Bijbel tori fu hori takimakandra
(Te a no taki tra fasi, dan den tekst teki puru fu a Bijbel disi. Luku bladzijde 8 fu sabi san na den syatu nen fu den Bijbel buku.)
1. Anbegi fu den afo
A. Na fu soso sma e anbegi den afo
Den afo fu wi dede, den no sabi noti.—Pr 9:5, 10
Den fosi afo fu wi no warti fu wi anbegi den.—Ro 5:12, 14; 1Ti 2:14
Gado no wani taki wi e anbegi den afo fu wi.—Eks 34:14; Mt 4:10
B. Wi kan gi libisma grani, ma na Gado wawan wi musu anbegi
Yonguwan musu gi owru sma grani.—1Ti 5:1, 2, 17; Ef 6:1-3
Ma na Gado wawan wi musu anbegi.—Tor 10:25, 26; Opb 22:8, 9
2. Anbegi fu Maria
A. Maria ben de a mama fu Yesus, a no ben de a „mama fu Gado”
Gado no abi wan bigin.—Ps 90:2; 1Ti 1:17
Maria ben de a mama fu Gado en Manpikin di a ben de na grontapu.—Lu 1:35
B. Maria no ben tan wan „nyunwenke fu ala ten”
A ben trow nanga Yosef.—Mt 1:19, 20, 24, 25
Boiti Yesus, a ben abi tra pikin tu.—Mt 13:55, 56; Lu 8:19-21
Na a ten dati, den no ben e bribi na ini Yesus.—Yoh 7:3, 5
3. Armagedon
A. A feti fu Gado fu puru ogridu
Den tyari den pipel kon na wán na Armagedon.—Opb 16:14, 16
Gado e gebroiki en Manpikin nanga den engel fu feti.—2Te 1:6-9; Opb 19:11-16
Fa wi kan tan na libi.—Sef 2:2, 3; Opb 7:14
B. Disi no wani taki dati Gado no lobi sma
Grontapu pori srefisrefi.—2Ti 3:1-5
Gado abi pasensi, ma a retidu fu en o meki taki a o du wan sani.—2Pe 3:9, 15; Lu 18:7, 8
Ogri sma musu kisi pori, so taki reti-ati sma kan abi wan bun libi.—Odo 21:18; Opb 11:18
4. Begi
A. Den begi di Gado e arki
Gado e arki den begi fu libisma.—Ps 145:18; 1Pe 3:12
A no e arki den sma di no e dini en, boiti efu den e kenki den libi.—Yes 1:15-17
Wi musu begi na ini a nen fu Yesus.—Yoh 14:13, 14; 2Kor 1:20
Den begi fu wi musu kruderi nanga a wani fu Gado.—1Yh 5:14, 15
Bribi de prenspari.—Yak 1:6-8
B. Wi e begi fu soso te wi e taki den srefi sani ibri leisi baka; a no bun fu begi Maria noso „den santawan”
Wi musu begi Gado na ini a nen fu Yesus.—Yoh 14:6, 14; 16:23, 24
Gado no o arki wi te wi e taki den srefi sani ibri leisi baka.—Mt 6:7
5. Bijbel
A. Na Gado meki sma skrifi Bijbel
Gado gebroiki en santa yeye fu meki sma skrifi Bijbel.—2Pe 1:20, 21
Bijbel abi profeititori na ini:—Da 8:5, 6, 20-22; Lu 21:5, 6, 20-22; Yes 45:1-4
A heri Bijbel kon fu Gado èn a e yepi sma.—2Ti 3:16, 17; Ro 15:4
B. A de wan bun yepi na ini a ten fu wi
Efu wi no e poti prakseri na Bijbel gronprakseri, wi o kisi bigi problema.—Ro 1:28-32
A koni fu libisma no e doro a sabi fu Bijbel.—1Kor 1:21, 25; 1Ti 6:20
Bijbel e yepi wi fu kakafutu gi a moro tranga feanti.—Ef 6:11, 12, 17
A e sori libisma a yoisti pasi.—Ps 119:105; 2Pe 1:19; Odo 3:5, 6
C. A skrifi gi sma fu ala kondre nanga ras
Sma bigin skrifi Bijbel na ini wan kondre na Owstusei.—Eks 17:14; 24:12, 16; 34:27
Gado no skrifi Bijbel gi den sma fu Europa wawan.—Ro 10:11-13; Ga 3:28
Gado lobi ala sortu sma.—Tor 10:34, 35; Ro 5:18; Opb 7:9, 10
6. Bribi
A. Wán tru bribi nomo de
Wán howpu, wán bribi, wán dopu.—Ef 4:5, 13
Den sma di abi a tru bribi, kisi a wroko fu meki disipel.—Mt 28:19; Tor 8:12; 14:21
Sma ben o sabi a tru bribi na den froktu di a e meki.—Mt 7:19, 20; Lu 6:43, 44; Yoh 15:8
Den sma di abi a tru bribi lobi makandra, den de wán.—Yoh 13:35; 1Kor 1:10; 1Yh 4:20
B. Bijbel abi leti fu taki dati falsi leri no bun
Yesus ben taki dati falsi leri no bun.—Mt 23:15, 23, 24; 15:4-9
A ben du dati fu yepi den sma di no ben man si san tru.—Mt 15:14
Di sma kon sabi san tru, den kon fri fu de disipel fu Yesus.—Yoh 8:31, 32
C. A prenspari srefisrefi taki wan sma kenki en bribi te a e si taki a no bun
Te wan sma kon frustan san tru, a e kon fri èn a e frustan taki furu sma no abi leti.—Yoh 8:31, 32
Israelsma nanga tra sma libi a bribi di den ben abi fosi.—Yos 24:15; 2Kw 5:17
Den fosi Kresten kenki a fasi fa den ben e si sani.—Ga 1:13, 14; Tor 3:17, 19
Paulus ben kenki en bribi.—Tor 26:4-6
Didibri kori heri grontapu; wi musu kenki wi denki.—Opb 12:9; Ro 12:2
D. A kan gersi leki „wan bun sani de na ini ala bribi”, ma dati a no wan dyaranti taki Gado feni ala bribi bun
Na Gado e taki fa sma musu anbegi en.—Yoh 4:23, 24; Yak 1:27
Wan bribi no bun efu a no de soleki fa Gado wani.—Ro 10:2, 3
A kan taki Yesus no sa wani teki den ’bun sani di sma du’.—Mt 7:21-23
