MMEBUSƐM

 2 Ɛwɔ hɔ sɛ nnipa mfa nsua* nyansa+ ne ntenesoɔ,

Na wɔmfa nte anyansasɛm ase;

 3 Na wɔmfa nnya ntenesoɔ+ a ɛma nhunumu,

Na wɔmfa nyɛ adetenenee,+ mmu atɛn pa,*+ na wɔnyɛ deɛ ɛtene;*

 4 Na deɛ ɔnni suahunu mfa nsua nyansa,+

Na ɛmma aberanteɛ* nnya nimdeɛ, na ɔmfa adwene.+

 5 Onyansafoɔ tie, na ɔsua nneɛma pii;+

Onipa a ɔwɔ nteaseɛ* bɛnya akwankyerɛ pa,+

 6 Na ama no ate ɛbɛ ne kasakoa ase,

Na wate anyansafoɔ nsɛm ne akasabebuo* ase.+

 8 Me ba, tie wo papa ntenesoɔ,+

Na mpo wo maame akwankyerɛ.*+

 9 Ɛte sɛ nhwiren abotire fɛfɛɛfɛ a ɛbɔ wo ti,+

Ne kɔnmuadeɛ a ɛyɛ fɛ wɔ wo kɔn mu.+

12 Yɛbɛmemene wɔn anikan sɛdeɛ Adamena* yɛ no,

Yɛbɛmene wɔn koraa te sɛ deɛ wɔrekɔ amena mu.

13 Ma yɛnnye wɔn agyapadeɛ a ɛsom bo nyinaa;

Yɛde nneɛma a yɛbɛnya no* bɛhyɛ yɛn afie ma.

14 Bra bɛka yɛn ho,*

Na yɛbɛkyɛ deɛ yɛawia no pɛpɛɛpɛ.”*

Hwɛ yie na wo nan ankɔfa wɔn kwan so,+

16 Ɛfiri sɛ wɔn nan tu mmirika kɔdi bɔne;

Wɔde ahoɔherɛ kɔka mogya gu.+

18 Ɛno nti na wɔhinta hwie mogya gu no;

Wɔtetɛ gye nkurɔfoɔ nkwa* firi wɔn nsam.

19 Saa ara na wɔn a wɔpɛ mfaso bɔne no akwan teɛ,

Ɛno ara na ɛbɛma wɔn nkwa* afiri wɔn nsa.+

Moyɛ saa a, mɛhwie me honhom ama mo,

Na mama moahunu me nsɛm.+

24 Mefrɛe, na moantie,

Metenee me nsa, na obiara ammua.+

25 Moamfa m’afotuo biara anyɛ hwee,

Na berɛ a mekasa kyerɛɛ mo no, moantie.

26 Ɛno nti me nso, sɛ mohunu amane a mɛsere mo,

Na deɛ mosuro ba mo so a, mɛdi mo ho fɛ,+

27 Sɛ deɛ mosuro ba mo so sɛ ahum,

Na mo amanehunu ba sɛ mframa a ano yɛ den,

Na ɔhaw ne abɛbrɛsɛ ba mo so a, mɛdi mo ho fɛ.

28 Saa berɛ no wɔbɛkɔ so afrɛ me, nanso merennye so;

Wɔbɛhwehwɛ me dendeenden, nanso wɔrenhu me,+

29 Ɛfiri sɛ wɔkyirii nimdeɛ,+

Na wɔampɛ sɛ wɔsuro Yehowa.+

30 Wɔantie m’afotuo,

Na me kasakyerɛ nso, wɔamfa emu biara anyɛ hwee.

31 Enti wɔbɛtwa wɔn nneyɛɛ so aba,*+

Na wɔn ara agyinatuo* bɛfono wɔn.

32 Na agyimifoɔ atuateɛ bɛku wɔn,

Na nkwaseafoɔ akokoɔduro bɔne bɛsɛe wɔn.

2 Me ba, sɛ wogye me nsɛm tom,

Na wode m’ahyɛdeɛ sie,+

 2 Na woyɛ aso tie nyansa,+

Na wobue w’akomam ma nhunumu;+

 3 Afei nso, sɛ woteam frɛ nteaseɛ,+

Na woma wo nne so frɛ nhunumu;+

 4 Sɛ wokɔ so hwehwɛ no sɛ dwetɛ,+

Na wokɔ so hwehwɛ no sɛ biribi a ɛsom bo a wɔde asie a,+

 5 Ɛbɛma woate Yehowa suro ase,+

Na woanya Onyankopɔn ho nimdeɛ.+

 6 Ɛfiri sɛ Yehowa ankasa na ɔma nyansa,+

Na n’anom na nimdeɛ ne nhunumu firi ba.

 7 Ɔkora nyansa so ma ateneneefoɔ,

Na ɔyɛ kyɛm ma wɔn a wɔn abrabɔ di mu.+

 8 N’ani wɔ atɛntenenee akwan so,

Na ɔbɛwɛn n’anokwafoɔ kwan.+

 9 Ɛno bɛma woate tenenee ne atɛn turodoo ne adetenenee ase,

Na woate papayɛ akwan nyinaa ase.+

10 Sɛ nyansa ba w’akoma mu,+

Na wo kra* ani gye nimdeɛ ho a,+

11 Nyansa bɛhwɛ wo so,+

Na nhunumu abɔ wo ho ban,

12 Na ɛbɛgye wo afiri kwammɔne so,

Na ayi wo afiri ɔbarima kontomponi nsam,+

13 Ɛbɛgye wo afiri wɔn a wɔmane firi tenenee akwan so

Kɔnante sum akwan so+ no nsam,

14 Ɛbɛgye wo afiri wɔn a wɔn ani gye bɔne ho no nsam,

Wɔn a wɔdi bɔne a ɛyɛ asefem ho ahurisie,

15 Wɔn a wɔn akwan akyea,

Na wɔn akwan nyinaa yɛ nnaadaa no.

16 Ɛbɛgye wo afiri ɔbaa a wamane* nsam,

Na ayi wo afiri ɔbaa a ne bra asɛe* a n’ano yɛ dɛ* nsam;+

17 Ɔno na wagya ne mmabaaberɛ mu yɔnko berɛboɔ* hɔ,+

Na ne werɛ afi ne Nyankopɔn apam;

18 Ne fie siane kɔ owuo mu,

Na n’akwan* kɔ awufoɔ mu, wɔn a wɔntumi nyɛ hwee no.+

19 Obiara a ɔkɔ ne ho rensan mma,

Na ɔrensi nkwa akwan so bio.+

20 Enti nante apapafoɔ kwan so,

Na kɔ so fa ateneneefoɔ akwan so.+

21 Na ateneneefoɔ nko ara na wɔbɛtena asaase so,

Na wɔn a asɛm nni wɔn ho* na wɔbɛka so.+

22 Abɔnefoɔ deɛ, wɔbɛtwa wɔn afiri asaase so,+

Na wɔbɛyi nkontompofoɔ afiri so.+

3 Me ba, mma wo werɛ mmfi me nkyerɛkyerɛ,*

Na ma w’akoma nni m’ahyɛdeɛ so,

 2 Ɛfiri sɛ ɛde nna pii,

Ne nkwa tenten* ne asomdwoeɛ bɛka wo ho.+

Fa kyekyere wo kɔn,

Na twerɛ gu w’akoma pono so;+

 4 Ɛba saa a, wobɛnya adom ne nteaseɛ a ɛdi mu

Wɔ Onyankopɔn ne onipa ani so.+

 5 Fa w’akoma nyinaa to Yehowa so,+

Na mfa wo ho nto* wo ankasa wo nteaseɛ so.+

 6 Hu no w’akwan nyinaa mu,+

Na ɔbɛma w’akwan atene.+

 8 Ɛbɛyɛ ayaresa ama wo nipadua*

Ne ahotɔ ama wo nnompe.

 9 Fa w’ahonyadeɛ hyɛ Yehowa animuonyam,+

Wo nnɔbaeɛ* nyinaa mu aba a ɛdi kan.*+

10 Woyɛ saa a, w’adekora adan bɛyɛ ma tɔ,+

Na bobesa foforɔ abu so wɔ amena a wokyĩ nsã wom no mu.

11 Me ba, mpo Yehowa ntenesoɔ,+

Na ne kasakyerɛ nso, nkyiri,+

12 Ɛfiri sɛ deɛ Yehowa dɔ no na ɔkasa kyerɛ no,+

Sɛdeɛ agya yɛ ne ba a ɔpɛ n’asɛm no.+

13 Anigyeɛ ne onipa a ɔhunu nyansa,+

Ne onipa a ɔnya nhunumu;

14 Ɛyɛ sɛ wobɛnya ɛno sene sɛ wobɛnya dwetɛ;

Sɛ wonya ɛno sɛ mfasoɔ a, ɛyɛ sene sɛ wobɛnya sika kɔkɔɔ.+

15 Ɛsom bo sene ɛpo mu abohene,*

Na adeɛ a w’ani gye ho biara ne no nsɛ.

16 Nkwa tenten wɔ ne nsa nifa mu,

Na ahonya ne animuonyam wɔ ne nsa benkum mu.

17 N’akwan yɛ fɛ,

Na n’anammɔnkwan nyinaa yɛ asomdwoeɛ.+

18 Ɛyɛ nkwa dua ma wɔn a wɔsɔ mu no,

Na wɔn a wɔkura mu dendeenden no, wɔbɛfrɛ wɔn anigyeɛ.+

20 Ɔde ne nimdeɛ na ɛpaee subunu mu,

Ɛno na ɔde maa ɔsoro mununkum sosɔɔ bosuo.+

Bɔ nyansa ne adwempa ho ban;

22 Ɛbɛyɛ nkwa ama wo,*

Na ama wo kɔn mu ayɛ fɛ.

23 Woyɛ saa a, wobɛnante wo kwan so dwoodwoo,

Na wo nan rempem biribiara* da.+

24 Sɛ wokɔda a, woremmɔ hu;+

Wobɛda, na wo nna ayɛ wo dɛ.+

Na worensuro ahum a ɛreba abɔnefoɔ so no.+

26 Ɛfiri sɛ Yehowa bɛyɛ w’ahotɔsoɔ,+

Na ɔremma fidie nyi wo nan.+

27 Wɔn a ɛsɛ sɛ woyɛ wɔn papa no, mfa nkame wɔn,+

Berɛ a wowɔ tumi* a wode bɛboa no.+

29 Mmɔ wo yɔnko ho pɔ bɔne biara,+

Berɛ a ɔne wo te asomdwoeɛ mu.

30 Wo ne obi nnham ɔhamhunu,+

Berɛ a ɔnyɛɛ wo bɔne biara.+

31 Mma w’ani mmmere wudini,+

Na mfa n’akwan biara so.

32 Yehowa kyiri nkontomponi,+

Na ateneneefoɔ na wɔyɛ ne nnamfo paa.+

33 Yehowa nnome wɔ abɔnefoɔ fie so,+

Na ateneneefoɔ fie deɛ, ne nhyira wɔ so.+

34 Wɔn a wɔdi fɛ no, ɔbɛdi wɔn ho fɛ,+

Na ahobrɛasefoɔ deɛ, ɔbɛdom wɔn.+

35 Anyansafoɔ bɛnya animuonyam,

Na nkwaseafoɔ deɛ, animguaseɛ na wɔn ani gye ho.+

4 Me mma, montie agya ntenesoɔ;+

Monyɛ aso na ama moanya nteaseɛ.

 2 Na mɛma mo akwankyerɛ pa;

Mommpo me nkyerɛkyerɛ.*+

 3 Meyɛɛ ɔba pa maa me papa,+

Na meyɛɛ me maame dɔba.+

 7 Nyansa ne adeɛ a ɛhia paa,*+ enti hwehwɛ nyansa,

Na deɛ wobɛnya biara, hwehwɛ nteaseɛ ka ho.+

 9 Ɛde nhwiren abotire fɛfɛɛfɛ bɛbɔ wo ti;

Ɛbɛyɛ ahenkyɛ fɛfɛɛfɛ wɔ wo tiri so.”

10 Me ba, tie, na gye me nsɛm tom,

Na ɛbɛma woanya nkwa tenten.*+

11 Mɛkyerɛkyerɛ wo ama woafa nyansa kwan so;+

Mede wo bɛfa tenenee akwan so.+

12 Sɛ wonante a, biribiara rensi w’anammɔn kwan;

Na sɛ wotu mmirika a, worensunti.

14 Mfa abɔnefoɔ kwan so,

Na nnante amumuyɛfoɔ kwan so.+

15 Twe wo ho firi ho; nkɔfa so;+

Dane wo ho firi ho, na twam kɔ.+

16 Wɔntumi nna, gye sɛ wɔadi bɔne;

Wɔnna, gye sɛ wɔama obi ahwe ase.

17 Abɔnefosɛm na ɛyɛ wɔn aduane,

Na amumuyɛ nsã* na wɔnom.

18 Na ateneneefoɔ kwan te sɛ anɔpa hann

A ɛhyerɛn nkakrankakra kɔsi awia ketee.+

19 Abɔnefoɔ kwan te sɛ esum;

Wɔnnim deɛ ɛma wɔsunti.

20 Me ba, tie m’asɛm;

Yɛ aso tie m’anom nsɛm.

21 Mma wo werɛ mmfi;

Fa sie w’akoma mu tɔnn.+

22 Ɛyɛ nkwa ma wɔn a wɔhunu,+

Na ɛyɛ apɔmuden ma wɔn nipadua nyinaa.*

23 Bɔ w’akoma ho ban sene deɛ wobɔ ho ban nyinaa,+

Ɛfiri sɛ emu na nkwa nsutire wɔ.

24 Yi nsɛm a akyinkyim* firi w’anom,+

Na yi nkontomposɛm firi wo ho kɔ akyirikyiri.

25 Ma w’ani nhwɛ tẽẽ,

Aane, gyene w’ani hwɛ w’anim tẽẽ.+

26 Ma w’anammɔn kwan nyɛ toromtorom,*+

Na w’akwan nyinaa bɛsi pi.

Na yɛ aso tie me nhunumu,+

 2 Na ama woahwɛ w’adwempa so;

Na wode w’ano abɔ nimdeɛ ho ban.+

 3 Ɔbaa a wamane* ano sosɔ sɛ ɛwoɔkyɛm,+

Na n’ano yɛ dɛ sene ngo.*+

 4 Nanso akyire yi ɔyɛ nwono te sɛ awɔnwono,+

Na ɔyɛ nnam te sɛ sekan anofanu.+

 7 Afei me mma, montie me,

Na monnnane mmfiri deɛ mereka yi ho.

 8 Twe wo ho firi ne ho koraa;

Mmɛn ne fie kwan ano,+

 9 Na woamfa w’animuonyam amma ebinom,+

Na woantwa so aba yayaaya mfeɛ pii;+

10 Na ahɔhoɔ anni w’agyapadeɛ,*+

Na deɛ wobrɛ pɛeɛ no ankɔdi obi foforɔ fie,

11 Anyɛ saa a, wode wo nsa bɛgu wo ti asu, berɛ a wo nkwa reba awieeɛ,

Berɛ a wo honam ne wo nipadua asɛe awie no.+

13 Mantie m’afotufoɔ nne,

Na manyɛ aso antie m’akyerɛkyerɛfoɔ.

14 Aka kakraa bi na masɛe koraa

Wɔ asafo no nyinaa mu.”*+

15 Nom wo ara w’abura mu nsuo,

Ne nsuo a wo ara woatuo.+

16 Adɛn nti na ɛsɛ sɛ woma nsuo a woatuo bɔ pete abɔnten,

Na w’asutene sene fa mmorɔno so?+

17 Ma ɛnyɛ wo nko ara wo dea,

Na mma ɛnnyɛ wo ne ahɔhoɔ dea.+

18 Ma nsuo a wo ara woatuo* nyɛ nhyira,

Na wo ne ɔbaa a wowaree no wo mmeranteberɛm no ani nnye;+

19 Ɔyɛ ɔdɔ wansane* ne bepɔ so apɔnkye a ɔyi akyẽa.+

20 Enti me ba, adɛn nti na ɛsɛ sɛ wotɔ ɔbaa a wamane* dɔ mu,

Na wofam ɔbaa a ne bra asɛe?*+

21 Onipa akwan da Yehowa anim,

Na ɔhwehwɛ n’akwan nyinaa mu.+

22 Ɔbɔnefoɔ deɛ, ɔno ara n’amumuyɛ na ɛbɛsum no fidie,

Na ɔno ankasa bɔne nhoma na ɛbɛkyekyere no.+

23 Ɔbɛwu, ɛfiri sɛ wannye ntenesoɔ antom,

Na ne nkwaseasɛm bebrebe nti, ɔbɛyera.

