ISAIAH

 2 Iufala lo heven, herem kam, and iufala lo earth, lisin gudfala,+

Bikos Jehovah talem finis:

“Olketa son wea mi lukaftarem and olketa big lo hand blo mi,+

Bat olketa bighed againstim mi.+

 3 Wanfala bull savve gud lo man wea baem hem,

And wanfala donkey savve lo ples wea owner feedim hem,

Bat Israel no savve lo mi,*+

Own pipol blo mi no minim wanem olketa duim.”

 4 Sorre tumas lo nation wea barava sin,+

Rong wea pipol hia duim hem hevi tumas lo olketa,

Olketa kam from olketa man wea wicked, olketa pikinini wea corrupt!

Full hed hem sik,

And full heart hem nogud finis.+

Hem garem olketa soa, olketa garekil, and olketa open soa

No eniwan treatim* or bandagem or putim oil lo olketa.+

 8 Olketa leavim dota blo Zion for stap olsem wanfala smol leaf haos lo grape planteison,

Olsem wanfala smol haos lo garden cucumber,

Olsem taon wea olketa raonem for attakim.+

 9 Sapos Jehovah, komanda blo olketa army, no letem samfala lo iumi for stap laef,

Bae iumi semsem olsem Sodom,

And bae iumi semsem olsem Gomorrah.+

Mi taed nao lo olketa burnt offering* blo man sheepsheep wea iufala offerim,+ and gris blo olketa animal wea healthy naes,+

And mi no hapi lo blood+ blo olketa young bull,+ and olketa young man sheepsheep and olketa goat.+

12 Taem iufala kam front lo mi,+

Hu nao askem iufala for duim datwan,

For wakabaot lo olketa courtyard blo mi?+

Olketa niu moon,+ olketa sabbath,+ olketa hipap wea iufala savve duim+

Mi barava les nao lo wei wea iufala iusim magic paoa+ lo olketa holy assembly blo iufala.

15 And taem iufala openem hand blo iufala,

Mi haedem eye blo mi from iufala.+

Nomata iufala talem staka prea,+

Mi bae no lisin.+

17 Lane for duim gud samting, followim justice,+

Stretem olketa wea putim hevi lo narawan,

Defendim raet blo pikinini wea no garem dadi,*

And duim samting for sapotim olketa widow woman.”+

Nomata olketa sin blo iufala hem olsem braet red kala,

Olketa bae kamap white olsem snow.+

Nomata olketa barava red olsem dark red kaleko,

Olketa bae kamap white olsem wool.

19 Sapos iufala showimaot iufala willing and iufala lisin,

Bae iufala kaikaim olketa gud samting wea kamaot from disfala land.+

20 Bat sapos iufala no laek lisin and iufala bighed,

Olketa enemy bae killim iufala dae lo sword,+

Bikos toktok hia kamaot finis lo mouth blo Jehovah.”

Raeteous fasin stap lo hem bifor,+

Bat distaem pipol for killim man dae nao stap lo hem.+

22 Silver wea iufala garem hem no pure wan,+

And beer* blo iufala hem mix witim wata.

Olketa no showimaot justice lo pikinini wea no garem dadi,*

And no enitaem olketa herem kot case blo olketa widow woman.+

24 Dastawe datfala tru Lord, Jehovah, komanda blo olketa army,

Datfala Paoaful God blo Israel hem sei:

“Lukim! Mi bae aotem olketa wea againstim mi,

And bae mi pei bak lo olketa enemy blo mi.+

25 Mi bae tanem hand blo mi againstim iu,

Bae mi klinim evri dirty blo iu olsem mi iusim soap for aotem dirty,

And bae mi aotem evri rabis wei blo iu.+

26 Bae mi putim bak olketa judge blo iu olsem iu garem lo firstaem

And olketa advaesa olsem iu garem lo bifor.+

27 Witim justice bae mi baem bak Zion,+

And witim raeteous fasin, bae mi baem bak pipol blo hem wea kam bak.

28 Olketa wea bighed and olketa wea duim sin bae finis lo semtaem,+

And olketa wea lusim Jehovah, bae barava finis.+

29 Iufala bae shame lo olketa bigfala tree wea iufala laekem tumas,+

And bikos lo olketa garden* wea iufala chusim, iufala bae shame lo datwan.+

30 Iufala bae kamap olsem wanfala big tree wea olketa leaf blo hem drae finis,+

And olsem wanfala garden wea no garem wata.

31 Strong man bae kamap olsem rope wea drae fogud,

And waka blo hem olsem smol fire wea kwiktaem for laet,

Fire bae bonem tufala evriwan lo semtaem,

And no eniwan fit for killim dae.”

 2 Lo last part blo olketa day,*

Datfala maunten wea haos blo Jehovah stap lo hem

Bae hem barava stap strong, and hae ovam top blo olketa maunten,+

And bae hem kamap hae ovam olketa hill,

And pipol from evri nation bae go lo hem.+

“Kam, iumi go ap lo maunten blo Jehovah,

Lo haos blo God blo Jacob.+

Hem bae teachim iumi olketa wei blo hem,

And iumi bae wakabaot followim road blo hem.”+

Bikos law* bae go aot from Zion,

And toktok blo Jehovah bae go aot from Jerusalem.+

 4 Hem bae givim judgment midolwan olketa nation

And stretem evri samting for helpem staka pipol.

Olketa bae hamarem sword blo olketa for kamap olketa hou

And spia blo olketa for kamap olketa naef for pruning.+

Nation bae no iusim sword for againstim nara nation,

Olketa bae no enitaem lanem moa hao for faet.+

 5 O olketa lo laen blo Jacob, iufala kam,

Iumi wakabaot lo laet blo Jehovah.+

 6 Iu lusim pipol blo iu, olketa lo laen blo Jacob,+

Bikos olketa followim olketa wei blo olketa from East.

Olketa duim magic+ olsem olketa lo Philistine,

And olketa garem staka pikinini witim olketa foreigner.

 7 Land blo olketa fulap lo silver and gold,

And olketa no short lo riches, hem staka fogud

Land blo olketa fulap lo olketa horse,

And olketa no short lo chariot, hem staka fogud.+

Olketa baodaon lo samting wea hand blo olketa nomoa wakem,

Lo samting wea finger blo olketa nomoa wakem.

 9 So man hem baodaon, hem daonem hemseleva,

And maet iu no forgivim olketa.

10 Iufala go insaed lo olketa big ston and haedem iufala seleva lo dust

Bikos lo kros blo Jehovah wea mekem man fraet

And bikos lo bigfala paoa blo hem.+

11 Hem bae daonem man wea garem praod tingting,

And olketa man wea praod bae olketa shame.*

Datfala day hem kam for evriwan wea praod and wea haem olketa seleva,

Bae hem kasem evriwan, nomata hem important man or hem man nating,+

13 Bae hem kasem evri cedar tree lo Lebanon wea hae fogud and wea pipol mekhae lo hem

And bae hem kasem evri oak tree blo Bashan,

14 Bae hem kasem olketa hae maunten

And bae hem kasem evri hae hill,

15 Bae hem kasem evri hae taoa and evri strongfala wall,

16 Bae hem kasem evri ship lo Tarshish+

And bae hem kasem evri naesfala boat.

17 Man wea garem praod tingting bae hem daonem hem,

And olketa man wea praod bae olketa shame.*

19 And pipol bae go insaed olketa cave lo olketa big ston

And insaed olketa hol lo graon,+

Bikos lo kros blo Jehovah wea mekem man fraet

And bikos lo bigfala paoa blo hem,+

Lo taem wea hem getap for mekem earth fraet and seksek.

20 Lo datfala day, olketa man bae tekem olketa iusles god blo olketa wea olketa wakem lo silver and gold

Wea olketa seleva nao bin wakem for baodaon lo hem

And torowem go lo olketa shrewmice* and lo olketa flying fox,+

21 Mekem olketa savve go insaed olketa hol lo olketa big ston

And go midol lo olketa big ston lo olketa klif,

Bikos lo kros blo Jehovah wea mekem man fraet

And bikos lo bigfala paoa blo hem,

Lo taem hem getap for mekem earth fraet and seksek.

22 Sapos iufala tingim laef blo iufala, stop for trustim man nomoa,

Wea olsem wind nomoa wea kamaot from nose blo hem.*

3 Lukim! Tru Lord, Jehovah, komanda blo olketa army,

Hem aotem evri kaen sapot and supply wea Jerusalem and Judah depend lo hem,

Olsem bred and wata,+

 2 Strongfala man and man for faet,

Judge and profet,+ man for duim spiritism for savve lo future and elder,

 3 Hed blo 50 man,+ important man, and advaesa,

Man wea savve tumas for duim magic, and man wea savve tumas for mekem snek hem kwaet.+

 4 Mi bae mekem olketa young boy for kamap leader blo olketa,

And man wea no stedy bae rul ovarem olketa.

 5 Pipol bae treatim nogud lo each other,

Each wan duim datwan lo fren blo hem.+

Young boy bae killim man wea olo,

And man wea pipol no tinghae tumas lo hem, bae no obeyim man wea pipol respectim.+

 8 Jerusalem klosap foldaon,

And Judah hem foldaon finis,

Bikos toktok and wanem olketa duim hem againstim Jehovah.

 9 Lukluk lo feis blo olketa hem witness againstim olketa,

And olketa talemaot sin blo olketa olsem Sodom.+

Trabol bae kasem hem,

Bikos samting wea hem duim bae olketa duim lo hem tu!

12 Bat for pipol blo mi, olketa man wea givim waka lo olketa treatim olketa nogud,

And olketa woman rul ovarem olketa.

Pipol blo mi, olketa leader blo iufala mekem iufala for raraon nomoa,

And olketa mekem iufala konfius lo road wea iufala followim.+

“Iufala bin bonem olketa grape planteison,

And samting wea iufala stealim from pipol wea poor hem lo haos blo iufala.+

15 Hao nao iufala treatim nogud pipol blo mi

And rabem feis blo olketa wea poor lo graon?”+ Sovereign Lord, Jehovah, komanda blo olketa army, hem talem.

16 Jehovah hem sei: “Bikos olketa dota blo Zion olketa praod,

Olketa wakabaot and apim hed blo olketa,

Olketa switim narawan witim eye blo olketa, swingim body blo olketa,

And mek noes witim olketa chain raonem ankle lo leg blo olketa,

17 Jehovah bae mekem tu hed blo olketa dota blo Zion for garem olketa soa.

18 Lo datfala day, Jehovah bae tekem aot olketa bangol wea mekem olketa luk naes,

Olketa hedband and olketa nekles wea sheip olsem haf moon,+

19 Olketa earring, olketa chain lo hand, and olketa veil,

20 Olketa kaleko for putim lo hed, olketa chain raonem ankle lo leg, and olketa kaleko for werem olsem belt wea garem design,

Olketa smol botol perfume, and olketa naes nekles for protection,*

21 Olketa ring for finger and olketa nose ring,

22 Olketa kaleko for taem blo ceremony, kaleko for werem antap nara kaleko, olketa long kaleko, and olketa paos,

23 Olketa mirror wea garem handol,+ and olketa linen kaleko,*

Olketa turban* and olketa veil.

25 Olketa man blo iu bae dae lo sword,

And olketa strongfala man blo iu bae dae lo faet.+

26 Olketa entrance blo taon hia bae sorre and krae,+

And taon hia bae barava sidaon lo graon.”+

“Mifala bae kaikaim bred wea mifala seleva wakem

And werem kaleko wea mifala seleva soengim.

Bat mifala laekem for olketa kolem mifala lo nem blo iu

For aotem shame wea mifala kasem.”*+

5 Plis, mi laek sing for man wea mi lovem tumas

Wanfala song abaotem man wea mi lovem tumas and grape planteison blo hem.+

Hem plantim gudfala red grape tree lo hem,

Hem buildim wanfala taoa lo midol lo hem,

And hem katem ston and wakem ples for smasem grape for mekem wine lo hem.+

Then hem gohed weit for planteison hia garem olketa gudfala grape,

Batawea, hem garem nomoa olketa wild grape.+

 3 “And distaem, iufala pipol wea stap lo Jerusalem and olketa man lo Judah,

Plis, iufala judge between mi and grape planteison blo mi.+

 4 Wanem moa mi shud duim lo grape planteison blo mi

Wea mi no duim yet?+

Why nao taem mi hope for hem garem olketa gudfala grape,

Hem garem nomoa olketa wild grape?

 5 Plis, distaem mi laek talem lo iufala

Wat bae mi duim lo grape planteison blo mi:

Mi bae aotem olketa smol tree wea grow olsem fence raonem,

And bae mi bonem olketa.+

Mi bae brekem olketa wall ston blo hem,

And pipol bae step antap lo hem.

Olketa smol tree wea garem nila and olketa rabis grass nao bae kavarem,+

And mi bae komandim olketa cloud for no rain kam lo hem.+

Hem gohed hope for olketa followim justice,+

Bat lukim! Olketa no followim justice.

