1 රාජාවලිය

2 දාවිත් සිටියේ මරණාසන්නවයි.+ එබැවින් ඔහු තම පුත් සලමොන්ව කැඳවා මෙසේ කීවේය. 2 “මම ජීවත් වෙන්නේ තව ටික කාලයයි.+ ඒ නිසා ඔබ හිතට ධෛර්යය ගෙන එඩිතරව කටයුතු කරන්න.+ 3 ඔබේ දෙවි වන යෙහෝවාට කීකරු වී ඔහු දෙන මඟ පෙන්වීම්වලට අනුව ජීවත් වෙන්න.+ දෙවි මෝසෙස්ට දුන් නීතියේ+ ලියා තිබෙන අණපනත්, නීතිරීති+ සහ සිහිගැන්වීම්වලට* කීකරු වෙන්න. එවිට ඔබ කොතැනට ගියත් මොන දේ කළත් ඔබට සිහිබුද්ධියෙන් කටයුතු කරන්න හැකි වෙයි. 4 ‘ඔබේ පුත්‍රයන්+ විශ්වාසවන්තව+ මා දෙන මඟ පෙන්වීම් පිළිපදිමින්+ ඔවුන්ගේ මුළු ජීවිතයම මට කැප කර, මුළු හදවතින්ම+ මට සේවය කළොත් ඊශ්‍රායෙල්හි රජකම හැමදාමත් ඔබේ පෙළපතට හිමි වෙයි’+ කියා යෙහෝවා දෙවි මට පොරොන්දු වුණා. ඔහු එම පොරොන්දුව එලෙසම ඉටු කරයි.+

5 “ෂෙරුයියාගේ පුත් යෝවාබ් මට විරුද්ධව ක්‍රියා කර,+ ඊශ්‍රායෙල් හමුදාවේ ප්‍රධානීන් දෙදෙනෙක් වූ නේර්ගේ පුත් අබ්නේර්ව+ හා යෙතෙර්ගේ+ පුත් අමාසාව+ මරා දැමූ බව ඔබ හොඳින් දන්නවා. සාමකාමී කාලයකදී නිරපරාදේ ලේ වැගිරෙවූ+ යෝවාබ්ගේ ඉණපටිය හා පාවහන් ඔවුන්ගේ ලෙයින් නැහැවී තිබෙනවා. 6 දැන් ඔබ ප්‍රඥාවන්තව ක්‍රියා කරන්න.+ වයස්ගතව සිටින ඔහුට සැනසිල්ලේ මැරෙන්න+ නම් ඉඩ දෙන්න එපා.+

7 “නමුත් ගිලියද්හි පදිංචිව සිටි බාසිල්ලයිගේ+ පුත්‍රයන්ට ඔබ ප්‍රේමණීයව* සැලකිය යුතුයි. ඔවුන්ට ඔබත් සමඟ එකට වාඩි වී ඔබේ මේසයෙන්ම කෑම කන්න+ ඉඩ දෙන්න. මන්ද ඔබේ සහෝදරයා වූ+ අබ්සලොම් වෙතින් මම පලා ගිය දවස්වලදී ඔවුන් මට ප්‍රේමණීයව සැලකුවා.+

8 “බහුරීම්+ සිට පැමිණි බෙන්ජමින්වරයෙක් වන ගෙරාගේ පුත් ෂිමෙයි+ ජීවත් වෙන්නේ ඔබට කිට්ටු ස්ථානයකයි. මම මහනායිම්+ බලා ගිය දවසේදී ඔහු ඉතා දුෂ්ට විදිහට මට ශාප කළා.+ නමුත් මාව පිළිගන්න ඔහු යොර්දාන් ගඟ+ ළඟට ආ විට, ‘මම ඔබව කඩුවෙන් මරා දමන්නේ නැහැ’+ කියා යෙහෝවා දෙවිගේ නමින් ඔහුට දිවුරා පොරොන්දු වුණා. 9 නමුත් ඔබ ඔහුට දඬුවම් නොකර ඉන්න එපා.+ ඔබ ප්‍රඥාවන්ත කෙනෙක්+ නිසා ඔහුට කළ යුත්තේ කුමක්ද කියා ඔබ දන්නවා. වයස්ගතව සිටින+ ඔහුවත් ඔබ මරා දැමිය යුතුයි.”+