6 Me ba, sɛ woadi wo yɔnko anim* ama wakɔgye bosea,+

Sɛ woakyea ɔhɔhoɔ nsam,*+

 2 Sɛ woahyɛ bɔ ama asum wo fidie,

Na sɛ woaka asɛm ama akyekyere wo* a,+

 3 Me ba, yɛ wei fa tete wo ho,

Ɛfiri sɛ woatɔ wo yɔnko nsam:

 4 Mma w’ani nnkum,

Na mma nna mmma w’ani so.

 5 Gye wo ho sɛdeɛ ɔtwe gye ne ho firi bɔmmɔfoɔ nsam,

Na anomaa gye ne ho firi anomaayifoɔ nsam no.

 6 Ɔkwadwofoɔ, kɔ ntɛtea nkyɛn;+

Hwɛ n’akwan, na hunu nyansa.

7 Ɔnni otitire, ɔpanin, anaa ɔhene,

 8 Nanso ɔhwehwɛ n’aduane wɔ ahuhuro berɛ mu,+

Na ɔboaboa n’aduane ano wɔ twaberɛ mu.

10 Mereda kakra, meretɔ nko kakra,

Merebobɔ me nsa ahome kakra;+

11 Wode saa ara na wo hia aba sɛ korɔmfoɔ,

Na w’ahokyerɛ aba sɛ korɔmfo-werɛmfoɔ.+

12 Onipahunu ne onipabɔnefoɔ nenam keka atosɛm;*+

13 Ɔbu n’ani,+ ɔde ne nan kasa, na ɔde ne nsateaa kyerɛkyerɛ nneɛma.

14 Ɔde nkontompo akoma

Bɔ pɔ bɔne daa,+ na ɔsɛe nkurɔfoɔ ntam.+

15 Ɛno nti, n’amanehunu bɛba mpofirim;

Wɔbɛbubu no prɛko pɛ, na ɔrennya ayaresa da.+

16 Nneɛma nsia na Yehowa kyiri;

Aane, nneɛma nson na ɛyɛ no* tan:

17 Ani a ɛtra ntɔn,+ kɛtrɛma a ɛdi atorɔ,+ ne nsa a ɛhwie mogya a ɛdi bem guo,+

18 Akoma a ɛbɔ pɔ bɔne,+ ne nan a ɛtu mmirika kɔ bɔne mu,

19 Ɔdansekurumufoɔ a ɔtwa nkontompo daa,+

Ne obiara a ɔsɛe anuanom ntam.+

20 Me ba, di wo papa mmara nsɛm so,

Na mpo wo maame akwankyerɛ.*+

21 Fa kyekyere w’akoma ho daa;

Fa bebare wo kɔn.

22 Sɛ wonante a, ɛbɛkyerɛ wo kwan;

Sɛ woda a, ɛbɛhwɛ wo so;

Sɛ wonyane a, ɛbɛkasa akyerɛ wo.*

23 Ɛfiri sɛ mmara nsɛm no yɛ kanea,+

Na mmara no yɛ hann,+

Na ntenesoɔ a animka de ba no yɛ nkwa kwan.+

24 Ɛbɛbɔ wo ho ban afiri ɔbaa bɔne ho,+

Na abɔ wo ho ban afiri ɔbaa a ne bra asɛe* nnaadaasɛm ho.+

25 Mma wo kɔn nnnɔ no w’akoma mu, n’ahoɔfɛ nti,+

Na mma n’ani adabadabaa no nntwetwe wo,

26 Ɛfiri sɛ tuutuuni nti, ɔbarima bɛdi paanoo sini;+

Na ɔbarima foforɔ yere deɛ, ɔsɛe nkwa* a ne boɔ yɛ den.

29 Saa ara na obiara a ɔne ne yɔnko yere da teɛ;

Obiara nni hɔ a ɔde ne ho ka no a, ɔbɛfa ne ho adi.+

30 Sɛ ɛkɔm de korɔmfoɔ, na ɔwia adeɛ sɛ ɔde rekum ne kɔm* a,

Nnipa remmu no animtia.

31 Nanso sɛ wɔkye no a, ɔbɛbɔ ho mprɛ nson;

Ɔde ne fie agyapadeɛ nyinaa bɛtua ka.+

32 Obiara a ɔne ɔbaa sɛe awareɛ no nnim nyansa;*

Deɛ ɔyɛ saa no, ɔsɛe ɔno ara ne ho.*+

33 Adeɛ a ɔbɛnya ara ne akuro ne animguaseɛ,+

Na n’aniwuo rempepa da.+

34 Ɛfiri sɛ ninkuntwe ma okunu bo fu dendeenden,

Na sɛ ɔretua so ka a, ɔrenhu mmɔbɔ.+

35 Biribiara nni hɔ a ɛbɛtumi apata no,*

Na woma no akyɛdeɛ kɛseɛ sɛ deɛn mpo a, ɛrentumi nnwodwo ne bo.

7 Me ba, di m’anom asɛm so,

Na fa me mmara nsɛm sie.+

 2 Di me mmara nsɛm so na nya nkwa;+

Bɔ m’akwankyerɛ* ho ban te sɛ w’ani kosua.

3 Fa kyekyere wo nsateaa,

Na twerɛ no wɔ w’akoma pono so.+

 5 Ɛbɛbɔ wo ho ban afiri ɔbaa a wamane* ho,+

Na abɔ wo ho ban afiri ɔbaa a ne bra asɛe* a n’ano yɛ dɛ* ho.+

 6 Mehwɛɛ me fie mpomma mu,

Me fie nkantankantan mu, mehwɛɛ fam;

 7 Mehwɛɛ agyimifoɔ,

Na mehunuu aberanteɛ bi a ɔnnim nyansa* wɔ mmabunu no mu.+

 8 Ɔkɔfaa baabi a ɛbɛn ɔbaa no nkwanta so,

Na ɔfaa ɔbaa no fie kwan so,

 9 Anwummerɛ a animu rebiribiri,+

Berɛ a adeɛ resa na esum reba no.

10 Ɛnna mehuu sɛ ɔbaa bi rehyia no.

Wasiesie ne ho sɛ tuutuuni,*+ na ɔwɔ nnaadaa akoma.

12 Wobɛhwɛ na ɔnam abɔnten, wobɛhwɛ na ɔgyina dwa so,

Ɔtetɛ mmantwea baabiara.+

13 Ɔyeree aberanteɛ no, na ɔfee n’ano;

Watõtõ n’ani awe, enti ɔka kyerɛɛ aberanteɛ no sɛ:

15 Ɛno nti na mapue abɛhyia wo yi.

Mebaa sɛ merebɛhwehwɛ wo, ɛnna mahu wo yi!

16 Mede mpa-so-tam kamakama asɛ me mpa so,

Egypt ntoma a ɛyɛ fɛ.+

18 Bra, ma yɛnni dɔ nkɔsi anɔpa;

Ma yɛmfa ɔdɔ nsɛpɛ yɛn ho.

19 Ɛfiri sɛ me kunu nni fie;

Watu kwan kɔ akyirikyiri.

20 Wafa sika kotokuo akura.

Ɔremma kɔsi da a bosome bɛyɛ kurukuruwa.”

22 Ɔtu dii n’akyi prɛko pɛ te sɛ nantwie a wɔrekɔku no,

Te sɛ kwasea a wɔde no rekɔbɔ dua mu* atwe n’aso,+

23 Kɔsii sɛ agyan wɔɔ ne mmerɛboɔ mu;

Sɛdeɛ anomaa tu mmirika kɔtɔ fidie mu no, ɔnnim sɛ ne nkwa* na ɔde reto asiane mu.+

24 Enti afei me mma, montie me;

Monyɛ aso ntie m’anom nsɛm.

Mfom nkɔfa n’anammɔnkwan so.+

26 Ɛfiri sɛ wama wɔakunkum nnipa pii,+

Na wɔn a wadi wɔn awu no dɔɔso.+

27 Ne fie kɔ Adamena* mu;

Ɛsiane kɔ owuo mpia mu.

 2 Ɛgyina baabi a ɛwɔ soro+ wɔ kwan ho,

Wɔ nkwanta so.

 3 Ɛgyina kuro apono ano,

Wɔ aboboano,

Ɛkɔ so team dendeenden sɛ:+

 4 “Mo, nnipa, mo na merefrɛ mo;

Mema me nne so frɛ obiara.*

 5 Mo, agyimifoɔ, momma mo ani nte;+

Mo, nkwaseafoɔ, monnya nteaseɛ akoma.

6 Montie, ɛfiri sɛ deɛ mereka no ho hia,

Na m’ano ka deɛ ɛtene.

 7 Ɛfiri sɛ m’ano ka nokorɛ; ɛka no brɛoo,

Na m’ano kyiri abɔnefosɛm.

 9 Ne nyinaa tene* ma wɔn a wɔwɔ nhunumu,

Na ɛyɛ ma wɔn a wɔanya nimdeɛ.

10 Momfa me ntenesoɔ, na ɛnyɛ dwetɛ,

Na momfa nimdeɛ, na ɛnyɛ sika kɔkɔɔ amapa,+

11 Ɛfiri sɛ nyansa yɛ sene ɛpo mu abohene,*

Na adeɛ a ɛsom bo biara ne no nsɛ.

12 Me, nyansa, me ne aniteɛ na ɛteɛ;

Manya nimdeɛ ne adwempa.+

14 Mewɔ afotu pa ne nyansa;*+

Nteaseɛ+ ne tumi+ yɛ me dea.

15 Me na ahemfo nam me so di tumi,

Na atumfoɔ nam me so hyɛ adetenenee ho mmara.+

16 Me na adehyeɛ nam me so di tumi,

Na atitire nam me so bu atɛn wɔ tenenee mu.

17 Medɔ wɔn a wɔdɔ me,

Na wɔn a wɔhwehwɛ me no bɛhu me.+

18 Mewɔ ahonyadeɛ ne animuonyam,

Ahodeɛ* a ɛwɔ hɔ daa ne tenenee.

19 M’aba yɛ sene sika kɔkɔɔ, ɛsene sika kɔkɔɔ a wɔayiyi mu fĩ mpo,

Na deɛ mede ma no, ɛsene dwetɛ amapa.+

20 Menante tenenee kwan so,

Atɛntenenee anammɔnkwan mfimfini;

21 Mede agyapadeɛ a ɛsom bo ma wɔn a wɔdɔ me,

Na mede nneɛma hyɛ wɔn adekoradan ma.

22 Yehowa bɔɔ me de firii ne kwan* ase,+

Ne nnwuma a ɛfiri teteete no mu deɛ ɛdi kan.+

23 Ɔde me sii hɔ firii teteete,+

Mfitiaseɛ pɛɛ, ansa koraa na asaase reba.+

24 Berɛ a subunu biara nni hɔ no,+ na wɔawo me,*

Berɛ a nsutire biara nni hɔ a nsuo pii tene firi mu no.

25 Ansa na wɔde mmepɔ resisi hɔ,

Na nkokoɔ nnya mmaeɛ no, na wɔawo me,

26 Berɛ a ɔnnya nyɛɛ asaase ne kwaeɛ a ɛwɔ so,

Na ɔmfirii aseɛ nyɛɛ asaase so dɔteɛ no.

27 Berɛ a ɔsiesiee ɔsoro no,+ na mewɔ hɔ;

Berɛ a ɔtwaa nsuo ani kanko,*+

28 Berɛ a ɔde mununkum sensɛn ɔsoro,*

Na ɔyɛɛ subunu no asutire,

29 Berɛ a ɔhyɛɛ mmara maa ɛpo

Sɛ ɛnsɛ sɛ emu nsuo bu ne mmara so,+

Berɛ a ɔtoo asaase fapem no,*

30 Ná mewɔ ne nkyɛn sɛ odwumayɛni a ɔnim adwuma paa.+

Me na na ɔpɛ m’asɛm yie+ daa nyinaa;

M’ani gyee n’anim daa.+

31 M’ani gyee n’asaase a ɔyɛeɛ sɛ nnipa ntena so no ho,

Na nnipa mma* na na wɔda m’akoma so.

32 Enti afei me mma, montie me;

Aane, anigyeɛ ne wɔn a wɔfa m’akwan so.

33 Tie ntenesoɔ+ na hunu nyansa,

Na mmu w’ani ngu so da.

34 Anigyeɛ ne onipa a ɔtie me:

Daa nyinaa, ɔba m’aboboano anɔpatutuutu,

Ɔtwɛn wɔ me pono ano;*

35 Ɛfiri sɛ deɛ ɔhu me no bɛnya nkwa,+

Na Yehowa bɛgye no atom.

36 Nanso deɛ ɔbu n’ani gu me so no, ɔpira ne ho,*

Na wɔn a wɔtan me no dɔ owuo.”+

9 Nyansa* asi ne fie;

Wasene n’adum nson.

 2 Wayɛ ne nam ho adwuma nyinaa awie;*

Wafra ne nsã;*

Afei nso, wahyehyɛ ne pono no so awie.

3 Wasoma ne mmaawa sɛ

Wɔnkɔgyina baabi a ɛwɔ soro wɔ kuro no mu, na wɔnteam sɛ:+

 5 “Mommra, mommɛdi m’aduane,

Na monnom nsã* a mafra no bi.

 6 Monnyae mo agyimisɛm* no, na monnya nkwa;+

Monnante nteaseɛ kwan no so nkɔ mo anim.”+

7 Deɛ ɔtene fɛdifoɔ so no, ɔfrɛfrɛ animguaseɛ,+

Na obiara a ɔkasa kyerɛ ɔbɔnefoɔ no, ɔbɛpira.

10 Yehowa suro ne nyansa mfitiaseɛ,+

Na Ɔkronkronni+ no ho nimdeɛ ne nteaseɛ.

11 Me na mɛma wo nna ayɛ bebree,+

Na mfeɛ a wode bɛtena nkwa mu no adɔɔso.

12 Sɛ wohunu nyansa a, wo ara na nyansa no bɛboa wo,

Na sɛ wodi fɛ a, wo nko ara na wobɛsoa.

14 Ɔte ne fie kwan ano,

Ɔte akonnwa so wɔ baabi a ɛwɔ soro wɔ kuro no mu,+

15 Ɔteam frɛ wɔn a wɔretwam,

Wɔn a wɔnam wɔn kwan so tẽẽ no sɛ:

17 “Nsuo a wɔawia yɛ dɛ,

Na aduane a wɔdi no ahintaeɛ mu yɛ dɛ.”+

18 Nanso wɔnnim sɛ awufoɔ wɔ hɔ, wɔn a wɔntumi nyɛ hwee no,

Na Adamena* mu tɔnn na wɔn a wɔkɔ ne nkyɛn no wɔ.+

Ɔba nyansafoɔ ma ne papa ani gye,+

Na ɔba kwasea deɛ, ɔma ne maame di awerɛhoɔ.

 2 Agyapadeɛ a wɔnam kwammɔne so nya no, mfasoɔ biara remma so,

Na tenenee na ɛgye onipa firi owuo mu.+

 3 Yehowa remma ɛkɔm nne ɔteneneeni,*+

Na ɔbɔnefoɔ deɛ, deɛ ne kɔn dɔ no, ɔremma ne nsa nka.

 4 Nsa a ɛnyɛ adwuma de ohia ba,+

Na mmɔdemmɔfoɔ* nsa deɛ, ahonyadeɛ na ɛde ba.+

 5 Ɔba a ɔwɔ nhunumu boaboa nnɔbaeɛ ano ahuhuro berɛ,

Na ɔba a ne ho yɛ aniwu deɛ, ɔda hatee twaberɛ.+

 6 Nhyira wɔ ɔteneneeni apampam,+

Na abɔnefoɔ ano deɛ, ɛkata awudisɛm so.

 7 Deɛ wɔde kae ɔteneneeni* bɛyɛ nhyira,+

Na abɔnefoɔ din deɛ, ɛbɛporɔ.+

 8 Akoma mu nyansafoɔ bɛgye akwankyerɛ* atom,+

Na deɛ ɔka nkwaseasɛm deɛ, wɔbɛtiatia ne so.+

 9 Deɛ n’abrabɔ di mu no bɛnante dwoodwoo,+

Na deɛ ɔkyeakyea n’akwan deɛ, wɔbɛhu no.+

10 Deɛ ɔbɔ n’ani de daadaa nkurɔfoɔ no ma wɔdi yea,+

Na deɛ ɔka nkwaseasɛm no, wɔbɛtiatia ne so.+

11 Ɔteneneeni ano yɛ nkwa asutire,+

Na abɔnefoɔ ano deɛ, ɛkata awudisɛm so.+

12 Ɔtan na ɛsɛe nnipa ntam,

Na ɔdɔ deɛ, ɛkata bɔne nyinaa so.+

13 Nyansa wɔ onipa a ɔwɔ nhunumu ano,+

Na abaa wɔ hɔ ma deɛ ɔnnim nyansa* akyi.+

14 Nimdeɛ som bo ma anyansafoɔ,+

Na kwasea ano frɛfrɛ ɔsɛeɛ.+

16 Ɔteneneeni nnwuma kɔwie nkwa mu;

Na aba a ɔbɔnefoɔ twa kɔwie bɔne mu.+

17 Deɛ ɔtie ntenesoɔ no ma nkurɔfoɔ hunu nkwa kwan,*

Na deɛ ɔntie kasakyerɛ no ma nnipa fom kwan.