For olketa duim stret samting,

Bat lukim! Krae blo olketa man wea feel nogud nomoa stap.”+

 8 Sorre tumas lo olketa wea joinim wanfala haos go lo nara haos+

And wea tekovarem wanfala land go lo nara land+

Gogo no eni spes nao

And iufala seleva nomoa stap lo land hia!

 9 Mi herem Jehovah, komanda blo olketa army, hem promisim

Dat nomata staka haos olketa big and luk naes,

Olketa bae kamap samting wea pipol seke lo hem,

Wea no eniwan bae stap lo hem.+

10 Ten acre blo grape planteison bae producem 22 liter* blo wine,

And 160 kilo* blo seed blo wheat bae producem 16 kilo* blo wheat nomoa.+

11 Sorre tumas lo olketa wea getap early lo morning for drinkim alcohol,+

Olketa wea gohed drinkim wine kasem leit naet gogo wine hem kontrolem olketa!

12 Olketa garem harp and olketa string instrument,

Tambourine, flute, and wine lo olketa feast blo olketa.

Bat olketa no tingim olketa samting wea Jehovah duim,

And olketa no lukim olketa samting wea hem wakem.

13 Dastawe pipol blo mi bae go prisoner lo nara kantri

Bikos olketa no savve lo mi.+

Olketa bigman blo olketa bae hangere,+

And evri pipol blo olketa bae barava thirsty.

14 So Grev* mekem hemseleva for kamap big

And openem mouth blo hem waed gogo hem no savve end.+

And samting wea mekem hem* luk naes, staka pipol blo hem wea drunk and mek noes

Bae mas go daon insaed lo grev.

15 And man bae baodaon,

Man wea praod bae hem go daon,

And olketa wea praod bae luk daon from olketa shame.

18 Sorre tumas lo olketa wea laea! Wei wea olketa laea hem olsem olketa pullim guilty wei blo olketa

And sin blo olketa olsem animal wea pullim wagon lo olketa rope.

Letem plan* blo Holy Wan blo Israel for kamap tru

Mekem iumi savve lo datwan!”+

20 Sorre tumas lo olketa wea sei gud samting hem nogud, and nogud samting hem gud,+

Olketa wea putim darkness for laet and laet for darkness,

Olketa wea putim saoa samting for swit and swit samting for saoa!

21 Sorre tumas lo olketa wea lo tingting blo olketa seleva, olketa sei olketa wise

And lo tingting blo olketa seleva, olketa savve tumas!+

22 Sorre tumas lo olketa wea savve tumas for drinkim wine

And lo olketa main man for mixim olketa difren kaen alcohol,+

23 Olketa wea acceptim bribe for letem wicked man go free+

And wea no followim justice taem olketa judgem olketa wea raeteous!+

24 So, olsem fire hem kaikaim stik blo wheat

And drae grass hem bone lo fire,

Olketa rut blo olketa bae rotten,

And olketa flaoa blo olketa bae spred evriwea olsem paoda,

Bikos olketa rejectim law* blo Jehovah, komanda blo olketa army

And no respectim toktok blo datfala Holy Wan blo Israel.+

25 Dastawe kros blo Jehovah hem kam againstim pipol blo hem,

And hem bae liftim hand blo hem againstim olketa and killim olketa.+

Olketa maunten bae seksek,

And olketa dead body blo olketa bae olsem rabis followim road.+

Nomata evri samting hia happen, kros blo hem no finis,

Bat hem gohed liftim hand blo hem for panisim olketa.

Belt wea olketa taengem raonem bele blo olketa hem no slak,

And rope lo sandol blo olketa hem no brek.

28 Evri arrow blo olketa hem sharp,

And evri bow blo olketa hem bend.*

Leg blo olketa horse blo olketa hem olsem strongfala ston,

And olketa wheel blo olketa hem fast olsem big wind.+

Olketa bae mek noes from olketa kros and grabim kaikai blo olketa

And tekem go and no eniwan for rescuem.

30 Lo datfala day, olketa bae mek noes from olketa kros ovarem hem

Olsem noes blo raf sea.+

Mi barava no fit for laef,

Bikos mi man wea toktok blo mi no klin,

And mi stap witim pipol wea toktok blo olketa no klin.+

Iu no guilty nao,

And God forgivim finis sin blo iu.”

‘Bae iufala herem staka taem,

Bat bae iufala nating minim.

Bae iufala lukim staka taem,

Bat bae iufala nating savve lo eni samting.’+

10 Mekem heart blo pipol hia for sat,+

Mekem ear blo olketa for no lisin,+

And satem tufala eye blo olketa,

Mekem olketa no savve lukluk witim eye blo olketa

And for herehere lo ear blo olketa,

Mekem heart blo olketa no minim samting

For mekem olketa no kam bak and kasem healing.”+

“Go kasem taem olketa taon distroe and no eniwan stap lo olketa

And no eniwan stap lo olketa haos

And land hem distroe and stap emti.+

12 Go kasem taem Jehovah muvim olketa man go farawe+

And emti area lo datfala land hem kamap big go moa.

“Hem bae no win,

And bae hem no savve happen.

 8 Bikos hed blo Syria hem Damascus,

And hed blo Damascus hem Rezin.

Insaed 65 year nomoa

Ephraim bae hem barava distroe and pipol bae no stap moa lo hem.+

 9 Hed blo Ephraim hem Samaria,+

And hed blo Samaria hem son blo Remaliah.+

Iufala needim strongfala faith,

Sapos nomoa, iufala bae no feel sef.”’”

 6 “Bikos olketa pipol hia rejectim wata lo Shiloah*+ wea flow isisi nomoa

And olketa hapi witim Rezin and son blo Remaliah,+

 7 Dastawe, Jehovah bae sendem king blo Assyria+ witim full army blo hem

For attakim pipol blo hem,

Hem bae kam olsem River* wea ran strong and ran big.

Hem bae kamap ovarem evri saed blo olketa stream

And kavarem evri saed blo hem

 8 And kasem evri ples lo Judah.

Olketa wing blo hem wea open bae kavarem evri ples lo land blo iu,

O Immanuel!”*+

Iufala talem eniting wea iufala laekem, bat bae hem no savve happen,

Bikos God stap witim mifala!*+

13 Jehovah, komanda blo olketa army, hem nao Man wea iufala shud tingim hem holy,+

Hem nao Man wea iufala shud fraet lo hem,

And hem nao Man wea shud mekem iufala seksek.”+

14 Hem bae kamap olsem wanfala holy ples,

Bat olsem wanfala ston for foldaon lo hem+

And olsem wanfala rock for stambol lo hem

For tufala kingdom blo Israel,

Olsem wanfala net and wanfala trap

For pipol wea stap lo Jerusalem.

16 Pasolem gud datfala message wea olketa witnessim,*

Satem gud datfala law* and putim midolwan olketa disaepol blo mi!

 2 Pipol wea wakabaot lo dark

Olketa lukim nao wanfala braet laet.

And for olketa wea stap lo datfala land wea shadow kavarem,

Laet hem shaen go lo olketa.+

Olketa hapi tumas front lo iu

Olsem pipol wea hapi tumas lo taem blo harvest,

And olsem pipol wea hapi tumas lo taem olketa divaedem olketa gud samting wea olketa winim lo faet.

 4 Bikos iu pisisim finis yoke* wea olketa karem,

Stik wea olketa karem lo shoulder blo olketa, stik blo masta blo olketa,

Olsem lo taem blo olketa Midian.+

 5 Evri boot wea march mekem earth seksek

And evri kaleko wea fulap lo blood

Bae kamap olsem firewood for laetem fire.

 6 Bikos wanfala pikinini hem born finis for iumi,+

God givim finis wanfala son for iumi.

 7 And waka blo hem for rul* bae kamap big

And peace, bae no savve end,+

Lo throne blo David+ and lo kingdom blo hem

Mekem kingdom hia savve stap strong+ and for hem gohed

Followim justice+ and raeteous fasin,+

Start distaem and for olowe.

 8 Jehovah talemaot toktok againstim Jacob,

And hem kam againstim Israel.+

 9 And evri pipol bae savve abaotem

Olketa blo Ephraim and pipol wea stap lo Samaria

Wea kamap praod and olketa tokplas and sei:

10 “Olketa brik haos olketa foldaon finis,

Bat mifala bae build witim ston wea olketa katem finis.+

Olketa sycamore tree olketa katem daon finis,

Bat mifala bae changem witim olketa cedar tree.”

11 Jehovah bae mekem olketa enemy blo Rezin for againstim hem

And bae pokem olketa enemy blo hem for duim samting,

12 Olketa Syria lo east and olketa Philistine lo west,*+

Olketa bae openem mouth blo olketa and finisim Israel.+

Nomata evri samting hia happen, kros blo hem no finis,

Bat hem gohed liftim hand blo hem for panisim olketa.+

14 Jehovah bae katemaot from Israel

Hed and tail, niu sut and grass,* lo wanfala day nomoa.+

15 Elder and man wea pipol barava respectim hem nao datfala hed,

And profet wea givim instruction wea no tru hem nao datfala tail.+

16 Olketa wea leadim pipol hia mekem olketa for go olobaot,

And olketa wea followim olketa, olketa konfius.

17 Dastawe Jehovah bae no hapi lo olketa young man blo olketa,

And hem bae no showim mercy lo pikinini blo olketa wea no garem dadi,* and olketa widow woman blo olketa

Bikos evriwan lo olketa nao apostate and duim olketa nogud samting+

And evriwan lo olketa talem karangge toktok nomoa.

Nomata evri samting hia happen, kros blo hem no finis,

Bat hem gohed liftim hand blo hem for panisim olketa.+

18 Bikos olketa nogud samting hem bone olsem wanfala fire,

Hem kaikaim olketa smol tree wea garem nila and olketa rabis grass.

Hem bae startim fire lo olketa thik bush,

And olketa bae smoke go ap lo cloud.

19 Bikos lo kros blo Jehovah, komanda blo olketa army

Fire hem bonem nao datfala land,

And olketa pipol bae kamap olsem firewood for laetem fire.

20 Wanfala bae katem daon samting lo raet saed

Bat bae hem still hangere.

And wanfala bae kaikai lo left saed

Bat bae hem no satisfae.

Each wan bae kaikaim meat blo hand blo hemseleva,

21 Manasseh bae finisim Ephraim,

And Ephraim bae finisim Manasseh.

Nomata evri samting hia happen, kros blo hem no finis,

Bat hem gohed liftim hand blo hem for panisim olketa.+

10 Sorre tumas lo olketa wea mekem olketa rul wea spoelem pipol,

Wea evritaem mekem olketa law wea hard tumas,+

 2 For holem bak raet blo olketa poor pipol,

And stopem olketa man nating midolwan lo pipol blo mi for no kasem justice,+

Olketa tekem samting from olketa widow woman, olsem olketa gud samting wea olketa winim lo faet

And steal from olketa pikinini wea no garem dadi!*+

 3 Wanem nao bae iufala duim lo day for kasem panis,+

Lo taem wea olketa from farawe ples bae kam for distroem iufala?+

Hu nao bae iufala ranawe go lo hem for helpem iufala,+

And wea nao bae iufala putim riches* blo iufala lo hem?

 4 No eni samting stap, bat bae iufala nildaon nomoa witim olketa prisoner

Or foldaon midolwan pipol wea dae lo sword.

Nomata evri samting hia happen, kros blo hem no finis,

Bat hem gohed liftim hand blo hem for panisim olketa.+

 5 “Lukim! Olketa blo Assyria,+

Stik wea mi iusim for showimaot kros blo mi+

And stik lo hand blo olketa for showimaot panis blo mi!

 6 Mi bae sendem hem for againstim wanfala apostate nation,+

Againstim pipol wea mekem mi kros tumas.

Mi bae komandim hem for tekem staka gud samting wea olketa winim lo faet, and stealim staka samting from olketa

And for step antap lo olketa olsem mud followim olketa street.+

 7 Bat hem bae no garem tingting for duim olsem

And lo heart blo hem, bae hem no plan for duim datwan.

Bikos lo heart blo hem, hem laek for finisim olketa,

For finisim staka nation, no tu-thri nomoa.

 8 Bikos hem sei,

‘Olketa prince blo mi, olketa evriwan king!+

10 Hand blo mi tekovarem finis olketa kingdom blo olketa iusles god,

Wea olketa idol blo olketa hem staka winim olketa blo Jerusalem and Samaria!+

11 Samting wea mi duim finis lo Samaria and olketa iusles god blo hem

Mi bae duim tu lo Jerusalem and olketa idol blo hem!’+

12 “Taem Jehovah finisim evri waka blo hem lo Maunt Zion and lo Jerusalem, Hem* bae panisim king blo Assyria bikos lo heart blo hem, hem no showimaot respect and tinghae lo hemseleva from hem praod.+ 13 From hem sei,

‘Mi bae duim diswan lo paoa lo hand blo mi

And wisdom wea mi garem, bikos mi wise.

