Sáàmù

119 Aláyọ̀ ni àwọn tí wọ́n jẹ́ aláìlẹ́bi* ní ọ̀nà wọn,

Àwọn tó ń rìn nínú òfin Jèhófà.+

 2 Aláyọ̀ ni àwọn tó ń kíyè sí àwọn ìránnilétí rẹ̀,+

Àwọn tó ń fi gbogbo ọkàn wọn wá a.+

3 Wọn kì í hùwà àìṣòdodo;

Wọ́n ń rìn ní àwọn ọ̀nà rẹ̀.+

4 O ti pàṣẹ pé

Kí a máa pa òfin rẹ mọ́ délẹ̀délẹ̀.+

5 Ká ní mo lè máa jẹ́ adúróṣinṣin nìṣó*+

Kí n lè máa pa àwọn ìlànà rẹ mọ́!

6 Nígbà náà, ojú ò ní tì mí+

Tí mo bá ń ronú nípa gbogbo àṣẹ rẹ.

7 Màá fi ọkàn tó dúró ṣinṣin yìn ọ́

Nígbà tí mo bá kọ́ nípa àwọn ìdájọ́ rẹ tó jẹ́ òdodo.

11 Mo fi ọ̀rọ̀ rẹ ṣe ìṣúra nínú ọkàn mi+

Kí n má bàa dẹ́ṣẹ̀ sí ọ.+

12 Ìyìn ni fún ọ, Jèhófà;

Kọ́ mi ní àwọn ìlànà rẹ.

13 Mo fi ètè mi kéde

Gbogbo àwọn ìdájọ́ tí o ti ṣe.

14 Àwọn ìránnilétí rẹ ń mú inú mi dùn+

Ju gbogbo àwọn ohun míì tó ṣeyebíye.+

15 Màá máa ronú lórí* àwọn àṣẹ rẹ,+

Màá sì máa fojú sí àwọn ọ̀nà rẹ.+

17 Ṣe dáadáa sí èmi ìránṣẹ́ rẹ,

Kí n lè wà láàyè, kí n sì máa pa ọ̀rọ̀ rẹ mọ́.+

18 La ojú mi kí n lè rí

Àwọn ohun àgbàyanu tó wà nínú òfin rẹ kedere.

20 Ìfẹ́ àwọn ìdájọ́ rẹ

Gbà mí lọ́kàn nígbà gbogbo.

21 O bá àwọn tó ń kọjá àyè wọn wí,

Àwọn ẹni ègún tó ń yà kúrò nínú àwọn àṣẹ rẹ.+

22 Mú ẹ̀gàn àti àbùkù kúrò lára mi,*

Nítorí pé mo ti kíyè sí àwọn ìránnilétí rẹ.

23 Kódà nígbà tí àwọn olórí bá jọ jókòó, tí wọ́n sì ń sọ̀rọ̀ mi láìdáa,

Àwọn ìlànà rẹ ni èmi ìránṣẹ́ rẹ ń ronú lé lórí.*

24 Mo fẹ́ràn àwọn ìránnilétí rẹ;+

Àwọn ló ń gbà mí nímọ̀ràn.+

26 Mo sọ àwọn ọ̀nà mi fún ọ, o sì dá mi lóhùn;

Kọ́ mi ní àwọn ìlànà rẹ.+

27 Jẹ́ kí n mọ ìtumọ̀* àwọn àṣẹ rẹ,

Kí n lè máa ronú lórí* àwọn iṣẹ́ àgbàyanu rẹ.+

29 Mú ọ̀nà ẹ̀tàn kúrò lọ́dọ̀ mi,+

Kí o sì fi òfin rẹ ṣojú rere sí mi.

32 Màá yára rìn ní* ọ̀nà àwọn àṣẹ rẹ,

Torí pé o ti wá àyè fún un nínú ọkàn mi.*

33 Jèhófà,+ kọ́ mi kí n lè máa tè lé àwọn ìlànà rẹ,

Màá sì tẹ̀ lé e délẹ̀délẹ̀.+

34 Jẹ́ kí n ní òye,

Kí n lè máa tẹ̀ lé òfin rẹ,

Kí n sì máa fi gbogbo ọkàn mi pa á mọ́.