Sma kan sabi fa wan bribi de na den froktu di a e meki.—Mt 7:20
7. Brudu
A. Te sma e teki brudu, den no e si brudu leki wan santa sani
Gado ben taigi Noa taki brudu na wan santa sani èn a libi fu wan libisani.—Ge 9:4, 16
A Wètfrubontu ben sori taki sma no musu nyan brudu.—Le 17:14; 7:26, 27; 1Sa 14:33
Kresten kisi a komando tu fu no abi noti fu du nanga brudu.—Tor 15:28, 29; 21:25
B. Awinsi brudu kan meki wan sma tan na libi, toku dati no e gi sma a reti fu trangayesi a wèt fu Gado
A moro bun fu gi yesi, leki fu tyari ofrandi.—1Sa 15:22; Mr 12:33
Wi o lasi wi libi te wi denki taki a prenspari moro den wèt fu Gado.—Mr 8:35, 36
8. Dede
A. Fu san ede sma e dede
Biginbigin libisma no ben abi nowan sondu èn den ben kan libi fu têgo.—Ge 1:28, 31
Fu di libisma trangayesi Gado, meki den kisi dedestrafu.—Ge 2:16, 17; 3:17, 19
Ala pikin nanga bakapikin fu Adam kisi sondu nanga dede fu en.—Ro 5:12
B. San e pasa te wan sma dede
Dede sma no sabi notinoti.—Pr 9:5, 10; Ps 146:3, 4
A de leki den dedewan e sribi èn den e wakti fu kisi wan opobaka.—Yoh 11:11-14, 23-26; Mr 5:35, 39, 41, 42
C. Libisma no man taki nanga dede sma
Dede sma a no yeye di e libi nanga Gado.—Ps 115:17; Yes 38:18
Gado warskow taki wi no musu pruberi fu taki nanga dede sma.—Yes 8:19; Le 19:31
Gado o strafu lukuman noso sma di e taki nanga yeye.—De 18:10-12; Ga 5:19-21
9. Den sani di Gado meki
A. Sabidensi e sori taki wan sma meki ala sani; den no kon fu densrefi soleki fa na evolutie-leri e sori
Sabiman e agri taki ala sani no meki na a srefi ten.—Ge 1:11, 12, 21, 24, 25
Gado ben meki difrenti sortu sani aparti èn te now ete den sani dati no kenki.—Ge 1:11, 12; Yak 3:12
B. Den dei di Gado meki sani no ben de dei fu 24 yuru
A wortu „dei” kan de wan pisi ten tu.—Ge 2:4
Gi Gado, wán dei kan de wan langa ten.—Ps 90:4; 2Pe 3:8
10. Didibri, Ogri yeye, Afkodrei
A. Didibri na wan yeye
A no de na ogri na ini wi, ma a de wan yeye.—2Ti 2:26
Didibri na wan yeye neleki den engel.—Mt 4:1, 11; Yob 1:6
A meki ensrefi kon tron Didibri, fu di a ben abi takru lostu.—Yak 1:13-15
B. Didibri na a tiriman fu grontapu èn wi no man si en
En na a gado di e tiri grontapu.—2Kor 4:4; 1Yh 5:19; Opb 12:9
A kisi pasi fu tan teleki a de krin suma abi leti.—Eks 9:16; Yoh 12:31
Den o fringi en go na ini a dipi peti èn baka dati a o kisi pori.—Opb 20:2, 3, 10
C. Ogri yeye na engel di opo densrefi teige Gado
Den ben teki a sei fu Satan fosi a Frudu.—Ge 6:1, 2; 1Pe 3:19, 20
Den kon lagi èn den de na ini dungru.—2Pe 2:4; Yud 6
Den e feti nanga Gado èn den e pina libisma.—Lu 8:27-29; Opb 16:13, 14
Den o kisi pori makandra nanga Satan.—Mt 25:41; Lu 8:31; Opb 20:2, 3, 10
D. Sma musu tegu gi afkodrei èn den musu si en leki wan sani di e kon fu ogri yeye
Gado Wortu e taki krin dati sma no musu du afkodrei.—Yes 8:19, 20; Le 19:31; 20:6, 27
Lukuman-wroko abi fu du nanga ogri yeye; Gado no lobi disi kwetikweti.—Tor 16:16-18
A e tyari dede kon.—Ga 5:19-21; Opb 21:8; 22:15
Gado no wani taki sma e luku stari nanga tra sani na hemel fu kon sabi san o pasa na ini a ten di e kon.—De 18:10-12; Yer 10:2
11. Dinari
A. Ala Kresten musu de dinari
Yesus ben de a dinari fu Gado.—Ro 15:8, 9; Mt 20:28
Kresten e teki na eksempre fu en.—1Pe 2:21; 1Kor 11:1
A wroko fu den na fu preiki.—2Ti 4:2, 5; 1Kor 9:16
B. O ten wan sma fiti fu de wan dinari
A musu abi Gado en yeye èn a musu sabi Gado Wortu.—2Ti 2:15; Yes 61:1-3
A musu preiki na a fasi fa Krestes ben e preiki.—1Pe 2:21; 2Ti 4:2, 5
A musu agri taki Gado e gebroiki en yeye nanga en organisâsi fu gi wi leri.—Yoh 14:26; 2Kor 3:1-3
12. Dopu
A. A de wan sani di ala Kresten musu du
Yesus ben gi na eksempre.—Mt 3:13-15; Heb 10:7
Disi e sori taki yu no e teri yusrefi moro, noso taki yu gi yusrefi abra na Gado.—Mt 16:24; 1Pe 3:21
A de soso gi den sma di owru nofo fu teki leri.—Mt 28:19, 20; Tor 2:41
A yoisti fasi fu du disi na fu dukrun a heri skin fu wan sma go na ini watra.—Tor 8:38, 39; Yoh 3:23
B. A no e wasi sondu puru
Yesus no teki dopu fu wasi sondu puru.—1Pe 2:22; 3:18
Yesus brudu e wasi sondu puru.—1Yh 1:7
13. Dresi sma, taki na ini difrenti tongo
A. Te wi e yepi sma so taki Gado feni den bun, dan dati e tyari wini kon fu ala ten