Mi bae aotem olketa baondri blo olketa pipol+

And tekem olketa riches blo olketa,+

And olsem wanfala man wea strong, mi bae winim pipol wea stap lo there.+

14 Olsem man wea putim hand go insaed nest,

Hand blo mi bae tekem aot olketa gudfala samting from pipol.

And olsem man wea hipimap olketa egg wea olketa lusim,

Mi bae hipimap evri samting lo full earth!

16 Dastawe tru Lord, Jehovah, komanda blo olketa army,

Bae mekem olketa man blo hem wea fat for kamap bon nating,+

And Assyria bae no garem bignem moa. Hem bae olsem fire wea bonem hem gogo hem finis.+

17 Laet blo Israel+ bae kamap wanfala fire,+

And Holy Wan blo hem wanfala fire wea laet.

19 Evri nara tree lo forest blo hem

Bae nating staka and wanfala smol boy savve kaontem olketa nomoa.

20 Lo datfala day, olketa blo Israel wea stap yet

And olketa lo laen blo Jacob wea stap laef yet

Bae no depend moa lo man wea attakim olketa for sapotim olketa.+

Bat olketa bae depend lo Jehovah for sapotim olketa,

Datfala Holy Wan blo Israel, and faithful lo hem.

21 Wanfala smol sekson nomoa bae kam bak,

Smol sekson lo laen blo Jacob bae kam bak lo datfala Maeti God.+

22 Nomata pipol blo iu Israel,

Olketa staka olsem sandbis lo saedsea,

Wanfala smol sekson blo olketa nomoa bae kam bak.+

God disaedem finis for finisim olketa,+

And justice* bae draonem olketa.+

23 Tru nao, disison for finisim olketa wea Sovereign Lord, Jehovah, komanda blo olketa army, hem disaedem,

Bae hem kasem evri ples lo datfala land.+

27 Lo datfala day, hevi samting wea hem putim antap shoulder blo iufala bae hem aot,+

And yoke* blo hem from nek blo iufala,+

And yoke hia bae hem brek+ bikos lo oil.

Hem showim go hand blo hem lo maunten blo dota blo Zion,

Lo hill blo Jerusalem.

33 Lukim! Datfala tru Lord, Jehovah, komanda blo olketa army,

Hem katemaot olketa branch and olketa mekem bigfala noes taem olketa foldaon.+

Olketa barava tol tree hem katem daon,

And olketa wea hae tumas hem daonem olketa.

34 Hem katem daon olketa thik bush lo forest witim wanfala iron tul,*

And wanfala strong man bae distroem Lebanon.

11 Wanfala niu branch+ bae grow aot from stump blo Jesse,+

And wanfala niu sut+ from olketa rut blo hem bae garem frut.

 2 And spirit blo Jehovah bae stap lo hem,+

Spirit blo wisdom+ and wei for minim samting,

Spirit blo gudfala kaonsel and blo paoa,+

Spirit blo knowledge and wei for fraet lo Jehovah.

Hem bae no judge followim samting wea hem lukim lo eye blo hem,

Or stretem man followim nomoa samting wea hem herem lo ear blo hem.+

 4 Hem bae judgem olketa man nating followim raeteous wei,

And hem bae givim kaonsel followim stret samting for helpem olketa hambol wan lo earth.

Hem bae panisim pipol lo earth witim stik lo mouth blo hem+

And killim dae olketa wicked man lo brith* from lips blo hem.+

 5 Raeteous fasin bae olsem belt raonem waist blo hem,

And faithful fasin olsem belt lo hips blo hem.+

 6 Wolf bae stap witim young sheepsheep,+

And young goat bae leidaon witim leopard,

And young buluka and lion and animal wea fat naes, evriwan bae stap tugeta.*+

 7 Cow and bear bae kaikai tugeta,

And baby blo tufala bae leidaon tugeta.

 8 Baby wea susu yet bae plei klosap lo hol blo cobra,

And baby wea lusim susu finis bae putim hand blo hem antap lo hol blo poison snek.

 9 Olketa bae no spoelem eniwan+

Or spoelem eni samting lo holy maunten blo mi,+

Bikos earth bae barava fulap lo knowledge abaotem Jehovah

Olsem sea hem fulap witim wata.+

Olketa nation bae tane go lo hem for gaedem olketa,*+

And ples blo hem for rest bae hem barava naes.

13 Wei blo Ephraim for jealous bae finis,+

And olketa wea mek trabol lo Judah bae finis.

Ephraim bae no jealous lo Judah,

And Judah bae no mek trabol lo Ephraim.+

Olketa bae putim aot hand blo olketa againstim* Edom+ and Moab,+

And olketa bae rul ovarem olketa Ammonite.+

15 Jehovah bae divaedem* bay* blo sea lo Egypt+

And wavem hand blo hem ovarem datfala River.*+

Lo brith blo hem wea hot bae hem draem* sevenfala stream blo datfala river,

And hem bae mekem pipol for wakabaot akros lo sandol blo olketa.

16 And wanfala main road+ bae kamaot from Assyria, mekem smol sekson lo pipol blo hem wea stap yet for olketa followim,+

Olsem lo day wea olketa blo Israel kamaot from land lo Egypt bifor.

“O Jehovah, mi thankiu lo iu,

Bikos nomata iu kros lo mi,

Kros blo iu hem isisi katdaon, and iu comfortim mi.+

Bikos Jah,* Jehovah nao strong blo mi and paoa blo mi,

And hem kamap man for sevem mi.”+

 3 Iufala bae hapi tumas for tekem wata

From olketa springwata wea savve sevem man.+

“Talem thankiu lo Jehovah, singaot lo nem blo hem,

Talemaot lo evri pipol olketa samting wea hem duim!+

 6 Krae and singaot witim hapi, iufala pipol wea stap* lo Zion,

Bikos Holy Wan blo Israel wea stap midolwan lo iufala hem barava hae.”

Singaot go lo olketa, showim hand blo iufala,

Mekem olketa savve kam lo olketa gate blo olketa bigman.

Mi kolem kam olketa strong man blo mi for faet wea hapi and praod,

For panisim olketa wea mekem mi kros.

Lisin! Bigfala noes kam from olketa kingdom,

Blo olketa nation wea hipap tugeta!+

 5 Olketa kam from wanfala farawe ples,+

Lo barava end blo olketa skae,

Jehovah and olketa weapon wea hem iusim for showimaot kros blo hem,

For distroem full earth.+

 7 Dastawe evri hand bae dae,

And heart blo evri man bae wik* from olketa fraet.+

Olketa seksek from pain wea kasem olketa,

Olsem wanfala woman wea redi for bornem baby.

Olketa fraet and lukluk lo each other,

And feis blo olketa luk wari from olketa feel nogud.

 9 Lukim! Day blo Jehovah hem kakam nao,

Hem day blo bigfala kros and wea barava nogud,

For mekem land hia kamap samting wea pipol seke lo hem,+

And for distroem olketa wea duim sin lo datfala land.

10 Olketa star lo skae and olketa constellation blo olketa*+

Laet from olketa, bae no shaen aot.

Taem sun kamap bae hem dark,

And laet from moon bae hem no shaen.

11 Mi bae panisim pipol wea stap lo earth bikos lo olketa nogud samting wea olketa duim,+

And olketa wea wicked for rong wea olketa duim.

Bae mi aotem praod fasin from man wea bighed,

And bae mi mekem praod pipol wea raf for olketa hambol.+

12 Bae mi mekem olketa man wea savve dae nomoa for no staka winim pure gold,+

And pipol lo earth for no staka winim gold lo Ophir.+

13 Dastawe bae mi mekem skae for seksek,

And earth bae seksek and muv from ples blo hem+

Bikos lo kros blo Jehovah, komanda blo olketa army, lo day blo kros blo hem wea olsem fire.

14 Olsem wanfala gazelle* wea olketa huntim, and olsem olketa sheepsheep wea no eniwan lukaftarem olketa,

Each wan bae go bak lo pipol blo hem.

15 Eniwan wea olketa faendem bae olketa spiarim,

And eniwan wea olketa kasholem bae olketa killim hem dae lo sword.+

16 Olketa bae katem olketa pikinini blo olketa lo pisis front lo eye blo olketa,+

Bae olketa stealim evriting lo haos blo olketa,

And bae reipim olketa waef blo olketa.

17 Mi bae mekem olketa blo Media for kam againstim olketa,+

Olketa wea ting lo silver hem samting nating

And gold tu olketa no interest lo hem.

Olketa bae no feel sorre lo olketa baby*

And no sorre lo olketa pikinini.

19 And Babylon, wea luk naes tumas winim olketa nara kingdom,+

Wea mekem olketa blo Chaldea luk naes and praod lo hem,+

Bae hem olsem Sodom and Gomorrah taem God distroem olketa.+

20 Bae no eniwan stap moa lo Babylon,

Bae hem ples wea no eniwan stap lo hem lo evri genereson wea bae kam.+

No eniwan lo Arab bae standapim tent blo hem lo there,

And no eni shepherd bae tekem olketa sheepsheep blo hem for rest lo there.

Olketa ostrich bird bae stap lo there,+

And olketa wild goat* bae raraon lo there.

22 Olketa wild animal bae singaot kam from olketa taoa blo hem,

And olketa jackal* bae stap lo palace blo hem wea luk naes.

 5 Jehovah brekem finis stik blo pipol wea wicked,

Datfala stik wea olketa ruler holem,+

 6 Datwan wea kros tumas and no stop for whipim nogud lo olketa pipol,+

Datwan wea kros tumas and no stop for persecutim olketa nation wea hem rul ovarem.+

 8 Nomata olketa juniper tree tu hapi witim iu,

And olketa cedar tree lo Lebanon.

Olketa sei, ‘Start lo taem wea iu foldaon,

No eni man wea kat timba kam againstim mifala.’

 9 Nomata Grev* andanit tu hem wekap

For meetim iu taem iu kam.

Bikos lo iu, hem wekapem olketa wea no garem paoa wea dae finis,

Evri raf leader* lo earth.

10 Evriwan lo olketa toktok and sei lo iu,

‘Hao, iu tu kamap wik olsem mifala?

11 Praod fasin blo iu hem go daon finis lo Grev,*

Hem saond blo olketa string instrument blo iu.+

Olketa maggot olsem bed for iu leidaon,

And olketa worm olsem blanket blo iu.’

12 O son blo daylaet wea iu shaen,

Iu foldaon kam finis from heven!

Iu wea winim finis olketa nation,

Olketa katem iu kam daon finis lo earth!+

Mi bae putim throne blo mi hae winim olketa star blo God,+

And mi bae sidaon antap lo maunten for meeting,

Lo olketa farawe ples lo north.+

15 Batawea, iu bae go daon lo Grev,*

Lo barava deep ples insaed lo hol.

Olketa bae lukluk gud lo iu and sei,

‘Diswan nao man wea mekem earth seksek,

Wea mekem olketa kingdom fraet,+

17 Wea mekem earth wea pipol stap lo hem kamap olsem wilderness

And wea distroem olketa taon blo hem,+

Wea no laek for letem olketa prisoner blo hem go bak lo hom blo olketa?’+

18 Evri nara king blo olketa nation,

Evriwan lo olketa, olketa berem witim respect,

Each wan lo tomb* blo hemseleva.

19 Bat iu no garem grev, olketa torowem body blo iu olobaot,

Olsem wanfala niu sut* wea olketa les lo hem,

Wea dead body blo olketa man wea olketa busarem lo sword nao kavarem,

Wea go daon lo olketa ston insaed hol,

Olsem dead body wea olketa wakabaot antap.

20 Iu bae no joinim olketa lo grev,

Bikos iu distroem land blo iuseleva,

Iu killim dae pipol blo iuseleva.

21 Redyim ples for busarem olketa son blo hem

Bikos lo sin wea olketa grandadi blo olketa duim,

Mekem olketa no kamap strong and tekovarem earth

And fulimap land hia witim olketa taon blo olketa.”

“Hem bae happen, olsem mi planim finis,

And olsem mi disaedem finis, datwan nao bae kamap tru.

25 Mi bae pisisim olketa blo Assyria lo land blo mi,

And mi bae stepim hem antap lo olketa maunten blo mi.+

Yoke* blo hem bae mi aotem from olketa,

And load blo hem wea stap lo shoulder blo olketa bae hem aot.”+

26 Diswan nao samting wea hem disaedem finis againstim evriwan lo earth,

And diswan nao hand wea hem stretem aot againstim* evri nation.

27 Bikos Jehovah, komanda blo olketa army, hem disaedem finis,

And hu nao fit for stopem?+

Hem stretem aot hand blo hem finis,

And hu nao fit for bendim kam bak?+

29 “Iufala lo Philistia, no eniwan lo iufala mas hapi,

Just bikos stik blo man wea killim iufala hem brek.

