SALMOS

1 Xmuyubaj noʼox li vinik ti muʼyuk chchʼun ti kʼu yelan chtojobtasvan li buchʼu toj chopole

xchiʼuk ti muʼyuk bu te chvaʼi ta sbe li jpasmuliletike+

xchiʼuk ti muʼyuk te chchoti ti bu chchoti li jlabanvanejetike.+

 2 Yuʼun jaʼ noʼox toj kʼupil sba chaʼi li smantal Jeovae+

xchiʼuk kʼun yechʼomal ye tskʼel* ta kʼakʼal akʼobal li smantale.+

 3 Jaʼ jech chkʼot kʼuchaʼal jtekʼ teʼ ti tsʼunbil ta tiʼ ukʼume,

jech kʼuchaʼal jtekʼ teʼ ti chakʼ sat kʼalal jaʼo yoraile,

ti mu xtakij li yanale xchiʼuk

 4 Mu jechuk chkʼot ta stojolalik li buchʼutik toj chopolike;

kuchbil chbatik ta ikʼ kʼuchaʼal solepal* trigo.

 5 Jaʼ yuʼun, muʼyuk bu te vaʼal chkomik ta yorail chapanel+ li buchʼutik toj chopolike;

xchiʼuk muʼyuk te vaʼal chkomik li jpasmuliletik ti bu tsobolik li buchʼutik tukʼike.+

 6 Yuʼun yakʼoj venta Jeova ti bu chanav li buchʼutik tukʼike,+

pe chlaj skʼoplal ti kʼu yelan xkuxlejalik* li buchʼutik toj chopolike.+

2 ¿Kʼu yuʼun ti xvochlajet* noʼox li mukʼtik lumetike

xchiʼuk ti xkʼuxoj xa stanal yeik chalik* kʼusi chʼabal sbalil li krixchanoetike?+

 2 Tsvaʼan sbaik lek li ajvaliletik ta balumile

xchiʼuk li buchʼutik tsots yabtelike jmoj tstsob sbaik+

sventa tskontrainik li Jeovae xchiʼuk li buchʼu stʼujoje.*+

 3 Xi chalike: «¡Jtuchʼbetik li skadenaike

xchiʼuk jtitunbetik li xchʼojonike!».

 4 Tstseʼintaatik yuʼun li buchʼu te chotol ta vinajele;

chlabanatik yuʼun li Jeovae.

 5 Ta skʼakʼal yoʼonton chkʼoponatik

li vaʼ kʼakʼale xchiʼuk tsibtasatik tajek

ta skoj ti solel xtiltun skʼakʼal yoʼontone,

6 xi ch-albatike: «Voʼon jvaʼanoj jtuk li ajvalil kuʼun+

te ta Sione,+ li ta chʼul vits kuʼune».

 7 Akʼbeikun kal li mantal yaloj Jeovae;

xi laj yalbune: «Voʼot jnichʼonot,+

avie likʼot xa ta atot.+

 8 Kʼanbun, vaʼun chkakʼbot arextoin* li mukʼtik lumetike

xchiʼuk chkakʼbot sventa xavuʼunin kʼalal to spajeb balumil.+

 9 Chalajes li mukʼtik lumetik ta vaxton* ti pasbil ta takʼine+

xchiʼuk chalilin kʼuchaʼal jun vaso ti pasbil ta lume».+

10 Jaʼ yuʼun li avie, ajvaliletik, akʼo ta ilel apʼijilik;

jchapanvanejetik ta balumil, chʼamik li tukʼibtasele.*

11 Ichʼik lek ta mukʼ Jeova kʼalal chatunik ta stojolale,

ta muyubajeluk noʼox me xavichʼik ta mukʼ.

12 Ichʼik ta mukʼ* li nichʼonile,+mi moʼoje, ch-ilin me li Diose

xchiʼuk chalajik ta be,+

yuʼun anil tajek chlik li skʼakʼal yoʼontone.

 3 Pe li voʼote, Jeova, kʼotemot ta j-eskudo* ta jpat jxokon,+

kʼotemot ta jmukʼulal+ xchiʼuk voʼot chatoybun muyel jsat.+

 4 Tsots xivokolet ta stojolal li Jeovae

xchiʼuk te to tstakʼbun tal li ta xchʼul vitse.+ (Sela).

 5 Chbat jpuchʼan jba xchiʼuk chivay;

vaʼun jun koʼonton chijulav,

yuʼun jaʼ te yikojun-o li Jeovae.+

 6 Muʼyuk chixiʼo ti ta slajunmilal xa noʼox stsoboj sbaike,

ti buyuk noʼox chololik sventa tskontrainikune.+

Yuʼun chamajbe sbakil yolon ye skotol li kajkontratake;

chakʼasbe stanal ye li buchʼu toj chopolike.+

 3 Naʼik me ti toj lek chil Jeova li buchʼu tukʼ chakʼ sba ta stojolale;*

chaʼi Jeova kʼalal xivokolet ta stojolale.

 5 Kʼusiuk matanal chavakʼbeik li Diose ta slekiluk me avoʼonton xavakʼbeik

xchiʼuk pato avoʼontonik ta stojolal li Jeovae.+

 7 Mas to xmuyubaj avuʼun li koʼontone,

jaʼ xkom to ta be xmuyubajik li buchʼutik ep tstsobbeik sat kʼusitik tstsʼunike xchiʼuk li buchʼutik oy achʼ vino yuʼunike.

 8 Ta jpuchʼan jba xchiʼuk jun koʼonton chivay,+

yuʼun voʼot noʼox chavakʼ ti junuk koʼontone, Kajval Jeova.+

5 Chikintao li jkʼope, Kajval Jeova;+

teuk asat ti ta jikʼ koʼontone.

 2 Tsʼet chikintao ti xivokolet ta jkʼan koltaele,

Ajvalil kuʼun, Dios kuʼun, yuʼun voʼot ta jtaot ta kʼoponel.

 3 Kajval Jeova, chavaʼi yechʼomal ke ta sob;+

ta sob chkalbot li kʼusi ta jvul-o koʼontone+ xchiʼuk te xa jmalaojbe li stakʼobile.

 4 Yuʼun maʼukot jun Dios ti lek chavil li choplejale;+

muʼyuk buchʼu chopol te chkom-o ta atojolal.+

Apʼajoj skotol li buchʼu toj chopol kʼusi tspasike;+

 6 chalajes li buchʼutik tsjutik kʼope.*+

 7 Pe li voʼone chi-och ta ana+ ta skoj ti toj mukʼ li tukʼil kʼanelal avuʼune;+

ta jkejan jba batel ta stukʼil achʼul templo sventa chkichʼot ta mukʼ.*+

 8 Kajval Jeova, beiltasun ta skoj li tukʼilal avuʼune, yuʼun liʼ joyol ta jtojolal li kajkontratake;

lokʼeso li kʼusi xuʼ smakun ta abee.+

 9 Yuʼun mi jutebuk melel li kʼusi chalike;

naka chopol li kʼusi oy ta yoʼontonike;

li yeike xkoʼolaj kʼuchaʼal jun mukinal ti jamal stiʼe;

lek xa kʼusi chlokʼ ta yeik yileluk.*+

10 Pe li Diose chal ti oy smulike;

jaʼ chjipatik ta lum yuʼun li kʼusi chopol snopoj tspasike.+

Akʼo yichʼik namajesel batel ta skoj ti toj ep spaltailike,*

yuʼun la stoy sbaik ta atojolal.

11 Pe chmuyubaj skotolik li buchʼu tsaʼ snakʼobbail ta atojolale;+

skotol ora x-avetik ta muyubajel.

Voʼot chamak ta be li buchʼutik tskʼan ch-akʼbat svokolike

xchiʼuk chmuyubajik ta atojolal li buchʼutik skʼanojik abie.

12 Yuʼun chavakʼbe bendision li buchʼu tukʼ yakʼoj sbae, Kajval Jeova;

chavakʼ ta ilel ti lek chavile. Chachabi kʼuchaʼal chmakvan jun mukʼta eskudo.*+

6 Kajval Jeova, mu ta skʼakʼaluk avoʼonton xavakʼbun mantal

xchiʼuk mu ta skapemaluk ajol xatukʼibtasun.+

 3 Jech ta melel, mu xa jnaʼ kʼusi ta jpas+

xchiʼuk ta jakʼbot, Kajval Jeova: ¿kʼu to sjalil ta jmala?+

 4 Jeova, sutan tal xchiʼuk koltaun;+

koltaun ta skoj ti oy tukʼil kʼanelal avuʼune.+

 5 Yuʼun muʼyuk xa chalik akʼoplal* li buchʼutik chamemike;

¿mi oy buchʼu xuʼ skʼupil kʼoptaot li ta Mukinale?*+

 6 Lilub xa tajek ta jikʼ oʼonton;+

sjunul akʼobal ta xtʼuxij kuʼun jtem* ta skoj li yaʼlel jsate;*

solel chekʼel* ta yaʼlel jsat+ ti bu ta jpuchʼan jbae.

 7 Laj xa yip jsat ta skoj li jvokole;+

ikʼubem* xa jsat ta skoj li buchʼutik chilbajinikune.

 8 Chʼako abaik lokʼel ta jtojolal, akotolik ti toj chopol kʼusi chapasike,

yuʼun chaʼibun Jeova ti kʼu yelan xi-avet ta okʼele.+

 9 Chaʼi Jeova ti kʼu yelan xivokolet ta jkʼan koltaele;+

tstakʼbun j-orasion li Jeovae.

10 Chichʼ kʼexlaltasel skotol li kajkontratake xchiʼuk chibajem chkom yoʼontonik;

ta valopat tsutik ta anil ta skoj li kʼexlale.+

 2 Yuʼun mi moʼoje, tslilinikun ta tiʼel jech kʼuchaʼal tspas li jkot leone,+

chikʼikun batel kʼalal muʼyuk buchʼu xuʼ xbat spojun tale.

 3 Kajval Jeova, Dios kuʼun, mi oy kʼusi chopol jpasoje,

mi oy kʼusi muʼyuk tukʼ jpasoje,

 4 mi chopol kʼusi jpasojbe li buchʼu lek kʼusi tspasbune+

o mi ta jech noʼox oy kʼusi la jpojbe li kajkontrae,*

 5 vaʼun bi, akʼo snutsun li kajkontrae xchiʼuk akʼo staun ta be;

akʼo xpechʼbun ta tekʼel ta lumtik li jkuxlejale

xchiʼuk akʼo te lajuk skʼoplal ta pukuktik* li jmukʼulale. (Sela).

 6 Ta skʼakʼaluk avoʼonton totsan tal, Kajval Jeova;

vaʼlan tal ta skontrainel li skapemal sjol kajkontrae;+

likan tal sventa xakoltaun, alo mantal ti akʼo xkichʼ chapanele.+

 7 Akʼo sjoyobtaot li mukʼtik lumetike;

vaʼun te to ta toyol chakontrain tal.

Chapanun, Kajval Jeova, tsako ta venta li kʼusitik tukʼ jpasoje

xchiʼuk li stukʼil koʼontone.+

Pe jaʼ staojuk-o yav avuʼun li buchʼu tukʼe,+

yuʼun jaʼot li tukʼil Dios+ ti chachaj ta kʼelel jnopbenkutik+ xchiʼuk ti kʼu yelan chkaʼi ta yutil to koʼontonkutike.*+

11 Tukʼil Jchapanvanej li Diose,+

skotol kʼakʼal chalbe kʼusi chkʼot ta stojolal li buchʼu toj chopolike.

12 Mi oy buchʼu muʼyuk la sutes yoʼontone,+ li Diose chjuxbe ye s-espada;+

tslapʼun lek li s-arkoe xchiʼuk chchapan.+

13 Chchapan lek li yabtejeb ti chmilvane;

chchapan lek li sflecha ti tsanem skʼakʼale.+

14 Kʼelavil li buchʼu xchiʼinoj ta yalajeb li choplejal ti xkoʼolaj kʼuchaʼal xchiʼinoj jun olole;

tikʼil ta yalajeb li vokolile, vaʼun ch-ayan yuʼun jutbil kʼopetik.*+

15 Tsjokʼ yalel chʼen xchiʼuk nat tsjokʼ,

pe jaʼ te chpʼaj* yalel stuk li ta chʼen la sjokʼe.+

16 Jaʼ chkʼot ta sjol stuk li vokolil chakʼe,+

ta xbochil sjol chkʼot li simaronile.

17 Ta jkʼupil kʼopta Jeova ta skoj li stukʼilale+

xchiʼuk ta jkʼupil kʼopta ta kʼejimoletik* li sbi Jeova+ ti jaʼ li Buchʼu toj toyol oye.+

8 Jeova, voʼot ti Kajvalotkutike, ¡toj echʼ xa noʼox mukʼ skʼoplal li abi ta spʼejel balumile!

¡Mas toj toyol avakʼoj li amukʼulale, jaʼ xkom to li vinajele!*+

 2 Ta skoj li avajkontratake,

ta ye ololetik xchiʼuk ta ye buchʼutik ta to xchuʼunik+ avakʼoj akʼo yalik li atsatsale

sventa tsʼijil xkom avuʼun li jkontrainvaneje xchiʼuk li buchʼu tspak skʼoplale.

 3 Kʼalal ta jkʼel li vinajele, li yabteltak sniʼ akʼobe,

li lunae* xchiʼuk li kʼanaletik ti voʼot apasoje,+

 4 ¿mi yuʼun tsots skʼoplal li vinik ti te oy ta ajole

xchiʼuk mi yuʼun tsots skʼoplal li xnichʼon krixchano sventa xachabie?+

 5 Mas bikʼit jutuk skʼoplal la apas li stuke, jaʼ mas mukʼ skʼoplal jutuk li buchʼutik xkoʼolajik xchiʼuk Diose*

xchiʼuk laj avakʼbe skorona ta sventa smukʼulal xchiʼuk ta sventa yutsilal.

 6 Laj avakʼbe sventain li yabteltak akʼobe;+

avakʼojbe skotol ta yok skʼob:

 7 skotol li chijetike xchiʼuk li vakaxetike

xchiʼuk li jtiʼvanej chonbolometike,*+

 8 li mutetik xvilet ta vinajele xchiʼuk li choyetik ta nabe,

skotol li kʼusi chnuxinaj ta yut nabe.

9 Ta sjunul koʼonton ta jkʼupil kʼoptaot, Kajval Jeova;

chkalbe skʼoplal skotol li kʼusi toj labalik xa noʼox sba apasoje.+

 2 Chimuyubaj xchiʼuk xkuxet tajek koʼonton ta atojolal;

ta jkʼupil kʼopta ta kʼejimoletik* li abie, voʼot ti Buchʼu toj toyol oyote.+

 3 Kʼalal chjatavik sutel li kajkontratake,+

tsmak* yakanik xchiʼuk te akʼeloj chlajik.

 4 Yuʼun la achapanun xchiʼuk la apakbun jkʼoplal;

te chachoti ta achotleb sventa ajvalil yoʼ tukʼ xachapanvan.+

 5 Tsots laj avalbe mantal li mukʼtik lumetike+ xchiʼuk alajesoj li buchʼutik toj chopolike,

la atupʼbe sbiik sbatel osil.

 6 Yichʼoj lajesel sbatel osil li jkontrainvaneje;

chalajesbe li slumalike

xchiʼuk chichʼik chʼayel-o ta jolil.+

 7 Pe li Jeovae sbatel osil te chchoti ta xchotleb sventa ajvalil;+

staoj lek yav li xchotleb sventa ajvalil yoʼ tukʼ xchapanvane.+

 8 Tukʼ chchapan li jnaklejetik ta balumile;*+

tukʼ li kʼusi chkʼot ta nopel yuʼun ta sventa li jteklumetike.+

 9 Li buchʼutik ilbajinbilike chkʼot ta slekil nakʼobbailik li Jeovae,+

jun lekil nakʼobbail li ta yorail vokolile.+

10 Tspat yoʼontonik ta atojolal li buchʼutik xojtikinik abie;+

mi jaʼuk onoʼox bu chavikta komel li buchʼutik tsaʼoxuke, Kajval Jeova.+

11 Kʼupil kʼoptaik ta kʼejimoletik li Jeova ti te nakal ta Sione;

akʼik ta ojtikinel ta stojolal jteklumetik li kʼusitik spasoje.+

12 Tsvules ta sjol li buchʼutik chil svokolike xchiʼuk tspakbe skʼoplal li xchʼichʼelike.+

Muʼyuk bu chchʼay ta sjol ti xvokoletik tskʼanik koltaele.+

13 Akʼo ta ilel slekil avoʼonton ta jtojolal, Kajval Jeova; kʼelavil li jvokol yakʼojik li buchʼutik spʼajojikune,

voʼot ta xatoyun likel kʼalal ta tiʼ chʼen xa oyune,+

14 sventa xkal batel ta stiʼtak jteklum* Sion+ ti sta-o kʼupil kʼoptael li kʼusitik chapase

xchiʼuk sventa ximuyubaj yuʼun li kʼusitik apasoj sventa xakoltavane.+

15 Jaʼ te och batel stukik li mukʼtik lumetik li ta chʼen la sjokʼike;

te la xchuk sba yakan stukik li ta petsʼ la spasike.+

17 Mukinal* skʼelojik batel li buchʼutik toj chopolike,

skotol li mukʼta lumetik ti xchʼayoj ta sjolik li Diose.

18 Pe muʼyuk bu chichʼ chʼayel ta jolil skotol ora li povreetike;+

mi jaʼuk bu chchʼay skʼoplal spatobil yoʼontonik li manxoetike.+

20 Kajval Jeova, akʼo xiʼikuk,+

akʼo snaʼik li mukʼtik lumetik ti jaʼik noʼox krixchanoetik ti snaʼ xchamike. (Sela).

 2 Li buchʼu toj chopole xtoyet chaʼi sba tskontrain li buchʼu mu xpak yuʼun skʼoplale,+

pe chkʼot ta sba stuk li kʼusi chopol snopoj tspase.+

 3 Li buchʼu toj chopole tstoy-o sba ta sventa li kʼusi tskʼan yoʼonton stuke+

xchiʼuk tskʼupil kʼopta sba stuk;

נ [nun]

muʼyuk yichʼoj ta mukʼ li Jeovae.

