Aịzaya
23 Ihe Chineke kpebiri ime Taya:+
Unu ụgbọ mmiri si Tashish, tienụ mkpu ákwá,+
N’ihi na e bibiela ọdụ ụgbọ mmiri. A gaghịzi abanye ya abanye.
Na Kitim+ ka a nọ gwa ha ya.
2 Ndị bi n’ala dị n’ụsọ osimiri, nọrọnụ nwayọọ.
Ndị ahịa si Saịdọn,+ ndị na-agafe oké osimiri, ejula n’ime gị.
3 Ihe a ga-akwụ Taya nọ n’elu ọtụtụ mmiri.
4 Saịdọn, bụ́ obodo a rụsiri ike, nke dị n’oké osimiri, ihere mee gị,
N’ihi na oké osimiri kwuru, sị:
5 Obi ga-agbawa ndị mmadụ mgbe ha ga-anụ akụkọ ihe mere Taya,+
Otú ọ gbawara ndị mmadụ mgbe ha nụrụ akụkọ ihe mere Ijipt.+
6 Gafetanụ na Tashish.
Ndị bi n’ala dị n’ụsọ osimiri, tienụ mkpu ákwá.
7 Ihe a ọ̀ bụ obodo unu nke na-akpọtụ akpọtụ kemgbe ọ dịwara?
Ndị bi na ya na-ejibu ụkwụ ha jee ebe dị anya biri.
8 Ònye kpebiri ka e mee Taya ihe a?
Obodo a na-ahọpụta ndị eze.
Ndị ya na-azụ ahịa bụ ndị isi.
Ndị ya na-ere ahịa bụ ndị a na-asọpụrụ n’ụwa niile.+
9 Jehova nke ụsụụ ndị agha ekpebiela
Ịkwụsị nganga ọ na-akpa n’ihi mma niile ọ mara,
Kpebiekwa imenye ndị niile a na-asọpụrụ n’ụwa ihere.+
10 Tashish,* gbasaa gafere ala gị otú Osimiri Naịl na-eme.
E nweghịzi ebe a na-arụ ụgbọ mmiri.*+
11 Chineke agbatịala aka ya n’elu oké osimiri.
O meela ka alaeze dị iche iche maa jijiji.
Jehova enyela iwu ka e bibie ebe ndị a rụsiri ike na Finishia.+
Bilienụ gafee na Kitim.+
Unu gagodị ebe ahụ, ahụ́ agaghị eru unu ala.”
Ọ bụ ndị Kaldia mere ka Taya bụrụ ebe anụ ọhịa ndị na-ebi n’ọzara ga-ebi,
Ọ bụghị ndị Asiria.+
Ha arụọla ụlọ elu ha ji nọchibido ha.
Ha ebukọrọla ihe niile dị n’ụlọ elu ha ndị a rụsiri ike,+
Taya abụrụzie ebe e bibiri ebibi.
15 N’oge ahụ, a ga-echefu Taya ruo afọ iri asaa,+ bụ́ afọ ole otu eze na-adịru ndụ. Afọ iri asaa gachaa, ihe ga-eme Taya ga-adị ka ihe a bụrụ n’abụ banyere nwaanyị akwụna, sị:
16 “Nwaanyị akwụna e chefuru echefu, were ụbọ akwara gazuo obodo.
Kpọọ ụbọ akwara ka onye bụ́ aka ochie.
Gụọ ọtụtụ egwú,
Ka ha wee cheta gị.”
17 Mgbe afọ iri asaa gachara, Jehova ga-echeta Taya. Taya ga-amaliteghachi ịnata ego, ya na alaeze niile nọ n’ụwa ana-akwakwa iko. 18 Ma, uru ọ na-erite na ego a na-akwụ ya ga-abụ ihe dị nsọ n’anya Jehova. A gaghị edowe ha otu ebe, a gaghịkwa ezo ha ezo, n’ihi na ego a ga-akwụ ya ga-abụ nke ndị Jehova. Ha ga-eji ya na-eriju afọ, na-azụrụkwa uwe mara mma.+