Bikos wanfala poison snek+ bae kamaot from rut blo snek,+

And pikinini blo hem bae wanfala snek wea baet fast wea garem poison olsem fire.*

30 Lo taem wea firstborn blo man wea no important hem enjoyim kaikai

And poor man hem leidaon lo sef ples,

Mi bae mekem rut blo iu hem dae lo bigfala hangere,

And eni samting blo iu wea stap, bae olketa killim dae.+

Bikos wanfala smoke bae kam from north,

And no eniwan lo olketa soldia blo hem bae kam seleva bihaen.”

Jehovah hem leim finis faondeson blo Zion,+

And pipol blo hem wea hambol savve go lo there for stap sef.

Bikos hem distroe insaed wanfala naet nomoa,

Ar+ lo Moab hem stap kwaet nao.

Bikos hem distroe insaed wanfala naet nomoa,

Kir+ lo Moab hem stap kwaet nao.

 2 Pipol go ap finis lo datfala Haos* and lo Dibon,+

Lo olketa hae ples* for krae.

Olketa green grass drae finis,

Olketa grass no stap nao and no eni green samting stap.

 9 Bikos olketa wata lo Dimon hem fulap lo blood,

And staka samting yet mi laek for duim lo Dimon.

Wanfala lion bae attakim olketa blo Moab wea ranawe

And olketa wea stap yet lo datfala land.+

16 Sendem wanfala man sheepsheep go lo ruler blo land hia,

From Sela go thru lo wilderness

Go kasem maunten blo dota blo Zion.

 2 Olketa dota blo Moab bae stap lo olketa ples for akrosim wata lo Arnon,+

Olsem bird wea olketa ranem aot from nest blo hem.+

Man wea treatim iufala nogud bae hem finis,

Nogud samting bae finis,

And olketa wea step antap olketa narawan bae finis from disfala earth.

 6 Mifala bin herem dat Moab hem praod fogud,+

Hem tinghae lo hemseleva and hem barava praod and hem savve kros tumas.+

 8 Bikos olketa saed hill lo Heshbon+ drae finis,

Olketa vine blo grape lo Sibmah,+

Olketa ruler blo olketa nation step antap olketa braet red branch blo hem.*

Olketa go kasem kam Jazer,+

And olketa go kasem nao wilderness.

O Heshbon and Elealeh, olketa tias blo mi bae hem barava ran for iutufala,+

Bikos bigfala singaot wea iufala duim for frut blo iufala lo summer season and taem blo harvest hem finis nao.*

10 No eniwan bae hapi and feel gud moa lo ples wea olketa frut tree grow lo hem,

And no eniwan bae singim olketa hapi singsing, or singaot insaed olketa grape planteison.+

Man for stepim olketa grape bae no stepim moa olketa grape lo ples for smasem grape for mekem wine,

Bikos mi stopem finis olketa hia wea singaot big.+

11 Dastawe lo full tingting blo mi, mi mek noes tumas abaotem Moab,+

Olsem harp wea olketa pleim,

And insaed lo mi, mi sorre tumas for Kir-hareseth.+

“Lukim! Damascus bae hem no olsem wanfala taon moa,

And hem bae kamap wanfala hip rabis nomoa.+

 2 Olketa taon lo Aroer+ bae stap emti,

Bae olketa kamap ples for olketa sheepsheep leidaon lo hem

And no eniwan bae mekem olketa fraet.

 3 Olketa strongfala taon lo Ephraim bae distroe,+

And kingdom wea stap lo Damascus bae finis.+

And olketa blo Syria wea stap yet

Bae olsem glory blo olketa lo Israel,”* hem nao wanem Jehovah, komanda blo olketa army, hem talem.

 4 “Lo datfala day, glory blo Jacob bae go daon,

And body blo hem wea healthy* bae kamap bon nating.

 5 Hem bae olsem taem man for harvest hipimap olketa grain lo planteison

And hand blo hem harvestim olketa bunch grain,

Olsem taem man kolektem olketa leftova grain lo Valley* blo Rephaim.+

 6 Olketa leftova nomoa bae stap,

Olsem taem olketa sekem olive tree:

Only tu or thrifala raep olive frut nomoa stap lo hae branch antap,

And fofala or faevfala frut nomoa stap lo olketa branch wea savve garem frut,”+ hem nao wanem Jehovah, God blo Israel hem talem.

 9 Lo datfala day, olketa strongfala taon blo hem bae olsem olketa vilij lo forest wea pipol lusim,+

Olsem wanfala branch wea olketa lusim bikos lo olketa Israelite.

Dastawe iu plantim olketa naesfala* planteison

And iu putim niu sut blo wanfala stranger lo hem.*

11 Lo daytaem iu wakem gud fence raonem planteison blo iu,

Lo morning iu mekem seed wea iu plantim hem grow,

Bat bae no eniting for harvestim lo day blo sik and pain wea no savve stop.+

12 Lisin! Wanfala big noes blo staka pipol,

Wea mek noes tumas olsem raf sea!

Bigfala noes nao kam from olketa nation,

Wea noes blo olketa hem olsem noes blo olketa bigfala wata!

Hem bae tok strong lo olketa, and olketa bae ranawe go farawe,

And raosem olketa, olsem skin blo wheat lo olketa maunten wea wind blowim olobaot,

Olsem rabis grass wea big wind rolim olobaot.

Hem nao samting wea bae kasem olketa wea spoelem iumi

And samting wea bae kasem olketa wea stealim evriting blo iumi.

18 Sorre tumas lo land wea fulap lo noes blo olketa wing blo olketa insect

Lo territory blo olketa river lo Ethiopia!+

 2 Hem sendem olketa messenger go followim sea,

Akrosim olketa wata lo olketa boat wea olketa wakem lo papyrus plant, and sei:

“Go, iufala olketa messenger wea savve go kwiktaem,

Lo pipol wea tol and body blo olketa smooth,*

Lo pipol wea olketa lo evri ples fraetem olketa,+

Lo nation wea strong, wea winim olketa narawan,*

Wea land blo olketa river tekem aot finis.”

 3 Iufala evriwan wea stap lo datfala land and iufala wea stap lo earth,

Wanem iufala lukim bae hem olsem wanfala saen* wea olketa standapim antap lo olketa maunten,

And iufala bae herem wanfala noes olsem horn wea olketa blowim.

“Mi bae stap kwaet nomoa and lukluk kam lo* ples blo mi,

Olsem heat witim laet from sun wea shaen kam daon,

Olsem cloud blo dew lo hot taem blo harvest.

 5 Bikos bifor hem taem blo harvest,

Taem flaoa blo grape open finis, and frut blo hem start for raep,

Olketa bae katemaot olketa niu sut witim huk naef for pruning

And olketa smol rope wea krol bae olketa katem and aotem.

 6 Olketa bae leavim for olketa big bird lo olketa maunten

And for olketa wild animal lo earth.

Lo taem blo summer season,* olketa big bird hia bae kam kaikaim olketa,

And lo taem blo harvest, evri wild animal lo earth bae kam kaikaim olketa.

 7 Lo datfala taem, Jehovah, komanda blo olketa army, bae kasem wanfala present,

From pipol wea tol and body blo olketa smooth,*

From pipol wea olketa lo evri ples fraetem olketa,

From nation wea strong, wea winim olketa narawan,*

Wea land blo olketa river tekem aot finis

Lo Maunt Zion, ples wea nem blo Jehovah, komanda blo olketa army stap lo hem.”+

Olketa iusles god lo Egypt bae seksek front lo hem,+

And heart blo olketa lo Egypt bae melt insaed lo olketa.

 2 “Mi bae mekem pipol lo Egypt for againstim nara pipol lo Egypt,

And bae olketa faetem each other,

Each wan againstim brata blo hem and neiba blo hem,

Taon againstim taon, kingdom againstim kingdom.

 3 And tingting blo olketa lo Egypt bae konfius,

And mi bae konfiusim olketa plan blo olketa.+

Olketa bae tane go lo olketa iusles god,

Lo olketa magic man, and olketa wea savve story lo olketa demon, and olketa wea savve talem wanem bae happen lo future.+

 4 Bae mi givim Egypt go lo wanfala raf boss,

And wanfala raf king bae rul ovarem olketa,”+ hem nao wanem tru Lord, Jehovah, komanda blo olketa army, hem talem.

 5 Wata lo sea bae hem drae,

And river bae kamap drae and stop for ran.+

 7 Olketa plant wea grow saed lo Nile River, lo mouth blo Nile River,

And evri land saed lo Nile River wea seed grow lo hem+ bae drae.+

 8 And olketa fisherman bae sorre,

Olketa wea savve go fishing lo Nile River bae krae,

And olketa wea savve go torowem fishing net lo wata bae no staka nao.

 9 Olketa wea waka blo olketa for stretem flax*+

And olketa wea weavim linen for wakem white kaleko bae olketa shame.

“Mi kam from laen blo olketa man wea wise,

Wanfala laen blo olketa king bifor”?

13 Olketa leader lo Zoan bin duim karangge samting

Olketa leader lo Noph,*+ pipol trikim olketa.

And olketa leadim Egypt go difren lo evri samting wea hem duim,

Olsem drunk man wea step lo toroaot blo hemseleva.

15 And Egypt bae no garem eni waka,

Nomata for datfala hed or datfala tail, for niu sut or tol grass.*

Hem kam olsem bigfala wind wea blow kam from south,

From wilderness, from wanfala land wea pipol fraetem.+

Man for trikim man hem gohed for trikim narawan,

And man for distroe hem distroem olketa samting.

Pain wea kasem mi hem hol strong lo mi,

Olsem pain wea kasem woman wea redi for bornem baby.

 7 And hem lukim wanfala war chariot wea tufala horse pullim,

Wanfala war chariot wea olketa donkey pullim,

Wanfala war chariot wea olketa camel pullim,

Hem lukluk gud, and barava lisin gud.

“O Jehovah, evriday nao mi standap lo taoa blo security,

And evri naet mi standap lo ples blo mi for security.+

10 Olketa pipol blo mi wea olketa step antap olsem grain wea olketa klinim,

Olketa grain lo ples blo mi for aotem grain from skin blo hem,+

Mi talem lo iufala wanem mi herem from God blo Israel, Jehovah, komanda blo olketa army.

Iufala olketa man lo Dedan,

Lo naet iufala bae sleep lo forest lo datfala flat desert.+

14 Iufala pipol wea stap lo land lo Tema,

Tekem kam wata for man wea laek drink tumas,+

And tekem kam bred for man wea ranawe.

15 Bikos olketa bin ranawe from sword, from sword wea redi for killim man,

From bow wea bend, and from olketa nogud samting wea happen lo taem blo faet.

 2 Evri samting olobaot lo taon blo iu,

Taon wea fulap lo noes, and taon wea praod.

Olketa wea dae olketa no killim dae lo sword,

And olketa no dae tu lo faet.+

Evriwan wea olketa faendem, olketa tekem olsem prisoner,+

Nomata olketa bin ranawe go farawe finis.

 4 Dastawe mi sei: “Tanem eye blo iufala from mi,

And bae mi krae fogud.+

No trae for comfortim mi

Bikos lo trabol wea kasem dota blo* pipol blo mi.+

 5 Bikos hem wanfala day for konfius, for lus lo faet and for panic,+

From datfala Sovereign Lord, Jehovah, komanda blo olketa army,

Lo datfala Valley blo Vision.

Olketa enemy distroem olketa wall+

And pipol krae go lo maunten for helpem olketa.

 6 Elam+ pikimap basket wea olketa arrow insaed

And kam lo olketa chariot and olketa horse,*

And Kir+ tekem aot* shield.

 7 Olketa best valley* blo iu

Bae fulap lo olketa war chariot,

And olketa horse* bae stap lo ples wea olketa markem for olketa lo gate,

 8 And datfala wall wea protectim Judah bae aot.

12 Lo datfala day, Sovereign Lord, Jehovah, komanda blo olketa army,

Bae talem olketa for mas krae and sorre,+

For rezam hed and werem kaleko for sorre.

13 Bat, olketa bae gohed nomoa for celebrate and hapi,

Olketa killim olketa buluka and busarem olketa sheepsheep,

Gohed kaikaim meat and drinkim wine.+

 3 Olketa tekem grain* blo Shihor*+ go akrosim staka wata,

Tyre kasem selen from olketa samting wea olketa harvestim lo Nile River,

Hem tekem kam profit blo olketa nara nation.+

 4 O Sidon, iu shame, iu wea iu strong taoa lo sea,

Bikos sea hem sei:

“Mi no bin feelim pain for bornem pikinini, and no enitaem mi bornem pikinini,

And no enitaem mi lukaftarem olketa young boy or lukaftarem olketa young gele.”*+

 5 Pipol bae sorre taem olketa herem nius abaotem Tyre,+

Olsem taem olketa herem nius abaotem Egypt.+

 8 Hu nao mekem disfala disison againstim Tyre,

Taon wea savve markem pipol for rul,

Wea olketa bisnisman blo hem olketa leader,

Wea evriwan lo earth mekhae lo olketa wakaman blo hem wea duim trading?+

 9 Jehovah, komanda blo olketa army nao mekem disfala disison,

For aotem evri naes samting wea mekem hem praod,

For mek shame lo olketa wea pipol evriwea lo earth mekhae lo olketa.+

12 And hem sei: “Iu bae no hapi moa,+

Iu wea narawan spoelem iu, virgin dota blo Sidon.

