NNWOM

1 Anigye ne onipa a ɔmfa abɔnefo afotu mmɔ ne bra,

Na onkogyina nnebɔneyɛfo kwan so,+

Na ɔntena fɛwdifo+ tenabea.

 2 Mmom n’ani gye Yehowa mmara+ ho,

Na ɔkenkan Ne mmara no dwinnwen ho* awia ne anadwo.+

 3 Ɔbɛyɛ sɛ dua a wɔadua wɔ nsu ho;

Ɛsow aba wɔ ne bere mu,

Na n’ahaban remporow,

 4 Abɔnefo de, wɔnte saa;

Wɔte sɛ ntɛtɛwa a mframa huw kɔ.

 5 Ɛno nti sɛ atemmu ba a, abɔnefo rentumi nnyina,+

Na nnebɔneyɛfo rentumi nnyina atreneefo bagua mu.+

 6 Efisɛ Yehowa nim atreneefo kwan,+

Na nnebɔneyɛfo kwan de, ɛbɛyera.+

2 Adɛn nti na amanaman yɛ gyegyeegye

Na nkurɔfo no keka nsɛnhunu?*+

 2 Asaase so ahemfo sɔre gyina,

Na atumfo bom sɔre* tia+ Yehowa

Na wɔsɔre tia nea wasra no no.*+

 3 Wɔka sɛ: “Momma yɛntetew wɔn nkɔnsɔnkɔnsɔn mu,

Na yɛntow wɔn nhama no ngu!”

 4 Nea ɔte ahengua so wɔ soro no bɛserew;

Yehowa bedi wɔn ho fɛw.

 5 Saa bere no, ɔbɛkasa akyerɛ wɔn n’abufuw mu,

Na n’abufuhyew nti wɔbɛbɔ hu.

 6 Ɔbɛka sɛ: “Me na masi me hene+

Wɔ Sion,+ me bepɔw kronkron no so.”

 7 Ma menka Yehowa mmara ho asɛm;

Ɔka kyerɛɛ me sɛ: “Woyɛ me ba;+

Ɛnnɛ mabɛyɛ w’agya.+

 8 Bisa me, na mede amanaman bɛma wo sɛ w’agyapade;

Mede asaase nyinaa bɛma wo ma woadi so.+

 9 Wode dade poma+ bebubu wɔn pasaa,

Na woayam wɔn sɛ ɔnwemfo anwenne.”+

10 Afei ahemfo, munhu nyansa;

Asaase so atemmufo, momma wɔnteɛteɛ mo.*

11 Momfa osuro nsom Yehowa,

Na momfa ahopopo nni ahurusi wɔ ne mu.

12 Monhyɛ ɔba+ no anuonyam* na Onyankopɔn bo* amfuw,

Na moansɛe wɔ ɔkwan no mu,*+

Efisɛ n’abufuw tumi dɛw ntɛm.

 3 Nanso wo Yehowa, wone me kyɛm a ɛbɔ me ho ban,+

Wone m’anuonyam+ ne nea ɔma me gyina.*+

 4 Mɛteɛm afrɛ Yehowa,

Na obegye me so afi ne bepɔw kronkron no so.+ (Sela)

 5 Mɛtɔ hɔ na mada;

Menyan no, na bɔne biara nsii,

Efisɛ Yehowa gyina m’akyi daa.+

 6 Minsuro nnipa mpempem

A wɔatwa me ho ahyia.+

Wubebubu m’atamfo nyinaa abogye.

Wubedwiriw abɔnefo se agu.+

 3 Munhu sɛ obi a odi Yehowa nokware de, ɔrenni ne ho agoru koraa;*

Mefrɛ Yehowa a, obetie me.

 5 Mommɔ trenee afɔre,

Na momfa mo ho nto Yehowa so.+

 7 Woama me koma ani agye

Asen wɔn a wotwa hwiit* pii na bobesa foforo bu wɔn so no.

 8 Mɛtɔ hɔ na mada asomdwoe mu,+

Efisɛ wo Yehowa, wo nkutoo na woma minya ahotɔ.+

5 O Yehowa, yɛ aso ma me;+

Tie m’apinisi.

 2 Tie me sufrɛ,

O me Hene ne me Nyankopɔn, efisɛ wo na mebɔ wo mpae.

 3 O Yehowa, anɔpa wobɛte me nne;+

Mede m’ahiasɛm bɛto w’anim+ anɔpa biara na matwɛn wo.

 4 Woyɛ Onyankopɔn a w’ani nnye bɔne ho;+

Ɔbɔnefo biara rentumi ne wo ntena.+

Wotan amumɔyɛfo nyinaa;+

 6 Wobɛsɛe nkontompofo.+

 7 Me de, wo dɔ kɛse a enni huammɔ+ nti mɛba wo fi;+

Obu kɛse a mewɔ ma wo nti, mɛkotow de m’ani akyerɛ w’asɔrefi kronkron* no.+

 8 O Yehowa, m’atamfo nti, fa wo trenee kyerɛ me kwan;

Ma wo kwan so nna hɔ mma me.+

 9 Nokware biara nni wɔn anom;

Bɔne nkutoo na ɛwɔ wɔn mu.

Wɔn menewa yɛ ɔdamoa a ɛso abue;

Wɔde wɔn tɛkrɛma dɛfɛdɛfɛ nkurɔfo.*+

10 Nanso Onyankopɔn bebu wɔn fɔ;

Wɔn ankasa pɔw bɔne na ebeyi wɔn ahwe fam.+

Wɔn mmarato bebrebe nti pam wɔn,

Efisɛ wɔatew atua atia wo.

11 Wɔn a wɔde wo yɛ guankɔbea no de, wɔn nyinaa bedi ahurusi;+

Wɔbɛbɔ ose daa.

Wobɛbɔ wɔn ho ban ahyia,

Na wɔn a wɔdɔ wo din bedi wo mu ahurusi.

12 O Yehowa, wubehyira obiara a ɔyɛ adetrenee;

W’ani begye ne ho na woabɔ ne ho ban sɛnea ɔkyɛm+ kɛse bɔ obi ho ban.

6 O Yehowa, mfa abufuw nka m’anim,

Na mfa abufuhyew nteɛ me so.+

 3 Mabotow* dodo;+

O Yehowa, mise, enkosi da bɛn?+

 4 O Yehowa, san bra begye me;*+

Wo dɔ a enni huammɔ nti, gye me ɛ.+

 5 Awufo ntumi mmɔ wo din;*

Hena na obeyi wo ayɛ wɔ Ɔdamoa* mu?+

 6 Masi apini abrɛ;+

Me nisu fɔw me mpa anadwo mũ nyinaa;

Me nisu yiri fa me kɛtɛ.+

 7 Awerɛhow ama m’ani ayɛ wusiwusi;+

Nkurɔfo reteetee me nti m’ani so atan me.

 8 Amumɔyɛfo nyinaa, mumfi me so nkɔ,

Na Yehowa bɛte me su.+

 9 Yehowa betie me nkotosrɛ;+

Yehowa bebua me mpaebɔ.

10 M’atamfo nyinaa ani bewu na ehu atɔ wɔn so;

Aniwu nti, wɔbɛsan wɔn akyi prɛko pɛ.+

 2 Anyɛ saa a wɔbɛtetew me* mu asinasin sɛnea gyata tetew nam mu no,+

Na wobehwim me akɔ a obiara rentumi nnye me.

 3 O Yehowa me Nyankopɔn, sɛ mfomso bi na madi,

Sɛ bɔne bi na mayɛ,

 4 Sɛ mede bɔne atua nea wayɛ me papa ka,+

Anaa mafom me tamfo nneɛma kwa a,*

 5 Ɛnde ma ɔtamfo ntaa me, na ɔmmɛkyere me;*

Ma ontiatia me* so wɔ fam

Na ɔmma m’anuonyam nsɛe wɔ dɔte mu. (Sela)

 6 O Yehowa, fa abufuw sɔre;

Sɔre ko tia m’atamfo abufuw,+

Ma wo mu so na boa me, na hwɛ ma wɔmfa atɛntrenee nto nea ɛda.+

 7 Ma amanaman no ntwa wo ho nhyia,

Na wufi soro bɛko atia wɔn.

O Yehowa, sɛnea me trenee te

Ne sɛnea m’abrabɔ di mu no, hwɛ ho bu me atɛn.+

Na ma ɔtreneeni ase ntim,+

Efisɛ woyɛ trenee Nyankopɔn+ a wohwehwɛ koma mu+ ne nea ɛwɔ nnipa mu.*+

11 Onyankopɔn yɛ Ɔtemmufo a ɔteɛ,+

Na da biara Onyankopɔn ka n’atemmusɛm.*

12 Sɛ obi ansakra a,+ Onyankopɔn sew ne sekan ano,+

Ɔkoa n’agyan mu, na osiesie twɛn.+

13 Osiesie n’akode a edi awu;

N’agyan a ogyaframa wɔ ano no, ɔyɛ no krado.+

14 Hwɛ! Obi nyem bɔne;

Onyinsɛn ɔhaw, na ɔwo nkontompo.+

15 Ɔbɔ amoa, na otu ma ɛkɔ fam;

Nanso obon a watu no, ɔno ara na ɔbɛtɔ mu.+

16 Ɔhaw a ɔkɔfa ba no, ɔno ankasa ti so na ɛbɛba;+

N’awudisɛm no, n’apampam na ɛbɛba.

17 Meyi Yehowa ayɛ, n’atɛntrenee nti;+

Mɛto ayeyi nnwom* ama Ɔsorosoroni Yehowa din.+

8 O yɛn Awurade Yehowa, hwɛ sɛnea wo din yɛ kɛse wɔ asaase nyinaa so,

Woama w’anuonyam atra ɔsoro mpo!*+

 2 Mmofra ne nkokoaa anom+ na woama ahoɔden afi aba,

Esiane wɔn a wɔtan wo nti;

Woama ɔtamfo ne ɔweredifo aka wɔn ano atom.

 3 Sɛ mihu ɔsoro nneɛma a woayɛ, wo nsateaa ano adwuma,

Ɔsram ne nsoromma a woasiesie no a,+

 4 Ɔdasani ne hena a wokae no,

Na onipa ba ne hena a wudwen ne ho?+

 5 Woma ɔbaa fam kakra sen abɔfo,*

Na wode anuonyam ne nidi bɔɔ no abotiri.

 6 Wode wo nsa ano adwuma ahyɛ ne nsa;+

Na wode biribiara agu ne nan ase:

 7 Nguan ne anantwi nyinaa,

Ne wuram mmoa,+

 8 Wim nnomaa ne ɛpo mu mpataa,

Biribiara a ɛnenam ɛpo mu; wode ne nyinaa ama no.

9 O Yehowa, mede me koma nyinaa beyi wo ayɛ;

Mɛka w’anwonwadwuma nyinaa ho asɛm.+

 2 Medi ahurusi na manya wo mu anigye;

O Ɔsorosoroni, mɛto ayeyi nnwom* ama wo din.+

 3 Sɛ m’atamfo dan wɔn ho guan a,+

Wobehintiw na wɔayera wɔ w’anim.

 4 Wudi m’asɛm ma me;

Wotena w’ahengua so bu atɛntrenee.+

 5 Woaka amanaman anim,+ na woasɛe nnebɔneyɛfo.

Woapopa wɔn din afi hɔ korakora.

 6 Ɔtamfo ahwe ase afebɔɔ;

Woaka wɔn nkurow agu,

Na wɔn din bɛyera koraa.+

 7 Yehowa de, ɔte n’ahengua so daa;+

Ɔde n’agua atim hɔ pintinn, na obebu atɛntrenee.+

 8 Obebu asaase so nnipa atɛn wɔ trenee mu;+

Obebu atɛntrenee ama amanaman no.+

 9 Yehowa bɛyɛ guankɔbea a ɛyɛ den* ama mmɔborɔwafo;+

Ɔbɛyɛ ahohia bere mu guankɔbea.+

10 Wɔn a wonim wo din no de wɔn ho bɛto wo so,+

Na wɔn a wɔhwehwɛ wo no, wo Yehowa, worennyaw wɔn da.+

11 Monto ayeyi nnwom mma Yehowa a ɔte Sion no;

Monka ne nnwuma ho asɛm wɔ amanaman mu.+

12 Ɔbɛkae mmɔborɔwa na wabisa ne mogya afi n’atamfo nsam;+

Ne werɛ remfi ne sufrɛ da.+

13 O Yehowa, hwɛ sɛnea m’atamfo ma me ho hiahia me; hu me mmɔbɔ,

Wo a woma me so fi owu apon ano no.+

14 Ɛno bɛma matumi aka w’ayeyi nnwuma wɔ Sion babea apon ano,+

Na manya anigye wɔ wo nkwagye nnwuma mu.+

15 Amanaman no atɔ amoa a wɔatu mu;

Asau a wɔde hintawee no aso wɔn ankasa nan.+

17 Nnebɔneyɛfo bɛdan wɔn ho de wɔn ani akyerɛ Ɔdamoa;*

Ɛhɔ na aman a wɔn werɛ afi Onyankopɔn no nyinaa bɛkɔ.

18 Onyankopɔn werɛ remfi ohiani,+

Na nea ahobrɛasefo ani da so nso renyera da.+

20 O Yehowa, ma wɔmmɔ hu,+

Ma amanaman no nhu sɛ wɔyɛ nnipa ara kwa. (Sela)

 2 Ɔdebɔneyɛfo yɛ ahantan, enti ɔtaataa mmɔborɔwa;+

Nanso nea wabɔ ne tirim sɛ ɔbɛyɛ no, ɔno ara na ebesum no afiri ayi no.+

 3 Ɔdebɔneyɛfo de n’ankasa* akɔnnɔ bɔne hoahoa ne ho,+

Na ohyira odifudepɛfo;*

נ [Nun]

Obu Yehowa animtiaa.

 4 Ɔdebɔneyɛfo ahomaso nti, ɔnhwehwɛ Onyankopɔn;

Ne tirim adwene nyinaa ne sɛ: “Onyankopɔn biara nni hɔ.”+

 5 N’akwan si no yiye daa.+

Nanso w’atemmusɛm boro ne ntease so;+

Wɔn a wɔtan no nyinaa ho yɛ no serew.