 4 Ta skoj stoyobbail li buchʼu toj chopole, muʼyuk bu tsaʼ Dios;

xi yelan skotol li kʼusi tsnope: «Chʼabal Dios».+

 5 Lek chbat yuʼun li kʼusi tspase,*+

pe li amantaltake mu sta ta aʼibel smelolal;+

tslaban* skotol li yajkontratake.

 6 Xi chal ta yoʼontone: «Muʼyuk buchʼu xuʼ svuyilanun;*

muʼyuk chkil-o vokolil

akʼo mi x-echʼ jaykʼoluk kuxlejal».+

 7 Noj ta chopol kʼoptavanej li yee, ta loʼlavanej xchiʼuk ta ilbajinvanej;+

noj ta vokolil xchiʼuk ta akʼ vokolil li yolon yokʼe.+

 8 Te nakʼal* tsmala ta nopol jteklumetik li buchʼu muʼyuk smule;

chlokʼ tal ti bu snakʼoj sba sventa tsmile.+

10 Li buchʼu tsta ta tsakele tsnetʼ xchiʼuk chakʼbe svokol;

ch-och ta yok skʼob li buchʼutik kʼunike.

Chtal ta atojolal li buchʼutik abol sbaike;+

voʼot chakolta li buchʼutik chamem stotike.*+

15 Kʼasbo skʼob li buchʼu toj chopol xchiʼuk li buchʼu muʼyuk xkʼuxul yoʼontone,+

akʼbo tsatsal kastigo

ta skoj skotol li xchoplejale.

18 Tukʼ chachapan li buchʼutik chamem stotike xchiʼuk li buchʼutik netʼbilike,+

vaʼun muʼyuk xa chiʼik-o li krixchanoetik ta balumil ti snaʼ xchamike.+

Sventa bankilal jtijson.

Salmo yuʼun David.

 2 Kʼelavil kʼu yelan tslaʼ s-arkoik li buchʼutik toj chopolike;

tskakan sflechaik ta yakʼil s-arkoik,

yuʼun te to ta ikʼal osil tstsʼapbeik lokʼel flecha li buchʼutik tukʼ yoʼontonike.

 3 Kʼalal chʼabal tukʼilal xchiʼuk kʼalal muʼyuk ichʼbil ta mukʼ li mantaletike,

¿kʼusi xuʼ spas li buchʼutik tukʼike?».

 5 Li Jeovae chchaj ta kʼelel li buchʼu tukʼe xchiʼuk li buchʼu toj chopole;+

spʼajoj li buchʼutik skʼanojik saʼkʼope.+

 6 Chakʼ yalel tal epal petsʼ* ta stojolal li buchʼutik toj chopolike;

li sparte tstaike* jaʼ li kʼokʼ, asufre+ xchiʼuk jchikʼvanej ikʼe.

12 Koltaun, Kajval Jeova, yuʼun chʼabal xa li buchʼu tukʼ chakʼ sbae;

li buchʼu tukʼ yakʼoj sbae chʼabal xa liʼ xchiʼuk li krixchanoetike.

 2 Tsjutbe sbaik kʼop* ta jujuntal li krixchanoetike;

lek xa kʼusi chlokʼ ta yeik yileluk* xchiʼuk tsloʼlaik li yantike.+

 3 Li Jeovae chtuchʼbe yokʼ li buchʼu lek xa kʼusi chal yileluke

xchiʼuk tsmakbe ye li buchʼu xtoyet xa chaʼi sbae,+

 4 ti xi chalike: «Lek kʼusi chkʼot ta pasel yuʼun li kokʼtike.

Xuʼ jtunes ketik ti kʼu yelan tskʼan koʼontontike;

¿buchʼu van xuʼ spasutik ta mantal?».+

 5 Xi chal li Jeovae: «Ta skoj ti ilbajinbilik li buchʼutik oy xa onoʼox svokolike,

ta skoj ti tsjikʼ yoʼonton li buchʼu abol sbaike,+

chitots sventa oyuk kʼusi jpas ta stojolalik.

 6 Mi jsetʼuk* xchopolil li kʼusitik chal Jeovae;+

xkoʼolaj kʼuchaʼal plata ti lekubtasbil ta orno ti pasbil ta lume,* vukub velta lekubtasbil.

 7 Voʼot chakʼel, Kajval Jeova;+

voʼot chachabi ta jujuntal, jech chlik apas li ta jkʼol kuxlejal liʼe xchiʼuk jech-o chapas sbatel osil.

 8 Mu stakʼik pajtsanel ti buyuk noʼox chanavik li buchʼu toj chopolike,

yuʼun li xnichʼnab krixchanoetike tstijik oʼontonal ta spasel li kʼusi toj echʼ xa noʼox chopole.+

Sventa bankilal jtijson.

Skʼejimol David.

 2 ¿Kʼu to van sjalil ti ta jvul tajek koʼontone,

ti puro at-oʼonton ta jpas jujun kʼakʼale?

Akʼo xojobajuk jsat sventa mu xivay li ta lajelale,

 4 sventa mu xiuk xal li kajkontrae: «¡Tsal xa kuʼun!».

 5 Yan li voʼone jpatoj koʼonton li ta tukʼil kʼanelal avuʼune;+

xkuxet noʼox koʼonton ta skoj li kʼusi chapas sventa chakoltavane.+

Toj chopol li kʼusitik tspase xchiʼuk ibalik sba;*

mi junuk buchʼu maʼ ti oy kʼusi lek tspase.+

 2 Pe ta vinajel to tskʼel talel xnichʼnab krixchanoetik li Jeovae

sventa tskʼel mi oy buchʼu oy spʼijil, mi oy buchʼu yakal tsaʼ li Jeovae.+

 3 Skotolik yiktaojik spasel li kʼusi leke;+

skotolik jaʼ noʼox tspasik li kʼusi toj chopole.

Mi junuk maʼ ti oy buchʼu kʼusi lek tspase,

batsʼi mi junuk.

 5 Pe ta xbat xchʼulelik ta xiʼel,+

yuʼun jaʼ te xchiʼuk Jeova li jkʼol kuxlejal ti bu oy tukʼil krixchanoe.

 6 Li jpaschoplejaloxuke chasokes avaʼiik li kʼusitik snopoj tspas li buchʼu bikʼit yakʼoj sbae,

pe jaʼ te tsaʼ spojobbail ta stojolal li Jeovae.+

Kʼalal tstsob sutel steklumal li Jeova ti chukbilik batele,

akʼo muyubajuk li Jakobe, kuxetuk yoʼonton li Israele.

 2 Jaʼ li buchʼu chʼabal spaltail* kuxule,*+

ti jaʼ tspas li kʼusi tukʼe+

xchiʼuk ti melel kʼusi chal ta yoʼontone,+

 3 ti muʼyuk tstunes yokʼ sventa tsjut* mulile,+

ti muʼyuk kʼusi chopol tspasbe li xchiʼile+

xchiʼuk ti muʼyuk tsjutbe smul* li yamigotake.+

 4 Xchiʼuk ti muʼyuk lek chil li buchʼutik pʼajbilik yuʼun Diose,+

pe chichʼ ta mukʼ li buchʼu xiʼtaojik* Jeovae,

 5 ti muʼyuk tskʼanbe sjol stakʼin kʼalal chakʼ ta chʼome,+

ti muʼyuk chchon sba ta takʼin* sventa tskontrain li buchʼu muʼyuk smule.+

 3 Xchiʼuk li buchʼutik chʼul ta balumile,

li buchʼutik tsots skʼoplalike, xkuxet tajek koʼonton yuʼunik».+

Mi jaʼuk onoʼox bu ta jtikʼ jba ta yakʼel li matanal chʼichʼ chakʼike,

mi jaʼuk bu chlokʼ ta ke li sbi sdiosik xtoke.+

Xkuxet tajek koʼonton kʼalal te oyun ta atojolale;*+

chakʼ muyubajel sbatel osil kʼalal teun ta abatsʼikʼobe.

17 Chikintabun, Kajval Jeova, yuʼun xivokolet ta jkʼanbot ti tukʼuk xkichʼ chapanele;

tsʼet chikintao ti xivokolet ta jkʼan koltaele;

chikintao li j-orasion ti ta koʼonton chlokʼ tale.+

 2 Tukʼuk kʼusi xkʼot ta nopel avuʼun ta jtojolal;+

akʼo yil asat li kʼusi tukʼe.

 3 Achajoj ta kʼelel li koʼontone, akʼelojun lek li ta akʼobaltike;+

alekubtasojun;+

te chavakʼ venta ti chʼabal kʼusi chopol jnopoj ta jpase

xchiʼuk ti chʼabal kʼusi chopol lokʼem ta kee.

 4 Jech xtok, muʼyuk bu te tijil chibat ti bu chbat li j-elekʼ

 5 Akʼo teuk noʼox xbat kakan ti bu xpolet lek li abee

sventa mu kʼusi xmak-o* li kakane.+

 7 Labaluk sba ti kʼu yelan chavakʼ ta ilel li tukʼil kʼanelal avuʼune,+

voʼot ti Jkoltavanejot yuʼun li buchʼu tsaʼ spojobbailik ta abatsʼikʼob

ta skoj li buchʼutik tstoy sbaik ta atojolale.

 8 Chabiun kʼuchaʼal chachabi li yuninal* asate;+

nakʼun* ta yolon axikʼ.+

 9 Chabiun ta stojolal li buchʼutik toj chopolik ti tstsakikun ta kʼope,

ta stojolal li kajkontratak ti liʼ joyol ta jpat jxokone xchiʼuk ti tskʼan tsmilikune.+

10 Yijubem li yoʼontonike;*

solel xtoyet xa ti kʼu yelan chkʼopojike;

11 vaʼun chjoyobtavanik xa;+

yakʼojbeik satilal kʼusi ora xuʼ xjipvanik ta lum.

12 Xkoʼolaj kʼuchaʼal jkot leon ti tskʼan xa tajek tslilin ta tiʼel li sveʼele,

xkoʼolaj kʼuchaʼal chʼiom leon ti te nakʼal* tsmala sveʼele.

13 Totsan tal, Kajval Jeova; sventa xatsak ta kʼop+ xchiʼuk xajip ta lum;

koltaun lokʼel ta a-espada ta stojolal li buchʼu toj chopole;

14 koltaun lokʼel ta ajuʼel, Kajval Jeova,

koltaun ta stojolal li viniketik liʼ ta balumil* ti jaʼ xa sparteik li avi kuxulike,+

ti jun yoʼontonik avuʼun ta skoj ti busanbil noʼox chavakʼbe li kʼusitik leke+

xchiʼuk ti chiktabe xrextoik* li yalab xnichʼnabik ti epike.

15 Pe li voʼone lek chavilun ta skoj ti lek li kʼusi yakal ta jpase;

jun koʼonton ti chkilot kʼalal chijulave.*+

Jaʼ mukʼta ton kuʼun li Jdiose,+ jaʼ te jtaoj jpojobbail,

jaʼ li j-eskudoe* xchiʼuk jaʼ tsatsal jkoltavanej kuʼun,* jaʼ lekil nakʼobbail kʼotem kuʼun.+

 3 Ta jkʼanbe vokol li Jeova ti sta-o kʼupil kʼoptaele,

vaʼun chkichʼ pojel lokʼel ta skʼob li kajkontratake.+

 4 La stsʼotun ta xchʼojon li lajelale;+

la sibtasun tajek kʼuchaʼal anil nojelal ta voʼ li krixchanoetik ti chʼabal sbalilike.+

 5 La stsʼotun ta xchʼojon li Mukinale;*

te tal ta jtojolal xchʼojon li lajelale.+

 6 La jkʼanbe vokol Jeova kʼalal jaʼo oy jvokole,

xi-avet ta skʼanilanbel Jdios ti akʼo skoltaune.

Te to ta stemplo la xchikintabun tal+

xchiʼuk kʼot ta xchikin ti xivokolet ta jkʼanbe akʼo skoltaune.+

 7 Vaʼun, lik nikuk li balumile xchiʼuk xyukʼlajet likel;+

lik nikuk li snaklebtak vitsetike

xchiʼuk lik syukʼilan sba ta jujujot ta skoj ti ilin li Diose.+

 8 Lokʼ tal chʼail* ta sniʼ

xchiʼuk lokʼ tal kʼokʼ ta ye ti chchikʼvane;+

xtiltun* lokʼ tal tsanal akʼal ta stojolal.

 9 La xpux sba yuʼun vinajel kʼalal yal tale+

xchiʼuk ikʼmutsʼan* ta jyalel li ta yolon yakane.+

11 Vaʼun, pixil kʼot ta ikʼal osil,+

joyol ta spat xokon kʼuchaʼal jun pojobbail,

ta ikʼal pimil tok ti oy yaʼlele.+

12 Te to ta xojobal yeloval sat

lik talel bot xchiʼuk tsanal akʼal ti echʼ sjom li toke.

13 Vaʼun, xkʼavlajet likel ta vinajel+ li Jeovae;

laj yakʼ ta aʼiel yechʼomal ye+ li Buchʼu toj toyol oye,

kʼalal laj yakʼ ta aʼiele, yal tal bot xchiʼuk tsanal akʼal.

14 La sjip talel sflechatak xchiʼuk tanpuk xa bat yuʼun li kajkontratake;+

kʼalal xjapluj to talel yuʼun li saksevule,* mu xa snaʼ kʼusi tspasik.+

15 Lik vinajuk talel li beoʼe;+

vinaj li snaklebtak balumil ta skoj ti la-iline, Kajval Jeova,

ta skoj ti xvuchʼlij* to talel li yikʼal aniʼe.+

16 Ta toyol to la xachʼ yalel tal skʼob,

la xjochun lokʼel xchiʼuk la snitun lokʼel li ta natil voʼe.+

17 Jaʼ la spojun lokʼel ta skʼob li kajkontra ti tsots tajeke,+

la spojun lokʼel ta skʼob li buchʼutik spʼajojikun ti mas to tsotsik kʼuchaʼal voʼone.+

18 La stsakikun ta kʼop kʼalal jaʼo oy jvokole,+

pe jaʼ la skoltaun li Jeovae.

19 La slokʼesun sventa bat yakʼun ti bu jun koʼontone;*

la spojun lokʼel ta skoj ti lek chilune.+

20 Ta skoj ti tukʼ kakʼoj jbae, chakʼ jmoton li Jeovae;+

jaʼ tstojbun sutel ta skoj ti chʼabal jmule.+

21 Yuʼun jaʼ te jtsʼaklioj-o batel li sbe Jeovae

xchiʼuk muʼyuk la jip komel li Jdiose, yuʼun toj chopol mi jech la jpase.

22 Skotol ora ta jchʼunbe skotol li smantaltake,

muʼyuk ta jpʼajbe li kʼusitik yaloje.

23 Jpʼel ta koʼonton muʼyuk kʼusi chopol ta jpas ta stojolal+

xchiʼuk ta jkʼej jba lokʼel ta spasel li kʼusi muʼyuk leke.+

24 Akʼo stojun Jeova ta skoj ti tukʼ kakʼoj jbae,+

akʼo stojun ta skoj ti chʼabal jmul ta sba sate.+

25 Tukʼ chavakʼ aba ta stojolal li buchʼu tukʼ chakʼ sbae;+

tukʼ chapas aba ta stojolal li buchʼu tukʼ yakʼoj sbae;+

26 lek kʼusi chapasbe li buchʼu lek kʼusi tspase,+

pe chavichʼ apʼijil ta stojolal li jloʼlavaneje.+

27 Yuʼun chakolta li buchʼu bikʼit chakʼ sbae,*+

pe chavakʼ ta kʼexlal li jtoybaetike.*+

28 Yuʼun voʼot chavakʼ xojobajuk li jkantile, Kajval Jeova,

li Jdiose jaʼ chakʼ xojobinajuk li ikʼal osil oy ta jtojolale.+

29 Ta skoj ti chakoltaune, xuʼ kuʼun xbat jtsak ta kʼop li j-elekʼetike;+

ta skoj li sjuʼel Diose, xuʼ ximuy ta jun muro.+

30 Tukʼ kʼusi tspas* li melel Diose;+

muʼyuk xchopolil* li kʼusi chal Jeovae.+

32 Jaʼ chakʼ kipal li melel Diose+

xchiʼuk jaʼ tstukʼibtas li jbee.+

33 Jech chkʼot yuʼun kʼuchaʼal yakan teʼtikalchij li kakane;

te tsvaʼanun ti bu toyole.+

34 Chchanubtas ta paskʼop li jkʼobe;

li jkʼobe xuʼ yuʼun tslapʼun jun arko ti pasbil ta kovree.

35 Chavakʼbun li a-eskudo* sventa kolebale,+

jaʼ tskoltaun* li abatsʼikʼobe

xchiʼuk jaʼ tsmukʼibtasbun jkʼoplal ti bikʼit avakʼoj abae.+

36 Voʼot chajam batel mas li jbe bu chkakʼ batel kakane;

muʼyuk bu chjaxpʼuj li kakane.*+

37 Te tijil chibat ta spat li kajkontratak jaʼ to mi la jtaik ta bee,

jaʼ to chisut tal mi laj xa ox jmilike.

38 Ta jtsakik ta majel sventa mu xa xtotsik tal;+

ta jpechʼilanik ta tekʼel.

39 Voʼot chavakʼbun lek jtsatsal ta sventa li paskʼope;

te jkʼeloj chyalik ta lum avuʼun li kajkontratake.+

40 Chavakʼ jatavuk batel ta jtojolal* li kajkontratake

xchiʼuk ta jlajesbe skʼoplal* li buchʼutik spʼajojikune.+

41 X-avet tskʼanik koltael, pe muʼyuk buchʼu xuʼ xkoltaatik;

x-avetik ta stojolal Jeova xtok, pe muʼyuk bu chtakʼbatik.

42 Nin tajek chkomik kuʼun ta noyel jech kʼuchaʼal li pukuk* ti kuchbil chbat ta ikʼe;

ta jipik lokʼel ta pana* jech kʼuchaʼal li achʼel oy ta kayetike.

44 Jaʼ noʼox mi yaʼiik chikʼopoje, ta xchʼunbeikun;

smutsetik xa ta xiʼel chtalik ta jtojolal li jyanlumetike.+

45 Chlaj stsatsal yoʼontonik* li jyanlumetike;

xtʼeleletik* lokʼel tal ti bu snakʼoj* sbaike.