35 Darí mi* ní ọ̀nà àwọn àṣẹ rẹ,+

Torí ó ń mú inú mi dùn.

36 Mú kí ọkàn mi máa fà sí àwọn ìránnilétí rẹ,

Kó má ṣe fà sí èrè tí kò tọ́.*+

37 Yí ojú mi kúrò kí n má ṣe máa wo ohun tí kò ní láárí;+

Mú kí n máa wà láàyè ní ọ̀nà rẹ.

38 Mú ìlérí tí o ṣe* fún ìránṣẹ́ rẹ ṣẹ,

Ká lè máa bẹ̀rù rẹ.*

39 Mú ìtìjú tí mò ń bẹ̀rù kúrò,

Nítorí àwọn ìdájọ́ rẹ dára.+

41 Jèhófà, jẹ́ kí n rí ìfẹ́ rẹ tí kì í yẹ̀,+

Kí n rí ìgbàlà rẹ bí o ti ṣèlérí;*+

42 Nígbà náà, màá fún ẹni tó ń pẹ̀gàn mi lésì,

Nítorí mo gbẹ́kẹ̀ lé ọ̀rọ̀ rẹ.

43 Má ṣe mú ọ̀rọ̀ òtítọ́ kúrò ní ẹnu mi,

Nítorí mo gbẹ́kẹ̀ lé* ìdájọ́ rẹ.

44 Èmi yóò máa pa òfin rẹ mọ́ nígbà gbogbo,

Títí láé àti láéláé.+

45 Èmi yóò máa rìn káàkiri ní ibi ààbò,*+

Nítorí mò ń wá àwọn àṣẹ rẹ.

46 Èmi yóò máa sọ̀rọ̀ nípa àwọn ìránnilétí rẹ níwájú àwọn ọba,

Mi ò sì ní tijú.+

47 Mo fẹ́ràn àwọn àṣẹ rẹ,

Àní, mo nífẹ̀ẹ́ wọn.+

48 Màá tẹ́ ọwọ́ mi sókè sí ọ nítorí àwọn àṣẹ rẹ, torí mo nífẹ̀ẹ́ wọn,+

Màá sì máa ronú lórí* àwọn ìlànà rẹ.+

49 Rántí ọ̀rọ̀ tí o sọ* fún ìránṣẹ́ rẹ,

Èyí tí o fi mú kí n nírètí.*

50 Ohun tó ń tù mí nínú nìyí nínú ìpọ́njú mi,+

Ọ̀rọ̀ rẹ ló ń mú kí n wà láàyè.

51 Àwọn tó ń kọjá àyè wọn kàn mí lábùkù,

Àmọ́ mi ò yà kúrò nínú òfin rẹ.+

52 Jèhófà, mo rántí àwọn ìdájọ́ rẹ ti ìgbà àtijọ́,+

Wọ́n sì ń tù mí nínú.+

53 Mo gbaná jẹ gidigidi nítorí àwọn ẹni burúkú

Tó ń pa òfin rẹ tì.+

54 Orin ni àwọn ìlànà rẹ jẹ́ fún mi

Níbikíbi tí mo bá ń gbé.*

55 Jèhófà, mò ń rántí orúkọ rẹ ní òru,+

Kí n lè máa pa òfin rẹ mọ́.

56 Ó ti jẹ́ ìṣe mi,

Nítorí pé mo ti pa àwọn àṣẹ rẹ mọ́.

57 Jèhófà, ìwọ ni ìpín mi;+

Mo ti ṣèlérí pé màá pa àwọn ọ̀rọ̀ rẹ mọ́.+

58 Mo fi gbogbo ọkàn mi bẹ̀ ọ́;*+

Ṣojú rere sí mi+ bí o ti ṣèlérí.*

59 Mo ti yẹ àwọn ọ̀nà mi wò,

Kí n lè yí ẹsẹ̀ mi pa dà sí àwọn ìránnilétí rẹ.+

60 Mo yára, mi ò sì jáfara

Láti pa àwọn àṣẹ rẹ mọ́.+

61 Okùn àwọn ẹni burúkú yí mi ká,

Àmọ́ mi ò gbàgbé òfin rẹ.+

62 Mo jí ní ọ̀gànjọ́ òru kí n lè dúpẹ́ lọ́wọ́ rẹ+

Nítorí àwọn ìdájọ́ rẹ tó jẹ́ òdodo.