 6 Ɔka wɔ ne komam sɛ: “Merenhinhim da;

Awo ntoatoaso kɔ ma awo ntoatoaso ba mpo a,

Mmusu remma me so da.”+

 7 Nnome, nkontompo ne ahunahuna ahyɛ n’anom ma.+

Mmusu ne bɔne ayɛ ne tɛkrɛma so ma.+

 8 Nkuraa-nkuraa na ɔtetɛw;

Ɔkɔhyɛ sum ase kum nea ne ho nni asɛm.+

10 Ɔma nea ɔmpɛ ne ho asɛm hwe ase;

Ɔmoa* nea ne ho nni asɛm.

Wo na mmɔborɔwa ani da wo so.+

Agyanka boafo ne wo.+

15 Bubu ɔdebɔneyɛfo ne omumɔyɛfo basa,+

Sɛnea ɛbɛyɛ a, wohwehwɛ n’amumɔyɛ a,

Worenhu bio.

18 Wubedi agyanka ne ɔwerɛhoni asɛm ama wɔn,+

Na onipa dasani* anhunahuna wɔn bio.+

 2 Hwɛ sɛnea nnebɔneyɛfo akuntun agyan mu,

Wɔde agyan dua no asi hama no so

Sɛ wɔrebɛtow wɔ sum mu akɔwɔ komam teefo.

 3 Bere a fapem no asɛe yi,

Dɛn na ɔtreneeni betumi ayɛ?”

 5 Yehowa pɛɛpɛɛ ɔtreneeni ne ɔdebɔneyɛfo mu;+

Okyi* obiara a n’ani gye awudisɛm ho.+

 6 Ɔbɛma mmusu* atɔ agu nnebɔneyɛfo so;

Kuruwa a ɛbɛyɛ wɔn kyɛfa ne ogya ne sɔfe*+ ne mframa a emu yɛ hyew.

12 O Yehowa, gye me, na nokwaredifo asa;

Anokwafo ayera wɔ nnipa mu.

 2 Nkontomposɛm na obiara keka kyerɛ ne yɔnko;

Wɔdɛfɛdɛfɛ nkurɔfo,* na wɔdaadaa wɔn.*+

 3 Yehowa betwa ano biara a ɛdɛfɛdɛfɛ nkurɔfo

Ne tɛkrɛma a ɛhoahoa ne ho afi hɔ;+

 4 Wɔn na wɔka sɛ: “Yɛde yɛn tɛkrɛma bedi nkonim.

Yɛde yɛn ano bɛka nea yɛpɛ biara;

Hena na obetumi adi yɛn so?”+

 5 “Mmɔborɔwa a wɔhyɛ no so

Ne ohiani apinisi nti,+

Mɛsɔre akeka me ho,” Yehowa na ose.

 6 Yehowa nsɛm ho tew;+

Ɛte sɛ dwetɛ a wɔayiyi mu wɔ ogya fononoo* mu, nea wɔapa mu mpɛn ason.

 7 O Yehowa, wobɛhwɛ wɔn so;+

Wobɛbɔ wɔn mu biara ho ban daa afi awo ntoatoaso yi ho.

 8 Nnebɔneyɛfo tumi kɔ baabiara a wɔpɛ,

Efisɛ ɔbrabɔne na nnipa mma bɔ gye so.+

 2 Enkosi da bɛn na dadwen bɛhyɛ me so*

Na awerɛhow atena me komam da biara?

Ma m’aniwa nhu hann, na manwu,*

 4 Na me tamfo anka sɛ: “Madi no so nkonim!”

 5 Me de, wo dɔ a enni huammɔ na mede me ho ato so;+

Me koma ani begye wo nkwagye mu.+

Wɔn suban asɛe koraa, na wɔyɛ akyiwade.

Wɔn mu biara nni hɔ a ɔyɛ adepa.+

 2 Yehowa de, ofi soro hwɛ nnipa mma;

Ɔrehwɛ sɛ obehu obi a ɔwɔ nhumu anaa obi a ɔhwehwɛ Yehowa.+

 3 Wɔn nyinaa afom kwan;+

Wɔn nyinaa aporɔw.

Obiara nni hɔ a ɔyɛ adepa,

Ɔbaako mpo nni hɔ.

 5 Ehu kɛse bɛka wɔn,+

Efisɛ Yehowa ka atreneefo bagua* ho.

 6 Mo, abɔnefo, mode asi mo ani so sɛ mobɛsɛe mmɔborɔwa nhyehyɛe,

Nanso Yehowa ne ne guankɔbea.+

Na sɛ Yehowa bɛsan aboaboa ne nkurɔfo a wɔakodi obi man so no ano aba a,

Ɛnde ma Yakob ani nnye na Israel nni ahurusi.

 2 Nea ne ho nni asɛm,*+

Ɔyɛ adetrenee,+

Na ɔka nokware wɔ ne koma mu.+

 3 Ɔmfa ne tɛkrɛma nkeka nkurɔfo ho nsɛmmɔne,+

Ɔnyɛ ne mfɛfo bɔne biara,+

Na ne nnamfo nso, ɔnsɛe wɔn din.*+

 4 Ɔne ahuhufo nnantew,+

Na odi wɔn a wosuro Yehowa no ni.

 5 Ɔde ne sika bɔ bosea a, onnye nsiho,+

Na onnye nea ne ho nni asɛm nkyɛn adanmude.*+

 3 Akronkronfo a wɔwɔ asaase so no,

M’ani gye saa anuonyamfo no ho paa.”+

Mogya a wɔde yɛ afɔrebɔ nsã no, merenhwie bi da,

Na meremmɔ wɔn din nso.+

Ahurusidi kɛse wɔ w’anim;

Anigye wɔ wo nifa so daa.+

17 O Yehowa, tie m’adesrɛ na bu atɛntrenee ma me;

Wɛn w’aso tie me sufrɛ;

Yɛ aso ma me mpaebɔ a efi me koma mu.+

 2 Bu atɛntrenee ma me;+

Ma w’aniwa nhwɛ nea ɛteɛ.

 3 Wopɛɛpɛɛ me komam, na wohwehwɛ me mu anadwo;+

Wuyiyi me mu;+

Bere biara a wobɛyɛ saa no, wubehu sɛ memmɔɔ pɔw bɔne biara,

Na memfaa m’ano nkaa asɛmmɔne.

 4 Yɛka nnipa nneyɛe ho asɛm a,

W’anom asɛm nti matwe me ho afi akorɔmfo kwan ho.+

 5 Mma m’anammɔn mmfi w’akwan so

Sɛnea ɛbɛyɛ a me nan renwatiriw.+

 7 O Ogyefo, wo na wugye wɔn a wɔde wo nsa nifa yɛ guankɔbea

Fi wɔn a wɔtew atua tia wo no nsam.

Yɛ anwonwadwuma fa kyerɛ sɛ wo dɔ nni huammɔ.+

 8 Bɔ me ho ban sɛ w’aniwa kosua,+

Na fa me hintaw wo ntaban* ase.+

 9 Nnebɔneyɛfo a wɔtow hyɛ me so no, bɔ me ho ban fi wɔn ho.

M’atamfo a wɔpɛ me wu* nso, gye me fi wɔn nsam.+

10 Wɔn koma apirim;*

Wɔkasa ahantan so;

11 Wɔaka yɛn ahyem;+

Nea wɔpɛ ara ne sɛ wobenya yɛn ayi yɛn ahwe fam.*

12 Wɔn mu biara te sɛ gyata a ɔrepɛ nam atetew,

Gyata a ɔtetɛw baabi.

13 O Yehowa, sɔre kɔ n’anim+ kodi no so nkonim;

Fa wo sekan gye me* fi ɔdebɔneyɛfo nsam,

14 O Yehowa, fa wo nsa gye me;

Wiase* mu nnipa a asetena yi mu na wɔn kyɛfa wɔ no,+ gye me fi wɔn nsam.

Wɔn na wonya nneɛma pa a efi wo nkyɛn ma ɛso wɔn,+

Na wɔde agyapade gyaw wɔn mma a wɔdɔɔso.

15 Me de, trenee mu na mɛhwɛ w’anim;

Sɛ minyan na mihu wo a, me koma tɔ me yam.+

Me Nyankopɔn yɛ me botan.+ Ɔno ne me guankɔbea,

Me kyɛm ne me nkwagye* abɛn,* me hintabea.*+

 3 Yehowa fata ayeyi paa, na ɔno na misu frɛ no;

Obegye me afi m’atamfo nsam.+

 4 Owu nhama bɛkyekyeree me;+

Ahuhufo a wɔte sɛ nsuyiri hunahunaa me.+

 5 Ɔdamoa* nhama twaa me ho hyiae;

Owu sum mfiri wɔ m’anim.+

 6 Misu frɛɛ Yehowa wɔ m’ahohia mu;

Misu frɛɛ me Nyankopɔn daa.

Ɔtee me nne wɔ n’asɔrefi hɔ,+

Na me sufrɛ no duu n’asom.+

 7 Ɛnna asaase hinhimii, na ɛwosowee;+

Mmepɔw fapem wosowee,

Na n’abufuw nti, ɛwosowee biribiri.+

 8 Wusiw fi ne hwene mu puei

Na ogya a ɛhyew ade fi n’anom bae;+

Nnyansramma fi ne mu dɛwee.

 9 Ɔmaa ɔsoro kuntunii, na osianee.+

Ná omununkum kusuu wɔ ne nan ase.+

11 Afei ɔde esum twaa ne ho hyiae;+

Ɔde osu a amuna tumm ne omununkum kusuu+

Kataa no so te sɛ apata.

12 Hann a efi n’anim nti,

Asukɔtweaa ne nnyansramma fi omununkum mu bae.

13 Ɛnna Yehowa fi ɔsoro boboom;+

Ɔsorosoroni no maa ne nne so,+

Na asukɔtweaa ne nnyansramma nso bae.

14 Ɔtotow n’agyan, na ɛbɔɔ wɔn hwetee;+

Ɔmaa n’anyinam pae guu wɔn so, na wɔn ani so tan wɔn.+

15 Nsu ase daa adi;+

O Yehowa, asaase fapem yii ne ho adi,

W’animka ne wo hwene mu home* nti.+

16 Ɔteɛɛ ne nsa fii soro;

Osoo me mu yii me fii nsu a emu dɔ mu.+

17 Ogyee me fii me tamfo hoɔdenfo nsam,+

Wɔn a wokyi me na wɔn ho yɛ den sen me no.+

18 Wɔbɛtoaa me m’amanehunu da,+

Nanso Yehowa twitwa gyee me.

19 Ɔde me kɔɔ baabi a bɔne biara renka me;*

Ɔpɛ m’asɛm nti, ogyee me.+

20 Me trenee nti, Yehowa tua me ka;+

Me ho a enni asɛm* nti, ɔma me akatua.+

21 Mafa Yehowa akwan so,

Na minnyaw me Nyankopɔn nkɔyɛɛ bɔne.

22 N’atemmusɛm nyinaa wɔ m’anim;

N’ahyɛde nso, meremmu no animtiaa.

23 Meremma asɛm mma me ho wɔ n’anim,+

Na mɛtwe me ho afi bɔne ho.+

24 Me trenee ne me ho a enni asɛm nti,+

Ma Yehowa mma me akatua.+

25 Nea ɔyɛ ɔnokwafo no, wo nso wubedi no nokware;+

Ɔbarima a ne ho nni asɛm no, wobɛma wahu sɛ wo ho nni asɛm;+

26 Nea ɔyɛ kronkron no, wo nso wobɛyɛ kronkron ama no,+

Na nea ɔyɛ ɔdaadaafo no, wobɛkyerɛ no sɛ w’ani atew kyɛn no.+

27 Wutwitwa gye mmɔborɔwafo;+

Na ahantanfo* de, wobrɛ wɔn ase.+

28 O Yehowa, wo na woma me kanea hyerɛn;

Me Nyankopɔn, wo na woma esum dan hann ma me.+

29 Woboa me ma metow hyɛ akorɔmfo-werɛmfo dɔm so;+

Onyankopɔn tumi nti, mitumi foro ɔfasu.+

30 Nokware Nyankopɔn no kwan di mu;+

Yehowa asɛm nso, wɔasɔn so.+

32 Nokware Nyankopɔn no na ɔde ahoɔden kata me ho,+

Na ɔbɛma me kwan adi mu.+

33 Ɔma me nan yɛ sɛ ɔwansan de,

Na ɔma migyina sorosoro.+

34 Ɔkyerɛ me nsa akodi;

Me basa tumi kuntun kɔbere agyan mu.

35 Wode wo nkwagye kyɛm ma me,+

Wo nsa nifa na ekura me mu,*

Na w’ahobrɛase ma meyɛ kɛse.+

36 Wotrɛw m’anammɔn kwan mu;

Me nan* renwatiriw.+

37 Metiw m’atamfo akɔto wɔn;

Merensan kosi sɛ mɛtɔre wɔn ase.

38 Mebubu wɔn na wɔrentumi nsɔre bio;+

Wɔbɛhwe ase me nan ase.

39 Wobɛma me ahoɔden a mede bedi ako;

Wobɛma m’atamfo ahwe ase me nan ase.+

40 Wobɛma m’atamfo adan wɔn ho aguan,*

Na wɔn a wokyi me no, mɛsɛe wɔn.*+

41 Wosu hwehwɛ mmoa, nanso ogyefo biara nni hɔ;

Wosu frɛ Yehowa mpo, nanso ommua wɔn.

42 Mɛyam wɔn muhumuhu sɛ mfuturu a ɛnam mframa mu;

Mɛtow wɔn agu sɛ abɔnten so atɛkyɛ.

44 Atesɛm kɛkɛ bɛma wɔayɛ aso ama me;

Ahɔho bɛbrɛ wɔn ho ase ama me.+

45 Ahɔho bɛpa abaw;*

Wɔde ahopopo befi wɔn hintabea apue.

47 Nokware Nyankopɔn no na otua m’atamfo so ka ma me;+

Ɔka aman gu me nan ase.

48 Ogye me fi m’atamfo a wɔn bo afuw nsam;

Woma me so, na wɔn a wɔtow hyɛ me so no annya me;+

Wugye me fi owudifo nsam.

