Fakkeenya
2 Yommuu yakki* biyya keessa jirutti, bulchitoonni hedduun ishii irratti wal jijijjiiru,+
Gargaarsa nama hubannaa fi beekumsa qabuutiin garuu bulchaan tokko* bara dheeraa ni bulcha.+
3 Namni hiyyeessi nama rakkataa gowwoomsu+
Akkuma bokkaa midhaan hundumaa haxaaʼee sokkuu ti.
4 Warri seericha dhiisan nama hamaa ni jajatu,
Warri seericha eegan garuu isaanitti ni aaru.+
5 Hamoonni haqa hubachuu hin dandaʼan,
Warri Yihowaa barbaaddatan garuu wanta hundumaa hubachuu dandaʼu.+
6 Sooressa daandiin isaa mancaʼe mannaa
Hiyyeessa amanamummaadhaan deddeebiʼu wayya.+
7 Ilmi hubataa taʼe seericha ni eega,
Michuun namoota albaadhessa taʼanii garuu abbaa isaa ni salphisa.+
8 Namni dhalaan,+ akkasumas haraaxaa liqeessuudhaan qabeenya isaa baayʼifatu,
Qabeenya sana nama hiyyeessatti gara laafina argisiisuuf walitti qaba.+
10 Namni nama qajeelaa dogoggorsee gara daandii hamminaatti geessu boolluma qote keessatti kufa,+
Warri balleessaa hin qabne garuu wanta gaarii ni dhaalu.+
11 Sooressi ogeessa akka taʼetti of ilaala,+
Hiyyeessi hubannaa qabu garuu qoree isa beekuu ni dandaʼa.+
12 Namoonni qajeeloon yommuu injifatan ulfina guddaatu argama,
Hamoonni aangootti yommuu ol baʼan garuu sabni ni dhokata.+
13 Namni balleessaa isaa dhoksu milkaaʼina hin argatu,+
Namni balleessaa isaa himatuu fi isa dhiisu garuu araara ni argata.+
14 Namni yeroo hundumaa of eeggatu* gammadaa dha,
Namni garaan isaa didaa akka taʼu godhu kam iyyuu garuu rakkina keessatti kufa.+
15 Bulchaa hamaan saba rakkataa taʼe bulchu,
Akkuma leenca gururiʼuu fi amaaketa namatti fiiguu ti.+
16 Geggeessaan hubannaa hin qabne karaa sirrii hin taaneen aangoo isaatti fayyadama,+
Namni buʼaa sirrii hin taane jibbu garuu umurii isaa dheereffata.+
17 Namni lubbuu namaa balleessuudhaan dhiigaaf* itti gaafatamu hamma awwaalaatti* ni baqata.+
Namni tokko illee nama kana hin gargaarin.
18 Namni balleessaa malee deddeebiʼu ni oola,+
Namni karaan isaa jalʼaa taʼe garuu akkuma tasaa kufa.+
19 Namni lafa isaa qotatu nyaata hedduu argata,
Namni wanta gatii hin qabne duukaa buʼu garuu hiyyummaa ni quufa.+
20 Namni amanamaan eebba hedduu argata,+
Namni sooressa taʼuuf jarjaru garuu qulqulluu taʼee hin jiraatu.+
21 Looguun gaarii miti;+
Garuu namni tokko daabboo cabduudhaaf jedhee dogoggora raawwachuu dandaʼa.
23 Nama arraba isaatiin sobee nama jaju irra
Namni nama ifatu+ hundi booda irratti ulfina dabalataa argata.+
24 Namni abbaa isaa fi haadha isaa erga saamee booda, “Kun dogoggora miti” jedhu kam iyyuu+
Hiriyaa nama badiisa fiduu ti.+
27 Namni hiyyeessaaf kennu kam iyyuu homtuu itti hin hirʼatu,+
Namni isa ilaaluu didee ija isaa dunuunfatu garuu abaarsa hedduutu irra gaʼa.
28 Hamoonni aangootti yommuu ol baʼan namni ni dhokata,
Yommuu isaan badan garuu qajeelonni ni baayʼatu.+