Te wan sma e libi na wan fasi di Gado no feni bun, a de leki a e siki èn a e kisi soso problema.—Yes 1:4-6; 6:10; Ho 4:6
A moro prenspari wroko na fu yepi sma so taki Gado feni den bun.—Yoh 6:63; Lu 4:18
Te wan sma e libi na wan fasi di Gado feni bun, a kan kisi pardon fu en sondu, a kan de koloku èn a kan kisi libi.—Yak 5:19, 20; Opb 7:14-17
B. Gado Kownukondre o dresi sma fu ala ten
Yesus ben dresi ala sortu siki sma èn a ben preiki fu den blesi di a Kownukondre o tyari kon.—Mt 4:23
Gado pramisi taki na a Kownukondre o meki sma kon betre fu ala ten.—Mt 6:10; Yes 9:7
Srefi dede a o puru.—1Kor 15:25, 26; Opb 21:4; 20:14
C. Te wan sma e dresi trawan na wan wondru fasi, dan dati a no wan buweisi taki Gado e feni en bun
Den disipel no ben du wondru fu meki densrefi kon betre.—2Kor 12:7-9; 1Ti 5:23
Di den apostel no ben de moro, sma no ben e kisi krakti moro fu du wondru.—1Kor 13:8-11
Te sma e du wondru fu dresi trawan, dan dati no de wan krin buweisi taki Gado feni den bun.—Mt 7:22, 23; 2Te 2:9-11
D. Sma ben o man taki na ini difrenti tongo soso fu wan pisi ten nomo
A ben de wan marki gi sma; den ben musu suku fu kisi den moro bigi sani.—1Kor 14:22; 12:30, 31
Bijbel ben taki na fesi dati wan ten ben o kon taki a yeye no ben o meki sma du wondru moro.—1Kor 13:8-10
Te wan sma e du wondru, dan dati no de wan krin buweisi taki Gado feni en bun.—Mt 7:22, 23; 24:24
14. Dri-wánfasi
A. Gado, a Tata, na wán sma èn a de a moro bigiwan na hemel èn na grontapu
Gado a no dri sma.—De 6:4; Mal 2:10; Mr 10:18; Ro 3:29, 30
Na Gado meki a Manpikin; fosi dati Gado ben de en wawan.—Opb 3:14; Kol 1:15; Yes 44:6
Ala ten Gado na a tiriman fu hemel nanga grontapu.—Fp 2:5, 6; Da 4:35
Gado musu kisi glori moro ala sma.—Fp 2:10, 11
B. Bifo èn baka di a Manpikin kon na grontapu, a ben lagi moro a Tata
Na ini hemel a Manpikin ben e gi yesi, èn na a Tata seni en kon.—Yoh 8:42; 12:49
Na grontapu a ben e gi yesi, èn a Tata bigi moro en.—Yoh 14:28; 5:19; Heb 5:8
A kisi moro hei makti na hemel, ma a musu saka ensrefi na ondro Gado ete.—Fp 2:9; 1Kor 15:28; Mt 20:23
Yehovah na a ede èn a Gado fu Krestes.—1Kor 11:3; Yoh 20:17; Opb 1:6
C. Fa Gado nanga Krestes de wán
Ala ten den abi a srefi prakseri èn a srefi fasi fu du sani.—Yoh 8:28, 29; 14:10
Den de wán neleki fa wan masra nanga en wefi de wán.—Yoh 10:30; Mt 19:4-6
Ala bribiman musu de wán tu.—Yoh 17:20-22; 1Kor 1:10
Fu têgo wán fasi nomo de fu anbegi Yehovah nanga yepi fu Krestes.—Yoh 4:23, 24
D. Gado en santa yeye na a krakti fu en di a e gebroiki fu du sani
A santa yeye na wan krakti, a no wan sma.—Mt 3:16; Yoh 20:22; Tor 2:4, 17, 33
A no wan sma na ini hemel di de nanga Gado èn nanga Krestes.—Tor 7:55, 56; Opb 7:10
Gado e gebroiki en fu du san a wani.—Ps 104:30; 1Kor 12:4-11
Den sma di e dini Gado e kisi a santa yeye èn a yeye e tiri den.—1Kor 2:12, 13; Ga 5:16
15. Falsi profeiti
A. Bijbel ben taki na fesi taki falsi profeiti ben o de; den ben de na ini a ten fu den apostel
Fa wi kan sabi suma na falsi profeiti.—De 18:20-22; Lu 6:26
Bijbel ben taki na fesi taki den ben o de; den sani di den e du e sori suma na den.—Mt 24:23-26; 7:15-23
16. Fesadei, Friyaridei
A. Den fosi Kresten no ben e hori friyari-oso noso Kresneti
Sma di no ben de tru anbegiman fu Gado ben hori friyari-oso.—Ge 40:20; Mt 14:6
Wi musu memre a dei di Yesus dede.—Lu 22:19, 20; 1Kor 11:25, 26
A no fiti fu hori bradyari fesa.—Ro 13:13; Ga 5:21; 1Pe 4:3
17. Frulusu
A. Gado e gi frulusu nanga yepi fu Yesus en frulusu-ofrandi
A libi na wan kado di Gado e gi sma nanga yepi fu en Manpikin.—1Yh 4:9, 14; Ro 6:23
Sma kan kisi frulusu soso nanga yepi fu a srakti-ofrandi fu Yesus.—Tor 4:12
Wan sma di e taki dati a abi berow te a de fu dede, no man du noti fu sori taki a abi trutru berow.—Yak 2:14, 26
Wi musu du furu muiti fu kisi frulusu.—Lu 13:23, 24; 1Ti 4:10
B. Bijbel no e sori taki te wan sma kisi frulusu wan leisi, dan a kisi frulusu fu ala ten
Sma di kisi a santa yeye kan fadon.—Heb 6:4, 6; 1Kor 9:27
Furu Israelsma dede aladi Gado ben frulusu den puru na ini Egepte.—Yud 5
Wan sma no e kisi frulusu wantewante.—Fp 2:12; 3:12-14; Mt 10:22
Te wan sma go libi baka leki fa a ben e libi fosi, a e kon moro ogri leki fa a ben de fosi.—2Pe 2:20, 21