49 O Yehowa, ɛno nti, mɛkamfo wo wɔ amanaman mu,+

Na mɛto ayeyi nnwom* ama wo din.+

50 Nkwagye nnwuma akɛse na ɔyɛ* ma ne hene,+

Ɔda ɔdɔ a enni huammɔ adi kyerɛ nea wasra no no,+

Dawid ne n’aseni* daa.+

19 Ɔsoro pae mu ka Onyankopɔn anuonyam;+

Ewim nneɛma bɔ ne nsa ano adwuma dawuru.+

 2 Adekyee biara, wɔkasa,

Na anadwo biara, wɔma yenya nimdeɛ.

 3 Wommue wɔn ano, wɔnte wɔn anom kasa,

Na wɔnte wɔn nne nso.

 4 Nanso yɛte wɔn nka wɔ* wiase nyinaa,

Na wɔn nsɛm du asaase ano baabiara.+

Onyankopɔn asi ntamadan ama owia wɔ ɔsoro;

 5 Ɛte sɛ ayeforokunu a ofi n’ayeforo dan mu repue;

Edi ahurusi te sɛ ɔhoɔdenfo a ɔretu mmirika.

 6 Ɔhyɛ n’akwantu ase wɔ ɔsoro ano,

Na okowie wɔ ɔfã noho;+

Ɔhyew a efi mu ba de, baabiara nni hɔ a entumi nnu.

 8 Yehowa ahyɛde teɛ, na ɛma koma di ahurusi;+

Yehowa mmara nsɛm ho tew, na ebue nnipa ani.+

10 Ɛyɛ akɔnnɔ sen sika kɔkɔɔ;

Ɛsen sika kɔkɔɔ amapa* mpo.+

Ɛyɛ dɛ sen ɛwo,+ ɛwo a ɛsosɔ fi ɛwokyɛm mu.

11 Ɛno na ɛbɔ w’akoa kɔkɔ;+

Nea odi so no nya akatua kɛse.+

13 Hwɛ w’akoa na manyɛ aniammɔnho;+

Mma ennni me so.+

Ɛba saa a, me ho remma asɛm,+

Na mɛde me ho afi anidaho bɔne* ho.

14 O Yehowa, me Botan+ ne me Gyefo,+

Ma m’anom nsɛm ne me komam nsusuwii nyɛ wo fɛ.+

 2 Omfi kronkronbea hɔ mmoa wo,+

Na omfi Sion mmeso wo mu.+

 3 Ma ɔnkae w’akyɛde afɔre nyinaa,

Na n’ani nsɔ wo hyew afɔre.* (Sela)

 4 Ɔmma wo wo koma so ade,+

Na ɔmma nea woabɔ wo tirim sɛ wobɛyɛ nyinaa mmra mu.

 5 Gye a woagye yɛn nti, yebedi ahurusi,+

Na yɛn Nyankopɔn din mu na yɛbɛmoma yɛn frankaa so.+

Ofi ne kronkronbea wɔ soro tie no;

Ɔde ne nsa nifa yɛ nnwuma* akɛse de gye no.+

 7 Ebinom de wɔn werɛ hyɛ nteaseɛnam mu, ebinom nso de wɔn ho to apɔnkɔ so;+

Yɛn de, yɛbɔ Yehowa yɛn Nyankopɔn din frɛ no.+

 8 Wɔadi nkogu na wɔahwehwe ase;

Yɛn de, yɛasɔre agyina yɛn nan so bio.+

21 O Yehowa, w’ahoɔden mu na ɔhene di ahurusi;+

Hwɛ sɛnea odi ahurusi kɛse wɔ wo nkwagye nnwuma mu!+

 2 Woama no ne koma so ade,+

Na n’abisade* nso, woamfa ankame no. (Sela)

 3 Wode nhyira pii hyia no;

Wode ahenkyɛw a wɔde sika kɔkɔɔ amapa* ayɛ ahyɛ no.+

 4 Obisaa wo hɔ nkwa, na wode maa no,+

Womaa no nkwa tenten, womaa no nkwa a enni awiei.

 6 Woayɛ no obi a wɔahyira no daa;+

Woma n’ani gye, efisɛ woka ne ho.+

 7 Ɔhene de ne ho ato Yehowa so;+

Ɔsorosoroni no dɔ a enni huammɔ nti, ɔrenhinhim da.+

 8 Wo nsa bɛka w’atamfo nyinaa;

Wo nsa nifa beso wɔn a wɔtan wo no mu.

10 Wobɛtɔre wɔn mma ase afi asaase so,

Na wobɛpopa wɔn asefo afi nnipa mma mu;

11 Efisɛ wɔrepɛ wo adi wo bɔne;+

Wɔabɔ pɔw bɔne, nanso ɛremma mu.+

12 W’agyan* a wode akyerɛ wɔn so nti,

Wɔbɛdan wɔn ho aguan.+

Adɛn nti na wummegye me?

Adɛn nti na wuntie me sufrɛ?+

 2 Me Nyankopɔn, mefrɛ wo adekyee, nanso wummua me;+

Edu anadwo nso a, menka m’ano ntom.

 3 Ne nyinaa mu no, woyɛ kronkron,+

Na Israel ayeyi atwa wo ho ahyia.*

 4 Wo na yɛn agyanom de wɔn ho too wo so;+

Wɔde wɔn ho too wo so, na wugyee wɔn.+

 5 Wo na wosu frɛɛ wo, na wugyee wɔn nkwa;

Wɔde wɔn ho too wo so, na wɔn nsa ansi fam.*+

 6 Nanso me de, meyɛ osunson, menyɛ onipa.

Nkurɔfo dii me ho fɛw,* na aman buu me animtiaa.+

 7 Wɔn a wohu me nyinaa di me ho fɛw;+

Wɔtweetwee me wosow wɔn ti+ ka sɛ:

 9 Wo na wuyii me fii yafunu mu;+

Bere a mitua me maame nufu ano no, womaa me koma tɔɔ me yam.

10 Wɔwoo me ara pɛ na wɔde me hyɛɛ wo nsa;*

Wone me Nyankopɔn fi me maame yam.

11 Ntwe wo ho mfi me ho, efisɛ ahohia abɛn me,+

Na minni ɔboafo foforo biara.+

12 Anantwinini bebree atwa me ho ahyia;+

Basan anantwinini a wɔn ho yɛ den atwa me ho kanko.+

13 Wɔbaabae wɔn anom kyerɛ me+

Te sɛ gyata a ɔrebobom na ɔretetew nam mu.+

14 Wɔahwie me agu sɛ nsu,

Na me nnompe nyinaa ahunhuan.

Me koma ayɛ sɛ ɛwokyɛm;+

Anan wɔ me mu tɔnn.+

15 M’ahoɔden asa; mete sɛ ayowa sin,+

Me tɛkrɛma afam me dodom;+

Woretwe me akɔ owu mu akɔhyɛ dɔte mu.+

16 Nkraman atwa me ho ahyia;+

Wɔaka me ahyem sɛnea nnebɔneyɛfo asafodɔm yɛ.+

Wɔrekeka me nsa ne me nan te sɛ gyata.+

18 Wɔkyekyɛ me ntaade mu fa,

Na wɔbɔ m’ataade so ntonto.+

20 Gye me* fi sekan ano;

Me nkwa* a ɛsom bo no, gye fi ɔkraman nsam.+

21 Gye me fi gyata anom;+

Tie me na gye me fi ɛkoɔ* mmɛn mu.

22 Mɛbɔ wo din akyerɛ me nuanom;+

Meyi wo ayɛ wɔ asafo no mu.+

24 Ɔno na wammu mmɔborɔwa animtiaa, na wammu n’ani angu n’amanehunu so;+

Wamfa n’anim anhintaw no.+

25 Meyi wo ayɛ wɔ asafo kɛse mu;+

Metua me bɔhyɛ ade wɔ wɔn a wosuro wo no anim.

26 Ahobrɛasefo bedidi amee;+

Wɔn a wɔhwehwɛ Yehowa no beyi no ayɛ.+

28 Yehowa na ahenni wɔ no;+

Ɔno na odi amanaman no so hene.

29 Asaase so asikafo* nyinaa bedidi na wɔakotow;

Wɔn a wɔkɔ dɔte mu nyinaa bɛkotow n’anim;

Wɔn mu biara rentumi nkora ne nkwa* so.

30 Wɔn asefo* bɛsom no;

Wɔbɛka Yehowa ho asɛm akyerɛ awo ntoatoaso a ɛbɛba.

 2 Ɔma meda adidibea a ɛhɔ wura yɛ frɔmfrɔm.

Ɔde me kɔ homebea a nsu pii wɔ.*+

 4 Sɛ menam obon a emu yɛ sum kabii+ mu mpo a,

Minsuro bɔne biara,+

Efisɛ woka me ho;+

W’abaa ne wo poma na ɛkyekye me werɛ.

Wode ngo sra me tirim ma me ho tɔ me;+

Me kuruwa yɛ ma bu so.+

 6 Anokwa, papayɛ ne ɔdɔ a enni huammɔ bedi m’akyi me nkwa nna nyinaa;+

Na mɛtena Yehowa fi me nkwa nna nyinaa.+

24 Asaase ne ɛso nneɛma nyinaa yɛ Yehowa dea.+

Asaase a ɛma nnɔbae ne wɔn a wɔtete so nyinaa yɛ ne dea.

 2 Ɔde atim ɛpo so,+

Na ɔde atim nsubɔnten so.

 3 Hena na obetumi aforo akɔ Yehowa bepɔw so,+

Na hena na obetumi agyina ne kronkronbea hɔ?

 4 Nea ne ho nni asɛm,* na ne koma mu tew,+

Nea ɔmfaa Onyankopɔn din* nkaa ntam a ɛyɛ atoro,

Anaa nea ɔnkaa ntam a ɛyɛ nkontompo.+

 5 Obenya Yehowa hɔ nhyira,+

Na ne nkwagye Nyankopɔn no bebu no ɔtreneeni.+

 6 Eyinom ne wɔn a wɔhwehwɛ no no asefo,

Wɔn a wɔhwehwɛ w’anim dom no, O Yakob Nyankopɔn. (Sela)

 7 O apon, momma mo ti so;+

Tete apon, mummuebue*

Mma Ɔhene nuonyamfo no mfa mu!+

Ɔne Yehowa, ɔhoɔdenfo ne otumfo no,+

Ɔsabarima Yehowa.+

 9 O apon, momma mo ti so;+

Tete apon, mummuebue

Mma Ɔhene nuonyamfo no mfa mu!

 2 Me Nyankopɔn, mede me ho ato wo so;+

Mma m’anim nngu ase.+

 3 Ampa, wɔn a wɔn ani da wo so no, wɔn mu biara ani renwu.+

Nanso nnipa* a wotwa wɔn yɔnko nkontompo kwa no, wɔn anim begu ase.+

 4 O Yehowa, ma minhu w’akwan;+

Kyerɛ me w’atempɔn.+

 5 Ma mennantew wo nokware mu na kyerɛkyerɛ me,+

Efisɛ wone me nkwagye Nyankopɔn.

 6 O Yehowa, kae wo mmɔborɔhunu ne wo dɔ a enni huammɔ;+

Efi tete na woada no adi.+

O Yehowa, wo papayɛ nti,+

Kae me sɛnea wo dɔ a enni huammɔ no te.+

 9 Ɔbɛma ahobrɛasefo ahu trenee kwan,*+

Na wakyerɛkyerɛ ahobrɛasefo ne kwan.+

10 Ɔdɔ a enni huammɔ ne nokwaredi na ɛwɔ Yehowa atempɔn so

Ma wɔn a wodi n’apam+ ne ne nkaesɛm so.+

11 O Yehowa, me mfomso so,

Nanso wo din nti,+ fa kyɛ me.

13 Ne* nsa bɛka nneɛma pa,+

Na n’asefo* benya asaase no so atena.+

14 Wɔn a wosuro Yehowa na wɔyɛ ne nnamfo paa,+

Na ɔma wohu n’apam.+

15 M’ani da Yehowa so daa;+

Ɔno na obeyi me nan afi asau mu.+

16 Twa w’ani bɛhwɛ me na dom me,

Efisɛ mayɛ ankonam, na mayɛ mmɔbɔ.

17 Me koma mu ahohia adɔɔso;+

Gye me fi m’adwinnwen mu.

18 Hwɛ m’amanehunu ne me haw,+

Na fa me bɔne nyinaa kyɛ me.+

19 Hwɛ sɛnea m’atamfo adɔɔso;

Wokyi me kɔkɔkɔkɔ, enti wɔrepɛ me adi me bɔne.

21 Ma abrabɔ a edi mu ne trenee mmɔ me ho ban,+

Efisɛ m’anidaso ne wo.+

26 O Yehowa, bu me atɛn, efisɛ m’abrabɔ di mu;+

Yehowa na mede me ho ato no so, na mikura m’ahotoso no mu denneennen.+

 2 O Yehowa, hwehwɛ me mu na sɔ me hwɛ;

Siesie me tirim adwene* ne me koma.+

 3 Midwen wo dɔ a enni huammɔ no ho bere nyinaa,

Na menantew wo nokware kwan so.+

 4 Me ne nkontompofo mmɔ,*+

Na metwe me ho fi nyaatwomfo ho.*

 5 Mikyi abɔnefo fekuw,+

Na me ne nnebɔneyɛfo mmɔ.*+

 6 Mɛhohoro me nsa de akyerɛ sɛ midi bem.

O Yehowa, metwa w’afɔremuka ho ahyia,

 7 Na mama nkurɔfo ate m’aseda,+

Na maka w’anwonwadwuma nyinaa ho asɛm.

 8 Yehowa, ofi a wote mu no, me koma da so;+

Baabi a w’anuonyam te no.+

 9 Mpra me* nka abɔnefo ho nkɔ,+

Na mfa me mfra awudifo* nkum me.

10 Wɔn na wɔde wɔn nsa yɛ aniwude

Na adanmude* ayɛ wɔn nsa nifa ma.

12 Me nan gyina baabi a ɛhɔ da fam;+

Asafo kɛse mu* na meyi Yehowa ayɛ.+

 2 Bere a nnebɔneyɛfo baa me so sɛ wɔrebɛkyere me awe no,+

M’atamfo ne wɔn a wokyi me no, wɔn na wohintiw hwehwee ase.

