Abụ Ọma
Geenụ ntị n’ihe m na-ekwu.
2 M ga-emeghe ọnụ m tụọ ilu.
M ga-atụ ilu ndị a na-atụ n’oge dị anya gara aga.+
Anyị ga-akọrọ ọgbọ na-abịa abịa+
Ihe ọma ndị Jehova mere nakwa otú o si gosi na ọ dị ike,+
Ya bụ, ihe ndị dị ebube o mere.+
O nyere nna nna anyị hà iwu
Ka ha mee ka ụmụ ha mara ihe ndị a,+
6 Ka ọgbọ na-abịa abịa,
Ya bụ, ụmụ a ka ga-amụ amụ, mara ihe ndị a.+
Hanwa ga-akọkwara ụmụ nke ha ihe ndị a.+
7 Mgbe ahụ, ha ga-atụkwasị Chineke obi.
8 Ọ ga-eme ka ha ghara ịdị ka ndị nna nna ha,
Bụ́ ọgbọ isi ike, nke nupụrụ isi,+
Ọgbọ nke obi ha na-adịghị n’otu ebe,*+
Nke na-atụkwasịghịkwa Chineke obi.
9 E nyere ụmụ Ifrem ụta,
Ma ha gbara ọsọ n’ụbọchị ha gara agha.
15 O mere ka oké nkume ndị dị n’ala ịkpa gbawaa.
O mere ka ha ṅụjuo mmiri afọ ka à ga-asị na ọ̀ bụ mmiri si n’oké osimiri.+
N’agbanyeghị ya, ha jụrụ, sị: “Ò nwere ike inye anyị nri,
Ka ò nwere ike inye ndị ya anụ ha ga-ata?”+
21 Mgbe Jehova nụrụ ihe ha kwuru, o were nnukwu iwe.+
Ha atụkwasịghị ya obi na ọ ga-azọpụtali ha.
23 O wee nye ígwé ojii nke dị n’elu iwu,
O meghekwara ọnụ ụzọ eluigwe.
24 Ọ nọ na-eme ka mana na-ezoro ha ka mmiri ka ha rie.
O nyere ha nri si n’eluigwe.+
25 Ndị mmadụ riri nri ndị dike.*+
O nyere ha nri ga-ezuru ha.+
26 O mere ka ifufe si n’ebe ọwụwa anyanwụ fewe n’eluigwe,
Jirikwa ike ya mee ka ifufe si n’ebe ndịda fewe.+
27 O mere ka anụ ju ebe niile ka ájá.
Nnụnụ juru ebe niile ka ájá dị n’akụkụ oké osimiri.
29 Ha riri ihe rifee afọ ha.
O nyere ha ihe gụrụ ha.+
30 Ma, tupu ha erie ya otú o si na-agụ ha,
Mgbe ha ka kpụ nri ha n’ọnụ,
O gburu ụmụ nwoke ha ndị kacha ike.+
O gburu ụmụ okorobịa Izrel.
32 N’agbanyeghị ihe a, ha mekwuru mmehie.+
Ha enweghị okwukwe n’agbanyeghị na ha hụrụ ọrụ ndị dị ebube ọ rụrụ.+
33 O wee mee ka ha kwụsị ịdị ndụ n’otu ntabi anya ka ebe e kupụrụ ume,+
Meekwa ka nsogbu bịara ha na mberede, ha anwụọ.
34 Ma mgbe ọ bụla o gburu ụfọdụ n’ime ha, ha na-achọ ya.+
Ha na-alaghachi chọọ Chineke.
36 Ma ha gbalịrị ka ha jiri okwu ọnụ ha ghọgbuo ya,
Ha ghakwaara ya ụgha.
Ha ejighịkwa ọgbụgba ndụ ha na ya kpọrọ ihe.+
Ọ na-agbaghara ha* mmehie ha ma ghara ibibi ha.+
Ọ na-eme ka iwe ya dajụọ ugboro ugboro+
Kama iwesa ha iwe otú ọ dị ya n’obi.
Ha echetaghị ụbọchị ọ napụtara ha n’aka onye iro,+
43 Otú o si mee ihe àmà dị iche iche n’Ijipt,+
Rụọkwa ọrụ ebube dị iche iche n’ógbè Zoan,
44 Nakwa otú o si mee ka mmiri Naịl ghọọ ọbara,+
Nke mere na ndị mmadụ enweghị ike ịṅụ mmiri ya.
46 O mere ka igurube ndị na-erichapụ ihe rie ihe ha kụrụ n’ubi,
Meekwa ka igurube ndị na-abịa n’ìgwè richapụ ihe ha tara ahụhụ rụpụta.+
48 O mere ka akụ́ mmiri ígwé dagbuo anụ ndị na-eburu ha ibu,+
Meekwa ka àmụ̀mà see wee* gbuo anụ ụlọ ha.
49 O wesara ha iwe dị ọkụ,
O were nnukwu iwe, taakwa ha ahụhụ.
Ìgwè ndị mmụọ ozi kpataara ha ọdachi.
50 O mere ka iwe ya zuo ha ahụ́.
Ọ napụtaghị ha* n’aka ọnwụ.
O mekwara ka ọrịa na-efe efe gbuo ha.
51 N’ikpeazụ, o gburu ndị niile e bu ụzọ mụọ n’Ijipt,+
Bụ́ ndị e bu ụzọ mụọ n’ụlọikwuu ndị dị na Ham.
Oké osimiri kpuchiri ndị iro ha.+
55 Ọ chụpụụrụ ha mba dị iche iche.+
O ji eriri e ji atụ̀ ihe tụọ ala, kenyezie ha ya.+
O mere ka ebo dị iche iche e nwere n’Izrel biri n’ụlọ nke ha.+
56 Ma ha nọ na-ama Chineke Onye Kacha Elu aka,* na-enupụkwara ya isi.+
Ha egeghị ntị ná ntụziaka ndị o nyere ha.*+
57 Ha gbakụtakwara ya azụ ma na-aghọ aghụghọ ka ndị nna nna ha.+
Ha dị ka ụta a na-ekwesighị ike, nke a na-atụkwasịghị obi.+
58 Ha nọ na-efe arụsị ha n’ebe ndị dị elu wee na-akpasu ya iwe,+
Ha jikwa arụsị ha a pịrị apị na-akpasu ya iwe.+
59 Chineke hụrụ ihe ha nọ na-eme, ya ewee oké iwe.+
O wee jụ Izrel kpamkpam.
61 O kwere ka ndị iro ya buru igbe ọgbụgba ndụ ya.
O kwere ka ha buru ihe nọchiri anya ike ya na ebube ya.+
63 Ọkụ regburu ụmụ okorobịa ya.
A gụrụghị ụmụ agbọghọ ya na-amaghị nwoke egwú agbamakwụkwọ.*
66 O wee chụghachi ndị iro ya azụ.+
O mere ka ihere na-eme ha mgbe niile.
67 Ọ jụrụ ụlọikwuu Josef.
Ọ họrọghị ebo Ifrem.
69 Ọ rụrụ ebe nsọ ya ka ọ na-adị mgbe niile ka eluigwe,+
Meekwa ka ọ dị ka ụwa nke o kere ka ọ dịruo mgbe ebighị ebi.+