Amosi

1 Amajambo ya Amosi, uwari mu borozi b’intama b’i Tekowa+, ayo yeretswe ku vyerekeye Isirayeli+ mu misi ya Uziya+ umwami wa Yuda no mu misi ya Yerobowamu+ mwene Yowasi+, umwami wa Isirayeli, imyaka ibiri imbere y’uko haba ya nyamugigima+. 2 Avuga ati:

“Yehova azorohera i Siyoni nk’intambwe+, kandi azokwumvikanishiriza ijwi ryiwe i Yeruzalemu+; kandi amatongo y’uburagiriro y’abungere azoja mu kigandaro, n’isonga rya Karumeli rizokwuma+.”

3 “Ibi ni vyo Yehova avuze: ‘“Kubera imigararizo itatu ya Damasiko+, kandi kubera ine, sinzobisubiza inyuma, kuko bakubitishije Gileyadi+ ibisekuzo vy’icuma. 4 Nanje nzorungika umuriro+ ku nzu ya Hazayeli+, urigate iminara yo kubamwo ya Beni-hadadi+. 5 Nzovuna igihindizo ca Damasiko+, i Bikati-aveni ndaharandure uwuhaba, n’i Beti-ede ni ndaharandure uwufashe agakoni k’ubutware; kandi abantu b’i Siriya bazobwirizwa kuja i Kiri ari inyagano+,” ni ko Yehova avuze.’

6 “Ibi ni vyo Yehova avuze: ‘“Kubera imigararizo itatu ya Gaza+, kandi kubera ine, sinzobisubiza inyuma, kuko batwaye mu bunyagano umugwi ukwiye w’abagizwe inyagano+ ngo bawugabure kuri Edomu+. 7 Nanje nzorungika umuriro ku ruhome rwa Gaza+, urigate iminara yaho yo kubamwo. 8 Kandi i Ashidodi+ nzoharandura uwuhaba, n’i Ashikeloni+ ndaharandure uwufashe agakoni k’ubutware; nzogarukana ukuboko kwanje+ kuri Ekuroni+, kandi abasigaye bo mu Bafilisitiya bazoyogera ata kabuza+,” ni ko Umukama Segaba Yehova avuze.’

9 “Ibi ni vyo Yehova avuze: ‘Kubera imigararizo itatu ya Tiro+, kandi kubera ine, sinzobisubiza inyuma, kuko bagabuye kuri Edomu umugwi ukwiye w’abagizwe inyagano, no kubera ko batibutse isezerano ry’abavukana+. 10 Nanje nzorungika umuriro ku ruhome rwa Tiro, urigate iminara yaho yo kubamwo+.’

11 “Ibi ni vyo Yehova avuze: ‘Kubera imigararizo itatu ya Edomu+, kandi kubera ine, sinzobisubiza inyuma, kuko yakurikiranye mwene wabo bwite n’inkota+, no kubera ko yononye kamere ziwe bwite z’imbabazi+, n’ishavu ryiwe rikaguma ritabagura ibihe bidahera; uburake bwiwe na bwo yabugumanye ibihe vyose+. 12 Nanje nzorungika umuriro i Temani+, urigate iminara yo kubamwo y’i Bozira+.’

13 “Ibi ni vyo Yehova avuze: ‘“Kubera imigararizo itatu ya bene Amoni+, kandi kubera ine, sinzobisubiza inyuma+, kuko bafomoje abagore bibungenze b’i Gileyadi, mu ntumbero yo kwiyagurira akarere+. 14 Nanje nzokwanda umuriro uruhome rw’i Raba+, urigate iminara yaho yo kubamwo, bibe havuga ikimenyetso c’ukugabisha ku musi w’urugamba, hahuhuta igihuhusi ku musi w’umuyaga w’ikirura+. 15 Kandi umwami wabo azoja mu bunyagano ata kabuza, ajane n’abaganwa biwe+,” ni ko Yehova avuze.’

2 “Ibi ni vyo Yehova avuze: ‘“Kubera imigararizo itatu ya Mowabu+, kandi kubera ine, sinzobisubiza inyuma, kuko yaturiye amagufa y’umwami wa Edomu kugira ngo aronke ishwagara+. 2 Nanje nzorungika umuriro muri Mowabu, urigate iminara yo kubamwo y’i Keriyoti+; kandi Mowabu azopfira mu rwamo, bibe havuga ikimenyetso c’ukugabisha, humvikana ijwi ry’inzamba+. 3 Kandi nzoharandura umucamanza, ndamwicane n’abaganwa baho bose+,” ni ko Yehova avuze.’