 3 Sɛ dɔm betwa me ho hyia a,

Me koma rentu.+

Sɛ ɔko mpo na ɛbɛba a,

Mede me ho bɛto no so.

 4 Ade baako na mesrɛ Yehowa,

Na ɛno na mehwehwɛ akyi kwan;

Ɛne sɛ mɛtena Yehowa fi me nkwa nna nyinaa,+

Na mahwɛ Yehowa papayɛ,

Na mede anigye* ahwɛ n’asɔrefi.*+

 5 Ɔbɛkora me so wɔ ne hintabea ahohia da;+

Ɔde me besie ahintawee wɔ ne ntamadan mu;+

Ɔde me begyina ɔbotan so wɔ sorosoro.+

 6 M’atamfo a wɔatwa me ho ahyia no, afei madi wɔn so nkonim;

Mede osebɔ bɛbɔ afɔre wɔ ne ntamadan mu;

Mɛto ayeyi nnwom* ama Yehowa.

 7 O Yehowa, misu frɛ wo a tie me;+

Hu me mmɔbɔ na gye me so.+

Wone me boafo;+

O me nkwagye Nyankopɔn, ntow me nkyene, na nnyaw me.

10 Sɛ me ara me papa ne me maame mpo po me a,+

Yehowa begye me.+

11 O Yehowa, kyerɛkyerɛ me wɔ wo kwan so,+

M’atamfo nti, kyerɛ me ɔkwantrenee.

12 Mfa me nhyɛ m’atamfo* nsa;+

Wodi adanse tia me,+

Na wɔrepɛ me adi me bɔne.

13 Sɛ mannya gyidi sɛ mehu Yehowa papayɛ wɔ ateasefo asaase so a,

Anka mewɔ he?*+

14 Fa w’ani to Yehowa so;+

Nya akokoduru na ma wo bo nyɛ duru.+

28 O Yehowa me Botan,+ wo na mefrɛ wo daa.

Nsisiw w’aso, m’adesrɛ ho.

Sɛ woyɛ komm wɔ me ho a,

Mɛyɛ sɛ wɔn a wɔrekɔ amoa* mu no.+

 2 Misu frɛ wo a, tie me,

Sɛ mede m’ani kyerɛ wo tenabea kronkron no pia mu pia no na mema me nsa so kyerɛ wo a, tie me.+

 3 Nkan me mfra nnebɔneyɛfo, wɔn a wodi amumɔyɛsɛm no.+

Wɔde wɔn ano ka asomdwoesɛm kyerɛ wɔn yɔnko nnipa, nanso bɔne na ɛwɔ wɔn komam.+

 4 Tua wɔn ka sɛnea wɔn suban te,+

Sɛnea wɔn nnwuma bɔne te.

Tua wɔn ka sɛnea wɔn nsa ano adwuma te,

Sɛnea wɔn nneyɛe te,+

 5 Efisɛ wɔmma Yehowa nnwuma nhia wɔn,+

Na ne nsa ano adwuma nso, wommu.+

 6 Ayeyi nka Yehowa,

Efisɛ watie me sufrɛ.

 7 Yehowa ne m’ahoɔden+ ne me kyɛm.+

Ɔno na mede me koma to no so;+

Waboa me, na me koma di ahurusi,

Enti mɛto dwom ayi no ayɛ.

 8 Yehowa yɛ ahoɔden ma ne nkurɔfo,

Ɔyɛ abannennen a ɔde nkwagye kɛse brɛ nea wasra no no.+

29 Akatakyi mma, momfa Yehowa nidi mma no;

Yehowa anuonyam ne n’ahoɔden nti, momfa nidi mma no.+

 3 Yɛte Yehowa nne fi nsu so;

Anuonyam Nyankopɔn no nne bobom sɛ aprannaa.+

 4 Ahoɔden wɔ Yehowa nne mu;+

Yehowa nne wɔ anuonyam.

 5 Yehowa nne bubu sida nnua;

Ampa, Yehowa bubu sida a efi Lebanon mu asinasin.+

 6 Ɔma Lebanon* huruhuruw sɛ nantwi ba,

Na ɔma Sirion+ huruhuruw sɛ ɛkoɔ* ba.

 7 Yehowa nne pa ogyaframa;+

 8 Yehowa nne ma sare so asaase wosow,+

Yehowa ma Kades+ sare so asaase wosow.

 9 Yehowa nne ma awo ka ɔwansan mpofirim ma ɔwo;

Ɛma kwae mu nnua yɛ pasaa.+

10 Yehowa te nsu a eyiri* so;+

Yehowa bɛyɛ Ɔhene wɔ hɔ daa.+

30 O Yehowa, mɛkamfo wo, efisɛ woama me so;*

Woamma m’atamfo anni me ho ahurusi.+

 4 Yehowa anokwafo nyinaa, monto ayeyi nnwom* mma no,+

Munyi ne din* kronkron no ayɛ,+

 5 Efisɛ n’abufuw nkyɛ wɔ onipa so,+

Na n’adom de, ɛtena hɔ afebɔɔ.+

 8 O Yehowa, wo na daa na mefrɛ wo;+

Yehowa na mekotow srɛɛ no daa sɛ ɔmmoa me.

11 Woama m’awerɛhow adan asaw;

Woayi me ho awerɛhow ntama,* na wode ahurusi afura me;

12 Ɛno nti mɛto ayeyi nnwom ama wo, na merenyɛ komm.

Bɛyɛ sɛ abannennen a ɛwɔ botan mu ma me,

Na yɛ sɛ guankɔbea a ɛhɔ yɛ den, na gye me.+

 3 Wone me botan ne m’abannennen,+

Na wo din nti,+ wubedi m’anim na woakyerɛ me kwan.+

 4 Sɛ wosum me afiri a, wubegye me na anyi me,*+

Efisɛ wone me guankɔbea.+

 6 Wɔn a wodi abosonhuhuw a mfaso biara nni so akyi no, mikyi wɔn;

Me de, Yehowa na mede me ho ato no so.

 7 Wo dɔ a enni huammɔ nti, medi ahurusi kɛse,

Efisɛ woahu m’amanehunu,+

Na wunim m’ahohia* bebrebe no.

 8 Woamfa me anhyɛ atamfo nsa.

Mmom woama magyina baabi a bɔne biara renka me.*

10 Awerɛhow ahyɛ m’asetena ma,+

Na me nkwa nna nyinaa misi apini.+

Me mfomso nti m’ahoɔden so retew,

Na me nnompe mu ayɛ mmerɛw.+

11 M’atamfo nyinaa di me ho fɛw,+

Titiriw wɔn a wɔte bɛn me;

M’amannifo suro me.

Wohu me wɔ abɔnten a, na wɔreguan.+

12 Wɔayi me adi wɔ wɔn koma mu te sɛ obi a wawu; wɔnkae me bio.

Mayɛ sɛ ahina a abɔ.

13 Mate nsɛmmɔne pii a wɔkeka fa me ho no;

Nneɛma a ɛyɛ hu atwa me ho ahyia.+

Sɛ wɔka wɔn ti bom na wɔfa me ho adwene a,

Wɔbɔ pɔw sɛ wobeyi me afi hɔ.*+

Ma nnebɔneyɛfo ani nwu;+

Ma wɔnka wɔn ano ntom wɔ Ɔdamoa* mu.+

18 Ma atorofo nka wɔn ano ntom;+

Wɔn na wɔde ahantan ne ahomaso keka atreneefo ho nsɛm de gu wɔn anim ase.

Wode asie ama wɔn a wosuro wo no,+

Na wɔn a wɔde wo yɛ guankɔbea no, woda no adi kyerɛ wɔn wɔ nnipa nyinaa anim.+

20 Wobɛkora wɔn so w’anim wɔ wo hintabea+

Na nnipa a wɔabɔ wɔn ho pɔw no annya wɔn.

Wode wɔn besie wo ntamadan mu

Afi adapaatwa* ho.+

21 Ayeyi nka Yehowa,

Efisɛ wada ɔdɔ a enni huammɔ adi akyerɛ me paa+ wɔ kurow a atamfo atwa ho ahyia mu.+

Yehowa bɔ anokwafo ho ban,+

Na ahantanfo de, otua wɔn ka ma ɛboro so.+

24 Mo a moretwɛn Yehowa nyinaa,+

Munnya akokoduru na mo bo nyɛ duru.+

 2 Anigye ne onipa a Yehowa mmu ne mfomso ngu no so,+

Na nnaadaa nni ne koma mu.

 5 Afei mekaa me bɔne kyerɛɛ wo;

Mankata me mfomso so.+

 6 Ɛno nti na ɔnokwafo biara bɛbɔ wo mpae+

Bere a hokwan da so wɔ hɔ sɛ ɔba w’anim no.+

 7 Wone me hintabea;

Wobɛkora me so na mankɔ ahohia mu.+

 9 Monnyɛ mo ho sɛ apɔnkɔ anaa mfurumpɔnkɔ a wonnim nyansa;+

Nnareka anaa hama na wɔde twe wɔn

Ansa na wɔabrɛ wɔn ho ase aba mo nkyɛn.”

10 Ɔdebɔneyɛfo yaw dɔɔso,

Nanso nea ɔde ne ho to Yehowa so no, ne dɔ a enni huammɔ twa ne ho hyia.+

11 Atreneefo, munni ahurusi wɔ Yehowa mu, na momma mo ani nnye;

Komam teefo nyinaa, monto ahurusi dwom.

 2 Momfa sankuten nna Yehowa ase;

Momfa sanku a ɛso nhama yɛ du nto ayeyi nnwom* mma no.

 3 Monto dwom foforo mma no;+

Monyere mo ho mmɔ sanku ma ɛnyɛ dɛ na mommɔ ose nka ho,

 4 Efisɛ Yehowa asɛm di mu,+

Na sɛnea ɔyɛ ne nnwuma nyinaa kyerɛ sɛ ɔyɛ ɔnokwafo.

 6 Yehowa de n’anom asɛm na ɛyɛɛ ɔsoro,+

Na honhom* a efi n’anom na ɔde yɛɛ emu biribiara.*

 7 Ɔno na ɔboaboa ɛpo mu nsu ano te sɛ nea wagye ho ban,+

Na ɔma nsu a ɛrebu fa so kogu akorae.

 9 Ɔno na ɔkae, na ɛbaa mu;+

Ɔno na ɔhyɛe, na ɛyɛɛ hɔ.+

10 Amanaman no tu agyina a, Yehowa bɔ gu;+

Sɛ aman no fa adwene a, ɔma ɛyɛ kwa.+

11 Yehowa apɛde* de, ebegyina daa;+

Ne komam nsusuwii wɔ hɔ fi awo ntoatoaso so kosi awo ntoatoaso so.

12 Anigye ne ɔman a wɔn Nyankopɔn ne Yehowa;+

Nnipa a wapaw wɔn sɛ n’agyapade.+

13 Yehowa fi soro hwɛ fam,

Na ohu nnipa mma nyinaa.+

14 Ɔte ne tenabea hɔ,

Na ɔhwɛ wɔn a wɔtete asaase so.

15 Ɔno na ɔnwene obiara koma;

Ɔpɛɛpɛɛ wɔn nnwuma nyinaa mu.+

16 Ɔhene biara nni hɔ a asraafo dodow betumi agye no nkwa;+

Ɔkatakyi nso, ɛnyɛ n’ahoɔden dodow na ebegye no.+

17 Mfa wo ho nto ɔpɔnkɔ so, efisɛ ɔrentumi nnye wo nkwa.*+

Ahoɔden dodow a ɔpɔnkɔ wɔ no ntumi nnye onipa nkwa.

18 Hwɛ! Yehowa hwɛ wɔn a wosuro no no so;+

Wɔn a wɔtwɛn ne dɔ a enni huammɔ no, ɔhwɛ wɔn so,

19 Ɔpɛ sɛ ogye wɔn* fi owu mu,

Na ogye wɔn nkwa wɔ ɔkɔm bere mu.+

21 Ne mu na yɛn koma di ahurusi,

Efisɛ yegye ne din kronkron no di.+

22 O Yehowa, ma wo dɔ a enni huammɔ ntena yɛn so,+

Na wo na yɛn ani da wo so.+

34 Meyi Yehowa ayɛ bere nyinaa;

N’ayeyi rempa m’anom da.

 2 Mede Yehowa bɛhoahoa me ho;*+

Ahobrɛasefo bɛte na wɔadi ahurusi.

 3 Mo ne me mmom nkamfo Yehowa;+

Momma yɛmma ne din so.

 5 Nnipa a wɔde wɔn ani too no so no ani gyei,

Na wɔn anim angu ase.

 7 Yehowa bɔfo bɔ wɔn a wosuro no no ho ban,+

Na ogye wɔn.+

 8 Monka nhwɛ na munhu sɛ Yehowa ye;+

Anigye ne onipa a ɔde no yɛ ne guankɔbea.

 9 Yehowa akronkronfo nyinaa, munsuro no,

Efisɛ wɔn a wosuro no no, biribiara nhia wɔn.+

10 Agyata* a wɔn ho yɛ den mpo, ade tumi hia wɔn ma ɔkɔm de wɔn,

Nanso wɔn a wɔhwehwɛ Yehowa no de, adepa biara remmɔ wɔn.+

11 Me mma, mommra mmetie me;

Mɛkyerɛ mo Yehowa suro.+

12 Mo mu hena na ɔpɛ sɛ odi dɛ wɔ asetenam,

Na ɔpɛ sɛ n’ani gye mfe pii?+

13 Ɛnde hwɛ wo tɛkrɛma yiye na anka asɛmmɔne,+

Na hwɛ w’ano yiye na anka nnaadaasɛm.+

14 Twe wo ho fi bɔne ho na yɛ papa;+

Hwehwɛ asomdwoe na di akyi.+

15 Yehowa ani wɔ atreneefo so,+

Na ɔyɛ aso ma wɔn sufrɛ.+

16 Wɔn a wɔyɛ bɔne no de, Yehowa ani sa wɔn,

Na ɔbɛpopa wɔn din afi asaase so koraa.+

17 Atreneefo teɛɛm, na Yehowa nso tiee wɔn;+

Ogyee wɔn fii wɔn ahohia nyinaa mu.+

18 Yehowa bɛn wɔn a wɔn koma abubu;+

Ogye wɔn a wɔn abam abu.*+

19 Ɔtreneeni amanehunu* dɔɔso,+

Nanso Yehowa gye no fi ne nyinaa mu.+

20 Ɔhwɛ ne nnompe nyinaa so;

Emu baako mpo mmu.+

21 Mmusu na ɛde ɔdebɔneyɛfo bɛkɔ owu mu;

Ɔtreneeni atamfo nso, wobebu wɔn fɔ.

