok, skotol li judaetik ti te oyik ta Moab, ta Ammon, ta Edom xchiʼuk li buchʼutik te oyik li ta yantik mukʼta lumetike laj yaʼiik ti oy buchʼutik te laj yikta ta Juda li ajvalil ta Babiloniae xchiʼuk ti la svaʼan sventa xkʼelatik yuʼun li Guedalias ti jaʼ xnichʼon Aikame xchiʼuk ti jaʼ smom Safane. 12 Jech oxal, skotol li judaetike sutik tal ti bu toʼox yichʼojik pukel batele, vaʼun talik ta yosilal Juda, talik ta stojolal Guedalias ti te oy ta Mispae. Laje, lik stsobik epal vino xchiʼuk epal sat teʼetik.
13 Li Joanan ti jaʼ xnichʼon Kareae xchiʼuk skotol li bankilaletik yuʼun soltaroetik ti te oyik li ta jamal osiltike tal skʼelik li Guedalias ta Mispae. 14 Xi laj yalbeike: «¿Mi yuʼun mu xanaʼ ti takbil tal yuʼun Baalis ajvalil ta Ammon+ li Ismael ti jaʼ xnichʼon Netanias sventa xtal smilote?».+ Pe li Guedalias ti jaʼ xnichʼon Aikame muʼyuk la xchʼun.
15 Vaʼun, li Joanan ti jaʼ xnichʼon Kareae xi laj yalbe ta mukul li Guedalias te ta Mispae: «Chibat kaʼi xchiʼuk chbat jmil li Ismael ti jaʼ xnichʼon Netaniase, vaʼun muʼyuk buchʼu tsnaʼ. ¿Kʼu yuʼun ti chtal smilote? ¿Kʼu yuʼun ti tspuk sbaik batel skotol li krixchanoetik ta Juda ti liʼ tsobolik ta atojolale xchiʼuk ti xlaj-o skʼoplal li skomenal* judaetike?». 16 Pe li Guedalias+ ti jaʼ xnichʼon Aikame xi laj yalbe li Joanan ti jaʼ xnichʼon Kareae: «Mu jechuk xapas, yuʼun mu meleluk li kʼusi yakal chaval ta stojolal Ismaele».
41 Li ta svukubal ue, li Ismael+ ti jaʼ xnichʼon Netanias xchiʼuk ti jaʼ smom Elisamae, ti jaʼ snitilulal ajvalile xchiʼuk ti jaʼ jun vinik ti mas tsots skʼoplal yuʼun li ajvalile, tal xchiʼuk lajunvoʼ sviniktak sventa xtal skʼoponik li Guedalias ti jaʼ xnichʼon Aikam ta Mispae.+ Kʼalal jaʼo te tsobol chveʼik ta Mispae, 2 li Ismael ti jaʼ xnichʼon Netanias xchiʼuk li lajunvoʼ sviniktake vaʼiik, lik smilik ta espada li Guedalias ti jaʼ xnichʼon Aikam xchiʼuk ti jaʼ smom Safane. Vaʼun, jaʼ jech la smil li buchʼu svaʼanoj ta skʼelel jteklum li ajvalil ta Babiloniae. 3 Jech xtok, li Ismaele la smil skotol li judaetik ti te xchiʼukik li Guedalias ta Mispae, la smil xtok li yajsoltarotak jkaldeaetik ti te oyike.
4 Li ta yokʼomal kʼalal laj xa ox yichʼ milel li Guedaliase, kʼalal muʼyuk toʼox buchʼu snaʼoje, 5 tal 80 ta voʼ viniketik ti likemik talel ta Sikem,+ ta Silo+ xchiʼuk ta Samariae.+ Li viniketike xjuxoj tal yisimik, xchʼiʼoj ta jatel li skʼuʼ spokʼike, xtuchʼojan sbekʼtalik,+ yichʼojik tal matanal sat tsʼunobiletik xchiʼuk yichʼojik tal sakil pom*+ sventa tal yakʼik ta sna Jeova. 6 Jaʼ yuʼun, li Ismael ti jaʼ xnichʼon Netaniase lokʼ batel ta Mispa sventa xbat snupan tal ta be, x-okʼolet kʼalal jaʼo chanav batele. Kʼalal la staan ta bee, xi laj yalanbee: «Laʼ kʼelavilik li Guedalias ti jaʼ xnichʼon Aikame». 7 Pe kʼalal ochik li ta jteklume, li Ismael ti jaʼ xnichʼon Netaniase xchiʼuk li sviniktake la smilik li viniketik taje xchiʼuk la sjipik ochel ta poso.
8 Pe oy lajunvoʼ viniketik yuʼunik ti xi laj yalbeik li Ismaele: «Mu xamilunkutik, yuʼun oy jnakʼojkutik* yavil trigo, sevada, aseite xchiʼuk pom ta osiltik». Jaʼ yuʼun, muʼyuk te kapal laj yichʼik milel xchiʼuk li xchiʼiltakike. 9 Vaʼun, li Ismael ti jaʼ xnichʼon Netaniase la sjipbe ochel ta jun mukʼta poso sbekʼtal li viniketik ti la smile, li mukʼta posoe jaʼ la spas li ajvalil Asa kʼalal yakal toʼox tspasik kʼop xchiʼuk li Baasa ti jaʼ ajvalil ta Israele.+ Taje jaʼ li poso ti la snojesbe ta sbekʼtal li viniketik ti laj yichʼik milele.
10 Li Ismaele la xchuk batel skotol li skomenal* krixchanoetik ta Mispae,+ ti te tsakal skʼoplal li stsebetak ajvalile xchiʼuk li buchʼutik te to oyik ta Mispae, ti jaʼ toʼox la sbain skʼelel li Guedalias+ ti jaʼ xnichʼon Aikam ti jaʼ ta smantal li Nebusaradan ti jaʼ bankilal yuʼun jchabivanejetike. Li Ismael ti jaʼ xnichʼon Netaniase la xchuk batel skotolik, vaʼun xanavik batel sventa xbatik ti bu oy li j-ammonetike.+
11 Li Joanan+ ti jaʼ xnichʼon Kareae xchiʼuk skotol li bankilal soltaroetik ti te xchiʼuke laj yaʼiik skotol li kʼusitik chopol la spas Ismael ti jaʼ xnichʼon Netaniase, 12 vaʼun laj yikʼik batel skotol li viniketike, bat stsakik ta kʼop li Ismael ti jaʼ xnichʼon Netaniase, te la staik ta xokon ti bu tsʼanal epal voʼ* ta Gabaone.
13 Skotol li krixchanoetik ti xchukoj batel li Ismaele muyubajik tajek kʼalal laj yilik li Joanan ti jaʼ xnichʼon Kareae xchiʼuk skotol li bankilal soltaroetik ti te xchiʼuk batele. 14 Vaʼun, skotol li krixchanoetik ti ay xchuk lokʼel ta Mispa+ li Ismaele, joyijik sutel xchiʼuk bat xchiʼinik li Joanan ti jaʼ xnichʼon Kareae. 15 Pe li Ismael ti jaʼ xnichʼon Netaniase xchiʼuk li vaxakvoʼ sviniktake jatavik ta stojolal li Joanane xchiʼuk te batik ti bu oyik j-ammonetike.
16 Li Joanan ti jaʼ xnichʼon Kareae xchiʼuk skotol li bankilal soltaroetik ti te xchiʼuke laj yikʼik sutel li skomenal* krixchanoetik ta Mispae, ti la spojbeik lokʼel ta skʼob li Ismael ti jaʼ xnichʼon Netanias kʼalal smiloj xa ox li Guedalias+ ti jaʼ xnichʼon Aikame. Laj yikʼik sutel ta Gabaon li viniketike, li antsetike, li ololetike xchiʼuk li bankilal j-abteletik ta pasob mantale. 17 Jaʼ yuʼun, batik xchiʼuk te komik li ta vayebal yuʼun Kimam ti te nopol ta Belene,+ yuʼun oy ta yoʼontonik ti stam batel sbeik sventa xbatik ta Ejipto+ 18 ta skoj li jkaldeaetike. Yuʼun xiʼemik ta stojolal li jkaldeaetike, yuʼun li Ismael ti jaʼ xnichʼon Netaniase la smil li Guedalias ti jaʼ xnichʼon Aikame, ti jaʼ li buchʼu la svaʼan li ajvalil ta Babilonia sventa tskʼel li jteklume.+
42 Vaʼun, skotol li bankilal soltaroetike, li Joanan+ ti jaʼ xnichʼon Kareae, li Jesanias ti jaʼ xnichʼon Osayae xchiʼuk skotol li krixchanoetike, li buchʼutik tsots skʼoplalike xchiʼuk li buchʼutik muʼyuke, nopajik batel ta stojolal li j-alkʼop Jeremiase 2 xchiʼuk xi laj yalbeike: «Avokoluk, chikintao li kʼusi xivokoletkutik skʼanele, kʼopono ta jtojolalkutik li Jeova ti jaʼ Adiose, ta jtojolalkutik ti jayvoʼ liʼ to oyunkutike, yuʼun laj xa avil ti jutebunkutike akʼo mi epunkutik toʼox.+ 3 Akʼo yal kaʼikutik li Jeova ti jaʼ Adios ti bu beal skʼan xibatkutike xchiʼuk ti kʼusi skʼan jpaskutike».
4 Xi takʼbatik yuʼun li j-alkʼop Jeremiase: «Lek oy, ta jkʼopon li Jeova ti jaʼ Adiosike, jech ta jkʼanbe kʼuchaʼal la akʼanbeikune. Te chkalboxuk skotol ti kʼusi chalbun li Jeovae. Muʼyuk ta jmukboxuk jpʼeluk».
5 Xi la stakʼbeik li Jeremiase: «Kʼotuk ta tukʼil testigo kuʼunkutik li Jeovae xchiʼuk akʼo yakʼbunkutik kastigo mi muʼyuk ta jpaskutik skotol li kʼusi chavalbunkutik ti jaʼ yaloj li Jeova ti jaʼ Adiose. 6 Manchuk mi lek o mi chopol chkaʼikutik, ta jchʼunkutik li kʼusi chal Jeova ti jaʼ Jdioskutik ti ta jtakotkutik batel ta stojolale, yuʼun lek kʼusi chkʼot ta jtojolalkutik mi la jchʼunbekutik smantal li Jeova ti jaʼ Jdioskutike».
7 Vaʼun, kʼalal echʼ xa ox lajuneb kʼakʼale, kʼoponat tal yuʼun Jeova li Jeremiase. 8 Jaʼ yuʼun, la stak ta ikʼel li Joanan ti jaʼ xnichʼon Kareae, skotol li bankilaletik yuʼun soltaroetik ti te xchiʼinojane xchiʼuk skotol li krixchanoetike, ti tsots skʼoplalike xchiʼuk ti muʼyuk tsots skʼoplalike.+ 9 Xi laj yalbe yaʼiike: «Xi chal li Jeova ti jaʼ Dios yuʼun Israele, ti la atakikun batel ta stojolal sventa xbat jkʼanbe vokol ta aventaike: 10 ‹Mi jpʼel skʼoplal ti liʼ chkom naklanik-o ta jteklume, vaʼun bi, ta jvaʼanoxuk, pe muʼyuk ta jinesoxuk; ta jtsʼunoxuk, pe muʼyuk ta jbuloxuk lokʼel, yuʼun chopol chkaʼi jba* ta skoj li avokol laj kakʼboxuke.+ 11 Mu xaxiʼik yuʼun li ajvalil ta Babilonia ti xiʼemoxuk ta stojolale›.+
»Xi chal li Jeovae: ‹Mu xaxiʼik yuʼun, yuʼun liʼ jchiʼukoxuk sventa jkoltaoxuk xchiʼuk sventa jpojoxuk lokʼel tal ta skʼob. 12 Ta jkʼuxubinoxuk+ xchiʼuk ta xkʼuxubinoxuk li ajvalil eke, vaʼun chikʼoxuk sutel li ta alumalike.
13 »›Pe mi xi chavalike: «¡Moʼoj, muʼyuk liʼ chikomkutik-o li ta jteklume!» xchiʼuk mi muʼyuk chachʼunik li kʼusi chal li Jeova ti jaʼ Adiosike 14 xchiʼuk mi xi chavalike: «Muʼyuk chikomkutik liʼe, jaʼ lek chibatkutik ta yosilal Ejipto,+ tee muʼyuk chkilkutik paskʼop, muʼyuk chkaʼikutik chbakʼ kachu xchiʼuk mi jaʼuk chkilkutik viʼnal; jaʼ te chbat naklikunkutik» mi xachiike, 15 chikintaik li kʼusi chalboxuk Jeovae, voʼoxuk ti skomenaloxuk* Judae. Xi chal li Jeova ti jaʼ bankilal yuʼun soltaroetike,* li Dios yuʼun Israele: «Mi jpʼel avoʼontonik chabatik ta Ejiptoe xchiʼuk mi te chbat naklanike,* 16 vaʼun bi, li avajkontraik ti chaxiʼik yuʼune chbat smiloxuk ta espada kʼalal te oyoxuk ta Ejiptoe xchiʼuk li tsatsal viʼnal ti chaxiʼik yuʼune chkʼot te ta Ejipto xchiʼuk te chachamik.+ 17 Xchiʼuk skotol li buchʼutik jpʼel ta yoʼontonik chbat nakiikuk ta Ejiptoe te chlajik ta espada, ta tsatsal viʼnal xchiʼuk ta tsatsal chamel. Mi junuk buchʼu kuxul chkom yuʼunik xchiʼuk mi jaʼuk buchʼu xuʼ spoj sba li ta vokolil ti chkakʼ talel ta stojolalike»›.
18 »Yuʼun xi chal li Jeova ti jaʼ bankilal yuʼun soltaroetike, li Dios yuʼun Israele: ‹Jech kʼuchaʼal la jmal tal skʼakʼal koʼonton xchiʼuk skapemal jol ta stojolal li jnaklejetik ta Jerusalene,+ jaʼ jech ta jmal tal skapemal jol ta atojolalik mi labatik ta Ejiptoe. Jech xtok, chavichʼik chopol kʼoptael, ta xakʼ xiʼel li kʼusi chkʼot ta atojolalike, jaʼ skʼelobil chakʼotik ti chopol akʼoplalike, ta xavichʼik labanel+ xchiʼuk muʼyuk xa chtal akʼelik-o yan velta li jteklum liʼe›.
19 »Voʼoxuk ti skomenaloxuk* Judae, oy xa kʼusi yaloj ta atojolalik li Jeovae. Mu xabatik li ta Ejiptoe. Naʼik me lek ti yakal ta jpʼijubtasoxuk avi 20 ti chavakʼ-o akuxlejalik li kʼusi chopol chapasike. Yuʼun la atakikun batel ta stojolal li Jeova ti jaʼ Adiosike, xi laj avalbeikune: ‹Kʼopono ta jtojolalkutik li Jeova ti jaʼ Jdioskutike xchiʼuk albunkutik skotol li kʼusi chal li Jeova ti jaʼ Jdioskutike, vaʼun ta jpaskutik›.+ 21 Laj xa kalboxuk li avie, pe muʼyuk chachʼunik li kʼusi chal li Jeova ti jaʼ Adiosike xchiʼuk muʼyuk chapasik jsetʼuk* li kʼusi laj yalbun ti akʼo xkalboxuke.+ 22 Jaʼ yuʼun, naʼik me lek ti chalajik ta espada, ta tsatsal viʼnal xchiʼuk ta tsatsal chamel ti bu chakʼan chabatik ta nakleje».+
43 Kʼalal laj yoʼonton Jeremias ta yalbel sjunul jteklum skotol li kʼusitik laj yal Jeova ti jaʼ Sdiosike, ta jujupʼel li kʼusitik laj yal mantal Jeova ti akʼo xichʼik albele, 2 li Asarias ti jaʼ xnichʼon Osayae, li Joanan+ ti jaʼ xnichʼon Kareae xchiʼuk skotol li jtoyba viniketike xi laj yalbeik li Jeremiase: «¡Mu meleluk li kʼusi chavale! Li Jeova ti jaʼ Jdioskutike muʼyuk la stakot tal sventa xi xavalbunkutike: ‹Mu xabatik ta naklej ta Ejipto›. 3 Yuʼun jaʼ tstij avoʼonton li Baruk+ ti jaʼ xnichʼon Nerias sventa jech xavalbunkutik taje, yuʼun tskʼan ti xi-ochkutik ta skʼob li jkaldeaetike, ti xkichʼkutik milele o ti xkichʼkutik chukel batel ta Babiloniae».+
4 Jaʼ yuʼun, li Joanan ti jaʼ xnichʼon Kareae, skotol li bankilal soltaroetike xchiʼuk skotol li krixchanoetike muʼyuk la xchʼunbeik li smantal Jeova ti skʼan xkomik li ta yosilal Judae. 5 Jech oxal, li Joanan ti jaʼ xnichʼon Kareae xchiʼuk skotol li bankilal soltaroetike la stsobik batel skotol li skomenal* Juda ti sutemik xa ox tal ta naklej ta yosilal Judae, jaʼik li buchʼutik tanpuk toʼox batemik ta mukʼta lumetike.+ 6 Laj yikʼik batel li viniketike, li antsetike, li ololetike, li stsebetak ajvalile xchiʼuk skotol li buchʼutik* la sbain skʼelel li Guedalias+ ti jaʼ xnichʼon Aikam+ xchiʼuk ti jaʼ smom Safane,+ ti jaʼ vaʼanat yuʼun li Nebusaradan+ ti jaʼ bankilal yuʼun jchabivanejetike. Jech xtok, li j-alkʼop Jeremiase xchiʼuk li Baruk ti jaʼ xnichʼon Neriase ikʼatik batel ek. 7 Vaʼun, ochik batel li ta yosilal Ejiptoe, yuʼun muʼyuk la xchʼunbeik li smantal Jeovae xchiʼuk batik kʼalal to ta Tapanes.+
8 Laj une, li Jeremiase kʼoponat tal yuʼun Jeova te ta Tapanes, xi albate: 9 «Peto tal jaypʼejuk mukʼta tonetik xchiʼuk te xamuk li ta skoriyolal* yochebal sna faraon ti pasbil ta ladriyoe, ti te oy ta Tapanese. Teuk skʼeloj judaetik kʼalal jech chapase. 10 Vaʼun, xi xavalbe yaʼiike: ‹Xi chal li Jeova ti jaʼ bankilal yuʼun soltaroetike,* li Dios yuʼun Israele: «Ta jtak tal ta ikʼel li kajtunel Nabukodonosor* ti jaʼ ajvalil ta Babiloniae,+ liʼ ta jnakanbe xchotleb sventa ajvalil ta sba li tonetik la jmuke xchiʼuk liʼ chvul xlichʼan li skarpanae.+ 11 Ta xtal xchiʼuk ta stsak ta kʼop li yosilal Ejiptoe.+ Oy jlom ti chchamik ta skoj tsatsal chamele, oy jlom ti chichʼik chukel batele xchiʼuk oy jlom ti chichʼik milel ta espadae.+ 12 Jech xtok, ta jtsanbe skʼakʼal li sna* sdiosik ta Ejiptoe,+ li ajvalil eke ta xchikʼbe li sna diosetike xchiʼuk ta xchuk batel li diosetike. Jech kʼuchaʼal muʼyuk tsots chaʼi ta slapel skʼuʼ spokʼ li jchabichije, jaʼ jech muʼyuk tsots chaʼi ta stsalel sjunul Ejipto li ajvalile xchiʼuk jun yoʼonton* chlokʼ batel te. 13 Ta slilin komel li oyetik ta Bet-Semes* ti te oy ta yosilal Ejiptoe xchiʼuk ta xchikʼbe ta kʼokʼ li sna* diosetik ta Ejiptoe»›».
