Schema gi a theokrasia diniwroko-skoro foe 1994
BODOI
Ini 1994 den sani di e kon now, sa de den sani di seti te a theokrasia diniwroko-skoro e hori.
DEN BOEKOE DI DE FANOWDOE: A Njoen Grontapoevertaling foe den Santa Boekoe foe bijbel [bi12], Den tjari den kon na wán ini na anbegi foe a wan-enkri troe Gado [uw-SR], „Ala den Boekoe foe bijbel ben skrifi nanga jepi foe Gado santa jeje èn den boen” (Uitgave foe 1990) [si], A moro bigi libisma foe ala ten [gt-SR], nanga „Bijbel tori foe takimakandra” so leki fa wi e feni dati ini a Njoen Grontapoevertaling [*td], wi sa gebroiki leki fondamenti gi den toewijzing.
A skoro sa bigin nanga singi, begi nanga wan toe wortoe foe bari sma wan switi kon, èn baka dati a sa go doro leki fa wi e skrifi now:
TOEWIJZING Nr. 1: 15 miniti. Wan owroeman noso wan bekwaam dinari ini a diniwroko moesoe hori a lezing disi èn a sa abi en gron tapoe Den tjari den kon na wán ini na anbegi foe a wan-enkri troe Gado noso tapoe „Ala den Boekoe foe bijbel ben skrifi nanga jepi foe Gado santa jeje èn den boen”. Den moesoe hori a toewijzing disi leki wan 10 te leki 12 miniti instruktielezing, dan wan overzicht foe aksi nanga piki foe 3 te leki 5 miniti e kon na en baka, ala di den sa gebroiki den aksi di tanapoe ini a poeblikâsi. A marki no moesoe de wawan foe behandel a materiaal, ma foe poti prakseri tapoe a praktis waarde foe den bodoi di den e taki foe en, ala di den e poti krakti na tapoe penti di sa de foe a moro bigi jepi gi a gemeente. A thema di e sori na tapoe a schema moesoe gebroiki. Wi e gi ala sma deki-ati foe sreka densrefi boen na fesi, so taki den kan njanboen foe a materiaal disi dorodoro.
Den brada di kisi a lezing disi, moesoe sorgoe boen taki den hori densrefi na a ten di den kisi. Efoe a de fanowdoe, noso efoe a takiman ben aksi foe dati, dan rai kan gi aparti na a sma dati.
EDEPENTI FOE A BIJBEL-LEISIPISI: 6 miniti. Disi a skoro-opziener noso wan tra owroeman, noso wan dinari ini a diniwroko moesoe hori di sa gebroiki a materiaal foe fiti a fanowdoe foe a gemeente. Disi no moesoe de soso wan sjatoe taki foe a bijbel-leisipisi. Skotoe a sjatoe tori di e gi na a bigin foe a bijbel-leisipisi foe den kapitel, 30 te leki 60 sekonde. A moro prenspari marki de foe jepi den arkiman foe froestan foe san ede èn fa den bodoi abi waarde gi wi. Baka dati, a skoro-opziener sa meki den studenti go na den difrenti skorokamra.
LEZING NR. 2: 5 miniti. Disi na wan bijbel-leisipisi di wan brada moesoe leisi. Disi de so gi a skoro ini zaal so boen leki a di foe toe noso a di foe dri skoro. A de a gwenti taki den pisi di den studenti e kisi foe leisi, sjatoe nofo foe gi den na okasi foe gi sjatoe froeklari foe wan toe penti na a bigin èn na a kaba foe a pisi di den kisi foe leisi. A kan taki foe historia background, san a pisi di a leisi wani taki na profeiti sei èn san a wani taki na a sei foe kerki leri èn fa foe gebroiki den gronprakseri ini wi libi. Ala den tekst di den kisi foe leisi, den moesoe leisi troetroe sondro foe tapoe. A no de foe taki dati te a pisi foe leisi no e waka a wan baka a trawan, dan a studenti kan kari a vers pe a moesoe go doro nanga a leisipisi.
LEZING NR. 3: 5 miniti. A lezing disi den sa gi na sisa. Den tori gi a lezing disi sa abi den gron tapoe a boekoe A moro bigi libisma foe ala ten. A studenti di den e gi a lezing disi, moesoe man foe leisi. A studenti mag tanapoe noso sidon te a e hori a lezing disi. A skoro-opziener sa gi en wán sma foe asisteri en, ma a kan gebroiki moro sma. Ini a fosi presi den lezing moesoe sreka so taki den abi foe doe nanga situwâsi ini velddienst noso okasi preiki. A sma di e hori a lezing, ensrefi kan bigin nanga a takimakandra foe sori sortoe situwâsi a e agersi noso a kan meki sma di asisteri en doe disi. A no a situwâsi san a e agersi moesoe kisi spesroetoe prakseri, ma a materiaal di a moesoe gebroiki. A studenti moesoe hori ensrefi na a thema di den gi en.