47 Jaʼ tspak jkʼoplal li melel Diose;+

jaʼ tsbikʼtajesbe skʼoplal jteklumetik sventa jpas ta mantal.

48 Jaʼ tskoltaun lokʼel ta skʼob li kajkontratak ti kapem sjolike;+

toyol chatoyun muyel, jaʼ pekʼel chkom li buchʼu tskontrainikune;

voʼot chakoltaun lokʼel ta skʼob li jsaʼkʼop vinike.

49 Jech oxal, Kajval Jeova,+ ta jkʼupil kʼoptaot ta stojolal li mukʼtik lumetike

xchiʼuk ta jkʼupil kʼopta ta kʼejimoletik* li abie.+

50 Mukʼtik kʼusitik spasoj sventa tskolta* li ajvalil yuʼune;+

chakʼbe yil tukʼil kʼanelal sbatel osil li buchʼu tʼujbil yuʼune,+

ta stojolal David xchiʼuk ta stojolal li snitilulale.+

19 Li kʼusitik oy ta vinajele yakal chalbeik smukʼulal li Diose;+

tspukbeik skʼoplal li yabtel skʼobe.+

 2 Jujun kʼakʼal xburbun* kʼuchaʼal voʼ li skʼopojelike,

jujun akʼobal chakʼik ta ojtikinel li Diose.

 3 Mu xkaʼibetik yechʼomal yeik, mu xvinaj skʼopojelik;

mu stakʼ aʼibel yechʼomal snukʼik.

 4 Pe laj yichʼ aʼiel ta spʼejel balumil li yaʼyejike

xchiʼuk kʼot kʼalal to ta stiʼiltak balumil ti bu oy jnaklejetike.*+

Li Diose la xlichʼanbe skarpana ta vinajel li kʼakʼale.

 5 Xkoʼolaj kʼuchaʼal jun jnupunel kerem ti chlokʼ talel li ta kuarto sventa achʼ jnupunele;

xmuyubaj kʼuchaʼal jun tsatsal vinik ti yakal ch-anilaje.

 6 Chlokʼ talel ta jot stiʼil vinajel

xchiʼuk chbat yakʼ talel velta kʼalal to ta jot stiʼil xtok;+

xchiʼuk chkʼot xkʼixnal ta stojolal skotol li kʼusitike.

 8 Li kʼusi chal Jeova akʼo xichʼ pasele toj tukʼik, xpatet koʼontontik yuʼun;+

muʼyuk xchopolil li smantal Jeovae, chakʼ xojobajuk li jsatike.+

10 Mas to kʼupil sba kʼuchaʼal li oroe,

mas to kʼupil sba kʼuchaʼal li lekil oroe+

xchiʼuk mas to chiʼ kʼuchaʼal li pome,+ li pom ti stsʼujtsʼun chlokʼ tal ta snae.

11 Jaʼ pʼijubtasbilik-o avajtuneltak li kʼusitik taje;+

mukʼ me smoton tstaik mi la xchʼunike.+

13 Xchiʼuk pajtsanun sventa mu jpas li kʼusi sventa toyobbaile;+

mu xavakʼ akʼo stsalun.+

Vaʼun, jech chʼabal jmul+

xchiʼuk chʼabal ta jpas li mulil ti toj kʼexlal sbae.*

14 Kajval Jeova, akʼo kʼupiluk sba xavaʼi li kʼusitik chlokʼ ta kee xchiʼuk li kʼusi ta jnop ta koʼontone,+

voʼot ti kʼotemot ta Mukʼta Ton kuʼune+ xchiʼuk voʼot ti Jpojvanejot kuʼune.+

 2 Akʼo te to skoltaot tal ti bu chʼule+

xchiʼuk te to akʼo yikot tal li ta Sione.+

 3 Akʼo teuk ta sjol skotol li kʼusi avakʼojbe ta smotone,

akʼo xchʼam ta slekil yoʼonton* li chikʼbil matanal chavakʼbee. (Sela).

 4 Akʼo yakʼbot li kʼusi tskʼan avoʼontone+

xchiʼuk akʼo lekuk xkʼot ta pasel yuʼun skotol li kʼusi anopoj chapase.*

 5 Chi-avankutik ta muyubajel ta skoj li kʼusitik apasoj sventa xakoltavane;+

ta jtoybekutik muyel senyail sventa jmukʼibtasbekutik skʼoplal li sbi Jdioskutike.+

Te to tstakʼbe tal ta xchʼul vinajel,

ta sjuʼel sbatsʼikʼob chkoltavan.*+

 7 Jlome tspat yoʼontonik ta stojolal kareta xchiʼuk li yane ta stojolal kaʼetik,+

pe li voʼotike ta jkʼanbetik vokol ta sbi li Jeova ti jaʼ Dios kuʼuntike.+

 8 Balchʼujemik xchiʼuk yalemik ta lum,

yan li voʼotike totsemutik tal xchiʼuk la jchaʼta kaviltik.+

21 Kajval Jeova, ta skoj ajuʼel xmuyubaj li ajvalile;+

¡toj echʼ xa noʼox xmuyubaj ta skoj li kʼusitik chapas sventa chakoltavane!+

 2 Avakʼojbe li kʼusi tskʼan yoʼontone+

xchiʼuk muʼyuk ajalanojbe li kʼusi lokʼem ta ye tskʼane. (Sela).

 3 Yuʼun laj avakʼbe bendision xchiʼuk laj avakʼbe li kʼusitik leke;

axojojbe ta sjol jun korona ti pasbil ta lekil oroe.+

 4 La skʼanbot xkuxlejal, vaʼun laj avakʼbe,+

nat xkuxlejal* laj avakʼbe, laj avakʼbe kuxlejal sbatel osil.

 6 Chavakʼbe-o bendision sbatel osil;+

xmuyubaj tajek kʼalal chil ti te achiʼuke.*+

 7 Yuʼun spatoj yoʼonton ta stojolal Jeova li ajvalile;+

muʼyuk bu chichʼ vuyilanel* ta skoj ti oy tukʼil kʼanelal yuʼun li Buchʼu toj toyol oye.+

 8 Chata ta tsakel ta akʼob skotol li avajkontratake;

chata ta tsakel ta abatsʼikʼob li buchʼutik spʼajojote.

10 Chalajesbe skʼoplal ta balumil li snitilulalike

xchiʼuk chalajesbe skʼoplal snitilulalik ta stojolal li xnichʼnab krixchanoetike.

11 Yuʼun snopoj ox tspasik kʼusi chopol ta atojolal;+

oy kʼusitik chopol snopoj tspasik ti muʼyuk chkʼot ta pasele.+

12 Tskʼej sbaik batel avuʼun,+

avichʼojbe batel lek stukʼil ta a-arko.*

¿Kʼu yuʼun ti nom oyot ta jtojolal ti muʼyuk chakoltaune,

ti nom oyot ti mu xavaʼi ti xi-avet ta skoj jvokole?+

 2 Dios kuʼun, xivokolet-o ta kʼakʼaltik, pe mu xatakʼbun;+

xchiʼuk muʼyuk tsʼijil chikom xtok li ta akʼobaltike.

 3 Pe li voʼote chʼulot,+

joyol ta apat axokon tskʼupil kʼoptaot li Israele.

 4 La spat yoʼontonik ta atojolal li jtot jmeʼkutike;+

la spat yoʼontonik, vaʼun jech la akoltaan-o.+

 5 Xvokoletik ta atojolal, vaʼun la akolta;

la spat yoʼontonik ta atojolal, vaʼun mu jecheʼuk laj yakʼ sbaik ta kʼexlal.+

 6 Pe jaʼ jechun kʼuchaʼal xuvit, maʼuk krixchanoun,

pʼajbilun yuʼun* li krixchanoetike xchiʼuk tslabanun li jteklume.+

 7 Tsnaʼleikun skotolik li buchʼutik chilikune;+

chlabanvanik xchiʼuk sjim xa sjol tstseʼintaikun,+ xi chalike:

 9 Voʼot la alokʼesun tal ta yalajeb jmeʼ,+

voʼot la akʼelun sventa junuk koʼonton kʼalal chakʼbun jchuʼ li jmeʼe.

10 Laj kichʼ kʼubanel sventa xachabiun tal* kʼalal li-ayane;

voʼot onoʼox Jdiosot kʼalal te toʼox tikʼilun ta yalajeb jmeʼe.

11 Mu me teuk noʼox akʼelojun tal ta nom, yuʼun nopol xa oy ta jtojolal li jvokole+

xchiʼuk muʼyuk buchʼu yan xuʼ skoltaun.+

12 Liʼ joyol ta jtojolal epal chʼiom tot vakaxetike;+

liʼ joyol ta jtojolal li tsatsal tot vakaxetik ta Basane.+

13 Xjachʼoj tajek yeik ta jtojolal,+

xkoʼolaj kʼuchaʼal jkot leon ti tsots x-avet xa tslilin ta tiʼel li sveʼele.+

14 Chkichʼ malel kʼuchaʼal voʼ;

pitkʼujem lokʼel skotol li jbakiltake.

Xkoʼolaj kʼuchaʼal chab* li koʼontone;+

ti ch-unij ta yut jbekʼtale.+

15 Takijem xa kipal jech kʼuchaʼal li sjepelul kʼusi pasbil ta lum ti takin xae;+

tspakʼ sba ta ke li kokʼe;+

la ajipun yalel ta chʼen sventa xicham.+

16 Yuʼun liʼ joyol ta jpat jxokon li tsʼiʼetike;+

jech chnopajik ta jtojolal kʼuchaʼal epal jpaschoplejaletik,+

jech kʼuchaʼal jkot leon ti xnitlajetik ta kakan xchiʼuk ta jkʼobe.+

18 Tspukbe sbaik li jkʼuʼ jpokʼe

xchiʼuk chakʼik ta suerte li jkʼuʼ jpokʼe.+

20 Koltaun lokʼel li ta espadae,

koltao lokʼel ta sniʼ yichʼak* tsʼiʼetik li jkuxlejal ti ep sbalile.+

21 Pojun lokʼel li ta ye leone xchiʼuk li ta xulub teʼtikal tot vakaxe;

takʼbun xchiʼuk koltaun.+

22 Chkalbe skʼoplal abi ta stojolal li kermanotake;+

ta jkʼupil kʼoptaot ta stojolal tsobobbail.+

24 Yuʼun muʼyuk spʼajoj xchiʼuk muʼyuk chopol yilojbe svokol li buchʼu ilbajinbile;+

muʼyuk bu snakʼoj* sat ta stojolal.+

25 Ta jkʼupil kʼoptaot ta mukʼta tsobobbail;+

ta jpas li kʼusi kakʼoj ke ta spasel kʼalal te skʼelojik li buchʼutik xiʼtaojik Diose.

26 Chveʼik li manxoetike xchiʼuk jun yoʼonton chkomik;+

li buchʼutik tsaʼik Jeovae tskʼupil kʼoptaik.+

28 Yuʼun jaʼ Ajvalil li Jeovae;+

jaʼ ch-ajvalilaj ta stojolal li mukʼtik lumetike.

29 Skotol li jkʼulejetik* ta balumile chveʼik xchiʼuk tskejan sbaik;

skotol li buchʼutik chyalik batel ta pukuktike* tskejan sbaik ta stojolal;

mi junuk buchʼu xuʼ yuʼun ti ta stuk noʼox kuxule.

30 Chtunik ta stojolal Dios li snitilulalike;

chichʼik albel ta sventa Jeova li jkʼol kuxlejal chtale.

 2 Jaʼ te chakʼ jkux koʼonton ti bu pulem lek yaxaltike;

jaʼ te tsbeiltasun batel li ta kuxob oʼontonal ti bu oy lek voʼe.*+

 4 Akʼo mi te chixanav li ta stenlejaltik ti ikʼ tajeke,+

muʼyuk kʼusi ta jxiʼta,+

yuʼun te achiʼinojun;+

jaʼ tspat koʼonton* li anamteʼ xchiʼuk alukaxteʼe.

Chasikubtas jol ta aseite;+

lek noj li jkopae.+

 6 Ta melel, te tijil chbat ta jtojolal li kʼusi leke xchiʼuk li tukʼil kʼanelale, jech-o ta sjunul jkuxlejal+

xchiʼuk te chinaki ta sna Jeova ti jayib kʼakʼal kuxulune.+

24 Jaʼ yuʼun balumil li Jeovae xchiʼuk skotol li kʼusitik oye,+

jaʼ yuʼun xtok li balumil ti bu lek xchʼi kʼusitike xchiʼuk li buchʼutik te nakalik ta balumile.

 2 Yuʼun lek snakanoj ta ba nab+

xchiʼuk lek tsots snakanoj ta ba ukʼum.

 3 ¿Buchʼu xuʼ xmuy batel li ta svits Jeovae+

xchiʼuk buchʼu xuʼ te svaʼan sba ti bu chʼul yuʼune?

 4 Jaʼ li buchʼu muʼyuk kʼusi chopol spasoje xchiʼuk ti muʼyuk xchopolil li yoʼontone,+

ti mu jecheʼuk noʼox tstʼab ta alel li jbie

xchiʼuk ti mu jecheʼuk chloʼlavan kʼalal chakʼ yee.+

 5 Ch-akʼbat bendision yuʼun Jeova+

xchiʼuk lek ch-ilat yuʼun Dios ta skoj ti tukʼ yakʼoj sbae, li Dios ti jaʼ jkoltavaneje.+

 6 Taje jaʼ li jkʼol kuxlejal ti tsaʼik Diose,

jaʼ li buchʼutik tskʼel yaʼiik asate, Dios yuʼun Jakob. (Sela).

 7 ¡Jamo aba atukik, tiʼ naetik!+

¡Jamanik,* mol ochebaletik,

sventa x-och li mukʼul Ajvalile!+

Jaʼ li Jeovae, ti tsots xchiʼuk ti oy sjuʼele,+

jaʼ li Jeova ti oy sjuʼel ta paskʼope.+

 9 ¡Jamo aba atukik, tiʼ naetik!+

¡Jamanik, mol ochebaletik,

sventa x-och li mukʼul Ajvalile!

 2 Dios kuʼun, jpatoj koʼonton ta atojolal;+

mu xavakʼ ti akʼo xkichʼ kʼexlaltasele.+

 3 Ta melel, mi junuk buchʼu chkom ta kʼexlal li buchʼu spatoj yoʼonton ta atojolale,+

pe chichʼik kʼexlaltasel li buchʼutik chvalopatinvanike.+

 4 Akʼbun kil li abetake, Kajval Jeova;+

chanubtasun sventa te xixanav li ta abee.+

 5 Akʼbun kil xchiʼuk teuk xixanav li ta tukʼil be avuʼune,+

yuʼun voʼot li jpojvanej Diosot kuʼune.

 6 Kajval Jeova, teuk me ta ajol li xkʼuxul avoʼontone xchiʼuk li tukʼil kʼanelal avuʼune,+

ti jech onoʼox avakʼoj tal ta ilele.*+

Teukun me ta ajol ta skoj li tukʼil kʼanelal avuʼune,+

ta skoj li slekil avoʼontone, Kajval Jeova.+

 9 Jaʼ tsbeiltas batel ta spasel kʼusi lek li manxoetike+

xchiʼuk chakʼbe yil manxoetik li be yuʼune.+

10 Skotol li sbetak Jeovae jaʼ tukʼil kʼanelal xchiʼuk tukʼilal

ta stojolal li buchʼutik tstsakik ta venta li trato yuʼune+ xchiʼuk li smantaltake.+

11 Ta skoj li abie, Kajval Jeova,+

pasbun perton li jmule akʼo mi toj tsots.

13 Jaʼ tskʼupin li kʼusi leke+

xchiʼuk jaʼ chuʼuninik balumil li snitilulale.+

14 Jaʼ noʼox xuʼ lek tajek xil sbaik xchiʼuk Jeova li buchʼutik xiʼtaojike+

xchiʼuk ch-akʼbat snaʼik li stratoe.+

15 Te-o jsat ta stojolal li Jeovae,+

yuʼun jaʼ tslokʼesbun kakan li ta petsʼe.+

16 Akʼo tal asat ta jtojolal xchiʼuk akʼo ta ilel slekil avoʼonton ta jtojolal,

yuʼun jtuk oyun xchiʼuk chʼabal buchʼu spakbun jkʼoplal.

17 Epajem tajek li kʼusi ta jvul-o koʼontone;+

koltaun lokʼel li ta jvokole.

18 Kʼelavil li kʼusi ta jvul-o koʼontone xchiʼuk li jvokole+

xchiʼuk chʼaybun skotol li jmule.+

19 Kʼelavil kʼu to yepal li kajkontratake

xchiʼuk ti kʼu to yepal spʼajojikune.

21 Jaʼuk me akʼo xchabiun li stukʼil koʼontone xchiʼuk li jtukʼilale,+

yuʼun te jtaoj spatobil koʼonton ta atojolal.+

26 Chapanun, Kajval Jeova, yuʼun tukʼ-o koʼonton kakʼoj jba;+

muʼyuk xichibet, jpatoj koʼonton ta atojolal, Jeova.+

 2 Kajval Jeova, chajun ta kʼelel xchiʼuk akʼun ta preva;

lekubtaso li koʼontone xchiʼuk li kʼusi ta jnop ta yutil to jnopbene.*+

 3 Yuʼun skotol ora ta jnopbe skʼoplal li tukʼil kʼanelal avuʼune 

xchiʼuk jaʼ jbeinoj-o li kʼusi melel avuʼune.+

 4 Muʼyuk ta jchiʼin* li jloʼlavanej krixchanoetike+

xchiʼuk muʼyuk ta jchiʼin li buchʼu mu xakʼ ta ilel kʼu yelanik ta melele.*

 5 Batsʼi mu jkʼan jchiʼin li buchʼu muʼyuk xkʼuxul yoʼontone+

xchiʼuk mu jkʼan jchiʼin* li buchʼu toj chopolike.+

 6 Ta jpok jkʼob sventa chkakʼ ta ilel ti muʼyuk jmule

xchiʼuk ta joyobta li skajleb amotone, Kajval Jeova,

 7 sventa xichʼ aʼiel lek ti kʼu yelan ta jtoj ta vokole+

xchiʼuk ti xkal batel li kʼusitik labalik sba apasoje.

