SALMOS
NAYRÏR LIBRO
(Salmos 1-41)
1 Kusisiñaniw jan wali jaqenakan ewjjtʼanakaparjam jan sarnaqki uka jaqejja,
janiw jupajj juchararanakan thakipan saytʼaskiti,+
janirakiw kunatï walïki ukat burlasirinakan qonuñapansa qontʼaskiti.+
3 Uka jaqejj jawiranak jakʼan ayruntat* mä qoqjamäniwa,*
uka qoqajj tiempoparuw achoqani,
janirakiw laphinakapas wañskaniti.
Taqe kuntï jupajj lurkani ukajj sumaruw sarani.+
4 Ukampis jan wali jaqenakajj janiw ukhamäpkiti;
jupanakajj thayan apata trigo jipir uñtasitäpjjewa.
5 Jan wali jaqenakajja juzgatäpkani ukhajj juchañchatäpjjaniwa;+
janirakiw juchararanakajj cheqap sarnaqer jaqemp chikajj tantachasipkaniti.+
6 Jehová Diosajja cheqap sarnaqer jaqen thakipat yatiwa,+
ukampis jan wali jaqen thakipajj tukusiniwa.+
2 ¿Kunatsa markanakajj chʼajjwasipki?
¿Kunatsa jaqenakajj kunatï inamayäki uk jupanakkam parlasipjje?*+
2 Oraqenkir reyinakajj saytʼasipjjewa,
marka apnaqerinakas mayar tukusaw
Jehová Dios contra ukhamarak ajllitap* contra+ nuwasiñatakejj mayachtʼat tantachasipjje.*+
3 Jupanakajj akham sapjjewa: “¡Cadenanakap tʼaqjjapjjañäni,
pitanakapsa* jaqtapjjañäni!” sasa.
4 Khititï alajjpachan tronopan qontʼatäki ukajj larusiniwa,
Jehová Diosasti jupanakat burlasiniwa.
5 Uka tiemponjja jupajj colerataw jupanakar parlani,
wali coleratätap laykojja jupanakajj wal ajjsarapjjani.
7 Kuntï Jehová Diosajj siski ukwa nayajj yatiyäjja,
jupajj akham sasaw nayar situ: “Jumajj nayan wawajätawa,+
aka urunwa nayajj juman awkimar tukta.+
8 Jumatï mayitäta ukhajja, nayajj markanakwa herenciat churäma,
taqpach oraqwa jumankañapatakejj nayajj churäma.+
9 Jumajj hierrot lurat cetrompiw jupanakarojj qʼal tʼunjäta,+
ñeqʼe phukurjamaw jupanakarojj qʼal tʼunjäta”+ sasa.
10 Ukhamajj reyinaka, jichhajj suma amuytʼasirïpjjam,
oraqenkir juezanaka, cheqañchäwi katoqasipjjam.
11 Jehová Diosarojj ajjsaras servipjjam,
kusisipjjam, jupa nayraqatansa khatatipjjarakim.
12 Diosan wawapar jachʼañchapjjam,*+ jan ukasti Diosajj* colerasiniwa,
jumanakasti jiwarapjjarakïtawa,+
kuna laykutejj jupajj jankʼak colerasiriwa.
Taqe khitinakatï jupar imantasipki ukanakajj kusisitäpjjewa.
Absalón yoqapat escapaskäna+ ukhaw Davidajj aka salmo cantäna.
3 Jehová Dios Tata, ¿kunatsa enemigonakajajj waljanir tukupjje?+
¿Kunatsa waljanejj naya contra saytʼasisipki?+
2 Waljaniw nayat akham sapjje:
“Diosajj janiw jupar salvkaniti”+ sasa. (Sélah).*
3 Jehová Dios Tata, jumajj taqe toqet nayar jarkʼaqeri mä escudötawa,+
jumaw nayar jachʼar aptistajja,+ jumarakiw jan ajjsarirïñatakejj yanaptʼistajja.+
4 Nayasti wali jachʼatwa Jehová Diosar artʼasëjja,
jupasti sagrado qollupatpachwa nayar jaysanitani.+ (Sélah).
5 Nayasti winktʼasïwa, iktʼasirakïwa,
jan kuna kamachtʼata sumakiw sartasjjarakëjja,
kuna laykutejj Jehová Diosaw nayar yanaptʼaskitu.+
6 Janiw nayajj waranqa waranqanakarojj ajjsarkti,
taqe toqet naya contra filtʼatäpkchi ukasa janiw nayajj jupanakar ajjsarkti.+
7 ¡Jehová Dios Tata, sartasikimaya! ¡Diosajjay salvakitaya!+
Jumajj taqe enemigonakajarojj quijadapatwa nuwantäta,
jan wali jaqenakan lakanakapsa tʼunsurakïtawa.+
8 Jehová Dios Tata, jumajj salvirïtawa.+
Bendicionamajj markamjjankiwa. (Sélah).
Directorataki.* Cuerdan instrumentonakamp cantañataki. Davidan salmopa.
4 Taqe kuns cheqapar lurir Diosaja,+ nayajj jawsankäma ukhajj jaysakitaya.
Jan walin uñjaskä ukhajja, escapañatak mä thakiy lurtʼarapita.
Khuyaptʼayasitaya, oracionajsa istʼakitaya.
2 Jaqenakan wawanakapa, ¿kunapachkamas jumanakajj jiskʼachapjjetäta?
¿Kunapachkamas jumanakajj jan kunatak servirïki ukar munasipjjäta?
¿Kunapachkamas kunatï kʼarïki uk thaqasipkakïta? (Sélah).
3 Jumanakajj ak yatipjjam, Jehová Diosajj jupat jan jitheqtirirojj wali sum uñjani;*
Jehová Diosar artʼaskä ukhajja, jupajj istʼitaniwa.
4 Jumanakatejj colerasipjjäta ukhajja, jan juchar puripjjamti.+
Kunjjay sañ munapjjsta uk chuymanakaman sapjjam, ikiñam patjjana, ukatsti amukïpjjam. (Sélah).
6 Waljaniw akham sapjje: “¿Khitirak kunatï sumäki uk uñachtʼayistanisti?” sasa.
Jehová Dios Tata, ajanuman qhanapajj nanakjjar qhantʼanpan.+
7 Chuymajarojj wali kusisiñampiw phoqantistajja,
khitinakatï granonaksa machaq vinsa wal apthapipki ukanakan kusisiñapat sipansa jukʼamp kusisiñampiw phoqantistajja.
8 Nayasti winktʼasïwa, sumakiw iktʼasirakëjja,+
Jehová Dios Tata, juma sapakiw jan ajjsaras jakayistajja.+
Directorataki. Nehilot* ukataki. Davidan salmopa.
5 Jehová Dios Tata, arunakaj istʼakitaya,+
llakisitajsa amuyakimaya.
2 Yanap mayiñatak artʼasitajarojj istʼakimaya,
nayan Reyija, nayan Diosaja, jumaruw nayajj oracionan maytʼasinsma.
3 Jehová Dios Tata, alwajj nayan arujwa jumajj istʼäta,+
nayasti llakijwa alwajj yatiyäma,+ ukatsti jaysaniñamwa nayajj suyarakëjja.
4 Jumasti janiw kunatï jan walïki ukat kusisir Diosäktati,+
janiw khiti jan wali jaqes jumampejj quedaskaspati.+
5 Janiw khiti jachʼa jachʼa tukur jaqes juma nayraqatan saytʼatäkaspati.
Jumasti taqe khitinakatï jan walinak lurapki ukanakarojj uñistawa.+
6 Jumajj kʼarinak parlirinakarojj tʼunjätawa.+
Jehová Diosajj wila wartir jaqetsa engañjir jaqetsa ajjtasiwa.+
7 Ukampis juman munasiñat jan jaytjasirïtam+ laykojja, nayajj utamaruw mantäjja.+
Nayasti santo templom* toqeruw jumar ajjsartʼas altʼasëjja.+
8 Jehová Dios Tata, naya contra saytʼirinak kawsajj juman cheqa thakimnam irpita.
Jan lanktʼasis thakiman sarnaqañatak yanaptʼita.+
9 Kuntï jupanakajj sapki ukarojj janiw confiyañjamäkiti.
Chuymanakapanjja jan walinakakiw utjaski.
Mallqʼanakapajj jistʼarat mä sepulturawa.
Lakanakapampis suma arunakäkaspas* ukham parlapjje.+
10 Ukampis Diosajj jupanakarojj juchañchaniwa.
Pachpa jan wali amuyunakapaw jupanakarojj jan walir purtʼasiyani.+
Walja juchanak lurapjjatapatjja jaqonukutäpjjpan,
kuna laykutejj jupanakajj juma contraw saytʼasipjje.
11 Ukampis taqe khitinakatï jumar imantasipki ukanakajj kusisipjjaniwa,+
kusisitapuniw jupanakajj arnaqasipjjani.
Jumaw jupanakarojj jarkʼaqäta,
khitinakatï sutimar munasipki ukanakajja, juma laykuw kusisipjjani.
12 Jehová Dios Tata, jumaw cheqap sarnaqerirojj bendisïta,
jumaw juparojj sum uñjäta, jumarakiw juparojj mä jachʼa escudompjam jarkʼaqäta.+
Directorataki. Cuerdan instrumentonakamp cantañataki, seminit* ukarjam afinata. Davidan salmopa.
6 Jehová Dios Tata, janikiy coleratajj toqenoqestati,
janikiy wali coleratajj cheqañchistati.+
2 Jehová Dios Tata, nayan aynachtʼaskataj laykojj khuyaptʼayasikitaya.
Jehová Dios Tata, chʼakhanakajan khatatiskatap laykojj qolltʼasikitaya.+
3 Jïsa, nayajj wali llakitätwa,+
Jehová Dios Tata, ¿kunapachkamas nayajj tʼaqesiskakëjja?+ sasaw jisktʼasiraksma.
6 Llakiskäwejj nayajj qaritäjjtwa,+
arum paqaraw jachajampejj ikiñajar chʼaranjta,*
jachajampiw ikiñajarojj qʼal phoqtʼayta.+
7 Llakisitaj laykojja nayranakajajj aynachtʼatawa,+
taqe enemigonakaj kawsasti nayranakajajj chhayptʼatawa.*
8 Taqe jan wali sarnaqerinaka, nayat jitheqtapjjeta,
kuna laykutejj Jehová Diosaw nayan jachataj istʼani.+
9 Jehová Diosajj nayan artʼasitajarojj istʼaniwa,+
Jehová Diosasti oracionajarojj jaysaniwa.
10 Taqe enemigonakajajj phenqʼachata tʼaqesiyata ukhamaw uñjasipjjani,
mä akatjamatwa jupanakajj phenqʼachat sarjjapjjani.+
Davidan llakkañ cancionapa, jupajja Cus sat benjaminitan arunakaparjamaw Jehová Diosarojj uka canción cantäna.
7 Jehová Dios Tata, nayan Diosaja, jumaruw nayajj imantasta.+
Taqe khitinakatï arknaqapkitu ukanakat jumakiy salvita.+
2 Janitï ukhamäkanejja, leonanakjamaw jupanakajj jiskʼa jiskʼa wikhanoqapjjetani,+
apapjjetaniwa, janiw khiti salviris nayatakejj utjkaniti.
3 Jehová Dios Tata, nayan Diosaja, nayatï ukatak juchanïsta,
nayatï jan wal lursta,
4 nayatï sum uñjkitu ukar jan wal lursta,+
jan ukajj nayatï ina chʼusatak enemigojar saqueysta ukhajja,
5 mä enemigoy nayar arktasin katjitpan,
jiwayañkam nayar takichasitpan,
mä phenqʼa oraqen jaqonukut jaytarakitpan. (Sélah).
6 Jehová Dios Tata, coleratätam layku sartasim,
wali coleratäpki uka enemigonakaj contra saytʼasim,+
nayar yanaptʼañatak sartasim, cheqaparu uñjasiñapatak mä orden churarakim.+
7 Markanakajj jumar muyuntapjjpan,
jumasti alto lugaratpachwa jupanak contra saytʼasïta.
8 Jehová Diosasti markanakjjarojj juicio arunakwa arsuni.+
Jehová Dios Tata, cheqap luratajarjam juzguita,
taqpach chuymampi servitajarjam juzguita.+
9 Mirä amp suma, jan wali jaqenakan jan wali luratanakap chhaqtayam.
Ukampis cheqapar sarnaqer jaqerojj yanaptʼam,+
kuna laykutejj jumajj cheqapar uñjir Diosätawa,+ jumaw chuymanak uñanttajja,+ amuyunaksa manqhakamaw uñantaraktajja.*+
10 Diosaw nayan escudojajja,+ jupaw cheqap chuymaninakar Salvirejja.+
11 Diosajj cheqapar uñjir Juezawa,+
Diosajj sapüruw jan wali jaqenak contrajj juicionakap yatiyi.
12 Maynejj jan arrepentiski ukhajja,+ Diosajj espadapwa afiltʼi,+
jupajj flechtʼañ arcopwa dobltʼi, listokwa wakichtʼaraki.+
13 Jupajj jiwayañatak armanakapwa wakichtʼi,
jupajj nina aqkir flechanakapwa wakichtʼaraki.+
14 Jan walinakamp usuriptatäki ukar uñjam,
jupajj jan waltʼäwinakampi usuriptatawa, kʼarisiñanakwa nasiyaraki.+
15 Jupajj mä pʼiya pʼiysu, wali manqhakamaw pʼiysuraki,
ukampis pʼiyski uka pachpa pʼiyaruw jupajj jalanti.+
16 Kuna jan waltï jupajj utjayki ukajj pachpa pʼeqepjjaruw kuttʼanini,+
jan walinak luratapajj pachpa pʼeqep patjjaruw jaljjattani.
17 Jehová Diosarojj cheqapar uñjirïtapatwa jachʼañchäjja,+
Jachʼa+ Jehová Diosan sutipatakiw nayajj alabanzanak cantäjja.*+
Directorataki. Guitit* ukarjama. Davidan salmopa.
8 Jehová Dios Tata, nanakan Diosaja, ¡taqe oraqpachanjja sutimajj kunja jachʼasa!
¡Kunja kʼajkirïtas ukjja alajjpachanakat sipansa jukʼamp altoruw usktajja!*+
2 Juma contra saytʼasirinak kawsajja,
jiskʼa wawanakana ukhamarak ñuñuskir wawanakan lakapat mistki uka arunak+ taypiw chʼamam uñachtʼaytajja,
ukhamat enemigonakaru, vengasirinakar amuktʼayañataki.
3 Kunapachatï nayajj alajjpachanakama, amparanakamamp* luratanakam uñjta,
jumajj lurkta uka phajjsimpi warawaranakamp uñjta ukhajja,+
4 ¿kunarak jaqesti jupat amtasiñamatakisti?
¿Kunarak jaqen yoqapasti jupar cuidañamatakisti?+
5 Angelanakat* sipansa juparojj mä jukʼa minuswa lurtajja,
ukatsti kʼajkiriruw juparojj tukuytajja, jachʼañcharaktawa.
6 Juparojj taqe luratanakamwa apnaqañapatakejj churtajja,+
taqe kunwa jupan kayunakapar uchtajja:
7 taqe ovejanaka, cabranaka, vacanaka,
8 jamachʼinaka, lamar qotankir chawllanaka,
taqe kunanakatï lamar qotanakan jakki ukanakjja kayunakaparuw uchtajja.
9 Jehová Dios Tata, nanakan Diosaja, ¡taqe oraqpachanjja sutimajj kunja jachʼasa!
Directorataki. Mut-Laben* ukarjama. Davidan salmopa.
א [álef]
9 Jehová Dios Tata, nayajj taqe chuymajampiw jumar jachʼañchäma,
taqe musparkañ luratanakamatwa nayajj parläjja.+
2 Kuntï jumajj lurkta uka laykuw nayajj wal kusisëjja, kʼuchisirakïwa,
Jachʼa Dios Tata, sutimatakiw nayajj alabanzanak cantäjja.*+
ב [bet]
3 Kunapachatï enemigonakajajj sarjjapjjani ukhajja,+
jupanakajj juma nayraqatan lanktʼasipjjaniwa, jiwapjjarakiniwa.
4 Jumaw nayarojj cheqaparjam uñjistajja, jarkʼaqarakistajja,
tronomaruw qontʼastajja, cheqaparuw juzgaraktajja.+
ג [guímel]
5 Jumasti markanakarojj juchañchtawa,+ jan wali jaqenakarus tukjaraktawa,
sutinakap wiñayans wiñayapatak chhaqtayasaw uk lurtajja.
6 Enemigojj wiñayatak tukjatäjjewa,
markanakapsa jumajj jikʼinuktawa,
jupanakatjja janiw jukʼampejj aytasjjaniti.+
ה [he]
7 Ukampis Jehová Diosajj wiñayatak tronopan qontʼatawa,+
jupajj cheqapar juzgañatak tronopan qontʼatawa.+
ו [waw]
9 Tʼaqesiyat mä jaqetakejja Jehová Diosajj mä seguro imantasiñaruw tukuni,+
jan wali tiemponjja mä suma imantasiñaruw tukurakini.+
10 Khitinakatï sutim uñtʼapki ukanakajja jumaruw confiyapjjätam,+
Jehová Dios Tata, jumar thaqapktam ukanakarojj janipuniw jaytanukkätati.+
ז [zayin]
11 Sionan jakaski uka Jehová Diosar alabanzanak cantapjjam,
luratanakapat markanak taypin yatiyapjjam.+
12 Diosasti khitinakatï tʼaqesitäpki ukanakatjja amtasiniwa, jupanakar jiwayapki ukanakatjja jupajj vengasiniwa.+
Tʼaqesitanakan jachatanakapatjja jupajj janiw armaskaniti.+
ח [jet]
13 Jehová Dios Tata, khuyaptʼayasikitaya,
uñisipkitu ukanak kawsa nayan tʼaqesitaj uñjakimaya,
jumaw jiwañ punkunakat waystʼasistajja,+
14 ukhamat Sionan phuchapan punkunakapan jachʼañchkay luratanakamat yatiyañajataki,+
nayar salvatam laykojj kusisiñajataki.+
ט [tet]
15 Markanakajja jupanakajj lurapki uka pachpa pʼiyaruw jalantapjje,
imantapki uka pachpa tramparuw* kayunakapajj katuntat uñjasi.+
16 Jehová Diosasti kunanaktï Juezjam amtki ukanak phoqasiyirit uñtʼatawa.+
Jan wali jaqejja pachpa luratanakapan katuntataw uñjasi.+
(Higayón.* Sélah).
י [yod]
17 Jan wali jaqenakajj Sepulturaruw* sarapjjani,
Diosat armtʼasipki taqe uka markanakajj ukaruw sarapjjani.
18 Ukampis pobrenakajj janiw armatapunïpkaniti,+
kuntï llampʼu chuyman* jaqenakajj suytʼasipki ukajj janirakiw inamayäkaniti.+
כ [kaf]
19 ¡Jehová Dios Tata, sartasikimaya! Janikiy jiwir jaqerojj atipjayamti.
Markanakajj juma nayraqatan juzgatäpjjpan.+
20 Jehová Dios Tata, ajjsarañampiy jupanakar castigam,+
jupanakan jiwir jaqekïpjjatap markanakajj yatipjjpan. (Sélah).
ל [lámed]
10 Jehová Dios Tata, ¿kunatsa jaya cheqar saytʼasta?
Nanakajj llakin uñjasipkta ukhajj ¿kunatsa jumajj imantasta?+
2 Jan wali jaqejj jachʼa jachʼa tukusaw jan khiti yanapirini jaqerojj arknaqe,+
ukampis uka jan wali jaqejja jupajj lurki uka pachpa trampaparuw jaltʼani.+
3 Jan wali jaqejj jan wali munañanakapatwa jachʼañchasi,+
jupatakik taqe kuns muniri jaqerus bendisirakiwa,*
נ [nun]
Jehová Diosarus janiw respetkiti.
4 Jan wali jaqejja jachʼa jachʼa tukutap laykojj janiw yatjjatkiti,
jupajj chuymapan akham siwa: “Diosajj janiw utjkiti”+ sasa. Taqe amuyunakapas ukhamarakiwa.
5 Thakinakapas nayraruw sartaski,+
ukampis juman leyinakamajj jupan amuyupat sipansa jukʼamp altonkiwa,+
jupa contra saytʼasirinakatsa burlasiwa.
6 Akham sasaw jupajj chuymapan saraki:
“Nayajj janipuniw lanktʼaskäti,
janipuniw kuna jan walinsa uñjaskäti”+ sasa.
פ [pe]
7 Lakapajj maldicionanakampi, kʼarinakampi, amenazanakampi phoqantatawa,+
lajjrapampejj problemanakwa utjayi, usuchjarakiwa.+
8 Jupasti mä imantasiñ lugaranwa atacañatakejj markanak jakʼan qontʼasi,
imantaski uka lugaratpachwa jan juchani mä jaqerojj jiwayi.+
ע [ayin]
Nayranakapajj jan khiti arjjatirin jaqerojja uñjaskiwa.+
9 Jupajj imantasiñ lugarapanwa suyjjati, kunjamtï mä leonajj putupan* suyjjatki ukhama,+
jupajj jan khiti yanapirini jaqer katjañatakiw suyjjati.
Jupajj trampap* jistʼthapiñatak jiytʼasaw jan khiti yanapirin jaqerojj katji.+
10 Tʼaqesiyat jaqejj qʼala aynachtʼatawa, oraqer liwinukutarakiwa.
Jan khiti yanapirin jaqejja uka jan wali jaqen amparaparuw jaltʼi.
11 Uka jan wali jaqejj chuymapan akham siwa: “Diosajj armasjjewa.+
Ajanupsa imantasjjarakiwa.
Jupajj janipuniw kuns uñjkiti”+ sasa.
ק [qof]
12 Jehová Dios Tata, sartasikimaya.+ Dios Tata, chʼamam uñachtʼayam.+
Jan khiti yanapirinïpki uka jaqenakat janikiy armasimti.+
13 ¿Kunatarak jan wali jaqejj Diosar jan respetkisti?
Jupajj chuymapan akham siwa: “Jumajj janiw nayar juchañchkitätati” sasa.
ר [resh]
14 Ukampis jumajj problemanaka tʼaqesiñanak utjayir jaqenakarojj uñjasktawa.
Jumajj uñjtawa, kunatï lurañajj wakiski uksa luraraktawa.+
Jan khiti arjjatirin jaqejj juman ukaruw kuttʼani,+
ש [shin]
15 Jan wali jaqen amparapsa jan walinak lurir jaqen amparapsa pʼakjam,+
ukhamat jan wali luratanakap thaqkäta ukhajja,
jan jukʼampi jan wali luratanakap jikjjatañamataki.
16 Jehová Diosajj wiñayans wiñayapatak Reyiwa.+
Ukampis markanakajj oraqet chhaqtayatäpjjewa.+
ת [taw]
17 Jehová Dios Tata, llampʼu chuyman* jaqen mayitaparojj istʼätawa.+
Chuymanakapsa chʼamañchtʼätawa,+ wali amuyumpiw jupanakar istʼarakïta.+
18 Jan awkin wajchanakarusa* tʼaqesiyatanakarusa cheqaparuw jumajj uñjäta,+
ukhamat oraqenkir jiwir jaqejj jan jukʼamp jupanakar ajjsarayañapataki.+
Directorataki. Davidan salmopa.
11 Jehová Diosaruw nayajj imantasta.+
Ukhamajj kunjamarak jumanakajj akham sapjjetasmasti:
“¡Kunjamtï mä jamachʼejj qollur escapki ukham escapjjam!*
2 Uñjam, kunjamsa jan wali jaqenakajj flechtʼañ arconakap dobltʼapjje,
jupanakajj flechtʼañ arcopan cuerdaparuw flechanakap uchapjje,
ukhamat chʼamakatpach cheqap chuyman jaqenakar flechtʼañataki.
3 Janiw justiciajj utj-jjeti, janirakiw leyinakar respetañas utjkiti,
¿kunarak cheqapar sarnaqer jaqejj luraspasti?” sasa.
4 Jehová Diosajj santo templopankiwa.+
Jehová Diosan tronopajj alajjpachanakankiwa.+
Nayranakapajj taqe kunwa uñji, sum uñjir nayranakapas jaqenakan wawanakaparojj uñjaskiwa.+
6 Jan wali jaqenakjjarojja jupajj trampanakwa* uskuni,
ninampi azufrempwa+ jupanakjjarojj purjjatayani, nakhantir juntʼu thayampiw jupanakarojj castigarakini.
7 Kuna laykutejj Jehová Diosajj cheqapar uñjir Diosawa,+ jupajj cheqap lurir jaqenakarojj munasiwa.+
Cheqap sarnaqer jaqejj jupan ajanupwa uñjani.*+
Directorataki. Seminit* ukarjam afinata. Davidan salmopa.
12 Jehová Dios Tata, salvakitaya, kuna laykutejj jan jaytjasir jaqejj janiw utj-jjeti,
confiykañ jaqenakas jaqenak taypit tukusjjewa.
2 Jupanakajj kʼarinakwa jupanakkamajj parlapjje,
lakanakapampis jachʼañchtʼapjjewa, jaqenakarus engañjapjjarakiwa.*+
3 Jehová Diosajj yaqhanakar jachʼañchtʼir taqe lakanakwa chhaqtayani,
jachʼañchasir lajjranaksa chhaqtayarakiniwa.+
4 Akham sirinakarojj jupajj tʼunjaniwa: “Lajjranakajajj wali chʼamaniwa.
Lakanakajsa munañanakajarjamaw apnaqapjjta,
janiw nanakatakejj khitis patronäkaspati”.+
5 Jehová Diosajj akham siwa: “Llakitanakan tʼaqesiyatäpjjatapatsa
pobrenakan llakirtʼasipjjatapatsa,+
nayajj sartasïwa.
Nayaw jupanakarojj jiskʼachirinakapat salväjja” sasa.
6 Jehová Diosan arunakapajj qʼomawa,+
arunakapajj hornor* qʼomachat qollqer uñtasitäpjjewa, paqallq kuti qʼomachatäpjjewa.
7 Jehová Dios Tata, jumaw jupanakarojj imäta,+
aka tiempon jakir jaqenakat jumaw sapa maynir wiñayatak jarkʼaqäta.
8 Jan wali jaqenakajj munañaparjamakiw sarnaqapjje,
kuna laykutejj jaqenakan wawanakapajj jan walinak lurañaruw chʼamañchapjje.+
Directorataki. Davidan salmopa.
13 Jehová Dios Tata, ¿kunapachkamarak nayat armasitätasti? ¿Wiñayatakit nayat armasitäta?
¿Kunapachkamarak ajanum nayat imantasiskakïtasti?+
2 ¿Kunapachkamarak nayajj llakimp tʼaqesiskakïsti?
¿Kunapachkamarak nayajj chuymajan sapüru llakisiskakïsti?
¿Kunapachkamarak enemigojajj nayar atipjitanisti?+
3 Nayan Jehová Diosaja, uñtanikitaya, jaysakitaya.
Nayranakajarojj qhan churakimaya, ukhamat jiwañan jan iktʼañajataki,
4 janirak enemigojajj akham sañapataki: “¡Nayajj jupar atipjtwa!” sasa.
Naya contra saytʼasirinakarojj janikiy aynachtʼataj laykojj kusisiyamti.+
5 Nayajj jumaruw confiyasta, jumaw munasiñat jan jaytjasirïtam uñachtʼayitäta,+
kunapachatï jumajj nayar salvkitäta ukhajja, chuymajajj wal kusisini.+
6 Jehová Diosaruw nayajj cantäjja, kuna laykutejj jupajj wal bendisitu.+
Directorataki. Davidan salmopa.
14 Jan amuytʼasir jaqenakajja chuymapan akham sapjjewa:
“Janiw Jehová Diosajj utjkiti”+ sasa.
Jan amuytʼasir jaqenakan luratanakapajj jan walipuniwa, luräwinakapas ajjtaskañarakiwa,
janiw khitis kunatï walïki uk lurkiti.+
2 Ukampis Jehová Diosajj alajjpachatpachwa jaqenakan wawanakaparojj uñchʼukisinki,
ukhamat khitis suma amuytʼasir jaqejja uk uñjañataki ukhamarak khitis Jehová Diosar thaqaski uk uñjañataki.+
3 Taqeniw saranukupjje,+
taqeniw jan walinak lurapjje.
Janiw khitis kunatï walïki uk lurkiti,
janiw ni maynis kunatï walïki uk lurkiti.
4 ¿Kunatarak jan walinak lurir jaqenakajj jan kuns amuyapjjpacha?
Jupanakajj tʼantʼsa manqʼapkaspa ukhamwa markajarojj manqʼantapjje.
Jupanakajj janiw Jehová Diosar artʼasipkiti.
5 Jupanakajj ajjsarañampi phoqantataw uñjasipjjani,+
kuna laykutejj Jehová Diosajj cheqap sarnaqer jaqenakampïskiwa.
6 Jan wali lurir jaqenaka, jumanakajj tʼaqesiyat jaqen amtanakapjja janiw phoqasiyañ munapktati,
ukampis Jehová Diosaw juparojj imaski.+
7 ¡Israelan salvacionapajj Sionat jutpan!+
Kunapachatï Jehová Diosajj katuntat markapar wasitat tantachthapini ukhajja,
Jacobojj kusispan, Israelajj kusispan.
Davidan salmopa.
15 Jehová Dios Tata, ¿khitirak carpaman suma katoqatäspasti?
¿Khitirak sagrado qolluman jakaspasti?+
2 Khititejj jan juchani sarnaqki* uka,+
kunatï cheqapäki uk lurki uka,+
chuymapan kunatï cheqäki uk parlki uka.+
4 Diosan uñisitäki uka jaqerojj janiw jupajj katoqkiti,+
ukampis khitinakatï Jehová Diosar ajjsarapki ukanakarojj respetiwa.*
Promesa* luratapjja phoqewa, uka promesa phoqañatakejj jan walins uñjaskchejja phoqapuniwa.+
5 Qollqepjja jan interesampiw maytʼi,+
janirakiw jan juchani jaqe contra saytʼañatakejj mä kunampis chilltayaskiti.+
Khititï ukanak lurki ukajja suma saytʼatäniwa.+
Davidan salmopa.*
16 Dios Tata, jumaruw nayajj imantasta, jarkʼaqasikitaya.+
2 Nayasti Jehová Diosarojj akham sistwa: “Jumaw Jehová Diosätajja, taqe kunatejj sumäki ukajj jumatwa juti.
3 Oraqenkir santo jaqenakajja,
mä arunjja khitinakatejj jachʼañchatäpjjañapäki ukanakajj walpun kusisiyapjjetu”+ sasa.
4 Yaqha diosanakar taqe chuyma servipki ukanakajja jukʼamp llakinakampiw apjjatasipjje.+
Nayajj janipuniw wiljja uka diosanakarojj loqtkäti,
ni sutinakapsa lakajampejj aytkäti.+
5 Taqe kuntï nayajj katoqkta ukasa+ nayajj umkta uka copas+ Jehová Diosatwa juti.
Jumaw nayan herenciaj jarkʼaqtajja.
6 Nayar churañatak midtʼarapkista uka lugarajja, nayarojj wal kusisiyitu.
Jïsa, herenciajampejj wali kusisitätwa.+
7 Ewjjtʼanak churkitu uka Jehová Diosaruw nayajj jachʼañchäjja.+
Arum toqerojj pachpa amuyunakajaw* cheqañchitu.+
8 Jehová Diosajj sapüruw nayraqatajankaski.+
Niyakejjay jupajj kupëjjajankchejja, janipuniw khitis nayarojj khatatiykitaniti.+
9 Chuymajasti wali kusisitawa, nayasti wali kusisitarakïtwa.
Jan ajjsarasaw jakasirakta.
10 Jumajj janiw nayarojj* Sepulturan* jaytkitätati.+
Jumat jan jitheqtki ukarojja janiw pʼiyjja uñjaykätati.*+
11 Jumaw jakañ thakjja uñtʼayistajja.+
Juma nayraqatanjja wali kusisiñaw utji,+
kupëjjamankañajj wiñayatak kusiskañawa.
Davidan oracionapa.
17 Jehová Dios Tata, cheqapar uñjatäñatak ruwtʼasitajarojj istʼakimaya.
Yanaptʼa mayiñatak artʼasitajarojj istʼakimaya.
Jan engañompi oración mayisitajarojj istʼakimaya.+
2 Naya favoray cheqaparjam amtam,+
nayranakamajj kunatï cheqapäki ukay uñjpan.
3 Jumajj chuymajwa uñantistajja, arumaw jumajj inspección nayar luristajja,+
jumaw nayarojj qʼomachistajja,+
janiw kuna jan wal amtatajsa jikjjatkätati,
lakajajj janiw kuna jan walsa parlkiti.
4 Janiw nayajj lunthatanakan thakinakap arkti, kunjamtï waljanejj lurapki ukhamjja,
kuna laykutejj nayajj lakaman arunakaparuw istʼta.+
5 Thakinakamarjam sarnaqañatak yanaptʼita,
ukhamat jan lanktʼasiñajataki.+
6 Dios Tata, nayajj jumaruw artʼasinsma, kuna laykutejj jumajj jaysitätawa.+
Naya toqer jiñchum altʼanikimaya.* Arunakajarus istʼakimaya.+
7 Munasiñat jan jaytjasirïtam musparkañ luratanakamamp uñachtʼayita.+
Salvir Dios Tata, jumajj kupi ladomar imantasiñ thaqerinakan salviripätawa,
mä arunjja juma contra saytʼasipki ukanakat imantasiñ thaqerinakan salviripätawa.
9 Atacapkitu uka jan wali jaqenakat jarkʼaqtʼasitaya,
muyuntapkitu, jiwayañ munapjjarakitu uka enemigonakajat jarkʼaqtʼasikitaya.+
10 Jupanakajj jan sinttʼasir jaqeruw tukjjapjje,
lakanakapampis jachʼa jachʼa tukusaw parlapjjaraki.
12 Jupanakat sapa maynejja, mä animalar jiskʼa jiskʼa tukjañ wal munir leonar uñtasitäpjjewa,
jamas lugaranakan winktʼat suyaskiri waynpach mä leonar uñtasitäpjjewa.
13 Jehová Dios Tata, jupanakar saykatañatak sartasikimaya,+ jupanakar liwinukum.
Jan wali jaqenakat espadamamp salvakitaya.
14 Jehová Dios Tata, amparamampi salvakitaya,
akapachankir jaqenakat salvakitaya, jupanakajj aka tiempon jakañatakwa llakisipjje,+
kuna sumanaktï jumajj churkta ukanakampiw jupanakar phoqtʼaytajja,+
jupanakajj walja wawanakaparuw herencia jaytapjje.
15 Ukampis nayajj cheqapar sarnaqasaw jakasëjja, ajanumwa nayajj uñjarakëjja.
Juma nayraqatanjja chuymas chuymaw sartasta.+
Directorataki. Jehová Diosan David serviripaw aka canción cantäna. Kuna uruntï Jehová Diosajj Davidar taqe enemigonakapan amparapampita Saúl reyin amparapampit salvkäna ukhaw Davidajj Jehová Diosar aka canción cantäna. Jupajj akham sänwa:+
18 Jehová Dios Tata, jumarojj wal munassma, jumajj nayan chʼamajätawa.+
2 Jehová Diosaw nayan jachʼa qarqajasa* jachʼa perqanakamp muyuntat markajasa, salvirijasa.+
Diosajaw qarqajajja,+ juparuw nayajj imantasta,
jupaw escudojasa, wali chʼamani salvirijasa,* wali suma imantasiñajasa.+
3 Jehová Diosaruw nayajj artʼasta, juparuw jachʼañchatäñajj waktʼi,
nayasti enemigonakajat salvatäyäwa.+
4 Jiwañan pitanakapaw* nayarojj muyuntitu,+
jan kunatak serviri jaqenakajja jawirat jilarir umjamaw wal ajjsarayapjjetu.+
6 Nayajj wali llakinkaskayäta ukhaw Jehová Diosar artʼasta,
Diosajarojj yanap mayiñatakiw artʼasiskakiyäta.
7 Oraqejj wal khatatïna, uksar aksaruw onjjtarakïna,+
qollunakan cimientonakapas khatatïnwa,
jupan colerasitap laykuw uksar aksar wal khatatïna.+
8 Jewqʼew nasapat mistüna,
qʼal nakhantir ninaw lakapat mistüna.+
Aqkir nina sankʼanakaw jupan nayraqatapat misturakïna.
9 Saraqankasajj alajjpachanakwa jupajj altʼayanïna,+
kayunakap manqhanjja chʼiyar qenayanakaw utjäna.+
10 Jupajj mä querubín angelatwa jalanïna.+
Jupasti mä angelan* chheqanakap patjjanwa jankʼak saraqanïna.+
11 Jupajj chʼamakampiw imjjatasïna,+
mä carpampjamaw
chʼiyar umanakampi chʼiyar qenayanakampi muyuntayasïna.+
12 Jupa nayraqatan utjkäna uka kʼajkir qhanatjja,
chhijchhimpi aqkir nina sankʼanakampiw qenayanak taypnam purjjatanïna.
13 Jehová Diosajj qʼejjo qʼejjonakwa alajjpachan suynayäna.+
Jachʼa Diosajj arup istʼasiykäna ukhajja,+
qala chhijchhinakampi aqkir nina sankʼanakampiw purjjatanïna.
14 Flechanakapwa flechtʼanïna, ukhamatwa enemigonakapar aywitatayäna,+
lliju llijunakapwa apayanïna, ukhamatwa jupanakar pantjasiyäna.+
15 Jawir uma canalanakajj uñstjjänwa.+
Jehová Dios Tata, juman cheqañchatam laykojj oraqen cimientonakapas uñstjjarakïnwa,
nasamat mistur samanajj wali chʼamampi mistutap layku.+
16 Jupajj alto lugaratpachwa amparap loqtanïna.
Nayar katthapisaw wali manqha umanakat waysurakitu.+
17 Jupaw chʼamani enemigojat salvitu,+
nayar uñisipkitäna, nayat sipans jukʼamp chʼamanïpkäna ukanakatwa salvarakitu.+
18 Nayajj jan walinkkayäta ukhaw jupanakajj naya contra saytʼasipjjäna,+
ukampis Jehová Diosaw yanaptʼitäna.
19 Jupaw nayarojj mä suma seguro cheqar irpsunitu.
Nayar munasitap laykuw jupajj salvitu.+
21 Nayajj Jehová Diosan thakinakaparjamaw sarnaqta,
janiw nayajj Diosajar apanukti, kuna laykutejj uk lurañajj janiw walïkiti.
22 Nayajj taqe kunanaktï jupajj Juezjam amtki ukanak amtapuntwa.
Janiw nayajj leyinakap apanukkäti.
23 Jupa nayraqatan jan juchanïñatakejj chʼamachasiskakïwa,+
juchar jan purtʼasiñatakejj chʼamachasirakïwa.+
25 Jumar jan jaytjiri jaqerojj janirakiw jaytjktati.+
Cheqapar sarnaqer jaqerojja cheqaparurakiw uñjtajja.+
28 Jehová Dios Tata, jumaw lamparaj naktaytajja.
Nayan Diosaja, jumaw nayan chʼamakaj-jja qhantaytajja.+
29 Juman yanaptʼamampejj saqueyjir mä tropa contras nuwasiristwa.+
Diosan chʼamapampejj mä murallsa thoqokipiristwa.+
30 Cheqpach Diosan thakipajj perfectowa.+
Jehová Diosan arsutapajj qʼomawa.*+
Taqe khitinakatï jupar imantasipki ukanakatakejj mä escudowa.+
31 ¿Khitirak Jehová Diosjam Diosäspasti?+
¿Khitirak Diosasjam mä qarqäspasti?*+
33 Jupaw kayunakajarojj mä venadon* kayunakapjam tukuyi,
juparakiw wali parki qollunakan sum taktʼayitu.+
34 Jupaw nayarojj guerran nuwasiñatak yatichitu,
amparanakajajj cobret lurat flechtʼañatak arcsa dobltʼaspawa.
35 Jumaw salvasiñ escudomjja churistajja,+
kupi amparamaw katjjäsitu,
humilde chuymanïtamaw nayarojj jachʼañchitu.+
36 Jumaw nayatakejj thak jachʼaptaytajja,
ukhamat kayujajj jan lanktʼasiñapataki.+
37 Nayajj enemigonakajar arktasaw jupanakar jikjjatäjja,
jupanakan qʼala tukjatäpjjañapkamajj janiw kuttʼankäti.
38 Jupanakarojj jan sartkirwa usuchjäjja.+
Nayan kayujaruw jupanakajj liwirtapjjani.
39 Jumaw nayarojj guerran nuwasiñatak chʼam churitäta.
Jumarakiw naya contra saytʼasirinakarojj nayraqatajan jaqortayäta.+
40 Jumaw enemigonakajarojj nayan ukat khitanukjjäta.
Uñisipkitu ukanakarojj jiwarayäwa.*+
41 Jupanakajj yanaptʼayasiñatakiw artʼasipjje, ukampis janiw jupanakarojj khitis salvkiti.
Jehová Diosarus artʼasipjjewa, ukampis jupajj janiw jupanakar jaysankiti.
42 Thayan apat ñutʼu polvor tukuyañkamaw jupanakarojj ñutʼjäjja.
Callenakan utjki uka ñeqʼerjamaw jupanakarojj jaqtäjja.
43 Naya contra parliri markatjja jumaw salvitäta.+
44 Nayat istʼasinjja jupanakajj arunakaj phoqapjjaniwa.
Extranjeronakajj wal ajjsarasaw naya nayraqatan altʼasipjjani.+
45 Extranjeronakajj ajjsarayasipjjaniwa.*
Khatattʼasisaw imantasiñ lugaranakapat mistunipjjani.
46 ¡Jehová Diosajj jakaskiwa! ¡Nayan Qarqajajj* jachʼañchatäpan!+
¡Nayan salviri Diosajajj jachʼañchatäpan!+
47 Cheqpach Diosaw enemigonakajat vengasi.+
Jupaw nayan apnaqañajatak markanak katuyitu.
48 Jupaw colerat enemigonakajat salvitu.
Nayar atacapkitu ukanakat sipans jukʼamp altoruw jumajj uchistajja.+
Jumaw nayarojj nuwasir jaqet salvistajja.
49 Jehová Dios Tata, ukatwa nayajj markanak taypin jachʼañchäma,+
50 Jupaw jachʼa atipjäwinakampejj reyipar salvi.+
Jupaw ajllitaparojj munasiñat jan jaytjasirïtap uñachtʼayi,+
Davidampiru wawanakapampiruw wiñayatak uk uñachtʼayi.+
Directorataki. Davidan salmopa.
19 Alajjpachanakajja Diosajj kunja chʼamanisa ukwa uñachtʼayasipki,+
alajjpachanakajj amparanakapan luratanakapwa qhanañchapjje.+
2 Arsutanakapajj sapüruw umar uñtasit phulloqesin mistunipjje,
sapa arumaw jupan yatiñanïtap uñachtʼayapjje.
3 Alajjpachanakajj janiw parlapkiti, janirakiw arunakas utjkiti.
Arunakapajj janiw istʼaskiti.
4 Ukampis yatiyäwinakapajj oraqpacharuw puri,
oraqen taqe thiyanakapan* jakirinakaruw yatiyäwinakapajj puri.+
Diosajj alajjpachanakanwa intitakejj mä carpa saytʼayi.
5 Intejj mä casarasir waynar uñtasitaw cuartopat mistuni,
kunjamtï chʼamani mä chachajj mä tʼijüwin tʼijusajj wal kusiski ukhamwa intejj kusisi.
Janiw kunas calorapat imantaskaspati.
7 Jehová Diosan leyipajj perfectowa,+ chʼamsa wasitatwa katjjatayi.+
Jehová Diosan amtayäwinakapajj confiykañawa,+ jan experiencianïki ukarus yatiñaniruw tukuyi.+
8 Jehová Diosan ordenanakapajj cheqapawa, chuymarus kusisiyiwa.+
Jehová Diosan mandamientonakapajj qʼomawa, nayranaksa qhantayiwa.+
9 Jehová Diosar ajjsarañajj*+ qʼomawa, wiñayatakiwa.
Jehová Diosan amtanakapajj cheqawa, taqpachaw cheqapajja.+
10 Ukanakajj qorit sipansa jukʼamp munkañawa,
qʼomachat walja qorit sipansa jukʼamp munkañawa.+
Miskʼit sipansa jukʼamp mosqʼawa,+ abejanakajj miskʼichki ukat chʼaqarir miskʼit sipansa jukʼamp mosqʼawa.
11 Diosay, ukanak taypiw servirimarojj jan wali thakir jan sarañapatakejj yatichtajja.+
Ukanak phoqañanwa jachʼa bendicionajj utji.+
12 ¿Khitirak pachpa pantjasitanakap amuytʼaspasti?+
Jan amuyaskasin juchanak luratajat perdontʼakitaya.
13 Jachʼa jachʼa tukusin jan kuns lurañapatak servirimar jarkʼaqtʼakimaya.+
Uka jachʼa jachʼa tukusin lurañanakamp jan apnaqayistati.+
Ukhamatwa nayajj phoqatäyäjja,+
jachʼa juchanakatsa janirakiw juchanïkäti.
14 Lakajan arsutanakapasa chuymajan lupʼitanakapasa,*
jumar kusisiypan,+ Jehová Dios Tata, nayan Qarqaja,*+ nayan Salvirija.+
Directorataki. Davidan salmopa.
20 Llakisiñ urunjja Jehová Diosay oracionamarojj jayspan.
Kunapachatï sutipat artʼaskäta ukhajja, Jacobun Diosapay jumarojj jarkʼaqpan.+
3 Jupajj taqe ofrendanakamat amtasikpanaya,
nakhantayat ofrendamjja sumakiy katoqaspan.* (Sélah).
4 Kunanaktï chuymamajj munki ukanak jupay jumar churpan,+
taqe amtanakamjja jupay sumar saraypan.
5 Atipjatanakamatjja kusisitaw nanakajj wal arnaqasipjjäjja.+
Diosajan sutipjjaruw nanakajj atipjäwi señalanakaj altor aptapjjäjja.+
Jehová Diosay taqe mayitanakam phoqpan.
6 Jehová Diosajj ajllitapar salvirïtapjja jichhaw nanakajj yatipjjta.+
Jupaw alajjpachankki uka sagrado lugaratpachajj jupan oracionapar jaysani,
chʼamani kupi amparapampi salvasaw oracionapar jaysani.+
7 Yaqhepajj carronakaruw confiyapjje, yaqhepasti caballonakaruw confiyapjjaraki.+
Ukampis nanakajj Jehová Diosajan sutiparuw confiyapjjta.+
8 Jupanakajj liwirtapjjewa, jaqosipjjarakiwa,
ukampis nanakajj sartasipjjtwa, cheqaki saytʼayatäpjjaraktwa.+
9 ¡Jehová Dios Tata, reyirojj salvakimaya!+
Kuna uruntï yanap mayipkä ukhajj jupaw jaysapjjetani.+
Directorataki. Davidan salmopa.
21 Jehová Dios Tata, chʼam uñachtʼayatamatjja reyejj wal kusisi.+
¡Salvirïtamatwa jupajj wal kusisi!+
2 Kuntï chuymapajj munki ukwa jumajj jupar churtajja,+
kuntï lakapajj mayki ukatjja janiw jarkʼktati. (Sélah).
3 Jumasti juparojj bendistawa, sumanakwa juparojj churaraktajja.
Suma qorit lurat coronampiw pʼeqepar usktajja.+
4 Jupajj jakañwa maytamjja, jumasti jakañwa churtajja,+
wiñayans wiñayapatakiw walja tiempo* jakañ churtajja.
5 Jupar salvatamatjja jupajj wali jachʼañchatawa.+
Jumaw honra ukhamarak jachʼañchäwi jupar churtajja.
6 Jumaw wiñayatak bendisitäñapatakejj uttʼaytajja.+
Jupampïtam uñjasajj jupajj wal kusisi.+
7 Reyejj Jehová Diosaruw confiyi.+
Jachʼa Diosan munasiñat jan jaytjasirïtap laykojja, janipuniw jupajj khatatiyatäkaniti.+
8 Amparamajj taqe enemigonakamaruw katjani.
Kupi amparamajj uñisipktam ukanakaruw katjani.
9 Jumajj jutañ amtkäta ukhajja, aqkir hornorus jaqontkasma ukhamwa jupanakarojj tiempopar tukjäta.
Jehová Diosajj colerataw jupanakarojj tukjani, ninasti jupanakarojj qʼal nakhantarakini.+
10 Jupanakat jutiri wawanakaparojj jumajj tukjätawa,
jaqenakan yoqanakapan wawanakaparus tukjarakïtawa.
11 Jupanakajj juma contra jan walinak lurañwa munapjjäna,+
kuntï jupanakajj amtapki ukajj janiw sumar sarkaniti.+
13 Jehová Dios Tata, sartasikimaya, chʼamam uñachtʼayam.
Chʼamanïtam laykuw alabanzanak jumar cantapjjäma.*
Directorataki. “Willjtan venadopa”* sat tonorjama. Davidan salmopa.
22 Diosajay, Diosajay, ¿kunatsa apanuktʼasista?+
¿Kunatsa nayar salvirejj jan jutkta?
¿Kunatsa llakisiñat arnaqasitanakajarojj jan istʼkista?+
2 Diosajay, urojj artʼasiskaksmawa, ukampis jumajj janiw jayskistati.+
Arumajj janiw nayajj amuktʼirjamäkti.
3 Ukampis jumajj santo Diosätawa,+
taqpach Israelaw jumar jachʼañchtamjja.
4 Awkinakajajj jumaruw confiyapjjayätamjja,+
jupanakajj confiyapjjänwa, jumasti jupanakarojj salvaskakiyätawa.+
5 Jupanakajj jumaruw artʼasinipjjäna, salvatäpjjarakïnwa,
jumaruw confiyasipjjäna, janiw chuymas pʼakintat uñjasipkänti.*+
6 Ukampis nayajj mä laqʼokïtwa, janiw jaqëkti,
jaqenakansa jiskʼachatätwa, markansa uñisitätwa.+
7 Taqe khitinakatï uñjapkitu ukanakajj nayat burlasipjjewa,+
jupanakajj jiskʼachasaw uñchʼukipjjetu, burlasisaw pʼeqsa khiwisipjje, akham sapjjewa:+
8 “Jehová Diosarurakis jupajj confiyasejjä, ¡jupay salvpan!
¡Salvpanaya, jupan wali munatarakisä!”+ sasa.
9 Jumaw mamajan purakapat apsusistajja,+
mamajan amparapankaskayäta ukhajja, jan kunar ajjsarañatakiw jumajj nayar yanaptʼirïstajja.
10 Nayajj naskayäta ukhatpachaw nayar cuidistajja,
mamajan purakapatpachaw jumajj nayan Diosajätajja.
11 Janikiy nayan ukat jayan quedasimti, kuna laykutejj jan waltʼäwejj jakʼankjjewa,+
nayajj janiw yaqha yanapirinïkti.+
12 Walja torillonakaw nayarojj muyuntapjjetu,+
Basán oraqenkir wali chʼamani toronakaw muyuntapjjetu.+
13 Jupanakajj naya contraw lakanakap wali jachʼa jistʼarapjje,+
kunjamtï warartʼasis sarnaqer leonajj yaqha animalar jiskʼa jiskʼa tukjki ukhama.+
14 Nayajj umar uñtat waranukutätwa,
taqpach chʼakhanakajajj qhaqsutawa.
15 Chʼamajajj ñeqʼe jarrar uñtataw wañsuwayjje,+
lajjrajajj lakajaruw lipʼkatjje,+
jiwañajatakiw jumajj pʼiyar irpantistajja.+
16 Anunakaw nayar muyuntapjjetu.+
Jan wali lurir jaqenakar uñtasitaw nayarojj jaljjatapjjetu,*+
mä leonjamaw amparanakajarusa kayunakajarus atacapjjetu.+
17 Taqpach chʼakhanakajwa nayajj jaktʼirista.+
Jupanakajj* uñjapjjetuwa, wal uñchʼukipjjarakitu.
19 Ukampis jumajj Jehová Dios Tata, janikiy jayan quedasimti.+
Jumaw nayan chʼamajätajja, jankʼakiy yanaptʼita.+
21 Leonan lakapat salvakitaya,+ salvaje toronakan wajjranakapatsa salvakitaya,
jaysakitaya, salvakitaya.
23 ¡Jehová Diosar ajjsaririnaka, jupar jachʼañchapjjam!
¡Jacobun wawanakapa, taqeni jupar jachʼañchapjjam!+
¡Israelan taqe wawanakapa, jupar ajjsaras saytʼasipjjam!
24 Khititejj tʼaqesiyatäki ukan tʼaqesitapjja janiw jupajj jiskʼachkänti, ni uñiskänsa.+
Janirakiw jupatjja ajanup imantaskänti.+
Kunapachatï jupajj yanaptʼayasiñatak artʼaskäna ukhajja, jupajj istʼänwa.+
25 Jachʼa congregacionanwa nayajj jachʼañchäma,+
khitinakatï jupar ajjsarapki ukanakan nayraqatapanwa nayajj promesa luratanakaj phoqäjja.
26 Llampʼu chuymaninakaw* manqʼapjjani, sistʼasipjjarakini,+
Jehová Diosar thaqerinakaw jupar jachʼañchapjjani.+
Jumanakajj wiñayatak kusisit jakasipjjam.*
27 Oraq thiyankir* taqe jaqenakaw Jehová Diosat amtasipjjani, jupan ukaruw kuttʼapjjarakini.
Markanakankir taqe familianakaw juma nayraqatan altʼasipjjani.+
28 Kuna laykutejj Jehová Diosaruw reyjam apnaqañajj waktʼi,+
jupaw markanakarojj apnaqe.
29 Taqe khitinakatï oraqen wali utjirinïpki* ukanakajj manqʼapjjaniwa, altʼasipjjarakiniwa,
taqe khitinakatï sepulturar* saraqasipki ukanakajja jupa nayraqatanwa qonqortʼasipjjani,
jupanakat janiw khitis jakaskakiñatakejj kunsa lurkaspati.
30 Jutïr wawanakapaw juparojj servipjjani,
jutïr wawanakan wawanakapajj Jehová Diosatwa istʼapjjani.
31 Jupanakaw jutasin cheqapar luratanakapat yatiyapjjani.
Jupanakaw janïr naski uka markarojj kuntï jupajj lurki uk yatiyapjjani.
Davidan salmopa.
23 Jehová Diosaw Awatirijajja.+
Janiw kunas faltkitaniti.+
2 Walja pastonakaruw jupajj samartʼayitu,
kawkjantï umajj wal utjki uka samartʼañ lugaranakaruw irpitu.*+
Sutip laykuw jupajj cheqap thaknam irpitu.+
4 Wali chʼamak vallensa sarnaqstjja,+
janiw kuna jan walirus ajjsarkti,+
kuna laykutejj jumaw nayampïsktajja.+
Varamampi thujrumampiw nayarojj jarkʼaqetu.*
5 Mä meswa jumajj enemigonakajan nayraqatapar wakichtʼarapistajja.+
Aceitemampi pʼeqejar uchasaw jumajj phajttʼayistajja.*+
Nayan copajajj wali phoqawa.+
6 Suma chuymanïtamasa, munasiñat jan jaytjasirïtamasa, cheqpachapuniw taqpach jakañ urunakajan nayamp chikäskani.+
Nayajj jakkä taqe uka urunakanjja Jehová Diosan utapanwa jakasëjja.+
Davidan salmopa.
24 Oraqesa taqe kunatï ukan utjki ukanakasa Jehová Diosankiwa,+
oraqesa ukan jakirinakas jupankiwa.
2 Oraqjja Diosajj lamar qotanakjjaruw wali sum uskuwayi,+
jawiranakjjaruw wali sum uttʼayaraki.
3 ¿Khitirak Jehová Diosan qollupar makataspasti?+
¿Khitirak sagrado lugarapan saytʼasispasti?