4 “Ibi ni vyo Yehova avuze: ‘Kubera imigararizo itatu ya Yuda+, kandi kubera ine, sinzobisubiza inyuma, kuko bataye itegeko rya Yehova+, no kubera ko batagumije ingingo nyobozi ziwe; ariko ibinyoma vyabo+ ba sekuruza babo bari barakurikiye, vyagumye bituma bangara+. 5 Nanje nzorungika umuriro muri Yuda, urigate iminara yo kubamwo ya Yeruzalemu+.’

6 “Ibi ni vyo Yehova avuze: ‘Kubera imigararizo itatu ya Isirayeli+, kandi kubera ine, sinzobisubiza inyuma, kuko bagurishije umugororotsi ifeza igaragara, umworo na we bakamugurisha ikiguzi c’umwambaro w’inkweto*+. 7 Bahezagirika bipfuza kubona umukungugu w’isi ku mutwe w’abantu batobato+; bacisha ku ruhande inzira y’abatekereza+; kandi umuhungu na se ba giye ku mukobwa umwe+, mu ntumbero yo guhumanya izina ryanje ryeranda+. 8 Bigaramangira ku mpuzu zafashweko ingwati+, iruhande y’igicaniro* cose+; kandi umuvinyu w’abaciwe amande bawunywera ku nzu y’imana zabo+.’

9 “‘Nayo jewe, nari nazimanganije Umwamori+ kubera bo, uwari n’igihagararo nk’ic’amasederi, agakomera nk’ibiti bisagaraye+; kandi nazimanga nije n’icamwa ci we hejuru, n’imizi yi we ha si+. 10 Kandi je we narabazanye ndabakuye mu gihugu ca Misiri+, ndabacisha mu gahinga imyaka mirongo ine+, kugira ngo mwiga rurire igihugu c’Umwamori+. 11 Kandi nagumye mpagurutsa bamwe mu bana banyu ngo babe abahanuzi+, na bamwe mu misore yanyu ngo babe Abanaziri*+. None mu vy’ukuri, si ko bikwiye kuba ga yemwe bene Isirayeli?’, ni ko Yehova avuze.

12 “‘Ariko mwagumye muha Abanaziri umuvinyu ngo banywe+, abahanuzi mubategeka ngo: “Ntimukavuge ubuhanuzi+.” 13 Ehe ngira ntume ikiri munsi yanyu kijugumba, nka kurya nyene umukogote ujugumba iyo unihiriye imikama y’ibinyantete ihejeje gutemwa. 14 Aho guhungira hazokamangana uwunyaruka ahabure+, kandi nta wukomeye n’umwe azoshimangira ububasha bwiwe, eka nta munyenkomezi n’umwe azonyaga amagara+. 15 Nta muntu n’umwe akoresha umuheto azohagarara, kandi nta w’ibirenge binyaruka azocoroka, eka nta wugendera kw’ifarasi n’umwe azonyaga amagara+. 16 Nayo uw’umutima ukomeye mu banyenkomezi, azohunga ari gusa kuri uwo musi+,’ ni ko Yehova avuze.”

3 “Nimwumve iri jambo Yehova avuze ku biberekeye+, yemwe bene Isirayeli, ku vyerekeye umuryango wose naduganye ndawukuye mu gihugu ca Misiri+, ati: 2 ‘Ni mwebwe gusa namenye+ mu miryango yose yo ku butaka+. Ni co gituma nzogira ico ndababaza ku makosa yanyu yose+.

3 “‘Mbega babiri bojana batahuye kw’isango bahanye+? 4 Mbega intambwe yorohera mu kibira ata co yacakiye+? Mbega intambwe y’umukangara y’umugāra yokwumvikanishiriza ijwi ryayo mu bwikingo bwayo ata co yafashe namba? 5 Mbega inyoni yogwa mu mutego hasi ata mushibuka yatezwe+? Mbega umutego urashibuka uvuye mw’ivu ata co wafashe namba? 6 Iyo havugijwe inzamba mu gisagara, mbega abantu ntibaca bajugumira+? Iyo hashitse ivyago mu gisagara, mbega Yehova si we none aba akoze ikintu? 7 Kuko Umukama Segaba Yehova ata co azokora adahishuriye akabanga kiwe abasavyi biwe b’abahanuzi+. 8 Intambwe iraroshe+! Ni nde atotinya? Umukama Segaba Yehova ubwiwe aravuze! Ni nde atovuga ubuhanuzi+?’