LEZING NR. 4: 5 miniti. Wan brada noso wan sisa e kisi a lezing disi. A sa abi en gron tapoe „Bijbel tori foe taki makandra”, so leki fa wi e feni dati ini a Njoen Grontapoevertaling. Te wan brada kisi a lezing disi, a sa hori en leki wan lezing gi a heri zaal. A ben sa de a moro boen sani efoe a brada e sreka en lezing nanga den fisitiman foe a Kownoekondrezaal na prakseri, so taki a tori troetroe sa leri sma wan sani èn sa de boen gi den sma di e arki dati. Ma, efoe a tori de moro boen gi wan tra boen setting, di meki nanga wan tra sortoe groepoe foe arkiman na prakseri, dan a brada kan bosroiti foe meki en lezing akroederi dati. A studenti moesoe hori ensrefi na a thema di den gi en.
Te wan sisa moesoe hori a lezing disi, dan a moesoe doe dati leki fa den e gi bodoi gi lezing nr. 3.
RAI NANGA WAN TOE WORTOE: Baka ibri oefen lezing a skoro-opziener sa gi spesroetoe rai, pe a no de fanowdoe foe a hori ensrefi na den penti so leki fa den skifi a wan baka a trawan tapoe a raibrifi. Na presi foe dati, a sa gi rai di e poti prakseri tapoe spesroetoe kontren pe a studenti moesoe go moro na fesi. Efoe a studenti froedini wan „B” (boen), èn no wan tra eigifasi foe taki de, pe no wan „K” (kon pikinso moro boen) noso wan „W” (wroko na a penti disi) skrifi na baka, dan a sma di e gi rai sa sori na sortoe penti a studenti moesoe wroko a tra leisi, foe di a sa poti wan marki lontoe a faki, pe leki fa a gwenti de, wan B, K noso W e kon. A sa taigi disi na a studenti a neti dati èn a sa skrifi na eigifasi foe taki disi, so srefi tapoe a tra toewijzing brifi (S-89) gi a studenti. Den sma di e hori wan lezing, sa go sidon na fesisei ini a zaal. Disi sa meki taki wi wini ten èn a sa gi a skoro-opziener na okasi foe gi rai langalanga na a studenti. Efoe ten e gi pasi foe doe dati, a raiman, baka te a gi rai di de fanowdoe, kan taki foe wan toe penti di a studenti no ben taki foe den, èn di e gi bodoi èn di de praktis. A skoro-opziener moesoe loekoe boen taki a e gebroiki no moro leki toe miniti foe gi rai èn foe taki sjatoe foe wan toe penti baka ibri lezing foe wan studenti. Efoe na overzicht foe den heimarki foe a bijbel-leisipisi no ben boen dorodoro, dan a skoro-opziener kan gi rai te en nanga a brada wawan de.
A SREKA FOE DEN LEZING: Bifo den o sreki gi wan lezing di den kisi foe hori, den studenti moesoe leisi a materiaal finifini ini a Handleiding-boekoe di abi foe doe nanga na eigifasi foe taki di den moesoe wroko na en. Studenti di kisi lezing nr. 2, moesoe teki wan thema di fiti a bijbelpisi di den sa leisi. Den tra lezing sa meki akroederi a thema di sori tapoe a schema.
BEPAAL A TEN: No wan lezing moesoe pasa a ten èn dati de so toe gi a rai nanga wan toe penti di a raiman e taki foe en. A skoro-opziener moesoe stòp lezing nr. 2 te nanga 4 na wan taktvol fasi, te a ten pasa. A sma di moesoe gi a marki foe stòp, moesoe doe disi wantewante te a ten pasa kaba. Efoe den brada di e hori lezing nr. 1 èn a bijbel-leisiprograma, e pasa a ten, dan den sa gi den rai aparti. Ala sma moesoe loekoe a ten finifini di densrefi e bepaal. A heri programa, boiti singi nanga begi, moesoe hori 45 miniti.
SCHRIFTELIJK OVERZICHT: Ten na ten, wi sa hori wan schriftelijk overzicht. Foe sreka joesrefi na tapoe dati, go loekoe a materiaal di den gi, ete wan leisi èn leisi a bijbel leisipisi te na kaba. Ini na overzicht disi di e hori ini 25 miniti, joe mag gebroiki soso bijbel. A ten di tan abra den sa gebroiki gi wan takimakandra foe den aksi nanga piki. Ibri studenti sa loekoe en eigi papira. Makandra nanga a zaal a skoro-opziener sa loekoe den piki tapoe den overzicht aksi èn a sa poti moro foeroe prakseri tapoe den moro moeilek aksi èn jepi ala sma foe froestan den piki krinkrin. Efoe, foe wan noso tra reide a situwâsi ini a gemeente no e gi pasi foe hori na overzicht na a ten dati, dan den mag hori disi wan wiki moro lati leki fa den e sori tapoe a schema.
