Sáàmù

Ẹ fi ọpẹ́ fún Jèhófà, nítorí ó jẹ́ ẹni rere;+

Ìfẹ́ rẹ̀ tí kì í yẹ̀ wà títí láé.+

 2 Ta ló lè kéde gbogbo iṣẹ́ ńlá tí Jèhófà ṣe

Tàbí tó lè kéde gbogbo iṣẹ́ rẹ̀ tó yẹ fún ìyìn?+

 3 Aláyọ̀ ni àwọn tó ń ṣe ohun tó bá ẹ̀tọ́ mu,

Àwọn tó ń ṣe ohun tí ó tọ́ nígbà gbogbo.+

Fi àwọn iṣẹ́ ìgbàlà rẹ tọ́jú mi,

 5 Kí n lè gbádùn oore tí ò ń ṣe fún àwọn àyànfẹ́ rẹ,+

Kí n lè máa bá orílẹ̀-èdè rẹ yọ̀,

Kí n lè máa ṣògo bí mo ṣe ń yìn ọ́* pẹ̀lú ogún rẹ.

 6 A ti dẹ́ṣẹ̀ bí àwọn baba ńlá wa;+

A ti ṣe ohun tí kò dáa; a ti hùwà burúkú.+

Wọn ò rántí ìfẹ́ rẹ tí kì í yẹ̀ tó pọ̀ gidigidi,

Wọ́n ṣọ̀tẹ̀ ní òkun, létí Òkun Pupa.+

 8 Àmọ́, ó gbà wọ́n sílẹ̀ nítorí orúkọ rẹ̀,+

Kí wọ́n lè mọ bí agbára rẹ̀ ṣe pọ̀ tó.+

 9 Ó bá Òkun Pupa wí, ó sì gbẹ;

Ó mú wọn gba ìsàlẹ̀ rẹ̀ bí ẹni gba aṣálẹ̀* kọjá;+

10 Ó gbà wọ́n lọ́wọ́ elénìní,+

Ó sì gbà wọ́n pa dà lọ́wọ́ ọ̀tá.+

11 Omi bo àwọn elénìní wọn;

Kò sí ìkankan lára wọn tó yè bọ́.*+

12 Nígbà náà, wọ́n ní ìgbàgbọ́ nínú ìlérí rẹ̀;+

Wọ́n bẹ̀rẹ̀ sí í kọrin yìn ín.+

13 Àmọ́ kò pẹ́ tí wọ́n fi gbàgbé ohun tó ṣe;+

Wọn ò dúró de ìmọ̀ràn rẹ̀.