9 “‘Nimuvyamamaze ku minara yo kubamwo i Ashidodi no ku minara yo kubamwo mu gihugu ca Misiri+, muti: “Nimukoranire imisozi ya Sama riya+, mubone imivurungano myinshi ihari be n’ubugunge buhibereye+. 10 Ntibazi gukora ibigororotse+,” ni ko Yehova avuze, “abarunda ubukazi+ n’ubunyazi mu minara yabo yo kubamwo.”’

11 “Ibi rero ni vyo Umukama Segaba Yehova avuze: ‘Hariho umurwanizi hirya no hino y’igihugu+; emwe, azomanura inkomezi zawe zikuveko, kandi iminara yawe yo kubamwo izosahurwa vy’ukuri+.’

12 “Ibi ni vyo Yehova avuze: ‘Nka kurya umwungere ashikura mu kanwa k’intambwe amaguru* abiri canke igipande c’ugutwi+, ni ko bene Isirayeli bazoshikurwa, abo biyicariye i Samariya ku buriri bwakaka+ no ku busaswa bw’i Damasiko+.’

13 “‘Nimwumve, mushinge intahe+ mu nzu ya Yakobo,’ ni ko Umukama Segaba Yehova avuze, ya Mana nyen’ingabo. 14 ‘Kuko, ku musi nzogira ico mbaza+ Isirayeli ku migararizo yiwe, nzogira n’ico mbaza ibicaniro vy’i Beteli+; kandi amahembe y’igicaniro ntazobura gucibwa, akagwa hasi+. 15 Nzosenyurira hasi inzu yo kubamwo mu rushana+ n’inzu yo kubamwo mu ci+.’

“‘Kandi amazu y’amasenge y’inzovu azokamangana+, eka n’amazu menshi azoyogera+,’ ni ko Yehova avuze.”

4 “Nimwumve iri jambo, mwa nka z’i Bashani mwe+, mu ri ku musozi wa Samariya+, mugunga abantu batobato+, mugakandamiza aboro, mu kabwira ba shobuja ngo: ‘Zana twinywere!’ 2 Umukama Segaba Yehova yarahiye ubweranda bwiwe+ ati: ‘“Ehe imisi irabajeko, kandi azobateruza ivyuma vy’ingobe vy’umuyangayanga, amasigarira yanyu na yo ayateruze amagera+. 3 Muzosohokana mu bihengeri+, umwe wese atumbereye imbere yiwe; kandi ntimuzobura gutabwa i Harumoni,” ni ko Yehova avuze.’

4 “‘Nimwiyizire i Beteli mukore ibigabitanyo+. I Gilugali mukore ibigabitanyo musubire+, hanyuma muzane ibimazi vyanyu mu gitondo; ku musi ugira gatatu muzane ivy’icumi vyanyu+. 5 Mufumbishe ikimazi c’ugukenguruka mukuye ku vyambiwe+, mutangaze amashikanwa atangwa ku bushake+; nimuvyamamaze, kuko ni vyo mwakunze, yemwe bene Isirayeli+,’ ni ko Umukama Segaba Yehova avuze.

6 “‘Nanje, ku ruhande rwanje, nabahaye amenyo asukuye+ mu bisagara vyanyu vyose, n’ubukene bw’umukate mu bibanza vyanyu vyose+; ariko ntimwangarutseko+,’ ni ko Yehova avuze.

7 “‘Kandi narabimye imvura, igihe hari hagisigaye amezi atatu ngo iyimbura rigere+; nagwishije imvura ku gisagara kimwe, mugabo ku kindi sinayigwisha. Ku gice kimwe c’itongo imvura yaragwa, mugabo igice ntaba nayigwishijeko kikuma+. 8 Ibisagara bibiri canke bitatu vyaradandabagirana bija ku gisagara kimwe kunywa amazi+, ntibihimbe; mugabo ntimwangarutseko+,’ ni ko Yehova avuze.

9 “‘Nabateje ukubabuka kw’ibirimwa be n’ururyi+. Amatongo yanyu n’imirima yanyu y’imizabibu vyaragwiriye, mugabo ibiti vyanyu vy’imisukoni be n’ibiti vyanyu vy’imyelayo bigakegetwa n’ikinyabwoya+; yamara ntimwangarutseko+,’ ni ko Yehova avuze.

