ZEBUR KITABY

1 Erbetleriň maslahatyna eýermeýän,

Günäkärleriň ýolundan ýöremeýän+,

Ýaňsylaýjylar bilen oturmaýan+ adam bagtlydyr.

 2 Ol Ýehowanyň kanunyny ýürekden söýýär+.

Gije⁠-⁠gündiz Hudaýyň kanuny hakda oýlanýar*+.

 3 Ol akar suwuň ýakasynda ekilen,

Miwesini möwsüminde berýän,

Ýapragy solmaýan agaç ýaly bolar.

 4 Erbetleriň ýagdaýy beýle däldir.

Olar ýele sowrulan saman kimindir.

 5 Erbetler jezadan gaçyp bilmez+,

Günäkärler dogruçyllaryň arasynda bolmaz+.

 6 Ýehowa dogruçyl adamyň ýoluny bilýär+,

Erbediň ýoluny bolsa ýok eder+.

2 Milletler näme üçin gaharlanýar?

Halklar näme üçin biderek zatlar hakda oýlanýar?+

 2 Ýer ýüzüniň patyşalary baş galdyrýar,

Hökümdarlary maslahat edip+,

Ýehowa we onuň saýlanyna*+ garşy çykýar.

 3 Olar: «Bize salnan gandaly döweliň,

Ýüpüni üzüp taşlalyň!» diýýärler.

 4 Göklerde oturan olaryň üstünden güler.

Ýehowa olary ýaňsylar.

 5 Olar bilen gazaply gepleşer,

Gazap ody bilen gorkuzar.

 6 Ol: «Mukaddes dagym Sionda+

Patyşamy belledim»+ diýer.

 7 Men Ýehowanyň permanyny yglan edeýin.

Hudaý maňa şeýle diýdi: «Sen meniň oglum+,

Şu gün seniň ataň boldum+.

 8 Isleseň, milletleri miras goýaýyn,

Ýer ýüzüni ygtyýaryňa bereýin+.

 9 Olary demir hasa bilen döwersiň+,

Küýze ýaly çym⁠-⁠pytrak edersiň»+.

10 Indi bolsa, eý patyşalar, akylyňyza aýlanyň!

Eý ýer ýüzüniň kazylary, terbiýäni kabul ediň!

11 Ýehowadan gorkuň, oňa gulluk ediň,

Çuňňur hormat goýuň, şatlanyň.

12 Ogluny hormatlaň*+, ýogsam Alla gazaplanar,

Ýoluňyzda heläk bolarsyňyz+.

Sebäbi Allanyň gahary tiz tutaşýandyr.

 3 Emma sen galkanymsyň, eý Ýehowa!+

Şan⁠-⁠şöhrat berip+, gaýratymy artdyrýarsyň!+

 4 Men Ýehowany çagyraryn,

Ol mukaddes dagyndan+ jogap berer. (Sela)

 5 Başymy ýassyga goýup, süýji uka giderin,

Sag⁠-⁠aman ukudan oýanaryn.

Sebäbi Ýehowa meniň daýanjym+.

 6 On müňlerçe adam gabasa⁠-⁠da,

Men olardan gorkmaryn+.

Duşmanlarymyň äňine ur,

Erbetleriň dişini döw+.

Haçana çenli biderek zatlary söýersiňiz?

Haçana çenli ýalan sözlärsiňiz? (Sela)

 3 Ýehowa wepaly adamlaryň gadyryny bilýär*.

Ýehowa dogamy eşider.

 5 Ak ýürekden* gurbanlyk beriň,

Ýehowa bil baglaň+.

 7 Adamlar gallasy we täze şeraby köpelse şatlanýarlar.

Ýöne sen meni olardan⁠-⁠da has bagtly etdiň.

 8 Men ýatyp, süýji uka giderin+.

Eý Ýehowa, diňe seniň saýaňda arkaýyn ýaşaryn!+

5 Eý Ýehowa, dilegimi eşit+,

Ahy⁠-⁠nalamy diňle!

 2 Perýadyma gulak goý,

Patyşahym, Hudaýym, saňa doga edýärin!

 3 Eý Ýehowa, säher çagy dogalarymy eşit+,

Säher bilen ýüregimi dökeýin+, umyt bilen garaşaýyn.

 4 Sen zalym işleri ýigrenýärsiň+,

Erbetler huzuryňa gelip bilmez+.

Sen erbetleri ýigrenýärsiň+.

 6 Ýalançylary ýok edersiň+.

 7 Men öýüňe+ bararyn, sebäbi meni söýýärsiň*+.

Mukaddes ybadathanaňa bakyp,

Hormat* bilen sežde ederin+.

 8 Eý Ýehowa, duşmanlar daşymda.

Meni dogry ýodalaryňdan ýöret,

Ýollaryňdan ýykylman ýöräýin+.

 9 Içigara adamlaryň sözüne,

Aýdan hiç bir zadyna ynanyp bolmaz.

Bogazy açyk gabyr ýalydyr,

Dili bilen ýaranjaňlyk edýändir+.

10 Hudaý olary höküm eder,

Olar öz pälinden tapar+.

Sebäbi köp günä etdiler, saňa garşy gozgalaň turuzdylar.

Olary huzuryňdan kow.

11 Seni pena edinenler begener+,

Hemişe joşup aýdym aýdar.

Sen olary gorarsyň,

Adyňy söýýänler işleriňe şatlanar.

12 Eý Ýehowa, dogruçyl adama bereket berersiň,

Ondan razy bolup, galkan kimin gorarsyň+.

6 Eý Ýehowa, maňa gazap bilen käýeme,

Gahar bilen temmi berme+.

 3 Oda⁠-⁠köze düşdüm+,

Eý Ýehowa, haçana çenli çydaýyn?+

 4 Ýehowa, dadyma ýetiş, meni gutar+,

Wepaly söýgiň* hatyrasyna meni halas et!+

 5 Ölen adam seni ýatlarmy?

Mazarda* saňa alkyş aýdarmy?+

 6 Ahy⁠-⁠nala çekip, gurbatym gaçdy+,

Bütin gije aglaý⁠-⁠aglaý ýassygym* myžžyk boldy,

Gözýaşlarym sil deý akyp, ýatan ýerim köle döndi+.

 7 Hasratdan ýaňa gözlerim küteldi+,

Duşmanlardan ýaňa gözümiň nury öçdi.

 8 Ýehowa ahy⁠-⁠nalamy eşider+,

Eý erbetler, meni günüme goýuň!

 9 Ýehowa perýadymy eşider+,

Ýehowa dilegime jogap berer.

10 Duşmanlarym masgara bolup, howsala düşer,

Utanja galyp, duýdansyz yza çekiler+.

 2 Ýogsam arslan kimin meni bölek⁠-⁠bölek ederler+,

Süýräp äkiderler, dadyma ýetişen bolmaz.

 3 Eý Ýehowa Hudaýym! Günä eden bolsam,

Adalatsyzlyk eden bolsam,

 4 Ýagşylyga ýamanlyk eden bolsam+,

Ýersiz⁠-⁠ýere duşmanymy talan bolsam*,

 5 Goý, duşmanlarym yzymdan kowup, ele salsyn.

Meni aýak astynda basgylasyn,

Abraýdan düşürsin. (Sela)

 6 Eý Ýehowa, gahar bilen aýaga gal,

Gazaply duşmanlarymyň garşysyna çyk+.

Aýaga gal, adalaty dikelt+.

 7 Goý, halklar daşyňa üýşsün.

Tagtyňa geçip, olara höküm çykar.

Eý Ýehowa, maňa adyl höküm çykar,

Dogruçyl, wepaly* bolanymy unutma+.

Dogruçyly halas et+.

Sen ýürekleri, oý⁠-⁠pikirleri bilýän*+ adalatly Hudaýsyň+.

11 Hudaý — adyl Kazy+,

Hökümlerini her gün yglan edýär.

12 Ynsan toba etmese+, ol gylyjyny ýiteldýär+,

Ýaýyny çekip, nyşana alýar+.

13 Ol agyr ýaraglaryny,

Otly peýkamlaryny taýýarlaýar+.

14 Olar göwresinde erbetligi göterip,

Zalymlygy dogurýar, ýalany dünýä inderýär+.

15 Olar duzak gurup, çukur gazýar,

Emma öz gazan çukuryna özleri düşýär+.

16 Olaryň erbet işleri öz başyna geler+,

Eden sütemi öz depesinden iner.

17 Ýehowa alkyş aýdaryn, sebäbi ol adalatlydyr+.

Beýik Hudaý+ Ýehowanyň adyna aýdym aýdaryn+.

8 Eý Ýehowa Hudaýymyz, bütin ýer ýüzünde

Seniň beýik adyňa taý geljek ýokdur!

Seniň şöhratyň gökden hem beýikdir*+.

 2 Çagalaryň, bäbekleriň alkyşy+,

Garşy çykýanlara güýjüňi görkezýär,

Ganym duşmanlaryňy dymdyrýar.

 3 Gök asman, Aý we ýyldyzlar seniň elleriň işi,

Men olara seredip oýlanýaryn+:

 4 «Ýatlap aladasyny ederiň ýaly,

Başy ölümli ynsan kimmişin?»+

 5 Ony perişdelerden sähelçe peseltdiň,

Başyna şöhrat täjini geýdirdiň.

 6 Ähli işleriňi oňa tabşyrdyň+,

Ähli ýaradan zadyňy ygtyýaryna berdiň*.

 7 Goýun⁠-⁠geçileri, sygyr sürülerini,

Ýabany haýwanlary+,

 8 Gögüň guşlaryny, derýa balyklaryny,

Deňziň janly⁠-⁠jandaryny eline berdiň.

 9 Eý Ýehowa Hudaýymyz, bütin ýer ýüzünde

Seniň beýik adyňa taý geljek ýokdur!

9 Eý Ýehowa, saňa ýürekden alkyş aýdaryn,

Ajaýyp işleriňi gürrüň bererin+.

 2 Sen begenjim, şatlygym!

Eý Allatagalam*, adyňa aýdym aýdaryn+.

 3 Duşmanlarym yza çekiler+,

Ýykylyp ýok bolarlar.

 4 Sen hakymy alyp berýärsiň,

Tagtyňda oturyp, adalatly höküm çykarýarsyň+.

 5 Halklara käýäp+, erbetleri ýok etdiň,

Atlaryny ebedilik öçürdiň.

 6 Duşmanlaryňy hemişelik ýok etdiň,

Şäherlerini ýer bilen ýegsan etdiň.

Olaryň ady hiç haçan agzalmaz+.

 7 Ýehowa ebedilik höküm sürýär+,

Tagtyny adalatly höküm çykarmak üçin dikdi+.

 8 Ol ýer ýüzüne adalatly kazylyk eder+,

Halklara adalatly höküm çykarar+.

 9 Ýehowa ezilenlere pena bolar+,

Agyr günde gala bolar+.

10 Adyňy bilýänler saňa bil baglar+,

Eý Ýehowa, özüňi agtarýanlary terk etmersiň+.

11 Eý Sionda ýaşaýanlar, Ýehowanyň şanyna aýdym aýdyň,

Işlerini halklara yglan ediň+.

12 Ol ejir çekýänleriň perýadyny unutmaýar+,

Olaryň ganyna galan adamlardan ar alýar+.

13 Ölüm penjesinden gutarýan Ýehowa Hudaýym+,

Maňa rehim eýle, duşmanlarymyň sütem edişini gör.

14 Sionyň* derwezelerinde ajaýyp işleriňi yglan ederin+,

Halas edişiňi görüp şatlanaryn+.

15 Halklar öz gazan çukuryna özleri düşýär,

Guran toruna özi çolaşýar+.

17 Allany unudan halklar,

Erbet adamlar mazara* iner.

18 Garyplar unudylmaz+,

Ýumşak adamlaryň umydy üzülmez+.

20 Eý Ýehowa, goý, halklar senden gorksun+,

Başy ölümli ynsandygyny bilsin. (Sela)

 2 Erbet we tekepbir adam ejizi yzarlaýar+,

Emma öz pälinden tapýar+.

 3 Erbet adam erbet işlerine buýsanýar+,

Açgöz adama alkyş aýdýar*,

נ [Nun]

Ýehowa hormat goýmaýar.

 4 Tekepbir, erbet adam Allany gözlemeýär.

Ol içinden: «Hudaý ýok»+ diýýär.

 5 Eden işi ugruna bolýar+,

Duşmanlarynyň üstünden gülýär.

Emma seniň hökümleriňe akyl ýetirip bilmeýär+.