Olketa pipol hia nao, and no olketa blo Assyria,+

Olketa nao mekem hem kamap ples for olketa animal lo desert stap lo hem.

Olketa barava distroem olketa strong taoa blo hem,+

And distroem hem gogo ston nating nomoa stap.

14 Krae big, iufala olketa ship blo Tarshish,

Bikos sef ples blo iufala hem distroe finis.+

Pleim gud harp blo iu,

Singim staka song,

Mekem olketa bae rememberim iu.”

Olketa pipol and tu, olketa priest,

Wakaman and masta blo hem,

Haosgele and woman wea hem waka for hem,

Man wea baem samting, and man wea salem samting,

Man wea givim samting, and man wea tekem samting,

Man wea givim kaon, and man wea askem kaon.+

Bae olketa aotem evriting wea stap lo hem,+

Bikos Jehovah talem diswan finis.

 5 Pipol wea stap lo datfala land olketa spoelem finis land hia,+

Bikos olketa no followim olketa law,+

Olketa changem olketa rul,+

And brekem datfala covenant wea stap for olowe.*+

 6 Dastawe datfala trabol kasem land hia,+

And pipol wea stap lo hem nao guilty lo datwan.

Dastawe pipol wea stap lo datfala land isisi olketa no staka,

And tu-thri man nomoa stap.+

 7 Niu wine hem sorre,* vine blo grape hem drae,+

And evriwan wea heart blo olketa hapi olketa feel nogud nao.+

 8 Hapi saond from olketa tambourine hem finis

Noes blo pipol lo taem olketa hapi hem finis.

 9 Olketa no singsing nao taem olketa drink wine,

And alcohol hem teist saoa lo olketa wea drinkim.

Hapi blo olketa hem finis nao,

Hapi wea stap lo datfala land hem nomoa nao.+

Olsem taem olketa hamarem olive tree,+

Olsem taem olketa kolektem leftova grape lo taem wea harvest season hem finis.+

14 Olketa bae singaot big,

Olketa bae singaot witim hapi.

18 Eniwan wea ranawe from noes wea mekem man fraet, bae foldaon lo hol,

And eniwan wea kamaot from hol bae pas lo trap.+

Bikos olketa gate blo wata antap bae olketa open,

And olketa faondeson blo land bae seksek.

20 Datfala land hem olsem wanfala drunk man wea no savve wakabaot stret,

And hem lei go and kam olsem wanfala leaf haos wea wind blowim.

Olketa sin blo hem hevi tumas lo hem,+

And hem bae foldaon, mekem hem no savve standap bak moa.

21 Lo datfala day, Jehovah bae judgem army wea stap antap

And lo olketa king blo earth wea stap lo earth.

22 And olketa bae hipap tugeta

Olsem olketa prisoner wea hipap lo wanfala hol,

And olketa bae satem olketa insaed prison.

23 Full moon bae haedem feis blo hem,

And sun wea shaen bae shame,+

Bikos Jehovah, komanda blo olketa army, hem kamap King+ lo Maunt Zion,+ and lo Jerusalem,

Glory blo hem bae shaen front lo olketa elder blo pipol blo hem.*+

Mi mekhae lo iu, mi praisem nem blo iu,

Bikos iu duim staka nambawan samting,+

Olketa samting hia iu planim from bifor kam,+

Olketa samting wea iu faithful for duim,+ wea man fit for trustim olketa.

 2 Iu bin duim samting wea mekem wanfala taon for kamap hip blo ston,

Wanfala strong taon for barava distroe.

Taoa blo olketa foreigner hem no wanfala taon moa,

And olketa bae no buildim bak.

 4 Bikos iu kamap wanfala sef ples for man nating,

Wanfala sef ples for poor man wea kasem hard taem,+

Wanfala sef ples for haed lo hem from bigfala wind,

And wanfala shade for haed lo hem from hot sun.+

Taem wea olketa raf man olketa attak, hem olsem strong wind wea bangam wall,

 5 Olsem hot blo sun lo wanfala drae ples,

Iu stopem bigfala noes blo olketa stranger.

Olsem shadow blo cloud wea stopem hot blo sun,

Iu stopem nao singsing blo olketa raf man.

 6 Lo maunten hia,+ Jehovah, komanda blo olketa army, bae redyim for evri pipol

Wanfala feast blo olketa naesfala kaikai,+

Wanfala feast blo olketa gudfala wine,*

Olketa naesfala kaikai wea fulap lo olketa gris insaed olketa bon,

Gudfala wine wea olketa klinim gud.

 7 Lo maunten hia, hem bae aotem* kaleko wea kavarem evri pipol

And samting* wea olketa weavim for kavarem evri nation.

 8 Hem bae swallom daon* dae for olowe,+

And Sovereign Lord, Jehovah bae draem tias from eye blo evriwan.+

Hem bae aotem shame wea pipol blo hem kasem evriwea lo earth,

Bikos diswan nao wanem Jehovah talem.

Hem nao iumi hope lo hem,+

And hem bae sevem iumi.+

10 Bikos hand blo Jehovah bae stap antap lo disfala maunten,+

And bae stepim Moab lo ples blo hem+

Olsem drae grass wea animal step antap lo hip blo siti.

11 Hem bae putim hand blo hem go lo hem*

Olsem wanfala man for swim wea swingim hand blo hem taem hem swim lo sea,

Hem bae daonem praod fasin blo Moab+

From hem savve tumas for muvim hand blo hem.

12 And strongfala taon blo iu, witim olketa hae wall for security,

Hem bae brekem daon.

 2 Iufala openem olketa gate+ mekem nation hia wea raeteous savve kam insaed,

Wanfala nation wea gohed for duim stret samting.

Peace wea iu givim lo olketa bae no savve finis,+

Bikos olketa putim trust blo olketa lo iu.+

 4 Trustim Jehovah for olowe,+

Bikos Jah* Jehovah hem Rock wea stap for olowe.+

Hem daonem taon hia,

Hem daonem go daon lo graon,

Hem daonem go kasem dust.

 6 Leg nao bae stepim taon hia,

Leg blo man wea narawan treatim nogud, olketa footstep blo poor man.”

Bikos wei blo iu hem stret,

Iu bae mekem gogo blo man wea raeteous hem isi.

 8 O Jehovah, taem mifala followim road blo iu wea followim justice,

Hope blo mifala hem lo iu.

 9 Lo naet mi laekem iu tumas lo full heart blo mi,

Tru tumas, lo full heart blo mi, mi lukaotem iu.+

Bikos taem iu givim judgment for olketa lo earth,

Olketa pipol wea stap lo land hia lane abaotem samting wea raeteous.+

10 Nomata sapos iu sorre lo man wea wicked,

Hem bae no lane abaotem samting wea raeteous.+

Nomata hem stap lo land wea raeteous fasin stap, hem bae gohed duim nogud samting,+

And hem bae no luksavve lo bigfala paoa blo Jehovah.+

12 O Jehovah, iu bae givim peace lo mifala,+

Bikos evri samting wea mifala bin duim

Iu nao mekem evriting hia kamap tru for mifala.

13 O Jehovah, God blo mifala, olketa nara ruler tu stap wea rul ovarem mifala,+

Bat nem blo iu nomoa mifala mekhae lo hem.+

Bikos iu duim samting lo olketa and finisim olketa

For panisim olketa and distroem evri samting wea mekem pipol for tingim olketa lo hem.

15 O Jehovah, iu mekem nation hia for kamap big,

Iu mekem nation hia for kamap big.

17 Olsem wanfala babule woman wea redi for bornem baby

Wea feelim bigfala pain and singaot big,

Hem nao hao iu mekem mifala feel, O Jehovah.

18 Mifala babule, mifala bin feelim pain for bornem baby,

Bat hem olsem mifala bornem wind nomoa.

Mifala nating duim eni samting for sevem land hia,

And no eniwan born for stap lo land hia.

Wekap and singaot from iufala hapi,

Iufala pipol wea stap lo dust!+

Bikos dew wea kam from iu, hem olsem dew lo morning,*

And graon bae givim kam olketa wea dae wea no garem paoa for olketa laef bak.

20 Pipol blo mi, iufala go insaed olketa rum blo iufala,

And satem kam door bihaen iufala.+

Iufala haed insaed for lelebet taem

Go kasem taem kros blo God hem finis.+

21 Bikos, Jehovah hem kam from ples wea hem stap

For mekem pipol wea stap lo land hia, for givim ansa for rong wea olketa duim,

And wei wea land hia guilty lo blood bae showaot klia

And bae hem no savve haedem moa olketa wea dae lo hem.”

27 Lo datfala day, Jehovah bae tekem big, sharp, and strongfala sword blo hem,+

And tane go lo Leviathan,* datfala snek wea muv kwiktaem,

Lo Leviathan, datfala snek wea savve twistim body blo hem,

And hem bae killim dae bigfala animal hia wea stap lo sea.

Mi protectim hem lo naet and lo day,

Mekem no eniwan savve kam for spoelem hem.+

Letem hem kam mek peace witim mi,

And peace nao hem kam for mekem witim mi.”

 6 Lo olketa day wea kam Jacob bae grow and garem rut,

Israel bae garem flaoa and niu sut,+

And olketa bae fulimap land hia lo staka kaikai.+

 9 So from diswan, iu bae forgivim sin blo Jacob,+

And diswan nao wanem bae happen taem iu tekem aot sin blo hem:

Hem bae mekem evri ston lo altar

For olsem olketa white chalk wea pisis gogo asis nomoa stap,

And olketa post for worship* or olketa incense stand bae no stap.+

10 Bikos datfala strong taon bae hem stap emti,

Olketa ples wea animal kaikai lo hem bae olketa lusim and stap nating nomoa olsem wilderness.+

Young buluka bae kaikai and leidaon lo there

And bae finisim olketa branch blo hem.+

11 Taem olketa niu branch blo hem kamap drae,

Olketa woman bae kam and brekem aot olketa,

For mekem fire lo olketa.

Dastawe Man wea Wakem olketa bae no showim mercy lo olketa,

And Man wea formim olketa bae no kaen lo olketa.+

28 Sorre tumas lo naesfala* kraon* blo olketa drunk man lo Ephraim+

And lo flaoa wea mekem hem luk naes wea gogo for dae,

Wea stap antap lo hed blo valley wea garem gudfala graon, blo pipol wea wine kontrolem olketa!

Olsem bigfala hail ston wea foldaon, wanfala strong wind wea distroem evri samting,

Olsem bigfala thunder blo wata wea ran strong,

Hem bae torowem strong kraon hia go daon lo earth.

 3 Olketa naesfala* kraon blo olketa drunk man lo Ephraim

Bae hem stepim lo leg blo hem.+

 4 And flaoa wea mekem hem luk naes wea gogo for dae,

Wea stap antap lo hed blo valley wea garem gudfala graon,

Bae kamap olsem firstfala fig wea raep bifor summer season* hem start.

Wine mekem olketa konfius,

And alcohol blo olketa mekem olketa go difren.

From olketa no lukluk gud, datwan mekem olketa go difren,

And olketa mekem disison wea no stret.+

 8 Tebol blo olketa fulap lo toroaot wea nogud tumas

Toroaot hia stap evriwea.

 9 “Olketa tok olsem, ‘Hu nao bae hem teachim olketa,

And hu nao bae hem explainim message hia lo olketa?

Hao, mifala olketa pikinini wea just lusim susu,

Wea olketa just tekem aot susu from mifala?’”

10 Bikos hem sei “komand then nara komand, komand then nara komand,

Wanfala rul then nara rul, wanfala rul then nara rul,*+

Lelebet lo hia, lelebet lo there.”

“Komand then nara komand, komand then nara komand,

Wanfala rul then nara rul, wanfala rul then nara rul,*+

Lelebet lo hia, lelebet lo there,”

Mekem taem olketa wakabaot,

Olketa bae stambol and foldaon go bak

And olketa bae garekil and foldaon lo trap and pas insaed.+

14 So iufala wea savve tokplas, herem kam toktok blo Jehovah,

Iufala olketa ruler blo pipol hia wea stap lo Jerusalem,

15 Bikos iufala tok olsem:

“Mifala mekem covenant witim Dae,+

And witim Grev* mifala mekem agreement.

