45 Okwu ọma akpaliwo obi m.+

Ana m asị: “M na-abụ abụ banyere eze.”+

Ka ire m bụrụ mkpịsị+ nke ọkà n’idepụta ihe.+

 2 Ị mara mma karịa ụmụ mmadụ.+

A wụsawo ịma mma n’egbugbere ọnụ gị.+

Ọ bụ ya mere Chineke ji gọzie gị ruo mgbe ebighị ebi.+

 3 Kee mma agha gị+ n’úkwù, gị onye dị ike,+

Keekwa ebube gị na ịma mma gị n’úkwù.+

 4 N’ịma mma gị, nwee ihe ịga nke ọma;+

Gbaa ịnyịnya n’ihi eziokwu na ịdị umeala n’obi na ezi omume,+

Aka nri gị ga-ezikwa gị ihe dị iche iche dị egwu.+

 5 Akụ́ gị dị nkọ ga-abanye n’obi ndị iro eze+—

Ndị dị iche iche ga na-ada n’okpuru gị.+

 6 Chineke bụ ocheeze gị ruo mgbe ebighị ebi, ọbụna ruo mgbe niile ebighị ebi;+

Mkpanaka nke ọbụbụeze gị bụ mkpanaka nke izi ezi.+

 7 Ị hụrụ ezi omume n’anya,+ ị kpọkwara ajọ omume asị.+

Ọ bụ ya mere Chineke bụ́ Chineke gị+ ji were mmanụ aṅụrị+ tee+ gị karịa ndị ibe gị.+

 8 Uwe gị niile na-esi ísì ụtọ dị ka mea na alo na kashịa;+

Ụda ụbọ akwara nke na-adapụta ná nnukwu obí eze e ji ọdụ́ rụọ+ emewo ka ị ṅụrịa ọṅụ.

 9 Ndị inyom+ ndị eze mụrụ so ná ndị inyom ị hụrụ n’anya.

Nwunye eze+ eyiriwo ọlaedo nke si Ofa+ guzoro n’aka nri gị.

10 Ada, gee ntị, lee anya, tọọ ntị n’ala;

Chefuokwa ndị gị nakwa ụlọ nna gị.+

11 Ịma mma gị ga-agụkwa eze agụụ,+

N’ihi na ọ bụ onyenwe gị,+

Ya mere, gbuoro ya ikpere n’ala.+

12 Ada bụ́ Taya jikwa onyinye bịa+—

Ndị bụ́ ọgaranya n’etiti ndị mmadụ ga-eme ka obi gị jụrụ.+

13 Ada eze nke nọ n’ime ụlọ bụ sọ mma;+

E ji ọlaedo chọọ uwe ya mma.

14 Ọ ga-eyi uwe a kpara akpa mgbe a ga-akpọrọ ya bịakwute eze.+

A na-akpọbatara gị ụmụ agbọghọ ibe ya na-amaghị nwoke bụ́ ndị so ya.+

15 A ga-eji obi ụtọ na ọṅụ kpọbata ha;

Ha ga-abata n’obí eze.

16 Ụmụ gị ndị ikom+ ga-anọchi nna nna gị hà,+

Ị ga-ahọpụta ha ịbụ ndị isi n’ụwa dum.+

17 M ga na-akpọ aha gị n’ọgbọ niile na-abịa.+

Ọ bụ ya mere ndị dị iche iche ga-eji too gị ruo mgbe ebighị ebi, ọbụna ruo mgbe niile ebighị ebi.