4 Jan walinak jan lurki, qʼoma chuymanïki,+
sutij-jjar* falso juramento jan lurki,
janirak falso juramento lurki uka.+
5 Uka jaqejja bendicionanakwa Jehová Diosat katoqani,+
salvir Diosajj cheqap sarnaqer jaqetwa jupar uñjani.+
6 Uka kasta jaqenakaw juparojj thaqasipki,
Jacob chachan Diosapa, uka kasta jaqenakaw jumamp sum uñjatäñ thaqasipki. (Sélah).
7 ¡Punkunaka, pʼeqenakam waytapjjam,+
nayra punkunaka, jistʼartapjjam,
ukhamat jachʼa Reyejj mantañapataki!+
8 ¿Khitis uka jachʼa Reyejja?
Uka Reyejj Jehová Diosawa, jupajj wali chʼamaniwa,+
uka Reyejj Jehová Diosawa, guerran nuwasiñatakejj wali chʼamaniwa.+
9 ¡Punkunaka, pʼeqenakam waytapjjam,+
nayra punkunaka, jistʼartapjjam,
ukhamat jachʼa Reyejj mantañapataki!
10 ¿Khitis jupajja? ¿Khitis uka jachʼa Reyejja?
Ejercitonakan Jehová Diosapawa, jupaw jachʼa Reyejja.+ (Sélah).
Davidan salmopa.
א [álef]
25 Jehová Dios Tata, jumaruw nayajj oracionan jakʼachasta.
ב [bet]
Janikiy enemigonakajan nayat larusipjjañap munamti.+
ג [guímel]
3 Cheqpachansa khititï jumar suyki ukajja janiw phenqʼachatäkaniti,+
ukampis khitinakatï yaqhanakar ina chʼusatak traicionapki ukanakaw phenqʼachatäpjjani.+
ד [dálet]
ה [he]
5 Cheqa thakinakamarjam sarnaqayita, yatichtʼarakita,+
kuna laykutejj jumaw nayan salvir Diosajätajja.
ו [waw]
Uru enterpachaw nayajj jumar suyasksma.
ז [zayin]
6 Jehová Dios Tata, jumajj khuyapayasiri, munasiñat jan jaytjasir Diosätawa,+ uk amtasikimaya,
ח [jet]
7 Waynäkasin jucha luratanakajatsa pantjasitanakajatsa janikiy amtasimti.
Munasiñat jan jaytjasirïtam laykojj nayat amtasikimaya,+
Jehová Dios Tata, suma chuymanïtam laykojj nayat amtasikimaya.+
ט [tet]
8 Jehová Diosajj suma ukhamarak cheqapar uñjir Diosawa,+
ukatwa juchararanakarojj kawkïr thaksa sarapjjañapa uk yatichi.+
י [yod]
9 Jupaw llampʼu chuymaninakarojj* cheqap thaknam irpani,+
jupaw llampʼu chuymaninakarojj thakip yatichani.+
כ [kaf]
10 Jehová Diosan taqpach thakinakapajja, jupajj munasiñat jan jaytjasirïtapa jan apanukusir Diosätapwa uñachtʼayi,
khitinakatï pactopsa+ amtayäwinakapsa+ phoqapki ukanakaruw ukanak uñachtʼayi.
ל [lámed]
11 Jehová Dios Tata, sutim laykojja+
pantjasitaj perdonakitaya, jachʼäkchi ukas perdonakitaya.
מ [mem]
12 ¿Khitis Jehová Diosar ajjsartʼir jaqejja?+
Diosaw uka jaqerojj kawkïr thaksa jupajj ajlliñapa uk yatichani.+
נ [nun]
ס [sámekh]
14 Jehová Diosamp sum apasiñajja, khitinakatï jupar ajjsarapki ukanakankiwa,+
jupanakaruw Diosajj pactopat yatichi.+
ע [ayin]
15 Nayranakajajj Jehová Dios toqer uñtatapuniwa,+
פ [pe]
16 Uñtanikitaya, khuyaptʼayasikitaya,
kuna laykutejj nayajj sapaki jan khiti yanapirini ukhamätwa.
צ [sadé]
17 Chuymajan llakinakapajj walipuniw jiljjattjje,+
llakijat salvakitaya.
ר [resh]
19 Enemigonakajajj kunja waljäpjjesa uk uñjakimaya,
nayar wal uñisipjjatap laykojja usuchjañwa jupanakajj munapjjetu.
ש [shin]
20 Jakäwijar jarkʼaqtʼakimaya, salvakitaya,+
janikiy phenqʼachat uñjasiñaj munamti, kuna laykutejj nayajj jumaruw imantasta.
ת [taw]
21 Taqpach chuymampi servitajasa cheqapar sarnaqatajas jarkʼaqetpan,+
kuna laykutejj jumaruw nayajj suytʼaskta.+
22 Dios Tata, Israelarojj taqe llakinakapat salvakimaya.
Davidan salmopa.
26 Jehová Dios Tata, jumay nayarojj juzguita, kuna laykutejj nayajj taqpach chuymampi servisaw sarnaqta,+
nayajj jan payachasisaw Jehová Diosar confiyta.+
2 Jehová Dios Tata, chuymaj uñantita, yantʼarakita.
Amuyunakajsa* chuymajsa qʼomachtʼita.+
3 Kuna laykutejj munasiñat jan jaytjasirïtamat nayajj lupʼipuntwa,*
cheqa thakimarjamaw nayajj sarnaqta.+
5 Jan walinak lurir jaqenakamp chikachasiñjja uñistwa,+
6 Jan juchanïtaj uñachtʼayañatakiw nayajj amparanakaj jareqasëjja,
Jehová Dios Tata, altaramwa nayajj muytäjja,
7 ukhamat yuspäratajajj istʼasiñapataki,+
ukhamarak taqe musparkañ luratanakamat yatiyañataki.
8 Jehová, jumajj jakaskta uka utarojj nayajj munastwa,+
kawkjankkitï kʼajkir qhanamajj uka lugararojj nayajj munastwa.+
9 Janikiy juchararanakamp chikajj pichanukustati,+
janirakiy wila wartir jaqenakamp chikajj jakäwij apaqestati.
10 Jupanakajj jan phenqʼani jan walinak lurañanakaruw uchasipjje,
mä kunamp chilltayasiñs wal munapjje.*
11 Ukampis nayajj taqpach chuymampi servisaw sarnaqäjja.
Salvakitaya, khuyaptʼayasikitaya.
12 Kayunakajajj suma plano lugaran saytʼatawa,+
nayajj jachʼa congregacionanwa* Jehová Diosar jachʼañchäjja.+
Davidan salmopa.
27 Jehová Diosaw qhanajasa+ salvirijasa.
¿Khitirurak ajjsaririststi?+
Jehová Diosaw jakäwij jarkʼaqetu.+
¿Khitirurak nayajj wal ajjsaririststi?
2 Jan wali jaqenakajj nayan jañchij manqʼantañatak atacapjjetäna ukhajja,+
naya contra saytʼirinakasa enemigonakajas lanktʼasipjjänwa, liwisipjjarakïnwa.
Naya contras guerrajj sartkchinejja,
nayajj jupar confiyaskakïwa.
4 Jehová Diosarojj mayakwa nayajj mayta,
ukwa nayajj thaqarakëjja,
jakkä taqe uka urunakanjja Jehová Diosan utapan jakaña,+
ukhamat Jehová Diosajj kunja suma Diosasa uk uñjañajataki
5 Kuna laykutejj jan waltʼäwi urunjja jupaw imantasiñapar imantitani,+
carpapankir jamas lugararuw imantitani,+
6 Jichhasti muyuntapkitu uka enemigonakajarojj atipjtwa,
jupan carpapanjja kusisiñat arnaqasisaw sacrificionak loqtäjja,
Jehová Diosarojj alabanzanakwa cantäjja.*
7 Jehová Dios Tata, yanaptʼa mayiñatak artʼasinksma ukhajj istʼakitaya,+
khuyaptʼayasikitaya, jaysakitaya.+
8 Chuymajajj jumat akham siwa:
“Nayan ajanuj jikjjatañatak chʼamachasipjjam” sasa.
Jehová Dios Tata, juman ajanum jikjjatañatakiw nayajj chʼamachasëjja.+
9 Janikiy ajanumjja nayat imantasimti.+
Janikiy coleratäkasin servirimarojj apanukumti.
Jumaw nayan yanapirijätajja.+
Salvir Diosaja, janikiy apanuktʼasistati, janirakiy jaytanuktʼasistati.
11 Jehová Dios Tata, thakimat yatichtʼasita,+
naya contra saytʼasirinak kawsajj cheqa thaknam irpita.
12 Janikiy naya contra saytʼasirinakan amparapar katuyistati,+
falso testigonakaw naya contra saytʼasipjje,+
nayar jan wali lurañampiw amenazapjjetu.
13 Nayatï jakkasin Jehová Diosan suma chuymanïtapar jan confiykiriskayäta* ukhajja,
Jïsa, Jehová Diosar suytʼam.
Davidan salmopa.
Jumatï nayatak amukïskakïta ukhajja,
khitinakatï sepulturar saraqasipki ukanakjamäyäwa.+
2 Yanap mayiñatak artʼasinksma ukhajj istʼakitaya,
santuariomankir Santísimo toqer amparanakaj loqtankta ukhajj istʼakitaya.+
3 Janikiy jan wali jaqenakamp chikajj irpistati, janikiy jan wali lurir jaqenakamp chikajj irpistati,+
janikiy chuymanakapan jan walinak utjkipan jaqe masipar suma arunakampi parlapki ukanakamp chikajj irpistati.+
4 Jupanakarojj luratanakaparjam castigam,+
jan wali luratanakaparjam castigam.
Amparanakapan lurataparjam castigam,
kuntï lurapki ukarjam castigam.+
5 Kuna laykutejj jupanakajj janiw Jehová Diosan luratanakaparojj yäqapkiti,+
janirakiw amparanakapan luratanakaparus yäqapkiti.+
Jupasti jupanakarojj tukjaniwa, janiw yanaptʼkaniti.
6 Jehová Diosajj jachʼañchatäpan,
kuna laykutejj yanapa mayiñatak artʼasitanakajarojj istʼituwa.
Nayasti jupan yanaptʼapwa katoqta, chuymajas kusisirakiwa,
ukatwa cancionajampejj jupar jachʼañchäjja.
8 Jehová Diosaw markaparojj chʼam churi,
jarkʼaqarakiwa, ajllitaparus salvarakiwa.+
Davidan salmopa.
29 Chʼamaninakan wawanakapa, Jehová Diosar jachʼañchapjjam.
Kʼajkir qhanapatsa chʼamapatsa Jehová Diosar jachʼañchapjjam.+
2 Jehová Diosan jachʼa sutip jachʼañchapjjam,
Jehová Diosatakejj sagrado isinakamp isthapisisin altʼasipjjam.*
3 Jehová Diosan arsutapajj umanak patjjanwa istʼasi,
kʼajkir Diosan arsutapajj qʼejjo qʼejjor uñtasitawa.+
Jehová Diosajj umanak patjjankiwa.+
4 Jehová Diosan arsutapajj wali chʼamaniwa,+
Jehová Diosan arsutapajj jachʼañchatawa.
5 Jehová Diosan arsutapajj cedro qoqanakwa* pʼakiri,
jïsa, Jehová Diosajj Líbano+ qollunakankir cedro qoqanakwa jiskʼa jiskʼa tʼunji.
6 Diosajj Líbano qollunakjja mä vaca qallurjamaw thoqnaqayi.
Sirión+ qollurusti mä salvaje torillorjamaw thoqnaqayaraki.
7 Jehová Diosan arsutapajj lliju llijunakwa qhantayi.+
9 Jehová Diosan arsutapajj venado* animalanakarus khatatiyiwa, wawachayarakiwa.
Diosan arsutapajj qoqanakan* laphinakapsa willirtayiwa.+
Templopanjja taqeniw akham sapjjaraki: “¡Diosajj jachʼañchatäpan!” sasa.
10 Jehová Diosajj walja umanakjjaruw* tronopan qontʼasi.+
Jehová Diosajj mä Reyjamaw wiñayatak tronopan qontʼasi.+
11 Jehová Diosaw markaparojj chʼam churani.+
Jehová Diosaw markaparojj sumankañamp bendisini.+
Uta inaugurañatak canción. Davidan salmopa.
30 Jehová Dios Tata, nayajj jumaruw jachʼañchäma, kuna laykutejj jumaw nayarojj salvistajja,
enemigonakajan nayat kusisipjjañapjja, janiw jumajj munkayätati.+
2 Jehová Diosaja, nayajj jumaruw yanap mayiñatak artʼasiniyäsma, jumasti nayarojj qolltʼasistawa.+
3 Jehová Dios Tata, jumaw Sepulturat* waysusistajja.+
Jumaw nayar jakayasistajja, pʼiyar* jalantañatsa jumaw salvistajja.+
4 Diosat jan jitheqtirinaka, Jehová Diosar alabanzanak cantapjjam,*+
santo sutiparus yuspärapjjarakim.+
5 Kuna laykutejj Diosan maynitak colerasiñapajj mä ratukiwa,+
ukampis jupamp sum uñjatäñajj wiñayatakiwa.+
Jachañaw jaypʼurojj jutaspa, ukampis alwajja kusisiñat arnaqasiñaw utji.+
6 Kunapachatï nayajj jan kuna llakini jakasiskayäta ukhajja akham sayätwa:
“Taqe kunas walikïskaniwa”* sasa.
7 Jehová Dios Tata, kunapachatï nayajj juman suma uñjatäkayäta ukhajja, mä qollur uñtataw chʼamani tukuyistajja.+
Ukampis kunapachatï ajanum imantaskayäta ukhajja, nayajj wal ajjsarayäta.+
8 Jehová Dios Tata, nayajj jumar artʼasiskakiyätwa,+
nayasti suma uñjatäñatakejj Jehová Diosarojj ruwtʼasiskakiyätwa.
9 Nayatï jiwjjasin sepulturar saraqerista ukhajja, ¿kuna walirak utjaspasti?+
¿Laqʼajj jumar jachʼañchätamti?+ ¿Jan apanukusir Diosätam yatiyaniti?+
10 Jehová Dios Tata, istʼakitaya, nayarojj sum uñjakitaya.+
Jehová Dios Tata, nayar yanaptʼakitaya.+
11 Nayan llakisiñaj-jja kusisiñat thoqoñaruw tukuytajja,
llakisiñ isij* apaqasajj kusisiñampiw isthapiyistajja,
12 ukhamat nayajj alabanzanakam cantañajataki, jan amukïñajataki.
Jehová Diosajay, wiñayatakiw nayajj jumar jachʼañchäma.
Directorataki. Davidan salmopa.
31 Jehová Dios Tata, jumaruw nayajj imantasta.+
Nayan phenqʼachat uñjasiñaj janipun munamti.+
Cheqapar uñjirïtam laykojj salvakitaya.+
2 Naya toqer jiñchum altʼayanikimaya.*
Nayar salvañatakejj jankʼakiy jutam.+
Qollunakansa mä imantasiñaruy nayatak tukum,
jachʼa perqanakan utaruy nayar salvañatak tukum.+
4 Jamasat nayatak uchapki uka trampatjja* jumaw salvitäta,+
kuna laykutejj jumaw nayan imantasiñajätajja.+
5 Amparamaruw nayajj espirituj katuyassma.+
Jehová Dios Tata, cheq parlir Dios Tata,* jumaw nayarojj salvistajja.+
6 Khitinakatï jan kunatak serviri ukhamarak inamaya idolonakar katuyasipki ukanakarojj nayajj uñistwa,
ukampis nayajj Jehová Diosaruw confiyta.
7 Juman munasiñat jan jaytjasirïtamat nayajj wal kusisëjja,
kuna laykutejj jumaw nayan tʼaqesitaj uñjtajja,+
wal tʼaqesitajsa jumaw uñjtajja.
8 Jumajj janiw enemigojan amparapar katuykistati,
jan ukasti mä seguro lugararuw saytʼayistajja.
9 Jehová Dios Tata, sumakiy nayarojj uñjita, nayan wali llakitätaj layku.
Tʼaqesitaj laykojja nayranakajajj aynachtʼatawa,+ taqpach cuerpojas aynachtʼatarakiwa.+
Pantjasitaj laykusti chʼamajajj tukusiskiwa.
Chʼakhanakajas debilitasiskiwa.+
11 Naya contra saytʼasirinakajj taqeniw nayar jiskʼachapjjetu,+
jukʼampis vecinonakajaw jiskʼachapjjetu.
Nayar uñtʼapkitu ukanakas nayat ajjsarayasipjjewa,
jaqenak nayraqatansa jupanakajj nayat escapapjjewa.+
12 Jupanakan chuymanakapat* apsutätwa, armtʼatarakïtwa, jiwatäkiristsa ukhama,
nayajj pʼakjat jarrar uñtasitätwa.
13 Jaqenakarojj jan walinak parlirwa nayajj istʼta,
wali ajjsarañaw nayarojj muyuntitu.+
Kunapachatï mayachtʼasisin naya contra tantachasipjje ukhajja,
jakañ vidaj apaqañwa amtapjje.+
14 Ukampis Jehová Dios Tata, nayajj jumaruw confiysma,+
nayajj akham sistwa: “Jumaw nayan Diosajätajja”+ sasa.
15 Jakäwijajj amparamankiwa.
Enemigonakajan amparapatsa arknaqapkitu ukanakatsa salvakitaya.+
16 Sumakiy servirimarojj uñjam,+
munasiñat jan jaytjasirïtam laykojj salvakitaya.
17 Jehová Dios Tata, kunapachatï nayajj jumar artʼasinkäma ukhajj janikiy phenqʼachat uñjasiñaj munamti.+
18 Kʼarisirinakajj amutur tukupjjpan,+
jachʼa jachʼa tukusina jiskʼachasina cheqap sarnaqer contra parlirinakajj amutur tukupjjpan.
19 ¡Kunja jachʼasa suma chuymanïtamajja!+
Jumar ajjsarapktam ukanakatakiw uk imtajja,+
taqe jaqenakan nayraqatapanwa uñachtʼayaraktajja, khitinakatï jumar imantasipki ukanakan askipatakiw uñachtʼaytajja.+
20 Jakʼamankki uka jamas lugararuw jupanakarojj imantäta,+
jupanak contra jan walinak amtir jaqenakatwa imantäta.
Imantasiñamaruw jupanakarojj imantäta,
jupanakar jiskʼachjir jaqenakatwa imantäta.+
21 Jehová Diosajj jachʼañchatäpan,
kunapachatï nayajj enemigonakamp muyuntat markankkayäta+ ukhajja, munasiñat jan jaytjasirïtap wali musparkañwa jupajj uñachtʼayitäna.+
22 Ukampis nayajj wal sustjasiyäta, akham sarakiyätwa:
“Juma nayraqatanwa nayajj jiwäjja”+ sasa.
Kunapachatï yanap mayiñatak artʼasinkayäsma ukhajja, ruwtʼasitajarojj jumajj istʼayätawa.+
23 ¡Diosat jan jitheqtirinaka, taqeni Jehová Diosar munasipjjam!+
Jupat jan saraqerirojj Jehová Diosajj jarkʼaqewa,+
ukampis jachʼa jachʼa tukurinakarojj wali jachʼa castigompiw castigui.+
24 Jan ajjsarapjjamti, chuymanakamas chʼamanir tukpan,+
taqe khitinakatï Jehová Diosar suytʼasipkta ukanaka.+
Davidan salmopa. Maskil.*
32 Khititï jan wali luratapat perdonatäki, juchapajj imjjatatäkaraki* ukajj kusisitawa.+
2 Kawkïr jaqerutï Jehová Diosajj juchapat jan juchañchki ukajj kusisitawa,+
uka jaqen amuyupanjja janiw engañojj utjkiti.
3 Kunapachatï nayajj amukïkayäta ukhajja, uru jurnäl ayqotaj laykojja chʼakhanakajajj tukusiskänwa.+
4 Kuna laykutejj uruy arumaw amparamajj* jatjitäna.+
Kunjamtï umajj waña juntʼupachan wañskejja ukhamaw chʼamajajj wañsuwayjje. (Sélah).
Akham sarakiyätwa: “Jehová Diosaruw jan wal luratanakaj-jja arsusëjja”+ sasa.
Jumasti pantjasitajsa juchanakajsa perdonistawa.+ (Sélah).
6 Ukatwa taqe khititï jumat jan jitheqtki ukajj jumar ortʼasïtam,+
jumar jikjjatañatak tiempo utjkipana.+
Ukatjja walja umanakas sartkchinejja, janiw jupar jikjjatkaniti.
Nayar salvasajja kusisiñat arnaqasiñampiw muyuntayitäta.+ (Sélah).
8 Jumajj akham sistawa: “Nayaw suma amuyu churäma, cheqa thaknam sarañsa yatichäma.+
Nayaw amuytʼayäma, nayranakajasti jumaruw uñchʼukïtam.+
9 Janiy caballor uñtata jan ukajj mular uñtat jan amuytʼasir jaqer tukupjjamti,+
salvajëpjjatap laykojja caballompir mulampirojj mä frenompi jan ukajj mä jakimampiw apnaqasi
jumar janïra jakʼachasinkkipana” sasa.
10 Jan wali jaqen llakinakapajj waljawa,
ukampis Jehová Diosar confiyki ukajja jupan munasiñat jan jaytjasirïtap uñjaniwa.+
11 Cheqapar sarnaqerinaka, Jehová Dios layku kusisipjjam, kʼuchisipjjam.
Cheqap chuymaninaka, jumanakajj taqeni kusisit arnaqasipjjam.
33 Cheqap sarnaqerinaka, kuntï Jehová Diosajj lurki ukat kusisit arnaqasipjjam.+
Jupasti cheqap sarnaqer jaqenakan jachʼañchatäñapajj wakisiwa.
2 Jehová Diosar arpampi yuspärapjjam,
tunka cuerdani mä instrumentompi jupar alabanzanak cantapjjam.*
3 Mä machaq canción jupar cantapjjam,+
cuerdanakan instrumentonak wali sum tukapjjam, kusisiñatsa arnaqasipjjarakim.
4 Jehová Diosan arupajj cheqapawa,+
taqe kuntï jupajj lurki ukajj confiykañawa.
5 Jupasti kunatï cheqapäki ukar munasiwa, jan khitir yaqhachasaw juzgaraki.+
Oraqejja Jehová Diosan munasiñat jan jaytjasirïtapamp phoqantatawa.+
6 Jehová Diosan arsutaparjamaw alajjpachanakajj luratäna,+
taqe kunanakatï ukan utjki ukanakajj lakapankir espiritup* taypiw luratarakïna.
7 Lamar qota umanakjja mä estanquerus tantachthapkaspa ukhamwa tantachthapi,+
jachʼa oladanaksa imañanakaruw imaraki.
8 Oraqenkir taqe jaqenakajj Jehová Diosar ajjsarapjjpan,+
oraqen taqe jakirinakajj jupar ajjsarapjjpan.
9 Kuna laykutejj jupajj arsünwa, ukatsti taqe kunaw utj-jjäna,+
jupasti mä orden churäna, ukatsti ukajj wali suma saytʼayatarakïnwa.+
10 Jehová Diosajj markanakan jan wali amtanakapjja janiw phoqasiykiti,+
markanakan amtanakapsa ina chʼusaruw tukusiyi.+
11 Ukampis Jehová Diosan amtatanakapajj wiñayatakïniwa,+
chuymapan amtatanakapasa mä tiempon jakir jaqenakat yaqha tiempon jakir jaqenakaruw pasani.
12 Kawkïr markatejj Jehová Diosarojj Diosaparjam adorki* ukajj kusisitawa,+
jupankañapatak ajlliski uka markajj kusisitawa.+
13 Jehová Diosajj alajjpachatpachwa uñtani.
Jaqenakan taqe wawanakaparuw jupajj uñji.+
14 Jupajj jakki uka lugaratpachwa
oraqen jakirinakarojj uñtani.
15 Jupaw taqenin chuymapjja ñeqʼe vasor uñtasit luri,
jupanakan taqe luratanakapsa juparakiw uñjaski.+
16 Janiw khiti reyirus mä jachʼa ejercitojj salvkiti,+
chʼamani mä jaqejja janirakiw jachʼa chʼamapampejj salvaskiti.+
17 Salvasiñatakejj jan caballorojj confiyamti, chuymas pʼakintataw uñjasiyätamjja,+
caballojj wali chʼamanïkchisa janiw salvasiñatakejj segurökiti.
18 Jehová Diosan nayranakapajj khitinakatï jupar ajjsarapki ukanakaruw uñchʼukiski,+
khitinakatï jupan munasiñat jan jaytjasirïtap suytʼasipki ukanakaruw uñchʼukiski,
19 ukhamat jiwañat salvañataki
ukhamarak manqʼa pistʼañ tiempon jakayaskakiñataki.+
20 Jehová Diosaruw jiwasajj suytʼasktanjja,
jupaw jiwasan yanapirisasa escudosasa.+
21 Kunanaktï Diosajj lurki ukanak uñjasajja chuymanakasajj wal kusisi,
kuna laykutejj santo sutiparuw jiwasajj confiytanjja.+
22 Jehová Dios Tata, munasiñat jan jaytjasirïtam uñachtʼayapjjeta,+
ukañkamasti nanakajj jumar suytʼasipkakïmawa.+
Davidan salmopa. Kunapachatï Davidajj Abimélec nayraqatan loqhëkaspas ukham tukkäna,+ Abimélec chachan alisnukut uñjaskäna, sarjjarakïna uka qhepatwa Davidajj aka salmo qellqäna.
א [álef]
34 Nayajj taqe tiemponakanwa Jehová Diosar jachʼañchäjja,
juparusti nayajj jachʼañchapunïwa.
ב [bet]
ג [guímel]
3 Jehová Diosar nayamp chik jachʼañchapjjam,+
taqeni sutip jachʼañchapjjañäni.
ד [dálet]
ה [he]
5 Khitinakatï jupa toqer uñtapkäna ukanakajja kʼajkiriruw tukupjjäna,
ajanunakapas janipuniw mä phenqʼa uñjasipkaspänti.
ז [zayin]
6 Aka humilde jaqew jawsäna, Jehová Diosasti istʼänwa.
Diosajj taqe tʼaqesiñanakapatwa salväna.+
ח [jet]
7 Jehová Diosan angelapajj taqe khitinakatï jupar ajjsarapki ukanakarojj jarkʼaqewa,*+
ukatsti salvarakiwa.+
ט [tet]
8 Jehová Diosajj kunja suma Diosasa uk yantʼapjjam, uñjapjjarakim,+
khititejj jupar imantaski ukajj kusisitawa.
י [yod]
9 Taqe khitinakatï jupankapkta* ukanakajj Jehová Diosar ajjsarapjjam,
kuna laykutejj khitinakatï jupar ajjsarapki ukanakarojj janiw kunas faltkiti.+
כ [kaf]
10 Chʼamani waynpach leonanakas manqʼat awtjatäpjjänwa,
ukampis khitinakatï Jehová Diosar thaqapki ukanakarojj janiw kunatï sumäki ukajj faltkaniti.+
ל [lámed]
11 Nayan wawanakaja, jutapjjam, istʼapjjeta,
nayaw Jehová Diosar ajjsarañ yatichapjjäma.+
מ [mem]
12 ¿Khitis jumanak taypitjja kusisit jakasiñ munapjjta
ukhamarak wali suma urunak uñjañ munapjjta?+
נ [nun]
ס [sámekh]
14 Kunatï jan walïki ukatjja jitheqtam, kunatï walïki uk luram,+
sumankañ thaqam, sumankañan qhepap sararakim.+
ע [ayin]
15 Jehová Diosan nayranakapajj cheqap sarnaqer jaqenakjjankiwa,+
jiñchunakapasti yanap mayiñatak artʼasitanakapar istʼiwa.+
פ [pe]
16 Ukampis Jehová Diosajj jan wali luririnak contrawa,
ukhamatwa jupanakajj oraqen jan amtatäjjapjjaniti.+
צ [sadé]
17 Cheqap sarnaqerinakajj arnaqasipjjänwa, Jehová Diosasti istʼänwa.+
Jupaw taqe tʼaqesiñanakapatjja salväna.+
ק [qof]
18 Jehová Diosajj khitinakatï chuyma pʼakintatäpki ukanakan jakʼapankiwa,+
jupaw sinti desanimatäpki ukanakarojj salvaraki.+
ר [resh]
19 Cheqap sarnaqer jaqen jan waltʼäwinakapajj waljawa,+
ukampis Jehová Diosaw taqe ukanakatjja salvi.+
ש [shin]
ת [taw]
21 Jan wali jaqerojja mä jan waltʼäwiw jiwayani,
cheqap sarnaqer jaqer uñisirinakajja juchañchatäpjjaniwa.
22 Jehová Diosajj servirinakapan jakañapwa salvaski,
jupar imantasipki ukanakatjja janiw maynis juchañchatäpkaniti.+
Davidan salmopa.
35 Jehová Dios Tata, naya contra saytʼasipki ukanakat arjjatakitaya,+
naya contra nuwasipki ukanak contray nuwasim.+
3 Lanzamsa nuwasiñatak hachamsa nayar arknaqapkitu ukanak contray altor aptam.+
Nayarojj akham sarakita: “Nayaw juman salvacionamätjja”+ sasa.
4 Nayar jiwayañ thaqasipki ukanakajj phenqʼachata, jiskʼachata uñjasipjjpan.+
Khitinakatï nayar tukjañ amtasipki ukanakajj phenqʼachat sarjjapjjpan.
5 Jupanakajj thayan apat jipir uñtasitäpjjpan,
Jehová Diosan angelapay jupanakar alisnukpan.+
6 Jupanakan thakipajj chʼamakäpan, llustʼarakïpan,
ukañkamasti Jehová Diosan angelapay jupanakar arktpan.
7 Ina chʼusatakwa jupanakajj nayar katuntañatak mä trampa imantapjje,
ina chʼusatakwa nayatakejj mä pʼiya pʼiysupjjaraki.
8 Jupanakjjaruy mä jan waltʼäwejj akatjamat jutpan.
Jupanakajj imantapki uka trampay jupanakar katjpan,
uka tramparuy jupanakajj jaltʼapjjpan, tukjatäpjjarakpan.+
9 Jehová Dios Tata, kuntï jumajj lurkta uka laykuw nayajj kusisëjja.
Kunanaktï nayar salvañatak lurki ukanakatwa wal kusisëjja.
10 Taqpach chʼakhanakajajj akham sapjjaniwa:
“Jehová Dios Tata, ¿khitirak jumjamasti?
Jumaw jan khiti yanapirin jaqerojj wali chʼamanïpki ukanakat salvtajja,+
jumaw jan khiti yanapirinirusa pobrerusa jupanakar lunthatapki ukanakat salvtajja”+ sasa.
12 Walitjja jan walimpiw kuttʼayapjjetu,+
ukham lurasajj wal llakisiyapjjetu.
13 Ukampis usutäpkäna ukhajja, llakisiñ isimpiw* nayajj isthapisiyäta.
Ayuno lurasaw nayajj llakisiyäta,
oracionajajj jan jaysatäkäna ukhajja,
14 amigojan jiwatapatsa jan ukajj jilajan jiwatapatsa llakiskirista ukham llakitaw sarnaqayäta.
Wali llakitaw nayajj altʼasiyäta, kunjamtï maynejj mamapan jiwatapat wali llakitäki ukhama.
15 Ukampis nayajj lanktʼaskayäta ukhajja, jupanakajj kusisipjjänwa, tantachtʼasipjjarakïnwa.
Mä akatjamat nayar atacañatakiw tantachtʼasipjjäna.
Jiskʼa jiskʼwa tukjapjjetäna, janirakiw amuktʼapkänti.
16 Diosar jan respetir jaqenakajj nayar jiskʼachasaw nayat burlasipjje,
laka chʼakhanakapsa naya contraw tʼurusipjje.+
17 Jehová Dios Tata, ¿kunapachkamas ukhamak uñchʼukiskakïta?+
18 Jachʼa congregacionanwa nayajj jumar yuspäräma,+
walja markanak taypinwa jachʼañchäma.
19 Khitinakatï ina chʼusatak enemigonakajar tukupki ukanakan nayat larusipjjañap janikiy munamti,
ina chʼusat uñisipkitu+ ukanakajj nayat burlasipjjañap+ janikiy munamti.
20 Jupanakajj janiw sumankañ arunak parlapkiti,
jan ukasti oraqen suman jakasipki ukanak contraw jan walinak amtapjje.+
21 Jupanakajj nayar kʼarintañatakiw lakanakap wali jachʼa jistʼarapjje,
akham sapjjarakiwa: “¡Jumaw uk lurtajja! Nanakajj pachpa nayranakajampiw uk uñjapjjta” sasa.
22 Jehová Dios Tata, jumaw uk uñjtajja. Janikiy amukejj quedasimti.+
Jehová Dios Tata, janikiy nayat jayan quedasimti.+
23 Sartasikimaya, nayar arjjatañatakejj sartasikimaya,
Jehová Diosaja, leyinakarjamay nayar arjjatita.
24 Jehová Dios Tata, nayan Diosaja, jumajj cheqapar uñjir Diosätawa, ukarjamay nayar juzguita.+
Janikiy nayat larusipjjañap munamti.
25 Janipun jupanakkamajj akham sasipjjpanti: “Kuntï munkayätan uk jikjjatjjtanwa” sasa.
Jupanakajj janipun akham sapjjpanti: “Juparojj jiwasajj tukjtanwa”+ sasa.
26 Taqe jupanakajj phenqʼachata, jiskʼachata uñjasipjjpan,
khitinakatï jan walin uñjasitajat larusipki ukanakay ukham uñjasipjjpan.
Nayatak jachʼa jachʼa tukurinakajj phenqʼachata, jiskʼachata uñjasipjjpan.
27 Ukampis cheqapar sarnaqatajat kusisirinakajja kusisit arnaqasipjjpan.
Jupanakajj akham sapjjapunpan:
“Jehová Diosajj jachʼañchatäpan, serviripan sumankatapatjja jupajj wal kusisi”+ sasa.
Directorataki. Jehová Diosan David serviripan salmopa.
36 Jucha lurañajja chuyma manqhatpachwa jan wali jaqerojj parli,
nayranakap nayraqatanjja janiw Diosar ajjsarañajj utjkiti.+
2 Jan wali jaqejja wali suma jaqëkaspas ukhamwa jupa pachpajj amuyasi,
janiw pantjasitap amuykiti, janirakiw pantjasitapar uñiskiti.+
3 Lakapankir arunakajja usuchjiri, engañjiri ukhamawa,
kunatï sumäki uk lurañatakejj janiw suma amuyunïtap uñachtʼaykiti.
4 Jan wali jaqejja ikiñapansa jan walinak lurañakwa amtaski.
Jan wali thakinwa saytʼasiraki.
Kunatï jan walïki uksa janiw apanukkiti.
5 Jehová Dios Tata, munasiñat jan jaytjasirïtamajj alajjpachanakkamaw puri,+
jan apanukusirïtamajj qenayanakkamaw puri.
6 Cheqapar uñjirïtamajj jachʼa qollunakar uñtasitawa.+
Amtatanakamajj walja manqha umanakar uñtasitawa.+
Jehová Dios Tata, jaqerusa animalarusa utjayaskaktawa.*+
7 ¡Dios Tata, munasiñat jan jaytjasirïtamajj wali valoraniwa!+
Chheqanakaman chʼiwipanwa jaqenakan wawanakapajj imantasipjje.+
8 Utaman utjki uka walja manqʼañanakatjja jupanakajj sistʼasiñkamaw manqʼapjje,+
jumasti walja sumanakwa jupanakarojj churtajja, walja umani jawiratsa umaykasma ukhama.+
10 Khitinakatï jumar uñtʼapktam ukanakarojj munasiñat jan jaytjasirïtam uñachtʼayaskakim,+
cheqap chuymaninakarusti cheqapar uñjirïtam uñachtʼayaskakim.+
11 Jachʼa jachʼa tukur jaqen kayupajj nayar takichasiñap janikiy munamti,
jan wali jaqen amparapajj nayar alisnukuñapjja janikiy munamti.
12 Khitinakatï jan wal lurapki ukanakajj liwisipjjewa,
jupanakajj atipjatäpjjewa, janiw sartirjamäpkiti.+
Davidan salmopa.
א [álef]
37 Jan wali jaqenak kawsajj jan colerasimti,
jan walinak lurapki ukanakatjja jan envidiasimti.+
2 Jupanakajj jankʼakiw pastor uñtat jiwsjjapjjani,+
machaq chʼojjña pastor uñtataw wañsjjapjjarakini.
ב [bet]
3 Jehová Diosar confiyam, kunatï walïki uk lurarakim.+
Oraqen jakasim, taqe kunsa cheqaparjam lurarakim.+
4 Jehová Diosar serviñanjja wal kusisim,
jupasti kunanaktï chuymamajj munki ukanakwa churätam.
ג [guímel]
6 Jupaw cheqap sarnaqatamjja qhantatir uñtat qhantayanini,
juparakiw justiciamjja kunjamtï intejj chika urojj qhantki ukham qhantayani.
ד [dálet]
Mä jaqe kawsajj jan colerasimti,
uka jaqen jan wali amtanakapajj phoqaskchi ukas jan colerasimti.+
ה [he]
8 Colerasiñjja apanukjjam, sinti colerasiñjja jaytanukjjam.+
Jan colerasimti, coleratajj kunatï jan walïki ukwa luräta.*
9 Kuna laykutejj jan wali jaqenakajj chhaqtayatäpjjaniwa,+
ukampis Jehová Diosar suytʼirinakajj oraqwa katoqapjjani.+
ו [waw]
10 Mä jukʼa tiempotjja jan wali jaqenakajj janiw utj-jjaniti,+
kawkjantï jupanakajj jakapkäna uka lugarar uñtkäta ukhajja,
janiw jupanakajj ukankjjapjjaniti.+
11 Ukampis llampʼu chuymaninakajj* oraqwa katoqapjjani,+
jan tukuskir sumankañampiw jupanakajj wal kusisipjjarakini.+
ז [zayin]
12 Jan wali jaqejj cheqap sarnaqer jaqe contraw jan walinak amti.+
Jupa toqer uñtataw laka chʼakhanakapsa tʼurusi.
13 Ukampis Jehová Diosajj uka jaqet larusiniwa,
kuna laykutejj uka jaqen jiwañ urup jutaskatapjja yatiwa.+
ח [jet]
14 Jan wali jaqenakajj espada imañanakapatwa espadanakap apsusipjje, flechtʼañ arconakapsa dobltʼapjjewa,
ukhamat tʼaqesiyatarusa pobrerusa aynachtʼayañataki,
ukhamarak kunatï cheqapäki ukanak luririnakar jiwayañataki.
15 Ukampis jupanakan espadanakapajj pachpa chuymanakaparuw pʼiyantani,+
flechtʼañ arconakapas pʼakjatäniwa.
ט [tet]
16 Cheqap sarnaqer jaqen jukʼa utjiripaw jukʼamp sumajja,
jan wali jaqenakan walja utjirinakapat sipansa.+
17 Kuna laykutejj jan wali jaqenakan amparapajj pʼakjatäniwa,
ukampis cheqap sarnaqerinakarojj Jehová Diosaw katjjäsini.
י [yod]
18 Jehová Diosajja, kunanakatï jan juchaninakarojj paski uk uñjaskiwa,
jupanakan herenciapajj wiñayatakïniwa.+
19 Jan walinakajj paskani uka tiemponjja janiw jupanakajj mä phenqʼa uñjasipkaniti,
manqʼat pistʼañ tiemponjja walja manqʼañaw jupanakan utjani.
כ [kaf]
20 Ukampis jan wali jaqenakajj tukusipjjaniwa,+
Jehová Diosan enemigonakapajj suma pastonakar uñtataw chhaqtjjapjjani,
jewqʼer uñtataw chhaqtjjapjjarakini.
ל [lámed]
21 Jan wali jaqejja maytʼasisajj janiw kuttʼayjjeti,
ukampis cheqap sarnaqer jaqejj khuyaptʼayasiriwa, wajjtʼasirirakiwa.+
22 Diosan bendisitanakajj oraqwa katoqapjjani,
ukampis Diosan maldisitanakajj tukjatäpjjaniwa.+
מ [mem]
24 Lanktʼaskchinisa janiw ajanup oraqer puriyañkam jaqoskaniti,+
נ [nun]
25 Nayasti waynäskayätwa, jichhasti awkëjjtwa,
ukampis cheqap sarnaqer jaqerojj janiw ni maynirusa apanukut uñjkti,+
26 Jupajj taqe chuymaw maytʼi,+
wawanakapasti Diosan bendisitäpjjaniwa.
ס [sámekh]
27 Kunatï jan walïki ukatjja jitheqtam, kunatï walïki uk luram,+
ukatsti wiñayatakiw jakasïta.
28 Jehová Diosasti kunatï cheqapäki ukar munasiriwa,
jupat jan jitheqtirinakarus janiw jaytanukkaniti.+
ע [ayin]
פ [pe]
30 Cheqap sarnaqer jaqejj yatiñanïñ toqetwa parli,
lajjrapasti cheqap sarnaqañatwa parlaraki.+
צ [sadé]
32 Jan wali jaqejj cheqap sarnaqer jaqeruw uñchʼukiski,
jiwayañatakiw thaqaskaraki.
33 Ukampis Jehová Diosajj janiw cheqap sarnaqer jaqerojj jan wali jaqen amparapar jaytanukkaniti,+
juzgatäkani ukhasa janiw juchañchatäkaniti.+
ק [qof]
34 Jehová Diosar suytʼam, thakip arkarakim,
jupaw jumarojj jachʼar aptätam, jumasti oraqwa katoqarakïta.
Kunapachatï jan wali jaqejj tukjatäkani ukhajja,+ jumajj uñjätawa.+
ר [resh]
35 Jan sinttʼasiri jan walinak lurir jaqeruw nayajj uñjayäta,
jupajj walja ramanakan qoqar* uñtataw pachpa oraqepan wal jilantaskäna.+
36 Ukampis mä akatjamatwa jupajj jiwjjäna, chhaqtawayjjarakïnwa.+
Nayajj jupar thaqaskakiyätwa, ukampis janiw jikjjatañ puedkayätti.+
ש [shin]
37 Jan juchani jaqetjja* jan armasimti,
cheqap sarnaqer jaqerojj+ uñtapunim,
kuna laykutejja suman jakasiñaw uka jaqetakejj jutïrin utjani.+
38 Ukampis jan walinak luriri taqe jaqenakajj tukjatäpjjaniwa,
jan wali jaqenakajja jutïrin tukjatäpjjarakiniwa.+
ת [taw]
39 Cheqap sarnaqer jaqenakan salvacionapajj Jehová Diosatwa juti,+
jan wali tiemponjja, jupaw cheqap sarnaqer jaqenakan imantasiñapajja.*+
40 Jehová Diosaw jupanakarojj yanaptʼani, salvarakini.+
Jupaw jan wali jaqenakat jupanakar salvani, jupaw jupanakarojj salvarakini,
kuna laykutejj juparuw imantasipjje.+
Davidan salmopa. Amtayañataki.
38 Jehová Dios Tata, janikiy coleratajj jan wali lurataj uñachtʼayistati,
janikiy wali coleratajj cheqañchistati.+
2 Kuna laykutejj flechanakamajj wali manqhakamaw nayarojj puritu,
amparamasti walpun nayjjarojj jatjitu.+
3 Colerasitam laykojja taqpach cuerpojajj usutawa.
Juchaj kawsajja janiw chʼakhanakajan sumankañajj utjkiti.+
4 Pantjasitanakajajj pʼeqej patjjan montonjjatatawa,+
mä jathi qʼepir uñtasitawa, qʼepiñas nayatakejj sinti jathiwa.
5 Heridanakajajj thujsiwa, jenqʼechrantatarakiwa,
jan amuytʼasirïtaj layku.
6 Nayajj wali llakitätwa, qʼala aynachtʼatarakïtwa,
uru jurnälaw nayajj llakit sarnaqta.
7 Ninaw naya manqhan nakhi,
taqpach cuerpojas usutawa.+
8 Nayasti tunuratätwa, qʼala atjjatatarakïtwa.
Llakit chuymajajj walpun warariyitu.
9 Jehová Dios Tata, taqe kuntï nayajj munkta ukanakajj juma nayraqatankiwa,
llakirtʼasitajajj janiw jumat imantatäkiti.
10 Chuymajajj putuqewa, chʼamajas sarjjewa,
nayranakajan qhanapas jaytawayjjetuwa.+
11 Usutätaj laykojj amigonakajasa compañeronakajas janiw jakʼachasjjapjjetuti,
wali uñtʼat masinakajas jayatakwa uñchʼukinipjjetu.
12 Khitinakatï jiwayañ munapkitu ukanakajj trampanakwa uskupjje,
nayar usuchjañ munapkitu ukanakajj nayar tukjañatwa parlapjje.+
Uru jurnälaw jupanakajj engañjañ amtasipki.
14 Jan istʼañ puedki uka jaqjamaw nayajj tukta,
kunjamtï uka jaqejj jupa pachpa arjjatasiñatakejj jan arsurjamäki ukhamwa nayajj tukta.
15 Jehová Dios Tata, nayajj jumaruw suytʼayäsma.+
Jehová Dios Tata, nayan Diosaja, jumasti nayarojj jaysistawa.+
16 Nayajj akham sayätwa: “Janikiy jupanakajj nayat larusipjjpanti,
kayujatï llustʼtani ukhajja, janikiy jupanak pachpajj jachʼañchasipjjpanti” sasa.
17 Kuna laykutejj nayajj jaqotattirpachayätwa,
tʼaqesitajas nayamp chiktʼatapunïnwa.+
19 Ukampis enemigonakajajj jakasipkiwa, chʼamanïpjjarakiwa.*
Ina chʼusat uñisipkitu ukanakajj waljanëjjapjjewa.
20 Walitjja jan walimpiw kuttʼayapjjetäna,
kunatï walïki uk jan lurañajatakiw jarktʼañ munapjjetäna.
21 Jehová Dios Tata, janikiy apanuktʼasistati.
Dios Tata, janikiy nayat jayan quedasimti.+
22 Nayar yanaptʼañatakejj apurasinikimaya,
Jehová Dios Tata, jumaw nayan salvirijätajja.+
Directorataki. Jedutún*+ ukarjama. Davidan salmopa.
39 Nayajj akham sayätwa: “Kuntï nayajj lurkä ukjja wali amuyumpiw luräjja,
ukhamat lajjrajamp jan juchachasiñajataki.+
2 Nayajj amut jaqeruw tukuyäta, amukiyätwa,+
kunatï walïki ukatsa amukiyätwa,
ukampis jukʼampiw nayajj tʼaqesiyäta.
3 Chuymajajj jukʼat jukʼatwa naya manqhan nakhäna,
nayajj amuykiptʼaskayäta ukañkamasti ninajj nakhaskakïnwa.
Ukatwa nayajj akham sayäta:
4 “Jehová Dios Tata, tukuyäwijajj kunjamänisa uk amuytʼañ yanaptʼakitaya,
qhawqha urunakas nayajj jakasëjja uk amuytʼañ yanaptʼakitaya,+
ukhamat jakañ vidajajj wali jukʼakïtap yatiñajataki.
5 Jumasti mä qhawqha tiempo jakañakwa nayar churistajja,+
juma nayraqatanjja jakäwijajj janis kunäkaspa ukhamawa.+
Taqe jaqenakajj seguröpkaspas ukhamäpkchisa, janiw kunäpkisa jan ukasti aleq samsuñampi sasipjjakiwa.+ (Sélah).
6 Cheqpachansa taqe jaqenakajj mä chʼiwir uñtataw sarnaqapjje,
jaqenakajj inamayakiw wali apurat uksar aksar sarnaqapjje.
Jupanakajj walja yänakwa* montontʼapjje, ukampis khitis ukanakat disfrutani uk janiw yatipkiti.+
7 Ukhamajj Jehová Dios Tata, ¿kunarak nayajj suytʼiriststi?
Juma saparukiw nayajj suytʼasksma.
8 Taqe juchanakajat salvakitaya,+
janikiy jan amuytʼasir jaqejj nayar jiskʼachañap munamti.
9 Amut jaqjamaw nayajj amukiyäta,
janiw lakajsa jistʼarirjamäkayätti,+
kuna laykutejj jumaw ukanakan pasañap munayätajja.+
10 Castigomjja nayat apaqtʼasikitaya.
Nayajj qʼala aynachtʼatätwa, kuna laykutejj amparamaw nayar nuwantitu.
11 Jumasti juchapat castigasaw jaqerojj cheqañchtajja,+
kunjamtï thuthajj isir tukuntkejja, ukhamwa jumajj jupan utjirinakap tukunttajja.
Cheqansa taqe jaqenakajj mä samsuñampi sasipjjakiwa.+ (Sélah).
12 Jehová Dios Tata, oracionajar istʼakimaya,
yanap mayiñatak artʼasitajarojj istʼakimaya.+
Janikiy jachatajarojj aleq ukhamak uñchʼukimti.
13 Janikiy coleratajj uñtanistati, ukhamat nayan kusisiñajataki,
janïr nayajj jiwkipana ukhamarak janïr nayajj sarjjepana”.
Directorataki. Davidan salmopa.
40 Nayajj wali pacienciampiw Jehová Diosarojj suytʼayätjja,
jupasti jiñchupwa naya toqer altʼayanïna,* yanap mayiñatak artʼasitajarus istʼarakïnwa.+
2 Jupajj suynir umanakan pʼiyatwa waysutäna,
ñeqʼe taypitwa waysutäna.
Mä jachʼa qarqa* patjjaruw saytʼayitäna,
suma oraq patjjanwa sarnaqayitäna.
3 Ukatsti mä machaq cancionwa jupajj yatichitäna,+
Diosar jachʼañchañatak mä machaq cancionwa yateqayitäna.
Waljaniw musparat uñchʼukipjjani,
Jehová Diosarus confiyapjjarakiniwa.
4 Jehová Diosar confiyir jaqejja kusisitawa,
khititï kutkatasir jaqenakarusa kʼari jaqenakarusa jan confiyki ukajj kusisitawa.
5 ¡Juman luratanakamajj waljapuniwa,
Jehová Diosaja!
Musparkañ luratanakamajj waljapuniwa, kunanakatï nanakar yanaptʼapkitaspa uka toqet amuytʼatamajj waljapuniwa.+
Janiw khitis jumjamäkiti,+
nayatï ukanakat yatiyañsa parlañsa yantʼirista ukhajja,
¡ukanak yatiyañajj waljapunïspawa!+
6 Jumasti janiw sacrificiompi ofrendampi munkayätati,+
ukampis istʼañajatakiw jiñchunakaj jistʼaristajja.+
Janiw nakhantayat ofrendanaksa jucha luratat ofrendanaksa maykayätati.+
7 Ukatjja akham sasaw nayajj sayäta: “Nayajj jutayätwa.
9 Cheqapar uñjir Diosätawa, uka suma yatiyäwinakwa nayajj jachʼa congregacionan yatiyta.+
Janiw nayajj lakaj jistʼantkti,+
Jehová Dios Tata, kunjamtï jumajj yatkta ukhama.
10 Cheqapar uñjir Diosätamjja janiw nayajj chuymajan imtʼkti.
Jan jaytjasiri ukhamarak salviri Diosätamwa nayajj yatiyta.
Munasiñat jan jaytjasirïtamsa cheqa Diosätamsa, janiw nayajj jachʼa congregacionan imtʼkti”.+
11 Jehová Dios Tata, khuyapayasiñam nayar churañjja janikiy jarkʼamti.
Munasiñat jan jaytjasirïtamatsa cheqa Diosätamats jarkʼaqakitaya.+
12 Nayar muyuntkitu uka jan walinakajja jaktʼañatakejj waljapuniwa.+
Walja pantjasitanakajajj wal llakisiyitu, janiw thakijsa uñjayjjetuti.+
Walja pantjasitanakajajj pʼeqejankir ñikʼutanakat sipansa jukʼamp waljawa,
desanimatarakïtwa.
13 Jehová Dios Tata, mirä amp suma, salvakitaya.+
Jehová Dios Tata, nayar yanaptʼañatakejj apurtʼasinikimaya.+
14 Taqe khitinakatï nayar jiwayañatak thaqasipkitu ukanakajj
phenqʼachatäpjjpan, jiskʼachatäpjjarakpan.
Khitinakatï jan waltʼäwinakajat kusisipki ukanakajj
jiskʼachat kuttʼjjapjjpan.
15 Khitinakatï “¡jumajjay ukar purtʼasiñatakejj juchanïskstajja!” sasin sapkitu ukanakajja
phenqʼachat uñjasipjjatap laykojj wal sustjasipjjpan.
Kunjamsa jumajj salvta ukar munasirinakajj akham sapjjapunpan:
“¡Jehová Diosajj jachʼañchatäpan!”+ sasa.
17 Ukampis nayajj jan khiti yanapirini ukhamarak pobre jaqëtwa,
Jehová Diosay nayar uñjitpan.
Directorataki. Davidan salmopa.
41 Khititï jan khiti yanapirini jaqer yanaptʼki ukajja kusisitawa,+
Jehová Diosaw juparojj jan waltʼäwi urun salvani.
2 Jehová Diosaw juparojj imani, jakayaskarakini.
Oraqenjja mayninakajj kusisitätapwa uñjapjjani.+
Janipuniw kunäkipansa enemigonakapar katuykätati.+
3 Kunapachatï jupajj usutäkani, ikiñankkarakini ukhajja, Jehová Diosajj janiw jaytanukkaniti.+
Usuntatäkani ukhajja jumaw uñjäta.*
4 Nayasti akham sayätwa: “Jehová Dios Tata, sumakiy nayar uñjita.+
Qolltʼasikitaya,+ juma contra juchachasitaj layku”+ sasa.
5 Ukampis enemigonakajajj akham sasaw jan walinak nayat parlapjje:
“¿Kunapachas jupajj jiwjjani, sutipas chhaqtjjarakini?” sasa.
6 Jupanakat maynejj nayar uñjir jutkitu ukhajja, chuymapajj kʼarinakwa parli.
Jan wali yatiyäwinakwa apthapi,
ukatsti mistuwayasaw yaqhanakar parlaraki.
7 Taqe khitinakatï nayar uñisipkitu ukanakajja, jupanakkamajj jiskʼatakwa parlasipjje.
Naya contraw jan walinak amtapjje, akham sapjjewa:
8 “Mä jan waltʼäwiw jupjjar juti.
Niyakejjay jupajj ikiñan jaqontatächejja, janiw wasitat sartjjaniti”+ sasa.
9 Khititejj nayamp sumankkäna, khitirutï nayajj confiykayäta,+
khititejj nayan tʼantʼajat manqʼaskäna ukaw naya contrajj saytʼi.*+
10 Ukampis Jehová Dios Tata, sumakiy nayar uñjita, wayttʼasikitaya,
ukhamat luratanakapat jupanakar castigañajataki.
11 Akhamatwa nayar sum uñjatam yatëjja:
kunapachatï enemigojajj jan atipjkitani ukha.+
12 Taqpach chuymampi servitajatwa jumajj katjjasistajja,+
jumasti wiñayatakiw juma nayraqatan quedasiyitäta.+
Amén, amén.
PAYÏR LIBRO
(Salmos 42-72)
Directorataki. Coré+ chachan yoqanakapan salmopa. Maskil.*
42 Kunjamtï venado* animalajj jalir umanak wal munkejja,
ukhamarakiw nayajj Dios Tata, jumarojj wal serviñ munsma.
2 Cheqpachapuniw nayajj jakkir Diosat pharjatätjja.*+
¿Kunapacharak nayajj jutasin Dios nayraqatan uñstiriststi?+
3 Uruy arumaw nayajj jachta,
uru jurnälaw jaqenakajj akham sasin nayat burlasipjje: “¿Kawkinkarak Diosamasti?”+ sasa.
4 Akanakwa nayajj amtasta, ukatwa chuymajajj walpun usutu,
kuna laykutejj walja jaqenakampiw mä tiempojj nayajj sarnaqayäta.
