ÉMỌ́SÌ

“Jèhófà yóò ké ramúramù láti Síónì,

Yóò sì gbé ohùn rẹ̀ sókè láti Jerúsálẹ́mù.

Ibi ìjẹko àwọn olùṣọ́ àgùntàn máa ṣọ̀fọ̀,

Ewéko orí òkè Kámẹ́lì á sì gbẹ dà nù.”+

 3 “Ohun tí Jèhófà sọ nìyí,

‘“Nítorí ìdìtẹ̀* mẹ́ta Damásíkù àti nítorí mẹ́rin, mi ò ní yí ọwọ́ mi pa dà,

Nítorí wọ́n fi ohun èlò ìpakà onírin pa Gílíádì bí ọkà.+

 4 Torí náà, màá rán iná sí ilé Hásáẹ́lì,+

Á sì jó àwọn ilé gogoro tó láàbò ti Bẹni-hádádì run.+

 5 Màá ṣẹ́ ọ̀pá ìdábùú ẹnubodè Damásíkù;+

Màá sì pa àwọn tó ń gbé Bikati-áfénì run

Àti àwọn tó ń ṣàkóso* ní Bẹti-édẹ́nì;

Àwọn èèyàn Síríà sì máa lọ sí ìgbèkùn ní Kírì,”+ ni Jèhófà wí.’

 6 Ohun tí Jèhófà sọ nìyí,

‘“Nítorí ìdìtẹ̀ mẹ́ta ti Gásà+ àti nítorí mẹ́rin, mi ò ní yí ọwọ́ mi pa dà,

Nítorí wọ́n kó gbogbo àwọn èèyàn nígbèkùn,+ wọ́n sì fà wọ́n lé Édómù lọ́wọ́.

 7 Torí náà, màá rán iná sí ògiri Gásà,+

Á sì jó àwọn ilé gogoro rẹ̀ tó láàbò run.

 8 Màá pa àwọn tó ń gbé Áṣídódì run,+

Àti àwọn tó ń ṣàkóso* ní Áṣíkẹ́lónì;+

Màá fìyà jẹ Ẹ́kírónì,+

Àwọn Filísínì tó ṣẹ́ kù yóò sì ṣègbé,”+ ni Jèhófà Olúwa Ọba Aláṣẹ wí.’

 9 Ohun tí Jèhófà sọ nìyí,

‘Nítorí ìdìtẹ̀ mẹ́ta Tírè+ àti nítorí mẹ́rin, mi ò ní yí ọwọ́ mi pa dà,

Nítorí wọ́n kó gbogbo àwọn tí wọ́n mú nígbèkùn, wọ́n sì fà wọ́n lé Édómù lọ́wọ́,

Àti nítorí pé wọn kò rántí májẹ̀mú àwọn arákùnrin.+

10 Torí náà, màá rán iná sí ògiri Tírè,

Á sì jó àwọn ilé gogoro rẹ̀ tó láàbò run.’+

11 Ohun tí Jèhófà sọ nìyí,

‘Nítorí ìdìtẹ̀ mẹ́ta Édómù+ àti nítorí mẹ́rin, mi ò ní yí ọwọ́ mi pa dà,

Nítorí ó fi idà lépa arákùnrin rẹ̀,+

Àti nítorí pé ó kọ̀ láti ṣàánú rẹ̀;

Ó ń fi ìbínú rẹ̀ fà wọ́n ya láìdáwọ́ dúró,

Kò sì yéé bínú sí wọn.+

12 Torí náà, màá rán iná sí Témánì,+

Á sì jó àwọn ilé gogoro tó láàbò ti Bósírà run.’+

13 Ohun tí Jèhófà sọ nìyí,

‘“Nítorí ìdìtẹ̀ mẹ́ta àwọn ọmọ Ámónì+ àti nítorí mẹ́rin, mi ò ní yí ọwọ́ mi pa dà,

Nítorí wọ́n la inú àwọn aboyún Gílíádì kí wọ́n lè mú agbègbè tiwọn fẹ̀ sí i.+

14 Torí náà, màá sọ iná sí ògiri Rábà,+

Á sì jó àwọn ilé gogoro rẹ̀ tó láàbò run,

Ariwo á sọ ní ọjọ́ ogun,

Àti ìjì líle ní ọjọ́ ẹ̀fúùfù.