10 “‘Nabarungitsemwo ikiza kimeze nka kimwe co mu Misiri+. Nicishije inkota imisore yanyu+, amafarasi yanyu agirwa imbohe+. Nagumye ntuma umuduhu wo mu makambi yanyu uduga mu mazuru yanyu+; mugabo ntimwangarutseko+,’ ni ko Yehova avuze.

11 “‘Natembagaje igihugu canyu, nka kumwe Imana yatembagaza Sodomu na Gomora+. Mwahavuye muba nk’urugegene rushikuwe mu muriro+; mugabo ntimwangarutseko+,’ ni ko Yehova avuze.

12 “Ni co gituma ivyo ari vyo nzokugirira, ewe Isirayeli! Kubera ko ico kintu nyene ari co nzokugirira, itegurire guhura n’Imana yawe+, ewe Isirayeli! 13 Kuko ehe, Umubumvyi w’imisozi+ akaba n’Umuremyi w’umuyaga+, Umwe abwira umuntu yakuwe mw’ivu ivyo yiyumvira+, Umwe ahindura umutwenzi ugacika umukorane+, Umwe agendagenda ku bibanza bikirurutse* vy’isi+, Yehova Imana nyen’ingabo ni ryo zina ziwe+.”

3 “Kuko ibi ari vyo Umukama Segaba Yehova avuze: ‘Igisagara cahora gisohokana igihumbi kizosigarana ijana; icahora gisohokana ijana na co kizosigarana cumi, bibe ku nzu ya Isirayeli+.’

4 “Kuko ibi ari vyo Yehova abwiye inzu ya Isirayeli: ‘Nimundondere+, mubone kubandanya kubaho+. 5 Ntimurondere Beteli+, kandi ntimuje i Gilugali+, kandi ntimujabuke ngo muje i Beyeri-sheba+; kuko Gilugali itazobura kuja mu bunyagano+; nayo Beteli, izocika ikintu c’ivy’amageza+. 6 Nimurondere Yehova, mubone kubandanya kubaho+, kugira ngo ntakore nk’umuriro+, ewe nzu ya Yozefu+, ngo uwo muriro urigate, hanyuma Beteli ikabura uwuwuzimya+, 7 yemwe bantu muhindura ubutungane ibamba+, mugashiburira hasi ubugororotsi+. 8 Wa Muhinguzi w’akarundo k’inyenyeri+ kitwa Kima+ be n’akitwa Kesili+, Umwe afata igitutu kizitanye+ akagihindura igitondo, Umwe afata umurango akawugira umwiza nk’ijoro+, Umwe ahamagara amazi y’ikiyaga, ngo ayasuke ku buringanire bw’isi+—Yehova ni ryo zina ryiwe+; 9 umwe atuma ubunyazi buza buravyo ku muntu w’umunyenkomezi, kugira ngo ubunyazi buze mbere no mu bibanza bikingijwe ibihome.

10 “‘Mw’irembo baranse uwukangīra+, banka urunuka uwuvuga ibitagira akanenge+. 11 Ku bw’ivyo rero, ko mwaka umuntu mutoyi indishi yo gukōta umurima, mukaguma mumutwara intete bwa kibuguro+, mwariyubakiye amazu y’amabuye abajwe+, mugabo ntimuzoguma muyabamwo; mwaritereye imirima myizamyiza y’imizabibu, mugabo ntimuzoguma munywa umuvinyu wayo+. 12 Kuko nzi ingene imigararizo yanyu ari myinshi+ n’ingene ibicumuro vyanyu bikomeye+, yemwe abanka umugororotsi+, mwebwe abakīra amahera y’igipfukamunwa+, mw’irembo+ mugahindira aboro ku ruhande+. 13 Ku bw’ivyo rero, ico gihe uwufise ugutahura kwimbitse azoguma acereje, kuko kizoba ari igihe c’ivyago+.

14 “‘Nimurondere iciza, ntimurondere ikibi+, kugira ngo mubandanye kubaho+; ni ho Yehova ya Mana nyen’ingabo yobana namwe, nk’uko mwavuze+. 15 Nimwanke ikibi, mukunde iciza+, mu he ubutungane ikibanza mw’irembo+. Kumbure Yehova ya Ma na nyen’ingabo azogirira ubutoni+ abasigaye ba Yozefu+.’