18 Deɛ ɔkata ne tan so no twa nkontompo,+

Na deɛ ɔnenam sɛe nkurɔfoɔ din* no yɛ kwasea.

19 Mfomsoɔ mpa kasa dodoɔ mu,+

Na deɛ ɔhwɛ n’ano yie no yɛ onyansafoɔ.*+

20 Ɔteneneeni kɛtrɛma te sɛ dwetɛ amapa,+

Na ɔbɔnefoɔ akoma deɛ, mfasoɔ nni so.

21 Ɔteneneeni ano ma nnipa pii akwankyerɛ,*+

Na nkwaseafoɔ deɛ, nyansa a wɔnni nti, wɔwuwu.+

22 Yehowa nhyira na ɛma obi yɛ ɔdefoɔ,+

Na Ɔmfa yea* biara nka ho.

23 Kwasea reyɛ aniwudeɛ a, ɛyɛ no sɛ ɔredi agorɔ,

Na nyansa yɛ onipa a ɔwɔ nhunumu dea.+

24 Adeɛ a ɔbɔnefoɔ suro no, ɛbɛba ne so;

Na ateneneefoɔ nsa bɛka deɛ wɔpɛ.+

25 Sɛ mframa a ano yɛ den bɛsene twam a, abɔnefoɔ bɛfiri hɔ,+

Na ɔteneneeni deɛ, ɔtim hɔ daa.+

26 Sɛdeɛ nsã a emu keka yɛ ɛse, na wisie yɛ ani no,

Saa ara na kwadwofoɔ yɛ deɛ ɔsoma no no.*

27 Yehowa suro ma nkwa tenten,+

Na abɔnefoɔ mfeɛ deɛ, wɔbɛtwa so.+

28 Deɛ ateneneefoɔ hwɛ kwan* de anigyeɛ bɛba,+

Na abɔnefoɔ anidasoɔ deɛ, ɛbɛyera.+

29 Yehowa kwan yɛ abandenden ma deɛ ne ho nni asɛm,+

Na abɔnefoɔ deɛ, ɛyɛ ɔsɛeɛ ma wɔn.+

30 Wɔremma ɔteneneeni nhwe ase da;+

Na abɔnefoɔ deɛ, wɔrentena asaase so bio.+

31 Ɔteneneeni ano so nyansa aba,

Na nkontompofoɔ kɛtrɛma deɛ, wɔbɛtwa afiri hɔ.

32 Ɔteneneeni ano nim deɛ ɛsɔ ani,

Na abɔnefoɔ ano deɛ, ɛyɛ nkontompo.

11 Asisie* nsenia* yɛ Yehowa akyiwadeɛ,

Na tenenee nkariboɔ* na n’ani gye ho.+

 2 Sɛ ahantan ba a, animguaseɛ bɛdi akyire aba,+

Na nyansa ne ahobrɛasefoɔ na ɛteɛ.+

 3 Ateneneefoɔ deɛ, wɔn abrabɔ a ɛdi mu na ɛkyerɛ wɔn kwan,+

Na nkontompofoɔ nnaadaasɛm na ɛbɛsɛe wɔn.+

 4 Ahonyadeɛ so remma mfasoɔ abufuo da no,+

Na tenenee na ɛbɛgye onipa afiri owuo mu.+

 5 Onipa a ne ho nni asɛm no, ne tenenee ma ne kwan tene,

Na ɔbɔnefoɔ deɛ, ɔno ara n’amumuyɛ nti ɔbɛhwe ase.+

 6 Ateneneefoɔ tenenee bɛgye wɔn,+

Na nnaadaafoɔ deɛ, wɔn ankasa akɔnnɔdeɛ na ɛbɛkye wɔn.+

 7 Sɛ ɔbɔnefoɔ wu a, n’anidasoɔ yera;

Na anidasoɔ a ɛgyina n’ahoɔden so no nso yera.+

 8 Wɔgye ɔteneneeni firi amanehunu mu,

Na ɔbɔnefoɔ si n’anan.+

 9 Ɔwaefoɔ* de n’ano sɛe ne yɔnko,

Na nimdeɛ na wɔde gye ɔteneneeni.+

10 Ateneneefoɔ papayɛ ma kuro di ahurisie,

Na abɔnefoɔ yera a, anigyeɛ ba.+

11 Ateneneefoɔ nhyira ma kuro nya animuonyam,+

Na abɔnefoɔ ano deɛ, ɛbɔ kuro.+

12 Obiara a ɔnnim nyansa* no, ɔbu ne yɔnko animtia,*

Na onipa a ne nhunumu dɔɔso deɛ, ɔka n’ano tom.+

13 Deɛ ɔsɛe nkurɔfoɔ din no, ɔnenam na ɔreyi kokoam nsɛm* adi,+

Na deɛ ɔyɛ ɔnokwafoɔ* deɛ, ɔkata asɛm so.

14 Sɛ akwankyerɛ pa nni hɔ a, ɔman hwe ase,

Na afotufoɔ* dodoɔ na ɛma nneɛma kɔ yie.*+

15 Obiara a ɔdi ɔhɔhoɔ anim ma ɔkɔgye bosea no, ɛbɛwie no bɔne,+

Na obiara a ɔnkyea obi nsam sɛ ɔde redi agyinamu no, n’asom bɛdwo no.

Na mmarima atirimuɔdenfoɔ deɛ, wɔgye ahonyadeɛ.

17 Onipa a ne yam yɛ* no, ɛboa ɔno ara,*+

Na otirimuɔdenfoɔ deɛ, ɔde ɔhaw* na ɛba ɔno ara ne so.+

18 Akatua a ɔbɔnefoɔ nya yɛ nnaadaa,+

Na deɛ ɔdua tenenee deɛ, ɔnya akatua pa.+

19 Deɛ ɔgyina tenenee akyi pintinn no bɛnya nkwa,+

Na deɛ ɔdi bɔne akyi deɛ, owuo da hɔ retwɛn no.

20 Akoma mu nkontompofoɔ yɛ Yehowa akyiwadeɛ,+

Na wɔn a wɔn kwan tene ma n’ani gye.+

21 Hunu wei sɛ:* Ɔbɔnefoɔ remfa ne ho nni,+

Na ɔteneneeni mma deɛ, wɔbɛnya wɔn tiri adidi mu.

22 Sɛdeɛ sika kɔkɔɔ kawa teɛ wɔ prako hwene mu no,

Saa ara na ɔbaa hoɔfɛfoɔ a ɔpo nyansa teɛ.

23 Adeɛ a ateneneefoɔ pɛ wie yie,+

Na adeɛ a abɔnefoɔ ani da so deɛ, ɛkɔwie abufuo mu.

24 Obi kyɛ adeɛ pii* nanso ɔnya bebree,+

Obi nso nkyɛ* adeɛ, nanso ɔdi hia.+

25 Onipa* a ne yam yɛ no, ɛbɛsi no yie,*+

Obiara a ɔma nkurɔfoɔ ho dwo wɔn no,* ɔno nso, wɔbɛma ne ho adwo no.+

26 Deɛ ɔde aduane* kame nkurɔfoɔ no, ɔmanfoɔ bɛdome no,

Na deɛ ɔtɔn deɛ, wɔbɛhyira no.

27 Deɛ n’ani abere sɛ ɔbɛyɛ papa no, ɔhwehwɛ adom,+

Na deɛ ɔhwehwɛ bɔne no, ɛno ara na ɛbɛba ne so.+

28 Deɛ ɔde ne ho to n’ahonyadeɛ so no, ɔbɛhwe ase,+

Na ateneneefoɔ deɛ, wɔbɛyɛ frɔmfrɔm te sɛ ahabammono.+

29 Obiara a ɔde ɔhaw* ba ne fie so no, deɛ ɔbɛnya ara ne mframa,+

Na kwasea bɛyɛ akoa ama akoma mu nyansafoɔ.

30 Aba a ɔteneneeni so yɛ nkwa dua,+

Na deɛ ɔnya akra* no yɛ onyansafoɔ.+

31 Sɛ ɔteneneeni mpo remfa ne ho nni wɔ asaase so a,

Ɛbɛyɛ dɛn na omumuyɛfoɔ ne ɔbɔnefoɔ afa wɔn ho adi?+

12 Deɛ ɔdɔ ntenesoɔ no dɔ nimdeɛ,+

Na deɛ ɔtan kasakyerɛ no deɛ, ɔnni adwene.*+

 2 Deɛ ɔyɛ onipa pa no, Yehowa gye no tom,

Na onipa a ɔwɔ adwemmɔne deɛ, Ɔbu no fɔ.+

 3 Onipa biara nni hɔ a bɔne bɛtumi abɔ ne ho ban,+

Na ateneneefoɔ deɛ, wɔrentutu wɔn ase da.

 4 Ɔyere pa yɛ ne kunu ahenkyɛ,+

Na ɔyere a ɔyɛ aniwudeɛ deɛ, ɔte sɛ yareɛ a ɛma ne kunu nnompe porɔ.+

 5 Ateneneefoɔ nsusuiɛ tene,

Na abɔnefoɔ akwankyerɛ deɛ, ɛyɛ nnaadaa.

 6 Abɔnefoɔ nsɛm te sɛ wudini a ɔretetɛ obi aku no,*+

Na ateneneefoɔ ano deɛ, ɛgye wɔn.+

 7 Wɔtu abɔnefoɔ ase a, wɔyera,

Na ateneneefoɔ fie deɛ, ɛbɛgyina daa.+

 8 Onipa a ɔbue n’ano nyansa mu no, wɔbɛyi no ayɛ,+

Na deɛ n’akoma akyea deɛ, wɔremfa no nyɛ hwee.+

 9 Obi a wɔmmu no a ɔwɔ akoa no,

Ɔyɛ sene obi a ɔhoahoa ne ho a n’ano aduane* abɔ no.+

10 Ɔteneneeni hwɛ n’afieboa* yie,+

Na ɔbɔnefoɔ deɛ, ne mmɔborɔhunu mpo yɛ atirimuɔden.

11 Deɛ ɔdɔ n’asaase no, aduane bɛmee no,+

Na deɛ ɔdi nneɛma hunu akyi no, ɔnnim nyansa.*

12 Ɔbɔnefoɔ ani bere deɛ abɔnefoɔ foforɔ asum fidie anya,

Na ateneneefoɔ nhini deɛ, ɛso aba.

13 Ɔbɔnefoɔ deɛ, ɔno ara n’anom asɛmmɔne na ɛsum no fidie,+

Na ɔteneneeni bɛfiri amanehunu mu.

14 Onipa anom aba na ɛma ɔdi adepa* mee,+

Na ne nsa ano adwuma bɛma wanya akatua.

15 Kwasea kwan tene wɔ ɔno ara n’ani so,+

Na onyansafoɔ deɛ, ɔtie afotuo.+

16 Kwasea da n’abufuo adi ntɛm,*+

Na onyansafoɔ deɛ, ɔbu n’ani gu adapaatwa so.*

17 Deɛ ɔdi adanseɛ turodoo no, ɔka nokorɛ,*

Na deɛ n’adanseɛ nyɛ nokorɛ no, ɔka nnaadaasɛm.

18 Nsɛm a wɔtu no bumbum no, ɛte sɛ deɛ wɔde sekan rewowɔ obi,

Na anyansafoɔ kɛtrɛma deɛ, ɛsa yareɛ.+

19 Ano a ɛka nokorɛ bɛtim hɔ daa,+

Na kɛtrɛma a ɛnka nokorɛ deɛ, ɛrenni gyina.+

20 Nnaadaa wɔ wɔn a wɔbɔ pɔ bɔne akoma mu,

Na wɔn a wɔhyɛ asomdwoeɛ ho nkuran deɛ, wɔn ani gye.*+

21 Bɔne biara rento ɔteneneeni,+

Na abɔnefoɔ deɛ, amanehunu bɛhyɛ wɔn ma.+

22 Ano a ɛnka nokorɛ yɛ Yehowa akyiwadeɛ,+

Na wɔn a wɔdi nokorɛ no ma n’ani gye.

23 Onyansafoɔ de deɛ ɔnim sie,

Na kwasea akoma deɛ, ɛkeka nsɛm ma ne nkwaseasɛm da adi.+

24 Mmɔdemmɔfoɔ* nsa bɛdi tumi,+

Na nsa a ɛnyɛ adwuma deɛ, ɛbɛyɛ nkoadwuma.+

25 Onipa akomam dadwene ma n’akoma boto,*+

Na asɛmpa ma ɛnya anigyeɛ.+

26 Ɔteneneeni hwehwɛ baabi a ne mmoa bɛdidi,

Na abɔnefoɔ kwan deɛ, ɛma wɔyera.

27 Ɔkwadwofoɔ nkɔ ahayɔ,+

Na mmɔdemmɔ deɛ, ɛyɛ onipa agyapadeɛ a ɛsom bo.

28 Tenenee kwan kɔ nkwa mu,+

Na owuo nni n’anammɔnkwan so.

13 Ɔba nyansafoɔ gye ne papa ntenesoɔ tom,+

Na fɛdifoɔ deɛ, ɔntie animka.*+

 2 Onipa anom aba na ɛma ɔdi adepa* mee,+

Na nkontompofoɔ deɛ, wɔn akɔnnɔdeɛ ne awudisɛm.*

 3 Deɛ ɔhwɛ n’ano yie no,* ɔbɔ ne nkwa* ho ban,+

Na deɛ ɔbue n’anom kɛse no, ɔbɛsɛe.+

 4 Ɔkwadwofoɔ wɔ n’akɔnnɔdeɛ,* nanso ɔnnya hwee,+

Na mmɔdemmɔfoɔ* deɛ, ɔbɛmee paa.*+

 5 Ɔteneneeni tan atorɔ,+

Na abɔnefoɔ nneyɛɛ deɛ, ɛde aniwuo ne animguaseɛ na ɛba.

 6 Deɛ ne ho nni asɛm no, tenenee bɔ ne ho ban,+

Na ɔbɔnefoɔ deɛ, amumuyɛ sɛe no.

 7 Obi wɔ hɔ a ɔyɛ ne ho sɛ sikani, nanso ɔnni hwee;+

Obi nso yɛ ne ho sɛ ohiani, nanso ɔwɔ ahonyadeɛ bebree.

 8 Ahonyadeɛ yɛ agyedeɛ ma onipa nkwa,*+

Na ahiafoɔ deɛ, obiara nhunahuna wɔn* mpo.+

 9 Ateneneefoɔ kanea hyerɛn paa,*+

Na abɔnefoɔ kanea deɛ, wɔbɛdum no.+

10 Deɛ ahantan kɔwie ara ne mansotwe,+

Na wɔn a wɔhwehwɛ afotuo* no na nyansa yɛ wɔn dea.+

11 Ahonyadeɛ a wɔnya no ntɛm* no, ɛbɛsa,+

Na deɛ ɔboaboa ahonyadeɛ ano nkakrankakra* no, ɛbɛyɛ bebree.

12 Anidasoɔ* a ɛmma mu ntɛm no, ɛma akoma yare,+

Na deɛ wɔrehwɛ kwan ba mu a, ɛyɛ nkwa dua.+

13 Obiara a ɔmfa akwankyerɛ nyɛ hwee no,* ɔbɛnya ho asotwe,+

Na deɛ ɔwɔ obuo ma mmara no, ɔbɛnya akatua.+

14 Onyansafoɔ nkyerɛkyerɛ* yɛ nkwa asutire,+

Na ɛdane onipa firi owuo mfidie ho.

