Diutarónómì

“Jèhófà wá láti Sínáì,+

Ó sì tàn sórí wọn láti Séírì.

Ògo rẹ̀ tàn láti agbègbè olókè Páránì,+

Ọ̀kẹ́ àìmọye* àwọn ẹni mímọ́+ sì wà pẹ̀lú rẹ̀,

Àwọn jagunjagun+ rẹ̀ wà ní ọwọ́ ọ̀tún rẹ̀.

 3 Ó nífẹ̀ẹ́ àwọn èèyàn rẹ̀;+

Gbogbo ẹni mímọ́ wọn wà ní ọwọ́ rẹ.+

Wọ́n jókòó sẹ́gbẹ̀ẹ́ ẹsẹ̀ rẹ;+

Wọ́n bẹ̀rẹ̀ sí í tẹ́tí sí ọ̀rọ̀ rẹ.+

 4 (Mósè fún wa ní àṣẹ kan, òfin kan,+

Tó jẹ́ ohun ìní ìjọ Jékọ́bù.)+

 5 Ó sì di ọba ní Jéṣúrúnì,*+

Nígbà tí àwọn olórí àwọn èèyàn náà kóra jọ,+

Pẹ̀lú gbogbo ẹ̀yà Ísírẹ́lì.+

 6 Kí Rúbẹ́nì yè, kó má sì kú,+

Kí iye àwọn èèyàn rẹ̀ má sì dín kù.”+

“Ìwọ Jèhófà, gbọ́ ohùn Júdà,+

Kí o sì mú un pa dà sọ́dọ̀ àwọn èèyàn rẹ̀.

Ọwọ́ rẹ̀ ti gbèjà* ohun tó jẹ́ tirẹ̀,

Ràn án lọ́wọ́ kó lè borí àwọn ọ̀tá rẹ̀.”+

“Túmímù rẹ* àti Úrímù  + rẹ jẹ́ ti ẹni tó jẹ́ adúróṣinṣin sí ọ,+

Ẹni tí o dán wò ní Másà.+

O bẹ̀rẹ̀ sí í bá a fà á lẹ́gbẹ̀ẹ́ omi Mẹ́ríbà,+

  9 Ẹni tó sọ nípa bàbá àti ìyá rẹ̀ pé, ‘Mi ò kà wọ́n sí.’

Ó tiẹ̀ tún kọ àwọn arákùnrin rẹ̀,+

Ó sì pa àwọn ọmọ rẹ̀ tì.

Torí wọ́n tẹ̀ lé ọ̀rọ̀ rẹ,

Wọ́n sì pa májẹ̀mú rẹ mọ́.+

 10 Jẹ́ kí wọ́n fi àwọn ìdájọ́ rẹ kọ́ Jékọ́bù,+

Kí wọ́n sì fi Òfin rẹ kọ́ Ísírẹ́lì.+

Jẹ́ kí wọ́n sun tùràrí láti mú òórùn dídùn jáde sí ọ*+

Àti odindi ẹbọ lórí pẹpẹ rẹ.+

 11 Bù kún agbára rẹ̀, Jèhófà,

Kí inú rẹ sì dùn sí iṣẹ́ ọwọ́ rẹ̀.

Fọ́ ẹsẹ̀* àwọn tó dìde sí i,

Kí àwọn tó kórìíra rẹ̀ má bàa dìde mọ́.”

“Kí ẹni ọ̀wọ́n Jèhófà máa gbé láìséwu lọ́dọ̀ rẹ̀;

Bó ṣe ń dáàbò bò ó ní gbogbo ọjọ́,

Á máa gbé láàárín èjìká rẹ̀.”