BIGI GEMEENTE: Gemeente pe 50 noso moro studenti skrifi den nen gi a skoro, kande wani seti sani so taki aparti groepoe studenti kan hori den lezing di de tapoe a schema, na fesi tra raiman. A no de foe taki, dati sma di no dopoe ete, ma di den fasi foe libi de ini akroederi nanga kresten gronprakseri, kan poti den nen so srefi na a skoro èn kisi toewijzing.
TE SMA NO DE: Ala sma ini a gemeente kan sori warderi gi a skori disi, foe di den e doe moeiti foe de ibri wiki na a skoro, foe di den e sreka den toewijzing foe den boen èn e teki prati na den aksi-nanga-piki-takimakandra. Wi e howpoe taki ala studenti sa si den toewijzing foe den na wan serjoesoefasi. Te wan studenti di moesoe hori wan lezing, no de, dan wan tra sma di wani, kan hori a lezing dati, ala di akroederi a sjatoe pisi ten di a e kisi foe sreka ensrefi na tapoe a lezing, a sa meki den penti na san den arkiman kan abi den winimarki, kon boen na fesi. Noso a skoro-opziener kan behandel a materiaal èn a gemeente kan teki prati na dati so leki fa a fiti.
SCHEMA
*td – „Bijbel tori foe takimakandra” so leki fa wi kan feni dati ini a Njoen Grontapoevertaling
3 jan. Bijbel-leisipisi: Nehemia 9 te nanga 11
Singi Nr. 2
Nr. 1: Fa wi kan kisi troe kresten wánfasi (uw-SR blz. 5-7, par. 1-7)
Nr. 2: Genesis 39:7-10, 17-23
Nr. 3: Doe sani di abi troetroe waarde na Gado (gt-SR kap. 83 noso wSR88 15/12 blz. 6, 7)
Nr. 4: *td 1A A marki di Gado abi na prakseri nanga grontapoe
10 jan. Bijbel-leisipisi: Nehemia 12 nanga 13
Singi Nr. 129
Nr. 1: Nehemia—Foe san ede a boen (si blz. 90-91, par. 16-19)
Nr. 2: Genesis 44:18-34
Nr. 3: A frantiwortoe foe de wan disipel (gt-SR kap. 84 noso wSR89 1/1 blz. 40-42)
Nr. 4: *td 1B Grontapoe no sa tan noiti sondro sma
17 jan. Bijbel-leisipisi: Ester 1 te nanga 5
Singi Nr. 132
Nr. 1: Inleiding foe kon tapoe a boekoe Ester (si blz. 91-92, par. 1-6)
Nr. 2: Genesis 45:1-13
Nr. 3: Loekoe boen foe regtfardiki joesrefi èn abi waarderi gi sakafasi (gt-SR kap. 85 noso wSR89 15/1 blz. 25-28)
Nr. 4: *td 39A Fa wi kan kon sabi falsi profeiti
24 jan. Bijbel-leisipisi: Ester 6 te nanga 10
Singi Nr. 133
Nr. 1: Ester—Foe san ede a boen (si blz. 94, par. 16-18)
Nr. 2: Ester 6:1-13
Nr. 3: A manpikin di ben lasi, nanga en papa di abi lobifasi (gt-SR kap. 86, par. 1-9 noso wSR89 1/2 blz. 28-31)
Nr. 4: *td 17A Foe san ede kon betre na jeje fasi de prenspari
31 jan. Bijbel-leisipisi: Job 1 te nanga 3
Singi Nr. 62
Nr. 1: Inleiding foe kon tapoe a boekoe Job (si blz. 95-96, par. 1-6)
Nr. 2: Job 2:1-13
Nr. 3: A draibaka foe a manpikin di ben lasi abi krakti na tapoe trawan (gt-SR kap. 86, par. 10-20 noso wSR89 15/2 blz. 32-35)
Nr. 4: *td 17B Gado Kownoekondre sa tjari gosontoe na skin fasi kon di sa tan
7 feb. Bijbel-leisipisi: Job 4 te nanga 6
Singi Nr. 158
Nr. 1: Prenspari sani gi kresten wánfasi (uw-SR blz. 7, par. 8 te nanga 8 [3])
Nr. 2: Job 6:1-11, 29, 30
Nr. 3: Sorgoe nanga praktis koni gi a ten di de na wi fesi (gt-SR kap. 87 noso wSR89 1/3 blz. 22-25)