63 Ọ̀rẹ́ mi ni gbogbo àwọn tó bẹ̀rù rẹ

Àti àwọn tó ń pa àwọn àṣẹ rẹ mọ́.+

64 Jèhófà, ìfẹ́ rẹ tí kì í yẹ̀ kún inú ayé;+

Kọ́ mi ní àwọn ìlànà rẹ.

65 Jèhófà, gẹ́gẹ́ bí o ṣe sọ,

O ti hùwà sí ìránṣẹ́ rẹ lọ́nà tó dáa.

66 Kọ́ mi kí n lè ní làákàyè àti ìmọ̀,+

Nítorí àwọn àṣẹ rẹ ni mo gbẹ́kẹ̀ lé.

69 Àwọn tó ń kọjá àyè wọn ti fi irọ́ yí mi lára,

Àmọ́ mò ń fi gbogbo ọkàn mi pa àwọn àṣẹ rẹ mọ́.

70 Ọkàn wọn ti yigbì,*+

Àmọ́ mo fẹ́ràn òfin rẹ.+

71 Ó dára bí a ṣe fìyà jẹ mí,+

Kí n lè kọ́ àwọn ìlànà rẹ.

72 Òfin tí o kéde dára fún mi,+

Ó dára ju ẹgbẹẹgbẹ̀rún wúrà àti fàdákà lọ.+

Fún mi ní òye,+

Kí n lè kọ́ àwọn àṣẹ rẹ.

74 Àwọn tó bẹ̀rù rẹ rí mi, wọ́n sì ń yọ̀,

Nítorí ọ̀rọ̀ rẹ ni ìrètí mi.*+

75 Jèhófà, mo mọ̀ pé àwọn ìdájọ́ rẹ jẹ́ òdodo+

Àti pé nínú òtítọ́ rẹ ni o fìyà jẹ mí.+

76 Jọ̀wọ́, jẹ́ kí ìfẹ́ rẹ tí kì í yẹ̀+ tù mí nínú,

Gẹ́gẹ́ bí ìlérí tí o ṣe* fún ìránṣẹ́ rẹ.

77 Ṣàánú mi, kí n lè máa wà láàyè,+

Nítorí mo fẹ́ràn òfin rẹ.+

78 Kí ojú ti àwọn tó ń kọjá àyè wọn,

Nítorí wọ́n ń ṣe ohun tí kò dáa sí mi láìnídìí.*

79 Kí àwọn tó bẹ̀rù rẹ pa dà sọ́dọ̀ mi,

Àwọn tó mọ ìránnilétí rẹ.

80 Kí ọkàn mi jẹ́ aláìlẹ́bi bí mo ṣe ń tẹ̀ lé àwọn ìlànà rẹ,+

Kí ojú má bàa tì mí.+

81 Ọkàn mi ń fà sí* ìgbàlà rẹ,+

Nítorí ọ̀rọ̀ rẹ ni ìrètí mi.*

82 Ojú mi fẹ́ máa rí ọ̀rọ̀ rẹ+

Nígbà tí mo béèrè pé: “Ìgbà wo lo máa tù mí nínú?”+

83 Nítorí mo dà bí ìgò awọ tí èéfín ti mú kí ó gbẹ,

Àmọ́ mi ò gbàgbé àwọn ìlànà rẹ.+

85 Àwọn tó ń kọjá àyè wọn gbẹ́ kòtò fún mi,

Àwọn tí kì í pa òfin rẹ mọ́.

89 Jèhófà, títí láé

Ni ọ̀rọ̀ rẹ yóò wà ní ọ̀run.+

91 Nípasẹ̀ ìdájọ́ rẹ ni wọ́n* fi wà títí di òní,

Nítorí ìránṣẹ́ rẹ ni gbogbo wọn.