Jupanak nayraqataw nayajj Diosan utaparojj sarirïyäta,
wali kusisita ukhamarak yuspärasaw sarapjjerïta,
kunjamtï walja jaqenakajj mä fiesta amtasajj cantapkejja ukham cantasaw sarapjjerïta.+
5 ¿Kunatsa nayajj jan kamachtʼasirjam uñjaspachätjja?+
¿Kunatsa naya manqhanjja aka llakejj utjpacha?
6 Diosajay, nayajj jan kamachtʼasirjamätwa,+
ukatwa nayajj jumat amtasta,+
Jordanan oraqepatpacha, Hermón qollu puntatpacha,
Mizar qollutpacha.*
7 Manqha umanakajj yaqha manqha umanakaruw jawsapjje,
alay toqet waraqtanir umanakaman suynatap istʼasina.
Taqpach oladanakamajja, nayar llakisiykitu uka jan waltʼäwinakar uñtasitäpjjewa.+
8 Urojja Jehová Diosajj munasiñat jan jaytjasirïtapwa uñachtʼayitani,
arumasti jupjjatwa nayajj cantäjja, nayar jakañ churiri Diosaruw nayajj oración luräjja.+
9 Nayan jachʼa qarqajäki* uka Diosarojj akham säwa:
“¿Kunatsa nayat armasista?+
¿Kunatsa enemigojan nayar tʼaqesiyatap laykojj llakita sarnaqañajäspa?”+ sasa.
10 Enemigonakajajj walpun* nayar insultapjjetu,
uru jurnälaw jupanakajj akham sasin nayat burlasipjje: “¿Kawkinkarak Diosamasti?”+ sasa.
11 ¿Kunatsa nayajj jan kamachtʼasirjam uñjaspachätjja?
¿Kunatsa naya manqhanjja aka llakejj utjpacha?
Diosaruw nayajj suytʼäjja,+
kuna laykutejj Jachʼa Salvirijarjamasa, Diosajarjamasa nayajj jupar jachʼañchaskakïwa.+
43 Dios Tatay, jumay nayar juzguita,+
jumat jitheqtir marka contra quejasitajatjja leyinakarjamay nayar arjjatita.+
Engañjiri ukhamarak jan cheqapar sarnaqer jaqetjja salvakitaya.
2 Jumaw nayan Diosajätasa, imantasiñajätasa.*+
¿Kunatarak nayar apanukusista?
¿Kunatarak enemigojan tʼaqesiyat uñjasitaj laykojj llakit sarnaqañajäspasti?+
3 Qhanamampi cheqa yatichäwimampiy nayar apayanita.+
4 Ukatsti nayajj Diosan altaraparuw saräjja,+
Diosajan ukaruw nayajj saräjja, jupaw nayarojj wal kusisiyitu.
Dios Tata, nayan Diosaja, arpampiw nayajj jumar jachʼañchäma.+
5 ¿Kunatsa nayajj jan kamachtʼasirjam uñjaspachätjja?
¿Kunatsa naya manqhanjja aka llakejj utjpacha?
Diosaruw nayajj suytʼäjja,+
kuna laykutejj Jachʼa Salvirijarjamasa, Diosajarjamasa nayajj jupar jachʼañchaskakïwa.+
Directorataki. Coré+ chachan yoqanakapan salmopa. Maskil.*
44 Dios Tata, pachpa jiñchunakajampiw nanakajj istʼapjjta,
nayra awkinakajaw yatiyapjjetu,+
jupanakan urunakapan kunanaksa jumajj lurayäta ukanakwa yatiyapjjetu,
walja urunak nayrajj kunanaksa jumajj lurayäta ukanakwa yatiyapjjetu.
2 Chʼamamampiw markanakarojj alisnukuyätajja,+
ukaruw nayra awkinakajarojj ucharakiyätajja,+
jumaw markanakarojj atipjayätajja, alisnukurakiyätajja.+
3 Janiw jupanakajj pachpa espadapampejj oraq katuntapkänti,+
janirakiw pachpa chʼamapampis atipjapkänti.+
Jan ukasti kupi amparamampi, chʼamamampi,+ ajanuman qhanapampiw ukajj lurasïna,
kuna laykutejj jumaw jupanakarojj munasiyätajja.+
4 Dios Tata, jumaw nayan Reyijätajja,+
Jacob chachan qʼal atipjañapatakejj mä ordenay churam.
5 Chʼamamampiw nanak contra saytʼirinakarojj kuttʼayapjjäjja,+
sutimjjaruw nanak contra saytʼasirinakarojj takichasipjjäjja.+
6 Nayajj janiw flechtʼañ arcojarojj confiykti,
espadajas janiw salvkitaspati.+
7 Jumaw nanak contra saytʼirinakat salvapjjestajja,+
uñisipkitu ukanakarojj jumarakiw jiskʼachayätajja.
8 Dios Tata, jumaruw nanakajj uru jurnäl jachʼañchapjjäma,
wiñayatakiw sutimarojj yuspärapjjäjja. (Sélah).
9 Ukampis jichhajj nanakarojj apanukupjjestawa, jiskʼachapjjarakistawa.
Ejercitonakajamp chikajj janirakiw guerrar mistktati.
10 Nanak contra saytʼirinakan ukatjja kuttʼayasinipkakistawa,+
uñisipkitu ukanakajj kuntï munapki taqe ukanakwa apasipjje.
11 Ovejanakar uñtasit jiwayatäñatakiw apjjaruyapjjestajja,
markanak taypinwa aywitatayapjjestajja.+
12 Wali minusarupuniw markamarojj aljtajja.+
Aljkta ukatjja janiw ganancia katoqktati.
13 Vecinonakajampis uñisiyapjjestawa,
nanak muytpachankapki ukanakampis phenqʼachayapjjestawa, burlasiyapjjestawa.
14 Markanak taypinjja jiskʼachayapjjestawa,+
markanakas nanakatakejj pʼeqenakapwa khiwisipjje.
15 Uru jurnälaw nayajj jiskʼachat amuyasta,
phenqʼachat uñjasitajatjja janiw pʼeqsa waytirjamäkti,
16 nanakat burlasipjjatapata, nanakar insultapjjatapata,
enemigonakajan nanakat vengasipjjatapata.
17 Taqe ukanakaw nanakarojj pasapjjetu, ukampis janiw nanakajj jumat armasipkti,
janirakiw pactomsa pʼakintapkti.+
18 Chuymanakajajj janiw maysa toqer saranukkiti,
janirakiw taktʼatanakajas thakimat jitheqtkiti.
19 Ukampis kawkjantï chacal sat animalanakajj jakapki uka lugaranwa atipjat uñjasiyapjjestajja,
chʼamak chʼiwimpiw imjjatapjjestajja.
20 Nanakatï Diosajan sutip armasipjjsta
jan ukajj yaqha markankir diosar oración lurañatak amparanakaj loqtapjjsta ukhajja,
21 ¿janit Diosajj uk uñjkani?
Kunatï chuyma manqhan imantatäki ukanakjja jupajj yatiwa.+
22 Jumar servipjjataj laykuw nanakarojj sapüru jiwayañ munapjjetu,
khariñ ovejanakarjamaw uñjapjjarakitu.+
23 Sartasikimaya, Jehová Dios Tata, ¿kunatsa ikiskakta?+
¡Sartasikimaya! Janikiy wiñayatak apanukupjjestati.+
24 ¿Kunatsa ajanum imantasta?
¿Kunatsa llakisitanakajatsa tʼaqesitanakajatsa armasta?
25 Kuna laykutejj nanakajj laqʼa polvor liwinukutäpjjtwa,
cuerponakajas oraqer jaqonukutawa.+
26 ¡Nanakar yanaptʼañatakejj sartasikimaya!+
Munasiñat jan jaytjasirïtamat salvapjjakitaya.+
Directorataki. “Lirio panqaranaka” siski ukarjama. Coré+ chachan yoqanakapan salmopa. Maskil.* Munasiñ toqet parlir canción.
45 Chuymajajj suma yatiyäwinakat walpun kusisi.
Nayajj akham sistwa: “Cancionajajj mä reyjjatwa parli”+ sasa.
Lajjrajajj suma copianak luririn*+ qellqañ instrumentopjam+ tukpan.
2 Jaqenakan yoqanakap taypitjja jumajj jukʼamp suma uñnaqtʼanïtawa.
3 Jan ajjsaras nuwasir chacha,+ espadam mä ladomar chinkatasim,+
honrampi jachʼañchäwimpi isthapisim.+
4 Jumajj jachʼañchatätam laykojja, enemigonakamar atipjanim.+
Caballor qonjjatat saram, humilde chuyman jaqenak layku, kunatï cheqäki, kunatï cheqapäki ukanak layku nuwasim,+
kupi amparamajj ajjsarkañanakwa lurani.
5 Flechanakamajj wali ariwa, juma nayraqatanwa markanakarojj atipji,+
reyin enemigonakapan chuymanakapsa pʼiyantarakiwa.+
7 Jumasti kunatï cheqapäki ukarojj munasiyätawa,+ kunatï jan walïki ukarusti uñisiyätawa.+
Ukatwa Diosajja, mä arunjja juman Diosamajj aceitempi warjjattʼas ajllistamjja,+ mayni reyinakat sipansa jukʼampwa kusisiytamjja.+
8 Taqpach isinakamajj mirrampi, áloe lawanakampi, casia lawampi perfumatawa.
Marfilat lurat wali musparkañ palaciotpachwa cuerdan instrumentonakajj kusisiytamjja.
9 Reyinakan phuchanakapajj palaciomankir wali aytat warminak taypinkapjjewa.
Reinasti Ofir lugarankir qorimpi kʼachachtʼataw kupëjjamar saytʼasi.+
10 Istʼam, imill wawa, wali amuyumpi istʼam, jiñchumsa altʼayanim,
markamatsa tataman utapatsa armtʼasjjam.
11 Reyisti suma uñnaqtʼanïtam laykojja wal jumarojj munasïtam.
Jupajj juman noviomawa,
ukhamajj jupa nayraqatan altʼasim.
12 Tiro markankir jaqenakajj mä regalompiw jutapjjani,*
wali utjirini chachanakas juman suma uñjatäñwa thaqapjjani.
14 Jupasti suma isinakampi* isthaptʼataw reyin ukar irpatäni.
Jupamp chika sarir virgen tawaqonakas jupa nayraqatar irpantatäpjjarakiniwa.
15 Jupanakasti wali kusisita wali kʼuchiki ukham irpanitäpjjaniwa,
ukatsti reyin palacioparuw mantapjjani.
16 Juman yoqanakamaw nayra awkinakam lantejj uttʼayatäpjjani,
taqpach oraqjjaruw jupanakarojj principet uttʼayarakïta.+
17 Nayasti sutimwa taqe jutïr wawanakarojj uñtʼayäjja,+
ukatwa markanakajj wiñayans wiñayapatak jumar jachʼañchapjjätam.
Directorataki. Coré+ chachan yoqanakapan salmopa. Alamot* ukarjama.
46 Diosaw jiwasan imantasiñasasa, chʼamasasa,+
llakisiñ tiemponakanjja jankʼakiw jupan yanaptʼap jikjjatsna.+
2 Ukatwa jiwasajj jan ajjsarkañäniti, oraqes mayjtʼaskpan,
qollunakas lamar qota manqhar alliranttaskpan,+
3 lamar qotan umanakapas wali jachʼat suynpan, jopoqsa wal sartaypan,+
oladanakap sartatapat qollunakajj uksar aksar onjjtpan, janiw ajjsarkañäniti. (Sélah).
4 Mä jawiraw utji, uka jawiran jalir umanakapajj Diosan markaparuw kusisiyi,+
mä arunjja jachʼa Diosan sagrado jachʼa tabernaculoparuw kusisiyi.
5 Diosaw markankaski,+ janiw atipjatäkaspati.
Diosaw markar yanaptʼañatakejj qhantatir jutani.+
6 Markanakajj wali jachʼat arnaqasipjjäna, reinonakas* tukjatäpjjänwa,
jupajj jachʼatwa arsüna, oraqesti umatatarakïnwa.+
7 Ejercitonakan Jehová Diosapajj jiwasampïskiwa,+
Jacobun Diosapaw jiwasan confiykay jarkʼaqasiñasajja. (Sélah).
8 Jutapjjam, Jehová Diosan luratanakap uñjapjjam,
kunjamsa jupajj musparkañanak oraqen luräna uk uñjapjjam.
9 Jupaw oraqpachanjja guerranak chhaqtayaski.+
Jupaw flechtʼañ arcsa pʼakjaski, jiskʼa jiskʼwa lanzarojj tʼunjaski,
juparakiw militaranakan carretanakapsa* ninamp phichanti.
10 Jupajj akham siwa: “Rendisjjapjjam, nayajj Diosätaj yatipjjam.
11 Ejercitonakan Jehová Diosapajj jiwasampïskiwa,+
Jacobun Diosapaw jiwasan confiykay jarkʼaqasiñasajja.+ (Sélah).
Directorataki. Coré+ chachan yoqanakapan salmopa.
47 Taqe markanaka, amparanakam tʼajjllirapjjam.
Atipapjjatam laykojj jachʼat arnaqasipjjam, kusisit arnaqasis Diosar jachʼañchapjjam.
2 Kuna laykutejj Jachʼa Jehová Diosajj musparkañ Diosawa.+
Jupaw oraqpachjjar jachʼa Reyejja.+
3 Jupaw markanakarojj jiwasan apnaqañasatak atipji.
Juparakiw markanakjja apnaqañasatak katuyistu.+
4 Jupaw herenciasjja jiwasatakejj ajlli,+
uka herenciasajj Jacobutakejj mä orgullönwa, Diosasti Jacoburojj munasiwa.+ (Sélah).
5 Kunapachatï markajj kusisiñat arnaqaskäna ukhaw Diosajj makatäna,
kunapachatï markajj pututu* tuktʼaskäna ukhaw Jehová Diosajj makatäna.
6 Diosar alabanzanak cantapjjam,* alabanzanak cantapjjam.
Reyisar alabanzanak cantapjjam, alabanzanak cantapjjam.
7 Kuna laykutejj Diosaw oraqpachjjar Reyejja,+
alabanzanak cantapjjam, suma amuytʼasirïpjjatam uñachtʼayapjjam.
8 Diosajj taqe markanakan Reyiparuw tukuwayi,+
Diosajj sagrado tronoparuw qontʼasi.
9 Markanakan pʼeqtʼirinakapaw tantachasipjje,
Abrahanan Diosapan markapampiw tantachtʼasipjje.
Coré+ chachan yoqanakapan salmopa.
48 Jehová Diosajj jachʼawa, juparukiw jachʼañchatäñajj waktʼi,
Diosasan markapana, sagrado qollupana.
2 Suma uñnaqtʼani, wali alto, oraqpachan kusisiñapa,+
ukhamaw Sion Qollojja, alay toqet* wali jayankarakiwa,
Jachʼa Reyin markapawa.+
3 Jachʼa torrepanwa
Diosajj jarkʼaqasir Diosätap yatiyäna.+
4 Kuna laykutejj reyinakaw tantachtʼasipjje,
mayachtʼataw sarapjjaraki.
5 Kunapachatï jupanakajj uka marka uñjapjjäna ukhajja, wal musparapjjäna.
Wal sustjasipjjäna, ajjsarañatsa escapapjjarakïnwa.
6 Ukanjja ajjsarañatwa wal khatatipjjäna,
kunjamtï mä warmejj wawa ususkasajj tʼaqeskejja, ukhamwa tʼaqesipjjarakïna.
7 Inti jalsu toqet jutir thayampiw Tarsis toqenkir barconak tʼunthaptajja.
8 Kuntï nanakajj istʼapkta ukjja, jichhajj nanak pachpaw uñjapjjta,
ejercitonakan Jehová Diosapan markapana, nanakan Diosajan markapana.
Diosajj wiñayatakiw uka marka sum uttʼayani.+ (Sélah).
9 Dios Tata, munasiñat jan jaytjasirïtamatwa nanakajj amuykiptʼapjjta,+
templomanwa amuykiptʼapjjta.
Kupi amparamajj kunatï cheqapäki ukamp phoqtʼatawa.+
11 Sion+ Qollojj kusispan,
Judá oraqenkir markanakajj* kusisipjjpan, kunanaktï jumajj Juezjam amtkta ukanakat kusisipjjpan.+
13 Jarkʼaqasiñ murallanakap sum uñtapjjam.+
Jachʼa torrenakap inspeccionapjjam,
ukhamat jutïr wawanakar ukanak yatiyañataki.
14 Kuna laykutejj aka Diosajj wiñayans wiñayapatak Diosasawa.+
Directorataki. Coré+ chachan yoqanakapan salmopa.
49 Taqe markanaka, ak istʼapjjam.
Akapachan taqe jakirinaka, sum istʼapjjam,
2 jiskʼasa jachʼasa,
qamirisa pobresa taqeni istʼapjjam.
4 Yatiñan arunakaruw nayajj wali amuyumpi istʼäjja,
jan amuytʼkañ arunakaj-jja arpa tukkasaw nayajj qhanañchäjja.
5 Jan waltʼäwinkkasajj ¿kunatsa nayajj ajjsaräjja?+
Kunapachatï nayar jan waltʼayañ munir jaqenakajj jan wali luräwinakapampi muyuntapkitu ukhajj ¿kunatsa nayajj ajjsaräjja?
6 Utjirinakapar confiyirinakasa,+
walja utjirinakapat jachʼa jachʼa tukurinakasa,+
7 janipuniw maynis jilapar kutsuyirjamäkaspati,
janirakiw Diosarojj jilapar kutsuyañatakejj kunsa churkaspati+
8 (mä jaqen jakäwipan preciopajj wali valoraniwa,
janipuniw jupanakajj uk paguirjamäpkaspati),
9 jupanakajj janiw mä jilaparus kutsuyirjamäpkiti, ukhamat jilapajj wiñayatak jakaskakiñapataki, janirak sepultursa uñjañapataki.+
10 Jupanakajja yatiñan jaqerus jiwir uñjapjjewa,
jan amuytʼan jaqesa jan amuytʼasir jaqesa mä pachpa tukjatakïpjjewa,+
utjirinakapsa yaqhanakaruw jaytjjapjjañaparaki.+
11 Utanakapajj wiñayatak utjaspa ukwa jupanakajj chuymanakapan munapjje.
Carpanakapajj jutïr wawanakapans wawanakapatak utjaskakispa ukwa munapjjaraki.
Haciendanakaparus pachpa sutinakapwa uchapjje.
12 Ukampis jaqejj respetompi uñjatäkchisa janiw walja tiempo jakkaniti,+
jupajj janiw jiwir animalat sipansa jilankkiti.+
13 Jan amuytʼasir jaqenakan thakipajj ukhamawa,+
khitinakatï jupanakar arkapki, inamay arunakap istʼasin kusisipkaraki ukanakan thakipas ukhamarakiwa. (Sélah).
14 Jupanakajj ovejar uñtat jiwayatäpjjaniwa, Sepulturaruw* sarapjjarakini.
Jiwañaw jupanakarojj awatirakini,
cheqap sarnaqer jaqenakaw alwajj jupanakar apnaqani,+
jupanakajj chhaqtjjapjjaniwa,+
16 Mä jaqen wali utjirinëjjatap laykojj jan ajjsaramti,
wali suma utanïtap laykus jan ajjsaramti.
17 Kunapachatï jupajj jiwjje ukhajja, janiw kunsa jupamp chikajj apaskaspati,+
janirakiw utjirinakapsa jupamp chikajj apaskaspati.+
18 Jakaski ukhajja, jupa pachpaw jachʼañchasi.+
(Nayrar sartkta ukhajja jaqenakajj jachʼañchapjjtamwa).+
19 Ukampis nayra awkinakapjamarakiw jupajj jiwjjani.
Janipuniw jupanakajj wasitat qhanjja uñj-jjapjjaniti.
20 Uk jan amuyir jaqejja, respetatäkchi ukasa,+
janiw jiwir animalanakat sipansa jukʼampïkiti.
Asaf+ chachan salmopa.
50 Khititï diosanakan Diosapäki uka Jehová Diosaw+ arsuwayi,
oraqenkir taqe jaqenakaruw tantachthapi,
inti jalsut inti jalantkama.
2 Diosajj Sionatpachwa qhantʼani, uka markasti wali sumapuniwa.+
3 Diosasaw jutani, jupajj janiw amukejj quedaskaniti.+
Nakhantasirpach ninaw jupa nayraqatan utji,+
jupa muytpachanjja thayampi, jallumpi, qʼejjo qʼejjompiw wali jachʼat istʼasi.+
4 Jupajja alajjpachan jakirinakampiru oraqen jakirinakampiruw jawsthapi,+
ukhamat markapar juzgañataki, jupajj akham siwa:+
5 “Nayat jan jitheqtirinakar tantachthapipjjam,
khitinakatï sacrificio toqe mä pacto nayamp lurapki ukanakar tantachthapipjjam”+ sasa.
6 Alajjpachanakajj cheqapar uñjir Diosätapwa yatiyapjje,
kuna laykutejj Dios pachpaw Juezajja.+ (Sélah).
7 “Nayan markaja, istʼam, nayaw parläjja,
Israel marka, juma contraw testigot saytʼäjja.+
Nayaw Diosätjja, juman Diosamätwa.+
8 Nayajj janiw sacrificionakam laykojj cheqañchksmati,
janirakiw naya nayraqatankki uka enterpach nakhantayat ofrendanakatsa cheqañchksmati.+
9 Utamat mä toro apasiñajajj janiw nayatakejj wakiskiti,
10 Kuna laykutejj montenkir* taqe salvaje animalanakajj nayankiwa,+
taqe qollunakankir animalanakas nayankiwa.
11 Qollunakankir taqe jamachʼinakwa nayajj uñtʼta,+
camponkir jan jaktʼkañ animalanakajj nayankiwa.
12 Nayatï manqʼat awtjayasirista ukhajja, janiw yatiykirismati,
kuna laykutejj achunak churir oraqesa taqe kunanakatï ukan utjki ukanakas nayankiwa.+
13 ¿Toronakan aychapti nayajj manqʼäjja?
¿Cabranakan wilapti nayajj umäjja?+
14 Diosar yuspäram, uksti sacrificiökaspas ukham loqtam,+
Jachʼa Diosar arskta uka promesanakam phoqam.+
15 Llakisiñ tiemponjja nayar jawsita.+
Nayaw salväma, jumasti nayarojj jachʼañchitätawa”.+
16 Ukampis Diosajj jan wali jaqerojj akham saniwa:
“¿Kuna derechonïtas nayan leyinakajat parlañatakejja,+
jan ukajj kuna derechonïtas pactojat parlañatakejja?+
17 Kuna laykutejj cheqañchäwjja jumajj uñistawa,
arunakajsa janiw katoqasktati.+
18 Kunapachatï mä lunthatar uñjkta ukhajja, walikïkaspas ukham uñjtajja.*+
Adulterio juchan sarnaqerinakampiw chikachasiraktajja.
19 Kunatï jan walïki ukjja lakamampiw yaqhanakar parltajja,
lajjramampejj engañjaraktawa.+
20 Qontʼastawa, ukatjja pachpa jilam contraw parltajja,+
pachpa jilamatwa yaqhanakar parlasiraktajja.
21 Kunapachatï jumajj ukanak lurkayäta ukhajja, amukiw nayajj quedasiyäta,
jumjamäkiristsa ukhamwa jumajj amuyayätajja.
Ukampis jichhajj nayajj cheqañchsmawa,
juchanakamwa nayajj uñachtʼayarakïma.+
22 Mirä amp suma, Diosat armasipkta ukanakajj uka toqet amuytʼapjjam.+
Janitï ukhamäkanejja, kunapachatï jiskʼa jiskʼa tʼunjapkäma ukhajj janiw khitis salvapkätamti.
23 Nayar yuspärkitu, sacrificiökaspas ukham uka yusparasiñ loqtkarakitu ukajj nayaruw jachʼañchitu,+
khititejj mä amtampi mä thaki arkki ukarojja,
nayaw salväjja”.+
Directorataki. Davidan salmopa. Natán profetajj Davidar Bat-Seba+ warmimp adulterio jucha luratapat juchañchkäna uka qhepatwa Davidajj aka salmo qellqäna.
51 Dios Tata, munasiñat jan jaytjasirïtamat sumakiy uñjita.+
Jachʼa khuyapayasirïtam laykojj juchanakaj chhaqtayakimaya.+
4 Juma contraw nayajj juchachasta, juma contrapuniw juchachasta,+
kunatï juma nayraqatan jan walïki ukwa nayajj lurta.+
Jumajj parlkta ukhajj cheqaparuw uñjtajja,
juzgta ukhajj cheqaparuw juzgtajja.+
5 Juchaniw nayajj nasta,
mamajan purakapatpachwa juchanïtjja.+
6 Kunatï cheqäki uk chuymajan uñjasajj kusistawa,+
yatiñan chuymanïñatak yatichtʼasita.
7 Hisopo alimpiy juchajat qʼomachita, ukhamat qʼomäñajataki.+
Jareqtʼasitaya, ukhamat khunut sipansa jukʼamp janqʼöñajataki.+
8 Kusisiñata, kʼuchisiñat arnaqasiñanak istʼayakitaya,
ukhamat jumajj tʼunjkta uka chʼakhanakajajj kusisipjjañapataki.+
10 Dios Tata, qʼoma chuymay churita,+
mä machaq amuyu churita,+ ukhamat ukajj jumat jan jitheqtañatak nayar yanaptʼañapataki.
11 Juma nayraqatat janikiy alisnukustati,
janirak espíritu santomsa apaqestati.
12 Jumajj nayar salvkista ukhajj wal kusisiyäta, uka pachpa kusisiñ kuttʼayita,+
suma chuymay jumar istʼañatakejj churita.
13 Jan walinak luririnakarojj thakinakamatwa yatichäjja,+
ukhamat juchararanakajj juman ukar kuttʼanipjjañapataki.
14 Dios Tata, jumaw nayarojj salvistajja,+ maynir jiwayatajat perdontʼakitaya,+
ukhamat cheqapar uñjir Diosätamat kusisit parlañajataki.+
15 Jehová Dios Tata, parlayakitaya,
ukhamat jachʼañchäwimat lakajajj parlañapataki.+
16 Jumajj janiw mä sacrificio munktati, munasma ukhajja churirismawa,+
enterpach nakhantayat ofrendatjja jumajj janiw kusisktati.+
17 Chuyma pʼakintat jaqen sacrificionakapajj Diosarojj kusisiyiwa,
Dios Tata, chuyma pʼakintatäki humildëkaraki uka jaqerojj janiw apanukkätati.+
18 Kunatï sumäki uk Sionatak lurakimaya,
Jerusalenan murallanakap wasitat saytʼayakimaya.
19 Cheqaparjam sarnaqerinakan sacrificionakapatjja jumajj kusisïtawa,
nakhantayat sacrificionakatsa, enterpach nakhantayat ofrendanakatsa kusisïtawa,
ukatjja toronakaw altaraman loqtasini.+
Directorataki. Maskil.* Kunapachatï Doeg sat edomita chachajj “Davidajj Ahimélec+ chachan utaparuw sari” sasin Saular yatiykäna uka qhepatwa Davidajj aka salmo qellqäna.
52 Chʼaman jaqe, ¿kunatsa jan wali luratanakamat jachʼañchasta?+
Diosan munasiñat jan jaytjasirïtapajj uru jurnälatakiwa.+
3 Jan walirojja kunatï walïki ukat sipans jukʼampwa munastajja,
kʼarisiñaruw cheq parlañat sipansa jukʼamp munastajja. (Sélah).
4 ¡Ukha sumaraks lajjramampejj kʼarisirïtätajjä,
yaqhanakar ustʼayki taqe uka arunakaruw munastajja!
5 Ukatwa Diosajj jumarojj jan mayampitak tʼunjätam,+
katthapisaw carpamat munkir jan munkir apsütam,+
jakirinakan oraqepatsa jikʼinukurakïtamwa.+ (Sélah).
6 Cheqap sarnaqer jaqenakajj uk uñjapjjaniwa, musparapjjarakiniwa,+
ukatjja jupat larusipjjaniwa, akham sapjjarakiniwa:+
7 “Diosar jan imantasir mä jaqew akankaski,+
walja utjirinakaparuw jupajj confiyasïna,+
pachpa jan wali amtanakaparuw confiyasirakïna” sasa.
8 Ukampis Diosan utapanjja nayajj walja ramanakan olivo qoqar* uñtatäyäwa,
Diosan munasiñat jan jaytjasirïtapar wiñayans wiñayapatakiw nayajj confiyta.+
9 Dios Tata, kuntï jumajj lurkta ukatwa nayajj wiñayatak jachʼañchäma,+
jumat jan jitheqtirinak nayraqatanwa jachʼañchäma,
sutimaruw nayajj suytʼäjja,+ kuna laykutejj sutimajj wali sumawa.
Directorataki. Mahalat* ukarjama. Maskil.* Davidan salmopa.
53 Jan amuytʼasir jaqenakajja chuymapan akham sapjjewa:
“Janiw Jehová Diosajj utjkiti”+ sasa.
Jan amuytʼasir jaqenakan jan wali luratanakapajj jan walipuniwa, ajjtaskañarakiwa,
janiw khitis kunatï walïki uk lurkiti.+
2 Ukampis Diosajj alajjpachatpachwa jaqenakan wawanakaparojj uñchʼukisinki,+
ukhamat khitis suma amuytʼasir jaqejja uk uñjañataki ukhamarak khitis Jehová Diosar thaqaski uk uñjañataki.+
3 Taqeniw saranukupjje,
taqeniw jan walinak lurapjje.
Janiw khitis kunatï walïki uk lurkiti,
janiw ni maynis kunatï walïki uk lurkiti.+
4 ¿Kunatarak jan walinak lurir jaqenakajj jan kuns amuyapjjpacha?
Jupanakajj tʼantʼsa manqʼapkaspa ukhamwa markajarojj manqʼantapjje.
Jupanakajj janiw Jehová Diosar artʼasipkiti.+
5 Ukatwa jupanakajj ajjsarañampi phoqantat uñjasipjjani,
janipuniw nayrajj ukham ajjsarayasipkänti,*
kuna laykutejj jumar atacapktam* ukanakan chʼakhanakapjja Diosaw willitatani.
Jumasti mä phenqʼwa jupanakar uñjasiyäta, kuna laykutejj Jehová Diosajj jupanakar apanukjjewa.
6 ¡Israelan salvacionapajj Sionat jutpan!+
Kunapachatï Jehová Diosajj katuntat markapar wasitat tantachthapini ukhajja,
Jacobojj kusispan, Israelajj kusispan.
Directorataki. Cuerdan instrumentonakamp cantañataki. Maskil.* Zifeonakajj Saúl chachan ukar sarasinwa akham sapjjäna: “David chachaw nanak taypin imantasiski”+ sasa. Ukhaw Davidajj aka salmo qellqäna.
2 Dios Tata, oracionajarojj istʼakimaya,+
lakajat mistki uka arunakarojj wali amuyump istʼam.
3 Kuna laykutejj jan uñtʼatanakaw naya contra saytʼasipjje,
jan sinttʼasir jaqenakaw jakañ vidaj thaqapjje.+
Janiw Diosarojj respetapkiti.+ (Sélah).
4 Diosaw nayan yanapirijajja,+
Jehová Diosajj khitinakatï nayar yanaptʼapkitu ukanakampïskiwa.
5 Kuna jan walinaktï naya contra saytʼirinakajj apanipki ukanakjja, jupanak pachparuw Diosajj kuttʼayani;+
nayan Diosaja, jupanakar tukjam,* kuna laykutejj jumajj nayampipunïsktawa.+
6 Taqe chuymaw sacrificionak loqtäma.+
Jehová Dios Tata, sutimwa nayajj jachʼañchäjja, kuna laykutejj sutimajj sumawa.+
7 Jumaw nayarojj taqe jan walinakat salvistajja,+
enemigonakajan atipjat uñjasipjjatapwa nayajj uñjäjja.+
Directorataki. Cuerdan instrumentonakamp cantañataki. Maskil.* Davidan salmopa.
55 Dios Tata, oracionajar istʼakimaya,+
nayat khuyaptʼayasiñamatak mayisitajarojj janikiy ina ukhamak pasayamti.*+
2 Wali amuyumpiy istʼita, jaysakitaya.+
Llakijajj janiw samartʼaykituti,+
wali llaktʼatarakïtwa,
3 enemigonakajan parlapjjatap layku,
ukhamarak jan wali jaqejj nayar wal waytʼatap layku.
Kuna laykutejj jupanakajj problemanakampiw nayarojj montonjjatapjjetu,
wali coleratajj uñisipjjarakituwa.+
5 Ajjsarañampi khatatiñampiw nayjjanki,
khatatiñaw nayarojj katuntitu.
6 Nayajj akham saskaktwa: “¡Palomjam chheqanakanikïrista!
Jaltawayasaw sarjjerista, jan ajjsarasaw jakasjjarakirista.
8 Mä imantasiñ lugararojj jankʼakiw sarjjerista,
wali colerat thayatsa jayaruw sarjjerista, jachʼa thayatsa jallutsa jayaruw sarjjerista” sasa.
9 Jehová Dios Tata, amuyunakap mayjtʼayam, kunanaktï amtapki ukanaksa janikiy phoqasiyamti,+
kuna laykutejj nuwasiñanakampi jan waltʼayasiñanakampwa nayajj markan uñjta.
10 Uruy arumaw jupanakajj* murallanakap patjjan sarnaqapjje,
uka markanjja jan waltʼäwinakaw utji, uka markan jakirinakajj jan wali jaqenakäpjjewa.+
11 Uka marka taypinjja jan waliw utji,
plazapatsa janipuniw tʼaqesiñas ni engañjañas chhaqtkiti.+
12 Insultkitu ukajj janiw mä enemigökiti,+
ukhamäspa ukhajja nayajj aguantiristwa.
Naya contra saytʼaski ukajj janiw mä enemigökiti,
ukhamäspa ukhajja nayajj jupat imantasiristwa.
13 Jan ukasti jumaw uk lurtajja, nayjam mä jaqew uk luri,+
nayajj sum uñtʼkta uka pachpa compañerojaw uk luri.+
14 Jumamp nayampejj wali suma amigöyätanwa,
Diosan utapanjja walja jaqenakamp chikaw sarnaqerïyätanjja.
15 ¡Tukjäwiy jupanakar katjpan!+
Jakkirpach Sepulturar* saraqapjjpan,
kunatï jan walïki ukajj jupanak taypinkiwa, jupanakan chuymapankarakiwa.
16 Ukampis nayajj Diosaruw artʼasëjja,
Jehová Diosasti salvarakitaniwa.+
17 Jaypʼusa, alwasa, chika urusa nayajj llakitätwa, ayqoraktwa,+
Diosasti yanap mayiñatak artʼasitajarojj istʼiwa.+
18 Naya contra nuwasipki ukanakatjja jupaw nayarojj salvitani, sumankañsa churitani,
kuna laykutejj waljaniw naya contra jutapjje.+
19 Diosaw nayarojj istʼitani, juparakiw jupanak contrajj kuns lurani,+
khititï nayratpach tronopan qontʼatäski ukaw uk lurani.+ (Sélah).
Jupanakajj janiw cambiañ munapkaniti,
Diosar jan ajjsarapkäna ukanakajj janiw cambiañ munapkaniti.+
21 Arunakapajj mantequillat sipansa jukʼamp qoñawa,+
ukampis nuwasiñ munañaw chuymapanki.
Arunakapajj aceitet sipansa jukʼamp qoñawa,
ukampis imañapat apsut espadanakjamawa.+
Janipuniw jupajj cheqap sarnaqer jaqen liwisiñapjja* munkaniti.+
23 Ukampis jumajj Dios Tata, wali manqha pʼiyaruw jupanakarojj saraqayäta.+
Wila wartapjjatapat juchanïpki engañjapkaraki uka chachanakajj janiw jakäwinakapat ni chikatsa jakapkaniti.+
Ukampis nayajj jumaruw confiyäma.
Directorataki. “Wali jayankir jan kuns kamsir paloma” siski ukarjama. Davidan salmopa. Miktam.* Kunapachatï filisteonakajj Gat+ markan Davidar katuntapkäna ukhaw jupajj cantäna.
56 Dios Tata, sumakiy uñjita, kuna laykutejj jaqew nayarojj atacaskitu.
Sapüruw jupanakajj naya contra nuwasipjje, tʼaqesiyapjjarakituwa.
2 Naya contra saytʼasirinakajj sapüruw atacapjjetu,
waljaniw jachʼa jachʼa tukusajj nayamp nuwasipjje.
3 Kunapachatï ajjsarayaskta ukhajja,+ jumaruw nayajj confiyasta.+
4 Diosaruw nayajj confiyasta, aruparus jachʼañcharaktwa,
Diosaruw nayajj confiyasta, janiw ajjsarkti.
¿Aleq jaqejj kamacharakitaspasti?+
5 Sapüruw jupanakajj jan waltʼayapjjetu,
nayar jan waltʼayañakwa amtasipki.+
6 Nayar atacañatakiw jupanakajj imantasipjje.
7 Jan wali luratanakap laykojj jupanakar apanukum.
Dios Tata, colerasitam laykojj markanakar castigam.+
8 Kunjamsa mä lugarat yaqha lugarar nayajj sarta uk jumajj uñjasktawa.+
Jachanakajsa lipʼichit lurat wayaqamaruy apthapim.+
Llakinakajsa libromaruw jumajj qellqanttajja.+
9 Kunapachatï nayajj yanap mayiñatak artʼasinkäma uka urunwa enemigonakajajj sarjjapjjani.+
Diosaw nayamp chikäski, janiw nayajj uka toqet payachaskti.+
10 Diosaruw nayajj confiyasta, aruparus jachʼañcharaktwa,
Jehová Diosaruw nayajj confiyasta, aruparus jachʼañcharaktwa.
11 Diosaruw nayajj confiyasta, janiw ajjsarkti.+
¿Aleq jaqejj kamacharakitaspasti?+
12 Dios Tata, kuntï arskayäsma uka promesa phoqañwa nayajj munta,+
nayajj yuspärañ arunakwa jumar loqtäma.+
13 Kuna laykutejj jumaw jiwañat salvistajja,+
kayunakajan jan lanktʼasiñapatakis jumaw jarkʼaqtajja,+
ukhamat nayajj jakaskakiñajataki ukhamarak Dios nayraqatan sarnaqaskakiñajataki.+
Directorataki. “Jan tukjamti” siski ukarjama. Davidan salmopa. Miktam.* Kunapachatï Davidajj Saúl chachat escapasin mä qollu pʼiyar imantaskäna ukhaw jupajj cantäna.+
57 Sumakiy nayar uñjita, Dios Tata, sumakiy uñjita.
Kuna laykutejj jumaruw imantasta,+
jan waltʼäwinak pasañapkamajj chheqanakaman chʼiwiparuw imantasta.+
2 Jachʼa Diosaruw nayajj artʼasta,
cheqpach Diosaruw artʼasta, jupaw naya laykojj jan walinak tukjaski.
3 Jupaw alajjpachatpach yanaptʼitani, salvarakitani.+
Nayar atackitu ukan amtanakapjja janiw phoqasiykaniti. (Sélah).
Diosaw munasiñat jan jaytjasirïtapsa, jan apanukusirïtapsa uñachtʼayitani.+
4 Leonanakamp muyuntatätwa,+
manqʼantañ munapkitu uka jaqenak taypin ikiñajawa,
uka jaqenakan lakanakapajj lanzanakaru flechanakar uñtatawa,
lajjranakapasti ari espadar uñtatarakiwa.+
5 Dios Tata, alajjpachanakan jumar jachʼañchaspan,
oraqpachan jumar jachʼañchaspan.+
Jupanakajj naya nayraqatanwa mä pʼiya pʼiysupjje,
ukampis jupanak pachpaw ukar jalantapjje.+ (Sélah).
7 Dios Tata, chuymajajj jumat jan jitheqtiriwa,+
chuymajajj jumat jan jitheqtiriwa.
Nayasti cantäwa, musicwa tukarakëjja.
8 Sartasikimaya, nayan chuymaja.
Cuerdanakan instrumento, jumajj sartasim. Arpa, jumajj sartasirakim.
Wali alwatwa nayajj sartasëjja.+
10 Kuna laykutejj munasiñat jan jaytjasirïtamajj wali jachʼawa, alajjpachanakjam wali altorakiwa,+
jan jaytjasirïtamas qenayanakkamaw puri.
11 Dios Tata, alajjpachanakan jumar jachʼañchaspan,
oraqpachan jumar jachʼañchaspan.+
Directorataki. “Jan tukjamti” siski ukarjama. Davidan salmopa. Miktam.*
58 ¿Kunjamarak amukïsajj kunatï cheqapäki uka toqet parlapjjasmasti?+
Jaqenakan wawanakapa, ¿jumanakajj cheqapar juzgapjjasmati?+
2 Ukat sipansa kunatï jan walïki ukwa jumanakajj chuymanakaman amtapjjtajja,+
kunjamsa oraqen jan walinak lurapjjasma ukakwa amtasipktajja.+
3 Jan wali jaqenakajja nasipki* ukhatpachwa maysar saranukupjje,
nasïwitpach maysar saranukutäpjjewa, kʼarinakäpjjarakiwa.
4 Jupanakan arunakapajj venenoni asirunakan* venenopjamawa,+
jiñchup taptʼasir cobra sat asirjam oqaräpjjewa.
5 Cobra sat asirojj* janiw layqanakarojj istʼkaniti,
uka layqanakajj wali sumsa layqasipkchinejja janiw istʼkaniti.
6 ¡Dios Tata, lakapankir laka chʼakhanakap tʼunsum!
¡Jehová Dios Tata, aka leonanakan quijadanakap pʼakjam!
7 Jupanakajj wañsur umanakjam chhaqtapjjpan.
Diosajj flechtʼañ arcop dobltʼpan, pachpa flechanakapamp liwinukurakpan.
8 Kunjamtï caracolajj sarkäwirojj wañskejja ukham jupanakajj tukupjjpan.
Kunjamtï mä warmin jiwat nasir wawapajj jan inti uñjkejja ukham tukupjjpan.
9 Jumanakajj chʼapinakampiw nina naktayapjjtajja,
ukampis janïr phukunakaman juntʼutatkipanjja, Diosajj mä jachʼa thayampiw chʼojjña chʼapinaksa nakhaskir chʼapinaksa pichanukuni.+
10 Diosan vengasitap uñjasajja cheqap sarnaqer jaqejj kusisiniwa,+
jan wali jaqenakan wilap patjjanwa Diosajj sarnaqarakini.+
11 Ukatjja jaqenakajj akham sapjjaniwa: “Cheqpachapuniw cheqap sarnaqer jaqetakejj mä pagojj utji.+
Cheqpachapuniw oraqenjja juzguir Diosajj utji”+ sasa.
Directorataki. “Jan tukjamti” siski ukarjama. Davidan salmopa. Miktam.* Saúl chachajj mä qhawqha chachanakaruw Davidan utap uñaqer khitäna, ukhamat jiwayañataki.+ Ukhaw Davidajj aka canción cantäna.
2 Jan wali luririnakat salvakitaya,
nuwasir jaqenakat* salvakitaya.
3 Jupanakajj nayaruw muyuntapjjetu,+
chʼamani jaqenakaw atacapjjetu,
ukampis Jehová Dios Tata, janiw kutkatasirïtajatsa ni juchachasirïtajatsa ukhaman uñjaskti.+
4 Janis nayajj kuna jan walsa lurkstjja, jankʼakiw jupanakajj atacañatakejj wakichtʼasipjje.
Jawsanksma ukhajj sartasikimaya, jawsatajarus istʼakimaya.
5 Jehová Dios Tata, ejercitonakan Diosapa, jumaw Israelan Diosapätajja.+
Taqe markanakar castigañatak sartasikimaya.
Traicionasiri jan wali jaqenakatjja jan khuyaptʼayasimti.+ (Sélah).
6 Jupanakajj sapa arumaw kuttʼanipjje,+
anunakjamaw achjasipjje,+ atacañatakiw marka muytpachansa sarnaqapjjaraki.+
7 Kunas lakanakapat mistuni uk uñjam,
jupanakajj akham sapjjewa: “¿Khitirak istʼaskisti?”+ sasa.
9 Nayan Diosaja, jumaw nayan chʼamajätajja, nayasti jumarojj suytʼaskakïmawa,+
kuna laykutejj jumaw nayan seguro imantasiñajätajja.+
10 Munasiñat jan jaytjasirïtap uñachtʼaykitu uka Diosaw nayar yanaptʼañatakejj jutani.+
Diosarakiw naya contra saytʼasirinakarojj qʼala atipjat uñjayitani.+
11 Jupanakar jan jiwarayamti, ukhamat markajajj kuntï jumajj lurkta uk jan armasiñapataki.
Chʼamamampiy mä cheqat yaqha cheqan sarnaqayam,
Jehová Dios Tata, nanakan escudoja,+ jupanakar tukjat uñjasiyam.
12 Jupanakajj arunakapamp juchachasipjjatap laykojj katuntat uñjasipjjpan,
jachʼa jachʼa tukupjjatap layku.+
Maldisipjjatapatsa kʼarisipjjatapatsa katuntat uñjasipjjpan.
13 Coleratay jupanakarojj tukjam,+
jupanakar tukjam, ukhamat jan jukʼamp utj-jjapjjañapataki.
Jacobjjarusa oraqen mä thiyat mä thiyapkamas* Diosaw apnaqaski, uk jupanakar yatiyam.+ (Sélah).
14 Arumaruy jupanakajj kuttʼanipjjpan,
anunakjamay achjasipjjpan, atacañatakis marka muytpachan sarnaqapjjpan.+
15 Mä cheqat yaqha cheqan manqʼa thaqas sarnaqapjjpan,+
jan sistʼasipjjpanti, janirak qorpachasiñatakejj mä lugarsa jikjjatapjjpanti.
16 Ukampis kunja chʼamanïtasa uka toqetwa nayajj cantäjja.+
Alwasti munasiñat jan jaytjasirïtamat kusisitaw yatiyäjja.
Kuna laykutejj jan waltʼäwi tiemponjja jumaw nayan seguro imantasiñajätasa,+
escapañatak mä lugarajätasa.+
17 Nayan Diosaja, jumaw nayan chʼamajätajja, jumaruw alabanzanak cantäma,*+
kuna laykutejj Diosaw nayan seguro imantasiñajajja, munasiñat jan jaytjasirïtap uñachtʼaykitu uka Diosawa.+
Directorataki. “Amtayir lirio panqara” siski ukarjama. Miktam.* Davidan salmopa. Yatichañataki. Aram-Naharaim ukhamarak Aram-Zobá lugaranakankir jaqenakampiw Davidajj nuwasïna, kuttʼasinjja Joab chachajj 12.000 edomitanakaruw Jayu+ sat vallen jiwarayäna. Ukhaw Davidajj aka canción cantäna.
60 Dios Tata, jumajj apanukupjjestawa, aywitatayapjjarakistawa.+
Nanakatakejj coleratäyätawa, ukampis jichhajj ¡wasitat katoqtʼasipjjakitaya!
2 Oraqjja khatatiytawa, payaruw partjaraktajja.
Kʼakʼatäki uka cheqanakjja askichtʼam, kuna laykutejj oraqejj allisiskiwa.
3 Jumaw markamarojj jan walinakamp tʼaqesiytajja.
Khatatiyapkitu uka vino umantayapjjarakistajja.+
4 Jumar ajjsarapktam ukanakarojj mä señal churam,
ukhamat escapapjjañapataki ukhamarak flechanakamp jan waktʼayasipjjañapataki. (Sélah).
5 Munat servirinakaman salvatäpjjañapatakejj
chʼamamampiy salvapjjeta, oracionanakajarus jaysapjjakitaya.+
6 Santo Diosajj* akham siwa:
7 Galaad oraqejj nayankiwa, Manasés tribus nayankarakiwa,+
Efraín tribujj pʼeqejatakejj mä cascowa,
Judá tribujj apnaqañatak thujrujawa.+
8 Moab oraqejj jarisiñ fuentejawa.+
Edom oraqerojj wiskhujampiw* jaqtʼäjja.+
Filistea markar atipjasajj kusisitaw arnaqasëjja”+ sasa.
9 ¿Khitirak muyuntat markar* irpitanisti?
¿Khitirak Edomkamajj irpitanisti?+
10 Dios Tata, ¡jumaw atipjayapjjetäta! Ukampis jichhajj apanukupjjestawa.
Nanakan Diosaja, janiw ejercitonakajampejj mistktati.+
11 Llakin uñjasipkta ukhajj yanaptʼapjjakitaya,
kuna laykutejj jaqenakan salvatäñajj inamayakiwa.+
Directorataki. Cuerdan instrumentonakamp cantañataki. Davidan salmopa.
61 Dios Tata, yanap mayiñatak artʼasitajarojj istʼakimaya.
Oracionajarojj wali amuyump istʼam.+
2 Oraq thiyanakatpachwa* nayajj jumar artʼasinëjja,
kunapachatï chuymajajj wali llakitäkani ukhajj jumaruw artʼasinïma.+
Nayat sipansa jukʼamp jachʼäki uka qarqakam* irpita.+
3 Kuna laykutejj jumaw nayan imantasiñajätajja,
enemigonakajat jarkʼaqer mä jachʼa torrejätawa.+
5 Dios Tata, jumajj promesanakaj istʼtawa.
Sutimar ajjsaririnakar churkta uka herencia nayarojj churistajja.+
6 Reyin jakañaparojj urunakwa jumajj yaptʼäta,+
reyin maranakapajj waljapunïniwa, jutïr walja wawanakjama ukjjar jutapkani uka walja wawanakjam waljapunïniwa.
7 Dios nayraqatanwa jupajj wiñayatak tronor qontʼasini,*+
munasiñat jan jaytjamti ni apanukumsa, ukhamat ukanakajj jupar jarkʼaqañapataki.+
8 Ukatsti sutimatakiw nayajj wiñayatak alabanzanak cantäjja,*+
ukañkamasti sapüruw nayajj promesanakaj phoqäjja.+
Directorataki. Jedutún* ukarjama. Davidan salmopa.
62 Cheqpachansa nayajj amukiw Diosarojj suytʼaskta.
Jupatwa nayan salvacionajajj juti.+
2 Cheqpachansa jupaw nayan qarqajasa,* salvacionajasa, seguro imantasiñajasa,+
janipuniw wali khatatiyat uñjaskäti.+
3 ¿Kunapachkamas mä jaqerojj jiwayañatak atacapjjäta?+
Taqe jumanakajj altʼat perqjam peligrosöpjjtawa, allitattirpach qala perqjamäpjjtawa.
4 Jupar tinkuyañatakejj jupanakkamaw parlakipapjje,
kʼarisiñaw jupanakarojj kusisiyi.
Laka mayakiw jupanakajj bendisipjje, ukampis chuymanakap manqhanjja maldisisipkiwa.+ (Sélah).
5 Cheqpachansa nayajj amukiw Diosarojj suytʼaskta.+
Jupatwa nayan suytʼäwijajj juti.+
6 Cheqpachansa jupaw nayan qarqajasa,* salvacionajasa, seguro imantasiñajasa,
janipuniw nayajj khatatiyat uñjaskäti.+
7 Salvacionajasa, jachʼañchäwijas Diosatwa juti.
Diosaw jachʼa qarqajasa* imantasiñajasa.+
8 Nayan markaja, taqe tiemponsa Diosar confiyam.
Jupa nayraqatan chuymam jistʼaram.+
Diosaw jiwasan imantasiñasajja.+ (Sélah).
9 Jaqenakan wawanakapajj aleq samsuñampi sasipjjakiwa,
jaqenakan wawanakapar imantasiñajj inamayakiwa.+
Kunapachatï jupanakajj balanzar uskutäpki ukhajja, aleq samsuñat sipansa jukʼamp phisnakïpjjewa.+
10 Mayninakar kʼarimp kʼarimp apaqasas nayrar sartapkasma ukham jan amuyapjjamti.
Kuntï lunthatasisajj ganapkasma ukarojj jan inamay confiyasipjjamti.
Utjirinakamatejj jiljjattani ukhajja, jan ukar chuym uchapjjamti.+
11 Pä kutiw nayajj Diosar akham parlir istʼta:
“Diosatwa chʼamajj juti”+ sasa.
12 Jehová Dios Tata, jumajj munasiñat jan jaytjasirïtamwa uñachtʼayaraktajja.+
Kuna laykutejj luratanakaparjamaw sapa maynirojj pagtajja.+
Davidan salmopa. Judá wasarankkäna ukhaw qellqäna.+
63 Dios Tata, jumaw Diosajätajja, jumarojj thaqaskaksmawa.+
Jumar wal munasitaj laykojj nayajj desmayastwa,
wañäki, jan kunas achki, umajj jan utjki uka oraqenwa nayajj desmayasta.+
2 Nayajj sagrado lugaranwa juma toqer uñtaniyäta,
chʼamamsa kʼajkir qhanamsa uñjarakiyätwa.+
3 Jakañat sipansa munasiñat jan jaytjasirïtamaw jukʼamp sumajja,+
pachpa lakajaw jumar jachʼañchätam.+
4 Akhamwa nayajj taqe jakäwijan jumar jachʼañchäma,
sutimjjar artʼasisaw nayajj oración luräma.
5 Kunjamtï mä jaqejj suma manqʼa manqtʼasisin sistʼaskejja, ukhamarakiw nayajj sistʼasëjja.
Kusisitaw lakajajj jumar jachʼañchätam.+
8 Nayajj jakʼamankapuntwa,
kupi amparamajj sumwa nayarojj katjjasitu.+
9 Ukampis khitinakatï nayar jiwayañatak thaqapkitu ukanakajja,
oraq manqharuw saraqapjjani.
10 Jupanakajj espadamp jiwayatäpjjaniwa,
jupanakajj chacal sat animalanakan* manqʼapäniwa.
11 Ukampis reyejja kuntï Diosajj jupa layku lurkani ukatwa kusisini.
Taqe khitinakatï jupan sutipjjaru juramento lurapki ukanakajj wal kusisipjjani,
kuna laykutejj kʼarinak parlirinakan lakanakapajj amuktʼayatäniwa.
Directorataki. Davidan salmopa.
64 Dios Tata, ruwtʼasinksma ukhajj arujarojj istʼakimaya.+
Walpun atacapkitu uka enemigonakajat jakäwijar jarkʼaqtʼakimaya.
2 Kunanaktï jan wali jaqenakajj jamasan naya contra amtasipki ukanakat jarkʼaqtʼakitaya.+
Jan walinak lurir jaqenakat jarkʼaqtʼakitaya.
3 Mä espadar uñtataw jupanakajj lajjranakap afiltʼapjje,
flechanakar uñtataw jan wali arunakapjja flechtʼañatak wakichtʼapjje,
4 ukhamat imantasipki uka lugarat jan juchani jaqer flechtʼañataki.
Mä akatjamatwa uka jaqerojj jan ajjsartʼas flechtʼapjje.
5 Jan wali amtanakapjja janiw jaytañ munapkiti,*
kunjamsa trampanakap imantapjjaspa uka toqetwa parlapjje.
Jupanakajj akham sapjjewa: “¿Khitirak uñjanisti?”+ sasa.
6 Kunjamatsa mayninakarojj jan waltʼayapjjaspa ukjja jupanakajj thaqasipkakiwa,
jan wali amtanakapjja jamasanwa amuytʼapjje,+
sapa maynin chuymanakapan amtanakapajj janiw amuyañjamäkiti.
7 Ukampis Diosaw jupanakarojj flechtʼani.+
Jupanakajj mä akatjamatwa mä flechamp usuchjat uñjasipjjani.
8 Pachpa lajjranakapaw jupanakar tinkuyani,+
taqe khitinakatï uñjapkani ukanakajj jiskʼachasaw pʼeqenakap khiwisipjjani.
9 Ukatjja taqe jaqenakajj wal ajjsarayasipjjani,
kuntï Diosajj lurki ukwa jupanakajj yatiyapjjarakini,
ukatsti kunanaktï Diosajj lurki uka toqetwa sum amuyapjjani.+
10 Cheqap sarnaqer jaqejj Jehová Dios laykuw kusisini, juparuw imantasirakini.+
Taqe khitinakatï cheqap chuymanïpki ukanakajj wal kusisipjjani.
