Abụ Ọma
Ntụziaka e nyere onye na-eduzi abụ. A ga-eji ụda a na-akpọ “Okooko Lili” kpọọ ya. Abụ Devid.
69 Chineke, biko zọpụta m, n’ihi na mmiri na-achọ iri m.*+
2 Emikpuola m n’ime apịtị miri emi, nke ala ya na-esighị ike.+
Adakpuola m na mmiri miri emi.
Iyi na-asọsi ike eburula m.+
3 Etigidela m mkpu, ike agwụ m.+
Olu agụọla m.
Anya m anaghịzi ahụcha ụzọ ebe m nọ na-echere Chineke m.+
Ndị chọrọ igbu m,
Ya bụ, ndị iro m, bụ́ ndị aghụghọ,* adịla ọtụtụ.
Ha manyere m ka m nye ha ihe m na-ezughị ezu.
5 Chineke, ị ma nzuzu m zuzuru,
Ị makwa ihe ndị m mere ikpe ji ma m.
6 Ọkaakaa Onyenwe anyị, Jehova nke ụsụụ ndị agha,
Biko, ekwela ka ihere mee ndị nwere olileanya n’ebe ị nọ n’ihi m.
Biko, Chineke Izrel,
Ekwela ka e menye ndị na-achọ gị ihere n’ihi m.
Ihere ejula m ihu.+
9 Ihe gbasara ụlọ gị na-anụ m ọkụ n’obi.+
Ọ bụ m ka ndị na-akparị gị kparịrị.+
12 Ndị nọ n’ọnụ ụzọ ámá na-ekwu gbasara m,
Ndị aṅụrụma jikwa m agụ egwú.
Chineke, biko, n’ihi ịhụnanya gị* dị ukwuu,
Za ekpere m ma gosi na ị bụ onye nzọpụta a tụkwasịrị obi.+
14 Dọpụta m n’apịtị.
Ekwela ka m mikpuo.
Napụta m n’aka ndị kpọrọ m asị,
Dọpụtakwa m na mmiri miri emi.+
16 Jehova, biko, za m, n’ihi na ịhụnanya gị* dị mma.+
Za m ngwa ngwa n’ihi na m na-ata ahụhụ.+
18 Bịa m nso napụta m.
Napụta m n’aka ndị iro m.
19 Ị ma mkparị a na-akparị m na otú e si na-emenye m ihere nakwa otú e si jiri m na-eme ihe ọchị.+
Ị na-ahụ ndị iro m niile.
20 Obi agbawaala m n’ihi mkparị a na-akparị m, ọnyá ya enweghịkwa ngwọta.
M nọ na-atụ anya ka e metere m ebere, ma e nweghị onye meteere m ebere.+
M nọkwa na-atụ anya ndị ga-akasi m obi, ma e nweghị onye m hụrụ.+
23 Ka anya ha gbaa ọchịchịrị ka ha gharazie ịhụ ụzọ,
Meekwa ka úkwù na-ama ha jijiji mgbe niile.
25 Ka ebe ha mara ụlọikwuu* tọgbọrọ chakoo.
Ka a ghara inwe onye bi n’ụlọikwuu ha.+
26 N’ihi na ha na-achụ onye i tiri ihe ọsọ,
Ha na-akọsakwa ahụhụ ndị ị merụrụ ahụ́ na-ata.
27 Mee ka ha taa ahụhụ ihe ọjọọ ha mere taruo ya n’isi,
Ka ị gharakwa ile ha anya ka ndị ezi omume.
28 Ka e hichapụ aha ha n’akwụkwọ nke ndụ,*+
Ka a gharakwa ide aha ha n’ebe e dere aha ndị ezi omume.+
29 Ma m na-ata ahụhụ, ahụ́ niile na-egbukwa m mgbu.+
Chineke, biko, jiri ike i ji azọpụta ndị gị chebe m.
30 M ga-abụ abụ too aha Chineke.
M ga-aja ya mma, keleekwa ya.
32 Ndị dị umeala n’obi ga-ahụ ike Chineke wee ṅụrịa ọṅụ.
Unu ndị na-achọ Chineke, ka obi sie unu ike.
Ka oké osimiri na ihe niile na-agagharị n’ime ya too ya.
Ha ga-ebikwa n’ebe ahụ, ya* abụrụ nke ha.