92 Tí kì í bá ṣe pé mo fẹ́ràn òfin rẹ ni,

Mi ò bá ti ṣègbé nínú ìpọ́njú mi.+

93 Mi ò ní gbàgbé àwọn àṣẹ rẹ láé,

Torí pé nípasẹ̀ wọn lo fi mú kí n wà láàyè.+

94 Tìrẹ ni mo jẹ́; gbà mí sílẹ̀,+

Nítorí pé mo ti wá àwọn àṣẹ rẹ.+

95 Àwọn ẹni burúkú dènà dè mí láti pa mí,

Àmọ́ mò ń fiyè sí àwọn ìránnilétí rẹ.

96 Mo ti rí i pé kò sí ohun tó dáa tí kò kù síbì kan,

Àmọ́ àṣẹ rẹ dára láìkù síbì kan.*

98 Àṣẹ rẹ mú kí n gbọ́n ju àwọn ọ̀tá mi lọ,+

Nítorí pé ó wà pẹ̀lú mi títí láé.

99 Mo ní òye tó jinlẹ̀ ju ti gbogbo àwọn olùkọ́ mi,+

Nítorí pé mò ń ronú lórí* àwọn ìránnilétí rẹ.

100 Mò ń fi òye hùwà ju àwọn àgbààgbà lọ,

Nítorí pé mò ń pa àwọn àṣẹ rẹ mọ́.

101 Mi ò rìn ní ọ̀nà ibi èyíkéyìí,+

Kí n lè máa pa ọ̀rọ̀ rẹ mọ́.

102 Mi ò yà kúrò nínú àwọn ìdájọ́ rẹ,

Nítorí o ti kọ́ mi.

103 Àwọn ọ̀rọ̀ rẹ mà dùn mọ́ òkè ẹnu mi o,

Ó dùn ju oyin lọ lẹ́nu mi!+

105 Ọ̀rọ̀ rẹ jẹ́ fìtílà fún ẹsẹ̀ mi

Àti ìmọ́lẹ̀ fún ọ̀nà mi.+

106 Mo ti búra, màá sì mú un ṣẹ,

Kí n lè máa pa àwọn ìdájọ́ rẹ tó jẹ́ òdodo mọ́.

108 Jèhófà, jọ̀ọ́ jẹ́ kí inú rẹ dùn sí ọrẹ ìyìn àtọkànwá mi,*+

Kí o sì kọ́ mi ní àwọn ìdájọ́ rẹ.+

109 Ẹ̀mí mi wà nínú ewu* nígbà gbogbo,

Àmọ́ mi ò gbàgbé òfin rẹ.+

110 Àwọn ẹni burúkú ti dẹ pańpẹ́ dè mí,

Àmọ́ mi ò yà kúrò nínú àwọn àṣẹ rẹ.+

111 Mo fi àwọn ìránnilétí rẹ ṣe ohun ìní mi tí á máa wà títí lọ,*

Nítorí àwọn ni ayọ̀ ọkàn mi.+

112 Mo ti pinnu* láti máa tẹ̀ lé àwọn ìlànà rẹ

Nígbà gbogbo, màá sì ṣe bẹ́ẹ̀ délẹ̀délẹ̀.

113 Mo kórìíra àwọn aláàbọ̀-ọkàn,*+

Àmọ́ mo nífẹ̀ẹ́ òfin rẹ.+

114 Ìwọ ni ibi ààbò mi àti apata mi,+

Nítorí ọ̀rọ̀ rẹ ni ìrètí mi.*+

115 Ẹ kúrò lọ́dọ̀ mi, ẹ̀yin aṣebi,+

Kí n lè pa àwọn àṣẹ Ọlọ́run mi mọ́.

116 Tì mí lẹ́yìn bí o ti ṣèlérí,*+

Kí n lè máa wà láàyè;

Má ṣe jẹ́ kí ìrètí mi já sí asán.*+

117 Tì mí lẹ́yìn, kí n lè rí ìgbàlà;+

Nígbà náà, èmi yóò máa pọkàn pọ̀ sórí àwọn ìlànà rẹ.+

118 O kọ àwọn tó ń yà kúrò nínú àwọn ìlànà rẹ,+

Nítorí wọ́n jẹ́ onírọ́ àti ẹlẹ́tàn.