Nr. 4: *td 17C A meki di den e meki sma kon gosontoe baka nanga jepi foe begi ini a ten disi, no e boeweisi taki Gado e feni den boen
14 feb. Bijbel-leisipisi: Job 7 te nanga 9
Singi Nr. 213
Nr. 1: Sani di e jepi foe kisi kresten wánfasi doe kon (uw-SR blz. 8, par. 8 [4] te nanga 9)
Nr. 2: Job 9:1-15
Nr. 3: A goedoeman nanga Lasarus (gt-SR kap. 88, par. 1-10 noso wSR89 15/3 blz. 33-36)
Nr. 4: *td 17D A taki di den ben taki ini tongo na wan sani di ben seti soso gi wan sjatoe pisi ten
21 feb. Bijbel-leisipisi: Job 10 te nanga 12
Singi Nr. 191
Nr. 1: Troe kresten e tan farawe foe krakti di e meki pratifasi kon (uw-SR blz. 8-10, par. 10-12)
Nr. 2: Job 12:1-16
Nr. 3: San na agersitori foe a goedoeman nanga Lasarus wani taki (gt-SR kap. 88, par. 11-21 noso wSR89 1/4 blz. 45-48)
Nr. 4: *td 20A Soso 144.000 e go na hemel
28 feb. Bijbel-leisipisi: Job 13 te nanga 15
Singi Nr. 97
Nr. 1: Sabi èn warderi Jehovah (uw-SR blz. 10-11, par. 1-4)
Nr. 2: Job 13:1-13
Nr. 3: Go na ini Judea nanga wan wroko foe sari-ati (gt-SR kap. 89 noso wSR89 15/4 blz. 42-45)
Nr. 4: *td 19A Troetroe faja no de na hel
7 maart Bijbel-leisipisi: Job 16 te nanga 18
Singi Nr. 185
Nr. 1: Waka na baka na eksempre foe Jehovah foe sori lobi (uw-SR blz. 12-13, par. 5-7)
Nr. 2: Job 16:1-11, 22
Nr. 3: Jesus e taki foe na opobaka howpoe (gt-SR kap. 90 noso wSR89 1/5 blz. 37-40)
Nr. 4: *td 19B Faja na wan simbôl foe pori
14 maart Bijbel-leisipisi: Job 19 nanga 20
Singi Nr. 85
Nr. 1: Jepi sma foe kon sabi a waarheid foe Gado (uw-SR blz. 13-14, par. 8 te nanga 11 [2])
Nr. 2: Job 19:14-29
Nr. 3: Jesus e gi Lasarus wan opobaka (gt-SR kap. 91 noso wSR89 15/5 blz. 13-15)
Nr. 4: *td 19C A tori foe a goedoeman nanga Lasarus—no e boeweisi taki têgo pina de wan troe sani
21 maart Bijbel-leisipisi: Job 21 nanga 22
Singi Nr. 95
Nr. 1: Wán Jehovah nomo de (uw-SR blz. 14-15, par. 11 [3] te nanga 12)
Nr. 2: Job 21:19-34
Nr. 3: Sori tangi gi a boen-ati foe Gado (gt-SR kap. 92 noso wSR89 1/6 blz. 12-15)
Nr. 4: *td 13A Den fosi kresten no ben hori den frijari dei noso kresneti
28 maart Bijbel-leisipisi: Job 23 te nanga 26
Singi Nr. 138
Nr. 1: San a wani taki foe waka ini a nen foe Gado (uw-SR blz. 15-16, par. 13-15)
Nr. 2: Job 24:1, 2, 14-25
Nr. 3: Te den o tjari a Manpikin foe Gado kon na krin (gt-SR kap. 93 noso wSR89 15/6 b/z. 13-16)
Nr. 4: *td 5A A gebroiki foe popki ini na anbegi no e gi Gado grani
4 april Bijbel-leisipisi: Job 27 te nanga 29
Singi Nr. 180
Nr. 1: Jepi trawan foe teki bijbel leki a Wortoe foe Gado (uw-SR blz. 17-18, par. 1-6)
Nr. 2: Job 29:2-18
Nr. 3: A fanowdoe foe begi èn foe abi sakafasi (gt-SR kap. 94 noso wSR89 1/7 blz. 12-16)
Nr. 4: *td 5B Na anbegi foe popki ben meki taki Israèl fadon
11 april Bijbel-leisipisi: Job 30 nanga 31
Singi Nr. 46
Nr. 1: Leisi bijbel ibri dei (uw-SR blz. 19-20, par. 7-11)
Nr. 2: Job 31:23-37
Nr. 3: Leri di e go foe brokotrow èn a lobi di sma moesoe lobi pikin-nengre (gt-SR kap. 95 noso wSR89 15/7 blz. 13-16)