22 Yehowa gye n’asomfo nkwa,*

Na obiara a ɔde no yɛ ne guankɔbea no, wɔremmu no fɔ.+

35 O Yehowa, m’atamfo ne me anya, enti di m’asɛm ma me;+

Wo ne wɔn a wɔne me ko no nko.+

 2 Fa ɔkyɛm ketewa* ne ɔkyɛm kɛse,+

Na sɔre bɛko ma me.+

 5 Ma wɔnyɛ sɛ ntɛtɛwa wɔ mframa mu;

Ma Yehowa bɔfo mpam wɔn.+

 6 Sɛ Yehowa bɔfo taa wɔn so a,

Ma wɔn kwan mu nyɛ sum, na ɛso nyɛ toro.

 7 Wɔasum me afiri sɛ enyi me bere a menyɛɛ wɔn hwee;

Menyɛɛ wɔn hwee, nanso wɔatu amoa sɛ wɔde bɛkyere me.*

 8 Ma ɔsɛe mmra wɔn so mpofirim,

Na ma afiri a wɔasum no nyi wɔn ankasa;

Ma wɔnhwe mu, na wɔnsɛe korakora.+

 9 Na me de, medi* ahurusi wɔ Yehowa mu;

M’ani begye ne nkwagye nnwuma mu.

Wo na wugye mmɔborɔwa fi nea ɔyɛ den sen no nsam;+

Wugye mmɔborɔwa ne ohiani fi nea osisi no nsam.”+

11 Nkurɔfo di adanse tia me,+

Na nea minnim ho hwee na wɔde ho sobo bɔ me.

12 Wɔde bɔne tua papa a meyɛ so ka,+

Na ɛma midi awerɛhow.*

13 Me de, bere a wɔyaree no, mifuraa awerɛhow ntama,*

Meyɛɛ akɔnkyen* brɛɛ me ho ase,*

Na bere a mebɔɔ mpae a mannya ho mmuae no,*

14 Menantew dii awerɛhow te sɛ nea meregyam me yɔnko anaa me nua;

Mede awerɛhow sii me ti ase te sɛ obi a ɔregyam ne maame.

15 Nanso bere a mehwee ase* no, wodii ahurusi na wɔkaa wɔn ho boaa ano;

Wɔka boom tetɛw me sɛ wɔbɛbɔ me ahwe fam;

Wɔtetew me mu pasaa, na wɔanka wɔn ano antom.

16 Nnebɔneyɛfo tweetwee me di me ho fɛw;*

Wɔtwɛre wɔn se gu me so.+

Gye me* fi wɔn nsam;+

Me nkwa a ɛsom bo* no, gye fi agyata* a wɔn ho yɛ den nsam.+

18 Ɛno na mɛkamfo wo wɔ asafo kɛse mu;+

Meyi wo ayɛ wɔ nnipa dodow mu.

19 Mma wɔn a wokyi me kwa no nnni me ho ahurusi;

Na wɔn a wɔtan me kwa+ no, mma wonnnya me nnni me ho fɛw,+

20 Efisɛ wɔnka asomdwoesɛm;

Mmom, wodwen nnaadaasɛm tia wɔn a wodwo wɔ asaase so no.+

21 Wɔbae wɔn anom bɔ me sobo;

Wɔka sɛ: “Ahaa! Ahaa! Yɛde yɛn ani ahu.”

23 Nyan na sɔre betwitwa gye me,

Me Nyankopɔn Yehowa, di m’asɛm ma me.

24 O Yehowa me Nyankopɔn, bu me atɛn sɛnea wo trenee te;+

Mma wonnni me ho ahurusi.

26 Wɔn a wodi m’amanehunu ho ahurusi no,

Ma wɔn nyinaa mfɛre na wɔn anim ngu ase.

27 Na wɔn a wɔn ani gye sɛ meyɛ adetrenee no de, ma wonni ahurusi;

Ma wɔnka daa sɛ:

28 Ɛno na me tɛkrɛma bɛka wo trenee ho asɛm*+

Na mayi wo ayɛ daa nyinaa.+

36 Mmarato na ɛkyerɛ ɔdebɔneyɛfo koma kwan;

Onyankopɔn ho suro nni n’ani so.+

 2 Ɔdaadaa ne ho paa wɔ ne komam,

Enti onhu ne mfomso mpo na ayɛ no tan.+

 3 N’anom nsɛm di awu na ɛyɛ nnaadaa;

Onni nhumu a ɛbɛma wayɛ papa.

Ɔkwammɔne so na ɔnam;

Ɔmpo adebɔne.

 5 O Yehowa, wo dɔ a enni huammɔ kodu soro;+

Wo nokwaredi nso kodu omununkum mu.

 6 Wo trenee te sɛ mmepɔw akɛse;*+

W’atemmu te sɛ nsu kɛse a emu dɔ.+

 8 Wodi wo fi nneɛma pa* mee;+

Wɔnom nneɛma pa pii a wuhwie ma wɔn sɛ asubɔnten no ma wɔn ani gye.+

 9 Wo na nkwa fi wo;*+

Wo hann mu na yehu hann.+

10 Kɔ so da wo dɔ a enni huammɔ adi kyerɛ wɔn a wonim wo no,+

Na ma wo trenee ntena komam teefo so.+

11 Mma ɔhantanni nan nntiatia me so,

Na mma ɔdebɔneyɛfo mmpam me.

12 Amumɔyɛfo ahwehwe ase;

Wɔabɔ wɔn ahwe fam, na wontumi nsɔre.+

37 Mma wo bo mmfuw esiane nnebɔneyɛfo nti,

Na mma w’ani mmmere amumɔyɛfo.+

 2 Wobekisa ntɛm sɛ sare,+

Na wobetwintwam sɛ wura momono.

 3 Fa wo ho to Yehowa so na yɛ papa;+

Tena asaase so na di nokware.+

 4 Di ahurusi wɔ Yehowa mu,*

Na ɔbɛma wo nea wo koma pɛ.

 5 Fa wo kwan hyɛ Yehowa nsa,+

Na fa wo ho to no so, na obeso wo mu.+

 6 Ɔbɛma wo trenee ada adi sɛ adekyee hann,

Na w’atɛntrenee ada adi sɛ awia ketee.

 7 Yɛ komm hwɛ Yehowa;+

Tɔ wo bo ase* twɛn no.

Sɛ obi bɔ pɔw bɔne na otumi yɛ ho adwuma a,

Mma ɛnnhaw wo nuabarima.+

 8 Mma abufuw nnhyɛ wo so, na mma abufuhyew kwan;+

Mma nneɛma nnhaw wo na woankɔyɛ bɔne,*

 9 Efisɛ wobeyi nnebɔneyɛfo hɔ,+

Na wɔn a wɔtwɛn Yehowa no, wɔn na asaase no bɛyɛ wɔn dea.+

10 Aka kakraa bi na nnebɔneyɛfo nni hɔ bio;+

Wobɛhwehwɛ wɔn tenabea,

Nanso worenhu wɔn.+

11 Ahobrɛasefo na asaase no bɛyɛ wɔn dea,+

Na wobegye wɔn ani wɔ asomdwoe bebree mu.+

12 Ɔdebɔneyɛfo fa ɔtreneeni ho adwemmɔne,+

Na ɔde abufuw twɛre ne se gu no so.

13 Nanso Yehowa bɛserew no,

Efisɛ Onim sɛ n’awiei bɛba.+

14 Nnebɔneyɛfo twe wɔn sekan, na wokuntun wɔn agyan mu

Sɛnea ɛbɛyɛ a wɔbɛma mmɔborɔwa ne ohiani ahwe ase,

Na wɔakum wɔn a wɔn kwan teɛ.

15 Wɔn ankasa sekan na ɛbɛwɔ wɔn koma mu;+

Wɔn agyan bebubu.

16 Nneɛma kakra a ɔtreneeni wɔ no,

Eye sen adedodow a nnebɔneyɛfo pii wɔ,+

17 Efisɛ nnebɔneyɛfo nsam begow,

Na atreneefo de, Yehowa bɛboa wɔn.

18 Ɔhaw a wɔn a wɔn ho nni asɛm fa mu no, Yehowa nim,*

Na wɔn agyapade bɛtena hɔ daa.+

19 Ahohia ba a, wɔn ani renwu,

Na ɔkɔm bere mu nso, wɔbɛmee.

20 Nnebɔneyɛfo de, wɔbɛyera;+

Sɛnea wura frɔmfrɔm hyew no, saa ara na Yehowa atamfo ase bɛhyew;

Wɔbɛyera te sɛ wusiw.

21 Ɔdebɔneyɛfo fɛm ade a, ontua;

Ɔtreneeni de, ne yam ye* na ɔkyɛ ade.+

22 Wɔn a Onyankopɔn hyira wɔn no, wɔn na asaase no bɛyɛ wɔn dea,

Na wɔn a ɔdome wɔn no de, wɔbɛsɛe.+

23 Sɛ ɔbarima kwan sɔ Yehowa ani a,+

Ɔkyerɛ no sɛnea obetutu n’anammɔn.*+

24 Sɛ ɔhwe ase mpo a, ɔrenka hɔ,+

Efisɛ Yehowa beso ne nsa* ama no so.+

25 Ná meyɛ abofra, na afei mabɔ akwakoraa,

Nanso minhuu sɛ Onyankopɔn apo ɔtreneeni+

Anaasɛ n’asefo srɛsrɛ aduan.*+

26 Oyi ne yam de ade fɛm nkurɔfo daa,+

Na nhyira da hɔ retwɛn ne mma.

27 Fi bɔne ho na yɛ papa,+

Na wobɛtena ase daa.

28 Efisɛ Yehowa dɔ atɛntrenee,

Na ɔrennyaw n’anokwafo.+

Ɔbɛhwɛ wɔn so daa;+

Na nnebɔneyɛfo asefo de, wɔbɛsɛe.+

29 Atreneefo na asaase no bɛyɛ wɔn dea,+

Na wɔbɛtena so daa.+

30 Ɔtreneeni de n’ano ka nsɛm a ɛma nkurɔfo hu nyansa,*

Na ne tɛkrɛma ka nsɛm a ɛteɛ.+

31 Ne Nyankopɔn mmara wɔ ne koma mu;+

Sɛ otutu n’anammɔn a, ɔrenhintiw.+

32 Ɔdebɔneyɛfo ani sa ɔtreneeni;

Ɔrehwehwɛ no akum no.

33 Nanso Yehowa rennyaw ɔtreneeni nhyɛ ne nsa,+

Na sɛ ɔrebu atɛn a, ɔremmu ɔtreneeni fɔ.+

34 Twɛn Yehowa, na fa ne kwan so;

Ɔbɛma wo so na ɔde asaase no ama wo.

35 Mahu ɔdebɔneyɛfo a ne tirim yɛ sum;

Ɔtrɛtrɛw yɛɛ frɔmm sɛ dua a anya baabi pa asi.+

36 Nanso mpofirim ara otwaam kɔe, na na onni hɔ bio;+

Mehwehwɛɛ no ara nso manhu no.+

37 Hwɛ onipa a asɛm biara nni ne ho,*

Na hwɛ nea ɔteɛ;+

Saa onipa no awiei bɛyɛ asomdwoe.+

38 Mmaratofo de, wɔbɛsɛe wɔn nyinaa,

Na anidaso biara nni hɔ mma nnebɔneyɛfo.+

39 Atreneefo nkwagye fi Yehowa;+

Ɔno ne wɔn ahohia bere mu guankɔbea.+

Obeyi wɔn afi nnebɔneyɛfo nsam, na wagye wɔn,

Efisɛ wɔde no ayɛ wɔn guankɔbea.+

38 O Yehowa, mfa abufuw nka m’anim,

Na mfa abufuhyew nteɛ me so.+

 2 W’agyan awurawura me mu tɔnn,

Na wo nsa ayɛ duru wɔ me so.+

 4 Efisɛ me mfomso aboro me so,+

Na ɛdɛn me sɛ adesoa duruduru.

 5 Me nkwaseasɛm nti,

M’akuru bɔn, na aporɔw.

 6 Mayɛ basaa, na mabotow;

Mede awerɛhow nantenantew da mu nyinaa.

 7 Me ho hyehye me,*

Na me ho baabiara nnwo me.+

 8 Madwudwo, na mabubu koraa;

Me koma abotow, enti misi apini denneennen.*

 9 O Yehowa, nea ehia me nyinaa wunim,

Na m’ahomegu nso, w’ani tua.

10 Me koma bɔ denneennen na m’ahoɔden asa.

M’aniwa nhu hann bio.+

11 Me yare nti, me nnamfo ne me mfɛfo mpɛ sɛ wɔbɛbɛn me,

Na m’amannifo atwe wɔn ho afi me ho.

12 Wɔn a wɔrehwehwɛ me akum me* no sum me mfiri,

Na wɔn a wɔpɛ sɛ wodi me bɔne no ka sɛnea wɔbɛsɛe me ho asɛm.+

Wɔka nnaadaasɛm da mu nyinaa.

13 Nanso mayɛ sɛ obi a n’aso asiw, enti mintie;+

Mayɛ sɛ mum, enti mimmue m’ano.+

14 Mayɛ sɛ onipa a ɔnte asɛm;

Minni anoyi biara.

15 O Yehowa, wo na metwɛn wo,+

Na wutiee me, O Yehowa, me Nyankopɔn.+

16 Mekae sɛ: “Mma wonnni me ho ahurusi

Anaa wɔmmmoma wɔn ho so nntia me bere a me nan awatiriw no.”

17 Anka mereyɛ ahwe ase,

Ná mewɔ yaw mu daa.+

18 Mekaa me mfomso;+

Me bɔne yɛɛ me so dadwen.+

19 Nanso m’atamfo ani so yɛ hyew* na wɔn ho yɛ den;*

Wɔn a wɔtan me kwa no adɔɔso.