2 “Ohun tí Jèhófà sọ nìyí,

‘“Nítorí ìdìtẹ̀* mẹ́ta Móábù+ àti nítorí mẹ́rin, mi ò ní yí ọwọ́ mi pa dà,

Nítorí pé ó jó egungun ọba Édómù láti fi ṣe ẹfun.

 2 Torí náà, màá rán iná sí Móábù,

Á sì jó àwọn ilé gogoro tó láàbò ti Kíríọ́tì+ run;

Móábù á kú sínú ariwo,

Nígbà tí ariwo bá sọ nítorí ogun, tí ìró ìwo sì dún.+

 3 Màá mú alákòóso* kúrò ní àárín Móábù

Màá sì pa gbogbo àwọn ìjòyè rẹ̀ pẹ̀lú alákòóso rẹ̀,”+ ni Jèhófà wí.’

 4 Ohun tí Jèhófà sọ nìyí,

‘Nítorí ìdìtẹ̀ mẹ́ta Júdà+ àti nítorí mẹ́rin, mi ò ní yí ọwọ́ mi pa dà,

Nítorí pé wọn kò tẹ̀ lé òfin* Jèhófà

Àti nítorí pé wọn kò pa àwọn ìlànà rẹ̀ mọ́;+

Irọ́ tí àwọn baba ńlá wọn tọ̀ lẹ́yìn ti mú kí wọ́n ṣìnà.+

 5 Torí náà, màá rán iná sí Júdà,

Á sì jó àwọn ilé gogoro tó láàbò ní Jerúsálẹ́mù run.’+

 6 Ohun tí Jèhófà sọ nìyí,

‘Nítorí ìdìtẹ̀ mẹ́ta Ísírẹ́lì+ àti nítorí mẹ́rin, mi ò ní yí ọwọ́ mi pa dà,

Torí wọ́n ta olódodo nítorí fàdákà

Àti tálákà nítorí iye owó bàtà ẹsẹ̀ méjì.+

 7 Wọ́n tẹ orí àwọn ẹni rírẹlẹ̀ mọ́ eruku ilẹ̀,+

Wọ́n sì dí ọ̀nà àwọn oníwà pẹ̀lẹ́.+

Ọkùnrin kan àti bàbá rẹ̀ bá ọmọbìnrin kan náà ní àṣepọ̀,

Wọ́n sì ń sọ orúkọ mímọ́ mi di aláìmọ́.

 8 Orí àwọn ẹ̀wù tí wọ́n gbà láti fi ṣe ìdúró*+ ni wọ́n ń sùn gbalaja sí lẹ́gbẹ̀ẹ́ gbogbo pẹpẹ;+

Owó ìtanràn tí wọ́n gbà ni wọ́n fi ra wáìnì tí wọ́n ń mu ní ilé* àwọn ọlọ́run wọn.’

 9 ‘Ṣùgbọ́n èmi ni mo pa Ámórì rẹ́ ní ìṣojú wọn,+

Ẹni tó ga bí igi kédárì, tó sì ní agbára bí àwọn igi ràgàjì;*

Mo pa èso rẹ̀ run lókè àti gbòǹgbò rẹ̀ nísàlẹ̀.+

10 Mo mú yín kúrò ní ilẹ̀ Íjíbítì,+

Ogójì (40) ọdún ni mo fi mú yín la aginjù já,+

Kí ẹ lè gba ilẹ̀ Ámórì.

11 Mo yan àwọn kan lára àwọn ọmọkùnrin yín láti jẹ́ wòlíì+

Àti lára àwọn ọ̀dọ́kùnrin yín láti jẹ́ Násírì.+

12 ‘Àmọ́, ẹ̀ ń fún Násírì ní wáìnì mu,+

Ẹ sì ń pàṣẹ fún àwọn wòlíì pé: “Ẹ kò gbọ́dọ̀ sọ tẹ́lẹ̀.”+

13 Nítorí náà, màá tẹ̀ yín rẹ́ ní ibùgbé yín,

Bíi kẹ̀kẹ́ tó kó ọkà gígé ṣe ń tẹ ohun tó wà lábẹ́ rẹ̀ ní àtẹ̀rẹ́.

14 Asáré tete kò ní rí ibi sá sí,+

Alágbára kò ní lókun mọ́,

Kò sì ní sí jagunjagun tó máa lè gba ẹ̀mí* ara rẹ̀ là.