10 පසුව දාවිත් රජ මිය ගියේය. ඔහුගේ මුතුන්මිත්තන් මෙන් ඔහුවද තැන්පත් කරන ලදි.+ ඔහුව තැන්පත් කරන ලද්දේ දාවිත්ගේ නුවරේය.+ 11 දාවිත් රජ අවුරුදු හතළිහක් ඊශ්‍රායෙල් දේශය පාලනය කළේය.+ ඔහු හෙබ්‍රොන්හි+ අවුරුදු හතක්ද+ යෙරුසලමේ අවුරුදු තිස්තුනක්ද පාලනය කළේය.+

12 පසුව සලමොන් තම පියා වූ දාවිත්ගේ සිංහාසනයේ හිඳගත්තේය.+ කල් යත්ම ඔහු ඉතා බලවත් රජෙකු විය.+

13 දිනක් හග්ගිත්ගේ පුත් අදොනියා සලමොන් රජුගේ මව වන බැත්-ෂෙබා+ හමු වීමට ගියේය. ඇය, “ඔබ ආවේ සුහදශීලීව කතා කරන්නද”+ කියා ඇසූ විට, “ඔව්, මම ආවේ ඔබ සමඟ සුහදව කතා කරන්නයි” කියා ඔහු කීවේය. 14 තවදුරටත් ඔහු මෙසේ කීවේය. “මට ඔබට යමක් කියන්න තිබෙනවා.” එවිට ඇය, “කියන්න”+ යයි පැවසුවාය. 15 ඔහු මෙසේ පැවසීය. “හරි නම් රජකම ලැබෙන්න තිබුණේ මටයි කියා ඔබ හොඳින්ම දන්නවා. ඊශ්‍රායෙල් දේශයේ සියලුම ජනයා බලාපොරොත්තු වුණේ මම ඔවුන්ගේ රජ වෙයි කියලයි.+ ඒත් අන්තිමේදී රජකම ලැබුණේ මගේ බාල සහෝදරයාටයි. ඔහුට එය ලැබුණේ යෙහෝවා දෙවිගෙන්.+ 16 දැන් මම ඔබෙන් එක දෙයක් ඉල්ලනවා. මගේ ඉල්ලීම නම් අහක දමන්න එපා.”+ එවිට ඇය, “මට කියන්න” යයි කීවාය. 17 ඔහු මෙසේ කීවේය. “අනේ, දැන් මගේ ඉල්ලීම ප්‍රතික්ෂේප කරන්න එපා. ෂුනෙම් ජාතික+ අබිෂග්ව+ මට විවාහ කර දෙන්න කියා සලමොන් රජුට කියන්න. ඔබ කියන දේට ඔහු ඇහුම්කන් දෙයි කියා මට විශ්වාසයි.” 18 එවිට බැත්-ෂෙබා, “හොඳයි! මම ඔබ වෙනුවෙන් රජ්ජුරුවන්ට කතා කරන්නම්” කියා කීවාය.