Directorataki. Davidan salmopa. Canción.
65 Dios Tata, jachʼañchatäñaw Sionan suyasktamjja,+
jumar lurapksma uka promesanakwa nanakajj phoqapjjäjja.+
2 Nayan Diosaja, jumajj oracionanak istʼirïtawa, juman ukaruw taqe kasta jaqenakajj jutapjjani.+
4 Khitirutï jumajj ajlliskta, juman ukar irpanirakta ukajj kusisitawa,
juparuw pationakaman jakañapatakejj ajllistajja irpaniraktajja.+
Kuna sumanakatejj utaman utjki ukanakampiw nanakajj sistʼasipjjäjja,+
mä arunjja kuna sumanakatejj sagrado temploman*+ utjki ukanakampiw nanakajj sistʼasipjjäjja.
5 Kunatï cheqapäki uka kawsaw jumajj musparkañ luratanakampejj jaysapjjetäta,+
Dios Tata, jumaw nanakan salvirijätajja.
Oraqpachankir taqe jaqenakaw confiyapjjtamjja,+
lamar qota khurkatat jayankir jaqenakas jumaruw confiyapjjtamjja.
6 Chʼamamampiw jumajj qollunaksa sum uttʼaytajja,
jumajj wali chʼamani Diosätawa.+
7 Wali colerat lamar qotanaksa jumaw tʼakuraytajja,+
jaqkattanir oladanakapsa markanakan ojjotanakapsa* jumaw tʼakuraytajja.+
8 Wali jaya cheqanakan jakirinakas wali suma luratanakamampiw* musparapjjani,+
inti jalsut inti jalantkam jakirinakarojj kusisiñatwa arnaqasiyäta.
9 Oraqjja jumaw sum uñjtajja,
walja achunak achuyasa suma oraqer tukuyasaw oraqerojj sum uñjtajja.+
Umampiw jawiranaksa phoqanttajja,
jaqetakejj manqʼañanakwa achuyaraktajja,+
ukhamwa jumajj oraq wakichtajja.
10 Oraqen sukanakapsa umampiw chʼaranjtajja, qhollit oraqsa jumaw igualachtajja.
Jallu wal purjjatayasaw oraq jasaptaytajja, bendisiraktawa, ukhamat ukar sataskani ukajj alsunisin jiltañapataki.+
11 Aka marjja suma bendicionanakampiw yapjjattajja, mä coronampis apjjatkasma ukhama.
Sarañ thakimajj bendicionanakampi phoqtʼatawa.+
12 Wasarankir pastonakajj walpun chʼojjñatataski,+
jiskʼa qollunakas kusisiñampi isthapitäpjjarakiwa.+
13 Paston lugaranakas uywanakampi phoqantatawa,
vallenakas trigo yapunakampi jantʼaktʼatawa.+
Oraqpachas kusisiñatwa arnaqasi, jïsa, cantiwa.+
Directorataki. Canción. Salmo.
66 Taqe oraqpachankirinaka, kusisiñat arnaqasipjjam, Diosarojj jachʼañchapjjam.+
2 Jachʼa sutipatakejj alabanzanak cantapjjam.*
Alabanzampi jupar jachʼañchapjjam.+
3 Diosarojj akham sapjjam: “¡Luratanakamajj kunja musparkañasa!+
Wali chʼamanïtam laykojja,
khatattʼasisaw enemigonakamajj juman ukar jutapjjani.+
4 Taqe oraqpachankirinakaw juma nayraqatan altʼasipjjani.+
Jupanakajj alabanzanakwa cantapjjätam,
jupanakajj alabanzanakwa sutimatakejj cantapjjani”+ sasa. (Sélah).
5 Jutapjjam, Diosan luratanakap uñjapjjam.
Kuntï jupajj jaqenakan wawanakap laykojj lurki ukajj wali musparkañawa.+
6 Diosaw qotjja waña oraqer tukuyäna.+
Jupanakajj kayukiw* jawir paskatapjjäna.+
Ukanwa kuntï Diosajj jiwas laykojj lurkäna ukat kusisiyätanjja.+
7 Jupajj wali chʼamaniwa, gobiernopas wiñayatakiwa.+
Nayranakapajj markanakjjaruw uñchʼukisinki.+
Jan istʼasiñ munapki ukanakajj janiw jupanak pachpajj jachʼañchasipjjañapäkiti.+ (Sélah).
8 Markanaka, Diosasar jachʼañchapjjam,+
jupan jachʼañchatätapjja taqen istʼapjjpan.
10 Dios Tata, jumaw chuymanakaj uñantapjjestajja.+
Kunjamtï qollqe metalajj ninampi qʼomachañäkejja, ukhamwa nanakar qʼomachapjjestajja.
11 Jumajj katuñ qänaruw* apantapjjestajja,
aynachtʼayir mä jathi qʼepimpiw apjjatapjjestajja.
12 Jumaw jaqenakarojj nanakar takichasipjjañapatak jayttajja.
Nanakajj nina taypi ukhamarak uma taypiw jutapjjta,
jumasti mä seguro lugararuw irpanipjjestajja.
13 Nayajj enterpach nakhantayat ofrendanakampiw+ utamar mantäjja,
kuna promesanaktï nayajj lurkta ukanakwa phoqäma,+
14 lakajajj arskäna,+
llakinkkasin lakajajj arskäna uka promesanakwa phoqäma.
15 Likʼi animalanakwa nakhantayat ofrendat jumar loqtäma,
orqo ovejanakampwa sacrificiot loqtäma.
Toronakampi orqo cabranakampwa loqtäma. (Sélah).
16 Diosar ajjsaririnaka, taqeni jutapjjam, istʼapjjarakim,
kuntï Diosajj naya layku lurkäna ukwa yatiyapjjäma.+
17 Lakajampiw juparojj artʼasiyäta,
lajjrajampiw juparojj jachʼañcharakiyäta.
18 Nayatï chuymajan kunatï jan walïki uk imjjasiriskayäta ukhajja,
Jehová Diosajj janiw istʼkitaspänti.+
20 Diosajj jachʼañchatäpan, jupajj janiw oracionaj apanukkänti,
munasiñat jan jaytjasirïtap jupajj uñachtʼayitänwa.
Directorataki. Cuerdan instrumentonakamp cantañataki. Salmo. Canción.
67 Diosaw jiwasarojj sum uñjistani, bendisirakistaniwa,
jiwasatjja khuyaptʼayasirakiniwa.+ (Sélah).
2 Ukhamatwa thakimajj taqe oraqpachan uñtʼatäni,+
ukhamarak taqe markanakajj salvir Diosätam yatipjjani.+
3 Dios Tata, markanakajj jumar jachʼañchapjjpan,
taqe markanakajj jumar jachʼañchapjjpan.
4 Markanakajj kusisipjjpan, kusisiñat arnaqasipjjarakpan,+
kuna laykutejj jumaw markanakarojj cheqapar juzgäta.+
Oraqenkir markanakarus jumaw irparakïta. (Sélah).
5 Dios Tata, markanakajj jumar jachʼañchapjjpan,
taqe markanakajj jumar jachʼañchapjjpan.
7 Diosaw jiwasarojj bendisistani,
ukatjja oraqpachankir taqe jaqenakaw jupar ajjsarapjjani.+
Directorataki. Davidan salmopa. Canción.
68 Diosajj sartasikpanaya, enemigonakapas aywitatayat uñjasipjjpan,
khitinakatï jupar uñisipki ukanakas jupa nayraqatat escapapjjpan.+
2 Kunjamtï thayajj jewqʼer apanukkejja ukhamarak jupanakar apanukum,
kunjamtï likʼejj nina nayraqatan umatatkejja,
ukhamarak jan wali jaqenakajj Dios nayraqatan tukusipjjpan.+
3 Ukampis cheqapar sarnaqer jaqenakajj kusisipjjpan,+
Dios nayraqatan wal kusisipjjpan,
kusisiñat wal kʼuchisipjjpan.
4 Diosar cantapjjam, sutipatak alabanzanak cantapjjam.*+
Khititï wasar pampnam pasaski ukar cantapjjam,
5 Jupajj jan awkini wajchanakan* awkipawa, viudanakan jarkʼaqeriparakiwa,*+
sagrado utjäwipanjja Diosajj ukhamawa.+
6 Jan yanapirinïpki ukanakarojj Diosajj mä utwa jakañatakejj churi,+
juparakiw presonakarojj libre jayti, sum sartapjjañapatakis yanaptʼi.+
Ukampis jan istʼasiñ munirinakajj* waña oraqenwa jakapjjañapa.+
7 Dios Tata, kunapachatï jumajj markamar irpkayäta,+
wasarnam sarkayäta ukhajja, (Sélah)
8 oraqejj khatatïnwa,+
Dios nayraqatanjja walipuniw alajjpachat jallojj purintäna,*
Dios nayraqatanjja Sinaí qollus khatatirakïnwa, Israelan Diosap nayraqatana.+
9 Dios Tata, jumajj walpun jallu purintaytajja,
qarita markamarojj* jumaw chʼamañchtʼaraktajja.
10 Jupanakajj carpanakamanwa jakapjjäna,+
Dios Tata, suma chuymanïtamatwa pobrerojj kunatï wakiski uk churtajja.
11 Jehová Diosaw markaparojj mä mandato churi,
suma yatiyäwinak yatiyir warminakajja mä jachʼa ejercitöpjjewa.+
12 ¡Reyinakasa ejercitonakapas escapapjjewa,+ jupanakajj escapapjjewa!
Utapan quedasir warmejj kunanakatï saqueysuski ukanakat katoqarakiwa.+
13 Chachanaka, jumanakajj campamenton nina aqaskir taypinsa winktʼatäpkchiyätajja,
mä paloma katoqapjjäta, uka palomajj qollqe metal chheqanïniwa,
chheqanakapan phuyunakapas suma qorïniwa.
14 Kunapachatï Taqe Chʼamani Diosajj aka oraqenkir reyinakar aywitataykäna ukhajja,+
Zalmón qollunjja khunuw purjjatäna.*
15 Basán+ qollojja Diosan qollupawa,
Basán qollojja puntanakani mä qolluwa.
16 Puntanakani qollunaka, ¿kunatsa envidiasis uñchʼukipjjta,
kunatsa Diosajj jakañatak ajlliski uka qollu toqer envidiasis uñchʼukipjjta?+
Cheqpachansa wiñayatakiw Jehová Diosajj uka qollun jakani.+
17 Guerran nuwasiñatak Diosan carronakapajja, jan jaktʼkaña waljapuniwa.+
Jehová Diosajj Sinaí qollutwa sagrado lugarar juti.+
18 Jumajj alto lugararuw makattajja,+
presonakwa apastajja,
mä regalor uñtatwa chachanak katoqtajja,+
Jah Dios Tata, jan istʼasiñ munir chachanakarus katoqtawa,+ ukhamat jupanak taypin jakañataki.
19 Jehová Diosajj jachʼañchatäpan, sapüruw jupajj qʼepinakas api,+
jiwasar salvir cheqpach Diosasajj jachʼañchatäpan. (Sélah).
20 Cheqpach Diosajj jiwasatakejj salvir Diosawa,+
Taqe Kunjjar Munañani Jehová Dios Tatajj jiwañat salvir Diosawa.+
21 Jïsa, Diosajj enemigonakapan pʼeqenakapwa tʼunjani,
22 Jehová Diosajj akham siwa: “Basán+ oraqetpachwa wasitat jupanakar irpanëjja,
lamar qota manqhatpachwa mayampi jupanakar irpanëjja,
23 ukhamat kayunakamajj enemigonakaman wilap takichasiñapataki+
ukhamarak anunakaman lajjranakapajj enemigonakan wilap jallqʼapjjañapataki” sasa.
24 Dios Tata, jupanakajj markaman marchatanakapwa uñjapjje,
nayan Reyija, sagrado lugarar+ marchasin mantaskirwa jupanakajj uñjapjje.
25 Cantirinakaw nayraqat sarapjje, jupanak qhepansti musiconakaw cuerdan instrumentonak tukapjje.+
Jupanak taypinjja tawaq warminakaw panderetanak tukasipkaraki.+
26 Jachʼa congregacionan* Diosar jachʼañchapjjam.
Israelat jutirinaka, Jehová Diosar jachʼañchapjjam.+
27 Ukanwa Benjamín+ jiskʼa tribujj jupanakjjar apnaqaski,
Judá tribunkir principenakapajj kusisiñat arnaqasiskir walja jaqenakapampiw apnaqaski,
Zabulón tribunkir principenakapasa Neftalí tribunkir principenakapas apnaqasipkarakiwa.
28 Juman Diosamajja jumar chʼam churasiñapatakiw arsuwayi.
Dios Tata, chʼamam uñachtʼayam, kunjamtï jumajj nanak layku lurkta ukhama.+
30 Cañanak taypin jakir salvaje animalanakar toqenoqam,
walja toronakampiru+ vaca qallunakapampir toqenoqam,
markanakajj pʼeqenakap altʼasipjjañapkama ukhamarak qollqe metalanak apanipjjañapkama.*
Ukampis khitinakatï guerrat kusisipki ukanakarojja jupajj aywitatayiwa.
31 Kunanakatï broncet luratäki ukanakwa Egiptot apsusini,*+
Cus markajj Diosar regalonak churañatakejj apurtʼasiniwa.
32 Oraqenkir reinonaka,* Diosar cantapjjam,+
Jehová Diosar alabanzanak cantapjjam,* (Sélah)
33 alajjpachanakan nayra alajjpachapan pasaski uka Diosar cantapjjam.+
¡Uñtapjjam! Jupajj chʼamani arupwa wali jachʼat suynayi.
34 Diosajj kunja chʼamanisa ukar iyawsapjjam.+
Jupajj Israel markjjaruw apnaqe,
chʼamapas alajjpachanakanwa* uñjasi.
35 Jaqenakajj Diosarojj ajjsarapjjañapawa, respetapjjañaparakiwa,+ jupajj jachʼa santuariopankiwa.
Jupajj Israelan Diosapawa,
jupaw chʼamsa markapar churi.+
Diosar jachʼañchapjjam.
Directorataki. “Lirio panqaranaka” siski ukarjama. Davidan salmopa.
69 Dios Tata, salvakitaya, umanakajj ajjskatayañ munapjjetu.+
2 Siniya* manqharuw nayajj chhaqarantta, kawkjantï waña oraqejj jan utjki ukaruw chhaqarantta.+
Uma manqharuw mantta,
ukatjja wali chʼamampi sarir umaw aparakitu.+
3 Arnaqaskäwejj wali qaritätwa,+
mallqʼajas chhajantatawa.
Diosajar suykäwejj nayranakajas wali qaritawa.+
Khitinakatï jiwayañ munapkitu ukanakajja,
mä arunjja traicionapkitu uka enemigonakajajj waljanëjjapjjewa.
Kuntï nayajj jan lunthatkta uk kuttʼayañatakiw obligapjjetu.
5 Dios Tata, kuntï nayajj jan amuytʼasis lurkta ukanakjja jumajj sum yattajja,
nayan juchajajj janiw jumat imantatäkiti.
6 Jumar suytʼirinakajj jan naya laykojj phenqʼachat uñjasipjjpanti,
Taqe Kunjjar Munañani Dios Tata, ejercitonakan Jehová Diosapa.
Jumar thaqerinakajj jan naya laykojj jiskʼachat uñjasipjjpanti,
Israelan Diosapa.
8 Jilanakajatakejj nayajj jan uñtʼat jaqekïtwa,
taykajan wawanakapatakejj extranjero jaqekïtwa.+
9 Utamaru taqe chuyma munañaw tukuntitu,+
khitinakatejj jumar jiskʼachapktam ukanakan jiskʼachatanakapajj nayjjaruw juti.+
10 Kunapachatï ayuno lurasin naya pachpa humillaskayäta* ukhajja,
uka luratajat kʼumipjjetänwa.
11 Kunapachatï llakisiñ isimpi* isthapiskayäta ukhajja,
jupanakajj jiskʼachapjjetänwa.
12 Marka punkun qontʼasipki ukanakajj nayjjatwa parlasipjje,
machat jaqenakas nayjjatwa cancionanakap cantapjje.
13 Ukampis oracionajajj juman ukar purpan,
Jehová Dios Tata, oracionajajj suma tiempon juman ukar purpan.+
Dios tata, wali munasiñat jan jaytjasirïtamat
jaysakitaya, confiykañ salvir Diosätam uñachtʼayakimaya.+
14 Ñeqʼet salvakitaya,
janikiy chhaqaranttañaj munamti.
Uñisipkitu ukanakat salvakitaya,
uma manqhatsa salvakitaya.+
15 Wali chʼamampi sarir umanakajj janikiy nayar apañap munamti,+
janirak manqha umanakas nayar manqʼantañap munamti,
janirakiy phujojj nayjjar lakap jistʼantañap munamti.+
16 Jehová Dios Tata, jaysakitaya, munasiñat jan jaytjasirïtamajj wali sumawa.+
Wali khuyapayasirïtam laykojj naya toqer kutikipstanikimaya,+
17 janirak servirimatjja ajanum imantasimti.+
Nayan jan walinkataj laykojj jankʼakiy jaysanita.+
18 Nayar jakʼachasisin salvakitaya.
Enemigonakajat salvakitaya.
19 Jumaw nayan jiskʼachata ukhamarak humillat uñjasitaj yattajja.+
Jumarakiw naya contra saytʼasirinakarojj uñjtajja.
20 Jiskʼachat uñjasitaj laykojja chuymajajj pʼakintatawa, usuchjapkitu ukajj jan qollkañawa.
Nayat khuyaptʼayasipjjañapwa suyaskayäta, ukampis janiw khitis utjkänti,+
chuymachtʼirinakwa suyaskayäta, ukampis janiw utjkänti.+
21 Nayarojj manqʼa lantejj veneno* churapjjetu,+
umat pharjatäkayäta* ukhajja, umtʼañajatakejj vinagre churapjjetu.+
22 Jupanakan mesapajj pachpa trampapar tukpan,
nayrar sartapjjatapajj mä sipitar tukpan.+
23 Nayranakapas chʼamaktʼayatäpan, ukhamat jan uñjapjjañapataki,
caderanakapsa khatatiyapunim.
24 Colerasiñamjja jupanakjjar warjjatanim,
wali colerasitamas jupanakar jikjjatpan.+
26 Khitirutï jumajj usuchjkta ukaruw jupanakajj arktapjje,
khitinakarutï jumajj usuchjkta ukanakan tʼaqesitanakapatjja jupanakajj parlasipkakiwa.
27 Juchanakapatjja jukʼamp juchamp jupanakar yapjjatam,
janirak cheqapar sarnaqer jaqet jumamp uñjatäpjjpanti.
28 Jupanakajj jakirinakan libropat* borrsutäpjjpan,+
janirak cheqap sarnaqer jaqenak taypin qellqantatäpjjpanti.+
29 Nayajj llakitätwa, tʼaqesiskaraktwa.+
Salvakitaya, Dios Tata, jarkʼaqtʼita.
30 Diosan sutipatakiw alabanzanak cantäjja,
yuspärasaw jachʼañchäjja.
31 Ukaw mä torot sipansa Jehová Diosar jukʼamp kusisiyani,
wajjranakani sillunakani torillot sipansa jukʼampiw kusisiyani.+
32 Llampʼu chuymaninakaw* uk uñjapjjani, kusisipjjarakiniwa.
Diosar thaqerinaka, chuymanakamajj jakatatpan.
34 Alajjpachasa oraqesa Diosar jachʼañchapjjpan,+
lamar qotanakasa, ukanakan taqe jakirinakas jupar jachʼañchapjjpan.
35 Kuna laykutejj Diosaw Sionar+ salvani,
jupaw Judá oraqenkir markanaksa wasitat saytʼayani,
jupanakaw ukan jakapjjani, katuntapjjarakini.
36 Diosan servirinakapan jutïr wawanakapaw uka oraq herenciat katoqapjjani,+
jupan sutipar munasirinakaw+ ukan jakapjjarakini.
Directorataki. Davidan salmopa. Amtayañataki.
70 Dios Tata, salvakitaya,
Jehová Dios Tata, nayar yanaptʼañatakejj jankʼak jutakimaya.+
2 Khitinakatï nayar jiwayañatak thaqasipkitu ukanakajj
phenqʼachatäpjjpan, jiskʼachatäpjjarakpan.
Khitinakatï jan waltʼäwinakajat kusisipki ukanakajj
jiskʼachat kuttʼjjapjjpan.
3 Khitinakatï “¡jumajjay ukar purtʼasiñatakejj juchanïskstajja!” sasin sapki ukanakajja,
phenqʼachat kuttʼayatäpjjpan.
4 Ukampis khitinakatï jumar thaqasipktam ukanakajja
juma laykojj kʼuchisipjjpan, kusisipjjarakpan.+
Kunjamsa jumajj salvta ukar munasirinakajj akham sapjjapunpan:
“¡Diosajj jachʼañchatäpan!” sasa.
5 Ukampis nayajj jan khiti yanapirini ukhamarak pobre jaqëtwa,+
Dios Tata, jankʼakiy naya favorajj kuns luram.+
Jumaw nayan yanapirijätajja, salvirijätasa.+
Jehová Dios Tata, janikiy tardasimti.+
71 Jehová Dios Tata, nayajj jumaruw imantasta.
Janipuniw nayajj phenqʼachat uñjaskäti.+
2 Cheqapar uñjirïtam laykojj salvakitaya.
Jiñchum naya toqer altʼayanim,* salvarakita.+
3 Jachʼa qarqankir* mä imantasiñar nayatak tukum,
kawkirutï sapa kuti mantkirista uka imantasiñaruy tukum.
Nayar salvañatak mä mandato churam,
kuna laykutejj jumaw nayan jachʼa qarqajätasa jachʼa perqanakamp muyuntat markajätasa.+
4 Nayan Diosaja, jan wali jaqen amparapat salvakitaya,+
ina chʼusat tʼaqesiyir jaqen amparapat salvakitaya.
5 Taqe Kunjjar Munañani Jehová Dios Tata, jumaruw nayajj suytʼasksma,
waynäskayäta ukhatpachwa nayajj jumar confiyassma.+
6 Nayajj naskayäta ukhatpachwa jumar confiyassma,
jumaw mamajan purakapat apsusistajja.+
Nayajj jumar jachʼañchapunsmawa.
7 Kunatï nayar paskitäna uk uñjasajj waljaniw musparapjjäna,
ukampis jumaw imantasiñajätajja.
8 Lakajajj jumatak alabanzanakampi phoqantatawa,+
sapüruw kʼajkir qhanamat nayajj yatiyta.
9 Nayajj awkiptjjä* ukhajja janikiy apanuktʼasistati,+
chʼamajajj tukusjjani ukhajj janikiy jaytanuktʼasistati.+
10 Enemigonakajajj naya contraw parlapjje,
jiwayañatak thaqapkitu ukanakas naya contraw mayachtʼasipjje,+
11 akham sapjjewa: “Diosajj jupar apanukjjewa.
Arktasin katuntapjjam, janiw jupar khiti yanapiris* utjkiti”+ sasa.
12 Dios Tata, janikiy nayat jayan quedasimti.
Nayan Diosaja, nayar yanaptʼañatakejj apurtʼasinikimaya.+
13 Naya contra saytʼasirinakajj
phenqʼachat uñjasipjjpan, tukusipjjarakpan.+
Jan walin uñjasiñaj thaqapki ukanakajj
phenqʼachata jiskʼachat uñjasipjjpan.+
14 Ukampis nayajj suytʼaskakïwa,
nayrat sipansa jukʼampiw jachʼañchäma.
15 Lakajajj cheqapar uñjir Diosätamatwa parlani,+
sapüruw lakajajj salvir Diosätamat parlani,
16 Nayasti sarasinwa kunanaktï chʼamamampi lurkta ukanakat parläjja,
Taqe Kunjjar Munañani Jehová Dios Tata.
Cheqapar uñjir Diosätamatwa nayajj parläjja, uka toqetakwa parläjja.
17 Dios Tata, nayajj waynäskayäta ukhatpachwa jumajj yatichistajja,+
jichhakamas musparkañ luratanakamat yatiyaskaktwa.+
18 Dios Tata, kunapachatï nayajj awkiptjjä, janqʼo ñikʼutanëjjarakï ukhajj janikiy apanuktʼasistati.+
Jutïr wawanakar chʼamamat yatiyañajatak jaytakitaya,
taqe jutïrinakar chʼamamat yatiyañatak jaytakitaya.+
19 Dios Tata, cheqapar uñjirïtamajj wali altokamaw puri,+
jumajj musparkañanakwa lurtajja.
Dios Tata, ¿khitirak jumjamasti?+
20 Walja tʼaqesiñanaksa jan walinaksa+ uñjaykchistajja,
mayamp chʼamañchtʼakitaya,
21 Jachʼañchäwijsa jiljjattayakimaya,
muyuntasin jarkʼaqtʼita chuymachtʼarakita.
22 Cuerdanakan instrumentompiw nayajj jachʼañchäma,
nayan Diosaja, jan apanukurïtam laykuw jachʼañchäma.+
Arpampiw alabanzanakam cantäjja,*
Israelan Santo Diosapa.
23 Alabanzanak jumatak cantkasajja kusisitaw lakajajj arnaqasini,+
kuna laykutejj jumaw jakäwij salvtajja.+
24 Lakajajj uru jurnälaw cheqapar uñjirïtamat parlani,*+
jiwayañatak thaqapkitu ukanakajj phenqʼachata jiskʼachataw uñjasipjjani.+
Salomón chachat parlir mä salmo.
72 Dios Tata, kunanaktï Juezjam amtkta ukanak reyir yaticham,
kunjamtï jumajj cheqapar uñjirïktajja, ukham uñjañapatak reyin yoqapar yaticham.+
3 Qollunakajj markar sumankañ apanipjjpan,
jiskʼa qollunakajj cheqapar uñjatäñ apanipjjpan.
4 Jupajj marka taypinkir humilde jaqenakarojj arjjatpan,
pobre jaqen wawanakaparojj salvpan,
engañjir jaqerojj tukjpan.+
5 Inti utjkipanjja markamajj ajjsarätamwa,
phajjsi utjkipansa ajjsarätamwa,
jutïr wawanakas ajjsarapjjätamwa.+
7 Reyejj apnaqkani uka tiemponjja cheqap sarnaqer jaqejj panqaraniwa,+
phajjsejj jan utj-jjani ukhakamajj sumankañajj waljapuniw utjani.+
8 Reyin apnaqat jaqenakajj mä lamar qotat mä lamar qotkamäniwa,
10 Tarsis toqenkir reyinakasa islanakan reyinakapasa impuesto pagapjjani.+
Saba* ukhamarak Sebá markankir reyinakajj regalonakwa apanipjjani.+
11 Taqe reyinakaw jupa nayraqatan altʼasipjjani,
taqe markanakaw jupar servipjjarakini.
12 Kuna laykutejj jupaw yanaptʼa mayiñatak arnaqasir jaqerojj salvani,
humilde jaqerusa jan khiti yanapirin jaqerus jupaw salvarakini.
13 Humilde jaqetsa pobre jaqetsa sinttʼasiniwa,
pobrenakan jakañ vidapsa salvaniwa.
14 Jupaw tʼaqesiyirinakatsa nuwasir jaqenakatsa jupanakar salvani,
jupanakan wilapajja nayranakapatakejj wali sumäniwa.
15 Jupajj jaya tiempo jakpan, Saba+ markankir qoris jupar churatäpan.
Jaqenakajj jupatak oración lurapjjapunpan,
jupajj sapüru bendisitäpan.
Reyin yapunakapajj Líbano+ qollunakanjamwa panqarani,
markanakanjja jaqenakajj oraqenkir chʼojjña alinakjamaw panqarapjjani.+
17 Reyin sutipajj wiñayatakïpan,+
sutipajja kunjamtï intejj walja tiempotakïkejja, ukham walja tiempotakïpan.
Jupa toqey markanakajj jupanak pachpatak bendición katoqapjjpan,+
taqe markanakajj jupan kusisiñapat yatiyapjjpan.
18 Jehová Diosajj jachʼañchatäpan, Israelan Diosapajj jachʼañchatäpan,+
jupa sapakiw musparkañanak luri.+
Amén, amén.
20 Akjaruw Jesé+ chachan David yoqapan oracionanakapajj tukuyi.
KIMSÏR LIBRO
(Salmos 73-89)
Asaf+ chachan salmopa.
73 Israelatakejja Diosajj wali suma Diosawa, mä arunjja qʼoma chuyman jaqenakatakejj wali suma Diosawa.+
2 Kayunakajajj niyapuniw maysar saranuküna,
kayunakajajj niyapuniw llustʼtäna.+
3 Kuna laykutejj jachʼa jachʼa tukur jaqenakatsa jan wali jaqenakatsa envidiasiyätwa,
kunapachatï jupanakan nayrar sartapjjatap uñjayäta ukhajja, jupanakat envidiasiyätwa.+
6 Ukhamasti jachʼa jachʼa tukuñajj jupanakan collarapawa,+
jupanakajj yaqhanakaruw jan walinak lurapjje, ukajj jupanakan isipjamawa.
7 Kuna sumanaktï jupanakajj manqʼapki uka kawsajja ajanunakapajj wali likʼiwa,
chuymanakapajj jan amuykäna ukat sipansa jukʼampwa jupanakajj jikjjatapjje.
8 Jupanakajj burlasipjjewa, jan walinakwa parlapjjaraki,+
jachʼa jachʼaw tukupjje, yaqhanakarojj tʼaqesiyañampiw amenazapjjaraki.+
9 Alajjpachjam wali altöpkaspas ukhamwa jupanakajj parlapjje.
Oraqen sarnaqkasajja wali wal tuktʼataw sarnaqapjje.
10 Ukatwa Diosan markapajj jupanak toqer saranuku,
walja umanakapatwa umapjjaraki.
11 Jupanakajj akham sapjjewa: “¿Kunjamarak Diosajj yatispasti?+
¿Cheqapunit Jachʼa Diosajj taqe kuns yatispa?” sasa.
12 Jïsa, jupanakajj jan wali jaqenakäpjjewa, kuns facilakwa jikjjatapjje,+
utjirinakapsa jukʼamp waljaptayasipkakiwa.+
13 Cheqpachansa inamayakiw qʼoma chuymanïñatak nayajj chʼamachasta,
jan juchanïtaj uñachtʼayañatakejj inamayakiw amparanakaj jareqasta.+
15 Ukampis nayatï ukanak parliriskayäta ukhajja,
markamaruw nayajj traicioniriskayäta.
16 Kunapachatï uk amuytʼañatak chʼamachaskayäta ukhajja,
nayatakejj ukajj wali llakiskañänwa,
17 Diosan sagrado santuariopar mantasin
kunas jan wali jaqenakarojj jutïrin pasani uk amuytʼkayäta ukapachkamakiw llakit jikjjatasiyäta.
18 Cheqpachansa jumaw llustʼa oraqerojj jupanakar usktajja,+
jupanakasti tinkupjjaniwa, tukjatäpjjarakiniwa.+
19 ¡Mä akatjamatakwa jupanakajj tukjat uñjasipjje!+
¡Jupanakan tukuyäwipajj mä akatjamatawa, jan walipuniwa!
20 Jehová Dios Tata, kunjamtï ikïwit sartasin samkajj armatäkejja,
ukhamwa jumajj sartaskäta ukhajj jupanakat armtʼasjjäta.
22 Nayajj jan amuytʼañ munir jaqëyätwa, janirakiw amuytʼasir jaqëkayätti,
juma nayraqatanjja jan amuytʼasir mä animalar uñtatäyätwa.
23 Ukampis jichhajj juma chiktʼatapunïtwa,
kupi amparajatwa jumajj katjjasistajja.+
25 ¿Khitirak alajjpachanakan nayar yanaptʼañapatak utjaspasti?
Jumat sipansa janiw kunsa aka oraqen munkti.+
26 Cuerpojasa chuymajas aynachtʼaspawa,
ukampis Diosaw chuymajar jarkʼaqe, jupaw nayan qarqajajja* ukhamarak taqe kunatï wiñayatak utjkitu ukasa.+
27 Cheqpachansa khitinakatï jumat jitheqtatäpki ukanakajj jiwapjjaniwa.
Taqe khitinakatï yaqha diosanakar adorañatak* jumar jaytapktam ukanakarojj jiwarayätawa.+
28 Ukampis nayatakejj Diosar jakʼachasiñajj wali sumawa.+
Taqe Kunjjar Munañani Jehová Dios Tatitojj nayan imantasiñajawa,
ukhamat taqe luratanakamat yatiyañajataki.+
Maskil.* Asaf+ chachan salmopa.
74 Dios Tata, ¿kunatsa wiñayatak apanukupjjesta?+
¿Kunatsa jumajj awatkta uka ovejanak contrajj wal colerasta?+
2 Walja tiempo nayrajj ajlliskayäta uka markat amtasikimaya,+
herenciamäñapatak salvkta+ uka tribut amtasikimaya.
Jumajj jakkayäta uka Sion Qollut amtasikimaya.+
3 Jaya tiempotak tukjatäki uka lugarar saram.+
Sagrado lugaranjja enemigojj qʼal tukji.+
4 Tantachasiñ lugaram manqhanjja juma contra saytʼirinakajj wal arnaqasipjjäna.+
Atipjäwit señalanakwa ukar uchasipjje.
5 Jupanakajja hachampi monten qoqanak* apsur jaqer uñtasitäpjjewa.
6 Jupanakajj tantachasiñ lugaran utjkäna taqe uka adornonakjja+ hachanakampi hierrot lurat barranakampiw tʼunthapipjjäna.
7 Santuariomaruw jupanakajj ninamp wiykatapjjäna.+
Sutim apki uka tabernaculorojj oraqer jaqonukusaw jiskʼachapjjäna.
8 Jupanakasa wawanakapas akham sasaw chuymanakapan sapjjäna:
“Diosan utjki taqe uka tantachasiñ lugaranakapajj* phichantatäñapawa, ukanakasti aka oraqenkiwa” sasa.
9 Jiwasan uñjañasatakejj janiw kuna señalanakas utjkiti.
Janiw mä profetas utj-jjeti,
ukanakajj kunapachkamänisa ukjja janirakiw jiwasanak taypinkir jaqenakat maynis yatkiti.
10 Dios Tata, ¿kunapachkamas enemigojj jumat burlasiskakini?+
¿Wiñayatakit enemigojj sutimar jan respetkani?+
11 ¿Kunatarak kupi amparam aythapistasti?+
Pechomäkis ukawjat kupi amparam loqatatasin jupanakar tʼunjam.
12 Diosajj wali nayra tiempotpach Reyijawa,
oraqenjja jupajj jachʼa salviriwa.+
13 Chʼamamampiw jumajj lamar qotjja onjjtaytajja,+
jumarakiw lamar qotankir jachʼa animalanakan pʼeqenakapsa tʼunjtajja.
14 Jumaw Leviatán* sat animalan pʼeqepsa* tʼunjtajja,
ukatsti manqʼapjjañapatakiw markarojj uk churtajja, khitinakatï wasaranakan jakapki ukanakaruw churtajja.
15 Jumaw uma jalsuñapatakisa uma jalañapatakis oraq jistʼartajja,+
walja uma jalir jawiranaksa jumaw wañtʼaytajja.+
16 Urusa arumasa jumankiwa.
Jumarakiw qhansa intsa lurtajja.+
18 Jehová Dios Tata, enemigon burlasitanakapat amtasikimaya,
jan amuytʼasir mä markjamaw sutimarojj jan respetkiti.+
19 Janikiy qhorukutun jakañ vidapjja salvaje animalanakar churamti.
Tʼaqesiyat markaman jakañ vidap janikiy wiñayatak armanukumti.
20 Nanakamp lurkayäta uka pactot amtasikimaya,
kuna laykutejj oraqen chʼamak lugaranakapajj nuwasir jaqenakamp phoqantatawa.
21 Aynachtʼayatäki uka jaqejj janikiy chuymas pʼakintat kuttʼpanti.+
Jan khiti yanapirini jaqempi pobre jaqempejj sutim jachʼañchapjjpan.+
22 Dios Tata, sartasikimaya, juma pachpatak justicia lurasim.
Kunjamsa jan amuytʼasir jaqejj uru jurnäl jumat burlasi uk amtasim.+
23 Kuntï juma contra saytʼasirinakajj parlasipki uk jan armasimti.
Jumar qallasirinakan arnaqasitanakapajj alajjpachkam puriskakiwa.
Directorataki. “Jan tukjamti” siski ukarjama. Asaf+ chachan salmopa. Canción.
75 Yuspärapjjsmawa, Dios Tata, yuspärapjjsmawa,
sutimajj nanak jakʼankiwa,+
jaqenakajj musparkañ luratanakamatwa yatiyapjje.
2 Jumajj akham sistawa: “Juzgañatak mä tiempo nayajj uskta ukhajja,
cheqaparuw juzgta.
3 Kunapachatï oraqesa ukan jakirinakas khatatiñ qalltapjjäna ukhajja,
nayaw columnanakapjja jan onjjtañapatak katjjasiyäta” sasa. (Sélah).
4 Jachʼa jachʼa tukurinakarojj akham sistwa: “Jan jachʼa jachʼa tukupjjamti” sasa.
Jan wali jaqenakarojj akham saraktwa: “Chʼamanakamat* jan jachʼañchasipjjamti.
5 Chʼamanakamat* jan jachʼañchasipjjamti.
Janirak jachʼa jachʼa tukusajj parlapjjamti.
6 Kuna laykutejj jachʼañchasiñajj
janiw inti jalsu toqetsa, inti jalanta toqetsa, aynach toqetsa* jutkiti.
7 Kuna laykutejj Diosaw Juezajja.+
Jupaw mä jaqerojj jiskʼachi, yaqharusti jachʼañcharaki.+
8 Kuna laykutejj Jehová Diosan amparapan mä copaw utji,+
vinojj jopoqeskiwa, suma mezclatarakiwa.
Jupaw uka vino wartani,
ukatsti oraqenkir taqe jan wali jaqenakaw ukjja qʼal umantapjjani”.+
9 Ukampis nayajj wiñayatakiw Diosan luratanakapat yatiyäjja,
Jacob chachan Diosaparuw nayajj alabanzanak cantäjja.*
10 Kuna laykutejj jupajj akham siwa: “Jan wali jaqenakan taqpach chʼamapwa* apaqäjja,
ukampis cheqap sarnaqer jaqen chʼamapajj* jiljjattaniwa” sasa.
Directorataki. Cuerdan instrumentonakamp cantañataki. Asaf+ chachan salmopa. Canción.
76 Judá oraqenjja Diosarojj uñtʼapjjewa.+
Israel markanjja sutipajj jachʼawa.+
3 Ukanwa jupajj nina aqaskir arcon flechanakap pʼakjäna.
Escudsa, espadsa, guerran nuwasiñatak yaqha armanaksa ukanwa pʼakjäna.+ (Sélah).
4 Dios Tata, jumajj walpun kʼajtajja,*
salvaje animalanakani qollunakat sipansa jukʼamp musparkañätawa.
5 Chuymatpach jan ajjsaririnakajj saqueysutäpjjänwa.+
Jupanakajj jiwañanwa iktʼjjapjje,
guerran nuwasirinakajj taqpachaniw jan khiti yanapirinïpjjäna.+
6 Jacob chachan Diosapa, castigatam laykojja,
carro apnaqerisa caballosa jiwañanwa iktʼjjapjje.+
7 Juma sapakiw musparkañ Diosätajja.+
¿Khitirak wali colerasitam aguantaspasti?+
8 Kuntï jumajj Juezjam amtkta ukajj alajjpachatpachwa istʼasïna,+
oraqen jakirinakajj wal ajjsarapjjäna, amukïpjjarakïnwa,+
9 kunapachatï Diosajj juzgañatak sartaskäna ukapacha,
oraqenkir llampʼu chuymaninakar* salvañatak sartaskäna ukapacha.+ (Sélah).
10 Jaqen colerasitapajj juman jachʼañchasiñamatakiw servini.+
Kuntï enemigomajj coleratäkasin qhep qhepa lurkani ukajja juman jachʼañchasiñamatakiw servini.
11 Jehová Diosamarojj promesanakam lurapjjam, ukatsti phoqapjjam,+
taqe khitinakatï jupar muyuntatäpki ukanakajj ajjsarayasis mä regalo apanipjjpan.+
12 Jupaw jachʼa jachʼa tukuri pʼeqtʼirinakarojj jiskʼachani,
oraqenkir reyinakarus jupajj wal ajjsarayi.
Directorataki. Jedutún* ukarjama. Asaf+ chachan salmopa.
77 Jachʼatwa nayajj Diosar artʼasëjja,
Diosaruw nayajj artʼasëjja, jupasti istʼitaniwa.+
2 Nayajj llakitäkta uka urojja Jehová Diosaruw thaqta.+
Arumasti jan qarjtasaw amparanakaj jupa toqer loqtta.
Janiw kunas nayar chuymachtʼkitaspati.
3 Kunanaktï Diosajj lurkäna ukanakat amtasta ukhajja, jupamp suma uñjatäñ wal munta.+
Nayajj llakitätwa, jan chʼamanirakïtwa.+ (Sélah).
4 Jumajj janiw nayranakaj jistʼthapiykistati,
nayajj llakitätwa, janiw parlirjamäkti.
5 Nayra tiempo urunakatwa nayajj amtasta,+
jaya nayra maranakatwa nayajj amtasta.
Aka jisktʼanakan qhanañchäwipjja taqe chuymaw nayajj thaqta.
7 ¿Jehová Diosajj wiñayatakit jiwasar apanukustani?+
¿Janipunit mayampis sum uñj-jjestani?+
8 ¿Munasiñat jan jaytjasirïtapajj wiñayatakit tukusjje?
¿Jutïr wawanakas janipunit Diosan promesap phoqasir uñjapkani?
9 ¿Diosajj jiwasar sum uñjañ armasjjeti,+
jan ukajj colerasitap laykuch jan khuyaptʼayasjje? (Sélah).
10 Nayajj akham saskaktwa: “Akaw nayarojj llakisiyitu:+
Jachʼa Diosajj janiw yanaptʼjjestuti” sasa.
11 Jah Diosan luratanakapatwa nayajj amtasëjja,
nayra tiempon musparkañ luratanakamatwa nayajj amtasëjja.
12 Taqe luratanakamatwa nayajj amuykiptʼäjja,
kunanaktï jumajj lurkta ukanakatwa nayajj wal amuykiptʼarakëjja.+
13 Dios Tata, thakinakamajj sagradowa.
Dios Tata, ¿kawknïr diosarak jumjam jachʼa Diosasti?+
14 Jumaw cheqpach Diosätajja, jumaw musparkañanak lurtajja.+
Jumarakiw markanakarojj chʼamanïtam uñachtʼaytajja.+
15 Chʼamamampiw* markamarojj salvtajja,+
mä arunjja jumaw Jacob chachan wawanakaparusa José chachan wawanakaparus salvtajja. (Sélah).
16 Dios Tata, umanakaw jumar uñjayätamjja,
jumar uñjasinjja onjjtayatäpjjänwa.+
Manqhankir umanakas wal onjjtapjjarakïna.
17 Qenayanakajj um warjjatanipjjäna,
qenayrantat alajjpachanakansa qʼejjo qʼejjonakaw suynarakïna,
lliju llijunakamas flechanakar uñtataw taqe toqer llijtäna.+
18 Qʼejjo qʼejjoman+ suynatapajj carron ruedanakapan suynatapjamänwa,
lliju llijunakas oraqen jakirinakjjaruw qhantʼanirakïna,+
oraqejj khatatïnwa, terremotow utjarakïna.+
19 Thakimajj lamar qota taypnamaw pasäna,+
walja umanak taypiw thakimajj pasäna,
ukampis taktʼasitanakamajj janiw arktañjamäkänti.
Maskil.* Asaf+ chachan salmopa.
78 Nayan markaja, leyijar istʼam.
Lakajan arunakapar jumanakajj istʼapjjam.*
2 Nayajj uñachtʼäwinakampiw arsöjja.
Kunanakatï nayra tiempon imantatäkäna ukanakatwa nayajj qhanañchäjja.+
3 Kunanaktï jiwasajj istʼktan, yatkaraktan,
awk taykasajj yatiyapkarakistu ukanakjja,+
4 janiw wawanakaparojj imtʼkañäniti,
jutïr wawanakaruw yatiyañäni,+
Jehová Diosan suma luratanakapatsa, chʼamapatsa,+
musparkañ luratanakapatsa yatiyañäniwa.+
5 Jupaw Jacob chachan wawanakap taypinjja mä amtäwi usküna,
Israel taypinjja mä ley uskurakïna.
Juparakiw nayra awkinakasarojj mä mandato churäna,
wawanakapar uka toqenakat yatiyasiñapataki.+
6 Ukhamat jutïr wawanakasa,
janïr nasipki uka wawanakas yatipjjañapataki.+
Jupanakasti wawanakaparuw ukanak yatiyapjjarakini.+
7 Ukatjja jupanakajj Diosaruw confiyapjjani,
janirakiw Diosan luratanakapsa armasipkaniti,+
jan ukasti Diosan mandamientonakapwa phoqapjjani.+
8 Jupanakajj janiw nayra awkinakapjamäpkaniti.
Nayra awkinakapajj jan istʼasiri, kutkatasirïpjjänwa,+
uka tiempon jakir jaqenakan chuymanakapajj may may amtirïnwa,+
jupanakajj janiw Diosarojj chuymanakapan confiyapkänti.
9 Efraimitanakajj flechtʼañ arconakamp armantatäpjjänwa,
ukampis nuwasiñ urunjja jupanakajj escapjjapjjänwa.
11 Kuntï Diosajj lurkäna ukjja jupanakajj armasjjapjjänwa,+
jupanakar uñachtʼaykäna uka musparkañ luratanakapatsa armasjjapjjänwa.+
12 Jupanakan nayra awkinakap nayraqatanjja Diosajj musparkañanakwa luräna,+
Egipto oraqena, mä arunjja Zoan oraqena.+
13 Payaruw qotjja jaljtayäna, ukhamat uka taypnam paskatapjjañapataki,
umanaksa perqjamaw saytʼayäna.+
14 Qenayampiw urojj jupanakar irpäna,
nina qhanampiw arum paqarajj irparakïna.+
15 Wasaranjja qarqanakwa* partjäna,
sistʼasipjjañapkamaw um umtʼayarakïna, manqha umanakatsa umapkaspa ukhama.+
17 Ukampis jupanakajj Dios contrajj juchachasisipkakïnwa,
Jachʼa Dios contra saytʼasisajj wasaran juchachasisipkakïnwa.+
18 Jupanakajj chuymanakapanwa Diosarojj qallasipjjäna,*+
wal munapkäna uka manqʼanak wal mayisaw Diosarojj qallasipjjäna.
19 Dios contraw jupanakajj parlapjjäna,
akham sapjjänwa: “¿Diosajj wasaran manqʼañanak churistaspati?”+ sasa.
20 Diosajj mä qarqaruw* jawqʼatatäna,
ukhamat umajj jalsuñapataki ukhamarak jiskʼa jawiranakas jilarañapataki.+
Ukhampachas jupanakajj akham sasaw jisktʼapjjäna: “¿Diosajj tʼantʼa churarakistaspati,
jan ukajj markapar aycha churaspati?”+ sasa.
21 Kunapachatï Jehová Diosajj ukanak istʼäna ukhajja colerasïnwa,+
Jacob contraw mä aqkir nina+ apayanïna,
Israel contraw wal colerasirakïna.+
22 Kuna laykutejj jupanakajj janiw Diosar confiyapkänti,*+
kuntï Diosajj jupanakar salvañatakejj lurkaspäna ukarojj janiw jupanakajj confiyapkänti.
23 Diosasti qenayrantat alajjpachanakaruw mä orden churäna,
ukatjja alajjpachan punkunakapwa jistʼararakïna.
24 Jupanakan manqʼapjjañapatakejj maná tʼantʼa purjjatayaskakïnwa.
Jupasti alajjpachankir manqʼañanakwa jupanakar churäna.+
25 Jaqenakajj chʼamaninakan* tʼantʼapwa manqʼapjjäna,+
Diosajj sistʼasipjjañapkamaw jupanakar manqʼayäna.+
26 Jupajj inti jalsu toqenkir thaywa alajjpachanakan onjjtayäna,
27 Aychjja laqʼa polvor uñtasitwa jupanakjjar purjjatayanïna,
jamachʼinakjja lamar qota lakankir chʼallanakar uñtasitwa purjjatayanïna.
28 Jupanakan campamentop taypiruw puriyäna,
carpanakap taqpach muytpacharuw puriyäna.
29 Jupanakajj sistʼasiñkamaw manqʼapjjäna.
Kuntï munapkäna ukwa Diosajj jupanakar churäna.+
30 Ukampis kuntï munapkäna ukampejj janïraw sistʼasipkänti,
manqʼas lakanakapankaskänwa,
31 ukhaw Diosajj jupanak contrajj wal colerasïna.+
Jupanak taypinkir chʼamani chachanakaruw jiwarayäna,+
Israelankir waynanakaruw jiwarayäna.
32 Ukhampachas jupanakajj jukʼampiw juchachasipjjäna,+
33 Ukatwa Diosajj jupanakan jakañ urunakap tukusiyäna, aleq samsuñäkaspas ukhama.+
Jakañ maranakapsa mä akatjamat pasir jan waltʼañampiw tukusiyäna.
34 Ukampis kunapachatï jupanakat mä qhawqhanir jiwarayäna ukhajja, jupanakajj juparuw thaqtapjjäna,+
kuttʼanisaw Diosar thaqtapjjäna,
35 Diosajj jupanakan Qarqapätap* amtasisaw jupar thaqtapjjäna,+
Jachʼa Diosajj jupanakan Salviripätap amtasisaw jupar thaqtapjjäna.+
36 Ukampis jupanakajj lakanakapampiw Diosar engañjañ munapjjäna,
lajjranakapampejj kʼarinakwa jupar parlapjjäna.
Jupajj sapa kutiw colerap apartayasïna,+
coleramp atipayasiñat sipansa.
39 Kuna laykutejj jaqenakan jañchikïpjjatapwa Diosajj amtasïna,+
kunjamtï thayajj thaytʼasin jan kuttʼankejja* ukar uñtasitakïpjjatapwa amtasïna.
40 ¡Sapa kutiw jupanakajj Dios contra wasaran saytʼasipjjäna!+
¡Sapa kutiw Diosarojj wasaran chuym ustʼayapjjäna!+
42 Diosan chʼamapat* janiw amtasipkänti,
jupanak contra saytʼasirinakat salvkäna uka urut janiw amtasipkänti,+
43 Egipto markan uñachtʼaykäna uka señalanakapatsa,+
Zoan oraqen uñachtʼaykäna uka milagronakapatsa janiw amtasipkänti,
44 kunjamsa Nilo jawiran canalanakap wilar tukuyäna uksa janiw amtasipkänti,+
jaqenakajj janiw uka canalanakapat umtʼirjamäpkänti.
45 Diosajja achusir chhichhillankhanakwa egipcionakar achurañapatakejj apayanïna,+
kʼayranakwa jupanakar jan waltʼayañatakejj apayanirakïna.+
46 Jupanakan yapunakapjja qʼal manqʼsuri langostanakaruw* apjjaruyäna,
trabajis achuyapkäna uka achunakapsa grup grupo sarnaqer langostanakaruw apjjaruyäna.+
47 Jupanakan uvas yapunakapjja chhijchhimpiw qʼal tukjäna,+
sicómoro qoqanakapsa* qala chhijchhimpiw tukjäna.
49 Jupanakatakejj walpun colerasïna,
colerasiñampi llakisiñampwa jupanakjjar apayanïna,
walja angelanakwa jan waltʼayañatakejj khitanirakïna.
50 Colerasitapatakejj mä thakwa jistʼaräna.
Jiwañatsa janiw jupanakar perdonkänti,
jan wali usumpiw* jupanakar jiwarayäna.
51 Ukatjja egipcionakan taqe jilïr yoqall wawanakaparuw jiwarayäna,+
Cam oraqenkir carpanakan nayraqat nasipkäna ukanakaruw jiwarayäna.
52 Ukatsti Egiptotwa markapar irpsüna,+
ovejanakarjamaw wasarnam irparakïna.
53 Diosaw jupanakarojj sum jarkʼaqasin irpäna,
janirakiw ajjsarayasipkänti,+
qotasti enemigonakaparuw chhaqtayäna.+
54 Ukatsti sagrado lugaraparuw jupanakar irpanïna,+
jupajj aka qollunak toqeruw irpanïna, ukanaksti kupi amparapampiw jikjjatäna.+
55 Jupanak nayraqatanwa markanakarojj alisnuküna,+
mediñ pitampiw jupanakarojj herencia jalanoqäna,+
Israelan tribunakaparojja utjäwinakaparjamaw uttʼayäna.+
56 Ukampis jupanakajj Jachʼa Diosarojj qallasisipkakïnwa,* jupa contras saytʼasisipkakïnwa,+
amtayäwinakaparus janiw istʼapkänti.+
57 Jupanakasti Diosat jitheqtapjjarakïnwa, nayra awkinakapjam traicioneröpjjänwa.+
Jupanakajj lluchhu flechtʼañ arcor uñtasit jan confiykayäpjjänwa.+
58 Jupanakajj alto lugaranakan falso diosanakar adorasajj* Diosar colerayasipkakïnwa,+
idolonakapampiw juparojj wal colerayapjjäna.+
59 Uk uñjasasti Diosajj wal colerasïna,+
ukatwa Israel markarojj qʼal apanuküna.
60 Ukatjja Diosajj Siló+ markankir tabernaculjja apanukuwayjjänwa,
mä arunjja jupajj jakkäna uka carpjja apanukuwayjjänwa, uka carpanwa jupajj jaqenak taypin jakäna.+
61 Diosajj enemigonakapan arca apasipjjañapatakiw jaytäna,
kʼajkir qhanapsti jupa contra saytʼirinakan amparaparuw katuyjjäna.+
63 Waynanakarojj ninaw qʼal nakhantäna,
virgen tawaqonakatakejj janiw kuna casarasiñ cancionanakas cantaskänti.*
65 Ukatjja Jehová Diosajj ikitsa sartkaspa ukhamwa sartäna,+
kunjamtï guerran nuwasir mä chachajj+ walja vino umantasajj ikit sartki ukhama.
66 Diosajj jupa contra saytʼirinakarojj qheparuw jittʼayäna,+
wiñayatakiw phenqʼachat uñjasiyäna.
67 Jupajj José chachan wawanakaparojj* apanukünwa,
Efrainan tribuparojj janiw ajllkänti,
68 jan ukasti Judá+ chachan tribuparuw ajllïna,
mä arunjja Sion Qolluruw ajllïna, jupajj munaski ukaru.+
69 Santuariopjja alajjpachanakjam jan tukuskirwa luräna,+
kunjamtï oraqjja wiñayatak uttʼayki ukhama.+
70 Jupajj David+ serviriparuw ajllïna,
oveja uyunak taypitwa juparojj ajllïna,+
71 qallun ovejanak uñjaskäna uka taypitwa juparojj ajllïna,
ukatjja Jacobjjaruw awatirit uttʼayäna, mä arunjja markapjjaruw awatirit uttʼayäna,+
Israeljjarusa, mä arunjja herenciapjjarus awatiritwa uttʼayarakïna.+
Asaf+ chachan salmopa.
79 Dios Tata, markanakajj munkir jan munkiriw herenciaman ukar* mantapjje,+
sagrado templomsa qʼañuchapjjewa,+
Jerusalén markarojj qʼala tʼunjat markaruw tukuyapjje.+
2 Servirinakaman jiwat cuerponakapjja aycha manqʼani jamachʼinakaruw manqʼapjjañapatak churapjje,
jumat jan jitheqtir jaqenakan jiwat cuerpopjja salvaje animalanakaruw churapjjaraki.+
3 Wilanakapjja Jerusalén muytpacharuw umar uñtat waranukupjje,
jupanakar imtʼjjañatakejj janiw ni maynis jiltʼkiti.+
4 Vecinonakajas jiskʼachapjjetuwa,+
nanak muytpachan jakirinakas phenqʼachapjjetuwa, larusipjjarakituwa.