15 Tafàtafà kò ní lè dúró,

Asáré tete kò ní lè sá àsálà,

Bẹ́ẹ̀ ni agẹṣin kò ní lè gba ẹ̀mí* ara rẹ̀ là.

16 Kódà akíkanjú* lára àwọn jagunjagun

Máa sá lọ ní ìhòòhò ní ọjọ́ yẹn,’+ ni Jèhófà wí.”

 7 Jèhófà Olúwa Ọba Aláṣẹ kò ní ṣe ohunkóhun

Láìjẹ́ pé ó ti fi àṣírí ọ̀rọ̀ náà* han àwọn ìránṣẹ́ rẹ̀ tó jẹ́ wòlíì.+

 9 ‘Ẹ kéde rẹ̀ lórí àwọn ilé gogoro tó láàbò ní Áṣídódì

Àti lórí àwọn ilé gogoro tó láàbò nílẹ̀ Íjíbítì.

Ẹ sọ pé: “Ẹ kóra jọ sórí àwọn òkè Samáríà;+

Ẹ wo ìdàrúdàpọ̀ tó wà ní àárín rẹ̀

10 Nítorí wọn kò mọ bí a ti ń ṣe ohun tí ó tọ́,” ni Jèhófà wí,

“Àwọn tó ń mú ìwà ipá àti ìparun pọ̀ sí i nínú àwọn ilé gogoro wọn tó láàbò.”’

11 Nítorí náà, ohun tí Jèhófà Olúwa Ọba Aláṣẹ sọ nìyí,

‘Ọ̀tá kan máa yí ilẹ̀ náà ká,+

Á sì mú kí agbára rẹ tán,

Ohun tó wà nínú àwọn ilé gogoro rẹ tó láàbò ni wọ́n á sì kó lọ.’+

12 Ohun tí Jèhófà sọ nìyí,

‘Bí olùṣọ́ àgùntàn ṣe ń já ẹsẹ̀ méjì tàbí etí kan gbà kúrò lẹ́nu kìnnìún,

Bẹ́ẹ̀ ni a ó ṣe já àwọn ọmọ Ísírẹ́lì gbà,

Àwọn tó ń jókòó sórí ibùsùn rèǹtèrente àti sórí àga ìnàyìn tó rẹwà* ní Samáríà.’+

14 ‘Ní ọjọ́ tí màá mú kí Ísírẹ́lì jíhìn nítorí ìdìtẹ̀* rẹ̀,+

Ni màá mú kí àwọn pẹpẹ Bẹ́tẹ́lì pẹ̀lú jíhìn;+

A ó ṣẹ́ àwọn ìwo pẹpẹ náà, wọ́n á sì já bọ́ sílẹ̀.+

‘Àwọn ilé tí wọ́n fi eyín erin kọ́ á ṣègbé,+

Àwọn ilé ńlá* á sì pa run,’+ ni Jèhófà wí.”

4 “Ẹ gbọ́ ọ̀rọ̀ yìí, ẹ̀yin abo màlúù Báṣánì,

Tó wà lórí òkè Samáríà,+

Ẹ̀yin obìnrin tó ń lu àwọn aláìní ní jìbìtì,+ tó sì ń ni àwọn tálákà lára,

Tó ń sọ fún àwọn ọkọ* wọn pé, ‘Ẹ gbé ọtí wá ká mu!’

 2 Jèhófà Olúwa Ọba Aláṣẹ ti fi ìjẹ́mímọ́ rẹ̀ búra pé,

‘“Wò ó! Ọjọ́ ń bọ̀ nígbà tó máa fi ìkọ́ alápatà gbé yín sókè

Tí á sì fi ìwọ̀ ẹja gbé àwọn tó ṣẹ́ kù lára yín.

 3 Kálukú yín máa gba àlàfo ara ògiri tó wà níwájú rẹ̀ jáde lọ;

A ó sì lé yín sí Hámọ́nì,” ni Jèhófà wí.’

 4 ‘Ẹ wá sí Bẹ́tẹ́lì, kí ẹ sì dẹ́ṣẹ̀,*+

Àti sí Gílígálì kí ẹ dá ẹ̀ṣẹ̀ kún ẹ̀ṣẹ̀!+

Ẹ mú àwọn ẹbọ yín wá+ ní òwúrọ̀,

Ẹ sì mú ìdá mẹ́wàá+ yín wá ní ọjọ́ kẹta.