16 “Ibi rero ni vyo Yehova ya Mana nyen’ingabo, Yehova, avuze: ‘Mu bibanza vya bose vyose hazoba amaborogo+, kandi mu mabarabara yose abantu bazovuga ngo: “Aaa! Aaa!” Kandi bazobwirizwa guhamagarira umurimyi kugandara+, abazi gucura intimba babahamagarire kuboroga+.’ 17 ‘Kandi mu mirima yose y’imizabibu hazoba amaborogo+; kuko nzoca hagati muri mwebwe+,’ ni ko Yehova avuze.

18 “‘Baragowe abahahamira umusi wa Yehova+! None umusi wa Yehova uzosobanura iki kuri mwebwe+? Uzoba ari umwiza, ntuzoba ari umuco+; 19 ni nk’igihe umuntu ahunga intambwe hanyuma agahura n’idubu; kandi ni nk’igihe yinjira mu nzu, agafadikiza ikiganza ciwe ku ruhome, hanyuma inzoka ikamukomora+. 20 Mbega umusi wa Yehova ntuzoba ari umwiza, ntube umuco? Mbega ntuzoba uw’umuzimagiza, ntube uw’ukwakaka+? 21 Imisi mikuru yanyu ndayanse+, ndayizinutswe, kandi sinzoryoherwa n’akamoto k’amakoraniro yanyu y’agakūra+. 22 Mugabo nimwanshikanira amashikanwa aturirwa uko yakabaye+, amashikanwa yanyu ntazompimbara+, n’ibimazi vyanyu vy’ugusangira vy’ibitungwa bikiri bito binuze sinzobiraba n’ijisho+. 23 Nimunkureko uruyogoyogo rw’indirimbo zanyu; sinumve ijwi ry’agahibongozo ry’ibicurarangisho vyanyu vy’imirya+! 24 Reka ubutungane butembe nk’amazi+, ubugororotsi na bwo nk’uruzi rw’isumo ruguma rutemba+. 25 Mbega ibimazi be n’amashikanwa, ni vyo mwazanye hafi yanje mu gahinga mu myaka mirongo ine, ga yewe nzu ya Isirayeli+? 26 Ntimuzobura gutwara Sakuti umwami wanyu+ na Ka yiwani, vya bishusho vyanyu, inyenyeri y’imana yanyu mwihinguriye+. 27 Nzotuma muja mu bunyagano hakurya ya Damasiko+,’ ni ko umwe yitwa Yehova Imana nyen’ingabo avuze+.”

6 “Baragowe abiraramiye+ i Siyoni be n’abizigira umusozi wa Samariya! Abo ni abanyacubahiro bo mw’ihanga rihambaye kuruta ayandi, kandi ni bo inzu ya Isirayeli yaje igana. 2 Nimufate inzira muje i Kalune, mwirabire; hanyuma muveyo muje i Hamati+ ahaba abantu benshi, muheze mumanuke i Gati+ h’Abafilisitiya. Mbega ivyo bisagara vyoba ari vyo vyiza kuruta ubu bwami, canke mugira ngo akarere kavyo ni ko kanini kuruta akarere kanyu+? 3 Mbega muriko mwikura mu muzirikanyi wa musi w’ivyago+, mukigiza hafi inzu y’ubukazi+? 4 Mwebwe abiryamiye ku mariri y’amasenge y’inzovu+, mukigaramangira ku busaswa bwanyu, mukirira impfizi z’intama zo mu mukuku be n’ibimasa vyakuwe mu nyana zadoheshejwe+, 5 mugafondafonda indirimbo mwisunze ijwi ry’igicurarangisho c’imirya+, nka kumwe kwa Dawidi mukaba mwarihingu riye ibikoresho vyo gucuraranga indirimbo+, 6 mukanywera mu mabakure y’umuvinyu+, mukisiga amavuta mezameza+, kandi mukaba mutarwajwe n’ivyago vya Yozefu+.

7 “Ni co gituma rero bazoja mu bunyagano bari imbere y’abariko baja mu bunyagano+, kandi ukwidagadura kw’abigaramangira kuzovaho ata kabuza.

