1 Mambo ya Nyakati
22 Ndipo Daudi akasema: “Hii ndiyo nyumba+ ya Yehova, Mungu wa kweli, na hii ndiyo madhabahu+ kwa ajili ya toleo la kuteketezwa kwa ajili ya Israeli.”
2 Sasa Daudi akasema wakaaji wote wageni+ walio katika nchi ya Israeli wakusanywe, kisha akawaweka kuwa wachongaji wa mawe+ ili wachonge mawe ya mraba+ kwa ajili ya kujenga nyumba ya Mungu wa kweli. 3 Na Daudi akatayarisha chuma kwa wingi sana kwa ajili ya misumari ya milango ya malango na kwa ajili ya vibanio, na pia shaba nyingi isiyoweza kupimwa uzito,+ 4 na pia mbao za mierezi+ zisizo na hesabu; kwa maana Wasidoni+ na Watiro+ walimletea Daudi mbao za mierezi kwa wingi sana. 5 Kwa hiyo Daudi akasema: “Sulemani mwanangu ni mchanga na mwororo,+ na ile nyumba itakayojengewa Yehova inapaswa kuwa yenye utukufu+ zaidi kwa ajili ya uzuri+ wenye heshima kwa nchi zote. Basi, acha mimi nimfanyie matayarisho.” Hivyo Daudi akafanya matayarisho kwa wingi sana kabla ya kifo chake.+
6 Tena akamwita Sulemani mwana wake ili ampe amri ya kumjengea nyumba Yehova, Mungu wa Israeli. 7 Naye Daudi akamwambia Sulemani mwana wake: “Kwa habari yangu, nilitaka sana moyoni+ mwangu kujenga nyumba kwa ajili ya jina+ la Yehova, Mungu wangu. 8 Lakini neno la Yehova lilikuja dhidi yangu, na kusema, ‘Umemwaga damu nyingi sana,+ nawe umepigana vita vikubwa.+ Wewe hutajenga nyumba kwa ajili ya jina langu,+ kwa kuwa umemwaga damu nyingi sana duniani mbele zangu. 9 Tazama! Utazaa mwana.+ Yeye atakuwa mtu mtulivu, nami nitampa pumziko kutoka kwa adui zake wote pande zote;+ kwa maana jina lake litakuwa Sulemani,+ nami nitaleta juu ya Israeli amani+ na utulivu katika siku zake. 10 Yeye ndiye atakayejenga nyumba kwa ajili ya jina langu,+ naye atakuwa mwanangu,+ nami nitakuwa baba+ yake. Nami hakika nitakifanya imara kiti cha ufalme+ wake juu ya Israeli mpaka wakati usio na kipimo.’
11 “Sasa, mwanangu, Yehova na awe pamoja nawe, nawe upate mafanikio, ujenge nyumba ya Yehova, Mungu wako, kama alivyosema kukuhusu wewe.+ 12 Ila tu Yehova akupe busara na uelewaji,+ naye akupe amri kuhusu Israeli ili kuishika sheria ya Yehova, Mungu wako.+ 13 Hivyo utapata mafanikio+ ukiangalia kutenda masharti+ na maamuzi ya hukumu+ ambayo Yehova alimwamuru+ Musa kuhusu Israeli. Uwe hodari na mwenye nguvu.+ Usiogope+ wala usiingiwe na hofu.+ 14 Na tazama, wakati wa mateso+ yangu nimetayarisha kwa ajili ya nyumba ya Yehova talanta mia moja elfu za dhahabu+ na talanta milioni moja za fedha, na hakuna namna ya kupima uzito wa shaba+ na chuma+ kwa sababu zimekuwa nyingi sana; nami nimetayarisha mbao na mawe, lakini utaviongeza vitu hivyo. 15 Nawe una wafanyakazi wengi sana, wachongaji wa mawe na wafanyakazi wa mawe+ na kila mwenye ustadi katika kila namna ya kazi.+ 16 Hakuna namna yoyote ya kuhesabu dhahabu, fedha na shaba na chuma.+ Simama, utende,+ na Yehova awe pamoja nawe.”+
17 Tena Daudi akawaamuru wakuu wote wa Israeli wamsaidie Sulemani mwana wake: 18 “Je, Yehova, Mungu wenu, hayuko pamoja nanyi,+ na je, hakuwapa pumziko kuzunguka pande zote?+ Kwa maana ametia mkononi mwangu wakaaji wa nchi, na nchi imetiishwa mbele za Yehova+ na mbele ya watu wake. 19 Basi kazeni mioyo yenu na nafsi+ zenu kumuuliza Yehova, Mungu wenu,+ na msimame, mjenge patakatifu+ pa Yehova, Mungu wa kweli,+ ili kuleta sanduku+ la agano la Yehova na vyombo vitakatifu vya Mungu wa kweli katika nyumba iliyojengwa kwa ajili ya jina+ la Yehova.”