44 Li Jeremiase oy kʼusi albat yuʼun Dios ta stojolal skotol li judaetik ti te nakalik ta yosilal Ejiptoe,+ jaʼik li buchʼutik te nakalik ta Migdol,+ ta Tapanes,+ ta Nof*+ xchiʼuk li ta yosilal Patrose,+ xi albate: 2 «Xi chal li Jeova ti jaʼ bankilal yuʼun soltaroetike,* ti jaʼ li Dios yuʼun Israele: ‹Avilojik skotol li vokoliletik kakʼoj tal ta stojolal li Jerusalene+ xchiʼuk ta stojolal skotol li jteklumetik ta Judae, avi une jinemik xa xchiʼuk chʼabal xa buchʼu te nakal.+ 3 Jaʼ ta skoj li kʼusitik chopol la spasik sventa tsabeikun jole, jaʼo kʼalal bat yakʼbeik milbil matanal+ li yan diosetike xchiʼuk ti tunik ta stojolale, akʼo mi mu xavojtikinik xchiʼuk akʼo mi muʼyuk laj yojtikinik li amoltotakik eke.+ 4 Jech-o la jtak talel ta atojolalik skotol li j-alkʼopetik ti jaʼik kajtuneltake, ep ta velta jech la jpas,* xi laj yalike: «Avokolikuk, mu xa xapasik li kʼusitik toj chopol ti jpʼajoj ta jyalele».+ 5 Pe muʼyuk laj yaʼiik xchiʼuk muʼyuk la stsʼet chikintaik sventa xiktaik spasel li kʼusi chopol ti chakʼbeik milbil matanal li yan diosetike.+ 6 Jaʼ yuʼun, li skapemal jol xchiʼuk li skʼakʼal koʼonton ti solel xtiltune la jmal talel ta stojolal li jteklumetik ta Judae xchiʼuk li ta skayealtak Jerusalene, vaʼun lilijem xchiʼuk xokol kom, jech kʼuchaʼal oy li avie›.+
7 »Avi une, xi chal li Jeova Dios ti jaʼ bankilal yuʼun soltaroetike, li Dios yuʼun Israele: ‹¿Kʼu yuʼun ti chavakʼbe aba avokol atukike? ¿Kʼu yuʼun ti chavakʼik lajuk-o skʼoplal ta Juda li viniketike, li antsetike, li ololetike xchiʼuk li uni kʼoxetik ti chchuʼunik toe? 8 ¿Kʼu yuʼun ti chasabeikun jol ta skoj li kʼusitik chapasike, ti chavakʼbeik milbil matanal yan diosetik li ta yosilal Ejipto ti bu bat naklanike? Ta xlaj akʼoplalik, chavichʼik chopol kʼoptael xchiʼuk chavichʼik labanel yuʼun li mukʼtik lumetik ta balumile.+ 9 ¿Mi yuʼun chʼay xa ta ajolik li kʼusitik toj chopol la spasik li amoltotakike, li kʼusitik toj chopol la spasik li ajvaliletik ta Judae,+ li kʼusitik toj chopol la spasik li yajniltakike+ xchiʼuk li kʼusitik toj chopol la apasik li voʼoxuk eke xchiʼuk li kʼusitik toj chopol la spasik li avajnilike,+ ti te la apasik ta yosilal Juda xchiʼuk ta skayealtak Jerusalene? 10 Muʼyuk sbikʼtajesoj-o sbaik li avie, muʼyuk xiʼtaojikun,* muʼyuk xchʼunojik li kʼusitik kaloje+ xchiʼuk li jmantal ti kalojboxuke xchiʼuk ti kalojbeik li amoltotakike›.+
11 »Jaʼ yuʼun, xi chal li Jeova ti jaʼ bankilal yuʼun soltaroetike, li Dios yuʼun Israele: ‹Kʼotem xa ta nopel kuʼun ti chkakʼ talel vokolil ta atojolalik sventa jlajes sjunul li Judae. 12 Li skomenal* Juda ti jpʼel ta yoʼonton batik ta yosilal Ejipto sventa te xnakiike te chlaj skotolik ta yosilal Ejipto.+ Chlajik ta espada xchiʼuk chlajik ta tsatsal viʼnal. Li buchʼutik tsots skʼoplalike xchiʼuk li buchʼutik muʼyuke koʼol chlajik ta espada xchiʼuk ta tsatsal viʼnal. Chichʼik chopol kʼoptael, ta xakʼ xiʼel li kʼusi chkʼot ta stojolalike, jaʼ skʼelobil chkʼotik ti chopol skʼoplalike xchiʼuk ta xichʼik labanel.+ 13 Ta xkakʼbeik kastigo ta espada, ta tsatsal viʼnal xchiʼuk ta tsatsal chamel li buchʼutik te nakalik ta yosilal Ejiptoe, jech kʼuchaʼal laj kakʼbe kastigo li Jerusalene.+ 14 Jech xtok, li skomenal* Juda ti bat nakiikuk ta yosilal Ejiptoe muʼyuk buchʼu chkol yuʼunik xchiʼuk muʼyuk buchʼu kuxul chkom sventa sut tal li ta yosilal Judae. Oy tajek ta yoʼontonik tsutik tal sventa xnakiik te, pe muʼyuk xa tsutik tal, jaʼ xa noʼox tsutik tal li jayvoʼ chkolik komele›».
15 Skotol li viniketik ti snaʼojik ti chakʼbeik milbil matanal yan diosetik li yajnilike xchiʼuk skotol li ajnilaletik ti te vaʼajtik ti ep stsoboj sbaike xchiʼuk skotol li buchʼutik te nakalik ta yosilal Ejipto+ ta Patrose+ xi la stakʼbeik li Jeremiase: 16 «Muʼyuk ta jchʼunkutik li kʼusi laj avalbunkutik ta sbi Jeovae. 17 Yuʼun jpʼel skʼoplal ta jpaskutik li kʼusi lokʼem ta kekutike, chkakʼbekutik milbil matanal li Meʼ Ajvalil ta Vinajele* xchiʼuk ta jmalbekutik matanal vino.+ Yuʼun jech onoʼox jpasojkutik tal ta jteklumetik ta Juda xchiʼuk ta skayealtak Jerusalen xchiʼuk jech onoʼox spasojik tal li jmoltotakutike, li ajvaliletik kuʼunkutike xchiʼuk li bankilaletik kuʼunkutike, jaʼo kʼalal oy toʼox lek jpankutike xchiʼuk kʼalal oy toʼox ep kʼusitik kuʼunkutike, kʼalal mi jsetʼuk* toʼox chkil jvokolkutike. 18 Ti kʼu xa sjalil muʼyuk chkakʼbekutik milbil matanal li Meʼ Ajvalil ta Vinajele* xchiʼuk ti muʼyuk ta jmalbekutik matanal vinoe, chʼabal xa kʼusi oy kuʼunkutik, lajemunkutik xa ta espada xchiʼuk ta tsatsal viʼnal».
19 Xi laj yalik li antsetik eke: «Kʼalal laj kakʼbekutik milbil matanal li Meʼ Ajvalil ta Vinajele* xchiʼuk kʼalal la jmalbekutik matanal vinoe, ¿mi mu lajuk jakʼbe jmalalkutik kʼalal la jpaskutik pan sventa matanal ti jaʼ slokʼol li Meʼ Ajvalil ta Vinajele xchiʼuk kʼalal la jmalbekutik matanal vinoe?».
20 Vaʼun, li Jeremiase xi laj yalbe skotol li krixchanoetike, li viniketik xchiʼuk yajnilike xchiʼuk skotol li krixchanoetik ti te xvulajetik ta stojolale: 21 «Li milbil matanal laj avakʼik ta jteklumetik yuʼun Juda xchiʼuk ta skayealtak Jerusalene,+ ti te laj yakʼik ek li amoltotakike, li ajvaliletik avuʼunike, li bankilaletik avuʼunike xchiʼuk skotol li krixchanoetik ta jteklume la svules ta sjol li Jeovae, muʼyuk chʼayem ta sjol. 22 Laj une, mu xa stsʼik laj yaʼi Jeova li kʼusitik toj chopol la apasike xchiʼuk li kʼusitik toj ibal sba* la apasike, jaʼ yuʼun lajem kom li alumalike, ta xakʼ xiʼel ti kʼu yelan kome, laj yichʼ chopol kʼoptael xchiʼuk chʼabal xa junuk jnaklej kom, jech kʼuchaʼal oy avie.+ 23 Ti jech kʼotem avokolik li avie, jaʼ ta skoj ti laj avakʼik li milbil matanaletike xchiʼuk ti la asaʼ amulik ta stojolal Jeova kʼalal muʼyuk laj avichʼik ta mukʼ li kʼusitik chal Jeovae, li smantaltake, li kʼusitik la svules ta ajolike xchiʼuk li kʼusitik snopoj tspase».+
24 Li Jeremiase xi to laj yalbe skotol li krixchanoetike xchiʼuk skotol li antsetike: «Judaetik ti te oyoxuk ta yosilal Ejiptoe, chikintaik li kʼusi chal Jeovae. 25 Xi chal li Jeova ti jaʼ bankilal yuʼun soltaroetike, li Dios yuʼun Israele: ‹Li kʼusi lokʼ ta aveik xchiʼuk li kʼusi lokʼ ta ye li avajnilike kʼot xa ta pasel avuʼunik, yuʼun xi laj avalike: «Jpʼel skʼoplal ta jpaskutik ti kakʼoj ke chkakʼbekutik milbil matanal li Meʼ Ajvalil ta Vinajele* xchiʼuk ti ta jmalbekutik matanal vinoe».+ Antsetik, voʼoxuke jpʼel skʼoplal chkʼot ta pasel avuʼunik li kʼusi jamal laj avalike xchiʼuk chapasik li kʼusi avakʼoj ave chapasike›.
26 »Jaʼ yuʼun, judaetik ti te nakaloxuk ta yosilal Ejiptoe, chikintaik li kʼusi chal Jeovae: ‹Xi chal li Jeovae: «Jamal chkal ta jbi ti muʼyuk xa junuk juda vinik ti xi tstunesik jbi ta sjunul li yosilal Ejiptoe:+ ‹¡Jamal chkal ta skoj kuxul Ajvalil Jeova ti jaʼ Mukʼul Jpasmantale!›.+ 27 Avi une, kakʼoj tal jsat ta stojolalik sventa xkakʼbe svokolik, maʼuk sventa slekilalik;+ skotol li juda viniketik ti te oyik ta yosilal Ejiptoe chlajik ta espada xchiʼuk ta tsatsal viʼnal, jaʼ to mi laj skʼoplalik ta j-echʼele.+ 28 Uni jayvoʼ xa noʼox ti muʼyuk chlajik ta espadae xchiʼuk chlokʼik tal ta yosilal Ejipto sventa xtalik li ta yosilal Judae.+ Vaʼun, skotol li skomenal* Juda ti bat nakiikuk ta yosilal Ejiptoe te chakʼik venta buchʼu skʼop ti kʼot ta pasele: ¡mi jaʼ li kʼusi laj kale o mi jaʼ li kʼusi laj yal stukike!»›».
29 «Xi chal li Jeovae: ‹Liʼe jaʼ me senyail avuʼunik ti chkakʼboxuk kastigo li ta jteklum liʼe, sventa xanaʼik ti jpʼel skʼoplal chkʼot ta pasel kuʼun ti kaloj chkakʼ tal avokolike. 30 Xi chal li Jeovae: «Li faraon Ofra ti jaʼ ajvalil ta Ejiptoe chkakʼ ta skʼob li yajkontratake xchiʼuk ta skʼob li buchʼutik tskʼan chmilat yuʼune, jech kʼuchaʼal la jpas ta stojolal li Sedekias ti jaʼ ajvalil ta Judae, ti laj kakʼ ta skʼob li Nabukodonosor* ti jaʼ ajvalil ta Babiloniae, ti jaʼ yajkontrae xchiʼuk ti tskʼan chmilate»›».+
45 Li j-alkʼop Jeremiase xi laj yalbe li Baruk+ ti jaʼ xnichʼon Neriase, jaʼo kʼalal yakal tstsʼiba ta jlik livro li kʼusi albat yuʼun Jeremiase+ xchiʼuk jaʼo xchanibal xa ox jabil yochel ta ajvalil ta Juda li Jeoiakim+ ti jaʼ xnichʼon Josiase:
2 «Baruk, xi chalbot li Jeova ti jaʼ Dios yuʼun Israele: 3 ‹Xi avaloje: «¡Ay, toj abol jba, yuʼun li Jeovae ta to xakʼbun at-oʼonton akʼo mi oy xa onoʼox kʼusi kʼux chkaʼi! Lilub xa ta skoj ti naka jikʼ oʼonton ta jpase xchiʼuk muʼyuk jtaoj-o xkuxobil koʼonton»›.
4 »Xi skʼan xavalbee: ‹Xi chal li Jeovae: «¡Kʼelavil! Li kʼusi la jvaʼane ta jines xchiʼuk li kʼusi la jtsʼune ta jbul lokʼel, jech ta jpasbe sjunul li jteklume.+ 5 Pe li voʼote jaʼ yakal chasaʼ* li kʼusitik mukʼtik ta aventa noʼox atuke. Mu xa xasaʼ li kʼusitik taje»›.
»‹Yuʼun poʼot xa xkakʼ talel vokolil ta stojolal skotol li krixchanoetike,+ yan li voʼote chkakʼ ti kuxul xakom* ti buyuk noʼox xabate›, xi li Jeovae».+
46 Li j-alkʼop Jeremiase oy kʼusi albat yuʼun Jeova ta sventa li mukʼtik lumetike:+ 2 ta sventa li Ejiptoe.+ Xi laj yichʼ albel li yajsoltarotak faraon Neko+ ti jaʼ ajvalil ta Ejiptoe, ti jaʼo te oyik ta stsʼel li ukʼum Eufratese xchiʼuk ti te laj yichʼik tsalel ta Karkemise, ti jaʼ tsalvan li Nabukodonosor* ti jaʼ ajvalil ta Babilonia jaʼo kʼalal xchanibal xa ox jabil yochel ta ajvalil ta Juda li Jeoiakim+ ti jaʼ xnichʼon Josiase:
3 «Chapano li akʼox eskudoike* xchiʼuk li amukʼta eskudoike
xchiʼuk batanik li ta paskʼope.
4 Jkajlejetik ta kaʼ, akʼbeik smontura li kaʼetike xchiʼuk kajlebinik.
Chapano abaik ta sventa li paskʼope xchiʼuk lapo akaskoik.
Juxbeik lek sniʼ li alansaike xchiʼuk lapik li smak abekʼtalike.*
5 ‹¿Kʼu yuʼun ti xtʼelajetik* ta xiʼel chkile?
Tsutik xa batel xchiʼuk lajik xa ta tsalel li yajsoltarotake.
Xiʼem xa jatavik batel, muʼyuk xa sutik tal li yajsoltarotake.
Ta buyuk xa noʼox solel oy xiʼel›, xi li Jeovae.
6 ‹Mu xuʼ yuʼun jatvil li buchʼu anil snaʼ x-anilaje xchiʼuk mu xuʼ yuʼunik jatvil li soltaroetike.
7 ¿Buchʼu ti leʼ xmuy talel ti xkoʼolaj kʼuchaʼal li ukʼum Niloe,
ti xkoʼolaj kʼuchaʼal li ukʼum ti xyukʼlajet tajeke?
8 Li Ejiptoe jech chmuy batel kʼuchaʼal li ukʼum Niloe,+
kʼuchaʼal li ukʼum ti xyukʼlajet tajeke
xchiʼuk xi chale: ‹Chimuy batel xchiʼuk ta jmutʼi* li balumile.
Ta jlajesbe skʼoplal li jteklume xchiʼuk li buchʼutik te nakalike›.
9 Kaʼetik, ¡muyanik batel!
Karetaetik, ¡yoletanik* batel!
