• Zaburi 22:akajambo k’intangamarara-31
    Bibiliya y’isi nshasha

    • Ku muyobozi, ku Mpongokazi y’Umutwenzi. Agahibongozo ka Dawidi.

      22 Mana yanje, Mana yanje, kubera iki umpevye+?

      Kubera iki utevye kunkiza+,

      Ukaba kure y’amajambo y’ukuroha kwanje+?

       2 Ewe Mana yanje, nguma mpamagara ku murango, nawe ntiwishure+;

      Ndahamagara no mw’ijoro, kandi sinigera ncereza+.

       3 Mugabo wewe uri mweranda+,

      Ukaba wibera mu mashemezo ya Isirayeli+.

       4 Ba data barakwizigiye+;

      Barizigiye, nawe uguma ubakiza+.

       5 Barakuririye+, barakira+;

      Barakwizigiye, ntibamaramara+.

       6 Mugabo jewe ndi umusiba+, sindi umuntu;

      Ku bantu, ndi iceyi n’uwusuzuguritse+.

       7 Nayo abambona bose, bantwengera mw’ijigo+;

      Baguma bataburura iminwa, baguma bazunza umutwe, ngo+:

       8 “Yiragije Yehova+. Namukize+!

      Namurokore, ko yamuhimbaye+!”

       9 Kuko ari wewe wankuye mu nda+,

      Ugatuma nizigira ndi ku mabere ya mama+.

      10 Naterewe kuri wewe nkiva mu gitereko+;

      Wabaye Imana yanje kuva nkiri mu nda ya mama+.

      11 Ntugume kure cane yanje, kuko amarushwa ari hafi+,

      Kuko ata wundi mufasha ariho+.

      12 Ibimasa vyinshi birankikuje+;

      Abanyabubasha b’i Bashani ubwabo biranzungurutse+.

      13 Buguruye akanwa kabo ngo bandotse+,

      Nk’intambwe itabagura kandi iroha+.

      14 Nsutswe nk’amazi+,

      Kandi amagufa yanje yose aratanijwe+.

      Umutima wanje ucitse nk’ishashara+;

      Ushongeye imbere muri jewe+.

      15 Ububasha bwanje bwumye nk’urujo+,

      Ururimi rwanje na rwo rumatanijwe n’ibinyigishi vyanje+;

      Kandi unshira mu mukungugu w’urupfu+.

      16 Kuko imbwa zinkikuje+;

      Ikoraniro ry’inkozi z’ikibi riranzitiye+.

      Nka kurya kw’intambwe, bari ku maboko yanje no ku birenge vyanje+.

      17 Ndashobora guharūra amagufa yanje yose+.

      Ubwabo bararaba, bakampanga amaso+.

      18 Bagabangana impuzu zanje+,

      Kandi bapfindira ivyambarwa vyanje+.

      19 Mugabo wewe, ewe Yehova, ntugume kure cane+.

      Ewe nkomezi zanje+, nyaragasa umfashe+.

      20 Rokora ubuzima bwanje ubukize inkota+,

      Ubwo mfise bwonyene ubukize ijanja ry’imbwa+;

      21 Nkiza akanwa k’intambwe+,

      Unyishure kandi unkize amahembe y’amashūri y’amanyeshamba+.

      22 Nzomenyesha izina ryawe+ bene wacu+;

      Hagati mw’ishengero nzogushemeza+.

      23 Yemwe abatinya Yehova, nimumushemeze+!

      Yemwe ruvyaro rwa Yakobo mwese, nimumuninahaze+!

      Kandi mumugirire ubwoba, yemwe ruvyaro rwa Isirayeli mwese+.

      24 Kuko atasuzuguye+

      Canke ngo aterwe ishishi n’amarushwa y’umurushwa+;

      Kandi ntiyamuhishije mu maso hiwe+,

      Kandi igihe yamutabaza yarumvise+.

      25 Mw’ishengero rinini ishemezo ryanje rizoturuka kuri wewe+;

      Nzoshitsa indagano zanje imbere y’abamutinya+.

      26 Abatekereza bazorya bahage+;

      Abamurondera bazoshemeza Yehova+.

      Imitima yanyu nibeho ibihe bidahera+.

      27 Impera zose z’isi zizokwibuka zigaruke kuri Yehova+.

      Kandi imiryango yose y’amahanga izokwunama imbere yawe+.