 5 Ẹ fi búrẹ́dì tó ní ìwúkàrà rú ẹbọ ìdúpẹ́;+

Ẹ sì kéde àwọn ọrẹ àtinúwá yín!

 6 ‘Ní tèmi, mo mú kí eyín yín mọ́ nítorí àìsí oúnjẹ* ní gbogbo àwọn ìlú yín

Mi ò sì jẹ́ kí oúnjẹ wà ní gbogbo ilé yín;+

Síbẹ̀, ẹ kò pa dà sọ́dọ̀ mi,’+ ni Jèhófà wí.

 7 ‘Mo tún fawọ́ òjò sẹ́yìn kúrò lọ́dọ̀ yín nígbà tí ìkórè ṣì ku oṣù mẹ́ta;+

Mo mú kí òjò rọ̀ sí ìlú kan àmọ́ mi ò jẹ́ kó rọ̀ sí ìlú míì.

Òjò máa rọ̀ sí ilẹ̀ kan,

Àmọ́ ilẹ̀ tí òjò kò rọ̀ sí máa gbẹ.

 8 Àwọn èèyàn ìlú méjì tàbí mẹ́ta ń rọ́ lọ sí ìlú kan ṣoṣo kí wọ́n lè mu omi,+

Àmọ́ kò tẹ́ wọn lọ́rùn;

Síbẹ̀, ẹ kò pa dà sọ́dọ̀ mi,’+ ni Jèhófà wí.

Ẹ̀ ń mú kí àwọn ọgbà yín àti oko àjàrà yín di púpọ̀,+

Ṣùgbọ́n eéṣú ló jẹ igi ọ̀pọ̀tọ́ yín àti igi ólífì yín run;

Síbẹ̀, ẹ kò pa dà sọ́dọ̀ mi,’+ ni Jèhófà wí.

Mo mú kí òórùn àwọn tó kú ní ibùdó yín gba afẹ́fẹ́ kan;+

Síbẹ̀, ẹ kò pa dà sọ́dọ̀ mi,’ ni Jèhófà wí.

11 ‘Mo pa ilẹ̀ yín run

Bí Ọlọ́run ṣe pa Sódómù àti Gòmórà run.+

Ẹ sì dà bí igi tí a fà yọ kúrò nínú iná;

Síbẹ̀, ẹ kò pa dà sọ́dọ̀ mi,’+ ni Jèhófà wí.

Nítorí ohun tí màá ṣe sí ọ yìí,

Múra sílẹ̀ láti pàdé Ọlọ́run rẹ, ìwọ Ísírẹ́lì.

13 Nítorí, wò ó! Òun ló dá àwọn òkè+ àti afẹ́fẹ́;+

Ó ń sọ èrò Rẹ̀ fún àwọn èèyàn,

Ó ń sọ ìmọ́lẹ̀ di òkùnkùn,+

Ó ń rìn lórí àwọn ibi gíga ayé;+

Jèhófà Ọlọ́run àwọn ọmọ ogun ni orúkọ rẹ̀.”

 2 ‘Wúńdíá náà, Ísírẹ́lì, ti ṣubú;

Kò lè dìde mọ́.

Wọ́n ti pa á tì sórí ilẹ̀ rẹ̀;

Kò sí ẹnì kankan tó máa gbé e dìde.’

‘Ìlú tó ń jáde lọ sí ogun pẹ̀lú ẹgbẹ̀rún (1,000) máa ṣẹ́ ku ọgọ́rùn-ún (100);

Èyí tó sì ń jáde lọ pẹ̀lú ọgọ́rùn-ún (100) máa ṣẹ́ ku mẹ́wàá fún ilé Ísírẹ́lì.’+

 5 Ẹ má ṣe wá Bẹ́tẹ́lì kiri,+

Ẹ má lọ sí Gílígálì,+ ẹ má sì kọjá sí Bíá-ṣébà,+

Torí ó dájú pé Gílígálì máa lọ sí ìgbèkùn,+

Bẹ́tẹ́lì á sì di asán.*

 6 Wá Jèhófà, kí o lè máa wà láàyè,+

Kó má bàa bú jáde bí iná sórí ilé Jósẹ́fù,

Kó má bàa jó Bẹ́tẹ́lì run láìsí ẹni tó máa pa iná náà.

