നെഹമ്യ

1 ഹഖല്യ​യു​ടെ മകനായ നെഹമ്യയുടെ*+ വാക്കുകൾ: 20-ാം വർഷം* കിസ്ലേവ്‌* മാസത്തിൽ ഞാൻ ശൂശൻ*+ കോട്ടയിലായിരുന്ന* കാലം. 2 എന്റെ സഹോ​ദ​ര​ന്മാ​രിൽ ഒരാളായ ഹനാനിയും+ ചില യഹൂദാ​പു​രു​ഷ​ന്മാ​രും അവിടെ വന്നു. ഞാൻ അവരോ​ട്‌ അടിമ​ത്ത​ത്തിൽനിന്ന്‌ മോചി​ത​രായ ജൂതന്മാരെക്കുറിച്ചും+ യരുശലേ​മിനെ​ക്കു​റി​ച്ചും ചോദി​ച്ചു. 3 അപ്പോൾ അവർ പറഞ്ഞു: “അടിമ​ത്ത​ത്തിൽനിന്ന്‌ മോചി​ത​രാ​യി ആ സംസ്ഥാ​നത്ത്‌ ഇപ്പോൾ ബാക്കി​യു​ള്ളവർ അപമാനം സഹിച്ച്‌ പരിതാ​പ​ക​ര​മായ അവസ്ഥയിൽ കഴിയു​ക​യാണ്‌.+ യരുശലേം​മ​തി​ലു​കൾ ഇടിഞ്ഞും+ അതിന്റെ കവാടങ്ങൾ കത്തിന​ശി​ച്ചും കിടക്കു​ന്നു.”+

4 ഈ വാർത്ത കേട്ട ഉടനെ ഞാൻ നിലത്ത്‌ ഇരുന്ന്‌ കരയാൻതു​ടങ്ങി; ദിവസ​ങ്ങളോ​ളം ദുഃഖി​ത​നാ​യി​രുന്ന ഞാൻ ഉപവസിച്ച്‌+ സ്വർഗ​സ്ഥ​നായ ദൈവ​ത്തി​ന്റെ സന്നിധി​യിൽ പ്രാർഥി​ച്ചുകൊ​ണ്ടി​രു​ന്നു. 5 ഞാൻ പറഞ്ഞു: “സ്വർഗ​സ്ഥ​നായ ദൈവമേ, യഹോവേ, അങ്ങയെ സ്‌നേ​ഹിച്ച്‌ അങ്ങയുടെ കല്‌പ​നകൾ അനുസ​രി​ക്കു​ന്ന​വരോട്‌ അചഞ്ചല​സ്‌നേഹം കാണി​ക്കു​ക​യും ഉടമ്പടി പാലി​ക്കു​ക​യും ചെയ്യുന്ന, ഭയാദ​രവ്‌ ഉണർത്തുന്ന, മഹാനായ ദൈവമേ,+ 6 ഈ ദാസൻ ഇന്നു പ്രാർഥി​ക്കുമ്പോൾ അങ്ങ്‌ കണ്ണു തുറ​ക്കേ​ണമേ, എന്റെ പ്രാർഥ​ന​യ്‌ക്കു കാതോർക്കേ​ണമേ. രാവും പകലും അങ്ങയുടെ ദാസരായ ഇസ്രായേ​ല്യ​രെ ഓർത്ത്‌ ഞാൻ പ്രാർഥി​ക്കു​ന്നു;+ ഇസ്രാ​യേൽ ജനം അങ്ങയോ​ടു ചെയ്‌തു​പോയ പാപങ്ങൾ ഏറ്റുപ​റ​യു​ക​യും ചെയ്യുന്നു. ഞാനും എന്റെ പിതൃഭവനവും* പാപം ചെയ്‌തു.+ 7 അങ്ങ്‌ അങ്ങയുടെ ദാസനായ മോശ​യ്‌ക്കു കൊടുത്ത കല്‌പ​ന​ക​ളും ചട്ടങ്ങളും ന്യായ​ത്തീർപ്പു​ക​ളും ഞങ്ങൾ പാലി​ച്ചി​ല്ല​ല്ലോ;+ അതു തീരെ മോശ​മാ​യിപ്പോയെന്നു സമ്മതി​ക്കു​ന്നു.+

8 “അങ്ങയുടെ ദാസനായ മോശ​യോ​ട്‌ അങ്ങ്‌ കല്‌പിച്ച ഈ വാക്കുകൾ* ദയവായി ഓർക്കേ​ണമേ: ‘നിങ്ങൾ അവിശ്വ​സ്‌തത കാണി​ച്ചാൽ ജനതക​ളു​ടെ ഇടയി​ലേക്കു ഞാൻ നിങ്ങളെ ചിതറി​ച്ചു​ക​ള​യും.+ 9 പക്ഷേ, നിങ്ങൾ എന്നി​ലേക്കു തിരിഞ്ഞ്‌ എന്റെ കല്‌പ​നകൾ പ്രമാ​ണിച്ച്‌ അനുസ​രി​ക്കുന്നെ​ങ്കിൽ, ചിതറി​പ്പോയ നിങ്ങളെ ആകാശ​ത്തി​ന്റെ അറുതി​ക​ളിൽനി​ന്നാ​യാ​ലും ഞാൻ ശേഖരി​ച്ച്‌ എന്റെ പേര്‌ സ്ഥാപി​ക്കാൻ തിര​ഞ്ഞെ​ടുത്ത സ്ഥലത്ത്‌+ ഒന്നിച്ചു​കൂ​ട്ടും.’+ 10 അങ്ങ്‌ മഹാശ​ക്തികൊ​ണ്ടും കൈക്ക​രു​ത്തുകൊ​ണ്ടും മോചിപ്പിച്ച* അങ്ങയുടെ ദാസരും ജനവും ആണല്ലോ അവർ.+ 11 യഹോവേ, ഈ ദാസന്റെ പ്രാർഥ​ന​യ്‌ക്കും അങ്ങയുടെ പേരിനെ ഭയപ്പെ​ടു​ന്ന​തിൽ ആനന്ദി​ക്കുന്ന മറ്റു ദാസരു​ടെ പ്രാർഥ​ന​യ്‌ക്കും ദയവായി കാതോർക്കേ​ണമേ. ഇന്ന്‌ അടിയന്റെ കാര്യം സാധി​ച്ചു​തരേ​ണമേ. രാജാ​വിന്‌ എന്നോട്‌ അനുകമ്പ തോന്നാൻ ഇടയാക്കേ​ണമേ.”+

ഞാൻ ആ സമയത്ത്‌ രാജാ​വി​ന്റെ പാനപാത്ര​വാ​ഹ​ക​നാ​യി​രു​ന്നു.+

2 അർഥഹ്‌ശഷ്ട രാജാവിന്റെ+ വാഴ്‌ച​യു​ടെ 20-ാം വർഷം+ നീസാൻ* മാസം. ഒരു ദിവസം, രാജാ​വി​ന്റെ മുന്നിൽ വെച്ചി​രുന്ന വീഞ്ഞ്‌ എടുത്ത്‌ ഞാൻ പതിവുപോ​ലെ രാജാ​വി​നു കൊടു​ത്തു.+ പക്ഷേ, എന്റെ മുഖം ആകെ മ്ലാനമാ​യി​രു​ന്നു; രാജസ​ന്നി​ധി​യി​ലാ​യി​രി​ക്കെ മുമ്പൊ​രി​ക്ക​ലും അങ്ങനെ സംഭവി​ച്ചി​ട്ടില്ല. 2 അതുകൊണ്ട്‌, രാജാവ്‌ എന്നോടു ചോദി​ച്ചു: “നിനക്ക്‌ അസുഖമൊ​ന്നു​മി​ല്ല​ല്ലോ. പിന്നെ എന്താണു നിന്റെ മുഖം മ്ലാനമാ​യി​രി​ക്കു​ന്നത്‌? ഇതു മനസ്സിന്റെ വിഷമം​തന്നെ, സംശയ​മില്ല.” അപ്പോൾ, ഞാൻ വല്ലാതെ പേടിച്ചു.

3 ഞാൻ രാജാ​വിനോ​ടു പറഞ്ഞു: “രാജാവ്‌ നീണാൾ വാഴട്ടെ! എന്റെ പൂർവി​കരെ അടക്കം ചെയ്‌ത നഗരം നശിച്ചും അതിന്റെ കവാടങ്ങൾ തീക്കി​ര​യാ​യും കിടക്കുമ്പോൾ+ എന്റെ മുഖം എങ്ങനെ മ്ലാനമാ​കാ​തി​രി​ക്കും?” 4 അപ്പോൾ രാജാവ്‌ എന്നോട്‌, “എന്താണു നിന്റെ അപേക്ഷ” എന്നു ചോദി​ച്ചു. ഉടനെ ഞാൻ സ്വർഗ​സ്ഥ​നായ ദൈവത്തോ​ടു പ്രാർഥി​ച്ചു.+ 5 എന്നിട്ട്‌ രാജാ​വിനോ​ടു പറഞ്ഞു: “രാജാ​വി​നു പ്രസാ​ദമെ​ങ്കിൽ, അങ്ങയ്‌ക്ക്‌ ഈ ദാസ​നോ​ടു പ്രീതി തോന്നുന്നെ​ങ്കിൽ, എന്റെ പൂർവി​കരെ അടക്കം ചെയ്‌ത നഗരം വീണ്ടും പണിയാൻ എന്നെ യഹൂദ​യിലേക്ക്‌ അയയ്‌ക്കേ​ണമേ.”+ 6 അപ്പോൾ രാജാവ്‌ എന്നോട്‌, “നിനക്ക്‌ എത്ര നാൾ വേണ്ടി​വ​രും, എന്നു തിരി​ച്ചു​വ​രും” എന്നു ചോദി​ച്ചു. അങ്ങനെ, എന്നെ അയയ്‌ക്കാൻ രാജാ​വി​നു സമ്മതമാ​യി.+ എത്ര സമയം വേണ​മെ​ന്നും ഞാൻ പറഞ്ഞു.+ അപ്പോൾ, മഹാറാണിയും* രാജാ​വി​ന്റെ അടുത്ത്‌ ഇരിപ്പു​ണ്ടാ​യി​രു​ന്നു.

7 പിന്നെ ഞാൻ രാജാ​വിനോ​ടു പറഞ്ഞു: “രാജാ​വി​നു പ്രസാ​ദമെ​ങ്കിൽ, ഞാൻ അക്കരപ്രദേശത്തുകൂടെ*+ യഹൂദ​യിലേക്കു പോകു​മ്പോൾ ആ പ്രദേ​ശത്തെ ഗവർണർമാർ എന്നെ കടത്തി​വിടേ​ണ്ട​തിന്‌ അവർക്കു കത്തുകൾ എഴുതി​ത്തരേ​ണമേ. 8 കൂടാതെ, ദേവാ​ല​യ​ത്തി​ന്റെ കോട്ടയുടെ+ കവാട​ങ്ങൾക്കും നഗരമതിലുകൾക്കും+ ഞാൻ താമസി​ക്കാൻ പോകുന്ന വീടി​നും വേണ്ട ഉത്തരങ്ങൾക്ക്‌ ആവശ്യ​മായ തടി നൽകാൻ രാജാ​വി​ന്റെ ഉദ്യാനപാലകനായ* ആസാഫി​നും ഒരു കത്തു തരേണമേ.” എന്റെ ദൈവ​ത്തി​ന്റെ നന്മയുള്ള കൈ എന്റെ മേലുണ്ടായിരുന്നതുകൊണ്ട്‌+ ചോദി​ച്ചതെ​ല്ലാം രാജാവ്‌ എനിക്കു തന്നു.+

9 അങ്ങനെ, ഞാൻ യാത്ര ചെയ്‌ത്‌ അക്കര​പ്രദേ​ശ​ത്തുള്ള ഗവർണർമാ​രു​ടെ അടുത്ത്‌ ചെന്ന്‌ അവർക്കു രാജാ​വി​ന്റെ കത്തുകൾ കൈമാ​റി. രാജാവ്‌ സൈന്യ​ത്ത​ല​വ​ന്മാരെ​യും കുതി​ര​ക്കാരെ​യും എന്നോ​ടു​കൂ​ടെ അയച്ചി​രു​ന്നു. 10 ഹോരോന്യനായ സൻബല്ലത്തും+ അമ്മോന്യ+ ഉദ്യോ​ഗ​സ്ഥ​നായ തോബീയയും+ ഇതി​നെ​ക്കു​റിച്ച്‌ കേട്ടു. ഇസ്രാ​യേൽ ജനത്തിനു ഗുണക​ര​മാ​കുന്ന കാര്യം ചെയ്യാൻ ഒരാൾ വന്നത്‌ അവർക്കു തീരെ ഇഷ്ടപ്പെ​ട്ടില്ല.

11 ഒടുവിൽ, ഞാൻ യരുശലേ​മിലെത്തി മൂന്നു ദിവസം അവിടെ കഴിഞ്ഞു. 12 യരുശലേമിനുവേണ്ടി ചെയ്യാൻ ദൈവം എന്റെ ഹൃദയ​ത്തിൽ തോന്നിച്ച കാര്യം ഞാൻ ആരോ​ടും പറഞ്ഞി​രു​ന്നില്ല. ഞാനും കൂടെ​യു​ണ്ടാ​യി​രു​ന്ന​വ​രിൽ ചിലരും രാത്രി​യിൽ എഴു​ന്നേറ്റ്‌ പുറ​പ്പെട്ടു. ഞാൻ സവാരി ചെയ്‌തി​രുന്ന മൃഗമ​ല്ലാ​തെ മറ്റൊരു മൃഗവും എന്റെകൂടെ​യു​ണ്ടാ​യി​രു​ന്നില്ല. 13 ഞാൻ രാത്രി​യിൽ താഴ്‌വരക്കവാടത്തിലൂടെ+ പുറത്ത്‌ ഇറങ്ങി വൻപാമ്പ്‌-നീരു​റ​വ​യു​ടെ മുന്നി​ലൂ​ടെ ചാരക്കൂനക്കവാടത്തിലേക്കു+ ചെന്നു. എന്നിട്ട്‌, ഇടിഞ്ഞു​കി​ട​ക്കുന്ന യരുശലേം​മ​തി​ലു​ക​ളും തീക്കി​ര​യാ​യി കിടക്കുന്ന നഗരകവാടങ്ങളും+ പരി​ശോ​ധി​ച്ചു. 14 തുടർന്ന്‌, ഞാൻ ഉറവക്കവാടത്തിലേക്കും+ രാജാ​വി​ന്റെ കുളത്തി​ന്‌ അടു​ത്തേ​ക്കും ചെന്നു. പക്ഷേ, വഴി ഇടുങ്ങി​യ​താ​യി​രു​ന്ന​തുകൊണ്ട്‌ ഞാൻ കയറി​യി​രുന്ന മൃഗത്തി​നു മുന്നോ​ട്ടു പോകാൻ പറ്റില്ലാ​യി​രു​ന്നു. 15 എങ്കിലും, ഞാൻ രാത്രി​യിൽ താഴ്‌വരയിലൂടെ*+ മുന്നോ​ട്ടു ചെന്ന്‌ മതിൽ പരി​ശോ​ധി​ച്ചു. അതിനു ശേഷം, ഞാൻ തിരിച്ച്‌ താഴ്‌വ​ര​ക്ക​വാ​ട​ത്തി​ലൂടെ​ത്തന്നെ മടങ്ങിപ്പോ​ന്നു.

16 ഞാൻ എവിടെ പോ​യെ​ന്നോ എന്തു ചെയ്‌തെ​ന്നോ ഉപഭരണാധികാരികൾ+ അറിഞ്ഞില്ല. കാരണം ഞാൻ, ജൂതന്മാരോ​ടോ പുരോ​ഹി​ത​ന്മാരോ​ടോ പ്രധാ​നി​കളോ​ടോ ഉപഭര​ണാ​ധി​കാ​രി​കളോ​ടോ ജോലി​ക്കാ​രായ മറ്റുള്ള​വരോ​ടോ അതുവരെ ഒന്നും പറഞ്ഞി​രു​ന്നില്ല. 17 ഒടുവിൽ ഞാൻ അവരോ​ടു പറഞ്ഞു: “നമ്മുടെ അവസ്ഥ എത്ര ദയനീ​യ​മാണെന്നു നിങ്ങൾ കാണു​ന്നി​ല്ലേ? യരുശ​ലേം നശിച്ചും അതിന്റെ കവാടങ്ങൾ കത്തിച്ചാ​മ്പ​ലാ​യും കിടക്കു​ന്നു. വരൂ! നമുക്ക്‌ യരുശലേ​മി​ന്റെ മതിലു​കൾ വീണ്ടും പണിയാം. അങ്ങനെ, ഈ അപമാനം ഒഴിഞ്ഞുപോ​കട്ടെ.” 18 എന്നിട്ട്‌ ഞാൻ, എന്റെ ദൈവ​ത്തി​ന്റെ നന്മയുള്ള കൈ+ എന്നെ സഹായിച്ച വിധവും രാജാവ്‌ എന്നോടു പറഞ്ഞ വാക്കുകളും+ അവരെ അറിയി​ച്ചു. അതു കേട്ട്‌ അവർ ആ നല്ല കാര്യം ചെയ്യാൻ കരുത്താർജി​ച്ചു. “നമുക്ക്‌ എഴു​ന്നേറ്റ്‌ പണി തുടങ്ങാം” എന്ന്‌ അവർ പറഞ്ഞു.+

19 ഹോരോന്യനായ സൻബല്ല​ത്തും അമ്മോന്യ+ ഉദ്യോ​ഗ​സ്ഥ​നായ തോബീയയും+ ഗേശെം എന്ന അറേബ്യക്കാരനും+ ഇതു കേട്ട​പ്പോൾ ഞങ്ങളെ പരിഹ​സി​ച്ചു​തു​ടങ്ങി:+ “നിങ്ങൾ എന്താണ്‌ ഈ ചെയ്യു​ന്നത്‌? രാജാ​വി​നെ ധിക്കരി​ക്കു​ന്നോ”+ എന്നു പറഞ്ഞ്‌ അവർ ഞങ്ങളെ നിന്ദിച്ചു. 20 പക്ഷേ, ഞാൻ അവരോ​ടു പറഞ്ഞു: “സ്വർഗ​സ്ഥ​നായ ദൈവ​മാ​ണു ഞങ്ങൾക്കു വിജയം തരുന്നത്‌.+ അതു​കൊണ്ട്‌, ദൈവ​ദാ​സ​രായ ഞങ്ങൾ എഴു​ന്നേറ്റ്‌ പണിയും. പക്ഷേ, നിങ്ങൾക്ക്‌ യരുശലേ​മിൽ ഓഹരി​യോ അവകാ​ശ​മോ ഇല്ല; നിങ്ങളെ ഓർക്കാൻമാ​ത്രം നിങ്ങൾ അവിടെ ഒന്നും ചെയ്‌തി​ട്ടു​മി​ല്ല​ല്ലോ.”*+

3 മഹാപുരോ​ഹി​ത​നായ എല്യാശീബും+ അവന്റെ സഹോ​ദ​ര​ന്മാ​രായ പുരോ​ഹി​ത​ന്മാ​രും ചേർന്ന്‌ അജകവാടം+ പണിയാൻതു​ടങ്ങി. അവർ അതു വിശുദ്ധീകരിച്ച്‌*+ അതിന്റെ വാതി​ലു​കൾ പിടി​പ്പി​ച്ചു. അവർ അതു ഹമ്മേയ ഗോപുരം+ വരെയും ഹനനേൽ ഗോപുരം+ വരെയും വിശു​ദ്ധീ​ക​രി​ച്ചു. 2 അതിനോടു ചേർന്ന ഭാഗം യരീഹൊപുരുഷന്മാരും+ അതിന്‌ അപ്പുറം ഇമ്രി​യു​ടെ മകനായ സക്കൂരും പണിതു.

3 മത്സ്യകവാടം+ ഹസ്സെന​യു​ടെ പുത്ര​ന്മാർ പണിതു. അവർ അതിനു തടികൊണ്ട്‌+ ചട്ടം ഉണ്ടാക്കി അതിൽ കതകും കുറ്റി​ക​ളും ഓടാ​മ്പ​ലു​ക​ളും പിടി​പ്പി​ച്ചു. 4 അതിന്‌ അടുത്ത ഭാഗത്തെ അറ്റകു​റ്റ​പ്പ​ണി​കൾ ഹക്കോ​സി​ന്റെ മകനായ ഉരിയ​യു​ടെ മകൻ മെരേമോത്ത്‌+ നടത്തി. അതിന്‌ അപ്പുറത്ത്‌, മെശേ​സബേ​ലി​ന്റെ മകനായ ബേരെ​ഖ്യ​യു​ടെ മകൻ മെശുല്ലാം+ അറ്റകു​റ്റ​പ്പണി ചെയ്‌തു. തുടർന്നുള്ള ഭാഗത്തെ അറ്റകു​റ്റ​പ്പ​ണി​കൾ നടത്തി​യതു ബാനയു​ടെ മകനായ സാദോ​ക്കാ​യി​രു​ന്നു. 5 തെക്കോവ്യരാണ്‌+ അതിന്‌ അടുത്ത ഭാഗത്തെ അറ്റകു​റ്റ​പ്പ​ണി​കൾ നടത്തി​യത്‌. പക്ഷേ, പണിക്കു മേൽനോ​ട്ടം വഹിക്കു​ന്ന​വർക്കു കീഴ്‌പെട്ട്‌ പണിയെടുക്കാൻ* അവരുടെ ഇടയിലെ പ്രമു​ഖ​ന്മാർ തയ്യാറാ​യില്ല.

6 പാസേഹയുടെ മകനായ യോയാ​ദ​യും ബസോ​ദ്യ​യു​ടെ മകനായ മെശു​ല്ലാ​മും പഴയനഗരകവാടത്തിന്റെ+ അറ്റകു​റ്റ​പ്പ​ണി​കൾ നടത്തി. അവർ അതിനു തടി​കൊണ്ട്‌ ചട്ടം ഉണ്ടാക്കി അതിൽ കതകും കുറ്റി​ക​ളും ഓടാ​മ്പ​ലു​ക​ളും പിടി​പ്പി​ച്ചു. 7 അതിന്‌ അടുത്ത ഭാഗത്തെ അറ്റകു​റ്റ​പ്പ​ണി​കൾ നടത്തി​യതു ഗിബെയോന്യനായ+ മെലത്യ​യും മെരോനോ​ഥ്യ​നായ യാദോ​നും ആയിരു​ന്നു. ഗിബെയോ​നിൽനി​ന്നും മിസ്‌പയിൽനിന്നും+ ഉള്ള ഇവർ അക്കരപ്രദേശത്തെ*+ ഗവർണ​റു​ടെ കീഴി​ലു​ള്ള​വ​രാ​യി​രു​ന്നു. 8 ഹർഹയ്യയുടെ മകനായ ഉസ്സീയേൽ എന്ന സ്വർണ​പ്പ​ണി​ക്കാ​ര​നാ​യി​രു​ന്നു അതിന്‌ അപ്പുറത്തെ അറ്റകു​റ്റ​പ്പ​ണി​കൾ നടത്തി​യത്‌. അതിന്‌ അടുത്ത ഭാഗത്തെ അറ്റകു​റ്റ​പ്പ​ണി​കൾ നടത്തി​യ​താ​കട്ടെ സുഗന്ധ​തൈലം ഉണ്ടാക്കു​ന്ന​വ​നായ ഹനന്യ​യും. യരുശലേ​മിൽ വിശാല-മതിൽ+ വരെയുള്ള ഭാഗത്ത്‌ അവർ കല്ലു പാകി. 9 യരുശലേം ജില്ലയു​ടെ പകുതി ഭാഗത്തി​ന്റെ പ്രഭു​വും ഹൂരിന്റെ മകനും ആയ രഫായ അതിന്‌ അടുത്ത ഭാഗത്തെ അറ്റകു​റ്റ​പ്പ​ണി​കൾ നടത്തി. 10 ഹരൂമഫിന്റെ മകനായ യദയ അതിന്‌ അപ്പുറത്ത്‌, തന്റെ വീടിനു മുന്നി​ലുള്ള ഭാഗത്തെ കേടുപോ​ക്കി. തുടർന്നുള്ള ഭാഗത്തെ അറ്റകു​റ്റ​പ്പ​ണി​കൾ നടത്തി​യതു ഹശബ്‌നെ​യ​യു​ടെ മകനായ ഹത്തൂശാ​യി​രു​ന്നു.