 6 Ol içinden: «Men ýykylmaryn.

Bir nesil öter, başga nesil geler,

Emma men betbagtçylyk görmerin»+ diýýär.

 7 Agzyndan gargyş, haýbatly, ýalan sözler çykýar+,

Dili bilen bitmejek ýara salýar+.

 8 Obanyň çetinde bukuda ýatýar,

Bigünä adamyň janyny alýar+,

10 Tutan awuny tüýt⁠-⁠müýt edýär,

Ejizi penjesinde gysýar.

12 Eý Ýehowa, aýaga gal!+

Eý Hudaý jan, kömek et!+

Ezilenler saňa umyt baglaýar+,

Ýetimlere kömek edýärsiň+.

15 Erbediň, zalymyň elini döw+.

Şonda näçe agtarsaň⁠-⁠da,

Erbetligini tapmarsyň.

18 Ýetimleriň, ezilenleriň hakyny alyp ber+.

Goý, başy ölümli ynsan olary gorkuzmasyn+.

 2 Erbetleriň ýaý çekişini görýärmiň?

Olar garaňkylykda ýaýyny çenäp ýatýar,

Dogruçyl adamyň döşüni deşýär.

 3 Adalat bolmasa, eden⁠-⁠etdilik bolsa,

Dogruçyl näme etsin?»

 5 Ýehowa dogruçyly⁠-⁠da, erbedi⁠-⁠de synlaýar+.

Ol zorlugy söýýäni ýigrenýär+.

 6 Ol erbetleriň başyna bela⁠-⁠beter* ýagdyrar,

Ot, kükürt+ we çölüň ýeli bilen jezalandyrar.

Ol adalatly işleri gowy görýär+,

Dogruçyl adama bereket berýär+.

12 Eý Ýehowa, meni halas et! Wepaly adam galmady.

Adamlaryň arasynda ynamdar galmady.

 2 Olar biri⁠-⁠birine ýalan sözleýär,

Ýaranjaňlyk edip, hilegärlik* bilen gepleýär+.

 3 Ýehowa ýaranjaň dili çapar,

Öwünjeň dili keser+.

 4 Olar: «Gepimizi gögerderis*,

Agzymyza geleni aýdarys.

Bizi kim saklap biler?»+ diýýärler.

 5 Ýehowa diýýär: «Ejizler ezilýär,

Garyplar ahy⁠-⁠nala edýär+.

Men aýaga galaryn!

 6 Ýehowanyň sözi arassadyr+.

Ol ojakda* ýedi sapar arassalanan kümüş ýalydyr.

 7 Eý Ýehowa, sen ejizleri aman saklarsyň+,

Her birini şu nesilden ebedilik gorarsyň.

 8 Erbetler döwran sürýär,

Sebäbi adam ogullary azgynlygy söýýär+.

 2 Haçana çenli azap çekerin?

Haçana çenli uzakly gün hasrat çekerin?

Ölüm ukusyna gitmez ýaly, maňa güýç* ber.

 4 Duşmanym: «Men ýeňdim!» diýmesin.

 5 Men bolsa ýagşylygyňa* bil baglaýaryn+.

Halas edeniňde ýürekden şatlanaryn+.

 6 Ýehowanyň şanyna aýdym aýdaryn,

Sebäbi ol bol bereket berdi+.

Olar ýoldan çykdylar, ýigrenji işleri edýärler.

Ýagşylyk edýän ýok+.

 2 Ýöne Ýehowa gökden ynsan ogullaryny synlap,

Ýehowany gözleýäni, düşünjeli adamy tapmak isleýär+.

 3 Olaryň bary ýoldan çykdy+,

Ählisi azdy.

Ýagşylyk edýän ýok,

Ýekejesi⁠-⁠de ýok.

 5 Olar gorkup titreşer+,

Sebäbi Ýehowa dogruçylyň neslini goldar.

 6 Eý zalymlar, garybyň işine böwet bolýarsyňyz.

Emma Ýehowa garybyň penasydyr+.

Ýehowa ýesir düşen halkyny yzyna getirer.

Goý, Ýakup şatlansyn, Ysraýyl begensin!

 2 Halal* ýaşaýan+,

Dogry işleri edýän+,

Ýüreginde hakykaty aýdýan adam ýaşar+.

 3 Ol dili bilen töhmet atmaz+,

Goňşusyna* ýamanlyk etmez+,

Dostlaryna gara ýöňkemez+.

 4 Ol ýigrenji adam* bilen gatnaşmaz+,

Ýehowadan gorkýanlara hormat goýar.

 5 Ol göterimine pul bermez+,

Bigünäni garalamak üçin para almaz+.

2 Men Ýehowa diýdim:

«Ýehowa, ähli berekediň Gözbaşy sensiň!

 3 Ýer ýüzündäki mukaddeslere,

Hormata mynasyp ynsanlara guwanýaryn»+.

Men olar bilen gan sadakalaryny hödürlemerin,

Taňrylaryň adyny⁠-⁠da agzamaryn+.

Huzuryňda hemişe şatlansynlar+,

Sagyňda elmydama begensinler.

17 Eý Ýehowa, ýalbarýaryn, adalaty dikelt!

Dady⁠-⁠perýadymy eşit,

Ak ýürekden edýän dogamy diňle+.

 2 Maňa adalatly höküm çykar+,

Gözleriň dogry işlerimi görsün.

 3 Gijelerine ýüregimi barladyň+,

Meni arassaladyň+.

Erbet niýetimiň ýokdugyny gördüň,

Dilim bilen günä etmändigimi bildiň.

 4 Nesihatyňa gulak asdym,

Beýlekiler ýaly talaňçylaryň ýolundan ýöremedim+.

 5 Meni öz ýollaryňdan ýöret,

Büdremez ýaly kömek et+.

 6 Eý Alla, saňa dileg edýärin,

Jogap berjegiňi bilýärin+.

 7 Gudratly işleriň arkaly wepaly söýgiňi göreýin+.

Eý Halasgärim! Senden pena gözleýänleri

Saňa garşy gidýänlerden goraýarsyň.

 8 Meni gözüň göreji deý gora+,

Ganatlaryň astynda gizle+.

 9 Maňa topulýan erbetlerden,

Meni gaban duşmanlardan gora+.

10 Olaryň ýüregi gatady,

Dili haýbatly gepleýär.

11 Daşymyzy gabaýarlar+,

Ýykmak üçin pursat gözleýärler.

12 Olar awuny tüýt⁠-⁠müýt edýän ýolbars kimindir,

Bukuda peýläp ýatan arslan kimindir.

13 Eý Ýehowa, aýaga gal!

Olar bilen söweş+, olary ýok et.

Gylyjyň bilen duşman elinden halas et.

14 Eý Ýehowa, nebsine çapýan,

Harsydünýä adamlardan gora+.

Olar ýagşy zatlaryňdan* peýdalanyp+,

Ogullaryna miras galdyrýarlar.

15 Men bolsa halal ýaşap, seni razy ederin*,

Her säher huzuryňda oýanyp şatlanaryn+.

Hudaýym arkadagym+, penakärim,

Galkanym, arkam*, daýanjym*+.

 3 Ýehowa alkyşa mynasypdyr,

Çagyrsam, duşmanlardan halas eder+.

 4 Meni ölüm tanaplary baglady+,

Dereksiz adamlar sil deý gorkuzdy+.

 5 Mazaryň* ýüpleri maňa oraldy,

Öňümde ölüm duzaklary guruldy+.

 6 Agyr dert içinde Ýehowany çagyrdym,

Kömek sorap, Hudaýyma ýalbardym.

Ybadathanasyndan sesimi eşitdi+,

Perýadym gulagyna ýetdi+.

 7 Şonda ýer sarsdy, ýer titredi+,

Gaharyndan daglar lerzana geldi,

Gazabyndan eýläk⁠-⁠beýläk yrandy+.

 8 Burnundan tüsse,

Agzyndan ot çykdy+,

Alladan közler syçrady.

 9 Ol aşak inende, gökler baş egdi+,

Gara bulut aýagynyň astyna ýazyldy+.

11 Ol tümlüge bürendi+,

Gara bulutlary çadyr edindi+.

12 Huzuryndan nur saçyldy,

Buz we köz ýagyp, bulutlary böwsüp geçdi.

13 Ýehowa gökleri gürledende+,

Allatagala* geplände+,

Buz* we köz ýagdy.

14 Alla peýkam atyp, duşmanlaryny dargatdy+,

Ýyldyrym çakdyryp, howsala saldy+.

15 Ýehowa, sen käýäniňde,

Gahar bilen dem alanyňda,

Derýalaryň düýbi göründi+, ýer ýaryldy+.

16 Ol ýokardan elini uzadyp, meni tutdy,

Ummanyň içinden çekip çykardy+.

17 Meni güýçli duşmanlardan+,

Ganymlardan halas etdi,

Olar menden has güýçlüdi+.

18 Agyr günümde garşyma çykdylar+,

Emma Ýehowa daýanjym boldy.

19 Meni giň sähra alyp çykdy,

Menden razy bolup, janymy gutardy+.

20 Ýehowa dogruçyl bolanym üçin sylaglady+,

Halallygym üçin bereket berdi+.

21 Ýehowanyň ýolundan sowulmadym,

Hudaýymy terk edip, günä etmedim.

22 Hökümleri hakda hemişe oýlanýaryn,

Kanunlaryny äsgermezlik etmerin.

23 Onuň öňünde päkligime galaryn+,

Günäli işlere baş goşmaryn+.

24 Ýehowa dogruçyl bolanym üçin sylaglasyn+,

Päk bolanym üçin bereket bersin+.

25 Wepaly adama senem wepalysyň+,

Dogruçyl adam bilen senem dogruçylsyň*+.

26 Akýürekli adama ýagşylyk edýärsiň+,

Mekir adam seni aldap bilmez+.

27 Pesgöwünlini halas edýärsiň+,

Gopbamsyny peseldýärsiň+.

28 Eý Ýehowa, maňa nur saçýan* sensiň!

Ýa Allam, gijämi gündiz edýän sensiň!+

29 Seniň kömegiň bilen galtamanlara garşy çykaryn+,

Hudaýyň güýji bilen diwardan aşyp geçerin+.

30 Hak Hudaýyň ýoly kämildir+,

Ýehowanyň sözi päkdir+.

32 Güýjüme güýç goşýan hak Hudaýdyr+,

Ýörejek ýolumy tekizleýär+.

33 Aýagymy keýigiňki deý çalasyn edýär,

Depelerde duruzýar+.

34 Ellerime söweşmegi öwredýär,

Gollarym mis ýaýy egreldýär.

35 Maňa gutulyş galkanyny berýärsiň+,

Sag eliň bilen meni goldaýarsyň,

Sen pesgöwünli bolup, meni beýgeldýärsiň+.

37 Duşmanlarymy kowalap, yzyndan ýeterin,

Olary ýok edýänçäm, yzyma dolanmaryn.

38 Olary şeýle bir uraryn welin, ýerinden galmazlar+,

Aýagymyň astynda serlip ýatarlar.

39 Söweşmäge güýç⁠-⁠kuwwat berersiň,

Duşmanymy dyza çökerersiň+.

40 Duşmanlarymy kowarsyň,

Meni ýigrenýänleri ýok ederin+.

41 Olar kömek sorar, ýardam beren tapylmaz,

Ýehowany çagyrar, olara jogap bermez.

42 Olary kül edip, ýele sowraryn,

Palçyk kimin ýere pylçap uraryn.

44 Olar adymy eşiden dessine tabyn bolarlar.

Keseki halklar öňüme baş egip gelerler+.

45 Ýat halklar güýçden gaçarlar,

Galasyndan titreşip çykarlar.

47 Hak Alla arymy alýar+,

Halklary öňümde boýun egdirýär.

48 Meni duşmanlardan halas edýär.

Hüjüm edýänlerden üstün çykarýar*+,

Zalymlaryň elinden gutarýar.

49 Eý Ýehowa, halklaryň arasynda saňa alkyş aýdaryn+,

Adyňy taryplap aýdym aýdaryn+.

50 Patyşasyna beýik ýeňiş berýär+.

Saýlany* Dawuda hem onuň nesline,

Wepaly söýgüsi bakydyr+.

19 Gökler Hudaýyň şöhratyny yglan edýär+,

Gök gümmezi elleriniň işini jar edýär+.

 2 Her säher Allanyň sözüni sözleýär,

Her gije bilimini yglan edýär.

 3 Ne gep bar, ne⁠-⁠de gürrüň,

Olardan ses⁠-⁠seda çykmaýar.

 4 Emma owazy* dünýä ýaýraýar,

Älem⁠-⁠jahana wagyz edýär+.