8 “‘Umukama Segaba Ye hova arirahiye+,’ ni ko Yehova Imana nyen’ingabo avuze, ati: ‘“Nanka urunuka ubwishime bwa Yakobo+, n’iminara yiwe yo kubamwo ndayanse+, kandi igisagara be n’ibicuzuye nzobigabura ku bansi+. 9 Kandi nihasigara abantu cumi mu nzu imwe, na bo nyene ntibazobura gupfa+. 10 Kandi mwene wabo na se azobwirizwa kubatwara hanze umwumwe, abaturire umwumwe, kugira ngo asohore amagufa muri nya nzu+. Kandi azobwirizwa kubaza umuntu wese ari mu bwigobeko bwa nya nzu ati: ‘Hari abandi muri kumwe?’ Na we azovuga koko ati: ‘Nta n’umwe!’ Nya muntu na we azobwirizwa kuvuga ati: ‘Cereza! Kuko atari igihe co gucisha mu kanwa izina rya Yehova+.’”

11 “‘Kuko ehe Yehova arategetse+, kandi ntazobura gusenyura inzu nini akayigira ibisenyagurike, inzu ntoyi na yo akayigira isakamburira+.

12 “‘Mbega amafarasi yokwiruka ku rutare? Canke umuntu yoharimisha inka? Kuko ubutungane mwabuhinduye igiterwa c’ubumara+, icamwa c’ubugororotsi na co mugihindura ibamba, 13 mwebwe abanezererwa ikintu kitariho+, mukavuga ngo: “Mbega inkomezi zacu si zo zatumye twironsa amahembe*+?” 14 Raba! Ngira ndabahagurukirize ihanga+, ewe nzu ya Isirayeli,’ ni ko Yehova Imana nyen’ingabo avuze, ‘babahahaze kuva ku bwinjiriro bwa Hamati+ gushika ku mwonga wa Araba.’”

7 Ibi ni vyo Umukama Segaba Yehova yanyeretse: ehe yariko aremarema irumbu ry’inzige, ivyabibwe mu nyuma bigitangura kunaga+. Kandi, ehe vyari ivyabibwe mu nyuma y’itemwa ry’ivyatsi vy’umwami. 2 Maze iryo rumbu rirangije kurigata ibimera vyo mu gihugu, nca mvuga nti: “Ewe Mukama Segaba Yehova, ndakwinginze ubababarire+. Ni nde azohaguruka mu ba Yakobo? Ko ari mutoya+!”

3 Yehova aricuza ku bijanye n’ico kintu+. Yehova avuga ati: “Ntibizoba.”

4 Ibi ni vyo Umukama Segaba Yehova yanyeretse: ehe Umukama Segaba Yehova yariko ahamagara amahane biciye ku muriro+; nya muriro urigata inyenga y’amazi nini amahanga, urigata n’igice c’itongo. 5 Nanje ndaheza mvuga nti: “Ewe Mukama Segaba Yehova, ndakwinginze ubangire+. Ni nde azohaguruka mu ba Yakobo? Ko ari mutoya+!”

6 Yehova aricuza ku bijanye n’ico kintu+. Umukama Segaba Yehova avuga ati: “Eka n’ivyo ntibizoba.”

7 Ibi ni vyo yanyeretse: ehe Yehova yari ahagaze ku ruhome rwubatswe hakoreshejwe karisho*+, kandi karisho yari mu kuboko kwiwe. 8 Maze Yehova ambaza ati: “Ubona iki ga Amosi?” Nanje nti: “Karisho.” Hanyuma Yehova avuga ati: “Ehe ngira nshire karisho hagati mu bantu banje Isirayeli+. Sinzogenda nsubiye kubababarira+. 9 Emwe, ibibanza bikirurutse vya Izahaki+ bizogirwa umusaka, ibibanza vyeranda+ vya Isirayeli na vyo bitikizwe+; kandi nzohagurukira inzu ya Yerobowamu nkoresheje inkota+.”

10 Hanyuma Amaziya umuherezi w’i Beteli+ atuma kuri Yerobowamu+ umwami wa Isirayeli, ati: “Amosi yakugīriye umugambi mubi hagati nyene mu nzu ya Isirayeli+. Igihugu ntigishobora kwihanganira amajambo yiwe yose+. 11 Kuko Amosi avuga ngo: ‘Yerobowamu azokwicishwa inkota; nayo Isirayeli, ntizobura kuja mu bunyagano ikava ku butaka bwayo+.’”

12 Nuko Amaziya abwira Amosi ati: “Ewe mubonyi+, genda, hunga uje mu gihugu ca Yuda, abe ari ho urira umukate, kandi abe ari ho uvugira ubuhanuzi. 13 Ariko i Beteli ntiwongere kuhavugira icitwa ubuhanuzi+, kuko ari co kibanza ceranda c’umwami+, kikaba n’inzu y’ubwami.”