11 ഹാരീമിന്റെ+ മകനായ മൽക്കീ​യ​യും പഹത്‌-മോവാബിന്റെ+ മകനായ ഹശ്ശൂബും ചേർന്ന്‌ മറ്റൊരു ഭാഗത്തിന്റെയും* അപ്പച്ചൂളഗോപുരത്തിന്റെയും+ അറ്റകു​റ്റ​പ്പ​ണി​കൾ നടത്തി. 12 അടുത്ത ഭാഗത്തെ അറ്റകു​റ്റ​പ്പ​ണി​കൾ നടത്തി​യത്‌ യരുശ​ലേം ജില്ലയു​ടെ പകുതി ഭാഗത്തി​ന്റെ പ്രഭു​വും ഹല്ലോഹേ​ശി​ന്റെ മകനും ആയ ശല്ലൂമും പെൺമ​ക്ക​ളും ആയിരു​ന്നു.

13 ഹാനൂനും സനോഹനിവാസികളും+ ചേർന്ന്‌ താഴ്‌വരക്കവാടത്തിന്റെ+ കേടു​പാ​ടു​കൾ തീർത്തു. അവർ അതു പണിത്‌ അതിൽ കതകു​ക​ളും കുറ്റി​ക​ളും ഓടാ​മ്പ​ലു​ക​ളും പിടി​പ്പി​ച്ചു. അവർ ചാരക്കൂനക്കവാടം+ വരെ മതിൽ 1,000 മുഴം* നന്നാക്കി. 14 ബേത്ത്‌-ഹഖേരെം+ ജില്ലയു​ടെ പ്രഭു​വും രേഖാ​ബി​ന്റെ മകനും ആയ മൽക്കീയ ചാരക്കൂ​ന​ക്ക​വാ​ട​ത്തി​ന്റെ അറ്റകു​റ്റ​പ്പ​ണി​കൾ നടത്തി. അവൻ അതു പണിത്‌ അതിൽ കതകു​ക​ളും കുറ്റി​ക​ളും ഓടാ​മ്പ​ലു​ക​ളും പിടി​പ്പി​ച്ചു.

15 മിസ്‌പ+ ജില്ലയു​ടെ പ്രഭു​വും കൊൽഹോസെ​യു​ടെ മകനും ആയ ശല്ലൂൻ ഉറവക്കവാടത്തിന്റെ+ കേടുപോ​ക്കി. അദ്ദേഹം അതും അതിന്റെ മേൽക്കൂ​ര​യും പണിത്‌ കതകു​ക​ളും സാക്ഷക​ളും കഴകളും പിടി​പ്പി​ച്ചു. കൂടാതെ, രാജാ​വി​ന്റെ ഉദ്യാനത്തിന്‌+ അടുത്തുള്ള കനാൽക്കുളത്തിന്റെ+ മതിലി​ന്റെ കേടു​പാ​ടും ദാവീ​ദി​ന്റെ നഗരത്തിൽനിന്ന്‌+ താഴേക്ക്‌ ഇറങ്ങുന്ന പടികൾവരെയുള്ള+ അറ്റകു​റ്റ​പ്പ​ണി​ക​ളും തീർത്തു.

16 ബേത്ത്‌-സൂർ+ ജില്ലയു​ടെ പകുതി ഭാഗത്തി​ന്റെ പ്രഭു​വും അസ്‌ബൂ​ക്കി​ന്റെ മകനും ആയ നെഹമ്യ അതിന്‌ അപ്പുറത്ത്‌ അറ്റകു​റ്റ​പ്പ​ണി​കൾ നടത്തി. ദാവീ​ദി​ന്റെ ശ്‌മശാനസ്ഥലത്തിന്റെ+ മുന്നി​ലുള്ള ഭാഗം​മു​തൽ കൃത്രിമക്കുളംവരെയും+ ശൂരന്മാ​രു​ടെ ഗൃഹം​വരെ​യും ആണ്‌ നെഹമ്യ കേടുപോ​ക്കി​യത്‌.

17 തുടർന്നുള്ള ഭാഗത്ത്‌ ലേവ്യർ, അതായത്‌ ബാനി​യു​ടെ മകൻ രഹൂമും അതിന്‌ അപ്പുറത്ത്‌ തന്റെ ജില്ലയ്‌ക്കു​വേണ്ടി കെയില+ ജില്ലയു​ടെ പകുതി ഭാഗത്തി​ന്റെ പ്രഭു​വായ ഹശബ്യ​യും, അറ്റകു​റ്റ​പ്പ​ണി​കൾ നടത്തി. 18 അതിന്‌ അപ്പുറത്ത്‌ അവരുടെ സഹോ​ദ​ര​ന്മാർ കേടു​പാ​ടു​കൾ തീർത്തു. കെയില ജില്ലയു​ടെ പകുതി ഭാഗത്തി​ന്റെ പ്രഭു​വായ, ഹെനാ​ദാ​ദി​ന്റെ മകൻ ബവ്വായി അതിനു മേൽനോ​ട്ടം വഹിച്ചു.

19 അതിന്‌ അപ്പുറത്ത്‌, ആയുധ​ശാ​ല​യിലേ​ക്കുള്ള കയറ്റത്തി​നു നേരെ​യുള്ള താങ്ങു​തൂ​ണി​ന്റെ ഭാഗം മിസ്‌പ​യി​ലെ പ്രഭു​വും യേശുവയുടെ+ മകനും ആയ ഏസെർ കേടുപോ​ക്കി.+

20 താങ്ങുതൂൺമുതൽ മഹാപുരോ​ഹി​ത​നായ എല്യാശീബിന്റെ+ വീട്ടു​വാ​തിൽവരെ​യുള്ള അടുത്ത ഭാഗത്തെ അറ്റകു​റ്റ​പ്പ​ണി​കൾ സബ്ബായിയുടെ+ മകൻ ബാരൂക്ക്‌ അത്യാവേ​ശത്തോ​ടെ ചെയ്‌തു.

21 അതിന്‌ അപ്പുറം, അതായത്‌ എല്യാ​ശീ​ബി​ന്റെ വീട്ടു​വാ​തിൽമു​തൽ വീടിന്റെ അറ്റംവരെ​യുള്ള ഭാഗത്തെ അറ്റകു​റ്റ​പ്പ​ണി​കൾ നടത്തി​യതു ഹക്കോ​സി​ന്റെ മകനായ ഉരിയ​യു​ടെ മകൻ മെരേമോ​ത്താ​യി​രു​ന്നു.+

22 യോർദാൻ ജില്ലയിലെ*+ പുരോ​ഹി​ത​ന്മാ​രാ​യി​രു​ന്നു അതിന്‌ അപ്പുറ​ത്തുള്ള ഭാഗത്തെ കേടു​പാ​ടു​കൾ തീർത്തത്‌. 23 ബന്യാമീനും ഹശ്ശൂബും തങ്ങളുടെ വീടിനു മുന്നി​ലുള്ള ഭാഗത്തെ അറ്റകു​റ്റ​പ്പ​ണി​കൾ നടത്തി. അനന്യ​യു​ടെ മകനായ മയസേ​യ​യു​ടെ മകൻ അസര്യ അതിന്‌ അപ്പുറത്ത്‌, തന്റെ വീടിന്‌ അടുത്തുള്ള ഭാഗത്തെ കേടു​പാ​ടു​കൾ തീർത്തു. 24 അസര്യയുടെ വീടു​മു​തൽ താങ്ങുതൂൺവരെയും+ മതിലി​ന്റെ മൂലവരെ​യും ഉള്ള ഭാഗത്തെ കേടു​പാ​ടു​കൾ തീർത്തതു ഹെനാ​ദാ​ദി​ന്റെ മകനായ ബിന്നൂ​വി​യാ​യി​രു​ന്നു.

25 ഊസായിയുടെ മകൻ പാലാൽ അതിന്‌ അപ്പുറത്ത്‌, താങ്ങു​തൂ​ണി​നും രാജകൊട്ടാരത്തോടു+ ചേർന്നു​നിൽക്കുന്ന ഗോപു​ര​ത്തി​നും മുന്നി​ലുള്ള ഭാഗത്തെ അറ്റകു​റ്റ​പ്പ​ണി​കൾ നടത്തി. ഇവയിൽ മുകളി​ലത്തെ കെട്ടിടം കാവൽക്കാ​രു​ടെ മുറ്റത്താ​യി​രു​ന്നു.+ പരോശിന്റെ+ മകൻ പെദായ തുടർന്നുള്ള ഭാഗത്തെ കേടു​പാ​ടു​കൾ തീർത്തു.

26 ഓഫേലിൽ+ താമസി​ച്ചി​രുന്ന ദേവാലയസേവകർ*+ കിഴക്കുള്ള ജലകവാടത്തിനു+ മുന്നി​ലുള്ള ഭാഗം​വരെ​യും തള്ളിനിൽക്കുന്ന ഗോപു​രം​വരെ​യും അറ്റകു​റ്റ​പ്പ​ണി​കൾ നടത്തി.

27 അതിന്‌ അപ്പുറം, തള്ളിനിൽക്കുന്ന മഹാ​ഗോ​പു​ര​ത്തി​ന്റെ മുന്നി​ലുള്ള ഭാഗം​മു​തൽ ഓഫേൽ മതിൽവരെ തെക്കോവ്യർ+ കേടു​പാ​ടു​കൾ തീർത്തു.

28 കുതിരക്കവാടത്തിൽനിന്ന്‌+ മുകളിലോ​ട്ടു പോകു​ന്നി​ടത്ത്‌ പുരോ​ഹി​ത​ന്മാർ അവരവ​രു​ടെ വീടിനു മുന്നി​ലുള്ള ഭാഗത്തെ അറ്റകു​റ്റ​പ്പ​ണി​കൾ നടത്തി.

29 ഇമ്മേരിന്റെ മകൻ സാദോക്ക്‌+ അതിന്‌ അപ്പുറത്ത്‌, തന്റെ വീടിനു മുന്നി​ലുള്ള ഭാഗത്തെ കേടു​പാ​ടു​കൾ തീർത്തു.

തുടർന്നു​ള്ള ഭാഗത്തെ അറ്റകു​റ്റ​പ്പ​ണി​കൾ കിഴക്കൻ കവാടത്തിന്റെ+ സൂക്ഷി​പ്പു​കാ​ര​നും ശെഖന്യ​യു​ടെ മകനും ആയ ശെമയ്യ നടത്തി.

30 അടുത്ത ഭാഗത്ത്‌ ശേലെ​മ്യ​യു​ടെ മകൻ ഹനന്യ​യും സാലാ​ഫി​ന്റെ ആറാമത്തെ മകനായ ഹാനൂ​നും ചേർന്ന്‌ കേടു​പാ​ടു​കൾ തീർത്തു.

ബേരെ​ഖ്യ​യു​ടെ മകൻ മെശുല്ലാം+ അതിന്‌ അപ്പുറത്ത്‌, തന്റെ വീടിനു* മുന്നി​ലുള്ള ഭാഗത്തെ അറ്റകു​റ്റ​പ്പ​ണി​കൾ നടത്തി.

31 അതിന്‌ അപ്പുറത്ത്‌, ദേവാലയസേവകരുടെയും+ വ്യാപാ​രി​ക​ളുടെ​യും വീടു​വരെ​യുള്ള ഭാഗത്തും പരി​ശോ​ധ​ന​ക്ക​വാ​ട​ത്തി​നു മുന്നി​ലുള്ള ഭാഗത്തും മതിലി​ന്റെ മൂലയ്‌ക്കുള്ള മുകളി​ലത്തെ മുറി​വരെ​യുള്ള ഭാഗത്തും സ്വർണ​പ്പ​ണി​ക്കാ​ര​നായ മൽക്കീയ കേടു​പാ​ടു​കൾ തീർത്തു.

32 മതിലിന്റെ മൂലയ്‌ക്കുള്ള മുകളി​ലത്തെ മുറി​ക്കും അജകവാടത്തിനും+ ഇടയി​ലുള്ള ഭാഗത്ത്‌ സ്വർണ​പ്പ​ണി​ക്കാ​രും വ്യാപാ​രി​ക​ളും ചേർന്ന്‌ അറ്റകു​റ്റ​പ്പ​ണി​കൾ നടത്തി.

4 ഞങ്ങൾ മതിൽ വീണ്ടും പണിയു​ന്നെന്ന വാർത്ത കേട്ട​പ്പോൾ സൻബല്ലത്ത്‌+ രോഷാ​കു​ല​നാ​യി. ആകെ അസ്വസ്ഥ​നായ അയാൾ ജൂതന്മാ​രെ സ്ഥിരം പരിഹ​സി​ച്ചുകൊ​ണ്ടി​രു​ന്നു. 2 തന്റെ സഹോ​ദ​ര​ന്മാ​രുടെ​യും ശമര്യ​സൈ​ന്യ​ത്തിന്റെ​യും മുന്നിൽവെച്ച്‌ അയാൾ പറഞ്ഞു: “ദുർബ​ല​രായ ഈ ജൂതന്മാർ എന്താണ്‌ ഈ ചെയ്യു​ന്നത്‌? ഇത്‌ ഒറ്റയ്‌ക്കു ചെയ്യാമെ​ന്നാ​ണോ അവരുടെ വിചാരം? അവർ ബലികൾ അർപ്പി​ക്കു​മോ? ഒറ്റ ദിവസം​കൊ​ണ്ട്‌ അവർ പണി തീർത്തു​ക​ള​യു​മോ? നാശാ​വ​ശി​ഷ്ട​ങ്ങ​ളു​ടെ കൂമ്പാ​ര​ങ്ങൾക്കി​ട​യിൽ കത്തിക്ക​രിഞ്ഞ്‌ കിടക്കുന്ന കല്ലുകൾക്ക്‌ ഇവർ ജീവൻ കൊടു​ക്കു​മോ?”+

3 അപ്പോൾ, സൻബല്ല​ത്തി​ന്റെ അടുത്ത്‌ നിന്നി​രുന്ന അമ്മോന്യനായ+ തോബീയ+ പറഞ്ഞു: “ഒരു കുറുക്കൻ കയറി​യാൽ മതി, അവർ പണിയുന്ന ആ കൻമതിൽ ഇടിഞ്ഞുപൊ​ളിഞ്ഞ്‌ താഴെ വീഴും.”

4 ഞങ്ങളുടെ ദൈവമേ, കേൾക്കേ​ണമേ. അവർ ഞങ്ങളെ നിന്ദി​ക്കു​ന്ന​ല്ലോ.+ അവരുടെ നിന്ദ അവരുടെ തലയിലേ​ക്കു​തന്നെ മടങ്ങാൻ ഇടയാ​ക്കണേ.+ അടിമ​ത്ത​ത്തി​ന്റെ നാട്ടി​ലേക്ക്‌ അവരെ കൊള്ള​വ​സ്‌തു​ക്കളെപ്പോ​ലെ കൊണ്ടുപോ​കാൻ ഇടയാക്കേ​ണമേ. 5 അവരുടെ കുറ്റം മൂടി​ക്ക​ള​യു​ക​യോ അവരുടെ പാപം അങ്ങയുടെ മുന്നിൽനി​ന്ന്‌ മായ്‌ച്ചു​ക​ള​യു​ക​യോ അരുതേ,+ അവർ ഈ പണിക്കാ​രെ അപമാ​നി​ച്ച​ല്ലോ.

6 ഞങ്ങൾ മതിലി​ന്റെ പണി തുടർന്നു. പൊളി​ഞ്ഞു​കി​ട​ക്കുന്ന ഭാഗ​മെ​ല്ലാം കേടുപോ​ക്കി ചുറ്റും പാതി പൊക്കം​വരെ മതിൽ കെട്ടിപ്പൊ​ക്കി. ജനമെ​ല്ലാം മനസ്സും ഹൃദയ​വും അർപ്പിച്ച്‌ തുടർന്നും പണി​യെ​ടു​ത്തു.

7 യരുശലേംമതിലുകളുടെ അറ്റകു​റ്റ​പ്പ​ണി​ക​ളും അതിന്റെ വിടവു​ക​ളു​ടെ കേടുപോ​ക്ക​ലും പുരോ​ഗ​മി​ക്കുന്നെന്നു കേട്ട​പ്പോൾ സൻബല്ല​ത്തും തോബീയയും+ അറേബ്യക്കാരും+ അമ്മോ​ന്യ​രും അസ്‌തോദ്യരും+ അങ്ങേയറ്റം കുപി​ത​രാ​യി. 8 യരുശലേമിനു നേരെ ചെന്ന്‌ യുദ്ധം ചെയ്‌ത്‌ അവിടെ കുഴപ്പം സൃഷ്ടി​ക്കാൻ അവർ സംഘം​ചേർന്ന്‌ ഗൂഢാലോ​ചന നടത്തി. 9 പക്ഷേ, ഞങ്ങൾ ദൈവത്തോ​ടു പ്രാർഥി​ച്ചു; അവർ കാരണം രാവും പകലും കാവൽ ഏർപ്പെ​ടു​ത്തു​ക​യും ചെയ്‌തു.

10 എന്നാൽ, യഹൂദാ​ജനം ഇങ്ങനെ പറയു​ന്നു​ണ്ടാ​യി​രു​ന്നു: “പണിക്കാർ* ആകെ തളർന്നു. പക്ഷേ, ഇനിയും കുറെ​യ​ധി​കം അവശി​ഷ്ടങ്ങൾ നീക്കാ​നുണ്ട്‌. ഈ മതിൽ പണിയാൻ ഒരിക്ക​ലും നമ്മളെ​ക്കൊ​ണ്ട്‌ പറ്റില്ല.”

11 ഞങ്ങളുടെ ശത്രുക്കൾ ഇങ്ങനെ പറഞ്ഞുകൊ​ണ്ടി​രു​ന്നു: “അവർക്ക്‌ എന്തെങ്കി​ലും സൂചന കിട്ടു​ക​യോ അവർ നമ്മളെ കാണു​ക​യോ ചെയ്യു​ന്ന​തി​നു മുമ്പ്‌ നമുക്ക്‌ അവരുടെ ഇടയി​ലേക്കു ചെന്ന്‌ അവരെ കൊല്ലാം. അങ്ങനെ, അവരുടെ പണി നിറു​ത്തി​ക്കണം.”

12 അവരുടെ സമീപത്ത്‌ താമസി​ക്കുന്ന ജൂതന്മാർ വരു​മ്പോഴെ​ല്ലാം ഞങ്ങളോ​ട്‌, “അവർ നാലു​പാ​ടു​നി​ന്നും നമ്മുടെ നേരെ വരും” എന്നു കൂടെക്കൂടെ* പറയു​മാ​യി​രു​ന്നു.

13 അതുകൊണ്ട്‌, മതിലി​നു പിന്നിലെ താഴ്‌ന്ന സ്ഥലങ്ങളിൽ ഞാൻ പുരു​ഷ​ന്മാ​രെ കുലമ​നു​സ​രിച്ച്‌ നിറുത്തി. തുറസ്സായ പ്രദേ​ശ​ങ്ങ​ളിൽ നിന്ന അവരുടെ കൈയിൽ വാളും കുന്തവും വില്ലും കൊടു​ത്തി​രു​ന്നു. 14 ഇവർക്കു പേടി​യുണ്ടെന്നു മനസ്സി​ലായ ഉടനെ ഞാൻ എഴു​ന്നേറ്റ്‌ പ്രധാനികളോടും+ ഉപഭര​ണാ​ധി​കാ​രി​കളോ​ടും ബാക്കി​യു​ള്ള​വരോ​ടും പറഞ്ഞു: “അവരെ ഭയപ്പെ​ടേണ്ടാ.+ മഹാനും ഭയാദ​രവ്‌ ഉണർത്തുന്നവനും+ ആയ യഹോ​വയെ ഓർത്ത്‌ നിങ്ങളു​ടെ സഹോ​ദ​ര​ങ്ങൾക്കും നിങ്ങളു​ടെ ഭാര്യ​മാർക്കും മക്കൾക്കും വീടു​കൾക്കും വേണ്ടി പോരാ​ടു​വിൻ.”

15 അവരുടെ ഗൂഢാലോ​ചന ഞങ്ങൾ അറി​ഞ്ഞെ​ന്നും അവരുടെ പദ്ധതി സത്യ​ദൈവം വിഫല​മാ​ക്കിയെ​ന്നും ശത്രു​ക്കൾക്കു മനസ്സി​ലാ​യി. അതോടെ, ഞങ്ങളെ​ല്ലാം വീണ്ടും മതിൽപ്പണി ആരംഭി​ച്ചു. 16 അന്നുമുതൽ പകുതി പേർ ജോലി ചെയ്യുകയും+ പകുതി പേർ പടച്ചട്ട ധരിച്ച്‌ കുന്തങ്ങ​ളും പരിച​ക​ളും വില്ലു​ക​ളും ഏന്തി കാവൽ നിൽക്കു​ക​യും ചെയ്‌തു. പ്രഭു​ക്ക​ന്മാ​രാ​കട്ടെ,+ മതിൽ പണിയുന്ന യഹൂദാ​ഗൃ​ഹത്തെ മുഴു​വ​നും പിന്തു​ണ​ച്ചുകൊണ്ട്‌ പിന്നിൽ നിന്നു. 17 ചുമട്ടുകാർ ഒരു കൈ​കൊ​ണ്ടാ​ണു പണി ചെയ്‌തത്‌; മറ്റേ കൈയിൽ ആയുധം* പിടി​ച്ചി​രു​ന്നു. 18 നിർമാണപ്രവർത്തനത്തിൽ ഏർപ്പെ​ട്ടി​രുന്ന ഓരോ പണിക്കാ​ര​നും അരയിൽ വാൾ കെട്ടി​യി​രു​ന്നു. കൊമ്പു വിളിക്കുന്നയാൾ+ എന്റെ അടുത്താ​ണു നിന്നി​രു​ന്നത്‌.

