Ikete ryandikiwe Abanyefeso

1 Jewe Paulo, intumwa+ ya Kristu Yezu biciye ku kugomba kw’Imana+, ndabandikiye mwebwe aberanda bari i Efeso n’abizigirwa+ bunze ubumwe+ na Kristu Yezu:

2 Mugire ubuntu ata wari abukwiriye+ n’amahoro+ biva ku Mana Data wa twese no ku Mukama Yezu Kristu.

3 Hahezagirwe Imana ari yo Se w’Umukama wacu Yezu Kristu+, kuko yaduhezagije+ umuhezagiro wose wo mu vy’impwemu mu bibanza vyo mw’ijuru+ mu bumwe na Kristu, 4 nk’uko nyene yadutoye+ mu bumwe na we imbere y’ishingwa+ ry’isi, kugira ngo tube beranda, tutagira ikirabagu+ imbere yayo mu rukundo+. 5 Kuko yatugeneye imbere y’igihe+ kugirwa abana bayo+ bwite biciye kuri Yezu Kristu+, nk’uko bihimbara ukugomba kwayo+, 6 ngo hashemezwe+ ubuntu ata wari abukwiriye bwayo+ buninahaye, ubwo yatugiriye n’umutima ukunze biciye ku mukundwa wayo+. 7 Muri we, turaronka ukubohorwa biciye ku ncungu* tubihawe n’amaraso+ y’uwo, egome, ukubabarirwa+ amakosa yacu, nk’uko ubutunzi bw’ubuntu ata wari abukwiriye bwayo buri+.

8 Ubwo buntu yarabugwije kuri twebwe mu bukerebutsi+ bwose no mu gutahura ibintu neza kwose, 9 kuko yatumenyesheje rya banga ryeranda+ ry’ukugomba kwayo. Rirahuye n’ibiyihimbara, ivyo yiyemeje muri yo ubwayo+, 10 kugira ngo habe ubuyobozi+ ibihe vyashinzwe bimaze gukwira+, ni ukuvuga ukwongera gukoraniriza hamwe+ ibintu vyose muri Kristu+, ivyo mw’ijuru+ n’ivyo kw’isi+. Egome, muri we, 11 mu bumwe na we tukaba kandi twatorewe kuba ba samuragwa+, kuko twagenywe imbere y’igihe hisunzwe intumbero y’umwe akora vyose nk’uko ukugomba kwiwe guhanura+, 12 kugira ngo dukorere ishemezwa ry’ubuninahazwa bwiwe+, twebwe ababaye aba mbere mu kwizigira Kristu+. 13 Mugabo na mwebwe mwaramwizigiye aho mumariye kwumva rya jambo ry’ukuri+, ya nkuru nziza y’ubukiriro bwanyu+. Biciye kuri we kandi, aho mumariye kwemera, mwaradomweko ikidodo+ ca ya mpwemu nyeranda yari yarasezeranywe+, 14 ikaba ari icemeza+ twahawe hakiri kare c’intoranwa yacu+, kugira ngo inyegu+ y’Imana ibohorwe biciye ku ncungu+, kugira ngo ubuninahazwa bwayo bushemezwe.

15 Ni co gituma na jewe, kuva aho numviye ukwizera mufise mu Mukama Yezu no ku bijanye n’aberanda bose+, 16 ntahengeshanya gushima ku bwanyu. Mbandanya kubashira mu masengesho yanje+, 17 kugira ngo ya Mana y’Umukama wacu Yezu Kristu, ari yo Data w’ubuninahazwa, ibahe impwemu y’ubukerebutsi+ n’iy’uguhishurirwa mu bumenyi butagira amakosa buyerekeye+. 18 Vyongeye, kubera yuko amaso+ y’umutima wanyu yamurikiwe+, nsenga kandi kugira ngo mumenye icizigiro+ yabahamagariye ico ari co, mumenye ubutunzi buninahaye+ ibikiye aberanda+ bwa ntoranwa ubwo ari bwo, 19 mumenye n’ubukuru buhebuje bw’ububasha+ bwayo ubwo ari bwo kuri twebwe abemera. Ubwo bukuru bubonekera mw’ikora+ ry’ubushobozi bw’inkomezi zayo, 20 iryo yakoresheje mu bijanye na Kristu hamwe yamuzura mu bapfuye+ ikamwicarika iburyo bwayo+ mu bibanza vyo mw’ijuru+, 21 hejuru cane y’intwaro zose n’ububasha bwose n’ubushobozi bwose n’ubutware bwose+ n’amazina yose avugwa+, atari muri iki gihe*+ gusa, ariko no mu kizoza+. 22 Yashize kandi ibintu vyose munsi y’ibirenge vyiwe+ ngo abiganze, yongera imugira umutwe ku bintu vyose+ ku bw’ishengero, 23 ari ryo mubiri wiwe+, ukunengesera+ kw’umwe yuzura vyose muri vyose+.