 8 Jeova, jkʼanoj li na bu nakalote,+

jaʼ li bu oy amukʼulale.+

 9 Mu koʼoluk xamesun batel xchiʼuk li jpasmuliletike,+

mu teuk koʼol xalajesun xchiʼuk li jsaʼkʼopetike.*

10 Yuʼun jaʼ yabtelinoj skʼobik li talelal ti toj kʼexlal sbae

xchiʼuk stsakoj takʼin* li sbatsʼikʼobike.

12 Ta stenlejaltik vaʼalun;+

ta jkʼupil kʼopta Jeova li ta mukʼta tsobobbaile.*+

 2 Kʼalal la stsakikun ta kʼop sventa tsbikʼikun junlej+ li buchʼutik toj chopolike,

jaʼ mak* yakan stukik xchiʼuk jaʼ yalik ta lum li kajkontratake.

 3 Akʼo mi tsjoyiikun sventa tskontrainikun li soltaroetike,

muʼyuk ch-och xiʼel ta koʼonton.+

Akʼo mi xlik kʼop sventa tskontrainikun,

jech-o jpatoj koʼonton ta stojolal.

 4 Jtos noʼox li kʼusi jkʼanojbe Jeovae

—jpʼel ta koʼonton jaʼ ta jsaʼo batel—

jaʼ ti teuk xinaki ta sna Jeova ti jayib kʼakʼal kuxulune,+

sventa teuk-o jkʼelojbe li yutsil slekilal Jeovae

xchiʼuk ti jkʼupinbe skʼelel* li stemploe.+

 5 Yuʼun jaʼ te tsnakʼun* ta snakʼobbail kʼalal jaʼo yorail vokolile;+

te tsnakʼun li ta yut skarpana ti bu lek nakʼale;+

te chluchanun muyel ta sba mukʼta ton.+

 6 Avi une, laj xa jtsal li kajkontratak ti joyol ta jtojolale;

xi-avet ta muyubajel kʼalal chkakʼ milbil matanal li ta skarpanae;

ta jkʼupil kʼopta ta kʼejimoletik* li Jeovae.

 7 Kajval Jeova, chikintabun kʼalal xivokolet ta atojolale;+

akʼo ta ilel slekil avoʼonton ta jtojolal xchiʼuk takʼbun.+

Voʼot jkoltavanejot kuʼun;+

mu xajipun, mu xaviktaun komel, voʼot li jpojvanej Diosot kuʼune.

10 Akʼo mi xiktaun komel li jtot jmeʼe,+

jaʼ onoʼox tsventainun li Jeovae.+

11 Akʼbun kil li abee, Kajval Jeova,+

beiltasun batel ta sbelel tukʼilal sventa muʼyukuk kʼusi spasbun li kajkontratake.

12 Mu xavakʼun ta skʼob li kajkontratake,+

yuʼun jecheʼ sjutojbeikun* jmul+

xchiʼuk tskʼan tsyayijesikun.

13 ¿Bu oyun jechuk ti muʼyukuk xchʼunel koʼonton

ti chkilbe li slekil yoʼonton Jeova yoʼ to kuxulune?*+

14 Pato avoʼonton ta stojolal Jeova;+

tsotsuk avoʼonton xchiʼuk mu me xachibaj.+

28 Xivokolet-o ta atojolal, Kajval Jeova, voʼot ti kʼotemot ta Mukʼta Ton kuʼune;+

mu achikinuk noʼox xavaʼi li kʼusi chkale.*

Jech chibat kʼuchaʼal li buchʼutik chyalik batel ta chʼen*+

mi te noʼox tsʼijil lakom ta jtojolale.

 2 Chikintao kʼalal xivokolet ta jkʼan akʼo xakoltaune,

chikintao kʼalal ta jtoy batel jkʼob li ta yutil to tajek ti bu chʼul avuʼune.+

 3 Mu koʼoluk xajochun batel xchiʼuk li buchʼutik toj chopolike, ti nopem xaʼiik spasel li kʼusi chakʼ vokolile,+

ti jun xa yoʼonton tskʼopon xchiʼilik yilele, pe ti te oy ta yoʼontonik li kʼusi toj chopole.+

 4 Tojbo sutel ti kʼu yelan la spasike,+

ti kʼu yelan toj chopol nopem xaʼiik spasele.

Tojbo sutel li yabtel skʼobike,

jechuk xatojbe sutel kʼuchaʼal la spasike.+

 5 Yuʼun muʼyuk tstsakik ta venta li kʼusitik tspas Jeovae+

mi jaʼuk li yabteltak skʼobe.+

 6 Akʼo yichʼ kʼupil kʼoptael li Jeovae,

yuʼun laj xa yaʼi ti xivokolet ta jkʼan koltaele.

 7 Jaʼ kʼotem ta jtsatsal li Jeovae+ xchiʼuk jaʼ kʼotem ta j-eskudo;*+

jpatoj koʼonton ta stojolal.+

La skoltaun, vaʼun xmuyubaj li koʼontone,

jech oxal ta jkʼupil kʼopta li ta jkʼejimole.

 8 Li Jeovae jaʼ kʼotem ta stsatsal li steklumale,

jaʼ tsatsal pojobbail, ti tspoj li buchʼu tʼujbil yuʼune.+

29 Akʼbeik Jeova li kʼusi sta-oe, voʼoxuk li xnichʼnaboxuk buchʼutik tsots yipike,

akʼbeik Jeova li kʼusi sta-o ta skoj li smukʼulale xchiʼuk li yipe.+

 3 Chichʼ aʼibel yechʼomal ye Jeova li ta sba voʼe;

xkʼavlajet noʼox yechʼomal ye li mukʼul Diose.+

 4 Toj echʼ xa noʼox tsots li yechʼomal ye Jeovae;+

toj echʼ xa noʼox labal sba li yechʼomal ye Jeovae.

 5 Tskʼas sedro teʼetik li yechʼomal ye Jeovae;

ta melel, tslilin ta kʼasel sedro teʼetik ta Libano+ li Jeovae.

 6 Chpʼit yuʼun kʼuchaʼal chʼiom tot vakax li Libanoe*

xchiʼuk chpʼit yuʼun kʼuchaʼal jkot chʼiom teʼtikal tot vakax li Sirione.*+

 7 Chlokʼ tal sleb kʼokʼ li ta yechʼomal ye Jeovae;+

 8 li yechʼomal ye Jeovae chnik yuʼun li takixokol balumile,+

li Jeovae chnik yuʼun li takixokol balumil ta Kadese.+

 9 Li yechʼomal ye Jeovae chnik yuʼun li teʼtikalchije xchiʼuk chvokʼ yol yuʼun,

jech xtok, tʼanal chkom yuʼun li teʼtikaltike.+

10 Li xchotleb sventa ajvalil li Jeovae te oy ta sba nojelal ta voʼ;*+

chotol xa ta xchotleb sventa jaʼuk Ajvalil sbatel osil li Jeovae.+

30 Ta jtoybot akʼoplal, Kajval Jeova, yuʼun atoyojun* likel;

muʼyuk laj avakʼ muyubajuk li kajkontratak ta skoj li jvokoltake.+

 4 Kʼupil kʼoptaik ta kʼejimoletik* li Jeovae, voʼoxuk ti tukʼ avakʼoj abaik ta stojolale,+

kʼupil kʼoptabeik li xchʼul bie;+

 5 yuʼun jlikel noʼox oy skʼakʼal yoʼonton ta jtojolaltik,+

pe li slekil yoʼontone te oy-o ti kʼu sjalil kuxulutike.+

 8 Te xi-avet-o ta atojolal, Kajval Jeova;+

xchiʼuk te xivokolet-o ta jkʼan akʼo xakoltaun, Jeova.

11 Laj xa akʼatajesbun ta akʼot li yatel koʼontone;

laj xa alokʼbun li chʼixal kʼuʼile,* vaʼun jaʼ xa laj avakʼbun jkʼuʼin li muyubajele

12 sventa xuʼ jkʼupil kʼoptaot ta kʼejimol xchiʼuk ti mu teuk tsʼijil xikome.

Sventa bankilal jtijson.

Skʼejimol David.

Kʼotan ta vits kuʼun sventa te jsaʼ jnakʼobbail,

jun tsatsal nakʼobbail sventa spojun.+

 3 Yuʼun voʼot li tayal ton kʼotemot kuʼune xchiʼuk voʼot jtsatsal pojobbailot;+

ta skoj li abie+ chabeiltasun xchiʼuk chachabiun.+

 4 Chakoltaun lokʼel li ta petsʼ ti ta mukul yakʼojike,+

yuʼun voʼot li jtsatsal nakʼobbailote.+

 6 Jpʼajoj li buchʼutik jaʼ chichʼik ta mukʼ jecheʼ santoetike, ti mu kʼusi xtunik-oe,

yan li voʼone jpatoj koʼonton ta stojolal Jeova.

 7 Xkuxet ta jyalel koʼonton yuʼun li tukʼil kʼanelal avuʼune,

yuʼun aviloj xa li jvokole;+

avakʼoj xa venta li kʼusitik kʼux tajek chkaʼie.

 8 Muʼyuk avakʼojun ta skʼob li kajkontratake,

yuʼun jaʼ te la avaʼanun ti bu jun koʼontone.*

10 Tslajesbun xa jkuxlejal li at-oʼontone+

xchiʼuk skomajesojbun xa jayib jabil kuxulun li jikʼ oʼontone.+

Chlaj xa batel kipal ta skoj li jpaltaile;*

chkʼunib xa li jbakile.+

11 Spʼajojikun skotol li kajkontratake,+

pe mas to li jlakʼnatake.

Jech xtok, chiʼik ta jtojolal li buchʼutik xkojtikine;

chjatavik batel ta jtojolal mi laj yilikun ti bu oy krixchanoetike.+

12 Xchʼayojikun xa ta sjolik xchiʼuk ta yoʼontonik,* chamemun xa yileluk;

xikoʼolaj kʼuchaʼal vokʼem jarra.

13 Kaʼioj ti ep kʼusitik toj chopol chalik li krixchanoetike;

buyuk noʼox batkun, chixiʼ tajek.+

Kʼalal tspas ta jmoj sjolik sventa tskontrainikune,

tsnop tsmilikun.+

17 Kajval Jeova, mu me xkichʼ akʼel ta kʼexlal kʼalal xivokolet ta atojolale.+

Akʼo yichʼ akʼel ta kʼexlal li buchʼu toj chopolike;+

18 Akʼo umaʼuk xkom li jutkʼopetike,*+

li buchʼutik xtoyet chkʼopojik xchiʼuk ti spʼajojik li buchʼutik tukʼ yakʼoj sbaike.

Anakʼoj* sventa xavakʼbe li buchʼutik xiʼtaojote*+

xchiʼuk avakʼoj ta ilel ta stojolal skotol li krixchanoetike, ta stojolal li buchʼutik tsaʼ snakʼobbailik ta atojolale.+

20 Te chanakʼ* ti bu lek nakʼal yoʼ bu oyot+

ta skoj li kʼusi chopol snopoj tspasik li krixchanoetike;

te chanakʼ li ta nakʼobbail avuʼun

ta skoj li kʼusi chopol tspasbatike.*+

21 Kʼupil kʼoptabiluk li Jeovae,

yuʼun toj labal sba ti kʼu yelan yakʼoj ta ilel tukʼil kʼanelal ta jtojolal+ li ta jteklum ti joyobtabil xae.+

Chchabiat yuʼun Jeova li buchʼutik tukʼ yakʼoj sbaike,+

yan li jtoybaetike+ tsots chakʼbe kastigo.

24 Mu xachibajik xchiʼuk tsotsuk avoʼontonik,+

akotolik ti apatoj avoʼontonik ta stojolal Jeovae.+

 2 Xmuyubaj noʼox li buchʼu muʼyuk smul ch-ilat yuʼun li Jeovae,+

ti muʼyuk chloʼlavan ta yoʼontone.

 5 Vaʼun, laj kalbot ta jamal li jmule;

muʼyuk bu la jmuk li jpaltaile.*+

 6 Jech oxal, tstaot ta kʼoponel+ skotol li buchʼu tukʼ chakʼ sba

yoʼ to xatakʼ saʼele.+

 7 Voʼot kʼotemot ta jnakʼobbail;

voʼot chachabiun li ta yorail vokolile.+

 9 Mu jechuk xapas aba kʼuchaʼal jkot kaʼ o jkotuk mula ti mu xaʼibe xchikinale,+

ti skʼan sfreno xchiʼuk sjakima* sventa xichʼ pajesel kʼalal xyolet* ta anil

yoʼ to muʼyuk nopajem tal ta atojolale».

10 Toj ep kʼusi kʼux chaʼi li buchʼu toj chopole;

jaʼuk li buchʼu spatoj yoʼonton ta stojolal Jeovae joyobtabil li ta tukʼil kʼanelal yuʼune.+

11 Muyubajanik noʼox ta stojolal li Jeovae xchiʼuk kuxetuk noʼox avoʼontonik, voʼoxuk ti tukʼ avakʼoj abaike;

avananik ta muyubajel akotolik li buchʼutik tukʼ avoʼontonike.

 2 Tojbeik ta vokol Jeova ta arpa;

kʼejintabeik kʼejimoletik* ta stijobil son ti oy lajuneb yakʼile.

 3 Kʼejintabeik junuk achʼ kʼejimol;+

tojobanik lek stijel li yakʼiltak stijobil sone xchiʼuk avananik ta muyubajel.

 4 Yuʼun tukʼ li skʼop+ Jeovae

xchiʼuk xuʼ jpat-o koʼontontik skotol li kʼusitik tspase.

 6 Ta smantal Jeova laj yichʼ pasel li vinajele+

xchiʼuk ta yikʼal ye ayan skotol li kʼusitik oy tee.*

 7 Ta stsob ta jmoj li yaʼlel nabe, xkoʼolaj kʼuchaʼal tsmakbe yok;+

tstikʼ ta yavil li voʼ ti xyukʼlajet tajeke.

 9 Yuʼun laj yal mantal, vaʼun lik ayanuk li kʼusitike;+

laj yal mantal, laje vaʼi skotol li kʼusitike.+

10 Li Jeovae xtuchʼojbe ta be li kʼusi chopol snopoj tspasik* li mukʼtik lumetike;+

xtuchʼojbe ta be kʼusi oy ta yoʼonton tspasik* li jteklumetike.+

11 Pe li tojobtasel yuʼun Jeovae te oy-o sbatel osil;+

li kʼusitik snopoj ta yoʼontone chjalij akʼo mi xjelav jaykʼoluk kuxlejal.

12 Xmuyubaj noʼox li mukʼta lum ti jaʼ Sdiosik li Jeovae,+

li jteklum ti jaʼ stʼujoj sventa jaʼ xkʼot ta spartee.+

13 Ta vinajel to chkʼelvan tal li Jeovae;

chil talel skotol li xnichʼnab krixchanoetike.+

14 Ti bu to nakale,

te to yakʼoj tal sat ta stojolal skotol li jnaklejetik ta balumile.

15 Jaʼ spasojbe yoʼonton skotolik;

chchajbe ta kʼelel skotol li kʼusitik tspasike.+

16 Mi junuk ajvalil xuʼ xpojat yuʼun li epal soltaroetike;+

li jun vinik ti lek xuʼ yuʼune maʼuk chpojat ta skoj ti lek xuʼ yuʼune.+

17 Jecheʼ ta jpat koʼontontik sventa tskoltautik* li kaʼe;+

maʼuk ti jpʼel xa skʼoplal tskoltautik ta skoj ti toj tsots yipe.

18 ¡Kʼelavilik! Te oy sat Jeova ta stojolal li buchʼu xiʼtaojike,+

li buchʼu spatoj yoʼontonik li ta tukʼil kʼanelal yuʼune,

19 sventa skolta lokʼel li ta lajelale

xchiʼuk sventa kuxuluk xkomik li ta yorail tsatsal viʼnale.+

21 Xmuyubaj koʼontontik ta stojolal,

yuʼun jpatoj koʼontontik ta stojolal li xchʼul bie.+

22 Liʼ me oyuk ta jtojolalkutik li tukʼil kʼanelal avuʼune, Kajval Jeova,+

yoʼ to jmalaoj chakoltaunkutike.+

34 Skotol ora ta jkʼupil kʼopta li Jeovae;

mu xpaj ke ta skʼupil kʼoptael.

 2 Mukʼ jkʼoplal chkaʼi jba ta stojolal li Jeovae;+

taje chkʼot ta xchikin li manxoetike, vaʼun chmuyubajik.

 3 Koʼol jmukʼibtasbetik skʼoplal li Jeovae;+

jmoj jtoybetik skʼoplal li sbie.

 5 Li buchʼutik la skʼelik batele xojobinaj satik ta muyubajel.

Mu xuʼ xichʼ kʼexlaltasel li satike.

 7 Li yaj-anjel Jeovae te xjoyet ta stojolal li buchʼutik xiʼtaojik* Diose+

xchiʼuk chkoltaatik.+

 8 Pasik preva, vaʼun chavilik ti toj lek li Jeovae;+

xmuyubaj noʼox li buchʼu tsaʼ snakʼobbail ta stojolale.