19 പിന്നെ ഞാൻ പ്രധാ​നി​കളോ​ടും ഉപഭര​ണാ​ധി​കാ​രി​കളോ​ടും ബാക്കി​യു​ള്ള​വരോ​ടും പറഞ്ഞു: “വലുതും വിപു​ല​വും ആയ ഒരു പണിയാ​ണ്‌ ഇത്‌. പണി നടക്കു​ന്നതു മതിലി​ന്റെ പല ഭാഗങ്ങ​ളി​ലാ​യ​തുകൊണ്ട്‌ നമ്മൾ ഓരോ​രു​ത്ത​രും ഓരോ സ്ഥലത്താണ്‌. 20 അതുകൊണ്ട്‌, കൊമ്പു​വി​ളി കേട്ടാൽ ഉടൻ നിങ്ങ​ളെ​ല്ലാം ഞങ്ങളുടെ അടുത്ത്‌ ഒന്നിച്ചു​കൂ​ടണം. നമ്മുടെ ദൈവം നമുക്കു​വേണ്ടി പോരാ​ടും.”+

21 അങ്ങനെ, അതിരാ​വിലെ​മു​തൽ നക്ഷത്രങ്ങൾ കണ്ടുതു​ട​ങ്ങു​ന്ന​തു​വരെ ഞങ്ങൾ പണിയിൽ മുഴുകി. ഈ സമയ​മെ​ല്ലാം മറ്റേ പകുതി​പ്പേർ കുന്തവും ഏന്തി നിന്നു. 22 ഞാൻ ജനത്തോ​ടു പറഞ്ഞു: “പുരു​ഷ​ന്മാരെ​ല്ലാം അവരുടെ പരിചാ​ര​ക​രുടെ​കൂ​ടെ യരുശലേ​മിൽ രാത്രി കഴിച്ചു​കൂ​ട്ടട്ടെ. രാത്രി​യിൽ അവർ നമുക്കു കാവൽ നിൽക്കും; പകൽസ​മ​യത്ത്‌ പണിയും ചെയ്യും.” 23 ഞാനോ എന്റെ സഹോ​ദ​ര​ന്മാ​രോ എന്റെ പരിചാരകരോ+ എന്നെ അനുഗ​മി​ച്ചി​രുന്ന കാവൽക്കാ​രോ വസ്‌ത്രം മാറി​യില്ല. ഞങ്ങൾ ഓരോ​രു​ത്ത​രും വല​ങ്കൈ​യിൽ ആയുധ​വും പിടി​ച്ചി​രു​ന്നു.

5 എന്നാൽ, ജനത്തിലെ പുരു​ഷ​ന്മാ​രും അവരുടെ ഭാര്യ​മാ​രും അവരുടെ ജൂതസഹോ​ദ​ര​ന്മാർക്കെ​തി​രെ വലിയ മുറവി​ളി കൂട്ടി.+ 2 ചിലർ പറഞ്ഞു: “ഞങ്ങളുടെ പുത്ര​ന്മാ​രും പുത്രി​മാ​രും എല്ലാം​കൂ​ടെ ഞങ്ങൾ കുറെ​യ​ധി​കം പേരുണ്ട്‌. പട്ടിണി കിടന്ന്‌ ചാകാ​തി​രി​ക്കാൻ ഞങ്ങൾക്കു ധാന്യം കിട്ടണം.” 3 വേറെ ചിലരാ​കട്ടെ, “ക്ഷാമകാ​ലത്ത്‌ ധാന്യം കിട്ടാൻ ഞങ്ങൾ ഞങ്ങളുടെ നിലങ്ങ​ളും മുന്തി​രിത്തോ​ട്ട​ങ്ങ​ളും വീടു​ക​ളും പണയംവെ​ക്കു​ക​യാണ്‌” എന്നു പറഞ്ഞു. 4 മറ്റു ചിലരു​ടെ പരാതി ഇതായി​രു​ന്നു: “രാജാ​വി​നു കപ്പം* കൊടു​ക്കാൻ ഞങ്ങൾക്കു ഞങ്ങളുടെ നിലങ്ങ​ളും മുന്തി​രിത്തോ​ട്ട​ങ്ങ​ളും ഈടു​വെച്ച്‌ പണം കടം വാങ്ങേ​ണ്ടി​വന്നു.+ 5 ഞങ്ങളുടെ സഹോ​ദ​ര​ന്മാ​രു​ടെ അതേ ചോര​യും മാംസ​വും ആണ്‌ ഞങ്ങളുടേ​തും. അവരുടെ മക്കളെപ്പോലെ​തന്നെ​യാ​ണു ഞങ്ങളുടെ മക്കളും. എന്നിട്ടും, ഞങ്ങൾക്കു ഞങ്ങളുടെ മക്കളെ അടിമ​ക​ളാ​യി വിടേ​ണ്ടി​വ​രു​ന്നു. ഞങ്ങളുടെ പെൺമ​ക്ക​ളിൽ ചിലർ ഇതി​നോ​ടകം അടിമ​ക​ളാ​യി​ക്ക​ഴി​ഞ്ഞി​രി​ക്കു​ന്നു.+ എന്നാൽ, ഞങ്ങളുടെ നിലങ്ങ​ളും മുന്തി​രിത്തോ​ട്ട​ങ്ങ​ളും മറ്റുള്ള​വ​രു​ടെ കൈവ​ശ​മി​രി​ക്കു​ന്നി​ടത്തോ​ളം ഇത്‌ അവസാ​നി​പ്പി​ക്കാ​നുള്ള ശക്തി ഞങ്ങൾക്കില്ല.”

6 അവരുടെ മുറവി​ളി​യും പരാതി​യും കേട്ട​പ്പോൾ എനിക്കു വല്ലാതെ ദേഷ്യം വന്നു. 7 ഞാൻ ഇതി​നെ​ക്കു​റിച്ച്‌ മനസ്സി​രു​ത്തി ചിന്തിച്ചു. എന്നിട്ട്‌, പ്രധാ​നി​കളോ​ടും ഉപഭര​ണാ​ധി​കാ​രി​കളോ​ടും അവരുടെ തെറ്റു ചൂണ്ടി​ക്കാ​ണി​ച്ചുകൊണ്ട്‌, “നിങ്ങൾ നിങ്ങളു​ടെ സ്വന്തം സഹോ​ദ​ര​ന്മാ​രിൽനി​ന്നാ​ണു പലിശ* ഈടാ​ക്കു​ന്നത്‌”+ എന്നു പറഞ്ഞു.

കൂടാതെ, അവരുടെ ഈ പ്രവൃത്തി കാരണം ഞാൻ ഒരു വലിയ യോഗം വിളി​ച്ചു​കൂ​ട്ടു​ക​യും ചെയ്‌തു. 8 ഞാൻ അവരോ​ടു പറഞ്ഞു: “ജനതകൾക്കു വിൽക്കപ്പെ​ട്ടി​രുന്ന നമ്മുടെ ജൂതസഹോ​ദ​ര​ന്മാ​രിൽ കഴിയു​ന്നത്ര പേരെ ഞങ്ങൾ തിരികെ വാങ്ങി​യ​താണ്‌. എന്നിട്ട്‌ ഇപ്പോൾ, നിങ്ങളു​ടെ ആ സ്വന്തം സഹോ​ദ​ര​ങ്ങളെ നിങ്ങൾ വിൽക്കു​ക​യാ​ണോ?+ ഞങ്ങൾ വീണ്ടും അവരെ തിരികെ വാങ്ങണമെ​ന്നാ​ണോ?” അതോടെ അവരുടെ വായടഞ്ഞു; അവർക്ക്‌ ഒന്നും പറയാ​നു​ണ്ടാ​യി​രു​ന്നില്ല. 9 തുടർന്ന്‌ ഞാൻ പറഞ്ഞു: “നിങ്ങൾ ഈ ചെയ്യു​ന്നതു ശരിയല്ല. നമ്മുടെ ശത്രു​ക്ക​ളായ ഈ ജനതകൾ നമ്മളെ അപമാ​നി​ക്കാ​തി​രി​ക്കാൻ നിങ്ങൾ ദൈവഭയത്തോടെ+ നടക്കേ​ണ്ട​തല്ലേ? 10 മാത്രമല്ല, അവർക്കു പണവും ധാന്യ​ങ്ങ​ളും കടം കൊടു​ക്കാൻ ഞാനും എന്റെ സഹോ​ദ​ര​ങ്ങ​ളും പരിചാ​ര​ക​ന്മാ​രും ഉണ്ട്‌. അതു​കൊണ്ട്‌, പലിശ​യ്‌ക്കു കടം കൊടു​ക്കു​ന്നതു നമുക്കു ദയവായി അവസാ​നി​പ്പി​ക്കാം.+ 11 ഇന്നുതന്നെ അവരുടെ നിലങ്ങ​ളും മുന്തി​രിത്തോ​ട്ട​ങ്ങ​ളും ഒലിവുതോ​ട്ട​ങ്ങ​ളും വീടു​ക​ളും ദയവുചെ​യ്‌ത്‌ തിരികെ കൊടു​ക്കണം.+ ഒപ്പം, അവരിൽനി​ന്ന്‌ നൂറിലൊന്ന്‌* എന്ന കണക്കിൽ പലിശ​യാ​യി വാങ്ങി​യി​ട്ടുള്ള പണം, ധാന്യം, പുതു​വീഞ്ഞ്‌, എണ്ണ എന്നിവ​യും മടക്കിക്കൊ​ടു​ക്കണം.”

12 അപ്പോൾ അവർ പറഞ്ഞു: “ഞങ്ങൾ മടക്കിക്കൊ​ടു​ത്തുകൊ​ള്ളാം. അവരിൽനി​ന്ന്‌ ഇനി ഒന്നും ആവശ്യപ്പെ​ടു​ക​യു​മില്ല. അങ്ങ്‌ പറയു​ന്ന​തുപോലെ​തന്നെ ഞങ്ങൾ ചെയ്യാം.” അതു​കൊണ്ട്‌, ഞാൻ പുരോ​ഹി​ത​ന്മാ​രെ വിളി​പ്പി​ച്ചു. വാക്കു പാലി​ക്കുമെന്ന്‌ അവരെ​ക്കൊ​ണ്ട്‌ പുരോ​ഹി​ത​ന്മാ​രു​ടെ മുന്നിൽവെച്ച്‌ സത്യം ചെയ്യിച്ചു. 13 കൂടാതെ, വസ്‌ത്ര​ത്തി​ന്റെ മടക്കുകൾ കുടഞ്ഞു​കൊ​ണ്ട്‌ ഞാൻ പറഞ്ഞു: “വാക്കു പാലി​ക്കാ​ത്ത​വരെയെ​ല്ലാം സത്യ​ദൈവം തന്റെ ഭവനത്തിൽനി​ന്നും തന്റെ അവകാ​ശ​ത്തിൽനി​ന്നും ഇതേ വിധത്തിൽ കുടഞ്ഞു​ക​ള​യട്ടെ. അയാളെ ഇതു​പോ​ലെ കുടഞ്ഞു​ക​ളഞ്ഞ്‌ ഒന്നുമി​ല്ലാ​ത്ത​വ​നാ​ക്കട്ടെ.” അപ്പോൾ, സഭ മുഴു​വ​നും “ആമേൻ!”* എന്നു പറഞ്ഞു. അവർ യഹോ​വയെ സ്‌തു​തി​ച്ചു. ജനം വാക്കു പാലിച്ചു.

14 ഇനി മറ്റൊരു കാര്യം: അർഥഹ്‌ശഷ്ട+ രാജാ​വി​ന്റെ വാഴ്‌ച​യു​ടെ 20-ാം വർഷമാണു+ ഞാൻ യഹൂദാദേ​ശ​ത്തി​ന്റെ ഗവർണറായി+ നിയമി​ത​നാ​കു​ന്നത്‌. അന്നുമു​തൽ അവന്റെ 32-ാം ഭരണവർഷംവരെയുള്ള+ 12 വർഷം ഞാനോ എന്റെ സഹോ​ദ​ര​ന്മാ​രോ ഗവർണർക്ക്‌ അവകാ​ശ​പ്പെട്ട ഭക്ഷണവി​ഹി​തം വാങ്ങി​യി​ട്ടില്ല.+ 15 പക്ഷേ, എനിക്കു മുമ്പു​ണ്ടാ​യി​രുന്ന ഗവർണർമാർ ജനത്തെ ഭാര​പ്പെ​ടു​ത്തി​യി​രു​ന്നു. അപ്പത്തി​നും വീഞ്ഞി​നും വേണ്ടി അവർ ദിവസേന 40 ശേക്കെൽ* വെള്ളി​യാണ്‌ ജനത്തിന്റെ കൈയിൽനി​ന്ന്‌ വാങ്ങി​യി​രു​ന്നത്‌. ഇതിനു പുറമേ, അവരുടെ പരിചാ​ര​ക​രും ജനത്തെ ബുദ്ധി​മു​ട്ടി​ച്ചി​രു​ന്നു. പക്ഷേ, ദൈവഭയമുള്ളതുകൊണ്ട്‌+ ഞാൻ അതു ചെയ്‌തില്ല.+

16 മാത്രമല്ല, ഞാനും മതിൽപ്പ​ണി​യിൽ പങ്കെടു​ത്തു. ജോലി ചെയ്യാൻ എന്റെ എല്ലാ പരിചാ​ര​ക​രും അവിടെ എത്തിയി​രു​ന്നു. ഞങ്ങൾ സ്വന്തമാ​യി ഒരു നിലംപോ​ലും സമ്പാദി​ച്ചില്ല.+ 17 ഉപഭരണാധികാരികളും 150 ജൂതന്മാ​രും എന്നോടൊ​പ്പ​മാ​ണു ഭക്ഷണം കഴിച്ചി​രു​ന്നത്‌. കൂടാതെ, ജനതക​ളിൽനിന്ന്‌ ഞങ്ങളുടെ അടുത്ത്‌ വരുന്ന​വർക്കും ആഹാരം കൊടു​ത്തി​രു​ന്നു. 18 ദിവസേന ഒരു കാള, ഏറ്റവും നല്ല ആറു ചെമ്മരി​യാട്‌, പക്ഷികൾ എന്നിവയെ​യാണ്‌ എനിക്കുവേണ്ടി* പാകം ചെയ്‌തി​രു​ന്നത്‌. പത്തു ദിവസ​ത്തിലൊ​രി​ക്കൽ എല്ലാ തരം വീഞ്ഞും ഇഷ്ടം​പോ​ലെ വിളമ്പു​മാ​യി​രു​ന്നു. എങ്കിലും, ഗവർണർക്ക്‌ അവകാ​ശ​പ്പെട്ട ഭക്ഷണവി​ഹി​തം ഞാൻ ആവശ്യപ്പെ​ട്ടില്ല. കാരണം, ജനം അപ്പോൾത്തന്നെ ആകെ ഭാര​പ്പെ​ട്ടി​രി​ക്കു​ക​യാ​യി​രു​ന്നു. 19 എന്റെ ദൈവമേ, ഈ ജനത്തി​നുവേണ്ടി ഞാൻ ചെയ്‌തതൊക്കെ​യും ഓർത്ത്‌ എന്നിൽ പ്രസാ​ദിക്കേ​ണമേ.*+

6 ഞാൻ മതിൽ പുതുക്കിപ്പണിതെന്നും+ അതിന്‌ ഇപ്പോൾ വിടവു​കളൊ​ന്നു​മില്ലെ​ന്നും സൻബല്ല​ത്തി​നും തോബീയയ്‌ക്കും+ ഗേശെം എന്ന അറേബ്യക്കാരനും+ ബാക്കി ശത്രു​ക്കൾക്കും വിവരം കിട്ടി. (പക്ഷേ, അപ്പോ​ഴും കവാട​ങ്ങൾക്കു കതകുകൾ പിടി​പ്പി​ക്കുന്ന ജോലി ബാക്കി​യാ​യി​രു​ന്നു.)+ 2 ഉടനെ സൻബല്ല​ത്തും ഗേശെ​മും എനിക്ക്‌ ഈ സന്ദേശം അയച്ചു: “നമുക്ക്‌ ഒരു സമയം പറഞ്ഞൊ​ത്ത്‌ ഓനൊ+ സമതല​ത്തി​ലെ ഗ്രാമ​ത്തിൽവെച്ച്‌ ഒന്നു കൂടി​ക്കാ​ണാം.” പക്ഷേ, എന്നെ ഉപദ്ര​വി​ക്കാ​നാ​യി​രു​ന്നു അവരുടെ പദ്ധതി. 3 അതുകൊണ്ട്‌, ഞാൻ അവരുടെ അടു​ത്തേക്കു ദൂതന്മാ​രെ അയച്ച്‌ ഇങ്ങനെ പറയിച്ചു: “ഞാൻ ഒരു വലിയ പണിയി​ലാണ്‌. എനിക്ക്‌ ഇപ്പോൾ വരാൻ സാധി​ക്കില്ല. നിങ്ങളെ കാണാൻ അങ്ങോട്ട്‌ വന്ന്‌ ഞാൻ എന്തിന്‌ ഈ പണി മുടക്കണം?” 4 നാലു പ്രാവ​ശ്യം അവർ അതേ സന്ദേശം അയച്ചു. അപ്പോഴെ​ല്ലാം എന്റെ മറുപടി അതുതന്നെ​യാ​യി​രു​ന്നു.

5 സൻബല്ലത്ത്‌ അഞ്ചാം പ്രാവ​ശ്യ​വും അതേ സന്ദേശ​വു​മാ​യി തന്റെ പരിചാ​ര​കനെ എന്റെ അടു​ത്തേക്ക്‌ അയച്ചു; തുറന്നി​രി​ക്കുന്ന ഒരു കത്തുമാ​യാണ്‌ അവനെ അയച്ചത്‌. 6 അതിൽ ഇങ്ങനെ എഴുതി​യി​രു​ന്നു: “നീയും ജൂതന്മാ​രും വിപ്ലവം+ നടത്താൻ പദ്ധതി​യി​ടു​ന്നുണ്ടെന്നു ജനതകൾക്കി​ട​യിൽ ഒരു ശ്രുതി​യുണ്ട്‌. ഗേശെമും+ അതുതന്നെ​യാ​ണു പറയു​ന്നത്‌. നീ മതിൽ പണിയു​ന്നത്‌ അതു​കൊ​ണ്ടാണെ​ന്നും നീ അവരുടെ രാജാ​വാ​കാൻപോ​കുന്നെ​ന്നും കേൾക്കു​ന്നു. 7 ‘യഹൂദ​യിൽ ഒരു രാജാ​വുണ്ട്‌!’ എന്നു നിന്നെ​ക്കു​റിച്ച്‌ യരുശലേ​മി​ലു​ട​നീ​ളം പ്രസി​ദ്ധ​മാ​ക്കാൻ നീ പ്രവാ​ച​ക​ന്മാ​രെ നിയമി​ച്ചി​ട്ടു​മുണ്ട്‌. വൈകാ​തെ ഈ വാർത്ത രാജാ​വി​ന്റെ ചെവി​യി​ലും എത്തും. അതു​കൊണ്ട്‌ വരൂ, നമുക്ക്‌ ഒരുമി​ച്ച്‌ ഇക്കാര്യം ചർച്ച ചെയ്യാം.”

8 പക്ഷേ, ഞാൻ അവന്‌ ഇങ്ങനെ മറുപടി അയച്ചു: “നീ ഈ പറയു​ന്നതൊ​ന്നും സംഭവി​ച്ചി​ട്ടില്ല. ഇതൊക്കെ നീ സങ്കല്‌പിച്ചുണ്ടാക്കുന്ന* കാര്യ​ങ്ങ​ളാണ്‌.” 9 വാസ്‌തവത്തിൽ, അവർ ഞങ്ങളെ പേടി​പ്പി​ക്കാൻ നോക്കു​ക​യാ​യി​രു​ന്നു. “പണി ചെയ്‌ത്‌ അവരുടെ കൈകൾ തളരും, അവർ പണി തീർക്കില്ല” എന്ന്‌ അവർ പറഞ്ഞു.+ അതു​കൊണ്ട്‌ ദൈവമേ, എന്റെ കരങ്ങൾക്കു കരുത്തേകേണമേ+ എന്നു ഞാൻ പ്രാർഥി​ക്കു​ന്നു.

10 പിന്നെ, ഞാൻ മെഹേ​തബേ​ലി​ന്റെ മകനായ ദലായ​യു​ടെ മകൻ ശെമയ്യ​യു​ടെ വീട്ടി​ലേക്കു പോയി. ശെമയ്യ അവിടെ വീടി​നു​ള്ളിൽത്തന്നെ കഴിയു​ക​യാ​യി​രു​ന്നു. അയാൾ പറഞ്ഞു: “അവർ അങ്ങയെ കൊല്ലാൻ വരുന്നു​ണ്ട്‌. അതു​കൊണ്ട്‌, നമുക്ക്‌ ഒരു സമയം തീരു​മാ​നിച്ച്‌ സത്യദൈ​വ​ത്തി​ന്റെ ഭവനമായ ദേവാ​ല​യ​ത്തിൽ ചെന്ന്‌ വാതിൽ അടച്ച്‌ അതിന്‌ അകത്ത്‌ ഇരിക്കാം. അവർ ഇന്നു രാത്രി അങ്ങയെ കൊല്ലാൻ വരും.” 11 പക്ഷേ, ഞാൻ പറഞ്ഞു: “എന്നെ​പ്പോലൊ​രാൾ പേടിച്ച്‌ ഓടാ​നോ? എന്നെ​പ്പോലൊ​രു മനുഷ്യ​നു ദേവാ​ല​യ​ത്തി​നു​ള്ളിൽ കടന്നിട്ട്‌ ജീവ​നോ​ടി​രി​ക്കാ​നാ​കു​മോ?+ ഞാൻ അതു ചെയ്യില്ല!” 12 അതോടെ, ഇയാളെ ദൈവം അയച്ചി​ട്ടില്ലെ​ന്നും എനിക്ക്‌ എതിരെ പ്രവചി​ക്കാൻ തോബീ​യ​യും സൻബല്ലത്തും+ കൂലിക്കെ​ടു​ത്ത​താണെ​ന്നും എനിക്കു മനസ്സി​ലാ​യി. 13 പേടിപ്പിച്ച്‌ എന്നെ​ക്കൊണ്ട്‌ പാപം ചെയ്യി​ക്കാ​നാ​യി​രു​ന്നു അയാളെ കൂലിക്കെ​ടു​ത്തത്‌. അങ്ങനെ​യാ​കുമ്പോൾ, എന്റെ സത്‌പേ​രി​നു കളങ്കം ചാർത്തി എന്നെ അപമാ​നി​ക്കാൻ അവർക്ക്‌ ഒരു കാരണം കിട്ടു​മാ​യി​രു​ന്നു.

14 എന്റെ ദൈവമേ, തോബീയയെയും+ സൻബല്ല​ത്തിനെ​യും അവരുടെ ഈ പ്രവൃ​ത്തി​കളെ​യും ഓർക്കേ​ണമേ; നോവദ്യ എന്ന പ്രവാ​ചി​ക​യും എന്നെ നിരന്തരം പേടി​പ്പി​ക്കാൻ ശ്രമി​ച്ചുകൊ​ണ്ടി​രുന്ന ബാക്കി​യുള്ള പ്രവാ​ച​ക​ന്മാ​രും ചെയ്‌ത കാര്യങ്ങൾ മറന്നു​ക​ള​യു​ക​യും അരുതേ.

15 അങ്ങനെ, ഏലൂൽ* മാസം 25-ാം തീയതി മതിലി​ന്റെ പണി പൂർത്തി​യാ​യി; മൊത്തം 52 ദിവസമെ​ടു​ത്തു.