10 »Li vaʼ kʼakʼale, jaʼ stʼujoj li Ajvalil ti jaʼ Mukʼul Jpasmantale, li Jeova ti jaʼ bankilal yuʼun soltaroetike,* jaʼ skʼakʼalil sventa tspakbe sutel li yajkontratake. Li espadae ta xmilvan, ta xetʼes yoʼonton ta veʼel, ta xetʼes yoʼonton ta yuchʼel chʼichʼ, yuʼun li Ajvalil ti jaʼ Mukʼul Jpasmantale, li Jeova ti jaʼ bankilal yuʼun soltaroetike, chakʼ milbil matanal ta yosilal norte te ta stsʼel li ukʼum Eufratese.+
11 Stojol tseb Ejipto,
muyan batel ta Galaad sventa xbat asaʼ balsamo.+
Te chavil ti jecheʼ noʼox ti ep la asaʼ apoxile,
yuʼun muʼyuk xa apoxil.+
12 Li mukʼtik lumetike laj xa yaʼiik ti laj xa avichʼ kʼexlaltasele,+
vinaj xa batel ta sjunul lum ti xa-avete.
Yuʼun jecheʼ xa noʼox smak mak sbaik ta be li soltaroetike
xchiʼuk jmoj chyalik ta lum».
13 Li j-alkʼop Jeremiase xi albat yuʼun Jeova ta sventa ti chtal stsak ta kʼop yosilal Ejipto li Nabukodonosor* ti jaʼ ajvalil ta Babiloniae:+
14 «Alik batel ta Ejipto, pukbeik batel skʼoplal ta Migdol.+
Alik batel ta Nof* xchiʼuk ta Tapanes.+
Xi xavalike: ‹Vaʼano abaik xchiʼuk chapano abaik,
yuʼun chlajik ta espada skotol li buchʼutik te oy ta apat axokone.
15 ¿Kʼu yuʼun laj yichʼik bekʼel* lokʼel li tsatsal viniketik avuʼune?
Muʼyuk te vaʼal komik,
yuʼun li Jeovae la sbutkʼinan yalel.
16 Mu albajuk yepalik ti tsmak* yakanik xchiʼuk ti chyalik ta lume.
Xi chalbe sbaik ta jujuntale:
«¡Likan tal!, jatavkutik batel ta skoj li jmilvanej espadae
xchiʼuk sutkutik batel li ta jteklumaltike, sutkutik batel li ta kosilaltik ti bu likemutike»›.
17 Li tee xi laj yalik li tsatsal viniketike:
‹Li faraon ti jaʼ ajvalil ta Ejiptoe toj ep chkʼopoj, pe jecheʼ noʼox,
jecheʼ noʼox echʼ yuʼun kʼakʼal›.+
18 Xi chal li Ajvalile, ti jaʼ sbi Jeova ti bankilal yuʼun soltaroetike: ‹Jamal chkal ta skoj ti kuxulune,
jech ta x-och* batel kʼuchaʼal li vits Tabor+ ti te oy ta oʼlol vitsetike
xchiʼuk jech ta x-och batel kʼuchaʼal li Karmelo+ ti te oy ta stsʼel nabe.
19 Tseb ti te nakalot ta Ejiptoe,
chapano avikats ta skoj ti chavichʼ chukel batele.
20 Li Ejiptoe xkoʼolaj kʼuchaʼal tsebal meʼ vakax ti kʼupil sbae,
pe chtal tiʼatuk yuʼun jtiʼvanej vov* ti chlik talel ta nortee.
21 Jech xtok, li yajsoltarotak ti te oyik ta jteklum ti tstoj ta takʼine xkoʼolajik kʼuchaʼal chʼiom tot vakax ti jupʼesbilike,
pe sutik xa batel xchiʼuk jmoj jatavik batel.
Muʼyuk kuch yuʼunik ti te vaʼal xkomike,+
yuʼun vul xa li skʼakʼalil ti chil svokolike,
kʼot xa yorail ti chichʼik kastigoe›.
22 ‹Ti kʼu yelan chbakʼe xkoʼolaj kʼuchaʼal jkot kiletel chon ti sjiset ta anil chanave,
yuʼun chtal tsakatuk ta kʼop yuʼun li yajkontratak ti tsotsike, stsakoj tal yekʼelik,
xkoʼolajik kʼuchaʼal viniketik ti chtuchʼik teʼe.*
23 Chtal slomesik li teʼetik yuʼune, akʼo mi mu x-ochik yilel.
Yuʼun mu xa noʼox albajuk yepalik, jaʼ xkom to yepal li kʼulubetike›, xi li Jeovae.
24 ‹Ta xichʼ akʼel ta kʼexlal li stseb Ejiptoe.
Ta xichʼ akʼel ta skʼob li jteklum ta nortee›.+
25 »Xi chal li Jeova ti jaʼ bankilal yuʼun soltaroetike, li Dios yuʼun Israele: ‹Avie, chkakʼ batel jsat ta stojolal li Amon+ ta jteklum Noe,*+ ta stojolal li faraone, ta stojolal li Ejiptoe, ta stojolal li sdiostake xchiʼuk li ajvaliletik yuʼune.+ Ta melel, chkakʼ batel jsat ta stojolal li faraone xchiʼuk skotol li buchʼutik tspat yoʼontonik ta stojolale›.+
26 »‹Chkakʼ ta skʼob li buchʼutik tskʼan chmilate, ta stojolal li Nabukodonosor* ti jaʼ ajvalil ta Babiloniae+ xchiʼuk ta stojolal li yajtuneltake. Pe ta tsʼakale, ta xichʼ naklebinel yan velta jech kʼuchaʼal ta voʼnee›, xi li Jeovae.+
27 Yan li voʼote, kajtunel Jakob, mu xaxiʼ,
Israel, mu xanik ta xiʼel.+
Yuʼun ta nom to ta jpojot tal
xchiʼuk ta jpoj lokʼel tal ti bu chukbil batel li anitilulale.+
Ta sut talel li Jakobe, jun xa yoʼonton xchiʼuk muʼyuk xa kʼusi ta xiʼo,
muʼyuk buchʼu tsibtasat.+
28 Jaʼ yuʼun, mu xaxiʼ, kajtunel Jakob, yuʼun liʼ jchiʼinojote.
Ta jlajesbe skʼoplal ta j-echʼel skotol li mukʼta lumetik ti bu la jpukoxuk batele;+
yan li voʼote muʼyuk ta jlajes akʼoplal ta j-echʼel.+
47 Li j-alkʼop Jeremiase oy kʼusi albat yuʼun Jeova ta sventa jfilisteaetik+ kʼalal muʼyuk toʼox stsaloj Gasa li faraone. 2 Xi chal li Jeovae:
«¡Kʼelavil! Chlik talel voʼ ta norte.
Chkʼot kʼuchaʼal tsatsal ukʼum ti chmutʼivane.*
Ta smutʼi li lume xchiʼuk li kʼusitik oy tee,
ta smutʼi li jteklume xchiʼuk li buchʼutik te nakalike.
Li viniketike ta x-avanik
xchiʼuk x-ijetik* noʼox li buchʼutik te nakalik ta jteklume.
3 Kʼalal chaʼiik ti xkʼojlajet svoy li stot skaʼike,*
ti xchakʼlajet li skaretaik sventa paskʼope
xchiʼuk ti skitsʼlajet noʼox tal li syantailtake,
li totiletike muʼyuk xa tsut tal skolta li xnichʼnabike,
yuʼun jecheʼ xa te majajtik* li skʼobike,
4 yuʼun chkʼot skʼakʼalil ti chichʼik lajesel skotol li jfilisteaetike;+
chlaj skotol li buchʼutik kuxulik to ti te oyik ta Tiro+ xchiʼuk Sidon+ ti skoʼoltasoj sjolik xchiʼuke.
Yuʼun li Jeovae tslajesbe skʼoplal li jfilisteaetike,
ti jaʼik skomenal* li jnaklejetik ta Kaftor*+ ti joyol ta nabe.
5 Li Gasae tʼaxjol* chkom.
Laj xa yichʼ tsʼijtsanel* li Askelone.+
Skomenal* jnaklejetik ta stenlejaltik Gasa xchiʼuk Askelon,
¿bakʼin to van chavikta abaik ti chatuchʼilan abekʼtalike?+
6 ¡S-espada Jeova!,+
¿bakʼin to ti tsʼijil chakome?
Tikʼo aba ochel li ta anae.
Tsʼijlan xchiʼuk mu xabakʼ.
7 ¿Kʼuxi xa noʼox xuʼ tsʼijil chkom
ti jaʼ yalojbe mantal li Jeovae?
Yuʼun jaʼ yakʼojbe yabtel ta skontrainel
li Askelon xchiʼuk li tiʼ nabe».+
48 Li Jeova ti jaʼ bankilal yuʼun soltaroetike,* li Dios yuʼun Israele, xi chal ta sventa li Moabe:+
«¡Abol sba li Neboe,+ yuʼun laj xa yichʼ lajesel!
Li Kiryataime+ laj xa yichʼ akʼel ta kʼexlal xchiʼuk och xa ta kʼabal.
Li lekil nakʼobbaile laj xa yichʼ akʼel ta kʼexlal xchiʼuk laj xa yichʼ lilinel.+
2 Muʼyuk xa tskʼupil kʼoptaik li Moabe.
Te ta Esbon+ la xchapik ti chichʼ lajesele, xi laj yalike:
‹Batik, bat kakʼbetik slajeb sventa maʼukuk xa jun mukʼta lum xkom›.
Li voʼot eke, Madmen, teuk noʼox tsʼijil xakom,
yuʼun yakal ta snutsot li espadae.
3 Oy buchʼutik te x-avetik te to ta Oronaim+
ta skoj ti laj yichʼ lajesel xchiʼuk ti laj yichʼ jinesel ta j-echʼel li jteklume.
4 Laj xa yichʼ lajesel li Moabe.
X-avlajetik li yalabtake.
5 X-okʼoletik kʼalal chmuyik batel li ta Luite.
Kʼalal yakal chyalik tal li ta Oronaime, chaʼiik ti oy buchʼutik x-avetik ta skoj li vokolile.+
6 ¡Jatavanik batel sventa mu xavichʼik milel!
Skʼan jech xakʼotik kʼuchaʼal jtekʼ enebro teʼ te ta takixokol balumil.
7 Ta skoj ti la apat avoʼonton ta stojolal li kʼusitik chapase xchiʼuk li akʼulejale,
cha-och ta kʼabal ek.
Chichʼ chukel batel ek li dios Kemose,+
jmoj chichʼ chukel batel xchiʼuk li paleetik yuʼune xchiʼuk li bankilaletik yuʼune.
8 Li jlajesvaneje ch-och batel ta jujun jteklum,
muʼyuk chkol mi junuk jteklum.+
Chlaj skʼoplal li stenlejale,
chichʼ lajesel li balumil ta pachʼaltike,* jech kʼuchaʼal lokʼem ta ye li Jeovae.
9 Akʼbo junuk senyail sventa snaʼ kʼuxi chbat li Moabe,
yuʼun kʼalal yakal chichʼ lajesele, chjatavik batel li jnaklejetik tee,
li jteklumetik yuʼune xibal sba chkom,
mi junuk jnaklej chkom te.+
10 ¡Chopol kʼoptabiluk li buchʼu muʼyuk lek tspasbe li yabtel Jeovae!
¡Chopol kʼoptabiluk li buchʼu mu skʼan smal chʼichʼ ta s-espadae!
11 Li jmoabetike muʼyuk yiloj-o tal svokolik ta sbikʼtalik,
xkoʼolajik kʼuchaʼal vino ti stsʼanoj sba yalel smatsʼile.
Muʼyuk yichʼoj-o jelbel yavil
xchiʼuk muʼyuk yichʼoj-o chukel batel.
Jaʼ yuʼun, muʼyuk jelem-o li smuile
xchiʼuk muʼyuk jelem-o li yikʼe.
12 »Xi chal li Jeovae: ‹Jaʼ yuʼun, chkʼot skʼakʼalil ti ta jtak batel viniketik sventa slajesike. Ta snujanbeik xchiʼuk ta xokobtasbeik li spʼinike xchiʼuk ta svokʼbeik li smukʼta jarraike. 13 Li jmoabetike ta xkʼexavik ta skoj li Kemose, jech kʼuchaʼal ta kʼexlal komik li jteklum Israel ta skoj li kʼusitik la spasik ta Betel ti jaʼ toʼox spatoj-o yoʼontonike.+
14 ¿Kʼuxi xa noʼox ti xi chavalike: «Lek tsotsunkutik ta paskʼop, lek chapalunkutik sventa xibatkutik ta paskʼop»?›.+
15 Xi chal li Ajvalile, ti jaʼ li Jeova ti bankilal yuʼun soltaroetik sbie:+
‹Laj xa yichʼ lajesel li Moabe,
oy xa buchʼutik ochik ta persa li ta jteklumetik yuʼune+
xchiʼuk laj xa yichʼ milel li keremetik yuʼunik ti lek tsotsike›.+
16 Jutuk xa skʼan xvul svokolik li jmoabetike
xchiʼuk poʼot xa tajek xyalik ta lum.+
17 Ta xkʼuxubaj ta yoʼontonik Moab skotol li buchʼutik te oy ta spat xokone,
skotol li buchʼutik xojtikinbeik sbie.
Xi xavalbeike: ‹¡Kʼuxi xa noʼox ti kʼas li tsatsal teʼe, li vaxton ti kʼupil sbae!›.
18 Iktao komel li amukʼulale
xchiʼuk takinuk avoʼonton* xachoti, tseb ti te nakalot ta Dibone,+
yuʼun tal xa skontrainot ti buchʼu chakʼbe slajeb li Moabe
xchiʼuk tslilin komel ti butik joyajtik ta muro avuʼune.+
19 Jnaklej ta Aroer,+ vaʼano aba ta xokon be xchiʼuk kʼelo batel.
Xi xajakʼbe li vinik ti yakal ta xjatave xchiʼuk li ants ti yakal chjatave: ‹¿Kʼusi kʼot ta pasel?›.
20 Laj xa yichʼ akʼel ta kʼexlal li Moabe xchiʼuk laj xa yichʼ sibtasel.
Okʼanik xchiʼuk avananik.
Alik batel ta Arnon+ ti laj xa yichʼ lajesel li Moabe.
21 »Yakal xa chichʼik kastigo li balumil ta pachʼaltike,*+ li Olone, li Jaase,+ li Mefaate,+ 22 li Dibone,+ li Neboe,+ li Bet-Diblataime, 23 li Kiryataime,+ li Bet-Gamule, li Bet-Meone,+ 24 li Keriyote,+ li Bosrae xchiʼuk skotol li jteklumetik ti nom xchiʼuk nopol xil li yosilal Moabe.
25 ‹Laj xa yichʼ lajesbel yip* li Moabe;
laj xa yichʼ kʼasbel li skʼobe›, xi li Jeovae.
26 ‹Yakubtasik,+ yuʼun laj xa stoy sba ta stojolal li Jeovae.+
Li Moabe te tsbalalin sba ta xet*
xchiʼuk chichʼ labanel.
27 ¿Mi mu lajuk alaban li Israele?+
¿Mi yuʼun te xchiʼuk j-elekʼetik la ata,
ti la ajimulan ajol xchiʼuk ti chopol lakʼopoj ta stojolale?
28 Jnaklejetik ta Moab, iktaik komel li jteklumetike xchiʼuk bat naklanik ta tayal tontik,
jechuk xakʼotik kʼuchaʼal paloma ti tspas stas ta kʼal tonetike›».
29 «Kʼotem ta jchikintik li stoyobbail Moabe... li stuke toj echʼ xa noʼox jtoyba,
kʼotem ta jchikintik ti stuk xa noʼox chaʼi sbae, ti jpʼel xale, ti mukʼ skʼoplal chaʼi sbae xchiʼuk ti jtoyba li yoʼontone».+
30 «Xi chal li Jeovae: ‹Xkojtikinbe li skapemal sjole,
pe li kʼusi jecheʼ chlokʼ ta yee muʼyuk sbalil.
Muʼyuk kʼusi tspasik jsetʼuk.*
31 Jaʼ yuʼun, chopol chkaʼi jba ta stojolal li Moabe,
chi-avan ta stojolal sjunul li jteklum Moabe
xchiʼuk chi-okʼ ta stojolal li viniketik ta Kir-Erese.+
32 Steʼel uva ta Sibma,+ chi-okʼ ta atojolal,
mas to chi-okʼ ta atojolal, jaʼ mu sta ti kʼu yelan li-okʼ ta stojolal li Jasere.+
Li akʼobkʼobtak ti lek yoxike jelav xa batel kʼalal to ta jot nab.
Kʼot kʼalal to ta nab, kʼot kʼalal to ta Jaser.
Pe vul xa jlajesvanej ta stojolal
li asat ti chlokʼ ta veranoe*+ xchiʼuk ti kʼu yepal chichʼ tsobel li asate.
33 Laj xa skʼoplal li xkuxetel oʼontonal xchiʼuk li muyubajel ta tsʼunobaltik
xchiʼuk li ta Moabe.+
Muʼyuk xa chkakʼ lokʼuk vino li ta spitsʼobile.
Chʼabal xa buchʼu chpechʼilanik ta tekʼel uva ti x-avet ta muyubajele.
X-avlajetik, pe maʼuk xa ta skoj muyubajel›».+
34 «‹Oy buchʼu x-avet ta Esbon+ kʼalal to ta Eleale.+
Te tsots ch-avanik ta Jaas,+
x-avetik ta Soar kʼalal to ta Oronaim+ xchiʼuk kʼalal to ta Eglat-Selisiya.
Jech xtok, ta xtakij li ukʼumetik ta Nimrime.+
35 Ta jlajesbe skʼoplal ta Moab
li buchʼu chichʼ batel milbil matanal ta tayal kʼopojebaletike*
xchiʼuk li buchʼu chakʼbe chikʼbil matanaletik li sdiose›, xi li Jeovae.
36 ‹Jaʼ yuʼun, solel chi-okʼ ta stojolal Moab kʼuchaʼal jun ama*+
xchiʼuk chi-okʼ ta stojolal li viniketik ta Kir-Eres kʼuchaʼal jun amae.*
Yuʼun chlaj skʼoplal li skʼulejal stsoboje.
37 Yuʼun tʼaxjol kom skotolik+
xchiʼuk xjuxoj yisim skotolik.
38 «Xi chal li Jeovae: ‹Naka okʼel noʼox chichʼ aʼiel
li ta jol naetik ta Moabe
xchiʼuk li ta chʼivitetik* tee.
