Ikete rya Kabiri ryandikiwe Timoteyo

1 Jewe Paulo, intumwa ya Kristu Yezu biciye ku kugomba kw’Imana+ nk’uko umuhango w’ubuzima+ buboneka mu bumwe na Kristu Yezu uri+, 2 ndakwandikiye wewe Timoteyo, umwana wanje w’umukundwa+:

Habe ubuntu ata wari abukwiriye, imbabazi, amahoro biva ku Mana ari yo Data no kuri Kristu Yezu Umukama wacu+.

3 Ndashimira Imana nkorera igikorwa ceranda+ nka ba sogokuruza banje+ mfise ijwi ryo mu mutima ridahumanye+, kubona ntahengeshanya kukwibuka mu ntakambo zanje+, ijoro n’umurango 4 nkama ncambirwa kukubona+, iyo nibutse amosozi yawe, kugira ngo nuzure akanyamuneza. 5 Kuko nibuka ukwizera+ kuri muri wewe kutagira ubwiyorobetsi+, kandi kwabanje kuba muri nyogokuru wawe Loyisi no muri nyoko wawe Ewunise, mugabo nkaba nzi ntakeka ko kuri no muri wewe.

6 Ico nyene ni co gitumye ndakwibutsa gukabura nk’umuriro+ ingabirano+ y’Imana iri muri wewe biciye mu kukurambikako ibiganza vyanje+. 7 Kuko Imana itaduhaye impwemu y’ubwoba+, ahubwo iy’ububasha+ n’urukundo n’ukurorana kw’umuzirikanyi+. 8 Ntuterwe isoni rero n’intahe yerekeye Umukama wacu+, canke ngo uziterwe na jewe uwabaye imbohe ku bwiwe+, ahubwo wemere umugabane wawe mu kwihanganira imibabaro+ ku bw’inkuru nziza nk’uko ububasha bw’Imana buri+. 9 Yaradukijije+ yongera iduhamagaza ihamagara ryeranda+, bitavanye n’ibikorwa vyacu+, ahubwo bivanye n’intumbero yayo be n’ubuntu ata wari abukwiriye bwayo. Ivyo twarabihawe mu bijanye na Kristu Yezu imbere y’ibihe vya kera cane+, 10 ariko ubu vyarerekanywe neza biciye ku kwigaragaza+ kw’Umukiza wacu Kristu Yezu, uwakuyeho urupfu+ mugabo akarasira umuco+ ku buzima+ no ku kutabora+ biciye ku nkuru nziza+, 11 iyo nagenewe kuba umwamamaji n’intumwa n’umwigisha+.

12 Ico ni co gituma nanje ndiko nshikirwa+ n’ivyo bintu, ariko ntibintera isoni+. Kuko nzi uwo nemeye, kandi ndazi ntakeka yuko ashoboye kurinda+ ico namubikije gushika kuri wa musi+. 13 Ugumye ca citegererezo c’amajambo ngirakamaro*+ wanyumvanye hamwe n’ukwizera n’urukundo bijanye na Kristu Yezu+. 14 Iyo mbitso nziza+ uyirinde biciye ku mpwemu nyeranda iba muri twebwe+.

15 Ibi urabizi, yuko abantu bose mu ntara ya Aziya+ bampevye+. Muri abo harimwo Figelo na Herumojene. 16 Umukama agirire imbabazi urugo rwa Onesiforo+, kuko kenshi yanduhuye+, kandi ntiyatewe isoni n’imvuto zanje+. 17 Ahubwo igihe yashika i Roma, yarandondeye n’umwete, arantora+. 18 Umukama amuhe kugirirwa imbabazi+ imbere ya Yehova kuri wa musi+. Kandi ibikorwa vyose yakoze i Efeso urabizi neza bihagije.

2 Wewe rero, mwananje+, guma wironsa ububasha+ mu buntu ata wari abukwiriye+ bujanye na Kristu Yezu, 2 kandi ibintu wanyumvanye bishigikiwe n’ivyabona vyinshi+, ivyo bintu ubizeze abantu b’abizigirwa, abazoheza bakaba abakwije neza ibisabwa kugira bigishe abandi+. 3 Bwa musoda mwiza+ wa Kristu Yezu, wemere umugabane wawe mu kwihanganira imibabaro+. 4 Nta muntu akora nk’umusoda+ aja mu vy’urucuruza vyo mu buzima+, kugira ngo ashimwe n’uwamwanditse ngo abe umusoda. 5 Vyongeye, mbere n’uwuhiganwa mu nkino+ ntiyambikwa urugori kiretse yahiganywe akurikije amategeko. 6 Umurimyi akora cane ni we ategerezwa kuba uwa mbere mu kuronka ku vyeze+. 7 Ugume uzirikana ku vyo mvuga; Umukama azoguha vy’ukuri ugutahura+ muri vyose.