16 ഇതെല്ലാം കാണു​ക​യും കേൾക്കു​ക​യും ചെയ്‌ത ഞങ്ങളുടെ ശത്രു​ക്ക​ളും ചുറ്റു​മുള്ള ജനതക​ളും ആകെ നാണംകെ​ട്ടുപോ​യി.+ ഈ പണി പൂർത്തി​യാ​യതു ഞങ്ങളുടെ ദൈവ​ത്തി​ന്റെ സഹായ​ത്താ​ലാണെന്ന്‌ അവർക്കു മനസ്സി​ലാ​യി. 17 അക്കാലത്ത്‌, യഹൂദ​യി​ലെ പ്രധാനികൾ+ തോബീ​യ​യ്‌ക്കു ധാരാളം കത്തുകൾ അയയ്‌ക്കു​മാ​യി​രു​ന്നു; തോബീയ അവയ്‌ക്കെ​ല്ലാം മറുപ​ടി​യും അയയ്‌ക്കും. 18 യഹൂദയിൽ ധാരാളം പേർ അയാ​ളോ​ടു കൂറു പ്രഖ്യാ​പി​ച്ചി​രു​ന്നു. കാരണം, ആരഹിന്റെ+ മകനായ ശെഖന്യ​യു​ടെ മരുമ​ക​നാ​യി​രു​ന്നു അയാൾ. അയാളു​ടെ മകനായ യഹോ​ഹാ​നാ​നാ​കട്ടെ ബേരെ​ഖ്യ​യു​ടെ മകനായ മെശുല്ലാമിന്റെ+ മകളെ​യാ​ണു വിവാഹം കഴിച്ചി​രു​ന്നത്‌. 19 അവർ എപ്പോ​ഴും എന്റെ അടുത്ത്‌ വന്ന്‌ തോബീ​യയെ പുകഴ്‌ത്തി​പ്പ​റ​യു​ക​യും ഞാൻ പറയു​ന്നത്‌ അയാളെ അറിയി​ക്കു​ക​യും ചെയ്യു​മാ​യി​രു​ന്നു. അപ്പോൾ, എന്നെ ഭീഷണിപ്പെ​ടു​ത്താൻ തോബീയ കത്തുകൾ അയയ്‌ക്കും.+

7 മതിൽ പുതുക്കിപ്പണിതുകഴിഞ്ഞ+ ഉടനെ ഞാൻ കതകുകൾ പിടി​പ്പി​ച്ചു.+ പിന്നെ, ഗായകരെയും+ ലേവ്യരെയും+ കവാട​ത്തിൽ കാവൽക്കാരെയും+ നിയമി​ച്ചു. 2 ഞാൻ എന്റെ സഹോ​ദ​ര​നായ ഹനാനിക്ക്‌+ യരുശലേ​മി​ന്റെ ചുമതല കൊടു​ത്തു. ഹനാനിയോടൊ​പ്പം കോട്ടയുടെ+ അധിപ​നായ ഹനന്യയെ​യും നിയമി​ച്ചു; കാരണം, അയാൾ വളരെ ആശ്രയയോ​ഗ്യ​നും മറ്റു പലരെ​ക്കാ​ളും ദൈവഭയമുള്ളവനും+ ആയിരു​ന്നു. 3 ഞാൻ അവരോ​ടു പറഞ്ഞു: “വെയിൽ ഉറയ്‌ക്കു​ന്ന​തു​വരെ യരുശലേം​ക​വാ​ടങ്ങൾ തുറക്ക​രുത്‌. കാവലു​ള്ളപ്പോൾത്തന്നെ കതകുകൾ അടച്ച്‌ കുറ്റി ഇടണം. യരുശലേ​മിൽ താമസി​ക്കു​ന്ന​വരെ കാവൽക്കാ​രാ​യി നിയമി​ക്കുക; അവരിൽ ചിലരെ കാവൽസ്ഥാ​ന​ങ്ങ​ളി​ലും മറ്റുള്ള​വരെ സ്വന്തം വീടിനു മുന്നി​ലും നിയമി​ക്കണം.” 4 നഗരം വലുതും വിശാ​ല​വും ആയിരു​ന്നു. പക്ഷേ, നഗരത്തി​ന്‌ ഉള്ളിൽ ആളുകൾ വളരെ കുറവാ​യി​രു​ന്നു;+ വീടു​ക​ളാ​കട്ടെ പുനർനിർമി​ച്ചി​രു​ന്നു​മില്ല.

5 അങ്ങനെയിരിക്കെ, പ്രധാ​നി​കളെ​യും ഉപഭര​ണാ​ധി​കാ​രി​കളെ​യും ജനത്തെ​യും വിളി​ച്ചു​കൂ​ട്ടി അവരുടെ പേരുകൾ വംശാ​വ​ലി​യ​നു​സ​രിച്ച്‌ രേഖപ്പെടുത്താൻ+ ദൈവം എന്റെ ഹൃദയ​ത്തിൽ തോന്നി​ച്ചു. ആദ്യം വന്നവരു​ടെ പേരുകൾ വംശാ​വ​ലിക്ര​മ​ത്തിൽ രേഖ​പ്പെ​ടു​ത്തി​യി​ട്ടുള്ള പുസ്‌തകം ഞാൻ കണ്ടെത്തി. അതിൽ ഇങ്ങനെ എഴുതി​യി​രു​ന്നു:

6 ബാബിലോൺരാജാവായ നെബൂഖദ്‌നേസർ+ ബന്ദിക​ളാ​യി കൊണ്ടുപോയവരിൽ+ യരുശലേ​മിലേ​ക്കും യഹൂദ​യിലേ​ക്കും മടങ്ങിവന്ന സംസ്ഥാ​ന​വാ​സി​കൾ ഇവരാണ്‌. അവിടെ അടിമ​ത്ത​ത്തിൽ കഴിയു​ക​യാ​യി​രുന്ന ഇവർ സ്വന്തം നഗരങ്ങളിലേക്കു+ 7 സെരുബ്ബാബേൽ,+ യേശുവ,+ നെഹമ്യ, അസര്യ, രയമ്യ, നഹമാനി, മൊർദെ​ഖാ​യി, ബിൽശാൻ, മിസ്‌പേ​രെത്ത്‌, ബിഗ്വാ​യി, നെഹൂം, ബാനെ എന്നിവരോടൊ​പ്പം മടങ്ങി​യെത്തി.

ഇസ്രായേ​ല്യ​പു​രു​ഷ​ന്മാ​രു​ടെ സംഖ്യ:+ 8 പരോശിന്റെ വംശജർ 2,172; 9 ശെഫത്യയുടെ വംശജർ 372; 10 ആരഹിന്റെ+ വംശജർ 652; 11 പഹത്‌-മോവാബിന്റെ+ വംശത്തി​ലുള്ള യേശു​വ​യുടെ​യും യോവാബിന്റെയും+ വംശജർ 2,818; 12 ഏലാമിന്റെ+ വംശജർ 1,254; 13 സത്ഥുവിന്റെ വംശജർ 845; 14 സക്കായിയുടെ വംശജർ 760; 15 ബിന്നൂവിയുടെ വംശജർ 648; 16 ബേബായിയുടെ വംശജർ 628; 17 അസ്‌ഗാദിന്റെ വംശജർ 2,322; 18 അദോനിക്കാമിന്റെ വംശജർ 667; 19 ബിഗ്വായിയുടെ വംശജർ 2,067; 20 ആദീന്റെ വംശജർ 655; 21 ഹിസ്‌കിയഗൃഹത്തിലെ ആതേരി​ന്റെ വംശജർ 98; 22 ഹാശൂമിന്റെ വംശജർ 328; 23 ബസായിയുടെ വംശജർ 324; 24 ഹാരീഫിന്റെ വംശജർ 112; 25 ഗിബെയോന്റെ+ വംശജർ 95; 26 ബേത്ത്‌ലെഹെമിലെയും നെതോ​ഫ​യിലെ​യും പുരു​ഷ​ന്മാർ 188; 27 അനാഥോത്തിലെ+ പുരു​ഷ​ന്മാർ 128; 28 ബേത്ത്‌-അസ്‌മാവെ​ത്തി​ലെ പുരു​ഷ​ന്മാർ 42; 29 കിര്യത്ത്‌-യയാരീം,+ കെഫീര, ബേരോത്ത്‌+ എന്നിവി​ട​ങ്ങ​ളി​ലെ പുരു​ഷ​ന്മാർ 743; 30 രാമയിലെയും ഗേബയിലെയും+ പുരു​ഷ​ന്മാർ 621; 31 മിക്‌മാസിലെ+ പുരു​ഷ​ന്മാർ 122; 32 ബഥേലിലെയും+ ഹായിയിലെയും+ പുരു​ഷ​ന്മാർ 123; 33 മറ്റേ നെബോ​യി​ലെ പുരു​ഷ​ന്മാർ 52; 34 മറ്റേ ഏലാമി​ന്റെ വംശജർ 1,254; 35 ഹാരീമിന്റെ വംശജർ 320; 36 യരീഹൊയിൽനിന്നുള്ളവർ 345; 37 ലോദ്‌, ഹാദീദ്‌, ഓനൊ+ എന്നിവി​ട​ങ്ങ​ളിൽനി​ന്നു​ള്ളവർ 721; 38 സെനായയിൽനിന്നുള്ളവർ 3,930.

39 പുരോഹിതന്മാർ:+ യേശു​വ​ഗൃ​ഹ​ത്തി​ലെ യദയയു​ടെ വംശജർ 973; 40 ഇമ്മേരിന്റെ വംശജർ 1,052; 41 പശ്‌ഹൂരിന്റെ+ വംശജർ 1,247; 42 ഹാരീമിന്റെ+ വംശജർ 1,017.

43 ലേവ്യർ:+ ഹോ​ദെ​വ​യു​ടെ വംശജ​രിൽ കദ്‌മിയേൽഗൃഹത്തിലെ+ യേശു​വ​യു​ടെ വംശജർ 74. 44 ഗായകർ:+ ആസാഫിന്റെ+ വംശജർ 148; 45 കവാടത്തിന്റെ കാവൽക്കാർ:+ ശല്ലൂം, ആതേർ, തൽമോൻ, അക്കൂബ്‌,+ ഹതീത, ശോബാ​യി എന്നിവ​രു​ടെ വംശജർ ആകെ 138.

46 ദേവാലയസേവകർ:*+ സീഹയു​ടെ വംശജർ, ഹസൂഫ​യു​ടെ വംശജർ, തബ്ബാ​യോ​ത്തി​ന്റെ വംശജർ, 47 കേരോസിന്റെ വംശജർ, സീയയു​ടെ വംശജർ, പാദോ​ന്റെ വംശജർ, 48 ലബാനയുടെ വംശജർ, ഹഗാബ​യു​ടെ വംശജർ, ശൽമാ​യി​യു​ടെ വംശജർ, 49 ഹാനാന്റെ വംശജർ, ഗിദ്ദേ​ലി​ന്റെ വംശജർ, ഗാഹരി​ന്റെ വംശജർ, 50 രയായയുടെ വംശജർ, രസീന്റെ വംശജർ, നെക്കോ​ദ​യു​ടെ വംശജർ, 51 ഗസ്സാമിന്റെ വംശജർ, ഉസയുടെ വംശജർ, പാസേ​ഹ​യു​ടെ വംശജർ, 52 ബേസായിയുടെ വംശജർ, മെയൂ​നി​മി​ന്റെ വംശജർ, നെഫൂ​ശ്‌സീ​മി​ന്റെ വംശജർ, 53 ബക്‌ബുക്കിന്റെ വംശജർ, ഹക്കൂഫ​യു​ടെ വംശജർ, ഹർഹൂ​രി​ന്റെ വംശജർ, 54 ബസ്ലീത്തിന്റെ വംശജർ, മെഹീ​ദ​യു​ടെ വംശജർ, ഹർശയു​ടെ വംശജർ, 55 ബർക്കോസിന്റെ വംശജർ, സീസെ​ര​യു​ടെ വംശജർ, തേമഹി​ന്റെ വംശജർ, 56 നെസീഹയുടെ വംശജർ, ഹതീഫ​യു​ടെ വംശജർ.

57 ശലോമോന്റെ ദാസന്മാ​രു​ടെ വംശജർ:+ സോതാ​യി​യു​ടെ വംശജർ, സോ​ഫേരെ​ത്തി​ന്റെ വംശജർ, പെരീ​ദ​യു​ടെ വംശജർ, 58 യാലയുടെ വംശജർ, ദർക്കോ​ന്റെ വംശജർ, ഗിദ്ദേ​ലി​ന്റെ വംശജർ, 59 ശെഫത്യയുടെ വംശജർ, ഹത്തീലി​ന്റെ വംശജർ, പോ​ക്കേരെത്ത്‌-ഹസ്സെബ​യീ​മി​ന്റെ വംശജർ, ആമോന്റെ വംശജർ. 60 ദേവാലയസേവകരും+ ശലോമോ​ന്റെ ദാസന്മാ​രു​ടെ വംശജ​രും കൂടെ ആകെ 392.

61 തെൽ-മേലഹ്‌, തെൽ-ഹർശ, കെരൂബ്‌, അദ്ദോൻ, ഇമ്മേർ എന്നിവി​ട​ങ്ങ​ളിൽനിന്ന്‌ വന്ന ചിലർക്ക്‌ അവരുടെ പിതൃ​ഭ​വ​ന​മോ വംശമോ തെളി​യി​ക്കാ​നും അവർ ഇസ്രായേ​ല്യ​രാണെന്നു സ്ഥാപി​ക്കാ​നും കഴിഞ്ഞില്ല.+ താഴെ​പ്പ​റ​യു​ന്ന​വ​രാണ്‌ അവർ: 62 ദലായയുടെ വംശജർ, തോബീ​യ​യു​ടെ വംശജർ, നെക്കോ​ദ​യു​ടെ വംശജർ; ആകെ 642. 63 പുരോഹിതന്മാരിൽപ്പെട്ടവർ: ഹബയ്യയു​ടെ വംശജർ, ഹക്കോസിന്റെ+ വംശജർ, ബർസി​ല്ലാ​യി​യു​ടെ വംശജർ. ഈ ബർസി​ല്ലാ​യി ഗിലെ​യാ​ദ്യ​നായ ബർസില്ലായിയുടെ+ പെൺമ​ക്ക​ളിൽ ഒരാളെ വിവാഹം കഴിച്ച​തുകൊ​ണ്ടാണ്‌ ആ പേരിൽ അറിയപ്പെ​ട്ടത്‌. 64 ഇവർ വംശാ​വലി തെളി​യി​ക്കാൻ ആവശ്യ​മായ രേഖകൾ തിര​ഞ്ഞെ​ങ്കി​ലും കണ്ടെത്താ​നാ​യില്ല. അതു​കൊണ്ട്‌ അവരെ പൗരോ​ഹി​ത്യസേ​വ​ന​ത്തിന്‌ അയോ​ഗ്യരെന്നു പ്രഖ്യാ​പി​ച്ചു.*+ 65 ഊറീമും തുമ്മീമും+ ഉപയോ​ഗി​ക്കാൻ കഴിയുന്ന ഒരു പുരോ​ഹി​തൻ ഉണ്ടാകു​ന്ന​തു​വരെ അതിവി​ശു​ദ്ധ​വ​സ്‌തു​ക്കൾ കഴിക്കരുതെന്നു+ ഗവർണർ*+ അവരോ​ടു പറഞ്ഞു.

66 സഭയുടെ മൊത്തം അംഗസം​ഖ്യ 42,360+ ആയിരു​ന്നു; 67 ഇതു കൂടാതെ, അടിമ​ക​ളാ​യി 7,337 സ്‌ത്രീപുരുഷന്മാരും+ ഗായികാഗായകന്മാരായി+ 245 പേരും ഉണ്ടായി​രു​ന്നു. 68 അവർക്ക്‌ 736 കുതി​ര​ക​ളും 245 കോവർക​ഴു​ത​ക​ളും 69 435 ഒട്ടകങ്ങ​ളും 6,720 കഴുത​ക​ളും ഉണ്ടായി​രു​ന്നു.

70 പിതൃഭവനത്തലവന്മാരിൽ ചിലർ പണിക്കു​വേണ്ടി സംഭാവന കൊടു​ത്തു.+ ഗവർണർ 1,000 സ്വർണ​ദ്ര​ഹ്‌മ,* 50 കുഴി​യൻപാ​ത്രം, 530 പുരോഹിതവസ്‌ത്രം+ എന്നിവ ഖജനാ​വിലേക്കു നൽകി. 71 ചില പിതൃ​ഭ​വ​ന​ത്ത​ല​വ​ന്മാർ ഈ നിർമാ​ണവേ​ല​യ്‌ക്കാ​യുള്ള ഖജനാ​വിലേക്ക്‌ 20,000 സ്വർണദ്ര​ഹ്‌മ​യും 2,200 വെള്ളിമിനയും* കൊടു​ത്തു. 72 ബാക്കിയുള്ള ആളുകൾ 20,000 സ്വർണദ്ര​ഹ്‌മ​യും 2,000 വെള്ളി​മി​ന​യും 67 പുരോ​ഹി​ത​വ​സ്‌ത്ര​വും നൽകി.

73 പുരോഹിതന്മാരും ലേവ്യ​രും കവാട​ത്തി​ന്റെ കാവൽക്കാ​രും ഗായകരും+ ദേവാ​ല​യസേ​വ​ക​രും ബാക്കി​യുള്ള ഇസ്രായേ​ല്യ​രും അവരവ​രു​ടെ നഗരങ്ങ​ളിൽ താമസ​മാ​ക്കി. അങ്ങനെ ഇസ്രായേ​ല്യരെ​ല്ലാം അവരവ​രു​ടെ നഗരങ്ങ​ളിൽ താമസ​മു​റ​പ്പി​ച്ചു.+ ഏഴാം മാസമായപ്പോഴേക്കും+ ഇസ്രായേ​ല്യർ തങ്ങളുടെ നഗരങ്ങ​ളിൽ താമസ​മാ​ക്കി​യി​രു​ന്നു.+

8 അങ്ങനെ​യി​രി​ക്കെ, ജനം മുഴുവൻ ഏകമനസ്സോ​ടെ ജലകവാടത്തിനു+ മുന്നി​ലുള്ള പൊതുസ്ഥലത്ത്‌* ഒന്നിച്ചു​കൂ​ടി. യഹോവ ഇസ്രായേ​ലി​നു കൊടുത്ത+ മോശ​യു​ടെ നിയമത്തിന്റെ* പുസ്‌തകം+ കൊണ്ടു​വ​രാൻ അവർ പകർപ്പെഴുത്തുകാരനായ* എസ്രയോടു+ പറഞ്ഞു. 2 അങ്ങനെ, ഏഴാം മാസം+ ഒന്നാം ദിവസം പുരു​ഷ​ന്മാ​രും സ്‌ത്രീ​ക​ളും, കേട്ട്‌ മനസ്സി​ലാ​ക്കാൻ കഴിവുള്ള എല്ലാവ​രും അടങ്ങുന്ന സഭയുടെ മുന്നിൽ എസ്ര പുരോ​ഹി​തൻ നിയമ​പു​സ്‌തകം കൊണ്ടു​വന്നു.+ 3 എസ്ര ജലകവാ​ട​ത്തി​നു മുന്നി​ലുള്ള പൊതു​സ്ഥ​ല​ത്തുവെച്ച്‌ പ്രഭാ​തം​മു​തൽ നട്ടുച്ച​വരെ അതിൽനി​ന്ന്‌ ഉറക്കെ വായി​ച്ചുകേൾപ്പി​ച്ചു.+ പുരു​ഷ​ന്മാ​രും സ്‌ത്രീ​ക​ളും, കേട്ട്‌ മനസ്സി​ലാ​ക്കാൻ കഴിവുള്ള എല്ലാവ​രും അതു ശ്രദ്ധ​യോ​ടെ കേട്ടു.+ 4 ഈ പരിപാ​ടി​ക്കുവേണ്ടി തടി​കൊണ്ട്‌ പ്രത്യേ​ക​മാ​യി ഉണ്ടാക്കിയ പ്രസം​ഗവേ​ദി​യി​ലാ​ണു പകർപ്പെ​ഴു​ത്തു​കാ​ര​നായ എസ്ര നിന്നത്‌. എസ്രയു​ടെ അടുത്ത്‌ വലതു​വ​ശത്ത്‌ മത്ഥിഥ്യ, ശേമ, അനായ, ഊരി​യാവ്‌, ഹിൽക്കിയ, മയസേയ എന്നിവ​രും ഇടതു​വ​ശത്ത്‌ പെദായ, മീശാ​യേൽ, മൽക്കീയ,+ ഹാശൂം, ഹശ്‌ബ​ദ്ദാന, സെഖര്യ, മെശു​ല്ലാം എന്നിവ​രും ഉണ്ടായി​രു​ന്നു.

5 ഉയർന്ന ഒരു സ്ഥലത്ത്‌ നിന്ന്‌ ജനം മുഴുവൻ കാൺകെ എസ്ര പുസ്‌തകം തുറന്നു. അപ്പോൾ എല്ലാവ​രും എഴു​ന്നേറ്റു. 6 എസ്ര, മഹോ​ന്ന​ത​നും സത്യദൈ​വ​വും ആയ യഹോ​വയെ സ്‌തു​തി​ച്ചു. ഉടനെ, ജനം മുഴുവൻ കൈകൾ ഉയർത്തി “ആമേൻ!* ആമേൻ!” എന്നു പറഞ്ഞു.+ എന്നിട്ട്‌, അവർ യഹോ​വ​യു​ടെ സന്നിധി​യിൽ മുട്ടു​കു​ത്തി നമസ്‌ക​രി​ച്ചു. 7 യേശുവ, ബാനി, ശേരെബ്യ,+ യാമീൻ, അക്കൂബ്‌, ശബ്ബെത്താ​യി, ഹോദിയ, മയസേയ, കെലീത, അസര്യ, യോസാ​ബാദ്‌,+ ഹാനാൻ, പെലായ എന്നീ ലേവ്യർ ജനത്തിനു നിയമം വിശദീ​ക​രി​ച്ചുകൊ​ടു​ത്തു.+ ആ സമയം ജനം മുഴുവൻ നിൽക്കു​ക​യാ​യി​രു​ന്നു. 8 അവർ സത്യദൈ​വ​ത്തി​ന്റെ നിയമ​പു​സ്‌ത​ക​ത്തിൽനിന്ന്‌ ഉറക്കെ വായി​ക്കു​ക​യും അതു വ്യക്തമാ​യി വിശദീ​ക​രിച്ച്‌ അർഥം പറഞ്ഞുകൊ​ടു​ക്കു​ക​യും ചെയ്‌തു. വായി​ച്ചുകേൾക്കുന്ന കാര്യങ്ങൾ മനസ്സി​ലാ​ക്കാൻ അങ്ങനെ അവർ ജനത്തെ സഹായി​ച്ചു.+

9 നിയമത്തിൽനിന്ന്‌ വായി​ച്ചു​കേട്ട സമയത്ത്‌ ജനമെ​ല്ലാം കരഞ്ഞു. അതു​കൊണ്ട്‌, അന്നു ഗവർണറായിരുന്ന* നെഹമ്യ, പുരോ​ഹി​ത​നും പകർപ്പെ​ഴു​ത്തു​കാ​ര​നും ആയ എസ്ര,+ ജനത്തെ പഠിപ്പി​ച്ചുകൊ​ണ്ടി​രുന്ന ലേവ്യർ എന്നിവർ ജനത്തോ​ടു പറഞ്ഞു: “ഈ ദിവസം നിങ്ങളു​ടെ ദൈവ​മായ യഹോ​വ​യ്‌ക്കു വിശു​ദ്ധ​മാണ്‌.+ ദുഃഖി​ക്കു​ക​യോ കരയു​ക​യോ അരുത്‌.” 10 അദ്ദേഹം അവരോ​ടു പറഞ്ഞു: “നിങ്ങൾ പോയി ഏറ്റവും നല്ല ഭക്ഷണം കഴിക്കു​ക​യും മധുര​പാ​നീ​യങ്ങൾ കുടി​ക്കു​ക​യും ചെയ്യുക. ആഹാര​മി​ല്ലാ​ത്ത​വർക്ക്‌ ആഹാരം കൊടു​ത്ത​യ​യ്‌ക്കു​ക​യും വേണം;+ ഈ ദിവസം നമ്മുടെ കർത്താ​വി​നു വിശു​ദ്ധ​മ​ല്ലോ. സങ്കട​പ്പെ​ട​രുത്‌. കാരണം, യഹോ​വ​യിൽനി​ന്നുള്ള സന്തോ​ഷ​മാ​ണു നിങ്ങളു​ടെ രക്ഷാ​കേ​ന്ദ്രം.”* 11 “കരയാ​തി​രി​ക്കൂ! ഈ ദിവസം വിശു​ദ്ധ​മാണ്‌, നിങ്ങൾ സങ്കട​പ്പെ​ട​രുത്‌” എന്നു പറഞ്ഞ്‌ ലേവ്യർ ജനത്തെ മുഴുവൻ സമാധാ​നി​പ്പി​ച്ചുകൊ​ണ്ടി​രു​ന്നു. 12 പറഞ്ഞ കാര്യം ജനത്തിനു മനസ്സിലായതുകൊണ്ട്‌+ അവർ തിന്നാ​നും കുടി​ക്കാ​നും ആഹാരം കൊടു​ത്ത​യയ്‌ക്കാ​നും ആഹ്ലാദിച്ചു​ല്ലസി​ക്കാനും+ വേണ്ടി പിരി​ഞ്ഞുപോ​യി.