 9 Xiʼtaik Jeova akotolik li voʼoxuk ti chʼuloxuk yuʼune,

yuʼun muʼyuk kʼusi tspas palta yuʼunik li buchʼutik xiʼtaojike.+

10 Kʼalal ta tsatsal chʼiom leonetik* chilik viʼnal,

yan li buchʼutik tsaʼik Jeovae muʼyuk bu tspas palta yuʼunik li kʼusitik leke.+

11 Laʼik, kuni nichʼnabtak, chikintabeikun;

ta jchanubtasoxuk ta xiʼtael li Jeovae.+

12 ¿Buchʼu ti xmuyubaj noʼox tskʼan chkuxie

xchiʼuk ti tskʼupin yaʼi jal xkuxlejale?+

13 Vaʼun bi, skʼan xapajes avokʼ ta sventa li kʼusi chopole+

xchiʼuk skʼan xapajes ave ta loʼlavanej.+

14 Chʼako aba lokʼel ta sventa li kʼusi chopole, jaʼuk xapas li kʼusi leke;+

jaʼuk xasaʼ li jun oʼontonale xchiʼuk jaʼuk xatsʼakli batel.+

15 Te yakʼoj sat Jeova ta stojolal li buchʼutik tukʼike+

xchiʼuk chchikintabe kʼalal xvokoletik tskʼanik koltaele.+

16 Pe kontra chil Jeova li buchʼutik tspasik kʼusitik chopole,

chtupʼbat skʼoplalik ta balumil.+

17 Xvokoletik ta stojolal Jeova li buchʼutik tukʼike, vaʼun aʼibatik,+

jaʼ koltaatik lokʼel ta skotol li svokolike.+

18 Nopol oy Jeova ta stojolal li buchʼutik muʼyuk xa te tsakal chaʼi li yoʼontonike;+

tskolta li buchʼutik chat yoʼontonike.*+

19 Toj ep svokol li buchʼu tukʼ yakʼoj sbae,+

pe chkoltaat yuʼun Jeova ta skotol li svokole.+

20 Yakal chchabibe skotol li sbakile;

mi junuk sbakil laj yichʼ kʼasbel.+

21 Li buchʼu toj chopole jaʼ chmilat yuʼun li vokolile;

chtabat smulik li buchʼutik spʼajojik li buchʼutik tukʼe.

22 Yakal chchabibe xkuxlejal yajtuneltak li Jeovae;

mi junuk buchʼu chtabat smulik li buchʼutik tsaʼ snakʼobbailik ta stojolale.+

35 Kajval Jeova, pakbun jkʼoplal ta stojolal li kajkontratake;+

tsako ta kʼop li buchʼu tstsakikun ta kʼope.+

 2 Tsako li akʼox eskudoe* xchiʼuk li amukʼta eskudoe+

xchiʼuk totsan tal sventa xapakbun jkʼoplal.+

 5 Jechuk xkʼotik kʼuchaʼal solepal* kʼusitik ti chkuchat batel ta ikʼe,

akʼo namajesatikuk batel yuʼun li yaj-anjel Jeovae.+

 6 Akʼo ikʼmutsʼanuk* xchiʼuk bililuk ti bu chanavik

kʼalal nutsbilik yuʼun li yaj-anjel Jeovae.

 7 Yuʼun ta jech noʼox snakʼojik* jun petsʼ sventa tstsakikun;

ta jech noʼox sjokʼojbeikun jchʼenal.

 8 Akʼo ta aniluk xtal ta stojolalik li vokolile;

jaʼuk te xpʼaj* stukik li ta petsʼ snakʼojike;*

teuk akʼo syak sba stukik xchiʼuk akʼo te lajikuk.+

 9 Yan li voʼone chimuyubaj ta stojolal Jeova;

xkuxet koʼonton ta sventa li kʼusitik spasoj sventa chkoltavane.

Voʼot chakolta lokʼel ta skʼob buchʼutik mas tsotsik+ li buchʼu mu xpak yuʼun skʼoplale,

chakolta lokʼel ta skʼob j-elekʼetik li buchʼu mu xpak yuʼun skʼoplale xchiʼuk li buchʼu abol sbae».+

11 Chtalik ta jtojolal li chopol testigoetike,+

tsjakʼbeikun li kʼusitik mu jnabe skʼoplale.

12 Chopol tspakbeikun sutel li kʼusi lek jpasojbeike,+

jaʼ yuʼun chkat-o koʼonton yuʼunik.

13 Pe kʼalal ipajike, la jlap chʼixal kʼuʼil;*

la jpas ayuno* ta skoj at-oʼonton

xchiʼuk kʼalal muʼyuk xitakʼbat li orasion la jpas ta stojolalike,

14 laj kat koʼonton, yuʼun xkoʼolaj kʼuchaʼal cham kamigo o jchiʼil ta vokʼel laj kaʼi;

la jnijan jba ta skoj li jvokole, xkoʼolaj kʼuchaʼal kʼalal oy buchʼu chcham smeʼe.

15 Pe kʼalal la jmak* kakane, muyubajik xchiʼuk la stsob sbaik;

la stsob sbaik sventa ta nakʼal* tsjipikun ta lum;

la slilinikun xchiʼuk muʼyuk tsʼijil komik ta sjutel* jmul.

16 Solel tslabanikun ta skoj ti spʼajojikun* li chopol krixchanoetike,

xkʼux xa stanal yeik ta jtojolal.+

Koltaun lokʼel ta skoj ti chkontrainvanike,+

koltao lokʼel ta stojolal chʼiom leonetik*+ li jkuxlejal ti ep sbalile.

18 Vaʼun, ta jtojbot ta vokol li ta mukʼta tsobobbaile;+

ta jkʼupil kʼoptaot kʼalal tsobol epal krixchanoetike.

19 Mu xavakʼ ti xmuyubajik xa li buchʼutik ta jech noʼox tskontrainikune;

mu xavakʼ ti smutsʼ xa sat tskʼel sbaik ta xchopolil yoʼontonik+ li buchʼutik chʼabal srasonal spʼajojikune.+

20 Yuʼun maʼuk chalbeik skʼoplal li jun oʼontonale,

kʼajomal noʼox te xnoplajetik ta sloʼlael li manxoetik ta balumile.+

21 Xjachʼoj lek yeik tslabanikun,

xi chalike: «¡Stotuk-o yaʼi!* Laj kil ta jsat jtuktik un».

23 Likan xchiʼuk totsan tal sventa xapakbun jkʼoplal,

Jeova Dios kuʼun, pakbun jkʼoplal ta skoj li kʼusi ta jnuptane.

24 Kajval Jeova, Dios kuʼun, tukʼ xachapanun ta skoj li atukʼilale;+

mu xavakʼ ti xmuyubajik xa kajkontratak ta skoj ti chkil jvokole.

26 Akʼo ta kʼexlaluk xkom skotolik xchiʼuk chʼabaluk xa ichʼbilik ta mukʼ

li buchʼutik xmuyubajik xa ta skoj li jvokole.

27 Yan li buchʼutik tskʼanik ti tukʼuk jkʼoplale akʼo avanikuk ta muyubajel;

nopajtikuk xi xalike:

28 Vaʼun, chalbe batel skʼoplal* atukʼilal li kokʼe+

xchiʼuk ta jkʼupil kʼoptaot skotol kʼakʼal.+

36 Chloʼlabat yoʼonton yuʼun mulil li buchʼu toj chopole;

muʼyuk bu chiʼta* li Diose.+

 2 Toj mukʼ skʼoplal chaʼi sba stuk,

jech oxal muʼyuk chakʼ venta ti oy spaltaile* xchiʼuk muʼyuk chopol chil.+

 3 Li kʼusi chlokʼ ta yee chyayijesvan xchiʼuk chloʼlavan;

muʼyuk chakʼ ta ilel spʼijil sventa spas li kʼusi leke.

Muʼyuk bu lek li be stamoj batele;

muʼyuk bu spʼajoj li kʼusi chopole.

 5 Kajval Jeova, kʼalal to ta vinajel chkʼot li tukʼil kʼanelal avuʼune;+

ti tukʼ chavakʼ abae chkʼot kʼalal to ta tok.

 6 Xkoʼolaj kʼuchaʼal tayal vitsetik* li atukʼilale;+

li chapanel avuʼune xkoʼolaj kʼuchaʼal natil voʼ+ ti mu albajuk sjamleje.

 7 ¡Toj echʼ xa noʼox ep sbalil li tukʼil kʼanelal avuʼune, Dios kuʼun!+

Ta yolon axikʼ tsaʼ snakʼobbailik li xnichʼnab krixchanoetike.+

 8 Chveʼik xchiʼuk noj chkom xchʼutik ta skoj ti oy ep veʼlil* li ta anae+

xchiʼuk chuchʼbeik yaʼlel li yukʼumal slekil avoʼontone.+

 9 Te oy ta atojolal li snioʼal kuxlejale;+

chkilkutik sakil osil ta skoj li sakil osil avuʼune.+

10 Jechuk-o me xavakʼ ta ilel tukʼil kʼanelal avuʼun ta stojolal li buchʼutik xojtikinikote+

xchiʼuk jechuk-o me xavakʼ ta ilel atukʼilal ta stojolal li buchʼutik tukʼ yoʼontonike.+

12 Yalemik ta lum li jpaschoplejaletike;

jipbilik ta lum xchiʼuk mu xa xtotsik.+

37 Mu xa-ilin* ta skoj li buchʼutik toj chopolike

mi jaʼuk xa-itʼixaj ta stojolal li jpaschoplejaletike.+

 2 Anil chtakijik kʼuchaʼal vomol+

xchiʼuk chnukultajik kʼuchaʼal tsʼiʼlel ti unin* toe.

 3 Pato avoʼonton ta stojolal Jeova xchiʼuk paso li kʼusi leke;+

naklan ta balumil* xchiʼuk tukʼuk xavakʼ aba.+

 4 Kʼupiluk tajek xavaʼi* ti chatun ta stojolal* Jeovae,

vaʼun chakʼbot li kʼusi tskʼan avoʼontone.

 5 Akʼo sbeiltasot batel Jeova li ta be bu atamoj batele,+

pato avoʼonton ta stojolal, vaʼun lek kʼusi tspas ta atojolal.+

 6 Chojobaj yuʼun li atukʼilal jech kʼuchaʼal kʼalal tsakub tale

xchiʼuk chojobaj yuʼun atukʼilal jech kʼuchaʼal li kʼakʼal ta oʼlol kʼakʼale.

 7 Tsʼijlan noʼox ta stojolal li Jeovae+

xchiʼuk teuk xa me amalaoj tajek.*

Mu xa-ilin ta skoj li jun krixchano

ti lek chkʼot ta lokʼel yuʼun li kʼusitik chopol tsnop tspase.+

 8 Iktao li skʼakʼal avoʼontone xchiʼuk komtsano li stiʼemal ajole;+

mu xa-ilin xchiʼuk mu xapas li kʼusi toj chopole.*

 9 Yuʼun chichʼik lajesel li buchʼutik toj chopolike,+

yan li buchʼu spatoj yoʼontonik ta stojolal Jeovae jaʼ chuʼuninik li balumile.+

10 Mu xa jaluk skʼan, vaʼun chchʼay skʼoplal li buchʼutik toj chopolike;+

chakʼel to ti bu toʼox oyike,

pe chʼabal xa te oyik.+

11 Yan li manxoetike jaʼ chuʼuninik li balumile+

xchiʼuk tskʼupinik tajek li jun oʼontonal ti muʼyuk spajebe.+

12 Li buchʼu toj chopole oy kʼusi chopol tsnop tspasbe li buchʼu tukʼe;+

xkʼux noʼox stanal ye sventa tskontrain.

13 Pe tseʼej noʼox ch-aʼiat yuʼun Jeova,

yuʼun snaʼoj ti chkʼot skʼakʼalile.+

14 Tsnit lokʼel s-espadaik li buchʼutik toj chopole xchiʼuk tslaʼ* s-arkoik

sventa tsjipik ta lum li buchʼutik chil svokole xchiʼuk li buchʼutik abol sbaike,

sventa tsmilik li buchʼutik tukʼ kʼusi tspasike.*

15 Pe pajal chkʼot ta yoʼonton stukik li s-espadaike;+

chichʼ kʼasbel li s-arkoike.

16 Akʼo mi jutuk noʼox kʼusi oy yuʼun li buchʼu tukʼe, mas to lek,

jaʼ mu sta akʼo mi ep kʼusi oy yuʼun li epal chopol krixchanoetike.+

17 Yuʼun chichʼ kʼasbel skʼob li buchʼu toj chopole,

pe ch-ikat yuʼun Jeova li buchʼu tukʼe.

18 Li Jeovae snaʼoj lek kʼusitik chkʼot ta stojolal li buchʼutik chʼabal spaltailike*

xchiʼuk te oy-o sbatel osil li xrextoike.*+

19 Muʼyuk ch-akʼatik ta kʼexlal li ta yorail vokolile;

oy ep kʼusitik yuʼunik kʼalal jaʼo yorail tsatsal viʼnale.

20 Yan li buchʼutik toj chopolike chlajik;+

chchʼayik batel kʼuchaʼal kʼupil sba yaxaltik li yajkontratak Jeovae;

tsakchʼayik batel kʼuchaʼal chʼail.*

21 Lek snaʼ x-och ta chʼom li buchʼu toj chopole, pe mu snaʼ sutes,

yan li buchʼu tukʼe muʼyuk kʼusi snaʼ sjalan* xchiʼuk lek snaʼ xakʼ li kʼusitik oy yuʼune.+

22 Chuʼuninik balumil li buchʼutik akʼbilik bendision yuʼun Diose,

pe chichʼik lajesel li buchʼutik chopol kʼoptabilik yuʼun Diose.+

23 Li Jeovae tsbeiltas batel* ti bu chanav li jun krixchano+

kʼalal lek chil li be bu stamoj batele.+

24 Akʼo mi xyal ta lum, pe muʼyuk chichʼ jipel batel,+

yuʼun chnitbat skʼob yuʼun li Jeovae.+

25 Keremun toʼox, pe li avi une limalub xa,

pe muʼyuk bu kiloj-o ti iktabil komel li buchʼu tukʼe+

mi jaʼuk ti xvokoletik xa ta skʼanel veʼlil* li xnichʼnabe.+

26 Skotol ora ta sjunul yoʼonton chakʼ ta chʼom li kʼusitik yuʼune+

xchiʼuk ta onoʼox staik bendision li xnichʼnabe.

27 Chʼako aba lokʼel ta sventa li kʼusi chopole xchiʼuk jaʼ paso li kʼusi leke,+

vaʼun te chakom-o sbatel osil.

28 Yuʼun skʼanoj tukʼilal li Jeovae

xchiʼuk muʼyuk chikta komel li buchʼutik tukʼ yakʼoj sbaik ta stojolale.+

Skotol ora chchabi;+

yan li snitilulal buchʼutik toj chopole chichʼik lajesel.+

29 Chuʼuninik balumil li buchʼutik tukʼike+

xchiʼuk te chkuxiik-o sbatel osil.+

30 Pʼijilal chlokʼ ta ye* li buchʼu tukʼe

xchiʼuk li yokʼe jaʼ chalbe skʼoplal li tukʼilale.+

31 Te oy ta yoʼonton li smantal Sdiose;+

muʼyuk bu xtamlajet xa chanav.+

32 Li buchʼu toj chopole te-o sat ta stojolal li buchʼu tukʼe,

oy ta yoʼonton tsmil yaʼi.

33 Pe li Jeovae muʼyuk te chikta ta skʼob li buchʼu toj chopole,+

jech xtok, muʼyuk bu tstabe smul kʼalal chichʼ chapanele.+

34 Pato avoʼonton ta stojolal Jeova xchiʼuk teuk-o xaxanav li ta sbee,

vaʼun jaʼ tstoybot akʼoplal sventa xavuʼunin li balumile.

35 Kiloj li buchʼu toj chopol ti muʼyuk xkʼuxul yoʼontone,

ti tslin sba batel kʼuchaʼal jtekʼ teʼ ti lek pim yanal kʼalal ta yosilal stuk oy chaʼie.+

36 Pe ta anil noʼox laj skʼoplal xchiʼuk muʼyuk xa te oy,+

la jsaʼilan to, pe muʼyuk xa la jta.+

37 Tsako ta venta li buchʼu chʼabal smule*

xchiʼuk teuk asat ta stojolal li buchʼu tukʼe,+

yuʼun tsta jun oʼontonal ta jelavel li krixchano taje.+

38 Pe chichʼ lajesel skotol li jpasmuliletike;

li buchʼutik toj chopolike jaʼ xa noʼox smalaoj chichʼ tupʼbel skʼoplalik.+

39 Pe li skolebal buchʼutik tukʼike jaʼ te chlik tal ta stojolal Jeova;+

jaʼ stsatsal pojobbailik kʼalal jaʼo yorail vokolile.+

Chpojatik lokʼel ta stojolal li buchʼutik toj chopole xchiʼuk chkoltaatik,

yuʼun te tsaʼ snakʼobbailik ta stojolal.+

38 Kajval Jeova, mu ta skʼakʼaluk avoʼonton xavakʼbun mantal

xchiʼuk mu ta skapemaluk ajol xatukʼibtasun.+

 2 Yuʼun matsʼal xa aflechatak ta yutil to jbekʼtal

xchiʼuk kaʼiojbe xa xkʼuxul ti kʼu yelan chavakʼ jvokole.+

 4 Yuʼun kʼot xa kʼalal jol li jpaltailtake;*+

xkoʼolaj kʼuchaʼal alal ikatsil ti mu xa xlik kuʼune.

 5 Tuibem xa xchiʼuk chpojovin xa li jyayijemal

ta skoj li jbolile.

 6 Chkil tajek jvokol xchiʼuk chkat tajek koʼonton;

xital xibat noʼox ta skoj at-oʼonton skotol kʼakʼal.

 7 Oy kʼusi xtiltun chkaʼi li ta yut jbekʼtale;*

ip sjunul li jbekʼtale.+

 8 Alubem likom xchiʼuk batsʼi chevbil* xa likom laj kaʼi;

xi-avet ta okʼel ta skoj ti chkat koʼontone.

 9 Kajval Jeova, aviloj skotol li kʼusi tskʼan koʼontone

xchiʼuk aviloj lek ti ta jikʼ koʼontone.

10 Xpʼitpʼun li koʼontone, laj xa li kipale

xchiʼuk tupʼ xa batel li jsate.*+

11 Li kamigotake xchiʼuk li jchiʼiltake mu skʼan xchiʼinikun ta skoj li jvokole

xchiʼuk nom noʼox yakʼoj sbaik ta jtojolal li buchʼutik lek xkojtikine.

12 Li buchʼutik tskʼan tsmilikune yakʼojik jpetsʼal;

li buchʼutik tskʼan chakʼik jvokole chopol chkʼopojik ta jtojolal;+

skotol kʼakʼal xkʼuxoj xa stanal yeik ta loʼlavanej.

13 Pe xikoʼolaj kʼuchaʼal pakʼchikin,* yuʼun muʼyuk la jchikinta;+

xikoʼolaj kʼuchaʼal umaʼ, yuʼun mi jsetʼuk* likʼopoj.+

14 Xikoʼolaj xa kʼuchaʼal jun vinik ti mu xaʼi kʼoponele,

ti muʼyuk kʼusi chlokʼ jsetʼuk* ta ye sventa tspak skʼoplale.