C. Bijbel no e sori taki ala sma na grontapu o kisi frulusu
Son sma no man abi berow.—Heb 6:4-6
Gado no e prisiri te ogri sma dede.—Ese 33:11; 18:32
Ma fu di Gado abi lobi meki a no kan gi sma pasi fu du ogri ala ten.—Heb 1:9
Den ogri sma o kisi pori.—Heb 10:26-29; Opb 20:7-15
18. Gado seti na fesi kaba fa a libi fu sma o waka?
A. Gado no seti na fesi fa a libi fu sma o waka
Den sani di Gado abi na prakseri o pasa trutru.—Yes 55:11; Ge 1:28
Ibri sma kan bosroiti gi ensrefi efu a wani dini Gado.—Yoh 3:16; Fp 2:12
19. Gens, Frufolgu
A. Fu san ede sma e gens Kresten
Sma ben e teige Yesus, èn a ben taki na fesi taki sma ben o gens den bakaman fu en.—Yoh 15:18-20; Mt 10:22
Te wi e hori wisrefi na den yoisti gronprakseri, a e kon na krin taki grontapu ogri.—1Pe 4:1, 4, 12, 13
Satan, a gado fu a grontapu disi, e gens a Kownukondre.—2Kor 4:4; 1Pe 5:8
Kresten no e frede; Gado e horibaka gi den.—Ro 8:38, 39; Yak 4:8
B. Wan wefi no musu meki en masra tapu en fu dini Gado
Yesus warskow na fesi taki disi ben kan pasa; tra sma kan taigi a masra sani di no tru.—Mt 10:34-38; Tor 28:22
A wefi musu frutrow na tapu Gado nanga Krestes.—Yoh 6:68; 17:3
Te a e tan frutrow na tapu Gado, a kan meki en masra kisi frulusu tu.—1Kor 7:16; 1Pe 3:1-6
A masra na a ede, ma a no kan taigi en wefi suma a musu anbegi.—1Kor 11:3; Tor 5:29
C. Wan masra no musu meki en wefi tapu en fu dini Gado
A musu lobi en wefi nanga en osofamiri èn a musu wani taki den kisi libi.—1Kor 7:16
A abi a frantwortu fu teki bosroiti èn fu sorgu gi na osofamiri.—1Kor 11:3; 1Ti 5:8
Gado lobi a man di e horibaka gi san tru.—Yak 1:12; 5:10, 11
Te a masra e poti Bijbel gronprakseri na wan sei soso fu no meki trobi de na ini na osofamiri, dan Gado no e prisiri nanga en.—Heb 10:38
A musu tyari en osofamiri go na ini a nyun grontapu fu de koloku.—Opb 21:3, 4
20. Grontapu
A. San Gado abi na prakseri nanga grontapu
A paradijs na grontapu ben meki gi libisma di no abi sondu.—Ge 1:28; 2:8-15
Gado o du trutru san a abi na prakseri.—Yes 55:11; 46:10, 11
Grontapu o kon furu nanga libisma di no abi sondu èn den o libi bun nanga makandra.—Ps 72:7; Yes 45:18; 9:6, 7
A Kownukondre o tyari a Paradijs kon baka.—Mt 6:9, 10; Opb 21:3-5
B. Noiti grontapu o kisi pori èn ala ten sma o libi na tapu
Grontapu o tan fu ala ten.—Pr 1:4; Ps 104:5
Na ini a ten fu Noa, a no a grontapu, ma na libisma kisi pori.—2Pe 3:5-7; Ge 7:23
Na eksempre dati e gi wi a howpu taki wi o man tan na libi te a pori kon na ini a ten fu wi.—Mt 24:37-39
Ogri sma o kisi pori; a „bigi ipi sma” o tan na libi.—2Te 1:6-9; Opb 7:9, 14
21. Hèl (Grebi, Haides, Syeol)
A. A no wan trutru presi pe sma e pina na ini faya
Di Yob ben e pina, a begi Gado fu go drape.—Yob 14:13
A de wan presi pe sma no man du noti.—Ps 6:5; Pr 9:10; Yes 38:18, 19
Di Yesus kisi wan opobaka, a komoto na ini Grebi, noso hèl.—Tor 2:27, 31, 32; Ps 16:10
Tra dede sma o komoto na ini hèl èn hèl no o de moro.—Opb 20:13, 14
B. Bijbel e gebroiki a wortu faya fu sori taki wan sani pori krinkrin
Na agersi fasi faya wani taki dati wan sani pori krinkrin.—Mt 25:41, 46; 13:30
Ogri sma di no abi berow o kisi pori fu têgo neleki te faya bron wan sani krinkrin.—Opb 20:10; 21:8; Yud 7
Te Satan o „pina” na ini faya, dan dati wani taki dati a o dede fu têgo.—Opb 20:10, 14, 15
C. A tori fu a guduman nanga Lasarus na wan agersitori; a no wan buweisi taki sma o pina fu têgo
Yesus na a fosi sma di go na hemel, sobun Abraham no ben kan de na hemel di Yesus ben de na grontapu.—Yoh 3:13
Efu hèl na wan trutru presi di faya srefisrefi èn sma e pina drape, dan wán dropu watra no kan kowru wan sma tongo.—Lu 16:23, 24
Te Babilon o kisi pori krinkrin, dan Bijbel e agersi dati tu nanga a pina di a o pina na ini faya.—Opb 18:8-10, 21
22. Hemel
A. Soso 144.000 sma e go na hemel
Wan tu sma nomo e go na hemel fu tiri leki kownu makandra nanga Krestes.—Opb 5:9, 10; 20:4
Yesus na a fosiwan; baka dati Gado kari trawan tu.—Kol 1:18; 1Pe 2:21
Furu tra sma o libi na grontapu.—Ps 72:8; Opb 21:3, 4
Den 144.000 sma abi wan spesrutu posisi di nowan tra sma abi.—Opb 14:1, 3; 7:4, 9
23. Kerki
A. Wan kerki-oso noso tempel no de fanowdu fu man anbegi Gado
Gado no e tan na ini tempel noso tra sortu kerki-oso di libisma meki.—Tor 17:24, 25; 7:48
A tempel fu Gado meki fu libilibi ston.—1Pe 2:5, 6
Krestes na a moro prenspari ukuston; den apostel na den tra ston fu a fondamenti.—Ef 2:20
Sma musu anbegi Gado nanga yepi fu a santa yeye èn nanga yepi fu san tru.—Yoh 4:24
B. A kerki no bow na tapu Petrus