Hudaý gökde Gün üçin çadyr dikdi.

 5 Gün öýlenýän ýigit kimin çadyryndan çykýar.

Ýaryşa gatnaşýan adam kimin şatlanýar.

 6 Ol gögüň bir çetinden,

Beýleki çetine çenli aýlanýar+;

Hiç zat jöwzasyndan gizlenmez.

Ýehowanyň öwüt⁠-⁠ündewi* ynama mynasyp+,

Tejribesiz* adamy paýhasly edýär+.

 8 Ýehowanyň buýruklary adalatly, ýüregi şatlandyrýar+.

Ýehowanyň tabşyryklary päk, gözleri nurlandyrýar+.

10 Olar altyndan has gymmatlydyr,

Sap altyndan has arzylydyr+,

Baldan, ary öýjüginden damýan baldan hem süýjüdir+.

11 Olar gullaryňy erbetlikden goraýar+,

Kanunlaryňy berjaý edýän uly sylag alýar+.

13 Bendäňi tekepbir bolmakdan sakla+,

Ýüregimde ulumsylyk kök urmasyn+.

Şonda saňa wepaly* bolaryn+,

Agyr günä etmerin.

14 Aýdýan sözlerim, oý⁠-⁠pikirim göwnüňden tursun+.

Eý Ýehowa, Arkadagym+, Halasgärim!+

 2 Mukaddes mekanyndan elini uzatsyn+,

Sionda oturan seniň daýanjyň bolsun+.

 3 Ol beren sadakalaryňy unutmasyn,

Ýakma gurbanlyklaryňy kabul etsin. (Sela)

 4 Ýürek arzuwlaryňy hasyl etsin+,

Maksat⁠-⁠myradyňa ýetirsin.

 5 Halas edeniňde, seni wasp ederis+,

Hudaýymyzyň ady bilen tugumyzy dikeris+.

Mukaddes mekanyndan jogap berýär,

Sag eli bilen halas edýär*+.

 7 Käbiri söweş arabasyna, käbiri atyna bil baglaýar+,

Biz bolsa Ýehowa Hudaýymyzyň adyny çagyrýarys+.

 8 Duşmanlar ýeňildi, çökdüler dyza,

Başymyzy dik tutup, galdyk aýaga+.

21 Eý Ýehowa, patyşa seniň güýjüňe buýsanýar+,

Halas edişiňi görüp, çäksiz begenýär!+

 2 Ýürek arzuwlaryny hasyl edýärsiň+,

Agzyndan çykan dilegini kabul edýärsiň. (Sela)

 3 Bol⁠-⁠bol bereket berýärsiň,

Başyna sap altyndan täç geýdirýärsiň+.

 4 Ol senden uzak ömür diledi, dilegini eşitdiň+,

Ömrüni uzaltdyň, ebedi ýaşatdyň.

 6 Ebedi bereket berýärsiň+,

Huzuryňda gezip begenýär+.

 7 Sebäbi patyşa Ýehowa bil baglaýar+,

Allatagalanyň* söýgüsi* bilen ol asla sarsmaz+.

 8 Duşmanlaryňy eliň bilen tutarsyň,

Sag goluň bilen ýakasyndan ýapyşarsyň.

10 Olaryň nesli, tohum⁠-⁠tiji ýer ýüzünden,

Ynsan ogullarynyň arasyndan ýok ediler.

11 Saňa garşy dil düwüşdiler+,

Guran hileleri puja çykdy+.

12 Ýaýyňy çekersiň, nyşana alarsyň,

Olar yzyna seretmän gaçarlar+.

Meni näme üçin halas etmeýärsiň?

Perýadyma näme üçin jogap bermeýärsiň?+

 2 Eý Hudaýym, gije⁠-⁠gündiz çagyrýaryn,

Maňa jogap bermeýärsiň+.

 3 Sen mukaddessiň+,

Ysraýyl halky saňa alkyş aýdýar.

 4 Ata⁠-⁠babalarymyz saňa bil baglady+,

Gözlerini dikdi, senem olary halas etdiň+.

 5 Senden ýardam islediler, olary halas etdiň.

Saňa bil bagladylar, tamasy puç bolmady*+.

 6 Meni bolsa kemsidip, masgaralaýarlar,

Adam saýman, gurçukça görýärler+.

 7 Meni görenler üstümden gülýärler+,

Ýaňsylap, başlaryny ýaýkaýarlar+:

 9 Meni ýagty jahana inderen sensiň+.

Ejemiň gujagynda* rahatlyk beren sensiň.

10 Dünýä inenim bäri goraýan sensiň,

Ejemiň göwresindekäm Hudaýym sensiň.

11 Betbagtçylyk ýakyndyr, menden ýüzüňi sowma+.

Senden başga meniň kimim bar?+

12 Öküzler daşymy gurşady+,

Başan öküzleri meni gabady+.

13 Awuny tüýt⁠-⁠müýt edýän arlaýjy arslan kimin+,

Duşmanlarym gahar⁠-⁠gazap bilen topulýar*+.

14 Suw kimin döküldim,

Süňklerim bognundan ýazdy.

15 Döwük küýzä döndüm, güýjüm galmady+,

Dilim damagyma ýapyşdy+.

Meni gara topraga gömdüň+.

16 Itler daş⁠-⁠töweregimi gabady+,

Garakçylar kimin daşyma üýşdi+,

Arslan kimin el⁠-⁠aýagymy çeýnedi+.

18 Donumy paýlaşýarlar,

Eşigim üçin bije atýarlar+.

20 Şirin janymy gylyçdan gutar,

Itleriň penjesinden halas et+.

21 Ýolbarsyň agzyndan, ýabany öküziň şahyndan gutar+.

Dogama jogap ber, meni halas et.

22 Adyňy doganlaryma aýdaryn+,

Ýygnakda seni wasp ederin+.

24 Sebäbi Alla ejiziň derdine göz ýumýan däldir+,

Ondan ýüz öwürýän däldir+,

25 Jemagatyň öňünde seni wasp ederin+,

Senden gorkýanlaryň öňünde wadamy berjaý ederin.

26 Ýumşak adamlar iýip doýarlar+,

Ýehowany agtarýanlar ony wasp ederler+.

28 Sebäbi hökümdarlyk Ýehowanyňkydyr+,

Ol ähli milletleriň üstünden höküm sürýändir.

29 Baý adamlar* iýip, sežde ederler,

Gara topraga siňjekler öňünde dyz eperler.

Olar janyny gutaryp bilmezler.

30 Olaryň nesli Alla sežde eder,

Geljekki nesle Ýehowa barada gürrüň berer.

 2 Ol meni ýaşyl ýaýlada bakýar,

Bol suwly öri meýdanda* otladýar+.

 4 Tüm⁠-⁠garaňky jülgeden ýöresem⁠-⁠de+,

Ýüregimde hiç hili gorky ýokdur+.

Sebäbi sen meniň ýanymdasyň+,

Hasaň hem taýagyň bilen goraýarsyň*.

 6 Ömürboýy ýagşylyk edersiň*, bol bereket berersiň+,

Bütin ömrümi Ýehowanyň öýünde geçirerin+.

24 Ýer we ondaky ähli zatlar,

Tutuş zemin we onda ýaşaýanlar Ýehowanyňkydyr+.

 2 Hudaý gury ýeri deňizleriň üstünde+,

Derýalaryň üstünde berkitdi.

 3 Ýehowanyň dagyna kim çykyp biler?+

Mukaddes mesgenine kim baryp biler?

 4 Ýüregi päk, eli arassa+,

Ýalan ýere Meniň adymdan* ant içmeýän,

Mekirlik bilen kasam etmeýän adam baryp biler+.

 5 Ýehowa oňa bereket eçiler+,

Halasgär Hudaý ony dogruçyl* hasaplar+.

 6 Şeýle adam* Hudaýy agtarar,

Ýakubyň Hudaýyny razy eder. (Sela)

 7 Eý derwezeler, giňden açylyň!+

Eý gadymy gapylar, doly açylyň!

Goý, şöhratly Patyşa girsin!+

Ol güýçli hem gudratly Ýehowadyr+,

Batyr pälwan Ýehowadyr+.

 9 Eý derwezeler, giňden açylyň!+

Eý gadymy gapylar, doly açylyň!

Goý, şöhratly Patyşa girsin!

 2 Ýa Allam, saňa bil baglaýaryn!+

Meni utanja goýma+,

 3 Saňa bil baglaýanlar utanmaz+,

Dönükler masgara bolar+.

 4 Eý Ýehowa, maňa ýollaryňy görkez+,

Ýodalaryňy öwret+.

 5 Maňa öwret, dogry ýoldan ýöret+,

Sebäbi halasgär Hudaýym sensiň.

 6 Eý Ýehowa, rehimdar Hudaýdygyňy,

Halkyňa hemişe*+ ýagşylyk edýändigiňi* ýadyňa sal+.

Eý Ýehowa, meni unutma.

Sen wepaly söýgä+, ýagşylyga baýsyň!+

 9 Ýumşaklara dogry ýoly görkezer+,

Olara ýoluny öwreder+.

10 Öwüt⁠-⁠ündewini* diňleýänleri+, ähtini berjaý edýänleri+,

Ýehowa söýýär*, wepaly bolýar.

11 Eý Ýehowa, öz adyň hatyrasyna+,

Eden agyr günämi bagyşla.

13 Ol ýagşy günleri görer+,

Nesli ýer ýüzüni miras alar+.

14 Ýehowa hudaýhonlar* bilen dost bolar+.

Olara ähtini öwreder+.

15 Ýehowa aýagymy tordan boşadar+,

Men hemişe Hudaýa bil baglaryn+.

16 Men ejiz, ýalňyz galdym,

Maňa nazar sal, rehim eýle.

17 Ýüregim gaýgydan doly+,

Meni dertden halas et.

18 Kalbymda harasat gopýar+,

Ähli günälerimi bagyşla+.

19 Seret, duşmanlarym sanardan köp,

Olar meni itden beter ýigrenýär.

21 Wepadarlygym*, dogruçyllygym gorag bolsun+,

Sebäbi bar umydym sensiň+.

26 Eý Ýehowa, meni barla, sebäbi men saňa wepaly*+.

Men elmydama* Ýehowa bil baglaýaryn+.

 2 Meni barla, eý Ýehowa, meni synap gör,

Oý⁠-⁠pikirimi*, ýüregimi tämizle+.

 3 Hemişe seniň söýgiň* hakda oýlanýaryn,

Dogry ýollaryňdan ýöreýärin+.

 4 Ýalançylar bilen gatnaşmaýaryn+,

Ikiýüzlülerden gaça durýaryn.

 5 Zalym adamlary ýigrenýärin+,

Erbet adamlar bilen oturmaýaryn+.

 6 Eý Ýehowa, elimi arassalap, päk bolaryn,

Gurbanlyk ojagyň* daşyndan aýlanaryn.

 7 Ol ýerde saňa alkyş aýdaryn+,

Ajaýyp işleriň hakda gürrüň bererin.

 8 Eý Ýehowa, seniň öýüňi+,

Şöhratly mekanyňy söýýärin+.

 9 Günäkärler bilen meni deň görme+,

Zalym* adamlar bilen meni ýok etme.

10 Olar haýasyz işlere baş goşýarlar,

Sag eli bilen köp para alýarlar.

12 Aýagym tekiz ýerde durar+,

Jemagatyň öňünde Ýehowany wasp ederin+.

 2 Zalymlar maňa topulyp, ýok etjek boldy+,

Ganym duşmanlarym büdräp ýykyldy.

 3 Meni goşun gabasa⁠-⁠da,

Ýüregimde gorky bolmaz+.

Uruş tursa⁠-⁠da,

Hudaýa bil baglaryn.

 4 Ýehowadan dileýärin,

Şuny arzuw edýärin:

Ömürboýy Ýehowanyň öýünde bolsadym+,

Ýehowanyň ajaýyp häsiýetleri hakda oýlansadym,

Ybadathanasyna guwanyp* seretsedim+.

 5 Dertli günümde penasynda gorar+,

Çadyrynyň gizlin ýerinde saklar+,

Beýik gaýanyň depesine çykarar+.

 6 Meni gaban duşmanlarymy ýeňerin,

Şatlanyp, onuň çadyrynda gurbanlyk bererin,

Ýehowany wasp edip aýdym aýdaryn.

 7 Eý Ýehowa, perýadymy eşit+,

Rehim eýläp, dogama jogap ber+.

Sen meniň hemaýatkärim+,

Meni terk etme, taşlama, eý halasgärim.

10 Ene⁠-⁠atam taşlap gitse⁠-⁠de+,

Ýehowa maňa gujak açar+.