 7 Ẹ sọ ìdájọ́ òdodo di iwọ,*

Ẹ sì tẹ òdodo mọ́lẹ̀.+

 8 Ẹni tó dá àgbájọ ìràwọ̀ Kímà* àti àgbájọ ìràwọ̀ Késílì,*+

Ẹni tó ń sọ òkùnkùn biribiri di ìmọ́lẹ̀ òwúrọ̀,

Ẹni tó ń mú kí ọ̀sán ṣókùnkùn bí òru,+

Ẹni tó ń wọ́ omi jọ látinú òkun

Kí ó lè dà á sórí ilẹ̀,+

Jèhófà ni orúkọ rẹ̀.

 9 Á mú kí ìparun dé bá alágbára lójijì,

Á sì mú kí àwọn ibi olódi pa run.

10 Wọ́n kórìíra àwọn tó ń báni wí ní ẹnubodè ìlú,

Wọ́n sì kórìíra àwọn tó ń sọ òtítọ́.+

11 Nítorí pé ẹ̀ ń gba owó oko* lọ́wọ́ àwọn aláìní tí ẹ gbé oko fún

Ẹ sì ń gba ọkà lọ́wọ́ wọn bí ìṣákọ́lẹ̀,*+

Ẹ kò ní máa gbé inú àwọn ilé tí ẹ fi òkúta gbígbẹ́ kọ́+

Bẹ́ẹ̀ ni ẹ kò ní máa mu wáìnì àwọn ọgbà àjàrà dáradára tí ẹ gbìn.+

12 Nítorí mo mọ bí ìdìtẹ̀* yín ṣe pọ̀ tó

Àti bí ẹ̀ṣẹ̀ yín ṣe pọ̀ tó

Ẹ̀ ń dààmú àwọn olódodo,

Ẹ̀ ń gba àbẹ̀tẹ́lẹ̀,*

Ẹ sì ń fi ẹ̀tọ́ àwọn aláìní dù wọ́n ní ẹnubodè.+

13 Torí náà, àwọn tó ní ìjìnlẹ̀ òye máa dákẹ́ jẹ́ẹ́ ní àkókò yẹn,

Nítorí ó máa jẹ́ àkókò àjálù.+

14 Ẹ máa wá ohun rere, ẹ má ṣe wá ohun búburú,+

Kí ẹ lè máa wà láàyè.+

Nígbà náà, Jèhófà Ọlọ́run àwọn ọmọ ogun á lè wà pẹ̀lú yín,

Bí ẹ ti sọ pé ó wà pẹ̀lú yín.+

15 Ẹ kórìíra ohun búburú, kí ẹ sì nífẹ̀ẹ́ ohun rere,+

Ẹ jẹ́ kí ìdájọ́ òdodo gbilẹ̀ ní ẹnubodè ìlú.+

Bóyá Jèhófà Ọlọ́run àwọn ọmọ ogun

Máa fi ojúure hàn sí àwọn tó ṣẹ́ kù lára Jósẹ́fù.’+

‘Ìpohùnréré ẹkún máa wà ní gbogbo ojúde ìlú,

Àti ní gbogbo ojú ọ̀nà, àwọn èèyàn á máa sọ pé, “Áà, ó mà ṣe o!”

Wọ́n á pe àwọn àgbẹ̀ pé kí wọ́n wá ṣọ̀fọ̀

Àti àwọn tó ń fi ẹkún sísun ṣiṣẹ́ ṣe láti pohùn réré ẹkún.’

17 ‘Ìpohùnréré ẹkún máa wà ní gbogbo ọgbà àjàrà;+

Nítorí màá la àárín rẹ kọjá,’ ni Jèhófà wí.

19 Ńṣe ló máa dà bí ọkùnrin kan tó ń sá fún kìnnìún, tó wá pàdé bíárì,

Nígbà tó wọ ilé rẹ̀, tó fi ọwọ́ ti ògiri, ejò bù ú ṣán.

20 Ọjọ́ Jèhófà máa jẹ́ òkùnkùn, kì í ṣe ìmọ́lẹ̀;

Ó máa jẹ́ ìṣúdùdù, kì í ṣe ìtànyòò.

21 Mo kórìíra àwọn àjọyọ̀ yín, mo sì kọ̀ wọ́n,+

Inú mi ò dùn sí òórùn àwọn àpéjọ ọlọ́wọ̀ yín.