Yesus no ben taki dati a kerki ben o bow na tapu Petrus.—Mt 16:18
Bijbel e sori taki Yesus na a „stonbergi”.—1Kor 10:4
Petrus ben sori taki Yesus na a fondamenti.—1Pe 2:4, 6-8; Tor 4:8-12
24. Kownukondre
A. San a Kownukondre fu Gado o du gi libisma
A o meki a wani fu Gado pasa.—Mt 6:9, 10; Ps 45:6; Opb 4:11
A de wan tirimakti di abi wan kownu nanga wèt.—Yes 9:6, 7; 2:3; Ps 72:1, 8
A o puru ogridu èn a o tiri heri grontapu.—Da 2:44; Ps 72:8
A o tiri 1000 yari fu meki libisma kon de sondro sondu baka èn a o tyari a Paradijs kon baka.—Opb 21:2-4; 20:6
B. A Kownukondre bigin tiri aladi den feanti fu Krestes de ete
Baka di Krestes kisi wan opobaka, a ben musu wakti langa.—Ps 110:1; Heb 10:12, 13
Di a kisi makti, a feti nanga Satan.—Ps 110:2; Opb 12:7-9; Lu 10:18
Na a ten dati, a Kownukondre seti èn rampu kon na grontapu.—Opb 12:10, 12
Den problema di de now e sori taki a ten doro fu teki a sei fu a Kownukondre.—Opb 11:15-18
C. A Kownukondre no de ’na ini sma ati’ èn a no libisma seti en
A Kownukondre de na hemel, a no de na grontapu.—2Ti 4:18; 1Kor 15:50; Ps 11:4
A no de ’na ini sma ati’; Yesus ben taki nanga Fariseiman.—Lu 17:20, 21
A no de wan pisi fu a grontapu disi.—Yoh 18:36; Lu 4:5-8; Da 2:44
Wan tra tirimakti nanga tra wèt o kon na a presi fu den wan di de na grontapu now.—Da 2:44
25. Kroisi
A. Sma ben spikri Yesus na wan pinapostu fu gi en syen
Sma ben spikri Yesus na wan pinapostu noso wan bon.—Tor 5:30; 10:39; Ga 3:13; Moro sani nr. 6
Kresten musu tyari a syen fu a pinapostu.—Mt 10:38; Lu 9:23
B. Sma no musu anbegi a pinapostu fu Yesus
Yesus e kisi syen te wan sma e gi spesrutu grani na a pinapostu.—Heb 6:6; Mt 27:41, 42
Te wan sma e gebroiki wan kroisi na ini na anbegi fu en, dan dati na afkodrei.—Eks 20:4, 5; Yer 10:3-5
Yesus na wan yeye; a no de na wan pinapostu moro.—1Ti 3:16; 1Pe 3:18
26. Lasti dei
A. San den wortu ’a kaba fu grontapu’ wani taki
A kaba fu grontapu.—Mt 24:3; 2Pe 3:5-7; Mr 13:4
A no a kaba fu a grontapu srefi, ma fu na ogri di e pasa na grontapu.—1Yh 2:17
A ten fu a kaba na a pisi ten fosi Gado tyari a pori kon.—Mt 24:14
Reti-ati sma o kisi frulusu; baka dati wan nyun grontapu o kon.—2Pe 2:9; Opb 7:14-17
B. Wi musu de na ai fu si den marki fu den lasti dei
Gado gi wi marki fu yepi wi.—2Ti 3:1-5; 1Te 5:1-4
Grontapu no e si disi leki wan seryusu sani.—2Pe 3:3, 4, 7; Mt 24:39
Gado no e draidrai, ma a e gi warskow.—2Pe 3:9
A o pai wi te wi de na ai èn te wi e poti prakseri.—Lu 21:34-36
27. Libi
A. Libisma di e gi yesi na Gado abi a dyaranti taki den o kisi têgo libi
Gado, di no man lei, pramisi fu gi sma libi.—Tit 1:2; Yoh 10:27, 28
Den sma di abi bribi e kisi a dyaranti taki den o kisi têgo libi.—Yoh 11:25, 26
Dede no o de moro.—1Kor 15:26; Opb 21:4; 20:14; Yes 25:8
B. Soso den wan di de wan pisi fu Krestes skin o libi na hemel
Na Gado e teki suma a wani fu de wan pisi fu Krestes skin.—Mt 20:23; 1Kor 12:18
A teki 144.000 sma nomo fu grontapu.—Opb 14:1, 4; 7:2-4; 5:9, 10
Srefi Yohanes a Dopuman no o go na ini a Kownukondre na hemel.—Mt 11:11
C. Gado pramisi wan bigi grupu „tra skapu” taki den o libi na grontapu
Wan pikin grupu sma nomo o libi nanga Yesus na hemel.—Opb 14:1, 4; 7:2-4
Den „tra skapu” a no Krestes brada.—Yoh 10:16; Mt 25:32, 40
Furu sma e kon makandra now fu tan libi na grontapu.—Opb 7:9, 15-17
Tra sma o kisi wan opobaka fu libi na grontapu.—Opb 20:12; 21:4
28. Libi (Sili), Yeye, Santa Yeye
A. Libisma no abi wan sani na ini den skin di no e dede èn di yu no man si
Gado gi libi [Hebrewtongo, nefesj; Grikitongo, psuke] na libisma nanga meti.—Ge 2:7; 1Kor 15:45; Opb 16:3; Moro sani nr. 8
B. San na a yeye
Na a libikrakti na ini a skin fu libisma nanga meti.—Yak 2:26
Libisma nanga meti abi a srefi yeye noso libikrakti.—Pr 3:19-21
C. San e pasa nanga a yeye te wan sma dede
Te wan sma dede, a e tron doti baka èn en yeye noso libikrakti e go baka na Gado.—Ge 3:19; Ps 146:4; Yob 34:14, 15
Gado wawan kan gi wan sani libikrakti, so taki a kon na libi.—Ese 37:12-14
D. San na a santa yeye
Na a krakti fu Gado di a e gebroiki fu du sani; a no wan sma.—Tor 2:2, 3, 33; Yoh 14:17
Gado gebroiki en fu meki sani, fu meki sma skrifi Bijbel èn fu du tra sani.—Ge 1:2; Ese 11:5
Sma e gebore fu a yeye, Gado gebroiki en yeye fu salfu sma èn fu meki sma tron wan pisi fu Krestes skin.—Yoh 3:5-8; 2Kor 1:21, 22
Na ini a ten disi a e gi a pipel fu Gado krakti èn a e tiri den.—Ga 5:16, 18
29. Lusu-paiman
A. Yesus gi en libisma libi leki wan „lusu-paiman gi ala sma”
Yesus gi en libi leki wan lusu-paiman.—Mt 20:28
Yesus brudu warti nofo fu sma kisi pardon fu sondu.—Heb 9:14, 22