Yuʼun li Moabe la jlilin
jech kʼuchaʼal chichʼ lilinel jpʼej pʼin ti muʼyuk kʼusi xtun-oe.
39 ¡Avananik jnaklejetik ta Moab! ¡Solel xiʼem xa tajek li Moabe!
¡Joyij xa batel ta skoj ti kʼexave!
Laj xa yichʼ labanel,
solel xibal sba chilik li buchʼutik te oyik ta spat xokone›».
40 «Yuʼun xi chal li Jeovae:
‹¡Kʼelavil! Li jkontrainvaneje xkoʼolaj kʼuchaʼal jkot aguila ti xjipet yalele,+
jech chlichʼ batel xikʼ ta stojolal li Moabe.+
41 Ta x-och ta kʼabal li jteklumetike
xchiʼuk ch-uʼuninbatik
li snakʼobbailike.
Li vaʼ kʼakʼale, mu xa x-aʼibaj kʼusi tspasik li yajsoltarotak Moabe,
jech kʼuchaʼal jun ants ti mu xa x-aʼibaj kʼusi tspas kʼalal chvokʼ yole›».
42 «‹Li Moabe chichʼ lajesel sventa maʼukuk xa jun jteklum xkom,+
yuʼun la stoy sba ta stojolal li Jeovae.+
43 Jnaklejetik ta Moab,
te oy ta avelovalik li kʼusi chakʼ xiʼele, li chʼene xchiʼuk li petsʼe›, xi li Jeovae.
44 ‹Buchʼuuk noʼox ti chjatav ta skoj li kʼusi xibal sbae chpʼaj* yalel ta chʼen
xchiʼuk buchʼuuk noʼox ti chlokʼ tal ta chʼene yakbil chkʼot ta petsʼ›.
‹Yuʼun li kʼusitik taje chkakʼ tal ta stojolal Moab mi kʼot li sjabilal ti chkakʼbe kastigoe›, xi li Jeovae.
45 ‹Chʼabal xa yipik te vaʼalik ta yaxinal* Esbon li buchʼutik chjatavike.
Vaʼun, chlokʼ tal kʼokʼ li ta Esbone
xchiʼuk chlokʼ tal leb kʼokʼ li ta Seone.+
Chchikʼbe stiba li Moabe
xchiʼuk chchikʼbe sbakil sjol li jsaʼkʼopetike›.+
46 ‹¡Abol aba, Moab!
Laj xa skʼoplal li steklumal Kemose.+
Yuʼun laj xa yichʼ chukel batel li akeremtake
xchiʼuk laj xa yichʼ ikʼel batel li atsebetake.+
47 Pe li ta slajebaltik batel kʼakʼale, voʼon ta jtsob sutel tal li jmoabetik ti chukbilik batele.
Taje jaʼ li kastigo ti laj yichʼ alel ti chichʼ li Moabe›,+ xi li Jeovae».
49 Xi chal Jeova ta sventa li j-ammonetike:+
«¿Mi yuʼun chʼabal xnichʼnab li Israele?
¿Mi yuʼun chʼabal buchʼu xichʼ komel li kʼusitik oy yuʼune?
¿Kʼu yuʼun jaʼ laj yuʼunin Malkam+ li yosilal Gade?+
¿Kʼu yuʼun te nakalik ta jteklumetik yuʼun Israel li steklumal Malkame?».
2 «Xi chal li Jeovae: ‹Jaʼ yuʼun, chkʼot skʼakʼalil
ti chkakʼ bakʼuk li senyail ti chichʼ xa tsakel ta kʼop* li Raba+ ti jaʼ j-ammonetike.+
Stuk xa slilijemal chkom
xchiʼuk li bikʼtal lumetik yuʼun ti te noʼox nopol oye* ta xichʼ tsanbel skʼakʼal›.
‹Li Israele chichʼ sutel li yosilik ti pojbatik toʼoxe›,+ xi li Jeovae.
3 ‹Esbon, ¡avetan ta okʼel, yuʼun laj xa yichʼ lajesel li Aie!
Bikʼtal lumetik yuʼun Raba ti te noʼox nopol oyoxuke, avetanik.
Lapik chʼixal kʼuʼil.*
Okʼanik xchiʼuk joyetanik li ta koraletike,*
yuʼun li Malkame chichʼ chukel batel,
jmoj chichʼ chukel batel xchiʼuk li paleetik yuʼune xchiʼuk li bankilaletik yuʼune.+
4 Jmulavil tseb, ¿kʼu yuʼun xatoyet chavaʼi aba ta sventa li stenlejale,
ta sventa li stenlejal ti oy kʼusi lek xchʼi tee,
ti chapat avoʼonton li ta akʼulejale
xchiʼuk ti xi chavale: «¿Buchʼu van xuʼ xtal stsakun ta kʼop?»?›».
5 «Xi chal li Ajvalil ti jaʼ Mukʼul Jpasmantale, li Jeova ti jaʼ bankilal yuʼun soltaroetike:* ‹Ta jtak talel kʼusi xibal sba ta atojolal,
te chlik talel ta stojolal li buchʼutik oy ta apat axokone.
Ta buyuk noʼox chavichʼik pukel batel
xchiʼuk muʼyuk buchʼu tstsob sutel tal li buchʼutik chjatavike›».
6 «‹Pe ta tsʼakale, ta jtsob sutel tal li j-ammonetik ti chukbilik batele›, xi li Jeovae».
7 Li Jeova ti jaʼ bankilal yuʼun soltaroetike xi chal ta sventa li Edome:
«¿Mi yuʼun chʼabal xa pʼijilal li ta Temane?+
¿Mi yuʼun laj xa skʼoplal li lekil tojobtasel chakʼik li buchʼutik xaʼibeik smelolale?
¿Mi yuʼun sok xa li spʼijilike?
8 Jnaklejetik ta Dedan,+ ¡jatavanik, sutanik batel!
¡Yalanik batel xchiʼuk te xanakiik li ta yut chʼen ti nat jomajtike!
Yuʼun chkakʼ talel vokolil ta stojolal li Esau
kʼalal mi kʼot yorail chkakʼ talel jsat ta stojolale.
9 Mi tal ta atojolal li buchʼutik tstsobik uvae,
¿mi mu tauk to xiktaik jlomuk sventa xichʼ kʼuxkʼultael?*
Mi och j-elekʼetik ta akʼobaltike,
ta xelkʼanik batel ti kʼu yepal xal yoʼontonike.+
10 Pe ta jtʼanan li Esaue.
Chkakʼ ta naʼel ti butik tsnakʼ* sbae,
vaʼun mu xa bu snakʼ sba.
11 Iktabun li ololetik ti chʼabal stotike,
vaʼun voʼon ta jchabi sventa mu xchamik.
Li antsetik ti chamem smalalike tspat yoʼontonik ta jtojolal».
12 Yuʼun xi chal li Jeovae: «¡Kʼelavil! Mi chuchʼik sbel kopa li buchʼutik mu persauk xuchʼike, ¿mi jaʼ xa van muʼyuk chavichʼ akʼbel kastigo li voʼote? Persa chavichʼ kastigo, persa chavuchʼ li sbel kopae».+
13 «Yuʼun jamal laj kal ti chakʼ xiʼel ti kʼu yelan chkom li Bosrae, chichʼ chopol kʼoptael,+ chichʼ lajesel xchiʼuk chichʼ labanel. Jech xtok, skotol li jteklumetik yuʼune jinem chkom sbatel osil»,+ xi li Jeovae.
14 Laj kaʼi ti oy kʼusi laj yal li Jeovae,
jun j-almantal ti laj yichʼ takel batel ta stojolal li mukʼtik lumetike, xi laj yale:
«Tsobo abaik xchiʼuk bat kontrainik li Edome;
chapano abaik sventa li paskʼope».+
15 «Yuʼun kʼelavil, bikʼit kom akʼoplal kuʼun ta stojolal li mukʼtik lumetike,
pʼajbil lakʼot ta stojolal li krixchanoetike.+
16 Voʼot ti nakalot ta tayal jomajtik chʼene,
ti nakalot li ta vits ti mas toyole,
jaʼ la sloʼlaot li stoyobbail avoʼontone
xchiʼuk ti chavakʼ xiʼele.
Akʼo mi ta toyol tajek chapas atas kʼuchaʼal jkot aguila,
ta jipot yalel tal», xi li Jeovae.
17 «Xibal sba chkom li Edome.+ Skotol li buchʼutik te ch-echʼike chchʼay xchʼulelik ta xiʼel kʼalal chilike xchiʼuk tslabanik* ta skoj li svokoltake. 18 Jech kʼuchaʼal laj yichʼ lajesel Sodoma, Gomorra xchiʼuk li jteklumetik ti te noʼox nopolike,+ jaʼ jech chkʼot ta stojolal ek, muʼyuk buchʼu te chnaki xchiʼuk mi junuk krixchano te tspas sna»,+ xi li Jeovae.
19 «¡Kʼelavilik! Oy buchʼu chlokʼ talel kʼuchaʼal jkot leon+ te ta pimil chʼixtikaltik ta xokon Jordan sventa te chbat ti butik jun yoʼonton chaʼi sbaik li chijetike, pe ta anil noʼox ta jnutsik* lokʼel li ta yosilalike. Te ta jvaʼan li buchʼu tʼujbile. Yuʼun ¿buchʼu xikoʼolaj xchiʼuk? ¿Buchʼu xuʼ yuʼun stsalun? ¿Mi oy junuk jchabichij ti xuʼ vaʼal xkom ta kelovale?+ 20 Jaʼ yuʼun, viniketik, chikintaik li kʼusi snopoj tspas* Jeova ta stojolal li Edome xchiʼuk li kʼusi snopoj tspas ta stojolal li jnaklejetik ta Temane:+
jpʼel skʼoplal chichʼik jochel batel li chʼiom chijetike.
Xokol chkom yuʼun ti bu toʼox nakalike, jech chkʼot ta pasel ta skoj smul stukik.+
21 Kʼalal mi yalik ta lume, oy kʼusi solel tsots chbakʼ ti chnik yuʼun sjunul li balumile.
¡X-avetik ta jyalel!
Ti kʼu yelan x-avetike chichʼ aʼiel kʼalal to ta Tsajal nab.+
22 ¡Kʼelavil! Li jkontrainvaneje xkoʼolaj kʼuchaʼal jkot aguila ti chvil muyel xchiʼuk ti xjipet yalele,+
jech chlichʼ batel xikʼ ta stojolal li Bosrae.+
Li vaʼ kʼakʼale, mu xa x-aʼibaj kʼusi tspasik li yajsoltarotak Edome,
jech kʼuchaʼal jun ants ti mu xa x-aʼibaj kʼusi tspas kʼalal chvokʼ yole».
23 Jun aʼyej ta sventa li Damaskoe:+
«Laj xa yichʼ akʼel ta kʼexlal li Amat+ xchiʼuk Arpade,
yuʼun laj yaʼiik jun chopol aʼyej.
Lik nikikuk ta xiʼel.
Li krixchanoetike xkoʼolajik kʼuchaʼal nab ti mu stakʼ pajtsanele.
24 Chʼabal xa stsatsal yoʼonton li Damaskoe.
Jatav xa batel, ta xnik ta xiʼel.
Mu xa snaʼ kʼusi tspas xchiʼuk toj kʼux chaʼi,
xkoʼolaj kʼuchaʼal jun ants kʼalal chvokʼ yole.
25 ¿Kʼu yuʼun muʼyuk yichʼoj iktael li jteklum ti xmuyubaj noʼoxe,
ti xkuxet noʼox yoʼontone?
26 Yuʼun li vaʼ kʼakʼale, te lamal chkomik ta skayealtak* li keremetik yuʼune
xchiʼuk chlaj skotol li soltaroetike», xi li Jeova ti jaʼ bankilal yuʼun soltaroetike.
27 «Ta jtsanbe skʼakʼal li smuroal Damaskoe
xchiʼuk chkʼakʼ li tsatsal tayal kʼelob osiletik yuʼun Ben-Adade».+
28 Xi chal Jeova ta sventa li Kedar+ xchiʼuk li jteklumetik ta Asor ti tsalatik yuʼun Nabukodonosor* ti jaʼ ajvalil ta Babiloniae:
«Likanik, muyanik batel ta Kedar
xchiʼuk lajesbeik skʼoplal li buchʼutik te nakalik ta Slokʼeb Kʼakʼale.
29 Chichʼik pojbel batel li skarpanaik xchiʼuk li xchijike,
chichʼik pojbel batel li spokʼal skarpanaik xchiʼuk skotol li kʼusitik oy yuʼunike.
Jech xtok, chichʼik ikʼbel batel li skameyoike
xchiʼuk xi ch-aptaatike: ‹¡Naka xiʼel oy ta buyuk noʼox!›».
30 Xi chal li Jeovae: «Jnaklejetik ta Asor, ¡jatavanik, nom xajatavik batel!
¡Yalanik batel xchiʼuk te xanakiik li ta yut chʼen ti nat jomajtike!
Yuʼun li Nabukodonosor* ti jaʼ ajvalil ta Babiloniae oy xa kʼusi chopol snopoj tspas ta atojolalik
xchiʼuk snopoj xa chakʼ avokolik».
31 Xi chal li Jeovae: «¡Likanik xchiʼuk muyanik batel ta skontrainel li jteklum ti jun yoʼontone,
ti muʼyuk kʼusi chiʼoe!
Muʼyuk smakobil li ochebaletik yuʼune mi jaʼuk stakʼinaltak; stuk bu nakalik.
32 Chichʼik ikʼbel batel li skameyoike
xchiʼuk chichʼik pojbel batel li stsʼunbal chonbolomik ti mu albajuk yepale.
Ta buyuk noʼox tanpuk chbatik kuʼun
li buchʼutik komkom setoj sjolik ta xokontak xchikinike+
xchiʼuk ta buyuk noʼox chlik talel kuʼun li svokolike», xi li Jeovae.
33 «Li Asore chkʼot ta sna teʼtikal tsʼiʼetik,
xokol chkom ta sbatel osil.
Muʼyuk buchʼu te chnaki
xchiʼuk mi junuk krixchano te tspas sna».
34 Li j-alkʼop Jeremiase oy kʼusi albat yuʼun Jeova sventa li Elame,+ jaʼo kʼalal jaʼ toʼox yochel ta ajvalil ta Juda li Sedekiase,+ xi albate: 35 «Xi chal li Jeova ti jaʼ bankilal yuʼun soltaroetike: ‹Ta jkʼasbe li s-arko Elam+ ti jaʼ te staoj* yipale. 36 Chkakʼ tal ta stojolal Elam li ikʼ ti chlik tal ta xchanjotal stiʼiltak vinajele xchiʼuk tanpuk chbatik kuʼun li ta xchanjotal stiʼiltak vinajele. Muʼyuk xa junuk mukʼta lum ti muʼyuk te chkʼotik li j-elametik ti tanpuk chbatike›».
37 Xi chal li Jeovae: «Chkakʼ nikuk ta xiʼel j-elametik ta yeloval li yajkontraike xchiʼuk li buchʼutik tskʼan chmilatike; chkakʼ talel vokolil ta stojolalik, chkakʼ talel li skʼakʼal koʼonton ti xtiltune. Jech xtok, ta jtak batel espada ta stojolalik jaʼ to mi la jtupʼbe skʼoplalik ta j-echʼele».
38 Xi chal li Jeovae: «Te chkakʼ jchotleb sventa ajvalil li ta Elame+ xchiʼuk ta jlajesbe skʼoplal li ajvalil xchiʼuk li bankilaletike».
39 «Pe li ta slajebaltik batel kʼakʼale, voʼon ta jtsob sutel tal li j-elametik ti chukbilik batele», xi li Jeovae.
50 Li j-alkʼop Jeremiase oy kʼusi albat yuʼun Jeova ta sventa li Babiloniae,+ ta sventa li yosilal jkaldeaetike, xi albate:
2 «Alik batel li ta mukʼtik lumetike xchiʼuk pukbeik batel skʼoplal.
Vaʼanbeik jun senyail* xchiʼuk pukbeik batel skʼoplal.
¡Mu xamukik jutebuk!
Xi xavalike: ‹Och xa ta kʼabal li Babiloniae.+
Laj xa yichʼ akʼel ta kʼexlal li dios Bele.+
Nik xa ta xiʼel li dios Merodake.
Laj xa yichʼ akʼel ta kʼexlal li lokʼoletik yuʼune.
Tʼelik* xa ta xiʼel li ibal sba santoetik* yuʼune›.
3 Yuʼun lik xa tal jun mukʼta lum ta norte sventa xkontrainat.+
Toj xibal sba chiktabe li slumale.
Muʼyuk xa buchʼu te nakal.
Jatavik xa batel li krixchanoetike xchiʼuk li chonbolometike;
lokʼik xa batel».
4 Xi chal li Jeovae: «Li vaʼ orae xchiʼuk li vaʼ kʼakʼale, jmoj tsutik tal li j-israeletik xchiʼuk judaetike.+ X-okʼoletik kʼalal chanavik tale+ xchiʼuk jmoj tsaʼik li Jeova ti jaʼ Sdiosike.+ 5 Ta sjakʼbeik batel sbelel li Sione, te xa skʼelojik batel+ kʼalal xi chalike: ‹Laʼik xchiʼuk bat jpastik jun trato xchiʼuk li Jeovae, ti muʼyuk chichʼ chʼayel ta jolile›.+ 6 Li jteklumale kʼot xa kʼuchaʼal jtsop chij ti chʼayemike.+ Jaʼ kʼejpʼunatik* yuʼun li jchabichij yuʼunike.+ Kʼejpʼunatik batel ta vitsetik, xyal xmuyik ta vits xchiʼuk ta bikʼtal vitsetik. Chʼay xa ta sjolik ti bu chkux yoʼontonike. 7 Kʼalal taatik yuʼun li yajkontraike,+ lilinatik ta tiʼel xchiʼuk xi laj yalike: ‹Maʼuk ta jmultik, yuʼun la saʼ smulik ta stojolal li Jeovae, ti te oy ta stojolal li tukʼilale xchiʼuk li spatobil yoʼonton smoltotakike, ti jaʼ li Jeovae›».
