Abụ Ọma

119 Ndị na-enweghị ihe a ga-eji taa ha ụta* na-enwe obi ụtọ,

Ya bụ, ndị na-edebe iwu Jehova.+

 2 Ndị na-eme ihe ọ na-echetara ha na-enwe obi ụtọ,+

Ya bụ, ndị ji obi ha niile na-achọ ya.+

 4 I nyere anyị iwu

Ka anyị lezie anya na-eme ihe i kwuru.+

 5 Ọ dị m nnọọ ka ya bụrụ na m ga-akwụsi ike+

Ma na-eso ntụziaka gị mgbe niile.

 6 Ọ ga-eme ka ihere ghara ime m+

Mgbe m na-amụ iwu gị niile.

 7 M ga-eji obi dị ọcha na-eto gị

Mgbe m na-amụta ihe ndị dị mma i kpebiri.

11 M ji okwu gị kpọrọ ihe,*+

Ka m wee ghara imehie gị.+

13 Eji m ọnụ m na-akọsa

Ihe niile i kpebiri bụ́ ndị i kwupụtara.

14 Ana m aṅụrị ọṅụ maka ihe ndị ị na-echetara m+

Karịa ka m na-aṅụrị ọṅụ maka ihe ọ bụla ọzọ bara ezigbo uru.+

15 M ga na-echebara iwu gị echiche,*+

M ga na-echebakwara otú ị chọrọ ka m si na-ebi ndụ echiche.+

17 Na-emeso ohu gị ihe otú dị mma,

Ka m wee dịrị ndụ na-eme ihe i kwuru.+

18 Meghee anya m, ka m na-ahụ

Ihe ndị dị ịtụnanya dị n’iwu gị nke ọma.

20 Ọ na-agụsi m agụụ ike mgbe niile

Ka m mara ihe ndị i kpebiri.

21 Ị na-abara ndị dị mpako mba,

Bụ́ ndị a bụrụ ọnụ maka na ha hapụrụ iwu gị kpafuo.+

22 Mee ka a kwụsị ịkọcha m na ịkparị m,

N’ihi na m na-eme ihe ndị ị na-echetara m.

23 Mgbe ndị isi nọkọdịrị na-ekwutọ m,

Ohu gị na-echebara ntụziaka gị echiche.*

27 Mee ka m ghọta ihe iwu gị pụtara,

Ka m wee na-echebara ọrụ ndị dị ebube ị na-arụ echiche.*+

32 M ga-eji obi m niile* na-edebe iwu gị

N’ihi na ị na-eme ka obi m nabata ha.*

33 Jehova, biko, kụziere m+ otú m ga-esi na-eso ntụziaka gị,

M ga-esokwa ya ruo n’isi.+

34 Mee ka m na-aghọta ihe,

Ka m wee na-erubere iwu gị isi,

Jirikwa obi m niile na-edebe ha.

35 Na-edu m ka m wee na-edebe iwu gị,*+

N’ihi na iwu gị na-atọ m ụtọ.

36 Mee ka obi m dịrị n’ihe ndị ị na-echetara m,

Ọ bụghị n’ihe ga-abara naanị m uru.*+

38 Mezuoro ohu gị nkwa i kwere ya,*

Ka e wee tụọ egwu gị.*

39 Ụjọ na-atụ m na a ga-emechu m ihu, ma ekwela ka e mechuo m ihu

N’ihi na ihe ndị i kpebiri dị mma.+

41 Jehova, biko, gosi m na ị hụrụ m n’anya,*+

Zọpụta m otú i kwere m ná nkwa.*+

42 Mgbe ahụ, m ga-aza onye na-akparị m okwu,

N’ihi na m tụkwasịrị okwu gị obi.

43 Ewepụla eziokwu n’ọnụ m,

N’ihi na m na-atụ anya* ihe ị ga-ekpebi.

