Isaayyaas
1 Mulʼata Isaayyaas*+ ilmi Amooz bara Ooziyaa,+ Yootaam,+ Akaazii+ fi Hisqiyaas+ warra mootota Yihudaa turanitti+ Yihudaa fi Yerusaalemiin ilaalchisee arge:
2 Yaa samiiwwan, dhagaʼaa, yaa lafaa, xiyyeeffannaadhaan dhaggeeffadhu,+
Sababiin isaas, Yihowaan akkana jedhee dubbateera:
3 Qotiyyoon abbaa isaa,
Harreenis gongaa* gooftaa isaa akka gaariitti beeka;
Israaʼel garuu na* hin beeku,+
Sabni koo hubannaa hin qabu.”
4 Saba cubbamaadhaaf,+
Uummata dogoggorri isaa itti ulfaateef,
Sanyii namoota hamootiif, ijoollee mancaʼoo taʼaniif wayyoo!
5 Qaama keessan irraa bakki rukutamuu dandeessan hin jiru; maarree finciluu keessan kan itti fuftan maaliifi?+
Guutummaan mataa dhibameera,
Guutummaan garaas dhukkubsateera.+
6 Faana miilaatii kaasee hamma mataatti, bakki fayyaa taʼe tokko illee hin jiru.
Madaaʼeera, dirmammaaʼeera, madaa afaan baneen guutameera,
Taʼus hin walʼaanamne,* hin hidhamne, zayitiis hin dibamne.+
7 Biyyi keessan onteetti.
Magaalonni keessan ibiddaan gubamaniiru.
Namoonni biyya ormaa ijuma keessan duratti biyya keessan ni nyaatu.+
Biyyi keessan akkuma lafa onaa namoota biyya ormaatiin garagalfamee taateetti.+
8 Intalli Xiyoon akkuma daasii maasii wayinii keessa jiruutti,
Akkuma godoo maasii buqqee dheedhii nyaatamuu keessa jiruutti,
Akkuma magaalaa marfamteettis kan dhiifamte taateetti.+
9 Yihowaan Gooftaan Raayyaa namoota oolan muraasa utuu nuuf hin hambisne taʼee,
Silaa akkuma Sodoom taana,
Gomoraas ni fakkaanna turre.+
10 Isin abbootiin irree* Sodoom,+ dubbii Yihowaa dhagaʼaa.
Isin namoonni Gomoraa,+ seera* Waaqa keenyaa xiyyeeffannaadhaan dhaggeeffadhaa.
11 Yihowaan akkana jedha: “Baayʼinni aarsaawwan keessanii maal na fayyada?+
Ani aarsaawwan korbeeyyii hoolaa,+ cooma horiiwwan keessan warra gabbatoos+ quufeera,
Dhiigni+ jibootaa,+ dhiigni hoolota xobbaallaa fi dhiigni reʼootaa+ na hin gammachiisu.
13 Aarsaawwan midhaanii warra gatii hin qabne fiduu keessan dhiisaa.
Ixaanni keessan na biratti jibbisiisaa dha.+
Isin guyyoota baatiiwwan haaraa+ fi sanbatawwan+ ni kabajju, walgaʼiiwwanis+ ni qopheessitu.
Taʼus, utuma walgaʼiiwwan qulqulluu qopheessitanii mora+ raawwattan kam iyyuu obsaan bira darbuu hin dandaʼu.
14 Ani* guyyoota baatiiwwan haaraa keessanii fi ayyaanota keessan jibbeera.
Isaan baʼaa natti taʼaniiru;
Isaan baachuunis na nuffisiiseera.
15 Harka keessan yommuu diriirsitan,
Ija koo isin duraa nan dhoksa.+
16 Dhiqadhaa, of qulqulleessaa;+
Gochawwan hamminaa keessan na duraa balleessaa;
Wanta hamaa raawwachuu keessan dhiisaa.+
17 Wanta gaarii raawwachuu baradhaa, haqa barbaadaa,+
Isa nama cunqursu sirreessaa,
Mirga mucaa abbaa hin qabneetiif* falmaa,
Dubartii abbaan manaa irraa duʼeefis falmaa.”+
18 Yihowaan akkana jedha: “Kottaa, rakkina nu gidduutti uumameef furmaata haa kenninu.+
Cubbuun keessan diimaa dhiiga fakkaatu yoo taʼe illee,
Akkuma cabbii adii ni taʼa;+
Akka uffata bifa bildiimaatti yoo diimate illee,
Akkuma suufii ni addaata.
19 Fedhii yoo qabaattan, yoo dhageessanis,
Wantoota gaggaarii biyyattii keessaa argaman ni nyaattu.+
20 Yoo diddanii fi yoo finciltan garuu,
Goraadeen isin nyaata;+
Sababiin isaas, kana kan dubbate afaan Yihowaa ti.”
21 Magaalaan amanamtuu turte+ akkam sagaagaltuu taate!+
Ishii keessa haqni guutee ture;+
Qajeelummaan ishii keessa jiraata ture,+
Amma garuu warra nama ajjeesantu ishii keessa jiraata.+
23 Bulchitoonni kee mata jabeeyyii fi michuu hattootaa ti.+
Tokkoon tokkoon isaanii mattaʼaa jaallatu, kennaa duukaas ni fiigu.+
Ijoollee abbaa hin qabneef* haqaan hin murteessan,
Dhimmi seeraa dubartii abbaan manaa irraa duʼees matumaa isaan bira hin gaʼu.+
24 Kanaafuu, Yihowaan Gooftaan Raayyaa inni Gooftaa dhugaa taʼe,
Inni Humna Qabeessi kan Israaʼel akkana jedha:
“Kunoo, ani hamajaajota koo of duraa haxaaʼee nan balleessa,
Diinota koo irrattis haaloo nan baʼa.+
25 Harka koo si irratti nan kaasa,
Kosii kee guutummaatti baqsee nan balleessa,
Xurii kee hundumaas si irraa nan balleessa.+
26 Akka isa jalqabaatti abbootii murtii,
Akka isa duraattis gorsitoota siif nan kenna.+
Atis kana booda Magaalaa Qajeelummaa, Magaalaa Amanamtuu jedhamta.+
27 Xiyoon haqaan ni furamti,+
Namoonni ishii warri deebiʼanis qajeelummaadhaan ni furamu.
29 Sababiin isaas, isin mukeetii guguddoo hawwitan sanaan kan kaʼe ni qaaneffamtu,+
Iddoowwan biqiltuu* filattan sanaan kan kaʼes ni salphifamtu.+
30 Isin akkuma muka guddaa baalli isaa irraa harcaʼee,+
Akkuma iddoo biqiltuu bishaan hin qabnees ni taatu.
31 Namni jabaan citaa,
Hojiin isaas qaanqee ni taʼa;
Lamaan isaanii iyyuu waliin ni gubatu,
Kan isaan dhaamsus hin jiraatu.”