Nr. 4: *td 5C Gado no e gi pasi foe wi anbegi tra sani
18 april Bijbel-leisipisi: Job 32 nanga 33
Singi Nr. 59
Nr. 1: Studeri foe kon sabi Jehovah (uw-SR blz. 21, par. 12 te nanga 12 [1])
Nr. 2: Job 33:1-6, 23-33
Nr. 3: Jesus nanga wan goedoe jongoe tiriman (gt-SR kap. 96 noso wSR89 1/8 blz. 12-15)
Nr. 4: *td 22A Troe wánfasi no e kon nanga jepi foe intergeloof
25 april Schriftelijk overzicht. Leisi Nehemia 9 te nanga Job 33
Singi Nr. 42
2 mei Bijbel-leisipisi: Job 34 te nanga 36
Singi Nr. 47
Nr. 1: Loekoe a thema foe bijbel nanga a kontekst foe den vers (uw-SR blz. 21, par. 12 [2] nanga blz. 22, par 12 [3])
Nr. 2: Job 34:1-15
Nr. 3: Na agersi tori foe Jesus foe a droifidjari (gt-SR kap. 97 noso wSR89 15/8 blz. 13-16)
Nr. 4: *td 22B „Ini ala relisi wan boen sani de” no troe
9 mei Bijbel-leisipisi: Job 37 nanga 38
Singi Nr. 162
Nr. 1: Meki persoonlijk gebroiki foe san joe leri èn prati en nanga trawan (uw-SR blz. 22, par. 12 [4] te nanga 13)
Nr. 2: Job 37:5-14, 23, 24
Nr. 3: Jesus e sreka den disipel foe en gi san o kon (gt-SR kap. 98 noso wSR89 1/9 blz. 13-16)
Nr. 4: *td 23A Kresten moesoe gebroiki a persoonlijk nen foe Gado
16 mei Bijbel-leisipisi: Job 39 nanga 40
Singi Nr. 105
Nr. 1: San den profeiti e taki foe Jesus (uw-SR blz. 24-26, par. 1-6)
Nr. 2: Job 40:1-14
Nr. 3: Jesus e tjari wan man-pikin foe Abraham di ben lasi, na a leti pasi baka (gt-SR kap. 99 noso wSR89 15/9 blz. 5-8)
Nr. 4. *td 23B Troe sani di abi foe doe nanga a de di Gado de
23 mei Bijbel-leisipisi: Job 41 nanga 42
Singi Nr. 106
Nr. 1: Job—Foe san ede a boen (si blz. 100, par. 39-43)
Nr. 2: Job 42:1-10, 12-17
Nr. 3: Na agersitori foe den mina (gt-SR kap. 100 noso wSR89 1/10 blz. 12-15)
Nr. 4: *td 23C Kon sabi den eigifasi foe Gado
30 mei Bijbel-leisipisi: Psalm 1 te nanga 6
Singi Nr. 168
Nr. 1: Inleiding foe kon tapoe den Psalm—Pisi 1 (si blz. 101, par. 1-5)
Nr. 2: Psalm 2:1-12
Nr. 3: Jesus e djompo taki gi Maria, foe a toemoesi boen sani di a doe (gt-SR kap. 101 noso wSR89 1/11 blz. 16, 17)
Nr. 4: *td 23D A no ala sma e dini a srefi Gado
6 juni Bijbel-leisipisi: Psalm 7 te nanga 10
Singi Nr. 138
Nr. 1: Inleiding foe kon tapoe den Psalm—Pisi 2 (si blz. 102, par. 6-11)
Nr. 2: Psalm 8:1–9:5
Nr. 3: A kon di Jesus kon na wan glori fasi na ini Jerusalem (gt-SR kap. 102 noso wSR89 1/11 blz. 18, 19)
Nr. 4: *td 24A A bigin foe Jehovah Kotoigi
13 juni Bijbel-leisipisi: Psalm 11 te nanga 17
Singi Nr. 64
Nr. 1: Poti prakseri na den profeiti prenki (uw-SR blz. 26-27, par. 7 te nanga 8 [2])
Nr. 2: Psalm 14:1–15:5
Nr. 3: Jesus e kroetoe den sma di e doti a tempel foe Gado (gt-SR kap. 103 noso wSR89 15/11 blz. 19, 20)
Nr. 4: *td 25A Jesus na a Manpikin foe Gado èn a Kownoe di Gado ben poti
20 juni Bijbel-leisipisi: Psalm 18 te nanga 20
Singi Nr. 79
Nr. 1: Den sani di ben prenki wi Heipriester na fesi (uw-SR blz. 27, par. 8 [3] nanga 8 [4])
Nr. 2: Psalm 19:1-14
Nr. 3: Den ben jere a sten foe Gado wan di foe dri tron (gt-SR kap. 104 noso wSR89 1/12 blz. 8, 9)
