SEFANIA

Nitamfagilia mbali ndege wa angani na samaki wa baharini,+

Na pia vitu vinavyokwaza*+ pamoja na waovu;

Nami nitawaondoa wanadamu kutoka katika nchi,” asema Yehova.

 4 “Nitaunyoosha mkono wangu dhidi ya watu wa Yuda

Na dhidi ya wakaaji wote wa Yerusalemu,

Nami nitafutilia mbali kutoka mahali hapa kila kitu kinachohusiana na* Baali,+

Jina la makuhani wa miungu ya kigeni pamoja na makuhani wenyewe,+

 5 Na wale wanaoliinamia jeshi la mbinguni wakiwa juu ya paa,+

Na wale wanaoinama chini na kuapa kwamba watakuwa washikamanifu kwa Yehova+

Na wakati uleule wakiapa kwamba watakuwa washikamanifu kwa Malkamu;+

 6 Na wale wanaogeuka na kuacha kumfuata Yehova+

Na wale wasiomtafuta Yehova wala kuomba ushauri wake.”+

 8 “Katika siku ya dhabihu ya Yehova nitawafanya wakuu wawajibike,

Wana wa mfalme,+ na wote wanaovaa mavazi ya kigeni.

 9 Siku hiyo nitamfanya kila mtu anayepanda jukwaani* awajibike,

Wale wanaojaza nyumba ya bwana wao ukatili na udanganyifu.

10 Siku hiyo,” asema Yehova,

“Kutakuwa na sauti ya kilio kwenye Lango la Samaki,+

Mayowe katika wilaya ya pili ya jiji,+

Na mshindo mkubwa vilimani.

11 Pigeni mayowe, enyi wakaaji wa Makteshi,*

Kwa maana wafanyabiashara wote wameangamizwa;*

Wote wanaopima fedha wameuawa.

12 Wakati huo nitatumia taa kupekua Yerusalemu kwa makini,

Nami nitawafanya wasiojali* wawajibike, wanaosema moyoni mwao,

‘Yehova hatatenda mema, wala hatatenda mabaya.’+

Watajenga nyumba, lakini hawatakaa ndani yake;

Nao watapanda mashamba ya mizabibu, lakini hawatakunywa divai yake.+

15 Siku hiyo ni siku ya ghadhabu,+

Siku ya taabu na maumivu makali,+

Siku ya dhoruba na ukiwa,

Siku ya giza na utusitusi,+

Siku ya mawingu na utusitusi mzito,+

16 Siku ya pembe na ya kelele za vita,+

Dhidi ya majiji yenye ngome na dhidi ya minara mirefu ya pembeni.+

17 Nitawataabisha wanadamu,

Nao watatembea kama vipofu,+

Kwa sababu wamemtendea Yehova dhambi.+

Damu yao itamwagwa kama mavumbi,

Na nyama* yao kama mavi.+

18 Fedha yao wala dhahabu yao haitaweza kuwaokoa katika siku ya ghadhabu ya Yehova;+

Kwa maana dunia yote itateketezwa kwa moto wa bidii yake,+

Kwa sababu atawaangamiza kabisa wakaaji wote wa dunia, kwa kweli yatakuwa maangamizi yenye kutisha.”+

2 Kusanyikeni pamoja, naam, jikusanyeni,+

Ewe taifa lisiloona aibu.+

 2 Kabla amri haijatekelezwa,

Kabla siku hiyo haijapeperuka kama makapi,

Kabla hasira inayowaka ya Yehova haijaja juu yenu,+

Kabla siku ya hasira ya Yehova haijaja juu yenu,

 3 Mtafuteni Yehova,+ ninyi nyote mlio wapole* wa dunia,

Mnaoshika amri zake za uadilifu.*

 4 Kwa maana Gaza litakuwa jiji lililoachwa mahame;

Na Ashkeloni litafanywa ukiwa.+

Waashdodi watafukuzwa kweupe kabisa wakati wa mchana,*

Na Ekroni litang’olewa.+

Ee Kanaani, nchi ya Wafilisti, nitakuangamiza,

Hivi kwamba hakuna mkaaji atakayebaki.

 6 Na eneo la pwani litakuwa eneo la malisho,

Lenye visima kwa ajili ya wachungaji na mazizi ya mawe kwa ajili ya kondoo.

 7 Litakuwa eneo la watu waliobaki wa nyumba ya Yuda;+

Watalisha huko.