8 «Jatavanik lokʼel li ta Babiloniae,
lokʼanik li ta yosilal jkaldeaetike+
xchiʼuk jechuk xakʼotik kʼuchaʼal li chonbolometik ti jbabe chbat yuʼunik li jtsop chijetike.
9 Yuʼun ta jvaʼan xchiʼuk chkikʼ tal ta stojolal Babilonia
epal mukʼtik lumetik ti chlik talel ta yosilal nortee.+
Xcholoj sbaik sventa xtal stsakik ta kʼop,
vaʼun ch-och ta skʼobik.
Li sflechaike xkoʼolaj kʼuchaʼal sflecha jun jpaskʼop
ti tsmilbe yalab xnichʼnab li totil meʼiletike,+
mi jsetʼuk* tstselpʼuj yuʼunik.
10 Chpojbatik batel kʼusitik yuʼunik li jkaldeaetike.+
Jun yoʼonton chkomik skotol li buchʼutik tspojik batele»,+ xi li Jeovae.
Yuʼun xatekʼomajik noʼox kʼuchaʼal tsebal meʼ vakax ta yaxaltik
12 Laj xa yichʼ akʼel ta kʼexlal li ameʼike.+
Chopol xa chaʼi sba li buchʼu la svokʼesoxuke.
¡Kʼelavil! Jaʼ mukil kʼotem yuʼun li yantik mukʼtik lumetike,
jun takixokol balumil ti chʼabal yaʼlele xchiʼuk jun stenlejaltik ti takin tajeke.+
Skotol li buchʼutik te ch-echʼik ta Babiloniae chchʼay xchʼulelik ta xiʼel kʼalal chilike
14 Akotolik ti xatojobik lek stunesel li arkoe,
laʼ tsakik ta kʼop li Babiloniae, ta buyuk noʼox cholo abaik tal sventa xtal atsakik ta kʼop.
Tʼilesbeik batel li flechae, tunesik ti bu kʼalal chtun avuʼunike,+
yuʼun laj xa saʼ smul ta stojolal li Jeovae.+
15 Tsots xa-avanik sventa xatsakik ta kʼop, avananik tal ta spat xokon.
Laj xa yakʼ sba ta kʼabal.*
Jin xa yalel li oyetik yuʼune xchiʼuk lilij xa li smuroaltake,+
yuʼun jaʼ spakobil sutel yuʼun li Jeovae.+
Pakbeik sutel.
Jech xapasbeik jech kʼuchaʼal la spas eke.+
16 Tupʼbeik skʼoplal ta Babilonia li jtsʼunolajele
xchiʼuk li buchʼu tstunes jos* kʼalal chichʼ tsobel li tsʼunobile.+
Ta skoj li jmilvanej espadae, ta jujuntal tsut batel ta slumalik,
ta jujuntal chjatavik batel ti bu likemik tale.+
17 »Li jteklum Israele jaʼik li chijetik ti tanpuk batemike.+ Tanpuk batik ta skoj li leonetike.+ Baʼyele, lilinatik ta tiʼel yuʼun li ajvalil ta Asiriae;+ laje jechʼbat sbakilik yuʼun li Nabukodonosor* ti jaʼ ajvalil ta Babiloniae.+ 18 Yuʼun xi chal li Jeova ti jaʼ bankilal yuʼun soltaroetike,* li Dios yuʼun Israele: ‹Chkakʼbe kastigo li ajvalil ta Babiloniae xchiʼuk li steklumale, jech kʼuchaʼal laj kakʼbe kastigo li ajvalil ta Asiriae.+ 19 Jech xtok, chkikʼ sutel tal ta sveʼeb li Israele,+ vaʼun te chveʼ li ta Karmeloe xchiʼuk li ta Basane,+ te chetʼes yoʼonton li ta vitstikaltik yuʼun Efraine+ xchiʼuk li ta Galaade›».+
20 Xi chal li Jeovae: «Li vaʼ orae xchiʼuk li vaʼ kʼakʼale,
chichʼ sabel smul li Israele,
pe muʼyuk kʼusi chichʼ tabel
xchiʼuk muʼyuk chichʼ tabel smul li Judae,
yuʼun ta jchʼaybe smulik li buchʼutik kuxul chkiktae».+
21 Xi chal li Jeovae: «Muyan batel, bat tsako ta kʼop li yosilal Merataime xchiʼuk li jnaklejetik ta Pekode.+
Akʼo yichʼik milel xchiʼuk akʼo yichʼik lajesel ta j-echʼel.
Jech xapas skotol li kʼusi laj kalbot xae.
22 Chichʼ aʼiel paskʼop li ta jteklume
xchiʼuk oy jun mukʼta vokolil.
23 ¡Laj xa yichʼ vokʼel xchiʼuk lilinel li martiyo ti tsten skotol li mukʼta lumetik ta balumile!+
¡Toj echʼ noʼox xibal sba kom ta stojolal mukʼtik lumetik li Babiloniae!+
24 Babilonia, la jtimanbot chʼojon xchiʼuk chukbil lakʼot,
pe muʼyuk laj avakʼ venta.
Laj avichʼ tael xchiʼuk la-och ta kʼabal,+
yuʼun la akontrain li Jeovae.
25 Li Jeovae sjamoj xa li snail abtejebal sventa paskʼop yuʼune
xchiʼuk tslokʼes tal li abtejebaletik sventa chakʼ ta ilel li skʼakʼal yoʼontone.+
Yuʼun li Ajvalil ti jaʼ Mukʼul Jpasmantale, li Jeova ti jaʼ bankilal yuʼun soltaroetike, oy kʼusi tspas
li ta yosilal jkaldeaetike.
26 Voʼoxuk ti nom likemoxuk tale, ochanik ta skontrainel.+
Jambeik li snail stsʼunobe.+
Tokanik lokʼel li kʼusitik spojoj jech kʼuchaʼal chichʼ tokanel sat tsʼunobile.
Tupʼbeik skʼoplal ta j-echʼel li jteklume.+
Muʼyukuk buchʼu te xkom.
27 Milbeik skotol li chʼiom tot vakaxetik tee;+
akʼo yichʼik ikʼel batel sventa xichʼik milel.
¡Abol sbaik, yuʼun kʼot xa li skʼakʼalilike,
li yorail ti ch-akʼbatik kastigoe!
28 Chichʼ aʼibel yechʼomal ye li buchʼutik chjatavik batele,
li buchʼutik chjatavik lokʼel ta yosilal Babiloniae,
sventa chalik ta Sion ti tspak sutel li Jeova Dios kuʼuntike,
ti tspakbe skʼoplal li stemploe.+
29 Takik ta ikʼel j-akʼflechaetik sventa skontrainik li Babiloniae,
takik ta ikʼel li buchʼutik xtojobik lek stunesel li arkoe.+
Te xapas akarpanaik ta spat xokon; muʼyukuk buchʼu xjatav avuʼunik.
Jech xatojbeik sutel ti kʼu yelan yabtele.+
Jech xapasbeik jech kʼuchaʼal la spas eke.+
Yuʼun xtoyet tajek la skontrain li Jeovae,
la skontrain li Buchʼu chʼul yuʼun Israele.+
30 Li vaʼ kʼakʼale, te lamal chkomik ta skayealtak* jteklum li keremetike+
xchiʼuk chlaj* skotol li soltaroetik ta jteklume», xi li Jeovae.
31 Li Ajvalil ti jaʼ Mukʼul Jpasmantale, li Jeova ti jaʼ bankilal yuʼun soltaroetike, xi chale: «¡Kʼelavil! Voʼot ti chasaʼvan ta kʼope,+ ta jkontrainot.+
Yuʼun ta persa chvul li akʼakʼalile, li yorail ti chkakʼbot kastigoe.
Jech xtok, ta jtsanbe skʼakʼal li jteklumetik avuʼune,
chchikʼ skotol li kʼusitik oy ta apat axokone».
33 Xi chal li Jeova ti jaʼ bankilal yuʼun soltaroetike:
«Li jteklum Israel xchiʼuk Judae chichʼik ilbajinel
xchiʼuk skotol li buchʼutik laj yichʼik chukel batele te xa ikʼatik-o komel.+
Mi jutebuk koltaatik sutel tal.+
34 Pe lek tsots li Jchaʼmanvanej yuʼunike.+
Li sbie jaʼ Jeova ti bankilal yuʼun soltaroetike.+
Jpʼel skʼoplal chpakbat skʼoplalik ta chapanobbail+
sventa xakʼbe xkux li slumal Israele+
xchiʼuk ti xakʼbe svokol li jnaklejetik ta Babiloniae».+
35 Xi chal li Jeovae: «Yebil xa s-espadail li jkaldeaetike,
li jnaklejetik ta Babiloniae, li bankilaletik yuʼune xchiʼuk li pʼijil viniketik yuʼune.+
36 Yebil xa s-espadail li jecheʼ j-alkʼopetike, vaʼun mu xa snaʼ kʼusi tspasik.
Yebil xa s-espadail li soltaroetik yuʼune, vaʼun chnikik ta xiʼel.+
37 Yebil xa s-espadail li skaʼike, li skaretaik sventa paskʼope
xchiʼuk skotol li buchʼutik jeltos slumalik ti te nakalike,
ta xkʼotik kʼuchaʼal antsetik ti ta xiʼike.+
Yebil xa s-espadail li skʼulejale, vaʼun tspojik batel.+
38 Chichʼ lajesbel li yaʼalike xchiʼuk ch-ulesbatik.+
Yuʼun li Babiloniae noj ta lokʼoletik+
xchiʼuk chlik xchuvajik ta skoj ti chilik kʼusitik xibalik sbae.
39 Jaʼ yuʼun, li chonbolometik ta takixokol balumile koʼol chnakiik xchiʼuk li chonbolometik ti ch-avanike
xchiʼuk te chnakiik li avestrusetike.+
Muʼyuk xa chichʼ naklebinel-o
xchiʼuk muʼyuk te chbat nakiikuk li jaykʼol kuxlejal chjelave».+
40 «Jech kʼuchaʼal laj yichʼ lajesel yuʼun Dios li Sodoma, Gomorra+ xchiʼuk li jteklumetik ti te noʼox nopolike,+ jaʼ jech chkʼot ta stojolal ek, muʼyuk buchʼu te chnaki xchiʼuk mi junuk krixchano te tspas sna»,+ xi li Jeovae.
41 «¡Kʼelavilik! Chlik talel jun jteklum ta norte;
chichʼ biiltasel jun mukʼta lum xchiʼuk mukʼul ajvaliletik+
ti chlikik tal ta namal balumile.+
42 Xtojobik stunesel li arko xchiʼuk javalinae.*+
Toj chopolik xchiʼuk muʼyuk xkʼuxul yoʼontonik.+
Kʼalal kajalik tal ta skaʼike,
xkoʼolajik kʼuchaʼal nab ti xvoʼoʼet ta jyalele.+
Xkoʼolajik kʼuchaʼal jun noʼox vinik ti kʼu yelan lek xcholoj sbaik tal sventa xtal stsakikot ta kʼope, voʼot ti stsebot Babiloniae.+
Solel chat yoʼonton ta jyalel,+
kʼux tajek chaʼi, xkoʼolaj kʼuchaʼal jun ants kʼalal chvokʼ yole.
44 »¡Kʼelavilik! Oy buchʼu chlokʼ talel kʼuchaʼal jkot leon te ta pimil chʼixtikaltik ta xokon Jordan sventa te chbat ti butik jun yoʼonton chaʼi sbaik li chijetike, pe ta anil noʼox ta jnutsik* lokʼel li ta yosilalike. Te ta jvaʼan li buchʼu tʼujbile.+ Yuʼun ¿buchʼu xikoʼolaj xchiʼuk? ¿Buchʼu xuʼ yuʼun stsalun? ¿Mi oy junuk jchabichij ti xuʼ vaʼal xkom ta kelovale?+ 45 Jaʼ yuʼun, viniketik, chikintaik li kʼusi snopoj tspas* Jeova ta stojolal li Babiloniae+ xchiʼuk li kʼusi snopoj tspas ta stojolal li yosilal jkaldeaetike:
jpʼel skʼoplal chichʼik jochel batel li chʼiom chijetike.
Xokol chkom yuʼun ti bu toʼox nakalike, jech chkʼot ta pasel ta skoj smul stukik.+
46 Solel xvoʼoʼet ta jyalel kʼalal ch-och ta kʼabal li Babiloniae, chnik yuʼun sjunul li balumile
xchiʼuk ti kʼu yelan x-avetike chichʼ aʼiel kʼalal to ta mukʼtik lumetik».+
51 Xi chal li Jeovae:
«Ta jtak tal ta stojolal Babilonia+ xchiʼuk ta stojolal jnaklejetik ta Leb-Kamai*
li ikʼ ti chmilvane.
2 Ta jtak batel viniketik ta Babilonia sventa chbat yikʼaik,
ta sjipik muyel xchiʼuk xokol ta xiktabeik li yosilale;
ta buyuk noʼox ta xlikik tal sventa stsakik ta kʼop li ta skʼakʼalil vokolile.+
3 Akʼo mu stunes s-arkoik li j-akʼflechaetike.
Muʼyukuk buchʼu xvaʼi kʼalal slapoj li smak sbekʼtale.*
Mu me xkʼuxubaj ta avoʼontonik li keremetik ta jteklume.+
Lajesik ta j-echʼel skotol li soltaroetik tee.
4 Te telajtik chkomik li ta yosilal jkaldeaetike,
tusul chkomik ta kaye, yayijem chkomik ta j-echʼel.+
5 Yuʼun li Israel xchiʼuk Judae muʼyuk iktabil komel yuʼun li Sdiosike, li Jeova ti jaʼ bankilal yuʼun soltaroetike.*+
Yan li slumal jkaldeaetike noj ta mulil ch-ilat yuʼun li Buchʼu chʼul yuʼun Israele.
Mu teuk xalajik ta skoj li smule.
Yuʼun jaʼ xa yorail ti tspak sutel li Jeovae.
Ta stojbe sutel ta skoj li kʼusitik la spase.+
7 Li Babiloniae kʼotem kʼuchaʼal jun kopa ta oro ti te oy ta skʼob li Jeovae;
yakub yuʼun sjunul li balumile.
8 Ta anil noʼox yal ta lum li Babiloniae xchiʼuk lilijem kom.+
¡Okʼanik ta stojolal!+
Saʼik tal balsamo sventa li kʼusi kʼux chaʼie; yikʼaluk van xpoxtaj to».
9 «Laj xa kakʼkutik persa xpoxtael li Babiloniae, pe muʼyuk xpoxtaj.
Iktaik komel, sutkutik batel ta jlumaltik ta jujuntal.+
Yuʼun li smul ti sta-o xichʼ chapanele kʼotem xa kʼalal to ta vinajel;
solel toyol oy kʼuchaʼal li toke.+
10 Tukʼ xa kʼusitik tspas ta jtojolaltik li Jeovae.+
Laʼik, bat kaltik ta Sion li kʼusitik spasoj li Jeova ti jaʼ Jdiostike».+
11 «Juxbeik sniʼ li flechaetike;+ tsakik li set-set eskudoetike.*
Li Jeovae la stijbe yoʼonton li ajvaliletik yuʼun jmediaetike,+
yuʼun oy ta yoʼonton tslajesbe skʼoplal li Babiloniae.
Yuʼun jaʼ tspak sutel li Jeovae, tspakbe skʼoplal li stemploe.
12 Toyik muyel junuk senyail*+ sventa xbat ajinesbeik li smuroal Babiloniae.
Akʼik mas jchabivanejetik, vaʼanik jchabivanejetik.
Chapanik li buchʼutik chmakvanik ta bee.
Yuʼun li Jeovae oy xa kʼusi snopoj tspas
xchiʼuk chkʼot ta pasel yuʼun li kʼusi yaloj tspas ta stojolal li jnaklejetik ta Babiloniae».+
13 «Ants ti nakalot ta sba epal voʼe,+
ti ep akʼulejale,+
vul xa alajeb, liʼ noʼox kʼalal slajeb li akanale.+
14 Li Jeova ti jaʼ bankilal yuʼun soltaroetike xi jamal yaloj ta skoj sbi stuke:
‹Ta jtak tal epal viniketik ta atojolal jech kʼuchaʼal sbuset tajek li kʼulubetike
xchiʼuk ch-avanik ta skoj ti la stsalikote›.+
15 Jaʼ la spas ta sjuʼel li balumile,
jaʼ la snakan ta spʼijil li balumil ti bu lek xchʼi kʼusitike+
16 Kʼalal chakʼ ta aʼiel li yechʼomal yee,
solel xvoʼoʼet li voʼ te ta vinajele
xchiʼuk jaʼ chakʼ toyuk muyel li tok* ti te oy ta spajeb balumile.
17 Skotol li krixchanoetike chakʼik ta ilel ti mu snaʼik snopele xchiʼuk ti chʼabal yojtikinobil yuʼunike.
Skotol li buchʼu chabtelan takʼine ta xichʼik akʼel ta kʼexlal ta skoj li lokʼoletik tspasike;+
yuʼun jecheʼ li lokʼoletik yuʼunik ti pasbil ta unijesbil takʼine
18 Muʼyuk kʼusi xtunik-o,+ jaʼ noʼox pasbilik sventa xichʼik labanel.
Kʼalal mi kʼot yorail chichʼik akʼbel kastigoe, ta xlaj skʼoplalik.
19 Li Dios yuʼun* Jakobe mu xkoʼolaj kʼuchaʼal li kʼusitik taje,
yuʼun jaʼ la spas skotol li kʼusitik oye
Li sbie jaʼ Jeova ti bankilal yuʼun soltaroetike».+
20 «Kʼotemot kuʼun kʼuchaʼal jun teʼ sventa paskʼop, kʼotemot ta kabtejeb sventa paskʼop,
yuʼun ta jtunesot sventa ta jlajes li mukʼtik lumetike.
Ta jtunesot sventa ta jlajes li jteklumetike.