14 Wọ́n jẹ́ kí ìfẹ́kúfẹ̀ẹ́ gbà wọ́n lọ́kàn ní aginjù;+

Wọ́n dán Ọlọ́run wò ní aṣálẹ̀.+

15 Ó fún wọn ní ohun tí wọ́n béèrè,

Àmọ́ lẹ́yìn náà, ó fi àrùn kọ lù wọ́n, wọ́n* sì rù hangogo.+

16 Ní ibùdó, wọ́n jowú Mósè

Àti Áárónì,+ ẹni mímọ́ Jèhófà.+

17 Ni ilẹ̀ bá lanu, ó gbé Dátánì mì,

Ó sì bo àwọn tó kóra jọ sọ́dọ̀ Ábírámù.+

18 Iná sọ láàárín àwùjọ wọn;

Ọwọ́ iná jó àwọn ẹni burúkú run.+

19 Wọ́n ṣe ère ọmọ màlúù kan ní Hórébù,

Wọ́n sì forí balẹ̀ fún ère onírin;*+

20 Wọ́n gbé ògo mi

Fún ère akọ màlúù tó ń jẹ koríko.+

21 Wọ́n gbàgbé Ọlọ́run,+ Olùgbàlà wọn,

Ẹni tó ṣe àwọn ohun ńlá ní Íjíbítì,+

22 Àwọn iṣẹ́ àgbàyanu ní ilẹ̀ Hámù,+

Àwọn ohun tó ń bani lẹ́rù ní Òkun Pupa.+

23 Díẹ̀ ló kù kó sọ pé kí wọ́n pa wọ́n rẹ́,

Àmọ́ Mósè àyànfẹ́ rẹ̀ bá wọn bẹ̀bẹ̀*

Láti yí ìbínú rẹ̀ tó ń pani run pa dà.+

24 Síbẹ̀, wọn ò ka ilẹ̀ dáradára náà sí;+

Wọn ò nígbàgbọ́ nínú ìlérí rẹ̀.+

25 Ṣe ni wọ́n ń ráhùn nínú àgọ́ wọn;+

Wọn ò fetí sí ohùn Jèhófà.+

26 Torí náà, ó gbé ọwọ́ rẹ̀ sókè láti búra nípa wọn

Pé òun máa mú kí wọ́n ṣubú ní aginjù;+

27 Pé òun máa mú kí àtọmọdọ́mọ wọn ṣubú láàárín àwọn orílẹ̀-èdè

Àti pé òun máa tú wọn ká sí àwọn ilẹ̀ náà.+

28 Lẹ́yìn náà, wọ́n dara pọ̀ mọ́ àwọn tó ń sin* Báálì Péórì,+

Wọ́n sì ń jẹ ẹbọ tí wọ́n rú sí òkú.*

29 Wọ́n fi àwọn ohun tí wọ́n ń ṣe mú Un bínú,+

Àjàkálẹ̀ àrùn sì bẹ́ sílẹ̀ láàárín wọn.+

30 Àmọ́ nígbà tí Fíníhásì dìde, tí ó sì dá sí i,

Àjàkálẹ̀ àrùn náà dáwọ́ dúró.+

31 A sì kà á sí òdodo fún un

Láti ìran dé ìran àti títí láé.+

32 Wọ́n múnú bí I níbi omi Mẹ́ríbà,*

Wọ́n sì fi tiwọn kó bá Mósè.+

33 Wọ́n gbé ẹ̀mí rẹ̀ gbóná,

Ó sì fi ẹnu rẹ̀ sọ̀rọ̀ láìronú.+

34 Wọn ò pa àwọn èèyàn náà run,+

Bí Jèhófà ṣe pàṣẹ fún wọn.+

35 Àmọ́ wọ́n ń bá àwọn orílẹ̀-èdè náà ṣe wọlé wọ̀de,+

Wọ́n sì ń hùwà bíi tiwọn.*+

36 Wọ́n ń sin àwọn òrìṣà wọn,+

Àwọn òrìṣà náà sì di ìdẹkùn fún wọn.+

37 Wọ́n ń fi àwọn ọmọkùnrin wọn

Àti àwọn ọmọbìnrin wọn rúbọ sí àwọn ẹ̀mí èṣù.+

38 Wọ́n ń ta ẹ̀jẹ̀ aláìṣẹ̀ sílẹ̀,+

Ẹ̀jẹ̀ àwọn ọmọkùnrin wọn àti ti àwọn ọmọbìnrin wọn

Tí wọ́n fi rúbọ sí àwọn òrìṣà Kénáánì;+

Ilẹ̀ náà sì di ẹlẹ́gbin nítorí ìtàjẹ̀sílẹ̀.

39 Àwọn iṣẹ́ wọn sọ wọ́n di aláìmọ́,

Wọ́n sì ṣe àgbèrè ẹ̀sìn.+

40 Torí náà, ìbínú Jèhófà ru sí àwọn èèyàn rẹ̀,

Ó sì bẹ̀rẹ̀ sí í kórìíra ogún rẹ̀.

41 Léraléra ló fi wọ́n lé àwọn orílẹ̀-èdè lọ́wọ́,+

Kí àwọn tó kórìíra wọn lè ṣàkóso lé wọn lórí.+

42 Àwọn ọ̀tá wọn ni wọ́n lára,

Wọ́n sì jẹ gàba lé wọn lórí.*

43 Ọ̀pọ̀ ìgbà ló gbà wọ́n sílẹ̀,+

Àmọ́ wọ́n á ṣọ̀tẹ̀, wọ́n á sì ṣàìgbọràn,+

A ó sì rẹ̀ wọ́n sílẹ̀ nítorí àṣìṣe wọn.+

44 Àmọ́ á tún rí ìdààmú tó bá wọn,+

Á sì gbọ́ igbe ìrànlọ́wọ́ wọn.+

45 Nítorí wọn, á rántí májẹ̀mú rẹ̀,

Àánú á sì ṣe é* nítorí ìfẹ́ rẹ̀ tó ga tí kì í sì í yẹ̀.*+

46 Á jẹ́ kí àánú wọn máa ṣe

Gbogbo àwọn tó mú wọn lẹ́rú.+

47 Gbà wá, Jèhófà Ọlọ́run wa,+

Kí o sì kó wa jọ látinú àwọn orílẹ̀-èdè+

Ká lè máa fi ọpẹ́ fún orúkọ mímọ́ rẹ,

Ká sì máa yọ̀ bí a ṣe ń yìn ọ́.*+

48 Ìyìn ni fún Jèhófà Ọlọ́run Ísírẹ́lì

Títí láé àti láéláé.*+