Maombolezo

1 Lo! jinsi ameketi akiwa mpweke,+ jiji lililokuwa limejaa watu!+

Jinsi amekuwa kama mjane,+ yule aliyekuwa na hesabu kubwa ya watu kati ya mataifa!+

Jinsi yule aliyekuwa binti ya kifalme kati ya wilaya za utawala amekuja kufanya kazi ya kulazimishwa!+

 2 Yeye hulia sana usiku,+ na machozi yake yako kwenye mashavu

yake.+

Hana yeyote wa kumfariji kati ya wapenzi wake wote.+

Wenzake wote wamemtendea kwa hila.+ Wamekuwa adui kwake.+

 3 Yuda ameenda uhamishoni kwa sababu ya mateso+ na kwa sababu ya utumishi mwingi.+

Imekuwa lazima akae katikati ya mataifa.+ Hakupata mahali pa kupumzikia.

Wote waliokuwa wakimtesa wamemfikia kati ya hali zenye kutaabisha.+

 4 Njia za Sayuni zinaomboleza, kwa sababu hakuna yeyote anayekuja kwenye sherehe.+

Malango yake yote yamefanywa ukiwa;+ makuhani wake wanaugua.+

Mabikira wake wamepata huzuni, naye mwenyewe ana uchungu.+

 5 Wapinzani wake wamekuwa kichwa.+ Adui zake hawajali.+

Kwa maana Yehova mwenyewe amemletea huzuni kwa sababu ya wingi wa makosa yake,+

Watoto wake mwenyewe wametembea wakiwa mateka mbele ya

adui.+

 6 Na fahari yote ya binti Sayuni inaondoka.+

Wakuu wake wamekuwa kama paa ambao hawakupata malisho;+

Nao wanaendelea kutembea bila nguvu mbele ya yule anayewafuatilia.+

 7 Yerusalemu amekumbuka katika siku za mateso yake na za watu wake wasio na makao

Vitu vyake vyote vyenye kutamanika vilivyokuwapo tangu siku za zamani za kale.+

Wakati watu wake walipoanguka mkononi mwa adui wala hakuwa na msaidizi,+

Adui walimwona. Wakacheka kuanguka kwake.+

Wote waliokuwa wakimheshimu wamemtendea kwa dharau,+ kwa maana wameuona uchi wake.+

Yeye pia anaugua+ na kugeuza mgongo wake.

 9 Uchafu wake umo ndani ya marinda yake.+ Hakukumbuka wakati wake ujao,+

Naye huteremka chini kwa njia ya ajabu. Hana mfariji.+

Ee Yehova, uone mateso yangu,+ kwa maana adui amejivuna sana.+

10 Adui amenyoosha mkono wake juu ya vitu vyake vyote vyenye kutamanika.+

Kwa maana ameona mataifa ambayo yameingia katika patakatifu pake,+

Ambayo uliamuru kwamba wasiingie katika kutaniko lako.

11 Watu wake wote wanaugua; wanatafuta mkate.+

Wametoa vitu vyao vyenye kutamanika wapate chakula, ili kuiburudisha nafsi.+

Uone, Ee Yehova, na utazame, kwa maana nimekuwa kama mwanamke asiye na thamani.+

12 Je, haimaanishi chochote kwenu nyote mnaopita njiani? Tazameni, mwone.+

Je, kuna uchungu wowote ulio kama uchungu wangu ambao nimetendewa vikali,+

Ambao Yehova ametumia kuleta huzuni katika siku ya hasira yake inayowaka?+

13 Kutoka juu ameleta moto katika mifupa yangu,+ naye anatiisha kila mmoja wao.

Ametandaza wavu kwa ajili ya miguu yangu.+ Amenigeuza nirudi nyuma.

Amenifanya kuwa mwanamke aliye katika hali ya ukiwa. Siku nzima mimi ni mgonjwa.+

14 Amekaa macho kuona makosa yangu.+ Yanasokotana mkononi mwake.

Yamepanda juu shingoni mwangu.+ Nguvu zangu zimejikwaa.

Yehova amenitia mkononi mwa watu ambao siwezi kusimama dhidi yao.+

15 Yehova ametupa kutoka katikati yangu watu wangu wote wenye nguvu.+

Ameitisha mkutano juu yangu, ili kuvunja vipande-vipande vijana wangu.+

Yehova amekanyaga shinikizo la divai+ la binti Yuda aliye bikira.+

16 Nalia juu ya mambo hayo kama mwanamke.+ Jicho langu, jicho langu linatiririka maji.+

Kwa maana mfariji amekuwa mbali sana nami, mtu wa kuiburudisha nafsi yangu.

Wanangu wamefanywa ukiwa,+ kwa maana adui amejivuna sana.+

17 Sayuni amenyoosha mikono yake.+ Hana mfariji.+

Yehova ametoa amri kuhusu Yakobo kwa adui zake wote wanaomzunguka.+

Yerusalemu limekuwa chukizo kati yao.+

18 Yehova ni mwadilifu,+ kwa maana nimekiasi kinywa chake.+

Sikilizeni sasa, enyi nyote vikundi vya watu, na mwone maumivu yangu.

Mabikira wangu na vijana wangu wameenda utekwani.+

19 Nimeita wale wanaonipenda sana.+ Wao wenyewe wamenifanyia ujanja.

Makuhani wangu na wanaume wangu wazee wamekufa katika jiji,+

Walipolazimika kujitafutia chakula ili waziburudishe nafsi zao.+

20 Tazama, Ee Yehova, kwa maana nina dhiki kali. Matumbo yangu yako katika msukosuko.+

Moyo wangu umepinduliwa ndani yangu,+ kwa maana nimeasi kabisa.+

Huko nje upanga uliwaua watoto.+ Ndani ya nyumba ni sawasawa na kifo.+

21 Watu wamesikia jinsi ninavyougua kama mwanamke.+ Sina mfariji.+

Adui zangu wote wamesikia juu ya msiba wangu.+ Wamefurahi, kwa sababu wewe mwenyewe umefanya hayo.+

Hakika utaileta siku ambayo umetangaza,+ ili wawe kama mimi.+

22 Ubaya wao wote na uje mbele zako, nawe uwatendee vikali,+

Kama vile ulivyonitendea vikali kwa sababu ya makosa yangu yote.+

Kwa maana ninaugua sana,+ na moyo wangu ni mgonjwa.+