2 Vyongeye, ni mwebwe Imana yagize bazima naho mwari mwarapfiriye mu makosa yanyu n’ibicumuro vyanyu+, 2 ivyo mwagenderamwo kera mwisunga ibintu*+ vy’iyi si, mwisunga umutware+ w’ububasha bw’ikirere, ya mpwemu+ ubu ikorera mu bana b’ubugambarazi+. 3 Egome, muri bo ni ho twese twahora tugendera kera duhuza n’ivyipfuzo vy’umubiri wacu+, dukora ivyo umubiri+ n’ivyiyumviro bigomba, kandi twari dusanzwe turi abana bo kurakirwa+ nk’abandi bose. 4 Mugabo Imana, imwe igwije imbabazi+, kubera urukundo rwinshi yadukunze+, 5 yaratugize bazima hamwe na Kristu, mu gihe nyene twari twarapfiriye mu makosa+—mukaba mwakirishijwe ubuntu ata wari abukwiriye+— 6 kandi yatuzuriye+ hamwe, itwicarika hamwe mu bibanza vyo mw’ijuru+ mu bumwe na Kristu Yezu, 7 kugira ngo mu bihe bizoza+ haze herekanwe ubutunzi buhebuje+ bw’ubuntu ata wari abukwiriye bwayo mu butoni bwayo itugirira mu bumwe+ na Kristu Yezu.

8 Mu vy’ukuri, ubwo buntu ata wari abukwiriye ni bwo mwakirishijwe biciye mu kwizera+; kandi ivyo ntibiva kuri mwebwe+, ni ingabirano y’Imana+. 9 Oya, ntibiva ku bikorwa+, kugira ngo ntihagire umuntu aronka imvo yo kwirata+. 10 Kuko turi igikorwa cayo+, tukaba twaremwe+ mu bumwe+ na Kristu Yezu kugira dukore ibikorwa vyiza+, ivyo Imana yaduteguriye imbere y’igihe+ ngo tubigenderemwo.

11 Mwibuke rero yuko kera mwari abanyamahanga ku bijanye n’umubiri+; ico gihe mwitwa “ukutagenyerwa” muvyiswe na kimwe bita “ukugenyerwa” gikorwa n’amaboko mu mubiri+— 12 mwibuke yuko ico gihe nyene mutari mufise Kristu+, mukaba mwari mwarigijwe kure+ y’ihanga rya Isirayeli mukaba na ba kavantara ku masezerano y’umuhango+, nta n’icizigiro mwari mufise+, kandi nta Mana mwagira mw’isi+. 13 Mugabo ubu, mu bumwe na Kristu Yezu, mwebwe abari kure cane kera mwarigiye hafi biciye ku maraso+ ya Kristu. 14 Kuko ari we mahoro yacu+, we yafashe ya migwi ibiri+ akayigira umwe+, agasenyura ca gihome+ cari hagati kiyitandukanya+. 15 Biciye ku mubiri wiwe+ yarakuyeho bwa bwankanyi+, rya Tegeko ry’amabwirizwa rigizwe n’ingingo zashinzwe+, kugira ngo vya bisata bibiri+ abirememwo umuntu mushasha umwe+ mu bumwe na we, agarukane amahoro; 16 no kugira ngo asubirize hamwe+ rwose Imana ivyo bisata vyompi mu mubiri umwe+ biciye kuri ca giti co kubabarizwako+, kubera ko yari yishe ubwo bwankanyi+ biciye kuri we nyene. 17 Kandi yaraje amenyesha inkuru nziza y’amahoro+ mwebwe abari kure cane, amenyesha n’amahoro abari hafi+, 18 kubera ko biciye kuri we, twebwe, vya bisata vyompi+, dushobora kwegera+ Data biciye ku mpwemu imwe+.