Wán ofrandi ben nofo fu puru sondu fu ala ten.—Ro 6:10; Heb 9:26
Wi no kan kisi wini sondro fu du wan sani; wi musu bribi na ini a lusu-paiman.—Yoh 3:16
B. A pai nanga wan sani di ben warti a srefi leki a sani di ben lasi
Adam no ben abi sondu di Gado meki en.—De 32:4; Pr 7:29; Ge 1:31
A meki taki ensrefi, en pikin nanga en bakapikin kisi sondu.—Ro 5:12, 18
Nowan pikin noso bakapikin ben man puru sondu; soso wan sma leki Adam ben kan du dati.—Ps 49:7; De 19:21
A libisma libi fu Yesus di no ben abi sondu ben de wan lusu-paiman.—1Ti 2:5, 6; 1Pe 1:18, 19
30. Memrefesa (Avondmaal fu Masra), Mis
A. O ten èn fa a Memrefesa musu hori
A e hori wán tron wán yari na a dei di a Paskafesa ben e hori.—Lu 22:1, 17-20; Eks 12:14
A e memre sma taki Krestes dede fu gi en libi leki wan srakti-ofrandi.—1Kor 11:26; Mt 26:28
Den sma di abi a howpu fu libi na hemel, e nyan èn dringi.—Lu 22:29, 30; 12:32, 37
Fa wan sma sabi taki a abi a howpu disi.—Ro 8:15-17
B. Bijbel no e taki fu Mis
Brudu de fanowdu fu man kisi pardon fu sondu.—Heb 9:22
Krestes wawan na a Mindriman fu a nyun frubontu.—1Ti 2:5, 6; Yoh 14:6
Krestes de na hemel; a no wan priester tyari en kon na grontapu.—Tor 3:20, 21
A no de fanowdu taki Krestes e gi en libi ibri tron baka leki wan srakti-ofrandi.—Heb 9:24-26; 10:11-14
31. Moksi nanga tra bribi
A. Gado no wani taki wi moksi nanga tra bribi
Wán tru pasi nomo de, a smara èn wan tu sma nomo e feni en.—Ef 4:4-6; Mt 7:13, 14
Wi kisi a warskow taki falsi leri kan pori wi.—Mt 16:6, 12; Ga 5:9
Wi kisi a komando fu no moksi nanga tra bribi.—2Ti 3:5; 2Kor 6:14-17; Opb 18:4
B. A no tru taki Gado feni ala bribi bun fu di „den alamala abi wan bun sani”
Son sma de fayafaya fu dini Gado, ma den no e du dati soleki fa Gado wani.—Ro 10:2, 3
Takrudu e pori ala tra sani di ben kan de bun.—1Kor 5:6; Mt 7:15-17
Falsi leriman e tyari pori kon.—2Pe 2:1; Mt 12:30; 15:14
Te wi wani anbegi Gado na wan soifri fasi, wi musu anbegi en wawan.—De 6:5, 14, 15
32. Ogridu, Problema na grontapu
A. Suma e meki problema de na grontapu
A takru fasi fa sma e tiri e meki taki a ten disi ogri.—Odo 29:2; 28:28
A tiriman fu grontapu na a feanti fu Gado.—2Kor 4:4; 1Yh 5:19; Yoh 12:31
Na Didibri e tyari problema kon; en ten syatu.—Opb 12:9, 12
Den o tai Didibri; baka dati ala sani o waka bun.—Opb 20:1-3; 21:3, 4
B. Fu san ede Gado gi pasi taki ogri de
Didibri ben taki dati libisma no ben o tan gi yesi na Gado ala ten.—Yob 1:11, 12
Sma di lobi Gado e kisi na okasi fu sori taki den wani gi yesi na Gado ala ten.—Ro 9:17; Odo 27:11
A krin taki Didibri na wan leiman; a musu kon na krin suma abi leti.—Yoh 12:31
Sma di tan gi yesi na Gado o kisi têgo libi leki pai.—Ro 2:6, 7; Opb 21:3-5
C. A kaba no kon ete, fu di Gado abi sari-ati nanga sma
Neleki na ini a ten fu Noa, ten de fanowdu fu warskow sma.—Mt 24:14, 37-39
Gado no e draidrai fu du sani, ma a abi sari-ati.—2Pe 3:9; Yes 30:18
Bijbel e yepi wi fu de na ai, so taki a kaba no e kon na wi tapu wantronso.—Lu 21:36; 1Te 5:4
Nownowde wi musu suku san Gado gi wi fu kibri wi.—Yes 2:2-4; Sef 2:3
D. Libisma no o tyari lusu kon gi den problema na grontapu
Libisma e frede srefisrefi èn den e bruya.—Lu 21:10, 11; 2Ti 3:1-5
A no libisma, ma na Gado Kownukondre o tyari wan lusu kon.—Da 2:44; Mt 6:10
Efu wi wani libi, dan nownow kaba wi musu suku fu libi na wan fasi di a Kownu feni bun.—Ps 2:9, 11, 12
33. Opobaka
A. Howpu gi dede sma
Ala sma di de na ini den grebi o opo baka.—Yoh 5:28, 29
Na opobaka fu Yesus na wan dyaranti taki disi o pasa trutru.—1Kor 15:20-22; Tor 17:31
Sma di sondu teige a yeye no o kisi wan opobaka.—Mt 12:31, 32
Den sma di abi bribi kan de seiker taki den o kisi wan opobaka.—Yoh 11:25
B. Sma o kisi opobaka fu libi na hemel noso na grontapu
Adam meki taki ala sma e dede; Yesus kan meki den kisi libi.—1Kor 15:20-22; Ro 5:19
Den sma di o kisi wan opobaka o abi difrenti skin.—1Kor 15:40, 42, 44
Den sma di o de nanga Yesus, o de leki en.—1Kor 15:49; Fp 3:20, 21
Den sma di no o tiri o de na grontapu.—Opb 20:4b, 5, 13; 21:3, 4
34. Popki
A. Gado e kisi syen te sma e gebroiki prenki, popki noso tra sani fu anbegi en
Sma no man meki wan sani di gersi Gado.—1Yh 4:12; Yes 40:18; 46:5; Tor 17:29
Kresten kisi a warskow fu no gebroiki popki fu anbegi Gado.—1Kor 10:14; 1Yh 5:21
Sma musu anbegi Gado nanga yepi fu a santa yeye èn nanga yepi fu san tru.—Yoh 4:24
B. Israelsma dede di den go anbegi popki
Den Dyu no ben musu anbegi popki.—Eks 20:4, 5
Popki no man yere èn taki; den sma di e meki den o kon de neleki den.—Ps 115:4-8