21 Ta jtunesot sventa ta jlajes li kaʼe xchiʼuk li buchʼu tskajlebine.
Ta jtunesot sventa ta jlajes li kareta sventa paskʼope xchiʼuk li buchʼu te kajal batele.
22 Ta jtunesot sventa ta jlajes li vinik xchiʼuk li antse.
Ta jtunesot sventa ta jlajes li mol xchiʼuk li chex kereme.
Ta jtunesot sventa ta jlajes li kerem xchiʼuk li tojol tsebe.
23 Ta jtunesot sventa ta jlajes li jchabichije xchiʼuk li xchijtake.
Ta jtunesot sventa ta jlajes li j-abtel ta osile xchiʼuk li xchonbolomtak ti tslokik balumile.
Ta jtunesot sventa ta jlajes li ajvaliletik xchiʼuk li itsʼinal jpasmantaletike.
24 Ta jtojbe sutel li Babilonia xchiʼuk skotol li jnaklejetik ta Kaldea
ta skoj li kʼusi chopol la spasik ta Sion ta yeloval asatike»,+ xi li Jeovae.
Ta jyeʼ talel jkʼob sventa ta jkontrainot xchiʼuk ta jbalalinot yalel ta tayal tontik
xchiʼuk chakʼot kuʼun ta kʼakʼemal vits».
26 Xi chal li Jeovae: «Li krixchanoetike muʼyuk xa te tsaʼik ta atojolal li ton sventa chikin nae mi jaʼuk li ton sventa snakleb nae,
yuʼun xokol chakom ta sbatel osil».+
27 «Toyik muyel junuk senyail* li ta jteklume.+
Jupanik kachu li ta mukʼtik lumetike.
Tʼujik* mukʼtik lumetik sventa xbat stsakik ta kʼop li Babiloniae.
Takik ta ikʼel jteklumetik ta Ararat,+ ta Mini xchiʼuk ta Askenas+ sventa skontrainik.
Vaʼanik bankilal soltaro sventa xbat skontrain.
Akʼo muyikuk tal kaʼetik ti xkʼuletik tal ta anil kʼuchaʼal li kʼulubetike.
28 Tʼujik* li mukʼtik lumetike,
li ajvaliletik ta Mediae,+ li itsʼinal ajvaliletike xchiʼuk skotol li itsʼinal jpasmantaletik yuʼune
xchiʼuk skotol li jteklumetik ti sventainojik sventa skontrainik li Babiloniae.
29 Li balumile ta xnik xchiʼuk ta xbakʼ,
yuʼun chkʼot ta pasel li kʼusi snopoj Jeova ta stojolal li Babiloniae,
sventa xibaluk sba xkom li yosilal Babiloniae xchiʼuk sventa mi junuk jnaklej xkom.+
30 Li yajsoltarotak Babiloniae muʼyuk xa tspasik kʼop.
Te chotolik ta stsatsal pojobbailik.
Chʼabal xa yipik,+
xkoʼolajik xa kʼuchaʼal antsetik.+
Li naetik tee laj xa yichʼ tsanbel skʼakʼal.
Laj xa yichʼ lilinbel li stakʼinaltak ochebal yuʼune.+
31 Xkʼot xkʼot noʼox j-almantaletik
xchiʼuk xkʼot xkʼot noʼox j-ichʼ-aʼyejetik
sventa xalbe ajvalil ta Babilonia ti laj xa yichʼ tsalel ta buyuk noʼox li steklumale,+
32 ti smakojbeik xa yoktak li voʼe,+
ti laj xa yichʼ chikʼel li varkoetik ti pasbil ta papiroe*
xchiʼuk ti solel xiʼemik ta jyalel li soltaroetike».
33 Yuʼun xi chal li Jeova ti jaʼ bankilal yuʼun soltaroetike, li Dios yuʼun Israele:
«Li stseb Babiloniae xkoʼolaj kʼuchaʼal yikʼaobil tsʼunobil.
Jaʼ xa yorail chichʼ pechʼilanel ta tekʼel sventa tsinil xkom.
Jutuk xa skʼan xkʼot yorail ti chichʼ tsobel kʼuchaʼal tsʼunobile».
34 «Laj xa slilinun ta tiʼel li Nabukodonosor* ti jaʼ ajvalil ta Babiloniae;+
mu xa jnaʼ kʼusi ta jpas yuʼun.
Jecheʼ xa te vuchul laj yiktaun kʼuchaʼal jpʼej pʼin ti chʼabal xa sbele.
Laj xa sbikʼun kʼuchaʼal chbikʼvan jkot mukʼta kiletel chon;+
noj-o xa lek xchʼut li kʼusitik lekik kuʼune.
Laj xa sjipun lokʼel li ta kavile.
35 Xi chal li jnaklej ta Sione: ‹¡Akʼo kʼotuk ta sba Babilonia li kʼusi chopol laj kichʼ pasbele!›.+
Xi chal li Jerusalene: ‹¡Akʼo kʼotuk ta sba jkaldeaetik li jchʼichʼele!›».
36 Jaʼ yuʼun, xi chal li Jeovae:
Ta jtakijes li nab tee xchiʼuk ta xkules li posoetik
tee.+
37 Li Babiloniae jaʼ xa noʼox te tokol chkom slilijemal,+
chkʼot ta sna teʼtikal tsʼiʼetik,+
xibal sba chkom xchiʼuk chichʼ labanel,*
mi junuk jnaklej chkom.+
38 Skotolik xloket snukʼik* kʼuchaʼal chʼiom leonetik.*
X-avlajetik kʼuchaʼal kʼox leonetik».
39 Xi chal li Jeovae: «Kʼalal jaʼo oy kʼusi tskʼan tajek yoʼontonike, chkakʼbe sveʼelik xchiʼuk yuchʼbolik,
vaʼun chyakubik kuʼun sventa xkuxetuk yoʼontonik;+
laje jal tajek ta xvayik,
muʼyuk xa chjulavik-o».+
40 «Chkakʼ ti akʼo yichʼik ikʼel batel sventa xichʼik milel kʼuchaʼal chʼiom chijetike,
kʼuchaʼal tot chijetik ti jmoj chbatik xchiʼuk li tentsunetike».
41 «¡Solel och xa ta kʼabal li Sesake,*+
laj xa yichʼ uʼuninel li jteklum ti chkʼupil kʼoptaat toʼox yuʼun skotol li krixchanoetike!+
¡Solel chiʼik-o mukʼtik lumetik kʼalal chilik li Babiloniae!
42 Muyem xa talel nab ta stojolal li Babiloniae.
Mutʼij* xa ta skoj ti xyukʼlajet tajeke.
43 Xibal sba kom li jteklumetik yuʼune, xkoʼolaj kʼuchaʼal takixokol balumil xchiʼuk stenlejaltik ti takin tajeke.
Muʼyuk buchʼu te chnaki xchiʼuk muʼyuk buchʼu te chjelav batel.+
44 Ta xkakʼ batel jsat ta stojolal li dios Bel+ ta Babiloniae
xchiʼuk ta jlokʼesbe ta ye li kʼusi laj xa sbikʼe.+
Muʼyuk xa chtal ta stojolal li mukʼtik lumetike
xchiʼuk ta xjin yalel li smuroal Babiloniae.+
45 ¡Jteklumal,+ lokʼanik tal te!
¡Jatavanik batel sventa mu xachamik+ li ta skʼakʼal yoʼonton Jeovae!+
46 Mu me xnik li avoʼontonike, mu me xaxiʼik ta skoj li kʼusi chavaʼiik ta jteklume.
Leʼ batel ta jun jabile, chtal jun aʼyej,
li ta yan jabile, chtal yan aʼyej
ti oy paskʼop li ta balumile xchiʼuk ti tskontrain sbaik li ajvaliletike.
47 Jaʼ yuʼun, chkʼot skʼakʼalil
ti chkakʼ batel jsat ta stojolal li lokʼoletik ta Babiloniae.
Chichʼ akʼel ta kʼexlal sjunul li slumale
xchiʼuk te lamal chkom li jnaklejetik yuʼun ti chlajik ta milele.+
48 Li vinajel xchiʼuk balumil xchiʼuk skotol li kʼusitik oy tee
ch-avanik ta muyubajel kʼalal mi laj yichʼ tsalel li Babiloniae,+
yuʼun chlik talel ta norte li buchʼutik tslajesate»,+ xi li Jeovae.
49 «Li Babiloniae maʼuk noʼox la smil li j-israeletike,+
yuʼun ep buchʼutik te chamik ta Babilonia ti likemik tal ta spʼejel balumile.
50 Voʼoxuk ti muʼyuk xalajik ta espadae, ¡lokʼanik batel, mu teuk vaʼal xakomik!+
Te to ta nom xavules ta ajolik li Jeovae
xchiʼuk teuk ta ajolik li Jerusalene».+
51 «Ta kʼexlal likomkutik, yuʼun laj kaʼikutik ti chlabanvanike.
Solel chkʼexav li jsatkutike,
yuʼun li jyanlumetike* ochik xa ti butik chʼul ta sna Jeovae».+
52 «Jaʼ yuʼun, chkʼot skʼakʼalil
ti chkakʼ batel jsat ta stojolal li lokʼoletik yuʼune,
ta skoj taje, ta sjunul yosilal x-avetik ta okʼel li buchʼutik yayijemike»,+ xi li Jeovae.
53 «Akʼo mi xmuy batel kʼalal to ta vinajel li Babiloniae+
xchiʼuk akʼo mi stsatsubtas to mas li tayal kʼelob osil yuʼune,
ta jtak talel jlajesvanejetik ta stojolal»,+ xi li Jeovae.
54 «¡Chikintaik! Oy buchʼutik x-avetik te to ta Babilonia,+
chichʼ aʼiel ti oy tsatsal vokolil li ta yosilal jkaldeaetike,+
55 yuʼun yakal tslajes Babilonia li Jeovae,
chakʼbe slajeb li yechʼomal ye ti tsots chbakʼe.
Ti kʼu yelan xvochetik* kʼotel li yajkontraike xkoʼolaj kʼuchaʼal ti kʼu yelan xvoʼoʼet li nabe.
Chichʼ aʼiel li yechʼomal yeike.
56 Yuʼun chtal ta stojolal Babilonia li jlajesvaneje;+
li yajsoltarotake ta x-ochik ta kʼabal,+
chichʼ lilinbel li s-arkoike,
yuʼun li Jeovae jaʼ jun Dios ti tspak sutele.+
Jpʼel skʼoplal ta stojbe sutel.+
57 Ta jyakubtas li bankilaletik yuʼune xchiʼuk li buchʼutik pʼijik yuʼune,+
li ajvaliletik yuʼune xchiʼuk skotol li itsʼinal jpasmantaletik yuʼune xchiʼuk li yajsoltarotake,
laje jal tajek ta xvayik,
muʼyuk xa chjulavik-o»,+ xi li Ajvalile, jaʼ li Jeova ti bankilal yuʼun soltaroetik sbie.
58 Xi chal li Jeova ti jaʼ bankilal yuʼun soltaroetike:
«Akʼo mi lek pim pasbil li smuroal Babiloniae, ta xichʼ lilinel ta j-echʼel,+
akʼo mi lek toyol li ochebaletike, chichʼ chikʼel ta
kʼokʼ.
Li jteklumetike jecheʼ noʼox laj yakʼ svokolik ti tsots abtejike,
li mukʼtik lumetike jecheʼ noʼox la slubtsan sbaik sventa xichʼ chikʼel ta kʼokʼ».+
59 Li j-alkʼop Jeremiase jech laj yalbe batel mantal li Seraya ti jaʼ xnichʼon Nerias+ xchiʼuk ti jaʼ smom Maseya kʼalal bat ta Babilonia xchiʼuk li Sedekias ti jaʼ ajvalil ta Judae, taje jaʼo kʼalal xchanibal xa ox jabil yochel ta ajvalile; li Serayae jaʼ sbainoj li kʼusitik oy yuʼun ajvalile. 60 Li Jeremiase ta jlik noʼox livro la stsʼiba skotol li vokolil ti chvul ta stojolal Babiloniae, taje jaʼ skotol li kʼusitik laj yichʼ tsʼibael ta stojolal li Babiloniae. 61 Jech xtok, li Jeremiase xi laj yalbe li Serayae: «Kʼalal mi lakʼot ta Babiloniae xchiʼuk mi laj avil ta asate, skʼan tsots xavapta skotol li kʼusitik liʼ tsʼibabile. 62 Vaʼun, xi xavale: ‹Kajval Jeova, avaloj xa onoʼox ti chichʼ lajesel li jteklum liʼe xchiʼuk ti mi junuk jnaklej chkome, mi jaʼuk krixchano xchiʼuk mi jaʼuk chonbolom xchiʼuk ti xokol chkom ta sbatel osile›.+ 63 Kʼalal mi tsuts avuʼun yaptael li livro liʼe, chukbo jpʼejuk ton, vaʼun jipo ochel ta ukʼum Eufrates. 64 Laje, xi xavale: ‹Jaʼ jech ta xmutʼij* yalel li Babiloniae, muʼyuk xa chtots tal yan velta+ ta skoj li vokolil chkakʼ talel ta stojolale, vaʼun ta xlubtsajik li jnaklejetik tee›».+
Liʼ vul ta tsutsel li kʼusi laj yal Jeremiase.
52 Li Sedekiase+ 21 jabil yichʼoj kʼalal och ta ajvalile, 11 jabil ajvalilaj li ta Jerusalene. Li smeʼe Amutal+ sbi, jaʼ stseb Jeremias ti likem ta Libnae. 2 Li Sedekiase jaʼ la spas-o li kʼusi chopol chil Jeova jech kʼuchaʼal la spas li Jeoiakime.+ 3 Li kʼusi kʼot ta pasel li ta Jerusalen xchiʼuk ta Judae jaʼ lik-o skʼakʼal yoʼonton li Jeovae, jaʼ yuʼun la sjip lokʼel ta yeloval sat.+ Jech xtok, li Sedekiase la stoy sba ta stojolal li ajvalil ta Babiloniae.+ 4 Kʼalal sbalunebal xa ox jabil yochel ta ajvalil li Sedekiase, jaʼo ta slajunebal kʼakʼal li ta slajunebal ue, li Nabukodonosor* ti jaʼ ajvalil ta Babiloniae te kʼot xchiʼuk skotol yajsoltarotak sventa stsak ta kʼop li Jerusalene. Te la spas skarpanaik xchiʼuk la svaʼanik muro ta sjoyobal li Jerusalene.+ 5 Te setuojik-o jteklum kʼalal 11 jabil xa ox yochel ta ajvalil li Sedekiase.
6 Vaʼun, li ta sbalunebal kʼakʼal li ta xchanibal ue,+ mas to tsatsaj viʼnal li ta jteklume, muʼyuk xa sveʼel skotol li krixchanoetik tee.+ 7 Laje, laj yichʼ jomel li smuroal jteklume, skotol li soltaroetike jatavik lokʼel ta jteklum ta akʼobaltik, te lokʼik batel li ta ochebal ti bu oy chib muro ti te xkom ta stsʼel li nichimaltik yuʼun ajvalile, vaʼun jaʼ la stambeik batel li sbelel Arabae.+ Taje jaʼo kʼot ta pasel kʼalal jaʼo te sjoyobtaojik jteklum li jkaldeaetike. 8 Li soltaroetik yuʼun jkaldeaetike bat snutsik li ajvalile, te la staik ta be ta takixokol balumil ta stenlejaltik yuʼun Jeriko li Sedekiase,+ pe jatav batel skotol li yajsoltarotak te xchiʼuke. 9 Laj une, la stsakik li ajvalile xchiʼuk laj yikʼbeik batel li ajvalil ta Babilonia ti te oy ta Ribla ti jaʼ yosilal Amate, vaʼun te laj yal kʼusi chichʼ pasbel. 10 Li ajvalil ta Babiloniae te ta yeloval sat Sedekias la smilbe li xnichʼnabe xchiʼuk la smil skotol li bankilaletik ta Juda ti te oyik ta Riblae. 11 Vaʼun, li ajvalile la stupʼbe sbekʼ sat li Sedekiase,+ laje la xchuk ta kadena ti pasbil ta kovree, laj yikʼ batel ta Babilonia xchiʼuk la stikʼ ta chukel jaʼ to ti kʼuxi chame.
12 Li ta slajunebal kʼakʼal ta svoʼobal ue, jaʼ xkaltik, kʼalal 19 jabil xa ox yochel ta ajvalil li Nabukodonosor* ti jaʼ ajvalil ta Babiloniae, jaʼo och batel ta Jerusalen li Nebusaradan ti jaʼ bankilal yuʼun jchabivanejetike, jaʼ li yajtunel ajvalil ta Babiloniae.+ 13 La xchikʼbe li sna Jeovae,+ li sna* ajvalile xchiʼuk skotol li naetik ta Jerusalene; jech xtok, la xchikʼ li naetik ti tsotsik skʼoplale. 14 Skotol li soltaroetik yuʼun jkaldeaetik ti jaʼ ventainbilik yuʼun li bankilal yuʼun jchabivanejetike la sjinesik komel li smuroal Jerusalene.+
15 Li Nebusaradan ti jaʼ bankilal yuʼun jchabivanejetike la xchuk batel junantik li ta jteklum ti abol sbaike xchiʼuk li yan buchʼutik te to komemik ta jteklume. Jech xtok, laj yikʼ batel li buchʼutik laj yakʼ sbaik ta skʼob li ajvalil ta Babiloniae xchiʼuk li buchʼutik xtojobik lek spasel kʼusitike.+ 16 Pe li Nebusaradan ti jaʼ bankilal yuʼun jchabivanejetike te laj yikta jlom li buchʼutik mas povreik sventa stsʼunik uva xchiʼuk ti xichʼik sujel ta spasel yan abtelale.+
17 Jech xtok, li jkaldeaetike la slilinik li oyetik pasbil ta kovre+ ti te oy ta sna Jeovae, la slilinik li karetiyaetike+ xchiʼuk li Nab ta kovre+ ti te oy ta sna Jeovae. Laj yichʼik batel ta Babilonia skotol li kovree.+ 18 Laj yichʼik batel xtok li xchʼamobiltak kʼusitike, li palaetike, li stupʼobiltak mechae, li bochetike,+ li kopaetike+ xchiʼuk skotol li kʼusitik pasbil ta kovre ti tstunesik kʼalal tspasik abtelal ta temploe. 19 Li bankilal yuʼun jchabivanejetike laj yichʼ batel li lechlech bochetike,+ li yavtak akʼale, li bochetik sventa milbil matanale, li yavtak tane, li kandeleroetike,+ li kopaetike, li yan bochetik ti pasbilik ta batsʼi oro xchiʼuk ta batsʼi platae.+ 20 Li chib oye, li Nabe, li 12 ta kot tot vakaxetik+ ti pasbil ta kovre ti te oy ta yolon li Nabe, li karetiyaetik ti jaʼ spasoj li ajvalil Salomon sventa stunesik li ta sna Jeovae, skotol li kʼusitik taje mu xa noʼox stakʼ pʼisel.