13 അടുത്ത ദിവസം, നിയമ​ത്തിൽ എഴുതി​യി​രി​ക്കു​ന്ന​തിനെ​ക്കു​റിച്ച്‌ കൂടുതൽ ഉൾക്കാ​ഴ്‌ച കിട്ടാൻ ജനത്തിന്റെ പിതൃ​ഭ​വ​ന​ത്ത​ല​വ​ന്മാ​രും പുരോ​ഹി​ത​ന്മാ​രും ലേവ്യ​രും പകർപ്പെ​ഴു​ത്തു​കാ​ര​നായ എസ്രയു​ടെ ചുറ്റും കൂടി. 14 യഹോവ മോശ​യി​ലൂ​ടെ ഇസ്രായേ​ലി​നു കൊടുത്ത നിയമ​ത്തിൽ ഏഴാം മാസത്തെ ഉത്സവത്തി​ന്റെ സമയത്ത്‌ ഇസ്രായേ​ല്യർ കൂടാരങ്ങളിൽ* താമസി​ക്ക​ണമെന്ന്‌ എഴുതി​യി​രി​ക്കു​ന്നതു കണ്ടു.+ 15 കൂടാതെ, “എഴുതി​യി​രി​ക്കു​ന്ന​ത​നു​സ​രിച്ച്‌ കൂടാ​രങ്ങൾ ഉണ്ടാക്കാൻ മലനാ​ട്ടിലേക്കു പോയി ഒലിവ്‌ മരത്തിന്റെ​യും പൈൻ മരത്തിന്റെ​യും മിർട്ടൽ മരത്തിന്റെ​യും മറ്റു മരങ്ങളുടെ​യും ധാരാളം ഇലകളുള്ള ശിഖര​ങ്ങ​ളും ഈന്തപ്പ​നയോ​ല​ക​ളും കൊണ്ടു​വ​രണം” എന്ന കാര്യം അവരുടെ എല്ലാ നഗരങ്ങ​ളി​ലും യരുശലേ​മിൽ എല്ലായി​ട​ത്തും പ്രഖ്യാ​പിച്ച്‌ പ്രസിദ്ധമാക്കണമെന്ന്‌+ അതിൽ രേഖ​പ്പെ​ടു​ത്തി​യി​രു​ന്ന​തും അവർ ശ്രദ്ധിച്ചു.

16 അങ്ങനെ, ജനം പോയി അവയെ​ല്ലാം കൊണ്ടു​വന്ന്‌ തങ്ങളുടെ പുരമു​ക​ളി​ലും മുറ്റത്തും സത്യദൈ​വ​ത്തി​ന്റെ ഭവനത്തി​ന്റെ മുറ്റങ്ങളിലും+ ജലകവാടത്തിന്‌+ അടുത്തുള്ള പൊതു​സ്ഥ​ല​ത്തും എഫ്രയീംകവാടത്തിന്‌+ അടുത്തുള്ള പൊതു​സ്ഥ​ല​ത്തും കൂടാ​രങ്ങൾ പണിതു. 17 അടിമത്തത്തിൽനിന്ന്‌ മടങ്ങിവന്ന സഭ മുഴുവൻ കൂടാ​രങ്ങൾ പണിത്‌ അതിൽ താമസി​ച്ചു. നൂന്റെ മകനായ യോശുവയുടെ+ കാലം​മു​തൽ അന്നുവരെ ഇസ്രായേ​ല്യർ ഈ വിധത്തിൽ ഇത്‌ ആഘോ​ഷി​ച്ചി​രു​ന്നില്ല. അതു​കൊ​ണ്ടു​തന്നെ അവരെ​ല്ലാം ആഹ്ലാദി​ച്ചു​ല്ല​സി​ച്ചു.+ 18 ആദ്യദിവസംമുതൽ അവസാ​ന​ദി​വ​സം​വരെ എന്നും സത്യദൈ​വ​ത്തി​ന്റെ നിയമ​പു​സ്‌തകം വായിച്ചു.+ അവർ ഏഴു ദിവസം ഉത്സവം ആഘോ​ഷി​ച്ചു. വ്യവസ്ഥ​യ​നു​സ​രിച്ച്‌, എട്ടാം ദിവസം പവി​ത്ര​മായ ഒരു സമ്മേള​ന​വും നടത്തി.+

9 ആ മാസം 24-ാം ദിവസം ഇസ്രായേ​ല്യർ ഒന്നിച്ചു​കൂ​ടി; അവർ വിലാ​പ​വ​സ്‌ത്രം ധരിച്ചും തലയിൽ പൊടി വാരി​യി​ട്ടും ഉപവസി​ച്ചു.+ 2 ഇസ്രായേല്യവംശജരെല്ലാം വിദേ​ശി​ക​ളു​ടെ അടുത്തു​നിന്ന്‌ മാറിനിന്ന്‌+ സ്വന്തം പാപങ്ങ​ളും പിതാ​ക്ക​ന്മാ​രു​ടെ തെറ്റു​ക​ളും ഏറ്റുപ​റഞ്ഞു.+ 3 എന്നിട്ട്‌ അവർ എല്ലാവ​രും എഴു​ന്നേ​റ്റു​നിന്ന്‌ കാൽ ദിവസം* തങ്ങളുടെ ദൈവ​മായ യഹോ​വ​യു​ടെ നിയമ​പു​സ്‌ത​ക​ത്തിൽനിന്ന്‌ ഉറക്കെ വായിക്കുകയും+ കാൽ ദിവസം കുറ്റങ്ങൾ ഏറ്റുപ​റഞ്ഞ്‌ തങ്ങളുടെ ദൈവ​മായ യഹോ​വ​യു​ടെ സന്നിധി​യിൽ കുമ്പി​ടു​ക​യും ചെയ്‌തു.

4 യേശുവ, ബാനി, കദ്‌മി​യേൽ, ശെബന്യ, ബുന്നി, ശേരെബ്യ,+ ബാനി, കെനാനി എന്നിവർ ലേവ്യ​രു​ടെ വേദിയിൽ+ കയറി​നിന്ന്‌ തങ്ങളുടെ ദൈവ​മായ യഹോ​വയോട്‌ ഉറക്കെ വിളി​ച്ചപേ​ക്ഷി​ച്ചു. 5 ലേവ്യരായ യേശുവ, കദ്‌മി​യേൽ, ബാനി, ഹശബ്‌നെയ, ശേരെബ്യ, ഹോദിയ, ശെബന്യ, പെതഹ്യ എന്നിവർ പറഞ്ഞു: “എഴു​ന്നേ​റ്റു​നിന്ന്‌ നിങ്ങളു​ടെ ദൈവ​മായ യഹോ​വയെ നിത്യതയിലുടനീളം* സ്‌തു​തി​ക്കുക.+ എത്ര പുകഴ്‌ത്തി​യാ​ലും സ്‌തു​തി​ച്ചാ​ലും പോരാ​ത്തത്ര മഹനീ​യ​മായ അങ്ങയുടെ പേര്‌ അവർ സ്‌തു​തി​ക്കട്ടെ.

6 “അങ്ങ്‌ മാത്ര​മാണ്‌ യഹോവ.+ അങ്ങ്‌ സ്വർഗത്തെ​യും സ്വർഗാ​ധി​സ്വർഗത്തെ​യും അവയിലെ സൈന്യ​ങ്ങളെ​യും സൃഷ്ടിച്ചു; ഭൂമി​യും അതിലു​ള്ളതൊക്കെ​യും സമു​ദ്ര​ങ്ങ​ളും അവയി​ലു​ള്ളതൊക്കെ​യും അങ്ങ്‌ സൃഷ്ടിച്ചു; അങ്ങ്‌ അവയെ എല്ലാം സംരക്ഷി​ച്ച്‌ അവയുടെ ജീവൻ നിലനി​റു​ത്തു​ക​യും ചെയ്യുന്നു. സ്വർഗീ​യ​സൈ​ന്യം അങ്ങയുടെ മുന്നിൽ കുമ്പി​ടു​ന്നു. 7 അബ്രാമിനെ+ തിര​ഞ്ഞെ​ടുത്ത്‌ കൽദയ​രു​ടെ ദേശമായ ഊരിൽനിന്ന്‌+ കൊണ്ടു​വന്ന്‌ അബ്രാ​ഹാം എന്ന പേര്‌ കൊടുത്ത+ സത്യദൈ​വ​മായ യഹോ​വ​യാണ്‌ അങ്ങ്‌. 8 അബ്രാഹാമിന്റെ ഹൃദയം അങ്ങയുടെ മുന്നിൽ വിശ്വസ്‌തമെന്നു+ കണ്ട്‌ കനാന്യർ, ഹിത്യർ, അമോ​ര്യർ, പെരി​സ്യർ, യബൂസ്യർ, ഗിർഗ​ശ്യർ എന്നിവ​രു​ടെ ദേശം അബ്രാ​ഹാ​മിന്‌, അബ്രാ​ഹാ​മി​ന്റെ സന്തതിക്ക്‌,* കൊടു​ക്കുമെന്ന്‌ അങ്ങ്‌ അബ്രാ​ഹാ​മു​മാ​യി ഒരു ഉടമ്പടി ചെയ്‌തു;+ അങ്ങ്‌ നീതി​മാ​നാ​യ​തുകൊണ്ട്‌ വാക്കു പാലി​ക്കു​ക​യും ചെയ്‌തു.

9 “ഈജി​പ്‌തിൽ ഞങ്ങളുടെ പൂർവി​കർ അനുഭ​വിച്ച ക്ലേശങ്ങൾ അങ്ങ്‌ കണ്ടു;+ ചെങ്കട​ലിന്‌ അടുത്തു​വെച്ച്‌ അവർ നിലവി​ളി​ച്ചത്‌ അങ്ങ്‌ കേട്ടു. 10 ഈജിപ്‌തുകാർ അവരോ​ടു ധാർഷ്ട്യത്തോടെ​യാ​ണു പെരുമാറിയതെന്ന്‌+ അങ്ങ്‌ അറിഞ്ഞു. അതു​കൊണ്ട്‌, അങ്ങ്‌ ഫറവോ​നും അയാളു​ടെ എല്ലാ ഭൃത്യ​ന്മാർക്കും ആ ദേശത്തെ ജനത്തി​നും എതിരെ അടയാ​ള​ങ്ങ​ളും അത്ഭുത​ങ്ങ​ളും പ്രവർത്തി​ച്ചു.+ അങ്ങനെ, അങ്ങ്‌ ഒരു പേര്‌ നേടി; അത്‌ ഇന്നുവരെ നിലനിൽക്കു​ന്നു.+ 11 അങ്ങ്‌ അവരുടെ മുന്നിൽ കടൽ വിഭജി​ച്ചു; ആ ഉണങ്ങിയ നിലത്തു​കൂ​ടെ അവർ അക്കരെ കടന്നു.+ ഇളകി​മ​റി​യുന്ന വെള്ളത്തി​ലേക്ക്‌ ഒരു കല്ല്‌ എറിഞ്ഞു​ക​ള​യു​ന്ന​തുപോ​ലെ, അവരെ പിന്തു​ടർന്ന​വരെ അങ്ങ്‌ ആഴങ്ങളി​ലേക്ക്‌ എറിഞ്ഞു​ക​ളഞ്ഞു.+ 12 പകൽസമയത്ത്‌ മേഘസ്‌തം​ഭ​വും രാത്രി​യിൽ അഗ്നിസ്‌തം​ഭ​ത്തി​ന്റെ പ്രകാ​ശ​വും കൊണ്ട്‌ അങ്ങ്‌ അവരെ വഴിന​ടത്തി.+ 13 അങ്ങ്‌ സീനായ്‌ പർവത​ത്തിൽ ഇറങ്ങി​വന്നു;+ സ്വർഗ​ത്തിൽനിന്ന്‌ അവരോ​ടു സംസാരിച്ച്‌+ അവർക്കു നീതി​യുള്ള ന്യായ​ത്തീർപ്പു​ക​ളും സത്യനിയമങ്ങളും* നല്ല ചട്ടങ്ങളും കല്‌പ​ന​ക​ളും കൊടു​ത്തു.+ 14 അങ്ങയുടെ ദാസനായ മോശ​യി​ലൂ​ടെ അങ്ങ്‌ വിശുദ്ധശബത്തിനെക്കുറിച്ച്‌+ അവരെ അറിയി​ക്കു​ക​യും അങ്ങയുടെ കല്‌പ​ന​ക​ളും ചട്ടങ്ങളും നിയമ​വും കൊടു​ക്കു​ക​യും ചെയ്‌തു. 15 അവർക്കു വിശന്ന​പ്പോൾ അങ്ങ്‌ ആകാശ​ത്തു​നിന്ന്‌ അപ്പം കൊടു​ത്തു;+ ദാഹി​ച്ചപ്പോൾ പാറയിൽനി​ന്ന്‌ വെള്ളം പുറ​പ്പെ​ടു​വി​ച്ചു.+ അങ്ങ്‌ അവർക്കു കൊടു​ക്കുമെന്നു സത്യം ചെയ്‌തിരുന്ന* ദേശ​ത്തേക്കു ചെന്ന്‌ അതു കൈവ​ശ​മാ​ക്കാൻ അവരോ​ടു പറഞ്ഞു.

16 “പക്ഷേ ഞങ്ങളുടെ പൂർവി​കർ ധാർഷ്ട്യം കാണിച്ചു.+ അവർ ദുശ്ശാ​ഠ്യ​ക്കാ​രാ​യി.*+ അവർ അങ്ങയുടെ കല്‌പ​നകൾ അനുസ​രി​ക്കാ​തി​രു​ന്നു. 17 അനുസരണംകെട്ടവരായ അവർ അവരുടെ ഇടയിൽ അങ്ങ്‌ കാണിച്ച അതിശ​യ​ക​ര​മായ കാര്യങ്ങൾ ഓർത്തില്ല.+ ദുശ്ശാ​ഠ്യം കാണിച്ച അവർ ഈജി​പ്‌തി​ലെ അടിമ​ത്ത​ത്തിലേക്കു മടങ്ങിപ്പോ​കാൻ ഒരു തലവനെ നിയമി​ച്ചു.+ പക്ഷേ, അങ്ങ്‌ ക്ഷമിക്കാൻ മനസ്സുള്ള, അനുക​മ്പ​യുള്ള,* കരുണാ​മ​യ​നായ, പെട്ടെന്നു കോപി​ക്കാത്ത, ഏറെ അചഞ്ചല​സ്‌നേഹം കാണി​ക്കുന്ന ഒരു ദൈവ​മാണ്‌.+ അതു​കൊണ്ട്‌, അങ്ങ്‌ അവരെ ഉപേക്ഷി​ച്ചു​ക​ള​ഞ്ഞില്ല.+ 18 അവർ തങ്ങൾക്കു​വേണ്ടി ഒരു കാളക്കു​ട്ടി​യു​ടെ ലോഹപ്രതിമ* ഉണ്ടാക്കി, ‘ഇസ്രാ​യേലേ, നിങ്ങളെ ഈജി​പ്‌തിൽനിന്ന്‌ നയിച്ചുകൊ​ണ്ടു​വന്ന നിങ്ങളു​ടെ ദൈവം ഇതാണ്‌’+ എന്നു പറയു​ക​യും അവരുടെ പ്രവൃ​ത്തി​ക​ളാൽ കടുത്ത അനാദ​രവ്‌ കാണി​ക്കു​ക​യും ചെയ്‌തു. 19 എന്നിട്ടും, മഹാകാ​രു​ണ്യ​വാ​നാ​യ​തുകൊണ്ട്‌ അങ്ങ്‌ അവരെ വിജനഭൂമിയിൽ* ഉപേക്ഷി​ച്ചില്ല.+ പകൽസ​മ​യത്ത്‌ അവരെ നയിച്ച മേഘസ്‌തം​ഭ​വും രാത്രി​യിൽ പ്രകാശം ചൊരി​ഞ്ഞ്‌ അവരെ വഴിന​ട​ത്തിയ അഗ്നിസ്‌തം​ഭ​വും അവരെ വിട്ടു​മാ​റി​യില്ല.+ 20 ഉൾക്കാഴ്‌ചയുണ്ടാകാൻ അങ്ങയുടെ നല്ല ആത്മാവി​നെ അവർക്കു കൊടു​ത്തു.+ അവർക്കു മന്ന കൊടു​ക്കു​ന്നതു നിറു​ത്തി​ക്ക​ള​ഞ്ഞില്ല.+ ദാഹി​ച്ചപ്പോൾ അങ്ങ്‌ അവർക്കു വെള്ളം കൊടു​ത്തു.+ 21 അവർക്ക്‌ 40 വർഷം വിജന​ഭൂ​മി​യിൽ ഭക്ഷണം കൊടു​ത്തു.+ അവർക്ക്‌ ഒന്നിനും ഒരു കുറവു​മി​ല്ലാ​യി​രു​ന്നു. അവരുടെ വസ്‌ത്രങ്ങൾ പഴകിപ്പോ​യില്ല.+ അവരുടെ കാലുകൾ നീരു​വെച്ച്‌ വീങ്ങി​യ​തു​മില്ല.

22 “അങ്ങ്‌ അവർക്കു രാജ്യ​ങ്ങളെ​യും ജനതകളെ​യും വിഭാ​ഗിച്ച്‌ കൊടു​ത്തു.+ അങ്ങനെ, അവർ ഹെശ്‌ബോൻരാജാവായ+ സീഹോന്റെ+ ദേശവും ബാശാൻരാ​ജാ​വായ ഓഗിന്റെ+ ദേശവും കൈവ​ശ​മാ​ക്കി. 23 അങ്ങ്‌ അവരുടെ മക്കളെ ആകാശ​ത്തി​ലെ നക്ഷത്ര​ങ്ങൾപോ​ലെ വർധി​പ്പി​ച്ചു.+ അവർ കൈവ​ശ​മാ​ക്കുമെന്ന്‌ അവരുടെ പൂർവി​കരോട്‌ അങ്ങ്‌ വാഗ്‌ദാ​നം ചെയ്‌ത ദേശ​ത്തേക്ക്‌ അവരെ കൊണ്ടു​വ​രു​ക​യും ചെയ്‌തു.+ 24 അങ്ങനെ, അവരുടെ മക്കൾ ചെന്ന്‌ ആ ദേശം കൈവ​ശ​മാ​ക്കി.+ അവിടെ താമസി​ച്ചി​രുന്ന കനാന്യ​രെ അങ്ങ്‌ അവർക്കു കീഴ്‌പെ​ടു​ത്തിക്കൊ​ടു​ത്തു.+ അവരുടെ രാജാ​ക്ക​ന്മാരെ​യും ആ ദേശത്തെ ജനതകളെ​യും അങ്ങ്‌ അവരുടെ കൈയിൽ ഏൽപ്പിച്ചു; അവർക്ക്‌ അവരോ​ട്‌ എന്തും ചെയ്യാ​മാ​യി​രു​ന്നു. 25 ഫലഭൂയിഷ്‌ഠമായ* ആ ദേശവും+ കോട്ട​മ​തി​ലുള്ള നഗരങ്ങ​ളും അവർ പിടിച്ചെ​ടു​ത്തു.+ എല്ലാ തരം വിശി​ഷ്ട​വ​സ്‌തു​ക്ക​ളും നിറഞ്ഞ വീടുകൾ, ജലസം​ഭ​ര​ണി​കൾ,* മുന്തി​രിത്തോ​ട്ടങ്ങൾ, ഒലിവുതോ​ട്ടങ്ങൾ,+ ധാരാളം ഫലവൃ​ക്ഷങ്ങൾ എന്നിവയെ​ല്ലാം അവർ കൈവ​ശ​മാ​ക്കി. അവർ തിന്ന്‌ തൃപ്‌ത​രാ​യി തടിച്ച്‌ കൊഴു​ത്തു. അങ്ങയുടെ മഹാനന്മ വേണ്ടുവോ​ളം ആസ്വദി​ച്ച്‌ അവർ ജീവിച്ചു.