22 Kódà bí ẹ tiẹ̀ rú odindi ẹbọ sísun, tí ẹ sì fún mi ní ẹ̀bùn,

Inú mi ò ní dùn sí ọrẹ wọ̀nyẹn;+

Mi ò sì ní fi ojúure wo àwọn ẹbọ ìrẹ́pọ̀ tí ẹ fi ẹran àbọ́sanra rú.+

23 Gbé ariwo orin rẹ kúrò lọ́dọ̀ mi;

Má sì jẹ́ kí n gbọ́ ìró ohun ìkọrin olókùn tín-ín-rín rẹ.+

24 Jẹ́ kí ìdájọ́ òdodo ṣàn wálẹ̀ bí omi,+

Àti òdodo bí odò tó ń ṣàn nígbà gbogbo.

25 Ǹjẹ́ ẹ mú ẹbọ àti ọrẹ wá fún mi

Ní gbogbo ogójì (40) ọdún tí ẹ fi wà ní aginjù, ilé Ísírẹ́lì?+

26 Ní báyìí, ẹ ó gbé Sákútì ọba yín àti Káíwánì kúrò,*

Àwọn ère yín, ìràwọ̀ ọlọ́run yín, tí ẹ ṣe fún ara yín,

27 Màá sì rán yín lọ sí ìgbèkùn ní ìkọjá Damásíkù,’+ ni ẹni tí orúkọ rẹ̀ ń jẹ́ Jèhófà Ọlọ́run àwọn ọmọ ogun wí.”+

Àwọn tí ọkàn wọn balẹ̀ lórí òkè Samáríà,+

Àwọn olókìkí èèyàn nínú àwọn orílẹ̀-èdè tó gba iwájú,

Àwọn tí ilé Ísírẹ́lì ń lọ sọ́dọ̀ wọn!

Ẹ ti ibẹ̀ lọ sí Hámátì Ńlá,+

Kí ẹ sì lọ sí Gátì ti àwọn Filísínì.

Ṣé wọ́n sàn ju àwọn ìjọba yìí,*

Tàbí ṣé ilẹ̀ wọn tóbi ju tiyín lọ ni?

 3 Ṣé ẹ̀ ń mú ọjọ́ àjálù kúrò lọ́kàn yín+

Tí ẹ sì ń mú kí ìwà ipá jọba* láàárín yín?+

 4 Wọ́n ń dùbúlẹ̀ sórí àwọn ibùsùn tí wọ́n fi eyín erin ṣe,+ wọ́n sì ń nà gbalaja sórí àga tìmùtìmù,+

Wọ́n ń jẹ àwọn àgbò inú agbo ẹran àti àwọn ọmọ màlúù* tí wọ́n bọ́ sanra;+

 5 Wọ́n ń kọ orin sí ìró háàpù,*+

Bíi Dáfídì, wọ́n ṣe àwọn ohun èlò ìkọrin;+

 6 Wọ́n ń fi abọ́ mu wáìnì+

Wọ́n sì ń fi òróró tó dára jù lọ para.

 7 Nítorí náà, àwọn ló máa kọ́kọ́ lọ sí ìgbèkùn,+

Àríyá aláriwo àwọn tó nà gbalaja sì máa dópin.

 8 ‘Jèhófà Olúwa Ọba Aláṣẹ ti fi ara* rẹ̀ búra,’+ àní Jèhófà Ọlọ́run àwọn ọmọ ogun sọ pé,

‘“Mo kórìíra ìgbéraga Jékọ́bù,+

Mo sì kórìíra àwọn ilé gogoro rẹ̀ tó láàbò,+

Màá sì fa ìlú náà àti ohun tó wà nínú rẹ̀ lé àwọn ọ̀tá lọ́wọ́.+

11 Nítorí Jèhófà ló ń pàṣẹ,+

Á wó ilé ńlá lulẹ̀ di àlàpà,

Á sì fọ́ ilé kékeré túútúú.+

12 Ǹjẹ́ àwọn ẹṣin máa ń sáré lórí àpáta,

Àbí ẹnikẹ́ni lè fi màlúù túlẹ̀ lórí rẹ̀?

Nítorí ẹ ti sọ ìdájọ́ òdodo di igi onímájèlé,

Ẹ sì ti sọ èso òdodo di iwọ.*+

13 Ẹ̀ ń yọ̀ lórí nǹkan tí kò ní láárí,

Ẹ sì ń sọ pé, “Ǹjẹ́ kì í ṣe okun wa ló mú ká di alágbára?”*+

14 Nítorí náà, ẹ̀yin èèyàn ilé Ísírẹ́lì, màá gbé orílẹ̀-èdè kan dìde sí yín’+ ni Jèhófà Ọlọ́run àwọn ọmọ ogun wí,

‘Wọ́n á sì ni yín lára láti Lebo-hámátì*+ títí dé Àfonífojì Árábà.’”

