Maombolezo

4 Lo! jinsi inavyofifia dhahabu yenye kung’aa, dhahabu iliyo nzuri!+

Lo! jinsi mawe matakatifu+ yanavyomwagwa mbele ya barabara zote!+

 2 Kwa habari ya wana wa Sayuni wenye thamani,+ waliopimwa uzito kwa kulinganishwa na dhahabu safi,

Lo! jinsi wamehesabiwa kama mitungi mikubwa ya udongo, kazi ya mikono ya mfinyanzi!+

 3 Hata mbwa-mwitu wametoa maziwa. Wamenyonyesha watoto wao.

Binti ya watu wangu anakuwa mkatili,+ kama mbuni nyikani.+

 4 Ulimi wa mtoto anayenyonya umekwama kwenye kaakaa lake kwa sababu ya kiu.+

Watoto wameomba mkate.+ Hakuna anayewapa mkate huo.+

 5 Wale waliokuwa wakila vitu vyenye kupendeza wameshikwa na mshangao barabarani.+

Wale waliokuwa wakilelewa katika nguo nyekundu+ wamekumbatia marundo ya majivu.+

 6 Adhabu kwa kosa la binti ya watu wangu pia inakuwa kubwa kuliko adhabu kwa kosa la dhambi ya Sodoma,+

Lililoangamizwa kama kwa dakika moja, na ambalo hakuna mikono iliyojitokeza kulisaidia.+

 7 Wanadhiri+ wake walikuwa safi kuliko theluji;+ walikuwa weupe kuliko maziwa.

Kwa kweli walikuwa wekundu+ kuliko marijani; kung’arishwa kwao kulikuwa kama yakuti.+

 8 Sura yao imekuwa nyeusi kuliko weusi wenyewe. Hawakutambuliwa barabarani.+

Ngozi yao imekauka juu ya mifupa yao.+ Imekauka kama mti.

 9 Wale waliouawa kwa upanga+ wamekuwa bora kuliko wale waliouawa kwa njaa,+

Kwa sababu hao hudhoofika, wakichomwa kwa sababu ya ukosefu wa mazao ya shambani.

10 Mikono ya wanawake wenye huruma imetokosa watoto wao wenyewe.+

Wamekuwa kama mkate wa kufariji mtu wakati wa kuvunjika kwa binti ya watu wangu.+

11 Yehova ametimiza ghadhabu yake.+ Amemwaga hasira yake inayowaka.+

Naye anawasha moto katika Sayuni, unaoteketeza misingi yake.+

12 Wafalme wa dunia na wakaaji wote wa nchi yenye kuzaa hawakuwa wameamini+

Kwamba mpinzani na adui wataingia katika malango ya Yerusalemu.+

13 Kwa sababu ya dhambi za manabii wake, makosa ya makuhani wake,+

Mlikuwa katikati yake wale wanaomwaga damu ya waadilifu.+

14 Wametanga-tanga kama vipofu+ barabarani.+ Wamechafuliwa na damu,+

Hivi kwamba hakuna wanaoweza kugusa mavazi yao.+

15 “Ondokeni njiani! Najisi!”+ Wamewapaazia sauti. “Ondokeni njiani! Ondokeni njiani! Msiguse!”+

Kwa maana wamekosa makao.+ Pia wametanga-tanga.+ Watu wamesema kati ya mataifa: “Hawatakaa tena kama wageni.+

16 Uso wa Yehova umewatawanya.+ Hatawatazama tena.+

Watu hawataonyesha kujali hata kwa walio makuhani.+ Hakika hawatawakubali hata walio wanaume wazee.”+

17 Tukiwa tungali bado tunaishi, macho yetu huendelea kudhoofika bure kwa kutazamia msaada wetu.+

Wakati wa kutazama kwetu tumetazamia taifa ambalo haliwezi kuleta wokovu.+

18 Wamewinda hatua zetu+ hivi kwamba hakuna kutembea katika viwanja vyetu vya watu wote.

Mwisho wetu umekaribia. Siku zetu zimetimia, kwa maana mwisho wetu umekuja.+

19 Wenye kutufuatilia wamekuwa wepesi kuliko tai wa mbinguni.+

Wametufuatilia vikali juu ya milima.+ Wametuvizia nyikani.+

20 Pumzi ya mianzi ya pua zetu,+ mtiwa-mafuta wa Yehova,+ amenaswa katika shimo lao kubwa,+

Yule ambaye tumesema habari zake: “Tutaishi chini ya kivuli+ chake kati ya mataifa.”+

21 Furahi na kushangilia,+ Ee binti Edomu,+ wewe unayekaa katika nchi ya Usi.+

Kwako wewe pia kikombe kitapita.+ Utalewa na kujionyesha ukiwa uchi.+

22 Kosa lako, Ee binti Sayuni, limefikia mwisho wake.+ Hatakupeleka tena uhamishoni.+

Amegeuza fikira zake kwa kosa lako, Ee binti Edomu. Amefunua dhambi zako.+