19 Vy’ukuri rero, ntimukiri ab’ahandi+ na kavamahanga+, ahubwo musangiye ubwenegihugu+ n’aberanda+, mukaba n’abo mu rugo+ rw’Imana, 20 kandi mwubatswe ku mushinge+ w’intumwa+ n’abahanuzi+, Kristu Yezu na we ubwiwe akaba ari we buye ry’umushinge rigumya imfuruka+. 21 Mu bumwe na we inyubakwa yose, mu kuba ifatanirijwe hamwe ikanywana+, irakura ikaba urusengero rweranda ku bwa Yehova+. 22 Mu bumwe na we+, na mwebwe nyene muriko murubakirwa hamwe ngo muhinduke ahantu Imana iba biciye mu mpwemu+.

3 Kubera ivyo, jewe Paulo, imbohe+ ya Kristu Yezu ku bwanyu, mwebwe abanyamahanga+... 2 nimba vy’ukuri mwarumvise ivyerekeye ububwiriza+ bw’ubuntu ata wari abukwiriye bw’Imana, ubwo nahawe ku neza yanyu, 3 yuko biciye ku guhishurirwa ari ho namenyeshejwe ibanga ryeranda+, nk’uko navyanditse muri make imbere y’aha. 4 Turavye ivyo, nimwasoma ibi murashobora kwibonera ugutegera+ mfise mw’ibanga ryeranda+ rya Kristu. 5 Mu yandi mayaruka iryo banga+ ntiryamenyeshejwe abana b’abantu nk’uko ubu ryahishuriwe+ intumwa nyeranda zayo n’abahanuzi+ biciye ku mpwemu, 6 ari ryo ry’uko abanyamahanga bobaye ba samuragwa mu bandi bakaba n’ibihimba bisangiye umubiri+ be n’abasangira natwe wa muhango+ mu bumwe na Kristu Yezu biciye ku nkuru nziza. 7 Nabaye umusuku+ w’ivyo nk’uko ya ngabirano ya gusa iri, imwe y’ubuntu ata wari abukwiriye bw’Imana, ubwo nahawe hisunzwe ukuntu ububasha bwayo bukora+.

8 Jewe, umuntu ari hasi y’uwo hasi+ y’aberanda bose, narahawe ubuntu ata wari abukwiriye+, kugira menyeshe amahanga+ inkuru nziza yerekeye ubutunzi+ budashobora kugerwa bwa Kristu 9 no kugira ngo mfashe abantu kubona ingene ibanga ryeranda+ riyoborwa+, iryahishijwe mu Mana mu gihe kitagira urugero caheze, yo yaremye ibintu vyose+. 10 Ivyo vyabaye kugira ngo ubu, biciye kw’ishengero+, intwaro be n’ubukuru+ biri mu bibanza vyo mw’ijuru bimenyeshwe ubukerebutsi bw’Imana bw’uburyo bwinshi cane+, 11 hisunzwe ya ntumbero y’ibihe bidahera yatunganije ku bijanye na Kristu+, ari we Yezu Umukama wacu, 12 biciye kuri we tukaba dufise uyu mwidegemvyo wo kuvuga kandi tugashobora kwegera Imana+ ata mazinda, tubihawe n’ukwizera dufise muri we. 13 Ni co gituma ndabasaba kudateshwa ngo mute bitumwe n’aya makuba+ ndimwo ku bwanyu, kuko aya asobanura ubuninahazwa kuri mwebwe.