19 පසුව බැත්-ෂෙබා, අදොනියා+ වෙනුවෙන් කතා කිරීමට සලමොන් රජු ළඟට පැමිණියාය. ඇය දුටු විගස රජ නැඟිට+ හිස නමා ඇයව පිළිගත්තේය.+ ඉන්පසු සිංහාසනයේ හිඳගත් ඔහු තම මව තමාගේ දකුණු පැත්තේ+ හිඳවගන්නා පිණිස ඇයට සිංහාසනයක් ගෙන්වාගත්තේය. 20 ඇය ඔහුට මෙසේ පැවසුවාය. “මම ඔබෙන් සුළු ඉල්ලීමක් කරන්නයි ආවේ. එය අහක දමන්න එපා.” එවිට රජ, “කියන්න. මම ඔබේ ඉල්ලීම ඉටු කර දෙන්නම්” කියා කීවේය. 21 එවිට ඇය මෙසේ කීවාය. “ෂුනෙම් ජාතික අබිෂග්ව ඔබේ සහෝදර අදොනියාට විවාහ කර දෙන්න.” 22 එවිට සලමොන් රජ ඔහුගේ මවට මෙසේ කීවේය. “අදොනියාට ෂුනෙම් ජාතික අබිෂග්ව විවාහ කර දෙන්න කියා ඔබ කියන්නේ ඇයි? ඔහු මගේ වැඩිමල් සහෝදරයා.+ ඔහුට රජකම දෙන්න කියාත් ඔබට මගෙන් ඉල්ලන්න තිබුණානේ.+ ඔහුටත් පූජක අබියාතර්ටත්+ ෂෙරුයියාගේ පුත්+ යෝවාබ්ටත්+ රාජ්‍යය භාර දෙන්න කියාද ඔබ මට කියන්නේ?”

23 එවිට සලමොන් රජ යෙහෝවා දෙවිගේ නාමයෙන් දිවුරා මෙසේ කීවේය. “අදොනියා කළ මේ ඉල්ලීම නිසා ඔහුව මරා දැමිය යුතුයි.+ ඔහුගේ ලේවලට වග කිව යුත්තේ ඔහුමයි. මම ඔහුට ඒ දඬුවම නියම නොකළොත් දෙවි මට දඬුවම් කළ යුතුයි.+ 24 මගේ පියා වූ දාවිත්ගේ සිංහාසනය මට දී+ මගේ රජකම ස්ථිර කර,+ පොරොන්දු වූ ලෙස+ මට රාජකීය පෙළපතක්+ ලබා දුන් ජීවමාන දෙවි වන යෙහෝවාගේ නමින්+ මම දිවුරා කියන්නේ අදොනියාව මම අදම මරා දමනවා.”+ 25 එසේ පවසා අවසන් වූ විගස සලමොන් රජ යෙහෝයාදාගේ පුත් බෙනායාට+ අදොනියාව මරා දමන ලෙස අණ කළේය. බෙනායාද ගොස් ඔහුව මරා දැමුවේය.+

26 තවදුරටත් රජ, පූජක අබියාතර්ට+ මෙසේ කීවේය. “ඔබ දැන් වහාම අනාතොත්හි+ තිබෙන ඔබේ කෙත්වලට යන්න. ඔබත් මරණ දණ්ඩනය ලබන්න සුදුසු කෙනෙක්.+ එහෙත් ඔබ මගේ පියා වූ දාවිත්ගේ+ කාලයේ විශ්වයේ පාලකයා වන යෙහෝවා දෙවිගේ+ ගිවිසුම් පෙට්ටිය ඉසිලුවා. ඒ වගේම මගේ පියා දුක් වින්ද කාලය පුරාම ඔබත් දුක් වින්දා.+ ඒ නිසා මම අද ඔබව මරන්නේ නැහැ.” 27 සලමොන් රජ එසේ කියා අබියාතර්ව එතැනින් පිටත් කර හැරියේය. තවදුරටත් යෙහෝවා දෙවිගේ පූජකයෙකු ලෙස සේවය කිරීමට ඔහුට ඉඩ නොදුන්නේය. මෙසේ යෙහෝවා දෙවි ඒලීගෙන්+ පැවතෙන්නන්ට විරුද්ධව ෂීලෝහිදී+ ප්‍රකාශ කළ වදන් ඉටු විය.