5 Jehová Dios Tata, ¿kunapachkamarak jumajj colerasïtasti? ¿Wiñayatakit colerasïta?+
¿Kunapachkamarak colerasitamajj ninjam aqanisti?+
7 Kuna laykutejj Jacoburuw jupanakajj manqʼantapjje,
jupajj naskäna uka markapsa qʼalwa tʼunjapjje.+
8 Nayra awkinakajan pantjasitanakap kawsajj janikiy castigapjjestati.+
Jankʼakiy khuyapayasiñam uñachtʼayapjjeta,+
kuna laykutejj nanakajj wali jiskʼachataw uñjasipjjta.
9 Nanakar salvir Dios Tata,+ yanaptʼapjjakitaya,
jachʼa sutim laykojj yanaptʼapjjeta.
Sutim laykojj salvapjjakitaya, juchanakajsa perdontʼapjjakitaya.*+
10 Markanakajj kunatsa akham sapjjañapa: “¿Kawkinkarak jupanakan Diosapasti?”+ sasa.
Nanak nayraqatan markanakajj yatipjjpan,
servirinakaman wila wartasitapatjja vengatäjjewa.+
11 Preso katuntat jaqen llakirtʼasitaparojj istʼakimaya,+
jiwayañatak juchañchat jaqerus jachʼa chʼamamampiy* salvam.+
12 Vecinonakajarojj paqallq kuti castigam.+
Jehová Dios Tata, juma contra burlasipjjatap layku jupanakar castigam.+
13 Nanakajja, juman markamajja, mä arunjja pastomankir uywanakamajj+
wiñayatakiw jumar yuspärapjjäma.
Nanakasa jutïr wawanakan wawanakapas jumaruw jachʼañchapjjäma.+
Directorataki. “Lirio panqaranaka” siski ukarjama. Amtayañataki. Asaf+ chachan salmopa.
80 Israelan Awatiripa, istʼakimaya,
jumaw Josearojj mä tama uywarjamajj irpasktajja.+
4 Ejercitonakan Jehová Diosapa, ¿kunapachkamarak markamatak wal colerasïta, oracionapsa jan istʼkarakïta?+
5 Jachanakjja tʼantʼäkaspas ukhamwa manqʼayapjjestajja,
jachanakjja umäkaspas ukhamwa umayapjjestajja.
6 Oraqenakajat nuwasipjjañapatakiw vecinonakajar jayttajja,
munañanakaparjamaw enemigonakajajj nanakat burlasisipkaki.+
7 Ejercitonakan Diosapa, mayampiy katoqtʼasipjjeta,
sumakiy uñjapjjeta, ukhamat salvatäpjjañajataki.+
8 Egipto markatjja mä uvas ali+ apsuntajja.
Markanakar alisnukusaw uk ayrunttajja.*+
9 Uka uvas alitakejj mä lugar wakichtʼaraptajja,
ukatsti saphintänwa, oraqsa phoqantarakïnwa.+
10 Qollunakas uka uvas alin chʼiwipamp tapjjatatäpjjänwa,
Diosan cedro qoqanakapas* uvas alin ramanakapamp tapjjatatäpjjarakïnwa.
11 Uvas alin ramanakapajj lamar qotakamaw purïna,
jiskʼa alinakapas Éufrates jawirkamaw purïna.+
12 ¿Kunatsa uvas yapun qala perqanakap allthapta,+
ukhamat uknam taqe pasirinakajj achunakap apaqapjjañapataki?+
14 Ejercitonakan Diosapa, mirä amp suma, kuttʼanikimaya.
¡Alajjpachat uñtanim, kunas pasaski uk uñjam!
Aka uvas alirojj uñjakimaya,+
15 kupi amparamajj ayruntki* uka alirojj uñjakimaya,+
juma pachpatak chʼamanir tukuykta uka yoqall wawarojj* uñtanikimaya.+
16 Uka uvas alejj ninampi nakhantayatawa,+ khuchuratarakiwa.
Juman cheqañchatäsajja jaqenakajj jiwarapjjewa.
17 Kupëjjamankki uka chachar amparamajj yanaptʼpan,
jaqen yoqapar jumatak chʼamanir tukuykta ukar yanaptʼam.+
18 Nanakajj janiw jumat jitheqtapkäti.
Jakayasipkakitaya, ukhamat sutimar artʼasipjjañajataki.
19 Ejercitonakan Jehová Diosapa, mayamp katoqtʼasipjjakitaya,
sumakiy uñjapjjeta, ukhamat salvatäpjjañajataki.+
Directorataki. Guitit* ukarjama. Asaf+ chachan salmopa.
81 Dios nayraqatanjja kusisit arnaqasipjjam, jupaw jiwasan chʼamasajja.+
Wali kusisit arnaqasipjjam, Jacobun Diosapar jachʼañchapjjam.
2 Musicajj qalltpan, panderet katupjjam,
suma musicanak tukañatak arpsa cuerdanakan instrumentsa katupjjarakim.
3 Machaq phajjsinjja* putut tuktʼapjjam,+
urtʼanjja putut tuktʼapjjam, jiwasan fiestas amtkañäni uka urun tuktʼapjjam.+
4 Ukasti Israelatakejj mä leyiwa,
Jacobun Diosapan mä mandamientopawa.+
5 Ukajja José chachatakejj mä amtayäwinwa, Diosan uttʼayatarakïnwa,+
kunapachatï jupajj Egipto marka contra mistkäna ukhaw uttʼayäna.+
Nayajj mä aru istʼayäta, ukampis janiw khitin parlatapsa amuykayätti.
6 Diosajj akham sänwa: “Kallachipankir qʼepjja nayaw apaqayäta,+
amparapankir canastjja nayaw apaqayäta.
7 Jumajj llakitäkayäta ukhaw jawsaniyätajja, nayasti salvayäsmawa,+
chʼiyar qenay taypitpachwa jaysaniyäsma.+
Meribá*+ cheqankir umanak jakʼanwa nayajj jumar yantʼayäsma. (Sélah).
8 Nayan markaja, istʼam, nayaw jumar ewjjtʼäma.
Israel marka, jumajj istʼakitasma.+
9 Juma taypinjja jan uñtʼat diosajj janiw ni mayas utjañapäkiti,
janirakiw yaqha markankir diosarojj altʼasiñamäkiti.+
10 Nayaw juman Jehová Diosamätjja,
Egipto oraqet irpsunksma uka Diosamätwa.+
Lakam wali jachʼa jistʼaram, nayaw sistʼasiñamkam manqʼayäma.+
11 Ukampis markajajj janiw arujarojj istʼkänti,
Israel markajj janiw nayar istʼkitänti.+
12 Ukatwa nayajj jan istʼasir chuymanakapar arkapjjañapatakejj jaytjjayäta,
kunatï amuyunakaparjamajj walïkäna ukwa jupanakajj lurapjjäna.+
13 ¡Nayan markajajj istʼakitaspa!+
¡Israel markajj thakinakajarjam sarnaqakispa!+
14 Enemigonakaparojj jankʼakiw nayajj jiskʼachirista,
jupanak contra saytʼirinakarojj castiguiristwa.+
15 Khitinakatï Jehová Diosar uñisipki ukanakajj jupa nayraqatanwa ajjsarañat khatatipjjani,
jupanakajj wiñayatak castigatäpjjaniwa.
Asaf+ chachan salmopa.
2 “¿Kunapachkamarak jumanakajj jan cheqapar juzgapjjäta,+
kunapachkamarak jan wali jaqenak favorajj saytʼasipjjäta?+ (Sélah).
3 Jan yäqat jaqerusa jan awkin wajcharus* arjjatapjjam.+
Jan khiti yanapirini jaqerusa jan kunan jakasir jaqerus cheqapar uñjapjjam.+
4 Jan yäqat jaqerusa pobre jaqerus salvapjjam,
jan wali jaqenakan amparapatsa salvapjjam” sasa.
5 Jupanakajj* janiw kuns yatipkiti ni amuyapkisa.+
Jupanakajj chʼamakanwa sarnaqasipki.
Oraqen taqpach cimientonakapas thaljatäsipkiwa.+
6 “Nayajj* akham sistwa: ‘Jumanakajj diosanakäpjjtawa,*+
taqe jumanakajj Jachʼa Diosan wawanakapäpjjtawa.
7 Ukampis jumanakajj kunjamtï mayni jaqenakajj jiwapkejja ukhamwa jiwapjjäta.+
¡Kunjamtï mayni principenakajj tukusipkejja ukhamwa tukusipjjarakïta!’+ sasa”.
8 Sartasikimaya, Dios Tata, oraqer juzgam,+
kuna laykutejj taqe markanakajj jumankiwa.
Canción. Asaf+ chachan salmopa.
83 Dios Tata, janikiy amukejj quedasimti,+
Dios Tata, janikiy jan arunejj quedasimti, janikiy aleq saytʼatakejj uñchʼukimti.
2 ¡Uñtam! Enemigonakamajj nuwasiñatakiw wakichtʼasipjje.+
Uñisirinakamajj jachʼa jachʼaw tukupjje.*
3 Jupanakajj engañjañ amtampiw markam contrajj jan walinak jamasat amtapjje,
khitinakatï jumatak wali valoranïpki* ukanak contraw jan walinak amtapjje.
4 Jupanakajj akham sapjjewa: “Jutapjjam, Israel markar tʼunjapjjañäni,+
ukhamat Israel markan sutipajj jan jukʼamp amtatäjjañapataki” sasa.
5 Jupanakajj mayachtʼasisaw mä kunsa amtapjje,
jupanakajj juma contraw mayachtʼasipjje,*+
6 mä arunjja edomitanakasa, ismaelitanakasa, moabitanakasa,+ hagritanakasa,+
7 Guebal markasa, ammonitanakasa,+ amalequitanakasa,
Filistea+ markasa, Tiro+ markan jakir jaqenakasa juma contraw mayachtʼasipjje.
8 Asiria+ markas jupanakampiw mayachtʼasipjje,
Lot chachan yoqanakaparuw* jupanakajj yanaptʼapjje.+ (Sélah).
9 Kunjamtï Madián+ markar lurktajja uka pachparak jupanakar luram,
kunjamtï Sísara chacharusa Jabín chacharusa Cisón+ lugarankir jalir uma jakʼan lurktajja ukham jupanakar luram.
10 Jupanakajj En-Dor+ lugaran jiwarayatäpjjänwa,
oraqenkir wanur uñtat tukuyatäpjjarakïnwa.
11 Jupanakan pʼeqtʼirinakaparojja kunjamtï Oreb chacharusa Zeeb+ chacharus lurktajja ukham luram.
Jupanakan principenakaparojj* kunjamtï Zébah chacharusa Zalmuná+ chacharus lurktajja ukham lurarakim.
12 Kuna laykutejj taqe jupanakajj akham sapjjänwa: “Diosajj jakki uka oraq katuntapjjañäni” sasa.
13 Nayan Diosaja, qorumir* chʼapir uñtat jupanakar tukuyam,+
uksar aksar thayamp phustʼat pajar uñtat jupanakar tukuyam.
14 Monte* nakhantir ninar uñtat jupanakar tukuyam,
qollunak nakhantir ninar uñtat jupanakar tukuyam,+
15 ukhamat jupanakar jallumampi thayamamp arktañamataki,+
ukhamarak jachʼa thayamamp jupanakar wal ajjsarayañamataki.+
16 Jupanakan ajanunakapjja phenqʼachañamp phoqantam,
ukhamat juman sutim thaqapjjañapataki, Jehová Dios Tata.
17 Jupanakajj phenqʼachat uñjasipjjpan, wiñayatak ajjsarayatäpjjarakpan,
jupanakajj phenqʼachatäpjjpan, tukusipjjarakpan.
18 Jaqenakajj ak yatipjjpan, juman sutimajj Jehová satawa,+
juma sapakiw taqe oraqpach apnaqer Jachʼa Diosätajja.+
Directorataki. Guitit* ukarjama. Coré+ chachan yoqanakapan salmopa.
2 Nayajj taqe chuymajampiw
Jehová Diosan pationakapar wal sarañ munta,
wal sarañ munataj laykojj desmaytwa.+
Taqe chuymajampi taqe chʼamajampiw jakkir Dios nayraqatan wali kusisit arnaqasta.
3 Jamachʼinakas utaman quedasiñatakejj mä lugarwa jikjjatapjje,
golondrina jamachʼinakas mä tapwa ukan lurasipjje,
ukanwa chhiwchhinakaparojj uñjapjje,
wali musparkañ altaram jakʼana, ejercitonakan Jehová Diosapa,
¡nayan Reyija, nayan Diosaja!
4 ¡Utaman jakirinakajj kusisitäpjjewa!+
Jupanakajj jachʼañchasipkaktamwa.+ (Sélah).
5 Jumat chʼam katoqeri jaqenakajj kusisitäpjjewa,+
jupanakan chuymanakapajj utamar sarir thakinakankañwa munapjje.
6 Kunapachatï jupanakajj Bacá valle* taypi pasapki ukhajja,
jupanakajj uma jalsunakaruw uka valler tukuyapjje,
qallta jallus bendicionanakampiw uka vallerojj isthapiyi.
7 Jupanakajj sarnaqasipkakiniwa, ukampis janiw chʼamanakapajj tukuskaniti,+
sapa mayniw Dios nayraqatan Sionan uñstapjje.
8 Ejercitonakan Jehová Diosapa, oracionajarojj istʼakimaya,
Jacobun Diosapa, istʼakimaya. (Sélah).
10 ¡Waranqa urunak yaqha cheqan jakañat sipansa, mä uru pationakaman jakañaw jukʼamp sumajja!+
Jan wali jaqenakan carpanakapan jakañat sipansa,
Diosajan utapar mantañäki ukawjan saytʼatäñatakiw nayajj ajllta.
Jehová Diosajj kunatï sumäki uk janiw jarkʼkaniti,
khitinakatï taqpach chuymamp servipki ukanakat janiw jarkʼkiti.+
12 Ejercitonakan Jehová Diosapa,
jumar confiyir jaqejj kusisitawa.+
Directorataki. Coré+ chachan yoqanakapan salmopa.
85 Jehová Dios Tata, oraqemarojj sum uñjtajja,+
Jacob chachan presot apat wawanakaparojj jumaw kuttʼayantajja.+
3 Taqpach colerasiñamampejj janiw atipayasktati,
wali colerasiñamsa maysaruw apanuktajja.+
5 ¿Wiñayatakit nanakampejj coleraskakïta?+
¿Jutïr wawanakan wawanakapatakis coleraskakïtati?
6 ¿Janit wasitat chʼamachtʼapkitäta,
ukhamat markamajj juma layku kusisiñapataki?+
7 Jehová Dios Tata, munasiñat jan jaytjasirïtam uñachtʼayapjjakitaya,+
salvapjjakitaya.
8 Kuntï cheqpach Jehová Diosajj siskani ukaruw nayajj istʼäjja,
kuna laykutejj Diosajj sumankañ toqetwa markaparojj parlani,+ mä arunjja jupat jan jitheqtirinakapar parlani,
ukampis jupanak pachpa jan sinti confiyasipjjañap janikiy munamti.+
9 Khitinakatï Diosar ajjsarapki ukanakan salvacionapajj cheqpachapuniw jakʼankaski,+
ukhamat oraqesajj kʼajkir qhanapampi phoqantatäñapataki.
10 Munasiñat jan jaytjasiñampi confianzampejj jikisipjjaniwa,
cheqapampi sumankañampejj jampʼattʼasipjjaniwa.+
11 Jan jaytjasiñajj oraqetpachwa jiltani,
kunatï cheqapäki ukajj alajjpachanakatpachwa qhantʼanini.+
13 Kunatï cheqapäki ukajj jupa nayraqatanwa sarnaqani,+
jupan chellqtatanakapatakejj mä thakwa lurarakini.
Davidan oracionapa.
86 Jehová Dios Tata, oracionajarojj istʼakimaya,* jaysakimaya.
Kuna laykutejj nayajj llakitätwa, pobrerakïtwa.+
2 Jakañ vidajarojj imakimaya, kuna laykutejj nayajj jan jitheqtirïtwa.+
Jumar confiyir servirimarojj salvakimaya,
kuna laykutejj jumaw nayan Diosajätajja.+
4 Juman servirimarojj kusisiyam,
Jehová Dios Tata, juman ukaruw nayajj jutta.
5 Jehová Dios Tata, jumajj suma Diosätawa,+ perdonañatakis jankʼakirakïtawa,+
taqe khitinakatï jumar artʼasipktam ukanakarojj wali munasiñat janiw jaytjktati.+
8 Jehová Dios Tata, diosanak taypinjja janiw khitis jumjamajj utjkiti,+
juman luratanakamar uñtasitajj janirakiw utjkiti.+
9 Jumajj lurkta taqe uka markanakajj
jutasaw juma nayraqatan altʼasipjjani, Jehová Dios Tata,+
sutimwa jachʼañchapjjarakini.+
10 Kuna laykutejj jumajj jachʼa Diosätawa, musparkañanakwa luraraktajja,+
jumaw Diosätajja, juma sapakiw Diosätajja.+
11 Jehová Dios Tata, thakimat yatichtʼasikitaya.+
Cheqap thakimanwa nayajj sarnaqäjja.+
Chuymajarus mayachtʼam,* ukhamat sutimar ajjsarañajataki.+
12 Jehová Dios Tata, nayan Diosaja, nayajj taqe chuymajampiw jumar jachʼañchsma,+
wiñayatakiw sutim jachʼañchäjja,
13 nayar munasiñat jan jaytjkista ukajj wali jachʼawa,
14 Dios Tata, jachʼa jachʼa tukur jaqenakaw naya contrajj saytʼasipjje,+
jan sinttʼasiri mä grupo jaqenakaw jiwayañatak thaqapjjetu,
jupanakajj janiw ni akchʼas jumar respetapktamti.+
15 Ukampis Jehová Dios Tata, jumajj khuyapayasiri, sinttʼasiri Diosätawa,
pacienciani,* wali munasiñat jan jaytjasiri, arunakam phoqeri Diosarakïtawa.+
16 Uñtanikitaya, sumakiy uñjita.+
Servirimarojj chʼam churakimaya,+
esclavaman yoqaparojj salvakimaya.
17 Munasiñam toqet mä señal uñachtʼayita,
ukhamat nayar uñisipkitu ukanakajj uk uñjapjjañapataki ukhamarak phenqʼachatäpjjañapataki.
Kuna laykutejj Jehová Dios Tata, jumaw nayan yanapirijätasa chuymachirijätasa.
Coré+ chachan yoqanakapan salmopa. Canción.
87 Diosan markapan cimientopajj sagrado qollunakankiwa.+
2 Jacobun taqpach carpanakapat sipansa,
Jehová Diosajj Sionan punkunakaparuw jukʼamp munasi.+
3 Cheqpach Diosan markapa, musparkañanakaw jumat parlasiski.+ (Sélah).
4 Khitinakatï uñtʼapkitu ukanak taypinjja, Rahab*+ ukhamarak Babilonia markanakaruw nayajj jaktʼäjja,
Filistea, Tiro, Cus* markanakas akankapjjewa.
Sapa mayni jupanakatjja nayajj akham säwa: “Jupajj Sionan nasiriwa” sasa.
5 Sionatjja akham sasiniwa:
“Taqenisa sapa maynisa ukan nasirïpjjewa” sasa.
Sionarojj Jachʼa Diosaw sum uttʼayani.
6 Markanakar qellqantkasajja, Jehová Diosajj akham saniwa:
“Jupajj Sionan nasiriwa” sasa. (Sélah).
7 Cantirinakasa+ thoqorinakas+ akham sapjjaniwa:
“Taqe uma jalsunakajajj juman ukankiwa”*+ sasa.
Canción. Coré+ chachan yoqanakapan salmopa. Directorataki. Mahalat* ukarjama. Maykip cantañataki. Maskil,* Hemán+ sat ezrahíta chachan salmopa.
88 Jehová Dios Tata, nayar salvir Diosaja,+
urojj jumaruw nayajj artʼasinsma,
arumajj juma nayraqataruw nayajj jutta.+
2 Oracionajajj juman ukar puriniñapjja munakimaya.+
Yanap mayiñatak artʼasitajarojj jiñchum altʼayanikimaya.*+
4 Sepulturar saraqasipki ukanak taypin jakhutäjjtwa,+
jan khiti yanapirini jaqerakïtwa,*+
5 jiwatanak taypin apanukutätwa,
mä sepulturan liwintat jiwat cuerponakjam apanukutätwa,
jupanakatjja jumajj janiw amtasjjtati,
jumamp suma uñjatäñatsa apaqatäjjapjjarakiwa.*
6 Manqha pʼiyaruw jumajj nayar uskustajja,
chʼamak lugaranakaru, jachʼa mikʼayaruw* uskustajja.
7 Colerasitamajj walpun nayarojj jatjitu,+
tukjir oladanakamampiw aynachtʼayistajja. (Sélah).
8 Nayar uñtʼapkitu ukanakarojj nayat jayaruw jaqonuktajja,+
jupanakatakis ajjtaskañaruw tukuyistajja,
nayajj katuntatätwa, janiw escapirjamäkti.
9 Wali llakitätaj laykojja nayrajajj qaritawa,+
Jehová Dios Tata, jurnälaw jumar artʼasinsma,+
juma toqeruw amparanakaj loqtanta.
10 ¿Jiwatäpki ukanakatakejj musparkañanak lurätati?
¿Jiwatanakajj jumar adorañatakejj* jaktanipjjaspati?+ (Sélah).
11 ¿Munasiñat jan jaytjasirïtamat sepulturan yatiyasiniti,
confiykañ Diosätamatsa tukjañ lugaran* yatiyasiniti?
12 ¿Musparkañanakamajj chʼamakan yatisiniti,
jan ukajj khitinakatï armatäpki ukanakan oraqepan cheqapar uñjirïtamajj yatisiniti?+
13 Ukampis Jehová Dios Tata, jumar yanap mayiñatakejj nayajj artʼasinkaksmawa,+
sapa alwaw oracionajajj juma nayraqatar purini.+
14 Jehová Dios Tata, ¿kunatsa apanuktʼasista?+
¿Kunatsa ajanum nayat imantasista?+
15 Nayajj waynäskayäta ukhatpachaw
tʼaqesiyapjjetu, niya jiwañampirakïyätwa.+
Jan walinakampi tʼaqesiñajatak jaytkista ukhat aksarojj wali desanimatätwa.
16 Wali colerasitamajj walpun aynachtʼayitu.+
Kunanaktï jumajj lurkta ukanakampejj walpun ajjsarayistajja,
17 ukanakajj jurnälaw umanakjam muyuntapjjetu,
taqe toqetwa jarkʼantapjjetu.
18 Amigonakajarusa compañeronakajarus nayat jayaruw alisnuktajja,+
jichhajj chʼamakaw nayarojj compañitu.
Maskil.* Etán+ sat ezrahíta chachan salmopa.
89 Jehová Diosajj munasiñat jan jaytjasirïtap uñachtʼayki uka toqetwa nayajj wiñayatak cantäjja.
Jan apanukusir Diosätamatjja lakajampiw taqe jutïr wawanakar yatiyäjja.
2 Nayajj akham sistwa: “Munasiñat jan jaytjasirïtamajj wiñayatak uttʼayatäniwa,+
jan apanukurïtamsa alajjpachanakanwa sum uttʼayaraktajja” sasa.
3 Diosajj akham siwa: “Ajllitajampejj mä pacto nayajj lurta,+
David servirijampejj mä juramento nayajj lurta:+
4 ‘Wawanakamarojj wiñayatakiw nayajj uttʼayäjja,+
tronomsa taqe jutïr wawanakatakiw saytʼayäjja’”+ sasa. (Sélah).
5 Jehová Dios Tata, alajjpachanakajj musparkañ luratanakamatwa jachʼañchapjjtamjja,
jïsa, santonakan* congregacionapanjja jan apanukusir Diosätamatwa jachʼañchapjjtamjja.
6 ¿Khitirak alajjpachanakan Jehová Diosjamäspasti?+
¿Khitirak angelanak*+ taypit Jehová Diosjamäspasti?
7 Santonakan jachʼa tantachäwipanjja Diosajj respetatawa, ajjsaratarakiwa.+
Jupar muytatäpki taqe ukanakatakejja jupajj jachʼawa, ajjsarkañarakiwa.+
8 Ejercitonakan Jehová Diosapa,
Jah Dios Tata, ¿khitirak jumjam chʼamanisti?+
Jan apanukusir Diosätamjja kunayman toqetwa jumajj uñachtʼaytajja.+
9 Jumaw colerat lamar qotarojj apnaqtajja,+
kunapachatï oladanakapajj sartki ukhajj jumaw tʼakuraytajja.+
10 Rahab*+ satäkis ukarojj jumaw atipjasin jiwaytajja,+
chʼamani amparamampiw enemigonakamar chhukutataytajja.+
11 Alajjpachanakajj jumankiwa, oraqes jumankarakiwa,+
achunak churir oraqesa, oraqer phoqantki ukanakas+ juman uttʼayatawa.
12 Alay toqesa aynach toqes* juman luratawa,
Tabor+ qollusa Hermón+ qollus kusisitaw sutim jachʼañchapjje.
14 Cheqapampi justiciampiw tronoman cimientopajja.+
Munasiñat jan jaytjasiñampi jan apanukusiñampiw juma nayraqatankapjje.+
15 Kusisit arnaqasisa jachʼañchktam uka markajj kusisitawa.+
Jehová Dios Tata, jupanakaw ajanuman qhanapan sarnaqapjje.
16 Jupanakajj jurnälaw sutim laykojj kusisipjje,
cheqapar uñjirïtam laykuw jupanakajj jachʼañchatäpjje.
17 Kuna laykutejj jumaw jupanakan jachʼañchäwipätasa chʼamapätasa,+
nanakar sum uñjatam laykuw nanakan chʼamajajj* jachʼañchatajja.+
18 Jiwasan escudosajj Jehová Diosankiwa,
reyisajj Israelan Santo Diosapankiwa.+
19 Khä tiemponjja jumat jan jitheqtirinakampiw mä visionan parlayätajja, akham sayätawa:
21 Amparajaw juparojj yanaptʼani,+
amparajaw chʼamañchtʼarakini.
22 Janiw khiti enemigos juparojj impuesto waytʼkaniti,
janirakiw jan cheqapar uñjir jaqes jupar tʼaqesiykaniti.+
24 Jan apanukusirïtajasa munasiñat jan jaytjasirïtajas jupampïskiwa,+
chʼamapas* sutij laykuw jachʼañchatäni.
26 Jupajj akham sasaw nayar artʼanitani: ‘Jumaw nayan Awkijätajja,
28 Wiñayatakiw juparojj munasiñat jan jaytjkäti,+
jupamp pacto luratajajj janipuniw pʼakintatäkaniti.+
29 Wawanakaparojj wiñayatakiw uttʼayäjja,
kunjamatï alajjpachanakajj wiñayatakïkejja, tronopajj ukham wiñayatakirakïniwa.+
30 Wawanakapatï leyij apanukupjjani,
janirak decretonakajarjam* sarnaqapkani,
31 leyinakajsa pʼakintapjjani,
janirak mandamientonakajsa phoqapkani ukhajja,
32 jan istʼasirïpjjatapatwa* mä varampi castigäjja,+
pantjasitanakapatsa asutʼjarakïwa.
33 Ukampis janipuniw munasiñat jan jaytjasirïtaj jupat apaqkäti,+
promesa luratajsa nayajj phoqapunïwa.
35 Santo Diosjamaw nayajj mä juramento lurta, mä kutikiw wiñayatak lurta,
janiw Davidarojj kʼarinak parlkäti.+
36 Jupan wawanakapajj wiñayatakïniwa,+
kunjamtï intejj wiñayatakïkejja, ukhamarakiw tronopajj wiñayatakïni.+
37 Uka tronojj wiñayatak suma uttʼayatäniwa,
kunjamtï phajjsejj alajjpachanakan confiykañ testigjam uñstapunejja ukhama”. (Sélah).
38 Ukampis juma pachpaw juparojj apanuktajja, jaytanukuraktajja,+
ajllitamatakis wal colerastajja.
39 Servirimamp lurkta uka pactsa apanuktawa,
coronapsa oraqer jaqtasaw jiskʼachtajja.
40 Taqpach qalat lurat murallanakapsa allthaptawa,
marka muytpachankir jachʼa perqanakapsa laqayaruw tukuytajja.
41 Uka cheqnam taqe pasirinakas juparojj saqueysupjjewa,
vecinonakapatakis mä phenqʼawa.+
42 Jupa contra saytʼasirinakarus atipjaytawa,+
taqe enemigonakaparus kusisiyaraktawa.
43 Espadapsa jan serviriruw tukuytajja,
nuwasïwin atipañapatakis janiw yanaptʼktati.
44 Jachʼañchäwipsa tukusiytawa,
tronopsa oraqeruw liwirpaytajja.
45 Wayna urunakapsa jukʼaptaytawa,
jiskʼachañampiw isthapiyaraktajja. (Sélah).
46 Jehová Dios Tata, ¿kunapachkamarak imantasïta? ¿Wiñayatakit imantasïta?+
¿Wali colerasitamajj ninjam aqaskakiniti?
47 ¡Jakañ vidajajj kunja jukʼakisa uk amtasikimaya!+
¿Jan kuna amtampit taqe jaqenakarojj lurayäta?
48 ¿Khiti jaqerak jakaskakispasti ukhamarak jiwañsa janipun uñjkaspasti?+
¿Jaqejj Sepulturan chʼamapatjja* jupa pachpajj salvasispati?* (Sélah).
49 Jehová Dios Tata, ¿kunanaktï nayra tiempon munasiñat jan jaytjasirïtamat lurkayäta ukanakajj kawkinkaraki?
Ukanakatjja jan apanukusir Diosätam laykuw Davidarojj juramentomp arsuyätajja.+
50 Jehová Dios Tata, kunjamsa servirinakamat burlasipjjäna ukanakat amtasikimaya,
kunjamsa taqe markanakan burlasitanakap nayajj aguantawayta uk amtasikimaya,
51 Jehová Dios Tata, kunjamsa enemigonakamajj insultapjjäna uk amtasikimaya,
kunjamsa ajllitaman sapa sartatanakap insultapjjäna uk amtasikimaya.
52 Jehová Diosajj wiñayatak jachʼañchatäpan. Amén, amén.+
PUSÏR LIBRO
(Salmos 90-106)
Cheqpach Diosan Moisés serviripan oracionapa.+
90 Jehová Dios Tata, jumaw nanakan imantasiñ lugaräyätajja,+ nayra tiemponakatpacha.
2 Qollunakajj janïr nasipkäna,
jan ukajj janïr oraqsa lurkayäta, janïr achunak churir oraqsa lurkayäta+
ukhatpachaw jumajj wiñayatpach wiñayatak Diosätajja.+
3 Jumaw jiwir jaqerojj laqʼa polvor kuttaytajja,
jumajj akham sistawa: “Jaqenakan wawanakapa, laqʼa polvor kuttapjjam”+ sasa.
4 Kuna laykutejj waranqa maranakajj jumatakejj masürump sasikiwa,+
aruman mä qhawqha horanakapamp sasikiwa.
5 Jupanakarojj pichanuktawa,+ mä samkar uñtasitaw jupanakajj chhaqtapjje,
alwajja alsunir qorar uñtasitäpjjewa.+
6 Alwajja uka qorajj panqariwa, jilsurakiwa,
ukampis jaypʼurojj suwartjjewa, wañsjjarakiwa.+
7 Kuna laykutejj colerasitamatwa nanakajj tukusipjjta,+
colerasitamampi wali ajjsarayatäpjjaraktwa.
8 Pantjasitanakaj-jja juma nayraqataruw usktajja,+
kunanaktï nanakajj jamasan lurapkta ukanakjja sumwa jumajj uñjtajja.+
9 Juman colerasitam laykojj urunakajajj tukusiwa,
maranakajas mä samsuñäkaspas ukhamakiw tukusi.
10 Nanakajj 70 maranakakiw jakapjjta,
jukʼamp chʼamanïki ukajj 80+ maranakaw jakaraki,
ukampis uka maranakajj problemanakampi llakisiñanakampi phoqantatawa,
uka maranakajj ratukiw pasawayjje, ratukiw nanakajj chhaqtjjapjjarakta.+
11 ¿Colerasitamajj qhawqha chʼamanisa uk khitirak sum amuyaspasti?
Kunjamtï jumar ajjsarañajj wakiskejja ukham jachʼaw colerasitamajja.+
12 Kunjamsa jakäwinakaj yatiñamp apnaqapjjerista uk yatichapjjeta,*+
ukhamat chuymanakajajj yatiñanïñapataki.
13 ¡Jehová Dios Tata, kuttʼanikimaya!+ ¿Kunapachkamarak coleratakïskätasti?+
Servirinakamat sinttʼasikimaya.+
14 Alwajj munasiñat jan jaytjasirïtamampejj sistʼayapjjakitaya,+
ukhamat kusisit arnaqasipjjañajataki ukhamarak taqe urunakajan kusisipjjañajataki.+
15 Qhawqha urunaktï tʼaqesiyapkista ukha urunakarakiy kusisiyapjjeta,+
qhawqha maranaktï jan waltʼañanakan nanakajj uñjasipjjta+ ukha maranakarakiy kusisiyapjjeta.
16 Servirinakamajj suma luratanakam uñjapjjpan,
wawanakapajj jachʼa chʼamam uñjapjjpan.+
17 Jehová Diosasajj jiwasar bendispan,
kuntï amparanakajajj lurki uk nayraruy sartayam.
Jïsa, kuntï amparanakajajj lurki uk nayraruy sartayam.+
91 Khititï Jachʼa Diosan jamas lugarapan jakkani ukajja,+
Taqe Chʼaman Diosan chʼiwipanwa qorpachasini.+
2 Nayasti Jehová Diosarojj akham säwa: “Jumaw nayan imantasiñajätajja, jachʼa perqanakampi muyuntat markajätasa,+
khitirutï nayajj confiykta uka Diosajätawa”+ sasa.
3 Kuna laykutejj jupaw jamachʼi katurin trampapat salvätamjja,
jupaw tukjir plagatjja salvätamjja.
4 Juparakiw chheqanakapan phuyunakapampejj imjjatätamjja,
jumasti chheqanakap manqharuw imantasïta.+
Jan jaytjasirïtapajj+ mä jachʼa escudor+ uñtasitäniwa, jarkʼaqasiñ murallar uñtasitarakïniwa.
5 Arumajj janiw kuna jan walinakatsa jumajj ajjsarayaskätati,+
urojj jalki uka flecharusa,+
6 chʼamakan jan waltʼayki uka plagarusa,
chika urojj jan waltʼayki uka tukjäwirus janiw ajjsarkätati.
7 Waranqaniw ladomarojj liwirtapjjani,
tunka waranqaniw kupëjjamarojj liwirtapjjani,
ukampis jumarojj janiw kuna jan walis paskätamti.+
8 Nayranakamampiw jumajj uñjäta,
kunjamsa jan wali jaqenakajj castigatäni ukjja testigjamaw uñjäta.
9 Kuna laykutejj jumajj akham sistawa: “Jehová Diosaw nayan imantasiñajajja” sasa.
Jachʼa Diosarojj jakañ lugaramaruw* tukuytajja.+
10 Janiw kuna jan walis jumar paskätamti,+
janirakiw kuna jan waltʼäwis carpamarojj jakʼachasinkaniti.
11 Kuna laykutejj jupajj angelanakaparuw juman ukar khitanini,+
ukhamat taqe thakinakaman jumar uñjapjjañapataki.+
13 Waynpach leonarusa cobra sat asirurus* takjjatätawa,
waynpach leonarusa jachʼa asirurus takichasïtawa.+
14 Diosajj akham sänwa: “Jupajj nayar munasitap laykojja, nayajj jupar salväwa,+
jupajj nayan sutij uñtʼatap laykojja, nayajj jupar jarkʼaqäwa.+
15 Jupajj nayaruw artʼanitani, nayasti juparojj jaysarakïwa.+
Jupajj llakin uñjaskani ukhajja, nayajj jupampïskäwa,+
nayajj jupar salväwa, jachʼañcharakïwa.
16 Jaya tiempo jakañampiw nayajj jupar bendisëjja,+
kunjamsa chʼamajampejj jupar salväjja ukwa nayajj jupar uñjayarakëjja”.+
Salmo. Sábado urutak mä canción.
92 Jehová Dios Tata, jumar yuspärañajj wali sumapuniwa,+
Jachʼa Dios Tata, sutimatak alabanzanak cantañajj* wali sumapuniwa.
2 Alwajj munasiñat jan jaytjasirïtamat yatiyañasa,+
arumanakajj jan apanukusirïtamat yatiyañas sumapuniwa,
3 tunka cuerdan instrumentonakampi laúd* instrumentompi jachʼañchapjjam,
suma musicanak tukañatak arpamp chika.+
4 Jehová Dios Tata, luratanakamampiw jumajj kusisiyistajja,
kunanaktï amparanakamampi lurkta ukanakatwa nayajj kusisit arnaqasta.
5 Jehová Dios Tata, ¡luratanakamajj kunja jachʼasa!+
¡Jumajj wali yatiñanïtawa!+
6 Ukanakjja jan amuytʼañ munir mä jaqejj janiw uñtʼkaspati,
jan amuytʼasir jaqejj janirakiw ak amuykaspati:+
7 kunapachatï jan wali jaqenakajj qoranakar uñtat jiltapki,
taqe jan wali lurir jaqenakas panqarapkaraki ukhajja,
wiñayatak tukjatäñatakiw jiltapjje panqarapjjaraki.+
8 Ukampis Jehová Dios Tata, jumajj wiñayatak jachʼañchatätawa.
9 Jehová Dios Tata, enemigonakamajj kunjam atipjatas uñjasipjje uk uñtanim,
enemigonakamajj kunjamsa tukusipjjani uk uñtanim.
Jan walinak luririnakajj taqeniw chhukutatayatäpjjani.+
10 Ukampis nayan chʼamaj-jja* mä salvaje toron chʼamapjamaw jumajj jiljjattayäta,
nayajj phajttʼayiri aceitempiw jañchijarojj jawtʼasëjja.+
11 Naya contra saytʼasirinakajj kunjam atipjatas uñjasipjjani ukwa nayranakajajj uñjapjjani,+
nayar atakir jan wali jaqenakajj kunjam atipjatas uñjasipjjani ukwa jiñchunakajajj istʼapjjani.
12 Ukampis cheqap sarnaqer jaqenakajj palmera qoqjamaw* panqarapjjani,
Líbano qollunakankir cedro qoqjamaw wali jachʼa jilapjjarakini.+
13 Jupanakajja qoqar* uñtataw Jehová Diosan utapan ayruntatäpjje,*
jupanakajj Diosasan pationakapanwa panqarapjjaraki.+
14 Jupanakajj awkëjjapjjani* ukhas nayrar sartasipkakiniwa,+
jupanakajj chʼamanïsipkakiniwa kʼumaräsipkakiniwa,+
15 Jehová Diosajj cheqapar uñjirïtap yatiyasa.
Jupaw nayan Qarqajajja,*+ jupajj janipuniw kunatï jan walïki ukjja lurkiti.
93 ¡Jehová Diosajj Reyëjjewa!+
Jupajj jachʼañchäwimpi isthapitawa,
Jehová Diosajj chʼamampi isthapitawa,
uka chʼamajj cinturonamp uchatäkaspas ukham uchatawa,
oraqejj wali suma uttʼayatawa,
janipuniw onjjtayatäkaspati.*
3 Jehová Dios Tata, jawir umanakajj jiljjattiwa,
jawir umanakajj jiljjattiwa, suynapjjarakiwa,
jawir umanakajj jiljjattasipkakiwa, jawqʼsusipkakiwa.
4 Ukampis Jehová Dios Tata, alajjpachanjja jumajj wali jachʼätawa,
walja umanakan suynatapat sipansa jukʼamp chʼamanïtawa,+
lamar qotankir jawqʼsur umanakat sipansa jukʼamp chʼamanïtawa.+
5 Juman amtayäwinakamajj wali confiykañawa,+
Jehová Dios Tata, utamajj wali sumawa,+ wiñayatak sagradorakiwa.
94 ¡Enemigonakat vengasir Jehová Dios Tata,+
enemigonakat vengasir Dios Tata, qhantʼam!
2 Oraqen Juezapa, sartam.+
Jachʼa jachʼa tukurinakarojj jan wal lurapjjatapat castigam.+
3 Jehová Dios Tata, ¿kunapachkamarak jan wali jaqenakajj kusisitäsipkakinisti?
¿Kunapachkamarak jan wali jaqenakajj kusisitäsipkakinisti?+
4 Jupanakajj jan amuktʼasaw jachʼa jachʼa tukus parlapjje,
taqe khitinakatï jan walinak lurapki ukanakajj jupanak pachpaw jachʼañchasipjje.
6 Jupanakajj viudanakarusa extranjeronakarus jiwayapjjewa,
jan awkin wajcha wawanakarus* jiwarayapjjewa.
8 Ak amuytʼapjjam, jan amuytʼañ munir jaqenaka,
jan amuytʼasir jaqenaka, ¿kunapacharak suma amuytʼasirïpjjatam uñachtʼayapjjätasti?+
9 Khititï jiñchunak lurki ukajj ¿janit istʼkaspa?
Khititï nayranak lurki ukajj ¿janit uñjkaspa?+
10 Khititï markanakar cheqañchki ukajj ¿janit cheqañchkaspa?+
¡Jupaw jaqenakar yatiñ churir Diosajja!+
11 Jaqenakan amuyunakapjja Jehová Diosajj yatiwa,
jupanakan amuyunakapajj aleq samsuñampi sasipjjakiwa.+
12 Jah Dios Tata, kawkïr jaqerutï jumajj cheqañchkta ukajj kusisitawa,+
khitirutï leyimat yatichkta ukajj kusisitawa,+
13 ukhamat jan waltʼäwi urunakan sumankañ jupar churañapataki,
jan wali jaqejj mä pʼiyaru jalantañapkama.+
14 Kuna laykutejj Jehová Diosajj janiw markaparojj apanukkaniti,+
15 Mayampiw justiciajj utjani,
cheqap chuymaninakajj taqeniw ukar arkapjjani.
16 Jan wali jaqenak contrajj ¿khitirak naya favorajj saytʼasini?
Jan walinak lurir jaqenak contrajj ¿khitirak naya toqet saytʼasini?
17 Jehová Diosatï jan yanaptʼkitaspäna ukhajja,
jankʼakiw nayajj jiwiriskayäta.+
18 Kunapachatï “kayujajj llustʼtaskiwa” sasin nayajj siskayäta ukhajja,
Jehová Dios Tata, munasiñat jan jaytjasirïtamajj katjjasiskakitänwa.+
19 Kunapachatï llakinakajj aynachtʼaykitäna ukhajja,
jumaw nayar chuymachtʼistajja, tranquilokïñatakis yanaptʼistajja.+
20 Jumajj janipuniw jan wali gobiernonakamp* chikajj trabajkätati,
kuna laykutejj leyi taypiw jupanakajj problemanak utjayañ amtapjje.+
21 Cheqap sarnaqer jaqerojj jan sinttʼasisaw atacapjje,+
jan juchanirus jiwayatäñapatakiw juchañchapjje.+
23 Jupanakan jan wali luratanakapjja Diosajj jupanak pachparuw kuttʼayanini.+
Pachpa jan wali luratanakap taypiw jupanakarojj tukjani.
Jehová Diosasaw jupanakarojj tukjani.+
95 ¡Jutapjjam, Jehová Diosar wali kusisit artʼasipjjañäni!
Kusisit arnaqasipjjañäni, salvasiñ Qarqasar* kusisit jachʼañchapjjañäni.+
2 Jupa nayraqatar yuspärañatak sarapjjañäni,+
kusisit arnaqasipjjañäni, alabanzanak jupar cantapjjañäni.
3 Kuna laykutejj Jehová Diosajj jachʼa Diosawa,
taqe yaqha diosanakjjarojj jupaw jachʼa Reyejja.+
4 Oraq manqhanakajj jupan amparapankiwa,
jachʼa qollunakas jupankiwa.+
6 Jutapjjam, adorapjjañäni,* altʼasipjjarakiñäni,
jiwasar Lurir Jehová Dios nayraqatan qonqortʼasipjjañäni.+
7 Kuna laykutejj jupaw jiwasan Diosasajja,
jiwasajj pastopankir markapätanwa,
Jumanakatï aka urun arup istʼapjjsta ukhajja,+
8 jan chuymanakamjja nayra awkinakamjam qalarayasipjjamti, kunjamtï Meribá*+ lugaran lurapkäna ukhama,
kunjamtï wasarankir Masá* lugaran lurapkäna ukhama,+
9 kunapachatï nayra awkinakamajj yantʼapkitäna ukhama.+
Kunanaktï nayajj lurkayäta ukanak uñjapkchïnsa jupanakajj qallasipjjetänwa.+
10 Uka tiempon jakir jaqenakatjja 40 maranakaw nayajj ajjtasiyäta, nayajj akham sarakiyätwa:
“Jupanakajj chuymanakapan sapa kuti saranukur markäpjjewa,
janiw thakinakajsa uñtʼapkiti” sasa.
11 Ukatwa coleratajj mä juramentompi akham sayäta:
“Janiw jupanakajj samarañ urujarojj mantapkaniti”+ sasa.
96 ¡Mä machaq canción Jehová Diosar cantapjjam!+
¡Oraqpachankirinaka, Jehová Diosar cantapjjam!+
2 Jehová Diosar cantapjjam, sutip jachʼañchapjjam.
Kunjamsa jupajj jaqenakar salvi uka suma yatiyäwinak sapür yatiyapjjam.+
3 Markanak taypin jachʼañchapjjam,
musparkañ luräwinakapatsa taqe markanak taypin yatiyapjjam.+
4 Jehová Diosajj jachʼa Diosawa, jupakiw jachʼañchäwi katoqañatak derechonejja.
Jupaw taqe yaqha diosanakat sipansa ajjsaratäñapa.
5 Markanakankir taqe diosanakajj jan kunatak servir diosanakawa,+
ukampis Jehová Diosaw alajjpachanak luri.+
6 Jupajj kawkjankkitï ukanjja kʼajkir qhanampi musparkañanakampiw utji,+
santuariopanjja chʼamampi ukhamarak wali sumäki ukampiw utji.+
7 Yaqha markankir familianaka, Jehová Diosar jachʼañchapjjam,
kʼajkir qhanapatsa chʼamapatsa Jehová Diosar jachʼañchapjjam.+
8 Jehová Diosan jachʼa sutip jachʼañchapjjam,+
mä regalo apanipjjam, pationakapar mantapjjam.
9 Jehová Diosatakejj sagrado isinakamp isthapisisin altʼasipjjam.*
¡Jupa nayraqatanjja oraqpachajj khatatpan!
10 Markanak taypin akham sasin yatiyapjjam: “¡Jehová Diosajj reyëjjewa!+
Oraqejj suma uttʼayatawa; janiw onjjtayatäkaspati.*
Jupajj cheqaparjamaw markanakar juzgani”+ sasa.
11 Alajjpachanakajj wal kusispan, oraqes kusisirakpan,
lamar qotasa kunanakatï ukar phoqantki ukanakas kusisiñat arnaqasipjjpan.+
12 Pampa oraqenakasa kunanakatï ukan utjki ukanakas kusisitäpan.+
Montenkir* taqe qoqanakas* kusisiñat arnaqasipjjpan+
13 Jehová Dios nayraqatana, kuna laykutejj jupajj jutaskiwa,
jupajj oraqer juzgañatakiw jutaski.
Jupajj oraqen jakirinakarojj cheqaparjamaw juzgani,+
jupajj jan apanukusir Diosawa, ukarjamaw markanakarojj juzgani.+
97 ¡Jehová Diosajj reyëjjewa!+
Oraqejj kusispan.+
Taqe islanakas kusisipjjpan.+
2 Qenayanakasa chʼamak qenayanakas jupa muytpachankapjjewa,+
cheqapampi justiciampiw tronopan cimientopajja.+
4 Lliju llijunakapajj oraqeruw qhantʼi,
uk uñjasasti oraqejj khatatiwa.+
5 Qollunakajj likʼir uñtasitaw Jehová Dios nayraqatan umatatapjje,+
oraqpachan Tatitupäki uka nayraqatanwa umatatapjje.
6 Alajjpachanakajj cheqapar uñjir Diosätapwa yatiyapjje,
taqe markanakaw kʼajkir qhanap uñjapjjaraki.+
7 Taqe khitinakatï idolonakar servipki ukanakajj phenqʼachataw uñjasipjjani,+
jan kunatak serviri diosanakapat jachʼa jachʼa tukurinakajj phenqʼachataw uñjasipjjani.+
Taqe diosanaka, Diosatak altʼasipjjam.*+
8 Sionajj istʼiwa, kusisirakiwa,+
Judá oraqenkir markanakajj* kusisitäpjjewa,
cheqapar uñjatam layku, Jehová Dios Tata.+
9 Jehová Dios Tata, jumaw oraqpachjjar Jachʼa Diosätajja,
taqe yaqha diosanakjjar jachʼañchatätawa.+
10 Jehová Diosar munasirinaka, kunatï jan walïki ukjja uñisipjjam.+
Diosajj jupat jan jitheqtapki ukanakan jakañ vidanakapjja imaskiwa,+
juparakiw jan wali jaqenakan amparanakapatjja* jupanakar salvi.+
11 Cheqap sarnaqer jaqetakejja qhanaw qhantʼi,+
cheqap chuymaninakajj kusisipjjewa.
12 Cheqap sarnaqerinaka, Jehová Dios laykojj kusisipjjam,
santo sutiparus yuspärapjjam.
Salmo.
Kupi amparapajja, mä arunjja santo amparapajj markaparuw salväna.+
2 Jehová Diosajj salvir Diosätapwa yatiyi,+
cheqapar uñjir Diosätapwa markanak nayraqatan qhanañchi.+
3 Munasiñat jan jaytjasirïtapa jan apanukusirïtap israelitanakar uñachtʼayañatak arskäna ukwa jupajj amtasïna.+
Diosasajj salvir Diosätapwa oraqpachajj uñji.+
4 Taqe oraqpachajj wali kusisit arnaqasipjjam, Jehová Diosar jachʼañchapjjam.
Wal kusisipjjam, kusisiñat arnaqasipjjam, alabanzanak cantapjjam.*+
5 Jehová Diosarojj arpampi alabanzanak cantapjjam,*
arpampi ukhamarak suma cancionanakampi cantapjjam.
6 Trompetanaksa pututsa phustʼapjjam,+
Jehová Dios Reyi nayraqatan wali kusisit arnaqasipjjam.
7 Lamar qotajj kusisiñat arnaqaspan, kunanakatï ukar phoqantki taqe ukanakasa,
oraqesa, ukan jakirinakasa kusisiñat arnaqasipjjpan.
8 Jawiranakajj amparanakap tʼajjllirapjjpan,
qollunakas juntuk kusisiñat arnaqasipjjpan+
9 Jehová Dios nayraqatana, kuna laykutejj oraqer juzgañatakiw Diosajj jutaski.*
99 Jehová Diosajj reyëjjewa.+ Markanakajj khatatipjjpan.
Jupajj querubín angelanak patjjanwa* tronopan qontʼasi.+ Oraqejj khatatpan.
2 Jehová Diosajj Sionan wali jachʼawa,
jupajj wali jachʼawa, taqe markanakas jupan apnaqatäpjjewa.+
3 Taqe uka markanakajj jachʼa sutim jachʼañchapjjpan,+
kuna laykutejj sutimajj musparkañawa santorakiwa.
4 Jupajj kunatï cheqapäki ukar munasir chʼamani reyiwa.+
Jumaw kunatï cheqapäki ukjja sum uttʼaytajja.
Jumaw Jacobutakejj justiciampi cheqapampi apantajja.+
5 Jehová Diosasar jachʼañchapjjam,+ kayu taktʼasiñap nayraqatan altʼasipjjarakim,*+
jupajj santo Diosawa.+
6 Moisesampi Aaronampejj Diosan sacerdotenakap taypinkapjjänwa,+
Samuelusti Diosan sutip artʼasipkäna ukanak taypinkänwa.+
Jupanakaw Jehová Diosar jawsapjjäna,
Diosasti jupanakarojj jaysarakïnwa.+
7 Qenayatpachwa Diosajj jupanakar parläna.+
Diosajj churkäna uka amtayäwinakapsa decretonakapsa jupanakajj phoqapjjänwa.+
8 Jehová Dios Tata, nanakan Diosaja, jumaw jupanakarojj jaysayätajja.+
9 Jehová Diosasar jachʼañchapjjam,+
sagrado qollup nayraqatan altʼasipjjam,*+
kuna laykutejj Jehová Diosasajj santo Diosawa.+
Yuspärañatak salmo.
100 Oraqpachajj wali kusisit arnaqaspan, Jehová Diosar jachʼañcharakpan.+
2 Jehová Diosarojj kusisit servipjjam.+
Jupa nayraqatarojj kusisiñat arnaqasis mantapjjam.
3 Jehová Diosajj Diosätap yatipjjam.+
Jupaw jiwasarojj luristu, ukatwa jiwasajj jupanktanjja.+
Jiwasajj jupan markapätanwa, pastopankir ovejanakarakïtanwa.+
Jupar yuspärapjjam, sutipsa jachʼañchapjjam.+
5 Kuna laykutejj Jehová Diosajj suma Diosawa,+
munasiñat jan jaytjasirïtapajj wiñayatakiwa,
jan apanukusirïtapas wiñayatakiwa.+
Davidan salmopa.
101 Diosan munasiñat jan jaytjasirïtapata, cheqapar uñjirïtapatwa nayajj cantäjja.
Jehová Dios Tata, jumaruw nayajj alabanzanak cantäma.*
2 Amuytʼasisa ukhamarak jan kuna juchaniw* nayajj kuns luräjja.
¿Kunapacharak nayar yanaptʼirejj jutätasti?
Utaj manqhanjja taqpach chuymampi servisaw nayajj sarnaqäjja.+
3 Janiw nayajj kunatï jan servirïki ukjja nayranakaj nayraqatar uchkäti.
Kunatï cheqapäki ukat saranukur jaqenakarojj nayajj uñistwa,+
janiw nayajj jupanakampejj chikachaskäti.
4 Chuymanakapan jan walinakajj utjki ukanakampejj janiw nayajj chikachaskti,
kunatï jan walïki ukjja janiw katoqkäti.*
Jachʼa jachʼa tukurirusa wali wal tukurirusa,
janiw nayajj aguantkäti.
6 Oraqenkirinakatjja khitinakatï Diosat jan saraqapki ukanakaruw nayajj uñtäjja,
ukhamat nayamp jakapjjañapataki.
Khititï jan juchani* sarnaqkani ukaw nayarojj servitani.
7 Janiw khiti engañjir jaqes utajan jakkaniti,
janiw khiti kʼarisiris naya nayraqatan* saytʼatäkaniti.
8 Sapa alwaw nayajj oraqenkir taqe jan wali jaqenakarojj amuktʼayäjja,*
ukhamatwa Jehová Diosan markapatjja jan walinak lurir taqe jaqenakarojj chhaqtayäjja.+
Tʼaqesiyat jaqen oracionapa, jupajj jan kun kamachtʼirjam* jikjjatasisaw oración luri, Jehová Dios nayraqatanwa llakinakap yatiyaraki.+
2 Llakisiñ tiempon uñjaskta ukhajj janikiy ajanum nayat imantasimti.+
3 Kuna laykutejj urunakajajj jewqʼer uñtataw chhaqtaski,
chʼakhanakajajj ninampi qʼala nakhantatäkaspas ukhamawa.+
4 Chuymajajj qorar uñtat qʼala suwartatawa,+ wañsutarakiwa,
tʼantʼaj manqʼañ armasitaj layku.
6 Wasarankir pelícano jamachʼir uñtasitätwa,
laqayanak taypinkir jiskʼa jukur uñtasitarakïtwa.