Taem flash flood hem ran strong kam,

Bae hem no kasem mifala,

Bikos mifala mekem laea toktok kamap sef ples blo mifala

And laea wea mifala talem hem haedem mifala.”+

“Mi putim olsem faondeson lo Zion wanfala ston wea kasem test,+

Wanfala spesol kona ston+ wea garem strong faondeson.+

17 And mi bae mekem justice hem olsem string for measurem samting+

And raeteous wei hem olsem tul for levelem samting.*+

Hail ston bae distroem sef ples wea hem laea wan nomoa,

And wata bae tekem aot ples blo olketa for haed.

18 Covenant wea iufala mekem witim Dae bae hem finis,

And agreement wea iufala mekem witim Grev* bae no helpem iufala.+

Taem flash flood hem ran strong kam,

Hem bae distroem iufala.

19 Evritaem wea hem ran strong kam,

Hem bae tekem iufala go.+

Bikos hem bae ran strong kam lo evri morning,

Lo daytaem and lo naet taem.

20 Bikos bed hem short tumas for man stretem leg lo hem,

And blanket hem smol tumas for man kava lo hem.

Hem bae standap kam olsem hem duim lo datfala valley* klosap lo Gibeon,+

Mekem hem duim waka blo hem, waka blo hem wea barava difren

And for hem gohed duim nao waka blo hem, waka blo hem wea no enitaem hem duim bifor.+

22 So iufala no mekfani,+

Nogud olketa rope wea olketa taengem lo iufala hem taet go moa,

Bikos mi herem finis from Sovereign Lord Jehovah, komanda blo olketa army,

Dat hem disaed finis for distroem full land hia.+

25 Taem hem levelem finis datfala graon,

Bae hem torowem seed blo olketa blak cumin and plantim cumin, iaman!

27 Pipol no savve smasem blak cumin witim flat timba for aotem wheat,+

And olketa no iusim wagon mekem wheel rola antap lo cumin.

Bat, olketa iusim stik for hamarem seed blo blak cumin,

And iusim long stik for hamarem cumin.

And taem olketa horse blo hem pullim wagon blo hem and rola antap,

Bae hem no barava smasem.+

29 Olketa samting hia tu kam from Jehovah, komanda blo olketa army,

Wea kaonsel* blo hem nambawan

And olketa samting hem duim hem barava gud.*+

Gohed for holem olketa festival blo iufala,+

Gohed for holem evri year.

 2 Bat bae mi mekem trabol for kasem Ariel,+

And hem bae sorre tumas and krae big,+

And bae mi luk lo taon hia olsem hem ples wea fire blo altar blo God hem stap.+

 3 Bae mi putim camp raonem iu lo evri saed for againstim iu,

And bae mi putim ap olketa timba post raonem iu

And hipimap olketa samting raonem iu for againstim iu.+

Iu bae story kam from graon,

And wanem iu talem, dust bae mekem hem no klia.

Voice blo iu bae kam from graon+

Olsem voice blo man wea story witim demon,

And toktok blo iu bae here smol kam from dust.

 5 Grup blo olketa enemy* blo iu bae olsem paoda,+

Grup blo olketa raf man bae olsem skin blo wheat wea wind blowim go.+

 6 Jehovah, komanda blo olketa army, bae tane kam lo iu

Witim thunder and earthquake and bigfala noes,

Witim strong wind and cyclone and laet from fire wea savve bonem samting.”+

 7 Then datfala grup blo evri nation olketa kam for faet againstim Ariel+

Evriwan wea kam for faet againstim hem,

Olketa taoa wea raonem hem for againstim hem,

And olketa wea mekem trabol for kasem hem,

Bae olsem wanfala dream, wanfala vision lo naet.

 8 Tru tumas, hem bae olsem taem samwan wea hangere hem dream dat hem kaikai,

Bat taem hem wekap hem hangere yet,

And hem olsem taem samwan wea thirsty hem dream dat hem drinkim wata,

Bat taem hem wekap hem taed and thirsty yet,

So diswan nao wanem bae happen lo grup blo evri nation

Wea faet againstim Maunt Zion.+

 9 Iufala seksek and sapraes,+

Satem eye blo iufala seleva mekem iufala no lukluk.+

Olketa drunk, bat no from wine,

Olketa no wakabaot stret, bat no from alcohol.

Hem satem eye blo iufala, olketa profet,+

And hem kavarem hed blo iufala, olketa man for lukim vision.+

13 Jehovah sei: “Pipol hia kam lo mi witim toktok lo mouth blo olketa nomoa

And olketa honorim mi lo lips blo olketa nomoa,+

Bat heart blo olketa farawe from mi.

14 So, mi nao Man wea bae duim moa olketa nambawan samting for pipol hia,+

Olketa samting wea barava spesol.

And wisdom blo olketa wise man blo olketa bae finis,

And wei for minim samting wea olketa wise man blo olketa garem, bae nomoa nao.”+

Olketa duim olketa samting lo ples wea dark,

And olketa sei: “Hu nao bae lukim iumi?

17 Insaed short taem nomoa, Lebanon bae kamap ples wea olketa frut tree grow lo hem,+

And ples wea olketa frut tree hia grow lo hem bae kamap olsem wanfala forest.+

18 Lo datfala day, olketa wea earpas bae herem olketa toktok insaed lo buk hia,

And eye wea blind bae luk kam from shadow and from darkness.+

19 Olketa wea hambol bae barava hapi lo Jehovah,

And olketa poor man bae hapi lo datfala Holy Wan blo Israel.+

20 Bikos datfala man wea raf bae nomoa nao,

Man wea tokplas bae gogo hem finis,

And evriwan wea weit nomoa for mek trabol bae finis for olowe,+

21 Olketa wea talem samting wea no tru for mekem narawan guilty,

Wea putim olketa trap for man wea defendim case lo gate blo taon,+

And wea talem laea samting for accusim man wea raeteous for hem no kasem justice.+

“Jacob bae no shame moa,

And feis blo hem bae no luk sorre moa.*+

23 Bikos taem hem lukim olketa pikinini blo hem,

Olketa wea mi wakem lo hand blo mi, wea stap midolwan lo hem,+

Olketa bae mekhae lo nem blo mi.

Yes, olketa bae mekhae lo Holy Wan blo Jacob,

And olketa bae showimaot respect lo God blo Israel.+

24 Olketa wea tingting blo olketa go difren, olketa bae minim samting,

And olketa wea komplen bae acceptim discipline.”

30 Jehovah hem sei: “Sorre tumas lo olketa son wea bighed,+

Olketa wea followim olketa plan wea hem no blo mi,+

Wea mekem agreement witim olketa nara nation,* bat no followim tingting blo mi,

Wea datwan mekem olketa gohed nomoa for duim sin.

 2 Olketa go daon lo Egypt+ and olketa nating faendemaot tingting blo mi,+

Olketa go for kasem protection blo Pharaoh*

And for stap sef lo shadow blo Egypt!

 3 Bat protection wea iufala kasem from Pharaoh bae kamap samting for iufala shame lo hem,

And shadow blo Egypt wea iufala go for stap sef lo hem, bae mekem iufala barava shame.+

 4 Olketa prince blo hem olketa lo Zoan nao,+

And olketa messenger blo hem, olketa kasem finis Hanes.

 5 Olketa evriwan bae kasem shame

From pipol wea no givim eni gud samting lo olketa,

Wea no savve helpem or duim eni gud samting for olketa,

Bat bae mek shame lo olketa and mekem olketa feel nogud nomoa.”+

Lo land wea kasem trabol and hard taem,

From lion, lion wea singaot big,

From poison snek and snek wea baet fast wea garem poison olsem fire,*

Olketa karem olketa riches blo olketa lo baksaed blo olketa donkey

And olketa present blo olketa lo baksaed blo olketa camel.

 8 “So iu go front lo olketa, and raetem daon toktok hia lo wanfala tablet,

And insaed lo wanfala buk,+

Mekem hem stap for olketa wea kam bihaen

Olsem wanfala witness for olowe.+

 9 Bikos olketa bighed pipol,+ olketa son wea savve trikim pipol,+

Olketa son wea no willing for followim law* blo Jehovah.+

10 Olketa sei lo olketa seer,* ‘Iufala no lukluk,’

And lo olketa man for lukim vision, ‘No talem mifala olketa vision wea tru.+

“Bikos iufala rejectim toktok blo mi+

And trustim wei wea pipol laea and trikim narawan

And iufala depend lo olketa samting hia,+

13 So sin wea iufala duim bae hem olsem wanfala wall wea brek,

Olsem wanfala hae wall wea krak, wea redi for foldaon.

14 Hem bae brek olsem bigfala jar blo man for wakem samting lo clay,

Hem bae pisis gogo no eni part blo hem bae stap

For brumim olketa chakol wea laet lo ples blo fire

Or for kasem wata from wanfala smol pool.”*

Iufala bae ranawe lo samting wea faevfala man nomoa duim

Go kasem taem olketa wea stap bihaen, olketa olsem wanfala post antap lo wanfala maunten,

Olsem wanfala saen post antap lo wanfala hill.+

18 Bat Jehovah hem patient for weit for showim kaen fasin lo iufala,+

And hem bae getap for showim mercy lo iufala.+

27 Lukim! Nem blo Jehovah hem kam from farawe ples,

Hem kam witim bigfala kros and witim olketa thik cloud.

Mouth blo hem fulap lo kros,

And tongue blo hem olsem fire wea savve bonem samting.+

28 Brith blo hem olsem wanfala stream wea flood gogo hem kasem nek,

For sekem olketa nation olsem hem putim olketa lo wanfala strainer for distroem olketa.

29 Bat singsing blo iufala bae olsem song wea pipol singim lo naet

Taem iufala redi* for wanfala festival,+

And heart blo iufala bae hapi olsem man

Wea wakabaot and blowim* flute

Wea followim road for go lo maunten blo Jehovah, wea hem datfala Rock blo Israel.+

30 Jehovah bae mekem pipol for herem strongfala voice blo hem+

And for olketa lukim hand blo hem+ wea kam daon for showim kros blo hem olsem fire wea hot,+

Witim laet blo fire wea savve bonem samting,+

Wanfala big hevi rain+ and bigfala thunder and olketa hail ston.+

32 And evritaem Jehovah swingim stik blo hem for givim panis

Wea hem bae iusim lo olketa blo Assyria

Saond blo olketa tambourine and olketa harp bae go witim+

Taem hem redyim hand blo hem for faet againstim olketa.+

Hem hipimap olketa firewood deep go daon and big,

Witim staka firewood and fire.

Brith blo Jehovah, wea olsem sulfur wea ran kam,

Bae laetem datwan.

31 Sorre tumas lo olketa wea go daon lo Egypt for kasem help,+

Olketa wea depend lo olketa horse,+

Olketa wea trustim olketa war chariot bikos olketa staka tumas,

And lo olketa horse for faet* bikos olketa strong tumas.

Bat olketa no luk lo datfala Holy Wan blo Israel,

And olketa no lukaotem Jehovah.

 2 Bat hem tu wise and hem bae mekem trabol,

And hem bae no tekem bak toktok blo hem.

Hem bae kamap againstim haos blo pipol wea duim nogud samting

And againstim olketa wea helpem pipol wea duim nogud samting.+

Taem Jehovah stretem go hand blo hem,

Eniwan wea laek helpem narawan bae stambol

And eniwan wea kasem help bae foldaon.

“Lo sem wei olsem lion, wanfala strong young lion wea singaot ovarem animal wea hem redi for kaikaim,

Taem wanfala grup blo shepherd hipap for againstim hem,

Voice blo olketa no mekem hem fraet

Or hem no wari lo noes olketa mekem,

So Jehovah, komanda blo olketa army tu bae kam daon for faet

Ovarem Maunt Zion and ovarem hill blo hem.

Hem bae ranawe bikos lo datfala sword,

And olketa young man blo hem bae waka olsem slave.

 9 Cave blo hem bae finis bikos hem barava fraet,

And olketa leader blo hem bae barava fraet bikos lo datfala saen post,” hem nao wanem Jehovah talem,

Wea laet* blo hem lo Zion and wea bigfala hot oven blo hem lo Jerusalem.

32 Lukim! Wanfala king+ bae rul followim raeteous fasin,+

And olketa prince bae rul followim justice.

 2 And each wan bae hem olsem wanfala ples for haed* from wind,

Wanfala ples for haed* from bigfala rain,

Olsem olketa stream blo wata lo land wea no garem wata,+

Olsem shadow blo bigfala ston lo land wea drae fogud.

 3 Then eye blo olketa wea savve lukluk, bae hem no sat moa,

And ear blo olketa wea savve herehere, bae lisin gud.