28 මේ පුවත යෝවාබ්ට+ ආරංචි වූ විට ඔහු යෙහෝවා දෙවිගේ කූඩාරමට+ දුව ගොස් පූජාසනයේ අං අල්ලාගත්තේය.+ මන්ද ඔහු අබ්සලොම්ගේ කැරැල්ලට හවුල් නොවුණත්+ ඔහු අදොනියාට අතහිත දුන්නේය.+ 29 “යෝවාබ් යෙහෝවා දෙවිගේ ශුද්ධ කූඩාරමට ගොස් පූජාසනය ළඟ සැඟවී ඉන්නවා” කියා සලමොන් රජුට ආරංචි විය. එවිට සලමොන් රජ යෙහෝයාදාගේ පුත් බෙනායාව කැඳවා, “ගිහින් ඔහුව මරා දමන්න”+ කියා ඔහුව පිටත් කර යැව්වේය. 30 එවිට බෙනායා, යෙහෝවා දෙවිගේ ශුද්ධ කූඩාරමට ගොස් යෝවාබ්ට මෙසේ කීවේය. “‘ඔතැනින් පිටතට එන්න’ කියා රජ්ජුරුවෝ ඔබට කිව්වා.” එහෙත් ඔහු, “බැහැ. මට මෙතැනම මැරෙන්න ඉඩ දෙන්න.”+ එවිට බෙනායා රජු වෙතට ගොස්, “යෝවාබ් මට පැවසුවේ මෙහෙමයි” කියා යෝවාබ් පැවසූ දේ රජුට දැන්වූවේය. 31 රජ ඔහුට මෙසේ කීවේය. “ඔහු කී ලෙසම කරන්න. ඔහුව මරා වළලා දමන්න. යෝවාබ් නිකරුණේ වැගිරෙවූ ලේවලට+ මමවත් මගේ පියාගේ පෙළපතවත් වග කිව යුතු නැහැ. 32 යෝවාබ් වැගිරෙවූ ලේ වෙනුවෙන් යෙහෝවා දෙවි ඔහුට දඬුවම් කරයි.+ මන්ද ඔහු තමාට වඩා ධර්මිෂ්ඨ, තමාට වඩා යහපත්+ මිනිසුන් දෙදෙනෙක් වූ ඊශ්‍රායෙල් හමුදාවේ ප්‍රධානියාව සිටි+ නේර්ගේ පුත් අබ්නේර්වත්+ යූදාහි හමුදාවේ ප්‍රධානියාව සිටි+ යෙතෙර්ගේ පුත් අමාසාවත්+ කඩුවෙන් මරා දැමුවා. නමුත් මගේ පියා වූ දාවිත් ඒ ගැන කිසිවක් දැන සිටියේ නැහැ.+ 33 මරා දැමූ ඒ අයගේ ලේවලට යෝවාබ් සහ ඔහුගෙන් පැවතෙන්නන් සදහටම වග කිව යුතුයි.+ නමුත් යෙහෝවා දෙවි දාවිත්ටත්+ ඔහුගේ පවුලේ අයටත් ඔහුගෙන් පැවතෙන්නන්ටත් ඔහුගේ සිංහාසනයටත් යහපතක් මිස කිසි අයහපතක් නම් සිදු කරන්නේ නැහැ.”+ 34 ඉන්පසු යෙහෝයාදාගේ පුත් බෙනායා ගොස්+ යෝවාබ්ව මැරුවේය.+ පාළුකරයේ තිබුණු ඔහුගේ නිවසේ ඔහුව වළලා දමන ලදි. 35 පසුව රජ, යෝවාබ් වෙනුවට යෙහෝයාදාගේ පුත් බෙනායාව+ හමුදාවේ ප්‍රධානියා හැටියට පත් කළේය.+ අබියාතර් වෙනුවට පූජක සාදොක්ව පත් කළේය.+