44 M ga na-edebe iwu gị mgbe niile,

Ruo mgbe niile ebighị ebi.+

45 E nweghị ihe ga-eme m n’ebe ọ bụla m gara,+

N’ihi na m na-edebe* iwu gị.

46 M ga-ekwu gbasara iwu gị n’ihu ndị eze,

Ihere agaghịkwa eme m.+

48 M ga-agbasa aka m kpee ekpere maka na m ji iwu gị kpọrọ ihe,+

M ga-echebakwara ntụziaka gị echiche.*+

49 Cheta okwu ị gwara* ohu gị,

Nke i ji mee ka m nwee olileanya.*

50 Ọ bụ ya na-akasi m obi n’ahụhụ m na-ata,+

N’ihi na okwu gị echebela m ndụ.

52 Jehova, m na-echeta ihe ndị i kpebiri kemgbe oge ochie,+

Ha na-akasikwa m obi.+

53 Ezigbo iwe ji m n’ihi ndị ajọ omume,

Ndị na-ahapụ iwu gị.+

54 M na-eji ntụziaka gị abụ abụ

N’ebe ọ bụla m bi.*

55 Jehova, ana m echeta aha gị n’abalị,+

Ka m wee na-edebe iwu gị.

56 M na-eme ihe a mgbe niile

Maka na m chọrọ ịna-erubere iwu gị isi.

59 Echebarala m otú m si ebi ndụ echiche,

Ka m wee mewekwa ihe ndị ị na-echetara m.+

61 Ndị ajọ omume ji ụdọ gbaa m gburugburu,

Ma anaghị m echefu iwu gị.+

62 Ana m ebili n’etiti abalị kelee gị+

N’ihi ihe ndị dị mma ị na-ekpebi.

63 Abụ m enyi ndị niile na-atụ egwu gị,

Bụrụkwa enyi ndị na-edebe iwu gị.+

65 Jehova, i mesola ohu gị ihe otú dị mma,

Otú i kwere m ná nkwa.*

66 Kụziere m ihe ka m wee mara ihe ma na-aghọta ihe,+

N’ihi na m tụkwasịrị iwu gị obi.

69 Ndị mpako na-ekwu ihe na-abụghị eziokwu gbasara m,

Ma m ji obi m niile na-edebe iwu gị.

71 Ọ dị mma na a tara m ahụhụ,+

Ka m wee mụta ntụziaka gị.

72 Iwu i mere ka a mara dị m mma+

Karịa ọtụtụ puku ọlaọcha na ọlaedo.+

Mee ka m na-aghọta ihe,

Ka m wee mụta iwu gị.+

74 Ndị na-atụ egwu gị na-ahụ m ṅụrịa ọṅụ,

N’ihi na ọ bụ okwu gị ka m tụkwasịrị obi.*+

75 Jehova, ama m na ihe ndị i kpebiri dị mma+

Nakwa na ị tara m ahụhụ maka na ị bụ onye e kwesịrị ịtụkwasị obi.+

76 Biko, ka ịhụnanya gị*+ kasie m obi,

Otú i kwere ohu gị ná nkwa.*

77 Meere m ebere, ka m wee dịrị ndụ,+

N’ihi na iwu gị na-eme m obi ụtọ.+

78 Ka e menye ndị dị mpako ihere,

N’ihi na ha na-eme m ihe ọjọọ n’enweghị ihe m mere ha.

79 Ka ndị na-atụ egwu gị lọghachikwute m,

Ya bụ, ndị ma iwu gị.

80 Ka m jiri obi m niile na-eso ntụziaka gị,+

Ka ihere wee ghara ime m.+

81 M na-atụsi anya ike ka ị zọpụta m,+

N’ihi na ọ bụ okwu gị ka m tụkwasịrị obi.*

82 M na-atụ anya ihe ị ga-ekwu+

Mgbe m nọ na-asị: “Olee mgbe ị ga-akasi m obi?”+

83 N’ihi na adị m ka karama akpụkpọ anwụrụ ọkụ mịkpọrọ,

Ma anaghị m echefu ntụziaka gị.+

85 Ndị mpako, bụ́ ndị na-anaghị edebe iwu gị,

Na-egwuru m olulu.