14 Ku bw’ivyo, ndapfukamira+ Data+, 15 umwe umuryango+ wose mw’ijuru no kw’isi ukesha izina ryawo+, 16 kugira ngo, nk’uko ubutunzi+ bw’ubuninahazwa bwiwe buri, abahe kuba abakomeye mu muntu muri imbere+ n’ububasha biciye ku mpwemu yiwe+, 17 ngo Kristu acumbike mu mitima yanyu biciye ku kwizera kwanyu, mu rukundo+; ngo mube abashinze imizi+ kandi bahamangiwe ku mushinge+, 18 ngo mubone gushobora rwose gutegera neza+ hamwe n’aberanda bose ubwaguke n’uburebure bw’amakika n’amahagarara n’ubwimbike+, 19 no kumenya urukundo rwa Kristu+ rurengeye ubumenyi, kugira ngo mwuzure ukunengesera+ kwose Imana itanga.

20 Umwe rero ashobora gukora ibirengeye kure n’iyo ivyo dusaba vyose canke twiyumvira+, nk’uko ububasha bwiwe buriko bukorera+ muri twebwe buri, 21 ubuninahazwa bube ubwiwe biciye kw’ishengero no kuri Kristu Yezu mu mayaruka yose ibihe bitazoshira+. Amen.

4 Jewe rero imbohe+ mu Mukama, ndabinginga ngo mugende nk’uko bibereye+ ihamagarwa mwahamagawe+, 2 muri n’ukwiyorosha kwo mu muzirikanyi+ be n’ubwitonzi bikwiye, hamwe n’ukwiyumanganya+, mwihanganirana mu rukundo+, 3 mwihatira n’ubwira kugumya ubumwe bw’impwemu mu mugozi w’amahoro wunga ubumwe+. 4 Hari umubiri umwe+, n’impwemu imwe+, nk’uko nyene mwahamagawe muri ca cizigiro kimwe+ mwahamagariwe; 5 hari Umukama umwe+, ukwizera kumwe+, ibatisimu imwe+; 6 hari Imana imwe+ ikaba na Se wa bose, iri hejuru ya bose, ikora biciye kuri bose kandi igakorera muri bose.

7 Kandi umwe wese muri twebwe yarahawe ubuntu ata wari abukwiriye+ nk’uko Kristu yageze ya ngabirano ya gusa+. 8 Ni co gituma ivuga iti: “Igihe yaduga iyo hejuru, yajanye imbohe; yatanze ingabirano z’abagabo+.” 9 None iryo jambo ngo: “igihe yaduga+,” risobanura iki atari uko kandi yamanutse mu turere two hasi, ni ukuvuga isi+? 10 Uwo nyene yamanutse ni we kandi yaduze+ kure hejuru y’amajuru yose+, kugira ashobore guha ukunengesera+ ibintu vyose.

11 Kandi hari abo yatanze ngo babe intumwa+, abo yatanze ngo babe abahanuzi+, abo yatanze ngo babe abamamaji b’injili+, abo yatanze ngo babe abungere n’abigisha+, 12 ku bw’ukubogorwa kw’aberanda+, ku bw’igikorwa c’ubusuku, ku bw’ukwubakwa kw’umubiri wa Kristu+, 13 kugeza twese dushikiriye ubumwe mu kwizera no mu bumenyi butagira amakosa bw’Umwana w’Imana, tugashikira urugero rw’umugabo akuze+, urugero rw’igihagararo rw’ukunengesera kwa Kristu+; 14 kugira ngo ntidusubire kuba inzoya, nk’abazungazungishwa+ n’ibisebuzi tujanwa irya n’ino n’umuyaga uwo ari wo wose w’inyigisho+ biciye ku mayeri+ y’abantu, biciye ku rwenge mu kurementanya uruhendo. 15 Mugabo mu kuvuga ukuri+, dukure mu bintu vyose twisunze urukundo+, dukurira muri umwe ari umutwe+, ni ukuvuga Kristu. 16 Bivuye kuri we umubiri wose+, mu kuba ufatanirijwe hamwe ukanywana kandi ugakorera hamwe biciye kw’ifatanirizo ryose ritanga ibikenewe, nk’uko igihimba kimwe cose gikora mu rugero rubereye, urafasha kugira habe ugukura kw’umubiri kugira ngo wiyubake mu rukundo+.