20 Wɔde bɔne tuaa papa a meyɛe so ka;

Adepa a meyɛe nti, wɔko tiaa me.

22 Yɛ ntɛm bɛboa me,

O Yehowa, m’agyenkwa.+

39 Mekae sɛ: “Mɛhwɛ m’anammɔn yiye

Na mamfa me tɛkrɛma anyɛ bɔne.+

Sɛ ɔdebɔneyɛfo bi wɔ baabi a mewɔ a,

Mede ade bɛhyɛ m’ano.”+

 2 Metɔɔ mum na mankasa;+

Adepa mpo, manka ho asɛm,

Nanso me yaw no mu yɛɛ den.

 4 “O Yehowa, ma minhu sɛnea m’awiei bɛyɛ,

Na minhu me nna a aka,+

Sɛnea ɛbɛyɛ a mehu sɛ me nkwa nna yɛ tiaa.*

 5 Anokwa, woama me nna ayɛ kakraa bi;*+

Na me nkwa nna nyɛ hwee wɔ w’ani so.+

 9 Metɔɔ mum;

Mantumi ammue m’ano,+

Efisɛ wo na woma ɛbaa saa.+

11 Onipa mfomso nti, wotwe n’aso de teɛteɛ no;+

Sɛnea nwewemmoa sɛe ade no, saa ara na wobɛyɛ n’agyapade.

12 O Yehowa, tie me mpaebɔ;

Yɛ aso ma me sufrɛ.+

Na meyɛ ɔhɔho ma wo;+

Meyɛ ɔkwantuni a ɔretwam* te sɛ m’agyanom nyinaa.+

13 W’ani si me so dodo; yi fi me so ma m’ani nnye,

Ansa na mawu a wonhu me bio.”

40 Mede me werɛ nyinaa hyɛɛ Yehowa mu,*

Na otiee me,* na ɔyɛɛ aso maa me sufrɛ.+

 2 Oyii me fii amoa a emu nsu rebu fa so

Ne atɛkyɛ kyakaa mu.

Na ɔde me nan sii ɔbotan so;

Ɔmaa me nan timii.

 3 Afei ɔmaa me dwom foforo;+

Metoo ayeyi dwom maa yɛn Nyankopɔn.

Nnipa pii behu nea Onyankopɔn ayɛ na wɔasuro,

Na wɔde wɔn ho bɛto Yehowa so.

 4 Anigye ne ɔbarima a ɔde ne ho to Yehowa so

Na onni asobrakyefo ne nkontompofo* akyi.

 5 O Yehowa me Nyankopɔn,

Nneɛma a woayɛ ama yɛn dɔɔso;

W’anwonwadwuma ne adwene a woadwen wɔ yɛn ho.+

Obiara ne wo nsɛ;+

Sɛ mise mereka ho asɛm na makyerɛkyerɛ mu a,

Anka merenwie, efisɛ ɛdɔɔso dodo.+

 6 W’ani annye afɔre ne ayɛyɛde ho,*+

Nanso wubuee m’aso ma metee wo nsɛm ase.+

 8 O me Nyankopɔn, nea mepɛ* ne sɛ mɛyɛ w’apɛde,+

Na wo mmara wɔ me koma mu tɔnn.+

Hwɛ! Merentumi nka m’ano ntom,+

O Yehowa, wunim saa.

Me mfomso bebree bu fa me so ma minhu me kwan mu yiye;+

Ɛdɔɔso sen me ti nwi,

Na mapa abaw.

14 Ma wɔn a wɔrepɛ me akum me* no nyinaa

Ani nwu na wɔmfɛre.

Ma wɔn a wɔpɛ me sɛe no

Mfa aniwu nnan wɔn ho nguan.

16 Wɔn a wɔhwehwɛ wo no de,+

Ma wɔn ani nnye na wonni wo mu ahurusi.+

17 Me de, meyɛ mmɔborɔwa ne ohiani.

Ma Yehowa ntwa n’ani mmɛhwɛ me.

Wone me boafo ne me gyefo.+

Me Nyankopɔn, ntwentwɛn wo nan ase.+

41 Anigye ne nea ohu ɔbrɛfo mmɔbɔ;+

Edu ahohia da a Yehowa begye no.

Nkurɔfo bɛfrɛ no anigye wɔ asaase so.+

Na woremfa no nhyɛ n’atamfo* nsa.+

 3 Sɛ ɔyare da mpa so a, Yehowa bɛhwɛ no;+

Wobɛdannan no wɔ ɔyare mpa so.

Ɔbɛpɛ me ho nsɛmmɔne a obetumi de akɔ;

Afei ɔnam a, ɔkeka kyerɛ nkurɔfo.

 7 Wɔn a wɔtan me no, obiara keka me ho nsɛm gu ne yɔnko asom;

Wɔbɔ me ho pɔw bɔne. Wɔka sɛ:

 8 “Adebɔne bi ayɛ no;

Afei a watɔ fam yi, ɔrensɔre bio.”+

 9 Nea me ne no te asomdwoe mu mpo a mede me ho too no so,+

Na odi m’aduan* no, wasɔre atia me.*+

10 O Yehowa, hu me mmɔbɔ na ma me so,

Na ama matua wɔn so ka.

12 Me de, m’abrabɔ a edi mu nti woma me so,+

Na wobɛma magyina w’anim daa.+

13 Ayeyi nka Israel Nyankopɔn Yehowa

Daa daa.*+

42 O Onyankopɔn, m’ani* agyina wo

Sɛnea ɔwansan ani gyina nsu.

 3 Me nisu adan m’aduan awia ne anadwo;

Daa nkurɔfo di me ho fɛw sɛ: “Wo Nyankopɔn no wɔ he?”+

 4 Sɛ mekae saa nneɛma yi a, mihwie me koma mu nsɛm gu hɔ.*

Efisɛ bere bi me ne nnipadɔm no boom nantewee;

Midii wɔn anim ne wɔn nantew komm* kɔɔ Onyankopɔn fi.

Yɛde ahurusi ne aseda nne na ɛkɔe

Sɛ nnipakuw a wɔrehyɛ fã.+

Twɛn Onyankopɔn,+

Na mɛkɔ so ayi no ayɛ sɛ me Nkwagye Kɛse.+

Enti mekae wo+

Wɔ Yordan asaase ne Hermon mmepɔw so,

Misar Bepɔw* so.

 7 Wo nsu a ebu fa so nnyigyei nti,

Asorɔkye ma so a, na asorɔkye agye so.

 8 Yehowa bɛda ne dɔ a enni huammɔ adi akyerɛ me adekyee,

Na mɛto ne dwom anadwo; ɛyɛ mpae a mɛbɔ me nkwagye Nyankopɔn no.+

10 M’atamfo kyi me kɔkɔkɔkɔ, enti wodi me ho fɛw;*

Daa wodi me ho fɛw sɛ: “Wo Nyankopɔn no wɔ he?”+

Twɛn Onyankopɔn,+

Na mɛkɔ so ayi no ayɛ sɛ me Nkwagye Kɛse ne me Nyankopɔn.+

43 O Onyankopɔn, bu me atɛn,+

Me ne ɔman a wɔnka nokware anya, enti di m’asɛm ma me.+

Ma emmedi m’anim;+

Ma ɛnkyerɛ me kwan nkɔ wo bepɔw kronkron no so, ne wo ntamadan kɛse no mu.+

 4 Ɛba saa a, mɛkɔ me Nyankopɔn afɔremuka ho,+

Mɛkɔ me Nyankopɔn a ɔma m’ani gye boro so no nkyɛn.

Twɛn Onyankopɔn,+

Na mɛkɔ so ayi no ayɛ sɛ me Nkwagye Kɛse ne me Nyankopɔn.+

44 O Onyankopɔn, yɛde yɛn ankasa aso ate,

Yɛn agyanom aka akyerɛ yɛn,+

Nnwuma a woyɛe wɔ wɔn bere so

Wɔ tete mmere mu no.

 2 Wode wo nsa pam amanaman,+

Na wode yɛn agyanom kɔtenaa hɔ.+

 3 Ɛnyɛ wɔn ankasa sekan na wɔde nyaa asaase no,+

Na ɛnyɛ wɔn ankasa basa na egyee wɔn;+

Mmom ɛyɛ wo nsa nifa ne wo basa+ ne w’anim hann,

Efisɛ na wopɛ wɔn asɛm.+

 4 O Onyankopɔn, wone me Hene;+

Ma* Yakob nni nkonim korakora.*

 5 Yɛnam wo tumi so bɛpam yɛn atamfo;+

Ahotoso a yɛwɔ wɔ wo din mu nti, yebetiatia wɔn a wɔsɔre tia yɛn no so,+

 6 Efisɛ ɛnyɛ m’agyan na mede me ho to so,

Na me sekan rentumi nnye me.+

 7 Wo na wugyee yɛn fii yɛn atamfo nsam;+

Wo na womaa wɔn a wɔtan yɛn no anim guu ase.

 8 Onyankopɔn na yebeyi no ayɛ daa nyinaa,

Na yɛbɛkamfo wo din daa daa. (Sela)

 9 Nanso afei de, woatow yɛn akyene na woama yɛn anim agu ase,

Na wonka yɛn asraafo ho nkɔ bio.

10 Woma yeguan fi yɛn atamfo anim;+

Wɔn a wɔtan yɛn no, wɔfa biribiara a wɔpɛ.

11 Wode yɛn hyɛ yɛn atamfo nsa sɛ wonkum yɛn sɛ nguan;

Woabɔ yɛn ahwete amanaman mu.+

12 Wotɔn wo nkurɔfo fofoofow,+

Na wunnya mfaso biara.*

13 Woama yɛn anim agu ase wɔ wɔn a wɔtete bɛn yɛn no anim;

Wɔn a wɔatwa yɛn ho ahyia nyinaa di yɛn ho fɛw, na wɔhwɛ yɛn serew.

14 Woama aman no anya yɛn retweetwee yɛn,*+

Na yɛn nti, nkurɔfo wosowosow wɔn ti.

15 Daa nyinaa m’anim gu ase,

Na aniwu amene me,

16 Esiane wɔn nne a wɔde twa me adapaa ne nsɛmmɔne a wɔka tia me nti;

Esiane yɛn tamfo a ɔretua yɛn so ka nti.

17 Eyinom nyinaa aba yɛn so, nanso yɛn werɛ mfii wo,

Na yemmuu w’apam so.+

18 Yɛn koma nnyaee w’akyi di;

Yɛn anammɔn nso mman mfii wo kwan so.

19 Nanso woabubu yɛn pasaa wɔ sakraman tenabea;

Wode sum kabii akata yɛn so.

20 Sɛ yɛn werɛ afi yɛn Nyankopɔn din

Anaasɛ yɛatrɛw yɛn nsam abɔ onyame foforo bi mpae a,

21 Anka Onyankopɔn renhu anaa?

22 Wo nti wokum yɛn daa nyinaa;

Wobu yɛn sɛ nguan a wɔrekokum wɔn.+

25 Wɔabrɛ yɛn* ase ama yɛaba fam sɛ mfuturu;

Wɔaka yɛn nipadua atim fam.+

 3 O Otumfo,+ fa wo sekan bɔ w’asen+

Wɔ anuonyam ne nidi mu.+

 4 Na kodi nkonim w’anuonyam mu;+

Nokware, ahobrɛase ne trenee nti, tena wo pɔnkɔ so na ko,+

Na wo nsa nifa bɛyɛ* anwonwadwuma.

 5 W’agyan ano yɛ nnam, ɛma aman hwehwe ase wɔ w’anim;+

Ɛwowɔ ɔhene no atamfo koma mu.+

 6 Onyankopɔn ne w’ahengua daa daa,+

Na w’ahenni poma yɛ atɛntrenee* ahempoma.+

 8 Kurobow ne pɛprɛ ne kasia dua yi hua wɔ wo ntaade nyinaa mu;

Sɛ wɔbɔ sanku wɔ ahemfi kɛse a wɔde asonse* ayɛ no mu a, wudi ahurusi.

10 O ɔbabea, tie, na yɛ aso;

Yi w’adwene fi wo nkurɔfo ne wo papa fi so.

11 Na ɔhene ani begyina w’ahoɔfɛ,

Efisɛ ɔno ne wo wura,

Enti kotow no.

12 Tiro babea de akyɛde bɛba;

Adefo mu adefo bɛhwehwɛ w’anim dom.

13 Ɔhene babea ho yɛ fɛ boro so wɔ ahemfi hɔ;

Wɔde sika kɔkɔɔ abobɔ n’ataade mu.*

15 Ahurusi ne anigye mu na wɔde wɔn bɛba;

Wɔbɛhyɛn ɔhene ahemfi.

46 Onyankopɔn ne yɛn guankɔbea ne yɛn ahoɔden,+

Ahohia mu boafo a ɔwɔ hɔ daa.+

 2 Ɛno nti sɛ asaase wosow,

Na mmepɔw tutu kogu ɛpo ase,+

 3 Sɛ emu nsu bu fa so, na etwa ahuru,+

Na mmepɔw wosow biribiri mpo a, yɛrensuro. (Sela)

 4 Asubɔnten bi wɔ hɔ a ne nsuwansuwa ma Onyankopɔn kurow di ahurusi,+

Ɛma Ɔsorosoroni no ntamadan kronkron kɛse no di ahurusi.

 6 Amanaman no yɛɛ gyegyeegye, wotuu ahenni gui;

Ɔmaa ne nne so, na asaase nanee.+

 7 Asafo Yehowa ka yɛn ho;+

Yakob Nyankopɔn yɛ yɛn guankɔbea.* (Sela)

 8 Mommra mmɛhwɛ Yehowa nnwuma,

Sɛnea wayɛ anwonwadwuma pii wɔ asaase so.