11 Eý Ýehowa, maňa ýoluňy öwret+,

Duşmanlarymdan gorap, dogry ýoluňdan ýöret.

12 Meni duşmanlarymyň eline berme+,

Ýalançy şaýatlar garşy çykýarlar+,

Zalymlyk bilen haýbat atýarlar.

13 Ýehowanyň ýagşylygyna iman etmedik bolsam,

Ýagty jahanda nirelerde bolardym?!*+

14 Ýehowa umyt bagla+,

Mert hem dogumly bol!+

28 Seni çagyrýaryn, eý Ýehowa!

Meniň Arkadagym+, dilegimi diňle!

Dogama jogap bermeseň,

Mazara inýänlere meňzärin+.

 2 Ellerimi mukaddes çadyryňa* tarap uzadýaryn+,

Eşit meniň nalamy, kömek sorap ýalbarýaryn.

 3 Meni zalymlar we erbetler bilen deň görme+,

Olar gülüp baksa⁠-⁠da, ýüreginde ýigrenç bar+.

 4 Eden etmişleriniň+,

Zalym işleriniň hakyny ber.

Goý, olar pälinden tapsyn,

Edenini egni bilen çeksin+.

 5 Olar Ýehowanyň gudratlaryny görmeýärler,

Elleriniň işine üns hem bermeýärler+.

 6 Dilegim kabul boldy,

Ýehowa alkyş aýdaryn.

 7 Ýehowa güýjüm+, galkanym+,

Oňa ýürekden bil baglaýaryn+.

Maňa ýardam berýär, köňlüm şatlanýar.

Şonuň üçin oňa nagma aýdýaryn.

 8 Ýehowa halkynyň güýç⁠-⁠kuwwatydyr!

Saýlan adamyny gala ýaly goraýandyr+.

29 Eý batyrlaryň ogullary, Ýehowa aýdym aýdyň!

Güýçli we şan⁠-⁠şöhratly Ýehowa alkyş aýdyň+.

 3 Ýehowanyň sesi ummanyň ýüzünde ýaň salýar,

Şan⁠-⁠şöhratly Hudaý gögi gümmürdedýär+,

 4 Ýehowanyň sesi batlydyr+,

Ýehowanyň owazy haýbatlydyr.

 5 Ýehowanyň sesi kedr agaçlaryny ýykýar,

Ýehowa Liwanyň kedr agaçlaryny çym⁠-⁠pytrak edýär+.

 6 Ol Liwany* göle kimin,

Sirýony+ ýabany öküzçe kimin bökjekledýär.

 7 Ýehowanyň sesinden ýyldyrym çakýar+.

 8 Ýehowanyň sesinden çöller titreýär+,

Ýehowanyň sesinden Kadeş+ çöli çaýkanýar.

 9 Ýehowanyň sesinden maral gorkup guzlaýar,

Tokaýyň agaçlary ýapragyny dökýär+.

Ybadathanasyndaky jemagat:

«Alla şöhrat, şöhrat!» diýýär.

10 Ýehowa akar suwlaryň hökümdary+,

Ýehowa Patyşa, tagtynda ebedi oturýar+.

30 Seni beýgelderin, eý Ýehowa! Sebäbi meni halas etdiň,

Duşmanlaryň üstümden gülmegine ýol bermediň+.

 4 Ýehowanyň wepaly bendeleri, wasp ediň+,

Mukaddes adyna alkyş aýdyň+.

 5 Onuň gahary az salymlykdyr+,

Ýagşylygy bolsa ömürboýy dowam edýär+,

 8 Seni çagyrýaryn, eý Ýehowa!+

Rehim et, ýalbarýaryn, eý Ýehowa!

Topraga siňsem, saňa alkyş aýdarynmy?+

Wepaly Hudaýym hakda gürrüň bererinmi?+

11 Sen ýasymy toýa öwürdiň,

Ýas eşigimi* çykaryp, toý lybasyny geýdirdiň.

12 Saňa alkyş aýdaryn, dynman wasp ederin.

Dagda gurlan gala bol,

Berk gala dek meni gora+.

 3 Sen arkadagym hem galam!+

Adyň hatyrasyna+ maňa ýol görkez+.

 4 Meni duzaklardan gorarsyň+,

Sebäbi meniň galam sensiň+.

 6 Dereksiz butlara sežde edýänleri ýigrenýärin,

Men Ýehowa bil baglaýaryn.

 7 Söýgiň* hakda oýlanyp, ýürekden şatlanaryn.

Sen agyr halymy görýärsiň+,

Kalbymyň derdini bilýärsiň.

 8 Meni asuda ýere eltdiň.

Duşman eline bermediň.

10 Gussadan ýaňa ömrüm kül boldy+,

Ýyllarym agyr dert içinde geçdi+.

Günämden ýaňa gurbatym gaçdy,

Süňklerim gurady+.

11 Duşmanlarym üstümden gülýär+,

Goňşylarym kemsidýär.

Tanyşlarym menden gorkýar,

Meni görüp gaçyp gidýär+.

12 Unutdylar meni merhum adam deý,

Halym harap boldy, döwük küýze deý.

13 Men gorka düşdüm.

Gybatymy etdiler+,

Dildüwşük gurdular,

Öldürmegiň küýüne düşdüler+.

Erbet adam masgara bolsun+,

Dymyp, mazara* insin+.

18 Ýalançylaryň dili tutulsyn+,

Dogruçyllary kemsidýänler, gopbamsylar dymsyn.

Hudaýhonlara* bereket berdiň+,

Bil baglaýanlara ýagşylyk etdiň.

Olary halklaryň öňünde ýalkadyň+.

20 Olary gizlin ýeriňde saklarsyň,

Päliýamanlardan gorarsyň+.

Olary penaňda saklarsyň,

Zalymlaryň hüjüminden+ gorarsyň.

21 Şäheri gabasalar⁠-⁠da+,

Gudratly işleriň arkaly wepaly söýgiňi gördüm+.

Eý Ýehowa, saňa alkyş bolsun!

Ýehowa wepaly gullaryny goraýar+,

Tekepbirlere agyr jeza berýär+.

24 Ýehowa sabyrly garaşýanlar+,

Mert boluň, berk duruň!+

 2 Ýehowanyň günäsiz hasaplaýan adamy bagtlydyr!+

Ýüregi hilesiz adam bagtlydyr!

Gözýaş dökdüm, uzakly gün agladym+.

 4 Goluň bilen gije⁠-⁠gündiz egnimden basdyň+,

 5 Ahyry günälerimi boýun aldym,

Olaryň hiç birini gizlemedim+.

 6 Indi wepaly bendäň saňa doga eder+,

Heniz wagt barka seni agtarar+.

 7 Sen meniň penam,

Ajy hasratdan goraýan galam+.

 9 At ýa⁠-⁠da gatyr ýaly düşünjesiz bolma!+

Uýany ýa jylawy bolmasa,

Olara diýeniňi etdirip bolýan däldir».

10 Erbetleriň derdi köpdür,

Ýöne Ýehowa bil baglaýanlar mährinden* ganar+.

11 Eý dogruçyllar, Ýehowanyň elleriniň işine şatlanyň!

Eý päk ýürekli adamlar, şatlykdan ýaňa gygyryň!

 2 Arfa çalyp, Ýehowa alkyş aýdyň,

Çeň* saz guraly bilen wasp ediň.

 3 Onuň şanyna täze aýdym aýdyň+,

Ussatlyk bilen saz çalyň, şatlanyp gygyryň.

 4 Ýehowanyň sözi hakykatdyr+,

Ähli eden işleri ynama mynasypdyr.

 6 Asman Ýehowanyň sözi bilen ýaradylandyr+,

Asman jisimleri demi bilen dörändir.

 7 Ol böwet goýup, deňziň suwuny saklaýar+,

Joşýan suwy howdanlara* ýygnaýar.

 9 Alla aýtdy, sözi amala aşdy+,

Buýruk berdi, ähli zat peýda boldy+.

10 Ýehowa halklaryň niýetini puç etdi+,

Milletleriň maksat⁠-⁠myradyny bozdy+.

11 Ýehowanyň kararlary ebedi galýar+,

Ýüreginiň niýetleri nesilden⁠-⁠nesle dowam edýär.

12 Hudaýy Ýehowa bolan halk bagtlydyr!+

Allanyň seçip saýlan halky bagtlydyr!+

13 Ýehowa gökden ser salyp,

Ynsan ogullaryny synlaýar+.

14 Öz mekanyndan

Ýer ýüzünde ýaşaýanlara syn edýär.

15 Ynsan ýüregini ýaradan,

Ähli işlerini barlaýan oldur+.

16 Patyşany uly goşuny goramaz+,

Batyr adamy güýç⁠-⁠kuwwaty halas etmez+.

17 Atyna daýanýan adam özüni aldar+;

Onuň güýjüne bil baglaýan aman galmaz.

18 Ýehowa hudaýhonlara*,

Ýagşylyk etmegine* garaşýanlara nazar salýar+.

19 Olaryň janyny halas edýär,

Açlyk döwri ölümden gutarýar+.

21 Hudaýyň işlerine şatlanýarys,

Mukaddes adyna daýanýarys+.

22 Eý Ýehowa, biz saňa garaşarys!+

Bizden wepaly söýgiňi gaýgyrma+.

34 Ýehowa hemişe alkyş aýdaryn,

Hudaýy elmydama wasp ederin.

 2 Ýehowa joşup alkyş aýdaryn+,

Ýumşak adam muny eşidip begener.

 3 Geliň, Ýehowany şöhratlandyralyň+,

Adyny arşa galdyralyň!

 5 Oňa bil baglaýanlar bagtlydyr,

Olaryň ýüzi gyzarmaz.

 7 Ýehowanyň perişdesi hudaýhonlary goraýar*+,

Olary halas edýär+.

 8 Ýehowany synaň, goldaw berişini görüň*+,

Hudaýy pena edinýän adam bagtlydyr.

 9 Eý Ýehowanyň mukaddesleri, ondan gorkuň!

Alladan gorkýanlar mätäçlik çekmez+.

10 Hatda güýçli ýolbarslar hem aç gezýär,

Ýöne Ýehowany agtarýanlar hor bolmaz+.

11 Ogullarym, meni diňläň,

Ýehowadan gorkmagy öwredeýin+.

12 Kim bagtly ýaşamak isleýär?

Kim uzak ömür sürmek isleýär?+

13 Goý, ol adam dilini erbetlikden+,

Agzyny hilegärlikden saklasyn+.

14 Ýamanlykdan gaça dursun, ýagşylyk etsin+,

Parahatlygy agtarsyn, ony gorap saklasyn+.

15 Ýehowa dogruçyllara nazar salýar+,

Olaryň perýadyny eşidýär+.

16 Ýehowa erbetlerden ýüzüni sowýar,

Ýer ýüzünden olaryň adyny ýok edýär+.

17 Dogruçyllar perýat edende, Ýehowa diňleýär+,

Dertlerinden gutarýar+.

18 Ýehowa ýüregi ýaraly adama ýakyndyr+,

Göwnüçökgünleri halas edýär+.

19 Dogruçylyň derdi köpdür+,

Emma Ýehowa ähli derdinden gutarýar+.

20 Onuň süňklerini goraýar,

Hiç biri⁠-⁠de döwülmez+.

21 Erbetler heläk bolar,

Dogruçyly ýigrenýänler höküm ediler.

22 Ýehowa gullarynyň janyny halas eder,

Allany pena edinýänleriň günäsi geçiler+.

35 Eý Ýehowa, duşmanlardan hakymy alyp ber+,

Ganym duşmanlarym bilen söweş+.

 2 Ululy⁠-⁠kiçili galkanyňy eliňe al+,

Aýaga gal, meni gora+.

Abraýdan düşsün+,

Maňa garşy dildüwşük guranlar ýüzügara bolsun.

 5 Olar saman kimin ýele sowrulsyn,

Olary Ýehowanyň perişdesi derbi⁠-⁠dagyn etsin+.

 6 Ýehowanyň perişdesi yzyndan kowsun,

Olaryň ýollary garaňky we typançak bolsun.

 7 Olar yrsarap, maňa duzak gurýarlar,

Nähak ýere ýoluma çukur gazýarlar.

 8 Goý, bela duýdansyz üstüne gelsin,

Öz guran toruna özi düşsün.

Öz gazan çukuryna ýykylyp heläk bolsun+.

 9 Men bolsa Ýehowanyň gudratly işlerine şatlanaryn,

Halas edişini görüp begenerin.

