1 Mambo ya Nyakati

29 Basi Daudi mfalme akaliambia kutaniko lote:+ “Sulemani mwanangu, ambaye Mungu amemchagua,+ ni mchanga+ na mwororo, lakini kazi ni kubwa; kwa kuwa jumba hilo la kifalme si la mwanadamu,+ bali ni la Yehova Mungu. 2 Nami kulingana na nguvu zangu zote,+ nimetayarisha+ kwa ajili ya nyumba ya Mungu wangu dhahabu+ kwa ajili ya kazi ya dhahabu, na fedha kwa ajili ya kazi ya fedha, na shaba kwa ajili ya kazi ya shaba, chuma+ kwa ajili ya kazi ya chuma, na mbao+ kwa ajili ya kazi ya mbao; mawe ya shohamu,+ na mawe ya kupangwa kwa saruji ngumu, na mawe maridadi ya mviringo, na kila jiwe la thamani, na mawe ya alabasta kwa wingi sana. 3 Na kwa kuwa ninapendezwa+ na nyumba ya Mungu wangu, bado kuna mali yangu ya pekee,+ dhahabu na fedha; naitoa kwa ajili ya nyumba ya Mungu wangu, kuongezea vyote ambavyo nimetayarisha kwa ajili ya hiyo nyumba takatifu:+ 4 talanta elfu tatu za dhahabu, za dhahabu ya Ofiri,+ na talanta elfu saba za fedha iliyosafishwa, kwa ajili ya kufunika kuta za hizo nyumba; 5 za dhahabu kwa ajili ya kazi ya dhahabu, na za fedha kwa ajili ya kazi ya fedha na kwa ajili ya kazi yote ya kufanywa kwa mkono wa mafundi. Na ni nani anayejitolea kuujaza mkono wake leo kwa zawadi kwa ajili ya Yehova?”+

6 Na wakuu+ wa nyumba za ukoo wa baba+ na wakuu+ wa makabila ya Israeli na wakuu wa maelfu+ na wa mamia+ na wakuu wa shughuli+ za mfalme wakajitolea. 7 Basi wakatoa kwa ajili ya utumishi wa nyumba ya Mungu wa kweli dhahabu yenye thamani ya talanta elfu tano na dariki elfu kumi na fedha yenye thamani ya talanta elfu kumi na shaba yenye thamani ya talanta kumi na nane elfu na chuma yenye thamani ya talanta mia moja elfu.+ 8 Na watu wowote waliokuwa na mawe yoyote wakayatoa kwa ajili ya hazina ya nyumba ya Yehova chini ya amri ya Yehieli+ Mgershoni.+ 9 Na watu wakashangilia kutokana na matoleo yao ya hiari waliyotoa, kwa maana walimtolea Yehova matoleo ya hiari kwa moyo kamili;+ na hata Daudi mfalme akashangilia kwa shangwe kubwa.+

10 Basi Daudi akambariki+ Yehova mbele ya macho ya kutaniko+ lote na Daudi akasema: “Na ubarikiwe,+ Ee Yehova, Mungu wa Israeli+ baba yetu, kutoka wakati usio na kipimo mpaka wakati usio na kipimo. 11 Ee Yehova, ukuu+ ni wako na nguvu+ na uzuri+ na utukufu+ na heshima;+ kwa maana kila kitu mbinguni na duniani ni chako.+ Ufalme+ ni wako, Ee Yehova, Wewe unayejiinua kuwa kichwa juu ya wote.+ 12 Utajiri+ na utukufu+ hutokana na wewe, nawe unatawala+ kila kitu; na mkononi mwako mna nguvu+ na uwezo,+ na mkononi mwako mna uwezo wa kufanya kuwa na ukuu+ na kuwapa wote nguvu.+ 13 Na sasa, Ee Mungu wetu, tunakushukuru+ na kulisifu+ jina lako zuri.+