36 ඉන්පසු රජ, ෂිමෙයිව+ කැඳවා ඔහුට මෙසේ කීවේය. “ඔබ යෙරුසලමෙහි ගෙයක් සාදාගෙන එහි පදිංචි වෙන්න. ඔබ යෙරුසලමෙන් පිට කොතැනකටවත් නොයා යුතුයි. 37 ඔබ එතැනින් පිටත් වී කිද්‍රොන් නිම්නය+ පසු කර ගියොත් අනිවාර්යයෙන්ම ඔබට මැරුම් කන්න සිදු වෙනවා.+ ඒ බව මතක තබාගන්න. එසේ ඔබ මැරුම් කෑවොත් ඔබගේ මරණයට වග කිව යුත්තේ ඔබමයි.”+ 38 එවිට ෂිමෙයි, රජුට මෙසේ කීවේය. “හොඳමයි. මගේ ස්වාමීන් වන රජ්ජුරුවන් කී ලෙසම ඔබේ සේවකයා කරන්නම්.” ඉන්පසු ෂිමෙයි යෙරුසලමේ කලක් පදිංචිව සිටියේය.

39 අවුරුදු තුනක් ගත වූ පසු ෂිමෙයිගේ දාසයෝ+ දෙදෙනෙක් ගාත්හි රජු වූ+ මයකාගේ පුත් ආකිෂ්+ වෙතට පලා ගියෝය. එවිට මිනිස්සු පැමිණ, “ඔබේ දාසයෝ ගාත්හි ඉන්නවා” කියා ෂිමෙයිට පැවසූහ. 40 එය ඇසූ වහාම ෂිමෙයි තමාගේ බූරුවාව ගමනට සූදානම් කරගෙන තම දාසයන්ව සොයාගැනීමට ගාත්හි සිටින ආකිෂ් රජු වෙතට ගියේය. ෂිමෙයි ගොස්, ගාත්හි සිටි තම දාසයන්ව නැවත ගෙනාවේය. 41 සලමොන් රජුට, “ෂිමෙයි යෙරුසලමෙන් පිටත් වී ගාත් නුවරට ගොස් නැවත පැමිණියා” කියා ආරංචි විය. 42 මෙය ඇසූ රජ ෂිමෙයිව කැඳවා+ ඔහුට මෙසේ කීවේය. “‘ඔබ නුවරෙන් පිටතට ගියොත් අනිවාර්යයෙන්ම මැරුම් කනවා’ කියා මම ඔබට අනතුරු අඟෙව්වා නේද?+ මා පැවසූ ඒ දේට එකඟ වන බවට යෙහෝවා දෙවිගේ නාමයෙන් දිවුරා පොරොන්දු වෙන්න කියාත් ඔබට පැවසුවා. එවිට ඔබ, ‘රජ්ජුරුවන් කී ලෙසම කරන්නම්’+ කියා මට පොරොන්දු වුණා නේද? 43 එසේනම් ඔබ යෙහෝවා දෙවි ඉදිරියේ දුන් ඒ දිවුරුම කඩ කර+ මම ඔබට දුන් ආඥාව ඉටු නොකළේ ඇයි?”+ 44 රජ ෂිමෙයිට මෙසේද කීවේය. “ඔබ මගේ පියා වූ දාවිත්ට කළ සියලු නපුරුකම් ගැන ඔබේ සිත දන්නවා.+ ඔබ කළ නපුරු දේවලට යෙහෝවා දෙවි ඔබට දඬුවම් කරයි.+ 45 නමුත් සලමොන් රජට ආශීර්වාද ලැබෙයි.+ දාවිත්ගේ සිංහාසනයද යෙහෝවා දෙවි ඉදිරියේ සදහටම පවතියි.”+ 46 ඉන්පසු රජ යෙහෝයාදාගේ පුත්‍රයා වන බෙනායාට ෂිමෙයිව මරා දමන ලෙස අණ කළේය. බෙනායා ගොස් ඔහුට පහර දී ඔහුව මරා දැමුවේය.+

සලමොන්ගේ රාජ්‍ය බලය තව තවත් තහවුරු විය.+