Kwa maana Yehova Mungu wao atawaelekezea uangalifu,*

Naye atawakusanya na kuwarudisha mateka wao.”+

 9 Kwa hiyo, kwa hakika kama ninavyoishi,” asema Yehova wa majeshi, Mungu wa Israeli,

“Moabu itakuwa tu kama Sodoma,+

Na Waamoni kama Gomora,+

Mahali penye upupu, shimo la chumvi, na nchi iliyoachwa ukiwa milele.+

Watu wangu waliobaki watawapora,

Na watu waliobaki wa taifa langu watamiliki nchi yao.

10 Hayo ndiyo watakayopata badala ya kiburi chao,+

Kwa sababu waliwadhihaki na kujikweza dhidi ya watu wa Yehova wa majeshi.

Kwa maana ataiharibu kabisa* miungu yote ya dunia,

Na visiwa vyote vya mataifa vitamwinamia,*+

Kila kisiwa kikiwa mahali pake.

13 Ataunyoosha mkono wake kuelekea kaskazini na kuangamiza Ashuru,

Naye atalifanya Ninawi liwe ukiwa,+ liwe kavu kama jangwa.

Kutakuwa na uharibifu kwenye kizingiti;

Kwa maana atafunua mbao za mierezi zinazopamba kuta.

15 Hili ndilo jiji lenye kiburi lililokuwa likikaa kwa usalama,

Lililokuwa likisema moyoni mwake, ‘Mimi ndiye, na hakuna mwingine yeyote.’

Jinsi ambavyo limekuwa kitu chenye kutisha,

Mahali ambapo wanyama wa mwituni wanalala!

Waamuzi wake ni mbwamwitu wakati wa usiku;

Hawaachi hata mfupa mmoja wa kuguguna mpaka asubuhi.

Makuhani wake wanachafua kilicho kitakatifu;+

Wanaitendea sheria kikatili.+

Asubuhi baada ya asubuhi hutangaza hukumu zake,+

Kama nuru ya mchana isivyokosa kuangaza.

Ili makao yake yasiweze kuharibiwa+

—Ni lazima nilifanye liwajibike* kwa sababu ya mambo hayo yote.

Kwa maana uamuzi wangu wa hukumu ni kuyakusanya mataifa, kuzikusanya falme,

Niwamwagie ghadhabu yangu, hasira yangu yote inayowaka;+

Kwa maana dunia yote itateketezwa kwa moto wa bidii yangu.+

 9 Kwa maana wakati huo nitabadili lugha ya mataifa iwe lugha safi,

Ili wote waweze kuliitia jina la Yehova,

Wamtumikie bega kwa bega.’*+

10 Kutoka eneo la mito ya Ethiopia,

Wale wanaonisihi, binti ya watu wangu waliotawanywa, wataniletea zawadi.+

11 Siku hiyo hamtaaibishwa

Kwa sababu ya matendo yenu yote ya uasi mliyonitendea,+

Kwa maana wakati huo nitawaondoa kati yenu watu wenye kiburi wanaojigamba;

Nanyi hamtakuwa tena na kiburi katika mlima wangu mtakatifu.+

12 Nitawaruhusu watu wanyenyekevu na wapole wabaki miongoni mwenu,+

Nao watapata kimbilio katika jina la Yehova.

13 Waisraeli watakaobaki+ hawatatenda mambo yasiyo ya uadilifu;+

Hawatasema uwongo, wala hawatakuwa na ndimi za udanganyifu vinywani mwao;

Watakula* na kulala, na hakuna yeyote atakayewaogopesha.”+

18 Nitawakusanya pamoja wale wanaohuzunika kwa sababu ya kukosa sherehe zako;+

Hawakuwa pamoja nawe kwa sababu ya kubeba shutuma yake.+

19 Tazama! Wakati huo nitawachukulia hatua wote wanaokukandamiza;+

Nami nitamwokoa yule anayechechemea,+

Nitawakusanya pamoja waliotawanyika.+

Nitawafanya kuwa kitu cha sifa na umaarufu*

Katika kila nchi ambamo waliaibishwa.

20 Wakati huo nitawaleta ndani,

Wakati nitakapowakusanya pamoja.

Kwa maana nitawafanya kuwa kitu cha umaarufu* na sifa+ miongoni mwa mataifa yote duniani,

Nitakapowakusanya mateka wenu mbele ya macho yenu,” asema Yehova.+