2 පේතෘස්
1 මෙම ලිපිය ලියන්නේ යේසුස් ක්‍රිස්තුස්ගේ දාසයෙකු+ සහ නියෝජිතයෙකු*+ ලෙස සේවය කරන සීමොන් පේතෘස්ය. අපගේ දෙවිගේද ගැලවුම්කරු වන යේසුස් ක්‍රිස්තුස්ගේද+ ධර්මිෂ්ඨකම පදනම් කරගෙන+ අප හා සමානව ගෞරවයක් ලබමින්+ සත්‍ය ඉගැන්වීම් පිළිගෙන සිටින අය වෙත මෙසේ ලියමි.
2 දෙවි හා අපගේ ස්වාමීන් වන යේසුස් පිළිබඳ නිවැරදි දැනුම ලබාගැනීම මගින්+ ඔබට මහත් කරුණාව හා සමාදානය වැඩි වැඩියෙන් ලැබේවා!+ 3 මන්ද දෙවිට භක්තියක් ඇතුව+ ජීවත් වීමට අවශ්‍ය සෑම දෙයක්ම+ දෙවි තම බලයෙන් අපට නොමිලේ ලබා දී ඇත. ඒ සෑම දෙයක්ම අපට ලැබුණේ අපව කැඳවූ දෙවි පිළිබඳව අප ලබාගත් එම නිවැරදි දැනුම මාර්ගයෙනි. ඔහු අපව එසේ කැඳෙව්වේ දැකගත හැකි වූ තේජස+ හා නිර්මලකම පදනම් කරගෙනය.+ 4 එසේම ඒ දේවල් නිසා අපගෙන් කිසිවක් අය නොකර අපට ඉතා අනර්ඝ වූ උතුම් වූ පොරොන්දුද ලබා දී ඇත.+ එමනිසා ඔබටත් දෙවි සතු+ ස්වර්ගයේ ජීවිතයක්+ හිමි කරගැනීමට අවස්ථාව ලැබේ. ඔහු අපට එම පොරොන්දු ලබා දී තිබෙන්නේ අධික තෘෂ්ණා හේතුවෙන් පිරිහී ඇති මෙම ලෝකයෙන්+ අප නිදහස් වී ඇති නිසාය.
5 ඔහු කර ඇති දේට අගය කිරීමක් ලෙස අවංකව හැසිරීමට උපරිම උත්සාහයක් දරමින්+ ඔබ තුළ තිබෙන විශ්වාසයට නිර්මලකම එකතු කරගන්න.+ එසේම ඔබේ නිර්මලකමට දැනුමද,+ 6 ඔබේ දැනුමට තමාව පාලනය කරගැනීමේ හැකියාවද තමාව පාලනය කරගැනීමේ හැකියාවට+ විඳදරාගැනීමේ හැකියාවද විඳදරාගැනීමේ හැකියාවට දේවභක්තියද,+ 7 ඔබේ දේවභක්තියට සහෝදර ස්නේහයද ඔබේ සහෝදර ස්නේහයට ප්‍රේමයද එකතු කරගන්න.+ 8 ඒ දේවල් ඔබ තුළ ඇත්නම් ඇත්තෙන්ම ඒවා දිය උල්පතක් මෙන් ඔබ තුළ පිරී ඉතිරී යනවා නම් අපගේ ස්වාමීන් වන යේසුස් ක්‍රිස්තුස් ගැන ඔබ ලබා ඇති නිවැරදි දැනුමට අනුව ජීවත් වීමේදී ඔබ අක්‍රියාශීලී හෝ පල නොදරන තත්වයකට හෝ පත් වන්නේ නැත.+
9 ඒ දේවල් යමෙකු තුළ නැත්නම් ඔහු අන්ධයෙක්ය. ඔහු ආලෝකය නොදකින සේ තම දෑස් පියාගන්නා කෙනෙකි.+ ඔහු තමා අතීතයේදී කළ පව්වලින් පවිත්‍ර වී ඇති බව+ අමතක කර ඇති කෙනෙකි.+ 10 එහෙයින් සහෝදරයෙනි, ඔබේ කැඳවීමත්+ තෝරාගැනීමත්+ ස්ථිර එකක් කරගැනීමට වැඩි වැඩියෙන් උත්සාහ කරන්න. මන්ද ඔබ ඒ දේවල් නොකඩවා කරනවා නම් ඔබ කිසි කලක පාපයට ඇද වැටෙන්නේ නැත.+ 11 ඇත්තෙන්ම අපගේ ස්වාමීන් සහ ගැලවුම්කරු වන යේසුස් ක්‍රිස්තුස්ගේ+ සදාකාලික+ රාජ්‍යයට තේජසකින් ඇතුල් වීමේ අවස්ථාව+ ඔබට උදා වනු ඇත.