15 Yuʼun jmalaoj ti voʼot chakoltaune, Kajval Jeova,+

vaʼun la atakʼbun, Jeova Dios kuʼun.+

16 Yuʼun xi laj kale: «Mu me xmuyubajikuk xa ta jtojolal

mi jaʼuk ti xkuxetuk xa yoʼontonik kʼalal mi chʼulpʼij* kakane».

17 Yuʼun jutuk xa mu liyal ta lum

xchiʼuk mi jsetʼuk* x-echʼ li kʼusi kʼux chkaʼie.+

18 Laj kal ta jamal li jpaltaile;*+

la jvul tajek koʼonton ta skoj li jmule.+

19 Pe toj tsots yipik* xchiʼuk lek xuʼ yuʼunik li kajkontratake,*

epajemik li buchʼutik ta jech noʼox spʼajojikune.

20 Chopol tspakbeikun sutel li kʼusi lek jpasojbeike;

tskontrainikun sventa mu jaʼuk jpas li kʼusi leke.

22 Laʼ ta anil, laʼ koltaun,

Kajval Jeova, voʼot ti jkoltavanejot kuʼune.+

39 Xi laj kale: «Ta jchabi jba lek

sventa mu jsaʼ jmul ta kokʼ.+

Chkakʼbe lek svosal ke+

kʼalal te oy ta jtojolal li buchʼu toj chopole».

 2 Muʼyuk kʼusi lokʼ ta ke xchiʼuk tsʼijil likom;+

mi jaʼuk bu lokʼ ta ke li kʼusi leke,

pe mas to tsatsaj li kʼusi kʼux chkaʼie.

 4 «Kajval Jeova, akʼbun jnaʼ bu to chikʼot ta tsutsel

xchiʼuk ti jayib kʼakʼal kuxulune,+

sventa jnaʼ kʼu yuni jalil li jkuxlejale.*

 5 Yuʼun jayib noʼox kʼakʼal avakʼoj ti kuxulune;+

batsʼi jlikel noʼox ta sba asat ti kʼu sjalil chikuxie.+

 9 Tsʼijil likom;

muʼyuk kʼusi laj kal,+

yuʼun voʼot avakʼojbun li jvokole.+

11 Chavakʼbe kastigo sventa chatukʼibtas ta skoj spaltail* li jun krixchanoe;+

chalajesbe li kʼusi tsots skʼoplal chile, jech kʼuchaʼal tspas li jkot bikʼit chon ti chkʼux kʼuʼil pokʼile.

12 Kajval Jeova, chikintao li j-orasione,

chikintabun ti xivokolet ta jkʼan chakoltaune.+

Yuʼun jyanlumun noʼox chavilun,+

jun jxanvil ti j-echʼelbe noʼoxe, jech kʼuchaʼal echʼik li jmoltotake.+

13 Mu xakʼelun tal kʼalal xkapet ajol sventa ximuyubaj

yoʼ to mu xicham xchiʼuk yoʼ to liʼ oyune».

40 La jpat sjunul koʼonton ta stojolal* li Jeovae,

vaʼun la stsʼetan lek xchikin ta jtojolal* xchiʼuk laj yaʼi ti xivokolet ta jkʼan akʼo skoltaune.+

 2 La slokʼesun tal li ta chʼen ti xvoʼoʼet tajeke,

la snitun lokʼel ta achʼeltik.

La svaʼanun muyel ta tayal ton,

te laj yakʼ xanavkun ta yijil lum.

 3 Vaʼun, laj yakʼ akʼo lokʼuk ta ke jun achʼ kʼejimol,+

jaʼ jun kʼejimol sventa skʼupil kʼoptael Jdiostik.

Ep buchʼutik chʼayal to yoʼonton tskʼelik li kʼusi spasoj Diose,

vaʼun tspat yoʼontonik ta stojolal li Jeovae.

 4 Xmuyubaj noʼox li jun krixchano ti spatoj yoʼonton ta stojolal Jeovae

xchiʼuk ti muʼyuk tskʼel li buchʼutik tsaʼvanik ta kʼope o li buchʼutik tsjutik kʼope.*

 5 Mu xa noʼox albajuk li kʼusitik apasoje,

Kajval Jeova, Dios kuʼun,

toj labalik sba li avabteltake xchiʼuk li kʼusitik anopoj ta jtojolalkutike.+

Muʼyuk buchʼu yan kʼuchaʼal voʼote;+

¡ti xkalbeuk xchiʼuk ti jloʼiltabeuk skʼoplal li kʼusitik taje,

mi jaʼuk onoʼox xlaj kuʼun ta albel skʼoplal!+

 6 Maʼuk kʼupil sba laj avil li milbil chonbolometik sventa matanale xchiʼuk li yantik matanale;+

pe la ajambun jchikin sventa xkaʼi xchiʼuk sventa jchʼun li amantaltake.+

 8 Dios kuʼun, toj kʼupil sba chkaʼi* spasel li kʼusi tskʼan avoʼontone+

xchiʼuk te oy ta yutil to koʼonton li amantale.+

¡Kʼelavil! Muʼyuk ta jmak ke,+

Kajval Jeova, xanaʼ lek ti jech ta jpase.

Toj echʼ xa noʼox ep li jpaltailtak* ti chakʼ jvokole, ti mu xa xkil jbe yuʼune;+

toj echʼ xa noʼox ep, jaʼ xkom to ta be yepal li stsotsil jole

xchiʼuk chibaj xa koʼonton yuʼun.

14 Li buchʼutik tskʼan tsmilikune

akʼo yichʼik kʼexlaltasel xchiʼuk bikʼtajesbel skʼoplalik.

Li buchʼutik kʼupil sba chilik kʼalal chkil jvokole

akʼo ta kʼexlaluk xjatavik batel.

16 Pe li buchʼutik yakal tsaʼikote+

akʼo xkuxetuk tajek yoʼontonik xchiʼuk xmuyubajikuk tajek ta atojolal.+

17 Pe li voʼone mu xpak kuʼun jkʼoplal xchiʼuk abol jba;

jaʼuk akʼo xchabiun li Jeovae.

Voʼot li jkoltavanejot kuʼune xchiʼuk li jpojvanejot kuʼune;+

Dios kuʼun, mu me xajalij.+

41 Xmuyubaj noʼox li buchʼu oy ta yoʼonton li buchʼu abol sbae;+

chpojat yuʼun Jeova li ta yorail vokolile.

Xmuyubaj noʼox ti jayib kʼakʼal chkuxi ta balumile;+

mi jaʼuk bu ch-akʼat ta skʼob yajkontratak.+

 3 Ch-ikat yuʼun Jeova kʼalal telel ta stem* ta skoj chamele;+

chkʼibat xchiʼuk chjelbat lek stas kʼalal te puchʼul ta stem ta skoj chamele.

Oy kʼusi tsabe smelolal sventa chakʼbun jvokol;

vaʼun chlokʼ batel xchiʼuk tspukbe batel skʼoplal ta yantik lum.

 7 Xmixmun* tskʼopon sbaik skotol li buchʼutik spʼajojikune;

oy kʼusi chopol yakal tsnop tspasbeikun, xi chalike:

 8 «Oy kʼusi toj echʼ xa noʼox xibal sba kʼot ta stojolal;

ta skoj ti yalem xa ta lume, mu xa bu chtots-o tal».+

 9 Li buchʼu jun toʼox koʼonton jchiʼuke, ti jpatoj toʼox lek koʼonton ta stojolale,+

ti te toʼox tsveʼilan jpane, joypʼij ta kajkontra.+

10 Yan li voʼote, Jeova, akʼo ta ilel slekil avoʼonton ta jtojolal xchiʼuk toyun likel

sventa xkakʼbe stojik li kʼusi la spasbeikune.

12 Chavikun ta skoj ti tukʼ koʼonton kakʼoj jbae;+

lek chavilun-o sbatel osil.+

13 Akʼo yichʼ kʼupil kʼoptael sbatel osil li Jeovae,+

li Dios yuʼun Israele.

42 Xikoʼolaj kʼuchaʼal jkot teʼtikalchij ti tskʼan xa tajek yaʼi voʼe,

jaʼ jech oyot xa tajek ta koʼonton ek, Dios kuʼun.

 3 Jaʼ jveʼelinoj ta kʼakʼal akʼobal li yaʼlel jsate;

skotol kʼakʼal tsaʼikun ta kʼop li krixchanoetike, xi chalike: «¿Bu oy li Adios une?».+

 4 Xvul ta jol li kʼusitik liʼe xchiʼuk chkal skotol li kʼusi oy ta koʼontone,

yuʼun jmoj toʼox chixanav xchiʼuk li epal krixchanoetike;

nopem xkaʼi ti kʼun chixanav batel xchiʼukik ta sna Dios ti voʼon jbabeun batele,

xi-avetkutik noʼox ta muyubajel xchiʼuk ta stojel ta vokol

xchiʼuk li epal krixchanoetik ti yakal tspasik kʼine.+

Ta jmala akʼo skoltaun li Diose,+

yuʼun ta to jkʼupil kʼopta kʼuchaʼal Mukʼta Jkoltavanej kuʼun.+

Jaʼ yuʼun, ta jvulesot ta jol,+

jech onoʼox chavul ta jol kʼalal te oyun ta yosilal Jordane, li ta jol vits Ermone

xchiʼuk kʼalal teun ta vits Misare.*

 7 Li natil voʼe tstak ta ikʼel li yan natil voʼ

ta skoj ti xchajajet noʼox chyal talel avuʼun li voʼ ta tayal chʼene.

 8 Chakʼbun ta ilel tukʼil kʼanelal ta kʼakʼaltik li Jeovae

xchiʼuk li ta akʼobaltike, ta jkʼejintabe kʼejimoletik, taje jaʼ jun orasion ta stojolal li Dios ti jaʼ chakʼ jkuxlejale.+

10 Toj echʼ xa noʼox chopol* ti kʼu yelan tslabanun li kajkontrae;

skotol kʼakʼal tsaʼikun ta kʼop, xi chalike: «¿Bu oy li Adios une?».+

Ta jmala akʼo skoltaun li Diose,+

yuʼun ta to jkʼupil kʼopta kʼuchaʼal Mukʼta Jkoltavanej kuʼun xchiʼuk Dios kuʼun.+

43 Dios kuʼun, chapanun,+

pakbun jkʼoplal+ ta stojolal li jun mukʼta lum ti muʼyuk tukʼ yakʼoj sbae.

Jaʼuk akʼo sbeiltasun;+

akʼo sbeiltasun batel li ta chʼul vits avuʼune xchiʼuk li ta axibalna avuʼun ti jun yutsile.+

 4 Vaʼun, chital li ta skajleb amotone, Dios,+

ti voʼot li Diosot ti ximuyubaj tajek avuʼune.

Ta jmala akʼo skoltaun li Diose,+

yuʼun ta to jkʼupil kʼopta kʼuchaʼal Mukʼta Jkoltavanej kuʼun xchiʼuk Dios kuʼun.+

44 Dios kuʼun, kaʼioj ta jchikin jtukutik,

yalojbunkutik skʼoplal li jmoltotakutik+

li kʼusitik la apas kʼalal jaʼo kuxiike,

li ta mas xa voʼne tajeke.

 2 Ta akʼob la anuts lokʼel li mukʼtik lumetike+

xchiʼuk jaʼ te laj avakʼ nakluk li jmoltotakutike.+

 3 Maʼuk ta skoj s-espada stukik ti laj yuʼuninik li balumile,+

maʼuk ta skoj skʼob stukik ti la spasik kanale.+

Jaʼ ta skoj li abatsʼikʼobe, li avipe+ xchiʼuk li ta xojobal asate,

yuʼun mu chʼaybajuk ta avoʼonton laj avaʼi.+

 4 Dios, voʼot Ajvalilot kuʼun;+

akʼo tsʼakaluk lek spas kanal ta paskʼop li Jakobe.

 5 Ta ajuʼel ta jnutskutik lokʼel li kajkontrakutike:+

ta abi ta juʼilankutik ta tekʼel li buchʼutik tstsakunkutik ta kʼope.+

 6 Yuʼun muʼyuk bu jpatoj koʼonton li ta j-arkoe

 7 Voʼot la apojunkutik ta stojolal li kajkontrakutike,+

voʼot la akʼexlaltas li buchʼutik spʼajojunkutike.

 8 Dios, ta jkʼupil kʼoptaotkutik skotol kʼakʼal

xchiʼuk ta jkʼupil kʼoptakutik sbatel osil li abie. (Sela).

 9 Pe li avie, laj xa aviktaunkutik komel xchiʼuk laj xa akʼexlaltasunkutik

xchiʼuk muʼyuk chbat achiʼin li kajsoltarotakutike.

10 Jech-o chijatavkutik avuʼun ta stojolal li kajkontrakutike;+

li buchʼutik spʼajojunkutike tstsakik batel li kʼusi xal yoʼontonike.

11 Laj avakʼunkutik ta kʼabal sventa xkichʼkutik tiʼel kʼuchaʼal chij;

tanpuk libatkutik avuʼun li ta mukʼtik lumetike.+

12 Yalel tajek chachon batel li ateklumale;+

mi jsetʼuk* bu chapas kanal kʼalal chachon batele.*

13 Chavakʼ akʼo slabanunkutik li jlakʼnatakutike,

tstseʼintaunkutik xchiʼuk chchopol kʼoptaunkutik skotol li buchʼutik te oy ta jpat jxokonkutike.

14 Chavakʼ akʼo spʼajunkutik li mukʼtik lumetike,+

taje sjim-o xa sjolik ta labanvanej li krixchanoetike.

xchiʼuk mu xa jnaʼ kʼusi ta jpas yuʼun ta skoj li kʼexlale,

16 ta skoj ti x-avetik noʼox tsaʼikun ta kʼope xchiʼuk ti chchopol kʼoptaikune,

ta skoj li kajkontratak ti tspak skʼoplalike.

17 Jaʼ kʼotem ta jtojolalkutik skotol taje; akʼo mi jech, muʼyuk bu jchʼayojotkutik ta jolkutik

xchiʼuk muʼyuk bu jsokesojkutik li atratoe.+

18 Muʼyuk ti yan xa-o bu batem li koʼontonkutike;

muʼyuk chkʼejpʼuj* ta abe li jujutekʼ kakankutike.

19 Pe jaʼ te la avochʼunkutik* ti bu nakajtik li teʼtikal tsʼiʼetike;

la apixunkutik ta pimil ikʼal* osil.

20 Mi la jchʼay ta jolkutik li sbi Jdioskutike

o mi la jyeʼ batel jkʼobkutik sventa ta jkʼoponkutik yan diose,*

21 ¿mi mu van bu chilunkutik Dios mi jech la jpaskutike?

22 Voʼot ta akoj ti chkichʼkutik milel skotol kʼakʼale,

ti xikoʼolajkutik kʼuchaʼal chijetik sventa chichʼ milele.+

25 Yuʼun laj kichʼkutik jipel yalel ta pukuktik;*

yalemunkutik xa ta lum ta j-echʼel.+

 3 Chukino ta axokon li a-espadae,+ voʼot ti oy stsatsal avoʼontone.+

Lapo li avichʼel ta mukʼe xchiʼuk li amukʼulale.+

 4 Jechuk-o xapas batel kanal*+ ta amukʼulal;

kajlebino batel akaʼ ta skoj li kʼusi melele, li manxoale xchiʼuk li tukʼilale,+

li abatsʼikʼobe oy kʼusi labalik sba tspas.*

 5 Tsʼubtsʼub sniʼ li aflechatake, te akʼeloj tsjip ta lum li krixchanoetike;+

chchʼochʼobtabe* yoʼonton li yajkontratak ajvalile.+

 6 Jaʼ chkʼot ta achotleb sventa ajvalil sbatel osil li Diose;+

li vaxton sventa Ajvalilal* avuʼune jaʼ jun vaxton sventa tukʼilal.+

 8 Skotol li akʼuʼ apokʼe muibtasbil ta mirra, ta steʼel aloe* xchiʼuk ta kasia;

te to ta amukʼta pasob mantal ti kʼupiltasbil ta marfile, xkuxet avoʼonton yuʼun li stijobil son ti oy yakʼile.

10 Chikintao, kuni tseb, aʼio lek avaʼi xchiʼuk tsʼetano lek achikin;

chʼayo ta ajol li ateklumale xchiʼuk li sna atote.

11 Chtijbat yoʼonton ajvalil ta skoj ti toj kʼupil abae,

yuʼun jaʼ kʼotem ta avajval,

jaʼ yuʼun nijano aba ta stojolal.

12 Chichʼbot tal amoton li stseb Tiroe;

li viniketik ti mas jkʼulejike tskʼanik ti lekuk xavile.

13 Li ta yut spasob mantal ajvalile te stsʼaylajet yutsil li stseb ajvalile;

kʼupiltasbil ta* oro li skʼuʼ spokʼe.

15 Ta muyubajel xchiʼuk ta kuxetel oʼontonal chichʼik ikʼel tal;

ch-ochik batel li ta spasob mantal ajvalile.

46 Jaʼ jnakʼobbailtik li Diose xchiʼuk jaʼ kipaltik,+

jaʼ tskoltautik ta anil kʼalal jaʼo yorail vokolile.+

 2 Jaʼ yuʼun, muʼyuk chijxiʼutik, akʼo mi xnik li balumile,

akʼo mi xmutʼij* yalel kʼalal to yutil nab li vitsetike,+

 3 akʼo mi solel xvoʼoʼet xchiʼuk akʼo mi xvaʼi xkoti noʼox li yaʼlel nabe,+

akʼo mi chnik tajek li vits ta skoj ti tsyukʼilan sba li nabe. (Sela).

 4 Oy jun ukʼum ti xchʼakoj sba yoktak ti xkuxet noʼox yoʼonton yuʼun li slumal Diose,+

jaʼ li axibalna ti chʼul xchiʼuk jun yutsil ti jaʼ yuʼun li Buchʼu toj toyol oye.