A de wan trapu; a e tyari pori kon.—Ps 106:36, 40-42; Yer 22:8, 9
C. Wi no kisi primisi fu anbegi Gado na wan tra fasi
Gado no wani kwetikweti taki wi anbegi tra sma noso tra sani, boiti en wawan.—Yes 42:8
Gado na a wan-enkri „sma di e arki begi”.—Ps 65:1, 2
35. Preiki
A. Ala Kresten musu preiki èn fruteri sma a bun nyunsu
Efu den wani taki Gado feni den bun, den musu sori ala sma taki den e bribi na ini Yesus.—Mt 10:32
Den musu du san a Wortu e taki èn den musu sori taki den abi bribi.—Yak 1:22-24; 2:24
Den nyun sma musu tron leriman tu.—Mt 28:19, 20
Te wi e preiki gi ala sma, dan wi o kisi frulusu.—Ro 10:10
B. Ibri tron baka wi musu go na den sma èn wi musu tan preiki
Wi musu warskow sma taki a kaba o kon.—Mt 24:14
Furu yari langa, Yeremia ben taigi sma taki a kaba fu Yerusalem ben o kon.—Yer 25:3
Neleki den fosi Kresten, wi no kan tapu nanga a preikiwroko.—Tor 4:18-20; 5:28, 29
C. Wi musu preiki, so taki wi no kisi brudu-paiman
Wi musu warskow sma taki a kaba de krosibei.—Ese 33:7; Mt 24:14
Efu wi no e du dati, wi o kisi brudu-paiman.—Ese 33:8, 9; 3:18, 19; Tor 18:6
Paulus no ben abi brudu-paiman; a ben taki ala san tru.—Tor 20:26, 27; 1Kor 9:16
A sma di e preiki èn a sma di e arki o kisi frulusu.—1Ti 4:16; 1Kor 9:22
36. Sabat
A. Kresten no abi fu hori Sabat-dei
Di Yesus dede, sma no ben abi fu hori a Wèt moro.—Ef 2:15
Kresten no abi fu hori Sabat-dei.—Kol 2:16, 17; Ro 14:5, 10
Kresten ben kisi piri-ai di den hori Sabat-dei, nanga tra fesa.—Ga 4:9-11; Ro 10:2-4
Te wan sma abi bribi èn a e gi yesi na Gado, dan a o rostu leki Gado.—Heb 4:9-11
B. Soso den Israelsma fu owruten ben musu hori Sabat
A fosi leisi di den Israelsma hori Sabat ben de baka di den gowe libi Egepte.—Eks 16:26, 27, 29, 30
A ben de wan spesrutu seti gi den Israelsma wawan.—Eks 31:16, 17; Ps 147:19, 20
A Wèt ben taki dati den ben musu hori Sabat-yari tu.—Eks 23:10, 11; Le 25:3, 4
Kresten no abi fu hori Sabat-dei.—Ro 14:5, 10; Ga 4:9-11
C. A Sabat-dei di Gado rostu (a di fu seibi dei fu a „wiki” di a meki sani)
A sabat-dei disi bigin di Gado kaba meki sani na grontapu.—Ge 2:2, 3; Heb 4:3-5
A sabat-dei disi ben de ete baka a ten di Yesus ben de na grontapu.—Heb 4:6-8; Ps 95:7-9, 11
Kresten e rostu fu den eigi wroko.—Heb 4:9, 10
A sabat-dei disi o kaba te a Kownukondre kaba du sani gi grontapu.—1Kor 15:24, 28
37. Sondu
A. San na sondu
Na te wan sma no e gi yesi na den wèt fu Gado noso na den gronprakseri fu en di bun srefisrefi.—1Yh 3:4; 5:17
Fu di na Gado meki libisma, meki den musu gi en frantwortu.—Ro 14:12; 2:12-15
A Wèt sori san na sondu èn a meki sma kon sabi san na sondu.—Ga 3:19; Ro 3:20
Ala sma e sondu èn den no man de bun dorodoro leki fa Gado wani.—Ro 3:23; Ps 51:5
B. Fu san ede a sondu fu Adam meki ala sma pina
Ala sma kisi sondu nanga dede fu Adam.—Ro 5:12, 18
Fu di Gado abi sari-ati, meki a abi pasensi nanga libisma.—Ps 103:8, 10, 14, 17
A srakti-ofrandi fu Yesus e tapu sondu.—1Yh 2:2
Sondu nanga ala tra wroko fu Didibri no o de moro.—1Yh 3:8
C. A froktu di Adam nanga Eva no ben musu nyan, no ben de seks; den sondu fu di den trangayesi Gado
Fosi Gado meki Eva, a ben taigi Adam kaba taki a no musu nyan fu a bon.—Ge 2:17, 18
A ben taigi Adam nanga Eva fu meki pikin.—Ge 1:28
Den kisi pikin, fu di Gado blesi den; a no fu di den sondu.—Ps 127:3-5
Eva sondu di en masra no ben de nanga en; a no ben wakti Adam.—Ge 3:6; 1Ti 2:11-14
Adam di ben de na ede, ben trangayesi a wèt fu Gado.—Ro 5:12, 19
D. San na sondu teige a santa yeye (Mt 12:32; Mr 3:28, 29)
Disi a no a sondu di sma kisi fu Adam.—Ro 5:8, 12, 18; 1Yh 5:17
Wan sma kan meki a yeye sari, ma a kan kon bun baka.—Ef 4:30; Yak 5:19, 20
Te wan sma abi a gwenti fu du sondu fu espresi, a o dede.—1Yh 3:6-9
Gado e krutu so wan sma; a e puru en yeye na a sma tapu.—Heb 6:4-8
Wi no musu begi gi den sortu sma dati di no abi berow.—1Yh 5:16, 17
38. Spesrutu sani di pasa na ini a historia
A. 1914 (B.K.) kaba fu a ten fu sma di no de Dyu
Sensi 607 F.K., Gado no ben poti kownu moro fu tiri.—Ese 21:25-27
„Seibi pisi ten” ben musu pasa, fosi Gado ben o meki wan kownu fu en tiri baka.—Da 4:32, 16, 17
Seibi ten na a srefi leki tu tron dri nanga afu ten, noso tu tron 1260 dei.—Opb 12:6, 14; 11:2, 3
Wán dei e teri gi wán yari [dati na 2520 yari].—Ese 4:6; Nu 14:34
Sani ben o tan so teleki a Kownukondre bigin tiri.—Lu 21:24; Da 7:13, 14
39. Te Krestes drai kon baka
A. Libisma no o si te Krestes drai kon baka
A taigi den disipel taki grontapu no o si en moro.—Yoh 14:19