17 Iki rero ni co mvuga kandi nkagishingira intahe mu Mukama, yuko mutobandanya kugenda nk’uko abo mu mahanga+ bagendera mu bupfu bw’imizirikanyi yabo+, 18 mu gihe bari mu mwiza mu bwenge bwabo+, bigijwe kure+ y’ubuzima buva ku Mana, kubera ukutamenya+ kuri muri bo, kubera ugukomantara+ kw’imitima yabo. 19 Kubera yuko babaye ibiti+, bihereje ubushirasoni*+ kugira ngo bakore n’umunoho n’akantu ubuhumane+ bw’ubwoko bwose+.

20 Mugabo mwebwe ukwo si ko mwize Kristu+. 21 Kazima vy’ukuri mwamwumvise kandi mukigishwa biciye kuri we+, nk’uko ukuri+ kuri muri Yezu, 22 yuko mukwiye kwambura wa muntu wa kera+ ahura n’ingeso zanyu za kera akononekara+ yisunze ivyipfuzo vyiwe bihendana+; 23 ahubwo yuko mukwiye guhindurwa bashasha mu nguvu zikoresha umuzirikanyi wanyu+, 24 mukambara+ wa muntu mushasha+ yaremwe+ hisunzwe ukugomba kw’Imana mu bugororotsi+ bw’ukuri no mu kudahemuka kw’ukuri.

25 Ku bw’ivyo, ubu ko mwiyambuye ibinyoma+, umwe wese muri mwebwe navugane ukuri na mugenziwe+, kuko turi ibihimba vya bagenzi bacu+. 26 Murake, yamara ntimucumure+; izuba ntirirenge mugishavuye+, 27 kandi ntimuhe ikibanza Shetani*+. 28 Uwiba ntiyongere kwiba+, ahubwo nakore cane, akoreshe amaboko yiwe igikorwa ciza+, kugira aronke ico aha uwuri mu mukeno+. 29 Ntihagire ijambo riboze riva mu kanwa kanyu+, ahubwo havemwo ijambo ryose ryiza ryo kwubaka uko bikenewe, kugira ngo rihe ivyiza abaryumva+. 30 Vyongeye, ntimutuntuze impwemu nyeranda y’Imana+, iyo mwadomeshejwe ikidodo+ ku bw’umusi w’ukubohorwa biciye ku ncungu+.

31 Umururazi ubabaza wose+, n’ishavu, n’uburake, n’ugukankama, n’ugutukana+, bikurwe muri mwebwe, hamwe n’ububi bwose+. 32 Mugabo mube abanyabuntu+ kuri bagenzi banyu, mugire impuhwe z’ikibabarwe+, mubabariranira ata gahigihigi nk’uko Imana na yo yabababariye ata gahigihigi biciye kuri Kristu+.

5 Nimwigane Imana+ rero nk’abana ikunda, 2 kandi mubandanye kugendera mu rukundo+, nk’uko na Kristu yabakunze+ akabigura, akaba ishikanwa+ n’ikimazi bihawe Imana ngo bibe akamoto keza+.

3 Ubusambanyi+ n’ubuhumane bw’ubwoko bwose canke umunoho+, no kuvugwa ntibikavugwe muri mwebwe+, nk’uko bibereye abantu beranda+; 4 ntihakabe n’ingeso ziteye isoni+ canke ibiyago vy’ubupfu canke ibijajuro biteye isoni+, ivyo bikaba ari ibintu bitabereye, ahubwo habe ugukenguruka+. 5 Kuko ibi mubizi mukaba kandi muvyemera icese, yuko ata musambanyi+ canke umuntu ahumanye canke umunyamunoho+—bisobanura uwusenga ibigirwamana—azogira ico atorana mu bwami bwa Kristu n’Imana+.