8 Enemigonakajajj uru jurnälaw nayar insultapjjetu.+
Khitinakatï nayat larusipki ukanakajj sutijwa maldisiñatakejj aytasipjje.
9 Nayajj qhellanakwa tʼantʼajäkaspas ukham manqʼta,+
kuntï nayajj umkta ukanjja jachanakajaw utji,+
10 colerasitam layku.
Kuna laykutejj mä lador jaqtañatakikiw jumajj nayar aptistajja.
13 Jumajj cheqpachapuniw sartasïta, Sionat khuyaptʼayasïtawa,+
kuna laykutejj Sionat sinttʼasiñam tiempöjjewa,+
señalat tiempojj purinjjewa.+
14 Kuna laykutejj servirinakamajj Sionan qalanakaparojj munasiñampiw uñjapjje,+
laqʼa polvoparus munasiñampiw uñjapjje.+
15 Markanakajj Jehová Diosan sutiparuw ajjsarapjjani,
oraqenkir taqe reyinakas jachʼañchäwimaruw ajjsarapjjani.+
16 Kuna laykutejj Jehová Diosajj mayampiw Sionarojj saytʼayani,+
jupajj kunja kʼajkirisa ukwa uñachtʼayani.+
17 Jan kunani jakasir jaqenakan oracionanakapjja Diosajj sum istʼani,+
oracionanakaparojj janiw jiskʼachkaniti.+
18 Akajj jutïr wawanakatak qellqatawa,+
ukhamat naskani uka markajj Jah Diosar jachʼañchañapataki.
19 Kuna laykutejj jupajj sagrado utjäwipatpachwa aynacharojj uñtani,+
Jehová Diosajj alajjpachanakatpachwa oraqerojj uñtani,
20 ukhamat preso katuntat jaqen llakirtʼasitap istʼañataki,+
ukhamarak jiwayañatak juchañchatanakar salvañataki,+
21 ukhamat Jehová Diosan sutipajj Sionan yatiyasiñapataki,+
ukhamarak jachʼañchäwipat Jerusalenan yatiyasiñapataki,
22 kunapachatï markanakasa reinonakas*
Jehová Diosar serviñatak tantachasipkani ukha.+
23 Jupajj janïr tiempökipanwa chʼamaj lunthatitu,
urunakajsa jukʼaptayiwa.
24 Nayajj akham sistwa: “Dios Tata, nayan Diosaja,
janïr nayajj awkiptkipan janikiy jakäwij apaqestati,
juman maranakamajj wiñayatakiwa.+
25 Walja tiempo nayraw jumajj oraqen cimientonakap uchtajja,
alajjpachanakajj amparanakamamp luratawa.+
26 Ukanakajj tukusipjjaniwa, ukampis jumajj jakaskakïtawa,
mä isir uñtataw ukanakajj thantstapjjani.
Kunjamtï isejj turksuskejja ukhamwa ukanakarojj turksüta ukatsti chhaqtjjapjjarakiniwa.
27 Ukampis jumajj pachpakïsktawa, jakañ tiempomas janipuniw tukuskaniti.+
28 Servirinakaman wawanakapajj jan ajjsarasaw jakasipjjani,
wawanakapasti juma nayraqatan suma uttʼayatäpjjaniwa”+ sasa.
Davidan salmopa.
103 Nayajj Jehová Diosaruw jachʼañchäjja,
taqe chuymajampiw santo sutip jachʼañchäjja.
2 Nayajj Jehová Diosaruw jachʼañchäjja,
taqe kuntï jupajj lurki ukanakat janik armasiristti.+
4 Jakañ vidamjja sepulturatwa jupajj salvi,+
munasiñat jan jaytjasiñapampi khuyapayasiñapampiw coronäkaspas ukham uchtamjja.+
5 Taqpach jakäwimanjja kunanakatï sumäki ukanakampiw phoqtʼaytamjja,+
ukhamat mä pakar uñtat waynäskakiñamataki ukhamarak chʼamanïskakiñamataki.+
6 Jehová Diosajj cheqapampi justiciampiw taqe kuns luri,+
taqe khitinakatï tʼaqesiyatäpki ukanakataki.+
9 Jupajj janiw pantjasitanakasjja wiñayatak amjjäskaniti,+
janirakiw wiñayatak chuyma ustʼatäkaniti.+
10 Jupajj janiw juchanakasarjamajj uñjkistuti,+
janirakiw pantjasitanakasat kunatï katoqañajj waktʼkistu ukarjamajj castigkistuti.+
11 Kunjamtï alajjpachanakajj oraqet wali altonkkejja,
ukham jachʼarakiw Diosan munasiñat jan jaytjasirïtapajj jupar ajjsarapki ukanakatakejja.+
12 Kunjamtï inti jalsojj inti jalantat wali jayankkejja,
ukhamwa Diosajj jiwasan juchanakasjja wali jayar usku.+
13 Kunjamtï mä awkejj wawanakapat khuyaptʼayaskejja,
ukhamarakiw Jehová Diosajj jupar ajjsarapki ukanakat khuyaptʼayasi.+
16 Ukampis kunapachatï thayajj thaytʼanki ukhajja, chhaqtawayjjewa,
janis kunapachas ukankkaspäna ukhamakëjjewa.
17 Ukampis jupar ajjsarapki ukanakatakejja
Jehová Diosan munasiñat jan jaytjasirïtapajj
Cheqapar uñjirïtapas wawanakapan wawanakapkamaw puri,+
18 pactop phoqapki,+
arsutanakapsa wali sum phoqapki ukanakaru.
20 Diosan angelanakapa,+ wali chʼaman angelanaka, taqeni Jehová Diosar jachʼañchapjjam,
khitinakatï arunakap phoqapkta, arunakapar istʼapkarakta+ ukanaka.
21 Jupan taqe ejercitonakapa, Jehová Diosar jachʼañchapjjam,+
jupan servirinakapa, jupan munañap luririnaka.+
22 Jupan taqe luratanakapa, Jehová Diosar jachʼañchapjjam,
jupajj apnaqki taqe uka lugaranakana.
Taqe chuymajampiw nayajj Jehová Diosar jachʼañchäjja.
104 Jehová Diosaruw nayajj jachʼañchäjja.+
Jehová Dios Tata, nayan Diosaja, jumajj wali jachʼätawa.+
Jumajj musparkañampi kʼajkir qhanampi isthapitätawa.+
2 Qhanamp llawuntatätawa,+ mä isimp llawuntatäkasmas ukhama,
alajjpachanakjja mä carpan telapjamwa jumajj janatattajja.+
3 Alay cuartonakapan viganakapjja alajjpachankir umanakjjaruw jupajj* usku,+
qenayanakjja carroparuw tukuyaraki,+
thayan chheqanakapjjanwa jupajj sarnaqe.+
4 Angelanakaparojj chʼamani espiritunakaruw tukuyi,
servirinakaparojj qʼala nakhantir ninaruw tukuyi.+
5 Oraqjja cimientonakapjjaruw uttʼayäna,+
wiñayans wiñayapatakejj janipuniw oraqejj lugarapat onjjtayatäkaniti.*+
6 Oraqerojj manqhankir umanakampiw imjjattajja, mä isimpis imjjatkasma ukhama.+
Umanakajj qollunakaruw imjjatäna.
7 Kunapachatï jumajj umanakar toqenoqkayäta ukhajja, umanakajj escapjjapjjänwa,+
qʼejjo qʼejjom istʼasajja umanakajj ajjsarañatwa escapjjapjjäna,
8 ukatwa qollunakasa vallenakas uñstjjapjjäna,+
kawkjanakarutï uttʼaykta uka lugaranakana.
9 Jan pasapjjañapatakisti umanakatakejj mä qorpa uchayätajja,+
ukhamat oraqer jan wasitat imjjatapjjañapataki.
10 Uma jalsunakan umanakapjja jupajj vallenakaruw apayi.
Umanakapajj qollunak taypnamaw jalapjje,
11 uka umanakatjja camponkir taqe salvaje animalanakaw umtʼapjje,
umat pharjat* salvaje asnonakas uka umanakatwa umtʼapjjaraki.
12 Uka umanak jakʼankir qoqanakanwa* jamachʼinakajj tapachasipjje,
walja ramanak taypinwa cantapjjaraki.
13 Alay cuartonakapatpachwa jupajj qollunakar umamp warjjatasinki.+
Oraqejj luratanakaman achunakapampi phoqantatawa.+
14 Jupaw uywanakatakejj pastonak jilayi,
juparakiw jaqetakejj chʼojjña alinak jilayi,+
ukhamat manqʼañanakajj oraqen jilañapataki.
15 Jupaw jaqen chuymap kusisiyir vinsa,+
ajanu qoñaptayir aceitsa,
jaqer chʼam churir tʼantʼsa utjayi.+
16 Jehová Diosan qoqanakapajj* umamp sistʼatäpjjewa,
Líbano qollunakankir jupan ayrutäki* uka cedro qoqanakajj umamp sistʼatäpjjewa,
17 uka qoqanakanwa* jamachʼinakajj tapachasipjje.
Enebro qoqanakanwa cigüeña+ jamachʼejj jakasi.
18 Jachʼa qollunakajj qollunkir cabranakatakiwa,+
jachʼa qarqanakasti* qalanakan jakir wankʼunakan*+ imantasipjjañapatakiwa.
19 Jumaw phajjsjja lurtajja, ukhamat tiemponak uttʼayañataki.
Intejja kunapachas jalantjjañapa uk sum yati.+
20 Jumaw chʼamak apantajja, ukatjja arumtʼjjarakiwa,+
ukapachaw montenkir* taqe salvaje animalanakajj sarnaqapjje.
22 Kunapachatï intejj jalsunki ukhajja,
uka leonanakajj sarjjapjjewa, imantasiñ lugaranakapanwa winktʼasipjjaraki.
23 Jaqejj trabajoparuw sari,
jaypʼukamaw wal trabajiraki.
24 ¡Jehová Dios Tata, luratanakamajj waljapuniwa!+
Yatiñampiw taqe ukanak lurtajja.+
Oraqejj luratanakamampi phoqantatawa.
25 Lamar qotajj ukankiwa, wali manqha, wali jachʼarakiwa,
jan jaktʼkaña jiskʼa ukhamarak jachʼa animalanakamp wali phoqantatawa.+
26 Lamar qotnamaw barconakajj sarapjje,
Leviatán*+ sat animalas lamar qotnamaw sararaki, lamar qotan anatañapatakiw Leviatán sat animalarojj lurtajja.
27 Taqe ukanakajj jumaruw suytʼapjjtamjja,
ukhamat jupanakar manqʼañanakap tiempopar churañamataki.+
28 Kuntï jupanakar churkta ukanakjja jupanakajj apthapipjjewa.+
Kunapachatï amparam jistʼarkta ukhajja, kunanakatï sumäki ukanakampiw jupanakajj sistʼasipjje.+
29 Kunapachatï ajanum imantaskta ukhajja, jupanakajj llakisipjjewa.
Espiritup apaqkta ukhajja, jupanakajj jiwjjapjjewa, laqʼa polvoruw kuttapjjaraki.+
30 Espiritum khitankta ukhajja, jupanakajj luratäpjjewa,+
jumaw oraqerojj machaqaptaytajja.
31 Jehová Diosan jachʼañchäwipajj wiñayatakïniwa.
Jehová Diosajj luratanakap laykojj kusisiniwa.+
32 Jupajj oraqer uñjjatankki ukhajja, oraqejj khatatiwa,
qollunakar llamktʼi ukhajja, qollunakajj jewqʼetatiwa.+
34 Lupʼitanakajajj* chuymapar purtʼkirïpan.*
Jehová Dios laykuw nayajj kusisëjja.
35 Jucharar jaqenakajj oraqet chhaqtjjapjjaniwa,
jan wali jaqenakajj janiw jukʼampis utj-jjaniti.+
Nayajj Jehová Diosaruw jachʼañchäjja. ¡Jah Diosar jachʼañchapjjam!*
3 Santo sutipat jachʼañchasipjjam.+
Jehová Diosar thaqerinakan chuymanakapajj kusispan.+
4 Jehová Diosar thaqapjjam,+ chʼamapsa thaqapjjam,
yanaptʼapsa thaqapjjapunim.
5 Musparkañ luräwinakapat amtasipjjam,
milagronakapatsa castigonakapatsa amtasipjjarakim,+
6 Abrahán serviripan wawanakapa,+
Jacob chachan wawanakapa, jupan ajllitanakapa.+
7 Jupajj jiwasan Jehová Diosasawa.+
Jupaw oraqpachar juzgui.+
8 Jupajj pactopat wiñayatakiw amtasi,+
mä promesa luratapatsa* wiñayatakiw amtasi,+
9 Abrahán chachampi lurkäna uka pactotsa,+
Isaac chachar mä juramento arskäna ukatsa,+
10 jupaw Jacob chachatakejj mä garantiyjam uka juramento luräna,
Israelatakis walja tiempotak pactjam lurarakïna,
11 akham sasa: “Nayaw Canaán oraqe churäma,+
uka oraqejj herenciat waktʼapktam ukawa”+ sasa.
12 Jupanakajj mä qhawqhanikïpkäna,+
jïsa, wali jukʼanikïpkäna, oraqens extranjeronakjam jakapkäna+ ukapachaw ukham arsüna.
14 Jupajj janiw khiti jaqempis jupanakarojj tʼaqesiykänti,+
jan ukasti jupanak laykojj reyinakarus toqenoqänwa,+
15 akham sasa: “Ajllitanakajarojj jan llamktʼapjjamti,
profetanakajarojj janirak kuna jan walsa lurapjjamti”+ sasa.
16 Diosajj markjjar manqʼat pistʼaña jutañapatakiw arsüna.+
Tʼantʼa imañanakapsa pʼakjänwa.*
17 Jupajj mä chacharuw jupanak nayra khitäna,
esclavot aljatäkäna uka Josearuw khitäna.+
19 Jupan arunakapajj phoqaskäna uka tiempokama,+
Jehová Diosan arsutapaw juparojj qʼomachäna.
20 Reyejj jupar antutasiñapatakiw arsüna,+
markanakan apnaqeripaw juparojj carcelat apsjjäna.
21 Utap apnaqañapatakiw jupar uttʼayäna,
kunanakatï jupankkäna taqe ukanak apnaqañapatakiw uttʼayäna.+
22 Ukhamat kunjamtï jupajj munki ukarjam reyin principenakapjjar autoridadanïñapataki
23 Ukatjja Israelajj Egipto markaruw saräna,+
Jacobojj Cam oraqenwa extranjerjam jakäna.
24 Diosajj walja wawanïpjjañapatakiw markapar bendisïna,+
jupanak contra saytʼirinakat sipansa jukʼamp chʼamaniruw markapar tukuyäna.+
25 Markap contra saytʼirinakarojj chuymanakap mayjtʼayapjjañapatakiw Diosajj jaytäna, ukhamat markapar uñisipjjañapataki
ukhamarak servirinakap contra jan walinak amtapjjañapataki.+
27 Jupanakaw marka taypinjja* Diosan milagronakap lurapjjäna,
Cam+ oraqenwa Diosan milagronakap lurapjjäna.
28 Diosajj chʼamak apayanïna, ukatsti Egipto oraqejj chʼamaktʼjjänwa.+
Jupanakasti* arunakapar istʼapjjänwa.
29 Umanakapjja wilaruw jupajj tukuyäna,
chawllanakapsa jiwarayänwa.+
30 Jupanakan markapas kʼayranakamp phoqantatänwa,+
reyin cuartonakapas ukanakamp phoqantatänwa.
31 Diosajj achusir chhichhillankhanakaruw phoqantapjjañapatak mä orden churäna,
jiskʼa chhichhillankhanakarus* ukhamaraki, ukhamat taqpach oraqenakapar phoqantapjjañapataki.+
33 Uvas yapunakapsa higos yapunakapsa tukjänwa,
oraqenakapan qoqanakapsa* qʼal tukjarakïna.
34 Jupan arsutaparjamaw langostanakajj* phoqantapjjäna,
jan jaktʼkaña walja wawa langostanakaw utjäna,+
35 uka langostanakaw markankir taqe chʼojjña alinak manqʼantapjjäna,
oraqen achunakapsa manqʼantapjjarakïnwa.
36 Ukatjja markankir taqe jilïr yoqall wawanakaruw jiwarayäna,+
nayrïr wawanakaparuw jiwarayäna.
38 Israelitanakajj sarjjapjjäna ukhajja, egipcionakajj wal kusisipjjäna,
39 Diosajj jupanakar jarkʼaqañatakejj mä qenaywa apayanïna,+
arum qhantʼañapatakejj ninwa apayanirakïna.+
40 Jupanakajj aycha mayipjjäna, ukatwa Diosajj khullunak jupanakar apayanïna,+
alajjpach tʼantʼampejj jupanakar sistʼayaskakïnwa.+
42 Kuna laykutejj Abrahán serviripar sagrado promesa luratapatwa amtäna.+
43 Ukatsti markaparuw irpsüna, markapasti wal kusisïna,+
ajllitanakaparuw irpsüna, jupanakajj kusisiñatwa arnaqasipjjäna.
44 Jupajj markanakan oraqenakapwa jupanakar churäna,+
kunanaktï yaqha markanakajj wali chʼamampi jikjjatapkäna ukanakwa jupanakajj herenciat katoqapjjäna,+
45 ukhamat Diosan decretonakap phoqapjjañapataki+
ukhamarak leyinakapar istʼapjjañapataki.
¡Jah Diosar jachʼañchapjjam!*
106 ¡Jah Diosar jachʼañchapjjam!*
2 ¿Khitirak Jehová Diosan taqe jachʼa luräwinakapat yatiyaspasti,
jan ukajj khitirak jachʼañchkañ taqe luräwinakapat yatiyaspasti?+
3 Khitinakatï cheqapar kuns lurapki ukanakajj kusisitäpjjewa,
khitinakatï taqe horasan kunatï cheqapäki uk luras sarnaqapki ukanakajj kusisitäpjjewa.+
4 Jehová Dios Tata, kunapachatï markamar sum uñjkäta ukhajj nayat amtasikimaya.+
Sumakiy nayar uñjita, salvarakita,
5 ukhamat kunjamtï ajllitanakamar+ suma chuymamp uñjkta ukham nayar uñjañamataki,
ukhamat markamamp chik kusisiñajataki,
ukhamat jachʼañchasis herenciamamp* chik jumar jachʼañchañajataki.
6 Kunjamtï nayra awkinakajajj juchachasipkäna ukhamwa nanakajj juchachasipjjta,+
nanakajj jan wal lurapjjta, jan walpun lurapjjta.+
7 Egipto markanjja nayra awkinakajajj janiw musparkañ luräwinakamar sum uñjapkänti.
Wali munasiñat jan jaytjasirïtamat janiw amtasipkänti,
jan ukasti Mar Rojo qota jakʼanwa juma contra saytʼasipjjäna.+
9 Diosajj Mar Rojo qotaruw toqenoqäna, ukatwa uka qotajj wañtʼjjäna,
uka qota taypnamaw jupanakar irpäna, mä wasar taypnamas irpkaspa ukhama.+
10 Jupanak contra saytʼirinakan amparapatwa Diosajj salväna,+
enemigon amparapatwa jupanakarojj salväna.+
11 Jupanak contra saytʼirinakajj umamp ajjskatasaw jiwapjjäna,
jupanakat janiw maynis salvaskänti.+
12 Ukatwa jupanakajj Diosan promesapar confiyapjjäna,*+
jupan alabanzanakap cantañwa qalltapjjarakïna.+
13 Ukampis kuntï Diosajj lurkäna ukjja jankʼakiw jupanakajj armasjjapjjäna,+
janiw jupan ewjjtʼap suyapkänti.
15 Kuntï mayipkäna ukwa Diosajj jupanakar churäna,
ukampis mä jan wali usumpiw jupanakarojj usuntayäna, uka usuw jupanakarojj aynachtʼayäna ukat jiwarayarakïna.+
16 Campamentonjja jupanakajj Moisesatwa envidiasipjjäna,
Aaronatsa envidiasipjjarakïnwa,+ jupajj Jehová Diosar serviñatak yaqhachatänwa.+
17 Ukatjja oraqejj jistʼartasaw Datán chacharojj manqʼantäna,
Abiram chachamp tantachtʼatäsipkäna ukanakarusti imjjatarakïnwa.+
18 Jupanakan grupop taypinjja ninaw aqtäna,
mä ninaw jan wali jaqenakarojj qʼal nakhantäna.+
19 Horeb qollunjja mä vaca qallwa jupanakajj lurapjjäna,
metalat lurat mä idoloruw altʼasipjjäna.+
20 Nayar jachʼañchañat sipansa,
jupanakajj pasto manqʼer toror uñtasitäki uka idoloruw adorañ* qalltapjjäna.+
21 Salvir Diosatjja jupanakajj armtʼasjjapjjänwa,+
jupaw Egipto markan musparkañanak luräna,+
22 jupaw Cam oraqen musparkañanak luräna,+
juparakiw Mar Rojo sat qotan musparkañanak luräna.+
23 Jupanakan tukjatäpjjañapatakejja Diosajj niyaw mä orden churañampïskäna,
ukampis Moisés ajllitapaw jupanakatakejj Diosar ruwtʼäna,
ukhamat tukjañ munir colerasitap apartayañataki.+
25 Jupanakasti carpanakapanjja arusisipkakïnwa.+
Janiw Jehová Diosan aruparojj istʼapkänti.+
26 Ukatwa Diosajj amparap altor aytäna, mä juramento lurarakïna,
ukhamat wasaran jupanakar jiwarayañataki,+
27 jutïr wawanakapar markanak taypin aywitatayañataki
ukhamarak yaqha oraqenakan jiwapjjañapataki.+
28 Ukatsti jupanakajj Peor sat lugarankir Baal diosar adorañwa* qalltapjjäna,+
jiwatanakar loqtat sacrificionakwa manqʼapjjarakïna.*
30 Ukampis kunapachatï Finehás chachajj saytʼasïna, cheqaparjam lurarakïna ukhajja,
castigojj saytʼjjänwa.+
31 Ukatwa jupajj cheqapar sarnaqer jaqet uñjatänjja,
wiñayans wiñayapataki.+
32 Jupanakajj Meribá* lugarankir umanak jakʼanwa Diosar colerayapjjäna.
Jupanak kawsaw Moisesajj jan walin uñjasïna.+
37 Yoqall wawanakaparus
imill wawanakaparus demonionakaruw sacrificiot loqtapjjäna.+
38 Jan juchani jaqenakan wilapjja wartasipkakïnwa,+
pachpa yoqall wawanakapana imill wawanakapan wilapjja wartasipkakïnwa,
Canaán oraqenkir idolonakaruw loqtapjjäna,+
oraqejj wila wartasitampi qʼañuchatänwa.
40 Ukatwa Jehová Diosajj markap contrajj wal colerasïna,
herenciapatjja* ajjtasïnwa.
41 Kutin kutiniw jupanakarojj yaqha markanakar apjjaruyäna,+
ukhamat uñisirinakapajj jupanakar apnaqapjjañapataki.+
42 Enemigonakapasti jupanakarojj tʼaqesiyapjjänwa,
jupanakajj enemigonakapan amparapar katuyatäpjjänwa.
43 Walja kutiw Diosajj jupanakar salväna,+
ukampis jupanakajj kutkatasirïpjjänwa, jan istʼasirïpjjarakïnwa,+
pantjasitanakapatjja jiskʼachataw uñjasipjjäna.+
45 Jupanak laykuw Diosajj pacto luratapat amtasïna,
ukatwa wali munasiñat jan jaytjasirïtapat jupanakat sinttʼasïna.+
46 Khitinakatï jupanakar preso katuntapkäna taqe ukanakampiw
Diosajj sinttʼasiyäna.+
47 Nanakan Jehová Diosaja, salvapjjakitaya,+
markanak taypit tantachtʼapjjeta,+
ukhamat santo sutim jachʼañchapjjañajataki,
wali kusisit jumar alabapjjañajataki.+
Taqpach markajj “¡Amén!”* sarakpan.
¡Jah Diosar jachʼañchapjjam!*
PHESQËR LIBRO
(Salmos 107-150)
107 Jehová Diosar yuspärapjjam, kuna laykutejj jupajj suma Diosawa,+
munasiñat jan jaytjasirïtapajj wiñayatakiwa.+
2 Khitinakarutï Jehová Diosajj salvki* ukanakajj ukham sapjjpan,
jupanak contra saytʼirinakan amparapat* salvki+ ukanakajj ukham sapjjpan,
3 khitinakarutï markanakat tantachthapki,+
inti jalsutsa, inti jalantatsa,
alay toqetsa, aynach toqetsa* tantachthapki+ ukanakajj ukham sapjjpan.
4 Jupanakajj mä cheqat yaqha cheqanwa wasaran sarnaqapjjäna, jan kunas jakki uka oraqena,
mä markan jakañatak apir mä thakjja janiw jupanakajj jikjjatapkänti.
5 Manqʼat awtjata umat pharjata* ukhamaw jupanakajj uñjasipjjäna,
aynachtʼatäpjjatap laykus desmayasipjjänwa.
6 Llakitäpkäna ukhasti Jehová Diosarojj artʼasisipkakïnwa,+
jupasti jan waltʼäwinakapatwa jupanakar salväna.+
7 Diosasti cheqap thaknamaw jupanakarojj sarnaqayäna,+
ukhamat jakañatak mä markar puripjjañapataki.+
8 Jaqenakajj Jehová Diosar munasiñat jan jaytjasirïtapat yuspärapjjpan,+
jaqenakan wawanakap layku musparkañ luräwinakapat+ yuspärapjjpan.
9 Kuna laykutejj Diosajj umat pharjatarojj* sistʼasiyañkamaw um churi,
manqʼat awtjatarojj sumanakampiw sistʼasiyaraki.+
10 Yaqhepanakajj wali chʼamakanwa jakasipkäna,
cadenanakamp tʼaqesiyat preso katuntata.
11 Kuna laykutejj Diosan arup contraw saytʼasipjjäna,
jachʼa Diosan ewjjtʼaparus janiw respetapkänti.+
12 Ukatwa jupajj jan waltʼäwinakamp jupanakar jiskʼachäna,+
jupanakajj jaqosipjjänwa,* ukampis janiw jupanakar khiti yanaptʼiris utjkänti.
13 Llakitäpkäna ukhajj Jehová Diosaruw yanap mayipjjäna,
jupasti jan waltʼäwinakapatwa jupanakar salväna.
14 Diosajj wali chʼamakatwa jupanakarojj apsüna,
cadenanakapsa tʼaqaränwa.+
15 Jaqenakajj Jehová Diosar munasiñat jan jaytjasirïtapat yuspärapjjpan,+
jaqenakan wawanakap layku musparkañ luräwinakapat yuspärapjjpan.
16 Kuna laykutejj cobret lurat punkunakwa jupajj jaqsu,
hierrot lurat trancanakapsa khuchjiwa.+
17 Jupanakajj jan amuytʼasirïpjjänwa, ukatwa tʼaqesipjjäna,+
juchachasipjjatapata ukhamarak pantjasipjjatapata.+
18 Janiw kuna manqʼsa jupanakajj manqʼañ munjjapjjänti,
jiwañ punkunakaruw jakʼachasipjjäna.
19 Llakitäpkäna ukhajj Jehová Diosaruw yanap mayipjjäna,
jupasti jan waltʼäwinakapatwa jupanakar salväna.
20 Diosajj arup apayanisaw jupanakar qolläna,+
katuntatäpkäna uka pʼiyanakatsa salvarakïnwa.
21 Jaqenakajj Jehová Diosar munasiñat jan jaytjasirïtapat yuspärapjjpan,
jaqenakan wawanakap layku musparkañ luräwinakapat yuspärapjjpan.
22 Jupanakajj yuspärañatak sacrificionak+ loqtapjjpan,
Diosan luräwinakapat kusisit arnaqasis yatiyapjjpan.
23 Khitinakatï barconakat lamar qotnam viajipki,
khitinakatï walja umanak patjjnam sarasin trabajipki+ ukanakajja,
24 Jehová Diosan luratanakapwa uñjapjje,
lamar qotanwa musparkañ luratanakap uñjapjje.+
25 Kunjamsa Diosan mä arupampejj mä jachʼa thayajj sarti,+
kunjamsa uka jachʼa thayajj lamar qotan oladanakap sartayi uksa uñjapjjarakiwa.
26 Oladanakajj alajjpachkamaw barco apnaqerinakarojj apti,
ukatjja barco apnaqerinakajj mayampiw lamar qotjjar saraqanipjje.
Jan waltʼäwin uñjasipjjañap yatisajja jupanakajj ajjsarayasipjjewa.
27 Jupanakajj umatanakjamaw aytilipjje, jaqonaqtapjjaraki,
barco apnaqañ sumsa yatipkchejja ukajj inamayakiwa.+
28 Llakin uñjasisajj Jehová Diosaruw artʼasipjje,+
jupasti jan waltʼäwinakapatwa jupanakar salvi.
29 Diosajj jachʼa thayaruw tʼakurayi,
lamar qotan oladanakapas tʼakurarakiwa.+
30 Oladanakan tʼakuratap uñjasajja jupanakajj kusisipjjewa,
puriñ munapki uka puertokamaw Diosajj jupanakar irpi.
31 Jaqenakajj Jehová Diosar munasiñat jan jaytjasirïtapat yuspärapjjpan,
jaqenakan wawanakap layku musparkañ luräwinakapat yuspärapjjpan.+
32 Tantachtʼat marka taypin jupar jachʼañchapjjpan,+
tantachtʼat ancianonak taypin jupar jachʼañchapjjarakpan.
33 Jupasti jawiranakjja wasararuw tukuyi,
uma jalsurinaksa wali waña oraqeruw tukuyi,+
34 wali achuri oraqsa jayukʼara waña oraqeruw tukuyi,+
ukan jakiri jaqenakan jan wali luratanakap kawsa.
35 Wasarjja cañanakan qotaruw tukuyi,
waña oraqsa uma jalsunakaruw tukuyi.+
38 Diosasti markaparojj bendisiwa, ukatjja jupanakajj wal jiljjattapjje,
uywanakapan jukʼaptañapsa janirakiw dejkiti.+
39 Ukampis jupanakajj mayampiw jukʼaptapjje, jiskʼachatäpjjarakiwa,
tʼaqesiyata, jan waltʼayata, llakisiyata uñjasipjjatap layku.
40 Marka apnaqerinakarojj Diosajj jiskʼachiwa,
jan thakini wasaranakanwa jupanakarojj mä cheqat yaqha cheqan sarnaqayi.+
41 Ukampis pobrenakarojj tʼaqesiñatwa jarkʼaqe,*+
jupanakan familianakaparojj mä uywa tamar uñtasitwa waljanir tukuyi.
42 Cheqap sarnaqer jaqenakajj uk uñjasajj kusisipjjewa,+
ukampis jan cheqapar uñjir taqe jaqenakajj lakanakapwa jistʼantapjje.+
43 Khititï yatiñanïki uka jaqejja uka toqenakatwa lupʼini,*+
Jehová Diosan munasiñat jan jaytjasirïtapat wali amuyumpiw yatjjatarakini.+
Canción. Davidan salmopa.
108 Dios Tata, chuymajajj jumat jan jitheqtiriwa.
Taqe chuymajampiw nayajj cantäjja, musicsa tukarakëjja.+
2 Cuerdanakan instrumento, jumajj sartasim. Arpa,+ jumajj sartasirakim.
Wali alwatwa nayajj sartasëjja.
3 Jehová Dios Tata, markanak taypinwa jumar jachʼañchäma,
markanak taypinwa alabanzanak cantäma.*
4 Kuna laykutejj munasiñat jan jaytjasirïtamajj wali jachʼawa, alajjpachanakjam wali altorakiwa,+
jan apanukusirïtamas qenayanakkamaw puri.
5 Dios Tata, alajjpachanakan jumar jachʼañchaspan,
oraqpachan jumar jachʼañchaspan.+
6 Munat servirinakaman salvatäpjjañapatakejj
chʼamamampiy salvapjjeta, oracionajarus jaysakitaya.+
7 Santo Diosajj* akham siwa:
8 Galaad+ oraqejj nayankiwa, Manasés tribus nayankarakiwa,
Efraín tribujj pʼeqejatakejj mä cascowa,+
Judá tribujj apnaqañatak thujrujawa.+
9 Moab oraqejj jarisiñ fuentejawa.+
Edom oraqerojj wiskhujampiw* jaqtʼäjja.+
Filistea markar atipjasajj kusisitaw arnaqasëjja”+ sasa.
10 ¿Khitirak jachʼa perqanakan markar irpitanisti?
¿Khitirak Edomkamajj irpitanisti?+
11 Dios Tata, ¡jumaw atipjayapjjetäta! Ukampis jichhajj apanukupjjestawa.
Nanakan Diosaja, janiw ejercitonakajampejj mistktati.+
Directorataki. Davidan salmopa.
109 Dios Tata, jumaruw nayajj jachʼañchsma,+ janikiy amukejj quedasimti.
2 Kuna laykutejj jan wali jaqempi engañjir jaqempejj naya contraw lakanakap jistʼarapjje.
Kʼarinakwa nayat parlapjje.+
3 Jupanakajj naya contra parlasaw muyuntapjjetu.
4 Nayajj jupanakar munastwa, ukampis jupanakajj naya contraw saytʼasipjje,+
ukampis nayajj orasiskaktwa.
6 Mä jan wali jaqeruy enemigoj-jjarojj uttʼayam,
kutkatasir mä jaqey jupan kupëjjapar saytʼatäpan.
7 Kunapachatï jupajj juzgatäkani ukhajj juchañchat uñjaspan,*
oracionapas juchäkaspas ukham uñjatäpan.+
9 Wawanakapas jan awkin wajchanak* qheparapjjpan,
esposapas viuda qhepararakpan.
10 Wawanakapajj mä cheqat yaqha cheqan mayjasis sarnaqapjjpan,
laqaya utanakapat mistusin manqʼañanak thaqapjjpan.
11 Jupar qollqe maytʼki uka jaqejj taqe kunanakapatï jupan utjki ukanak katuntaspan,
kunanakatï jupan utjki ukanakjja jan uñtʼat jaqenakay saqueysupjjpan.
12 Jan khitis jupat khuyaptʼayaspanti,*
janirak khitis jan awkin wajcha wawanakapatsa* khuyaptʼayaspanti.
13 Jupat jutir wawanakapajj tukjatäpjjpan,+
wawanakapan sutinakapas chhaqtayatäpjjpan, ukhamat jutïr wawanakajj jupanakjjat jan kuns yatipjjañapataki.
14 Jupan nayra awkinakapan pantjasitanakapatjja Jehová Diosajj amtaspan,+
mamapan juchapas janirak chhaqtayatäpanti.
15 Kuntï jupanakajj lurapkäna ukatjja Jehová Diosajj amtasipunpan,
jupanakan sutinakapas oraqet chhaqtayatäpan.+
16 Kuna laykutejj uka jaqejj janiw khuyaptʼayasiñ* uñachtʼayañ amtaskänti,+
jan ukasti tʼaqesiyata, pobre, chuymas pʼakintata jaqerojj jupajj arknaqaskakïnwa,+
ukhamat jiwayañataki.+
17 Jupajj maldisiñ wal munäna, ukatwa maldicionajj jupar waktʼäna,
jupajj janiw bendisiñ munirïkänti, ukatwa bendición jan katoqkänti.
18 Jupajj maldicionanakampi isthapitänwa, mä isimpi isthapitäkaspas ukhama.
Ukanakasti umäkaspas ukhamwa cuerpopar mantäna,
aceitëkaspas ukhamwa chʼakhanakaparojj mantäna.
19 Maldicionanakapajja jupajj llawuntaski uka isir uñtasitäpan,+
sapa kuti uskuski uka cinturonar uñtasitarakïpan.
20 Khititï naya contra saytʼaski ukarojja ukhamwa Jehová Diosajj castigui,+
naya contra jan walinak parlapki ukanakarojj ukhamwa castigui.
21 Taqe Kunjjar Munañani Jehová Dios Tata,
sutim laykojj sumakiy uñjita.+
Salvita, kuna laykutejj munasiñat jan jaytjasirïtamajj sumawa.+
23 Kunjamatï chʼiwejj chhaqtkejja ukhamaw nayajj sarjjaskta,
isit thalaqat langostar* uñtasitätwa.
24 Ayuno lurataj laykojj qonqorinakajajj aynachtʼaskiwa,
25 Jupanakajj nayatwa burlasipjje.+
Kunapachatï jupanakajj uñjapkitu ukhajja, jiskʼachasaw pʼeqenakapsa khiwisipjje.+
26 Jehová Dios Tata, yanaptʼakitaya,
munasiñat jan jaytjasirïtamat salvakitaya.
27 Jupanakajj amparam taypi salvirïtam yatipjjpan,
Jehová Dios Tata, salvirïtam yatipjjpan.
28 Jupanakajj maldicionanak arsupjjpan, ukampis jumajj nayar bendisita.
Kunapachatï jupanakajj naya contra saytʼasipkani ukhajj phenqʼachat uñjasipjjpan,
ukampis servirimajj kusispan.
29 Naya contra saytʼasipki ukanakajj jiskʼachañampi isthapitäpjjpan,
phenqʼachat uñjasitanakapampejj mä isimpjam* llawuntatäpjjpan.+
30 Lakajajj Jehová Diosaruw wal jachʼañchani,
nayajj walja jaqenak nayraqatanwa jupar jachʼañchäjja.+
31 Kuna laykutejj jupajj pobre jaqen kupëjjapar saytʼatäniwa,
ukhamat khitinakatï jupar tukjañatak thaqapki ukanakat salvañataki.
Davidan salmopa.
110 Jehová Diosajj akham sasaw Tatitujar säna:
2 Jehová Diosaw jumarojj* autoridad churätam, ukhamat Sionat qalltasin yaqha lugaranakkam apnaqañamataki. Jupajj akham sätamwa:
“Enemigonakam taypin apnaqam”+ sasa.
3 Kunapachatejj ejercitomar guerratak pʼeqtʼkäta uka urojja, taqe chuymaw markamajj jumar servïtam.
Juman utjktam uka waynanakajj* willjta sullar uñtasitäpjjewa,
jupanakajj santo, kʼajkiri ukhamäpjjewa.
4 Jehová Diosajj janiw amtap mayjtʼaykaniti, jupajj akham sasaw mä juramentomp arsüna:
Jupaw oraqpach pʼeqtʼirirojj tukjarakini.
7 Thaki lado sarki uka jiskʼa jawiratwa jupajj* um umtʼani.
Umtʼasasti pʼeqjja altoruw waytani.
111 ¡Jah Diosar jachʼañchapjjam!*+
א [álef]
Jehová Diosarojj taqe chuymajampiw nayajj jachʼañchäjja,+
ב [bet]
cheqap sarnaqerinakajj tantachtʼatäpki uka taypina ukhamarak congregacionanwa jupar jachʼañchäjja.
ג [guímel]
2 Jehová Diosan luratanakapajj musparkañawa,+
ד [dálet]
taqe khitinakatï ukanakamp kusisipki ukanakaw ukanakat yatjjatapjje.+
ה [he]
3 Kunanaktï Diosajj lurki ukanakajj jachʼañchkañawa, musparkañarakiwa,
ו [waw]
cheqapar uñjirïtapas wiñayatakiwa.+
ז [zayin]
4 Luratanakapajj musparkañawa, jaqenakajj janiw ukanak armapkaspati.+
ח [jet]
Jehová Diosajj sinttʼasiriwa, khuyaptʼayasirirakiwa.+
ט [tet]
5 Jupar ajjsarapki ukanakarojj, jupajj manqʼañanakwa churi.+
י [yod]
Pacto luratapatsa wiñayatakiw amtani.+
כ [kaf]
6 Diosajj luratanakap taypiw markaparojj wali chʼamanïtap uñachtʼayäna,
ל [lámed]
markanakan herenciap churasaw jupanakarojj wali chʼamanïtap uñachtʼayäna.+
מ [mem]
7 Kunanaktï Diosajj amparanakapamp lurki ukanakajj cheqawa, cheqaparakiwa.+
נ [nun]
Jupan taqe ordenanakapajj confiykañawa.+
ס [sámekh]
8 Ukanakajj confiykañapuniwa,* jichhasa wiñayatakisa,
ע [ayin]
ukanakajj kunatï cheqäki cheqapäkaraki ukarjam luratawa.+
פ [pe]
צ [sadé]
Pactopsa wiñayatakiw uttʼayi.
ק [qof]
Sutipajj santowa, musparkañarakiwa.+
ר [resh]
10 Jehová Diosar ajjsarañajj yatiñan qalltapawa.+
ש [shin]
Taqe khitinakatï jupan ordenanakap istʼapki ukanakajj suma amuytʼasirïpjjatapwa uñachtʼayapjje.+
ת [taw]
Jupajj wiñayatak jachʼañchatäniwa.
112 ¡Jah Diosar jachʼañchapjjam!*+
א [álef]
Jehová Diosar ajjsarir jaqejj kusisitawa,+
ב [bet]
uka jaqejj Diosan mandamientonakapat walpun kusisi.+
ג [guímel]
2 Uka jaqen jutir wawanakapajj oraqen wali chʼamanïpjjaniwa,
ד [dálet]
cheqap sarnaqer jaqen wawanakapajj bendisitäpjjaniwa.+
ה [he]
ז [zayin]
4 Khitinakatï cheqapar sarnaqapki ukanakatakejja, jupajj mä qhanar uñtataw chʼamakan qhantʼi.+
ח [jet]
Jupajj sinttʼasiri, khuyapayasiri,+ cheqapar uñjiri ukhamawa.
ט [tet]
5 Taqe chuym maytʼir jaqerojja taqe kunas sumakiw sari.+
י [yod]
Taqe kunsa cheqaparuw jupajj luraraki.
כ [kaf]
6 Jupajj janipuniw khatatiyatäkaniti.+
ל [lámed]
Cheqap sarnaqer jaqejj wiñayatak amtatäniwa.+
מ [mem]
7 Jan wali yatiyäwinakarojj janiw jupajj ajjsarkaniti.+
נ [nun]
Chuymapajj janiw mayjtʼkaspati, Jehová Diosaruw confiyi.+
ס [sámekh]
8 Chuymapajj jan mayjtʼiriwa, jupajj jan ajjsaririwa,+
ע [ayin]
tukuyarusti jupa contra saytʼirinakajj kunjam atipjatäpjjanisa ukwa jupajj uñjani.+
פ [pe]
9 Jupajj waljwa lakiräna, pobrenakaruw churarakïna.+
צ [sadé]
Cheqapar uñjirïtapas wiñayatakiwa.+
ק [qof]
Pachpa chʼamapajj* jachʼañchäwimpi jiljjattayatäniwa.
ר [resh]
10 Kunapachatï jan wali jaqejj uk uñjani ukhajja, colerasiniwa.
ש [shin]
Laka chʼakhanakap achthapisaw chhaqtawayjjani.
ת [taw]
Jan wali jaqen amtanakapajj ina chʼusaruw tukusini.+
113 ¡Jah Diosar jachʼañchapjjam!*
Jupan servirinakapa, Jehová Diosar jachʼañchapjjam,
Jehová Diosan sutip jachʼañchapjjam.
2 Jehová Diosan sutipajj jachʼañchatäpan,
jichhat uksarusa wiñayatakisa.+
3 Inti jalsut inti jalantkama,
Jehová Diosan sutipajj jachʼañchatäpan.+
4 Taqe markanakat sipansa Jehová Diosajj jukʼamp altonkiwa,+
jachʼañchäwipas alajjpachanakat sipansa jukʼamp altonkiwa.+
6 Jupajj alajjpacharu ukhamarak oraqer uñtaniñatakiw altʼasi,+
7 jupaw humilde jaqerojj laqʼa polvot wayti.
Juparakiw pobre jaqerojj qhella montonatsa wayti,*+
8 ukhamat pʼeqtʼirinakamp chika qontʼayañataki,
markapankir pʼeqtʼirinakamp chika qontʼayañataki.
9 Jupasti jan wawani warmirojja,
wawanakani kusisit warmiruw tukuyi.+
¡Jah Diosar jachʼañchapjjam!*
114 Kunapachatï Israelajj Egipto markat mistkäna,+
mä arunjja Jacobun familiapajj yaqha aru parlir markat mistkäna ukhajja,
2 Judá oraqejj santuariopäjjänwa,*
Israelajj jupan apnaqat markapäjjänwa.+
4 Qollunakajj orqo ovejanakjamaw tʼisknaqapjjäna,+
jiskʼa qollunakajj corderonakjamaw tʼisknaqapjjäna.
5 Lamar qota,+ ¿kunarak jumar escapaytamsti?
Jordán jawira, ¿kunatarak jumajj kuttʼawayjjtasti?+
6 Qollunaka, ¿kunatarak jumanakajj orqo ovejanakjam tʼisktapjjtasti?
Jiskʼa qollunaka, ¿kunatarak jumanakajj corderonakjam tʼisktapjjtasti?
7 Oraqe, Tatit layku jumajj khatatim,
jïsa, Jacobun Diosap layku khatatim.+
115 Jan nanakarojja, Jehová Dios Tata, jan nanakarojja,*
antisas sutimaruy jachʼañcham,+
munasiñat jan jaytjasirïtama jan apanukusirïtam layku.+
2 ¿Kunatarak markanakajj
“kawkinkarak jupanakan Diosapasti”+ sasin sapjjañapäspasti?
3 Jiwasan Diosasajj alajjpachanakankiwa,
taqe kuntï jupajj munki ukanakwa jupajj luri.
4 Markanakan idolonakapajj qollqeta qorita luratäpjjewa,
jaqenakan amparapampi luratäpjjewa.+
5 Uka idolonakajj lakanïpjjewa, ukampis janiw parlapkiti;+
nayranïpjjewa, ukampis janiw uñjapkiti;
6 jiñchunïpjjewa, ukampis janiw istʼapkiti;
nasanïpjjewa, ukampis janiw muktʼapkiti;
7 amparanïpjjewa, ukampis janiw llamktʼapkiti;
kayunïpjjewa, ukampis janiw sarnaqapkiti;+
uka idolonakan mallqʼanakapatjja janiw kunas istʼaskiti.+
8 Uka idolonak lurir jaqenakajja uka idolonakjamaw tukupjjani,+
uka idolonakar confiyir taqe jaqenakas uka idolonakjamaw tukupjjarakini.+
10 Aarón chachat jutir wawanaka,+ Jehová Diosar confiyapjjam,
jupaw jumanakan yanapirimasa escudomasa.
11 Jehová Diosar ajjsaririnaka, Jehová Diosar confiyapjjam,+
jupaw jumanakan yanapirimasa escudomasa.+
12 Jehová Diosajj jiwasat amtasiwa, jupaw jiwasar bendisistani.
Jupaw Israel chachat jutir wawanakarojj bendisini,+
jupaw Aarón chachat jutir wawanakarojj bendisini.
13 Jehová Diosasti jupar ajjsarapki ukanakarojj bendisiniwa,
jiskʼanakarus jachʼanakarus bendisiniwa.
14 Jehová Diosaw jumanakarojj waljaptayapjjätam,
jumanakarusa wawanakamarusa.+
17 Jiwatanakajj janiw Jah Diosarojj jachʼañchapkiti,+
sepulturankapki ukanakajj janirakiw uk lurapkaspati.+
18 Ukampis jiwasanakajj Jah Diosaruw jachʼañchañäni,
jichhat uksarusa wiñayatakisa.
¡Jah Diosar jachʼañchapjjam!*
116 Nayajj Jehová Diosar wal munasta,
kuna laykutejj jupajj arujarojj istʼiwa, yanap mayiñatak ruwtʼasitanakajarus istʼiwa.+
3 Jiwañan pitanakapaw* nayarojj muyuntitäna.
Sepulturaw nayarojj katuntitäna.*+
Tʼaqesiñampi llakisiñampiw aynachtʼayitäna.+
4 Ukampis Jehová Diosan sutiparuw nayajj akham sas artʼasiyäta:+
“¡Jehová Dios Tata, salvakitaya!” sasa.
6 Jehová Diosaw jan experiencianïki+ ukanakarojj jarkʼaqaski.
Nayajj qʼala aynachtʼayataw uñjasiyäta, ukampis jupaw salvitäna.
7 Almajajj* wasitat samartʼpan,
kuna laykutejj Jehová Diosajj khuyapayasiñampiw uñjitu.
8 Jumaw jiwañat salvistajja,
jumaw jachanakaj-jja pichartʼistajja, kayunakajarus janiw lanktʼasiyktati.+
9 Nayajj jakaskakïwa, Jehová Dios nayraqatanwa sarnaqarakëjja.
11 Ukampis wal ajjsarayasitaj laykojja, nayajj akham sayätwa:
“Taqe jaqenakas kʼarisirïpjjewa”+ sasa.
12 ¿Kunampirak nayajj Jehová Diosar pagäjja,
taqe kuntï jupajj naya layku lurkäna ukanakatjja?
13 Nayajj salvasiñ copwa aptäjja,
Jehová Diosan sutipatwa nayajj artʼasirakëjja.
14 Kuna promesanaktï nayajj Jehová Diosar lurkayäta ukanakjja nayajj phoqäwa,
taqpach markap nayraqatanwa nayajj phoqäjja.+
15 Khitinakatï Jehová Diosat jan jitheqtasin jiwapki ukanakajja,+
jupa nayraqatanjja wali valoraniwa.
16 Jehová Dios Tata, nayajj ruwtʼassmawa,
kuna laykutejj nayajj juman servirimätwa.
Nayajj servirimätwa, esclavaman yoqapätwa.
Jumaw cadenanakajat salvistajja.+
17 Yuspärañatak sacrificio+ nayajj jumar loqtäma,
Jehová Diosan sutiparuw nayajj artʼasëjja.
18 Kuna promesanaktï nayajj Jehová Diosar lurkayäta ukanakjja nayajj phoqäwa,+
taqpach markap nayraqatanwa nayajj phoqäjja,+
19 Jehová Diosan utapan pationakapanwa+ nayajj promesanakaj phoqäjja,
Jerusalén marka, juma taypinwa promesanakaj phoqäjja.
¡Jah Diosar jachʼañchapjjam!*+
2 Kuna laykutejj jiwasar munasiñat jan jaytjasirïtapajj wali jachʼawa,+
¡Jah Diosar jachʼañchapjjam!*+
118 Jehová Diosar yuspärapjjam, kuna laykutejj jupajj suma Diosawa.+
Munasiñat jan jaytjasirïtapajj wiñayatakiwa.
2 Israelajj jichhajj akham sispan:
“Diosan munasiñat jan jaytjasirïtapajj wiñayatakiwa” sasa.
3 Aarón chachat jutir wawanakajj jichhajj akham sapjjpan:
“Diosan munasiñat jan jaytjasirïtapajj wiñayatakiwa” sasa.
4 Khitinakatï Jehová Diosar ajjsarapki ukanakajj jichhajj akham sapjjpan:
“Diosan munasiñat jan jaytjasirïtapajj wiñayatakiwa” sasa.
5 Wali llakitäkayäta ukhajja, Jah* Diosaruw nayajj artʼasiyäta,
Jah Diosasti jaysitänwa, mä seguro lugararuw* irparakitäna.+
6 Jehová Diosaw nayamp chikäski, janiw ajjsarkäti.+
¿Jaqejj kamacharakitaspasti?+
7 Jehová Diosaw nayamp chikäski, jupaw nayan yanapirijajja.*+
Nayar uñisipkitu ukanakajj kunjam atipjatas uñjasipjjani ukwa nayajj uñjäjja.+
8 Jehová Diosar imantasiñaw jukʼamp sumajja,
jaqenakar confiyañat sipansa.+
9 Jehová Diosar imantasiñaw jukʼamp sumajja,
principenakar confiyañat sipansa.+
10 Taqe markanakaw nayarojj muyuntapjjetu,
ukampis Jehová Diosan sutipjjaruw nayajj uka markanakarojj qhepar kuttʼayta.+
11 Uka markanakajj muyuntapjjetänwa, jïsa, nayajj qʼala muyuntatäyätwa,
ukampis Jehová Diosan sutipjjaruw nayajj uka markanakarojj qhepar kuttʼayta.
12 Abejanakar uñtataw uka markanakajj muyuntapjjetäna,
ukampis kunjamtï chʼapinakajj ninamp jankʼak nakhantatäpkejja ukhamwa jupanakajj jankʼak tukusipjjäna.
Jehová Diosan sutipjjaruw nayajj uka markanakarojj qhepar kuttʼayta.+
13 Nayar tinkuyañatakejja wali chʼamampiw nuktʼapjjetäna,*
ukampis Jehová Diosaw yanaptʼitäna.
14 Jah Diosaw nayan imantasiñajasa chʼamajasa,
jupaw nayan salvirijarojj tuku.+
15 Cheqap sarnaqer jaqenakan carpanakapatjja kusisiñat arnaqasiñaw istʼasi,
salvacionaw jupanakatakejj purini.
Jehová Diosan kupi amparapajj chʼamanïtapwa uñachtʼayaski.+
16 Jehová Diosan kupi amparapajj jupa pachpaw jachʼañchasiski.
Jehová Diosan kupi amparapajj chʼamanïtapwa uñachtʼayaski.+
17 Nayajj janiw jiwkäti, janiwa, jan ukasti nayajj jakäwa,
ukhamat Jah Diosan luräwinakapat yatiyañajataki.+
19 Cheqapar sarnaqer jaqenakan punkunakap llawirarapipjjeta,+
uka punkunak mantasaw nayajj Jah Diosar jachʼañchäjja.
20 Akaw Jehová Diosan punkupajja.
Uka punknamaw cheqap sarnaqer jaqenakajj mantapjjani.+
21 Jumaruw nayajj jachʼañchäma, kuna laykutejj jumajj jaysistawa,+
nayan salvirijaruw tukuraktajja.
24 Jehová Diosaw aka uru uttʼayawayi,
uka urunwa jiwasajj kusisiñäni, kʼuchisirakiñäni.
25 ¡Jehová, mirä amp suma, salvapjjakitaya!
¡Jehová, mirä amp suma, atipjayapjjakitaya!
26 Khititï Jehová Diosan sutipjjar jutki ukajj bendisitäpan.+
Nanakajj Jehová Diosan utapatpachwa jumanakarojj bendisipjjäma.
27 Jehová Diosaw jiwasan Diosasajja,
jupaw qhan churistu.+
28 Jumaw nayan Diosajätajja, jumaruw nayajj jachʼañchäma.
Nayan Diosaja, jumaruw nayajj jachʼañchäma.+
29 Jehová Diosar yuspärapjjam,+ kuna laykutejj jupajj suma Diosawa.
Munasiñat jan jaytjasirïtapajj wiñayatakiwa.+
א [álef]
119 Khitinakatï thakipan jan juchanïpki* ukanakajj kusisitäpjjewa,
khitinakatï Jehová Diosan leyiparjam sarnaqapki ukanakajj kusisitäpjjewa.+
2 Khitinakatï Diosan amtayäwinakap phoqapki ukanakajj kusisitäpjjewa,+
khitinakatï taqe chuyma jupar thaqapki ukanakajj kusisitäpjjewa.+
3 Kunatï jan cheqapäki ukjja janiw jupanakajj lurapkiti.
Diosan thakinakapanwa jupanakajj sarnaqapjje.+
4 Jumaw mä orden churapjjestajja,
ukhamat ordenanakam wali sum phoqapjjañajataki.+
5 ¡Jumar istʼañpunwa nayajj munta,+
ukhamat leyinakam phoqañajataki!
6 Ukhamatwa taqe mandamientonakam yatjjatkä ukhajja,
jan phenqʼachat uñjaskäti.+
7 Cheqaparjam amtatanakam yateqatajatjja,
cheqap chuymampiw jumar jachʼañchäma.
8 Leyinakamwa nayajj phoqäjja.
Janipun apanukustati.
ב [bet]
9 ¿Kunjamsa wayn tawaqonakajj thakinakapan qʼomäsipkakispa?
Wali amuyasisa ukhamarak arunakamarjam sarnaqasa.+
10 Nayajj taqe chuymajampiw jumar thaqsma.
Janikiy mandamientonakamat saranukuñaj munamti.+
12 Jehová Dios Tata, jumaruw nayajj jachʼañchsma,
leyinakam yatichita.