Sebäbi ejizi duşmanlaryndan gutardyň+,

Ejizi hem garyby talaňçylardan halas etdiň+.

11 Ýalan şaýatlar maňa garşy çykdylar+,

Bilmeýän zatlarym hakda soradylar.

12 Olar ýagşylygyma ýamanlyk etdiler+,

Maňa ajy hasrat çekdirdiler.

13 Olar kesellände bolsa jul* geýdim,

Gam⁠-⁠gussa batyp, agyz bekledim.

Emma Hudaý dogama jogap bermedi.

14 Şonda dostuny, doganyny ýitiren,

Ejesini jaýlan adam kimin başymy sallap oturdym.

15 Men ýykylanymda heşelle kakdylar, jem boldular.

Meni öldürmek üçin bukuda ýatdylar.

Olar topulyp, meni tüýt⁠-⁠müýt etdiler.

16 Hudaýsyz adamlar üstümden gülüp kemsitdiler*,

Maňa dişini gyjadylar+.

Olaryň hüjümlerinden meni halas et+,

Arslanyň penjesinden janymy gutar+.

18 Şonda men jemagatyň öňünde saňa alkyş aýdaryn+,

Märekäniň öňünde adyňy wasp ederin.

19 Sebäpsiz ýere maňa duşman bolanlar begenmesin,

Meni ýigrenýänler+ göz gypyp, duzak gurmasyn+.

20 Olar yrsaraýarlar,

Ýuwaş adama garşy dil düwüşýärler+.

21 Olar meni aýyplaýarlar, kemsidip:

«Içiň ýansyn, saňa geregem şol!» diýýärler.

23 Aýaga galyp, meni gora,

Hudaýym Ýehowa, meniň hakymy alyp ber.

24 Hudaýym Ýehowa, adalatly höküm çykar+,

Duşmanlarym üstümden gülmesin.

25 Olar hiç haçan: «Saňa geregem şol!

Arzuwymyz hasyl boldy» diýmesin.

27 Emma dogruçyldygymy görenler joşup aýdym aýtsynlar.

Olar yzyny üzmän: «Arkaýyn ýaşaýan guluna guwanýan

28 Şonda men adalatyň hakda oýlanaryn+,

Uzakly gün saňa alkyş aýdaryn+.

36 Erbet adamyň ýüreginde günä höküm sürýär,

Ol Hudaýdan gorkmaýar+.

 2 Ol özüne gowy adamdyryn öýdýär,

Ýöne eden günäsini bilmeýär, ýigrenmeýär+.

 3 Agzyndan zäherli, hileli sözler çykýar,

Ýagşylyk etmegiň nämedigini bilmeýär.

Ýamanlykdan ýüz öwürmeýär,

Egri ýoldan ýöreýär.

 5 Ýehowa, seniň söýgiň* asmana+,

Wepalylygyň bulutlara ýetýär.

 6 Adalatyň beýik daglar kimindir+,

Hökümleriň giň umman ýalydyr+.

 8 Saçagyňdaky näz⁠-⁠nygmatdan doýarlar+,

Eşretli çeşmäňden içip ganarlar+.

 9 Ýaşaýşyň Gözbaşy sensiň+,

Seniň nuruň bize şöhle saçýar*+.

10 Özüňi tanaýanlara wepaly bol*+,

Akýürekli adamlara adalatly bol+.

11 Gopbamsylar meni depelemesin,

Erbetleriň eli maňa ýetmesin.

12 Günäkärler büdräp ýykyldy,

Ýatan ýerinden galyp bilmedi+.

37 Zalym adamlar üçin janyňy ýakma,

Günä edýän adamlara göriplik etme+.

 2 Olar ot kimin tiz gurar+,

Gök maýsa kimin solar.

 3 Ýehowa bil bagla, ýagşy işleri et+,

Wepaly bolup, uzak ömür sür+.

 4 Ýehowanyň işlerine ýürekden şatlan,

Ol seni arzuwyňa ýetirer.

 5 Goý, Ýehowa saňa ýol görkezsin+,

Hudaýa bil bagla, ol saňa ýardam eder+.

 6 Şonda dogruçyllygyň daň şapagy kimin,

Adalatyň Gün kimin şöhle saçar.

 7 Ýehowanyň huzurynda ümsüm bol+,

Sabyrly garaş.

Erbet adamyň işi oňuna bolanda,

Janyňy ýakma+.

 8 Gahar⁠-⁠gazaba münme+,

Ruhdan düşüp, egri ýola sowulma*.

 9 Sebäbi zalymlar ýok ediler+,

Ýehowa umyt baglaýanlar ýeri miras alar+.

10 Ýene biraz wagtdan erbet ýok bolar+.

Onuň ýerine seredersiň, emma ol ýokdur+.

11 Ýumşaklar bolsa ýeri miras alar+,

Parahatlykda ýaşap, döwran sürer+.

12 Erbet adam dogruçyla duzak gurýar+,

Oňa dişini gyjaýar.

13 Emma Ýehowa zalymyň üstünden gülýär,

Onuň heläk boljak gününi bilýär+.

14 Erbet adam ýaýyny çekip, gylyjyny gynyndan çykarýar,

Pukaranyň, ezileniň janyny alyp,

Dogruçylyň başyny kesmek isleýär.

15 Emma gylyjy öz gursagyna sanjylar+,

Ýaýy bölek⁠-⁠bölek ediler.

16 Dogruçylyň sanlyja maly,

Erbetleriň mal⁠-⁠mülkünden gowudyr+.

17 Erbetleriň goly döwler,

Ýehowa dogruçyllara hemaýat eder.

18 Ýehowa bigünäleriň çekýän derdini bilýär.

Olaryň mirasy nesilden⁠-⁠nesle geçýär+.

19 Olar heläkçilik döwri utanja galmaz,

Açlyk döwri saçaklary doly bolar.

20 Erbetler ýok bolar+,

Ýehowanyň duşmanlary guran öri meýdan ýaly bolar.

Olar tüsse kimin gaýyp bolar.

21 Erbet adam karz alar, yzyna bermez,

Dogruçyl bolsa jomartdyr, hiç gysganmaz+.

22 Hudaýyň ýalkan adamy ýeri miras alar,

Allanyň gargan adamy ýok bolar+.

23 Ýehowa ynsanyň ýöreýän ýolundan razy bolsa+,

Onuň ädimlerini ugrukdyrar+.

24 Ol büdrese⁠-⁠de, ýykylmaz+,

Sebäbi Ýehowa elinden tutar+.

25 Men ýaş ýigitdim, indi garradym,

Hudaý dogruçyl adamy taşlamaýan ekeni+,

Zürýadyny çöreksiz goýmaýan ekeni+.

26 Ol jomartlyk bilen berýär+,

Çagalary⁠-⁠da bereket alýar.

27 Ýamandan gaça dur, ýagşylyk et+,

Ýer ýüzünde ebedi ýaşa.

28 Ýehowa adalaty söýýär,

Wepaly gullaryny taşlamaýar+.

Olary hemişe goraýar+,

Erbediň bolsa tohum⁠-⁠tijini gyrýar+.

29 Dogruçyl adam ýeri miras alar+,

Onda ebedi ýaşar+.

30 Dogruçylyň agzyndan paýhasly sözler çykýar,

Adalaty dilinden düşürmeýär+.

31 Allanyň kanuny hakda oýlanýar+,

Aýagy taýmaýar+.

32 Erbet adam dogruçyldan gözüni aýyrman,

Janyny almagyň ýoluny agtarýar.

33 Ýehowa dogruçyly zalymyň eline bermez+,

Kazyýetde dogruçylyň günäsi tapylmaz+.

34 Ýehowa umyt bagla, onuň ýolundan ýöre,

Ol seni beýgelder, ýeri miras alarsyň,

35 Men zalym we rehimsiz adamy gördüm,

Ol mes toprakda gülläp ösýän agaja meňzeýärdi+.

36 Emma ol duýdansyz ýok boldy+,

Men ony agtardym, ýöne tapmadym+.

37 Ýazyksyz adama üns ber,

Gözüň dogruçyl adamda+ bolsun,

Sebäbi ol parahat ömür sürer+.

38 Günäkärler bolsa ýok ediler,

Erbetler kesilip taşlanar+.

39 Dogruçyly Ýehowa halas eder+,

Agyr gününde gala kimin gorar+.

Erbet adamyň elinden alyp galar,

Sebäbi ol Hudaýy pena edinýär+.

38 Eý Ýehowa, gazap bilen,

Gahar bilen maňa käýeme+.

 2 Oklaryň içimden geçdi,

Agyr eliň egnimden basdy+.

 4 Ýazyklarym başymdan agdy+,

Agyr ýük kimin gerşimden basdy.

 5 Akylsyzlygym sebäpli,

Ýaralarym iriňleýär, porsaýar.

 6 Gaýgy⁠-⁠aladadan ýaňa bilim bükülýär,

Uzakly gün ýüregim hasrat çekýär.

 7 Içim ýanyp barýar,

Endam⁠-⁠janym owram⁠-⁠owram+.

 8 Güýçden gaçdym, sustum basylýar,

Bagrym dilim⁠-⁠dilim, gözýaşlarym dynman akýar.

 9 Eý Ýehowa, isleg⁠-⁠arzuwymy bilýärsiň,

Ahy⁠-⁠nalamy görýärsiň.

10 Ýüregim ezildi, kuwwatym gaçdy,

Gözlerimiň nury öçdi+.

11 Dost⁠-⁠ýarlarym ýaramy görüp, menden gaçdy,

Tanyş⁠-⁠bilişlerim menden arany açdy.

12 Janymyň kastyna çykanlar duzak gurýar,

Ajysyny pürküp, zyýan ýetirjek bolýar+.

Uzakly gün pyşyrdaşyp hile gurýarlar.

13 Ýöne men ker ýaly diňlemeýärin+,

Lal ýaly jogap bermeýärin+.

14 Gulagym gapylan ýaly bolýar,

Gaýtargy berere söz tapmaýaryn.

15 Eý Ýehowa, saňa garaşdym!+

Eý Ýehowa Hudaýym, senem maňa jogap berdiň!+

16 «Olar üstümden gülmesin,

Aýagym taýsa, heşelle kakmasyn» diýdim.

17 Aýagym tas taýypdy,

Ýüregim dynman agyrdy+.

18 Günämi boýun aldym+,

Ýazygym sebäpli bagrym dilim⁠-⁠dilim boldy+.

19 Duşmanlarym güýçli hem kuwwatly boldy*,

Meni nähak ýere ýigrenýänleriň sany köpeldi.

20 Ýagşylygyma ýamanlyk etdiler,

Ýagşylyk edýändigim üçin azar berdiler.

22 Eý Ýehowa, halasgärim+,

Tiz ýetiş dadyma!

39 Men: «Dilim bilen günä etmez ýaly,

Her ädimimi dykgatly äderin+.

 2 Dymdym, geplemedim+.

Ýagşy zatlar hakda⁠-⁠da söz açmadym,

Emma derdim beterleşdi.

 4 «Eý Ýehowa, ömür tanapym haçan kesiler?

Ýagty jahanda näçe gün ýaşaryn?+

Aýt maňa, ömrümiň gysgadygyny bileýin.

 5 Sen ömrümi has⁠-⁠da gysgaltdyň*+,

Meniň ömrüm gözüňe görnenok+,

 9 Ähli zady sen edýärsiň+,

Şonuň üçin men dymdym,

Dil ýarmadym+.

11 Günäsi üçin ynsana temmi berýärsiň+,

Güýe dek baýlygyny ýok edýärsiň.

12 Dilegimi eşit, eý Ýehowa,

Perýadymy diňle!+

Seniň huzuryňda gelmişekdirin+,

Ata⁠-⁠babalarym kimin ötegçidirin+.

13 Menden gaharly nazaryňy sow,

Ýagty jahandan ötmänkäm, bagtly günleri göreýin».

40 Bütin kalbym bilen Ýehowa umyt bagladym*,

Ol aşak eglip dogamy diňledi, perýadymy eşitdi+.

 2 Ol meni çukurdan,

Batgaly çukurdan çekip çykardy.

Gaýanyň üstünde duruzdy,

Aýgytly ädim ätdirdi.

 3 Dilime täze aýdym+,

Allany wasp edýän aýdymy berdi.

Köpler Hudaýyň işlerini görüp gorkar,

Ýehowa bil baglar.

 4 Başbozarlara, ýalançylara däl⁠-⁠de,

Ýehowa bil baglaýan adam bagtlydyr.

 5 Eý Ýehowa Hudaýym!

Gudratly işleriň köpdür,

Bize eden ajaýyp işleriň, niýetleriň sanardan köpdür+.