“Kí Jèhófà bù kún ilẹ̀ rẹ̀+

Pẹ̀lú àwọn ohun tó dáa láti ọ̀run,

Pẹ̀lú ìrì àti omi tó ń sun láti ilẹ̀,+

 14 Pẹ̀lú àwọn ohun tó dáa tí oòrùn mú jáde,

Àti ohun tó dáa tó ń mú jáde lóṣooṣù,+

 15 Pẹ̀lú àwọn ohun tó dáa jù láti àwọn òkè àtijọ́,*+

Àti àwọn ohun tó dáa láti àwọn òkè tó ti wà tipẹ́,

 16 Pẹ̀lú àwọn ohun tó dáa ní ayé àti ohun tó kún inú rẹ̀,+

Kí Ẹni tó ń gbé inú igi ẹlẹ́gùn-ún+ sì tẹ́wọ́ gbà á.

Kí wọ́n wá sí orí Jósẹ́fù,

Sí àtàrí ẹni tí a yà sọ́tọ̀ lára àwọn arákùnrin rẹ̀.+

 17 Iyì rẹ̀ dà bíi ti àkọ́bí akọ màlúù,

Ìwo akọ màlúù igbó sì ni àwọn ìwo rẹ̀.

Ó máa fi ti* àwọn èèyàn,

Gbogbo wọn pa pọ̀ títí dé àwọn ìkángun ayé.

Ẹgbẹẹgbàárùn-ún Éfúrémù  + ni wọ́n,

Ẹgbẹẹgbẹ̀rún Mánásè sì ni wọ́n.”

“Ìwọ Sébúlúnì, máa yọ̀ bí o ṣe ń jáde lọ,

Àti ìwọ Ísákà, nínú àwọn àgọ́ rẹ.+

Torí wọ́n á kó látinú ọ̀pọ̀ rẹpẹtẹ ọrọ̀ inú* òkun,

Àti àwọn ohun* tó fara pa mọ́ sínú iyẹ̀pẹ̀.”

Ó dùbúlẹ̀ síbẹ̀ bíi kìnnìún,

Tó múra tán láti fa apá ya, àní àtàrí.

 21 Ó máa mú ìpín àkọ́kọ́ fún ara rẹ̀,+

Torí ibẹ̀ ni ìpín látọwọ́ ẹni tó fúnni ní òfin wà ní ìpamọ́.+

Ó máa mú òdodo Jèhófà ṣẹ

Àti àwọn ìdájọ́ rẹ̀ pẹ̀lú Ísírẹ́lì.”

“Jèhófà ti tẹ́wọ́ gba Náfútálì

Ó sì ti bù kún un lọ́pọ̀lọpọ̀.

Kó rí ojúure àwọn arákùnrin rẹ̀,

Kó sì ki ẹsẹ̀ rẹ̀ bọ inú òróró.*

 25 Irin àti bàbà ni wọ́n fi ṣe ohun tí wọ́n fi ń ti ẹnubodè rẹ,+

O sì máa wà láìséwu ní gbogbo ọjọ́ rẹ.*

 26 Kò sí ẹni tó dà bí Ọlọ́run tòótọ́+ Jéṣúrúnì,+

Tó ń la ọ̀run kọjá kó lè ràn ọ́ lọ́wọ́,

Tó sì ń gun àwọsánmà* nínú ọlá ńlá rẹ̀.+

 27 Ọlọ́run jẹ́ ibi ààbò láti ìgbà àtijọ́,+

Ọwọ́ ayérayé rẹ̀ wà lábẹ́ rẹ.+

Ó máa lé ọ̀tá kúrò níwájú rẹ,+

Ó sì máa sọ pé, ‘Pa wọ́n run!’+

 28 Ísírẹ́lì á máa gbé láìséwu,

Orísun Jékọ́bù sì máa wà lọ́tọ̀,

Ní ilẹ̀ tí ọkà àti wáìnì tuntun+ wà,

Tí ìrì á máa sẹ̀ lójú ọ̀run rẹ̀.+

Ta ló dà bí rẹ,+

Àwọn èèyàn tó ń gbádùn ìgbàlà Jèhófà,+

Apata tó ń dáàbò bò ọ́,+

Àti idà ọlá ńlá rẹ?

Àwọn ọ̀tá rẹ máa ba búrúbúrú níwájú rẹ,+

Wàá sì rìn lórí ẹ̀yìn* wọn.”