13 Lakajampiw nayajj yatiyta,
jumajj arskayäta taqe uka mandamientonakata.
14 Amtayäwinakamatjja nayajj wal kusista,+
kunanakatï wali valoranïki ukanakat kusisiñat sipansa jukʼampiw nayajj kusista.+
16 Leyinakamarojj nayajj wal munasta.
Janiw arunakamat armaskäti.+
ג [guímel]
17 Servirimarojj khuyapayasiñamp uñjam,
ukhamat jakañajataki ukhamarak arunakam phoqañajataki.+
18 Nayranakaj jistʼarita, ukhamat qhanpach uñjañajataki,
kuna musparkañanakatï leyiman qellqatäki ukanak qhanpach uñjañajataki.
19 Oraqenjja nayajj extranjero jaqekïtwa.+
Janikiy mandamientonakam nayat imantamti.
20 Kunanaktï jumajj Juezjamajj amtkta
ukanak wal yatiñ munañaw tukuntitu.
21 Jachʼa jachʼa tukurinakarojj jumajj toqenoqtawa,
mandamientonakamat saranukupki uka maldisit jaqenakarojj toqenoqtawa.+
22 Jan jukʼampejj nayat burlasipjjpanti, jan jukʼampejj jiskʼachapjjetpanti,
kuna laykutejj amtayäwinakamjja nayajj phoqtwa.
23 Kunapachatï principenakajj mä juntuk qontʼasipjje, naya contra parlapjjaraki ukhajja,
leyinakamatwa servirimajj amuykiptʼi.*
ד [dálet]
25 Nayasti laqʼa polvonwa jaqosiskta.+
Arsutamarjamajj jakayaskakitaya.+
26 Thakinakajatwa nayajj jumar yatiysma, jumasti nayarojj jaysistawa,
leyinakam yatichita.+
27 Ordenanakamajj kamsañsa muni uk amuytʼayita,
28 Wali llakitätaj laykojja, janiw ikiñ puedkayätti.
Arsutamarjamay chʼam churita.
29 Engañjir thakjja nayat jayar jitheqtayam,+
leyinakamat yatichasay nayar sum uñjita.
30 Diosat jan saraqañwa nayajj ajlliwayta.+
Amtatanakamajj cheqapätap nayajj sum amuyta.
31 Amtayäwinakamarojj nayajj sum katuntasta.+
Jehová Dios Tata, janikiy chuymas pʼakintat* uñjasiñaj munamti.+
32 Mandamientonakaman thakipjja taqe chuymaw arkäjja,
kuna laykutejj jumaw chuymaj jistʼartajja.
ה [he]
34 Amuytʼasiñajatak yanaptʼita,
ukhamat leyimar istʼañajataki
ukhamarak taqe chuymajamp leyim phoqañajataki.
36 Amtayäwinakam toqer chuymaj altʼayam,
naya pachpatak taqe kun munañ toqerojj janikiy chuymaj altʼayamti.+
37 Kunatï jan servirïki ukanak jan uñjañajatak yanaptʼita,+
thakiman sarnaqayita, ukhamat jakaskakiñajataki.
38 Servirimar arskayäta uka promesam phoqam,
ukhamat jaqenakajj jumar ajjsarapjjañapataki.*
39 Phenqʼachat uñjasitajajj walpun ajjsarayitu, uk apaqtʼakitaya,
kuna laykutejj amtatanakamajj sumawa.+
40 Ordenanakam phoqañjja nayajj walpun munta.
Cheqapar uñjir Diosätam laykojj jakayaskakitaya.
ו [waw]
41 Jehová Dios Tata, munasiñat jan jaytjasirïtam uñachtʼayita,+
promesa luratamarjamay salvirïtam uñachtʼayita.+
42 Ukhamatwa nayat burlasiritakejj arsusëjja,
kuna laykutejj arumaruw nayajj confiyta.
43 Janikiy cheqa arunakjja lakajat apaqamti,
kuna laykutejj kuntï jumajj amtkta ukaruw nayajj suytʼayäta.*
44 Juman leyimjja phoqapunïwa,
wiñayans wiñayapataki.+
45 Mä seguro lugaranwa nayajj sarnaqäjja,+
kuna laykutejj juman ordenanakamwa nayajj thaqta.
46 Reyinak nayraqatanwa amtayäwinakamat parläjja,
janiw phenqʼaskäti.+
47 Mandamientonakamarojj nayajj wal munasta,
jïsa, wal munasta.+
48 Nayajj munaskta uka mandamientonakam toqeruw amparanakaj aytäjja,+
ז [zayin]
50 Kunapachatï nayajj tʼaqeskta ukhajj ukaw chuymachtʼitu,+
kuna laykutejj arunakamaw jakayaskitu.
51 Jachʼa jachʼa tukurinakajj walpunsa nayat burlasipkchejja,
janiw leyimat saranukkti.+
52 Jehová Dios Tata, kunanaktï nayrajj amtkayäta ukanakatwa nayajj amtasta,+
ukanakaw nayarojj chuymachtʼitu.+
53 Jan wali jaqenak kawsajj nayajj wali coleratätwa,
jupanakajj leyimwa apanukupjje.+
54 Kawkjanakantï nayajj jakta ukjanakanjja,
leyinakamajj nayatakejj cancionanakjamawa.
55 Jehová Dios Tata, arumajj sutimatwa nayajj amtasta,+
ukhamat leyim phoqañajataki.
56 Ukaw nayan costumbrejajja,
kuna laykutejj ordenanakamwa nayajj phoqta.
ח [jet]
58 Taqe chuymajampiw nayajj jumar ruwtʼasinsma.*+
Promesa luratamarjamay sum uñjita.+
59 Thakinakajwa nayajj uñakiptʼasta,
ukhamat kayunakajajj amtayäwinakamar kuttʼaniñapataki.+
60 Nayajj apurtʼasisa, jan tardasisaw
mandamientonakam phoqta.+
62 Jumar yuspärañatakejj chika arumaw nayajj sartasta,+
cheqaparjam amtatanakamat yuspärañataki.
63 Nayajj taqe khitinakatï jumar ajjsarapktam ukanakan amigopätwa,
ordenanakam phoqapki ukanakan amigoparakïtwa.+
64 Jehová Dios Tata, munasiñat jan jaytjasirïtamajj oraqpach phoqanti,+
leyinakam yatichita.
ט [tet]
65 Servirimarojj wali sum jumajj uñjtajja,
Jehová Dios Tata, promesa luratamarjamaw* juparojj sum uñjtajja.
66 Suma amuytʼasirïñ yatichita, yatiñsa churarakita,+
kuna laykutejj mandamientonakamaruw nayajj confiyta.
67 Janïr tʼaqesiyatäkayäta ukhajja, saranukutaw nayajj sarnaqayäta,*
ukampis jichhajj arunakamwa nayajj phoqta.+
68 Jumajj suma Diosätawa,+ luratanakamas sumarakiwa.
Arunakam yatichita.+
69 Jachʼa jachʼa tukurinakajj walja kʼarinakwa nayat parlapjje,
ukampis nayajj taqe chuymajampiw ordenanakam phoqta.
71 Walikjjay nayajj tʼaqesiyat uñjaschiyäta,+
ukhamatwa leyinakam yateqta.
72 Jumajj yatiykta uka leyejja nayatakejj sumawa,+
walja qorita walja qollqet sipansa jukʼamp sumawa.+
י [yod]
73 Amparanakamaw nayarojj luritu, wakichtʼarakitu.
Amuytʼasiñajatak yanaptʼita,
ukhamat mandamientonakam yateqañajataki.+
74 Jumar ajjsarapktam ukanakajja nayar uñjasajj kusisipjjewa,
kuna laykutejj juman arumajj mä suytʼäwi churitu.+
75 Jehová Dios Tata, amtatanakamajj cheqapätap nayajj yattwa,+
jan jaytjasirïtam laykuw nayarojj cheqañchistajja.+
76 Mirä amp suma, munasiñat jan jaytjasirïtamay+ chuymachtʼitpan,
promesa luratamarjamay servirimarojj chuymachtʼam.
78 Jachʼa jachʼa tukurinakajj phenqʼachat uñjasipjjpan,
kuna laykutejj ina chʼusatakwa* nayarojj jan wal lurapjjetu.
Ukampis nayajj ordenanakamatwa amuykiptʼäjja.*+
79 Jumar ajjsarapktam ukanakajj nayan ukar kuttʼanipjjpan,
amtayäwinakam uñtʼapki ukanakajj nayan ukar kuttʼanipjjpan.
80 Leyinakamarojj chuymajajj jan kuna juchani arkpan,+
ukhamat nayajj phenqʼachat jan uñjasiñajataki.+
כ [kaf]
81 Juman salvatäñwa nayajj wal munta,+
kuna laykutejj juman arumajj mä suytʼäwi churitu.
82 Nayranakajajj arunakam phoqasiñapwa suyasipki,+
ukañkamasti nayajj akham sistwa: “¿Kunapachas chuymachtʼitäta?”+ sasa.
83 Nayajja jewqʼemp wañsuta lipʼichit lurat wayaqar uñtasitätwa,
ukampis janiw nayajj leyinakamat armaskti.+
84 ¿Qhawqha urunakarak servirimajj suyanisti?
Nayar arknaqerinak contrajj kuntï jumajj amtkta ukjja, ¿kunapacharak phoqasiyätasti?+
85 Jachʼa jachʼa tukurinakajja nayatakejj pʼiyanakwa allipjje,*
leyimarjam jan sarnaqapki ukanakajja nayatakejj pʼiyanakwa allipjje.
86 Taqe mandamientonakamajj confiykañawa.
Jaqenakajj ina chʼusatwa arknaqapjjetu, ¡yanaptʼita!+
87 Jupanakajj niyapuniw oraqet chhaqtayapjjetu,
ukampis nayajj janiw ordenanakam apanukkäti.
88 Munasiñat jan jaytjasirïtamat jakayaskakitaya,
ukhamat jumajj arskayäta uka amtayäwinak phoqañajataki.
ל [lámed]
89 Jehová Dios Tata, wiñayatakiw
arunakamajj alajjpachanakankani.+
90 Jan apanukusirïtamajj jutïr taqe jaqenakatakïniwa,+
oraqjja sumwa jumajj uttʼaytajja, ukhamat utjaskakiñapataki.+
91 Ukanakasti* amtatamarjamaw jichhakamajj utjaski,
taqe ukanakajj juman servirinakamawa.
92 Nayatï leyimar jan munasiriskayäta ukhajja,
tʼaqesitaj laykojj jiwiriskayätwa.+
93 Janipuniw nayajj ordenanakamat armaskäti,
uka ordenanak utjipanwa jumajj jakayaskistajja.+
95 Jan wali jaqejj nayar tukjañatakiw suyaski,
ukampis nayajj amtayäwinakamatwa wal lupʼta.*
96 Kunanakatï perfectöki ukanakjja waljanakwa nayajj uñjta,
ukampis mandamientonakamaw ukanakat sipansa jukʼamp sumajja.
מ [mem]
97 ¡Leyimarojj wal nayajj munasta!+
Uru jurnälaw leyimat amuykiptʼta.*+
98 Mandamientomajj enemigonakajat sipansa jukʼamp yatiñan jaqeruw tukuyitu,+
kuna laykutejj mandamientomajj wiñayatakiw nayamp chikäski.
99 Taqe yatichirinakajat sipansa jukʼamp suma amuytʼasir jaqëtwa,+
amtayäwinakamat amuykiptʼataj layku.*
100 Jilïr jaqenakat sipansa jukʼamp sum amuytʼasisaw nayajj kuns lurta,
ordenanakam phoqataj layku.
101 Jan wali thakin sarnaqañjja janipuniw nayajj munkti,+
ukhamat arunakam phoqañajataki.
102 Kunanaktï jumajj Juezjam amtkta ukanakatjja nayajj janiw saranukkti,
kuna laykutejj jumaw nayar yatichistajja.
104 Ordenanakam utjatap laykojja sum amuytʼasisaw nayajj kuns lurta.+
Ukatwa nayajj taqe jan wali thakinak uñista.+
נ [nun]
106 Kunanaktï Juezjamajj cheqaparjam jumajj amtkta ukanak phoqañatakejja
nayajj mä juramento lurta, ukanaksti phoqarakïwa.
107 Nayarojj wal tʼaqesiyapjjetu.+
Jehová Dios Tata, arsutamarjamajj jakayaskakitaya.+
108 Jehová Dios Tata, mirä amp suma, voluntadajat jachʼañchksma uk*+ kusisitay katoqtʼasim,
kunanaktï jumajj Juezjam amtkta ukanak yatichtʼita.+
109 Jakañ vidajajj sapa kutiw peligron uñjasi,
ukampis nayajj janiw leyimat armaskti.+
110 Jan wali jaqenakajj mä trampa nayatakejj uskupjje,
ukampis nayajj janiw ordenanakamat saranukkti.+
112 Leyinakam phoqañwa nayajj amtta,
taqe tiempona, tukuykama.
ס [sámekh]
115 Jan wali jaqenaka, nayat jayankapjjam,+
ukhamat Diosajan mandamientonakap phoqañajataki.
116 Arsutamarjamay yanaptʼita,+
ukhamat jakaskakiñajataki.
Nayajj jumaruw suytʼasksma, janikiy chuymas pʼakintat uñjasiyistati.*+
118 Leyinakamat saranukupki taqe ukanakarojj jumajj apanuktawa,+
kuna laykutejj jupanakajj falsonakäpjjewa, engañjirïpjjarakiwa.
119 Taqe jan wali jaqenakarojj jan kunatak servir basuräkaspas* ukhamwa oraqet apanuktajja.+
Ukatwa amtayäwinakamarojj wal munasta.
120 Jumar ajjsarataj laykojja cuerpojajj khatatiwa,
amtatanakamarojj nayajj ajjsartwa.
ע [ayin]
121 Nayajj cheqaparupuniw juzgta, kunatï cheqapäki ukwa lurarakta.
¡Tʼaqesiyañ munapkitu ukanakan amparanakaparojj janikiy apanukustati!
122 Servirimar taqe kunas sum sarañapatakejj mä garantía churam,
jachʼa jachʼa tukurinakajj janikiy tʼaqesiyapjjetpanti.
123 Juman salvatäñ suykäwirojj nayranakajajj qaritäjjewa,+
confiykañ promesam phoqasiñap suykäwejj nayranakajajj qaritäjjewa.+
125 Nayaw juman servirimätjja, amuytʼasiñajatak yanaptʼita,+
ukhamat amtayäwinakam uñtʼañajataki.
126 Jehová Diosajj jupanakar castigkani uka tiempojj purinjjewa,+
kuna laykutejj jupanakajj leyimwa pʼakintapjje.
127 Ukatwa mandamientonakamar nayajj wal munasta,
128 Ukatwa nayatakejj taqe yatichäwinakamajj* cheqapajja.+
Taqe jan wali thakinakjja nayajj uñistwa.+
פ [pe]
129 Amtayäwinakamajj musparkañawa.
Ukatwa nayajj amtayäwinakam phoqta.
131 Wali jachʼwa lakaj jistʼarta, wal samaqerakta,
mandamientonakam istʼañ wal munataj layku.+
132 Nayan ukar kuttʼanim, sum uñjarakita,+
kunjamtï jumajj sutimar munasirinakatak amtkayäta ukhama.+
133 Arunakamarjamay irpita, ukhamat mä seguro thakin sarnaqañajataki.
Janikiy kuna jan walis nayar apnaqetpanti.+
134 Tʼaqesiyapkitu uka jaqenakat salvita,
nayasti ordenanakamwa phoqäjja.
135 Ajanumjja servirimjjar qhantʼayanim,+
leyinakam yatichita.
136 Nayranakajatjja jawiranakar uñtataw jachanakajajj jalaraski,
kuna laykutejj jaqenakajj janiw leyim phoqapkiti.+
צ [sadé]
138 Jumajj churkta uka amtayäwinakajj cheqapawa,
wali confiykañarakiwa.
139 Jumar munasiñaw tukuntitu,+
kuna laykutejj naya contra saytʼasirinakajj arunakamat armasipjjewa.
141 Nayajj janiw kunäktsa, jiskʼachatarakïtwa,+
ukhamäkchisa nayajj janiw ordenanakamat armaskti.
143 Llakimpi jan waltʼäwinakampis nayjjar jutkchejja,
mandamientonakamarojj munasiskaktwa.
144 Amtayäwinakamajj cheqapawa, wiñayatakirakiwa.
Amuytʼasirïñatak yanaptʼita,+ ukhamat jakaskakiñajataki.
ק [qof]
145 Taqe chuymajampiw nayajj jawsta. Jehová Dios Tata, jaysakitaya.
Nayasti leyinakamaruw istʼäjja.
146 Nayajj jumaruw artʼasinsma, ¡salvakitaya!
Amtayäwinakamjja nayajj phoqäwa.
147 Janïr qhanjtankipanwa nayajj sartasta, ukhamat artʼasis yanap jumar mayisiñajataki,+
kuna laykutejj arunakamajj mä suytʼäwi churitu.
149 Munasiñat jan jaytjasirïtamat aruj istʼakimaya.+
Jehová Dios Tata, cheqapar uñjir Diosätamat jakayaskakitaya.
150 Khitinakatï jan phenqʼani jan walinak lurapki* ukanakajj niyaw jakʼachasinipjje,
jupanakajj leyimat wali jayankapjjewa.
152 Walja tiempo nayraw amtayäwinakamat nayajj yateqta,
ukanaksti wiñayatakiw jumajj uttʼaytajja.+
ר [resh]
153 Kunja tʼaqesiyatas uñjasta uk uñtanisin salvakitaya,+
kuna laykutejj janiw leyimat armaskti.
155 Jan wali jaqenakatjja salvasiñajj wali jayankiwa,
kuna laykutejj jupanakajj janiw leyinakam thaqapkiti.+
156 Jehová Dios Tata, khuyapayasirïtamajj wali jachʼawa.+
Cheqapar uñjir Diosätamat jakayaskakitaya.
157 Nayar arknaqerinakasa naya contra saytʼasirinakas waljanïpjjewa,+
ukampis nayajj janiw amtayäwinakamat saranukkti.
158 Traicioneronakarojj ajjtasisaw nayajj uñtta,
kuna laykutejj jupanakajj janiw arunakam phoqapkiti.+
159 ¡Kunjamsa nayajj ordenanakamar wal munasta uk uñjakimaya!
Jehová Dios Tata, munasiñat jan jaytjasirïtamat jakayaskakitaya.+
ש [sin] jan ukajj [shin]
162 Arunakamatjja nayajj wal kusista,+
kunjamtï maynejj guerrar sarasajj wal saqueysusin kusiski ukhama.
163 Kunatï jan cheqäki ukarojj uñistwa, ajjtasiraktwa.+
Ukampis leyimarojj munastwa.+
164 Urunjja paqallq kutiw nayajj jumar jachʼañchsma,
cheqaparjam amtatanakam layku.
165 Khitinakatï leyimar munasipki ukanakajj walja sumankañampiw kusisipjje,+
janiw kunas jupanakarojj lanktʼasiykaspati.*
166 Jehová Dios Tata, kunanaktï salvañatak lurkäta ukwa nayajj suytʼaskta,
mandamientonakamsa phoqaraktwa.
167 Amtayäwinakamjja nayajj phoqtwa,
ukanakarojj wal munasirakta.+
168 Ordenanakamsa amtayäwinakamsa nayajj phoqtwa,
taqe kunanaktï nayajj lurkta ukanakjja jumajj sum uñjasktajja.+
ת [taw]
169 Jehová Dios Tata, yanap mayiñatak artʼasitajarojj istʼakimaya.+
Arunakamarjamay amuytʼayita.+
170 Ruwtʼasitajajj juma nayraqataruy purinpan.
Kunjamtï arskta ukarjam salvita.
171 Lakajajj sapa kutiw jumarojj jachʼañchätam,+
leyinakam nayar yatichatam layku.
172 Lajjrajajj arunakamjjat cantpan,+
kuna laykutejj taqe mandamientonakamajj cheqapawa.
173 Amparamajj nayar yanaptʼañatakejj listokïpan,+
kuna laykutejj ordenanakamar istʼañwa nayajj ajlliwayta.+
174 Jehová Dios Tata, juman salvatäñjja nayajj wal munta,
leyimarus wal munasirakta.+
175 Jumar jachʼañchañajatakejj jakayaskakitaya,+
kunanaktï jumajj Juezjam amtkta ukanakay nayar yanaptʼitpan.
176 Chhaqat mä ovejar uñtataw nayajj saranukta.+
Servirimar thaqer jutakimaya,
kuna laykutejj janiw nayajj mandamientonakamat armaskti.+
Markar makatkasin cantañatak mä canción.*
2 Jehová Dios Tata, kʼarinak parlapki ukanakat salvita,
engañjirinakatsa salvita.
3 Yaqhanakar engañjir jaqe,+ ¿kunsa Diosajj jumar lurätam?
¿Kunjamsa Diosajj castigätam?
5 ¡Ay nayat kunakïkani, Mesec+ markankir jaqenak taypinwa extranjerjam jakayäta!
Quedar jaqen carpanakap taypinwa jakaskayäta.+
6 Khitinakatï sumankañar uñisipki+ ukanakamp chikaw nayajj
walja tiempo jakaskayäta.
7 Nayajj sumankañ toqetwa saytʼasta, ukampis kunapachatï nayajj parlkta ukhajja,
jupanakajj mä guerra qalltañatakejj jankʼakïpjjewa.
Markar makatkasin cantañatak mä canción.
121 Kunapachatï nayajj qollunak toqer nayranakajamp uñtta ukhajja,+
¿khitirak yanaptʼitani? sasaw sista.
2 Jehová Diosaw yanaptʼitani,+
alajjpacha, oraqe lurir Diosaw yanaptʼitani.
3 Jupajj janipuniw kayunakaman llustʼtañapjja* munkaniti,+
jumar jarkʼaqer Diosajj janipuniw ikimp atipayaskaniti.
4 Jupajj janipuniw ikimp atipayaskaniti ni ikkanisa,
jupajj Israelan jarkʼaqeripawa.+
8 Taqe kuntï lurkäta ukanjja Jehová Diosaw jarkʼaqätam,
jichhat uksarusa wiñayatakisa.
Markar makatkasin cantañatak mä canción. Davidan salmopa.
122 “Jehová Diosan utapar sarañäni”+
sasin sapkitäna ukhajja, nayajj wal kusisiyäta.
2 Jerusalén marka, jichhajj nanakan kayunakajajj
punkunakam manqhankiwa.+
4 Uka markaruw tribunakajj makatapjje,
Jah* Diosan tribunakapajj uka markaruw makatapjje,
Israelar churat amtayäwinakarjama,
ukhamat Jehová Diosan sutipar yuspärañataki.+
5 Uka markanwa juzgañatak trononakajj uchasiwayi,+
mä arunjja Davidan utapankir trononakajj uchasiwayi.+
6 Jerusalenan sumankañ utjañapatak mayipjjam,+
Jerusalén marka, khitinakatï jumar munasipktam ukanakajj jan ajjsarasaw jakasipjjani.
7 Jarkʼaqasiñatak murallanak manqhanjja sumankañajj utjaskakpan,
jachʼa torrenakam manqhanjja jan ajjsaras jakasiñajj utjaskakpan.
8 Jilanakajampiru compañeronakajampir munasitaj laykojja nayajj akham säwa:
“Sumankañajj juma manqhan utjpan” sasa.
9 Jehová Diosasan utapar munasitaj laykojja,+
kunatï jumatakejj sumäki ukwa nayajj thaqäjja.
Markar makatkasin cantañatak mä canción.
123 Nayajj jumaruw uñtansma,+
jumajj alajjpachanakankir tronoman qontʼatätawa.
2 Kunjamtï servirinakajj patronapan amparap uñtapkejja,
kunjamtï mä sirvientas señora patronapan amparap uñtkarakejja,
ukhamarakiw jiwasajj Jehová Diosasar uñttanjja,+
jupajj jiwasat khuyaptʼayasiñapkama.+
3 Khuyaptʼayasipjjeta, Jehová Dios Tata, khuyaptʼayasipjjeta,
jiskʼachapkitu ukanakampejj qʼala qaritäjjapjjtwa.+
4 Jupanak pachpar confiyasirinakan burlasitanakapampejj qʼala qaritäjjapjjtwa,
jachʼa jachʼa tukurinakajj jiskʼachapkitu ukanakampis qʼala qaritäjjapjjtwa.
Markar makatkasin cantañatak mä canción. Davidan salmopa.
124 “Jehová Diosatï jan jiwasampïkaspäna ukhajja...”.+
Jichhajj Israel markajj akham sispan:
2 “Enemigonakajj atacapkistäna ukhatejj+
Jehová Diosajj jan jiwasampïkaspäna ukhajja,+
3 jakkirpachwa jupanakajj manqʼantapjjestaspäna,+
jiwas contra colerasipjjatapata.+
4 Ukatjja umanakajj apistaspänwa,
jawir umanakaw jiwas patjja pasaspäna.+
5 Wali chʼamamp jutir umanakaw chhaqtayistaspäna.
6 Jehová Diosajj jachʼañchatäpan,
jupajj janiw manqʼäksnas ukhamjja jupanakar katuykistuti.
7 Escapir mä jamachʼir uñtasitätanwa,
jamachʼi katurin trampapat escapir+ jamachʼir uñtasitätanwa.
Trampajj tʼaqjjatänwa,
ukatwa jiwasajj escaptanjja.+
8 Jehová sutinïki uka Diosatwa jiwasajj yanaptʼa katoqtanjja,+
jupaw alajjpacha, oraqe lurir Diosajja”.
Markar makatkasin cantañatak mä canción.
125 Khitinakatï Jehová Diosar confiyapki ukanakajja,+
Sion Qollur uñtasitäpjjewa, jupanakajj janiw uksar aksar thaljatäpkaspati,
jan ukasti wiñayatak saytʼatäpjjewa.+
2 Kunjamtï qollunakajj Jerusalén markar muyuntapkejja,+
ukhamarakiw Jehová Diosajj markapar muyunti,+
jichhat uksarusa wiñayatakisa.
3 Jan wali jaqejja* janiw cheqap sarnaqer jaqerojj apnaqkaniti,+
ukhamat cheqap sarnaqer jaqenakajj kunatï jan walïki ukar jan kuttʼapjjañapataki.+
4 Jehová Dios Tata, khitinakatï suma jaqenakäpki ukanakatakejj kunatï sumäki uk luram,+
cheqap chuymanïpki ukanakatakejj kunatï sumäki uk luram.+
5 Khitinakatï qʼewinukut thakinakapar saranukupki ukanakarojja,
Jehová Diosajj jan walinak luririnakamp chikaw tukjani.+
Israel markanjja sumankañay utjpan.
Markar makatkasin cantañatak mä canción.
126 Kunapachatï Jehová Diosajj Sionankir preso katuntatanakar wasitat tantachthapkäna ukhajja,+
samkakïkaspas ukhamwa amuyayätanjja.
2 Uka tiemponjja lakasajj kusisiñampi phoqantatänwa,
lajjrasasti kusisiñat arnaqasiñampi phoqantatarakïnwa.+
Uka tiemponjja yaqha markanakankir jaqenakajj akham sasaw jupanakkam sasipjjäna:
“Jehová Diosajj musparkañanakwa jupanakatakejj luri”+ sasa.
3 Jehová Diosajj musparkañanakwa jiwasatakejj lurawayi,+
jiwasajj wali kusisitätanwa.
4 Jehová Dios Tata, preso katuntatanakarojj wasitat tantachthapim,
kunjamtï jallojj Négueb toqenkir jawiranakar phoqantki ukhama.
5 Khitinakatï jachtʼasis jathanak phawapki ukanakajja,
kusisiñat arnaqasisaw cosecha apthapipjjani.
6 Khititï jachtʼasis mistki,
jathani bolsapas aptʼasita ukajja,
cheqpachapuniw kusisiñat arnaqasis kuttʼanini,+
marq marqa aptʼasitaw kuttʼanini.+
Markar makatkasin cantañatak mä canción. Salomón chachan salmopa.
127 Jehová Diosatï mä uta jan lurkaspa ukhajja,
uta luririnakan wal trabajipjjatapajj inamayakïspawa.+
Jehová Diosatï mä markar jan jarkʼaqkaspa ukhajja,+
guardian jan ikjas uñnaqatapajj inamayakïspawa.
2 Jumanakan alwat sartapjjatamajj inamayakïspawa,
arumkam uñnaqapjjatamas inamayakïspawa,
manqʼañanak jikjjatañatak wal trabajipjjatamas inamayakïspawa,
kuna laykutejj Diosaw khitinakarutï munaski ukanakarojj sum uñji, sum iktʼayaraki.+
5 Uka flechanakampi bolsap phoqantir chachajj kusisitawa.+
Jupanakajj* janiw phenqʼachat uñjasipkaniti,
kuna laykutejj markan punkupanwa wawanakapajj enemigonakampi parlapjjani.
Markar makatkasin cantañatak mä canción.
128 Taqe khitinakatï Jehová Diosar ajjsarapki ukanakajj kusisitäpjjewa,+
taqe khitinakatï jupan thakinakapan sarnaqapki ukanakajj kusisitäpjjewa.+
2 Kuntï amparamamp wal trabajasin jikjjatkta ukwa jumajj manqʼasïta.
Jumajj kusisïtawa, taqe kunas jumatak sum saratapatjja wal kusisirakïta.+
3 Utam manqhanjja esposamajj wali achoqeri uvas alir uñtasitäniwa,+
mesam muytpachanjja wawanakamajj olivo qoqat* chʼojjñatatir jiskʼa alinakar uñtasitäpjjaniwa.
4 Jehová Diosar ajjsarir jaqejja,
ukham bendisitäniwa.+
5 Jehová Diosajj Sionatpachwa jumarojj bendisïtam.
Jakkäta taqe uka urunakanjja kunjamsa Jerusalenajj nayrar sartani ukwa uñjäta,+
6 wawanakaman wawanakaparus uñjarakïtawa.
Israel markanjja sumankañay utjpan.
Markar makatkasin cantañatak mä canción.
129 “Waynäskayäta ukhatpachwa enemigonakajajj sapa kuti atacapjjetu...”.+
Jichhajj Israel markajj akham sispan:
3 Yaqhepajja qholliski uka oraqer uñtasitwa atijarojj tukuyapjje,+
atijan lurat sukanakajj wali jachʼanakawa” sasa.
5 Jupanakajj phenqʼachataw uñjasipjjani, phenqʼachataw kuttʼapjjarakini,
taqe khitinakatï Sionar uñisipki ukanakajja.+
6 Jupanakajj terrazankir* pastonakar uñtasitäpjjaniwa,
uka pastonakajj janïr jikʼinukutäsaw wañsjjapjje.
7 Uka pastonakajj janiw yawthapir jaqen amparap phoqtʼaykiti,
janirakiw marq marqa apthapir jaqen amparapsa phoqtʼaykiti.
8 Khitinakatï uka cheq pasapkani ukanakajja janiw akham sapkaniti:
“Jehová Diosan bendicionapajj jumanakjjankpan,
Jehová Diosan sutipjjaruw nanakajj bendisipjjsma” sasa.
Markar makatkasin cantañatak mä canción.
130 Jehová Dios Tata, nayajj jan kuns kamachtʼirjamäkayäta ukhaw jumar jawsansma.+
2 Jehová Dios Tata, arujarojj istʼakimaya.
Yanap mayiñatak ruwtʼasinksma ukarojj jiñchunakamajj istʼakpanaya.
3 Jah* Dios Tata, jumatï pantjasitanak uñchʼukisma* ukhajja,
Jehová Dios Tata, ¿khitirak saytʼatäspasti?+
4 Jumajj cheqpachapuniw jaqenakan juchanakapjja perdontajja,+
5 Jehová Diosaruw nayajj suytʼaskta,
taqe almajampiw* nayajj jupar suytʼaskta,
arsutaparuw suytʼaskarakta.
6 Taqe chuymaw nayajj Jehová Diosar suytʼaskta,+
willjtaniñap suyapki uka guardianakat sipansa jukʼampiw nayajj suytʼaskta,+
jïsa, willjtaniñap suyapki uka guardianakat sipansa jukʼampiw nayajj suytʼaskta.
7 Israel markajj Jehová Diosar suytʼaskakpan,
kuna laykutejj Jehová Diosajj jan jaytjasaw munasiñap uñachtʼayi.+
Jupasti salvañatakejj wali chʼamaniwa.
8 Jupaw Israel markarojj taqe pantjasitanakapat perdonani.
Markar makatkasin cantañatak mä canción. Davidan salmopa.
131 Jehová Dios Tata, chuymajajj janiw jachʼa jachʼa tukurïkiti,
nayranakajajj janiw wali wal tukurïpkiti.+
Janiw nayajj kunanakatï wali jachʼäki ukanak jikjjatañ thaqkti,+
janirakiw kunanaktï nayajj jan jikjjatirjamäkta ukanaksa thaqkti.
2 Jan ukasti chuymajarojj pacienciaytwa, calmayaraktwa,+
kunjamtï ñuñu tʼaqat wawajj mamapampïkasajj jikjjataski ukhama,
ñuñu tʼaqat wawjamaw nayajj chuymas chuyma jikjjatasta.
3 Israel markajj Jehová Diosar suytʼpan,+
jichhat uksarusa wiñayatakisa.
Markar makatkasin cantañatak mä canción.
132 Jehová Dios Tata, Davidat amtasikimaya,
taqe tʼaqesitanakapatsa amtasikimaya.+
2 Jehová Dios Tata, lurkayätam uka juramentopat amtasikimaya,
jumajj Jacobun Wali Chʼamani Diosapätawa.
Jumaruw Davidajj akham sasin mä promesa lurayätamjja:+
3 “Nayajj janiw carpajarojj mantkäti, mä arunjja janiw utajarojj mantkäti,+
janirakiw ikiñajansa winktʼaskäti.
4 Janiw nayajj nayranakaj chʼirmthapkäti,
janirakiw ikkäti,
5 Jehová Diosatak mä lugar jikjjatañajkama,
Jacobun Wali Chʼamani Diosapatak mä suma utjäwi* jikjjatañajkama”+ sasa.
8 Jehová Dios Tata, sartasikimaya, samartʼañ lugaramar jutakimaya,+
chʼamam uñachtʼayki uka arcamamp jutakimaya.+
9 Sacerdotenakamajj cheqapar sarnaqañampi isthapisipjjpan,
jumat jan jitheqtirinakas kusisiñat arnaqasipjjpan.
10 David servirimar munasitam laykojja,
janikiy ajllitamarojj apanukumti.+
11 Jehová Diosasti Davidarojj mä juramento luräna,
arsutapjja janipuniw pʼakintkaniti, jupajj akham sänwa:
“Wawanakamat mayniruw
tronomar qontʼayäjja.+
12 Wawanakamatï nayan pactoj phoqapjjani,
jupanakar nayajj yatichkta uka amtayäwinakajsa+ phoqapjjani ukhajja,
jupanakan wawanakapajj ukhamarakiw
tronoman wiñayatak qontʼasipjjani”+ sasa.
13 Jehová Diosajj Sionaruw ajllïna,+
jakañ lugaraparjamaw Sionarojj wal munasïna, Sionat akham sarakïnwa:+
14 “Akaw wiñayatak samartʼañ lugarajajja,
akanwa nayajj jakasëjja,+ ukhamwa nayajj munta.
15 Nayajj walja manqʼañanakampiw uka markar bendisëjja,
pobrenakaparus tʼantʼampiw sistʼayarakëjja.+
16 Sacerdotenakaparojj salvacionampiw isthapiyäjja,+
Sionat jan jitheqtirinakas kusisiñatwa arnaqasipjjani.+
17 Ukanjja Davidan chʼamapwa* nayajj jiljjattayäjja.
Ajllitajatakis mä lamparwa wakicharakta.+
18 Enemigonakaparojj phenqʼachañampiw isthapiyäjja,
ukampis pʼeqepankir coronajj panqaraniwa”+ sasa.
Markar makatkasin cantañatak mä canción. Davidan salmopa.
133 ¡Kunapachatï jilat kullakanakajj mayachtʼata mä juntuk jakasipki ukhajja,
wali sumapuniwa, wali munkañarakiwa!+
2 Ukasti wali suma aceiter uñtasitawa,+
uka aceitejj Aaronan pʼeqepjjar warjjattʼatawa,
Aaronan sunkhapnamaw saraqe,+
isinakapan cuellopkamaw saraqaraki.
Jehová Diosajj jaqenakan ukan bendisitäpjjañapatakiw arsüna,
wiñay jakañamp bendisiñatakiw arsüna.
Markar makatkasin cantañatak mä canción.
134 Jehová Diosar jachʼañchapjjam,
Jehová Diosan taqe servirinakapa,+
khitinakatejj arumanakajj Jehová Diosan utapan servisipkta ukanaka.+
2 Orasiñatak amparanakam aytapkäta+ ukhajja, santo jaqëpjjañamawa,
Jehová Diosar jachʼañchapjjam.
3 Alajjpacha ukhamarak oraqe lurir Jehová Diosajj
Sionatpach jumar bendispan.
135 ¡Jah Diosar jachʼañchapjjam!*
Jehová Diosan sutip jachʼañchapjjam,
Jehová Diosan servirinakapa, jupar jachʼañchapjjam,+
2 khitinakatï Jehová Diosan utapan servisipkta ukanaka,
Diosasan utapan pationakapan servisipkta ukanaka.+
3 Jah Diosar jachʼañchapjjam, kuna laykutejj Jehová Diosajj suma Diosawa.+
Jupan sutipar alabanzanak cantapjjam,* kuna laykutejj ukajj wali sumawa.
4 Jah Diosajj Jacoburuw jupatak ajllisi,
Israelarojj jupankañapatakiw ajllisi.+
5 Jehová Diosajj wali jachʼa Diosätapjja nayajj sum yatta,
taqe yaqha diosanakat sipansa jiwasan Diosasajj wali jachʼawa.+
6 Jehová Diosajj kunanaktï jupajj munki taqe ukanakwa luri,+
alajjpachansa, oraqensa, lamar qotanakansa, lamar qota manqhanakansa.
7 Jupaw qenayanakjja oraq tukuyanakatpach makatayi,
jupaw jallutakejj lliju llijunak luri,
jupaw imañ utanakapat thayjja apsuraki.+
8 Jupaw Egipto markankir jilïr yoqall wawanakarojj jiwarayäna,
animalanakan nayrïr qallunakaparus jiwarayarakïna.+
9 Egipto marka, jupaw señalanaksa milagronaksa juma taypirojj apayanïna,+
faraón contra ukhamarak faraonan taqe servirinakap contra.+
12 Jupanakan oraqepjja Diosajj markaparuw herenciat churäna,
mä arunjja Israel markaparuw herenciat churäna.+
13 Jehová Dios Tata, sutimajj wiñayatakiwa,
15 Markanakan idolonakapajj qollqeta qorita luratäpjjewa,
jaqenakan amparapampi luratäpjjewa.+
16 Uka idolonakajj lakanïpjjewa, ukampis janiw parlapkiti;+
nayranïpjjewa, ukampis janiw uñjapkiti;
17 jiñchunïpjjewa, ukampis janiw istʼapkiti.
Lakanakapansa janiw samanajj utjkiti.+
18 Uka idolonak lurir jaqenakajja uka idolonakjamaw tukupjjani,+
uka idolonakar confiyir taqe jaqenakas uka idolonakjamaw tukupjjarakini.+
19 Israel markankir jaqenaka, Jehová Diosar jachʼañchapjjam.
Aarón chachan familianakapa, Jehová Diosar jachʼañchapjjam.
20 Leví chachan familianakapa, Jehová Diosar jachʼañchapjjam.+
Khitinakatï Jehová Diosar ajjsarapkta ukanakajj Jehová Diosar jachʼañchapjjam.
¡Jah Diosar jachʼañchapjjam!+
2 Taqe diosanakat sipansa jukʼamp jachʼäki uka Diosar yuspärapjjam,+
kuna laykutejj munasiñat jan jaytjasirïtapajj wiñayatakiwa.
3 Khititï tatitunakans Tatitupäki ukar yuspärapjjam,
kuna laykutejj munasiñat jan jaytjasirïtapajj wiñayatakiwa.
5 Yatiñampiw jupajj alajjpachanak luri,+
kuna laykutejj munasiñat jan jaytjasirïtapajj wiñayatakiwa.
6 Jupajj umanakjjaruw oraqjja janatati,+
kuna laykutejj munasiñat jan jaytjasirïtapajj wiñayatakiwa.
7 Jupajj jachʼa qhantʼirinakwa alajjpachan luri,+
kuna laykutejj munasiñat jan jaytjasirïtapajj wiñayatakiwa.
8 Intjja urun qhantʼañapatakiw luri,+
kuna laykutejj munasiñat jan jaytjasirïtapajj wiñayatakiwa.
9 Phajjssa warawaranaksa arum qhantʼañapatakiw luri,+
kuna laykutejj munasiñat jan jaytjasirïtapajj wiñayatakiwa.
10 Egiptonkir jilïr yoqall wawanakaruw jiwarayäna,+
kuna laykutejj munasiñat jan jaytjasirïtapajj wiñayatakiwa.
11 Israel markarojj Egipto markatwa irpsüna,+
kuna laykutejj munasiñat jan jaytjasirïtapajj wiñayatakiwa,
12 chʼamapampi+ ukhamarak chʼamani amparapampiw irpsüna,
kuna laykutejj munasiñat jan jaytjasirïtapajj wiñayatakiwa.
14 Israel markarojj chika qotnamaw paskatayäna,+
kuna laykutejj munasiñat jan jaytjasirïtapajj wiñayatakiwa.
15 Faraonarusa ejercitoparus Mar Rojo qotaruw jaqontäna,+
kuna laykutejj munasiñat jan jaytjasirïtapajj wiñayatakiwa.
16 Markaparojj wasarnamaw irpäna,+
kuna laykutejj munasiñat jan jaytjasirïtapajj wiñayatakiwa.
17 Jupajj jachʼa reyinakaruw tukjäna,+
kuna laykutejj munasiñat jan jaytjasirïtapajj wiñayatakiwa.
18 Chʼamani reyinakaruw jiwarayäna,
kuna laykutejj munasiñat jan jaytjasirïtapajj wiñayatakiwa.
19 Amorreonakan Sehón+ reyiparuw jiwayäna,
kuna laykutejj munasiñat jan jaytjasirïtapajj wiñayatakiwa.
20 Basán markankir Og+ reyiruw jiwayäna,
kuna laykutejj munasiñat jan jaytjasirïtapajj wiñayatakiwa.
21 Jupanakan oraqepjja markaparuw herenciat churäna,+
kuna laykutejj munasiñat jan jaytjasirïtapajj wiñayatakiwa,
22 jupanakan oraqepjja Israel serviriparuw herenciat churäna,
kuna laykutejj munasiñat jan jaytjasirïtapajj wiñayatakiwa.
23 Jiskʼachat uñjaskayätan ukhaw jupajj jiwasat amtasïna,+
kuna laykutejj munasiñat jan jaytjasirïtapajj wiñayatakiwa.+
24 Jiwas contra saytʼirinakatjja jupajj kutin kutin salvaskakistänwa,+
kuna laykutejj munasiñat jan jaytjasirïtapajj wiñayatakiwa.
25 Jupaw taqe jakirinakarojj manqʼañ churi,+
kuna laykutejj munasiñat jan jaytjasirïtapajj wiñayatakiwa.
26 Alajjpachanakankir Diosar yuspärapjjam,
kuna laykutejj munasiñat jan jaytjasirïtapajj wiñayatakiwa.
3 Preso katuntapkistäna ukanakajj mä canción cantañasatakiw mayipjjestäna,+
kusistʼañ munasaw akham sasin jiwasat burlasipjjäna:
“Sionat parlir cancionanakat may canttʼarapipjjeta” sasa.
4 ¿Kunjamarak yaqha markankkasajj
Jehová Diosar mä canción cantsnasti?
6 Nayatï jumat jan amtaskä,
nayatï taqe kunat sipansa
Jerusalén markat jan sint kusiskä ukhajja,+
lajjrajajj lakajar lipʼkatpan.
7 Jehová Dios Tata, amtasim,
Jerusalén markajj tukjatäkäna ukhajj kuntï edomitanakajj sapkäna uk amtasim, jupanakajj akham sapjjänwa:
“¡Tukjapjjam! ¡Cimientonakapamppach tukjapjjam!”+ sasa.
8 Babilonia markan phuchapa, niya tukjatäkani uka markan phuchapa,+
kunjamtï nanakar lurapkista+
ukham lurkarakïtam ukajj kusisitäniwa.
Davidan salmopa.
138 Taqe chuymajampiw nayajj jumar jachʼañchäma.+
Yaqha diosanak nayraqatanwa
nayajj jumar alabanzanak cantäma.*
2 Sagrado templom* toqeruw nayajj altʼasëjja,+
sutimaruw nayajj jachʼañchäjja,+
munasiñat jan jaytjasiri ukat jan apanukusir Diosätam layku.
Arsutanakamsa sutimsa taqe kunat sipansa wali jachʼaruw tukuytajja.
3 Kuna uruntï nayajj jumar jawsanksma ukhajja, jumajj jaysistawa.+
Jan ajjsariri chʼamani jaqeruw jumajj tukuyistajja.+
4 Jehová Dios Tata, oraqenkir taqe reyinakaw jumar jachʼañchapjjätam,+
arskayäta uka promesanakam istʼapjjatap layku.
5 Jupanakajj Jehová Diosan thakinakap toqetwa cantapjjani,
kuna laykutejj Jehová Diosan jachʼañchäwipajj wali jachʼawa.+
6 Jehová Diosajj wali jachʼa Diosäkchisa, humilde chuyman jaqerojj wali sum uñji,+
ukampis jachʼa jachʼa tukur jaqerojj jayatakwa uñtʼi.+
7 Kunapachatï nayajj jan waltʼäwin uñjaskä ukhasa,+ jumajj nayar jakayaskakitätawa.
Wali colerat enemigonakaj contraw amparam loqatattajja,
kupi amparamaw nayarojj salvitani.
8 Kunanaktï Jehová Diosajj nayatak amtki taqe ukanakwa jupajj phoqani.
Jehová Dios Tata, munasiñat jan jaytjasirïtamajj wiñayatakiwa,+
amparanakamampi lurkta ukanakarojj janikiy apanukumti.+
Directorataki. Davidan salmopa.
139 Jehová Dios Tata, jumaw chuymaj uñantistajja, jumaw uñtʼarakistajja.+
2 Kunapachas nayajj qontʼasta, kunapachas sartasirakta uk jumajj yattawa.+
Kunanaksa nayajj lupʼiskta* ukanakjja jayatpachwa jumajj amuytajja.+
3 Nayajj viajkta ukhasa nayajj iktʼaskta ukhas uñjistawa,
taqe thakinakajwa jumajj uñtʼtajja.+
4 Jehová Dios Tata, kuntï nayajj arskä ukjja jumajj yatjjtawa,
janïr kuns nayajj arskta ukhaw jumajj yatjjtajja.+
5 Nayar jarkʼaqañatakejj jumajj naya muytpachanktawa,
jumaw katjjasirakistajja.
6 Jumajj wali sum nayarojj uñtʼistajja, ukajj wali musparkañapuniwa, janiw amuyirjamäkti.*
Wali altorakiwa, janiw nayajj alcansirjamäkti.*+
7 ¿Kawkirurak juman espiritumat nayajj escapiriststi?
¿Kawkirurak juma nayraqatat escapiriststi?+
8 Nayatï alajjpachar makatirista ukhajja, jumajj ukankasmawa,
nayatï Sepulturan* jaqosiskirista ukhajja, jumajj ukankarakismawa.+
9 Chheqanakatï jilaqetaspa, wali jayar jalarakirista,
ukhamat wali jayankir lamar qota jakʼan jakañataki ukhajja,
10 amparamaw ukan irpnaqetaspa,
kupi amparamaw katjjasirakitaspa.+
11 Nayatï “¡cheqpachapuniw chʼamakajj nayar imantitani!” sasin sirista ukhajja,
arumajj naya muytpachanwa qhanar tukuspa.
12 Chʼamakas janiw jumatakejj wali chʼamakäkaspati,
jan ukasti chʼamakajj urjam wali qhanäspawa.+
Jumatakejj chʼamakas qhanas pachpakiwa.+
14 Nayajj wali musparkañ luratätwa, ukatwa nayajj wal musparta, jumarus jachʼañcharaksma.+
Luratanakamajj wali musparkañawa,+
uk nayajj sum yatta.
15 Kunapachatï nayajj jamas lugaran luratäkayäta,+
mamajan purakapan jilaskayäta ukhajja,
chʼakhanakajajj janiw jumat imantatäkänti.
16 Janïr nayajj naskayäta ukhaw nayranakamajj nayar uñjitäna,
cuerpojan taqpach partenakapaw libroman qellqantatäjjäna,
cuerpojan partenakapajj kuna urunakansa formasïna ukas qellqantatäjjänwa,
janïr ukanakajj utjkäna ukhaw qellqantatäjjäna.
17 ¡Juman amuyunakamajj nayatakejj wali sumawa!+
Dios Tata, ¡amuyunakamajj waljawa!+
18 Kunapachatï nayajj amuyunakam jaktʼañ yantʼta ukhajja, ukanakajj lamar qotankir chʼallat sipansa jukʼamp waljawa.+
Alwajj nayajj sartkta ukhajja, jumampïskaktwa.*+
19 Dios Tata, ¡mirä amp suma, ojalay jan wali jaqenakar jiwayasma!+
Ukhamatwa jaqe jiwayirinakajj* nayat jitheqtapjjani,
20 khitinakatï jan wali amtamp* juma contra parlapki ukanaka.
Jupanakajj juma contra saytʼirïpjjewa, sutimjja jan walinakatakiw aytapjjaraki.+
21 Jehová Dios Tata, ¿janit nayajj uñisirinakamarojj uñisktjja?+
¿Janit nayajj juma contra saytʼasirinakat ajjtasktjja?+
22 Jupanakarojj nayajj wal uñista,+
jupanakajj cheqpach enemigonakajaruw tukupjje.
23 Dios Tata, chuymaj uñantita, chuymajsa uñtʼarakim.+
Chuymaj uñantita, llakisiykitu uka amuyunakajsa uñtʼarakim.+
Directorataki. Davidan salmopa.
140 Jehová Dios Tata, jan wali jaqenakat salvita,
nuwasir jaqenakat jarkʼaqtʼita,+
2 chuymanakapan jan wal amtapki ukanakatsa,+
uru jurnäla nuwasiñanak* utjayapki ukanakatsa jarkʼaqtʼita.
4 Jehová Dios Tata, jan wali jaqenakan amparapat jarkʼaqtʼakitaya,+
nuwasir jaqenakatsa jarkʼaqtʼita,
jupanakajj nayar lanktʼasiyañatakiw amtapjje.
5 Jachʼa jachʼa tukurinakajj mä trampa nayatakejj imantapjje,
jupanakajj pitanakampiw* thaki jakʼan mä qäna* janatatapjje,+
jupanakajj sipitanakwa nayatak uchapjje.+ (Sélah).
6 Jehová Diosarojj nayajj akham sistwa: “Jumaw nayan Diosajätajja.
Jehová Dios Tata, yanap mayiñatak ruwtʼasitanakajarojj istʼakimaya”+ sasa.
7 Jehová Dios Tata, jumajj Taqe Kunjjar Munañanïtawa, wali chʼaman Salvirijätawa,
jumaw nuwasiñ urunjja nayan pʼeqej jarkʼaqtajja.+
8 Jehová Dios Tata, jan wali jaqenakan amtap janikiy phoqasiyamti.
Jan wali amtanakap sumar mistuñap janikiy munamti, ukhamat jan jachʼañchasipjjañapataki.+ (Sélah).
9 Nayar muyuntapkitu uka jaqenakan pʼeqenakapajja,
lakanakapat mistki uka jan wali parlatanakapampi imjjatatäpjjpan.+
10 Jupanakjjarojj aqkir nina sankʼanak purjjatpan.+
11 Kʼarintir jaqejj janikiy mä lugarjja oraqen jikjjatpanti,+
nuwasir jaqenakarojj kunatï jan walïki ukay arknaqpan, tukjarakpan.
12 Jehová Diosajj jan khiti yanapirini jaqenakarojj arjjataniwa, uk nayajj sum yatta.
Pobrenakarojj cheqaparjamaw uñjarakini.+
13 Cheqap sarnaqer jaqenakajj cheqpachapuniw sutimar yuspärapjjani,
cheqap sarnaqerinakajj juma nayraqatanwa jakapjjani.+
Davidan salmopa.
141 Jehová Dios Tata, nayajj jumaruw artʼasinsma.+
Nayar yanaptʼañatakejj jankʼakiy jutam.+
Jumar jawsankäma ukhajj istʼakitaya.+
2 Oracionajajj inciensor uñtata+ juma nayraqatan+ wakichtʼatäpan,
ruwtʼasitanakajajj jaypʼu toqer loqtaski uka grano ofrendar uñtasitäpan.+
3 Jehová Dios Tata, lakajatakejj mä guardia* ucham,
lakajan punkupatakejj mä uñchʼukir guardia ucham.+
4 Janikiy chuymajan jan wali toqer wayusiñap munamti,+
ukhamat jan wali jaqenakamp chika jan walinak jan lurañajataki.
Janipuniw nayajj suma manqʼanak jupanakampejj manqʼañ munkti.
5 Cheqap sarnaqer mä jaqetï nayar nuwantitaspa ukhajja, munasiñat jan jaytjasir jaqëtapwa uñachtʼayitaspa.+
Cheqap sarnaqer mä jaqetï nayar toqenoqetaspa ukhajja, pʼeqejatakejj mä aceiter uñtasitäspawa,+
uka aceitjja janipuniw pʼeqejajj rechazkaspati.+
Uka cheqap sarnaqer jaqejj jan waltʼäwin uñjaskani ukhajja, nayajj oración mayiskakïwa.
6 Juezanakapajj barrancor jaqontatäpjjani ukhasa,
markajj arunakajaruw istʼani, arunakajan wali sumätap layku.
7 Kunjamtï maynejj qhollisin oraq kʼakʼatatayki, uksar aksar laqʼa apatatkarakejja,
ukhamarakiw chʼakhanakasajj Sepulturan* lakapan uksar aksar apatatat uñjasïna.
8 Taqe Kunjjar Munañani Jehová Dios Tata, nayajj jumaruw confiysma.+
Jumaruw nayajj imantasta.
Janikiy jakañ vidaj apaqestati.
9 Khitinakatï nayatak trampa uchapki ukanakat jarkʼaqtʼakitaya,
jan walinak lurapki ukanakan sipitanakapat jarkʼaqtʼakitaya.
10 Jan wali jaqenakajj taqpachaniw pachpa trampanakapar jaltʼapjjani,+
nayasti jan kuna kamachtʼataw escapäjja.
Maskil.* Qollu pʼiyankkasin Davidan oración luratapa.+
142 Yanap mayiñatakiw nayajj Jehová Diosar artʼasta.+
Nayar sum uñjañapatakiw nayajj Jehová Diosar ruwtʼasiyäta.
2 Juparuw nayajj llakinakajat yatiyta,
juparuw nayajj tʼaqesitanakajat yatiyta,+
3 kunapachatï chuymajajj* aynachtʼatäki ukhaw nayajj jupar artʼasta.
Jumaw thakij sum uñjtajja.+
Nayajj sarnaqkta uka thakinwa
nayatakejj mä trampa imantapjje.
4 Kupi toqejar uñtanim,
ukat uñjam, janiw khitis nayarojj yäqkituti,*+
janiw kawkir escapañas nayatakejj utjkiti,+
janiw khitis nayat llakiskiti.
5 Jehová Dios Tata, nayar yanaptʼañamatakiw jawsansma.
Nayajj akham sistwa: “Jumaw nayan imantasiñajätajja,+
akapachanjja jumaw nayan suytʼäwijätajja” sasa.