12 ඔබ මේ දේවල් ගැන දැනගෙන සිටියත් ඉගෙනගෙන ඇති+ සත්‍ය ඉගැන්වීම් තුළ ඔබ ස්ථිරව පිහිටා සිටියත්+ ඔබට මේ දේවල් ගැන නිතරම සිහිගැන්වීමට මම කැමැත්තෙන් සිටිමි.+ 13 මට හිමි වී ඇති ශරීරයේ* මා ජීවත් වන තුරු+ ඔබට මෙවැනි සිහිගැන්වීම් ලබා දී ඔබව පුබුදුවාලීම සුදුසු දෙයක් කියා සිතමි.+ 14 මන්ද අපගේ ස්වාමීන් වන යේසුස් ක්‍රිස්තුස් මට දැනුම් දුන් ලෙස+ වැඩි කලක් යෑමට මත්තෙන් මටත් මේ ශරීරයෙන්* සමුගැනීමට සිදු වන බව දනිමි.+ 15 එමනිසා හැකි සෑම අවස්ථාවකදීම ඒ සඳහා උපරිම උත්සාහයක් දරන්නෙමි. එවිට මා ඔබෙන් සමුගත් පසු+ ඒ දේවල් ඔබේ ප්‍රයෝජනය සඳහා සිහියට නඟන්න ඔබට හැකි වනු ඇත.
16 අපගේ ස්වාමීන් වන යේසුස් ක්‍රිස්තුස්ගේ බලය ගැනත් ඔහු පැමිණ සිටින කාලය* ගැනත්+ අප ඔබව දැනුවත් කළේ දක්ෂ ලෙස ගොතනු ලැබූ ප්‍රබන්ධ කථාවලින් නොවේ.+ අප ඒ සඳහා යොදාගත්තේ ඔහුගේ මහත් තේජස ගැන අපගේම ඇස්වලින් දුටු දේවල්ය.+ 17 මන්ද, “මේ මාගේ ප්‍රේමණීය පුත්‍රයාය. ඔහුට මාගේ අනුමැතිය ඇත”+ යන වචන අතිමහත් තේජසකින් යුතුව පවසනු ලැබූ විට පියාණන් වන දෙවිගෙන් ඔහුට ගෞරවයත් තේජසත් ලැබිණ.+ 18 අප ඔහු සමඟ ශුද්ධ කන්දෙහි සිටිද්දී+ ඒ වදන් ස්වර්ගයෙන් නික්මුණේය. එය අපටද ඇසිණ.+
19 එහෙයින් අනාවැකි මාර්ගයෙන් පවසා ඇති දේවල්+ අපට තවත් තහවුරු වී තිබේ.+ ඒ දවස උදා වී පහන් තාරකාව පායන තුරු+ ඔබ ඒ දේවලට හොඳ අවධානයක් දීම සුදුසුය. එලෙස පවසා ඇති දේවල් අඳුරු තැනක එනම්, ඔබේ සිත්වල බැබළෙන පහනක් හා සමානය.+ 20 ශුද්ධ ලියවිල්ලෙහි සඳහන් කිසිම අනාවැකියක් යමෙකුගේ පෞද්ගලික අදහස් පදනම් කරගෙන ලියවී නැති බව ඔබ මුලින්ම තේරුම්ගත යුතුයි.+ 21 මන්ද අනාවැකි පළ කරනු ලැබුවේ මිනිසුන්ගේ කැමැත්තට අනුව නොවේ.+ මිනිසුන් තුළ දෙවිගේ බලය ක්‍රියාත්මක වී+ දෙවි ලබා දුන් මඟ පෙන්වීම්වලට එකඟව ඔවුහු කතා කළෝය.+