 4 Heart blo olketa wea hariap for duim samting, bae ting raonem gud olketa samting,

And tongue wea no savve toktok gud, bae story gud and klia.+

 5 Man wea no garem gudfala tingting, bae pipol no kolem hem moa lo man wea hapi for givim samting,

And man wea no followim gudfala wei, bae pipol no kolem hem moa lo important man.

 6 Bikos man wea no garem gudfala tingting, bae talem samting wea no here stret,

And heart blo hem bae planim olketa nogud samting,+

For sapotim apostate tingting* and for talem nogud samting againstim Jehovah,

For mekem man wea hangere for no kasem kaikai

And for mekem man wea thirsty for no kasem samting for drinkim.

 7 Olketa plan blo man wea no followim gudfala fasin hem nogud,+

Hem mekhae lo olketa fasin for shame lo hem

Hem talem olketa laea samting for spoelem man wea pipol treatim nogud,+

Nomata taem man wea poor talem stret samting.

 8 Bat man wea hapi for givim samting, hem from heart blo hem nao laek for duim datwan,

And gudfala wei blo hem for givim samting, bae hem gohed for duim.

10 Bihaen wanfala year, iufala wea no warim eni samting, bae iufala wari,

Bikos iufala bae nating hipimap eni frut, taem season for harvestim grape hem finis.+

Aotem kaleko blo iufala,

And taengem kaleko for sorre raonem hips blo iufala.+

12 Iufala krae, and whipim chest blo iufala

For olketa gudfala grape planteison and vine blo grape wea garem staka frut.

13 Olketa nila grass and olketa plant wea garem nila bae kavarem graon blo pipol blo mi,

Olketa bae kavarem evri haos wea lo bifor pipol hapi insaed,

Tru tumas, taon wea olketa mekhae lo hem.+

Ophel+ and datfala taoa blo security bae kamap samting wea stap emti for olowe nao,

And olketa wild donkey hapi for stap lo hem,

And ples for olketa sheepsheep kaikai lo hem,+

15 Go kasem taem God pourim kam daon spirit lo iumi,+

And wilderness hem kamap ples wea olketa frut tree grow lo hem,

And ples wea olketa frut tree hia grow hem kamap olsem wanfala forest.+

16 Then justice bae stap lo wilderness,

And raeteous fasin bae stap lo ples wea olketa frut tree grow lo hem.+

17 Samting wea kamaot from trufala raeteous fasin, hem peace,+

And frut blo trufala raeteous fasin, hem wei for stap sef and for stap lo peace for olowe.+

18 Pipol blo mi bae stap lo ples wea peace hem stap,

Lo olketa sef ples, and olketa ples for rest wea kwaet.+

19 Bat hail ston bae distroem forest,

And taon hia bae barava flat lo graon.

20 Iufala hapi, iufala wea plantim seed saed lo olketa wata,

And wea letem olketa bull and donkey go free.”+

33 Sorre tumas lo iu, iu man for spoelem samting, bat no eniwan bin spoelem iu,+

Iu man for givim fren go lo enemy, bat no eniwan bin givim iu lo enemy!

Iu nao strong* blo mifala+ lo evri morning,

Tru tumas, iu savve sevem mifala lo taem blo trabol.+

 5 Pipol bae mekhae lo Jehovah,

From hem stap lo ples wea hem hae.

Hem sevem iufala staka taem,+ givim wisdom, knowledge, and wei for fraet lo Jehovah+

Diswan nao samting hem tinghae lo hem.

Sharon hem kamap olsem wanfala desert,

And Bashan and Carmel sekem olketa leaf blo olketa.+

10 Jehovah hem sei: “Distaem bae mi getap,

And bae mi showim paoa blo mi,+

And bae mi mekhae lo miseleva.

15 Hem man wea gohed for followim raeteous fasin,+

Wea talem samting wea stret,+

Wea rejectim wei for no honest, wei for trikim narawan,

Wea hand blo hem no acceptim bribe, and no kwiktaem tekem datwan,+

Wea satem ear blo hem for no herem plan for killim man dae,

And wea satem eye blo hem for no lukim nogud samting

16 Hem bae stap lo olketa ples antap.

Sef ples* blo hem for haed bae hem lo olketa rock wea strong fogud,

Bae hem kasem bred blo hem,

And wata wea hem kasem bae no savve finis.”+

19 Iu bae no lukim moa pipol wea no garem respect,

Pipol wea languis blo olketa hem barava no isi* for minim,

Wea tongue blo olketa no savve toktok gud, wea iu hard for minim.+

Eye blo iu bae lukim Jerusalem olsem kwaet ples for stap lo hem,

Wanfala tent wea bae no savve muv.+

No enitaem bae olketa pullimaot olketa tent pin blo hem,

And no eni rope blo hem bae olketa brekem lo haf.

21 Bat lo there Jehovah wea hem datfala Maeti Wan,

Bae hem protectim iumi olsem area wea olketa river and olketa waed canal protectim,

Wea olketa ship for faet bae no go kasem

And olketa bigfala ship bae no go followim.

22 Bikos Jehovah hem Judge blo iumi,+

Jehovah hem Man wea Givim Law for iumi,+

Jehovah hem King blo iumi.+

23 Olketa rope blo iu bae slak nomoa,

Olketa no savve holem strong lo mast or for openem sail.

Lo datfala taem, staka gud samting wea olketa tekem lo faet bae olketa divaedem,

Nomata man wea kripol tu bae tekem staka samting.+

34 Iufala olketa nation, kam klosap mekem iufala herem,

And iufala olketa pipol, lisin gud.

Hem gud for earth and evri samting wea stap lo hem for lisin,

Land and evri samting wea stap lo hem.

 2 Bikos kros blo Jehovah hem kam againstim evri nation,+

And hem kros lo evri army blo olketa.+

 3 Olketa dead body blo olketa, bae leidaon olobaot,

And rabis smel blo olketa dead body hia bae go ap,+

Olketa maunten bae melt bikos lo* blood blo olketa.+

 4 Evri army lo heven bae rotten gogo olketa finis,

And olketa bae rolim skae olsem wanfala scroll.

Evri army blo olketa bae gogo for drae,

Olsem wanfala drae leaf wea foldaon from vine blo grape

And wanfala drae fig wea foldaon from fig tree.

Hem bae kam daon lo Edom for givim judgment,+

Lo pipol wea mi disaed finis for distroem olketa.

Wea gris nao bae kavarem,+

Witim blood blo olketa young man sheepsheep and olketa goat,

Witim gris blo kidney blo olketa man sheepsheep.

Bikos Jehovah mekem wanfala sakrifaes lo Bozrah,

And staka pipol nao dae lo land lo Edom.+

 7 Olketa wild bull bae go daon witim olketa,

Olketa young bull witim olketa wea barava strong.

Land blo olketa bae full lo blood,

And dust blo olketa bae fulap lo gris.”

 8 Jehovah markem finis wanfala day for pei bak,+

Wanfala year for givim panis, for mekem kot case lo pipol wea againstim Zion.+

 9 Olketa stream blo Bozrah* bae change for kamap tar,

And dust blo hem kamap sulfur,

And land blo hem bae kamap olsem tar wea barava hot.

From wanfala genereson go kasem nara genereson hem bae stap emti nomoa,

For olowe nao no eniwan bae go pas thru lo hem.+

11 Olketa pelican and olketa porcupine* bae onam hem,

And olketa owl wea garem long ear, and olketa raven bird bae stap lo hem.

God bae iusim string for measurem samting and plumb laen* for measurem land hia for showim

Dat hem bae kamap emti and iusles nomoa.

12 No eniwan lo olketa bigman blo hem bae kamap king,

And evri prince blo hem bae finis nomoa.

13 Olketa nila grass bae grow lo olketa strong taoa blo hem,

And olketa nettle plant and olketa rabis grass wea garem nila bae grow lo olketa strongfala ples blo hem for haed.

Hem bae kamap hol for olketa jackal,*+

And ples for olketa ostrich bird stap lo hem.

14 Olketa animal lo desert bae kam stap witim olketa animal wea savve singaot,

And wild goat* bae singaot go lo fren blo hem.

15 Arrow snek bae mekem nest blo hem and leim olketa egg lo datfala ples,

And olketa egg bae hatch lo there and hem bae hipimap olketa kam lo shadow blo hem.

Evriwan lo olketa bae garem wanfala partner,

Hem bikos order hia hem kam from mouth blo Jehovah,

And spirit blo hem nao hipimap olketa kam tugeta.

17 Hem nao datfala Man wea disaedem share wea olketa bae kasem,

And hand blo hem nao markem ples for olketa.*

35 Wilderness and land wea drae bae hapi,+

And flat desert bae hapi fogud and fulap lo olketa saffron* flaoa.+

Olketa bae givim glory blo Lebanon lo hem,+

And olketa naes samting lo Carmel+ and lo Sharon.+

 3 Strongim olketa hand wea wik,

And strongim olketa knee wea seksek.+

Lukim! God blo iufala nao bae kam for pei bak,

God bae kam for givim panis.+

 5 Lo datfala taem, eye blo olketa wea blind bae open,+

And ear blo olketa wea earpas bae herem samting.+

 6 Lo datfala taem, man wea kripol bae jamp olsem deer,+

And tongue blo man wea no savve toktok bae singaot from hem hapi.+

Olketa wata bae bosta kamaot lo wilderness,

And olketa stream bae ran lo flat desert.

 7 Graon wea hot and drae, bae kamap pool wata wea olketa grass grow lo hem,

And olketa springwata bae kamaot from graon wea drae fogud.+

Lo olketa hol wea olketa jackal* savve rest lo hem,+

Olketa green grass and olketa tol grass and papyrus plant bae grow lo hem.

 8 And wanfala main road bae lo there,+

Tru tumas, wanfala road wea olketa kolem lo Road wea Holy.

Hem stap for man wea followim nomoa datfala road,

No eniwan wea bighed* bae wakabaot go olobaot lo hem.

 9 No eni lion bae stap lo there,

And no eni wild animal bae kam followim.

Iu tingse hu nao iu singaot big lo hem+

And iu lukdaonem?

24 Iu sendem olketa servant blo iu for tok spoelem Jehovah+ and sei,

‘Witim staka war chariot blo mi

Mi bae klae go ap antap lo olketa maunten,+

Lo olketa farawe ples lo Lebanon.

Olketa bae kamap olsem olketa plant lo graon and olketa green grass,

Olsem olketa grass antap lo ruf wea east wind hem blowim gogo hem drae.

28 Bat mi savve gud lo taem iu sidaon, taem iu go aot, taem iu kam insaed,+

And lo taem wea iu barava kros lo mi,+

29 Bikos lo kros blo iu againstim mi+ and bigfala singaot blo iu hem kasem ear blo mi.+

Bae mi putim huk blo mi lo nose blo iu and rope*+ between lips blo iu,

And bae mi leadim iu go bak lo road wea iu kam followim.”

“Hem bae no kam insaed disfala taon+

Or sutim wanfala arrow lo there

Or kam witim shield blo hem againstim disfala taon

Or hipimap graon raonem wall for attakim.”’+

35 ‘Mi bae protectim disfala taon+ and sevem bikos lo nem blo mi+

And bikos lo servant blo mi David.’”+

10 Mi sei: “Nomata mi no olo yet

Mi mas go insaed olketa gate blo Grev.*

Mi bae no lukim moa olketa man

Taem mi stap witim pipol lo ples wea evriting hem stop nao.

12 Haos blo mi olketa pullim aot and aotem from mi+

Olsem tent blo wanfala shepherd.

‘O Jehovah, mi sorre tumas,

Iu kam for sapotim mi!’+

Mi bae hambol for wakabaot lo full laef blo mi

Bikos lo barava hard taem wea mi kasem.

16 ‘O Jehovah, bikos lo olketa samting hia* evri man stap laef,

And from olketa samting hia, hem nao mi laef.

Bat bikos iu tingim mi tumas,

Iu lukaftarem mi for no go lo hol mekem mi no finis.+

18 Bikos Grev* no savve givim glory lo iu,+

Dae no savve praisem iu.+

19 Man wea laef, yes, man wea laef savve praisem iu,

Olsem mi duim tuday ia.

20 O Jehovah, iu sevem mi,

And mifala bae pleim olketa string instrument for singim olketa song blo mi+

Lo evriday lo laef blo mifala lo haos blo Jehovah.’”+

 2 Story lo wei wea bae kasem heart blo* Jerusalem,

And talemaot lo hem, waka wea hem mas duim hem finis nao,

Wei wea hem guilty hem peim aot finis.+

 4 Iufala fulimap evri valley for hem hae,

And daonem evri maunten and hill.

And levelem graon wea hem raf,

And graon wea no level for hem kamap wanfala flat ples.+

 5 Glory blo Jehovah bae showaot klia,+

And evri pipol bae lukim,+

Bikos disfala toktok kamaot from mouth blo Jehovah.”