14 Maze Amosi yishura Amaziya ati: “Jewe sinari umuhanuzi, canke ngo mbe umwana w’umuhanuzi+; ahubwo nari umwungere+, nkaba n’umurasazi w’insukoni z’ibiti vy’imisukomora. 15 Maze Yehova ankura inyuma y’umukuku, hanyuma Yehova ambwira ati: ‘Genda, ubwire ubuhanuzi abantu banje Isirayeli+.’ 16 Niwumve rero ijambo rya Yehova: ‘Mbega uvuga ngo: “Ntukavuge ubuhanuzi bucira urubanza Isirayeli+, kandi ntihagire ijambo ukerutsa+ ricira urubanza inzu ya Izahaki”? 17 Ibi rero ni vyo Yehova avuze: “Umugore wawe azocika umumaraya mu gisagara+. Abahungu bawe n’abakobwa bawe bazogwishwa n’inkota. Nayo ubutaka bwawe, buzogabuzwa umugozi wo gupimisha. Nawe ubwawe, uzopfira ku butaka buhumanye+; Isirayeli na yo, ntizobura kuja mu bunyagano ikava ku butaka bwayo+.”’”

8 Ibi ni vyo Umukama Segaba Yehova yanyeretse: ehe hari igisimbo c’ivyamwa vyo mu ci+. 2 Araheza ambaza ati: “Ubona iki+ ga Amosi?” Nanje nti: “Igisimbo c’ivyamwa vyo mu ci+.” Hanyuma Yehova ambwira ati: “Iherezo ryashitse ku bantu banje Isirayeli+. Sinzogenda nsubiye kubababarira+. 3 ‘Kandi indirimbo zo mu rusengero zizoba umuborogo kuri uwo musi+,’ ni ko Umukama Segaba Yehova avuze. ‘Hazoba imivyimba myinshi+. Emwe, ahantu hose, bazoyishiburira hanze—cwe!’

4 “Nimwumve ibi mwebwe murondera gusūmira umworo n’akanwa kanyu+, kugira ngo muzimanganye kw’isi abatekereza+, 5 mukavuga ngo: ‘Mbega imboneko y’ukwezi izorengana ryari+ ngo twigurishirize intete+? Be n’isabato+, ngo twidandarize intete, kugira ngo tugabanye ingero ya efa+, tuduze shekeli kandi tuzirike umunzane w’uruhendo+, 6 kugira ngo tugure abantu batobato ifeza igaragara, umworo na we ikiguzi c’umwambaro w’inkweto, ngo twigurishirize umucafu w’intete+?’

7 “Yehova arahiye Ubukuru bwa Yakobo+, ati: ‘Sinzokwigera nibagira ibikorwa vyabo vyose+. 8 Mbega ivyo si vyo bizotuma igihugu gihagarika umutima+, n’uwukibamwo wese akabwirizwa kugandara+, bigatuma kandi cose kiduga nka Nili, kigasebagirika hanyuma kikadwibira nka Nili yo mu Misiri+?’

9 “‘Kandi uku ni ko bizoba kuri uwo musi,’ ni ko Umukama Segaba Yehova avuze: ‘Nzotuma izuba rirenga ku mutaga w’amaminangohe+, nteze igihugu umwiza ku musi umuco ari wose. 10 Imisi mikuru yanyu nzoyihindura ikigandaro+, n’indirimbo zanyu zose ndazihindure akaririmbo k’intimba, nzane amagunira* ku mafyinga yose, n’imitwe yose iharangurwe+; nzotuma bimera nk’igihe bagandarira umwana w’ikinege+, iherezo ryavyo rimere nk’umusi w’akabonge.’

11 “‘Ehe imisi iraje,’ ni ko Umukama Segaba Yehova avuze: ‘nzorungika ikigoyi mu gihugu, ikigoyi atari ic’umukate, n’inyota atari iy’amazi, ahubwo ikigoyi n’inyota vyo kwumva amajambo ya Yehova+. 12 Kandi ntibazobura kudandabagirana kuva ku kiyaga gushika ku kindi, no kuva mu buraruko gushika mu burasirazuba. Bazoguma banyuragira irya n’ino barondera ijambo rya Yehova, ariko ntibazorironka+. 13 Kuri uwo musi abigeme bezabeza b’isugi, eka n’imisore, bazorabikwa n’inyo ta+, 14 abarahira icaha ca Samariya+, bakavuga ngo: “Turahiye ukubaho kw’imana ya we, ewe Dani+!”, kandi ngo: “Turahiye ukubaho kw’inzira y’i Beyeri-sheba+!” Ntibazobura kugwa, kandi ntibazokwongera guhaguruka+.’”