Obubu agyan mu, na otwitwa peaw mu asinasin;

Ɔde gya hyew asraafo nteaseɛnam.*

Wɔbɛma me so wɔ amanaman mu;+

Wɔbɛma me so, asaase so.”+

11 Asafo Yehowa ka yɛn ho;+

Yakob Nyankopɔn yɛ yɛn guankɔbea.+ (Sela)

 2 Efisɛ Yehowa, Ɔsorosoroni no ho yɛ nwonwa,+

Ɔyɛ Ɔhenkɛse wɔ asaase nyinaa so.+

 3 Ɔma yedi aman so nkonim,

Na ɔde amanaman hyɛ yɛn nan ase.+

 4 Ɔpaw yɛn agyapade ma yɛn,+

Agyapade a Yakob a ɔdɔ no no de hoahoa ne ho.+ (Sela)

 5 Nkurɔfo rebɔ ose na Onyankopɔn aforo kɔ ne tenabea;

Nkurɔfo rebɔ abɛn* na Yehowa aforo kɔ ne tenabea.

 7 Na Onyankopɔn ne asaase nyinaa so Hene;+

Monto ayeyi dwom, na momfa nhumu nyɛ adwuma.

 9 Aman no mpanyimfo aboaboa wɔn ho ano,

Wɔne Abraham Nyankopɔn man.

48 Yehowa yɛ kɛse, na ɔfata ayeyi paa

Wɔ yɛn Nyankopɔn kurow mu, wɔ ne bepɔw kronkron no so.

 2 Bepɔw so kurow fɛfɛ, nea ɛma asaase sofo nyinaa ani gye,+

Ɛno ne Sion Bepɔw a ɛwɔ atifi fam noho,

Ɔhenkɛse no kurow no.+

 3 Kurow no abannennen mu no,

Onyankopɔn ada ne ho adi sɛ ɔyɛ guankɔbea.*+

 4 Hwɛ! Ahemfo ahyiam,*

Wɔabom yuu rekɔ wɔn anim.

 6 Wɔn ho wosowee biribiribiri wɔ hɔ,

Wɔn ho yeraw wɔn te sɛ ɔbea a ɔrewo.

 8 Nea yɛate no, afei de yɛde yɛn ani ahu

Wɔ asafo Yehowa kurow, yɛn Nyankopɔn kurow no mu.

 9 O Onyankopɔn, yedwinnwen wo dɔ a enni huammɔ no ho+

Wɔ w’asɔrefi hɔ.

10 O Onyankopɔn, sɛnea wo din kodu asaase ano noho no,+

Saa ara na w’ayeyi nso kodu asaase ano noho.

11 Ma Sion Bepɔw+ nni ahurusi;

W’atemmu nti, ma Yuda nkurow* ani nnye.+

12 Muntwa Sion ho nhyia; momfa ho nyinaa nhyia.

Monkan n’abantenten.+

Monhwɛ n’abannennen,

Na moatumi aka akyerɛ nkyirimma.

Mo a mowɔ wiase* nyinaa, monyɛ aso,

 2 Nketewa ne akɛse,*

Adefo ne ahiafo nyinaa.

 3 M’ano bɛka nyansasɛm,

Na nea midwinnwen ho wɔ me koma mu+ no bɛkyerɛ sɛ mewɔ ntease.

 4 Mɛyɛ aso atie abebusɛm;

Mede sankuten bɛkyerɛkyerɛ m’akasabebu* mu.

 5 Dɛn nti na ɛsɛ sɛ misuro nna bɔne,+

Bere a wɔn a wɔpɛ sɛ woyi me hwe hɔ no de wɔn abɔnefosɛm* atwa me ho ahyia?

 6 Wɔn a wɔde wɔn ho to wɔn ahonyade so,+

Na wɔde wɔn ahonyade bebree hoahoa wɔn ho no,+

 7 Wɔn mu biara rentumi nnye ne nua,*

Anaa ɔrentumi mpata Onyankopɔn* mfa nnye no da,+

 8 (Ade a ɛsɛ sɛ wotua de gye* onipa nkwa* no som bo paa

Ma enti wɔrentumi ntua da,)

 9 Na ama watena ase daa a onhu amoa.*+

10 Ohu sɛ anyansafo mpo wuwu;

Ɔkwasea ne nea onni adwene nyinaa sɛe,+

Na nea ɛbɛba ara ne sɛ wobegyaw wɔn ahonyade ama ebinom.+

11 Wɔn koma mu no, wonyae a anka wɔn afi wɔ hɔ daa,

Na wɔn ntamadan nso wɔ hɔ awo ntoatoaso nyinaa mu.

12 Ɛwom sɛ ɔdasani wɔ anuonyam de, nanso ɔrentena ase daa;+

Ɔnkyɛn mmoa a wɔsɛe kwa no.+

13 Saa kwan yi na agyimifo+

Ne wɔn a wodi wɔn akyi na wɔpɛ wɔn nsɛnhunu no fa so. (Sela)

Owu bɛhwɛ wɔn so;

Teefo bedi wɔn so+ anɔpa,

Wɔrenhu wɔn ho mpopoe biara bio;+

Ɔdamoa+ na ɛbɛyɛ wɔn fi, na ɛnyɛ ahemfi.+

15 Nanso Onyankopɔn begye me* afi Ɔdamoa* nsam,+

Efisɛ obeso me mu. (Sela)

16 Sɛ obi nya ne ho a, nsuro,

Sɛ ne fi anuonyam redɔɔso a, mmɔ hu.

17 Efisɛ owu a, ɔrentumi mfa hwee nkɔ;+

N’anuonyam renni n’akyi.+

20 Onipa dasani a ɔnte eyi ase no, ɛwom sɛ ɔwɔ anuonyam de,+

Nanso ɔnkyɛn mmoa a wɔsɛe kwa no.

50 Yehowa,* Onyankopɔn a onyame biara ne no nsɛ no+ akasa;

Ɔfrɛ asaase

Fi apuei kosi atɔe.*

Ogya a ɛhyew ade di n’anim,+

Na ahum kɛse atwa ne ho ahyia.+

 4 Ɔfrɛ ɔsoro ne asaase,+

Sɛnea ɛbɛyɛ a obebu ne nkurɔfo atɛn:+

 5 “Mommoaboa m’anokwafo ano mma me,

Wɔn a wɔnam afɔrebɔ so ne me ayɛ apam no.”+

 6 Ɔsoro ka ne trenee kyerɛ,

Efisɛ Onyankopɔn ankasa ne Ɔtemmufo.+ (Sela)

 7 “O me man, muntie, na merebɛkasa;

Israel, merebedi adanse atia wo.+

 8 Ɛnyɛ mo afɔrebɔ nti na mereka mo anim,

Na ɛnyɛ mo hyew afɔre a ɛwɔ m’anim daa ntia.+

 9 Enhia sɛ mefa nantwinini fi mo fi,

Na enhia nso sɛ mefa mpapo fi mo mpɔnkyebuw mu.+

10 Efisɛ kwae mu mmoadoma nyinaa yɛ me dea,+

Mmepɔw apem so mmoa nyinaa mpo yɛ me dea.

11 Minim mmepɔw so nnomaa nyinaa;+

Na wuram mmoadoma a wɔn dodow nni ano nyinaa yɛ me dea.

12 Sɛ ɔkɔm de me a, ɛnyɛ wo na mɛka akyerɛ wo,

Efisɛ asaase ne emu nneɛma nyinaa yɛ me dea.+

13 Anantwinini nam na mewe anaa?

Na mpɔnkye mogya na menom anaa?+

14 Fa aseda yɛ afɔrebɔde ma Onyankopɔn,+

Na tua wo bɔhyɛ ade ma Ɔsorosoroni no;+

15 Frɛ me ahohia da mu,+

“Hena na ɔmaa wo kwan sɛ ka m’ahyɛde ho asɛm+

Anaa ka m’apam ho asɛm?+

17 Efisɛ wukyi nteɛso,*

Na womfa me nsɛm nyɛ hwee.*+

18 Sɛ wuhu ɔkorɔmfo a, w’ani gye ne ho,*+

Na wo ne awaresɛefo na ɛbɔ.

19 Wode w’ano keka nsɛmmɔne,

Na nnaadaasɛm wɔ wo tɛkrɛma so.+

20 Wotena ase kasa tia w’ankasa wo nua;+

Wo maame ba mpo, wudi ne ho nseku.*

21 Bere a woyɛɛ eyinom nyinaa no, meyɛɛ dinn,

Enti ɛyɛɛ wo sɛ mɛyɛ sɛ wo ara.

Afei, merebɛkasa akyerɛ wo,

Na mɛka nea woayɛ asi w’anim.+

22 Mo a mo werɛ afi Onyankopɔn, mesrɛ mo, munsusuw eyi ho,+

Na mantetew mo mu pasaa a morennya ogyefo biara.

23 Nea ɔde aseda yɛ afɔrebɔde no hyɛ me anuonyam,+

Na nea ɔde si n’ani so sɛ ɔbɛfa ɔkwampa so no,

Mɛma wahu Onyankopɔn nkwagye.”+

 2 Hohoro me mfomso fi me ho koraa,+

Na hohoro* me ho fi me bɔne ho.+

 3 Me mmarato no, minim paa,

Na me bɔne wɔ m’anim* daa nyinaa.+

 4 Wo paa na mayɛ wo bɔne;+

Mayɛ nea enye wɔ w’ani so.+

Enti sɛ wokasa a, wudi bem,

Na woteɛ wɔ w’atemmu mu.+

 5 Hwɛ! Wɔwoo me no, na bɔne wɔ me ho,

Na bɔne mu na me maame nyinsɛn me.*+

 6 Hwɛ! Koma mu nokwaredi na w’ani gye ho;+

Kyerɛkyerɛ me na minhu nyansa ankasa wɔ me koma mu.

 7 Fa sommɛ* dwira me ho fi me bɔne ho na ama me ho atew;+

Hohoro me ho na me ho nyɛ fitaa nsen sukyerɛmma.+

 8 Ma mente ahosɛpɛw ne ahurusi nne,

Na ama m’ani agye ɛmfa ho sɛ woabubu me nnompe no.+

 9 Yi w’ani fi me bɔne so,*+

Na popa me mfomso nyinaa.+

10 O Onyankopɔn, bɔ koma a emu tew ma me,+

Na fa honhom foforo hyɛ me mu,+ honhom a ase atim.

11 Ntow me mfi w’anim nkyene,

Na nyi wo honhom kronkron mfi me so.

12 Ma minni wo nkwagye ho ahurusi bio,+

Na ma minnya ɔpɛ sɛ metie wo.

13 Mɛkyerɛkyerɛ mmaratofo w’akwan,+

Na ama abɔnefo asan aba wo nkyɛn.

14 O Onyankopɔn, me nkwagye Nyankopɔn,+ gye me fi mogya ho afodi mu,+

Na ama me tɛkrɛma de anigye aka wo trenee ho asɛm.+

15 O Yehowa, bue m’ano,

Na m’ano atumi aka w’ayeyi ho asɛm.+

16 W’ani nnye afɔrebɔ ho, anka mede bɛma wo;+

Ɔhyew afɔre nsɔ w’ani.+

17 Afɔre a ɛsɔ Onyankopɔn ani ne honhom a abubu;

O Onyankopɔn, worempo koma a abubu na apɛtɛw.+

18 W’adom nti, wo ne Sion nni no yiye;

San to Yerusalem afasu no.

19 Ɛno na w’ani begye trenee afɔre ho,

Ɔhyew afɔre ne afɔrebɔ nyinaa ho;

Afei, wɔde anantwinini bɛbɔ afɔre wɔ w’afɔremuka so.+

 2 Wo tɛkrɛma a ano yɛ nnam sɛ oyiwan no,+

Ɛbɔ pɔw bɔne, na ɛyɛ nnaadaa nnwuma.+

 3 Wodɔ bɔne sen papa,

Na wodɔ nkontompo sen sɛ wobɛka nsɛm a ɛteɛ. (Sela)

 4 O tɛkrɛma a woyɛ okontomponi;

W’ani gye asɛm biara a epira ho.

 5 Ɛno nti Onyankopɔn bɛma woahwe ase;+

Ɔbɛtwe wo, na watu wo afi wo ntamadan mu;+

Obetu w’ase afi ateasefo asaase so.+ (Sela)

 6 Atreneefo behu na wɔn ho adwiriw wɔn,+

Na wɔbɛserew no+ aka sɛ:

 7 “Oyi ne ɔbarima a wamfa Onyankopɔn anyɛ ne guankɔbea* no,+

Mmom, ɔde ne ho too n’ahonyade bebrebe no so,+

Na ɔde ne ho too pɔw bɔne a n’ankasa bɔe so.”*

 8 Nanso me de, mɛyɛ sɛ ngodua frɔmfrɔm wɔ Onyankopɔn fi;

Mede me ho bɛto Onyankopɔn dɔ a enni huammɔ no so+ daa daa.

 9 Esiane nea woayɛ nti, meyi wo ayɛ daa;+

Mede m’ani bɛto wo din so+

Wɔ w’anokwafo anim efisɛ eye.

Wɔn nneyɛe a ɛnteɛ no nye koraa, na wɔyɛ akyiwade.

Wɔn mu biara nni hɔ a ɔyɛ adepa.+

 2 Onyankopɔn de, ofi soro hwɛ nnipa mma;+

Ɔrehwɛ sɛ obehu obi a ɔwɔ nhumu anaa obi a ɔhwehwɛ Yehowa.+

 3 Wɔn nyinaa afom kwan;

Wɔn nyinaa aporɔw.

Obiara nni hɔ a ɔyɛ adepa,

Ɔbaako mpo nni hɔ.+

 5 Ehu kɛse bɛka wɔn,

Ehu a ebi nkaa wɔn da,*

Efisɛ wɔn a wɔtow hyɛ wo so no,* Onyankopɔn bɛbɔ wɔn nnompe apete.

Na sɛ Yehowa bɛsan aboaboa ne nkurɔfo a wɔakodi obi man so no ano aba a,

Ɛnde ma Yakob ani nnye na Israel nni ahurusi.

54 O Onyankopɔn, fa wo din no gye me,+

Na fa wo tumi di m’asɛm ma me.+

 2 O Onyankopɔn, tie me mpaebɔ,+

Na yɛ aso tie m’anom nsɛm.

 3 Na ananafo asɔre atia me,

Na atirimɔdenfo rehwehwɛ me akum me.*+

 4 Hwɛ! Onyankopɔn ne me boafo;+

Wɔn a wokurakura me* no, Yehowa wɔ wɔn afã.