14 “Ingawa hivyo, mimi ni nani,+ na watu wangu ni nani, hata tuwe na nguvu za kutoa matoleo ya hiari hivi?+ Kwa maana kila kitu hutoka kwako,+ nasi tumekupa kutoka katika mkono wako mwenyewe. 15 Kwa maana sisi ni wakaaji wageni mbele zako na wahamiaji+ sawa na mababu zetu. Siku zetu duniani+ ni kama kivuli wala hakuna tumaini. 16 Ee Yehova, Mungu wetu, wingi huu wote ambao tumetayarisha ili kukujengea nyumba kwa ajili ya jina lako takatifu, umetoka mkononi mwako, nao wote ni mali yako.+ 17 Nami ninajua vema, Ee Mungu wangu, kwamba wewe ni mchunguzaji wa moyo,+ nawe unafurahia unyoofu.+ Nami katika unyoofu wa moyo wangu, nimetoa kwa hiari vitu hivi vyote, na sasa watu wako waliopo hapa nimefurahi kuona wakikutolea matoleo kwa hiari. 18 Ee Yehova, Mungu wa Abrahamu, Isaka na Israeli mababu zetu,+ shika hili mpaka wakati usio na kipimo kama mwelekeo wa fikira za moyo wa watu wako,+ na uelekeze moyo wao kwako.+ 19 Na Sulemani mwanangu umpe moyo kamili+ ili ashike amri+ zako, shuhuda+ zako na masharti+ yako, afanye kila jambo, na kulijenga jumba+ hili la kifalme ambalo nimelifanyia matayarisho.”+

20 Na Daudi akaendelea kuliambia kutaniko lote:+ “Sasa mbarikini+ Yehova, Mungu wenu.” Nalo kutaniko lote wakambariki Yehova, Mungu wa mababu zao, wakainama+ na kumsujudia+ Yehova na mfalme. 21 Nao wakaendelea kutoa dhabihu+ kwa Yehova na kutoa matoleo ya kuteketezwa+ kwa Yehova siku ya pili yake, ng’ombe-dume wachanga elfu moja, kondoo-dume elfu moja, wana-kondoo dume elfu moja na matoleo yao ya kinywaji,+ dhabihu nyingi sana kwa ajili ya Israeli wote.+ 22 Nao wakaendelea kula na kunywa mbele za Yehova siku hiyo kwa shangwe kubwa;+ nao kwa mara ya pili wakamfanya Sulemani mwana wa Daudi kuwa mfalme,+ wakamtia mafuta kwa Yehova awe kiongozi+ na pia Sadoki+ awe kuhani. 23 Na Sulemani akaanza kuketi juu ya kiti cha ufalme cha Yehova+ akiwa mfalme mahali pa Daudi baba yake, akafanikiwa,+ na Israeli wote walikuwa wakimtii. 24 Nao wakuu+ wote na wanaume wenye nguvu+ na pia wana wote wa Mfalme Daudi,+ wakajitiisha kwa Sulemani mfalme. 25 Na Yehova akaendelea kumfanya Sulemani kuwa mkuu zaidi+ mbele ya macho ya Israeli wote na kuweka juu yake heshima ya kifalme ambayo haikuwa imepata kuwa juu ya mfalme yeyote kabla yake juu ya Israeli.+

26 Naye Daudi mwana wa Yese, akatawala juu ya Israeli yote;+ 27 na siku alizotawala juu ya Israeli zilikuwa miaka 40.+ Katika Hebroni alitawala miaka 7,+ na katika Yerusalemu alitawala miaka 33.+ 28 Mwishowe akafa mwenye umri mwema wa uzeeni,+ ameshiba siku, utajiri+ na utukufu;+ na Sulemani mwana wake akaanza kutawala mahali pake.+ 29 Na mambo ya Daudi mfalme, ya kwanza na ya mwisho, yameandikwa katika maneno ya Samweli mwonaji+ na katika maneno ya nabii Nathani+ na katika maneno ya Gadi+ mwonaji, 30 pamoja na ufalme wake wote na nguvu zake na nyakati+ ambazo zilikuwa zimepita juu yake na juu ya Israeli na juu ya falme zote za nchi.+