15 Nhunumu a emu dɔ ma onipa nya adom,

Na nkontompofoɔ kwan deɛ, ɛso nyɛ.*

16 Onyansafoɔ de nimdeɛ na ɛyɛ n’adeɛ,+

Na kwasea deɛ, ɔma obiara hunu sɛ ɔyɛ kwasea.+

17 Obi a wɔasoma no a ɔyɛ ɔbɔnefoɔ no, ɔtɔ ɔhaw mu,+

Na obi a wɔasoma no a ɔdi nokorɛ deɛ, ɔde ayaresa ba.+

18 Obiara a ɔbu n’ani gu ntenesoɔ so no, ohia ne animguaseɛ na ɛbɛka no,

Na deɛ ɔtie kasakyerɛ* deɛ, wɔbɛhyɛ no animuonyam.+

19 Deɛ obi rehwɛ kwan ba mu a, ɛyɛ no* dɛ,+

Na deɛ kwasea kyiri ne sɛ ɔbɛtwe ne ho afiri bɔne ho.+

20 Deɛ ɔne anyansafoɔ nante no bɛyɛ onyansafoɔ,+

Na deɛ ɔne nkwaseafoɔ bɔ no, ɛbɛwie no bɔne.+

21 Amanehunu di abɔnefoɔ akyi,+

Na ateneneefoɔ deɛ, wɔn akatua ne yiedie.+

22 Onipa pa gya agyapadeɛ ma ne nananom,*

Na ɔbɔnefoɔ ahonyadeɛ deɛ, wɔbɛkora so ama ɔteneneeni.+

23 Ohiani afuo a wɔafuntum no, ɛma aduane pii ba,

Nanso anhwɛ a atɛnkyea bɛpra akɔ.*

24 Obiara a ɔmfa n’abaa* nyɛ adwuma no, ɔtan ne ba,+

Na deɛ ɔdɔ ne ba no, ɔde ahokeka tene ne so.*+

25 Ɔteneneeni didi, na ɔmee,*+

Na ɔbɔnefoɔ deɛ, ne yafunu bɛda mpan.+

14 Ɔbaa nyansafoɔ si ne fie,+

Na ɔbaa kwasea deɛ, ɔde ne nsa dwiri ne deɛ gu.

 2 Deɛ ɔnante tenenee mu no suro Yehowa,

Na deɛ n’akwan yɛ nnaadaa* no deɛ, ɔbu No animtia.

 3 Ahantan abaa wɔ kwasea anom,

Na anyansafoɔ ano deɛ, ɛbɛbɔ wɔn ho ban.

 4 Sɛ anantwie nni hɔ a, mmoa adididaka mu te,

Nanso nantwinini ahoɔden ma nnɔbaeɛ dɔɔso.

 5 Ɔdansefoɔ nokwafoɔ renni atorɔ,

Na ɔdansekurumufoɔ deɛ, ɔtwa nkontompo daa.+

 6 Fɛdifoɔ hwehwɛ nyansa, nanso ɔnnya,

Na onipa a ɔwɔ nteaseɛ deɛ, ɔmmrɛ na wanya nimdeɛ.+

 7 Twe wo ho firi kwasea ho,

Na worennya nimdeɛ wɔ n’anom.+

 8 Nyansa ma onitefoɔ hunu baabi a ɔrekɔ,

Na nkwaseafoɔ deɛ, wɔn ankasa nkwaseasɛm na ɛdaadaa wɔn.*+

 9 Nkwaseafoɔ de afɔdie* yɛ aseresɛm,+

Na ateneneefoɔ deɛ, wɔpɛ sɛ wɔsiesie wɔne nkurɔfoɔ ntam.*

10 Akoma na ɛnim n’awerɛhoɔ,*

Na n’anigyeɛ nso, abɔntensoni biara rentumi nnya bi.

11 Wɔbɛsɛe abɔnefoɔ fie,+

Na ateneneefoɔ ntomadan deɛ, ɛbɛyɛ frɔmfrɔm.

Nanso ɛkɔwie owuo mu.+

13 Sereɛ mu mpo, akoma tumi di yea,

Na ahurisie tumi kɔwie awerɛhoɔ mu.

14 Deɛ wamane wɔ n’akomam no, ɔbɛtwa so aba,+

Na onipa pa deɛ, ɔbɛnya ne nneyɛɛ so akatua.+

15 Ogyimifoɔ* gye asɛm biara di,

Na onyansafoɔ deɛ, anammɔn biara a ɔbɛtuo no, ɔhwɛ no yie.+

16 Onyansafoɔ hwɛ ne ho yie,* na ɔtwe ne ho firi bɔne ho,

Na kwasea deɛ, biribiara mfa ne ho,* na ɔgye ne ho di dodo.

17 Deɛ ne bo fu ntɛm no, ɔdi nkwaseasɛm,+

Na onipa a ɔdwene nneɛma ho yie no, wɔtan no.

18 Deɛ agyimifoɔ* bɛnya ne nkwaseasɛm,

Na anyansafoɔ deɛ, wɔde nimdeɛ bɔ wɔn abotire.+

19 Abɔnefoɔ bɛkoto apapafoɔ anim,

Na amumuyɛfoɔ akoto ateneneefoɔ apono ano.

20 Ohiani ayɔnkofoɔ mpo tan no,+

Na sikani deɛ, ne nnamfo dɔɔso.+

21 Deɛ ɔmfa ne yɔnko nyɛ hwee no, wayɛ bɔne,

Na deɛ ne yam hyehye no ma mmɔborɔwa no, n’ani gye.+

23 Adwumaden biara so wɔ mfasoɔ,

Na kasa kɛkɛ deɛ, ohia na ɛde ba.+

24 Anyansafoɔ ahenkyɛ ne wɔn ahonyadeɛ;

Na nkwaseafoɔ agyimisɛm deɛ, ɛyɛ nkwaseasɛm nko ara.+

25 Ɔdansefoɔ nokwafoɔ gye nkwa,*

Na ɔdaadaafoɔ deɛ, ɔtwa nkontompo daa.

26 Deɛ ɔsuro Yehowa no ahotɔsoɔ yɛ kɛse,+

Na ɛbɛyɛ dwankɔbea ama ne mma.+

27 Yehowa suro yɛ nkwa asutire,

Ɛdane onipa firi owuo mfidie ho.

28 Nnipa dodoɔ yɛ ɔhene animuonyam,+

Na ɔhene a ɔnni ɔmanfoɔ deɛ, n’ahweaseɛ ara ne no.

29 Deɛ ne bo mfu ntɛm no, ɔwɔ nhunumu pii,+

Na deɛ ɔpere ne ho deɛ, ɔma obiara hunu ne nkwaseasɛm.+

30 Akoma a ɛdwoɔ ma nipadua nya nkwa,*

Na ahoɔyaa deɛ, ɛma nnompe porɔ.+

31 Deɛ ɔsisi mmɔborɔwa no, ɔdidi ne Bɔfo atɛm,+

Na obiara a ne yam hyehye no ma ohiani no deɛ, ɔhyɛ No animuonyam.+

32 Ɔbɔnefoɔ deɛ, ɔno ara n’amumuyɛ na ɛbɛma no ahwe ase,

Na ɔteneneeni deɛ, n’abrabɔ a ɛdi mu nti ɔbɛnya ahobammɔ.*+

33 Onipa a ɔwɔ nteaseɛ no, nyansa te n’akomam dinn,+

Na nkwaseafoɔ deɛ, wɔbɔ no dawuro.

34 Tenenee ma ɔman nya animuonyam,+

Na bɔne deɛ, ɛgu ɔman anim ase.

35 Akoa a ɔwɔ nhunumu ma ɔhene ani gye,+

Na deɛ ɔyɛ aniwudeɛ deɛ, ɔhene bo fu no.+

15 Mmuaeɛ bɔkɔɔ ma abufuo twa,+

Na asɛm a ɛyɛ ya deɛ, ɛhyɛ abufuo.+

 3 Yehowa ani wɔ baabiara;

Ɛhwɛ abɔnefoɔ ne apapafoɔ nyinaa.+

 4 Kɛtrɛma a ɛdwoɔ* yɛ nkwa dua,+

Na asɛm a wɔka kyinkyim no deɛ, ɛbu abam.*

 5 Kwasea bu ne papa ntenesoɔ animtia,+

Na onyansafoɔ deɛ, ɔgye kasakyerɛ tom.*+

 6 Nneɛma a ɛsom bo bebree wɔ ɔteneneeni fie,

Na ɔbɔnefoɔ nnɔbaeɛ* deɛ, ɛde ɔhaw brɛ no.+

 7 Anyansafoɔ ano pete nimdeɛ,+

Na nkwaseafoɔ akoma deɛ, ɛnte saa.+

 8 Abɔnefoɔ afɔrebɔ yɛ Yehowa akyiwadeɛ,+

Na ateneneefoɔ mpaebɔ deɛ, N’ani gye ho.+

9 Yehowa kyiri abɔnefoɔ kwan,+

Na wɔn a wɔyɛ adetenenee deɛ, ɔdɔ wɔn.+

10 Deɛ wagya ɛkwan no, ɔbu ntenesoɔ sɛ ɛnyɛ adepa,*+

Na obiara a ɔtan kasakyerɛ no, ɔbɛwu.+

13 Anigyeɛ akoma ma onipa anim te,

Na akoma mu yea deɛ, ɛma honhom boto.+

Na nkwaseafoɔ deɛ, wɔn ano aduane ne nkwaseasɛm.*+

15 Mmɔborɔwa deɛ, da biara nyɛ mma no,+

Na deɛ ɔwɔ anigyeɛ akoma* deɛ, daa ɔwɔ apontoɔ mu.+

16 Sɛ obi suro Yehowa na ɔwɔ adeɛ ketewaa bi a,+

Ɛyɛ sene sɛ ɔbɛnya ahonyadeɛ pii a adwendwene bata ho.+

17 Nhabamma* a wɔdi wɔ baabi a ɔdɔ wɔ no,+

Ɛyɛ sene nantwie a wadɔre sradeɛ* a wɔwe no wɔ baabi a ɔtan wɔ.+

18 Obi a ne bo fu ntɛmntɛm hwanyan ntɔkwa mu,+

Na deɛ ne bo mfu ntɛm deɛ, ɔma akasakasa brɛ ase.+

19 Ɔkwadwofoɔ kwan te sɛ nkasɛɛ a wɔde agye ban,+

Na ateneneefoɔ kwan deɛ, ɛte sɛ kwantempɔn a ɛda so.+

20 Ɔba nyansafoɔ ma ne papa ani gye,+

Na kwasea deɛ, ɔmfa ne maame nyɛ hwee.+

21 Deɛ ɔnnim nyansa* no ani gye nkwaseasɛm ho,+

Na onipa a ɔwɔ nhunumu deɛ, ɔnante kɔ n’anim tẽẽ.+

22 Sɛ adwentoatoa* nni hɔ a, nhyehyɛeɛ* nyɛ yie,

Na afotufoɔ* dodoɔ ma nhyehyɛeɛ yɛ yie.+

23 Onipa ma mmuaeɛ pa* a, ɔdi ahurisie,+

Na asɛm a wɔka wɔ berɛ a ɛfata mu deɛ, ɛyɛ paa!+

24 Obi a ɔwɔ nhunumu no, ɔnam nkwa kwan a ɛkorɔn so,+

Na ɛdane no firi Adamena* a ɛwɔ fam no ho.+

25 Yehowa bɛdwiri ahantanfoɔ fie agu,+

Na okunafoɔ ahyeɛ deɛ, ɔbɛbɔ ho ban.+

26 Yehowa kyiri abɔnefoɔ pɔ bɔne,+

Na nsɛm a ɛyɛ dɛ deɛ, ɛho te ma No.+

27 Deɛ ɔpɛ mfaso bɔne no de ɔhaw* ba ɔno ara ne fiefoɔ so,+

Na deɛ ɔtan adanmudeɛ* no deɛ, ɔbɛnyini akyɛ.+

28 Ɔteneneeni akoma dwene ansa na ama mmuaeɛ,*+

Na ɔbɔnefoɔ ano deɛ, ɛkeka nsɛmmɔne.

29 Yehowa ne abɔnefoɔ ntam kwan ware,

Na ateneneefo deɛ, ɔtie wɔn mpaebɔ.+

30 Ani a ɛhyerɛn* ma akoma di ahurisie;

Amanneɛbɔ pa ma nnompe nya ahoɔden.*+

31 Deɛ ɔtie kasakyerɛ a ɛma nkwa no,

Ɔne anyansafoɔ na ɛteɛ.+

32 Deɛ ɔnnye ntenesoɔ ntom no, ɔmfa ne nkwa* nyɛ hwee,+

Na obiara a ɔtie kasakyerɛ no, ɔnya nteaseɛ.*+

33 Yehowa suro yɛ nteteeɛ a ɛma nyansa,+

Na ahobrɛaseɛ ba ansa na animuonyam aba.+

16 Onipa hyehyɛ* n’akomam nsusuiɛ,*

Na mmuaeɛ a ɔma deɛ,* ɛfiri Yehowa hɔ.+

 2 Onipa akwan nyinaa yɛ papa* wɔ n’ani so,+

Nanso Yehowa na ɔhwehwɛ adwene a onipa de yɛ biribi* mu.+

3 Fa deɛ woyɛ nyinaa hyɛ Yehowa nsa,*+

Na wo nhyehyɛeɛ bɛwie yie.

 4 Biribiara a Yehowa ayɛ no, wayɛ sɛdeɛ ɛbɛyɛ a ɛbɛma n’atirimpɔ abam,

Ɔbɔnefoɔ mpo, ɔwɔ hɔ ma da bɔne.+

 6 Wɔde ɔdɔ a ɛnni hwammɔ ne nokorɛdie na ɛpata mfomsoɔ,+

Na Yehowa suro na ɛma obi dane firi bɔne ho.+

 7 Sɛ onipa akwan sɔ Yehowa ani a,

Ɔma n’atamfo mpo ne no tena asomdwoeɛ mu.+

 9 Onipa susu n’akwan ho wɔ n’akomam,

Nanso Yehowa na ɔkyerɛ n’anammɔn kwan.+

10 Onyankopɔn atemmuo na ɛsɛ sɛ ɛtena ɔhene anom,+

Na ɛnsɛ sɛ ɔbu atɛnkyea da.+

11 Adeɛ a wɔde susu nneɛma ne nsenia* a ɛdi mu firi Yehowa hɔ;

Nkariboɔ a ɛwɔ kotokuo mu nyinaa yɛ ne nsa ano adwuma.+

12 Nneyɛɛ bɔne yɛ ahemfo akyiwadeɛ,+

Ɛfiri sɛ tenenee na ɛma ahennwa tim.+

14 Ɔhene abufuo te sɛ obi a wɔasoma no a ɔde owuo nam,+

Nanso onyansafoɔ pata no.*+

15 Ɔhene animteɛ mu na nkwa wɔ;

N’adom te sɛ mununkum a ɛma nsuo tɔ wɔ fefɛ berɛ mu.+

18 Ahantan di ɔsɛeɛ anim,

Na ahomasoɔ honhom di ahweaseɛ anim.+

19 Ɛyɛ sɛ wobɛbrɛ wo ho ase* wɔ wɔn a wɔdwoɔ mu+

Sene sɛ wo ne ahantanfoɔ bɛkyɛ nneɛma a wɔagye afiri nkurɔfoɔ nsam.

20 Deɛ ɔda nhunumu adi wɔ asɛm mu no, ɛbɛsi no yie;

Anigyeɛ ne deɛ ɔde ne ho to Yehowa so.

22 Nhunumu yɛ nkwa asutire ma wɔn a wɔwɔ nhunumu,

Na nkwaseafoɔ deɛ, wɔn ankasa nkwaseasɛm na ɛtene wɔn so.

23 Onyansafoɔ akoma ma n’ano nya nhunumu,+

Na ɛma n’anom kasa yɛ dɛ.

24 Nsɛm a ɛyɛ dɛ yɛ ɛwoɔkyɛm;

Ɛyɛ ɔkra* dɛ, na ɛsa nnompe yareɛ.+

25 Ɛkwan bi wɔ hɔ a, ɛtene wɔ onipa ani so,

Nanso ɛkɔwie owuo mu.+

26 Odwumayɛni kɔm* ma ɔyɛ adwumaden,

Ɛfiri sɛ ne yam kɔm* na ɛpiapia no.+

27 Onipahunu tutu fam hwehwɛ bɔne,+

Na n’anom kasa te sɛ egya a ɛhyehye.+

28 Onipa gyegyefoɔ* sɛe nnipa ntam,+

Na deɛ ɔsɛe nkurɔfoɔ din no, ɔtete nnamfoɔ a wɔbɔ kosua tafere ntam.+

29 Wudini daadaa ne yɔnko,

Na ɔde no fa ɛkwan a ɛnyɛ so.

31 Etire so dwene a wɔhu no wɔ tenenee kwan so no,+

Ɛyɛ ahenkyɛ a ɛyɛ fɛ.*+

32 Deɛ ne bo mfu ntɛm no,+ ɔyɛ sene katakyie,

Na deɛ ɔhyɛ n’abufuo so no,* ɔyɛ sene deɛ ɔko fa kuro.+

33 Onipa srɛ so na wɔbɔ ntonto,+

Nanso deɛ ɛfiri mu ba biara firi Yehowa.+

17 Ɛyɛ sɛ wobɛdi paanoo wesee wɔ baabi a asomdwoeɛ* wɔ+

Sene sɛ wobɛdi aduane sɔkyee* wɔ efie a akasakasa wom mu.+

 2 Akoa a ɔwɔ nhunumu no, ɔbɛdi ɔba a ɔyɛ aniwudeɛ so,

Na ɔno nso bɛnya agyapadeɛ te sɛ owura no ba no.