87 Ọ fọrọ obere ka ha laa m n’iyi,

Ma ahapụghị m iwu gị.

88 Dowe m ndụ n’ihi ịhụnanya gị,*

Ka m wee na-eme ihe ndị ị na-echetara m.

89 Jehova, okwu gị ga-adịgide n’eluigwe

Ruo mgbe ebighị ebi.+

91 Ha* dị adị ruo taa maka na ọ bụ ihe i kpebiri,

N’ihi na ha niile na-ejere gị ozi.

92 A sị na iwu gị anaghị eme m obi ụtọ,

M gaara ala n’iyi n’ihi ahụhụ m na-ata.+

93 Agaghị m echefu iwu gị echefu,

N’ihi na ọ bụ ha ka i ji dowe m ndụ.+

94 Abụ m nke gị. Zọpụta m+

N’ihi na m na-edebe* iwu gị.+

95 Ndị ajọ omume na-eche m ka ha gbuo m,

Ma, m na-echebara ihe ndị ị na-echetara m echiche.

96 Ahụla m ọtụtụ ihe zuru okè,

Ma iwu gị kacha ha niile mma.

98 Iwu gị na-eme ka m mara ihe karịa ndị iro m,+

N’ihi na ọ na-edu m ruo mgbe ebighị ebi.

99 M na-aghọta ihe karịa ndị nkụzi m niile+

Maka na m na-echebara ihe ndị ị na-echetara m echiche.*

100 Otú m si eme ihe na-egosi na m na-aghọta ihe karịa ndị okenye,

N’ihi na m na-edebe iwu gị.

101 Ekweghị m eso ụzọ ọjọọ ọ bụla,+

Ka m wee na-eme ihe i kwuru.

102 Anaghị m ahapụ ime ihe i kpebiri,

N’ihi na ị kụzierela m ihe.

105 Okwu gị bụ ọkụ* m ji ahụ ebe m na-azọnye ụkwụ,

Bụrụkwa ìhè nke na-enwu n’ụzọ m.+

106 M ṅụọla iyi na m ga-eme ihe ndị dị mma i kpebiri,

M ga-emezukwa ya.

109 M na-anọ n’ọnụ ọnwụ* mgbe niile,

Ma echefughị m iwu gị.+

110 Ndị ajọ omume esierela m ọnyà,

Ma ahapụbeghị m iwu gị kpafuo.+

111 Agaghị m ahapụ ihe ndị ị na-echetara m,*

N’ihi na ọ bụ ha na-eme ka obi na-atọ m ụtọ.+

112 Ekpebiela m na m ga na-eso ntụziaka gị

Mgbe niile, sogide ya ruo n’isi.

113 M kpọrọ ndị na-ejighị obi ha niile na-efe gị* asị,+

Ma m ji iwu gị kpọrọ ihe.+

114 Ị bụ ebe mgbaba m na ọta m+

N’ihi na ọ bụ okwu gị ka m tụkwasịrị obi.*+

115 Unu ndị na-eme ihe ọjọọ, sinụ n’ebe m nọ pụọ,+

Ka m wee na-edebe iwu Chineke m.

116 Nyere m aka otú i kwere m ná nkwa,*+

Ka m wee dịrị ndụ.

118 Ị na-ajụ ndị niile hapụrụ ntụziaka gị,+

N’ihi na ha bụ ndị aghụghọ, ha na-aghakwa ụgha.

123 Anya m anaghịzi ahụcha ụzọ ebe m na-atụ anya ka ị zọpụta m,+

Ebe m na-echekwa ka i mezuo ihe dị mma i kwere m ná nkwa.*+

124 Gosi ohu gị na ị hụrụ ya n’anya,+

Kụziekwara m ihe i nyere n’iwu.*+

125 Abụ m ohu gị. Mee ka m na-aghọta ihe,+

Ka m wee mara ihe ndị ị na-echetara m.