Eý Alla, saňa taý geljek ýokdur!+

Seniň işleriň hakda gürrüň berip başlasam,

Olaryň soňuna çykyp bilmerin+.

 6 Mal gurbanlyklaryny, sadakalary islemediň+,

Kanunyňa düşünmäge maňa kömek etdiň+.

 8 Eý Hudaýym, islegiňi berjaý edip şatlanýaryn+.

Kanunyň ganyma siňendir+.

Seret, men dymmaýaryn+,

Eý Ýehowa, muny özüňem bilýärsiň.

Günälerim başymdan agdy, nirä barýanymy bilmedim+.

Ýazyklarym saçymyň taryndan köpdür,

Ýüregim gam⁠-⁠gussa batdy.

14 Janymyň kastyna çykanlar

Abraýdan gaçyp, masgara bolsun.

Agyr günümde üstümden gülenler

Utanja galyp, gaçyp gitsin.

16 Goý, seni gözleýänler+,

Işleriňe şatlansyn hem guwansyn+.

17 Ýehowa, maňa nazar sal,

Men garyp hem biçäre.

Eý Hudaýym, eglenme!+

Halasgärim, hemaýatkärim sensiň!+

41 Ejizleri goldaýan adam bagtlydyr+.

Ýehowa kyn gününde ýardam eder.

Adamlar oňa bagtly diýerler+.

Hudaý ony duşmanyň eline bermez+.

 3 Syrkawlanda Ýehowa goldar+,

Keselläp ýatanda aladasyny eder*.

Halymy soramaga gelýär.

Gep⁠-⁠gybat toplaýar, ulus⁠-⁠ile jar edýär.

 7 Bir⁠-⁠birine pyşyrdaşyp,

Maňa ýamanlyk diläp diýýärler:

 8 «Başyna elhenç bela indi,

Agyr ýatyr, ol indi aýaga galmaz»+.

 9 Ýakyn dostum, ynamdar dostum+,

Bile çörek iýenim arkamdan pyçak sokdy*+.

10 Eý Ýehowa, maňa rehim et!

Meni aýaga galdyr, olaryň başyny owradaýyn.

12 Wepaly* bolanym üçin, meni goldarsyň+,

Huzuryňda ebedilik duraryn+.

13 Ýehowa şöhrat bolsun!

Ysraýyl Hudaýyna ebedilik alkyş bolsun!+

42 Maralyň akar suwy küýseýşi ýaly,

Ýa Allam, janym saňa hyzmat etmek isleýär.

 3 Gije⁠-⁠gündiz aglaýaryn, hiç zat iýmeýärin*.

Uzakly gün üstümden gülýärler,

«Hany seniň Hudaýyň?» diýýärler+.

 4 Geçen günleri ýatlanymda, ýüregim* ezilýär:

Jemagatyň arasynda ýörärdim,

Il⁠-⁠gün bilen Allanyň öýüne barardym,

Baýramçylyga gelen märekäniň

Gülki sesini, alkyş sözlerini eşiderdim+.

Hudaýa garaş+,

Beýik Halasgärime ýene⁠-⁠de alkyş aýdaryn+.

Şonuň üçin Iordan topragynda,

Hermon depesinde,

Mizar dagynda* seni ýatlaýaryn+.

 7 Şarlawuk güwwüldeýär,

Deňiz deňze söz sözleýär.

 8 Gündizine Ýehowanyň mähri* çoýar.

Gijelerine ol hakda aýdym aýdaryn,

Ýaşaýyş beren Allama dileg ederin+.

Duşmanlarym azar berýär,

Maňa hasrat çekdirýär»+.

10 Duşmanlarym ýigrenýär*, üstümden gülýär,

Uzakly gün: «Hany seniň Hudaýyň?» diýýärler+.

Hudaýa garaş+,

Hudaýyma, Beýik Halasgärime ýene alkyş aýdaryn+.

43 Eý Hudaýym, maňa adyl höküm çykar+,

Biwepa halkdan hakymy alyp ber+.

Duşmanlarym azar berýär,

Maňa hasrat çekdirýär+.

Goý, olar maňa ýol görkezsin+,

Mukaddes dagyňa, beýik çadyryňa eltsin+.

 4 Şatlanyp Hudaýymyň huzuryna,

Gurbanlyk ojagynyň* ýanyna bararyn+.

Hudaýa garaş+,

Hudaýyma, Beýik Halasgärime ýene alkyş aýdaryn+.

44 Ýa Allam, biz gulagymyz bilen eşitdik,

Ata⁠-⁠babalarymyz gürrüň berdiler+.

Atalarymyzyň döwründe, gadym günlerde,

Seniň eden işleriňi aýdyp berdiler.

 2 Güýçli goluň bilen milletleri dargatdyň+,

Duşmanlary derbi⁠-⁠dagyn edip+,

 3 Olar ýurdy gylyç bilen basyp almadylar+,

Öz güýji bilen ýeňiş gazanmadylar+.

Sag eliň, güýçli goluň+ bilen

Ýagşylyk edip* ýeňiş berdiň.

Sebäbi sen olary söýdüň+.

 4 Eý Hudaý, meniň Patyşam!+

Goý, Ýakup beýik ýeňiş gazansyn!

 5 Seniň kömegiň bilen duşmanlary kowarys+.

Seniň adyňy çagyryp, ýagylary depeläris+.

 6 Ýaýyma bil baglamaýaryn,

Gylyjymyň halas etmejegini bilýärin+.

 7 Sen duşmanlardan halas etdiň+,

Bizi ýigrenýänleri masgara etdiň.

 8 Eý Hudaý, saňa her gün alkyş aýdarys,

Seniň adyňy ebedilik wasp ederis. (Sela)

 9 Şu gün bizden ýüz öwürdiň, masgara etdiň.

Goşunymyzyň arkasynda durmadyň.

10 Duşmandan gaçmaga mejbur etdiň+,

Bizi ýigrenýänler öýümizi taladylar.

11 Olar bizi goýun kimin parçaladylar,

Sen halkyňy milletleriň arasyna dargatdyň+.

12 Olary deger⁠-⁠degmez baha satdyň+,

Hiç hili peýda görmediň.

13 Goňşylaryň arasynda adymyzy masgara etdiň,

Olar ýaňsylap, üstümizden gülýärler.

14 Milletleriň öňünde masgara etdiň+,

Olar bizi görüp, başlaryny ýaýkaýar.

15 Her gün mertebäm peseldilýär,

Utançdan ýaňa başymy galdyryp bilmeýärin.

16 Bizden ar alýan duşmanlar,

Ajysyny pürküp, agzyna gelenini aýdýarlar.

17 Başymyza betbagtçylyk gelse⁠-⁠de, seni unutmadyk,

Mukaddes ähtiňi asla bozmadyk+.

18 Saňa ýürekden wepaly bolduk,

Ýoluňdan sowulmadyk.

19 Emma bizi şagallara şam etdiň,

Üstümizi tümlük bilen örtdüň.

20 Allamyzyň adyny unudan bolsak,

Ýalan taňrylara ýalbaran bolsak,

21 Hudaý muny bilmezdimi?

22 Biz seniň hatyraňa

Uzakly gün ölümiň bäri ýanynda durus.

Bizi damagy çalynjak goýun kimin görýärler+.

25 Bizi gara guma gardylar,

Üstümizden depeläp geçdiler+.

 3 Eý batyr ýigit!+

Şan⁠-⁠şöhrata beslenip+, gylyjyňy biliňe dak+.

 4 Kiçigöwünligiň, hakykatyň we adalatyň hatyrasyna+,

Ata çyk, beýik güýjüň bilen ýeňiş gazan+,

Sag eliň haýbatly işleri etsin.

 5 Eý patyşa, ýiti oklaryň halklary gyrýar+,

Olar duşmanlaryň kükreginden geçýär+.

 6 Hudaý saňa ebedilik patyşalyk berdi*+,

Patyşalygyň hasasy adalat hasasydyr+.

Şonuň üçin seniň Hudaýyň başyňa ýag guýup belledi+,

Seni ýoldaşlaryňdan has köp begendirdi+.

 8 Eşigiňden mürüň*, aloe gülüniň, dalçynyň ysy bark urýar,

Pil süňkli köşgüňde ýaňlanýan saz göwnüňi göterýär.

10 Gyzym, gulak as, aýtjak sözlerimi diňle!

Öz halkyňy, ataň öýüni unut.

11 Patyşa seniň gözelligiňe maýyl bolar,

Ol seniň hojaýynyňdyr,

Şonuň üçin öňünde baş eg.

12 Tir gyzy eli sowgatly geler,

Baýlar göwnüňi tapmak islärler.

13 Köşkde oturan şa gyzy örän gözeldir,

Onuň lybasy altyn bilen bezelendir.

15 Olar begenip, şatlanyp gelerler,

Patyşanyň köşgüne girerler.

46 Hudaý güýjümiz hem penamyz+,

Agyr günde dadymyza ýetişer+.

 2 Ýer titrese⁠-⁠de, daglar deňze çökse⁠-⁠de,

Biz howsala düşmeris+.

 3 Deňiz möwç urup, tolkun atsa⁠-⁠da+,

Deňziň güýjünden daglar titrese⁠-⁠de, biz gorkmarys. (Sela)

 4 Derýanyň şahalary Hudaýyň şäherini+,

Allatagalanyň* beýik, mukaddes çadyryny begendirýär.

 6 Halklar howsala düşdi, patyşalyklar weýran boldy,

Allanyň batly sesinden ýer titredi+.

 7 Serkerdebaşy Ýehowa biziň bilendir+,

Ýakubyň Hudaýy penakärimizdir. (Sela)

 8 Geliň, görüň! Ýehowanyň eden işlerini,

Ýer ýüzünde amala aşyran täsin zatlaryny görüň.

Ýaýlary döwüp, naýzalary çapýar,

Söweş arabalaryny* oda atýar.

Men halklaryň arasynda beýgelerin+,

Älem⁠-⁠jahanda şöhratlanaryn»+.

11 Serkerdebaşy Ýehowa biziň bilendir+,

Ýakubyň Hudaýy penakärimizdir+. (Sela)

 2 Beýik Hudaý Ýehowa haýbatlydyr+,

Ýer ýüzüniň Beýik Patyşasydyr+.

 3 Ol halklary elimize berýär,

Olary boýun egdirýär+.

 4 Ol söwer ogly Ýakubyň buýsanjyny+,

Biziň mirasymyzy saýlap berýär+. (Sela)

 5 Ýehowa Hudaý şatlyk sesi bilen,

Surnaýyň owazy bilen gelýär.

 7 Hudaý ýer ýüzüniň Patyşasydyr+,

Ony wasp ediň, düşünjeli boluň.

 9 Ybraýymyň Hudaýynyň halky bilen

Milletleriň baştutanlary jem boldular.

48 Ýehowa beýikdir, alkyşa mynasypdyr,

Hudaýymyz öz şäherinde, mukaddes dagyndadyr.

 2 Demirgazykdaky Sion dagy,

Beýik Patyşanyň şäheri+ gözeldir,

Ýer ýüzüniň begenjidir+.

 3 Onuň berk diňlerinde

Hudaý penakär hökmünde tanalýar+.

 4 Patyşalar ýygnandylar,

Hüjüm etmäge jemlendiler.

 6 Olar sandyradylar,

Çaga dogurýan aýal kimin dert çekdiler.

 7 Sen gündogar ýelini turuzdyň,

Tarşyş gämilerini bölek⁠-⁠bölek etdiň.

 8 Serkerdebaşy Ýehowanyň şäherine,

Hudaýymyzyň galasyna geldik.

Gulagymyz bilen eşidenimizi, indi gözümiz bilen gördük.

Alla şäheri sarsdyrmaz+. (Sela)

 9 Hudaýym, ybadathanaňa gelip,

Wepaly söýgiň* hakda oýlanýarys+.

10 Adyň hem şöhratyň,

Bütin dünýä ýaň salýar+.

11 Sion dagy+, Ýahuda galalary,

Seniň adyl hökümleriňe şatlanýar+.

12 Sionyň daş⁠-⁠töweregine aýlanyň,

Diňlerini sanaň+.

Diňlerini ünsli synlaň,

Olar hakda geljekki nesillere gürrüň beriň.

Älem⁠-⁠jahan, diň salyň!

 2 Abraýly hem pukara adamlar,

Baýlar hem garyplar, gulak asyň!

 3 Men akyldarlyk hakda geplärin,

Düşünje hakda oýlanaryn+.

 4 Men atalar sözüni diňlärin,

Matallary arfa sazyna goşup aýdaryn.