120 Ẹ̀rù rẹ mú kí ara* mi máa gbọ̀n;

Mò ń bẹ̀rù àwọn ìdájọ́ rẹ.

122 Fi dá ìránṣẹ́ rẹ lójú pé wàá tì í lẹ́yìn;

Kí àwọn tó ń kọjá àyè wọn má ṣe ni mí lára.

123 Ojú mi ti di bàìbàì bí mo ṣe ń dúró de ìgbàlà rẹ+

Àti ìlérí* òdodo rẹ.+

124 Fi ìfẹ́ rẹ tí kì í yẹ̀ hàn sí ìránṣẹ́ rẹ,+

Kí o sì kọ́ mi ní àwọn ìlànà rẹ.+

125 Ìránṣẹ́ rẹ ni mí; fún mi ní òye,+

Kí n lè mọ àwọn ìránnilétí rẹ.

126 Jèhófà, ó ti tó àkókò fún ọ láti gbé ìgbésẹ̀,+

Nítorí wọ́n ti rú òfin rẹ.

127 Ìdí nìyẹn tí mo fi nífẹ̀ẹ́ àwọn àṣẹ rẹ

Ju wúrà, kódà ju wúrà tó dára* lọ.+

128 Nítorí náà, mo gbà pé gbogbo ẹ̀kọ́* tó bá wá látọ̀dọ̀ rẹ tọ̀nà;+

Mo kórìíra gbogbo ọ̀nà èké.+

130 Ṣíṣí ọ̀rọ̀ rẹ payá ń mú ìmọ́lẹ̀ wá,+

Ó ń fún àwọn aláìmọ̀kan ní òye.+

131 Mo la gbogbo ẹnu mi, mo sì mí kanlẹ̀,*

Nítorí pé ọkàn mi ń fà sí àwọn àṣẹ rẹ.+

132 Yíjú sí mi, kí o sì ṣojú rere sí mi,+

Gẹ́gẹ́ bí ìdájọ́ rẹ fún àwọn tó nífẹ̀ẹ́ orúkọ rẹ.+

133 Fi ọ̀rọ̀ rẹ darí ìṣísẹ̀ mi láìséwu;*

Kí aburú kankan má ṣe jọba lórí mi.+

134 Gbà mí* lọ́wọ́ àwọn aninilára,

Màá sì pa àwọn àṣẹ rẹ mọ́.

135 Mú kí ojú rẹ tàn sára* ìránṣẹ́ rẹ,+

Kí o sì kọ́ mi ní àwọn ìlànà rẹ.

136 Omijé ń dà ní ojú mi

Nítorí àwọn èèyàn kò pa òfin rẹ mọ́.+

137 Olódodo ni ọ́, Jèhófà,+

Àwọn ìdájọ́ rẹ sì tọ́.+

138 Àwọn ìránnilétí rẹ jẹ́ òdodo,

Wọ́n sì ṣeé gbára lé pátápátá.

139 Ìtara mi fún ọ gbà mí lọ́kàn,+

Nítorí àwọn ọ̀tá mi ti gbàgbé àwọn ọ̀rọ̀ rẹ.

140 Ọ̀rọ̀ rẹ jẹ́ èyí tí a yọ́ mọ́ dáadáa,+

Ìránṣẹ́ rẹ sì nífẹ̀ẹ́ rẹ̀.+

141 Mi ò já mọ́ nǹkan kan, mo sì jẹ́ ẹni ẹ̀gàn;+

Síbẹ̀, mi ò gbàgbé àwọn àṣẹ rẹ.

142 Òdodo rẹ jẹ́ òdodo ayérayé,+

Òfin rẹ sì jẹ́ òtítọ́.+

143 Bí wàhálà àti ìṣòro tilẹ̀ bá mi,

Síbẹ̀, mo fẹ́ràn àwọn àṣẹ rẹ.

147 Mo ti jí kí ilẹ̀ tó mọ́,* kí n lè kígbe fún ìrànlọ́wọ́,+

Nítorí àwọn ọ̀rọ̀ rẹ ni ìrètí mi.*

148 Ojú mi là kí àwọn ìṣọ́ òru tó bẹ̀rẹ̀,

Kí n lè ronú lórí* ọ̀rọ̀ rẹ.+

150 Àwọn tó ń hu ìwà àìnítìjú* sún mọ́ tòsí;

Wọ́n jìnnà réré sí òfin rẹ.