Nr. 4: *td 25B Bribi ini Jesus Krestes de fanowdoe foe kisi froeloesoe
27 juni Bijbel-leisipisi: Psalm 21 te nanga 24
Singi Nr. 144
Nr. 1: Foe san ede berow nanga bribi de fanowdoe (uw-SR blz. 31-33, par. 9-14)
Nr. 2: Psalm 23:1–24:10
Nr. 3: San a figabon di Jesus ben floekoe e prenki (gt-SR kap. 105 noso wSR89 15/12 blz. 8, 9)
Nr. 4: *td 25C Moro leki bribi ini Jesus de fanowdoe
4 juli Bijbel-leisipisi: Psalm 25 te nanga 29
Singi Nr. 160
Nr. 1: Gi jesi na Gado e tjari troe fri kon (uw-SR blz. 31-33, par. 1-5)
Nr. 2: Psalm 26:1-12
Nr. 3: Fa den e poeroe a bere foe den relisi tiriman kon na doro (gt-SR kap. 106 noso wSR90 1/1 blz. 8, 9)
Nr. 4: *td 27A San Gado Kownoekondre sa doe gi a libisma famiri
11 juli Bijbel-leisipisi: Psalm 30 te nanga 33
Singi Nr. 130
Nr. 1: Pe sma kan feni troe fri kan feni ini a ten disi (uw-SR blz. 33-35, par. 6-9)
Nr. 2: Psalm 32:1-11
Nr. 3: San na agersitori foe a trowfesa e prenki (gt-SR kap. 107 noso wSR90 15/1 blz. 8, 9)
Nr. 4: *td 27B A kownoekondre-tiri e bigin ala di den feianti foe krestes de aktief ete
18 juli Bijbel-leisipisi: Psalm 34 te nanga 36
Singi Nr. 167
Nr. 1: A fri foe grontapoe na, te joe loekoe en boen, katibo (uw-SR blz. 35-36, par. 10-12)
Nr. 2: Psalm 36:1-12
Nr. 3: Den no man kisi Jesus (gt-SR kap. 108 noso wSR90 1/2 blz. 8, 9)
Nr. 4: *td 27C A Kownoekondre foe Gado no e kon leki wan bakapisi foe libisma moeiti
25 juli Bijbel-leisipisi: Psalm 37 te nanga 39
Singi Nr. 109
Nr. 1: Fa foe kon sabi takroe kompe (uw-SR blz. 36-37, par. 13, 14)
Nr. 2: Psalm 37:23-38
Nr. 3: Jesus e kroetoe den gensman foe En (gt-SR kap. 109 noso wSR90 15/2 blz 8, 9)
Nr. 4: *td 29A San „a kaba foe grontapoe” wani taki
1 aug. Bijbel-leisipisi: Psalm 40 te nanga 44
Singi Nr. 207
Nr. 1: A bigi strei-aksi di ala sma e kisi foe doe nanga en (uw-SR blz. 38-40, par. 1-3)
Nr. 2: Psalm 41:1-13
Nr. 3: Jesus en diniwroko na ini a tempel kon na wan kaba (gt-SR kap. 110 wSR90 1/3 blz. 18, 19)
Nr. 4: *td 29B Tan na ai ini a tori foe den boeweisi taki wi e libi ini den lasti dei
8 aug. Bijbel-leisipisi: Psalm 45 te nanga 49
Singi Nr. 190
Nr. 1: Waka na baka a bribi foe den loyaalwan (uw-SR blz. 40-43, par. 4-11)
Nr. 2: Psalm 45:1-7, 10-17
Nr. 3: Jesus e gi a marki foe den lasti dei (gt-SR kap. 111, par. 1-11 noso wSR90 1/3 blz. 20, 21)
Nr. 4: *td 30A Gado e pramisi a libisma famiri di e gi jesi, têgo libi
15 aug. Bijbel-leisipisi: Psalm 50 te nanga 52
Singi Nr. 170
Nr. 1: A waarheid e gi Jehovah grani (uw-SR blz. 43-45, par. 12-15)
Nr. 2: Psalm 51:1-17
Nr. 3: Jesus e froeteri moro foe den lasti dei (gt-SR kap. 111, par. 12-19 noso wSR90 1/4 blz. 8, 9)
Nr. 4: *td 30B Soso den wan di de wan memre foe a skin foe Kreste e go na hemel
22 aug. Bijbel-leisipisi: Psalm 53 te nanga 57
Singi Nr. 103
Nr. 1: San a gi di Gado gi pasi taki ogri de e leri wi (uw-SR blz. 46-48, par. 1-7)
Nr. 2: Psalm 55:1, 2, 12-23
Nr. 3: Den koni nanga den don jongoewenke (gt-SR kap. 111 par. 20-28 noso wSR . . .)