      28 Kuko ingoma ari iya Yehova+,

      Kandi ni we aganza amahanga+.

      29 Abadoshe bose bo kw’isi bazorya, buname+;

      Imbere yiwe abamanuka mu mukungugu bose bazopfukama+,

      Kandi nta n’umwe azokwizigamira ubuzima+.

      30 Uruvyaro* ruzomukorera+;

      Iyaruka rizomenyeshwa ivyerekeye Yehova+.

      31 Bazoza bayage ubugororotsi bwiwe+,

      Babwire igisata c’abantu kizovuka, yuko ari we yabikoze+.

  • Yesaya 53:1-12
    Bibiliya y’isi nshasha

    • 53 Ni nde yizeye ico twebwe twumvise+? Nayo ukuboko kwa Yehova+, ni nde kwahishuriwe+? 2 Azoduga nk’agashami+ imbere y’umuntu, nk’umuzi mu gihugu kigadutse. Nta shusho y’agakomeye agira, canke ubwiza bwakaka+; kandi nitwamubona, nta sura* agira ku buryo twomwipfuza+.

      3 Yarasuzugurwa kandi akinubwa n’abantu+; yari umuntu agenewe imibabaro n’ukumenya indwara+. Wamenga twari duhishijwe mu maso h’umuntu+. Yarasuzugurwa, tukamubona nk’ubusa+. 4 Vy’ukuri, indwara zacu ubwiwe yaraziremetse+; nayo imibabaro yacu, yarayikoreye+. Mugabo twebwe twamubona nk’uwatejwe ivyago+, uwakubiswe n’Imana+ kandi yatejwe amarushwa+. 5 Mugabo yaracumitwa+ azira ukugabitanya kwacu+; yarajanjagurwa azira amakosa yacu+. Uguhanwa kwo kutuzanira amahoro kwari kuri we+, kandi kubera ibikomere vyiwe+ twarashoboye gukira+. 6 Twese twarayerereye nk’intama+; twarahindukiye umwe wese agana inzira yiwe bwite; Yehova ubwiwe yatumye ikosa ryacu twese rihura n’uyo+. 7 Yarasugerezwa+, akemera agatezwa amarushwa+; yamara ntiyakurako umunwa. Yazanwa nk’intama igiye gukererwa+; kandi kurya kw’intama y’ingore yacitse ikiragi imbere y’abayikemura, na we nyene ntiyakurako umunwa+.

      8 Kubera ukuzigirizwa be n’urubanza, yarakuweho+; kandi ni nde azokwitaho ido n’ido ry’amamuko yiwe*+? Kuko yatandukanijwe+ n’igihugu c’abazima+. Yakubiswe+ azira ukugabitanya+ kw’abantu banje. 9 Azomuha ikibanza ciwe co guhambwamwo kumwe n’ababisha+, kumwe n’abatunzi mu rupfu rwiwe+, naho ata bukazi yari yarakoze+, kandi akaba ata buhendanyi bwari mu kanwa kiwe+.

      10 Mugabo Yehova ubwiwe yarahimbawe no kumujanjagura+; yamuteye kurwara+. Niwamugira nk’ishikanwa ry’ukwagirwa n’icaha+, azobona uruvyaro rwiwe+, azorehura imisi yiwe+, kandi mu kuboko kwiwe ibihimbara+ Yehova bizokunda+. 11 Kubera ivyago vyiwe, azobona+, azohaga+. Biciye ku bumenyi bwiwe, umugororotsi, umusavyi wanje+, azozanira abantu benshi impagararo igororotse+; kandi amakosa yabo we ubwiwe azoyikorera+. 12 Ku bw’iyo mvo, nzomuha umugabane muri benshi+, kandi azogabanganya isahu kumwe n’abanyabushobozi+, kubera ko yasutse ubuzima bwiwe gushika ku rupfu+, agaharurwa mu bagabitanya+; kandi ubwiwe yiremetse igicumuro c’abantu benshi+, aja hagati ku bw’abagabitanya+.

  • Yohani 20:27
    Bibiliya y’isi nshasha

    • 27 Ubukurikira abwira Toma ati: “Shira urutoke rwawe ng’aha, urabe n’ibiganza vyanje, wongere ufate ukuboko+ kwawe ukwinjize mu rubavu rwanje, uheze ureke gukekeranya, ahubwo wemere.”