 4 Ẹ gbọ́ èyí, ẹ̀yin tí ẹ̀ ń ni àwọn tálákà lára

Tí ẹ sì ń pa àwọn oníwà pẹ̀lẹ́ ilẹ̀ yìí,+

 5 Ẹ̀yin tí ẹ̀ ń sọ pé, ‘Ìgbà wo ni àjọ̀dún òṣùpá tuntun máa parí,+ ká lè ta àwọn hóró ọkà wa,

Àti ìparí Sábáàtì,+ ká lè gbé hóró ọkà lọ fún títà?

Ká lè sọ òṣùwọ̀n eéfà* di kékeré

Kí a sì sọ ṣékélì* di ńlá,

Kí a dọ́gbọ́n sí àwọn òṣùwọ̀n wa, kí a lè fi tanni jẹ;+

 6 Kí a lè fi fàdákà ra àwọn aláìní

Kí a sì fi owó bàtà ẹsẹ̀ méjì ra àwọn tálákà,+

Kí a sì lè ta èyí tí kò dáa lára ọkà.’

 7 Jèhófà ti fi Ògo Jékọ́bù+ búra,

‘Mi ò ní gbàgbé gbogbo ohun tí wọ́n ṣe.+

 8 Nítorí èyí, ilẹ̀ náà* á mì tìtì,

Gbogbo àwọn tó ń gbé orí rẹ̀ á sì ṣọ̀fọ̀.+

Ǹjẹ́ kò ní ru sókè bí odò Náílì,

Kí ó sì bì síwá sẹ́yìn, kí ó wá rọlẹ̀ bí odò Náílì Íjíbítì?’+

 9 ‘Ní ọjọ́ yẹn,’ ni Jèhófà Olúwa Ọba Aláṣẹ wí,

‘Màá mú kí oòrùn wọ̀ ní ọ̀sán gangan,

Màá sì mú kí ilẹ̀ náà ṣókùnkùn ní ojúmọmọ.+

10 Màá sọ àwọn àjọyọ̀ yín di ọ̀fọ̀+

Gbogbo orin yín á sì di orin arò.*

Màá sán aṣọ ọ̀fọ̀* mọ́ gbogbo ìbàdí, màá sì mú gbogbo orí pá;

Màá ṣe é bí ìgbà téèyàn ń ṣọ̀fọ̀ nítorí ọmọkùnrin rẹ̀ kan ṣoṣo,

Màá sì mú kí ìgbẹ̀yìn rẹ̀ dà bí ọjọ́ tó korò.’

11 ‘Wò ó! Ọjọ́ ń bọ̀,’ ni Jèhófà Olúwa Ọba Aláṣẹ wí,

‘Nígbà tí màá rán ìyàn sí ilẹ̀ náà,

Kì í ṣe ìyàn oúnjẹ tàbí ti omi,

Bí kò ṣe ti gbígbọ́ ọ̀rọ̀ Jèhófà.+

12 Wọ́n á ta gọ̀ọ́gọ̀ọ́ láti òkun dé òkun

Láti àríwá sí ìlà oòrùn.*

13 Ní ọjọ́ yẹn, àwọn arẹwà wúńdíá máa dá kú,

Àti àwọn ọ̀dọ́kùnrin pàápàá, nítorí òùngbẹ náà;

14 Àwọn tó ń fi ẹ̀ṣẹ̀ Samáríà+ búra, tí wọ́n sì ń sọ pé,

“Bí ọlọ́run rẹ ti wà láàyè, ìwọ Dánì!”+

 2 Bí wọ́n bá walẹ̀ lọ sínú Isà Òkú,*

Ibẹ̀ ni ọwọ́ mi á ti tẹ̀ wọ́n;

Bí wọ́n bá sì gòkè lọ sí ọ̀run,

Ibẹ̀ ni màá ti fà wọ́n sọ̀ kalẹ̀.

 3 Bí wọ́n bá fara pa mọ́ sórí òkè Kámẹ́lì,

Ibẹ̀ ni màá ti wá wọn kàn, màá sì mú wọn.+

Bí wọ́n bá sì fara pa mọ́ kúrò ní ojú mi ní ìsàlẹ̀ òkun,

Ibẹ̀ ni màá ti pàṣẹ fún ejò, á sì bù wọ́n ṣán.