Soso den disipel si di a go na hemel; na so a ben o de tu te a ben o drai kon baka.—Tor 1:6, 10, 11
A de na hemel; a de wan yeye di sma no man si.—1Ti 6:14-16; Heb 1:3
A ben o drai kon baka nanga a makti fu tiri a hemel Kownukondre.—Da 7:13, 14
B. Den sani di ben o pasa ben o meki sma sabi taki Krestes drai kon baka
Den disipel ben aksi en wan marki di ben o sori taki a kon.—Mt 24:3
Kresten „e si” taki a kon, fu di den e frustan a marki.—Ef 1:18
Furu sani di e pasa e sori taki a kon.—Lu 21:10, 11
Den feanti o „si” dati te a pori o kon.—Opb 1:7
40. Trowlibi
A. A trowlibi musu de wan lespeki sani
Wi kan teki en gersi nanga a fasi fa Krestes de nanga en trowmisi.—Ef 5:22, 23
A trowlibi musu de krin.—Heb 13:4
Trowpaar e kisi a rai fu no prati.—1Kor 7:10-16
Bijbel e taki dati porneya na a wan-enkri sani di kan gi sma a reti fu broko a trow.—Mt 19:9; Moro sani 12
B. Kresten musu lespeki a seti taki a masra na a ede fu na osofamiri
A masra na a ede fu na osofamiri, a musu lobi den èn a musu sorgu gi den.—Ef 5:23-31
A wefi musu saka ensrefi, a musu lobi en masra èn gi yesi na en.—1Pe 3:1-7; Ef 5:22
Pikin musu gi yesi.—Ef 6:1-3; Kol 3:20
C. A frantwortu fu Kresten papa nanga mama
Den musu sori taki den lobi den pikin, den musu abi ten gi den èn den musu poti prakseri na den.—Tit 2:4
Den no musu tanteri den pikin.—Kol 3:21
Den musu sorgu gi den èn den musu leri den sani di abi fu du nanga Gado.—2Kor 12:14; 1Ti 5:8
Den musu leri den sani di den kan gebroiki den heri libi langa.—Ef 6:4; Odo 22:6, 15; 23:13, 14
D. Kresten musu trow soso nanga Kresten
Den musu trow soso „nanga wan sma di de wan bakaman fu Masra”.—1Kor 7:39; De 7:3, 4; Ne 13:26
E. Bijbel no e gi sma primisi fu abi moro leki wán wefi noso moro leki wán masra
Na ini a bigin, wan man ben musu abi wán wefi nomo.—Ge 2:18, 22-25
Yesus sori Kresten taki den musu libi leki fa Gado ben seti sani biginbigin.—Mt 19:3-9
Den fosi Kresten no ben abi moro leki wán wefi noso moro leki wán masra.—1Kor 7:2, 12-16; Ef 5:28-31
41. Yehovah, Gado
A. A nen fu Gado
Sma e gebroiki a wortu „Gado” gi difrenti sani; wi Masra abi en eigi nen.—1Kor 8:5, 6
Wi e begi taki a nen fu en musu de santa.—Mt 6:9, 10
Yehovah na a nen fu Gado.—Ps 83:18; Eks 6:2, 3; 3:15; Yes 42:8; Mt 4:10; Opb 15:3
A nen na ini tra Bijbel—DB: Eks 6:2; Ps 83:19; Yes 12:2; 26:4. NT: Ps 81:11; Mr 12:29, 36
Yesus ben fruteri sma san na Gado nen.—Yoh 17:6, 26; 5:43; 12:12, 13, 28
B. Gado de trutru
Sma no man si Gado èn tan na libi.—Eks 33:20; Yoh 1:18; 1Yh 4:12
A no de fanowdu taki wan sma musu si Gado, fosi a kan bribi.—Heb 11:1; Ro 8:24, 25; 10:17
Wi kan kon sabi Gado te wi e luku den sani di a meki.—Ro 1:20; Ps 19:1, 2
Den profeititori di kon tru e buweisi taki Gado de.—Yes 46:8-11
C. Den fasi fu Gado
Gado na lobi.—1Yh 4:8, 16; Yes 63:9; 2Kor 13:11; Ro 8:38, 39
A koni pasa marki.—Yob 12:13; Ro 11:33; 1Kor. 2:7
A lobi retidu èn a e du san reti.—De 32:4; Ps 37:28
A abi ala makti nanga ala krakti.—Yob 37:23; Opb 7:12; 4:11
D. A no ala sma e dini a srefi Gado
A no te wan sani gersi leki a bun, dan a bun trutru.—Odo 16:25; Mt 7:21
Tu pasi de, ma wán nomo e tyari sma go na libi.—Mt 7:13, 14; De 30:19
Furu gado de, ma soso wán tru Gado de.—1Kor 8:5, 6; Ps 82:1
Fu man tan na libi, a prenspari srefisrefi fu sabi a tru Gado.—Yoh 17:3; 1Yh 5:20
42. Yehovah Kotoigi
A. Fa Yehovah Kotoigi bigin
Yehovah srefi e taki suma na en kotoigi.—Yes 43:10-12; Yer 15:16
A fosi kotoigi di tan gi yesi na Gado ben de Abel.—Heb 11:4, 39; 12:1
Yesus ben de a kotoigi di de fu frutrow.—Yoh 18:37; Opb 1:5; 3:14
43. Yesus
A. Yesus na a Manpikin fu Gado èn a sma di a poti leki Kownu
A de a fosiwan di Gado meki; Gado gebroiki en fu meki ala tra sani.—Opb 3:14; Kol 1:15-17
A ben tron wan libisma di wan uma meki èn a ben kon moro lagi leki den engel.—Ga 4:4; Heb 2:9
Gado yeye ben de na en tapu èn a ben o go na hemel.—Mt 3:16, 17
Gado poti en moro hei leki fa a ben de fosi a tron wan libisma.—Fp 2:9, 10
B. Fu man kisi frulusu, a prenspari srefisrefi fu bribi na ini Yesus Krestes
Krestes na a bakapikin fu Abraham di Gado ben pramisi.—Ge 22:18; Ga 3:16
Yesus wawan na Granpriester èn a lusu-paiman.—1Yh 2:1, 2; Heb 7:25, 26; Mt 20:28
Wi kan kisi libi te wi sabi Gado nanga Krestes èn te wi e gi yesi na den.—Yoh 17:3; Tor 4:12
C. Wi musu du moro leki fu bribi nomo na ini Yesus
Wi musu du sani di e sori taki wi abi bribi.—Yak 2:17-26; 1:22-25
Wi musu gi yesi na den komando èn du a wroko di Yesus ben du.—Yoh 14:12, 15; 1Yh 2:3
A no ala sma di e gebroiki a nen fu Masra o go na ini a Kownukondre.—Mt 7:21-23