9 Nabonye Yehova ahagaze hejuru y’igicaniro+, araheza avuga ati: “Kubita umutwe w’inkingi, aminjiriro atigite. Zigegene ku mitwe, zose+. Abasigaye bo muri bo nzobicisha inkota. Nta wo muri bo agerageza guhunga azoshobora guhunga ngo akire, kandi nta wo muri bo agerageza gucika kw’icumu azoshobora kuyanyaga+. 2 Nibimba bakaja mu kuzimu*, ukuboko kwanje kuzobakurayo+; kandi nibaduga mu majuru, nzobamanurayo+. 3 Nibinyegeza kw’isonga rya Karumeli, nzobaronderayo nitonze nshirwe ndabafashe+. Nibihisha amaso yanje hasi mu kiyaga+, nzotegekerayo inzoka, ibakomore. 4 Nibajanwa kugirwa imbohe bashorewe n’abansi babo, nzotegekerayo inkota, ibice+; kandi nzobashinga ijisho ku bw’inabi, atari ku bw’ineza+. 5 Umukama Segaba, Yehova nyen’ingabo*, ni We akora ku gihugu, kigashonga+; kandi abakibamwo bose bazobwirizwa kugandara+; kandi ntikizobura kuduga cose nka Nili, kikadwibira nka Nili yo mu Misiri+.

6 “‘Umwe yubaka ingazi ziwe mu majuru+, akubaka n’inyubakwa yiwe hejuru y’isi yashizeho+, umwe ahamagara amazi y’ikiyaga+, ngo ayasuke ku buringanire bw’isi+—Yehova ni ryo zina ryiwe+.’

7 “‘Mbega kuri jewe ntimumeze nk’abana b’Abakushi, ga yemwe bene Isirayeli?’ ni ko Yehova avuze. ‘Mbega sinaduganye Isirayeli nkayikura mu gihugu ca Misiri+, n’Abafilisitiya+ nkabakura i Kirete, na Siriya nkayikura i Kiri+?’

8 “‘Raba! Amaso y’Umukama Segaba Yehova ari ku bwami bucumura+, kandi azobuzimanganya koko ku buringanire bw’ubutaka+. Yamara rero, sinzozimanganya buhere inzu ya Yakobo+,’ ni ko Yehova avuze. 9 ‘Kuko ehe ndatanze itegeko; nzonyiganza inzu ya Isirayeli mu mahanga yose+, nk’uko umuntu anyiganza ikiyunguruzo, ku buryo hatagira n’akabuye kagwa hasi. 10 Bazokwicishwa inkota, abacumuzi bose bo mu bantu banje+, abavuga ngo: “Ivyago ntibizotwegera canke ngo bishike aho turi+.”’

11 “‘Kuri uwo musi nzovyura+ urusago+ rwa Dawidi rwatemvye+, nzibire n’ibihengeri vyabo. Ibihomvagurike vyarwo nzobivyura, ndarwubake nko mu misi ya kera+, 12 kugira ngo bigarurire ibisigaye vyo kuri Edomu+, be n’amahanga yose izina ryanje ryambarijwemwo+,’ ni ko Yehova avuze, ari na we akora ivyo.

13 “‘Ehe imisi iraje,’ ni ko Yehova avuze: ‘umurimyi azohamvya umwimbuzi+, n’uwuganisha ibirenge inzabibu ahamvye uwikorera imbuto+; imisozi izotonyanga umuvinyu usosa+, n’imirambi yose isange iriko irashonga+. 14 Kandi nzogarukana abagizwe imbohe bo mu bantu banje Isirayeli+, na bo bazokwubaka vy’ukuri ibisagara vyagizwe umusaka babibemwo+, batere imirima y’imizabibu binywere umuvinyu wayo, barime n’imirima birire ivyamwa vyayo+.’

15 “‘Nzobateragira koko ku butaka bwabo, kandi ntibazokwongera kurandurwa ku butaka bwabo nabihereye+,’ ni ko Yehova Imana yawe avuze.”