26 “പക്ഷേ, അനുസ​ര​ണംകെ​ട്ട​വ​രാ​യി​ത്തീർന്ന അവർ അങ്ങയെ ധിക്കരിച്ച്‌+ അങ്ങയുടെ നിയമ​ത്തി​നു പുറം​തി​രി​ഞ്ഞു.* അങ്ങയുടെ പ്രവാ​ച​ക​ന്മാർ ആവശ്യ​മായ മുന്നറി​യി​പ്പു കൊടു​ത്ത്‌ അവരെ അങ്ങയുടെ അടു​ത്തേക്കു മടക്കിക്കൊ​ണ്ടു​വ​രാൻ ശ്രമി​ച്ചപ്പോൾ അവർ അവരെ കൊന്നു​ക​ളഞ്ഞു. അവർ തങ്ങളുടെ പ്രവൃ​ത്തി​ക​ളാൽ കടുത്ത അനാദ​രവ്‌ കാണി​ക്കു​ക​യും ചെയ്‌തു.+ 27 ഇതു കാരണം അങ്ങ്‌ അവരെ അവരുടെ എതിരാ​ളി​ക​ളു​ടെ കൈയിൽ ഏൽപ്പിച്ചു;+ അവരോ അവരെ കഷ്ടപ്പെ​ടു​ത്തിക്കൊ​ണ്ടി​രു​ന്നു.+ പക്ഷേ, അവർ തങ്ങളുടെ കഷ്ടതയിൽ അങ്ങയെ വിളി​ച്ചപേ​ക്ഷി​ച്ചപ്പോഴെ​ല്ലാം തന്റെ മഹാക​രു​ണകൊണ്ട്‌ സ്വർഗ​ത്തിൽനിന്ന്‌ അതു കേട്ട്‌ എതിരാ​ളി​ക​ളു​ടെ കൈയിൽനി​ന്ന്‌ അവരെ വിടു​വി​ക്കാൻ രക്ഷകന്മാ​രെ കൊടു​ത്തു.+

28 “പക്ഷേ, അവർക്കു സ്വസ്ഥത കിട്ടി​യാൽ ഉടൻ അവർ വീണ്ടും അങ്ങയുടെ മുന്നിൽവെച്ച്‌ തിന്മ പ്രവർത്തി​ക്കു​മാ​യി​രു​ന്നു.+ അപ്പോൾ, അങ്ങ്‌ അവരെ ഉപേക്ഷി​ച്ച്‌ ശത്രു​ക്ക​ളു​ടെ കൈയിൽ ഏൽപ്പി​ക്കു​ക​യും അവർ അവരുടെ മേൽ ആധിപ​ത്യം നടത്തു​ക​യും ചെയ്യും.*+ ആ സമയത്ത്‌, അവർ തിരിഞ്ഞ്‌ സഹായ​ത്തി​നാ​യി അങ്ങയെ വിളി​ച്ചപേ​ക്ഷി​ക്കും.+ അങ്ങ്‌ മഹാകാ​രു​ണ്യ​വാ​നാ​യ​തുകൊണ്ട്‌ അതു സ്വർഗ​ത്തിൽനിന്ന്‌ കേട്ട്‌ അവരെ രക്ഷിക്കും; പല തവണ അങ്ങ്‌ ഇങ്ങനെ ചെയ്‌തു.+ 29 അങ്ങയുടെ നിയമ​ത്തിലേക്കു തിരികെ കൊണ്ടു​വ​രാൻ അവർക്കു മുന്നറി​യി​പ്പു കൊടു​ക്കുമ്പോ​ഴും അവർ ധാർഷ്ട്യത്തോ​ടെ അങ്ങയുടെ കല്‌പ​ന​കൾക്കു ചെവി കൊടു​ക്കാൻ വിസമ്മ​തി​ച്ചു.+ അനുസ​രി​ക്കു​ന്ന​വരെ ജീവ​നോ​ടി​രി​ക്കാൻ സഹായി​ക്കുന്ന ദിവ്യചട്ടങ്ങൾ+ ലംഘിച്ച്‌ അവർ പാപം ചെയ്‌തു; ദുശ്ശാ​ഠ്യത്തോ​ടെ പുറം​തി​രിഞ്ഞ്‌ മർക്കട​മു​ഷ്ടി കാണിച്ചു; അനുസ​രി​ക്കാൻ കൂട്ടാ​ക്കി​യില്ല. 30 വർഷങ്ങളോളം അങ്ങ്‌ അവരോ​ടു ക്ഷമിക്കുകയും+ അങ്ങയുടെ ആത്മാവി​നാൽ പ്രവാ​ച​ക​ന്മാ​രി​ലൂ​ടെ വീണ്ടും​വീ​ണ്ടും മുന്നറി​യി​പ്പു കൊടു​ക്കു​ക​യും ചെയ്‌തു. പക്ഷേ, അവർ കേൾക്കാൻ കൂട്ടാ​ക്കി​യില്ല. ഒടുവിൽ, അങ്ങ്‌ അവരെ ചുറ്റു​മുള്ള ദേശങ്ങ​ളി​ലെ ജനതക​ളു​ടെ കൈയിൽ ഏൽപ്പിച്ചു.+ 31 പക്ഷേ, അങ്ങ്‌ മഹാകാ​രു​ണ്യ​വാ​നാ​യ​തുകൊണ്ട്‌ അവരെ നിശ്ശേഷം ഇല്ലാതാക്കുകയോ+ ഉപേക്ഷി​ക്കു​ക​യോ ചെയ്‌തില്ല. കാരണം, അങ്ങ്‌ അനുക​മ്പ​യും കരുണ​യും ഉള്ള ദൈവ​മാ​ണ​ല്ലോ.+

32 “ഞങ്ങളുടെ ദൈവമേ, മഹാനും ശക്തനും ഭയാദ​രവ്‌ ഉണർത്തു​ന്ന​വ​നും ആയ ഞങ്ങളുടെ ദൈവമേ, തന്റെ ഉടമ്പടി പാലി​ക്കു​ക​യും അചഞ്ചല​മായ സ്‌നേഹം കാണി​ക്കു​ക​യും ചെയ്‌ത ദൈവമേ,+ അസീറിയയിലെ+ രാജാ​ക്ക​ന്മാ​രു​ടെ കാലം​മു​തൽ ഇന്നോളം ഞങ്ങൾക്കും ഞങ്ങളുടെ രാജാ​ക്ക​ന്മാർക്കും പ്രഭുക്കന്മാർക്കും+ പുരോഹിതന്മാർക്കും+ പ്രവാചകന്മാർക്കും+ പൂർവി​കർക്കും അങ്ങയുടെ സർവജ​ന​ത്തി​നും നേരി​ട്ടി​രി​ക്കുന്ന കഷ്ടതകളൊ​ന്നും അങ്ങ്‌ നിസ്സാ​ര​മാ​യി കാണരു​തേ! 33 അങ്ങ്‌ വിശ്വ​സ്‌ത​തയോ​ടെ പ്രവർത്തി​ച്ച​തുകൊണ്ട്‌ ഞങ്ങൾ അനുഭ​വിച്ച കാര്യ​ങ്ങളോ​ടുള്ള ബന്ധത്തിൽ അങ്ങ്‌ നീതി​മാ​നാണ്‌; വാസ്‌ത​വ​ത്തിൽ, ദുഷ്ടത പ്രവർത്തി​ച്ചതു ഞങ്ങളാണ്‌.+ 34 ഞങ്ങളുടെ രാജാ​ക്ക​ന്മാ​രും പ്രഭു​ക്ക​ന്മാ​രും പുരോ​ഹി​ത​ന്മാ​രും പൂർവി​ക​രും അങ്ങയുടെ നിയമം പാലി​ക്കു​ക​യോ മുന്നറി​യി​പ്പാ​യി ഓർമി​പ്പിച്ച കാര്യ​ങ്ങൾക്കും കല്‌പ​ന​കൾക്കും ചെവി കൊടു​ക്കു​ക​യോ ചെയ്‌തി​ട്ടില്ല. 35 അങ്ങ്‌ അവർക്കു കൊടുത്ത വിശാ​ല​വും ഫലഭൂ​യി​ഷ്‌ഠ​വും ആയ രാജ്യത്ത്‌ അങ്ങ്‌ സമൃദ്ധ​മാ​യി വർഷിച്ച നന്മ ആസ്വദി​ച്ച്‌ ജീവിച്ച കാലത്തുപോ​ലും അവർ അങ്ങയെ സേവിക്കുകയോ+ തങ്ങളുടെ മോശ​മായ പ്രവൃ​ത്തി​ക​ളിൽനിന്ന്‌ പിന്തി​രി​യു​ക​യോ ചെയ്‌തില്ല. 36 അതുകൊണ്ട്‌ ഇതാ, ഞങ്ങൾ ഇന്ന്‌ അടിമ​ക​ളാ​യി കഴിയു​ക​യാണ്‌.+ ദേശത്തെ വിളവും നല്ല വസ്‌തു​ക്ക​ളും ആസ്വദി​ച്ച്‌ ജീവി​ക്കാൻവേണ്ടി അങ്ങ്‌ ഞങ്ങളുടെ പൂർവി​കർക്കു കൊടുത്ത ദേശത്ത്‌ ഞങ്ങൾ ഇപ്പോൾ അടിമ​ക​ളാ​യി കഴിയു​ന്നു. 37 ഞങ്ങളുടെ പാപങ്ങൾ കാരണം, ആ ദേശത്തെ സമൃദ്ധ​മായ വിളവ്‌ ഇപ്പോൾ അനുഭ​വി​ക്കു​ന്നത്‌ അങ്ങ്‌ ഞങ്ങളുടെ മേൽ ആക്കിവെച്ച രാജാ​ക്ക​ന്മാ​രാണ്‌.+ ഞങ്ങളെ​യും ഞങ്ങളുടെ മൃഗങ്ങളെ​യും അവർ തോന്നി​യ​തുപോ​ലെ ഭരിക്കു​ന്നു. ഞങ്ങൾ ഇപ്പോൾ വലിയ കഷ്ടത്തി​ലാണ്‌.

38 “ഇക്കാര​ണ​ങ്ങ​ളാലെ​ല്ലാം ഞങ്ങൾ ഒരു കരാർ എഴുതി​യു​ണ്ടാ​ക്കു​ന്നു.+ അത്‌ അനുസ​രി​ക്കാൻ ഞങ്ങൾ ബാധ്യ​സ്ഥ​രാണ്‌. ഞങ്ങളുടെ പ്രഭു​ക്ക​ന്മാ​രും ലേവ്യ​രും പുരോ​ഹി​ത​ന്മാ​രും അതിൽ മുദ്ര​വെച്ച്‌ സാക്ഷ്യപ്പെ​ടു​ത്തു​ന്നു.”+

10 അതിൽ മുദ്ര​വെച്ച്‌ സാക്ഷ്യപ്പെടുത്തിയവർ+ ഇവരാണ്‌:

9 ലേവ്യർ: അസന്യ​യു​ടെ മകനായ യേശുവ, ഹെനാ​ദാ​ദി​ന്റെ പുത്ര​ന്മാ​രിൽ ബിന്നൂവി, കദ്‌മി​യേൽ,+ 10 അവരുടെ സഹോ​ദ​ര​ന്മാ​രായ ശെബന്യ, ഹോദിയ, കെലീത, പെലായ, ഹാനാൻ, 11 മീക്ക, രഹോബ്‌, ഹശബ്യ, 12 സക്കൂർ, ശേരെബ്യ,+ ശെബന്യ, 13 ഹോദിയ, ബാനി, ബനീനു.

14 ജനത്തിന്റെ തലവന്മാർ: പരോശ്‌, പഹത്‌-മോവാ​ബ്‌,+ ഏലാം, സത്ഥു, ബാനി, 15 ബുന്നി, അസ്‌ഗാ​ദ്‌, ബേബായി, 16 അദോനിയ, ബിഗ്വാ​യി, ആദീൻ, 17 ആതേർ, ഹിസ്‌കിയ, അസ്സൂർ, 18 ഹോദിയ, ഹാശൂം, ബസായി, 19 ഹാരീഫ്‌, അനാ​ഥോത്ത്‌, നേബായി, 20 മഗ്‌പീയാശ്‌, മെശു​ല്ലാം, ഹേസീർ, 21 മെശേസബേൽ, സാദോ​ക്ക്‌, യദ്ദൂവ, 22 പെലത്യ, ഹാനാൻ, അനായ, 23 ഹോശയ, ഹനന്യ, ഹശ്ശൂബ്‌, 24 ഹല്ലോഹേശ്‌, പിൽഹ, ശോ​ബേക്ക്‌, 25 രഹൂം, ഹശബ്‌ന, മയസേയ, 26 അഹീയ, ഹാനാൻ, ആനാൻ, 27 മല്ലൂക്ക്‌, ഹാരീം, ബാനെ.

28 ബാക്കിയുള്ള ജനം, അതായത്‌ പുരോ​ഹി​ത​ന്മാ​രും ലേവ്യ​രും കവാട​ത്തി​ന്റെ കാവൽക്കാ​രും ഗായക​രും ദേവാലയസേവകരും* ദേശത്തെ ജനതക​ളിൽനിന്ന്‌ തങ്ങളെ​ത്തന്നെ വേർതി​രിച്ച്‌ സത്യദൈ​വ​ത്തി​ന്റെ നിയമം അനുസ​രി​ക്കുന്ന എല്ലാവരും+ അവരുടെ ഭാര്യ​മാ​രും മക്കളും, അങ്ങനെ, അറിവും വകതി​രി​വും ഉള്ള എല്ലാവ​രും,* 29 അവരുടെ സഹോ​ദ​ര​ന്മാ​രായ പ്രമു​ഖരോ​ടു ചേർന്ന്‌ സത്യദൈ​വ​ത്തി​ന്റെ ദാസനായ മോശ​യി​ലൂ​ടെ കൊടുത്ത ദൈവ​ത്തി​ന്റെ നിയമം അനുസ​രി​ച്ചുകൊ​ള്ളാമെ​ന്നും നമ്മുടെ കർത്താ​വായ യഹോ​വ​യു​ടെ എല്ലാ കല്‌പ​ന​ക​ളും ന്യായ​ത്തീർപ്പു​ക​ളും ചട്ടങ്ങളും കൃത്യ​മാ​യി പാലി​ച്ചുകൊ​ള്ളാമെ​ന്നും, അങ്ങനെ ചെയ്യാ​ത്ത​പക്ഷം ശാപം ഏറ്റു​കൊ​ള്ളാമെ​ന്നും ആണയിട്ടു. 30 ഞങ്ങൾ ഞങ്ങളുടെ പെൺമ​ക്കളെ ദേശത്തെ ജനതകൾക്കു കൊടു​ക്കു​ക​യോ അവരുടെ പെൺമ​ക്കളെ ഞങ്ങളുടെ ആൺമക്കൾക്കു​വേണ്ടി എടുക്കു​ക​യോ ചെയ്യില്ല.+

31 ശബത്തിലോ+ വിശുദ്ധദിവസത്തിലോ+ ദേശത്തെ ജനതകൾ ചരക്കു​ക​ളോ ഏതെങ്കി​ലും തരം ധാന്യ​മോ വിൽക്കാൻ കൊണ്ടു​വ​ന്നാൽ, ഞങ്ങൾ അവരിൽനി​ന്ന്‌ ഒന്നും വാങ്ങില്ല. ഏഴാം വർഷം+ ഞങ്ങൾ വിള​വെ​ടു​ക്കു​ക​യോ കിട്ടാ​നുള്ള കടം തിരികെ വാങ്ങു​ക​യോ ചെയ്യില്ല.+

32 കൂടാതെ, നമ്മുടെ ദൈവ​ത്തി​ന്റെ ഭവനത്തിലെ* ശുശ്രൂ​ഷ​യ്‌ക്കുവേണ്ടി ഞങ്ങൾ ഓരോ​രു​ത്ത​രും വർഷംതോ​റും ഒരു ശേക്കെലിന്റെ* മൂന്നിലൊ​ന്നു വീതം കൊടു​ക്കാം എന്നു പ്രതിജ്ഞ ചെയ്‌തു.+ 33 ശബത്തിലെയും+ അമാവാസിയിലെയും+ കാഴ്‌ച​യപ്പം,*+ പതിവ്‌ ധാന്യ​യാ​ഗം,+ പതിവ്‌ ദഹനയാ​ഗം എന്നിവ​യ്‌ക്കും ഉത്സവങ്ങൾ,+ വിശു​ദ്ധ​വ​സ്‌തു​ക്കൾ, ഇസ്രായേ​ലി​നു പാപപ​രി​ഹാ​രം വരുത്താ​നുള്ള പാപയാ​ഗങ്ങൾ,+ നമ്മുടെ ദൈവ​ത്തി​ന്റെ ഭവനത്തി​ലെ മറ്റു ജോലി​കൾ എന്നിവ​യ്‌ക്കും വേണ്ടി​യാ​യി​രു​ന്നു ഇത്‌.

34 മാത്രമല്ല, നിയമ​ത്തിൽ എഴുതി​യി​രി​ക്കു​ന്ന​തുപോ​ലെ നമ്മുടെ ദൈവ​മായ യഹോ​വ​യു​ടെ യാഗപീ​ഠ​ത്തിൽ കത്തിക്കാ​നുള്ള വിറകു+ പുരോ​ഹി​ത​ന്മാ​രും ലേവ്യ​രും ജനങ്ങളും പിതൃ​ഭ​വ​നക്ര​മ​ത്തിൽ വർഷാ​വർഷം എപ്പോൾ കൊണ്ടു​വ​രുമെന്നു ഞങ്ങൾ നറുക്കി​ട്ട്‌ തീരു​മാ​നി​ക്കു​ക​യും ചെയ്‌തു. 35 ഞങ്ങളുടെ നിലങ്ങ​ളി​ലെ ആദ്യവി​ള​യും എല്ലാ തരം ഫലവൃ​ക്ഷ​ങ്ങ​ളുടെ​യും ആദ്യഫ​ല​വും വർഷംതോ​റും യഹോ​വ​യു​ടെ ഭവനത്തിൽ കൊണ്ടു​വ​രും.+ 36 കൂടാതെ, നിയമ​ത്തിൽ എഴുതി​യി​രി​ക്കു​ന്ന​തുപോ​ലെ ഞങ്ങളുടെ പുത്ര​ന്മാ​രുടെ​യും മൃഗങ്ങ​ളുടെ​യും കടിഞ്ഞൂ​ലു​കളെ​യും കൊണ്ടു​വ​രും.+ കന്നുകാ​ലി​ക​ളുടെ​യും ആടുക​ളുടെ​യും കടിഞ്ഞൂ​ലു​കളെ​യും കൊടു​ക്കും. ഞങ്ങൾ അവയെ ഞങ്ങളുടെ ദൈവ​ത്തി​ന്റെ ഭവനത്തിൽ, അവിടെ ശുശ്രൂഷ ചെയ്യുന്ന പുരോ​ഹി​ത​ന്മാ​രു​ടെ അടുത്ത്‌, കൊണ്ടു​വ​രും.+ 37 ഞങ്ങളുടെ ആദ്യഫ​ല​മായ തരിമാ​വ്‌,+ സംഭാ​വ​നകൾ, എല്ലാ തരം മരങ്ങളുടെ​യും പഴങ്ങൾ,+ പുതു​വീഞ്ഞ്‌, എണ്ണ+ എന്നിവ കൊണ്ടു​വന്ന്‌ ഞങ്ങളുടെ ദൈവ​ത്തി​ന്റെ ഭവനത്തി​ലെ സംഭരണമുറികളിൽ*+ പുരോ​ഹി​ത​ന്മാ​രെ ഏൽപ്പി​ക്കും. ഒപ്പം, നിലങ്ങ​ളിൽനി​ന്നുള്ള വിളവി​ന്റെ പത്തിലൊന്നു* ലേവ്യർക്കും കൊടു​ക്കും;+ ഞങ്ങളുടെ കാർഷി​ക​ന​ഗ​ര​ങ്ങ​ളി​ലെ വിളവി​ന്റെ പത്തി​ലൊന്ന്‌ അവർക്കു​ള്ള​താ​ണ​ല്ലോ.

38 ഈ പത്തി​ലൊ​ന്നു ലേവ്യർ സ്വീക​രി​ക്കുമ്പോൾ അഹരോ​ന്റെ മകനായ പുരോ​ഹി​തൻ അവരോടൊ​പ്പ​മു​ണ്ടാ​യി​രി​ക്കണം. ഈ പത്തി​ലൊ​ന്നി​ന്റെ പത്തി​ലൊ​ന്നു ലേവ്യർ നമ്മുടെ ദൈവ​ത്തി​ന്റെ ഭവനത്തിൽ, സംഭര​ണ​ശാ​ല​യി​ലെ മുറി​ക​ളിൽ, കൊടു​ക്കണം.+ 39 ഇസ്രായേല്യരും ലേവ്യ​പുത്ര​ന്മാ​രും ധാന്യ​വും പുതു​വീ​ഞ്ഞും എണ്ണയും+ സംഭാ​വ​ന​യാ​യി കൊണ്ടുവരേണ്ടത്‌+ ഈ സംഭര​ണ​മു​റി​ക​ളിലേ​ക്കാണ്‌. വിശു​ദ്ധ​മ​ന്ദി​ര​ത്തി​ലെ പാത്രങ്ങൾ സൂക്ഷി​ച്ചി​രി​ക്കു​ന്ന​തും ശുശ്രൂഷ ചെയ്യുന്ന പുരോ​ഹി​ത​ന്മാ​രും കവാട​ത്തി​ന്റെ കാവൽക്കാ​രും ഗായക​രും ഉള്ളതും അവി​ടെ​യാണ്‌. നമ്മുടെ ദൈവ​ത്തി​ന്റെ ആലയത്തെ ഞങ്ങൾ അവഗണി​ക്കില്ല.+

11 ജനത്തിന്റെ പ്രഭു​ക്ക​ന്മാർ യരുശലേ​മി​ലാ​ണു താമസി​ച്ചി​രു​ന്നത്‌.+ പക്ഷേ, ബാക്കി​യുള്ള ജനത്തിൽ പത്തിൽ ഒരാളെ വീതം വിശു​ദ്ധ​ന​ഗ​ര​മായ യരുശലേ​മിൽ താമസി​ക്കാൻ കൊണ്ടു​വ​രു​ന്ന​തി​നു ജനം നറുക്കി​ട്ടു.+ ബാക്കി ഒൻപതു പേർ മറ്റു നഗരങ്ങ​ളി​ലും താമസി​ച്ചു. 2 യരുശലേമിൽ താമസി​ക്കാൻ സ്വമന​സ്സാ​ലെ മുന്നോ​ട്ടു വന്ന എല്ലാവരെ​യും ജനം അനു​ഗ്ര​ഹി​ക്കു​ക​യും ചെയ്‌തു.

3 യരുശലേമിൽ താമസി​ച്ചി​രുന്ന സംസ്ഥാ​ന​ത്ത​ല​വ​ന്മാർ ഇവരാണ്‌. (ബാക്കി ഇസ്രായേ​ലും പുരോ​ഹി​ത​ന്മാ​രും ലേവ്യ​രും ദേവാലയസേവകരും*+ ശലോമോ​ന്റെ ദാസന്മാരുടെ+ പുത്ര​ന്മാ​രും മറ്റ്‌ യഹൂദാ​ന​ഗ​ര​ങ്ങ​ളി​ലാ​ണു താമസി​ച്ചി​രു​ന്നത്‌. ഓരോ​രു​ത്ത​നും അവനവന്റെ നഗരത്തി​ലെ സ്വന്തം അവകാ​ശ​ത്തിൽ താമസി​ച്ചു.+

4 ചില യഹൂദ്യ​രും ബന്യാ​മീ​ന്യ​രും യരുശലേ​മിൽ താമസി​ച്ചി​രു​ന്നു.) യഹൂദ്യർ ഇവരാ​യി​രു​ന്നു: പേരെസിന്റെ+ മകനായ മഹല​ലേ​ലി​ന്റെ മകനായ ശെഫത്യ​യു​ടെ മകനായ അമര്യ​യു​ടെ മകനായ സെഖര്യ​യു​ടെ മകനായ ഉസ്സീയ​യു​ടെ മകൻ അഥായ, 5 ശേലാന്യന്റെ മകനായ സെഖര്യ​യു​ടെ മകനായ യൊയാ​രീ​ബി​ന്റെ മകനായ അദായ​യു​ടെ മകനായ ഹസായ​യു​ടെ മകനായ കൊൽഹോസെ​യു​ടെ മകനായ ബാരൂ​ക്കി​ന്റെ മകൻ മയസേയ. 6 യരുശലേമിൽ താമസി​ച്ചി​രുന്ന പേരെ​സി​ന്റെ പുത്ര​ന്മാർ ആകെ 468 പേർ; അവർ പ്രാപ്‌ത​രായ പുരു​ഷ​ന്മാ​രാ​യി​രു​ന്നു.

7 ബന്യാമീന്യർ ഇവരാ​യി​രു​ന്നു: എശയ്യയു​ടെ മകനായ ഇഥീ​യേ​ലി​ന്റെ മകനായ മയസേ​യ​യു​ടെ മകനായ കോലാ​യ​യു​ടെ മകനായ പെദാ​യ​യു​ടെ മകനായ യോ​വേ​ദി​ന്റെ മകനായ മെശു​ല്ലാ​മി​ന്റെ മകൻ സല്ലു;+ 8 അദ്ദേഹത്തെ കൂടാതെ ഗബ്ബായി, സല്ലായി എന്നിവ​രും ഉണ്ടായി​രു​ന്നു; ആകെ 928 പേർ. 9 സിക്രിയുടെ മകനായ യോ​വേ​ലാ​യി​രു​ന്നു അവരുടെ മേൽവി​ചാ​രകൻ. ഹസ്സെനൂ​വ​യു​ടെ മകൻ യഹൂദ​യാ​യി​രു​ന്നു നഗരത്തി​ന്റെ ചുമത​ല​ക്കാ​രിൽ രണ്ടാമൻ.