Nr. 4: *td 30C Wan nomroe foe „tra skapoe” di no skotoe kisi a pramisi foe têgo libi
29 aug. Schriftelijk overzicht. Leisi Job 34 te nanga Psalm 57
Singi Nr. 34
5 sept. Bijbel-leisipisi: Psalm 58 te nanga 62
Singi Nr. 50
Nr. 1: Noiti onregtfardikifasi de na Gado (uw-SR blz. 48-51, par. 8-16)
Nr. 2: Psalm 62:1-12
Nr. 3: Na agersitori foe den talenti (gt-SR kap. 111, par. 29-37 noso wSR90 1/5 blz. 8, 9)
Nr. 4: *td 21A A trowlibi moesoe de krin
12 sept. Bijbel-leisipisi: Psalm 63 te nanga 67
Singi Nr. 45
Nr. 1: Froetrow tapoe Jehovah—kakafoetoe gi ogri jejekrakti (uw-SR blz. 52-54, par. 1-5)
Nr. 2: Psalm 65:1-13
Nr. 3: Te Krestes e kon ini Kownoekondre-makti (gt-SR kap. 111, par. 38-46 noso wSR90 1/5 blz. 10, 11)
Nr. 4: *td 21B Kresten moesoe abi lespeki gi a gronprakseri di abi foe doe nanga na edeman-wroko
19 sept. Bijbel-leisipisi: Psalm 68 nanga 69
Singi Nr. 82
Nr. 1: De na ai gi den trikifasi foe Didibri (uw-SR blz. 54-56, par. 6-12)
Nr. 2: Psalm 68:1-11, 32-35
Nr. 3: Jesus en lasti Paska de krosibei (gt-SR kap. 112 noso wSR90 1/6 blz 5)
Nr. 4: *td 21C Den frantiwortoe di kresten papa nanga mama abi gi pikin
26 sept. Bijbel-leisipisi: Psalm 70 te nanga 73
Singi Nr. 73
Nr. 1: Weri a heri fetisani foe Gado (uw-SR blz. 57-59, par. 13-15)
Nr. 2: Psalm 72:1-20
Nr. 3: Jesus e leri wi foe abi sakafasi (gt-SR kap. 113 noso wSR90 1/7 blz. 17)
Nr. 4: *td 21D Krestensma moesoe trow soso nanga krestensma wawan
3 okt. Bijbel-leisipisi: Psalm 74 te nanga 77
Singi Nr. 113
Nr. 1: Sabi, bribi nanga na opobaka (uw-SR blz. 59-62, par. 1-7)
Nr. 2: Psalm 76:1-12
Nr. 3: Jesus e seti a Memrefesa (gt-SR kap. 114 noso wSR90 1/7 blz. 18, 19)
Nr. 4: *td 21E Troe kresten no abi moro leki wan trowpatna
10 okt. Bijbel-leisipisi: Psalm 78 nanga 79
Singi Nr. 18
Nr. 1: Jesus abi den sroto foe dede nanga foe Hades (uw-SR blz. 62-65, par. 8-15)
Nr. 2: Psalm 79:1-13
Nr. 3: Nanga pasensi Jesus e leri en disipel foe abi lobi nanga sakafasi (gt-SR kap. 115 noso wSR90 1/7 blz. 20, 21)
Nr. 4: *td 32A Maria ben de a mama foe Jesus, no a „mama foe Gado”
17 okt. Bijbel-leisipisi: Psalm 80 te nanga 85
Singi Nr. 93
Nr. 1: Abi warderi gi a Kownoekondre foe Gado di sa tan (uw-SR blz. 66-69, par. 1-9)
Nr. 2: Psalm 83:1-18
Nr. 3: Jesus e sreka den apostel gi a dede foe en (gt-SR kap. 116 par. 1-14 noso wSR90 1/8 blz. 8, 9)
Nr. 4: *td 32B Bijbel e sori taki Maria no ben tan „jongoewenke ala ten”
24 okt. Bijbel-leisipisi: Psalm 86 te nanga 89
Singi Nr. 57
Nr. 1: A Kownoekondre sa doe san Gado ben abi na prakseri ini a bigin (uw-SR blz. 69-72, par. 10-12)
Nr. 2: Psalm 86:1-17
Nr. 3: Den sma di de den troe mati foe Jesus (gt-SR kap. 116 par. 15-25 noso wSR90 1/8 blz.10, 11)
Nr. 4: *td 3A San den Boekoe foe bijbel e taki foe a Memrefesa