6 Ntihagire umuntu abahendesha amajambo agaragara+, kuko ivyo bintu bihejeje kuvugwa ari vyo bituma uburake bw’Imana buza ku bana b’ubugambarazi+. 7 Nuko rero ntimukifatanye na bo+; 8 kuko kera mwari umwiza+, mugabo ubu muri umuco+ mu bijanye n’Umukama. Mubandanye kugenda nk’abana b’umuco, 9 kuko ivyamwa vy’umuco bigizwe n’ubwoko bwose bw’ukumera neza n’ubugororotsi n’ukuri+. 10 Mugume mwiyemeza neza ivyemerwa+ ku Mukama ivyo ari vyo; 11 kandi mureke gufatanya+ na bo mu bikorwa vyabo birumvye vy’umwiza+, ahubwo nyabuna mubikangire+, 12 kuko ivyo bakorera mu mpisho biteye isoni ku buryo ata n’uwokwubahuka kubicisha mu kanwa+. 13 Kandi ibintu vyose bikangirwa+ birashirwa ahabona n’umuco, kuko ikintu cose gishirwa ahabona+ ari umuco. 14 Ni co gituma ivuga iti: “Ikangure+ wewe wisinzirira, uzuke uve mu bapfuye+, Kristu azoheza akurasire+ umuco.”

15 Nuko rero mugume muraba neza ukuntu mugenda+, ntimugende nk’abatagira ubukerebutsi ariko mugende nk’abantu b’inkerebutsi, 16 mwicungurira umwanya ubereye+, kubera ko imisi ari mibi+. 17 Mureke rero kuba imburabwenge, ahubwo mubandanye gutahura+ ukugomba+ kwa Yehova ukwo ari kwo. 18 Vyongeye, ntimuborerwe+ umuvinyu ari wo urimwo ubuhumbu+, ahubwo mugume mwuzuzwa impwemu+, 19 mubwirana amazaburi+ n’amashemezo+ aturwa Imana be n’indirimbo z’ivy’impwemu, muririmba+ mwongera mujanisha n’umuziki+ mu mitima yanyu mubigirira Yehova, 20 kandi mw’izina ry’Umukama wacu Yezu Kristu mukama mukenguruka+ ku bw’ibintu vyose, mubikengurukira Imana yacu ikaba na Data.

21 Umwe wese muri mwebwe nayobokere mugenziwe+ mutinya Kristu. 22 Abagore bayobokere+ abagabo babo nk’uko bayobokera Umukama, 23 kubera ko umugabo ari umutwe w’umugore wiwe+ nk’uko na Kristu ari umutwe w’ishengero+, akaba umukiza w’uyo mubiri. 24 Nkako, nk’uko ishengero riyobokera Kristu, abe ari ko n’abagore bayobokera abagabo babo muri vyose+. 25 Bagabo, mubandanye gukunda abagore banyu+ nk’uko na Kristu yakunze ishengero akaryigura+, 26 kugira ngo aryeze+, aryuhagize amazi biciye kuri rya jambo+, 27 kugira ngo azane ishengero kuri we nyene mu bwiza bwakaka bwaryo+, ritagira agatosi canke umunkanyari canke ico ari co cose muri mwene ivyo, ahubwo ribe ryeranda kandi ritagira ikirabagu+.

28 Ukwo ni ko abagabo babwirizwa gukunda abagore babo nk’imibiri yabo bwite. Uwukunda umugore wiwe aba yikunda, 29 kuko ata muntu yigeze kwanka umubiri wiwe bwite; ahubwo arawugaburira akawubungabungana urukundo+, nk’uko na Kristu agirira ishengero, 30 kubera ko turi ibihimba vy’umubiri wiwe+. 31 “Ni co gituma umugabo azosiga se na nyina akifatanya* n’umugore wiwe, kandi abo babiri bazoba umubiri umwe+.” 32 Iryo banga ryeranda+ rirakomeye. Aha ndiko mvuga ku bijanye na Kristu be n’ishengero+. 33 Yamara rero kandi, umwe wese muri mwebwe ku ruhande rwiwe akunde umugore wiwe+ nk’uko yikunda; umugore na we ategerezwa kugirira umugabo wiwe icubahiro+ kigera kure.

6 Bana, mugamburukire abavyeyi banyu+ mu bumwe+ n’Umukama, kuko ivyo bigororotse+: 2 “Tera iteka so na nyoko+”; ni ryo tegeko rya mbere riri kumwe n’umuhango+: 3 “Kugira ngo bikugendere neza, ubone kurambira kw’isi+.” 4 Namwe ba se, ntimutere ishavu abana banyu+, ahubwo mubandanye kubarera+ mu kubatoza indero+ no mu kuyobora ivyiyumviro+ vyabo nk’uko Yehova yashinze.