21 Ta sventa li oyetike, li ta jujun oye 18 xukʼubil* staylej. Sventa stakʼ pʼisel kʼu syijil li jujun oye, skʼan jlik chʼojon ti 12 xukʼubil snatile.+ Ti kʼu spimile jaʼ chanib kʼob* xchiʼuk pujul* li yute. 22 Li xlechlechul sjole ta kovre pasbil xchiʼuk voʼob xukʼubil staylej.+ Ta kovre pasbil li slujoal ti xkoʼolaj ta mayae xchiʼuk li slokʼol granadaetik* ti oy ta sjoyobal li xlechlechul sjole. Li ta xchibal oye jech pasbil ek xchiʼuk te oy li slokʼol granadaetike. 23 Li ta jujujot xokone oy 96 slokʼol granadaetik;* ta skotole oy sien slokʼol granadaetik li ta sba slujoal ti xkoʼolaj ta mayae.+
24 Li bankilal yuʼun jchabivanejetike laj yikʼ batel xtok li Seraya+ ti jaʼ bankilal palee, laj yikʼ batel li Sofonias+ ti kʼotem ta xchibal palee xchiʼuk li oxvoʼ jchabitiʼnaetike.+ 25 Li ta jteklume laj yikʼ batel jun bankilal j-abtel ta pasob mantal ti jaʼ sbainoj li soltaroetike, laj yikʼ batel vukvoʼ li buchʼutik lek skʼopon ajvalile, laj yikʼ batel li yajsekretario bankilal soltaroe, jaʼ li buchʼu tstsob soltaroetik sventa xbatik ta paskʼope xchiʼuk laj yikʼ batel 60 ta voʼ yan viniketik ti te oyik ta jteklume. 26 Li Nebusaradan ti jaʼ bankilal yuʼun jchabivanejetike laj yikʼbe batel li ajvalil ta Babilonia ti te oy ta Riblae. 27 Li ajvalil ta Babiloniae te la smilan ta Ribla+ ta yosilal Amat. Jaʼ jech laj yichʼ chukel lokʼel ta slumal li Judae.+
28 Liʼe jaʼ li krixchanoetik ti la xchuk batel li Nabukodonosore:* li ta svukubal jabil yochel ta ajvalile laj yikʼ batel 3,023 judaetik.+
29 Kʼalal 18 jabil xa ox yochel ta ajvalil li Nabukodonosore,*+ laj yichʼ ikʼel lokʼel 832 krixchanoetik* ta Jerusalen.
30 Kʼalal 23 jabil xa ox yochel ta ajvalil li Nabukodonosore,* li Nebusaradan ti jaʼ bankilal yuʼun jchabivanejetike la xchuk batel 745 judaetik.+
Ta skotole laj yichʼ chukel batel 4,600 krixchanoetik.
31 Kʼalal 37 jabil xa ox xchukel batel li Joakin+ ti jaʼ ajvalil ta Judae, li ta skʼakʼalil 25 ta yuilal 12, li Evil-Merodak ti jaʼ ajvalil ta Babiloniae la slokʼes ta chukel*+ li Joakin ti jaʼ ajvalil ta Judae. Li vaʼ jabile, jaʼo och ta ajvalil li Evil-Merodake. 32 Laj yakʼ ta ilel slekil yoʼonton ta stojolal xchiʼuk jaʼ mas laj yichʼ ta mukʼ ti jaʼ mu sta li yan ajvaliletik te xchiʼukan ta Babiloniae. 33 Li Joakine la slokʼ li skʼuʼ spokʼ slapoj toʼox ta chukinabe xchiʼuk te la xchiʼin ta veʼel jujun kʼakʼal li ajvalile jaʼ to ti kʼuxi chame. 34 Ti kʼu sjalil kuxule jujun kʼakʼal akʼbat sveʼel yuʼun li ajvalil ta Babiloniae, jaʼ to ti kʼuxi chame.
Jaʼ van skʼan xal ‹tstoy kʼoplalil li Jeovae›.
O «Jtʼujojot».
Literal «kʼalal skʼan toʼox xalokʼ talel ta alajebale».
Kʼelo Glosario, ajvalilal.
Literal «kʼusi chtijvan».
O «jpʼej pʼin ti lek mukʼ stiʼ sventa smeltsanobil veʼlil».
Literal «ti jubbil lek skʼakʼale». Chakʼ ta aʼiel ti lek tsakem skʼakʼal ta yolone.
O «xchʼayilal».
Literal «skʼan xatsin lek li achukbenale».
O «chavichʼ tsalel».
O «ikʼpulan».
O «jpukulale; jpartee».
O «lumetik ti joyol ta nab».
O «la sjomik», mase ta yut ton la sjomik.
O «li chʼiom leonetik ti xtinlajet sjolike».
O «Menfis».
Jaʼ xkaltik, jun yok li ukʼum Niloe.
Kʼelo Glosario, xiʼtael Dios.
Kʼelo Glosario, Jeova ti bankilal yuʼun soltaroetike.
O «chutsʼi batel».
Literal «yuilale».
O «ikʼpulan».
Te tsakal skʼoplal arete, aniyo, xchuk kʼobil xchiʼuk yan kʼusitik.
O «balem; bonol».
Li ta ebreo kʼope jaʼ nefex. Kʼelo Glosario, nefex.
Literal «j-arabia krixchano».
Jaʼ xkaltik, yorail uninaltik.
O «li diosetik ti yan-o slumale».
O jaʼ van skʼoplal «amalalikun».
O «spukulalik; sparteik».
O «pukulalil; parteil».
Literal «xchiʼil».
O «li dios ti kʼexlal sbae».
Kʼelo Glosario, ibal sba.
Jaʼ xkaltik, ta stojolal Jeova.
Kʼelo Glosario, sirkunsision.
O «poste sventa senyail».
Kʼelo Glosario, chʼixal kʼuʼil.
Literal «majo stiʼ avoʼontonik».
O «ajajetanik».
Kʼalal ‹stseb jteklumal› xie, jaʼ jun nichimalkʼop ti chakʼ ta aʼiel xkʼuxul oʼontonal xchiʼuk slekil oʼontonale.
O «xtoletik; xviletik».
O «chamuk».
O «jpamukʼtavanejetik». Jaʼ xkaltik, li buchʼutik tskʼelik junuk jteklum sventa xilik bakʼin tstsakik ta kʼope.
O jaʼ van skʼoplal «ti xvochetik ta paskʼope».
O «Nopolik noʼox chvul».
O «poste sventa senyail».
O «Oy lek spʼijilik ta».
O «chopol chkaʼi».
O «x-avlajetik».
Te tsakal skʼoplal arete, aniyo, xchuk kʼobil xchiʼuk yan kʼusitik.
O «sbon satil».
O «xnapʼetik».
O «kayeetik; ti bu oy ep krixchanoetik».
Literal «muʼyuk kʼunibik-o».
Literal «satik».
Li loboe xkoʼolajtik kʼuchaʼal okʼil.
O «xchopolilike».
O «xnapʼet».
O «jutebuk».
Kʼelo Glosario, Jeova ti bankilal yuʼun soltaroetike.
O «tsanuk».
Literal «li dios ti yan-o slumal».
Literal «Bol jteklum ti muʼyuk avoʼontone».
Kʼelo Glosario, xiʼtael Dios.
O «chanikik».
O «yiʼ».
O «kʼejevem; tsʼepʼujem».
Jaʼ xkaltik, yorail voʼtik.
Jaʼ xkaltik, yorail uninaltik.
O «achopolilik».
O «slapobil».
O «muko».
Literal «Chʼultajeso».
Kʼelo Glosario, Jeova ti bankilal yuʼun soltaroetike.
O «skomelal».
Kʼelo Glosario, kʼuxkʼultael.
Literal «Muʼyuk yichʼoj sirkunsision li xchikinike».
Literal «ep skʼakʼalilike».
O «skʼasemal».
O «jutebuk».
O «ta xtʼab».
O «chanubtasel kuʼune».
Kʼelo Glosario, sakil pom.
O «xtʼab-o».
Li javalinae xkoʼolaj kʼuchaʼal li lansae, jaʼ noʼoxe mas komkom.
O «Jokʼajtik».
Literal «xkʼuxul yalajel».
Kʼelo Glosario, chʼixal kʼuʼil.
Jaʼ xkaltik, li Jeremiase.
Literal «li sbeike».
O «snopel».
Kʼelo Glosario, Jeova ti bankilal yuʼun soltaroetike.
Literal «li abeike».
Literal «Liʼe jaʼik», jaʼ chalbe skʼoplal skotol li naetik ta xokon temploe.
Literal «li abeike».
O «li meʼonetike».
O «xtomet muyel xchʼailal xavakʼbeik milbil matanal».
Kʼelo Glosario, ibal sba.
Literal «sob chilik xchiʼuk ta jkʼoponoxuk».
Jaʼ sbi jun meʼ dios ti jaʼ chichʼik ta mukʼ li j-israeletik ti valopatinvanik komele; jaʼ van skʼoplal jun meʼ dios ti chakʼ la alajuk antsetike.
O «tsabeikun jole».
O «li tojobtasel yuʼun stukike».
Literal «jujun kʼakʼal sob lilik xchiʼuk la jtakboxuk tal».
Literal «la steʼtsinan snukʼik».
Literal «laj xa yichʼ tuchʼbel lokʼel ta yeik».
O «li stsotsil ajol ti jaʼ svinajeb ti avakʼoj aba ta stojolal Diose».
Kʼelo Glosario, tayal kʼopojebal.
Kʼelo Glosario, Jeena.
O «muʼyuk jech ochem-o ta jnopben».
Kʼelo Glosario, Jeena.
O «u».
Literal «skotol li soltaroetik ta vinajele».
O «tsoʼ».
Kʼelo Glosario, Jeova ti bankilal yuʼun soltaroetike.
O «puruvoke».
O jaʼ van skʼoplal «gruya».
O «chanubtasel yuʼun».
O «jtsʼibajometike».
O «nopbil kʼopetik; epal kʼopetik».
O «skʼasemal».
O «jutebuk».
O «ta xtʼab».
O «x-iʼiʼet».
O «stotinom kaʼike».
Literal «li diosetik ti yan-o slumalik».
Jaʼ xkaltik, yorail kʼepelaltik.
O «balsamo ti oy kʼusi tspajesbe xkʼuxul».
O «doktor».
O «nop kʼop; epal kʼop».
O «jnopmulil».
O «nopbil kʼop; epal kʼop».
Kʼelo Glosario, Jeova ti bankilal yuʼun soltaroetike.
O «xmeʼet; xjuʼet».
O «chanubtasel».
O «ti bu oy ep krixchanoetike».
O «tsoʼ».
Kʼelo Glosario, sirkunsision.
O «muʼyuk kʼusi stu».
O «xutax; espantapajaro».
Kʼelo Glosario, xiʼtael Dios.
O «muʼyuk stue».
Taje jaʼ stsotsil chij o stsotsil yan chonbolometik.
Li versikulo 11 ta arameo kʼop laj yichʼ tsʼibael.
O «yaʼiobil smelolal».
O «job osil».
O «Stsʼaylajet».
O «saktsel».
O jaʼ van skʼoplal «Tspasbe sbe sventa».
O «xchʼulelik».
Literal «Li sparte».
O «spukulal; sparte».
Kʼelo Glosario, Jeova ti bankilal yuʼun soltaroetike.
O «ta jipik lokʼel ta jimichʼ».
O «jkʼasemale».
O «x-avlajetik».
Yaʼeluke, jaʼ chichʼ albel li Jeremiase.
O «¡Jaʼ jech kʼotuk ta pasel!».
Literal «sob chilik xchiʼuk xi ta xkalbeik mantale».
O «ti xtomet muyel xchʼailal chakʼbeik milbil matanale».
O «jutebuk».
O «li dios ti kʼexlal sba».
Jaʼ xkaltik, li Jeremiase.
Jaʼ xkaltik, li milbil mantal chakʼik ta temploe.
Kʼelo Glosario, Jeova ti bankilal yuʼun soltaroetike.
Literal «li jrinyontike».
O «jpukulale; jpartee».
O «jpukulale; jpartee».
O «Xlaket snukʼik; X-avetik».
O «jpukulale; jpartee».
O «ti pintotike».
O jaʼ van skʼoplal «Chat yoʼonton».
O «pukulalil; parteil».
O «spukulalike; sparteike».
O «achʼut».
O «jchʼut».
O «amuk».
O «jmuk».
O «amuk».
O «jmuke».
O «xchʼut».
O «xtʼab».
O «ikʼpulan».
O «stsʼuj».
O «setubilik».
O «jun j-etiopia vinike».
O «nopbil kʼope; epal kʼope».
O «kʼexlal sba». Kʼelo Glosario, ibal sba.
O «xkʼoxtakik».
O «yaviltak voʼe; beoʼetike».
O «xjejlajetik».
O «xchopolilike».
Kʼelo Glosario, ayuno.
Jaʼ li buchʼu tskʼan tsnabe skʼoplal li kʼusi chkʼot ta pasel ta tsʼakal ti tsaʼ koltael ta stojolal pukujetike.
O jaʼ van skʼoplal «chantos kastigo».
O jaʼ van skʼoplal «Jech-o valopat chasut».
O «ti chopol chkaʼi jba».
Taje chichʼ tunesel sventa chichʼ ikʼael li tsʼunobile xchiʼuk oy jayibuk sniʼ ti lukajtike.
O «yiʼ».
O jaʼ van skʼoplal «chkʼexav xa xchiʼuk stsʼijet xa».
Kʼelo Glosario, Jeova ti bankilal yuʼun soltaroetike.
O «chavichʼ tsalel».
O «tsoʼ».
Jaʼ skostumbre jyanlumetik kʼalal oy buchʼu chcham yuʼunike, taje jaʼ van jech lik xchanik li jvalopatinvanej Israele.
Kʼelo Glosario, Jeova ti bankilal yuʼun soltaroetike.
Literal «li sbeike».
O «xchopolilike».
O «xchopolilik».
Kʼelo Glosario, ibal sba.
O «jpukulal; jparte».
O «kʼot ta spukulalik; sparteinik».
Kʼelo Glosario, chʼul poste.
Kʼelo Glosario, tayal kʼopojebal.
O «apukulal; aparte».
O jaʼ van skʼoplal «jech kʼuchaʼal chichʼ tsanel li kʼokʼe, jaʼ jech chavichʼik tsanel ta skʼakʼal koʼonton ek».
O «tsatsal vinik».
O «tsatsal vinik ti».
Literal «Muʼyuk tsvul yoʼonton».
O jaʼ van skʼoplal «muʼyuk xpoxile».
O «li kʼusi oy ta yutil to yoʼontonike». Literal «li srinyonike».
Literal «li sbeike».
Jaʼ jkot mut ti xkoʼolaj kʼuchaʼal alakʼe.
Literal «tsvalopatinikun». Yaʼeluke, jaʼ skʼoplal li Jeovae.
O «lumtik».
Literal «teʼtsinan snukʼike».
O «li ta sure».
Kʼelo Glosario, sakil pom.
O «setetete».
Kʼelo Glosario, ajvalilal.
O «chopol chkaʼi jba».
O «muʼyuk chopol chkaʼi jba ta stojolalik».
Literal «spasel».
O «xtomet muyel xchʼailal yuʼunik li milbil matanal sventa».
O «tstsʼepʼunik».
O «ti muʼyuk lek pasbile».
Literal «chichʼik piobtael».
O «lum».
O «xchopolilike».
O «xtʼab».
Kʼelo Glosario, Jeova ti bankilal yuʼun soltaroetike.
Kʼelo Glosario, tayal kʼopojebal.
O «muʼyuk jech ochem-o ta jnopben».
Literal «chichʼik piobtaele».
Kʼelo Glosario, ibal sba.
O «stiʼ». Kʼelo Glosario, amakʼ.
Literal «teʼtsinan snukʼike».
Kʼelo Glosario, latsʼob teʼ.
Taje jaʼ skʼan xal ‹mukʼta xiʼel ta buyuk noʼox›.
O «nopbil».
O «jutebuk».
O «xloklune; xpulpune».
O «chtʼab».
Kʼelo Glosario, Jeova ti bankilal yuʼun soltaroetike.
Literal «li srinyone».
Literal «Nabukodorosor», jech ta stsʼibaik li yantike.
Literal «Nabukodorosor», jech ta stsʼibaik li yantike.
O «jutebuk».
O «kuxul chjatav batel».
O «spasob mantal».
O «meʼone».
Jeoakas sbi xtok.
O «Tsmesatik».
O «xa-ajajet».
Literal «xkʼuxul yalajel».
Joakin xchiʼuk Jekonias sbi xtok.
Literal «Nabukodorosor», jech ta stsʼibaik li yantike.
O «Jteklum».
Literal «ti jayib kʼakʼal».
O «skomelal».
O «li buchʼu chichʼ rextoil».
O «balumile».
O «tsʼiʼlel».
O «valopatinvanemik xa».
O «xujel».
O «tstsʼepʼunik».
Kʼelo Glosario, Jeova ti bankilal yuʼun soltaroetike.
O «jecheʼ tspat avoʼontonik».
O «smuk».
O «nopbil kʼopetik; epal kʼopetik».
O «tstsʼepʼunik».