3 Kukuo a wɔnane adeɛ wom wɔ hɔ ma dwetɛ, ɛnna fononoo wɔ hɔ ma sika kɔkɔɔ,+

Na deɛ ɔhwehwɛ akomam ne Yehowa.+

 4 Onipabɔnefoɔ yɛ aso tie asɛm a ɛyɛ ya,

Na ɔdaadaafoɔ tie kɛtrɛma a ɛtwa nkontompo.+

 5 Obiara a ɔdi ohiani ho fɛ no, ɔdidi ne Bɔfo atɛm,+

Na obiara a ɔdi ne yɔnko amanehunu ho ahurisie no, ɔremfa ne ho nni.+

 6 Nkɔkoraa ne mmerewa ahenkyɛ ne mmanana,*

Na mma mmarima* animuonyam ne wɔn agyanom.*

 8 Akyɛdeɛ te sɛ aboɔdenboɔ* ma ne wura;+

Baabiara a ɔbɛfa biara, ɛma ɛsi no yie.+

 9 Obiara a ɔde bɔne kyɛ* no hwehwɛ ɔdɔ,+

Na deɛ ɔkɔ so tĩ asɛm mu deɛ, ɔtete nnamfoɔ a wɔbɔ kosua tafere ntam.+

10 Deɛ ɔwɔ nteaseɛ no, animka boa no paa+

Sene sɛ wɔbɛtwa kwasea mmaa ɔha.+

11 Onipabɔnefoɔ deɛ, atuateɛ nko ara na ɔhwehwɛ,

Na wɔbɛsoma otirimuɔdenfoɔ ama wakɔtwe n’aso.+

12 Sɛ wohyia sisire a wɔakye ne mma a,

Ɛyɛ sene sɛ wobehyia kwasea a ɔte ne nkwaseasɛm mu.+

13 Sɛ obi de bɔne tua papa so ka a,

Bɔne rempa ne fie.+

14 Sɛ wohyɛ ntɔkwa ase a, ɛte sɛ deɛ woretue tadeɛ mu nsuo;*

Akasakasa* nnya mfirii aseɛ no, twa so kɔ.+

15 Obiara a ɔbu ɔbɔnefoɔ bem ne obiara a ɔbu ɔteneneeni fɔ no,+

Wɔn nyinaa yɛ Yehowa akyiwadeɛ.

16 Mfasoɔ bɛn na ɛwɔ so sɛ kwasea wɔ deɛ ɔbɛtumi de anya nyansa

Berɛ a ɔnni tire* a ɔde bɛsua nyansa?*+

Na ɔyɛ onua a wɔwoo no maa amanehunu berɛ.*+

18 Onipa a ɔnnim nyansa* kyea obi nsam, na ɔpene so sɛ,

Ɔbɛdi agyinamu* wɔ ne yɔnko anim.+

20 Akoma mu nkontompofoɔ deɛ, ɛrensi wɔn yie,+

Na deɛ ɔka nnaadaasɛm no bɛsɛe.

21 Ɔbarima a ɔwo ɔba kwasea bɛdi ne ho awerɛhoɔ;

Na abɔfra a ɔnnim nyansa no, ne papa nni anigyeɛ.+

22 Anigyeɛ akoma yɛ aduro papa;*+

Na honhom a abotoɔ deɛ, ɛma ahoɔden so te.*+

Sɛdeɛ ɛbɛyɛ a ɔbɛkyea atemmuo.+

24 Deɛ ɔwɔ nhunumu no, nyansa wɔ n’anim pɛɛ,

Na kwasea ani deɛ, ɛdeda asaase ano akyirikyiri.+

25 Ɔba kwasea ma ne papa di awerɛhoɔ,

Na ɔhyɛ deɛ ɔwoo no no ahometeɛ.+

26 Ɛnyɛ papa sɛ wɔbɛtwe ɔteneneeni aso,

Na ɛmfata sɛ wɔbɛbɔ onimuonyamfoɔ mmaa.

27 Onipa a ɔwɔ nimdeɛ hwɛ ne nsɛm yie,+

Na deɛ ɔwɔ nhunumu to ne bo ase.*+

28 Kwasea mpo, sɛ ɔmua n’ano a, wɔbu no onyansafoɔ,

Na deɛ ɔka n’ano tom no, wɔbu no sɛ ɔwɔ nhunumu.

18 Obiara a ɔte ne ho no, deɛ ɔno ara pɛ na ɔdi akyire;

Ɔpo nyansa nyinaa.*

 2 Kwasea ani nnye nteaseɛ ho,

Na mmom deɛ ɛwɔ n’akomam na ɔyi no adi.+

 3 Sɛ ɔbɔnefoɔ ba a, animtiabuo nso ba,

Na animguaseɛ ne aniwuo na ɛnam.+

 5 Ɛnyɛ papa sɛ wobɛyɛ animhwɛ na woadi ama ɔbɔnefoɔ,+

Na ɛnyɛ papa nso sɛ wobɛbu ɔteneneeni atɛnkyea.+

6 Kwasea anom asɛm de ntɔkwa ba,+

Na n’ano frɛfrɛ ɛhweɛ.+

 7 Kwasea ano na ɛsɛe no,+

Na n’ano na ɛsum ne nkwa* fidie.

 8 Deɛ ɔsɛe nkurɔfoɔ din no, ne nsɛm te sɛ aduane a ɛyɛ dɛ;*+

Nkurɔfoɔ memene kɔgu wɔn yafunu mu tɔnn.+

 9 Obiara a ɔyɛ akwadworɔ wɔ n’adwuma ho no,

Ne nua ne ɔdesɛefoɔ.+

11 Osikani ahonyadeɛ ne ne kuro a ɛyɛ den;

N’ani so no, ɛte sɛ fasuo a ɛbɔ ne ho ban.+

12 Sɛ onipa akoma ma ne ho so a, deɛ ɛdi akyire ba ne ahweaseɛ,+

Na ahobrɛaseɛ ba a, deɛ ɛdi akyire ba ne animuonyam.+

13 Sɛ obi bua asɛm ansa na wate emu nokorɛ a,

Ɛyɛ nkwaseasɛm ne animguaseɛ ma no.+

14 Onipa honhom tumi boa no wɔ ne yareɛ mu,+

Na honhom a abubuo* deɛ, hwan na ɔbɛtumi asoa?+

15 Onipa a ɔwɔ nteaseɛ no, n’akoma nya nimdeɛ,+

Na anyansafoɔ aso hwehwɛ nimdeɛ.

16 Onipa akyɛdeɛ bue kwan ma no;+

Ɛde no kɔ nnipa atitire anim.

17 Deɛ ɔdi kan ka n’asɛm no, anhwɛ a wobɛka sɛ n’asɛm yɛ dɛ,+

Kɔsi sɛ deɛ ɔne no anya asɛm no bɛba na wabɛbisabisa no nsɛm.*+

18 Sɛ wɔbɔ ntonto a, ɛma akyinnyeɛ to twa,+

Na ɛpata atumfoɔ a mente-me-ho-ase aba wɔn ntam.

19 Onua a wɔafom no no, n’asɛm yɛ den sene kuro a wɔato ho fasuo;+

Na mansotwe bi wɔ hɔ a, ɛte sɛ nnadeɛ a wɔde abram abankɛseɛ akyi.+

20 Onipa anom aba na ɛhyɛ ne yafunu ma;+

Na deɛ ɛfiri n’anom ba* na ɛbɛmee no.

21 Owuo ne nkwa wɔ kɛtrɛma nsam;*+

Wɔn a wɔpɛ sɛ wɔde yɛ adwuma no bɛdi so aba.+

22 Deɛ wanya ɔyere pa no, wanya adepa,+

Na Yehowa bɛgye no atom.*+

23 Ohiani rekasa a ɔpa kyɛw,

Na osikani reyi ano a, ɔtu ne nsɛm bumbum.

24 Ayɔnkofoɔ bi wɔ hɔ a, obiara nya ne yɔnko a, ɔremfa ne ho nkyɛ no,+

Na adamfoɔ bi deɛ, ɔntwe ne ho da,* ɔkyɛn onua mpo.+

19 Ɛyɛ sɛ wobɛyɛ ohiani a n’abrabɔ di mu+

Sene sɛ wobɛyɛ kwasea na woadi atorɔ.+

 2 Onipa* a ɔnni nimdeɛ no nyɛ,+

Na deɛ ɔpere ne ho* no, ɔyɛ bɔne.

3 Onipa nkwaseasɛm na ɛma ne kwan kyea,

Na ne bo fu Yehowa n’akoma mu.

 4 Ahonyadeɛ ma onipa nya nnamfoɔ pii,

Na ohiani deɛ, n’adamfo mpo bɛtwe ne ho afiri ne ho.+

5 Onipa a ɔdi adanseɛ a ɛnyɛ nokorɛ no, ɔbɛnya asotwe,+

Na deɛ ɔtwa nkontompo daa no, ɔremfa ne ho nni.+

 6 Nnipa pii pɛ sɛ wɔnya otitire* anim animuonyam,

Na obiara adamfo ne onipa a ɔkyɛ adeɛ.

 7 Ohiani nuanom nyinaa tan no;+

Ne nnamfo mpo deɛ, wɔatwe wɔn ho afiri ne ho!+

 9 Onipa a ɔdi adanseɛ a ɛnyɛ nokorɛ no, ɔbɛnya asotwe,

Na deɛ ɔtwa nkontompo daa no, ɔbɛyera.+

10 Asetena pa mfata kwasea;

Na akoa deɛ, ɛmfata koraa sɛ ɔbɛdi mpanimfoɔ so!+

11 Onipa nhunumu ma ɔtwentwɛn n’abufuo ase,+

Na ɛyɛ animuonyam ma no sɛ ɔbɛbu n’ani agu mfomsoɔ* so.*+

12 Ɔhene abufuo te sɛ gyata* mmobɔmu,+

Na n’anim animuonyam te sɛ wura so bosuo.

13 Ɔba kwasea ma ne papa hunu amane,+

Na ɔyere a ɔpɛ ntɔkwa* no, ɔte sɛ ɛdan a ɛnwunu a ɛnnyae da.+

14 Efie ne ahonyadeɛ yɛ agyapadeɛ a wɔnya firi agyanom hɔ,

Na ɔyere badwemma deɛ, ɔfiri Yehowa.+

15 Aniha ma obi da hatee,

Na ɛkɔm bɛde kwadwofoɔ.*+

16 Deɛ ɔdi mmara nsɛm so no kora ne nkwa* so;+

Deɛ ɔyɛ n’akwan basabasa no bɛwu.+

17 Deɛ ɔdom mmɔborɔwa no, ɔde bɔ Yehowa bosea,*+

Na deɛ wayɛ no, Ɔbɛhyɛ no ananmu.*+

18 Berɛ a anidasoɔ wɔ hɔ yi, tene wo ba;+

Mma ɛnnkɔba sɛ wo na woama no awuo.*+

19 Onipa a ne bo fu ntɛmntɛm no, wɔbɔ no ka;

Sɛ woyɛ sɛ wobɛgyaa no a, wobɛgyaa no asan agyaa no bio.+

20 Tie afotuo na gye ntenesoɔ tom,+

Na ama woahunu nyansa daakye.+

21 Onipa akomam nhyehyɛeɛ dɔɔso,

Nanso deɛ Yehowa abɔ ne tirim no, ɛno na ɛbɛgyina.+

22 Adeɛ a ɛyɛ fɛ wɔ onipa ho ne ne dɔ a ɛnni hwammɔ;+

Sɛ ɛhia wo a, ɛyɛ sene sɛ wobɛyɛ ɔtorofoɔ.

23 Yehowa suro kɔwie nkwa mu.+

Deɛ ɔsuro no no, n’asom dwo no, na bɔne biara rento no.+

24 Ɔkwadwofoɔ de ne nsa ato ayowa mu,

Nanso ɔnha ne ho mpo sɛ ɔde bɛkɔ n’ano.+

25 Bɔ fɛdifoɔ,+ na ɛbɛma ogyimifoɔ ahunu nyansa;+

Kasa kyerɛ obi a ɔwɔ nteaseɛ, na ɛbɛma ne nimdeɛ adɔɔso.+

26 Deɛ ɔyɛ ne papa basabasa na ɔpamo ne maame no,

Ɔyɛ ɔba a ne ho yɛ aniwu ne animguaseɛ ba.+

27 Me ba, sɛ wogyae ntenesoɔ tie a,

Wobɛmane afiri nsɛm a ɛma nimdeɛ ho.

28 Ɔdansefoɔ a ne so nni mfasoɔ di atɛntenenee ho fɛ,+

Na abɔnefoɔ ano memene bɔne.+

29 Atemmuo wɔ hɔ ma fɛdifoɔ,+

Na mmaa wɔ hɔ ma nkwaseafoɔ akyi.+

20 Nsã* yɛ fɛdifoɔ,+ nsã a ano yɛ den yɛ basabasa;+

Obiara a ɔdi akyire fom kwan no, ɔnnim nyansa.+

 2 Ɔhene ho hu te sɛ gyata* mmobɔmu;+

Obiara a ɔhyɛ no abufuo no, ɔde ɔno ara ne nkwa di agorɔ.+

3 Ɛyɛ animuonyam ma onipa sɛ ɔbɛtwe ne ho afiri akasakasa ho,+

Na obiara a ɔyɛ kwasea deɛ, ɔde ne ho gye mu.+

 4 Ɔkwadwofoɔ mfuntum asaase awɔberɛ,*

Enti sɛ ɛduru twaberɛ a ɔnni hwee a, ɔbɛsrɛsrɛ adeɛ.*+

 5 Onipa akomam nsusuiɛ* te sɛ nsuo a emu dɔ,

Nanso onipa a ɔwɔ nhunumu bɛsa.

 6 Nnipa pii bɔ wɔn dɔ a ɛnni hwammɔ ho dawuro,

Nanso onipa a ɔyɛ nokwafoɔ deɛ, ne ho yɛ na!

 8 Sɛ ɔhene tena ahennwa so sɛ ɔrebu atɛn a,+

Ɔde n’ani huhu asɛm so yiyi bɔne nyinaa gu.+

9 Hwan na ɔbɛtumi aka sɛ: “Mate m’akomam;+

Me ho ate afiri me bɔne ho”?+

10 Asisie nkariboɔ ne asisie susudeɛ;*

Ne nyinaa yɛ Yehowa akyiwadeɛ.+

11 Abɔfra mpo, wɔde ne nneyɛɛ na ɛhu no;

Ɛno na wɔde hunu sɛ ne suban ho te, na ɛyɛ.+

12 Aso a ɛte asɛm ne ani a ɛhunu adeɛ;

Yehowa na ɔyɛɛ mmienu no nyinaa.+

14 Deɛ ɔretɔ adeɛ ka sɛ: “Ɛnyɛ, ɛnyɛ!”

Afei ɔfiri hɔ kɔ, na ɔhoahoa ne ho.+

15 Sika kɔkɔɔ wɔ hɔ, na ɛpo mu abohene* pii nso wɔ hɔ,

Nanso ano a ɛma nimdeɛ yɛ adeɛ a ɛsom bo.+

16 Sɛ ɔbarima di agyinamu ma ɔhɔhoɔ a, gye ne ntoma;+

Sɛ ɔdii agyinamu maa ɔbaa hɔhoɔ* a, ɛnneɛ gye adeɛ a ɔde sii awowa no firi ne nsam.+

17 Aduane a wɔnam nnaadaa so nya no, ɛyɛ onipa dɛ,

Nanso akyire yi, mmoseaa bɛyɛ n’anom ma.+

18 Adwentoatoa* na ɛma nhyehyɛeɛ gyina;+

Fa akwankyerɛ pa kɔ wo ko.+

19 Deɛ ɔsɛe nkurɔfoɔ din no, ɔnenam na ɔreyi kokoam nsɛm* adi;+

Wo ne obi a ɔpɛ nsekuro* mmmɔ.

20 Obiara a ɔdome ne papa ne ne maame no,

Sɛ esum ba a, ne kanea bɛdum.+

21 Agyapadeɛ a wɔde adufudepɛ nyaa mfitiaseɛ no,

N’awieeɛ renyɛ nhyira.+

23 Asisie nkariboɔ* yɛ Yehowa akyiwadeɛ,

Na nkontompo nsenia* nyɛ.