10 പുരോഹിതന്മാർ: യൊയാ​രീ​ബി​ന്റെ മകനായ യദയ, യാഖീൻ,+ 11 സത്യദൈവത്തിന്റെ ഭവനത്തിന്റെ* ഒരു നായക​നായ അഹീതൂബിന്റെ+ മകനായ മെരായോ​ത്തി​ന്റെ മകനായ സാദോ​ക്കി​ന്റെ മകനായ മെശു​ല്ലാ​മി​ന്റെ മകനായ ഹിൽക്കി​യ​യു​ടെ മകൻ സെരായ. 12 ഒപ്പം, ദൈവ​ഭ​വ​ന​ത്തി​ലെ പണികൾ ചെയ്‌ത അവരുടെ സഹോ​ദ​ര​ന്മാ​രു​മു​ണ്ടാ​യി​രു​ന്നു; ആകെ 822 പേർ. കൂടാതെ, മൽക്കീ​യ​യു​ടെ മകനായ പശ്‌ഹൂരിന്റെ+ മകനായ സെഖര്യ​യു​ടെ മകനായ അംസി​യു​ടെ മകനായ പെലല്യ​യു​ടെ മകനായ യരോ​ഹാ​മി​ന്റെ മകൻ അദായ​യും 13 സഹോദരന്മാരും; പിതൃ​ഭ​വ​ന​ത്ത​ല​വ​ന്മാ​രായ ഇവർ ആകെ 242 പേർ. കൂടാതെ, ഇമ്മേരി​ന്റെ മകനായ മെശില്ലേമോ​ത്തി​ന്റെ മകനായ അഹ്‌സാ​യി​യു​ടെ മകനായ അസരേ​ലി​ന്റെ മകൻ അമശെ​സാ​യി​യും 14 അദ്ദേഹത്തെപ്പോലെ വീരശൂ​ര​പ​രാക്ര​മി​ക​ളായ സഹോ​ദ​ര​ന്മാ​രും; ആകെ 128 പേർ. ഒരു പ്രമു​ഖ​കു​ടും​ബ​ത്തി​ലെ അംഗമായ സബ്ദീ​യേ​ലാ​യി​രു​ന്നു അവരുടെ മേൽവി​ചാ​രകൻ.

15 ലേവ്യർ: ബുന്നി​യു​ടെ മകനായ ഹശബ്യ​യു​ടെ മകനായ അസ്രി​ക്കാ​മി​ന്റെ മകനായ ഹശ്ശൂബി​ന്റെ മകൻ ശെമയ്യയും+ 16 ലേവ്യതലവന്മാരിൽ സത്യദൈ​വ​ത്തി​ന്റെ ഭവനത്തി​ന്റെ പുറത്തെ കാര്യാ​ദി​ക​ളു​ടെ ചുമതല വഹിച്ചി​രുന്ന ശബ്ബെത്തായിയും+ യോസാബാദും+ 17 ആസാഫിന്റെ+ മകനായ സബ്ദിയു​ടെ മകനായ മീഖയു​ടെ മകൻ മത്ഥന്യ​യും.+ ഇദ്ദേഹം പ്രാർഥ​ന​യു​ടെ സമയത്ത്‌ സ്‌തുതിഗീതങ്ങൾക്കു+ നേതൃ​ത്വം കൊടു​ത്തി​രുന്ന സംഗീ​ത​സം​ഘ​നാ​യ​ക​നാ​യി​രു​ന്നു. രണ്ടാം സ്ഥാനം വഹിച്ചി​രുന്ന ബക്‌ബു​ക്കിയ, യദൂഥൂന്റെ+ മകനായ ഗാലാ​ലി​ന്റെ മകനായ ശമ്മൂവ​യു​ടെ മകനായ അബ്ദ എന്നിവ​രും ഇക്കൂട്ട​ത്തിൽപ്പെ​ടും. 18 വിശുദ്ധനഗരത്തിലുണ്ടായിരുന്ന ലേവ്യർ ആകെ 284 പേർ.

19 കവാടത്തിന്റെ കാവൽക്കാർ: അക്കൂബും തൽമോനും+ അവരുടെ സഹോ​ദ​ര​ന്മാ​രും, ആകെ 172 പേർ.

20 ബാക്കി ഇസ്രായേ​ലും പുരോ​ഹി​ത​ന്മാ​രും ലേവ്യ​രും മറ്റ്‌ യഹൂദാ​ന​ഗ​ര​ങ്ങ​ളി​ലാ​ണു താമസി​ച്ചി​രു​ന്നത്‌. ഓരോ​രു​ത്ത​നും തനിക്ക്‌ അവകാ​ശ​മാ​യി കിട്ടിയ സ്ഥലത്ത്‌ താമസി​ച്ചു. 21 ദേവാലയസേവകർ+ താമസി​ച്ചി​രു​ന്നത്‌ ഓഫേ​ലി​ലാണ്‌;+ സീഹയും ഗിശ്‌പ​യും അവരുടെ ചുമതല വഹിച്ചു.

22 ഉസ്സിയായിരുന്നു യരുശലേ​മി​ലുള്ള ലേവ്യ​രു​ടെ മേൽവി​ചാ​രകൻ. ഇദ്ദേഹം മീക്കയു​ടെ മകനായ മത്ഥന്യയുടെ+ മകനായ ഹശബ്യ​യു​ടെ മകനായ ബാനി​യു​ടെ മകനാ​യി​രു​ന്നു. ആസാഫി​ന്റെ പുത്ര​ന്മാ​രായ ഗായക​രിൽപ്പെട്ട അദ്ദേഹം സത്യദൈ​വ​ത്തി​ന്റെ ഭവനത്തി​ലെ പണിക്കു മേൽനോ​ട്ടം വഹിച്ചു. 23 അവരുടെ കാര്യ​ത്തിൽ ഒരു രാജക​ല്‌പ​ന​യു​ണ്ടാ​യി​രു​ന്നു;+ അതനു​സ​രിച്ച്‌, ഗായകർക്ക്‌ ഓരോ ദിവസത്തേ​ക്കും​വേണ്ട ഭക്ഷണസാ​ധ​നങ്ങൾ കൊടു​ക്കാ​നുള്ള ഏർപ്പാടു ചെയ്‌തി​രു​ന്നു. 24 യഹൂദയുടെ മകനായ സേരഹി​ന്റെ കുടും​ബ​ത്തിൽപ്പെട്ട മെശേ​സബേ​ലി​ന്റെ മകൻ പെതഹ്യ​യാ​യി​രു​ന്നു ജനത്തെ സംബന്ധിച്ച എല്ലാ കാര്യ​ങ്ങ​ളി​ലും രാജാ​വി​ന്റെ ഉപദേ​ഷ്ടാവ്‌.*

25 യഹൂദ്യരിൽ ചിലർ താമസ​മാ​ക്കിയ സ്ഥലങ്ങളുടെ​യും അവയുടെ നിലങ്ങ​ളുടെ​യും കാര്യം: അവർ കിര്യത്ത്‌-അർബയിലും+ അതിന്റെ ആശ്രിതപട്ടണങ്ങളിലും* ദീബോ​നി​ലും അതിന്റെ ആശ്രി​ത​പ​ട്ട​ണ​ങ്ങ​ളി​ലും യക്കബ്‌സയേലിലും+ അതിന്റെ ഗ്രാമ​ങ്ങ​ളി​ലും 26 യേശുവയിലും മോലാദയിലും+ ബേത്ത്‌-പേലെത്തിലും+ 27 ഹസർ-ശൂവാലിലും+ ബേർ-ശേബയി​ലും അതിന്റെ ആശ്രി​ത​പ​ട്ട​ണ​ങ്ങ​ളി​ലും 28 സിക്ലാഗിലും+ മെഖോ​ന​യി​ലും അതിന്റെ ആശ്രി​ത​പ​ട്ട​ണ​ങ്ങ​ളി​ലും 29 ഏൻ-രിമ്മോനിലും+ സൊരയിലും+ യർമൂ​ത്തി​ലും 30 സനോഹയിലും+ അദുല്ലാ​മി​ലും അവയുടെ ഗ്രാമ​ങ്ങ​ളി​ലും ലാഖീശിലും+ അതി​നോ​ടു ചേർന്ന നിലങ്ങ​ളി​ലും അസേക്കയിലും+ അതിന്റെ ആശ്രി​ത​പ​ട്ട​ണ​ങ്ങ​ളി​ലും താമസി​ച്ചു. അവർ ബേർ-ശേബ മുതൽ ഹിന്നോം താഴ്‌വര+ വരെയുള്ള സ്ഥലത്ത്‌ താമസ​മാ​ക്കി.*

31 ബന്യാമീന്യർ ഗേബയിലും+ മിക്‌മാ​ശി​ലും അയ്യയി​ലും ബഥേലിലും+ അതിന്റെ ആശ്രി​ത​പ​ട്ട​ണ​ങ്ങ​ളി​ലും 32 അനാഥോത്തിലും+ നോബിലും+ അനന്യ​യി​ലും 33 ഹാസോരിലും രാമയിലും+ ഗിഥയീ​മി​ലും 34 ഹാദീദിലും സെബോ​യീ​മി​ലും നെബല്ലാ​ത്തി​ലും 35 ലോദിലും ഓനൊയിലും+ ശില്‌പി​ക​ളു​ടെ താഴ്‌വ​ര​യി​ലും ആണ്‌ താമസി​ച്ചി​രു​ന്നത്‌. 36 യഹൂദയിൽനിന്നുള്ള ചില ലേവ്യ​ഗ​ണ​ങ്ങളെ ബന്യാ​മീ​ന്യ​രു​ടെ ദേശത്തും താമസി​പ്പി​ച്ചു.

12 ശെയൽതീയേലിന്റെ+ മകനായ സെരുബ്ബാബേലിന്റെയും+ യേശുവയുടെയും+ കൂടെ വന്ന പുരോ​ഹി​ത​ന്മാ​രും ലേവ്യ​രും ഇവരാണ്‌: സെരായ, യിരെമ്യ, എസ്ര, 2 അമര്യ, മല്ലൂക്ക്‌, ഹത്തൂശ്‌, 3 ശെഖന്യ, രഹൂം, മെരേ​മോ​ത്ത്‌, 4 ഇദ്ദൊ, ഗിന്നെഥോ​യി, അബീയ, 5 മീയാമിൻ, മയദ്യ, ബിൽഗ, 6 ശെമയ്യ, യൊയാ​രീബ്‌, യദയ, 7 സല്ലു, ആമോക്ക്‌, ഹിൽക്കിയ, യദയ. ഇവരാ​യി​രു​ന്നു യേശു​വ​യു​ടെ കാലത്ത്‌ പുരോ​ഹി​ത​ന്മാ​രുടെ​യും അവരുടെ സഹോ​ദ​ര​ന്മാ​രുടെ​യും തലവന്മാർ.

8 ലേവ്യർ: യേശുവ, ബിന്നൂവി, കദ്‌മി​യേൽ,+ ശേരെബ്യ, യഹൂദ എന്നിവ​രും നന്ദി അർപ്പി​ച്ചുകൊ​ണ്ടുള്ള ഗാനങ്ങൾക്കു നേതൃ​ത്വം കൊടുത്ത മത്ഥന്യയും+ സഹോ​ദ​ര​ന്മാ​രും. 9 അവരുടെ സഹോ​ദ​ര​ന്മാ​രായ ബക്‌ബു​ക്കി​യ​യും ഉന്നിയും കാവൽച്ചു​മതല നിർവഹിച്ചുകൊണ്ട്‌* അവരുടെ എതിർവ​ശത്ത്‌ നിന്നു. 10 യേശുവയ്‌ക്കു യോയാ​ക്കീ​മും യോയാ​ക്കീ​മിന്‌ എല്യാശീബും+ എല്യാ​ശീ​ബി​നു യോയാദയും+ ജനിച്ചു. 11 യോയാദയ്‌ക്കു യോനാ​ഥാ​നും യോനാ​ഥാന്‌ യദ്ദൂവ​യും ജനിച്ചു.

12 യോയാക്കീമിന്റെ കാലത്ത്‌ പിതൃ​ഭ​വ​ന​ങ്ങൾക്കു തലവന്മാ​രാ​യി​രുന്ന പുരോ​ഹി​ത​ന്മാർ: സെരായയ്‌ക്കു+ മെരായ; യിരെ​മ്യ​ക്കു ഹനന്യ; 13 എസ്രയ്‌ക്കു+ മെശു​ല്ലാം; അമര്യക്ക്‌ യഹോ​ഹാ​നാൻ; 14 മല്ലൂകിക്കു യോനാ​ഥാൻ; ശെബന്യ​ക്കു യോ​സേഫ്‌; 15 ഹാരീമിന്‌+ അദ്‌ന; മെരായോ​ത്തി​നു ഹെൽക്കാ​യി; 16 ഇദ്ദൊയ്‌ക്കു സെഖര്യ; ഗിന്നെഥോ​നു മെശു​ല്ലാം; 17 അബീയയ്‌ക്കു+ സിക്രി; മിന്യാ​മീ​നു...;* മോവ​ദ്യ​ക്കു പിൽതാ​യി; 18 ബിൽഗയ്‌ക്കു+ ശമ്മൂവ; ശെമയ്യ​യ്‌ക്ക്‌ യഹോ​നാ​ഥാൻ; 19 യൊയാരീബിനു മത്ഥെനാ​യി; യദയയ്‌ക്ക്‌+ ഉസ്സി; 20 സല്ലായിക്കു കല്ലായ്‌; ആമോ​ക്കിന്‌ ഏബെർ; 21 ഹിൽക്കിയയ്‌ക്കു ഹശബ്യ; യദയയ്‌ക്കു നെഥന​യേൽ.

22 എല്യാശീബ്‌, യോയാദ, യോഹാ​നാൻ, യദ്ദൂവ+ എന്നിവ​രു​ടെ കാലത്തെ ലേവ്യ​പി​തൃ​ഭ​വ​ന​ത്ത​ല​വ​ന്മാ​രുടെ​യും പുരോ​ഹി​ത​ന്മാ​രുടെ​യും പേരുകൾ രേഖ​പ്പെ​ടു​ത്തിവെച്ചു. പേർഷ്യൻ രാജാ​വായ ദാര്യാവേ​ശി​ന്റെ കാലം​വരെ​യു​ള്ള​വ​രു​ടെ പേരു​ക​ളാണ്‌ ഇങ്ങനെ രേഖ​പ്പെ​ടു​ത്തി​യത്‌.

23 എല്യാശീബിന്റെ മകനായ യോഹാ​നാ​ന്റെ കാലം​വരെ​യുള്ള ലേവ്യ​പി​തൃ​ഭ​വ​ന​ത്ത​ല​വ​ന്മാ​രു​ടെ പേരുകൾ ചരി​ത്ര​പു​സ്‌ത​ക​ത്തിൽ രേഖ​പ്പെ​ടു​ത്തി​യി​ട്ടുണ്ട്‌. 24 ലേവ്യരുടെ തലവന്മാർ ഹശബ്യ, ശേരെബ്യ, കദ്‌മിയേലിന്റെ+ മകനായ യേശുവ+ എന്നിവ​രാ​യി​രു​ന്നു. അവരുടെ സഹോ​ദ​ര​ന്മാർ ദൈവ​പു​രു​ഷ​നായ ദാവീദ്‌ നിർദേ​ശി​ച്ചപോ​ലെ അവരുടെ എതിർവ​ശത്ത്‌ ഓരോ കാവൽക്കൂ​ട്ട​മാ​യി നിന്ന്‌ സ്‌തോത്ര​വും നന്ദിയും അർപ്പി​ച്ചുപോ​ന്നു.+ 25 മത്ഥന്യ,+ ബക്‌ബു​ക്കിയ, ഓബദ്യ, മെശു​ല്ലാം, തൽമോൻ, അക്കൂബ്‌+ എന്നിവർ കവാട​ത്തി​ന്റെ കാവൽക്കാ​രാ​യി​രു​ന്നു.+ അവർ കവാട​ങ്ങൾക്ക​ടു​ത്തുള്ള സംഭര​ണ​മു​റി​കൾക്കു കാവൽ നിന്നു. 26 ഇവർ പുരോ​ഹി​ത​നും പകർപ്പെഴുത്തുകാരനും* ആയ എസ്രയുടെയും+ യോസാ​ദാ​ക്കി​ന്റെ മകനായ യേശുവയുടെ+ മകൻ യോയാ​ക്കീ​മിന്റെ​യും ഗവർണ​റായ നെഹമ്യ​യുടെ​യും സമകാ​ലി​ക​രാ​യി​രു​ന്നു.

27 യരുശലേംമതിലുകളുടെ ഉദ്‌ഘാ​ട​ന​ത്തി​നുവേണ്ടി ലേവ്യരെ, അവർ താമസി​ച്ചി​രുന്ന സ്ഥലങ്ങളിൽനിന്നെ​ല്ലാം തിരഞ്ഞു​പി​ടിച്ച്‌ യരുശലേ​മിൽ കൊണ്ടു​വന്നു. ഇലത്താളം, തന്ത്രി​വാ​ദ്യം, കിന്നരം എന്നിവ​യു​ടെ അകമ്പടിയോ​ടെ നന്ദി അർപ്പി​ച്ചുകൊ​ണ്ടുള്ള ഗാനങ്ങൾ പാടി+ മതിലി​ന്റെ ഉദ്‌ഘാ​ടനം ഒരു വലിയ ആഘോ​ഷ​മാ​ക്കാ​നാണ്‌ അവരെ കൊണ്ടു​വ​ന്നത്‌. 28 പരിശീലനം കിട്ടിയ ഗായകരെല്ലാം* ജില്ലയിൽനിന്നും* യരുശലേ​മി​നു ചുറ്റു​മുള്ള സ്ഥലങ്ങളിൽനി​ന്നും നെതോഫത്ത്യരുടെ+ ഗ്രാമ​ങ്ങ​ളിൽനി​ന്നും 29 ബേത്ത്‌-ഗിൽഗാലിൽനിന്നും+ ഗേബയുടെയും+ അസ്‌മാവെത്തിന്റെയും+ നിലങ്ങ​ളിൽനി​ന്നും വന്നുകൂ​ടി. ഈ ഗായകർ യരുശലേ​മി​നു ചുറ്റു​മുള്ള സ്ഥലങ്ങളിലെ​ല്ലാം ഗ്രാമങ്ങൾ നിർമി​ച്ച്‌ താമസി​ക്കു​ക​യാ​യി​രു​ന്നു. 30 പുരോഹിതന്മാരും ലേവ്യ​രും അവരെ​ത്തന്നെ​യും ജനത്തെ​യും ശുദ്ധീ​ക​രി​ച്ചു;+ അതിനു പുറമേ, കവാടങ്ങളും+ മതിലും+ ശുദ്ധീ​ക​രി​ച്ചു.

31 പിന്നെ, ഞാൻ യഹൂദാപ്ര​ഭു​ക്ക​ന്മാ​രെ മതിലി​നു മുകളി​ലേക്കു കൊണ്ടു​വന്നു; നന്ദി അർപ്പി​ച്ചുകൊ​ണ്ടുള്ള ഗാനങ്ങൾ ആലപി​ക്കുന്ന രണ്ടു ഗായക​സം​ഘത്തെ​യും ഘോഷ​യാത്ര​യാ​യി അവരെ അനുഗ​മി​ക്കാ​നുള്ള ആളുകളെ​യും നിയമി​ക്കു​ക​യും ചെയ്‌തു. ഒരു കൂട്ടം മതിലി​നു മുകളി​ലൂ​ടെ ചാരക്കൂനക്കവാടത്തിന്റെ+ ദിശയിൽ വലതു​വ​ശത്തേക്കു നടന്നു. 32 ഹോശയ്യയും യഹൂദാപ്ര​ഭു​ക്ക​ന്മാ​രിൽ പകുതി പേരും അവരെ അനുഗ​മി​ച്ചു. 33 അവരുടെ കൂടെ അസര്യ, എസ്ര, മെശു​ല്ലാം, 34 യഹൂദ, ബന്യാ​മീൻ, ശെമയ്യ, യിരെമ്യ എന്നിവ​രും പോയി. 35 കൂട്ടത്തിൽ, കാഹളം ഊതുന്ന ചില പുരോ​ഹി​ത​പുത്ര​ന്മാ​രു​മു​ണ്ടാ​യി​രു​ന്നു.+ അവർ ഇവരാ​യി​രു​ന്നു: ആസാഫി​ന്റെ മകനായ സക്കൂരിന്റെ+ മകനായ മീഖാ​യ​യു​ടെ മകനായ മത്ഥന്യ​യു​ടെ മകനായ ശെമയ്യ​യു​ടെ മകനായ യോനാ​ഥാ​ന്റെ മകൻ സെഖര്യ; 36 ഒപ്പം, ദൈവ​പു​രു​ഷ​നായ ദാവീ​ദി​ന്റെ സംഗീതോപകരണങ്ങളുമായി+ സെഖര്യ​യു​ടെ സഹോ​ദ​ര​ന്മാ​രായ ശെമയ്യ, അസരേൽ, മീലലാ​യി, ഗീലലാ​യി, മായായി, നെഥന​യേൽ, യഹൂദ, ഹനാനി എന്നിവ​രും. പകർപ്പെ​ഴു​ത്തു​കാ​ര​നായ എസ്ര+ അവരുടെ മുന്നിൽ നടന്നു. 37 ഉറവക്കവാടത്തിന്റെ അടുത്ത്‌+ എത്തിയ അവർ നേരെ ദാവീ​ദി​ന്റെ നഗരത്തിലെ+ പടികൾക്കു+ മുകളി​ലൂ​ടെ ദാവീ​ദി​ന്റെ ഭവനത്തി​നു മുകളി​ലാ​യുള്ള മതിലി​ന്റെ കയറ്റം കയറി കിഴക്ക്‌ ജലകവാടത്തിലേക്കു+ പോയി.

38 നന്ദി അർപ്പി​ച്ചുകൊ​ണ്ടുള്ള ഗാനങ്ങൾ ആലപി​ക്കുന്ന മറ്റേ ഗായക​സം​ഘം മതിലി​ലൂ​ടെ എതിർദിശയിൽ* നടന്നു. ബാക്കി പകുതി പേരെ​യും കൂട്ടി ഞാനും അവരെ അനുഗ​മി​ച്ചു. ഞങ്ങൾ അപ്പച്ചൂളഗോപുരം+ കടന്ന്‌ വിശാ​ല​മ​തി​ലി​ന്റെ അടുത്തേക്കു+ പോയി. 39 പിന്നെ, എഫ്രയീം​ക​വാ​ടം,+ പഴയന​ഗ​ര​ക​വാ​ടം,+ മത്സ്യക​വാ​ടം,+ ഹനനേൽ ഗോപു​രം,+ ഹമ്മേയ ഗോപു​രം, അജകവാടം+ എന്നിവ കടന്ന്‌ കാവൽക്കാ​രു​ടെ കവാട​ത്തിൽ എത്തി നിന്നു.

40 ഒടുവിൽ, നന്ദി അർപ്പി​ച്ചുകൊ​ണ്ടുള്ള ഗാനങ്ങൾ ആലപി​ക്കുന്ന ഗായക​സം​ഘങ്ങൾ രണ്ടും സത്യദൈ​വ​ത്തി​ന്റെ ഭവനത്തി​നു മുന്നിൽ വന്ന്‌ നിന്നു. ഞാനും എന്നോടൊ​പ്പം വന്ന ഉപഭര​ണാ​ധി​കാ​രി​ക​ളിൽ പകുതി പേരും 41 കൂടാതെ, കാഹളം പിടി​ച്ചുകൊണ്ട്‌ പുരോ​ഹി​ത​ന്മാ​രായ എല്യാ​ക്കീം, മയസേയ, മിന്യാ​മീൻ, മീഖായ, എല്യോവേ​നാ​യി, സെഖര്യ, ഹനന്യ എന്നിവ​രും 42 മയസേയ, ശെമയ്യ, എലെയാ​സർ, ഉസ്സി, യഹോ​ഹാ​നാൻ, മൽക്കീയ, ഏലാം, ഏസെർ എന്നിവ​രും അവിടെ വന്ന്‌ നിന്നു. യിസ്ര​ഹ്യ​യു​ടെ നേതൃ​ത്വ​ത്തിൽ ഗായകരെ​ല്ലാം ഉറക്കെ പാടി.