151 Jèhófà, o wà nítòsí,+

Òtítọ́ sì ni gbogbo àṣẹ rẹ.+

152 Tipẹ́tipẹ́ ni mo ti kọ́ nípa àwọn ìránnilétí rẹ,

Pé o ṣe wọ́n kí wọ́n lè wà títí láé.+

153 Wo ìyà tó ń jẹ mí, kí o sì gbà mí sílẹ̀,+

Nítorí mi ò gbàgbé òfin rẹ.

154 Gbèjà mi,* kí o sì gbà mí sílẹ̀;+

Mú kí n máa wà láàyè bí o ti ṣèlérí.*

155 Ìgbàlà jìnnà réré sí àwọn ẹni burúkú,

Nítorí wọn kò wá àwọn ìlànà rẹ.+

157 Àwọn ọ̀tá mi àti àwọn tó ń ṣe inúnibíni sí mi pọ̀;+

Àmọ́ mi ò yà kúrò nínú àwọn ìránnilétí rẹ.

158 Ojú burúkú ni mo fi ń wo àwọn oníbékebèke,

Torí wọn kì í pa ọ̀rọ̀ rẹ mọ́.+

160 Òtítọ́ ni kókó inú ọ̀rọ̀ rẹ,+

Gbogbo ìdájọ́ rẹ tí ó jẹ́ òdodo sì wà títí láé.

161 Àwọn olórí ń ṣe inúnibíni sí mi+ láìnídìí,

Àmọ́ ìbẹ̀rù ọ̀rọ̀ rẹ wà lọ́kàn mi.+

162 Ọ̀rọ̀ rẹ ń mú inú mi dùn,+

Bí ẹni tó rí ẹrù púpọ̀ kó lójú ogun.

163 Mo kórìíra irọ́, mo kórìíra rẹ̀ gidigidi,+

Mo nífẹ̀ẹ́ òfin rẹ.+

164 Ìgbà méje lóòjọ́ ni mò ń yìn ọ́

Nítorí àwọn ìdájọ́ rẹ tí ó jẹ́ òdodo.

165 Ọ̀pọ̀lọpọ̀ àlàáfíà jẹ́ ti àwọn tó nífẹ̀ẹ́ òfin rẹ;+

Kò sí ohun tó lè mú wọn kọsẹ̀.*

166 Mò ń retí àwọn iṣẹ́ ìgbàlà rẹ, Jèhófà,

Mo sì ń pa àwọn àṣẹ rẹ mọ́.

167 Mò* ń pa àwọn ìránnilétí rẹ mọ́,

Mo sì nífẹ̀ẹ́ wọn púpọ̀.+

168 Mò ń pa àwọn àṣẹ àti àwọn ìránnilétí rẹ mọ́,

Nítorí o mọ gbogbo ohun tí mò ń ṣe.+

171 Kí ìyìn kún ẹnu mi,*+

Nítorí o ti kọ́ mi ní àwọn ìlànà rẹ.

172 Kí ahọ́n mi máa fi ọ̀rọ̀ rẹ kọrin,+

Nítorí gbogbo àṣẹ rẹ jẹ́ òdodo.

173 Kí ọwọ́ rẹ ṣe tán láti ràn mí lọ́wọ́,+

Nítorí mo ti pinnu pé màá máa pa àwọn àṣẹ rẹ mọ́.+

174 Ọkàn mi ń fà sí ìgbàlà rẹ, Jèhófà,

Mo sì fẹ́ràn òfin rẹ.+

175 Jẹ́ kí n* máa wà láàyè, kí n lè máa yìn ọ́;+

Kí àwọn ìdájọ́ rẹ máa ràn mí lọ́wọ́.

176 Mo ti ṣìnà bí àgùntàn tó sọ nù.+ Wá ìránṣẹ́ rẹ,

Nítorí mi ò gbàgbé àwọn àṣẹ rẹ.+