24 Yehowa na ɔkyerɛ sɛdeɛ onipa bɛtutu n’anammɔn;+

Onipa deɛ, ɛbɛyɛ dɛn na wate ɔno ara ne kwan ase?*

26 Ɔhene nyansafoɔ huhu so yi abɔnefoɔ gu,+

Na ɔde afidie a wɔde poro hwiit fa wɔn so.+

27 Onipa home te sɛ Yehowa kanea,

Ɛhwehwɛ deɛ ahinta biara wɔ onipa mu.

28 Ɔdɔ a ɛnni hwammɔ ne nokorɛ bɔ ɔhene ho ban;+

Ɔdɔ a ɛnni hwammɔ na ɛma n’ahennwa tim.+

29 Mmeranteɛ animuonyam ne wɔn ahoɔden,+

Na nkɔkoraa animuonyam ne wɔn tiri so dwene.+

30 Akuro ne opira yi bɔne;*+

Na ɛhweɛ hohoro onipa mu tɔnn.

 2 Onipa akwan nyinaa yɛ papa wɔ n’ani so,+

Nanso Yehowa na ɔhwehwɛ akoma* mu.+

 3 Sɛ obi yɛ adetenenee na ɔyɛ deɛ ɛtene a,

Ɛsɔ Yehowa ani sene afɔrebɔ.+

 4 Ahantan ani ne ahantan akoma,

Ɛno ne kanea a ɛkyerɛ abɔnefoɔ kwan; ne nyinaa yɛ bɔne.+

 5 Nsiyɛfoɔ nhyehyɛeɛ bɛwie yie,*+

Na obiara a ɔpere ne ho deɛ, ohia na ɛbɛhia no.+

 6 Agyapadeɛ a wɔde atorɔ kɛtrɛma nya no,

Ɛte sɛ ntutuo a ɛhu kɔ; ɛyɛ fidie a ɛdi awuo.*+

 7 Abɔnefoɔ awudisɛm na ɛbɛpra wɔn akɔ,+

Ɛfiri sɛ wɔmpɛ sɛ wɔde atɛntenenee yɛ adwuma.

 8 Ɔbarima a ɔdi fɔ no, ne kwan akyea,

Na ɔteneneeni deɛ, ne nnwuma tene.+

 9 Ɛyɛ sɛ wobɛtena mmantwea baabi wɔ ɛdan atifi,

Sene sɛ wo ne ɔyere a ɔpɛ ntɔkwa* bɛtena efie baako mu.+

10 Ɔbɔnefoɔ* kɔn dɔ bɔne;+

Ɔnhu ne yɔnko mmɔbɔ.+

11 Sɛ wɔtwe fɛdifoɔ aso a, ogyimifoɔ sua nyansa,

Na sɛ onyansafoɔ nya nhunumu a, ɔnya nimdeɛ.*+

12 Ɔteneneeni No hwɛ ɔbɔnefoɔ fie;

Ɔtu abɔnefoɔ ase ma wɔsɛe.+

13 Obiara a mmɔborɔwafoɔ su a, ɔsisi n’aso no,

Ɔno nso bɛfrɛ, na wɔrennye no so.+

14 Akyɛdeɛ a wɔde ma wɔ kokoam dwodwo abufuo,+

Na adanmudeɛ* a wɔde ma wɔ ahintaeɛ mu dwodwo abufuhyeɛ.

15 Ɛyɛ anigye ma ɔteneneeni sɛ ɔde atɛntenenee bɛyɛ adwuma,+

Na abɔnefoɔ deɛ, ɛyɛ biribi a ɛyɛ hu ma wɔn.

16 Onipa a ɔmane firi nhunumu kwan so no,

Ɔbɛhome wɔ awufoɔ asafo mu, wɔn a wɔntumi nyɛ hwee no.+

17 Deɛ ɔpɛ anigyeɛ no,* ɛbɛhia no;+

Na deɛ ɔpɛ nsã* na n’ani gye ngo ho no, ɔrennya sika.

18 Wɔde ɔbɔnefoɔ bɛyɛ agyedeɛ ama ɔteneneeni,

Na wɔde nkontomponi bɛsi ɔteneneeni anan.+

19 Ɛyɛ sɛ wobɛtena serɛ so

Sene sɛ wo ne ɔyere gyegyefoɔ a ɔpɛ ntɔkwa bɛtena.+

20 Agyapadeɛ a ɛsom bo ne ngo wɔ onyansafoɔ fie,+

Na kwasea deɛ, ɔbɛsɛe* deɛ ɔwɔ.+

21 Obiara a ɔhwehwɛ tenenee ne ɔdɔ a ɛnni hwammɔ no,

Ɔbɛnya nkwa ne tenenee ne animuonyam.+

22 Onyansafoɔ bɛtumi aforo akatakyie kuro*

Na wakɔsɛe ahoɔden a wɔde wɔn ho ato so no.+

23 Deɛ ɔhwɛ n’ano ne ne kɛtrɛma yie no,

Ɔyi ne ho* firi ɔhaw mu.+

24 Ɔhantanni a abufuo ahyɛ no ma no,

Wɔbɛfrɛ no ɔhantanni a ɔhoahoa ne ho a ɔdwa n’anom.+

25 Ɔkwadwofoɔ akɔnnɔdeɛ na ɛbɛku no,

Ɛfiri sɛ ɔmfa ne nsa nyɛ adwuma.+

26 Daa nyinaa n’ani bere adeɛ papaapa.

Ɔteneneeni deɛ, ɔkyɛ adeɛ, na ɔmfa hwee nkame obiara.+

28 Deɛ ɔdi adanseɛ a ɛnyɛ nokorɛ no, ɔbɛyera,+

Na onipa a ɔtie asɛm no, n’adanseɛ bɛgyina.*

29 Ɔbɔnefoɔ yɛ n’anim sɛ ɔwɔ akokoɔduro ara ma,+

Nanso ɔteneneeni na n’akwan bɛwie yie.*+

31 Wɔsiesie pɔnkɔ ma ɛko da,+

Nanso Yehowa na nkwagyeɛ yɛ ne dea.+

22 Hwehwɛ din pa,* na ɛnyɛ ahonyadeɛ pii;+

Nkurɔfoɔ bu wo a,* ɛyɛ sene dwetɛ ne sika kɔkɔɔ.

 3 Onyansafoɔ* hunu asiane, na ɔde ne ho sie,

Na ogyimifoɔ deɛ, ɛno ara ne sɛ ɔrekɔ, na ɔtwa so aba.*

 4 Deɛ ahobrɛaseɛ ne Yehowa suro de ba ne

Ahonyadeɛ ne animuonyam ne nkwa.+

 5 Nkasɛɛ ne mfidie wɔ nkontomponi kwan mu,

Na obiara a ne nkwa* ho hia no deɛ, ɔtwe ne ho firi ho kɔ akyirikyiri.+

 6 Kyerɛkyerɛ abɔfra* ɛkwan a ɔmfa so,+

Na sɛ ɔnyini mpo a, ɔremmane mfiri ho.+

 7 Osikani di ohiani so,

Na deɛ ɔgye bosea no, ɔyɛ akoa ma deɛ ɔbɔɔ no bosea no.+

 8 Deɛ ɔdua bɔne no, ɔbɛtwa amanehunu,+

Na n’abufuo abaa awieeɛ bɛba.+

9 Onipa a ne yam yɛ* no, ɔbɛnya nhyira,

Ɛfiri sɛ ɔne ohiani kyɛ n’aduane.+

10 Pamo fɛdifoɔ,

Na akasakasa bɛgyae;

Twe-ma-mentwe* ne adapaatwa to bɛtwa.

11 Deɛ ɔdɔ akoma a emu teɛ a ne kasa ho wɔ nyam no,

Ɔhene bɛfa no adamfoɔ.+

12 Yehowa ani bɔ nimdeɛ ho ban,

Na nkontompofoɔ nsɛm deɛ, ɔbutu no.+

15 Agyimisɛm kyekyere abɔfra* akoma ho,+

Na ntenesoɔ abaa bɛyi afiri ne ho akɔ akyirikyiri.+

16 Deɛ ɔsisi ohiani de nya ne ho+

Ne deɛ ɔkyɛ osikani adeɛ no,

Ohia na ɛbɛhia wɔn.

17 Yɛ aso na tie anyansafoɔ nsɛm,+

Sɛdeɛ ɛbɛyɛ a wode me nimdeɛ bɛto w’akoma so.+

18 Ɛfiri sɛ ɛyɛ sɛ wode bɛsie w’akomam,+

Sɛdeɛ ɛbɛyɛ a ne nyinaa bɛda w’ano daa.+

19 Deɛ ɛbɛyɛ a wode wo ho bɛto Yehowa so no,

Merema wo nimdeɛ nnɛ.

20 Matwerɛ wo dada,

Na matu wo fo ama wo nimdeɛ,

21 Sɛ ɛnkyerɛ wo nsɛm a ɛyɛ nokorɛ a ɛnni hwammɔ,

Sɛdeɛ ɛbɛyɛ a wobɛtumi de amanneɛbɔ a ɛyɛ nokorɛ akɔma deɛ ɔsomaa wo no.

22 Nsisi ohiani, ɛsiane sɛ ɔyɛ ohiani nti,+

Na ntiatia mmɔborɔwa so wɔ kuro pono ano.+

23 Ɛfiri sɛ Yehowa ankasa bɛdi wɔn asɛm ama wɔn,+

Na obiara a ɔsisi wɔn no, Ɔbɛgye ne nkwa* afiri ne nsam.

24 Wo ne onipa a ne bo fu ntɛmntɛm mmfa yɔnko,

Na wo ne onipa a ne koko ha no mmmɔ,

25 Na woansua n’akwan da,

Na woansum wo ho* fidie.+

26 Mfa wo ho mfra wɔn a wɔkyeakyea nkurɔfoɔ nsam de di agyinamu no,

Wɔn a wɔsi awowa no.+

27 Sɛ woannya deɛ wode bɛtua a,

Wɔbɛyi wo mpa afiri w’ase!

28 Mpiapia ɛhyeɛ a ɛwɔ hɔ firi tete no,

Deɛ w’agyanom atwa ato hɔ no.+

Ahemfo anim na ɔbɛgyina;+

Ɔrennyina onipa biara kɛkɛ anim.

23 Sɛ wotena ase sɛ wo ne ɔhene rebɛdidi a,

Susu deɛ ɛsi w’anim no ho yie;

 2 Sɛ woyɛ obi a wopɛ aduane paa* a,

Ɛnneɛ fa sekan to wo mene mu.*

3 Mma wo kɔn nnnɔ n’aduane sɔkyee* no,

Ɛfiri sɛ ɛyɛ nnaadaa aduane.

 5 Sɛ woto w’ani hwɛ ahonyadeɛ no a, worenhu,+

Ɛfiri sɛ sɛdeɛ ɛteɛ biara, ɛbɛfu ntaban te sɛ ɔkɔdeɛ na atu akɔ wiem.+

 6 Nni obi a ɔyɛ pɛpɛɛ* aduane,

Na mma wo kɔn nnnɔ n’aduane sɔkyee* no,

 7 Ɛfiri sɛ ɔte sɛ obi a deɛ wodie biara ɔbu ho akonta.*

 8 Deɛ woadie no, wobɛfe aba,

Na kamfo a wokamfoo no nyinaa bɛyɛ kwa.

9 Nkasa ngu kwasea asom,+

Na ɔbɛbu wo nsɛm a nyansa wom no animtia.+

10 Mpiapia ɛhyeɛ a ɛwɔ hɔ firi tete no,+

Na nnidi nkɔ agyanka afuo mu.

11 Ɛfiri sɛ wɔn Kamafoɔ* no ho yɛ den;

Ɔbɛko ama wɔn na wadi atia wo.+

12 Fa w’akoma gye ntenesoɔ tom,

Na fa w’aso tie nsɛm a ɛma nimdeɛ.

14 Fa abaa hwe no,

Na woagye no* afiri Adamena* mu.

15 Me ba, sɛ w’akoma hunu nyansa a,

Ɛnneɛ me ara m’akoma bɛdi ahurisie.+

16 Sɛ w’ano ka nsɛm a ɛtene a,

M’ani bɛgye wɔ me mu.*

17 Mma w’akoma ani mmmere abɔnefoɔ,+

Mmom suro Yehowa daa nyinaa.+

18 Woyɛ saa a, ɛbɛsi wo yie daakye,+

Na wɔrentwa w’anidasoɔ ntwene.

19 Me ba, tie na yɛ nyansafoɔ,

Na ma w’akoma mfa kwantenenee so.

20 Nkɔka wɔn a wɔnom nsã* pii+

Ne wɔn a wɔdi nam fuu no ho.+

21 Ɛfiri sɛ ɛbɛhia asabofoɔ ne adidifoɔ,*+

Na deɛ ɔtɔ nko no, ntomago na ɔbɛfira.

22 Tie wo papa a ɔwoo wo no,

Na mmu wo maame animtia ɛsiane sɛ wabɔ aberewa nti.+

23 Tɔ* nokorɛ, na ntɔn da,+

Tɔ nyansa ne ntenesoɔ ne nteaseɛ nso.+

24 Anigyeɛ na ɔteneneeni papa bɛnya;

Ɔba nyansafoɔ papa bɛdi ne ho ahurisie.

25 Wo papa ne wo maame bɛdi ahurisie,

Na wo maame a ɔwoo wo ani agye.

26 Me ba, fa w’akoma ma me,

Na ma w’ani nnye m’akwan ho.+

27 Na tuutuuni yɛ amena a emu dɔ,

Na ɔbaa a ne bra asɛe* yɛ abura a emu kwan sua.+

28 Ɔtetɛ te sɛ korɔmfo-werɛmfoɔ;+

Na ɔma mmarima a wɔnka nokorɛ dɔɔso.

30 Ɛyɛ wɔn a wɔtena nsã* ho kyɛ;+

Wɔn a wɔkɔhwehwɛ nsã* a wɔafrafra.*

31 Nhwɛ nsã* a ani yɛ kɔɔ

Berɛ a ɛretwa ahuro wɔ kuruwa mu, na ɛkɔ yɔɔ no.

32 Ɛfiri sɛ ɛbɛwie aseɛ no, ɛbɛka te sɛ ɔwɔ,

Na ɛbɛpu borɔ te sɛ ahuritia.*

33 Wobɛhunu nneɛma wɔ w’ani so,

Na w’akoma bɛkeka nsɛnhunu.+

34 Wobɛyɛ sɛ obi a ɔda ɛpo mfimfini,

Na wobɛyɛ sɛ obi a ɔda po so hyɛn dua so.

24 Mma w’ani mmmere abɔnefoɔ,

Na mma wo kɔn nnnɔ sɛ wo ne wɔn bɛbɔ.+

 2 Ɛfiri sɛ wɔn akoma dwene awudisɛm ho,

Na wɔn ano keka mmusuo.

 3 Nyansa na wɔde si fie,*+

Na nhunumu na ɛma ɛgyina.

 4 Nimdeɛ na wɔde nya nneɛma hyɛ emu adan ma,

Nneɛma a ɛsom bo ne afɛfɛdeɛ nyinaa bi.+

 5 Onyansafoɔ ho yɛ den,+

Na nimdeɛ ma onipa ahoɔden dɔɔso.

 6 Akwankyerɛ pa na wode bɛkɔ wo ko,+

Na afotufoɔ* dodoɔ mu na nkonimdie wɔ.*+

7 Kwasea deɛ, ne nsa ntumi nka nyansa;*+

Ɔnni hwee ka wɔ kuro pono ano.

8 Obiara a ɔbɔ pɔ bɔne no,

Wɔbɛfrɛ no adwemmɔnefoɔ hene.+

 9 Nkwaseadwene yɛ bɔne,

Na nkurɔfoɔ kyiri fɛdifoɔ.+

10 Sɛ w’aba mu bu amanehunu da* mu a,

W’ahoɔden bɛyɛ ketewaa bi.

11 Gye wɔn a wɔde wɔn rekɔ owuo mu,

Na gye wɔn a wɔrehinhim wɔ okum kwan so no.+

Aane, Deɛ n’ani hwɛ wo* no bɛhunu,

Na ɔbɛtua onipa biara ka sɛdeɛ ne nnwuma teɛ.+

13 Me ba, di ɛwoɔ, ɛfiri sɛ ɛyɛ;

Ɛwoɔ a ɛfiri ɛwoɔkyɛm mu yɛ dɛ paa.

Sɛ wonya bi a, ɛbɛsi wo yie daakye,

Na wɔrentwa w’anidasoɔ ntwene.+

15 Nyɛ wo ho sɛ ɔbɔnefoɔ nkɔtɛ baabi a ɛbɛn ɔteneneeni fie;

Nsɛe baabi a ɔgye n’ahome.