5 Yemwe bashumba, mugamburukire ba shobuja bo mu buryo bw’umubiri+, mutinya kandi mujugumira+ ata buryarya mufise mu mitima yanyu, nk’abagamburukira Kristu, 6 atari mu gukorera ijisho nk’abahimbara abantu+, mugabo nk’abashumba ba Kristu, mukora ukugomba kw’Imana ata kwiziganya+. 7 Mube abashumba bakorana agatima keza, nk’abakorera Yehova+, atari nk’abakorera abantu, 8 kuko muzi yuko ineza yose umwe wese yokora azoyishurwa na Yehova+, yaba umushumba canke uwidegemvya+. 9 Namwe ba shebuja, mugume mubagirira ivyo nyene, mureke iterabwoba+, kuko muzi yuko Shebuja wabo akaba n’uwanyu+ ari mw’ijuru, kandi nta kugira nkunzi+ kuba muri we.

10 Ubwa nyuma, mubandanye kwironsa ububasha+ mu Mukama no mu bushobozi+ bw’inkomezi ziwe. 11 Mwambare umwambaro ukwiye w’ibirwanisho+ biva ku Mana kugira ngo mushobore guhagarara mushikamye imbere y’amayeri+ ya Shetani*; 12 kuko dufise intambara yo kunigana+, atari ukunigana n’abantu b’amaraso n’inyama, ahubwo tunigana n’intwaro+, n’ubukuru+, n’abatware b’iyi si+ y’umwiza, n’ibinyankomezi vy’impwemu vy’ibibisha+ mu bibanza vyo mw’ijuru. 13 Ku bw’ivyo, mutore umwambaro ukwiye w’ibirwanisho biva ku Mana+, kugira ngo mushobore kunana kuri wa musi mubi, kandi nimwamara gukora vyose mukanoganza, muhagarare mushikamye+.

14 Muhagarare mushikamye rero, mukenyeje+ ukuri+ mu mafyinga, mwambaye ubugororotsi nk’igikingirizo c’igikiriza+, 15 ibirenge+ vyanyu na vyo vyambaye inkuru nziza y’amahoro+ nk’inkweto. 16 Hejuru ya vyose, mutore inkinzo yagutse y’ukwizera+, ari yo izobashoboza kuzimya imyampi yose yaka umuriro ya wa mubisha+. 17 Vyongeye, mwakire inkofero+ y’ubukiriro, be n’inkota+ y’impwemu+, ni ryo jambo ry’Imana+, 18 mubandanye gusenga mukoresheje ubwoko bwose bw’amasengesho+ n’intakambo igihe cose mu mpwemu+. Kandi ku bw’ivyo, mugume murikanuye mudatezura mwongera mutakamba ku bw’aberanda bose, 19 no ku bwanje, kugira ngo mpabwe ubushobozi bwo kuvuga+ iyo nteranuye akanwa, mfise umwidegemvyo wo kuvuga+ ngo menyekanishe ibanga ryeranda ry’inkuru nziza+, 20 ari yo mbereye umuserukizi+ mu minyororo; kugira ngo nshobore kuvugana ubutinyutsi ku bijanye na yo nk’uko mbwirizwa kuvuga+.

21 Kugira ngo rero namwe mumenye ivyanje, ibijanye n’ukuntu merewe, Tikiko+ umuvukanyi mukundwa akaba n’umusuku w’umwizigirwa mu Mukama, azobamenyesha vyose+. 22 Ico nyene ni co gitumye ndamubarungikira, kugira ngo mumenye ibitwerekeye no kugira ngo ahoze imitima yanyu+.

23 Abavukanyi bagire amahoro n’urukundo hamwe n’ukwizera biva ku Mana ari yo Data no ku Mukama Yezu Kristu. 24 Ubuntu ata wari abukwiriye+ bubane n’abo bose bakunda Umukama wacu Yezu Kristu urukundo rutabora.