 7 Olketa green grass savve drae,

Olketa flaoa savve dae,+

Bikos brith* blo Jehovah blow go lo olketa.+

 8 Olketa green grass savve drae,

Olketa flaoa savve dae,

Bat toktok blo God blo iumi hem stap for olowe.”+

 9 Go antap lo hae maunten,

Iu woman wea tekem kam gud nius for Zion.+

Singaot big witim strong voice,

Iu woman wea tekem kam gud nius for Jerusalem.

10 Lukim! Sovereign Lord Jehovah bae kam witim paoa,

And arm* blo hem bae rul for hem.+

Lukim! Reward blo hem stap witim hem,

And pei wea hem givim stap front lo hem.+

Witim arm blo hem, bae hem hipimap kam olketa young sheepsheep,

And bae hem karem olketa klosap lo chest blo hem.

12 Hu nao savve measurem evri wata lo hand blo hem+

And measurem skae lo span lo hand* blo hem?

Hu nao savve fulimap dust from earth insaed wanfala container for weighim samting+

Or weighim olketa maunten

And olketa hill lo olketa scale?

13 Hu nao measurem* finis spirit blo Jehovah,

And hu nao savve olsem advaesa blo hem for givim instruction lo hem?+

14 Hu nao hem savve askem for helpem hem minim olketa samting,

Or hu nao teachim hem for followim road blo justice,

Or teachim hem for savve lo samting,

Or showim hem hao for savve lo tru samting?+

15 Lukim! Olketa nation olketa olsem drop blo wata from wanfala baket,

And olketa olsem dust nomoa antap lo olketa scale.+

16 Nomata olketa tree lo Lebanon tu hem no inaf for mekem fire gohed laet,*

And olketa wild animal blo hem no inaf for mekem burnt offering.*

19 Man wea savve wakem samting, hem meltim metal for wakem idol,*

Man wea savve wakem samting lo metal, hem coatim datwan witim gold,+

And hem wakem olketa chain from silver for decoratem.

20 Hem chusim wanfala tree olsem contribution blo hem,+

Wanfala tree wea bae no rotten.

Hem lukaotem wanfala man wea garem skill for wakem samting

For karvem wanfala image wea bae no savve foldaon.+

22 God nao hem stap antap lo disfala earth wea raon,+

And pipol wea stap lo hem olketa olsem olketa grashopa.

Hem openem big skae olsem wanfala thin kaleko,

And hem spredim olketa olsem wanfala tent for stap lo hem.+

23 Hem daonem olketa wea rul for kamap samting nating

And mekem olketa judge* lo earth for kamap iusles nomoa.

24 Olketa just plantim olketa nomoa,

Olketa just torowem seed blo olketa lo graon nomoa,

Stik blo olketa just garem rut nomoa lo graon,

And wind blowim olketa and olketa kamap drae nao,

And wind tekem olketa go nao olsem drae grass.+

Bikos paoa blo hem strong tumas and paoa blo hem nambawan,+

Evriwan stap lo ples blo olketa.

27 O Jacob, why nao iu tok olsem, and iu, O Israel, why nao iu talem disfala toktok,

‘Jehovah no lukim samting wea happen lo laef blo mi,

And mi no kasem justice from God’?+

29 Hem savve givim strong lo man wea taed

And hem barava strongim olketa wea wik.*+

30 Olketa boy bae taed and kamap wik,

And olketa young man bae stambol and foldaon,

31 Bat olketa wea garem hope lo Jehovah bae kasem bak strong.

 2 Hu nao putim ap samwan from ples wea sun kamap,*+

Wea kolem hem kam lo leg blo Hem* for duim raeteous samting,

For givim olketa nation lo hem

And mekem hem for winim olketa king?+

Hu nao daonem olketa for kamap dust front lo sword blo hem,

Olsem drae grass wea wind blowim front lo bow blo hem?

 3 Hem aftarem olketa, hem go pas and no eni samting stopem hem

Followim olketa road wea leg blo hem no followim bifor.

 4 Hu nao duim waka hia and hem duim diswan,

For hipimap olketa genereson start lo bifor kam yet?

 6 Each wan helpem fren blo hem

And sei lo brata blo hem: “Iu mas strong.”

Man wea flatim metal witim maul hammer

Strongim man wea hamarem metal lo ples for sheipim metal for kamap statue.

 8 “Bat iu Israel, iu servant blo mi,+

Iu Jacob, wea mi bin chusim,+

Iu pikinini* blo fren blo mi Abraham,+

 9 Iu, wea mi tekem iu kam from olketa farawe ples lo earth,+

And iu nao mi kolem iu kam from olketa ples wea stap farawe.

Bae mi strongim iu, ia, mi bae helpem iu,+

Mi bae barava hol strong lo iu witim raet hand blo mi wea duim raeteous samting.’

13 Bikos mi, Jehovah, God blo iu, mi hol strong lo raet hand blo iu,

Mi nao Man wea sei lo iu, ‘Iu no fraet. Bae mi helpem iu.’+

14 Iu no fraet, iu olsem worm* Jacob,+

Iufala man lo Israel, bae mi helpem iufala,” hem nao samting wea Jehovah, Man wea Baem Iufala Bak,*+ datfala Holy Wan blo Israel, hem talem.

15 “Lukim! Mi mekem iu for kamap wanfala flat timba for aotem wheat,+

Wanfala niu tul wea sharp lo tu-saed, for aotem wheat from skin blo hem.

Iu bae stepim go daon olketa maunten and distroem olketa

And mekem olketa hill for kamap olsem skin blo wheat.

16 Iu bae separatem olketa,

And wind bae tekem olketa go,

Strong wind bae blowim olketa olobaot.

Iu bae barava hapi lo Jehovah,+

And iu bae tok praod abaotem Holy Wan blo Israel.”+

18 Mi bae mekem olketa river for ran lo olketa hill wea no eniting grow lo hem+

And olketa springwata lo olketa flat ples.+

Mi bae mekem wilderness kamap pool wata wea olketa grass grow lo hem

And land wea no garem wata bae garem olketa springwata.+

19 Lo desert, bae mi plantim cedar tree,

And acacia tree and myrtle tree and pine tree.+

Lo flat desert, bae mi plantim juniper tree,

Witim tu ash tree and cypress tree,+

20 Mekem evri pipol savve lukim and savve abaotem

And ting raonem and minim

Hao hand blo Jehovah nao duim diswan,

And datfala Holy Wan blo Israel nao mekem diswan for kamap.”+

Talem lo mifala olketa samting wea happen bifor,*

Mekem mifala savve ting raonem gud and savve lo olketa samting wea bae kamaot.

23 Talem lo mifala olketa samting wea bae happen lo future,

Mekem mifala savve dat iufala olketa god.+

Ia, duim eni samting, wea hem gud or hem nogud,

Mekem mifala maet sapraes lo hem taem mifala lukim.+

24 Lukim! Iufala samting nating nomoa,

And iufala nating duim eni samting.+

25 Mi putim ap samwan from north and hem bae kam,+

Samwan from ples wea sun kamap*+ wea bae singaot lo nem blo mi.

Hem bae stepim olketa wea rul* olsem olketa hia clay nomoa,+

Olsem man for wakem samting lo clay hem stepim soft clay.

26 Hu nao story abaotem diswan bifor kam yet, for mifala savve,

Or lo taem bifor, mekem mifala savve sei, ‘Wanem hem talem hem stret’?+

Mi putim spirit blo mi lo hem,+

Hem bae showimaot justice lo olketa nation.+

 2 Hem bae no singaot big or tok big,

And hem bae no mekem voice blo hem for pipol herem followim road.+

 3 Hem bae no brekem tol grass wea bend finis,

And hem bae no killim dae laet from wick wea klosap for dae.+

 5 Diswan nao wanem datfala tru God, Jehovah,

Datfala Creator blo skae and Nambawan Man wea spredim skae and openem,+

Man wea wakem earth and evriting wea grow lo hem,+

Man wea givim brith lo pipol wea stap lo earth+

And wea givim laef lo olketa wea wakabaot lo earth,+ hem talem:

Mi bae lukaftarem iu and givim iu olsem wanfala agreement for olketa pipol+

And olsem laet for olketa nation,+

 7 For iu openem eye blo olketa wea blind,+

For aotem from prison olketa prisoner

And for aotem from prison olketa wea sidaon lo darkness.+

Mi no givim glory blo mi lo eniwan,*

Or praise wea mi shud kasem for go lo olketa idol.+

10 Singim wanfala niu song lo Jehovah,+

And iufala wea stap evriwea lo earth, iufala praisem hem,+

Iufala wea gogo lo sea and evri samting wea stap lo hem,

Iufala olketa island and pipol wea stap lo hem.+

11 Wilderness and olketa taon wea stap lo hem mas singaot big,+

Olketa vilij wea olketa lo Kedar+ stap lo hem.

12 Olketa mas givim glory lo Jehovah

And praisem hem lo olketa island.+

Olsem woman wea redi for bornem baby,

Mi bae krae and brith fast, and brith big semtaem.

15 Mi bae distroem olketa maunten and olketa hill

And evriting wea grow lo hem bae mi mekem olketa drae.

Mi bae mekem olketa river kamap olketa island*

And bae mi draem ap olketa pool wata wea reed plant grow lo hem.+

16 Mi bae leadim olketa man wea blind lo road wea olketa no savve+

And mekem olketa for wakabaot lo road wea olketa no minim gud.+

Bae mi mekem darkness wea stap front lo olketa for kamap laet+

And ples wea hem raf for kamap level ples.+

17 Olketa bae tane go bak and datwan bae mek shame lo olketa,

Olketa trustim olketa idol wea olketa karvem,

Olketa wea sei lo olketa metal statue:* “Iufala nao olketa god blo mifala.”+

19 No eniwan hem blind olsem nao servant blo mi,

And earpas olsem messenger wea mi sendem go.

No eniwan hem blind olsem nao man wea kasem reward,

Hem barava blind olsem nao servant blo Jehovah.+

21 Bikos lo raeteous fasin blo hem,

Jehovah hapi for mekhae lo law* and mekem hem kamap nambawan.

Pipol steal from olketa and no eniwan for rescuem olketa,+

And pipol tekem olketa and no eniwan for sei: “Iufala tekem olketa kam bak!”

24 Hu nao letem Jacob for olketa kasholem hem

And Israel for pipol wea steal olketa tekem hem?

Olketa no laek followim olketa wei blo Hem,

And olketa nating laek for obeyim law* blo Hem.+

25 So God gohed pourimaot kros blo hem lo olketa,

Hem feel nogud and mekem olketa safa lo war.+

43 Diswan nao wanem Jehovah,

Creator blo iu Jacob, Man wea formimap iu Israel,+ hem talem:

 2 Taem iu akrosim olketa wata, mi bae stap witim iu,+

And taem iu akrosim olketa river, bae olketa no mekem iu draon.+

Taem iu wakabaot antap lo fire, bae hem no hotem iu,

Or fire wea laet bae no bonem iu.

 3 Bikos mi nao Jehovah, God blo iu,

Datfala Holy Wan blo Israel, Man wea sevem iu.

Mi givim Egypt finis olsem ransom* for iu,

And Ethiopia and Seba for exchange witim iu.

 4 Iu kamap samting wea spesol lo eye blo mi,+

Iu kasem honor, and mi lovem iu.+

So bae mi givim pipol nao for tekem ples blo iu

And olketa nation for exchange witim laef* blo iu.

Mi bae tekem kam pikinini* blo iu from east

And tekem iu kam from west.+

Tekem kam olketa son blo mi from farawe, and olketa dota blo mi wea stap lo olketa farawe ples lo earth,+

 7 Evriwan wea nem blo mi stap lo olketa+

And olketa wea mi creatim for olketa givim glory lo mi,

Wea mi wakem and formimap olketa.’+

 8 Tekem kam olketa wea garem eye, bat olketa blind

And olketa wea garem ear, bat olketa earpas.+

 9 Evri nation shud hipap tugeta lo wanfala ples,

And olketa pipol hipap tugeta.+

Olketa shud tekem kam olketa witness blo olketa for pruvim sapos olketa stret,

Or mekem olketa shud herem, and sei, ‘Diswan hem tru samting!’”+

10 Jehovah hem sei, “Iufala nao olketa witness blo mi,+

Yes, servant blo mi wea mi chusim finis,+

Mekem iufala bae savve and putim faith lo mi*

And for iufala minim dat mi sem Wan nomoa.+

Bifor lo mi, no eni God hem stap,

And bihaen lo mi, no eniwan moa.+

12 Jehovah hem sei: “Taem no eni nara god hem stap midolwan iufala,+

Mi nao Man wea talemaot and sevem and mekem iufala savve.

“Bikos mi tingim iufala, bae mi sendem army go lo Babylon and daonem evri bar lo olketa gate blo hem,+

And olketa Chaldean lo olketa ship blo olketa, bae krae from olketa feel nogud.+

16 Diswan nao samting wea Jehovah talem,

Man wea mekem wanfala road go thru lo sea