6 Yanap mayiñatak artʼasitajarojj istʼakimaya,
kuna laykutejj nayajj qʼala aynachtʼayatätwa.
Arknaqerinakajat salvita,+
kuna laykutejj jupanakajj nayat sipansa jukʼamp chʼamanïpjjewa.
7 Calabozot apstʼasita,
ukhamat sutim jachʼañchañajataki.
Cheqap sarnaqer jaqenakajj naya muytpachan tantachtʼasipjjpan,
kuna laykutejj wali sum nayar uñjistajja.
Davidan salmopa.
143 Jehová Dios Tata, oracionajarojj istʼakimaya,+
yanap mayiñatak ruwtʼasitajarojj istʼakimaya.
Jan jaytjasirïtamatsa cheqapar uñjirïtamatsa jaysakitaya.
2 Nayajj servirimätwa, jan juzguistati,
juma nayraqatanjja janiw khitis cheqapar sarnaqer jaqet uñjatäkaspati.+
3 Enemigow nayarojj arknaqetu,
jakañ vidaj-jja oraqeruw takichasi.
Walja tiempo jiwatäjjapjje ukanakar uñtasitwa chʼamakan jakayitu.
5 Nayra tiemponakatwa nayajj amtasta,
kunanaktï jumajj lurkta taqe ukanakatwa nayajj lupʼirakta,*+
kunanaktï amparanakamamp lurkta ukanakatwa nayajj taqe chuyma amuykiptʼarakta.*
6 Juma toqeruw nayajj amparanakaj loqatatta,
nayajj jumatjam pharjat* wali waña oraqer uñtasitätwa.+ (Sélah).
8 Munasiñat jan jaytjasirïtamat alwatpachay istʼayita,
kuna laykutejj nayajj jumaruw confiyta.
Sarnaqañajäki uka thak uñachtʼayita,+
kuna laykutejj jumaruw nayajj uñtansma.
9 Jehová Dios Tata, enemigonakajat salvakitaya.
Juman jarkʼaqatäñwa nayajj thaqta.+
10 Munañam lurañ yatichtʼita,+
kuna laykutejj jumajj nayan Diosajätawa.
Jumajj suma Diosätawa,
espiritum taypejj plano lugarnam irpita.*
11 Jehová Dios Tata, sutim laykojj jakayaskakitaya.
Cheqapar uñjir Diosätam laykojj llakijat salvakitaya.+
12 Munasiñat jan jaytjasirïtam laykojj enemigonakajar tukjam,*+
taqe khitinakatï tʼaqesiyapkitu ukanakarojj tukjam,+
kuna laykutejj nayajj juman servirimätwa.+
Davidan salmopa.
144 Jehová Diosaw nayan Qarqajajja,*+ jupajj jachʼañchatäpan,
jupaw amparanakajarojj nuwasiñatak wakichtʼi,
jupaw lukʼananakajarojj guerratak wakichtʼi.+
2 Jupaw munasiñat jan jaytjasirïtap uñachtʼayitu, jupaw jachʼa perqanakampi muyuntat markajasa,
seguro imantasiñajasa, salvirijasa,
escudojasa, juparuw nayajj imantasta,+
juparakiw apnaqañajatakejj markanak katuyitu.+
3 Jehová Dios Tata, ¿kunarak jaqesti jupar yäqañamatakisti?
¿Kunarak jiwir jaqen yoqapasti jupar istʼañamatakisti?+
5 Jehová Dios Tata, alajjpachanakam altʼayanim,* saraqanirakim,+
qollunakar llamktʼasin jewqʼetatayam.+
6 Lliju llijunak llijtayasin enemigonakar aywitatayam,+
flechanakam taqe toqer flechtʼasin jan kamachtʼirjam jupanakar tukuyam.+
7 Amparanakamjja alajjpachatpach loqatatanim,
salvita, wali colerat umanakatsa salvita,
extranjero jaqenakan amparanakapatsa salvita,+
8 jupanakan lakanakapajj kʼarinakwa parlapjje,
kupi amparanakapsa falso juramento lurañatakiw aytapjje.
9 Dios Tata, nayajj mä machaq canción jumatakejj cantäjja.+
Tunka cuerdanakan instrumentompiw jumar alabanzanak cantäma,*
10 khititï reyinakar atipjayki,*+
khititï jiwayir espadat David serviripar salvki ukaruw nayajj cantäjja.+
11 Extranjero jaqenakan lakanakapajj kʼarinakwa parlapjje,
kupi amparanakapsa falso juramento lurañatakiw aytapjje,
jupanakat salvita, extranjero jaqenakan amparanakapatsa salvita,
12 ukhamatwa yoqall wawanakasajj jankʼak jiltir machaq alinakar uñtasitäpjjani,
imill wawanakasajj mä palaciotak suma lurat esquin columnanakar uñtasitäpjjarakini.
13 Manqʼañanak imañ utanakasajj taqe kasta manqʼañanakampiw jilarani.
Camponkir ovejanakasasa cabranakasas jan jaktʼkañ waljapuniw mirantani.
14 Wallqʼe vacanakasajj janiw kuna jan waltʼäwinsa uñjasipkaniti ni sullsupkanisa,
plazanakasanjja janiw llakisiñat arnaqasiñanakajj utjkaniti.
15 ¡Kawkïr markatejj ukhaman jikjjataski uka markajj kusisitawa!
¡Kawkïr markatejj Jehová Diosat Diosanïki uka markajj kusisitawa!+
Davidan alabanzapa.
א [álef]
145 Nayan Diosaja, nayan Reyija,+ nayajj jumaruw jachʼañchäma,
wiñayans wiñayapatakiw sutim jachʼañchäjja.+
ב [bet]
ג [guímel]
3 Jehová Diosajj jachʼa Diosawa, juparuw jachʼañchäwi katoqañajj waktʼi,+
jupajj kunja jachʼa Diosasa ukajj jan yatjjatkayawa.+
ד [dálet]
4 Aka tiempon jakir jaqenakasa jutir tiempon jakir jaqenakasa luratanakam uñjasaw jumar jachʼañchapjjätam.
Kunanaktï chʼamamampi lurkta ukanakatwa jupanakajj yatiyapjjani.+
ה [he]
5 Jumajj kunja jachʼañchatätasa, kunja jachʼa Diosätas ukanakatwa jupanakajj parlapjjani,+
nayasti musparkañ luratanakamatwa lupʼirakëjja.*
ו [waw]
ז [zayin]
7 Jupanakajj suma chuyman Diosätamatwa yatiyapjjani,+
cheqapar uñjir Diosätam laykojja kusisitaw arnaqasipjjarakini.+
ח [jet]
8 Jehová Diosajj sinttʼasiri, khuyapayasiri,+
pacienciani* Diosawa, munasiñat jan jaytjasirïtapajj wali jachʼawa.+
ט [tet]
י [yod]
10 Jehová Dios Tata, taqe luratanakamaw jumar jachʼañchapjjätam,+
jumat jan jitheqtirinakas jachʼañchapjjarakïtamwa.+
כ [kaf]
11 Reinomajj* kunja jachʼañchatasa ukwa jupanakajj yatiyapjjani,+
kunja chʼamanïtas uka toqetwa parlapjjarakini,+
ל [lámed]
12 ukhamat kunanaktï chʼamamampi lurkta ukanak jaqenakan yatipjjañapataki+
ukhamarak reinomajj* kunja jachʼañchatasa uk yatipjjañapataki.+
מ [mem]
ס [sámekh]
14 Taqe khitinakatï niya liwisirjamäpki ukanakarojj Jehová Diosaw katjjasiski,+
taqe khitinakatï altʼatäpki ukanakarojj jupaw wayti.+
ע [ayin]
15 Taqe jaqenakaw jumar suytʼasipktamjja,
jumaw jupanakarojj manqʼañanak tiempopar churtajja.+
פ [pe]
צ [sadé]
17 Jehová Diosajj taqe kunsa cheqaparjamapuniw luri,+
taqe kunanaktï jupajj lurki ukanakanjja jan jaytjasirïtapaw uñjasi.+
ק [qof]
18 Jehová Diosajj taqe khitinakatï jupar artʼasipki ukanakan jakʼapankiwa,+
taqe khitinakatï qʼoma chuymampi* jupar artʼasipki ukanakan jakʼapankiwa.+
ר [resh]
19 Jupar ajjsaririnakajj kunanaktï munapki ukwa Diosajj jupanakar churi.+
Yanap mayiñatak artʼasitanakaparojj Diosajj istʼiwa, salvarakiwa.+
ש [shin]
20 Jehová Diosajj taqe khitinakatï jupar munasipki ukanakarojj jarkʼaqewa,+
ukampis taqe jan wali jaqenakarojj tukjaniwa.+
ת [taw]
21 Jehová Diosajj kunja jachʼañchatasa uka toqetwa lakajajj yatiyani.+
Taqe jakirinakajj Diosan santo sutip jachʼañchapjjpan, wiñayans wiñayapataki.+
146 ¡Jah Diosar jachʼañchapjjam!*+
Taqe almajampiw* nayajj Jehová Diosar jachʼañchäjja.+
2 Taqe jakäwijanwa nayajj Jehová Diosar jachʼañchäjja.
Jakkasasti Diosajarojj alabanzanakwa cantäjja.*
3 Principenakarojj jan confiyapjjamti,
janirak khiti jaqenakarus confiyapjjamti, kuna laykutejj janiw jupanakajj salvapkaspati.+
4 Kunapachatï jaqen espiritupajj* mistjje ukhajja, laqʼaruw uka jaqejj kuttʼjje,+
ukürpachaw amuyunakapas tukusjjaraki.+
6 Jupaw alajjpachsa oraqsa luri,
lamar qotsa, taqe kunanakatï ukanakan utjki ukanaksa luri,+
jupajj jan apanukusir Diosapuniwa,+
7 jupaw engañjatäpki ukanakarojj cheqapar uñji,
jupaw manqʼat awtjatanakarojj tʼantʼa churi.+
Jehová Diosaw presonakarojj salvi.+
8 Jehová Diosaw juykhunakan nayranakap jistʼaraski.+
Jehová Diosaw altʼatäsipki ukanakarojj waytaski,+
Jehová Diosajj cheqapar sarnaqer jaqenakarojj munasiwa.
9 Jehová Diosaw extranjeronakarojj jarkʼaqaski,
jupaw jan awkini wajcha wawarusa,* viuda warmirusa uñjaski,+
10 Jehová Diosajj wiñayatak Reyïniwa,+
Sion marka, juman Diosamajj taqe jutïr jaqenakan Reyipäniwa.
¡Jah Diosar jachʼañchapjjam!*
147 ¡Jah Diosar jachʼañchapjjam!*
Diosasar alabanzanak cantañajj* wali sumawa,
¡Diosar jachʼañchañajj wali kusiskañawa, wali sumarakiwa!+
2 Jehová Diosaw Jerusalén markarojj saytʼayaski,+
jupaw Israel markat aywitatayatäpki ukanakarojj tantachthapi.+
3 Jupaw chuyma pʼakintatanakarojj qolli,
usuchjatanakapsa chʼoqtʼaraki.
7 Jehová Diosarojj yuspärañatak cancionanak cantapjjam,
Diosasarojj arpampi alabanzanak cantapjjam.
8 Jupaw alajjpachanakjja qenayanakampi phoqanti,
jupaw oraqerojj jallu purjjatayi,+
jupaw qollunakanjja chʼojjña alinak jiltayi.+
9 Jupaw animalanakarojj manqʼañ churi,+
jupaw manqʼatjam jachapki uka cuervo jamachʼinakan chhiwchhinakaparojj manqʼañ churi.+
10 Janiw juparojj caballon chʼamapajj musparaykiti,+
janirakiw jaqen chʼamani lankhu charanakapas musparaykiti.+
11 Jan ukasti Jehová Diosajj khitinakatï jupar ajjsarapki ukanakatwa kusisi,+
khitinakatï munasiñat jan jaytjasirïtap suytʼasipki ukanakatwa kusisi.+
12 Jerusalén marka, Jehová Diosar jachʼañcham,
Sion marka, Diosamar jachʼañcham.
13 Diosaw markaman punkunakapan trancanakapjja wali chʼollqher tukuyi.
Jupaw wawanakamarojj bendisi.
15 Jupaw oraqerojj mä orden churi,
arupasti jankʼakiw tʼijuraki.
16 Jupaw khunjja janqʼo tʼarwar uñtat purjjatayani,+
jupaw qaqawrantatanakjja qhellar uñtat apatataraki.+
17 Jupaw qala chhijchhinakapjja jiskʼa jiskʼa pachinoqat tʼantʼar uñtasit purjjatayani.+
¿Khitirak thayapan aguantaspasti?+
18 Jupaw mä orden churi ukatsti chhullunkayajj chullutatiwa,
jupaw thayap thaytʼayani+ ukatsti umanakajj jaltatjjarakiwa.
¡Jah Diosar jachʼañchapjjam!*+
148 ¡Jah Diosar jachʼañchapjjam!*
Alajjpachanakatpach Jehová Diosar jachʼañchapjjam,+
wali alto lugarankirinaka, jupar jachʼañchapjjam.
2 Taqpach angelanakapa, jupar jachʼañchapjjam.+
Taqpach ejercitopa, jupar jachʼañchapjjam.+
3 Inti, phajjsi, jupar jachʼañchapjjam.
Kʼajaskir taqpach warawaranaka, jupar jachʼañchapjjam.+
4 Alajjpachanakan alajjpachanakapa, jupar jachʼañchapjjam,
jallu purjjatayir alajjpachankir qenayanaka, jupar jachʼañchapjjam.
5 Taqe ukanakajj Jehová Diosan sutip jachʼañchapjjpan,
kuna laykutejj jupaw mä orden churäna, ukatwa ukanakajj luratäpjjäna.+
6 Jupaw ukanakarojj wiñayans wiñayapatak utjasipkakiñapatakejj jayti.+
Jupaw mä decreto arsuwayi, ukajj janiw chhaqtayatäkaniti.+
7 Jehová Diosar oraqetpach jachʼañchapjjam,
lamar qotankir jachʼa animalanaka, wali manqhankir taqe umanaka,
8 lliju llijunaka, chhijchhi, khunu, chʼiyar qenayanaka,
Diosan arup phoqer jachʼa thayanaka jupar jachʼañchapjjam,+
9 qollunaka, taqe jiskʼa qollunaka,+
achuni qoqanaka,* taqe cedro qoqanaka jupar jachʼañchapjjam,+
10 salvaje animalanaka,+ taqe uywanaka,
qatatnaqtir animalanaka, jamachʼinaka jupar jachʼañchapjjam,
11 oraqenkir reyinaka, taqe markanaka,
principenaka, oraqenkir taqe juezanaka jupar jachʼañchapjjam,+
jilïrinaka, wawanakamp chik juntuk jupar jachʼañchapjjam.
13 Jupanakajj Jehová Diosan sutip jachʼañchapjjpan,
kuna laykutejj sutipajj wali sumawa, yaqha sutinakat sipansa wali jachʼarakiwa.+
Jupaw oraqjjarusa alajjpachjjarus apnaqe.+
14 Jupaw markapan chʼamapjja jiljjattayani,*
ukhamat jupat jan jitheqtirinakajj taqeni jachʼañchatäpjjañapataki,
mä arunjja Israelan wawanakapajj jachʼañchatäpjjañapataki, jupanakaw Diosan jakʼapankir markapajja.
¡Jah Diosar jachʼañchapjjam!*
149 ¡Jah Diosar jachʼañchapjjam!*
Jehová Diosar mä machaq canción cantapjjam,+
jupat jan jitheqtirinakan congregacionapan Diosar jachʼañchapjjam.+
2 Israelajj Jachʼa Lurir Diosap laykojj kusispan,+
Sionankir wawanakapajj Reyip layku kusisipjjpan.
3 Jupanakajj danzanakampi sutipar jachʼañchapjjpan,+
4 Jehová Diosajj markapampejj wali kusisitawa.+
Llampʼu chuymaninakarojj* salvarakiwa.+
5 Diosat jan jitheqtirinakajj wal kusisipjjpan, Diosat jachʼañchäwi katoqapjjatap layku,
ikiñanakap patjjan kusisiñat arnaqasipjjpan.+
6 Lakanakapajj Diosar alabanzanak cantapjjpan,
amparanakapajj purapar arini espada kattʼasitäpjjarakpan,
7 ukhamat markanakat vengasiñataki
ukhamarak jiskʼa markanakar castigañataki,
8 ukhamat reyinakapar cadenanakamp chinuntañataki
ukhamarak wali uñtʼat jaqenakapar hierro cadenanakamp chinuntañataki,
9 ukhamat jupanak contra qellqat juicio phoqayañataki.+
Ukham lurañajja Diosat jan jitheqtiri taqe servirinakaparuw waktʼi.
¡Jah Diosar jachʼañchapjjam!*
150 ¡Jah Diosar jachʼañchapjjam!*+
Sagrado lugarapan Diosar jachʼañchapjjam.+
Jupan chʼamap uñachtʼayki uka alajjpachan jachʼañchapjjam.+
2 Kunanaktï chʼamapampejj lurki ukanakat jupar jachʼañchapjjam.+
Wali chʼamanïtapat jupar jachʼañchapjjam.+
3 Pututu phustʼasitanakampi jupar jachʼañchapjjam.+
Cuerdanakan instrumentompi arpampi jupar jachʼañchapjjam.+
4 Panderetampi+ danzanakampi* jupar jachʼañchapjjam.
Cuerdanakan instrumentonakampi+ flautampi*+ jachʼañchapjjam.
5 Suma suynir platillonakampi jupar jachʼañchapjjam.
Jachʼat suynir platillonakampi jupar jachʼañchapjjam.+
6 Taqe jakirinakajj Jah Diosar jachʼañchapjjpan.
¡Jah Diosar jachʼañchapjjam!*+
Jan ukajja, “piensaraki; Diosan leyipat uruy arumaw jiskʼatak liytʼaraki”.
Variante: “mallkintat”.
Jan ukajja, “arboljamäniwa”.
Jan ukajja, “jupanakkam lupʼipjje (piensapjje)”.
Jan ukajja, “Mesiasap; Cristop”.
Jan ukajja, “parlakipapjje”.
Variante: “kawuyanakapsa”.
Hebreo arunjja, “jampʼattʼapjjam”.
Hebreo arunjja, “jupajj”.
“Sélah” siski uk glosarion liytʼäta.
“Directorataki” sasinjja, khititï cantirinakarusa musiconakarus pʼeqtʼki ukatwa parlaski.
Jan ukajja, “jupat jan jitheqtirirojj uñtʼaniwa; jupat jan jitheqtirirojj jupatakiw yaqhachani”.
“Nehilot” siski uk glosarion liytʼäta.
Jan ukajja, “santuariom”.
Jan ukajja, “mojjsa arunakäkaspas”.
“Seminit” siski uk glosarion liytʼäta.
Jan ukajja, “janiw jumat amtaskaspati”.
Jan ukajja, “Seolan”. “Seol” siski uk glosarion liytʼäta.
Hebreo arunjja, “ikiñajarojj jachajanwa tuyuyta”.
Variante: “chharptʼatawa”.
Jan ukajja, “jumaw chuymanaksa riñonanaksa uñantaraktajja”.
Jan ukajja, “music tukäjja”.
“Guitit” siski uk glosarion liytʼäta.
Ukajja, “kunja kʼajkirïtasa ukajja alajjpachanak altonwa yatiyasi” sasaw jaqokipasirakispa.
Hebreo arunjja, “lukʼananakamamp”.
Jan ukajja, “Diosar uñtasitäpki ukanakat”.
Hebreo arunjja, “camponkir animalanaka”.
“Mut-Laben” siski uk glosarion liytʼäta.
Jan ukajja, “music tukäjja”.
Hebreo arunjja, “qänaruw (rederuw)”.
“Higayón” siski uk glosarion liytʼäta.
Jan ukajja, “Seolaruw”. “Seol” siski uk glosarion liytʼäta.
“Llampʼu chuymanïña” siski uk glosarion liytʼäta.
Ukajja, “jupatakik taqe kuns munir jaqejja, jupa pachpaw bendición churasi” sasaw jaqokipasirakispa.
Variante: “utapan”. Jan ukajja, “pasto taypin”.
Hebreo arunjja, “qänap (redep)”.
Jan ukajja, “wajchatakejj (iñutakejj)”.
“Llampʼu chuymanïña” siski uk glosarion liytʼäta.
Variante: “iñunakarusa”.
Hebreo arunjja, “escapapjjam”.
Jan ukajja, “almapasti”.
Ukajja, “nina sankʼanakwa” sasaw jaqokipasirakispa.
Jan ukajja, “jupan suma uñjatäniwa”.
“Seminit” siski uk glosarion liytʼäta.
Jan ukajja, “pä chuymampiw parlapjje”.
Ukajja, “oraqer uchat umatatayañatak hornor” sasaw jaqokipasirakispa.
Jan ukajja, “Khititejj taqpach chuymampi Diosar servis sarnaqki”.
Jan ukajja, “janirakiw amigonakaparojj phenqʼachkiti”.
Jan ukajja, “honra churi”.
Hebreo arunjja, “Juramento”.
Hebreo arunjja, “miktamapa”. “Miktam” siski uk glosarion liytʼäta.
Hebreo arunjja, “riñonanakajaw”.
Jan ukajja, “almajarojj”.
Jan ukajja, “Seolan”. “Seol” siski uk glosarion liytʼäta.
Ukajja, “Jumat jan jitheqtki ukan ñusantañapjja janiw munkätati” sasaw jaqokipasirakispa.
Jan ukajja, “Altʼasisin istʼakitaya”.
Jan ukajja, “oraqer liwinukupjjetaspa”.
Variante: “jaqhejasa”.
Hebreo arunjja, “salvasiñ wajjrajasa”. “Wajjra” siski uk glosarion liytʼäta.
Variante: “kawuyanakapaw”.
Jan ukajja, “Seolan”. “Seol” siski uk glosarion liytʼäta.
Variante: “kawuyanakapaw”.
Hebreo arunjja, “espiritun”.
Jan ukajja, “Tʼaqesir jaqenakarojj”.
Jan ukajja, “ninamp qʼomachatawa”.
Variante: “jaqhëspasti”.
Jan ukajja, “tarujan”.
Hebreo arunjja, “amuktʼayäwa”.
Jan ukajja, “chhaqtjjapjjaniwa”.
Variante: “Jaqhejajj”.
Jan ukajja, “music tukarakëjja”.
Variante: “qawayanakapan”.
Variante: “qawayapatwa”.
“Diosar ajjsaraña” siski uk glosarion liytʼäta.
Jan ukajja, “piensatanakapasa”.
Variante: “Jaqheja”.
Hebreo arunjja, “likʼïkaspas ukhamay uñjpan”.
Hebreo arunjja, “walja urunaka”.
Hebreo arunjja, “flechtʼañ arcoman cuerdanakap”.
Jan ukajja, “jumatak music tukapjjäjja”.
Jan ukajja, “tarujapa”. Ukajja, qachu venadotwa parlaski. “Willjtan venadopa” sasinjja, inas mä tonota jan ukajj mä kasta musicat parlaskchi.
Jan ukajja, “phenqʼachat uñjasipkänti”.
Variante: “chhukjjatapjjetu”.
Jan ukajja, “Enemigonakajajj”.
Hebreo arunjja, “amparapat”.
“Llampʼu chuymanïña” siski uk glosarion liytʼäta.
Hebreo arunjja, “Jumanakan chuymanakamajj wiñayatak jakpan”.
Variante: “qawayankir”.
Hebreo arunjja, “khitinakatï likʼïpki”.
Hebreo arunjja, “laqʼa polvor”.
Ukajja, “jan onjjtki uka umanakaruw irpitu” sasaw jaqokipasirakispa.
Jan ukajja, “chuymachtʼitu”.
Jan ukajja, “jawintistajja”.
Jan ukajja, “jakäwij-jjar”. Ukajja, Jehová Diosan jakäwipatwa parlaski.
Jan ukajja, “nayratpachaw uñachtʼaytajja”.
“Llampʼu chuymanïña” siski uk glosarion liytʼäta.
Hebreo arunjja, “qänatjja (redetjja)”.
Hebreo arunjja, “Riñonanakajsa”.
Jan ukajja, “piensapuntwa”.
Hebreo arunjja, “qontʼaskti”.
Hebreo arunjja, “qontʼasiñ”.
Jan ukajja, “yaqhanakar mä kun chilltañsa wal munapjje”.
Hebreo arunjja, “asambleanakanwa”.
Jan ukajja, “santuariopar”.
Variante: “jaqhe”.
Jan ukajja, “Jehová Diosatakejj music tukäjja”.
Jan ukajja, “jan feinïkiriskayäta; jan iyawsäwinïkiriskayäta”.
Ukajja, “Jakkasinjja Jehová Diosajj kunja suma Diosasa uk uñjañwa nayajj confiyta” sasaw jaqokipasirakispa.
Variante: “Jaqheja”.
Jan ukajja, “markamar”.
Jan ukajja, “Jehová Diosar adorapjjam (yupaychapjjam)”.
Jan ukajja, “arbolanakwa”.
Jan ukajja, “taruja”. Ukajja, qachu venadotwa parlaski.
Jan ukajja, “arbolanakan”.
Jan ukajja, “alajjpachankir lamar qotanakjjaruw”.
Jan ukajja, “Seolat”. “Seol” siski uk glosarion liytʼäta.
Jan ukajja, “sepulturar”.
Jan ukajja, “Jehová Diosatak music tukapjjam”.
Jan ukajja, “Janipuniw khatatiyatäkäti”.
“Llakisiñ isi” siski uk glosarion liytʼäta.
Jan ukajja, “Altʼasisin istʼakitaya”.
Variante: “jaqhejätasa”.
Hebreo arunjja, “qänatjja (redetjja)”.
Jan ukajja, “jan jaytjasir Dios Tata”.
Jan ukajja, “amuyunakapat”.
Jan ukajja, “Seolan”. “Seol” siski uk glosarion liytʼäta.
“Maskil” siski uk glosarion liytʼäta.
Jan ukajja, “perdonatäkaraki”.
Jan ukajja, “colerasitamajj”.
Jan ukajja, “jupatak music tukapjjam”.
Jan ukajja, “samanap”.
Jan ukajja, “yupaychki”.
“Llampʼu chuymanïña” siski uk glosarion liytʼäta.
Jan ukajja, “ukanakan muytpachaparuw carpap saytʼayi”.
Jan ukajja, “jupar serviñatak yaqhachatäpkta”.
Jan ukajja, “Broquelamampi”. Flechtʼañ arco apnaqerinakaw uka jiskʼa escudonak apnaqapjjerïna.
“Llakisiñ isi” siski uk glosarion liytʼäta.
Jan ukajja, “lupʼini (piensani)”.
Jan ukajja, “salvaskaktawa”.
Jan ukajja, “pacienciamp suytʼam”.
Ukajja, “Jan colerasimti, juma pachpaw jan waltʼayasïta” sasaw jaqokipasirakispa.
“Llampʼu chuymanïña” siski uk glosarion liytʼäta.
Jan ukajja, “amparapampi”.
Jan ukajja, “manqʼa”.
Jan ukajja, “arbolar”.
Jan ukajja, “Taqpach chuymamp servir jaqetjja”.
Ukajja, jachʼa perqanakamp muyuntat mä markata jan ukajj mä palaciotwa parlaski.
Ukajja, “ina chʼusat enemigonakajar tukupki ukanakajj waljanïpjjewa” sasaw jaqokipasirakispa.
“Jedutún” siski uk glosarion liytʼäta.
Variante: “mä yukumpiw”.
Jan ukajja, “cosasanakwa”.
Jan ukajja, “pasaskir forastero jaqekïtwa”.
Jan ukajja, “nayar istʼañatakiw altʼasïna”.
Variante: “jaqhe”.
Hebreo arunjja, “libron rollopan”.
Jan ukajja, “jumaw ikiñapjja taqpach cambiäta”.
Hebreo arunjja, “ukaw naya contrajj kayu talonap ayti”.
Jan ukajja, “wiñayatpach wiñayataki”.
“Maskil” siski uk glosarion liytʼäta.
Jan ukajja, “mä taruja”. Ukajja, qachu venadotwa parlaski.
Variante: “wañjatätjja”.
Jan ukajja, “jiskʼa qollutpacha”.
Variante: “jaqhejäki”.
Ukajja, “chʼakhanakarus atjjatapkaspa ukhamwa” sasaw jaqokipasirakispa.
Ukajja, jachʼa perqanakamp muyuntat mä markata jan ukajj mä palaciot parlaski.
“Maskil” siski uk glosarion liytʼäta.
“Maskil” siski uk glosarion liytʼäta.
Jan ukajja, “escriban”.
Jan ukajja, “gobiernoman”.
Hebreo arunjja, “Tiro markan imill wawapajj mä regalompiw jutani”.
Hebreo arunjja, “Manqhanjja”.
Ukajja, “bordat isinakampi” sasaw jaqokipasirakispa.
“Alamot” siski uk glosarion liytʼäta.
Jan ukajja, “gobiernonakas”.
Ukajja, “escudonakapsa” sasaw jaqokipasirakispa.
Jan ukajja, “orqo ovej wajjra; trompeta”.
Jan ukajja, “Diosatak music tukapjjam”.
Hebreo arunjja, “escudonakajj”.
Jan ukajja, “norte toqet”.
Variante: “mä qawayapat mä qawayapkamaw”.
Hebreo arunjja, “Judá oraqen phuchanakapajj”.
Ukajja, “jiwañaskam” sasaw jaqokipasirakispa.
Jan ukajja, “piensatapaw”.
Jan ukajja, “Seolaruw”. “Seol” siski uk glosarion liytʼäta.
Jan ukajja, “Seolaw”. “Seol” siski uk glosarion liytʼäta.
Jan ukajja, “Seolan”. “Seol” siski uk glosarion liytʼäta.
Hebreo arunjja, “amparapatjja”.
Hebreo arunjja, “orqo cabranak”.
Jan ukajja, “bosquenkir”.
Ukajja, “jupampiw mayachastajja” sasaw jaqokipasirakispa.
Jan ukajja, “amuyujankapuniwa”.
“Maskil” siski uk glosarion liytʼäta.
Jan ukajja, “arbolar”.
“Mahalat” siski uk glosarion liytʼäta.
“Maskil” siski uk glosarion liytʼäta.
Ukajja, “jan ajjsarañatwa ajjsarayasipjjani” sasaw jaqokipasirakispa.
Hebreo arunjja, “juma contra carpanakap saytʼayasipki”.
“Maskil” siski uk glosarion liytʼäta.
Hebreo arunjja, “amuktʼayam”.
“Maskil” siski uk glosarion liytʼäta.
Jan ukajja, “yanap mayisinksma ukhajj janikiy imantasimti”.
“Jupanakajj” sasinjja, inas nuwasiñanakampita jan waltʼayasiñanakampit parlaskchi.
Jan ukajja, “Seolar”. “Seol” siski uk glosarion liytʼäta.
Ukajja, Salmo 55:13, 14 textonakan parli uka nayra amigotwa parlaski.
Jan ukajja, “khatatiñapjja”.
“Miktam” siski uk glosarion liytʼäta.
“Miktam” siski uk glosarion liytʼäta.
Jan ukajja, “jumatak music tukäjja”.
“Miktam” siski uk glosarion liytʼäta.
Hebreo arunjja, “purakankapki”.
Jan ukajja, “katarinakan”.
Jan ukajja, “katarejj”.
“Miktam” siski uk glosarion liytʼäta.
Jan ukajja, “wila wartañ wal munirinakat”.
Hebreo arunjja, “lakanakapas”.
Variante: “mä qawayat mä qawayapkamas”.
Jan ukajja, “jumatakiw music tukäjja”.
“Miktam” siski uk glosarion liytʼäta.
Ukajja, “Sagrado lugarapanjja Diosajj” sasaw jaqokipasirakispa.
Variante: “jiskhujampiw”.
Ukajja, “jachʼa perqanakan markar” sasaw jaqokipasirakispa.
Variante: “qawayanakatpachwa”.
Variante: “jaqhekam”.
Jan ukajja, “wiñayatak jakani”.
Jan ukajja, “music tukäjja”.
“Jedutún” siski uk glosarion liytʼäta.
Variante: “jaqhejasa”.
Variante: “jaqhejasa”.
Variante: “jaqhejasa”.
Variante: “wañjatätwa”.
Jan ukajja, “piensta”.
Jan ukajja, “qamaqenakan (zorronakan)”.
Jan ukajja, “Jupanakajj jan wal lurañatakiw jupanakkam chʼamañchtʼasipjje”.
Jan ukajja, “santuarioman”.
Variante: “chʼajjwatanakapsa”.
Hebreo arunjja, “señalanakamampiw”.
Jan ukajja, “music tukapjjam”.
Variante: “kayutwa”.
Jan ukajja, “khatatiñapjja”.
Jan ukajja, “rederuw”.
Jan ukajja, “music tukapjjam”.
“Jah” sutejja, Jehová Diosan jiskʼaptayat sutipawa.
Variante: “iñunakan”.
Hebreo arunjja, “juezaparakiwa”.
Jan ukajja, “kutkatasirinakajj”.
Hebreo arunjja, “jalluw alajjpachat chʼaqanoqäna”.
Hebreo arunjja, “herenciamarojj”.
Jan ukajja, “Zalmón qollunjja khunkaspas ukhamänwa”.
Jan ukajja, “juchani sarnaqasipki”.
Jan ukajja, “ñikʼutani pʼeqe patanakapsa”.
Hebreo arunjja, “Asambleanakan”.
Ukajja, “takichasipjjañapkama” sasaw jaqokipasirakispa.
Ukajja, “Embajadoranakaw Egiptot jutapjjani” sasaw jaqokipasirakispa.
Jan ukajja, “gobiernonaka”.
Jan ukajja, “Jehová Diosatak music tukapjjam”.
Hebreo arunjja, “qenayanakanwa”.
Jan ukajja, “Pantano”.
Ukajja, “jachkayäta, ayuno lurkarakiyäta” sasaw jaqokipasirakispa.
“Llakisiñ isi” siski uk glosarion liytʼäta.
Jan ukajja, “venenoni mä ali”.
Variante: “wañjatäkayäta”.
Jan ukajja, “murallrantat carpanakapajj”.
Jan ukajja, “Jupanakajj jakañ librot”.
“Llampʼu chuymanïña” siski uk glosarion liytʼäta.
Jan ukajja, “Altʼanisin istʼita”.
Variante: “jaqhenkir”.
Kunapachatï uka arunak qellqkäna ukhajja inas awkëjjchïna.
Jan ukajja, “salviris”.
Jan ukajja, “jan jaktʼañjam”.
Jan ukajja, “oraqenkir manqha umanakatsa”.
Jan ukajja, “music tukäjja”.
Jan ukajja, “lupʼini (piensani)”.
Variante: “qawayanakkamäniwa”.
Jan ukajja, “Seba”.
Jan ukajja, “purakanakapas likʼiwa”.
Hebreo arunjja, “riñonanakajanjja”.
Variante: “jaqhejajja”.
Jan ukajja, “yupaychañatak”.
“Maskil” siski uk glosarion liytʼäta.
Jan ukajja, “bosquen arbolanak”.
Jan ukajja, “Diosar adoraski (yupaychaski) uka lugaranakajj”.
“Leviatán” siski uk glosarion liytʼäta.
Hebreo arunjja, “pʼeqenakapsa”.
Hebreo arunjja, “Wajjranakamat”.
Hebreo arunjja, “Wajjranakamat”.
Jan ukajja, “sur toqetsa”.
Jan ukajja, “Diosapatakiw music tukäjja”.
Hebreo arunjja, “wajjranakapwa”.
Hebreo arunjja, “wajjranakapajj”.
Jan ukajja, “jumajj kʼajkir qhanamp muyuntatätawa”.
“Llampʼu chuymanïña” siski uk glosarion liytʼäta.
“Jedutún” siski uk glosarion liytʼäta.
Jan ukajja, “Cuerdanakan instrumentomp tukat musicajatwa”.
Hebreo arunjja, “Amparamampiw”.
“Maskil” siski uk glosarion liytʼäta.
Hebreo arunjja, “istʼañatak jiñchunakam altʼayanipjjam”.
Variante: “jaqhenakwa”.
Variante: “jaqhetjja”.
Hebreo arunjja, “yantʼapjjäna”.
Variante: “jaqheruw”.
Jan ukajja, “janiw Diosar feinïpkänti; janiw Diosar iyawsapkänti”.
Jan ukajja, “angelanakan”.
Jan ukajja, “sur toqenkir”.
Jan ukajja, “janiw feinïpkänti; janiw iyawsapkänti”.
Variante: “Jaqhepätap”.
Hebreo arunjja, “imjjatänwa”.
Ukajja, “kunjamtï espiritojj mistusin jan kuttʼankejja” sasaw jaqokipasirakispa.
Hebreo arunjja, “amparapat”.
“Langosta” siski uk glosarion liytʼäta.
Jan ukajja, “arbolanakapsa”.
Ukajja, “calenturampiw” sasaw jaqokipasirakispa.
Hebreo arunjja, “epidemiampiw”.
Hebreo arunjja, “yantʼasipkakïnwa”.
Jan ukajja, “yupaychasajj”.
Jan ukajja, “markapampisti”.
Hebreo arunjja, “virgen tawaqonakajj janiw jachʼañchatäpkänti”.
Hebreo arunjja, “carpaparojj”.
Jan ukajja, “markamar”.
Jan ukajja, “gobiernonakarojj”.
Hebreo arunjja, “imjjattʼam”.
Hebreo arunjja, “amparamampiy”.
Ukajja, “taypin” sasaw jaqokipasirakispa.
Jan ukajja, “kunja kʼajkirïtasa uk uñachtʼayakimaya”.
Variante: “mallkinttajja”.
Jan ukajja, “arbolanakapas”.
Jan ukajja, “Bosquenkir”.
Variante: “mallkintki”.
Jan ukajja, “uka alirojj”.
“Guitit” siski uk glosarion liytʼäta.
Jan ukajja, “Wawa phajjsinjja”.
Ukajja, “toqesiña” sañ muni.
Hebreo arunjja, “jupar alimentani”. “Jupar” sasinjja, Diosan markapatwa parlaski.
Variante: “jaqhenakankir”.
Jan ukajja, “diosanakar uñtasitanak”. Amuyatajja, Israel markankir juezanakatwa parlaski.
Variante: “iñurus”.
“Jupanakajj” sasinjja, Salmo 82:1 texton parlki uka diosanakatwa parlaski.
“Nayajj” sasinjja, Diosatwa parlaski.
Jan ukajja, “Diosar uñtasitäpjjtawa”.
Jan ukajja, “pʼeq waytapjje”.
Hebreo arunjja, “khitinakarutï imantkta”.
Jan ukajja, “mä pacto lurapjje”.
Ukajja, moabitanakampita ammonitanakampitwa parlaski.
Jan ukajja, “pʼeqtʼirinakaparojj”.
Variante: “qolumir”.
Jan ukajja, “Bosque”.
“Guitit” siski uk glosarion liytʼäta.
Jan ukajja, “wali munatawa”.
Jan ukajja, “bacá sat alinakan vallepa”.
Ukajja, “Uñtam, nanakan escudojaru, Dios Tata” sasaw jaqokipasirakispa.
Hebreo arunjja, “imjjataraktawa”.
Jan ukajja, “mayampiy tantachtʼapjjeta”.
Jan ukajja, “oracionajarojj altʼasin istʼakimaya”.
Jan ukajja, “Phoqat chuyma churita”.
Jan ukajja, “Seol”. “Seol” siski uk glosarion liytʼäta.
Jan ukajja, “jan ratuk colerasiri”.
Ukajja, inas Egipto markat parlaskchi.
Jan ukajja, “Etiopía”.
Jan ukajja, “Nayatakejja, jumatwa taqe kunas juti”.
“Mahalat” siski uk glosarion liytʼäta.
“Maskil” siski uk glosarion liytʼäta.
Jan ukajja, “altʼasisin istʼakimaya”.
“Alma” siski uk glosarion liytʼäta.
Jan ukajja, “Seol”. “Seol” siski uk glosarion liytʼäta.
Jan ukajja, “jan chʼaman jaqer uñtatarakïtwa”.
Hebreo arunjja, “amparamatsa apaqatäjjapjjarakiwa”.
Jan ukajja, “wali manqha pʼiyaruw”.
Jan ukajja, “yupaychañatakejj”.
Jan ukajja, “Abadón sat lugaran”. “Abadón” siski uk glosarion liytʼäta.
“Maskil” siski uk glosarion liytʼäta.
Jan ukajja, “santo angelanakan”.
Hebreo arunjja, “Diosan wawanakap”.
Ukajja, inas Egipto markata jan ukajj Egiptonkir faraonat parlaskchi.
Jan ukajja, “Norte toqesa sur toqes”.
Hebreo arunjja, “wajjrajajj”.
Hebreo arunjja, “wajjrapas”.
Jan ukajja, “autoridadapjja”.
Variante: “Jaqhejätasa”.
Jan ukajja, “juicionakajarjam”.
Jan ukajja, “kutkatasirïpjjatapatwa”.
Hebreo arunjja, “Seolan amparapatjja”. “Seol” siski uk glosarion liytʼäta.
Jan ukajja, “almap salvaspati”.
Jan ukajja, “Kunjamsa urunakaj jakhupjjerista uk yatichapjjeta”.
Ukajja, “jarkʼaqasiñ jachʼa perqamaruw; imantasiñamaruw” sasaw jaqokipasirakispa.
Jan ukajja, “katarirus”.
Jan ukajja, “music tukañajj”.
Ukajja, guitarrar uñtasit nayra instrumentowa.
Hebreo arunjja, “wajjraj-jja”.
Jan ukajja, “arboljamaw”.
Jan ukajja, “arbolar”.
Variante: “mallkintatäpjje”.
Jan ukajja, “janqʼo ñikʼutanëjjapjjani”.
Variante: “Jaqhejajja”.
Jan ukajja, “janiw khatatiyatäkaspati”.
Jan ukajja, “markamaruw”.
Variante: “iñu wawanakarus”.
Jan ukajja, “markaparojj”.
Jan ukajja, “juezanakamp”. Hebreo arunjja, “tronomp”.
Variante: “jaqhejawa”.
Variante: “Jaqhesar”.
Jan ukajja, “yupaychapjjañäni”.
Hebreo arunjja, “amparapankir”.
Ukajja, “toqesiña” sañ muni.
Ukajja, “yantʼaña” sañ muni.
Jan ukajja, “Jehová Diosar adorapjjam (yupaychapjjam)”.
Jan ukajja, “uksar aksar onjjtayatäkaspati”.
Jan ukajja, “Bosquenkir”.
Jan ukajja, “arbolanakas”.
Jan ukajja, “Diosar adorapjjam (yupaychapjjam)”.
Hebreo arunjja, “Judá oraqen phuchanakapajj”.
Jan ukajja, “chʼamapatjja”.
Jan ukajja, “music tukapjjam”.
Jan ukajja, “Jehová Diosatakejj arpampi music tukapjjam”.
Jan ukajja, “juti”.
Ukajja “chika taypinwa” sasaw jaqokipasirakispa.
Jan ukajja, “adorapjjarakim (yupaychapjjarakim)”.
Hebreo arunjja, “jupanak contra vengasiyätajja”.
Jan ukajja, “adorapjjam (yupaychapjjam)”.
Jan ukajja, “jumatakiw music tukäjja”.
Jan ukajja, “taqpach chuymampiw”.
Hebreo arunjja, “janiw uñtʼkäti”.
Jan ukajja, “chhaqtayäwa”.
Jan ukajja, “taqpach chuymampi”.
Hebreo arunjja, “nayranakaj nayraqatan”.
Jan ukajja, “chhaqtayäjja”.
Jan ukajja, “aynachtʼat”.
Jan ukajja, “Altʼasisin istʼakitaya”.
Jan ukajja, “sutimajj”.
Jan ukajja, “gobiernonakas”.
Jan ukajja, “usunakamjja”.
Jan ukajja, “jan ratuk colerasiri”.
Jan ukajja, “wiñayatpach wiyañatakiwa”.
Jan ukajja, “gobiernopas”.
Hebreo arunjja, “viganakapjja umanakaruw”.
Jan ukajja, “khatatiyatäkaniti”.
Variante: “wañjat”.
Jan ukajja, “arbolanakanwa”.
Jan ukajja, “arbolanakapajj”.
Variante: “mallkitäki”.
Jan ukajja, “arbolanakanwa”.
Variante: “jaqhenakasti”.
Uka animalajj damán sasin uñtʼatarakiwa. Mä jachʼa wankʼur uñtasitawa, janiw wichʼinkanïkiti, qala qal lugaranakanwa jakaraki.
Jan ukajja, “bosquenkir”.
“Leviatán” siski uk glosarion liytʼäta.
Jan ukajja, “Diosajatakejj music tukäjja”.
Jan ukajja, “Piensatanakajajj”.
Ukajja, “Jupjjat lupʼitanakajajj chuymar purtʼkirïpan” sasaw jaqokipasirakispa.
Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
Jan ukajja, “music tukapjjam”.
Ukajja, “parlapjjam” sasaw jaqokipasirakispa.
Hebreo arunjja, “kuna arunaktï arskäna ukanaksa”.
Jan ukajja, “gobiernot gobierno”.
Hebreo arunjja, “Tʼantʼa imañ lawanakap pʼakjänwa”. Ukham sasinjja, inas tʼantʼanak uchañ lawanakat parlaskchi.
Variante: “chʼoqantapjjäna”.
Jan ukajja, “jilïr irpirinakapar”.
Amuyatajja, egipcionakatwa parlaski.
“Jupanakasti” sasinjja, inas Moisesampit Aaronampit parlaskchi.
Jan ukajja, “jején sat mosquitonakarus”.
Jan ukajja, “aqkir ninanakwa”.
Jan ukajja, “arbolanakapsa”.
“Langosta” siski uk glosarion liytʼäta.
Jan ukajja, “lanktʼaskänti”.
Hebreo arunjja, “jupanakar”.
Variante: “jaqhe”.
Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
Jan ukajja, “markamamp”.
Jan ukajja, “fe; iyawsäwi”.
Jan ukajja, “yupaychañ”.
Jan ukajja, “janiw feinïpkänti; janiw iyawsapkänti”.
Jan ukajja, “yupaychañwa”.
Ukajja, jiwat jaqenakaru jan ukajj jan vidani diosanakar loqtat sacrificionakatwa parlaski.
Ukajja, “toqesiña” sañ muni.
Jan ukajja, “costumbrenakapwa yateqasjjapjjarakïna”.
Jan ukajja, “yaqha diosanakamp prostitución jucha lurapjjäna”.
Jan ukajja, “markapatjja”.
Jan ukajja, “wiñayatpach wiñayataki”.
Jan ukajja, “¡Ukhamäpan!”.
Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
Jan ukajja, “mayamp alki”.
Jan ukajja, “chʼamapat”.
Jan ukajja, “norte toqetsa, sur toqetsa”.
Variante: “wañjata”.
Variante: “wañjatarojj”.
Jan ukajja, “lanktʼasipjjänwa”.
Jan ukajja, “alto lugarar usku”. Ukajja, jan khitin alcanzkayäñatwa parlaski.
Jan ukajja, “piensani”.
Jan ukajja, “jumatak music tukäjja”.
Ukajja, “Sagrado lugarapanjja Diosajj” sasaw jaqokipasirakispa.
Variante: “jiskhujampiw”.
Jan ukajja, “Intencionampiw”.
Jan ukajja, “jan wali jaqet uñjatäpan”.
Ukajja, congregacionar uñjañatwa parlaski.
Variante: “iñunak”.
Jan ukajja, “Jan khitis juparojj munasiñat jan jaytjasirïtap uñachtʼaypanti”.
Variante: “iñu wawanakapatsa”.
Jan ukajja, “munasiñat jan jaytjasirïtap”.
“Langosta” siski uk glosarion liytʼäta.
Variante: “tajjaptatawa”.
Hebreo arunjja, “aychajajj wañantjjewa, jan likʼinirakiwa (jan aceitenirakiwa)”.
Jan ukajja, “jan manganakani isimpjam”.
Hebreo arunjja, “enemigonakamaru banquillökaspas ukham kayunakamatak uchkä ukapachkama”.
“Jumarojj” sasinjja, Salmo 110:1 texton parlki uka Tatitutwa parlaski.
Jan ukajja, “grupo wayn tawaqonakajj”.
“Jupaw” sasinjja, inas Diosat parlaskchi.
“Jupajj” sasinjja, Salmo 110:1 texton parlki uka Tatitutwa parlaski.
Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
Jan ukajja, “suma uttʼayatapuniwa”.
Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
Jan ukajja, “cosasanakanïñas”.
Hebreo arunjja, “wajjrapajj”.
Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
Jan ukajja, “tronopan qontʼatäki uka Diosjamasti”.
Ukajja, “basura taypitsa wayti” sasaw jaqokipasirakispa.
Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
Jan ukajja, “sagrado lugarapäjjänwa”.
Variante: “jaqherojj”.
Jan ukajja, “Janiw kunas nanakankkiti, Jehová Dios Tata, janiw kunas nanakankkiti”.
Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
Jan ukajja, “nayar istʼañatakiw altʼasi”.
Variante: “kawuyanakapaw”.
Hebreo arunjja, “Seolan llakinakapaw katuntitäna”.
“Alma” siski uk glosarion liytʼäta.
Jan ukajja, “fe; iyawsäwi”.
Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
“Jah” sutejja, Jehová Diosan jiskʼaptayat sutipawa.
Jan ukajja, “jachʼa campon lugararuw”.
Ukajja, “khitinakatï nayar yanaptʼapkitu ukanakamp chikawa” sasaw jaqokipasirakispa.
Ukajja, “wali chʼamampiw jumajj nuktʼistajja” sasaw jaqokipasirakispa.
Hebreo arunjja, “altaran wajjranakapkam sarapjjam”.
Jan ukajja, “taqpach chuymamp servipki”.
Jan ukajja, “yatjjatäjja”.
Jan ukajja, “yatjjati”.
Jan ukajja, “yatjjatañajataki”.
Jan ukajja, “phenqʼachat”.
Jan ukajja, “sarnaqayita”.
Ukajja, “jumar ajjsarapktam ukanakar arskayäta uka promesam phoqam” sasaw jaqokipasirakispa.
Jan ukajja, “suytʼta”.
Jan ukajja, “yatjjatäjja”.
Jan ukajja, “promesa luratamat”.
Jan ukajja, “mä suytʼäwi churkista ukat amtasim”.
Jan ukajja, “ajanum kusisiyañ thaqta”.
Variante: “kawuyanakapaw”.
Jan ukajja, “arsutamarjamaw”.
Jan ukajja, “jan amuyasisaw juchachasiyäta”.
Ukajja, “kʼarisisaw” sasaw jaqokipasirakispa.
Jan ukajja, “yatjjatäjja”.
Variante: “jatʼsupjje”.
“Ukanakasti” sasinjja, Diosan taqpach luratanakapatwa parlaski.
Jan ukajja, “piensta”.
Jan ukajja, “yatjjatta”.
Jan ukajja, “yatjjatataj layku”.
Hebreo arunjja, “lakajat misturi voluntadat churat ofrendanakaj”.
Jan ukajja, “Amtayäwinakamajj wiñay herenciajawa”.
Jan ukajja, “phenqʼachat uñjasiyistati”.
Hebreo arun uñstki uka arojja, kunanakatï qollqetsa qoritsa umatatayatäsajj jalaqtki uka jan servirinakatwa parlaski.
Jan ukajja, “ninamp qʼomachat qorit sipansa”.
Jan ukajja, “ordenanakamajj”.
Jan ukajja, “yatjjatañajataki”.
Jan ukajja, “ajjtaskañ qʼañu juchanak lurapki”.
Jan ukajja, “Naya toqet saytʼasim”.
Jan ukajja, “jupanakatakejj janiw kuna lanktʼasiyir qalas utjkiti”.
“Markar makatkasin cantañatak mä canción” siski uk glosarion liytʼäta.
Jan ukajja, “uksar aksar khatatiñapjja”.
“Jah” sutejja, Jehová Diosan jiskʼaptayat sutipawa.
Hebreo arunjja, “Jan walin thujrupajja”.
Jan ukajja, “Yoqall wawanakajj”.
Jan ukajja, “wayna jaqen”.
“Jupanakajj” sasinjja, inas awkinakat parlaskchi.
Jan ukajja, “arbolat”.
Variante: “kawuyanakapsa”.
Jan ukajja, “uta patjjankir”.
“Jah” sutejja, Jehová Diosan jiskʼaptayat sutipawa.
Jan ukajja, “vigilasma”.
Hebreo arunjja, “ajjsarapjjañapataki”.
“Alma” siski uk glosarion liytʼäta.
Jan ukajja, “mä jachʼa tabernáculo”.
Amuyatajja, arcatwa parlaski.
Jan ukajja, “bosquenwa”.
Jan ukajja, “jachʼa tabernaculopar”.
Jan ukajja, “wajjrapwa”.
Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
Jan ukajja, “sutipatak music tukapjjam”.
Jan ukajja, “gobiernonakaparusa”.
Jan ukajja, “sutimajj”.
Hebreo arunjja, “jiskʼa jiskʼwa”.
Jan ukajja, “arbolanakanwa”.
Ukajja, “kupi amparajajj wañtʼpan” sasaw jaqokipasirakispa.
Variante: “jaqhenakar”.
Ukajja, “Yaqha diosanakar qallasiñatakiw jumatak music tukäjja” sasaw jaqokipasirakispa.
Jan ukajja, “Santuariom”.
Jan ukajja, “piensaskta”.
Jan ukajja, “nayajj amuykirista ukat sipansa jukʼampiwa”.
Jan ukajja, “ukajj wali musparkañawa”.
Jan ukajja, “Seolan”. “Seol” siski uk glosarion liytʼäta.
Ukajja, “nayajj jaktʼaskaktwa” sasaw jaqokipasirakispa.
Jan ukajja, “wila wartir jaqenakajj”.
Jan ukajja, “amuyunakaparjam”.
Jan ukajja, “guerranak”.
Jan ukajja, “katarjamaw”.
Variante: “kawuyanakampiw”.
Jan ukajja, “rede”.
Jan ukajja, “uma phujunakaru”.
Jan ukajja, “mä centinela”.
Jan ukajja, “Seolan”. “Seol” siski uk glosarion liytʼäta.
“Maskil” siski uk glosarion liytʼäta.
Jan ukajja, “chʼamajajj”.
Hebreo arunjja, “uñtʼjjetuti”.
Jan ukajja, “Chʼamajajj”.
Jan ukajja, “piensarakta”.
Jan ukajja, “yatjjatarakta”.
Variante: “wañjat”.
Jan ukajja, “cheqa thakinjam irpita”.
Hebreo arunjja, “amuktʼayam”.
Variante: “Jaqhejajja”.
Jan ukajja, “saraqayanim”.
Jan ukajja, “jumatak music tukäjja”.
Jan ukajja, “salvki”.
Jan ukajja, “piensarakëjja”.
Jan ukajja, “chʼamamatwa”.
Jan ukajja, “jan ratuk colerasiri”.
Jan ukajja, “Gobiernomajj”.
Jan ukajja, “gobiernomajj”.
Jan ukajja, “Gobiernomajj”.
Jan ukajja, “cheqampi”.
Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
“Alma” siski uk glosarion liytʼäta.
Jan ukajja, “Diosatakejj music tukäjja”.
Jan ukajja, “samanapajj”.
Variante: “iñu wawarusa”.
Jan ukajja, “thakipjja qʼewinukuwa”.
Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
Jan ukajja, “Diosasatak music tukañajj”.
Jan ukajja, “amuytʼasirïtapas”.
“Llampʼu chuymanïña” siski uk glosarion liytʼäta.
Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
Jan ukajja, “arbolanaka”.
Hebreo arunjja, “virgen tawaqonaka”.
Hebreo arunjja, “wajjrapjja jachʼañchani”.
Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
Jan ukajja, “jupatak music tukapjjpan”.
“Llampʼu chuymanïña” siski uk glosarion liytʼäta.
Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
Jan ukajja, “ronda lurasin thoqoñ danzanakampi”.
Jan ukajja, “caramillompi”.
Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.