126 Oge eruola ka Jehova mee ihe,+

N’ihi na ha emebiela iwu gị.

127 Ọ bụ ya mere m ji jiri iwu gị kpọrọ ihe

Karịa ọlaedo, karịadị ezigbo ọlaedo.*+

132 Chee ihu n’ebe m nọ ma meere m amara+

Otú i kpebiri na ị ga-emere ndị ji aha gị kpọrọ ihe.+

134 Napụta m n’aka ndị na-emegbu mmadụ,

M ga-edebekwa iwu gị.

135 Meere ohu gị amara,*+

Kụziekwara m ihe i nyere n’iwu.*

136 Otú ndị mmadụ si na-enupụrụ iwu gị isi

Na-eme ka anya mmiri na-agbasi m ike.+

137 Jehova, ị bụ onye ezi omume,+

Ihe ndị i kpebiri zikwara ezi.+

138 Ihe ndị ị na-echetara m dị mma,

E kwesịkwara ịtụkwasị ha nnọọ obi.

139 Ihe gbasara gị na-anụ m ọkụ n’obi+

Maka na ndị iro m echefuola okwu gị.

140 A nụchara okwu gị anụcha nke ọma,+

Ohu gị jikwa ya kpọrọ ihe.+

142 Ị na-eme ezi omume ruo mgbe ebighị ebi,+

Iwu gị bụkwa eziokwu.+

143 Ọ bụ eziokwu na m na-ata ahụhụ, ihe ana-esikwara m ike,

Ma iwu gị ka na-eme m obi ụtọ.

147 M biliela n’isi ụtụtụ ka m rịọ gị ka i nyere m aka,+

N’ihi na ọ bụ okwu gị ka m tụkwasịrị obi.*

148 M na-emeghe anya m n’ime abalị,*

Ka m wee chebara okwu gị echiche.*+

151 Jehova, ị nọ m nso,+

Iwu gị niile bụkwa eziokwu.+

152 Ọ dịla anya m mụtara gbasara iwu gị,

Na i nyere iwu ndị ahụ ka ha dịruo mgbe ebighị ebi.+

153 Hụrụ ahụhụ m na-ata ma napụta m,+

N’ihi na echefubeghị m iwu gị.

155 A gaghị azọpụta ndị ajọ omume

Maka na ha anaghị eso* ntụziaka gị.+

158 M kpọrọ ndị na-aghọ aghụghọ asị nke ukwuu

Maka na ha anaghị eme ihe i kwuru.+

161 Ndị isi na-akpagbu m+ n’enweghị ihe m mere ha,

Ma m na-akwanyere okwu gị ezigbo ùgwù.+

162 Okwu gị na-eme ka m ṅụrịa ọṅụ+

Otú onye kwatara ọtụtụ ihe n’agha si aṅụrị ọṅụ.

164 M na-eto gị ugboro asaa n’ụbọchị

N’ihi ihe ndị dị mma i kpebiri.

166 Jehova, m na-atụ anya ka ị zọpụta m,

M na-edebekwa iwu gị.

167 M na-eme ihe ndị ị na-echetara m,

M jikwa iwu gị kpọrọ ihe nke ukwuu.+

168 M na-edebe iwu gị, na-emekwa ihe ndị ị na-echetara m,

N’ihi na ị ma ihe niile m na-eme.+

171 Ka m na-eto gị mgbe niile+

Maka na ị na-akụziri m ihe i nyere n’iwu.*

172 Ka m jiri okwu gị na-abụ abụ+

N’ihi na iwu gị niile ziri ezi.

173 Dịrị njikere inyere m aka,+

N’ihi na m kpebiri na m ga na-erubere iwu gị isi.+

176 Akpafuola m ka atụrụ furu efu.+ Chọọ ohu gị

N’ihi na echefubeghị m iwu gị.+