8 Wibuke ko Yezu Kristu yazuwe mu bapfuye+ kandi ko yari uwo mu ruvyaro* rwa Dawidi+, nk’uko inkuru nziza namamaza iri+; 9 ku bwayo ndiko nihanganira imibabaro kugeza no ku mvuto+ nk’inkozi y’ikibi. Yamara rero, ijambo ry’Imana ntiriboshwe+. 10 Kubera ico, mbandanya kwihanganira ibintu vyose ku bw’abatowe+, ngo na bo baronke ubukiriro buboneka mu bumwe na Kristu Yezu hamwe n’ubuninahazwa budahera+. 11 Iri jambo ni iryo kwizigirwa+: Mu vy’ukuri nimba twarapfanye na we, tuzobanaho kandi na we+; 12 nitwabandanya kwihangana, tuzoganzanya kandi na we+; nitwamwihakana+, na we azotwihakana; 13 nimba turi abatizigirwa, we aguma ari umwizigirwa+, kuko adashobora kwihakana we nyene.

14 Guma ubibutsa+ ibi bintu, ubategeke+ imbere y’Imana nka yo cabona+, kutarwana bapfa amajambo+, kikaba ari ikintu ata na kimwe kimaze, kuko conona abumviriza. 15 Ukore uko ushoboye kwose ngo wishikirize Imana nk’uwemewe+, umukozi+ atagira ikimutetereza+, akoresha neza ijambo ry’ukuri+. 16 Mugabo uzibukire amajambo ata co arimwo asiga iceyi ibintu vyeranda+; kuko bazogenda barushiriza kutibanga Imana+, 17 kandi ijambo ryabo rizorandagata nk’igisebe kiboze+. Muri abo harimwo Himenayo na Fileto+. 18 Abo bantu nyene barataye ukuri+, bavuga ko izuka rimaze kuba+; kandi bariko baratembagaza ukwizera kwa bamwe+. 19 Ariko umushinge ukomeye w’Imana uguma uhagaze+, uriko iki kidodo, ngo: “Yehova arazi abiwe+,” kandi ngo: “Umuntu wese avuga izina rya Yehova+ avavanure n’ibitagororotse+.”

20 Mu nzu nini rero ntihabamwo gusa ivyombo vy’inzahabu n’ifeza, mugabo harabamwo n’ivy’ibiti n’ivy’ivu, bimwe bigakoreshwa ibiteye iteka mugabo ibindi bigakoreshwa ibitagira iteka+. 21 Umuntu rero niyitandukanya n’ivyo vya kabiri, azoba icombo gikoreshwa ibiteye iteka, cejejwe, c’ingirakamaro kuri nyeneco, giteguriwe igikorwa ciza cose+. 22 Hunga rero ivyipfuzo bijana n’ubuto+, mugabo ukurikirane ubugororotsi+, ukwizera, urukundo, amahoro+, uri kumwe n’abambaza Umukama n’umutima udahumanye+.

23 Bitayeko, wamirire kure ibibazo vy’ubupfu+ kandi vy’ukutamenya, uzi yuko bivamwo indwano+. 24 Mugabo umushumba w’Umukama ntabwirizwa kurwana+, ahubwo abwirizwa kuba umuntu yengenga kuri bose+, ashoboye kwigisha+, akaguma yiyumanganije mu mibabaro+, 25 akigisha mu bwitonzi abafise agatima katabereye+; kuko kumbure Imana yobaha ukwigaya+ gushikana ku bumenyi butagira amakosa bwerekeye ukuri+, 26 bakagarura ubwenge bakava mu mutego+ wa Shetani*, kubera ko bafashwe na we ari bazima+ ku bw’ukugomba kw’uyo.

3 Mugabo umenye ibi: yuko mu misi ya nyuma+ hazobaho ibihe bitoroshe kandi bigoye kwihanganira+. 2 Kuko abantu bazoba ari abikunda, inkunzi z’amahera, abishima, abibona, abarogosi, abagambararira abavyeyi+, intashima, ibihemu+, 3 batiyumvamwo ababo+, badashaka kwumvikana na gato+, abambika ibara abandi+, batagira ukwigumya, inkazi+, badakunda iciza+, 4 abaguranyi+, intumva, abivyimvya+, abakunda ibinezereza aho gukunda Imana+, 5 bafise ishusho y’ukwihebera Imana+ mugabo bakihakana ububasha bwakwo+; abo rero ubace kure+. 6 Kuko muri abo ari ho hava ba bantu bacengetera ku rwenge mu ngo+ bagatwara nk’imbohe zabo abagore bagoyagoya baremerewe n’ibicumuro, batwarwa n’ivyipfuzo bitari bimwe+, 7 bama biga yamara ntibigere bashika ku bumenyi butagira amakosa bwerekeye ukuri+.

8 Nka kumwe rero Yane na Yambure+ barwanya Musa, ni ko n’abo nyene babandanya kurwanya ukuri+, abantu bononekaye rwose mu muzirikanyi+, batemewe ku bijanye n’ukwizera+. 9 Yamara rero, ntibazorenga aho, kuko ubusazi bwabo buzokwibonekeza cane kuri bose, nk’uko n’ubusazi bw’abo bantu babiri bwibonekeje+. 10 Mugabo wewe warakurikiraniye hafi inyigisho yanje, ingendo yanje y’ubuzima+, intumbero yanje, ukwizera kwanje, ukwiyumanganya kwanje, urukundo rwanje, ukwihangana kwanje, 11 uguhamwa kwanje, imibabaro yanje, mwene vya bintu vyanshikira i Antiyokiya+, muri Ikoniyo+, i Lusitira+, mwene rwa ruhamo nihanganira; yamara vyose Umukama yarandokoye abinkuramwo+. 12 Nkako, abo bose bipfuza kubaho bihebera Imana bifatanije na Kristu Yezu na bo nyene bazohamwa+. 13 Mugabo abantu b’ababisha be n’abahumvyi bazogenda barushiriza kuba babi, bazimiza bongera bazimizwa+.