 5 Zalymlar janymyň kastyna çykyp, daşymy gabanda,

Agyr güne düşenimde, men näme üçin gorkaýyn?+

 6 Baýlygyna bil baglaýanlar+,

Genji⁠-⁠hazynasyna buýsanýanlar+,

 7 Doganyny halas edip bilmezler,

Ýa⁠-⁠da Hudaýa töleg töläp bilmezler+.

 8 (Ynsanyň jany üçin töleg örän gymmatdyr,

Töleg bermäge hiç bir adamyň gurby çatmaz).

 9 Olar doganyny ölümden alyp galyp, ebedi ýaşadyp bilmez+.

10 Olar paýhasly adamlaryň⁠-⁠da ölýändigini görýär,

Akmak bilen düşünjesiz adamyň ikisi⁠-⁠de dünýäden ötýär+.

Olaryň baýlygy başga adamlara galýar+.

11 Olar öýleriniň ebedilik durmagyny,

Çadyrlarynyň nesilden⁠-⁠nesle geçmegini isleýär.

12 Adam näçe abraýly bolsa⁠-⁠da, iru⁠-⁠giç aradan çykýar+.

Ölüp gidýän haýwandan tapawudy ýokdur+.

13 Akylsyzlaryň, akmaklaryň yzyna eýerýänleriň,

Boş sözlerinden keýp alýanlaryň görjegi şeýledir+. (Sela)

Ölüm olara çopançylyk eder;

Daň atanda, dogruçyllar olaryň üstünden höküm sürer+.

Olar topraga siňer+,

Köşkde däl⁠-⁠de, mazarda*+ mesgen tutar+.

15 Hudaý elimden berk tutup,

Meni mazaryň* penjesinden halas eder*+. (Sela)

16 Goňşyň baýanda,

Döwleti artanda, ýüregiň howsala düşmesin.

17 Ol ölende hiç zat alyp gitmez+,

Baýlygy özi bilen mazara inmez+.

20 Muňa düşünmeýän adam näçe abraýly bolsa⁠-⁠da+,

Ölüp gidýän haýwandan tapawudy ýokdur.

50 Mukaddes Hudaý* Ýehowa+ söz sözleýär,

Gündogardan günbatara çenli

Bütin dünýäni çagyrýar.

Onuň öňünde lowlap ýanýan ot bardyr+,

Töwerek⁠-⁠daşy apy⁠-⁠tupandyr+.

 4 Ol ýeri, gögi çagyrýar+,

Halkyna höküm çykaryp, şeýle diýýär+:

 5 «Gurbanlyk berip, äht baglaşanlary+,

Wepaly gullarymy huzuryma getiriň».

 6 Hudaý Kazydyr+,

Asman adalatyny jar edýär. (Sela)

 7 «Eý halkym, meni diňle!

Ysraýyl halkym, saňa aýtjak sözüm bar!+

 8 Her günki berýän ýakma gurbanlygyňyz,

Mal gurbanlygyňyz üçin sizi ýazgarmaýaryn+.

 9 Men malýatakda duran öküze,

Agylda ýatan tekeleriňize mätäç däl+.

10 Tokaýyň ähli ýabany haýwanlary+,

Hatda daglarda ýaşaýan haýwanlar hem meniňkidir.

11 Gaýalardaky guşlaryň her birini bilýärin+,

Sansyz⁠-⁠sajaksyz çöl haýwanlarynyň eýesi mendirin.

12 Men aç bolsam⁠-⁠da, sizden zat soramaryn.

Sebäbi ýer ýüzüniň ähli zady meniňkidir+.

13 Öküzleriň etini iýerinmi?

Geçileriň ganyny içerinmi?+

14 Hudaýyňyza minnetdarlyk aýdyň*+,

Allatagala* beren wadaňyzy berjaý ediň+.

15 Agyr günde meni çagyryň+, size kömek ederin,

«Kanunlarym hakda geplemäge+,

Ähtimi diliňize almaga hakyňyz barmy?+

17 Siz beren terbiýämi ýigrenýärsiňiz,

Sözlerimi diňlemeýärsiňiz*+.

18 Ogryny görüp, berekella diýýärsiňiz*+.

Ahlaksyzlar bilen tirkeşýärsiňiz.

19 Agzyňyzdan erbet sözler çykýar,

Diliňiz ýalan sözleri ýagdyrýar+.

20 Doganyňyzyň gybatyny edýärsiňiz+,

Süýtdeş doganyňyzyň aýybyny açýarsyňyz.

21 Erbet işleri edeniňizde, sesimi çykarmadym welin,

Maňa özüňiz ýalydyryn öýtdüňiz.

Indi size temmi bererin,

Günäleriňizi paş ederin+.

22 Eý Hudaýy unudanlar, aýdanlarym hakda oýlanyň+,

Ýogsam sizi bölek⁠-⁠bölek ederin, halas eden tapylmaz.

23 Alkyş aýdýan* adam meni şöhratlandyrýar+.

Dogry ýoldan ýöreýän adamy,

Hudaý penasynda aman saklaýar»+.

 2 Meni günälerimden tämizle+,

Ýazyklarymdan arassala+.

 3 Men eden günälerimi bilýärin,

Ýazyklarym göz öňümden gidenok+.

 4 Saňa, diňe saňa garşy günä etdim+,

Ýigrenýän işleriňi etdim+.

Seniň aýdanyň hakdyr,

Çykaran hökümleriň adalatlydyr+.

 5 Men günäli bolup doguldym,

Ejemiň göwresinde galanymdan bäri günäli+.

 6 Sen dogruçyl adamy görüp begenýärsiň+,

Maňa öwret, akyldarlyk ýüregimde kök ursun.

 7 Issop oty* bilen günämden arassala, päk bolaýyn+,

Meni tämizle, gardan hem ak bolaýyn+.

 8 Goý, gapymda toý* bolsun,

Gamgyn göwnüm* galkynsyn+.

 9 Günälerimi geç+,

Ýazyklarymy bagyşla!*+

10 Ýa Allam, maňa päk ýürek ber+,

Aň⁠-⁠düşünjämi täzele+, berk duraýyn*.

11 Meni huzuryňdan kowma,

Mukaddes ruhuňy menden alma.

12 Seniň halas edişiňi görüp, ýene⁠-⁠de şatlanaýyn+,

Mende saňa gulak asmaga isleg döret.

13 Jenaýatçylara ýollaryňy öwrederin+,

Günäkärleri toba etmäge çagyraryn.

14 Halasgär Hudaýym+, bigünä gany dökenim üçin bagyşla+,

Şonda adyl işleriňi joşup gürrüň bererin+.

15 Eý Ýehowa, sözlemäge rugsat ber,

Dilim seni wasp etsin+.

16 Sen gurbanlyk islemediň, ýogsam bererdim+,

Ýakma gurbanlygyny kabul etmediň+.

17 Toba edýäni Hudaý halaýandyr*.

Ýa Alla, ýürekden ökünýän,

Puşman edýän adamdan ýüz öwürmersiň+.

18 Siona ýagşylyk et,

Iýerusalimiň diwarlaryny dikelt.

19 Şonda saňa öküzleri gurbanlyk bererler+,

Sen hem ak ýürekden* berilýän gurbanlygy,

Ýakma gurbanlygy,

Bütinleý berilýän gurbanlygy kabul edersiň.

 2 Päliýamansyň, hilegärsiň+,

Diliň päki kimin ýitidir+.

 3 Ýagşylykdan ýamany,

Hakykatdan ýalany has köp söýýärsiň. (Sela)

 4 Eý hilegär dil,

Zäherli sözleri söýýärsiň.

 5 Alla seni ebedilik ýok eder+,

Ýakaňdan tutup, çadyryňdan süýräp çykarar+.

Ýagty jahandan sogrup taşlar+. (Sela)

 6 Dogruçyllar muny görüp, haýran galar+,

Zalymyň üstünden gülüp+ diýer:

 7 «Ol Hudaýy pena edinmedi+,

Mal⁠-⁠mülküne guwandy+,

Zalymlygyna daýandy».

 8 Men Hudaýyň öýünde uly zeýtun agajy kimin bolaryn,

Hudaýyň ýagşylygyna* ebedi bil baglaryn+.

 9 Eden işleriň üçin seni baky şöhratlandyraryn+,

Wepaly gullaryň ýanynda

Ýagşy adyňa umyt baglaryn*+.

Erbetler hilegärlik we ýigrenji işleri edýär,

Ýagşylyk edýän ýok+.

 2 Ýehowa gökden ynsan ogullaryny synlap+,

Hudaýy gözleýäni, düşünjeli adamy tapmak isleýär+.

 3 Olaryň bary ýoldan çykdy,

Ählisi azdy.

Ýagşylyk edýän ýok,

Ýekejesi⁠-⁠de ýok+.

 5 Olar gorkup titreşer,

Dünýä ineni bäri şeýle gorkan däldirler*.

Hudaý halkyna topulanlaryň süňküni pytradar.

Ysraýylyň duşmanlary masgara bolar,

Ýehowa ýesir düşen halkyny yzyna getirer.

Goý, Ýakup şatlansyn, Ysraýyl begensin!

54 Hudaýym, adyň hatyrasyna meni halas et+,

Gudratly goluň bilen arymy alyp ber+.

 2 Ýa Allam, dilegimi eşit+,

Agzymdan çykan sözlerimi diňle!

 3 Sebäbi keseki adamlar hüjüm edýär,

Zalymlar janymyň kastyna çykýar+.

 4 Ýehowa maňa hemaýat berýär+,

Meni goldaýanlara ýardam edýär.

 5 Duşmanlaryň edenlerini öz başyndan inderer+,

Maňa wepaly bolup, zalymlary ýok eder*+.

 7 Sen meni ähli howpdan gorarsyň+,

Duşmanlarymyň ýeňlişini gözüm bilen görerin+.

55 Hudaýym, dogamy diňle+,

Dilegimi eşit, maňa rehim eýle+.

Ýüregim ynjalyk tapmaýar+,

Dertden ýaňa näme edýänimi bilmedim.

 3 Duşmanlarymyň haýbaty,

Erbetleriň ezýeti, meni tapdan düşürýär.

Başyma bela ýagdyrýarlar,

Ýürekleri ýigrençden doly+.

 4 Gara bagrym gan aglaýar+,

Ölüm gorkusy howsala salýar+.

 5 Gorkudan sandyraýaryn,

Bütin süňňüm titreýär.

 8 Güýçli ýelden, apy⁠-⁠tupandan gaçyp,

Gaçybatalga howlugardym».

 9 Eý Ýehowa, olary aljyradyp, niýetini boz*+,

Sebäbi şäherde dawa⁠-⁠jenjel ýatmaýar.

10 Gije⁠-⁠gündiz diwarlarda aýlanýarlar,

Şäherde zorluk⁠-⁠sütem möwç urýar+.

11 Şäherde ahy⁠-⁠nala ýaň salýar,

Bazarlarda aldaýarlar, zorluk⁠-⁠sütem edýärler+.

12 Ýagylarym kemsiden bolsady+,

Dişimi gysyp çydardym.

Duşmanlarym çozan bolsady,

Gaçyp gizlenerdim.

13 Emma hile guran dostumdy+,

Gardaşym hem syrdaşymdy+.

14 Biz jana⁠-⁠jan dostduk,

Il⁠-⁠gün bilen Hudaýyň öýüne barardyk.

Diňe ýamanlyk edýärler.

Goý, olar ýer bilen ýegsan bolsun+,

Mazar* diriligine ýuwutsyn.

16 Men bolsa Hudaýy çagyraryn,

Ýehowa meni halas eder+.

17 Ynjalyk tapman, gije⁠-⁠gündiz aglaýaryn+,

Ahy⁠-⁠nalam Hudaýyma baryp ýetýär+.

18 Birgiden duşman hüjüm edýär+.

Emma Alla ýagylardan gutaryp, meni asuda ýaşadar.

19 Gadymy günlerden bäri tagtda oturan Hudaýym+,

Dogama jogap berer+. (Sela)

Hudaýdan gorkmaýanlara+,

Erbet ýolundan dänmeýänlere garşy çykar.

20 Ol* eden ähtini bozup+,

Jana⁠-⁠jan dostuna dönüklik etdi+.

21 Dili ýagdan ýumşakdy+,

Ýüregi ýigrençden doludy.

Sözleri ýag ýaly ýumşakdy,

Dili gylyçdan kesgirdi+.

22 Gaýgy⁠-⁠aladaňy* Ýehowa tabşyr+,

Ol seniň arkadaýanjyň bolar+.

Başy ölümli ynsan topulýar.