31 okt. Bijbel-leisipisi: Psalm 90 te nanga 94
Singi Nr. 190
Nr. 1: San a Kownoekondre doe kaba (uw-SR blz. 73-74, par. 13-15)
Nr. 2: Psalm 90:1-17
Nr. 3: Jesus e sreka den disipel foe èn e gi den deki-ati (gt-SR kap. 116 par. 26-37 noso wSR90 1/9 blz. 7, 8)
Nr. 4: *td 3B A hori foe mis no komoto foe bijbel
7 nov. Bijbel-leisipisi: Psalm 95 te nanga 101
Singi Nr. 172
Nr. 1: Fa wi e soekoe a Kownoekondre fosi (uw-SR blz. 74-76 par. 1-6)
Nr. 2: Psalm 100:1–101:8
Nr. 3: A lasti begi foe Jesus na a tapoesi sodro (gt-SR kap. 116 par. 38-51 noso wSR90 1/9 blz. 20, 21)
Nr. 4: *td 4A Ala kresten moesoe de bedinari
14 nov. Bijbel-leisipisi: Psalm 102 te nanga 104
Singi Nr. 1
Nr. 1: Waka na baka na eksempre foe den fosi disipel (uw-SR blz. 77, par. 7-9)
Nr. 2: Psalm 103:1-14, 21, 22
Nr. 3: Bigi sari ini a djari (gt-SR kap. 117 noso wSR90 1/12 blz. 8, 9)
Nr. 4: *td 4B San den e aksi foe wi foe wi kan go ini a diniwroko
21 nov. Bijbel-leisipisi: Psalm 105 nanga 106
Singi Nr. 201
Nr. 1: Poti a Kownoekondre persoonlijk na a fosi presi (uw-SR blz. 78-80, par. 10-15)
Nr. 2: Psalm 106:1-12, 47, 48
Nr. 3: A tori di den ben tori Jesus nanga a hori di den ben hori En (gt-SR kap. 118 noso wSR91 1/2 10, 11)
Nr. 4: *td 38A Foe san ede den no wani si troe kresten na ai
28 nov. Bijbel-leisipisi: Psalm 107 te nanga 109
Singi Nr. 202
Nr. 1: San den Boekoe foe bijbel e taki foe a dopoe di Johanes ben dopoe sma (uw-SR 81-82, par. 1-5)
Nr. 2: Psalm 108:1-13
Nr. 3: Den e handri nanga Jesus na wan grofoe fasi èn no e ondrosoekoe sani na en tapoe wan reti fasi (gt-SR kap. 119 noso wSR91 1/3 blz. 8, 9)
Nr. 4: *td 38B Wan oema no moesoe gi en masra pasi foe prati en nanga Gado
5 dec. Bijbel-leisipisi: Psalm 110 te nanga 115
Singi Nr. 17
Nr. 1: Dopoe ini dede (uw-SR blz. 83, par. 6-8)
Nr. 2: Psalm 110:1-7; 114:1-8
Nr. 3: Frede gi sma meki Petrus ben taki a no sabi Masra (gt-SR kap. 120 noso wSR91 1/3 blz. 10)
Nr. 4: *td 38C A trow-masra no moesoe gi en trow-oema pasi foe hari en poeroe foe a diniwroko foe Gado
12 dec. Bijbel-leisipisi: Psalm 116 te nanga 119:32
Singi Nr. 195
Nr. 1: A dopoe „ini a nen foe a Tata èn foe a Manpikin èn foe a santa jeje” (uw-SR blz. 84, par. 9)
Nr. 2: Psalm 116:1-19
Nr. 3: Jesus ben e taki a waarheid na wan deki-atifasi na fesi a Sanhedrin nanga Pilatus (gt-SR kap. 121 noso wSR91 1/4 blz. 32)
Nr. 4: *td 14A Begi di Gado e jere
19 dec. Bijbel-leisipisi: Psalm 119:33-112
Singi Nr. 59
Nr. 1: A dopoe èn kresten frantiwortoe (uw-SR blz. 84-87, par. 10-14)
Nr. 2: Psalm 119:97-112
Nr. 3: No Pilatus no Herodus kan feni fowtoe na Jesus (gt-SR kap. 122 noso wSR91 1/5 blz.8)
Nr. 4: *td 14B Foe san ede bepaalde begi no de jositi
26 dec. Schriftelijk overzicht. Leisi Psalm 58 te nanga 119:112
Singi Nr. 155