 6 X-avlajetik toʼox li mukʼtik lumetike, laj yichʼik tsalel li jteklumetike;

tsots kʼopoj li Diose, vaʼun nik li balumile.+

 7 Liʼ xchiʼinojutik+ li Jeova ti jaʼ bankilal yuʼun soltaroetike;*

jaʼ jlekil nakʼobbailtik li Dios yuʼun Jakobe. (Sela).

 8 Laʼik xchiʼuk kʼelavilik li kʼusitik spasoj Jeovae,

toj labalik sba li kʼusitik spasoj ta balumile.

Tskʼas li arkoe xchiʼuk tslilin li lansae;

ta xchikʼbe ta kʼokʼ li skareta* soltaroetike.

Chkichʼ toybel jkʼoplal ta stojolal li mukʼtik lumetike;+

chkichʼ toybel jkʼoplal li ta balumile».+

11 Liʼ xchiʼinojutik+ li Jeova ti jaʼ bankilal yuʼun soltaroetike;

jaʼ jlekil nakʼobbailtik+ li Dios yuʼun Jakobe. (Sela).

 2 Yuʼun toj labal sba li Jeova ti jaʼ li Buchʼu toj toyol oye;+

jaʼ mukʼta Ajvalil ta spʼejel balumil.+

 3 Tspas ta mantal li jteklumetik sventa xchʼunik jmantalkutike;

yakʼoj ti jpaskutik ta mantal li mukʼtik lumetike.+

 4 Jaʼ stʼujoj li jrextokutike,*+

jaʼ xmuyubaj-o li Jakob ti kʼanbile.+ (Sela).

 5 Li Diose muy batel kʼalal jaʼo x-avlajetik ta muyubajele;

li Jeovae muy batel kʼalal jaʼo xnik noʼox li kachue.*

 7 Yuʼun jaʼ Ajvalil ta spʼejel balumil li Diose;+

kʼupil kʼoptaik ta kʼejimoletik xchiʼuk akʼo ta ilel apʼijilik.

 9 Li jnitvanejetik yuʼun jteklumetike stsoboj xa sbaik

xchiʼuk li steklumal Sdios Abraane.

48 Toj echʼ noʼox mukʼ li Jeovae xchiʼuk sta-o tajek kʼupil kʼoptael

li ta steklumal Jdiostike, li ta xchʼul vitse.

 2 Toj kʼupil sba xchiʼuk toj toyol li vits Sion ta namal nortee,

jaʼ li steklumal Mukʼul Ajvalil+

ti jaʼ xmuyubaj-o sjunul balumile.+

 3 Li ta tsatsal tayal kʼelob osiletik yuʼune,

li Diose yakʼoj ta ojtikinel ti jaʼ lekil nakʼobbaile.+

 4 Yuʼun stsoboj sbaik* li ajvaliletike;

jmoj chanavik batel.

 6 Te tsakatik yuʼun li xiʼele,

solel tsots tajek chil svokolik jech kʼuchaʼal jun ants kʼalal yakal ch-alaje.

 8 Li kʼusi laj kaʼikutike laj kil ta  jsat jtukutik

ta steklumal li Jeova ti jaʼ bankilal yuʼun soltaroetike,* ta steklumal li Jdiostike.

 9 Dios kuʼun, ta jnopbekutik lek skʼoplal li tukʼil kʼanelal avuʼun+

te ta yut atemploe.

10 Dios kuʼun, li abi xchiʼuk li akʼupil kʼoptaele

chkʼot kʼalal to spajeb balumil.+

11 Akʼo kuxetuk yoʼonton li vits Sione,+

akʼo kuxetuk yoʼonton li bikʼtal lumetik ta* Juda ta skoj ti chachapanvane.+

12 Xanavanik ta spat xokon li Sione; bat joyobtaik;

chapik li tayal kʼelob osiletik yuʼune.+

Chajik ta kʼelel li tsatsal tayal kʼelob osiletik yuʼun

sventa xachapbeik yaʼi li jaykʼol kuxlejal chtale.

Akotolik jnaklejetik ta balumil,* tsʼet chikintaik,

 2 akotolik li buchʼutik mukʼ akʼoplalike xchiʼuk li buchʼutik bikʼit akʼoplalike,*

mi jkʼulej o mi povre.

 3 Chlokʼ ta ke li pʼijilale

xchiʼuk li kʼusi tsnop koʼontone+ chvinaj ti xaʼibe smelolale.

 4 Ta jtsʼet chikinta jun pʼijil loʼil;

ta jchapbe skʼoplal li kʼusi chukul ta aʼiel kʼalal ta jtij arpae.

 5 ¿Kʼu yuʼun chixiʼ li ta yorail vokolile,+

kʼalal joyol ta jpat jxokon xchoplejal* li buchʼutik tsjipikun yaʼiik ta lume?

 6 Li buchʼutik spatoj yoʼontonik ta skʼulejalike+

xchiʼuk ti tstoy sbaik ta skoj ti toj ep skʼulejalike+

 7 mi jaʼuk onoʼox xuʼ yuʼunik tskolta lokʼel li jun xchiʼilike

o ti oy kʼusi xakʼbeik Dios sventa spojik lokʼele+

 8 (toj echʼ xa noʼox toyol stojol sventa xichʼ manbel li xkuxlejalike,

yuʼun mi jaʼuk onoʼox xtoj yuʼunik)

 9 sventa xkuxi sbatel osil xchiʼuk ti mu xbat ta chʼene.*+

10 Skotolik yilojik ti chcham li pʼijil krixchanoe;

jmoj chchamik li buchʼutik bolike xchiʼuk li buchʼutik mu snaʼik rasone,+

vaʼun yan-o buchʼu chiktabeik li skʼulejalike.+

11 Oy ta yoʼontonik ti teuk-o sbatel osil li snaike,

ti teuk-o vaʼal skarpanaik ti jaykʼol kuxlejal ch-echʼe.

12 Pe akʼo mi ichʼbil ta mukʼ li vinike, ta onoʼox xcham;+

maʼuk x-echʼ to slekil kʼuchaʼal li chonbolometik ti snaʼ xchamike.+

Jaʼ chchabiatik yuʼun li lajelale;

li ta sobe, jaʼ chventainatik yuʼun li buchʼutik tukʼike;+

tsakchʼay batel li yav yakanike,+

jaʼ tsnainik li Mukinale,*+ maʼuk li spasob mantal ajvalile.+

15 Pe li Diose tspojun lokʼel ta sjuʼel* li Mukinale,*+

yuʼun jaʼ chjochun lokʼel. (Sela).

16 Mu xaxiʼ yuʼun mi tspas ta jkʼulej li jun krixchanoe,

mi ch-epaj yuʼun li kʼusitik oy ta snae,

17 yuʼun muʼyuk kʼusi chichʼ batel kʼalal chchame;+

muʼyuk jmoj chyal batel xchiʼuk li skʼulejale.+

20 Pe mi oy jun krixchano ti mu xaʼibe smelolal li kʼusitik taje, akʼo mi ichʼbil ta mukʼ,+

maʼuk x-echʼ to slekil kʼuchaʼal li chonbolometik ti snaʼ xchamike.

50 Li Jeova ti jaʼ Dios yuʼun diosetike+ kʼopojem xa;

tstak ta ikʼel skotol li jnaklejetik ta balumil

ti bu chlokʼ talel kʼakʼal kʼalal to ta smaleb kʼakʼale.

Te xtiltun* kʼokʼ+ ta yeloval

xchiʼuk te xvoʼoʼet mukʼta tsatsal ikʼaloʼ li ta spat xokone.+

 4 Tstak ta ikʼel li vinajel xchiʼuk balumil+

sventa chchapan li steklumale,+ xi chalbee:

 5 «Tsobbeikun tal li buchʼutik tukʼ chakʼ sbaik ta jtojolale,

li buchʼutik jpasojkutik jun trato xchiʼuk kʼalal laj yakʼik milbil matanale».+

 6 Li vinajele chalbe skʼoplal li stukʼilal Diose,

yuʼun jaʼ Jchapanvanej

li Diose.+ (Sela).

 7 «Jteklumal, chikintao, vaʼun chikʼopoj;

Israel, chkal ta jamal ti oy kʼusi chopol apasoje.+

 8 Muʼyuk ta jtukʼibtasot ta skoj li milbil matanal chavakʼe

mi jaʼuk ta skoj li skotlej chikʼbil matanal ti nopajtik noʼox te oy ta jtojolale.+

 9 Mu persauk chbat jtsakbot tal jkotuk tot vakax te ta ana

mi jaʼuk li atentsuntak* te oy ta skorale.*+

10 Yuʼun jaʼ kuʼun skotol li teʼtikal chonbolometike,+

jaʼ kuʼun skotol xtok li teʼtikal chonbolometik ta skotol vitsetike.

11 Xkojtikin skotol li mutetik ta vitsetike;+

jaʼ kuʼun li chonbolometik te oy ta osiltik ti mu xa noʼox stakʼ chapele.

12 Manchuk mi chiviʼnaj, muʼyuk onoʼox chkalbot jechuke,

yuʼun jaʼ kuʼun li balumil ti bu xchʼi lek kʼusitike xchiʼuk skotol li kʼusitik oy tee.+

13 ¿Mi yuʼun ta jtibe sbekʼtal li tot vakaxetike

xchiʼuk mi yuʼun chkuchʼbe xchʼichʼel li tentsunetike?+

14 Kʼalal chatoj ta vokole, jaʼ xa chikʼbil matanal chavakʼbe Dios+

xchiʼuk kʼotuk ta pasel avuʼun li kʼusi avalojbe li Buchʼu toj toyol oye;+

15 taun ta kʼoponel li ta yorail vokolile.+

«¿Kʼusi avabtel avaloj ti xuʼ xavalbe skʼoplal li jmantaltake+

o ti xavalbe skʼoplal li jtratoe?+

17 Yuʼun apʼajoj li tukʼibtasele*

xchiʼuk mu xatsak ta mukʼ

li kʼusi chkale.*+

18 Lek noʼox chavil*+ li jun j-elekʼe

xchiʼuk jmoj ajol xchiʼuk li buchʼutik tsloʼla snup xchiʼilike.

19 Ta ave chapukbe batel skʼoplal li kʼusi chopole

xchiʼuk napʼal ta avokʼ li loʼlavaneje.+

20 Chot xachi xchiʼuk chachopol kʼopta li abankil avitsʼine;+

chavalbe batel spaltail* li skerem ameʼe.

21 Muʼyuk kʼusi laj kal kʼalal jech la apas taje,

jaʼ yuʼun la anop ti xijkoʼolajutike.

Pe tana une, ta jtukʼibtasot

xchiʼuk chkal ta jamal li amule.+

22 Avokolikuk tajek, nopbeik skʼoplal taje, voʼoxuk ti achʼayoj ta ajolik li Diose,+

yuʼun mi moʼoje, ta jlilinoxuk, vaʼun muʼyuk xa buchʼu xuʼ skoltaoxuk.

23 Li buchʼu tstoj ta vokole jaʼ xa chikʼbil matanal chakʼ sventa tskʼupil kʼoptaun+

xchiʼuk chkakʼbe yil ti ta jkolta

li buchʼu jaʼ stamoj-o batel li kʼusi tukʼe».+

 2 Pokun lek ta skoj li jpaltaile*+

xchiʼuk sakubtasun ta skoj li jmule.+

 3 Yuʼun jnaʼoj lek ti oy jpaltailtake*+

xchiʼuk skotol ora te oy ta jnopben li jmule.

 4 Laj xa jsaʼ jmul ta atojolal, ta melel laj xa jta jmul ta atojolal;*+

laj xa jpas li kʼusi chopol chavil ta asate.+

Jech oxal, tukʼot kʼalal chakʼopoje,

tukʼot kʼalal chachapanvane.+

 5 ¡Kʼelavil! Oy onoʼox jmul kʼalal livokʼe

xchiʼuk jpasmulilun xa onoʼox kʼalal la xchiʼinun li jmeʼe.*+

 6 ¡Kʼelavil! Lek chavil li buchʼu melel kʼusi oy ta yoʼontone;+

Dios, akʼbo yil melel pʼijilal li koʼontone.

 7 Sakubtaso lokʼel ta isopo* li jmul sventa sakuk xikome;+

pokun sventa masuk to sak xikom kʼuchaʼal li taive.+

 8 Akʼo kaʼi ti x-avetik ta muyubajele xchiʼuk ti xkuxet noʼox yoʼontonik

sventa ximuyubaj akʼo mi avochʼoj li jbakiltake.+

 9 Mu xakʼel* li jmultake+

xchiʼuk lokʼeso* skotol li jpaltailtake.*+

10 Dios kuʼun, sakubtasbun koʼonton+

xchiʼuk achʼubuk li kʼusi oy ta koʼonton+ sventa skoltaun yoʼ tukʼuk xkakʼ jbae.

11 Mu xajipun lokʼel ta atojolal;

xchiʼuk mu xapojbun li achʼul espiritue.

12 Kuxetuk koʼonton avuʼun yan velta ta skoj ti chakoltavane,+

tijbun koʼonton sventa oyuk ta koʼonton jchʼunbot amantal.*

13 Chkakʼbe yil abetak li jtoybaetike,+

sventa sutik tal ta atojolal li jpasmuliletike.

14 Dios kuʼun, koltaun ta skoj ti oy jmul ta smalel chʼichʼe,+ Dios ti voʼot jkoltavanejot kuʼune,+

sventa xmuyubajuk noʼox li ke kʼalal chal batel atukʼilale.+

15 Akʼo kʼopojkun, Kajval Jeova,

sventa xuʼ jkʼupil kʼoptaot batel ta ke.+

16 Yuʼun mu xakʼan li milbil matanale, ati tauk xakʼane, chkakʼbot;+

mu xakʼupin li skotlej chikʼbil matanale.+

17 Li milbil matanal lek chil Diose jaʼ li buchʼu chopol tajek chaʼi sba ta skoj smule;

Dios kuʼun, muʼyuk chapʼaj li buchʼu lilijem tajek chaʼi li yoʼonton xchiʼuk ti vochʼem* tajek chaʼie.+

18 Ta slekiluk avoʼonton xapas kʼusi lek ta stojolal li Sione;

vaʼanbo smuroaltak li Jerusalene.

19 Vaʼun, kʼupil sba chavil li matanal chakʼ buchʼutik tukʼe,

li chikʼbil matanale xchiʼuk li skotlej matanale;

vaʼun chichʼ akʼel tot vakax li ta skajleb amotone.+

 2 Li avokʼ ti oy lek ye kʼuchaʼal navajae+

chopol kʼusi snopoj tspas xchiʼuk chloʼlavan.+

 3 Jaʼ mas akʼanoj li kʼusi toj chopole, jaʼ jutuk li kʼusi leke,

jaʼ mas akʼanoj li jut kʼope,* jaʼ jutuk li kʼusi melel chichʼ alele. (Sela).

 4 Jaʼ akʼanoj skotol li kʼusi chichʼ alel ti chakʼ vokolile,

¡solel chaloʼlavan xchiʼuk li avokʼe!

 5 Jech oxal, tslajesot ta j-echʼel li Diose;+

tstsakot xchiʼuk chjochot lokʼel li ta akarpanae;+

tsbulot lokʼel li ta balumil ti bu oy li kʼusitik kuxajtike.+ (Sela).

 6 Ta xilik li buchʼutik tukʼike xchiʼuk chʼayal to chkʼot yoʼontonik,+

jech xtok, tstseʼinik ta stojolal,+ xi chalike:

 7 «Oy jun krixchano ti muʼyuk la saʼ snakʼobbail* ta stojolal li Diose,+

yuʼun jaʼ la spat yoʼonton ta stojolal li skʼulejal

ti toj epe+

 8 Yan li voʼone jech chikʼot kʼuchaʼal oliva teʼ ti lek pim yanal te ta sna Diose;+

sbatel osil jpatoj koʼonton ta stojolal li tukʼil kʼanelal yuʼun Diose.

 9 Ta jkʼupil kʼoptaot ta sbatel osil ta skoj li kʼusitik apasoje;+

ta sba satik li buchʼutik tukʼ yakʼoj sbaik ta atojolale

chkakʼ ta ilel ti jpatoj koʼonton li ta abie,+ yuʼun jaʼ lek.

Toj chopol li kʼusitik tspase xchiʼuk ibalik sba;*

mi junuk buchʼu maʼ ti oy kʼusi lek tspase.+

 2 Pe ta vinajel to tskʼel talel xnichʼnab krixchanoetik li Diose+

sventa tskʼel mi oy buchʼu oy spʼijil, mi oy buchʼu yakal tsaʼ li Jeovae.+

 3 Skotolik namajemik ta stojolal Dios;

skotolik koʼol noʼox tspasik li kʼusi toj chopole.

Mi junuk buchʼu maʼ ti oy kʼusi lek tspase,

batsʼi mi junuk.+

 5 Pe ta xbat xchʼulelik ta xiʼel,

jun xiʼel ti muʼyuk bu jech xaʼiik-oe,*

yuʼun te jiʼil ch-iktabat sbakilik yuʼun Dios li buchʼutik tstsakot ta kʼope.*

Kʼalal tstsob sutel steklumal li Jeova ti chukbilik batele,

akʼo muyubajuk li Jakobe, kuxetuk yoʼonton li Israele.

54 Dios kuʼun, pojun ta skoj li abie+

xchiʼuk pakbun jkʼoplal+ li ta ajuʼele.

 2 Dios kuʼun, chikintao li j-orasione;+

tsʼet chikintao li kʼusi chlokʼ ta kee.

 3 Yuʼun chtal stsakikun ta kʼop li kajkontratake,+

tskʼan tsmilikun li krixchanoetik ti chʼabal xkʼuxul yoʼontonike.

 4 ¡Kʼelavil! Jaʼ jkoltavanej kuʼun li Diose;+

te chiʼinbilik yuʼun Jeova li buchʼutik yikojikune.

 5 Chakʼbe stoj kajkontratak+ ta skoj li kʼusitik toj chopol spasojike;

milo* ta skoj ti tukʼ avakʼoj abae.+

 7 Yuʼun voʼot chakoltaun lokʼel ta skotol li vokoliletike+

xchiʼuk chkil kʼalal chichʼik tsalel li kajkontratake.+

55 Dios kuʼun, chikintao li j-orasione+

xchiʼuk mu teuk noʼox akʼeloj ti xivokolet ta jkʼan akʼo xakʼuxubinune.*+

Solel mu junuk koʼonton yuʼun li kʼusi ta jvul-o koʼontone+

xchiʼuk mu xa jnaʼ kʼusi ta jpas

 3 ta skoj li kʼusi chalik kajkontratake

xchiʼuk ti chakʼ jvokol li buchʼu toj chopole.