16 Sɛ ɔteneneeni hwe ase mprɛ nson mpo a, ɔbɛsan asɔre;+

Na abɔnefoɔ deɛ, mmusuo bɛma wɔahwe ase.+

17 Sɛ wo tamfo hwe ase a, nni ahurisie,

Na sɛ biribi to no suntidua a, mma w’akoma ani nnnye.+

18 Anyɛ saa a, Yehowa bɛhunu, na n’ani rennye ho,

Na Ɔbɛdane n’abufuo afiri ne* so.+

19 Mma wo bo mmfu* ɛsiane abɔnefoɔ nti,

Na mma w’ani mmmere nnipabɔnefoɔ.

20 Ɛfiri sɛ anidasoɔ biara nni hɔ mma ɔbɔnefoɔ biara;+

Na wɔbɛdum abɔnefoɔ kanea.+

Na wo ne atuatefoɔ* mmmɔ,+

22 Ɛfiri sɛ wɔn amanehunu bɛba prɛko pɛ.+

25 Na wɔn a wɔkasa kyerɛ no deɛ, ɛbɛsi wɔn yie;+

Wɔde nneɛma pa bɛhyira wɔn.+

27 Yɛ w’abɔnten adwuma wie, na toto biribiara kama wɔ w’afuo mu;

Wowie a, na woasi wo fie.*

29 Nka sɛ: “Deɛ wayɛ me no, saa ara na me nso mɛyɛ no;

Deɛ ɔyɛɛ me no, mɛyɛ no bi atua ka.”+

30 Metwaam wɔ kwadwofoɔ afuo ho,+

Na mekɔfaa ɔbarima a wagyimi* bobefuo* ho.

31 Mehuu sɛ nwura agye afa;

Nsansono afa aseɛ nyinaa,

Na aboɔ a wɔde agye ho ban no abubu.+

32 Mehwɛeɛ, na medwenee ho wɔ m’akomam;

Mehunuiɛ, na deɛ mesuaeɛ nie:*

33 Mereda kakra, meretɔ nko kakra,

Merebobɔ me nsa ahome kakra;

34 Wode saa ara na wo hia aba sɛ korɔmfoɔ,

Na w’ahokyerɛ aba sɛ korɔmfo-werɛmfoɔ.+

 2 Onyankopɔn animuonyam ne asɛm a wɔkora so,+

Na ahemfo animuonyam ne sɛ wɔbɛhwehwɛ asɛm mu.

 3 Sɛdeɛ ɔsoro ware na asaase mu dɔ no,

Saa ara na ahemfo akomam teɛ; wɔrentumi nhwehwɛ mu nwie.

 4 Yiyi dwetɛ mu fĩ,

Na ne nyinaa bɛyɛ dwetɛ amapa.+

 5 Yi ɔbɔnefoɔ firi ɔhene anim,

Na n’ahennwa bɛtim wɔ tenenee mu.+

 6 Nhyɛ wo ho animuonyam wɔ ɔhene anim,+

Na nkɔgyina baabi a atitire gyina.+

 7 Ɛfiri sɛ ɛyɛ sɛ ɔbɛka akyerɛ wo sɛ: “Bra soro ha,”

 8 Mpere wo ho nkɔtwe manso,

Na sɛ akyire yi wo yɔnko gu w’anim ase a, deɛn na wobɛyɛ?+

 9 Wo ne wo yɔnko wɔ asɛm a, wo ne no nsiesie,+

Na nyi kokoam nsɛm* adi,+

10 Sɛdeɛ ɛbɛyɛ a, deɛ ɔretie wo no rengu w’anim ase,

Na woankeka nsɛmmɔne* a worentumi ntwe nsan.

11 Sɛdeɛ sika kɔkɔɔ aduaba* a ɛgu dwetɛ anwenneɛ* mu teɛ no,

Saa ara na asɛm a wɔka no wɔ berɛ a ɛfata mu teɛ.+

12 Sɛdeɛ sika kɔkɔɔ asomuadeɛ ne sika kɔkɔɔ amapa agudeɛ teɛ no,

Saa ara na onyansafoɔ a ɔkasa kyerɛ nkurɔfoɔ nso teɛ ma aso a ɛtie asɛm.+

13 Sɛdeɛ sukyerɛmma nwunu teɛ wɔ twaberɛ mu no,

Saa ara na ɔsomafoɔ nokwafoɔ teɛ ma wɔn a wɔsomaa no no,

Ɛfiri sɛ ɔma ne wura* ho dwo no.+

14 Sɛdeɛ mununkum ne mframa a nsuo nni mu teɛ no,

Saa ara na onipa a ɔdwa n’anom sɛ ɔbɛkyɛ adeɛ nanso ɔnkyɛ no* teɛ.+

15 Ntoboaseɛ na wɔde sesa ɔsahene adwene,

Na kɛtrɛma a ɛdwoɔ* tumi bu dompe mu.+

16 Sɛ wonya ɛwoɔ a, di deɛ wohia nko ara,

Ɛfiri sɛ wodi boro so a, anhwɛ a wobɛfe.+

17 Ntaa nkɔ* wo yɔnko fie,

Anyɛ saa a, wo ho bɛfono no ama no atan wo.

18 Sɛdeɛ aporibaa a wɔde kɔ ɛko ne sekan ne agyan a ano yɛ nnam teɛ no,

Saa ara na onipa a ɔdi ne yɔnko ho adanseɛ a ɛnyɛ nokorɛ no teɛ.+

19 Sɛdeɛ ɛse a abubuo, ne nan a afirikyi teɛ no,

Saa ara na ahotɔsoɔ a wɔnya wɔ nkontomponi* mu wɔ amanehunu berɛ mu no teɛ.

20 Deɛ ɔto nnwom kyerɛ akoma a ɛredi awerɛhoɔ no,

Ɔte sɛ obi a ɔyi n’ataadeɛ wɔ awɔ berɛ mu,

Anaa nsã a emu keka a wɔhwie gu nkyene* so.+

21 Sɛ ɛkɔm de wo tamfo a,* ma no aduane nni;

Sɛ sukɔm de no a, ma no nsuo nnom,+

22 Woyɛ saa a, na woreboaboa nnyasramma ano agu n’apampam,*+

Na Yehowa bɛma wo akatua.

23 Atifi mframa ma nsuo tɔ,

Na kɛtrɛma a ɛdi nsekuro ma onipa muna.+

24 Ɛyɛ sɛ wobɛtena mmantwea baabi wɔ ɛdan atifi

Sene sɛ wo ne ɔyere a ɔpɛ ntɔkwa* bɛtena efie baako mu.+

25 Sɛdeɛ nsuonwunu yɛ ɔkra* a wabrɛ no,

Saa ara na amanneɛbɔ pa a ɛfiri akyirikyiri asaase so teɛ.+

26 Sɛdeɛ asutire a wɔayɛ no fĩ ne abura a asɛe teɛ no,

Saa ara na ɔteneneeni a ɔgyaa ne ho ma ɔbɔnefoɔ* teɛ.

27 Ɛnyɛ papa sɛ wobɛdi ɛwoɔ pii,+

Na animuonyam biara nnim sɛ obi bɛhwehwɛ ɔno ara n’animuonyam.+

28 Sɛdeɛ kuro a wɔabubu n’afasuo teɛ no,

Saa ara na onipa a ɔntumi nhyɛ n’abufuo so* teɛ.+

26 Sɛdeɛ sukyerɛmma ntɔ ahuhuro berɛ mu, na nsuo ntɔ twaberɛ mu no,

Saa ara na animuonyam mfata kwasea.+

 2 Sɛdeɛ anomaa nnwane kwa, na asomfena ntu kwa no,

Saa ara na nnome mma kwa.*

 3 Abaa* wɔ hɔ ma pɔnkɔ, nnareka wɔ hɔ ma afunumu,+

Na abaa wɔ hɔ ma nkwaseafoɔ akyi.+

 4 Mma kwasea mmuaeɛ sɛdeɛ ne nkwaseasɛm teɛ,

Na woanyɛ sɛ ɔno.*

 5 Ma kwasea mmuaeɛ wɔ ne nkwaseasɛm ho,

Na n’adwene anyɛ no sɛ ɔnim nyansa.+

6 Deɛ ɔde asɛm hyɛ kwasea nsa no,

Ɔte sɛ onipa a ɔbubu ɔno ara ne nan na ɔpira ne ho.*

 7 Sɛdeɛ apakye nan wosowoso* no,

Saa ara na abebusɛm teɛ wɔ nkwaseafoɔ anom.+

 8 Sɛdeɛ ɛboɔ a wɔde ataaboɔ akyekyere teɛ no,

Saa ara na kwasea a wɔhyɛ no animuonyam teɛ.+

 9 Sɛdeɛ nkasɛɛ dua teɛ wɔ ɔsabofoɔ nsam no,

Saa ara na nkwaseafoɔ anom abebusɛm teɛ.

10 Sɛdeɛ obi a ɔto agyan pirapira nkurɔfoɔ basabasa* teɛ no,

Saa ara na obi a ɔbɔ nkwaseafoɔ anaa wɔn a wɔretwam paa no teɛ.

11 Sɛdeɛ kraman a ɔsan kɔ ne feɛ ho teɛ no,

Saa ara na kwasea tĩ ne nkwaseasɛm mu.+

13 Ɔkwadwofoɔ ka sɛ: “Gyata a ne ho yɛ den wɔ kwan so,

Gyata bi wɔ abɔnten!”+

14 Sɛdeɛ ɛpono kɔ n’anim ba n’akyi no,*

Saa ara na kwadwofoɔ danedane ne ho wɔ ne mpa so.+

15 Ɔkwadwofoɔ de ne nsa ato ayowa mu,

Nanso wabrɛ dodo sɛ ɔde bɛkɔ n’ano.+

16 Ɔkwadwofoɔ adwene yɛ no sɛ ɔnim nyansa

Sene nnipa nson a wɔma mmuaeɛ a nyansa wom.

17 Deɛ ɔretwam a ntɔkwa a ɛmfa ne ho ma ne bo fu* no,

Ɔte sɛ obi a ɔsɔ kraman aso.+

18 Sɛdeɛ bɔdamfoɔ toto pea a egya wɔ ano ne agyan a ɛdi awuo* no,

19 Saa ara na onipa a ɔdaadaa ne yɔnko na ɔka sɛ: “Ɛyɛ agorɔ na meredie” no teɛ.+

20 Sɛ anyina nni hɔ a, egya dum,

Na sɛ dinsɛefoɔ nni hɔ a, ntɔkwa to twa.+

21 Sɛdeɛ gyabidie wɔ hɔ ma nsramma a ɛredum, na anyina wɔ hɔ ma egya no,

Saa ara na ntɔkwapɛfoɔ soso gya gu akasakasa mu.+

22 Deɛ ɔsɛe nkurɔfoɔ din no, ne nsɛm te sɛ aduane a ɛyɛ dɛ;*

Nkurɔfoɔ memene kɔgu wɔn yafunu mu tɔnn.+

23 Nsɛm a ɛyɛ dɛ* a ɛfiri akoma bɔne mu no,

Ɛte sɛ ayowa sini a wɔde dwetɛ adura ho.+

24 Deɛ ɔtan nkurɔfoɔ no, ɔde n’ano kata ɔtan no so,

Nanso ɔde nnaadaa hyɛ ne mu.

25 Ɔbɛka nsɛm dɛdɛɛdɛ, nanso nnye no nni,

Ɛfiri sɛ akyiwadeɛ nson wɔ n’akoma mu.*

26 Ɔde nnaadaa akata ɔtan no so,

Nanso ne bɔne bɛda adi asafo mu.

27 Deɛ ɔtu amena no, ɔbɛtɔ mu,

Na obiara a ɔpia ɛboɔ no, ɛbɛsan aba ne so.+

28 Atorɔ kɛtrɛma tan wɔn a ɛpira wɔn no,

Na ano a ɛdɛfɛdɛfɛ sɛe adeɛ.+

27 Mfa ɔkyena nhoahoa wo ho,

Na wonnim deɛ ɛda biara de bɛba.*+

 2 Ma obi* nyi wo ayɛ, na ɛnyɛ wo ankasa w’ano;

Ma nkurɔfoɔ* nyɛ, na ɛnyɛ wo ara w’ano.*+

 3 Ɛboɔ mu yɛ duru, na anwea nso mu yɛ duru,

Nanso kwasea agyegyesɛm mu yɛ duru sene ne mmienu nyinaa.+

 4 Abufuo yɛ atirimuɔden, na abufuhyeɛ te sɛ nsuyire,

Na ninkuntwe deɛ, hwan na ɔbɛtumi agyina ano?+

 6 Sɛ adamfoɔ pira wo a, ɛyɛ nokorɛdie ntira,+

Na ɔtamfo mfeano deɛ, ɛdɔɔso.*

 7 Obi a wamee* no, woma no ɛwoɔkyɛm a ɔrennye,*

Na deɛ ɛkɔm de no* deɛ, adeɛ a ɛyɛ nwono mpo yɛ no dɛ.

 8 Sɛdeɛ anomaa a wamane afiri* ne pirebuo ho teɛ no,

Saa ara na onipa a wamane afiri ne fie teɛ.

 9 Ngo ne aduhwam ma akoma di ahurisie,

Saa ara na adamfoɔ a ɔtu fo a ɔmfa biribiara nsie* no ma adamfofa yɛ dɛ.+

10 Nto w’adamfo anaa wo papa adamfo ntwene,

Na nkɔwura wo ara wo nua fie w’amanehunu da;

Ofipamfoɔ a ɔbɛn yɛ sene onua a ɔwɔ akyirikyiri.+

11 Me ba, yɛ nyansafoɔ, na ma m’akoma ntɔ me yam,*+

Na manya asɛm abua deɛ ɔtwa me adapaa.+

12 Onyansafoɔ* hunu asiane, na ɔde ne ho sie,+

Na ogyimifoɔ deɛ, ɛno ara ne sɛ ɔrekɔ, na ɔtwa so aba.*

13 Sɛ ɔbarima di agyinamu ma ɔhɔhoɔ a, gye ne ntoma;

Sɛ ɔdii agyinamu maa ɔbaa hɔhoɔ* a, ɛnneɛ gye adeɛ a ɔde sii awowa no firi ne nsam.+

14 Sɛ obi de nne kɛseɛ hyira ne yɔnko anɔpatutuutu a,

Wɔbɛbu no sɛ nnome ama no.

16 Obiara a ɔbɛtumi adwodwo no no, ɔbɛtumi adwodwo mframa,

Na ɔbɛtumi de ne nsa nifa asɔ ngo mu.

17 Sɛdeɛ dadeɛ se dadeɛ ano no,

Saa ara na onipa nso se n’adamfo anim.+

18 Deɛ ɔhwɛ borɔdɔma dua so no, ɔbɛdi n’aba,+

Na deɛ ɔhwɛ* ne wura no, wɔbɛhyɛ no animuonyam.+

19 Sɛdeɛ obi hunu n’anim wɔ nsuo mu no,

Saa ara na onipa hunu n’akoma wɔ onipa foforɔ deɛ mu.

20 Adamena* ne ɔsɛeɛ amena* mmee da,+

Saa ara na onipa ani nso mmee da.

21 Kukuo a wɔnane adeɛ wom wɔ hɔ ma dwetɛ, ɛnna fononoo wɔ hɔ ma sika kɔkɔɔ;+

Saa ara na nkamfoɔ a onipa nya na wɔde sɔ no hwɛ.*

22 Sɛ wode wɔmma si kwasea

Te sɛ deɛ wɔsi hwiit* wɔ waduro mu mpo a,

Ne nkwaseasɛm no remfiri ne ho.

Hwɛ wo nnwan yie.*+

24 Na ahonyadeɛ rentena hɔ daa,+

Na ahenkyɛ* nso rentena hɔ awoɔ ntoatoasoɔ nyinaa mu.

25 Ɛserɛ mono kɔ, na ɛserɛ foforɔ fifi,

Na wɔboaboa mmepɔ so nhabamma ano.

26 Adwennini nkumaa ma wonya ntoma,

Na mpɔnkyenini ma wonya sika a wɔde tɔ asaase.

27 Wobɛnya mpɔnkye nufosuo pii anom,

Wo fiefoɔ bɛnya bi anom, na wo mmaawa nso bɛnom bi.

28 Abɔnefoɔ dwane berɛ a obiara ntaa wɔn,

Na ateneneefoɔ deɛ, wɔwɔ akokoɔduro te sɛ gyata.*+

 2 Sɛ mmarato* wɔ kuro mu a, ɔhene baako ba a, na ɔkɔ, na foforɔ nso aba,+

Nanso onipa a ɔwɔ nhunumu ne nimdeɛ bɛtumi ama ɔhene atena so akyɛ.+

 3 Ɔbarima hiani a ɔsisi mmɔborɔwafoɔ no,+

Ɔte sɛ nsuo a ɛpra aduane nyinaa kɔ.