43 സത്യദൈവം അവർക്കു മഹാസന്തോ​ഷം കൊടു​ത്ത​തുകൊണ്ട്‌ അന്ന്‌ അവർ അനേകം ബലികൾ അർപ്പി​ക്കു​ക​യും ആഹ്ലാദി​ക്കു​ക​യും ചെയ്‌തു.+ സ്‌ത്രീ​ക​ളും കുട്ടി​ക​ളും ആനന്ദി​ച്ചു​ല്ല​സി​ച്ചു.+ യരുശലേ​മി​ലെ സന്തോ​ഷാ​രവം അങ്ങു ദൂരെ​വരെ കേൾക്കാ​മാ​യി​രു​ന്നു.+

44 ലേവ്യരും+ പുരോ​ഹി​ത​ന്മാ​രും ശുശ്രൂഷ ചെയ്യു​ന്ന​തുകൊണ്ട്‌ യഹൂദ​യി​ലെ ജനമെ​ല്ലാം വലിയ സന്തോ​ഷ​ത്തി​ലാ​യി​രു​ന്നു. പുരോ​ഹി​ത​ന്മാർക്കും ലേവ്യർക്കും നിയമ​മ​നു​സ​രിച്ച്‌ നഗരങ്ങളോ​ടു ചേർന്നുള്ള നിലങ്ങ​ളിൽനിന്ന്‌ കിട്ടേണ്ട ഓഹരി+ ശേഖരി​ച്ചുവെ​ക്കാ​നുള്ള ഏർപ്പാട്‌ അന്നു ചെയ്‌തു. സംഭാവനകളും+ ആദ്യഫലങ്ങളും+ പത്തിലൊന്നും*+ സൂക്ഷി​ക്കുന്ന ആ സംഭരണശാലകളുടെ+ ചുമതല വഹിക്കാൻ ആളുകളെ നിയമി​ക്കു​ക​യും ചെയ്‌തു. 45 പുരോഹിതന്മാരും ലേവ്യ​രും തങ്ങളുടെ ദൈവ​ത്തി​ന്റെ ശുശ്രൂ​ഷ​യും ശുദ്ധീ​ക​ര​ണത്തോ​ടു ബന്ധപ്പെട്ട ഉത്തരവാ​ദി​ത്വ​ങ്ങ​ളും ചെയ്യാൻതു​ടങ്ങി. അങ്ങനെ​തന്നെ ഗായക​രും കവാട​ത്തി​ന്റെ കാവൽക്കാ​രും ചെയ്‌തു. ദാവീ​ദും മകനായ ശലോമോ​നും നിർദേ​ശി​ച്ചി​രു​ന്ന​തുപോലെ​യാണ്‌ അവർ ഇതു ചെയ്‌തത്‌. 46 പണ്ട്‌, ദാവീ​ദിന്റെ​യും ആസാഫിന്റെ​യും കാലത്ത്‌, ഗായകർക്കും ദൈവ​ത്തി​നുള്ള സ്‌തു​തി​ഗീ​ത​ങ്ങൾക്കും നന്ദി അർപ്പി​ച്ചുകൊ​ണ്ടുള്ള ഗാനങ്ങൾക്കും സംഗീ​ത​സം​ഘ​നാ​യ​ക​ന്മാ​രു​ണ്ടാ​യി​രു​ന്നു.+ 47 സെരുബ്ബാബേലിന്റെ+ കാലത്തും നെഹമ്യ​യു​ടെ കാലത്തും ഇസ്രായേ​ല്യരെ​ല്ലാം ഗായകർക്കും കവാട​ത്തി​ന്റെ കാവൽക്കാർക്കും+ ഓരോ ദിവസത്തെ​യും ആവശ്യ​മ​നു​സ​രിച്ച്‌ ഒരു വിഹിതം കൊടു​ത്തുപോ​ന്നു.+ ലേവ്യർക്കും അവർ ഒരു ഓഹരി കൊടു​ത്തു.+ ലേവ്യ​രോ അഹരോ​ന്റെ വംശജർക്കു​വേണ്ടി ഓഹരി നീക്കി​വെച്ചു.

13 അന്നേ ദിവസം ജനം കേൾക്കെ മോശ​യു​ടെ പുസ്‌തകം വായിച്ചു;+ അതിൽ ഇങ്ങനെ എഴുതി​യി​രു​ന്നു: അമ്മോ​ന്യ​നോ മോവാബ്യനോ+ ഒരിക്ക​ലും സത്യദൈ​വ​ത്തി​ന്റെ സഭയിൽ പ്രവേ​ശി​ക്ക​രുത്‌.+ 2 കാരണം, ഇസ്രായേ​ല്യ​രെ അപ്പവും വെള്ളവും കൊടു​ത്ത്‌ സ്വീക​രി​ക്കു​ന്ന​തി​നു പകരം അവർ അവരെ ശപിക്കാൻ ബിലെ​യാ​മി​നെ കൂലിക്കെ​ടു​ത്തു.+ എങ്കിലും, നമ്മുടെ ദൈവം ആ ശാപം അനു​ഗ്ര​ഹ​മാ​ക്കി മാറ്റി.+ 3 നിയമം വായി​ച്ചു​കേട്ട ഉടനെ, വിദേ​ശവേ​രു​ക​ളുള്ള എല്ലാവരെയും* അവർ ഇസ്രായേ​ല്യ​രിൽനിന്ന്‌ വേർതി​രി​ച്ചു​തു​ടങ്ങി.+

4 ദൈവഭവനത്തിലെ* സംഭരണമുറികളുടെ*+ ചുമത​ല​യുള്ള പുരോ​ഹി​തൻ എല്യാ​ശീ​ബാ​യി​രു​ന്നു;+ തോബീയയുടെ+ ഒരു ബന്ധുവാ​യി​രു​ന്നു എല്യാ​ശീബ്‌. 5 അദ്ദേഹം വലി​യൊ​രു സംഭര​ണ​മു​റി തോബീ​യ​യ്‌ക്കു വിട്ടുകൊ​ടു​ത്തി​രു​ന്നു. ഈ മുറി​യി​ലാ​ണു മുമ്പ്‌ ധാന്യ​യാ​ഗ​വും കുന്തി​രി​ക്ക​വും ഉപകര​ണ​ങ്ങ​ളും വെച്ചി​രു​ന്നത്‌. കൂടാതെ, ലേവ്യർക്കും+ ഗായകർക്കും കവാട​ത്തി​ന്റെ കാവൽക്കാർക്കും അർഹത​പ്പെട്ട ധാന്യം, പുതു​വീഞ്ഞ്‌, എണ്ണ+ എന്നിവ​യു​ടെ പത്തി​ലൊന്ന്‌,* പുരോ​ഹി​ത​ന്മാർക്കുള്ള സംഭാവന എന്നിവ സൂക്ഷി​ച്ചി​രു​ന്ന​തും ഇവി​ടെ​യാണ്‌.+

6 ഈ സമയ​ത്തൊ​ന്നും ഞാൻ യരുശലേ​മി​ലി​ല്ലാ​യി​രു​ന്നു. കാരണം, ബാബിലോൺരാ​ജാ​വായ അർഥഹ്‌ശഷ്ടയുടെ+ ഭരണത്തി​ന്റെ 32-ാം വർഷം+ ഞാൻ രാജാ​വി​ന്റെ അടു​ത്തേക്കു പോയി​രു​ന്നു. കുറച്ച്‌ കാലം കഴിഞ്ഞ്‌ ഞാൻ രാജാ​വിനോട്‌ അവധി​ക്കാ​യി അപേക്ഷി​ച്ചു. 7 യരുശലേമിൽ മടങ്ങിയെ​ത്തി​യപ്പോൾ, എല്യാശീബ്‌+ ചെയ്‌ത ഒരു ഹീനകൃ​ത്യം എന്റെ ശ്രദ്ധയിൽപ്പെട്ടു; അയാൾ തോബീയയ്‌ക്കു+ ദൈവ​ഭ​വ​ന​ത്തി​ന്റെ മുറ്റത്തു​തന്നെ ഒരു സംഭര​ണ​മു​റി വിട്ടുകൊ​ടു​ത്തി​രി​ക്കു​ന്നു. 8 ഇത്‌ എനിക്കു തീരെ ഇഷ്ടപ്പെ​ട്ടില്ല. അതു​കൊണ്ട്‌, ഞാൻ തോബീ​യ​യു​ടെ വീട്ടു​സാ​മാ​ന​ങ്ങളെ​ല്ലാം സംഭര​ണ​മു​റി​യിൽനിന്ന്‌ വലി​ച്ചെ​റി​ഞ്ഞു. 9 അതിനു ശേഷം, എന്റെ ആജ്ഞയനു​സ​രിച്ച്‌ അവർ സംഭര​ണ​മു​റി​കൾ ശുദ്ധീ​ക​രി​ച്ചു. എന്നിട്ട്‌, സത്യദൈ​വ​ത്തി​ന്റെ ഭവനത്തി​ലെ ഉപകരണങ്ങളും+ ധാന്യ​യാ​ഗ​വും കുന്തി​രി​ക്ക​വും വീണ്ടും അവിടെ കൊണ്ടു​വന്ന്‌ വെച്ചു.+

10 ലേവ്യരുടെ വിഹിതം+ അവർക്കു കൊടുക്കാതിരുന്നതുകൊണ്ട്‌+ ലേവ്യ​രും ഗായക​രും ശുശ്രൂഷ ഉപേക്ഷി​ച്ച്‌ സ്വന്തം വയലുകളിലേക്കു+ പോ​യെ​ന്നും ഞാൻ മനസ്സി​ലാ​ക്കി. 11 അതുകൊണ്ട്‌, ഞാൻ ഉപഭരണാധികാരികളെ+ ശകാരി​ച്ചു. “സത്യദൈ​വ​ത്തി​ന്റെ ഭവനം അവഗണി​ക്കപ്പെട്ട്‌ കിടക്കു​ന്നത്‌ എന്തു​കൊ​ണ്ടാണ്‌”+ എന്നു ഞാൻ ചോദി​ച്ചു. എന്നിട്ട്‌, ഞാൻ ലേവ്യരെ ഒരുമി​ച്ചു​കൂ​ട്ടി യഥാസ്ഥാ​ന​ങ്ങ​ളിൽ വീണ്ടും നിയമി​ച്ചു. 12 യഹൂദാജനം മുഴു​വ​നും ധാന്യം, പുതു​വീഞ്ഞ്‌, എണ്ണ എന്നിവ​യു​ടെ പത്തിലൊന്നു+ സംഭര​ണ​മു​റി​ക​ളിലേക്കു കൊണ്ടു​വന്നു.+ 13 പിന്നെ, ഞാൻ പുരോ​ഹി​ത​നായ ശേലെമ്യ, പകർപ്പെഴുത്തുകാരനായ* സാദോ​ക്ക്‌, ലേവ്യ​നായ പെദായ എന്നിവരെ സംഭര​ണ​മു​റി​ക​ളു​ടെ ചുമതല ഏൽപ്പിച്ചു. മത്ഥന്യ​യു​ടെ മകനായ സക്കൂരി​ന്റെ മകൻ ഹാനാ​നാ​യി​രു​ന്നു അവരുടെ സഹായി. ആശ്രയയോ​ഗ്യ​രാ​യി​രു​ന്ന​തു​കൊ​ണ്ടാണ്‌ ഇവരെ നിയമി​ച്ചത്‌. തങ്ങളുടെ സഹോ​ദ​ര​ന്മാർക്കുള്ള വിഹിതം വിതരണം ചെയ്യാ​നുള്ള ഉത്തരവാ​ദി​ത്വം ഇവർക്കാ​യി​രു​ന്നു.

14 എന്റെ ദൈവമേ, ഞാൻ ചെയ്‌ത ഈ കാര്യ​ത്തി​ന്റെ പേരിൽ എന്നെ ഓർക്കേ​ണമേ.+ എന്റെ ദൈവ​ത്തി​ന്റെ ഭവന​ത്തോ​ടും അതിലെ സേവനങ്ങളോടും* ഉള്ള ബന്ധത്തിൽ ഞാൻ കാണിച്ച അചഞ്ചല​മായ സ്‌നേഹം മറന്നു​ക​ള​യ​രു​തേ.+

15 അക്കാലത്ത്‌, യഹൂദ​യി​ലെ ജനം ശബത്തിൽ മുന്തിരിച്ചക്കു* ചവിട്ടുന്നതും+ ധാന്യം ധാരാ​ള​മാ​യി കൊണ്ടു​വന്ന്‌ കഴുത​ക​ളു​ടെ പുറത്ത്‌ കയറ്റു​ന്ന​തും ഞാൻ കണ്ടു. വീഞ്ഞും മുന്തി​രി​പ്പ​ഴ​വും അത്തിപ്പ​ഴ​വും എല്ലാ തരം ചുമടു​ക​ളും ശബത്തു​ദി​വസം യരുശലേ​മിൽ കൊണ്ടു​വ​രു​ന്ന​തും എന്റെ ശ്രദ്ധയിൽപ്പെട്ടു.+ അതു​കൊണ്ട്‌, ആ ദിവസം ഭക്ഷണസാ​ധ​നങ്ങൾ വിൽക്ക​രുതെന്നു ഞാൻ അവർക്കു മുന്നറി​യി​പ്പു കൊടു​ത്തു.* 16 ആ നഗരത്തിൽ താമസി​ച്ചി​രുന്ന സോർദേ​ശ​ക്കാർ ശബത്തിൽ മത്സ്യവും എല്ലാ തരം വ്യാപാ​ര​ച്ച​ര​ക്കു​ക​ളും കൊണ്ടു​വന്ന്‌ യഹൂദ്യർക്കും യരുശലേ​മി​ലു​ള്ള​വർക്കും വിറ്റുപോ​ന്നു.+ 17 അതുകൊണ്ട്‌, ഞാൻ യഹൂദ​യി​ലെ പ്രധാ​നി​കളെ ശകാരി​ച്ചുകൊണ്ട്‌ ഇങ്ങനെ പറഞ്ഞു: “നിങ്ങൾ എന്തു കൊള്ള​രു​താ​യ്‌ക​യാണ്‌ ഈ കാണി​ക്കു​ന്നത്‌? ശബത്തു​ദി​വസം അശുദ്ധ​മാ​ക്കു​ന്നോ? 18 ഇതുതന്നെയല്ലേ നിങ്ങളു​ടെ പൂർവി​ക​രും ചെയ്‌തത്‌? അതു​കൊ​ണ്ടാ​ണ​ല്ലോ നമ്മുടെ ദൈവം നമ്മുടെ മേലും ഈ നഗരത്തിന്മേ​ലും ഇക്കണ്ട നാശ​മെ​ല്ലാം വരുത്തി​യത്‌. നിങ്ങളാ​കട്ടെ, ഇപ്പോൾ ശബത്തിനെ അശുദ്ധ​മാ​ക്കി ഇസ്രായേ​ലിനോ​ടുള്ള ദൈവകോ​പം വർധി​പ്പി​ക്കു​ക​യാണ്‌.”+

19 ശബത്തിനു മുമ്പ്‌ യരുശലേം​ക​വാ​ട​ങ്ങ​ളിൽ ഇരുട്ടു വീഴാൻ തുടങ്ങിയ ഉടൻ കതകുകൾ അടയ്‌ക്കാൻ ഞാൻ കല്‌പി​ച്ചു. ശബത്ത്‌ കഴിയു​ന്ന​തു​വരെ അവ തുറക്ക​രുതെ​ന്നും ഞാൻ പറഞ്ഞു. ശബത്തു​ദി​വസം ഒരു ചുമടും അകത്ത്‌ കൊണ്ടു​വ​രാ​തി​രി​ക്കാൻ ഞാൻ കവാട​ങ്ങ​ളിൽ എന്റെ ചില പരിചാ​ര​ക​ന്മാ​രെ നിറു​ത്തു​ക​യും ചെയ്‌തു. 20 അതുകൊണ്ട്‌, കച്ചവട​ക്കാ​രും പല തരം വ്യാപാ​ര​ച്ച​ര​ക്കു​കൾ വിൽക്കു​ന്ന​വ​രും യരുശലേ​മി​നു വെളി​യിൽ രാത്രി കഴിച്ചു​കൂ​ട്ടി. ഒന്നുരണ്ടു തവണ ഇങ്ങനെ സംഭവി​ച്ചു. 21 അപ്പോൾ, ഞാൻ അവർക്ക്‌ ഈ മുന്നറി​യി​പ്പു കൊടു​ത്തു: “എന്തിനാ​ണു നിങ്ങൾ മതിലി​നു മുന്നിൽ രാത്രി കഴിച്ചു​കൂ​ട്ടു​ന്നത്‌? ഇനി ഇത്‌ ആവർത്തി​ച്ചാൽ എനിക്കു ബലം പ്രയോ​ഗിക്കേ​ണ്ടി​വ​രും.” അതിൽപ്പി​ന്നെ, ശബത്തു​ദി​വസം അവരെ അവി​ടെയെ​ങ്ങും കണ്ടിട്ടില്ല.

22 ശബത്തുദിവസത്തിന്റെ പവിത്രത+ നിലനി​റുത്തേ​ണ്ട​തി​നു ലേവ്യർ ക്രമമാ​യി തങ്ങളെ​ത്തന്നെ വിശു​ദ്ധീ​ക​രി​ക്ക​ണമെ​ന്നും കവാട​ങ്ങ​ളിൽ വന്ന്‌ കാവൽ നിൽക്ക​ണമെ​ന്നും ഞാൻ അവരോ​ടു പറഞ്ഞു. എന്റെ ദൈവമേ, ഇതും എന്റെ പേരിൽ കണക്കിടേ​ണമേ. അങ്ങയുടെ സമൃദ്ധ​മായ അചഞ്ചല​സ്‌നേ​ഹ​ത്തിനൊത്ത്‌ എന്നോടു കനിവ്‌ തോ​ന്നേ​ണമേ.+

23 അസ്‌തോദ്യർ,+ അമ്മോ​ന്യർ, മോവാബ്യർ+ എന്നിവ​രിൽപ്പെട്ട സ്‌ത്രീ​കളെ വിവാഹം കഴിച്ച* ചില ജൂതന്മാരെ​യും ഞാൻ അവിടെ കണ്ടു.+ 24 അവരുടെ മക്കളിൽ പകുതി പേർ അസ്‌തോ​ദ്യ​ഭാ​ഷയും പകുതി പേർ മറ്റു പല ജനതക​ളുടെ ഭാഷകളും ആണ്‌ സംസാ​രി​ച്ചി​രുന്നത്‌. അവരുടെ മക്കൾക്ക്‌ ആർക്കും പക്ഷേ, ജൂതന്മാ​രു​ടെ ഭാഷ സംസാ​രി​ക്കാൻ അറിയി​ല്ലാ​യി​രു​ന്നു. 25 അതുകൊണ്ട്‌, ഞാൻ അവരെ ശകാരി​ക്കു​ക​യും ശപിക്കു​ക​യും ചെയ്‌തു. അവരിൽ ചില പുരു​ഷ​ന്മാ​രെ അടിച്ചു;+ അവരുടെ മുടി വലിച്ചു​പ​റി​ച്ചു. എന്നിട്ട്‌, അവരെ​ക്കൊ​ണ്ട്‌ ദൈവ​നാ​മ​ത്തിൽ സത്യം ചെയ്യിച്ചു. ഞാൻ അവരോ​ടു പറഞ്ഞു: “നിങ്ങൾ നിങ്ങളു​ടെ പെൺമ​ക്കളെ അവരുടെ ആൺമക്കൾക്കു കൊടു​ക്ക​രുത്‌. അവരുടെ പെൺമ​ക്ക​ളിൽ ആരെയും നിങ്ങൾക്കോ നിങ്ങളു​ടെ ആൺമക്കൾക്കോ വേണ്ടി എടുക്കു​ക​യു​മ​രുത്‌.+ 26 ഇവർ കാരണ​മല്ലേ ഇസ്രായേ​ലി​ലെ ശലോ​മോൻ രാജാവ്‌ പാപം ചെയ്‌തത്‌? മറ്റൊരു ജനതയ്‌ക്കും ഇതു​പോലൊ​രു രാജാ​വു​ണ്ടാ​യി​രു​ന്നില്ല.+ ശലോ​മോൻ ദൈവ​ത്തി​നു പ്രിയ​ങ്ക​ര​നാ​യി​രു​ന്നു.+ അതു​കൊണ്ട്‌, ദൈവം ശലോമോ​നെ ഇസ്രായേ​ലി​നു മുഴുവൻ രാജാ​വാ​ക്കി. പക്ഷേ, വിദേ​ശി​ക​ളായ ഭാര്യ​മാർ അദ്ദേഹത്തെക്കൊ​ണ്ടുപോ​ലും പാപം ചെയ്യിച്ചു.+ 27 നിങ്ങൾ വിദേ​ശി​ക​ളായ സ്‌ത്രീ​കളെ വിവാഹം കഴിച്ച്‌ നമ്മുടെ ദൈവ​ത്തോ​ട്‌ അവിശ്വ​സ്‌തത കാട്ടു​ക​യോ?+ നിങ്ങൾ ഇങ്ങനെയൊ​രു മഹാ​ദോ​ഷം ചെയ്‌തെന്ന്‌ എനിക്കു വിശ്വ​സി​ക്കാ​നേ പറ്റുന്നില്ല.”

28 മഹാപുരോഹിതനായ എല്യാശീബിന്റെ+ മകനായ യോയാദയുടെ+ ആൺമക്ക​ളിലൊ​രാൾ ഹോ​രോ​ന്യ​നായ സൻബല്ലത്തിന്റെ+ മരുമ​ക​നാ​യ​തുകൊണ്ട്‌ ഞാൻ അയാളെ എന്റെ അടുത്തു​നിന്ന്‌ ഓടി​ച്ചു​ക​ളഞ്ഞു.

29 എന്റെ ദൈവമേ, പുരോ​ഹി​ത​ന്മാ​രു​മാ​യും ലേവ്യ​രു​മാ​യും ചെയ്‌ത ഉടമ്പടിയും+ പൗരോ​ഹി​ത്യ​വും അവർ മലിന​മാ​ക്കി​യത്‌ ഓർത്ത്‌ അവരെ ശിക്ഷിക്കേ​ണമേ.

30 വിദേശീയമായ എല്ലാ മലിന​ത​യിൽനി​ന്നും ഞാൻ അവരെ ശുദ്ധീ​ക​രിച്ച്‌ പുരോ​ഹി​ത​ന്മാർക്കും ലേവ്യർക്കും അവരവർ ചെയ്യേണ്ട കാര്യങ്ങൾ നിയമി​ച്ചുകൊ​ടു​ത്തു.+ 31 കൂടാതെ, ആദ്യഫ​ല​ങ്ങൾക്കുള്ള ഏർപ്പാ​ടും നിശ്ചി​ത​സ​മ​യ​ങ്ങ​ളിൽ വിറകു കൊണ്ടു​വ​രാൻ വേണ്ട ക്രമീ​ക​ര​ണ​വും ചെയ്‌തു.+

എന്റെ ദൈവമേ, എന്നെ പ്രിയത്തോടെ* ഓർക്കേ​ണമേ.+