14 Ariko weho, ugume mu vyo wize ukumvishwa ukavyemera+, uzi ababikwigishije abo ari bo+ 15 be n’uko guhera mu buhinja+ wamenye ivyanditswe vyeranda, ibishobora kukugira inkerebutsi ku bw’ubukiriro+ biciye ku kwizera kujanye na Kristu Yezu+. 16 Icanditswe cose cahumetswe n’Imana+ kandi ni ngirakamaro ku kwigisha+, ku gukangīra+, ku kugorora ibintu+, ku gutoza indero+ mu bugororotsi, 17 ngo umuntu w’Imana abe uwubishoboye neza+, afise ibikenewe vyose ku bw’igikorwa ciza cose+.

4 Ndagutegetse nshimitse imbere y’Imana na Kristu Yezu, umwe abwirizwa kuzocira imanza+ abazima n’abapfuye+, kandi biciye ku kwigaragaza kwiwe+ n’ubwami bwiwe+, 2 wamamaze rya jambo+, uvyihatire mu gihe ciza+, mu gihe kigoye+, ukangire+, ukankamire, uhimirize, mu kwiyumanganya kwose+ n’ubuhanga bwo kwigisha. 3 Kuko hazoshika igihe aho batazokwihanganira ya nyigisho ngirakamaro+, mugabo nk’uko ivyipfuzo vyabo bwite biri, bazokwirundaniriza abigisha kugira ngo amatwi yabo yagazwe+; 4 kandi bazokwica amatwi ngo ntibumve ukuri, bakeberezwe ku nkuru z’ikinyoma+. 5 Ariko weho, uzigame ubwenge bwawe+ muri vyose, wihanganire imibabaro+, ukore igikorwa c’umwamamaji w’injili+, urangure ubusuku bwawe bimwe bishitse+.

6 Kuko ubu ndiko ndasukwa nk’ishikanwa ry’ikinyobwa+, kandi igihe c’ukubohorwa kwanje+ kirashitse. 7 Nararwanye ya ndwano nziza+, narirutse mw’isiganwa kugeza kw’iherezo+, naragumije ukwizera+. 8 Kuva ubu, mbikiwe urugori rw’ubugororotsi+, urwo Umukama, wa mucamanza agororotse+, azompa bwa mpembo+ kuri wa musi+, yamara si jewe jenyene, ahubwo ruzohabwa n’abo bose bakunze ukwigaragaza kwiwe.

9 Kora uko ushoboye kwose uze aho ndi vuba+. 10 Kuko Dema+ yantaye kubera yuko yakunze ivy’iki gihe*+ akaja i Tesalonika; Keresansi yagiye i Galatiya+, Tito i Dalumatiya. 11 Luka wenyene ni we ari kumwe nanje. Hitana Mariko muzanane, kuko ambera kirumara+ ku bw’igikorwa c’ubusuku. 12 Mugabo Tikiko+ namutumye i Efeso. 13 Niwaza, uzane ca gikwemu nasigira Karupo i Tirowa+, na ya mizingo y’ibitabu, canecane iyo mu nsato.

14 Alegizandere+ wa mucuzi w’umuringa yarankoreye ibibi vyinshi—Yehova azobimwishura nk’uko ibikorwa vyiwe biri+— 15 kandi nawe umwiyubare, kuko yarwanije amajambo yacu bimwe bikabije.

16 Mu kwiburanira kwanje kwa mbere nta n’umwe yagiye ku ruhande rwanje, mugabo bose barantaye+—ivyo ntibabiharurweko+— 17 mugabo Umukama yahagaze hafi yanje+ anshiramwo ububasha+, kugira ngo biciye kuri jewe igikorwa c’ukwamamaza kirangurwe bimwe bishitse kandi amahanga yose acumve+; kandi nararokowe mu kanwa k’intambwe+. 18 Umukama azondokora mu gikorwa cose c’ububisha+ yongere ankize ku bw’ubwami bwiwe bwo mw’ijuru+. Ubuninahazwa bube ubwiwe ibihe bitazoshira. Amen.

19 Undamukirize Pirisika+ na Akwila be n’urugo rwa Onesiforo+.

20 Erasito+ yagumye i Korinto+, mugabo nasize Tirofimo+ i Mileto+ arwaye. 21 Ukore uko ushoboye kwose ushike imbere y’urushana.

Ewubulo arakuramutsa, na Pudensi na Lino na Kolodiya na bene wacu bose.

22 Umukama abane n’agatima werekana+. Ubuntu ata wari abukwiriye bwiwe bubane namwe.