Uzakly gün meniň bilen göreşýär, zulum⁠-⁠sütem edýär.

 2 Duşmanlarym her gün meni yzarlaýar.

Gopbamsylar meniň bilen söweşýär.

 4 Hudaýyma bil baglaryn, sözüni wasp ederin.

Men gorkmaryn, Allama bil baglaryn.

 5 Her gün maňa azar berýärler,

Ýamanlyk etmegiň küýüne düşýärler+.

 6 Olar topulmak üçin bukuda ýatýarlar.

Her ädimimi yzarlaýarlar+,

Janymyň kastyna çykýarlar+.

10 Hudaýa bil baglaryn, sözüni wasp ederin.

Ýehowa bil baglaryn, sözüni wasp ederin.

11 Men gorkmaryn+, Alla bil baglaryn.

12 Beren wadalarymy berjaý ederin+,

Hudaýym, saňa alkyş aýdaryn!+

13 Sen meni ölümden halas etdiň+,

Büdremegime ýol bermediň+.

Men ýagty jahanda Allanyň huzurynda gezerin+.

57 Maňa rehim eýle, eý Hudaý, maňa rehim eýle!

Sebäbi sen meniň penamsyň+,

Howp⁠-⁠hatar geçýänçä, ganatlaryň astynda pena taparyn+.

 2 Allatagalany*, hak Hudaýy çagyraryn,

Ol dertlerimden dyndarar.

 4 Arslanlar meni gabady+,

Ýolbarslaryň arasynda ýatyryn.

Olaryň dişi naýza hem okdur,

Dilleri ýiti gylyçdyr+.

 5 Eý Hudaý, şan⁠-⁠şöhratyň asmana,

Bütin dünýä ýaň salsyn!+

 6 Gaýgy⁠-⁠hasratdan bilim büküldi+,

Meniň üçin duzak guruldy+.

Ýoluma çukur gazanlar,

Öz gazan çukuryna özleri düşdi+. (Sela)

 7 Ýa Alla, men saňa wepaly+,

Saňa wepaly!

 9 Eý Ýehowa, halklaryň arasynda seni wasp ederin+,

Milletleriň arasynda seniň şanyňa aýdym aýdaryn+.

10 Sebäbi wepaly söýgiň göge ýetýär+,

Wepadarlygyň arşa galýar.

11 Eý Hudaý, şan⁠-⁠şöhratyň asmana,

Bütin dünýä ýaň salsyn!+

Adalaty dikeldip bilersiňizmi?+

Adalatly höküm çykaryp bilersiňizmi?+

 2 Kalbyňyz erbet pikirlerden+,

Ýurt zalym işleriňizden doly+.

 3 Erbet adamlar dünýä ineni bäri egri ýoldan ýöreýändir,

Gözleri açylany bäri azgyn hem ýalançydyr.

 4 Olaryň dili zäherli ýylan ýaly çakýandyr+,

Olar gulagy gapylan kepjebaş kimin kerdir.

 5 Ýylany oýnadýan näçe ökde bolsa⁠-⁠da,

Kepjebaş tüýdügiň owazyny eşidýän däldir.

 8 Olar guran balykgulak kimin bolsun,

Öli doglan çaga kimin ýagty jahany görmesin.

 9 Gazanyňyzy ýandagyň ody gyzdyrmanka,

Hudaý ýanyp duran ýandagy,

Oda atylmadyk ýandagy uçuryp äkider+.

10 Erbetlerden ary alnanda, dogruçyl adam şatlanar+,

Erbetleriň gany onuň topugyna ýeter+.

59 Hudaýym, meni duşman elinden halas et!+

Garşy çykýan adamlardan başymy gutar+.

 2 Erbet adamlardan gora,

Ganhorlaryň elinden halas et.

 3 Ýehowa, günä etmesem⁠-⁠de, ýazykly bolmasam⁠-⁠da+,

Olar meni tutmak üçin gizlenip ýatyrlar+.

Daýaw adamlar üstüme topulýarlar.

 6 Olar her agşam gelýärler+,

It ýaly üýrýärler+, şäherde sümsünip gezýärler+.

 7 Olaryň agzyndan zäher pürkülýär,

Sözleri hanjar ýaly sanjylýar+.

Olar: «Sözlerimizi hiç kim eşitmeýär» diýýärler+.

 8 Emma sen, eý Ýehowa, olary kemsidersiň+,

Milletleriň üstünden gülersiň+.

 9 Kuwwatly Hudaýym, nazarymy saňa dikerin+,

Hudaýym, berk galam sensiň!+

10 Wepaly söýgä* baý Hudaýym dadyma ýetişer+,

Duşmanlarymyň üstünden ýeňiş gazanmaga kömek eder+.

Goluň bilen duşmanlary dumly⁠-⁠duşa dargat.

Eý galkanymyz Ýehowa, olary heläk et!+

12 Olar agzy we dili bilen günä edýärler,

Ýalan sözläp, nälet okaýarlar.

Tekepbirligi olara duzak bolar+.

13 Gahar oduň bilen olary kül et+,

Dünýä inmedik ýaly bolsunlar.

Goý, olar Ýakubyň we bütin dünýäniň üstünden

Hudaýyň höküm sürýändigini bilsinler+. (Sela)

14 Olar her agşam yzyna dolanýar,

It ýaly üýrýärler, şäherde sümsünip gezýärler+.

15 Goý, olar çörek gözläp entesin+,

Garynlary doýmasyn, başyny goýara ýer tapmasyn.

16 Men bolsa gudratyň hakda aýdym aýdaryn+,

Wepaly söýgiň hakda säher bilen joşup gürrüň bererin.

Sebäbi sen meniň galamsyň+,

Agyr günümde arkadaýanjymsyň+.

17 Kuwwatly Hudaýym, saňa aýdym aýdaryn!+

Sen galamsyň, wepaly söýgä baý Hudaýymsyň+.

 4 Duşman okundan gaçar ýaly,

Hudaýhonlar* üçin tug dik*. (Sela)

 5 Söwer ogullaryňy halas et.

Bizi sag eliň bilen gora, dogamyza jogap ber+.

Sukot düzlügini paý edip bererin+,

Şekemi islän kişime miras bererin+.

 7 Gilead meniňkidir, Manaşa+ hem meniňkidir.

Efraýym tuwulgamdyr,

Ýahuda patyşalyk hasamdyr+.

10 Bizi ol ýere Hudaýymyz elter.

Ol bizden ýüz öwrenem bolsa,

Esgerlerimizi goldamasa⁠-⁠da, ol ýere elter+.

11 Betbagtçylyk güni kömek et.

Sebäbi ynsan halas edip bilmez, garaşanyňa degmez+.

12 Hudaýymyz güýç⁠-⁠kuwwat berer+,

Duşmanlarymyzy depelär+.

 2 Kalbym gaýgydan doly,

Seni ýeriň aňry ujundan çagyraryn+.

 3 Sen meniň penamsyň,

Duşmandan goraýan berk diňimsiň+.

 4 Çadyryňda ebedilik ýaşaryn+,

Ganatlaryň astynda pena taparyn+. (Sela)

Adyňdan gorkýanlara berýän mirasyňdan

Maňa⁠-⁠da berdiň+.

 6 Patyşanyň ömrüni uzaldarsyň+,

Onuň günleri nesilden⁠-⁠nesle dowam eder.

 7 Ol huzuryňda ebedilik tagtda oturar+,

Söýgiň* we wepadarlygyň bilen gora+.

 8 Adyňa ebedilik aýdym aýdaryn+,

Her gün beren wadalarymy berjaý ederin+.

 2 Ol meniň arkadagym, halasgärim hem galam+.

Men hiç haçan ýykylmaryn+.

Onuň kastyna çykjak?+

Siz ýykyljak bolup duran,

Gyşaran diwar ýaly howplusyňyz*.

 4 Olar adamyň mertebesini peseltmek üçin dil düwüşýärler,

Ýalan sözden keýp alýarlar.

 5 Men Hudaýyma sabyrly garaşaryn+,

Sebäbi ol maňa umyt berýär+.

 6 Ol meniň arkadagym, halasgärim hem galam.

Men hiç haçan ýykylmaryn+.

 9 Ynsan ogullary bir dem kimindir,

Olar ýöne bir salgym* ýalydyr+.

10 Talaňçylyk bilen baýarys öýtmäň,

Ogrulyk bilen döwletiňiz artar öýtmäň,

12 Ýehowa, sen wepaly söýgä* baýsyň!+

Adamyň eden işine görä hakyny berýärsiň+.

Janym saňa teşne+,

Gurak, takyr we suwsuz çölde,

Seni küýsäp, ysgyn⁠-⁠mydarym galmady+.

 2 Mukaddes mekanyňa baryp, sen hakda oýlanardym,

Güýç⁠-⁠kuwwatyňy, şan⁠-⁠şöhratyňy görerdim+.

 3 Wepaly söýgiň* janymdan hem süýjüdir+,

Dilim saňa alkyş aýdar+.

 4 Seni ömürboýy şöhratlandyraryn,

Ellerimi galdyryp doga ederin,

Adyňy dilimden düşürmerin.

 5 Sen maňa iň gowy paý berersiň,

Seni begenip wasp ederin+.

 6 Düşegimde ýatanymda, seni ýatlaryn,

Uzak gije sen hakda oýlanaryn+.

 7 Sen hemaýatkärim+,

Ganatlaryň astynda joşup aýdym aýdaryn+.

 8 Saňa bagly ýüregim,

Sag eliň bilen meni berk tutarsyň+.

 9 Janymyň kastyna çykanlar,

Gara ýere siňerler.

10 Olar gylyçdan gyrlar,

Şagallara şam bolarlar.

Hudaýyň adyndan ant içenler buýsanar,

Ýalançylaryň dili kesiler.

 2 Maňa garşy dil düwüşýän zalymlardan+,

Bir ýere jemlenen erbetlerden gora.

 3 Dillerini gylyç kimin ýiteldýärler,

Ajy sözlerini peýkam kimin çeneýärler.

 4 Bigünäni atmak üçin gizlenip ýatýarlar,

Duýdansyz ok atýarlar, hiç zatdan gorkmaýarlar.

 5 Olar erbet niýetinden dänmeýärler*,

Gizlin duzak gurmagyň maslahatyny edýärler.

 6 Erbetlik etmegiň täze ýollaryny agtarýarlar,

Mekirlik bilen duzak gurýarlar+,

Olaryň oý⁠-⁠pikirlerine düşünip bolmaýar.

 7 Emma Hudaý olary duýdansyz atar+,

Oky bilen ýaralar.

 8 Zalymlar öz dilinden bela galar+,

Olary görenler başyny ýaýkar.

 9 Şonda ähli adamlar gorkarlar,

Hudaýyň işlerini jar ederler.

Onuň gudratly işlerine düşünerler+.

10 Dogruçyllar Ýehowanyň işlerine şatlanar,

Ony pena ediner+.

Adalatly adamlar Alla şükür eder.

65 Eý Hudaý, Sionda saňa alkyş aýdarys!+

Beren wadamyzy berjaý ederis+.

 3 Günälerim egnimden basýar+,

Emma ýazyklarymy bagyşlaýarsyň+.

 4 Howlularyňda ýaşamaga çagyran adamyň,

Huzuryňa getiren adamyň bagtlydyr+.

Biz öýüňde, mukaddes ybadathanaňda+

Bol bereketleri alyp, çäksiz begenýäris+.

 5 Halasgärimiz, dogamyza jogap berýärsiň,

Adalatly hem gudratly işleri edýärsiň+.

Tutuş zemin, deňziň aňry çeti saňa bil baglaýar+.

 6 Sen* güýç⁠-⁠kuwwatlysyň+,

Gollaryň bilen daglary berkitdiň.

 7 Sen* möwç urýan deňzi, äpet tolkunlary köşeşdirdiň+.

Halklaryň goh⁠-⁠galmagalyny ýatyrdyň+.

 8 Täsin işleriňi görüp, uzak ýurtlaryň ilaty haýran galar+,

Gündogardan günbatara çenli ähli halklar aýdym aýdar.

 9 Sen tutuş ýer ýüzüniň aladasyny edýärsiň.

Adamlaryň rysgalyny ýetirip durýarsyň+.

Çeşmäň joşup akýar.

Mes topragyň hasyl berýär+,

Sen ýer ýüzüni täsin ýaratdyň.

10 Topragy tekizläp, joýalary suwarýarsyň.

Ýagyş ýagdyryp, ýeri ýumşadýarsyň,

Galla başlaryny göge ýetirýärsiň+.

11 Bereketli ýyl berýärsiň,

Aýak basan ýeriň hasylly bolýar+.