 4 Bí àwọn ọ̀tá bá kó wọn lọ sí oko ẹrú,

Ibẹ̀ ni màá ti pàṣẹ fún idà, yóò sì pa wọ́n;+

Màá dájú sọ wọ́n, kì í ṣe fún ire, bí kò ṣe fún ibi.+

 5 Nítorí Olúwa Ọba Aláṣẹ, Jèhófà Ọlọ́run àwọn ọmọ ogun, ni Ẹni tó fọwọ́ kan ilẹ̀ náà,*

Kí ó lè yọ́,+ kí gbogbo àwọn tó ń gbé lórí rẹ̀ sì ṣọ̀fọ̀;+

Gbogbo rẹ̀ á ru sókè bí odò Náílì,

Á sì rọlẹ̀ bí odò Náílì Íjíbítì.+

 6 ‘Ẹni tó ṣe àwọn àtẹ̀gùn Rẹ̀ lọ sí ọ̀run,

Tó sì dá àwọn nǹkan sí òkè ayé;

Ẹni tó ń wọ́ omi jọ látinú òkun,

Kí ó lè dà á sórí ilẹ̀,+

Jèhófà ni orúkọ rẹ̀.’+

‘Ṣé mi ò mú Ísírẹ́lì jáde kúrò ní ilẹ̀ Íjíbítì+

Àti àwọn Filísínì kúrò ní Kírétè+ àti Síríà kúrò ní Kírì?’+

 8 ‘Wò ó! Ojú Jèhófà Olúwa Ọba Aláṣẹ wà lára ìjọba tó ń dẹ́ṣẹ̀,

Á sì pa á rẹ́ kúrò lórí ilẹ̀.+

 9 ‘Wò ó! Mò ń pàṣẹ,

Màá mi ilé Ísírẹ́lì jìgìjìgì láàárín gbogbo orílẹ̀-èdè,+

Bí èèyàn ṣe ń mi ajọ̀ jìgìjìgì,

Tí òkúta róbótó kankan kò sì ní bọ́ sílẹ̀.

10 Idà ni yóò pa gbogbo àwọn ẹlẹ́ṣẹ̀ tó wà nínú àwọn èèyàn mi,

Àwọn tó ń sọ pé, “Àjálù kò ní sún mọ́ wa tàbí kó dé ọ̀dọ̀ wa.”’

11 ‘Ní ọjọ́ yẹn, màá gbé àtíbàbà* Dáfídì+ tó ti wó dìde,

Màá sì tún àwọn àlàfo rẹ̀* ṣe,

Màá tún àwókù rẹ̀ kọ́;

Màá tún un kọ́, á sì rí bíi ti tẹ́lẹ̀,+

12 Kí wọ́n lè gba ohun tó ṣẹ́ kù nínú Édómù,+

Àti ohun tó ṣẹ́ kù nínú gbogbo àwọn orílẹ̀-èdè tí a fi orúkọ mi pè,’ ni Jèhófà, ẹni tó ń ṣe nǹkan yìí wí.

13 ‘Wò ó! Ọjọ́ ń bọ̀,’ ni Jèhófà wí,

‘Nígbà tí atúlẹ̀ máa lé olùkórè bá,

Tí ẹni tó ń fẹsẹ̀ tẹ èso àjàrà á sì lé ẹni tó gbé irúgbìn bá;+

Tí wáìnì dídùn á máa kán tótó láti ara àwọn òkè ńlá,+

Tí á sì máa ṣàn jáde* lára gbogbo àwọn òkè kéékèèké.+

14 Màá kó àwọn èèyàn mi Ísírẹ́lì tó wà ní ìgbèkùn pa dà,+

Wọ́n á tún àwọn ìlú tó ti di ahoro kọ́, wọ́n á sì máa gbé inú wọn;+

Wọ́n á gbin ọgbà àjàrà, wọ́n á sì mu wáìnì wọn,+

Wọ́n á ṣe ọgbà, wọ́n á sì jẹ èso wọn.’+

15 ‘Màá gbìn wọ́n sórí ilẹ̀ wọn,

A kò sì ní fà wọ́n tu mọ́

Kúrò lórí ilẹ̀ tí mo fún wọn,’+ ni Jèhófà Ọlọ́run rẹ wí.”