 4 Wɔn a wɔmfa mmara nyɛ hwee no yi abɔnefoɔ ayɛ,

Na wɔn a wɔdi mmara so deɛ, wɔn ani bere abɔnefoɔ so.+

 5 Abɔnefoɔ rentumi nte atɛntenenee ase,

Na wɔn a wɔhwehwɛ Yehowa no deɛ, wɔbɛtumi ate biribiara ase.+

 6 Ohiani a n’abrabɔ di mu no,

Ɔyɛ sene sikani a n’akwan aporɔ.+

 7 Ɔba a ɔwɔ nteaseɛ di mmara so,

Na deɛ ɔne adidifoɔ* bɔ deɛ, ɔgu ne papa anim ase.+

 8 Deɛ ɔde nsiho+ ne apoobɔ nya ahonyadeɛ pii no,

Ɔboaboa ano ma deɛ ɔhunu ahiafoɔ mmɔbɔ.+

 9 Deɛ ɔntie mmara no,

Ne mpaebɔ mpo yɛ akyiwadeɛ.+

10 Deɛ ɔdi ateneneefoɔ anim kɔ bɔne kwan so no, ɔbɛtɔ ɔno ankasa amena mu,+

Na wɔn a wɔn ho nni asɛm deɛ, wɔbɛnya adepa sɛ wɔn agyapadeɛ.+

11 Osikani yɛ nyansafoɔ wɔ ɔno ara n’ani so,+

Na ohiani a ɔwɔ nhunumu deɛ, ɔhunu deɛ ɛwɔ sikani no mu.+

12 Sɛ ateneneefoɔ di nkonim a, ɛde animuonyam kɛseɛ ba,

Nanso sɛ abɔnefoɔ bɛdi tumi a, nkurɔfoɔ de wɔn ho sie.+

13 Deɛ ɔkata ne mmarato so no, ɛrensi no yie,+

Na obiara a ɔka ne mmarato na ɔgyae no, wɔbɛhu no mmɔbɔ.+

14 Anigyeɛ ne onipa a daa ɔhwɛ ne ho yie,*

Na obiara a ɔpirim n’akoma deɛ, ɔbɛhwe mmusuo mu.+

15 Sodifoɔ bɔne a ɔdi mmɔborɔwafoɔ so no,+

Ɔte sɛ gyata a ɔbobom ne sisire a ɔde aniberɛ kɔ obi so.

16 Ɔhene a ɔnni nhunumu no, ɔde ne tumi yɛ deɛ ɔpɛ,+

Na deɛ ɔkyiri mfaso bɔne deɛ, ɔbɛma ne nkwa ayɛ tenten.+

18 Deɛ ɔnam tẽẽ no bɛnya nkwa,+

Na deɛ n’akwan akyea deɛ, ɔbɛhwe ase prɛko pɛ.+

19 Deɛ ɔdɔ n’asaase no bɛnya aduane pii,

Na deɛ ɔdi adehunu akyi deɛ, ohia na ɛbɛhia no.+

20 Ɔnokwafoɔ bɛnya nhyira pii,+

Na deɛ ɔrepɛ ntɛm anya ne ho deɛ, ɔremfa ne ho nni.+

21 Ɛnyɛ papa sɛ wobɛyɛ animhwɛ;+

Nanso paanoo sini nti, ɔbarima tumi yɛ bɔne.

22 Oniberefoɔ* repɛ ntɛm anya ne ho,

Nanso ɔnnim sɛ ohia na ɛbɛhia no.

23 Obiara a ɔkasa kyerɛ obi no,+ akyire yi ɔbɛnya animuonyam pii+

Asene deɛ ɔde ne kɛtrɛma dɛfɛdɛfɛ.

25 Odufudepɛfoɔ* hwanyan ntɔkwa mu,

Na obiara a ɔde ne ho to Yehowa so deɛ, ɛbɛsi no yie.*+

26 Obiara a ɔde ne ho to ɔno ankasa n’akoma so yɛ kwasea,+

Na deɛ ɔnante nyansa mu deɛ, wɔbɛgye no.+

27 Obiara a ɔma ahiafoɔ adeɛ no, hwee renhia no,+

Na deɛ ɔyi n’ani firi wɔn so deɛ, ɔbɛnya nnome pii.

28 Sɛ abɔnefoɔ bɛdi tumi a, nnipa de wɔn ho sie;

Na sɛ wɔyera a, ateneneefoɔ dɔɔso.+

29 Onipa a wɔakasa akyerɛ no mprɛ pii a ɔsene ne kɔn no,*+

Wɔbɛbubu no mpofirim, na ɔrennya ayaresa da.+

 2 Ateneneefoɔ dɔɔso a, ɔman di ahurisie,

Na ɔbɔnefoɔ di tumi a, ɔmanfoɔ di yea.*+

 3 Onipa a n’ani gye nyansa ho no, ɔma ne papa di ahurisie,+

Na deɛ ɔne tuutuufoɔ bɔ deɛ, ɔsɛe n’ahonyadeɛ.+

 4 Ɔhene de atɛntenenee na ɛma ɔman gyina,+

 5 Ɔbarima a ɔdɛfɛdɛfɛ ne yɔnko no,

Ɔde asau sum ne nan fidie.+

 6 Ɔbɔnefoɔ mmarato sum no fidie,+

Na ɔteneneeni deɛ, ɔteam di ahurisie, na n’ani gye.+

7 Ɔteneneeni dwene ohiani ahofadie ho,+

Na ɔbɔnefoɔ deɛ, ɛho asɛm nhia no.+

 8 Nnipa a wɔdwa wɔn anom no, wɔma gya tɔ kuro mu,+

Na anyansafoɔ deɛ, wɔma abufuo to twa.+

 9 Sɛ onyansafoɔ ne kwasea nya akasakasa a,

Ɛbɛyɛ abufuo ne fɛdie, na ɛrenyɛ ahotɔ.+

10 Awudifoɔ tan obiara a ne ho nni asɛm,+

Na wɔde si wɔn ani so sɛ wɔbɛgye ateneneefoɔ nkwa* afiri wɔn nsam.*

11 Kwasea yi n’abufuo* nyinaa adi,+

Na onyansafoɔ deɛ, ɔyɛ dinn hyɛ ne ho so.+

12 Sɛ ɔhene tie atosɛm a,

Ne nkoa nyinaa bɛyɛ abɔnefoɔ.+

14 Sɛ ɔhene bu atɛntenenee ma ohiani a,+

N’ahennwa bɛtim daa.+

15 Abaa* ne kasakyerɛ ma nyansa,+

Na abɔfra a wɔgyaa no ma ɔyɛ deɛ ɔpɛ no,* ɔhyɛ ne maame aniwuo.

16 Sɛ abɔnefoɔ dɔɔso a, mmarato dɔɔso,

Na ateneneefo bɛhunu wɔn ahweaseɛ.+

17 Tene wo ba so, na ɔbɛma woahome,

Na ɔbɛma woanya* anigyeɛ bebree.+

18 Anisoadehunu* nni hɔ a, ɔmanfoɔ yɛ deɛ wɔpɛ,+

Na wɔn a wɔdi mmara so deɛ, wɔn ani gye.+

19 Akoa rentie kasakyerɛ;

Ɛwom sɛ ɔte asɛm no ase, nanso ɔrentie.+

21 Sɛ wɔgyegye akoa so firi ne mmɔfraase a,

Akyire yi ɔbɛyɛ bonniayɛfoɔ.

22 Onipa a ne bo fu ntɛm no ma ntɔkwa ba;*+

Obiara a ne koko ha no no, ne mmarato dɔɔso.+

23 Onipa ahantan bɛbrɛ no ase,+

Na obiara a ɔbrɛ ne ho ase wɔ honhom mu no, ɔbɛnya animuonyam.+

25 Onipa ho suro* yɛ* fidie,+

Na deɛ ɔde ne ho to Yehowa so no, ɔbɛnya ahobammɔ.+

26 Nnipa pii pɛ sɛ wɔka wɔn asɛm kyerɛ ɔhene,*

Nanso Yehowa hɔ na onipa nya atɛntenenee fire.+

27 Ɔteneneeni kyiri onipa a n’akwan akyea,+

Na ɔbɔnefoɔ deɛ, ɔkyiri onipa a n’akwan tene.+

 2 Me na mennim hwee koraa wɔ nnipa mu,+

Na nteaseɛ a ɛsɛ sɛ nnipa nya no, menni bi.

3 Mensuaa nyansa,

Na menni Ɔkronkronni no nimdeɛ no bi.*

 6 Mfa biribiara nka ne nsɛm ho,+

Anyɛ saa a, ɔbɛka w’anim,

Na wobɛyɛ ɔtorofoɔ.

Ma me aduane a ɛbɛso me na menni,+

 9 Na mammee anka sɛ mennim wo, na mammisa sɛ, “Hwan ne Yehowa?”+

10 Nsɛe akoa din nkyerɛ ne wura,

Na wannome wo amma woanni fɔ.+

11 Nnipa bi wɔ hɔ a, wɔdome wɔn papa,

Na wɔnhyira wɔn maame.+

12 Nnipa bi wɔ hɔ a, wɔn ho te wɔn ankasa ani so,+

Nanso wɔnhohoroo wɔn ho fĩ.*

13 Nnipa bi wɔ hɔ a wɔn ani tra wɔn ani ntɔn,

Na wɔn ani nsɔ adeɛ koraa!+

14 Nnipa bi wɔ hɔ a wɔn se yɛ sekan,

Wɔn apantan yɛ sekan a wɔde di awuo,

Na wɔde we mmɔborɔwafoɔ a wɔwɔ asaase so

Ne ahiafoɔ firi nnipa mu.+

Nneɛma mmiɛnsa bi wɔ hɔ a, ɛmmee da,

Na nneɛma nnan bi wɔ hɔ a, ɛnka sɛ: “Ayɛ yie!”

16 Adamena*+ ne yafunu a ɛnwoɔ,

Asaase a ɛnnya nsuo,

Ne egya a ɛnka da sɛ, “Ayɛ yie!”

17 Ani a ɛdi ne papa ho fɛ na ɛbu ne maame asɛm animtia no,*+

Subɔn mu kwaakwaadabi bɛtutu,

Na ɔkɔdeɛ mma abɛdi.+

18 Nneɛma mmiɛnsa bi wɔ hɔ a, ɛboro m’adwene so,*

Na nnan na mente aseɛ:

19 Ɔkɔdeɛ kwan wɔ wiem,

Ɔwɔ kwan wɔ abotan so,

Ɛhyɛn kwan wɔ ɛpo so,

Ne ɔbarima kwan wɔ ababaawa ho.

Ɔdidi, ɔpepa n’ano;

Na ɔka sɛ, “Menyɛɛ bɔne biara.”+

21 Nneɛma mmiɛnsa na ɛwoso asaase,

Na nnan yi na ɛntumi nnyina ano:

22 Berɛ a akoa abɛdi hene,+

Berɛ a kwasea adidi aboro so,*

23 Berɛ a ɔbaa a obiara tan no* anya kunu,

Ne berɛ a abaawa apamo n’awuraa na wakɔhyɛ n’anan.+

24 Nneɛma nnan yi yɛ asaase so nneɛma a ɛsusua no bi,

Nanso wɔde nyansa ahyɛ wɔn mu:*+

25 Ntɛtea yɛ abɔdeɛ a wɔnni ahoɔden,*

Nanso wɔsiesie wɔn aduane ahuhuro berɛ mu.+

26 Nkukuban+ nyɛ abɔdeɛ akɛseɛ,*

Nanso wɔyɛ wɔn dan wɔ abotan mu.+

27 Ntutummɛ+ nni ɔhene,

Nanso sɛ wɔrekɔ a, wɔn nyinaa hyehyɛ wɔn ho akuakuo.+

28 Efiewura+ de ne nan sɔ adeɛ mu dendeenden,

Na ɔkɔ ɔhene ahemfie.

29 Nneɛma mmiɛnsa na sɛ wɔretutu wɔn nan a, wɔyi akyẽa,

Na nnan yi na wɔn nanteɛ yɛ fɛ:

30 Gyata, mmoa mu hoɔdenfoɔ

A ɔnnane ne ho mfiri obiara anim;+

31 Kraman a wɔde no kɔ ahayɔ; apɔnkyenini;

Ne ɔhene a n’asraafoɔ ka ne ho.

32 Sɛ woadi nkwaseasɛm ama wo ho so,+

Anaa woabɔ pɔ sɛ wobɛyɛ saa a,

Fa wo nsa to w’ano.+

33 Ɛfiri sɛ wonu nufosuo mu ara a,* bɔta na ɛba,

Na womia hwene a, mogya na ɛba,

Saa ara na sɛ wohwanyan abufuo a, akasakasa na ɛba.+

 2 O me ba, deɛn na menka nkyerɛ wo,

O me yafunu mu ba, deɛn na menka,

Deɛn koraa na menka, O me bɔhyɛ ba?+

3 Mfa w’ahoɔden mma mmaa,+

Na mfa akwan a ɛsɛe ahemfo no so.+

 4 O Lemuel, ɛmfata ahemfo,

Ɛmfata ahemfo sɛ wɔbɛnom nsã,*

Na ɛmfata ahemfo sɛ wɔbɛbisa sɛ, “Me nsã wɔ he?”+

 5 Na wɔannom amma wɔn werɛ amfi deɛ wɔahyɛ ato hɔ,

Na wɔantiatia mmɔborɔwafoɔ fahodie so.

 6 Momfa nsã a ano yɛ den mma wɔn a wɔrewuo,+

Na momfa nsã* mma wɔn a wɔabotoɔ.*+

 7 Momma wɔnnom na wɔn werɛ mfi wɔn hia;

Mommma wɔnnkae wɔn haw bio.

 8 Kasa ma wɔn a wɔntumi nkasa,

Pere wɔn a wɔrewuo no ahofadie ma wɔn.+

 9 Kasa na bu atɛntenenee;

Pere mmɔborɔwafoɔ ne ahiafoɔ ahofadie ma wɔn.*+

11 Ne kunu de n’akoma nyinaa gye no di,

Na adepa biara mmɔ ne kunu.

12 Ne nkwa nna nyinaa,

Ɔde papa tua ne kunu ka, na ɛnyɛ bɔne.

13 Ɔhwehwɛ ntoma pa ne nwera;

Ɔde ne nsa yɛ adwuma anigyeɛ so.+

14 Ɔte sɛ dwadini ahyɛn;+

Ɔde n’aduane firi akyirikyiri ba.

15 Adeɛ nnya nkyee koraa no, na wasɔre,

Na wama ne fiefoɔ aduane,

Na ɔde ne mmaawa nso aduane* ama wɔn.+

16 Ɔdwene asaase ho, na ɔtɔ;

Ɔde deɛ wabrɛ anya* yɛ bobefuo.*

17 Ɔsiesie ne ho ma adwumaden,*+

Na ɔhyɛ n’abasa mu den.

18 Ɔhunu sɛ n’adwadie ma no nya mfasoɔ;

Ne kanea nnum anadwo.

19 Ɔde ne nsa sɔ asaawa donno mu,

Na ɔde ne nsa sɔ akorokorowa mu.*+

20 Ɔtene ne nsa ma mmɔborɔwafoɔ,

Na ɔbue ne nsam ma ahiafoɔ.+

21 Ɔnsuro sɛ awɔ bɛde ne fiefoɔ,*

Ɛfiri sɛ ne fiefoɔ nyinaa hyehyɛ ntaadeɛ a ɛma wɔn ho yɛ wɔn hye.*

23 Wɔnim ne kunu yie wɔ kuro apono ano,+

Baabi a ɔne asaase no so mpanimfoɔ tena no.

24 Ɔpam ntaadeɛ* tɔn,

Na ɔde abɔsoɔ ma adwadifoɔ.

25 Ntoma a ɛfira no yɛ ahoɔden ne animuonyam,

Na ɔde ahotɔsoɔ hwɛ daakye kwan.*

26 Ɔbue n’ano nyansam;+

Ayamyɛ mmara* wɔ ne kɛtrɛma so.

27 Ɔhwɛ ne fiefoɔ adwuma so,

Na ɔnni aniha aduane.+

28 Ne mma sɔre, na wɔfrɛ no anigyeɛ;

Ne kunu sɔre, na ɔyi no ayɛ.

29 Mmaa pii bɔ mmɔden,*

Na wo deɛ, wokyɛn wɔn nyinaa.

30 Ahoɔfɛ krabɛhwɛ bɛtumi ayɛ nnaadaa, na ahoɔfɛ tumi twam ntɛm,*+

Na ɔbaa a ɔsuro Yehowa deɛ, wɔbɛyi no ayɛ.+

31 Momma no akatua wɔ deɛ ɔyɛ ho,*+

Na momma ne nnwuma nyi no ayɛ wɔ kuro apono ano.+