 5 Bɔne a m’atamfo di no, ɛno ara na ɔde betua wɔn so ka;+

Wo nokwaredi nti, yi wɔn fi hɔ.*+

 7 Ogye me fi ahohia nyinaa mu,+

Na m’atamfo bɛhwe ase ama madi ahurusi.+

55 O Onyankopɔn, tie me mpaebɔ,+

Na sɛ mesrɛ wo sɛ hu me mmɔbɔ a, mmu w’ani ngu m’adesrɛ so.*+

Me dadwen ama me ho yeraw me,+

Na mabotow,

 3 Esiane nea ɔtamfo rekeka

Ne ɔdebɔneyɛfo nhyɛso nti.

Ɔde mmusu ba me so daa,

Na abufuw nti, wonya me ho menasepɔw.+

 4 Me koma di yaw wɔ me mu,+

Na owu ho hu akyekyere me.+

 5 Ehu ne ahopopo ahyɛ me so,

Na me ho wosow biribiri.

 8 Anka metu mmirika akɔ me guankɔbea,

Afi mframa kɛse ne ahum no mu.”

 9 O Yehowa, ma wɔn adwene ntu mfra, na ma wɔn agyinatu nyɛ ɔkwa,*+

Na mahu anuɔdensɛm ne akasakasa wɔ kurow no mu.

10 Wɔnenam n’afasu so awia ne anadwo;

Amumɔyɛsɛm ne ɔhaw wɔ kurow no mu.+

11 Mmusu wɔ kurow no mu;

Na nhyɛso ne nnaadaa mpa n’abɔnten so.+

12 Ɛnyɛ ɔtamfo na otwa me adapaa;+

Sɛ saa a, anka ɛrenhaw me.

Ɛnyɛ ɔtamfo na wasɔre atia me;

Anka metumi de me ho ahintaw no.

13 Mmom ɛyɛ wo, me yɔnko nipa,*+

Me ara me mannifo a minim wo yiye.+

14 Ná woyɛ me yɔnko berɛbo;

Yɛne nnipadɔm bɔɔ anan kɔɔ Onyankopɔn fi.

Ma wɔmfa anikan nkɔ Ɔdamoa* mu,

Efisɛ bɔne wɔ wɔn koma mu ne baabi a wɔte.

16 Me de, Onyankopɔn na mɛfrɛ no;

Na Yehowa na obegye me.+

17 Meyɛ basaa anwummere, anɔpa, ne awia, na misi apini,*+

Na ɔte me nne.+

18 Obegye me,* na wama manya asomdwoe ɛmfa ho sɛ nkurɔfo ko tia me no;

Nnipadɔm na wɔreko tia me.+

19 Onyankopɔn bɛte na wako atia wɔn;+

Ɔno na ɔte ahengua so fi tete.+ (Sela)

Wɔn de, wɔrensesa;

Wonsuro Onyankopɔn.+

20 Watow* ahyɛ wɔn a wɔne no te asomdwoe mu so;+

Wabu apam a ɔne me yɛe no so.+

21 N’anom nsɛm yɛ fekɔfekɔ sen bɔta,+

Nanso ntɔkwaw na ɛwɔ ne komam.

Ahomeka wɔ ne nsɛm mu* sen ngo,

Nanso ano yɛ nnam sen sekan.+

22 Dan w’adesoa to Yehowa so,+

Na ɔbɛboa wo.+

 2 Daa m’atamfo pɛ sɛ wɔmene me;

Ahantan nti, wɔn mu bebree ko tia me.

 4 Onyankopɔn a miyi n’asɛm ayɛ no,

Ɔno ne Onyankopɔn a mede me werɛ ahyɛ ne mu; minsuro.

 5 Daa nyinaa wɔtan m’ani;

Me ho pɔw bɔne nko ara na wɔbɔ.+

 6 Wɔtetɛw sɛnea ɛbɛyɛ a wɔbɛtow ahyɛ me so;

Mitu anammɔn biara a, na wɔn ani si me so,+

Na wɔrepɛ me akum me.*+

10 Onyankopɔn a miyi n’asɛm ayɛ no,

Yehowa a miyi n’asɛm ayɛ no,

11 Ɔno ne Onyankopɔn a mede me werɛ ahyɛ ne mu; minsuro.+

12 O Onyankopɔn, mahyɛ wo bɔ, na medi so.+

Mede aseda bɛma wo.+

13 Wo na woagye me* afi owu mu,+

Na woamma me nan anhintiw;+

Ɛno bɛma masom Onyankopɔn wɔ ateasefo hann mu.+

57 Hu me mmɔbɔ, O Onyankopɔn, hu me mmɔbɔ,

Na wo na mede wo ayɛ me* guankɔbea;+

Wo ntaban nwini ase na mede ayɛ me guankɔbea kosi sɛ ɔhaw no betwam.+

 2 Ɔsorosoroni Nyankopɔn na misu frɛ no,

Misu frɛ nokware Nyankopɔn no, na me nti ɔma ɔhaw no to twa.

 4 Agyata atwa me* ho ahyia;+

Nnipa a wɔpɛ sɛ wɔmene me no ntam na meda;

Wɔn se te sɛ mpeaw ne agyan,

Na wɔn tɛkrɛma te sɛ sekan a ano yɛ nnam.+

 5 O Onyankopɔn, ma wo ho so tra ɔsoro;

Ma w’anuonyam nkata asaase nyinaa so.+

 6 Wɔayɛ asau a wɔde besum me* afiri;+

Ɔhaw ama mabotow.*+

Wɔatu amoa wɔ m’anim,

Nanso wɔn ankasa akɔtɔ mu.+ (Sela)

 7 Me koma nhinhim, O Onyankopɔn,+

Me koma nhinhim.

 9 O Yehowa, meyi wo ayɛ wɔ amanaman mu;+

Mɛto ayeyi dwom* ama wo wɔ aman nyinaa mu.+

10 Efisɛ wo dɔ a enni huammɔ no so, na ekodu ɔsoro,+

Na wo nokwaredi kodu wim.

11 O Onyankopɔn, ma wo ho so tra ɔsoro;

Ma w’anuonyam nkata asaase nyinaa so.+

 2 Mmom, amumɔyɛsɛm nko ara na mobɔ ho pɔw wɔ mo koma mu,+

Na mode mo nsa bɔ kwan ma awudisɛm.+

 3 Nnebɔneyɛfo afom kwan* fi ɔyafunu mu;*

Wɔabɔ ko, na wɔadi atoro fi awo mu tɔnn.

 4 Wɔn bɔre te sɛ ɔwɔ bɔre,+

Wɔn aso nte asɛm; wɔayɛ sɛ ɔprammiri a wasisiw n’aso.

 5 Sɛ nkonyaayifo a wɔaben yɛ no dɛn mpo a,

Ontie wɔn nne.

 8 Ma wɔnyɛ sɛ nwaw a ne mu nsu retwe.

Ma wɔnyɛ sɛ abofra a ne maame apɔn no a wanhu owia.

 9 Mode nsɔe nnua bɛsɔ gya, nanso ansa na ogya no bɛka dadesɛn no,

Onyankopɔn de ahum bɛpra dua mono ne nea ɛrehyew no nyinaa akɔ.+

10 Ɔtreneeni bedi ahurusi, efisɛ obehu abɔnefo akatua.+

Ɔdebɔneyɛfo mogya beduru ɔtreneeni nan ho.+

59 O me Nyankopɔn, gye me fi m’atamfo nsam;+

Bɔ me ho ban fi wɔn a wɔsɔre tia me no ho.+

 2 Gye me fi amumɔyɛfo nsam,

Na gye me fi awudifo* nsam.

 3 Hwɛ! Wɔtetɛw me;*+

O Yehowa, ahoɔdenfo tow hyɛ me so,

Nanso mentew atua na menyɛɛ bɔne biara.+

 6 Wɔba anwummere biara;+

Wopow sɛ ɔkraman,+ na wotwa kurow no ho hyia.+

 7 Hwɛ nsɛm a wɔde wɔn ano keka;*

Wɔn anom asɛm* te sɛ sekan;+

Wɔka sɛ: “Hena na ɔretie?”+

 8 Nanso wo, Yehowa, wobɛserew wɔn;+

Wubedi amanaman nyinaa ho fɛw.+

 9 O Onyankopɔn, wone m’ahoɔden, na wo na m’ani da wo so;+

Onyankopɔn ne me guankɔbea.*+

10 Onyankopɔn a ɔda ɔdɔ a enni huammɔ adi kyerɛ me no betwitwa agye me;+

Onyankopɔn bɛma m’atamfo ahwe ase ama madi ahurusi.+

Wo tumi nti ma wɔmmɔ asesa;

O Yehowa, yɛn kyɛm, ma wɔnhwe ase.+

12 Wɔde wɔn ano yɛ bɔne keka nsɛm,

Enti ma wɔn ahantan nsum wɔn afiri,+

Efisɛ wɔdome nkurɔfo na wɔka nnaadaasɛm.

13 Fa abufuw yɛ wɔn pasaa;+

Yɛ wɔn pasaa na wɔn ase nhyew;

Ma wonhu sɛ Onyankopɔn na odi Yakob so kosi asaase ano noho.+ (Sela)

14 Ma wɔmmra anwummere;

Ma wompow sɛ ɔkraman, na wontwa kurow no ho nhyia.+

15 Ma wɔnnantenantew basabasa nhwehwɛ wɔn ano aduan;+

Mma wɔmmmee, na mma wonnnya baabi nntena.

16 Me de, mɛto w’ahoɔden ho dwom.+

Anɔpa, mede anigye bɛka wo dɔ a enni huammɔ no ho asɛm.

Efisɛ wone me hintabea+

Ne m’ahohia bere mu guankɔbea.+

17 Wone m’ahoɔden, na wo na mɛto ayeyi nnwom* ama wo;+

Onyankopɔn ne me guankɔbea, Onyankopɔn a ɔda ɔdɔ a enni huammɔ adi kyerɛ me no.+

 4 Wɔn a wosuro wo no, ma wɔn ahyɛnsode*

Na wɔatumi aguan agyan. (Sela)

 5 Nea ɛbɛyɛ a w’adɔfo benya ogye no,

Fa wo nsa nifa gye yɛn, na tie yɛn adesrɛ.+

“Medi ahurusi, mede Sekem bɛma wɔn sɛ wɔn kyɛfa,+

Na mesusuw Sukot Bon* ama wɔn.+

 7 Gilead yɛ me dea, Manase+ nso wɔ me,

Na Efraim yɛ dade kyɛw* a ɛhyɛ me;

Yuda yɛ m’ahempoma.*+

10 O Onyankopɔn, ɛnyɛ wo na woatow yɛn akyene?

Ɛnyɛ wone yɛn Nyankopɔn a wo ne yɛn asraafo nkɔ ɔko bio no?+

11 Gye yɛn fi ahohia mu,

Efisɛ nkwagye a efi onipa hɔ de, mfaso nni so.+

12 Onyankopɔn hɔ na yebenya ahoɔden,+

Na ɔno na obetiatia yɛn atamfo so.+

 2 Sɛ me koma bubu a,+

Mefi asaase ano noho asu afrɛ wo.

 3 Efisɛ wone me guankɔbea

Ne abannennen a wobɔ me ho ban fi m’atamfo ho.+

 4 Mɛsoɛ wo ntamadan mu afebɔɔ;+

Wo ntaban ase na mede bɛyɛ me guankɔbea.+ (Sela)

 6 Wode nna pii bɛka ɔhene nkwa nna ho,+

Na ɔbɛtena hɔ akosi awo ntoatoaso pii so.

 7 Ɔbɛtena ahengua so wɔ Onyankopɔn anim* daa;+

Ma ɔdɔ a enni huammɔ ne nokware mmɛsoɛ no, na abɔ ne ho ban.+

 8 Ɛno na mɛto ayeyi nnwom* ama wo din daa,+

Na matua me bɔhyɛ ade da biara.+

 2 Ampa ara, ɔno ne me botan ne me nkwagye, me guankɔbea;*+

Merenhinhim mmoro so da.+

 4 Wotu agyina sɛnea ɛbɛyɛ a wobedidi n’ase ayi no ahwe fam;*

Atoro na wɔn ani gye ho.

 5 Onyankopɔn na mayɛ komm retwɛn no,*+

Efisɛ ɔno ne m’anidaso.+

 6 Ampa ara, ɔno ne me botan ne me nkwagye, me guankɔbea;

Merenhinhim da.+

 9 Nnipa mma te sɛ hwenem mframa,

Adasamma yɛ guankɔbea hunu.+

10 Mommfa mo ho nnto apoobɔ so,

Na mommfa korɔn nnyɛ mo anidaso.

12 O Yehowa, ɔdɔ a enni huammɔ nso yɛ wo dea,+

Na wo na wutua obiara ka sɛnea ne nnwuma te.+

M’ani* agyina wo ara ma mayɛ hagyaa

Wɔ asaase wosee a nsu nni so so.+

 2 Enti mahu wo wɔ kronkronbea hɔ;

Mahu w’ahoɔden ne w’anuonyam.+

 3 Esiane sɛ wo dɔ a enni huammɔ ye sen nkwa nti,+

M’ano na mede bɛkamfo wo.+

 4 Enti mehyira wo me nkwa nna nyinaa;

Wo din mu na mɛma me nsa so abɔ wo mpae.

 5 Manya* nneɛma pa ne akɔnnɔde* adi amee,

Enti m’ano de ahurusi dwom beyi wo ayɛ.+

 6 Mekae wo wɔ me kɛtɛ so,

Na anadwo dasum,* midwinnwen wo ho.+

 7 Wone me boafo,+

Na wo ntaban nwini ase na meto ahurusi dwom.+

 8 Mebata* wo ho denneennen;

Wo nsa nifa kura me mu yiye.+

 9 Wɔn a wɔrehwehwɛ me nkwa* no de,

Asaase ase tɔnn na wɔbɛkɔ.

10 Wobewuwu sekan ano;

Wɔbɛdan aduan ama sakraman.

Obiara a ɔka no ntam no ho bɛsɛpɛw no,*

Efisɛ wɔbɛma nkontompofo aka wɔn ano atom.

 2 Sɛ nnebɔneyɛfo bɔ pɔw bɔne a, bɔ me ho ban fi ho,+