Yuʼun tsbusanbeikun ta jba li vokolile

xchiʼuk ta skʼakʼal yoʼontonik spʼajojikun-o.+

 4 Mu xa snaʼ kʼusi tspas li koʼontone+

xchiʼuk mu xa jnaʼ kʼusi ta jpas yuʼun li xiʼelal lajelale.+

 5 Chtal ta jtojolal li xiʼel xchiʼuk li tʼeltʼunele*

xchiʼuk solel alubemun.

 8 Chbat jsaʼ jnakʼobbail ta anil ti jechuke,

ti bu mu staun li tsatsal ikʼe, ti bu mu staun li tsatsal ikʼaloʼe».

 9 Kajval Jeova, akʼo mu xa snaʼ kʼusi tspasik avuʼun xchiʼuk sokesbo ta be li kʼusi snopoj tspasike,*+

yuʼun kiloj majbail xchiʼuk saʼkʼop li ta jteklume.

10 Ta kʼakʼal akʼobal te xtal xbatik ta sba smuroaltak li jteklume;

oy choplejal xchiʼuk vokolil li ta yute.+

11 Te oy vokolil ta stojolal;

muʼyuk chlaj-o skʼoplal li ilbajinel xchiʼuk loʼlavanej ti bu oy ep krixchanoetike.*+

12 Yuʼun maʼuk jun kajkontra ti tsaʼun ta kʼope;+

ti jaʼuke, stsʼik kuʼun ti jechuke.

Yuʼun maʼuk kajkontra ti tal skontrainune;

yuʼun xuʼ jnakʼ* jba sventa mu staun ti jechuke.

13 Pe voʼot tal akontrainun, ti koʼol noʼox vinikutike,+

ti jchiʼil jbatik ti lek xkojtikinote.+

14 Ta jkʼupinkutik toʼox ti kamigo tajek jbakutike;

koʼol toʼox chibatkutik ta sna Dios xchiʼuk li epal krixchanoetike.

Kuxuluk yalikuk batel ta Mukinal;*

yuʼun te oy-o ta stojolalik li kʼusi toj chopole xchiʼuk yakʼoj yibel ta stojolalik.

16 Yan li voʼone xivokolet ta jkʼopon li Diose,

vaʼun tskoltaun li Jeovae.+

17 Ta mal kʼakʼal, ta sob xchiʼuk ta oʼlol kʼakʼal, ta jvul koʼonton xchiʼuk xi-avet ta okʼel,+

vaʼun chaʼi li yechʼomal kee.+

18 Tspojun* lokʼel ta skʼob li buchʼutik tstsakikun ta kʼope xchiʼuk chakʼbun jun oʼontonal,

yuʼun toj epik li buchʼutik chtal stsakikun ta kʼope.+

19 Ta xaʼi li Diose, vaʼun oy kʼusi tspas ta stojolalik sventa tskontrain,+

ti jaʼ li buchʼu voʼne xa onoʼox chotol li ta xchotleb sventa ajvalile.+ (Sela).

Mu skʼan sjel stalelalik

li buchʼutik muʼyuk xiʼtaojik* Diose.+

20 Li stuke* la stsak ta kʼop

li buchʼutik jun toʼox yoʼonton xchiʼuke;+

muʼyuk kʼot ta pasel yuʼun li stratoe.+

21 Toj kʼupil sba yaʼel li kʼusi chlokʼ ta yeike,*+

pe naka saʼkʼop oy ta yoʼontonik.

Mas to lek kʼuchaʼal aseite li kʼusi chalike,

pe xkoʼolaj kʼuchaʼal espada ti lokʼesbil ta snae.+

22 Akʼbo sbain Jeova li avikatse,+

vaʼun jaʼ chikot.+

 2 Tsnitikun ta tiʼel skotol kʼakʼal li kajkontratake;

ep buchʼutik ti xtoyetik xa tstsakikun ta kʼope.

 4 Jaʼ jpatoj-o koʼonton ta stojolal li Diose, ti ta jkʼupil kʼopta li kʼusi chlokʼ ta yee,

jaʼ jpatoj-o koʼonton ta stojolal li Diose; muʼyuk chixiʼ.

 5 Skotol kʼakʼal oy kʼusi tspasik sventa tsyayijesikun;

jaʼ noʼox te ta snopbenik ti chakʼbeikun jvokole.+

 6 Tsnakʼ* sbaik sventa tstsakikun ta kʼop;

tskʼelik skotol li jujutekʼ kakan bu chibate,+

yuʼun oy ta yoʼontonik tsmilikun.+

10 Jaʼ jpatoj-o koʼonton ta stojolal li Diose, ti ta jkʼupil kʼopta li kʼusi chlokʼ ta yee,

jaʼ jpatoj-o koʼonton ta stojolal li Jeovae, ti ta jkʼupil kʼopta li kʼusi chlokʼ ta yee,

11 jaʼ jpatoj-o koʼonton ta stojolal li Diose; muʼyuk chixiʼ.+

12 Dios kuʼun, ta jpas onoʼox li kʼusi kakʼoj ke ta jpas ta atojolale;+

chkakʼbot milbil matanal sventa ta jtojbot ta vokol.+

13 Yuʼun la apojun lokʼel ta stojolal li lajelale+

xchiʼuk la akʼelun sventa mu xmak* kakan,+

sventa xixanav ta stojolal Dios xchiʼuk ti kuxulukun-oe.+

57 Akʼo ta ilel slekil avoʼonton ta jtojolal, Dios kuʼun, akʼo ta ilel slekil avoʼonton ta jtojolal,

yuʼun te ta jsaʼ jnakʼobbail ta atojolal,+

te ta jsaʼ jnakʼobbail ta yolon axikʼ jaʼ to mi echʼ xa ox li vokolile.+

 2 Xivokolet ta stojolal li Dios ti jaʼ li Buchʼu toj toyol oye,

ta stojolal li melel Dios ti jaʼ li buchʼu tslajesbun li jvokole.

 4 Joyol ta jpat jxokon li leonetike;+

persa te ta jmochan jba ti bu oy li viniketik ti tskʼan tsbikʼikune,

ti naka lansa xchiʼuk naka flecha li stanal yeike,

jech xtok, li yokʼike jaʼ jun espada ti oy lek yee.+

 5 Dios kuʼun, akʼo xavichʼ toybel akʼoplal li ta sba vinajele;

teuk oy ta sba spʼejel balumil li amukʼulale.+

 6 Xchapanojik lek jun petsʼ sventa tsyakik kakan li kajkontratake;+

solel nijilun xa yuʼun li vokolile.+

La sjokʼik jun chʼen li ta jbee,

pe jaʼ te pʼaj* yalel stukik.+ (Sela).

 7 Dios kuʼun, staoj-o yav li koʼontone,+

staoj-o yav li koʼontone.

 9 Kajval Jeova, ta jkʼupil kʼoptaot ti bu oy li jteklumetike;+

ta jkʼupil kʼoptaot ta kʼejimoletik* ti bu oy li mukʼtik lumetike.+

10 Yuʼun toj mukʼ li tukʼil kʼanelal avuʼune, jech staylej kʼuchaʼal li vinajele+

xchiʼuk ti tukʼ chavakʼ abae kʼotem kʼalal to ta vinajel.

11 Dios kuʼun, akʼo xavichʼ toybel akʼoplal li ta sba vinajele;

teuk oy ta sba spʼejel balumil li amukʼulale.+

 2 Muʼyuk, yuʼun jaʼ noʼox chanop ta avoʼontonik li kʼusi chopole+

xchiʼuk tspuk batel saʼkʼop ta balumil li akʼobike.+

 3 Li buchʼutik toj chopolike kʼejpʼujemik* xa onoʼox ta be* kʼalal vokʼike;*

jtoybaetik, jloʼlavanejetik xa onoʼox kʼalal jaʼ toʼox vokʼike.

 4 Li svenenoalike xkoʼolaj kʼuchaʼal svenenoal chon;+

pakʼchikinik* kʼuchaʼal kovra ti tsmak xchikine,

 5 ti mu skʼan xchikintabe yechʼomal ye li buchʼu tsvovijesbe sjol chone,

mu ventauk kʼu to yelan xtojob ta svovijesbel sjol.

 8 Jechikuk kʼuchaʼal tʼotʼ* ti chtakij kʼalal xkilet batele;

jechikuk kʼuchaʼal yol jun ants ti chamem chvokʼ ti muʼyuk chilbe-o sat kʼakʼale.

 9 Kʼalal mu to bu chkʼixnaj yuʼun apʼinik li chʼix

ti xtiltun* skʼakʼale,

li Dios ti xkoʼolaj kʼuchaʼal tsatsal ikʼe+ tsmesbe batel li skʼobkʼobtak ti bu yoxik toe xchiʼuk li bu yakal xa chkʼakʼe.

10 Chmuyubaj li buchʼu tukʼe, yuʼun yiloj ti tspak sutel li Diose;+

balom* chʼichʼ xa yakanik ta xchʼichʼel li buchʼutik toj chopolike.+

59 Dios kuʼun, pojun lokʼel ta stojolal li kajkontratake;+

chabiun ta stojolal li buchʼutik chtal skontrainikune.+

 2 Pojun lokʼel ta stojolal li buchʼutik toj chopol kʼusi tspasike

xchiʼuk koltaun lokʼel ta skʼob li jsaʼkʼop viniketike.*

 3 ¡Kʼelavil! Te xa nakʼal* tsmalaikun;+

Kajval Jeova, tstsakikun ta kʼop li tsatsal viniketike,

pe maʼuk ta skoj ti jtoyoj jbae o ta skoj ti jsaʼoj jmule.+

 6 Tsutik talel jujun mal kʼakʼal;+

te xvojlajetik kʼuchaʼal tsʼiʼetik+ xchiʼuk te xjoyetik ta yut li jteklume.+

 7 Kʼelavil li kʼusi chmal* lokʼel ta yeike;

xkoʼolaj kʼuchaʼal espada li yanal yeike,*+

yuʼun xi chalike: «¿Buchʼu la yakal chchikinta?».+

 8 Pe li voʼote, Jeova, chatseʼin ta stojolalik;+

chalaban skotol li mukʼtik lumetike.+

 9 Voʼot ti Kipalote, te jkʼelojot-o;+

yuʼun jaʼ jlekil nakʼobbail li Diose.+

10 Chtal skoltaun li Dios ti chakʼ kil li tukʼil kʼanelal yuʼune,+

chakʼ kil Dios kʼalal chichʼik tsalel li kajkontratake.+

Akʼo xtal xbatikuk avuʼun ta skoj li ajuʼele;

akʼo yalikuk ta lum avuʼun, Kajval Jeova ti voʼot j-eskudootkutike.*+

12 Ta skoj li smul yeike, li kʼusi chlokʼ ta yeike,

akʼo tsakatikuk yuʼun li stoyobbailike,+

ta skoj ti chchopol kʼoptavanike xchiʼuk ti chloʼlavan ta skʼopojelike.

13 Ta skapemaluk ajol xalajes;+

lajeso sventa xchʼay batel skʼoplalik.

14 Akʼo sutikuk tal ta mal kʼakʼal;

xvojlajetikuk kʼuchaʼal tsʼiʼetik xchiʼuk teuk xjoyetik ta yut jteklum.+

15 Yalel muyelikuk sventa tsaʼ sveʼelik;+

mu xavakʼ ti nojuk xkom xchʼutike xchiʼuk mu xavakʼ ti oyuk bu sta svayebike.

16 Yan li voʼone ta jkʼejintabe skʼoplal li avipe;+

ximuyubaj chkalbe skʼoplal tukʼil kʼanelal avuʼun li ta sobe.

Yuʼun voʼot jlekil nakʼobbailot+

xchiʼuk jaʼ te ti bu xuʼ xijatav batel li ta yorail jvokole.+

17 Voʼot ti Kipalote, ta jkʼupil kʼoptaot ta kʼejimoletik;*+

yuʼun jaʼ jlekil nakʼobbail li Diose, li Dios ti chakʼbun kil tukʼil kʼanelale.+

 4 Vaʼanbo* junuk senyail ta sventa li buchʼutik xiʼtaojot*

sventa xjatavik xchiʼuk stsʼepʼun sbaik kʼalal chtal flechae.* (Sela).

 5 Pojunkutik ta abatsʼikʼob xchiʼuk takʼbunkutik+

sventa xapoj li buchʼutik akʼanoje.

«Chimuyubaj tajek, ta jpuk batel kʼuchaʼal rextoil* li Sikeme;+

jech xtok, ta jpʼis li stenlejaltik Sukote.+

 7 Jaʼ kuʼun li Galaade, jaʼ kuʼun xtok li Manasese+

xchiʼuk jaʼ kʼotem ta jkasko* li Efraine;

li Judae jaʼ jvaxton sventa komandante.+

10 Dios kuʼun, ¡ta melel voʼot ti chabeiltasunkutik batele!

Pe li avi une, Dios, chaviktaunkutik komel xchiʼuk muʼyuk xa jmoj chabat xchiʼuk li kajsoltarotakutike.+

11 Koltaunkutik li ta jvokolkutike,

yuʼun mu kʼusi xtun-o ti kʼu yelan chkoltavan

li krixchanoetike.+

12 Te ta jta kipalkutik ta stojolal Dios+

xchiʼuk jaʼ tsjuʼilan ta tekʼel li kajkontrakutike.+

 2 Kʼalal to spajeb balumil xi-avet ta jkʼoponot tal

kʼalal mu xa snaʼ kʼusi tspas* li koʼontone.+

 3 Yuʼun voʼot jnakʼobbailot,

jun tsatsal tayal kʼelob osil ti chchabiun ta stojolal li kajkontrae.+

 4 Te chinaki-o sbatel osil li ta akarpanae;+

te ta jta jnakʼobbail ta yolon axikʼ.+ (Sela).

 6 Chanatubtasbe xkuxlejal* li ajvalile+

xchiʼuk ti kʼu sjalil kuxule te oy-o akʼo mi x-echʼ jaykʼoluk kuxlejal.

 7 Sbatel osil te chchoti* ta chotlebal sventa ajvalil ta yeloval Dios;+

akʼbo tukʼil kʼanelal xchiʼuk tukʼ xavakʼ aba sventa jaʼ xchabiat.+

 8 Vaʼun, ta jkʼupil kʼopta ta kʼejimoletik* abi sbatel osil+

kʼalal ta jpas jujun kʼakʼal li kʼusi kakʼoj ke ta spasele.+

 2 Ta melel, jaʼ mukʼta ton kʼotem kuʼun, jaʼ jpojobbail, jaʼ jlekil nakʼobbail;+

mi jaʼuk onoʼox buchʼu xuʼ svuyilanun.*+

 4 Yuʼun jmoj chchap skʼopik sventa tsjipik lokʼel yaʼiik li ta yabtel ti tsots skʼoplale;*

lek tajek chaʼiik ti tsjutik kʼope.*

 5 Ta melel, te tsʼijilun ta jmala li Diose,+

yuʼun jaʼ te chlik talel ta stojolal li spatobil koʼontone.+

 6 Ta melel, jaʼ mukʼta ton kʼotem kuʼun, jaʼ jpojobbail, jaʼ jlekil nakʼobbail;

muʼyuk buchʼu xuʼ svuyilanun.*+

 9 Li xnichʼnab krixchanoetike xkoʼolajik noʼox kʼuchaʼal ikʼ,

li xnichʼnab krixchanoetike jloʼlavanejetik noʼox.+

10 Mu xapat avoʼontonik yuʼun li loʼlavaneje

o mu jecheʼuk xapat avoʼontonik yuʼun li elekʼe.

12 Jech xtok, jaʼ avuʼun li tukʼil kʼanelale, Kajval Jeova,+

yuʼun jech chatojbe sutel ta jujuntal ti kʼu yelan la spasike.+

Skotol ora la jkʼan ti liʼuk oyot ta jxokon

li ta balumil ti takin tajeke, ti tʼajemike, ti chʼabal voʼe.+

 2 Jaʼ yuʼun, laj kilot ti bu chʼule;

kiloj li atsatsale xchiʼuk li amukʼulale.+

 3 Yuʼun jaʼ mas toj lek li tukʼil kʼanelal avuʼune, jaʼ xkom to ta be li kuxlejale,+

tskʼupil kʼoptaot li kee.+

 4 Jaʼ yuʼun, ta sjunul jkuxlejal ta jkʼupil kʼoptaot;

ta jtoy muyel jkʼob kʼalal ta jkʼoponot ta abie.

 5 Jun koʼonton yuʼun li kʼusi jtaoj ti toj lek xchiʼuk ti jaʼ li bu tʼujbil leke,

jaʼ yuʼun chkʼejin li yanal kee,* tskʼupil kʼoptaot li kee.+

 6 Ta jvulesot ta jol kʼalal puchʼulun ta jteme,*

ta jnopbot akʼoplal li ta oʼlol akʼobale.+

 7 Yuʼun voʼot jkoltavanejot kuʼun+

xchiʼuk xkuxet noʼox koʼonton ta jkʼoponot li ta yolon axikʼe.+

 8 Te napʼalun ta atojolal;

lek tsots atsakojun ta abatsʼikʼob.+

 9 Pe li buchʼutik tskʼan tsmilikune

chyalik batel ta yutil to balumil.

10 Chichʼik milel ta espada;

chkʼotik ta sveʼel teʼtikal tsʼiʼetik.*

Skotol li buchʼu chakʼ ye ta sbi Diose ta xmuyubaj,*

yuʼun chichʼ makbel yeik li buchʼutik chalik jutbil kʼopetike.*

 2 Chabiun ta sventa li kʼusi tsnopik ta mukul li viniketik ti toj chopolike,+

ta stojolal li epal jpaschoplejaletike.

 3 Chjuxbe lek ye yokʼik kʼuchaʼal chichʼ juxbel ye jun espada;

li xchopol kʼopojelike xkoʼolaj kʼuchaʼal flecha ti chichʼbeik lek stukʼile,