O «li tsatsal aʼyej yuʼun». Chaʼtos kʼusi chakʼ ta aʼiel li ta ebreo kʼope: «aʼyej yaloj Dios ti tsots skʼoplale» o «tsatsal aʼyej».
O «tsatsal aʼyej yuʼun».
O «tsatsal aʼyej yuʼun».
O «tsatsal aʼyej».
O «tsatsal aʼyej yuʼun».
O «tsatsal aʼyej».
O «tsatsal aʼyej yuʼun».
Literal «Nabukodorosor», jech ta stsʼibaik li yantike.
Joakin xchiʼuk Konias sbi xtok.
O jaʼ van skʼoplal «li buchʼutik tsmeltsanik muroe».
Literal «Nabukodorosor», jech ta stsʼibaik li yantike.
O «oy kʼusi laj yalbe».
Literal «Sob chilik xchiʼuk ta jkʼoponoxuk».
Literal «sob lik xchiʼuk la stak tal ta atojolalik».
Kʼelo Glosario, Jeova ti bankilal yuʼun soltaroetike.
Literal «Nabukodorosor», jech ta stsʼibaik li yantike.
Literal «ti xichʼik piobtaele».
Jaʼ jun kʼox molino ti ta kʼabal chichʼ tunesele. Kʼelo Glosario, stanal molino.
Literal «xichʼik piobtael».
Kʼelo Glosario, ajvalilal.
Yaʼeluke, jaʼ yan sbi li Babele (Babilonia).
O «tsoʼ».
O «ajajetanik».
O «smuk».
O «xmeʼetik».
O «chʼiom leon ti xtinlajet sjole».
O «stiʼ». Kʼelo Glosario, amakʼ.
O «tsnijan sbaike».
O «chopol chkaʼi jba».
O «chanubtasel».
Literal «ti sob lilik xchiʼuk ti la jtak tal ta atojolalike».
O «spasob mantal».
Literal «li abeike».
O «chopol chaʼi sba».
Kʼelo Glosario, Jeova ti bankilal yuʼun soltaroetike.
Literal «li Nae».
Kʼelo Glosario, xiʼtael Dios.
O «chopol laj yaʼi sba».
Kʼelo Glosario, Jeova ti bankilal yuʼun soltaroetike.
Literal «ti buchʼu tukʼ chil jsate».
Kʼelo Glosario, ajvalilal.
Jaʼ li buchʼu tskʼan tsnabe skʼoplal li kʼusi chkʼot ta pasel ta tsʼakal ti tsaʼ koltael ta stojolal pukujetike.
Literal «ti te xkux-o».
O «spasob mantal».
Jaʼ xkaltik, li Nab ti pasbil ta kovre te ta temploe.
O «skomelal».
O «spasob mantal».
Kʼelo Glosario, Jeova ti bankilal yuʼun soltaroetike.
O «¡Jaʼ jech kʼotuk ta pasel!».
O jaʼ van skʼoplal «li buchʼutik tsmeltsanik muroe».
Kʼelo Glosario, Jeova ti bankilal yuʼun soltaroetike.
Jaʼ li buchʼu tskʼan tsnabe skʼoplal li kʼusi chkʼot ta pasel ta tsʼakal ti tsaʼ koltael ta stojolal pukujetike.
O jaʼ van skʼoplal «ti javemik».
Literal «ti xichʼik piobtaele».
Literal «sob lilik xchiʼuk la jtak tal ta atojolalik».
Literal «Nabukodorosor», jech ta stsʼibaik li yantike.
Kʼelo Glosario, latsʼob teʼ.
O «yikoj xchukbenalik».
Kʼelo Glosario, Jeova ti bankilal yuʼun soltaroetike.
Literal «xchukobiltake».
O «chkʼotik».
O «jyanlumetik».
O «jtsitsot».
O «achopolile».
O «achopolile».
O jaʼ van skʼoplal «chkakʼik ta ichʼel ta mukʼ».
O «jech-o kakʼoj ta ilel tukʼil kʼanelal ta atojolal».
O «achijchij takʼine».
O «chalokʼ tal achiʼin ta akʼot li buchʼutik stseʼinik noʼox ta akʼote».
O «skomelal».
O «beoʼtik ta stenlejaltike».
O «xtʼab».
O «li kʼusitik lekik chakʼ».
O «maltabile».
O «yalabtak».
Kʼelo Glosario, Jeova ti bankilal yuʼun soltaroetike.
O «xchopolil».
O jaʼ van skʼoplal «voʼon smalalikun».
O «xchopolilike».
O «u».
O «tan ti oy xepuʼale», jaʼ xkaltik, tan ti tʼuxul ta xepuʼal chikʼbil matanale.
Literal «Nabukodorosor», jech ta stsʼibaik li yantike.
O «Stiʼ sna». Kʼelo Glosario, amakʼ.
O «spasob mantal».
Jaʼ xkaltik, xchiʼil ta vokʼel stot.
O «Stiʼ sna». Kʼelo Glosario, amakʼ.
Li jun sikloe jaʼ 11.4 gramo yalal. Kʼelo Apendise B14.
O «Stiʼ sna».
Kʼelo Glosario, Jeova ti bankilal yuʼun soltaroetike.
O «nakʼel».
Literal «li sbe».
O «jutebuk».
Literal «Nabukodorosor», jech ta stsʼibaik li yantike.
Literal «sob lilik xchiʼuk la jchanubtasik».
Kʼelo Glosario, ibal sba.
Kʼelo Glosario, tayal kʼopojebal.
Kʼelo Glosario, Jeena.
O «muʼyuk jech ochem-o ta jnopben».
Kʼelo Glosario, xiʼtael Dios.
O «Stiʼ sna». Kʼelo Glosario, amakʼ.
O «jmuk».
O «nikikuk».
Kʼelo Glosario, Jeova ti bankilal yuʼun soltaroetike.
O «tsʼiʼlel».
O «li buchʼu chichʼ rextoile».
O «balumile».
O «syiʼal».
Literal «Nabukodorosor», jech ta stsʼibaik li yantike.
Literal «Pe li avie».
O «jekajtik».
O «jekajtik».
O «kuarto».
Literal «Jonadab», jaʼ skomkom bi li Jeonadabe.
O «jutebuk».
Literal «Jonadab», jaʼ skomkom bi li Jeonadabe.
Literal «Nabukodorosor», jech ta stsʼibaik li yantike.
Kʼelo Glosario, Jeova ti bankilal yuʼun soltaroetike.
Literal «sob lilik xchiʼuk la jkʼoponoxuk».
Literal «sob lilik xchiʼuk la jtakik tal ta atojolalik».
Literal «Jonadab», jaʼ skomkom bi li Jeonadabe.
O «xchopolilike».
Kʼelo Glosario, ayuno.
O «livro».
O «livroe».
O «veʼebal yuʼun».
Li jpʼel kʼop ta ebreoe jaʼ chalbe skʼoplal li buchʼutik tslokʼtaik li Mantale o yan kʼusitik li ta Chʼul Tsʼibetike.
O «tiʼ na». Kʼelo Glosario, amakʼ.
O «livroe».
O «spasob mantal».
O «bankilal j-abteletik ta pasob mantale».
O «livro».
O «livro».
O «muko».
O «tiʼ na». Kʼelo Glosario, amakʼ.
Taje chlik ta oʼlol yuʼun noviembre xchiʼuk tstsuts ta oʼlol yuʼun disiembre. Kʼelo Apendise B15.
O «xloklun; xpulpun».
O «xloklun; xpulpun».
Jaʼ van skʼoplal jun yutsʼ yalal ajvalil.
O «mukatik».
O «xchopolilike».
O «livro».
Joakin xchiʼuk Jekonias sbi xtok.
Literal «Nabukodorosor», jech ta stsʼibaik li yantike.
O «spasob mantal».
O «Stiʼ sna». Kʼelo Glosario, amakʼ.
O «kuxul chjatav batel».
O «Stiʼ sna». Kʼelo Glosario, amakʼ.
O «mukijuk; butʼijuk».
O «ti jaʼ kapon vinik». Kʼelo Glosario, kapon.
O «sna».
O «spasob mantal».
O «spasob mantal».
O «snakʼobil».
O «Stiʼ sna». Kʼelo Glosario, amakʼ.
Kʼelo Glosario, Jeova ti bankilal yuʼun soltaroetike.
Literal «li anae».
O «spasob mantal».
O «li viniketik ti jun toʼox avoʼonton xchiʼuke».
O «Stiʼ sna».
Literal «Nabukodorosor», jech ta stsʼibaik li yantike.
Yan kʼu yelan chʼakal ta tsʼibael li ta ebreo kʼope: «Nergal-Sareser, Samgar-Nebo, Sarsekim, Rabsaris».
O «bankilal jpasmajiae (jkʼelkʼanal)».
Literal «Nabukodorosor», jech ta stsʼibaik li yantike.
O «spasob mantal».
O jaʼ van skʼoplal «sventa spasik tsatsal abtelal».
Literal «Nabukodorosor», jech ta stsʼibaik li yantike.
O «jutebuk».
O «bankilal j-abtel ta pasob mantale».
O «bankilal jpasmajiae (jkʼelkʼanal)».
O «Stiʼ sna». Kʼelo Glosario, amakʼ.
O «Stiʼ sna». Kʼelo Glosario, amakʼ.
Kʼelo Glosario, Jeova ti bankilal yuʼun soltaroetike.
O «Kuxul chajatav batel».
Literal «sventa jvaʼan jba ta atojolalik».
O «snakʼobiltake».
O «skomelal».
Kʼelo Glosario, sakil pom.
O «jmukojkutik».
O «skomelal».
O jaʼ van skʼoplal «mukʼta tanke».
O «skomelal».
O «chkat koʼonton».
O «skomelaloxuk».
Kʼelo Glosario, Jeova ti bankilal yuʼun soltaroetike.
O «chbat naklanik kʼuk sjalile».
O «skomelaloxuk».
O «jutebuk».
O «skomelal».
Li ta ebreo kʼope jaʼ nefex. Kʼelo Glosario, nefex.
O «skorredoral».
Kʼelo Glosario, Jeova ti bankilal yuʼun soltaroetike.
Literal «Nabukodorosor», jech ta stsʼibaik li yantike.
O «stemplo».
O «muʼyuk yayijem».
O «Sna (Stemplo) Kʼakʼal», jaʼ xkaltik, Eliopolis.
O «stemplo».
O «Menfis».
Kʼelo Glosario, Jeova ti bankilal yuʼun soltaroetike.
Literal «sob lilik xchiʼuk la jtakik tal ta atojolalik».
Kʼelo Glosario, xiʼtael Dios.
O «skomelal».
O «skomelal».
Jaʼ sbi jun meʼ dios ti jaʼ chichʼik ta mukʼ li j-israeletik ti valopatinvanik komele; jaʼ van skʼoplal jun meʼ dios ti chakʼ la alajuk antsetike.
O «jutebuk».
Jaʼ sbi jun meʼ dios ti jaʼ chichʼik ta mukʼ li j-israeletik ti valopatinvanik komele; jaʼ van skʼoplal jun meʼ dios ti chakʼ la alajuk antsetike.
Jaʼ sbi jun meʼ dios ti jaʼ chichʼik ta mukʼ li j-israeletik ti valopatinvanik komele; jaʼ van skʼoplal jun meʼ dios ti chakʼ la alajuk antsetike.
Kʼelo Glosario, ibal sba.
Jaʼ sbi jun meʼ dios ti jaʼ chichʼik ta mukʼ li j-israeletik ti valopatinvanik komele; jaʼ van skʼoplal jun meʼ dios ti chakʼ la alajuk antsetike.
O «skomelal».
Literal «Nabukodorosor», jech ta stsʼibaik li yantike.
O «chamala».
O «chkakʼ ti kuxul xajatav batel».
Literal «Nabukodorosor», jech ta stsʼibaik li yantike.
Kʼox makobbail ti jaʼ mas tstunesik li j-akʼflechaetike.
Jaʼ jtos makobbail tstunesik kʼalal chbatik ta paskʼope.
O «chnikik».
O «Te tʼab».
O «jmuki; jbutʼi».
O «toletanik; viletanik».
O «makobbaile».
Kʼelo Glosario, Jeova ti bankilal yuʼun soltaroetike.
Literal «Nabukodorosor», jech ta stsʼibaik li yantike.
O «Menfis».
O «mesel».
O «chtʼab».
Jaʼ xkaltik, li buchʼu tstsal Ejiptoe.
O «Menfise».
O jaʼ van skʼoplal «xokol chkom».
O «xkoch».
O «ti chtuchʼik siʼe».
Jaʼ xkaltik, Tebas.
Literal «Nabukodorosor», jech ta stsʼibaik li yantike.
O «jtsitsot».
O «chmukivane; chbutʼivane».
O «x-ajajetik».
O «stotinom kaʼike».
O «jokʼajtik».
O «skomelal».
Jaʼ xkaltik, Kreta.
Jaʼ xkaltik, ta xjux stsotsil sjolik ta skoj at-oʼonton xchiʼuk ta kʼexlal.
O «tsʼijlanel».
O «Skomelal».
Kʼelo Glosario, Jeova ti bankilal yuʼun soltaroetike.
O «li balumil ti parejo ta sba vitse».
O jaʼ van skʼoplal «ta takin balumil».
O «li balumil ti parejo ta sba vitse».
Literal «tuchʼbel xulub».
O «xe».
O «jutebuk».
Jaʼ xkaltik, yorail kʼepelaltik.
Kʼelo Glosario, tayal kʼopojebal.
Jaʼ xkaltik, jtos flauta ti tstijik kʼalal oy buchʼu chchame.
Jaʼ xkaltik, jtos flauta ti tstijik kʼalal oy buchʼu chchame.
O «xchʼutik».
Kʼelo Glosario, chʼixal kʼuʼil.
O «kayeetik; ti bu oy ep krixchanoetik».
O «tstsʼuj».
O «skeoval».
O jaʼ van skʼoplal «ti xvochetik ta paskʼope».
O «ti te ta sjoylejale».
Kʼelo Glosario, chʼixal kʼuʼil.
O «li ta mokal chije». Jaʼ skʼoplal mok ti pasbil ta tonetike.
Kʼelo Glosario, Jeova ti bankilal yuʼun soltaroetike.
Kʼelo Glosario, kʼuxkʼultael.
O «tsmuk».
Literal «tspiobtaik».
Xuʼ van jaʼ skʼoplal li jnaklejetik ta Edome.
O «tojobtasel chakʼ».
O «xchʼivitaltak».
Literal «Nabukodorosor», jech ta stsʼibaik li yantike.
Literal «Nabukodorosor», jech ta stsʼibaik li yantike.
Literal «slikeb».
O «poste sventa senyail».
O «Nikik».
Li ta ebreo kʼope xuʼ van te nitil skʼoplal ta jpʼel kʼop ti «tsoʼ» skʼan xale, jaʼo chichʼ alel kʼalal oy kʼusi chichʼ pʼajele. Kʼelo Glosario, ibal sba.
O «tsʼepʼunatik».
O «jutebuk».
O «jpukulale; jpartee».
O «xa-iʼiʼetik».
O «totinom kaʼetik».
Literal «tspiobtaik».
Literal «Laj xa yakʼ skʼob».
Jun lukluk natil kuchilu ti jaʼ sventa xtuchʼobil li kʼusitik tsʼunbile o sventa chichʼ tsobbel-o sat.
Literal «Nabukodorosor», jech ta stsʼibaik li yantike.
Kʼelo Glosario, Jeova ti bankilal yuʼun soltaroetike.
O «xchʼivitaltak».
Literal «chichʼ tsʼijtsanel».
O «chtʼab».
Li javalinae xkoʼolaj kʼuchaʼal li lansae, jaʼ noʼoxe mas komkom.
O «jokʼajtik».
Xuʼ van jaʼ skʼoplal li jnaklejetik ta Edome.
O «tojobtasel chakʼ».
Yaʼeluke, jaʼ sbi li Kaldeae.
Jaʼ jtos makobbail tstunesik kʼalal chbatik ta paskʼope.
Kʼelo Glosario, Jeova ti bankilal yuʼun soltaroetike.
O «makobbailetike». O jaʼ van skʼoplal «nojesik li yav flechaetike».
O «poste sventa senyail».
O «yaʼiobil smelolal».
O «job osil».
O «Stsʼaylajet».
O «saktsel».
O jaʼ van skʼoplal «Tspasbe sbe sventa».
O «xchʼulelik».
Literal «Li sparte».
O «spukulale; spartee».
O «poste sventa senyail».
Literal «Chʼultajesik».
Literal «Chʼultajesik».
Kʼelo Glosario, papiro.
Literal «Nabukodorosor», jech ta stsʼibaik li yantike.
Literal «chichʼ piobtael».
O «xlaket snukʼik; x-avetik».
O «chʼiom leonetik ti xtinlajet sjolike».
Yaʼeluke, jaʼ sbi li Babele (Babilonia).
O «Mukij; Noj; Butʼij».
O «yan krixchanoetike».
O «x-avlajetik».
O «xmukij; xbutʼij».
Literal «Nabukodorosor», jech ta stsʼibaik li yantike.
Literal «Nabukodorosor», jech ta stsʼibaik li yantike.
O «spasob mantal».
Li jun xukʼubile jaʼ 44.5 sentimetro snatil. Kʼelo Apendise B14.
Ti kʼu sjamlej li jun sniʼ kʼobile jaʼ 1.85 sentimetro. Kʼelo Apendise B14.
O «pojol».
Jaʼ jtos sat teʼ ti lek tsoj skoloral ti xkoʼolajtik kʼuchaʼal mantsanae.
Jaʼ jtos sat teʼ ti lek tsoj skoloral ti xkoʼolajtik kʼuchaʼal mantsanae.
Literal «Nabukodorosor», jech ta stsʼibaik li yantike.
Literal «Nabukodorosor», jech ta stsʼibaik li yantike.
Li ta ebreo kʼope jaʼ nefex. Kʼelo Glosario, nefex.
Literal «Nabukodorosor», jech ta stsʼibaik li yantike.
Literal «la stoybe sjol».